البرنامج من تقديم نسيرين – افتراضاً – و قدور؛ و يشارك بالاستماع و الغناء كل من:
فرفور؛ عصام محمد نور؛ اسرار؛ عاصم البنا؛ و نادر خضر.
Post: #18 Title: Re: أبو الكلام Author: انعام عبد الحفيظ Date: 09-26-2006, 02:40 AM Parent: #5
ملاسي
انا حضرت الاولى والتانية
وقلت لو في التالتة نسرين لسه مستمعة
احسن يقولوا البرنامج ده من تقديم السر قدور
Post: #7 Title: Re: أبو الكلام Author: omar ali Date: 09-24-2006, 12:40 PM Parent: #1
شنو يا حسين ..الظاهر عليك داير تطلع جواز سفر جديد
Post: #9 Title: Re: أبو الكلام Author: عاطف محمد أحمد زكريا Date: 09-24-2006, 01:02 PM Parent: #7
الاخ ملاسى تحياتى لقد شاهدت البرنامج ورغم احترامى لهذا الرجل الموسوعة الاستاذ السر احمد قدور الا اننى امتعضت مثلك تماما من تغوله على حق المذيعة فى ادارة الحوار واندهشت لاستسلامهارغم انها من المذيعات الناضجات اعتقد ان الامر يرجع لفارق السن والخبرة بين السر قدور وضيوف البرنامج والمذيعهة للحد الذى جعله يقاطعهاقائلا (دقيقة يا ست البنات ) مسترسلا دون تبذل هى اى مجهود لاستلام دفة الحوار وعلى الرغم من ذلك اعتقد انها كانت حلقة مميزة ومثمرة مع ودى
Post: #8 Title: Re: أبو الكلام Author: نيازي مصطفى Date: 09-24-2006, 12:53 PM Parent: #1
Quote: كنت أظن أن سعادة الفريق عمر قدور هو أكلم سوداني!
Post: #17 Title: Re: أبو الكلام Author: خالد Date: 09-25-2006, 11:33 PM Parent: #16
Quote: فتيقنت أن السر قدور هو أكلم سوداني!!
وأسخر!
Post: #19 Title: Re: أبو الكلام Author: محمد المرتضى حامد Date: 09-26-2006, 05:17 AM Parent: #17
حسين .. كل رمضان وانت والأسرة بخير
في شأن الموضوع أعلاه ، كان من الأمثل أن يقدم قدور الحلقات كلها لأنه يملك كل المفاتيح والأختام . قال لي صديق : ان الحلقات الأولى قمة في المحافظة وان القادم من الحلقات سيكون أكثر ادهاشا.
Post: #20 Title: Re: أبو الكلام Author: mamkouna Date: 09-26-2006, 06:55 AM Parent: #1
والله و بالله - و حات نهار رمضان - يا ملاسي كان ما كلامك ده.. أنا كنت متأكدة إنو البرنامج من تقديم السر أحمد قدور و نسرين سوركتي...
أتاريهو الراجل..ضيف..!!! _____________________
رمضان كريم و تصومو و تفطرو على خير تحياتي لأسرتك العزيزة.
Quote: قال لي صديق : ان الحلقات الأولى قمة في المحافظة وان القادم من الحلقات سيكون أكثر ادهاشا.
غايتو يا مرتضى لو ما نزل في الجماعة بالعكاز ما أظن يكون في إدهاش اكتر من الحاصل دا!!
Post: #24 Title: Re: أبو الكلام Author: محمد المرتضى حامد Date: 09-26-2006, 03:23 PM Parent: #23
Quote: غايتو يا مرتضى لو ما نزل في الجماعة بالعكاز ما أظن يكون في إدهاش اكتر من الحاصل دا!!
والله (صديقي) قرا كلامك ده وياهو قاعد جنبي وقال ليك كلامك ده قريب من الصاح لكن بالشكل الأيجابي ضحك وقرقرابه وتوقيف تصوير عدة مرات ، بس انتظر الجاي. خليك قريب.
- دي حيغنيها عصام - غني لينا دي يا اسرار - حنسمع دي من عصام
+
- أهلاً بيكم في حلقة جديدة من (( أغاني و أغاني )) و... - إلى اللقاء في الجلسة الجاية. ____________________________________________________
رُفعت الجلسة!
Post: #29 Title: Re: أبو الكلام Author: محمد المرتضى حامد Date: 09-28-2006, 04:45 AM Parent: #28
حسين ياخ البرنامج ده أصلو مقصود منّو انو يكون كدا.
Post: #30 Title: Re: أبو الكلام Author: Hussein Mallasi Date: 09-28-2006, 05:05 AM Parent: #29
المشكلة يا مرتضى انو يكون "مقصود منّو انو يكون كدا" الان فقط استطيع أن أتفهم مرارة التهميش الذي يعاني منه معظم وزراء الحركة الشعبية في حكومة الوحدة الوطنية!!
Post: #31 Title: Re: أبو الكلام Author: محمد المرتضى حامد Date: 09-28-2006, 05:27 AM Parent: #30
Quote: الان فقط استطيع أن أتفهم مرارة التهميش الذي يعاني منه معظم وزراء الحركة الشعبية في حكومة الوحدة الوطنية!!
بس ياحسين الفرق انو ناس الأنقاذ ما حصل جابو ليهم (ضيف) وخلّوهو يشيل منهم (الدريكسون) زي ماعملت نسرين.
Post: #32 Title: Re: أبو الكلام Author: Hussein Mallasi Date: 09-28-2006, 09:24 AM Parent: #31
سلامات يا ممكونة لو الغياب كان استمر اكتر من كدا؛ لتوكلت على الحي الذي لا يموت و ذهبت متفقداً الأحوال في سودانيات!
Post: #33 Title: Re: أبو الكلام Author: مهدى الصادق السيد Date: 09-28-2006, 01:02 PM Parent: #1
سى حس برنامج جميل جدا ورائع شفت السر دا مدهش كيف كشف كل الهنابيل الاعلامية الطالعة فى الكفر الجميل فى البرنامج انو معتق يعنى لى ناس السودان فقط ................... الىهنا يجب على الضيوف الاستماع والانصات واغلاق الموبايلات والى حلقة الغد نحن فى الانتظار
بعد مرور تسعة حلقات من (( أغاني و أغاني )) أستطيع أن أؤكد أن السر أحمد قدور هو أحسن مُقدم برامج.. و أحسن من يتحدث عن شعر و أغاني الحقيبة...
نحن- حقيقي - مستمتعين بالحلقات..
Post: #35 Title: Re: أبو الكلام Author: Hussein Mallasi Date: 10-02-2006, 03:05 AM Parent: #34
فعلاً الحلقات ممتازة؛ و كان ممكن تكون ممتازة جداً لو قلل فرفور من الحركات شوية؛ و لو تم توقيع الأغنيات و مطالعها مع الفرقة الموسيقية.
Post: #36 Title: Re: أبو الكلام Author: ملكة سبأ Date: 10-02-2006, 03:34 AM Parent: #35
رمضان كريم ملاسي
شفت آخر مداخلة ليك الليلة الصباح في البوست وكان عندي احساس قوي اني ح القاك معلق على كلام قدور عن تجميل نسرين للتوب مثلا
بالجد البرامج حلو بكل تلقائيته
لكن! رايكم شنو في طوّل بالك
انا غايتو غلبني اطول بالي
Post: #37 Title: Re: أبو الكلام Author: Hussein Mallasi Date: 10-02-2006, 03:40 AM Parent: #36
Quote: شفت آخر مداخلة ليك الليلة الصباح في البوست وكان عندي احساس قوي اني حالقاك معلق على كلام قدور عن تجميل نسرين للتوب مثلا
غايتو لو كنت طولتي بالك شوية!!
Post: #38 Title: Re: أبو الكلام Author: Tabaldina Date: 10-02-2006, 07:09 AM Parent: #37
.. . غايتو انحنا مطولين بالنا عشان نقة السر قدور دى خصوصا ابحاره فى اشعار الحقيبة
رمضان كريم للجميع ومعاهم نسرين؛
Post: #118 Title: Re: أبو الكلام Author: Manar Mahsoub Date: 10-09-2006, 02:03 AM Parent: #35
(فعلاً الحلقات ممتازة؛ و كان ممكن تكون ممتازة جداً لو قلل فرفور من الحركات شوية؛ و لو تم توقيع الأغنيات و مطالعها مع الفرقة الموسيقية.)
الاستاذ ملاسى رمضان كريم حلقات اغانى اغانى اكثر من رائعة و اجمل مافيها كلام السر قدور الكثير ... حلقات تلقائية جدا و المجموعة كلها حلوة للغاية و بتتعامل بطبيعتها شديد و اذا كان حصل توقيع مسبق مع الفرقةالموسيقية كانت حتفقد حلاوتها..المجموعة منسجمة جدا و اختيار موفق للمجموعة .. اغانى ..اغانى حلقات مميزة و متفردة عشان كده مااتصفت بصفات البرامج التقليدية انو يكون فى مقدم برنامج و ضيوف ... اغانى اغانى خرج عن هذه الدائرة و عمل لنفسه مذاق خاص كل الموجودين مقدمين برنامج و فنانين و عازفين و شعراء و كلو فى كلو ...بس بطريقة متفردة جدا التحية و الاجلال للسر قدور الرجل الموسوعة فى مجال الشعر و اغنيات الحقيبة و لنسرين و لمبدع الحقيبة عاصم البنا و فرفور بصوته الجميل و نادر خضر بادائه المتميز و عصام محمد نور بصوته الحنين الدافىء .. اما اسرار فصوتها ملىء بالاسرار دى صوتها رهيبببببب ... التحية ليهم جميعا و رمضان كريم
Post: #39 Title: Re: أبو الكلام Author: mamkouna Date: 10-02-2006, 09:00 AM Parent: #1
Quote: كان عندي احساس قوي اني حالقاك معلق على كلام قدور عن تجميل نسرين للتوب مثلا
الملكَة أم عجَن.. ما فضل ليهو إلا يقول كما قال سجيمان...
نسرين..أحلى من القمردين..!!!
Post: #40 Title: Re: أبو الكلام Author: محمد المرتضى حامد Date: 10-02-2006, 06:24 PM Parent: #39
Quote: فعلاً الحلقات ممتازة؛ و كان ممكن تكون ممتازة جداً لو قلل فرفور من الحركات شوية؛ و لو تم توقيع الأغنيات و مطالعها مع الفرقة الموسيقية
أخي الأستاذ حسين ملاسي تحية رمضانيه وكل عام وأنتم بخير أطلعني أخي محمدالمرتضى على هذا الموضوع ووددت توضيح بعض الاشياء املا ان تلقى عندك الاستحسان بما انى اوافقك الراى فى كونها ان كانت مرتبه بشكل افضل لوجدت مكانة بين البرامج التاريخية ولكن فكرة البرنامج مجسمة فى تلقائيتها وكاننا التقينا من نصف ساعة قبل التسجيل وفى الحلقات القادمة ستشاهد بعض التعديل من الاستاذ السر قدور وتوقيف التسجيل بى شكله بيننا وده روح التلقائية التى قصدها المعد مع انى لم الاحظها حتى الان . لك احترامى وتقديرى اخوك: عاصم البنا مسقط فى تاريخه
Quote: فعلاً الحلقات ممتازة؛ و كان ممكن تكون ممتازة جداً لو قلل فرفور من الحركات شوية؛
حلقة اليوم كانت ممتعة...تمتعنا خلالها بذكريات (( السر قدور )) و البعثة الفنية في جنوب السودان و إصرار الراحل (( حسن عطية )) على غناء أغنية واحدة فقط. حاولت (( نسرين )) أن تتداخل كذا مرة لكنها لم توفق..لأنها كانت بتتدخل في لحظة الحبكة الدرامية للقصة و بدا تدخلها نشاز و مشتت لأفكار السر قدور و مثير لأعصابه أيضاً.
كان من الممكن أن تكون الجلسة ممتاااااااازة جداً لولا إنو قميص فرفور و بدلة عصام محمد نور عملوا لي عشى ليلي....!!!
Post: #42 Title: Re: أبو الكلام Author: Hussein Mallasi Date: 10-03-2006, 03:24 AM Parent: #41
Quote: قال لي صديق : ان الحلقات الأولى قمة في المحافظة وان القادم من الحلقات سيكون أكثر ادهاشا.
وضح - أخيراً - يا مرتضى انو صديقك مصدر موثوق جداً و فنان جداً جداً
سلامات يا عاصم و كل سنة و انت طيب؛ فعلاً إن كانت التلقائية مقصودة فقد بدت الحلقات تلقائية للغاية؛ و كأن الجميع يجلس في صالون السر قدور في البيت.
الحلقات حرمتني من الإفطار خارج المنزل؛ فقد استغني معظم الناس عن الاريال لصالح الأطباق الفضائية.
و كدي سؤال على الماشي كدا؛ الم تسبب لكم كثرة الحلقات ضغطاً لجهة إيجاد ملابس تكفي للظهور في كل هذه الحلقات؛ عمك السر مرق نفسو من الورطة دي من يوموا الحكى حكايتو مع علي شمو.
أتمنى ألا يكون غياب نسرين عن حلقة اليوم غياب مؤقت!!
Post: #44 Title: Re: أبو الكلام Author: صباح احمد Date: 10-03-2006, 12:29 PM Parent: #43
فى واحد ياملاسى يجيرك الله..يقول للسر قدور دة انت منو نضام نضم شديد خلاس والله فى كدى يوم ما ادانا اى فرصة نتكلم معاهو استلم المجلس وهاك يا نضم والجماعة يعاينوا لى واحد صاحبنا ويضحكوا لانو الزول دة غلبه عديل وصاحبنا داك كان زول خترى فى الكلام.. اها صاحبنادةمالقى فيهو فرصة الا لمن سكت عشان يتف ولامؤاخذة اها من ديك وعيييك لى يوم الله ما اداهو فرصة يتم كلامو
الواحد الليلة قدر يستمتع بالكلام و الغنا تمام؛ الظاهر انو وجود نسرين كان متنشن بالزول؛ اسه حتتكلم اسه حيسكتها يا الله حتلقى ليها فرصة تقول كلمتين معقول الحلقة كلها ما تقول حاجة .... .... ____ مما كان يفقدني التركيز!!
إنت أخو وليد حامد و الرشيد حامد و لا.. أخو هشام حامد و سناء حامد..
إذا كانت الإجابة..لا هذا و لا ذاك.. فعذراً.. الظاهر ده مرض حامد !!!! تقديري الشديد
Post: #51 Title: Re: أبو الكلام Author: محمد المرتضى حامد Date: 10-03-2006, 04:12 PM Parent: #50
ياممكونه.. انتي متمكنه و (نقّاره) بفتح النون. دي بمناسبة
Quote: إنت أخو وليد حامد و الرشيد حامد و لا..
وليد معي في مسقط والرشيد ده مرابط في السودان الجميل. بمناسبة (مرض حامد) انتي ممكونه مالك؟
ياحسين.. عاصم قال ليك عندو مداخله طويلة ليك أديهو دقايق وجاييك.
Post: #52 Title: Re: أبو الكلام Author: محمد المرتضى حامد Date: 10-03-2006, 05:21 PM Parent: #51
Quote: شغل نضيف يا عاصم ياخي
أخي حسين شكرا على الأطراء وانشاالله مابتجامل في صاحبك مرتضى باقى قليبو رهيف ودايرلو تكالات .. الشوق والريد اغنية كل السودانين والمابعرف يغنى بعرف يغنى الشوق والريد زى دوها يا دوها .. اسالك عن الاستاذ شوقى اخبارو كيف الرجل الجميل واستاذ الاجيال له تحيتى عبركم شاكرا ... من الاغانى التى ادعوك الى حضورها بصفة خاصه اغنية المقرن فى الصباح وغالبا ماتكون فى اخر الحلقات .... واتمنى ان تنال اعجاب ذوقك الرفيع ... ياغايب عن العين انت موجود فى عينى الاتنين.... بمناسبة الهدوم ماخلينا مكوجى ما اجرنا منو ,,,,,, بعدين عمك السر قدور بغير الكرفته بس والراجل يتكلم معاهو طوالى بحمِّر ليهو عيونو.... وفى نكته خطيره غالبا حايحكيها ليك مرتضى أو لما نتلاقى بعد اذاعة الحلقة من السودان عشان ما ابوظ عليكم الحلقة .. الامارة ... بنبكى فيها بالضحك انا وفرفور.... لى تعليق بعدها خاص جدا ... لك تقديرى.
عشان أوريك أنا (( ممكونة )) من شنو ..ح أحتاج لحلقات أطول من حلقات (( أغاني و أغاني )).... و ... جلسة ما منظور مثيلها... جلسة ما (( ممكون )) مثيلها..!!
تحياتي لكل الأسرة الكريمة و أخص بالسلام الصديقات العزيزات دكتورة إيمان و دكتورة رشيدة.
Post: #73 Title: Re: أبو الكلام Author: محمد المرتضى حامد Date: 10-05-2006, 04:22 AM Parent: #55
Quote: تحياتي لكل الأسرة الكريمة و أخص بالسلام الصديقات العزيزات دكتورة إيمان و دكتورة رشيدة.
تعرفي ياممكونه مافي شي بجهجهني في البورد ده غير مداخلات الجنس اللطيف اللي كاتب اسمو بالكامل فما بالك باللي (شغال) بالأسم (الحركي) أو ب (اللغم) زي ناس المنظمة. انشاءالله السلام يصل لشقيقاتي لكن معقول أقول ليهم ممكونة بتسلم عليكم ؟ ممكونه كده حاف؟ أكيد حايقولوا لي ياتا فيهن؟
Post: #85 Title: Re: أبو الكلام Author: mamkouna Date: 10-06-2006, 06:33 AM Parent: #73
Quote: تعرفي ياممكونه مافي شي بجهجهني في البورد ده غير مداخلات الجنس اللطيف اللي كاتب اسمو بالكامل فما بالك باللي (شغال) بالأسم (الحركي) أو ب (اللغم) زي ناس المنظمة. انشاءالله السلام يصل لشقيقاتي لكن معقول أقول ليهم ممكونة بتسلم عليكم ؟ ممكونه كده حاف؟ أكيد حايقولوا لي ياتا فيهن؟
ما تتجهجه يا محمد المرتضى.. أنا ح أتصل ب إيمان أو رشيدة.. و ح يوروك أنا ياتو (( لغم )) فيهن..!!
أرقد عافية ممكونة حاااااف كده
Post: #56 Title: Re: أبو الكلام Author: ملكة سبأ Date: 10-04-2006, 04:02 AM Parent: #1
Quote: الملكَة أم عجَن.. ما فضل ليهو إلا يقول كما قال سجيمان...
نسرين..أحلى من القمردين..!!!
اها امس يا ممكونة نسرين ريحت نفسها وريحتنا على قولة ملاسي
وبرقت عينا السر قدور وهو يقوم بأعباء سوركتي برفع الجلسة المامنظور مثيلها
Post: #57 Title: Re: بعد اذنك ممكونة Author: ملكة سبأ Date: 10-04-2006, 04:16 AM Parent: #56
انشاءالله ، لما يصحا ، بس يا(ملكة سبأ) عاصم بطريقتو دي (أم احمد) يوم بتلحّقو (سدمأرب).
Post: #60 Title: Re: بعد اذنك ممكونة Author: محمد المرتضى حامد Date: 10-04-2006, 08:44 AM Parent: #57
ياسلاااااااااام يا ملك المليك الفى سبا ... امتن قوافى واخصبا ...لى مدحو مافى مناسبه... شكرا ملكة الملوك وياصاحبة الجلاله على الاطراء وتقديرى لكم كبيرا
ولايهمك واثقين منك ناس محمد المرتضى ديل موساد
عاصم
Post: #59 Title: Re: أبو الكلام Author: haleem Date: 10-04-2006, 06:21 AM Parent: #1
ملاسي
السر قدور أمبارح قال نسرين مشغولة في استديو تاني..كدة ريحها..
رأيك شنو في الابتسامات البيوزعها أحمد المك (عازف العود)..
ويا عاصم
انت واسرار في غضبك جميل زي بسمتك...مبااااااااااااالغة
Post: #62 Title: Re: أبو الكلام Author: محمد المرتضى حامد Date: 10-04-2006, 09:05 AM Parent: #59
تعرف اسرار دى لو بطلت حركات وانا بقول كده لانى بحبها جدا كفنانه ... الحركات البقصدها عوقت سميره دونيا .... واتمنى انه ربنا يقدمها كل يوم زياده لانها جد فنانه
معليش ده راى شخصى لكن هو دعوه للنظر عن كثب منى لك
عاصم
Post: #63 Title: Re: أبو الكلام Author: Hussein Mallasi Date: 10-04-2006, 09:13 AM Parent: #62
سلامات يا حليم و رمضان كريم شنو ياخي مختفي كدا وين!!
ابتسامات احمد المك دي ما ابتسامات ساكت؛ دي ابتسامات معاها إيماءات ؛ فنسبة لعدم توقيع معظم الأغنيات مع الفنانين فالدخول يتطلب تنسيق بين الفرقة و المغني و هذا ما يقوم بع المك مصحوباً بالابتسامة التي نراها. _____ ايه رأيك في النظرية دي يا عاصم
Post: #70 Title: Re: أبو الكلام Author: محمد المرتضى حامد Date: 10-04-2006, 07:24 PM Parent: #63
تعرف ياملاسى ... احمد ده واحد من الناس القلائل الممكن كان يكون مغنى خطير جدا لو كان عنده صوت مامبحوح .... والبسمات دى لزوم البوست
تحياتى عاصم
Post: #64 Title: Re: أبو الكلام Author: abubakr Date: 10-04-2006, 09:49 AM Parent: #1
ياحسين ورطوني انت والمرتضي ببرنامجكم ده .. بعد ما قريت بوستك دة اكتشفت انو ال BN مش ضمن المجموعات المشترك فيها ولا المشترك فيها ولدي فطلبت من ارت الاشتراك جابولي خمسين محطة كرتون ووووو وBN فصار ضياء ولدي مستولي علي تلفزيوني وخلي حقو وانا ما عارف اسوي شنو واشوف البرنامج متيين والا اقفل التلفزيون متيين.. مرة وحيدونه لحقت جزء ولقيت واحد دموعو خانقاه فتاثرت وبكيت معاه .. ومرة طلع الشف اسامة فعجبني ( ياحسين دة ما تحيز ) اصلي حكاية الطبيخ دي هواية وارث !.. اهو يالمرتضي اخوك جني الرطان قال يمكن يلحقلو ثقافة غنائية بتاعت ناس امدر عشان يقدر يناضم د.القرشي الشغلانة باظت وقاعد اشوف كرتون
ما معقول يا عصام ياخي؛ تلقاها منك و للا من عمك قدور!!
Post: #68 Title: Re: أبو الكلام Author: محمد المرتضى حامد Date: 10-04-2006, 06:54 PM Parent: #64
التحية لك اخى ابوبكر ... حدثنى عنك اخى محمد المرتضى اعجبتنى بعض مداخلاتك ... والطبيخ بقى فى ام در واحد من اهم اركان البيت الاساسية مع المراسيل وحياتك ... اهدى لك بقية الحلقا واتمنى ان تلاقى ذوقك
مع شكرى وتقديرى وفائق احترامى اخوك عاصم البنا مسقط
* أبدعتَ يا عاصم البنا في (( همسات من ضمير الغيب )) و أبدعت في (( الكَسرة )!!! * أبدعت أسرار في أغنية (( بلال تزورني مرة )) و بدا إعجاب عاصم البنا بصوتها و أداؤها جلياً واضحاً !!! * ما زال فرفور كثير الحركة...و ما زال قميصه المخطط مع الكنبة المخططة يذكروني ب فيلم (( عماشة في الأدغال ))...!!! * حلقة اليوم إمتداد لحلقة أول أمبارح و الدليل هو بدلة عصام محمد نور التى نافست بدلة شعبان عبد الرحيم و هو بيمسي ع السودان!!!
Quote: بدلة عصام محمد نور التى نافست بدلة شعبان عبد الرحيم و هو بيمسي ع السودان!!!
Post: #71 Title: Re: أبو الكلام Author: محمد المرتضى حامد Date: 10-04-2006, 07:34 PM Parent: #66
شكرا ياممكونه على الاطراء .... لكن شكلك ممكونه وصابره .... على فكره نسيت ان اعقب على سؤال ملاسى عن الهدوم .. فى الواقع تم تسجيل الحلقات فى فترة 6 ايام متتالية ... وكل 3 حلقات بى غيار ..... ولو كان كل حلقه بى غيار قطع شك كان تعرفنا عليك ياممكونه .. وممكونه من شنو لاننا كان لفينا السودان كلو ندق الابواب نشحد غيارات للجلسة
الله يحلك بالسلامه
اكرر شكرى اخوك عاصم البنا مسقط فى تاريخه رفعت الجلسه
Post: #74 Title: Re: أبو الكلام Author: mamkouna Date: 10-05-2006, 05:16 AM Parent: #71
Quote: شكرا ياممكونه على الاطراء .... لكن شكلك ممكونه وصابره .... على فكره نسيت ان اعقب على سؤال ملاسى عن الهدوم .. فى الواقع تم تسجيل الحلقات فى فترة 6 ايام متتالية ... وكل 3 حلقات بى غيار ..... ولو كان كل حلقه بى غيار قطع شك كان تعرفنا عليك ياممكونه .. وممكونه من شنو لاننا كان لفينا السودان كلو ندق الابواب نشحد غيارات للجلسة
الله يحلك بالسلامه
اكرر شكرى اخوك عاصم البنا مسقط فى تاريخه رفعت الجلسه
عاصم البنا شخشياً ....ما111ا1ا بصدقكم (( على طريقة عصام محمد نور )) . يا للسعادة و يا للهناء.. صحٌيت الممكون من النوم و صرخت في وشو بالخبر..قال لي.. ستين مرة قلت ليك رمضان ده وكت ما بتقدري عليهو..أفطري!!
ودي و تقديري الشديد لروحك الرياضية و يا ريت يا عاصم تكلمنا زيادة عن ماذا تقصد بوجه الشبه بين سميرة دنيا..و أسرار بابكر.
ممنووووووونة و شاكرة.
---------
يدي في قلبي من غيار الليلة..!!!
Post: #72 Title: Re: أبو الكلام Author: محمد المرتضى حامد Date: 10-05-2006, 04:09 AM Parent: #66
Quote: بدلة عصام محمد نور التى نافست بدلة شعبان عبد الرحيم و هو بيمسي ع السودان!!!
بس خلاص.
Post: #75 Title: Re: أبو الكلام Author: mamkouna Date: 10-05-2006, 05:37 AM Parent: #72
عارف يا محمد المرتضى..في كل تلفزيونات العالم..هنالك stylist ..يحدد للممثلين و المذيعين طريقة لبسهم و يساعدهم في إنتقاء المناسب من الأزياء. مشكلتنا ك سودانيين إنو ال stylist حقنا زاااتو محتاج ل stylist ..!! قد يبدو الموضوع ده تافه و سطحي للكثيرين لكننا أصبحنا في عصر الصورة و المنظر العام..و قد فُتحت عدة بوستات تناقش كيف أن المظهر قد يتفوق على أعلى الشهادات في مسألة التوظيف.و كيف أننا ك سودانيين لا نعرف كيف نسٌوق أنفسنا.. we don't know how to sell ourselves ..
أي ممثل أو فنان ينادوه للتلفزيون..أو أي زول عندو interview ...يفتح حقيبة ذكرياتو و يطلع بدلة عرسو و أحياناً بدلة تخريجو من الروضة .....أو يلبس بدلة أخوهو الكبير مع قميص ود جيرانهم و كرفتة خالو....مع إنو في الإمكان الظهور بقميص بسيط و بنطلون أبسط..أو الظهور بجلابية نضيفة و عِمٌة..
يا جماعة... المظهر البسيط..جذٌاب.. و المظهر المبالغ فيهو ...منٌفر.
بس خلاص!!!
Post: #77 Title: Re: أبو الكلام Author: محمد المرتضى حامد Date: 10-05-2006, 06:24 AM Parent: #75
تعرفي ياممكونة المسألة بتاعت اللبس والأناقه دي قصة طويله وتتداخل في تكوينها عدة عناصر منها الثقافه ،(أعني الوعي وليس التعليم) لأنو القلم مابزيل بلم، ومنها الذوق وأحيانا الحاله النفسية لكن بقول ليك باختصار المسألة( قِسَم) وبعدين القصة مش في اللبس ذاتو بل أيضا ظرفي الزمان والمكان وأيضا (الشماعه) كل هذه العوامل لها دور حاسم يعني لما تشوفي واحد (كان والي ولاّ محافظ مش عارف) في زياره لتجمع رعاة بسطاء خارج الأبيض وهو لابس بذلة كامله من ثلاث قطع وربطة عنق في حَر يقلي الحبّه بتحصل ليك حاجه في الحجاب الحاجز أوالحجاب الفي الضراع مابتعرفيها شنو. أما مسألة الفنانين/ات والمذيعين/ات فدي سالفة طويله ، والله والله الواحد يخجل ليهم بالوكالة ، مرات أكون باتفرّج براي ولما يجيك واحد منهم اشترى ليهو جاكيت جديد ولم يكلف نفسه ازالة (الماركة) من كم الجاكت ويظل يرفع يده معبرا عن الأسى معتقد أنه أدميرال أو كابتن وفرحان ب (الماركه) في كمو ..أحيييييييييييييا. القصة دي شفتها أمس على الهواء . دي مامشكلة كبيره ، اللبس بتغير ، لكن البغير درابزين الجسر اللي جنب استاد الخرطوم ده شنو؟ والله كنت دائما أسال ناس رشيد: يا أخواناانتو الدرابزين ده لسه ما اكتمل يقولو لي ده شكلو النهائي... لكن ما .. نهائي. بالله مش فاجعة أن يتم ادخال نوافذ ألمنيوم مزججه باللون الأزرق على مباني شارع النيل وهي من المباني التاريخية المنشأه على الcolonial style ؟ مش مدهش انو كلية الأركان تطل على أجمل منظر على النيل وكلية الفنون في الخلا؟ شفتي مبنى القضائية في قلب الخرطوم باللون الأبيض مع الزيق ال (بُنِّي) وشبابيك كحلية؟ شفتي الصواني بتاعت المرور؟ انتي شفتي شنو. تقولي لي ال stylist عايز stylist . سؤال ياممكونه : لو معظم المسئولين عن المدن في حكومتنا مابيسافروا برّه وياخدوا (نقله) - وهذا غير صحيح لأنهم عايشين برّه تقريبا - الفنانين ديل مالهم؟ والمذيعات ديل مالهن ياخ البساطه المتوفره للغني والفقير دي في زيّها ؟ حاجه تفقع.
Post: #81 Title: Re: أبو الكلام Author: abubakr Date: 10-05-2006, 09:47 AM Parent: #77
Quote: بالله مش فاجعة أن يتم ادخال نوافذ ألمنيوم مزججه باللون الأزرق على مباني شارع النيل وهي من المباني التاريخية المنشأه على الcolonial style ؟
في انتظار جرعة اليوم من البرنامج اردت ان اعلق علي ما اتي به المرتضي والذي اقتبسته اعلاه: لسوء حظي واكب اهتمامي بعمارة وتصميم يطلق عليه Adaptive Reuse حيث يعاد استعمال وحدات معمارية قديمة وتقليدية (شبابيك - ابواب ..الخ) ومباني شيدت لاغراض اخري في عمارة جديدة ان علمت باستباحة معمار القصر الجمهوري وتشوويهه بمواد لا تناسب كانت فاجعة وعندها كنت اسافر الهند ابحث عن تلك الوحدات القديمة واتي بالقديم وادخله متناسقا مع جديد فيعود ماضي عمارة سابقة صار العالم مهتم بها كاهتمام الناس بطراز لاثاث من عصور ملوك واباطرة في زمان قديم.. ما شاقني حينئذ هو جهل من استباح مبني القصر بالمفردات الجمالية لعمارة القصر فتراي له ان شبابيك الالمنيوم هي التي ستاتي له بحضارة وجديد فتشويه القديم ولم ياتي الجديد
Post: #80 Title: Re: أبو الكلام Author: محمد المرتضى حامد Date: 10-05-2006, 07:51 AM Parent: #75
انشاء الله ما يجى على يوم واتمكين(بكسر الكاف) منكم ... والله انت لا ممكونه ولا حاجه انت ماكنه عصام واقعة بيهو الخور عديييييييييييل كده ... والله يستر من الفنيله
طوالى بديت استرجع ماذا لبست لبقيى الحلقات اكثر من ماذا قلت والله ماوقعنى فى يدكم انت ومحمد المرتضى..
عاصم مسقط والليله اخر يوم حا اشتاق ليكم كلكم يا شمارين والمفارق عينو قويه بكتح الناس بالتراب لكنى شايلكم معاى فى اعماق تحمل لكم اطيب الامنيات واصدقا بالخير للجميع
* أبدعت يا (( عاصم كرومة )) و أنت تشدو مع (( جمال شمبات )). عمل رائع و قمة في التطريب.
* لا يفوتني أن أُشيد بالأناقة و البساطة و التناسق الجميل و المُريح لكلٍ (( غيارات )) أسرار و نسرين. (( ما دايرة أجيب سيرة (( كرفتة )) فرفور عشان ما تقولو على نبٌاشة و شنٌافة!))
* كادت لتقوم شكلة بين (( نادر خضر )) و (( فرفور )) في حسابات و مسائل مادية..تمٌ إحتواء الموقف..بقطع اللقطة!!!!
* أصبحت حلقات (( أغاني و أغاني )) جزء لا يتجزأ من برنامج أي اسرة سودانية..ما عارفة ح نعمل شنو بعد نهاية الحلقات!!!
تحياتي لأم أحمد يا عاصم...من..another أم أحمد..! أتمنى ليك التوفيق في محطتك الجاية. و... شكراً ليكم يا عاصم و مرتضى على حُسن متابعتكم و على ردودكم خفيفة الظل.
Post: #79 Title: Re: حقيقي ياممكونة Author: محمد المرتضى حامد Date: 10-05-2006, 07:39 AM Parent: #76
أوافقك تمااااااماً يا ملكتنا... عصام محمد نور صوت دافيء و مريح..سلس و عذب.. و أنا حسي مشغلة ال سي دي بتاع (( عبقرية الكاشف )) و مُحلقة في آفاق جميلة.
تقديري و إعجابي و إحترامي الشديد للفنان الأصيل عصام محمد نور و أرجو ألا تٌفسد (( البدلة ))... للود قضية..!!
Post: #86 Title: Re: حقيقي ياممكونة Author: محمد المرتضى حامد Date: 10-06-2006, 10:19 AM Parent: #82
Quote: شكراً ليكم يا عاصم و مرتضى على حُسن متابعتكم و على ردودكم خفيفة الظل.
العفو.. عاصم أمبارح ظبط حفله لناس مسقط مامنظور مثيله وغادر هذا الصباح الى الخرطوم الجميله على وعد بالمتابعه من هناك بالأيميل وسأنشر مداخلاته لمن يهمه/ا الأمر وسجن سجن غرامه غرامه. طبعا القاضي (أم أحمد). الجميل في حفلة مسقط انو فيها عاصم براهو بدون مذيعات وختف كلام وهدوم مشخّته وبالتالي جاءت خالية من الحاجات البتنشن حسين وضيوفه هنا.
Post: #88 Title: Re: أبو الكلام Author: ملكة سبأ Date: 10-07-2006, 04:36 AM Parent: #1
Quote: كادت لتقوم شكلة بين (( نادر خضر )) و (( فرفور ))
وهنا تناغم تام ممكونة :
Post: #89 Title: ولا شنو ؟ Author: ملكة سبأ Date: 10-07-2006, 04:40 AM Parent: #88
Post: #90 Title: Re: ولا شنو ؟ Author: شهاب الفاتح عثمان Date: 10-07-2006, 05:09 AM Parent: #89
شكرا لكم وانتم تنقلون لنا نحن المكتوب علينا الغربة جمال الفن واغاني الابداع و اغاني الحوار. التقيت بالسر قدور عدة مرات في مباني صحيفة الخرطوم واستاذ السر متمكن وله قراءة للطرب و اللحن عميقة ومختلفة!. حقا انه نسيج وحدة وواصلوا..... معكم.
Post: #91 Title: ما محبة إلا بعد عداوة..!! Author: mamkouna Date: 10-07-2006, 09:54 AM Parent: #88
الصورة دي فيها تناغم تام مافي إتنين تلاتة يا ملكَة.. لكن (( الشكلة)) الأنا بتكلم عنها كانت في حلقة تانية.. حتى بالأمارة فرفور كان لابس بدلة و كرفتة و جنبو عاصم لابس عمٌة و جلابية. و كان ما مصدقاني...أسألي محمد المرتضى!
Post: #96 Title: Re: ما محبة إلا بعد عداوة..!! Author: محمد المرتضى حامد Date: 10-07-2006, 06:05 PM Parent: #91
Quote: و كان ما مصدقاني...أسألي محمد المرتضى!
كنت قايلك حاتقولي : العنبه الراميه فوق بيتنا
Post: #92 Title: Re: أبو الكلام Author: دينا خالد Date: 10-07-2006, 10:23 AM Parent: #1
يا حسين تقول لى عمر قدور ؟؟؟ هسه فى ذمتك بتحنن انت فى بوستك دا ؟؟ ولا نسرين ؟؟
على الرغم من انو عصام محمد نور فنان مجيد؛ إلا ان أداءه لأغنية في ربيع الحب أوضح بجلاء كم كان سيد خليفة عملاقاً. ____ رحم الله سيد خليفة بقدر ما أبدع و اسعد.
كانت حلقة اليوم رائعة كالعادة و مثيرة. كان موضوع النقاش (( الغناء السوداني باللغة العربية الفصحى )).
* تألق عاصم البنا في رائعة أبو داؤود و حسين بازرعة.. (( على مسئولية دكتور أحمد القرشي ))...!!
عجباً..يقول الناس إنك هاجرى وأنا الذى ذوّبت فيك مشاعرى سبّحت باسمك والنجوم سوامرى حتى بكى قلبى .. بدمع محاجرى **** أنسيت أنك فى شعورى وفى دمى؟ مهما بعدت ... وزاد منك تألمى سأعيش بعدك ... راهبا فى مأتم وتعيش أبدا .. ذكرياتك فى فمى ما دام حبّك ياحياتى ملهمى
* تألق فرفور في مقاطع من رائعة أبو داؤود (( أوتذكرين )).
أوتذكرين صغيرتى؟! أو ربما لا تذكرين الخمسة الأعوام قد مرت ، ومازال الحنين الشوق والأحلام ،ما زالت تؤرق ، والسنين
ما زلت أذكر خصلة عربيدة فوق الجبين ما زلت أقرا فى السطور فأستبين البعض أو لا أستبين
* تألق عصام محمد نور في رائعة إدريس جماع و سيد خليفة (( ربيع الحب )).
فى ربيع الحب كنا نتساقى ونغنى نتناجى ونناجى الطير من غصن لغصن ثم ضاع الأمس منى وانطوت بالقلب حسرة
اننا طيفان فى حلم سماوى سرينا واعتصرنا نشوة العمر ولكن ما ارتوينا انه الحب فلا تسأل ولا تعتب علينا كانت الجنة مأوانا فضاعت من يدينا ثم ضاع الامس منى وانطوت بالقلب حسرة أطلقت روحى من الأشجان ما كان سجينا أنا ذوبت فؤادى لك لحنا وأنينا فارحم العود اذا غنوا به لحنا حزينا ثم ضاع الامس منى وانطوى بالقلب حسرة ليس لى غير إبتساماتك من زاد وخمر بسمة منك تشع النور فى ظلمات دهرى وتعيد الماء والأزهار فى صحراء عمرى ثم ضاع الامس منى وانطوت بالقلب حسرة .
Post: #113 Title: Re: التقرير اليومي بعد يومي..! Author: محمد المرتضى حامد Date: 10-08-2006, 04:01 PM Parent: #112
في واحد صاحبي قال لي الجماعه البيغنوا ديل معاهم زول بيشبه ليهو زول في وفد المحاكم الأسلامية الصومالي اللي جا الخرطوم شان المصالحة وكدا. والله ناس .. لكن أنا قلت ليهو برضو بنحب الصوماليين.
Post: #114 Title: Re: التقرير اليومي بعد يومي..! Author: Ahmed al Qurashi Date: 10-08-2006, 06:13 PM Parent: #111
Quote: تألق عاصم البنا في مقاطع من رائعة الحسين الحسن و الكابلي (( صبابة )).
عجباَ!ّ! يقول الناس إنك هاجرى وأنا الذى ذوّبت فيك مشاعرى سبّحت باسمك والنجوم سوامرى حتى بكى قلبى .. بدمع محاجرى **** أنسيت أنك فى شعورى وفى دمى؟ مهما بعدت ... وزاد منك تألمى سأعيش بعدك ... راهبا فى مأتم وتعيش أبدا .. ذكرياتك فى فمى ما دام حبّك ياحياتى ملهمى
الاخت العزيزه ممكونه هذه الاغنية من كلمات الشاعر الكبير حسين بازرعة والحان برعى محمد دفع الله وغناء الرائع عبد العزيز محمد داؤد...مع تحياتى للجميع
Post: #115 Title: Re: التقرير اليومي بعد يومي..! Author: محمد المرتضى حامد Date: 10-08-2006, 06:30 PM Parent: #114
يا أحمد ممكونه القصه دي مافايتا عليها وهي في ظني قاصداها ، وان ما وراء الأكمة ماوراءها. على العموم صاحبك عصام قال لي عاصم صوته (مثقف) ويجبرك عل الأنصات كأنك ستسمع شيئا جديدا رغم أنك موقن أنه يؤدي كلمات سمعتها آلاف المرات. والحقيقه كلامو ده ذكرني العيون (المثقفه) في البنت وهي غير العيون الذكيه فالأولى تحرضك على تمديد الأقامه وتختزل الأنسان في انسانها والأخرى لايتعدى دورها دور الكاميرا الديجيتال أو الميكروسكوب في أحسن الأحوال. قادر تفهمني ولاّ أجيك.
Post: #120 Title: Re: التقرير اليومي بعد يومي..! Author: mamkouna Date: 10-09-2006, 07:39 AM Parent: #114
Quote: الاخت العزيزه ممكونه هذه الاغنية من كلمات الشاعر الكبير حسين بازرعة والحان برعى محمد دفع الله وغناء الرائع عبد العزيز محمد داؤد...مع تحياتى للجميع
أعترف ليك - أخي أحمد القرشي - و أصدقك القول إني - و على الرغم من مَكنتي و صبري - لكنى أول مرة في حياتي أسمع الأغنية - المتنازع عليها- دي يومها من عاصم البنا .!! و كل ما قدرت أتذكره لحظة كتابة التقرير هي بيتين... وأنا الذى ذوّبت فيك مشاعرى! و.. سأعيش بعدك ... راهبا فى مأتم! فقمت بكتابة البيتين في أحد محركات البحث حتى أكتب الأبيات كاملة..و جاتني النتيجة الشفتها دي . يمكنك الرجوع لمصدري - الغير موثوق به - في.. من شعر الفصحى فى الغناء السودانى
لك فائق ودي و تقديري و.. فائق أسفي وإعتذاري لك و للجميع ممكونة
الجمع ..سلام .. اخير ووقد هيا الله لنا ان نشارككم في مشاهدة بعض حلقات هذا البرنامج " القصير بحيث لا يتجاوز ثلث ساعة بعد حذف مسلسلات الدعاية " اشير الي ان هذا البرنامج ازدحمت فيه قدرات طربية وغنائية عالية جدا مع موسوعة متفردة ومتدفقه بلا قيود كالسر قدور وفي فترة زمنية ضيقة جدا بحيث كان يمكن ان يعطي البرنامج مردودا اكثر لو ا كتفي بواحد او اثنين مع السر قدور في كل حلقة ... فكرة ممتازة وعناصر مقتدرة فقدت كثير من مميزاتها لضعف في ادارة البرنامج ...
السلام عليكم تعرفوا !! الأهل كلهم.. الشمار كاتلنا فرفور ده بيبكي مالو ؟؟؟ كل يوم بعد الحلقة تنتهي التلفونات تشتغل الما عندهم النيل الأزرق للعندهم النيل الأزرق السؤال المتكرر.. أها ... فرفور ....ما بكى لسه ؟؟ ________ عاصم البنا .. ريحنا الله يريحك الزول ده حا يبكي متين؟؟؟
........................ وما الناس إلا هالك وأبن هالك *** وذو نسب في الهالكين عريق
Post: #119 Title: Re: أبو الكلام Author: محمد المرتضى حامد Date: 10-09-2006, 04:51 AM Parent: #117
عاصم ياود بابكر طبعا بعد سفرك حأكتب الدايرو
يا حسين وضيوفه ، عاصم أرسل لي ايميل ليس للنشر لاختلاط العام بالخاص فيه لكن مايهم البوست هذا ألخصه في الآتي: 1- لسوء حظ عاصم اكتشف انو (ام أحمد) متابعه لكن هسه بيقروا المداخلات مع بعض وغالبا (الردود القادمه). 2- رغم المتابعه (اللصيقه) و (بروح رياضيه) بتشكركم وشكر خاص لأم رشا. 3- ياحسين عاصم قال ليك (تصفية الحسابات) (وارده).
يامنار محسوب ياخ مداخلتك عاملاها في صفحة واحد لقيتا بعدما رفعت الجلسه. طبعا البوست ده ماعندو علاقه بملاسي ودوره هنا لايتعدى دور نسرين هناك وممكونه قايمه بدور السر قدور . أنا مابتفق معك في صوت أسرار اللي مافيهو أي أسرار وأنا جني وجن المط الصناعي في الغنا بدون داعي.
الزوول كيفك يا أمير أنتظر رد عاصم على سؤالك (بعد الأفطار). برضو تقول لي البوست بتاع ملاسي؟
يا جماعة والله البوست ده .. من شدة ما لامي .. لمن رسلوهو لي بالايميل ومفكر حسع اقوللي بكري اعمل ليهو رابط جمب ( مركز التحميل ) انداحــو يا جماعة .. اندياحكم جميل جدا بعدين في ناس كدا استعملو البوست لي مآرب أخرى .. والفي بطنو حرقص حسع ح يجي يشيل Quote من كلامي ده وعينكم بتشوف ...
Quote: بلاي يا جماعة العارف يرضي تطلعاتنا ويورينا فرفور ده مالــــو ..؟
و الله يا تمبس عشان معٌزتك عندي كبيرة.. و عشان إنت نوٌرت البوست (( بتاعي )) ده..! ح أرضي تطلعاتك... و تطلعات الزوووول.. لكن خليها بيني و بينكم...اوكي؟؟!!!
فرفور قاعد يبكي من الضحك....تصدقو !!
قالو ليك ما إستغفر إلا بعد سقوهو الموية بالكوز..!!!
Post: #149 Title: Re: أبو الكلام Author: tmbis Date: 10-11-2006, 03:38 AM Parent: #125
Quote: و عشان إنت نوٌرت البوست (( بتاعي )) ده..!
والله يا ممكونة عفارم عليك .. بقيتي لي ملاسي في رقبتو( حواء والده ) بقيتي لي قدور في رقبتو بقيتي لي اسرار في رقبته بقيتي لي نادر خدر في رقبتو ..
Quote: فرفور قاعد يبكي من الضحك....تصدقو !!
.. معقولة يا ممكونة ؟؟ بس باقي تدونــا بخرة تورونتا الحلقة دي متين .. والله عندي فكرة اتصل على صاحبي .. منتصر لانو من ما برنامج اوبرا وقف تاني ما بكأ ليهو في مسلسل يا فلم ودي فرصة مناسبة يبكي مع فرفور عليك الله حددي لي الحلقة دي متين .. ( وأرفعي يدك عن حسين ملاسي وبطلي الحقارة دي )
Post: #128 Title: Re: أبو الكلام Author: ملكة سبأ Date: 10-10-2006, 03:20 AM Parent: #119
Quote: لسوء حظ عاصم اكتشف انو (ام أحمد) متابعه لكن هسه بيقروا المداخلات مع بعض
Quote: رغم المتابعه (اللصيقه)
Quote: يا أم أحمد .. والله والله باهذر
محمد المرتضي ؟
يعني خلاص اتفقتو البوست بقى حق ام أحمد ؟
نشجب وندين أسلوب ترويع المشاهدين البسطاء
Post: #126 Title: الفرق بين المُطرب و المؤدي. Author: mamkouna Date: 10-09-2006, 07:23 PM Parent: #1
* دارت حلقة اليوم عن الفرق بين المطرب و المؤدي..أو هكذا خُيل إلي...لأنو مقاطعات ( نسرين ) ما خلت السر قدور يرٌكز في نقطة واحدة.
* غايتو فهمنا منه إنو في أغاني بتحتاج لمقدرات و طبقات معينة و المقدرة دي بتحتاج لتمارين و صقل.
* الجماعة غنوا مقاطع من (( الذكريات صادقة و جميلة )) و ((نفسك أبيٌة و فيك جاذبية )) و للمرة الثانية في البرنامج ...و ما عندنا مانع يكون في تالتة...(( كيف يجهلوك ))!
* ما كنت بريد (( نادر خضر )) لكن الليلة عجبني في أغنية (( كلمة )) لصلاح بن البادية - كيتاً في ملاسي - و أثبت إنه الفنان الوحيد الفي المجموعة الحافظ ليهو أغنية كاملة غير منقوصة أو مشرتمة...!!
* كان (( عاصم البنا )) طوال الجلسة هادئاً صامتاً زهجاناً...و لم ينفعل إلا في مقطع (( يا الجازيتني ب كسر جناحي )) ... و لولا أنه أكدٌ - عدة مرات- أنو الحلقات مٌسجلة منذ فترة... لقلت ليكم إنو (( أم أحمد )) فاض بيها..و وقعت بيهو الخور..!!
Post: #129 Title: Re: الفرق بين المُطرب و المؤدي. Author: ملكة سبأ Date: 10-10-2006, 03:27 AM Parent: #126
Quote: ما كنت بريد (( نادر خضر )) لكن الليلة عجبني في أغنية (( كلمة )) لصلاح بن البادية
يا سلام عليك يا ممكونة .. والله لمن اتخيلت انو الجماعة حا يبكو هنا
Post: #127 Title: Re: أبو الكلام Author: Manar Mahsoub Date: 10-10-2006, 01:32 AM Parent: #1
الاخ محمد المرتضى رغم انى من عشاق اغانى الحقيبة لدرجة قف تأمل و فى بعض الاحيان يعنى نقول لحظات التجلى النادرة فى هذا الزمن ممكن اكون بغنيها كويس... لكن رغم كل ده فاتتنى حفلة عاصم البنا و زعلت شديد و قالو لى كانت ابداع حقيقى يعنى عاصم قالوا كان اكثر من رائع من ناحية غناء و خلقة و اخلاق و القميص الابيض باسود قالو كان رهيييييب ( غايتو ام احمد الا تسد دى بطينة و التانية بعجينة) و ده بيؤكد كلام ام رشا. اسرار و الله صوتها جميل و بتأدى الاغانى بطريقتها هى .. و نوع صوت اسرار ده الا تتعود عليه يمكن فى الحلقة الاخيرة يعجبك ما شايف بتاع العود بيعاين ليهاو هو مبتسم كيف!!! لامن تحس انو حيدخل فى غيبوبة بعد شوية .
Post: #130 Title: Re: أبو الكلام Author: عمر الفاروق Date: 10-10-2006, 04:31 AM Parent: #1
تعرف يا ملاسي: السر قدور معظم إقامته في مصر وبيجي السودان في رمضان والأعياد تحديداً تعرف ليه يا ملاسي؟ قالها السر قدور (ومن مصدر موثوق به جداً ) الواحد يمشي في العيد ورمضان عشان يلقط قروش العورة ديل فالسر قدور دوماً ما يأتي لأستوديهات التلفزيون في كل عيد ويكرر ما يقدم .. وبغض النظر عن الغرض من تسجلات السر قدور(وهي حق مشروع) إلا ان ما يقدمه يكون جميلاً ومشوقاً ودوماً ما تجد البرامج القصصية تجذب المشاهد فكلنا نبحلق عندما يتكلم حسين خوجلي حاكياً وعندما يتكلم السر قدور قاصاً (الغريبة الزول الوحيد الما بحب حكاويه عمر الجزلي)... بالنسة لي برنامج الاغاني ده فيبدو انو ديدن النيل الازرق محاولة تقديم برامج تتجه نحو العفوية في التقديم والاعداد وده ظاهر في برنامج المساء بتاع الساعة 7 في النيل الازرق في وجود شباب يتكلم دون تحضير حتى .. وكذلك البرنامج ده زي مشي بي نفس الوتيرة .. غايتو اسمح لي ادلو بدلوي معاكم واكتب بعض الملاحظات عن البرنامج : 1- عصام محمد نور اخطر من السر قدور من المقابضة والشوبار وفي كثير من الاحيان يخرمج للاخرين اغانيهم بالرغم منانو عصام فنان جميل ودي مافيها كلام .. 2- اسرار (عكس كلام ممكونة) ما بتعرف تلبس عديييييييييل كده ولبسها بيشبه لبس البت الماشة الجامعة .. 3- اثبت البرنامج بما لا يدع مجال للشك انو معظم الفنانين الشباب لا يحفظ الاغاني ويبدو انهم بيسجلو الاشرطة بي نظام البخرات واي زول بيكون بيقرا من ورقة(في التسجيل) لأنو كل ما السر قدور يطلب منهم اغنية يتلفتوا علي بعض زي العاملين عملة والمحصلة كوبلي واحد مخرمج ويتمها محمدية كمنجة !!! 4- نادر خضر اثبت انه فنان خطيب وكلام من الدرجة الأولى ودبلوماسي في الحديث .. 5- يتعمد السر قدور دوماً تجاهل المعلومات والمداخلات التي يبديها الفنان عاصم البنا وتكون فيها معلومات جميلة ولكن يبدو ان السر قدور لا يود ان ينافسه احد في تقديم المعلومات خصوصاً عندما يتحدث عاصم عن تفسير اغنية أو ذكر مقطع جميل أو شرح كوبلي !!! 6- اثبت البرنامج ان اسرار بابكر له صوت محدود (للأسف) ..نعم هو صوت جميل ولكنه يغني في مجال ضييق جداً وفي اغلب الحلقات لا تستطيع اسرار ان تتداخل وتظبط نبرة صوتها مع المجموعة ولكن يمكن ان تغني بفردية .. 7- عصام محمد نور يمكن ان يتطابق صوته مع فرفور ولكن من المستحيل ان يتطابق مع نادر خضر ورغم ذلك يصر على التداخل مع الجميع .. 8- عاصم البنا هو الفنان الأكثر اناقة وحضوراً وإختيارا للاغاني والأكثر ثقافة في مجال مواضيع الحلقات (مزاكر كويس).. 9- نسرين في وادي والبرنامج في وادي ولا تستطيع نسرين سوى طلب الأغنيات من الفنانين وكان يمكن ان يكون السر قدور هو مقدم البرنامج ولو تركنا نسرين تتحدث لأصبح البرنامج شبيه بي(سهران يا نيل ).. 10- محمدية في اغلب الحلقات قميصو بي برة (ما شاكي) والغريبة لابس الكرفتة فما عارف هل هو بيقلد عاصي الحلاني ولا لبسوهو الكرفتة وهو قاعد في كرسيهو ..
Post: #131 Title: Re: أبو الكلام Author: عمر الفاروق Date: 10-10-2006, 04:55 AM Parent: #130
تمنيت وجوده وافتقدت جداً لصوته المميز .. ليت هذه الحلقات كانت تضم الفنان الرقم محمود عبد العزيز وليتنا استمتعنا بصوت محمود التسعينات في هذه الحلقات .. وجود محمود كان سيسحب البساط من الجميع من ناحية الإمكانات الصوتية .. ولكن ربما مثل هذه البرامج لا تتناسب ومحمود فلو كان موجوداً لضمنت لكم انكم لن تسمعوا صوت محمود إلا وهو يغني فمحمود بطبعه خجول ولا يشارك الحديث إلا نادراً وربما اعيب على حوتة عدم حفظه للاغاني بصورة دقيقة .. كم افتقدتك يا ايها الفنان وكم اشتقت لصوتك ..
Post: #133 Title: Re: أبو الكلام Author: محمد المرتضى حامد Date: 10-10-2006, 05:21 AM Parent: #131
Quote: عاصم البنا هو الفنان الأكثر اناقة وحضوراً وإختيارا للاغاني والأكثر ثقافة في مجال مواضيع الحلقات (مزاكر كويس)..
الأخ عمر الفاروق رمضان كريم بما انو البوست ده بتاع ممكونه وملكة سبأ (ثنائي النغم) فاني أستأذنهما في الرد على مداخلتك الجميله. ياسيدي أجمع الناس (من الجنسين) أن عاصم فنان لايشق له غبار وأثبت ، كما جاء في حديثك ، أنه الأرقى بين الجميع على كل الصعد وكافة الأتجاهات مضمونا فشكلا وهذا ماشهد به الجميع أما شهادتي عنه فأسكت عنها لأنها حتما مجروحه. بالنسبة لمحمود عبدالعزيز اسمح لي مخالفتك الرأي فيما ذهبت اليه ، في رأيي المتواضع أنه أحد الذين أثّروا في الأغنية السودانية سلبا من حيث الأداء وتبعه في ذلك عدد من المقلدين له .
Post: #134 Title: Re: أبو الكلام Author: Ahmed al Qurashi Date: 10-10-2006, 06:28 AM Parent: #133
الأخت العزيزة /ممكونه شكرا جزيلا لحديثك ومتابعتك بوست الحزن في الأغنية السودانية ....دخلت إلى المصدر الذي أشرت إليه ليس للتأكد من معلومتي عن شاعر هذه الأغنية وإنما للاطلاع علي البوست فكانت المفاجأة إن كاتبه ارتكب خطأ ثانيا بقوله إن شاعر أغنية غرد الفجر لعثمان حسين هو حسين بازرعة والحقيقة إن شاعر هذه الأغنية هو حسن عبدالله القرشي .... من اغانى الحسين الحسن التي تغنى بها الكابلى أغنية حبيبة عمري وطائر الهوى......مع شكري وتقديري واحترامي لك
Post: #135 Title: Re: أبو الكلام Author: محمد المرتضى حامد Date: 10-10-2006, 07:08 AM Parent: #134
والله ياودالقرشي كنت فاكر اممكونه فعلا عندها قصد وانها نست الشاعر والمؤدي متعمده لكن أن تترك أهم بيتين في القصيده هكذا القصه دي مزعلاني عديل كده. ياخ كانت ذراعاك لرأسي مرقدا دي بينسوها.
Post: #136 Title: Re: أبو الكلام Author: Hussein Mallasi Date: 10-10-2006, 08:47 AM Parent: #135
البوست دا ما غريب علي!!
Post: #137 Title: Re: أبو الكلام Author: عمر الفاروق Date: 10-10-2006, 01:33 PM Parent: #1
المرتضى اخوي:
Quote: بالنسبة لمحمود عبدالعزيز اسمح لي مخالفتك الرأي فيما ذهبت اليه ، في رأيي المتواضع أنه أحد الذين أثّروا في الأغنية السودانية سلبا من حيث الأداء
طبعاً لو قلت ليك رايك على العين والراس أكون كذبت عليك انا الزول ده ما برضى فيهو ياخ .. تعرف يامان محمود ده في كفة والناس الفي الحلقة دي كللللللهم في كفة .. ما عايز اخرب البوست وأعرج بي محمود .. تخريمة : الليلة اسرار ونادر خضر ظهروها عاااااااااااااملة ..
Post: #138 Title: الأغنية الناجحة قد تصنع فنان ناجح. Author: mamkouna Date: 10-10-2006, 08:20 PM Parent: #1
* جلسة الليلة كانت (( كاجوال )) جداً و دمها خفيف - شكلاً و موضوعاً- لكن - كالعادة - غرٌد ( الصومالي )) خارج السرب....!! أظنو كان جاي من دافنة!!!
* أخيراً...إتذكروا إنو (( أسرار )) قاعدة معاهم ! بالله البت ماتت من الفرح لمن قالوا ليها غني! غنت لينا (( كان بدري عليك..تودعني و أنا مشتاق ليك ))بمنتهى الفرح و السرور...ممتاااااااازة يا أسرار..!
* غنى شباب الجلسة أغنية ((الزهور صاحية و إنت نايم )) مع التركيز على مقطع (( شعرك الناعم ))..حيث أن معظمهم من أصحاب الصِلَع و الجلَحات الصغيرة!
Post: #139 Title: Re: الأغنية الناجحة قد تصنع فنان ناجح. Author: الزوول Date: 10-10-2006, 10:11 PM Parent: #138
السلام عليكم ممكونة شكراً على التقرير اليومي
Quote: فرفور قاعد يبكي من الضحك....تصدقو !!
شكراً عشان ارضيتي تطلعاتنا لكن معليش سؤالي ما كان عن سبب بكاء أخونا فرفور لكن كان عن متي سيبكي؟؟ يعني الحلقة رقم كم ؟؟ عشان الدعاية النزلها أخونا تمبس فوق دي فعلت فعلها والجماعة الما عندهم النيل الأزرق كلهم ناوين يشرفونا بالفطور يوم البكا يعني بيتنا حا يبقى ( بيت بكا) فلو عرفنا المواعيد حا نقدر نظبط السفرة من بدري
........................ وما الناس إلا هالك وأبن هالك *** وذو نسب في الهالكين عريق
Post: #145 Title: عن إذنك يا الزووول. Author: mamkouna Date: 10-11-2006, 03:17 AM Parent: #139
بعد إذنك يا الزووول..إنزل اللنك بتاعك هنا..أطعم بيهو بوستنا..
السادة و السيدات صاحبات/ اصحاب البوست و الضيوف الكرام
بوست بصراحة خطير و مخيف بالذات للناس الموحد بيها رمضان! تحية خاصة لضيف البوست الاخ ملاسي و للعزيز تمبس (دائما تضع النقاط على حروف الجمال) و للمضيفات ممكونة و الملكة و سلام شديـــد للاخت الدكتورة رشا ووالدتنا الجميلة و محبة لكل الناس السمحة في البرنامج و البلد..
و لازم نعود
( بإذن الله)
Post: #141 Title: Re: أبو الكلام Author: عمر الفاروق Date: 10-11-2006, 02:56 AM Parent: #1
Quote: جلسة الليلة كانت (( كاجوال )) جداً و دمها خفيف - شكلاً و موضوعاً-
بهذا نرجو عدم إعتماد اختنا ممكونة مراسل للبرنامج لأنها تنقل تقارير غير دقيقة (جمالات شديدة) حلقة الأمس من دون الحلقات لم تكن لا إخراجياً ولا غنائياً ولا حتى السر قدور تحدث كالمعهود !!! كل الأغاني كانت بها إخطاء والسر قدور يلف ويجي لي نفس النقطة عاصم البنا بالامس كان كأسواء ما يكون للأسف ولا أدري السبب .. عصام كعادته شتر الجماعة ودخل في سلم كان من المفترض أن يغني فرفور فيه يا جميل يا مدلل فسحب عصام الزمن وبالتالي فرفور غلبو يتم الأغنية بالرغم من إنو كان مخطط تغنى الأغنية كاملة .. إسرار بابكر لا تزال بعيدة عن جو المنافسة والرجال سارقين حسها ويبدو إنها لا تحفظ اغاني كثيرة .. نادر خضر يتعامل كعادته حسب إمكانيته الصوتية ولا يجازف ما لم يتأكد ان نغمة صوته ستكون إضافة للعمل وده ذكاء كبير منو .. لو كان في لقطة جميلة فهي تبادل النظرات والمشاغلات بين نادر خضر واسرار وخصوصاً جدعة أسرار لمن قالت (يا حبيبو عليك كان بدري عليك ) .. تخريمة : امبارح فرفور اخد ليهو بكية صغيرة كده والغريبة المخرج حاول يتزاوغ منها وما يجيبها ويبدو إنو ما عايز يبيخ للناس البكية الكبيرة ..
Post: #144 Title: Re: أبو الكلام Author: انعام عبد الحفيظ Date: 10-11-2006, 03:11 AM Parent: #141
والله عمر الفاروق ده كلامو صح
وملاحظاتو في محلها وخصوصاً دي
Quote: نادر خضر يتعامل كعادته حسب إمكانيته الصوتية ولا يجازف ما لم يتأكد ان نغمة صوته ستكون إضافة للعمل وده ذكاء كبير منو ..
نادر فعلاً اثبت انو فنان ذكي
وما بدخل يشتر ساي
وعاصم مزاجو ما كان تمام
Post: #147 Title: الخلاف في الرأي..لا يُفسد للجلسة أغنية. Author: mamkouna Date: 10-11-2006, 03:32 AM Parent: #141
Quote: بهذا نرجو عدم إعتماد اختنا ممكونة مراسل للبرنامج لأنها تنقل تقارير غير دقيقة
حكمة العدد:-
Beauty is in the eyes of the beholder ...!
Post: #143 Title: Re: أبو الكلام Author: haleem Date: 10-11-2006, 03:02 AM Parent: #1
Quote: البوست دا ما غريب علي!!
Post: #148 Title: Re: أبو الكلام Author: محمد المرتضى حامد Date: 10-11-2006, 03:38 AM Parent: #143
عمر الفاروق ياحبيبنا زي ماقلت ليك محمود عبدالعزيز ، في رايي المتواضع، أثر في بعض الجدد سلبا وأصبح الجدد مجرد مقلدين لطريقته في الأداء ولكن يبدو أن هناك من بدأ يؤثر في (أخريات) بذات المستوى ، للأسف. سي يو يا (حبيبو)
Post: #150 Title: Re: أبو الكلام Author: Hussein Mallasi Date: 10-11-2006, 03:59 AM Parent: #148
Quote: حيث أن معظمهم من أصحاب الصِلَع و الجلَحات الصغيرة
يحسب لعصام و فرفور تعايشهم مع الصلع. زمان كنت معجب باغنيات فنان كدا؛ إلا ان البرانيط التي اعتاد أن يلبسها أصبحت حاجزاً بيني و بين أغنياته!!
Post: #152 Title: Re: أبو الكلام Author: Hussein Mallasi Date: 10-11-2006, 04:08 AM Parent: #150
يا عمر الفاروق الا يشركو ليك ببوست زي دا حتى تظهر!
Post: #153 Title: Re: أبو الكلام Author: عمر الفاروق Date: 10-11-2006, 04:28 AM Parent: #152
يا ممكونة :
Quote: Beauty is in the eyes of the beholder ...!
انا كن كنت بفهم جنس الإنجليزي ده كان قريت طب .. غايتو للضمان كده وعشان أكون في السيف سايت حا أقول ليك : No Speak Double Touch .. أو زي ما بنقول في الحلة : جينج سيرف ..
تخريمة : والله يا ملاسي وما طالبني حليفة بالجد شركت لي بعد ما الواحد اعلن المقاطعة في رمضان ده ياخ اقول ليك حاجة ؟ بوستك ده اول حاجة سمعت بيها وانا نازل من بص الحملة بتاع العمرة ..يا دوب بقول يا هادي وصاحبي مصعب راجيني عشان يوصلني من النقل الجماعي فأول ما نزلت من البص قال لي: " يا عمر الليلة ما شفت صحبك ملاسي كاتب شنو " وقررررررر فقع الضحكة .. اها انا لي اسبوع ازازي واقرا واقول اصلو ما ارد لحدي ما إتورطت
Post: #156 Title: Re: أبو الكلام Author: انعام عبد الحفيظ Date: 10-11-2006, 05:27 AM Parent: #1
Quote: امس الاول قدم البرنامج رائعة الفنان الشاعر الكبير محمد يوسف موسى ( كلمة) بصوت الفنان الشاب نادر خضر الذي اداها بطريقة مدهشة اثارت شجون الاستاذ محمد يوسف الذي هاتفته (الصحافة) ، وقال ان طريقة اداء نادر خضر للاغنية ادهشته وابكته في ان واحد ووصف ( موسى) البرنامج بأنه يمثل توثيقا حقيقيا لحركة الغناء بالسودان ، وتعهد (يوسف) بالتعاون بعدد من الاغنيات مع الفنان نادر خضر .
بالجد نادر آدؤه كان جميل
لدرجة انو الجميع كان في صمت رهيب
غايتو فرفور كان مره مره يغطي وشو
Post: #157 Title: Re: أبو الكلام Author: محمد المرتضى حامد Date: 10-11-2006, 07:01 AM Parent: #156
Quote: Beauty is in the eyes of the beholder
and I'am beholden to you for this POST مش كده ياحسين؟
Post: #158 Title: Re: أبو الكلام Author: Hussein Mallasi Date: 10-11-2006, 07:01 AM Parent: #156
يا عمر انت في مصعب و للا في علاء الدين يوسف؛ فقد ظل يحدثنا عن عمر الفاروق – أمس – حتى قلنا ليته سكت!
Post: #159 Title: Re: أبو الكلام Author: محمد المرتضى حامد Date: 10-11-2006, 08:02 AM Parent: #158
الحمدلله كده ممكن أجر نفسي. تعرف ياعاصم احساس (الأيجار من الباطن) مهلك للمالك والمستأجر الرئيس معا ،أها هسه بقيت صاحب ملك عديل كده عشان تقول لينا الحاصل شنو رغم انو كلامك حايمر على مقص الرقابة. عاشت أم أحمد
Post: #160 Title: Re: أبو الكلام Author: ASIM AL BANNA Date: 10-11-2006, 08:58 AM Parent: #159
what do you mean murtada >?
i have been renting your PC for tow weeks
watch out maybak man
hiiii iv got A password thanks murtada thanks Sudanese on Lin ill install Arabic software very soon
slam
asim albanna salam
Post: #161 Title: Re: أبو الكلام Author: gamal elsadig Date: 10-11-2006, 09:09 AM Parent: #160
. مرحبا بك الفنان الرائع عاصم البنا..
..
حلقات اغاني واغاني في قناة النيل الازرق
مميزة وفي غاية الجمال ..
جمال حسين
.
Post: #164 Title: Re: أبو الكلام Author: ASIM AL BANNA Date: 10-11-2006, 09:32 AM Parent: #161
hi gamal meny thnks
i wold like to tell you that is othman alshafee he is coming soon and you well see
amazing songs
salam
Post: #162 Title: Re: أبو الكلام Author: Hussein Mallasi Date: 10-11-2006, 09:09 AM Parent: #160
جيتنا بالدرب عديل كدا ..
Post: #163 Title: Re: أبو الكلام Author: ASIM AL BANNA Date: 10-11-2006, 09:20 AM Parent: #162
hi malasy
open the dower for me pls. let the others to scab
salam #
Post: #165 Title: Re: أبو الكلام Author: الزوول Date: 10-11-2006, 09:33 AM Parent: #163
السلام عليكم
Quote: بعد إذنك يا الزووول..إنزل اللنك بتاعك هنا..أطعم بيهو بوستنا..
و لو في طريقة تنزل لينا أغاني زيادة تكون خدمتنا خدمة شديدة. تسلم
ممكونة قدور
ممكونة قدور تعرفي !! الغريبة ...مع امكانياتي الكمبيوترية الرهيبة ( حسب تصنيفي الخاص ) فقد فشلت فشلاً ذريعاً في إنزال كود الفيديو يعني أنزل الفيديو واشرتمو ويكون جاهز لكن كود السجم والرماد ده ما يرضى يشتغل وأخيراً استعنت بخبرات (تمبسية) وطبعاً كلو بى حقو ( وجه يغمز لتمبس فقط) وبرضو الموضوع ما ظبط وقنعت من خيراً فيهووفكيتو ليهو عموماً ..أنا جاهز اختاروا أي فقرة من أي حلقة تعجبكم وأنا جاهز اعملها ... وأوصلها لغاية مرحلة الكود اللعين ده وممكن بعد كده تستعينو بالود تمبس عشان يكمل الباقي تخريمة: شايفك اتجاهلتي طلباتنا ، مافي مشكلة ما دام عاصم البنا بقى عضو هنا وبالمناسبة مرحب بعاصم البنا عضو جديد في المنبر ........................ وما الناس إلا هالك وأبن هالك *** وذو نسب في الهالكين عريق
Post: #167 Title: أهلاً و سهلاً يا أبو أحمد.. Author: mamkouna Date: 10-11-2006, 03:13 PM Parent: #160
عزيزنا أبو أحمد..ود البنٌا.. حللتَ أهلاً ..و نزلت سهلاً.. -------------------------------------------
عليك الله أمشي صلٌح خانة (( الحالة الإجتماعية )) في الملف بتاعك.. ما دايرين (( أم أحمد )) تقع بيك الخور تاني..!!
Post: #175 Title: Re: أهلاً و سهلاً يا أبو أحمد.. Author: ASIM AL BANNA Date: 10-12-2006, 07:05 AM Parent: #167
Post: #169 Title: Re: أبو الكلام Author: محمد المرتضى حامد Date: 10-11-2006, 06:14 PM Parent: #166
والله ياعاصم تبريرك للضحكه الجابت دموع جمال كان (ديبلوماسسسيييييي) ، عصام هنا ضحك شديييد. مسئول من الخير ياعاصم .. وين حسين ملاسي ، شايف اسمو مكتوب (زورا) بي هنا. هسّه يجي ويقول عنده حق بي جاي مع انو ممكونه اكتسبت الأرض (بوضع اليد) والكيبورد و..كلو. يارشا .. سلامي للحاجه وقولي ليها في واحده قالت ليك ياخاله ماشفتي مصطفى قمر وراغب علامه أو عمرو مين كده ماعارف؟
Post: #180 Title: Re: أبو الكلام Author: رشا سالم Date: 10-12-2006, 10:37 AM Parent: #169
الأخ محمد المرتضي حامد ..
Quote: يارشا .. سلامي للحاجه وقولي ليها في واحده قالت ليك ياخاله ماشفتي مصطفى قمر وراغب علامه أو عمرو مين كده ماعارف؟
الحاجة قالت ليك قول ليها انتي كنت عميانة منهم؟ ولا حاسديننا في شوف العين؟
Quote: كان الشاعر " الناشىء" آنذاك،،في اربعينات القرن الماضي السر قدور يحمل أولى تجاربه الشعرية ليذهب بها الى قهوة جورج مشرقى فى ( سوق الموردة) بأمدرمان ليعرضها على شيخ الشعراء (عمر البنا) المشهور ببغضه الشديد للشعر الردىء ، نظر البنا فيه ملياً حتى اغتاظ وقام منفعلاً يريد ان ينهال على الفتى القادم من الدامر بعكازٍ أو( بسطونة) كانت فى يده لولا أنه فر من أمامه جذعا مذعورا. طلال مدثر
Quote: يتعمد السر قدور دوماً تجاهل المعلومات والمداخلات التي يبديها الفنان عاصم البنا.
عمر الفاروق
نحمد الله الماشال العكاز كبٌعو بيهو..!!
Post: #171 Title: Re: إذا عُرف السبب... Author: محمد المرتضى حامد Date: 10-11-2006, 06:52 PM Parent: #170
Quote: نحمد الله الماشال العكاز كبٌعو بيهو..!!
الغريبه أحساسي انو السر كان منحاز لعاصم .. كل مره ياود البنا ياعاصم يا مراسي الشوق حتى ظننت أنه سيكمل ب (اللهم فاشهد) وعاصم انتهز الفرصه وهاك ياتنظيم وأوامر للأوركسترا دو سي ويشغلا متى ما أراد ويوقفا ، انشالله في الحر ، تقول عربيتو.
Post: #172 Title: Re: أبو الكلام Author: ASIM AL BANNA Date: 10-11-2006, 07:29 PM Parent: #1
يا اخوانا السلام عليكم
والله انا فى غاية السعادة بانضمامى اليكم فى البوست الكان ملاسى معانا فيهو اختفى فى ظروف غامضة تستوجب الشرح وعلى الرغم من الشمارات الخطيرة والقطر فيهو مفتش نزلناهو محطة ودالبنا لكن تكاد سعادتى بكم تغطينى فرحا وسرورا.
يامحمد المرتضى الدبلوماسية لا تبرر الاخطاء ياخى انا وفرفور اخدنا لينا كمية من الشتيمة حرامى فى المولد ماشافها عمك ابوالكلام استاذنا ادانا حصة فى الاخلاق والغريبه هو الحكى لينا القصة الحقيقية بس المفتشين هنا كتار مابتنحكى ...
* كان موضوع الجلسة عن الرحلات الفنية و بالتحديد الرحلة الفنية لإفتتاح محطة سكة حديد واو. غنى الشباب مقاطع من (( يالمصيرك تنجرح )) و ((حنيني إليك و ليل الغربة أضناني )) و (( يا ليالي الإنس لي عودي )).. بعد كده تشٌعب الموضوع و بقى عن قصيدة (( حبيبي نحن إتلاقينا مرة..في خيالي و في شعوري ألف مرة )) و كيف إنو معظم الفنانين و عشة الفلاتية أبوها بالله واحد... and I am not blaming them .. .القصيدة عادية جداً - ما خاتي جد عاصم البنا كان جرى وراهو بالبسطونة - ..لكن اللحن جميل جداً جداً..و أجمل منه صوت العاقب محمد حسن..الرايق..الراقي..العذب.
* كانت لتكون جلسة اليوم عادية لولا بكاء فرفور و عاصم البنا.. غايتو عاصم نفعتو ملفحة أهلو الشُكرية و قشقش دميعاتو ..لكن فرفور غلبو الصبر..
نعشم في تفسير و شرح أكتر من العضو الجديد ASIM AL BANNA .
Post: #174 Title: لون الدهب .. نورت البوست والبوستات المجاورة والحلة كلها Author: ملكة سبأ Date: 10-12-2006, 03:47 AM Parent: #173
Post: #177 Title: Re: لون الدهب .. نورت البوست والبوستات المجاورة والحلة كلها Author: ASIM AL BANNA Date: 10-12-2006, 07:24 AM Parent: #174
فى حضرتك تتبدل اللغة والحروف والدنيا تلبس انبهار اللهفة والوله الشفوف وانا ياجميل مالينى خوف ... اصلو الزمن عودنا مانتهنى بى حلو الطروفتاتنن
Post: #176 Title: Re: بكية ما منظور مثيلها.. Author: ASIM AL BANNA Date: 10-12-2006, 07:18 AM Parent: #173
والله انت ماكنة ... ما ممكونة ولا حاجة ... مكنتينى مكنة مصارع .. التحية ليك ياممكونة وصابرة الموضوع ده ما بتشرح على الهواء مباشرة ... عموما القصة الحقيقية عارفنها انا وجمال دون الاخرين وكل منا لا يعرف ان الاخر عندو علم بالقصة ... والسر قدور حكى لى كل واحد مننا لوحده وفى وقت مختلف ... ولما كان بيحكى فى قصة التاج مصطفى وعشة الفلاتية نحن تزكرنا القصة وحسيت انه جمال داير يموت بى الضحك سالتو انت عارف ؟ اشار لى بر راسة من اعلى الى اسفل نعم ... وطبعا اخوك ماقدر امسك الضحكة وطااااااااااااااااااخ وقفوا التسجيل وشتمونا يا منحطين يا مابعرف ايه المهم فى الاخر جابو الموية ورضينا السر قدور ورفعت الجلسةش
هدية من العضو الجديد
Post: #178 Title: Re: بكية ما منظور مثيلها.. Author: Hussein Mallasi Date: 10-12-2006, 07:57 AM Parent: #176
الدليل على نجاح البرنامج؛ كثرة الإعلانات التي أصبحت تسبق و تتخلل البرنامج.
____ كل يومين إعلان زيادة.
Post: #179 Title: Re: بكية ما منظور مثيلها.. Author: محمد المرتضى حامد Date: 10-12-2006, 08:56 AM Parent: #178
Quote: الدليل على نجاح البرنامج؛ كثرة الإعلانات
الدليل على نجاح البرنامج نجاح البوست ده. لكن ياحسين البتغني لدعاية التياب دي لقطوها من وين؟ قال نا نا يا .. غايتو.
السر قدور ... رجل مثير ..قاعدة بيانات .. لماح .. في 1967 اشتهر برنامج كان يقدمه موسيقار مصري يعمل خبيرا في السودان .. كان الرجل يحكي عن تاريخ الغناء السوداني !!ويحلل وفقا لرؤيته ويقول ما يريد وتهيا للجميع مناصرة للغناء السوداني ان كل ما يقوله صحيحا ولم يكن كذلك وحيث لم يكن هنالك سودانيزاونلاين وحسين ملاسي كان طفلا في عطبرة فلذا لم يشار اليه بانه "ابو الكلام" وقد كان حقيقة ابو وعم وجد الكلام .. اما السر قدور فراوي بقدرة وشفافية عن تاريخ عاشه واقعا وكان جزء منه ومازال . الليلة وهو يتحدث عن " شهرة العمل الواحد" بفيض واقتدار كان معلما بكل المقاييس ومؤرخا للغناء السوداني ومؤكدا بان ّكثرة البكي يعلم النواح ولكن لا يصنع مبدعا وكثيريين ممن يكتب شعرا يكثر البكاء ويملا الدواويين معلقات ولكن ياتي واحد بفصيدة واحدة هي دواوين ... كل تاريخنا مصادره الغير ومن ذاكرة ومدونات الغير ونحتج كثيرا نحن علي هذا وفي ذات الوقت لا نعير انتباها مصادرنا الذاتية والقادرة علي رواية بعض من تاريخنا معايشة وواقعا والسر قدور مصدر او مصادر متعددة للتاريخ الغنائي والمسرحي والشعري السوداني .. ورغم الهنات والهفوات التي تصاحب هذا البرنامج-بسبب قصور في الاعداد- ففيه دسم لمن يريد غناء وتاريخا غنائيا .. وانا منحاز للسر قدور و عاصم ( مش عشانك يا صديقي المرتضي لكن لما اراي فيه من التزام-في الكلام والصورة- مكمل لغنائه الجميل ) ولعصام لدرجة ما كانت ستكون كاملة لو تروي قليلا ... مودتي ابوبكر
* دارت جلسة اليوم عن عوامل النجاح للفنان (( مطرباً كان أم ملحناً أم شاعراً )). لخٌصها السر قدور في أن الفنان الناجح هو من يهتم بالكيفية لا الكمية. يعني كمية الإغنيات أو القصائد أو الألحان لا تعنى أن الفنان ناجح , فقد ينجح أحدهم بإغنية أو قصيدة أو لحن واحد فقط. و أن أي عمل يُتوخى فيه الصدق..هو عمل ناجح.
* أدٌت المجموعة مقاطع من (( حياتي حياتي )) و (( البحيرة )) كما عزفت الفرقة الموسيقية مقطوعة (( الأدهمية )) ثم خُتمت الجلسة ب (( مرٌت الأيام )).
* واصلت (( نسرين )) مسلسل مقاطعاتها – البائسة- مما حدا بالسر قدور إلى مناشدتها ب قوله (( ياخي ما تقاطعيني !!)) فإعتذرت بضحكة بلهاء.. أنا لو منها بلملم باقي كرامتي و أعتذر عن باقي الحلقات.. أرحمي نفسِك و أرحمينا ياخي.
* كان (( فرفور )) هادئاً على غير العادة... إنت متأكد يا عاصم , كوز الموية ده كان فيهو موية ؟؟؟ ولا شاي باللبن ؟؟!!!
Post: #183 Title: Re: الكيفية... لا الكمية...!! Author: ASIM AL BANNA Date: 10-12-2006, 11:48 PM Parent: #182
ممكونه انت كنت مزيعة رياضية قبل كدى يا ختى ؟ بتعلقى على الكوره على الهواء ... يا ملاسى انا حاضر مع الناس وما حافظ قلت شنو؟ والله انت لازم تغيرى الاسم الى مااكنه لانك مكنتى نسرين المسكينة وقعتى بيها الخور .... يعنى كان نسرين مافى البقول رفعت الجلسةمنو؟ محمد المرتضى يعنى ولا... نشغلا هزاز ؟ نسرين دورا كان مقصور على الافتتاحية والختام كمزيعة تربط بين الفواصل ... لكن عمك السر يربط ويحل شبه الجزيرة العربية كلها ... ماتقاطعينى لما اقاطعك... دى هى الجمله الشهيرا البقولا كل حلقة..... بعدين جلسا مامنظور مثيلا كيف ...؟ يعنى وكلنا رجال طيب ما نعقد مابقى عقد عديل كده ناقص موسيقى الجيش والبرتكان بالكاف والمفارش الحومر.... ياممكونة هسه الممكونه منو انت ولا نسرين ؟
ملاسى بركة الجيت طيب يابا فاتك منتدى النادى الثقافى ودالحاوى وشادول وحلنقى محمد سراج الدين وكامل عبد الماجد احمد المك ...بدون بسمات كلمتو عمل حسابو... وانا ومحمد الحسن حاج الخضر .. وعافيا من نجوم الغد... وهاك ياغناسمح لى 3 ونص وانت نااااااااااااااااايم
بالعافية غرقتونى وقعدتو؟
Post: #184 Title: Re: الكيفية... لا الكمية...!! Author: محمد المرتضى حامد Date: 10-13-2006, 05:51 AM Parent: #183
والله ياست البوست السيده ممكونه قصتك غريبه، والله كلامك عن انو نسرين ماكان في داعي ليها ده ما صاح تب غض النظر عن رأي عاصم لأنو في ناس بيعتقدوا انها زي اللوحة التي تزين المجلس (جوهر صدر المحافل) رغم أن لي رأيا مغايرا في الحته دي. هذا البرنامج كشف لي أن معظم تجارتنا الخارجية تنحصر في التياب والمفروشات ومن عند (هاله)هات.
عاصم مادايرين ضحك.
Post: #185 Title: Re: الكيفية... لا الكمية...!! Author: Hussein Mallasi Date: 10-13-2006, 07:41 AM Parent: #184
Quote: بعدين جلسا مامنظور مثيلا كيف ...؟ يعنى وكلنا رجال
اممممممم ..
كدا بقى واضح انو الحكاية ما حكاية مط صناعي في الغنا بدون داعي!
Post: #186 Title: Re: الكيفية... لا الكمية...!! Author: Hussein Mallasi Date: 10-13-2006, 08:09 AM Parent: #185
Quote: فاتك منتدى النادى الثقافى
تعرف يا عاصم .. طوال شهر رمضان لم اذهب للنادي؛ و بما ان الإعلان عن المنتدى كان ضعيفاً فقد فاتني حضوره. ____ العيد كيف .. ما تعملوا لينا حاجة كدا ياخي.
Post: #187 Title: Re: الكيفية... لا الكمية...!! Author: ASIM AL BANNA Date: 10-13-2006, 10:15 AM Parent: #186
اصحابك ناس النادى جاتهم كل الكوكبة كانوا لاعبين كوشتينة طاخ خمسين واحد يسرخ .. تقول ما جاينهم ..
برضو كانت موت احمر ... الليلة ليلة الحقيبة فى النادى الامريكى .. عباس وياسر تمتام وشخصى واسرار بابكر .. لو جيت يكون كويس باقى ام احمد فاتحة خشمها راجيا العيد ما تقمحا.
Post: #188 Title: Re: الكيفية... لا الكمية...!! Author: ASIM AL BANNA Date: 10-13-2006, 10:16 AM Parent: #186
اصحابك ناس النادى جاتهم كل الكوكبة كانوا لاعبين كوشتينة طاخ خمسين واحد يسرخ .. تقول ما جاينهم ..
برضو كانت موت احمر ... الليلة ليلة الحقيبة فى النادى الامريكى .. عباس وياسر تمتام وشخصى واسرار بابكر .. لو جيت يكون كويس باقى ام احمد فاتحة خشمها راجيا العيد ما تقمحا.
حلقة الليلة – بالذات – كانت استثنائية؛ فقد نال عاصم نصيبه من التسكيت!!
كانت حلقة اليوم عن تطرق الأغنيات لوسائل العصر*؛ – من رسائل؛ قطارات و طائرات – و عندما تذكر الرسائل لابد أن يذكر الجابري؛ بينما كان القطار من نصيب زنقار و الطائرة من نصيب الكاشف.
و إعجاب السر قدور بالكاشف يفوق إعجاب الجزلي بالكابلي**؛ المهم .. تجلى عاصم في أداء أغنية الكاشف رحلة بينما تجلى الرجل شديد التهذيب نادر خضر في أداء أغنية الجابري.
_____ * ذلك العصر! ** الغريبة شايف قدور ما شغال بالكابلي!!
السلام عليكم مراسلكم اليوم وبصورة مؤقتة الزوول التقرير اليومي
بدأت عن زنقار والمفاجأة توضيح أن زنقار أصلاً كان يغني بصوت عادي ولكنه بطلب من صديقه سيد عبد العزيز مثل وغنى دور فتاة واستعمل ما يسمى بالصوت المستعار في احدى مسرحيات سيد عبد العزيز فطلبت منه شركة تسجيل الأسطوانات أن يسجل لهم بذات الصوت المستعار ( ده ذكرني ببوست مشهور في سودانيزاونلاين عن الكابلي وصوته المستعار) ومن ديك وعيك و زنقارهو أول من غني من بف نفسك يا القطار ثم عرج الموضوع على أغاني القطار ورائعة ودالقرشي القطار المر وهي أشهر أغاني الخمسينات وتتميز بمقدمتها الموسيقية المميزة.. ثم عرج الموضوع على الرسائل فغنى عصام من طرف الحبيب للجابري أبدع فيها... مفصّلة على صوتو وتواصل الكلام عن الجابري فحكى ( أبو الكلام) تعليق صلاح عرّام رئيس الفرقة الماسية المصرية عن الجابري ( صاحبك ده مدلع نفسه أوي) ثم غنى نادر خضر أغنية الرسائل ( مافي حتى رسالة واحدة ) فلم يغنيها بصورة جميلة كما يفعل عادة بعدها تحول الموضوع لأغنية الكاشف رحلة في طيارة وملحوظة ذكية عن خطأ يقع فيه معظم الفنانين عندما يقولوا عدنا وبينما طال الغياب ، وهذا كلام لا معنى له والصحيح هو أن يقولوا عدنا وبينا ما طال الغياب غناها عاصم البنا وبما انه أصبح زميلنا وكده نسوي شنو عاد ...لازم نقول انه أداها بصورة جميلة وكانت هناك بعض المداخلات الجميلة من أسرار والمشاترة من عصام (صوتو مطرطر زي العندو نزلة ..وربما يكون السبب اختلاف السلِّم ) وبعدين عصام ده ما يطول بنطلونو ده شوية ( ذكّرني بالجزولي دفع الله ) المهم .. دي كانت آخر حاجة ورفعت الجلسة بواسطة نسرين وبرضو نسرين ما سلمت من بعض التهميش عندما حاولت أن تثبت نفسها فقيل لها ( بالله ركزي معانا شوية) فسكتت سكتة واحدة أما زميلنا الجديد فقد حاول مقاطعة أبو الكلام وتم اسكاته ب ( بالله دقيقة ) بشكل حاسم ومطالبة بعدم الخروج من الموضوع.. رفعت الجلسة
........................ وما الناس إلا هالك وأبن هالك *** وذو نسب في الهالكين عريق
يا ابوبكر؛ الواحد اتشبع ياخي بالكلام عن الحقيبة؛ و خلاص بقى مافي جديد؛ أكيد تلودي حيتكلم عن علي شمو و الشنطة و صلاح احمد محمد صالح؛ و بعدين حيتكلم عن اضراب الطمبارة المع سرور في حفل زواج بشير الشيخ؛ و حيتكلم عن بلاغة شعر الحقيبة و ربما يتطرق للمغزى الكامن وراء الأوصاف الحسية في أغاني الحقيبة .. لاخر الكلام المحفوظ!
تعرف يا عاصم .. السنة الفاتت و في نفس المكان حضرت لي يوم زي دا؛ و الكان بيقدم النماذج عباس و الجقر .. النماذج كانت ممتازة ؛ بس الكلام ياهو نفس الكلام.
شكرا حسين .. استمعت الي تسجيل لتلك في تسجيل وجدته في كمبيوتر عمر عندما كان هنا قبل شهور ...غيابي طال جدا فلذا متابعاتي قليلة الا ان "القديم من الغناء" كما اشرت اليه في مداخلة بهذاالاسم اليوم ربما يغيب الجديد .. مودتي ابوبكر
اها ياممكونة بركة الحلقة الفاتتك عشان المرة دي قال ليها: ( ياخي ما تركزي) وأجابت بنفس الإبتسامة .. وكان مصرانك حا ينفجر
يتخيل لي فرفور (هجس) خوفا من لدغات قدور دي
والله ياشباب النيل الأزرق حاتوحشونا
Post: #202 Title: Re: أبو الكلام Author: Hussein Mallasi Date: 10-14-2006, 04:17 AM Parent: #201
ترى لو تمت استضافتة السر قدور في التلفزيون المصري كان حيقدر يقطم المذيعة بالطريقة دي ( منى الشاذلي مثلاً ) خليك من منى الشاذلي؛ لو كانت مقدمة البرنامج عفاف حسن امين؛ كان حيقدر يتفسح كدا!! _____ بالله يا حسن فضل المولى المرة الجاية جيبوا ليهو عفاف حسن امين عشان يعرف حاجة!!
Post: #204 Title: Re: أبو الكلام Author: محمد المرتضى حامد Date: 10-14-2006, 05:22 AM Parent: #202
Quote: جيبوا ليهو عفاف حسن امين عشان يعرف حاجة!!
دي منو كمان دي؟
Post: #203 Title: Re: أبو الكلام Author: abubakr Date: 10-14-2006, 04:22 AM Parent: #1
يا حسين ما سمعت ب "بوسي شلبي ".. الله وكيلك مرة واحدة شفتها بتنقل مهرجان كان وهي خلت المهرجان كان ...
Post: #205 Title: Re: أبو الكلام Author: Hussein Mallasi Date: 10-14-2006, 05:31 AM Parent: #203
Quote:
Quote: جيبوا ليهو عفاف حسن امين عشان يعرف حاجة!!
دي منو كمان دي؟
الجهل بالشيء خير من العلم به!!
Post: #206 Title: Re: أبو الكلام Author: ملكة سبأ Date: 10-14-2006, 05:31 AM Parent: #1
Quote: دي منو كمان دي؟
اجارك الله من (طولة بالها) يا محمد المرتضي
فعلا كان (كجك كجك) اتنفضت قامت خلت ليكم السر قدور في محلو داك
زي حركتها مع (بتاعة) اتحاد المرأة ، لكن كانت بتكون بالجد جد
Post: #207 Title: Re: أبو الكلام Author: Hussein Mallasi Date: 10-14-2006, 05:54 AM Parent: #206
Quote: يا حسين ما سمعت ب "بوسي شلبي "
سمعت بها يا أبو بكر و بمنة شلبي؛ فهي ذرية بعضها من بعض* و لا قبل للسر قدور بمقاطعتهم. ____ * التعبير مستلف من جني.
Post: #208 Title: أم الكلام.. Author: mamkouna Date: 10-14-2006, 06:20 AM Parent: #1
فاتتني حلقة الأمس ف... * كتب ملاسي سبعة مداخلات دسمة.. * كتب الزووول تقرير و لا أجمل..
ارجو الا تبعدنا هنات وهفوات صاحبت هذا البرنامج من قيمة البرنامج .. السر قدور وهو في عقده السابع او الثامن مثال لانتاج الحس الجماعي المتمثل في اهل الفن والمغني والشعر والادب والمسرح السوداني وربما يكون هو انضج هذا الانتاج .. اهمية المغني (والمغني) السوداني في انه هو الموثق لهموم واحلام وتطلعات الانسان السوداني ونضاله فكل اغنية لها قصة مرتبطة بوجدان الانسان السوداني في حقبة معينة من تاريخه الاجتماعي والسياسي ... واهمية السر قدور في كلامه فهو لاعب رئيسي و موثق لذاك التاريخ وهو "الوصلة/الرابط" التي تغيب اليوم عن كثير من شباب المغنيين.. كانت" الوصلة/الرابط" في زمان قبل هذا الزمان هي مجتمع متكامل فيه من امثال السر قدور كثيرون من مغنيين وشعراء ومسرحيين وعشاق طرب.. والشباب الذين يشاركون السر قدور هذا البرنامج جد محظوظيين ان اتيحت لهم هذه "الوصلة/ الرابط" وهم رغم وجودهم في ساحة الفن منذ فترة ورغم مقدرات ربما اكبر من التي كانت لمغنيين كثيرين في الزمن القديم لم تتهيأ لهم معينات ذاك الزمن من حس جماعي متواصل يربطهم بالقديم والاقدم فتقوي اعوادهم وينتشر جديدهم متكحلا بقديم... التحية للسر قدور وللشباب الصداح والمتداخلات والمتداخليين المقتدريين "خفيفي الظل وحروفهم رشيقة " في هذا البوست الذي اثار انتباهي الي هذا البرنامج الذي ربما هو الاهم والاوحد في ايامنا هذه توثيقا واستنهاضا لحس جماعي يخاطب الوجدان برقة كادت احداث جسام وسوء حال البلاد والعباد من ضائقة زماننا هذا ان تذهب به ...
والله يا جمــاعة الـ Summry ده عملتو لينــا بيهو .. نفسيات + نفسيــات ما بعد الفطور والنيل الأزرق ما شغالة عندي + نفسيات ( سيديهــات ) .. ( الزووول ) التقول جاريهــا ( نمل ) دي.. االواحد بقى قاعد في البوست ده .. مواطن درجة تالتة نبيل جدا .. .. يـــــا المرتضى .. تلحقنــا وتفزعنــا .. انا قبل كده قلت ليك بخــور التيمان .. وتكتر من ( عين ) العروس اللــونه ( أحمـــر+ أســود ) ما سمعت كلامي .. كان ما عندك بنعمل ليك داون لود هنــا .. بي عينه .. بس على شرط العروس منك .. ما تشوف شر .. يا حكومة .. وحمد الله على السلامة .. ( تعال في الحلة التانية عندي معاك كلام سر ) .. أبوبكر + ملاسي
Quote: استمعت الي تسجيل لتلك في تسجيل وجدته في كمبيوتر عمر عندما كان هنا قبل شهور
...
Quote: افتكر ياسر تمتام كان معاهم - يا ابو بكر - لو لم تخني الذاكرة.
.. كان ده التسجيل التحتاني دهـ .. تكونوا بالغتوا عديل .. حالتي عامل بيهــو نايم .. لكن ما خسارة فيكم ... اضغطو .. مع الرأفة ..
Post: #222 Title: Re: أبو الكلام Author: Ahmed Mohammed Osman Date: 10-15-2006, 05:07 AM Parent: #215
اللهم اني صائم يا تمبس ولولا الصيام كان كلامي معاك تاني التسجيل طبعا مش مبالغة الهينة دي دا كلام بجرح يوم الصايم من شدة الطرب والمتعة الفيهو
استاذنـــا ابو بكر .. الله .. عتقك غايتو ، لانو كان ممكن اتصلبط فيك عادي وأقول ليك رسل لي المجموعة دي .. لكن أخونــا ( إدريس الخليفة علم الهدى ) .. ما قصر .. نفس السيديهين بامكانية تسجيل عالية التقنية .. ودي راس مال عديل كده .. بس ياريت لو تركز لي على أغنية ( منــال المعاني الطيبة .. فيك روح .. وألف روح وانت روحك طيبة ).. اسمع بلاي الشباب ديل ( جرسوها ) كيف ..؟
Post: #218 Title: ما عافية منك يا تمبس.. Author: mamkouna Date: 10-14-2006, 08:46 PM Parent: #1
مسوا نوركم..و...شوفوا الجبينها صباح.... الصباح إن لاح.... لا فايدة في الإصباح
هل أتاكَ حديثَ الكوكب النضٌاح قمره تمطر خُمره وحارسها الفضٌاح إن تحيجنا محاسن الشمس للإيضاح مابتحيجنا محاسن.. محيها الوضٌاح
القوام اللادن... الأريج الفاح من جسيمها الناعم الأثمر التفاح أدرى أو لا أدري صرت كاللمتاح لو رضاكِ هلاكي.. أنا للهلاك أرتاح
ياليالي أحبابي.. ماشفيتي جِراح بل شفيتي فؤادي بمدية الجرٌاح صرت أتلو حديثِك في الوجود بصراح لو تليتبو كتابي.. سُميت بالشرٌاح
ننظر الأيات في النور على الألواح المعاني الحُرة ومُنية الأرواح في العيون المرٌ.. السحر لاواح يجذب الألباب أو يُفرح النُوٌاح
ياليالي أحبابي ما شفيتي جراح بل شفيتي فؤادي بمدية الجراح أدرى أو لا أدري صِرت كاللمتاح لو رضاكِ هلاكي أنا للهلاك أرتاح
ماجنيت في هواكِ.. وماعليٌ جُناح إشتكيت للقمري ولم يعيرني جَناح يكفيك لساني الغنى ليك وليك كم ناح لو رثيتبو حياتي ما إحتجت لي منٌاح.
و الله أعلم..!!!
Post: #219 Title: Re: ما عافية منك يا تمبس.. Author: الزوول Date: 10-14-2006, 10:36 PM Parent: #218
السلام عليكم ممكونة شايفك زغت من التقرير اليومي مع انك ما فاطرة بره والدليل سوسن المهم...
حلقة امبارح كانت حلقة جبانة عديل كده 16:30 دقيقة بس كانت في مجملها عن الرقابة الفنية والمراقب الصارم الشاعر ابراهيم العبادي اللقطة الأبرز هي وصول الإستفزاز لمداه لأختنا نسرين المسكينة وذلك عندما حاولت المسكينة اقتراح الإستماع لمقطع فنهرها قائلاً خليني اوريك السبب يا سوسن ولقطة أخرى الغياب الكامل ل( زميلنا الجديد ) ونادر خضر ولولا انهم رقصوا جلوساً وختوهو قرض في اغنية الجابري الجميلة بأداء عصام محمد نور لما شعرنا بوجودهم ولأن اسرار ما رقصت ( وما ينبغي لها) فدلوقت انا بتذكر يا ربي كانت موجودة؟ هاكم آخر الحلقة وأغنية الجابري الجميلة التي مُنعت من التسجيل بسبب أداء الجابري (الهابط) لها
الرابط ........................ وما الناس إلا هالك وأبن هالك *** وذو نسب في الهالكين عريق
Post: #220 Title: Re: ما عافية منك يا تمبس.. Author: abubakr Date: 10-14-2006, 10:47 PM Parent: #219
Quote: بس ياريت لو تركز لي على أغنية ( منــال المعاني الطيبة .. فيك روح .. وألف روح وانت روحك طيبة )..
انا دووم مركز عشان افهم النضمي فالحاجز اللغوي مازال معشعشا في الداخل ..يعني لحد ما افتح المعجم الرطانة-عربي التلقائي بعض الكلمات بتروح فاعمل ري وايند ومرات فور ورد ... ولذا انا ممتن لممكونة التي مكنتي من "مسو نوركم " فانا كنت شغال ريوايند فوور ورد في الاغنية دية لحد السحور ولحد ما نجدتني .. وتحياتي لمراسل البوست الغنائي المهني جدا في نقله لاحداث البرنامج
مودتي ابوبكر
Post: #221 Title: كهربتنا كانت شاربة القهوة برة Author: ملكة سبأ Date: 10-15-2006, 04:08 AM Parent: #219
Quote: ولولا انهم رقصوا جلوساً وختوهو قرض في اغنية الجابري الجميلة بأداء عصام محمد نور
اخ خ خ
Post: #223 Title: Re: كهربتنا كانت شاربة القهوة برة Author: Ahmed Mohammed Osman Date: 10-15-2006, 05:17 AM Parent: #221
البوست ماخد من حلاوة البرنامج قدر ما قلت اتابع البرنامج بفشل والسبب الفطور البرة البيت بس لو ممكن لو في زول سجل الحلقات ينزلها لينا ممكونة ملاسي ملكة سباء ابوبكر الزووول تمبس و عاصم البنا
Quote: حلقة امبارح كانت حلقة جبانة عديل كده 16:30 دقيقة بس
و الله يا الزووول أول ما السر قدور حكى نكتة الفنان الأبو يجيزوا ليهو أغنيته عشان الكورس أو الشيالين ما أربعة.. قام قال ليهم ..الشايلينها أربعة دي.. غُنية و لا جنازة..!! و... نطٌت نسرين قالت ليهو...وأجازوا الأغنية؟؟!
.. .. بطني طمٌت و حِرِدتَ التقرير..!!!
Post: #224 Title: Re: أبو الكلام Author: Ahmed Mohammed Osman Date: 10-15-2006, 05:29 AM Parent: #1
بالرغم من جمال البرنامج وقيمة السرد الفيهو لكن اتخيل لي البرنامج ناقص حاجة اتخيل لي ناقص ليهو زول كبير تاني يكون حاضر مع عمك (ابوكلام) عشان السرد يبقي ون تو بحيث تبعد المشاهد من اطار المحاضرة الفنية وممكن الزول دا يكون مثلا الفنان مبارك حسن بركات او من في جيله ولا ما كدا؟؟؟
Post: #226 Title: Re: أبو الكلام Author: abubakr Date: 10-15-2006, 09:57 AM Parent: #1
Quote: نطٌت نسرين قالت ليهو...وأجازوا الأغنية؟؟!
دي "هنه" من هنات البرنامج لكن الشباب والسر قدور بيعيدو التوازن للبرنامج فسامحيها هي ماكانت تدري بينا وبالبوست دة ؟
Post: #227 Title: Re: أبو الكلام Author: الزوول Date: 10-15-2006, 10:31 AM Parent: #226
السلام عليكم ممكونة
Quote: و الله يا الزووول أول ما السر قدور حكى نكتة الفنان الأبو يجيزوا ليهو أغنيته عشان الكورس أو الشيالين ما أربعة.. قام قال ليهم ..الشايلينها أربعة دي.. غُنية و لا جنازة..!! و... نطٌت نسرين قالت ليهو...وأجازوا الأغنية؟؟
ذكرتني بنكتة اخونا الذكي لما جاء لقى الناس في البحر سألهم : مالكم يا أخوانا؟ قالوا ليه : عندنا واحد غرق هنا ليهو تلاتة ايام فكر كده وقال لهم : تلاتة ايام ؟؟؟ ياخوانا ده يكون مات
........................ وما الناس إلا هالك وأبن هالك *** وذو نسب في الهالكين عريق
Post: #228 Title: Re: أبو الكلام Author: ASIM AL BANNA Date: 10-15-2006, 10:50 AM Parent: #1
طبعا يا اخوانا الليله اخدته لى ضحكه من النوع ابو بكية فيكم .... عاملين زى الزول الداير يشترى حاجه وقروشه ناقصة يشيلا بى جاى ويجيبا بى جاى وبرضو ما تلفق معاهو وتانى يبدا..... فضل لى نسرين معاكم اقل من اسبوع .... حقو تشوفو الجميل عندها شنو... ؟ معقول زول يتحمل جنس الكلام ده مايكون زول جميل ؟؟؟ يا ملاسى البوست ده من اول يوم فى العيد تقلب اسمو يبقى (على صدى الذكرى) ... يا زول فتحوا لينا فى الحلقة قلنا نترتر لى ورا امكن يحسوا بينا (صبر جايك عثمان الشفيع ... امانا ما يترتر ابو الكلام زااااتو) ... يامرتضى يعنى انت شركتنى فى المحلة دى عشان تتخارج منى ولا كيف يعنى فاتح لينا كده .... (لوغات) .. ملكة سبا بالله دى حركات ملوك دى والله طلعتى ايى كلام ياجداع ..... يازول وينو الرابط انت رابط شنو ... خاتى لينا نوقط نوقط .. ديل قطره فى عين ممكونه ولا شنو؟
بس خلاص ...
للمنشور اكثر من زاوية والجمال لاينتظر .... ابحث عن فضولى بدلا عن ام النصر ....
ياناس بره عناء النادى الامريكى السنه دى شديد جدا معاكم عمك محمدية وزوربا واحمد المك بدون بسمات .. وعوض احمودى .... لما يجيبوا لى النسخة حقتى تشوفوا كيف بعدين ... الجديد شديد ...
رفعت الجلسة
من الليلة ممنوع الفطور بره
Post: #229 Title: Re: أبو الكلام Author: الزوول Date: 10-15-2006, 11:20 AM Parent: #228
السلام عليكم
Quote: يازول وينو الرابط انت رابط شنو ... خاتى لينا نوقط نوقط .. ديل قطره فى عين ممكونه ولا شنو؟
زميلنا الجديد فاقدنك سوري يا جماعة سيرفر بكري رفض يحمّل الملف فحملناهو سيرفر حب النيل
Post: #239 Title: Re: أبو الكلام Author: ملكة سبأ Date: 10-16-2006, 04:38 AM Parent: #228
Quote: ملكة سبا بالله دى حركات ملوك دى
تلقاك هسي تقول هي نسرين براها ؟!
بالمناسبة ياعاصم انت امس كنت نعسان صاح؟
هي الساعة كانت ثلاثة متين؟
وثم الجمال سيد الموقف هنا ، هو الأصل يعني ما ممكن الناس دي تجي كل يوم تعيد منتهى الجمال .. قمة الروعة، فكان لازم يكون في موضوع خفيف الناس تكون بيه حولكم
كفاية دليل انه الناس بطلت تفطر بره
وحقيقي حاتوحشونا ياشباب النيل الأزرق وجلستكم كلها كدا على بعضها ...
* دارت جلسة اليوم عن المسابقات الغنائية. حكى لنا عمنا السر قدور أن برنامج (( ما يطلبه المستمعون )) كان و ما زال ال Hit Parade بتاع الأغاني. بمعنى..إنو حسب كمية الخطابات و الطلبات التى ترِد البرنامج تتحدد أول أغنية..و ثاني أغنية و كدا. * غنى شباب النيل مقاطع من أغاني فائزة..زي..(( ما أحلى ساعات اللقاء ))..و..(( لي غرام و أماني )).و..(( حبيبي جنني و غير حالي ))..و.. (( يحيا الحب )) و كسرَتها(( الساعة كم))!! # عمري ده كلو قايلاها حقت حسين شندي #..!! * من الأغاني التى تربعت في المركز الأول لفترة طويلة..رائعة عثمان الشفيع (( الملامة )). تألق فيها زميلنا الجديد و غناها بكل إمتاع وإستمتاع .. يا سلااااااااااااام عليك يا أبو أحمد.. * لا أُخفي عليكم..رقصتَ في مقطع (( أأهنأ )) ..كما لم ترقص...حواء خميس!!!
---------------------------- بمناسبة المسابقات...أقترح مسابقة لأسمج و أثقل شخصية رمضانية.. أنا اُرشح.. 1/ سوسن..!! 2/ يا ستٌار..سوبر ستار..!!
Post: #237 Title: Re: أبو الكلام Author: Manar Mahsoub Date: 10-16-2006, 01:18 AM Parent: #1
صراحة حلقة امبارح كانت تمام و اجمل مافيها دخلات عاصم البنا البتأكد تماما تمكنه من اداء اغنيات الحقيبة يعنى بديك احساس انو شرابها شراب .. نسرين غايتو مسكينة مستحملة ابو الكلام و بتحاول تبلع احراجاته... تغيظ عاملها وشها السمح شديد داك ... خدشه واحده مافيه ..( كلام واحده حاسده مش كده ) بس لو ورتنى بتستعمل كريم شنو؟؟؟
Post: #238 Title: Re: أبو الكلام Author: عمر الفاروق Date: 10-16-2006, 02:28 AM Parent: #1
علوية جمالات (دي على وزن سوسن يا سحس)
Quote: من الأغاني التى تربعت في المركز الأول لفترة طويلة..رائعة عثمان الشفيع (( الملامة )). تألق فيها زميلنا الجديد و غناها بكل إمتاع وإستمتاع ..
ياخ والله هضمتي حقوق فرفور وعصام .. عاصم دخل في الزمن الضايع للأغنية والظاهر انو عاصم يحفظ المقاطع الاخيرة من الاغنية اكتر من البداية عشان كده اجاد في هذه الجزئية واداها بي صورة جميلة جداً .. اسرار بابكر اثبتت انها في وادي والاغاني القديمة في وادي اخر وادتني إحساس إنها النوع البيحفظ اغاني نحتاج لترديدها في الجلسات والحدائق والبينشات فللأسف اسرار في هذه الاغنية إكتفت فقط بترديد ( يا روحي) .. ( يا حبيبي).. لحدي ما الاغنية انتهت .. واسرار في معظم الحلقات كانت تسجل غياب شبه تام (ده ما بينفي انو صوتها جميل طبعاً).. عاصم البنا (الشُرّاب) بتاعو كان شديد شدة السنين بُنّي شفاف وطلع ما زوقو ما زي زوق معظم السودانيين اللي عندهم غرام مع (الشُرّاب) اللونو أبيض !!!!
Post: #240 Title: Re: أبو الكلام Author: abubakr Date: 10-16-2006, 04:39 AM Parent: #1
Quote: نطٌت نسرين قالت ليهو...وأجازوا الأغنية؟؟
Quote: عاصم البنا (الشُرّاب) بتاعو كان شديد شدة السنين بُنّي شفاف
حكمة الله انتو زيكم نحن بكان ما شغال- نعمر مدن فيها بنايات كثيرة- محتاجيين ليهم لقدرتكن الفائقة في التقاط كل شاردة وواردة بنسميها اسناقنقن snagging يعني الواحد منا هنا عندو كام مئة بناية عايز يسلمها لا صحابهافي يوم واحد لكن بعد ما نجيب جماعة يطلعو لينا كل غلطة صغيرونة نصلحها اول ...انا كنت قايل ناس المعاشات او القربو المعاشات زي دييل في الغربة - وما في معاش بكان شغلنا-هم بتخيلو نفسهم قاعدين في راكوبة او "توقو -دي رطانة" ما يخلو واحد (ه) يمر قدامم الا وهات يا اسناقنقن ... لكن اقول ليكم انتو كدة مع البرنامج حاجة رهيبة اعطيتوه البعد الرابع ( هي الثالث وانا رقيتها للرابع عشانكم ) يديكم العافية
عموما بحكم السن انا مع الشيبة السر قدور وياريت لو سلمو " س د تي في" - المغسة دي - عشان يحكي لينا ويغني لينا ويفرفشنا ويخلي زولنا ودالبنايصدح وما همانا الشرابات مدام فيها خد وهات مع عصام وفرفور .ولازم وجودكم ضروري..
مودتي ابوبكر
Post: #241 Title: Re: أبو الكلام Author: Manar Mahsoub Date: 10-16-2006, 04:59 AM Parent: #1
و الله يا ابوبكر خليتنى اتخيل نفسى قاعدة فى التوقو يعنى مرقت من البولو و قعدت فى التوقو ( انشاء الله البولو دى تكون وقعت ليك) .... رغم الشرابات و البدل الكاروهات و المطرزة و صرة وش اسرار و سكوت نادر خضر لكن حقيقة برنامج مميز جدا حتى الخرمجة الفيهو مميزة و يا حليلهم خلاص قربو تانى شوفو ليكم شمار غيرهم و يا ممكونهامن ناحية الشمار الحار انتى اكثر واحدة حتتأثرى ...لكن ما عندك عوجة فى تغطية الحدث بضبانتو مفصلة على ناس السى ان ان زى ما قالوا اختصار لجملة سنوافيكم بالاخبار ( الشمار)نتشه نتشه ....
Post: #242 Title: Re: أبو الكلام Author: abubakr Date: 10-16-2006, 06:23 AM Parent: #241
يا قريبتي سلام
Quote: ( انشاء الله البولو دى تكون وقعت ليك)
اهلي وقرايبي ما عرفيين علاقتي بالبولو اتتي نقرتيها من وين .. انا بعد ما خلست وسلمت اخر نادي للفروسية والبولو السنة الماضية- وطلع احسنهم في المنطقة يعني زي غني المسابقات امبارح بس من غير هت باريد- قررت مطلقا وتحت اي ظرف التعامل مع ام اربع واربعيين وكل الخيول كيتا في راكبي الخيول واصحابها الذين لا يعجبهم العجب وكل واحد فاكر نفسو فارس زمانو ... قررت ان امسح من الس في بتاعي شغل عشريين سنة و اشوف لي نادي للديوك او اشتغل مذيع ربط مع صاحبي السر قدور واكاوي ناس ممكونة وملاسي وتمبس وانت كمان عشان ما تلقو ليكم فرقة للشمار
مودتي ابوبكر
Post: #243 Title: Re: أبو الكلام Author: Hussein Mallasi Date: 10-16-2006, 08:22 AM Parent: #242
سلامات يا عصمت؛ يا ريت ياخي لو كان عندكم طريقة للنيل الأزرق ؛ لانو مرات بتكون عندهم اشراقات تمام.
_____ كل سنة و انت طيب.
Post: #244 Title: Re: أبو الكلام Author: Ibrahim Algrefwi Date: 10-16-2006, 09:53 AM Parent: #1
بلاي ده كلام ده !
انا بشوف البوست ده طوالي ، قلت ملاسي عندو الامور مع الصادق المهدي ، فلم تحدثتني نفسي بالجهاد ...
اها فجاءةً قلت كدي النشوف البوست دي مالو مُهجج كده ، القاكم مهججين " أغاني وأغاني " صورة وصوت ومعاكم الود بتاع الحقيبة زاتو"علي قولة اسماء عمتي " ... ... والله يا ملاسي عملتها واضحة ، كان تعزمونا ...
...
غايتو انا البرنامج ده اكتر حاجة مريحاني فيهو "بعد عصام محمد نور"
معرض الازياء الحبشية والجلابية والملفحة ام توب ديك ، ...
... ...
Post: #245 Title: Re: أبو الكلام Author: abubakr Date: 10-16-2006, 10:12 AM Parent: #244
كلها من "البيئة " ومن القارة ذاتهأ يعني ما يجو ناس يقولو ما من البيئة ؟
ياجريفاوي ليه همشت الما بتهمش السر قدور ؟ ..دة المهم .. اهو راسي حجر .. ماني بربري يعني لو اشعلقت في حاجة موت موت عديل ...؟؟ نضمي الشواب وسلطنة السر دي عاجبنبي آووي ....؟؟ في انتظار حلقة اليوم ...
عااااااااااااااجزة عن الشُكر.. ياخي دي أجمل عيدية..
لكن... حالة الطمع لسه مستمرة.. دايرين (( يا رشا يا كحيل )) عشان خاطر أم رشا. !! و دايرين (( جاني طيفو طايف )) عشان بعد القطرة , العيون تبقى قذايف !! و دايرين (( لمٌا ترجع بالسلامة )) عشان أهلنا و أحبابنا المتغربين يتشجعوا و يعٌيدوا معانا.. !! أهأأأأأأأ.. نعمل شنو..؟؟!!
رغم انو ابدعوا في الجزء الاخير فرفور كتل حيل الغنية .. عصام و عاصم شغلهم نضيف الشباب ديل بصراحة جهجهوا الحتة بتاعة (لحن الحياة منك ما تقول نسينا الماضي و صرنا ناسنك)
Post: #250 Title: Re: أبو الكلام Author: ناذر محمد الخليفة Date: 10-16-2006, 05:54 PM Parent: #1
ملاسي ..
الليلة فاتك عاصم البنا في النادي العائلي !! غايتو كان يوم ملان جداً . كمية من الفنانين الشباب (والغير الشباب) زايد شعراء زايد ملحنين زايد فرق كوميدية والاهم من دا كلو حضور عوض أحمودي !!
عاصم أبدع والله في غنية (أسمعنا مرة) والاجمل غناها معاهو عبد اللطيف الحاوي الملحن وغايتو كان يوم روعة ، انا شخصياً سعدت والله بالتعرف على ود البنا عن قرب ..
صنفرة :
العافية حسن ... صوت جميل .. ربنا يحفظا ويقويها !!
Post: #251 Title: Re: أبو الكلام Author: ASIM AL BANNA Date: 10-16-2006, 08:08 PM Parent: #1
الحمد لله الحمد لله الف مره بقت على الشراب .... يا شفافين
شكله الكلام بقى ابو كلام ودخل الحوش ... وزميلكم والله والجديد ما قايل كده
ياممكونه جايكم بى غادى ... جهزى القطره ... شوية مناديل الناس تتباكى والدموع تتقطر ... وانا الملامه على بس كانت ماكناننى من الاول ماحبيت اتحشر خايف من الاحراج استاذ السر زولى وبعرفو ... لمن شوية تحانيس كده اتفشيت ... تعرفى حفظ ملامه ده زى دوها يادوها ... بس جات من الله كده موسى ود نفاش رحمه الله جوهو ناس ابو العلا عشان يوزع ليهم صدقة جمب جامع امدرمان الكبير ... شال شوالات البلح مشى بى الكارو قدام المسجد .. اتلموا فيهو المساكين هيجه شديده ... قاليهم اقيفوا اقيفوا .. دايرين اوزعا ليكم توزيع رب العالمين ولا توزيع ود نفاش .؟ قالوا ليهو توزيع رب العالمين ... نادى الاول اداهو تمرتين نادى التانى اداهو شوال نادى التالت قاليهو شيل الشولات كلها ... الجماعة قالوا ليهو ده شنو ياود نفاش .. قاليهم هو قاعد يدى كده فيكم زول سالوا ليه؟
الله يجيب العيد ياملاسى لومك على كان ما تشتاقوا لى ابو الكلام لما تتكلموا براكم
عشان بنفعل ليكم ... ليق ليقلق
بالمناسبة انتو لسه فى خط 18 ... الجاى .. ولا مافى داعى
يا ملاسى بكره الثلاثاء فى منتدى الخرطوم جنوب وانا العازمك رمضان كمل وفترتنا ... امرق انت لابد وين
السلام عليكم أحمد المك حسن عطية خالو لَزمْ ...مافي اعتراض لعب في المريخ مع كمال عبد الوهاب... مافي مانع عَزّاف في العود ... ما قلنا غلط مبتسم دائماً مما يذيدو وسامة ..كلام صحيح لكن.. عايز أعرف دورو شنو الليلة 24 يوم ولغاية هسه ما سمعت صوت العود مع انو كانت هناك فرص كتيرة للنقرشة والتجلي يكون خايف يا ربي؟؟؟ حليلك يا عوض أحمودي اتخيلو كان في مكانو كان الموقف حا يكون كيف في الأمم المتحدة؟؟؟ توزيع البسمات يمين وشمال ...ما كفاية أصحى ...يا بريش
........................ وما الناس إلا هالك وأبن هالك *** وذو نسب في الهالكين عريق
لاحظوا للسودانيين , يا الموصلي.. التركيز كلو علي الغنا و المغنيين و النضمي و اللبس, لغاية هسة ما في زول علق علي الموسيقي و الموسيقيين.. سعد الطيب و محمدية و الباقين, أكثر أمة لا تكترث للموسيقيين و الموسيقي عندهم زي سواق التكسي !
ده كلام يا ممكونة , ناذر و تمبس !?! ..
نحن طبعا ما شايفين الحلقات دي !
Post: #256 Title: Re: أبو الكلام Author: عمر الفاروق Date: 10-17-2006, 04:28 AM Parent: #1
تعرف يا معز:
Quote: سعد الطيب و محمدية و الباقين, أكثر أمة لا تكترث للموسيقيين
كلامك صاح وما صاح .. صاح لأنو فعلاً الناس ديل شغالين شغل جميل جداً بل هم السبب الرئيسي لي نجاح العمل ده .. وبالجد الفرقة هي اللي كانت العميل رقم صفر والأجمل انو الفرقة هي اللي اثبتت انها الاكثر حفظاً لأنو الفنانين ديل كل زول طلع حافظ جزء بينما الفقة اشتغلت ليهم كلهم بل وبتشيل اغلاطهم وترمما سريع سريع .. تعرف يا معز انا اكتر زول عاجبني في الفرقة دي كلها مليجي في الايقاع ومعاهو بتاع الطبلة .. أول ناس بيقوموا بي نمرة واحدة لي بداية العمل والعربية لو قامت صاح بتواصل صاح فعشان كده بحس إنو مليجي ده هو ضابط الشغل ده كلللو وعزفو رايق ياخ.. وما صاح لأنو حتى السر قدور في معظم حلقاته تجاوز للحن والموسيقى ونادراً ما يتطرق لها وده اللي خلى الناس هنا ما تركز على الجانب اللحني والموسيقي .. وبالمناسبة يا معز ما السودانيين براهم كل العالم شغال بي نظرية : " الخيل تجقلب زي الشرا في القندول " أو كما قال محمد نعيم سعد .. تحية وإحترام لهذه الفرقة الجميلة ..
Post: #257 Title: Re: أبو الكلام Author: الزوول Date: 10-17-2006, 09:26 AM Parent: #1
السلام عليكم ممكونة... وكل الما عندهم النيل الأزرق بالأضافة للناس الفاطرين بره
Quote: لكن... حالة الطمع لسه مستمرة..
No problem
Quote: دايرين (( يا رشا يا كحيل )) عشان خاطر أم رشا. !!
Post: #258 Title: Re: أبو الكلام Author: ناذر محمد الخليفة Date: 10-17-2006, 10:35 AM Parent: #1
المعز كيفك ..
Quote: لاحظوا للسودانيين , يا الموصلي.. التركيز كلو علي الغنا و المغنيين و النضمي و اللبس, لغاية هسة ما في زول علق علي الموسيقي و الموسيقيين.. سعد الطيب و محمدية و الباقين, أكثر أمة لا تكترث للموسيقيين و الموسيقي عندهم زي سواق التكسي !
ده كلام يا ممكونة , ناذر و تمبس !?! ..
لا حظ إنو اول مداخلة لي في البوست دا أنا إتكلمت فيها برة موضوع حلقات النيل الازرق وبرة موضوع السر قدور ، إتكلمت بس عن إستماعي ومقابلتي لي عاصم البنا في النادي العائلي ..
عارف ليه انا ما إتكلمت في حلقات النيل الازرق وعن الموسيقى المصاحبة للحلقات ؟
لأني والله العظيم لحدي هسي ما شفت ولا حلقة من برناكج السر قدور وبحش البوست دا بقرا بس عشان اعرف الحصل شنو في الحلقات ، يعني متابع من بعيد لبعيد ، والسبب المخليني ما أشوف ولا حلقة من البرنامج لانو بي بساطة مواعبدو بتتضارب مع برنامج تاني أنا ملتزم بيهو !!
Quote: وما صاح لأنو حتى السر قدور في معظم حلقاته تجاوز للحن والموسيقى ونادراً ما يتطرق لها وده اللي خلى الناس هنا ما تركز على الجانب اللحني والموسيقي ..
ده معناه إنه كلامي صاح لامن غلط , قلت لي المسألة بايظة من كبارا !..
أولاد المليجي !: ياخي أنا حضرت سهرة ل"السمندل" لكن أكثر ما شدني بنقز أسامة المليجي و الزوق الإيقاعي الغاية في الرقي و الزوق , مسألة كده إلا تسمعها..
خليك معانا يا عمر و تابع لينا مساهمات الفرقة( سعد و محمدية حته واحدة !) بختكم!.. تحياتي و رمضان كريم,
ناذر, سلامات..
Quote: والسبب المخليني ما أشوف ولا حلقة من البرنامج لانو بي بساطة مواعبدو بتتضارب مع برنامج تاني أنا ملتزم بيهو !!
غايتو كدة يادوب الواحد لقي معاك سبب تتخارج بيه من تهمة الأمية الموسيقية .. بجد أنا كنت مستغرب أنك ممكن تتجاوز مساهمة مخضرمين مثل محمدية و سعد و شايف كمان فيها واحد من أولاد المليجي, تحية و رمضان كريم
Quote: ركّزي معانا يا ( سوسن) اقصد يا ممكونة..!!!! الحلقة معادة.. أكلونا في حلقة ... الله يستر ما ياكلونا باقي الحلقات
و الله يا عوض.. أقصد يا الزووووول..!! الجلسة دي أول مرة أشوفها.. فعلاً بت حلال..الظاهر دي جلسة يوم كنت فاطرة بره.!!
Post: #262 Title: Re: أبو الكلام Author: ASIM AL BANNA Date: 10-17-2006, 07:39 PM Parent: #1
الله شاف ليكم عادوا الحلقة لانو ثلاثة اساسين واحد رحع القاهرةواحد فى الدوحة واحد فى العمرة وبرجعوا فى اخر يوم فى رمضان وزميلكم الجديد كان ناوى ليكم نيه فى قمر السما ... لان من المفترض تبث الحلقة الاخيرة لمدة ساعتين على الهواء يوم الوقفة .. بما ان السجل فعليا 29 حلقة يعنى مافى اى احتمال رمضان 29 يوم حكم علينا بالصيام 30 يوما مسبقا من قناة النيل للبترول والله شاف ليكم
.... رفعت الجلسة
ياممكونه ارجعى لى رايك فى الحلقة نفسها فى البث الاول
واعملى القطرة وماتنسى تنومى بدرى
بس خلاص
والله انا كان عرفت بدلة شعبوله دى جابا من وين كان اشتريت واحده لمحمد المرتضى لزوم المحكمة وكده يعنى
عشان يكشوك وتجينا السودان باقى دايرنك شديد والله
الليلة فاتك منتدى جنوب كان ...... ياما كان (ماقلت بتجينا وياحليل مجيكا)
Quote: لان من المفترض تبث الحلقة الاخيرة لمدة ساعتين على الهواء يوم الوقفة .
يعني نزٌعف.. و ننٌضف.. و نخبز.. و نشتري هدوم العيد من بكرة؟؟!!!
Post: #265 Title: Re: أبو الكلام Author: ASIM AL BANNA Date: 10-17-2006, 09:23 PM Parent: #1
تانى ياممكونه نسيتى القطره .... اعملى العين الشمال دى لانها ماشايفه كويس
يوم الوقفه ممكن تزعفى عادى لان الحلقه فى موعدها بعد الفطور سبعة وربع بالتوقيت المحلى وعلى مشاهدينا فى الاقاليم مراعات فروق الوقت ....
يا اخوان ملاسى شديد؟؟؟؟
ولا يكون السر قدور قبل عليهو؟؟
Post: #266 Title: Re: أبو الكلام Author: خالد Date: 10-17-2006, 10:07 PM Parent: #265
Quote: عرفنا إنو ثنائي العاصمة..كان (( ثلاثي الأبعاد ))..أقصد ثلاثي العاصمة..لكن الفردة الثالثة و هو واحد إسمو محمد الحويج إنسحب.
بالغتي يا ممكونة لكن؟
بالله بعد البوست ده انا كنت قايلك ..... !
Post: #270 Title: يا عينيٌ..يا عينيٌ... Author: mamkouna Date: 10-18-2006, 09:14 AM Parent: #265
Quote: تانى ياممكونه نسيتى القطره .... اعملى العين الشمال دى لانها ماشايفه كويس
بعيد عنك العيون الإتنين شِمال.. و فيهن شي يحيٌر..يغيٌر إتجاه الزول...
قايلني ممكونة من هين؟؟!!
Post: #267 Title: Re: أبو الكلام Author: Manar Mahsoub Date: 10-18-2006, 00:16 AM Parent: #1
Quote: الله شاف ليكم عادوا الحلقة لانو ثلاثة اساسين واحد رحع القاهرةواحد فى الدوحة واحد فى العمرة وبرجعوا فى اخر يوم فى رمضان وزميلكم الجديد كان ناوى ليكم نيه فى قمر السما ... لان من المفترض تبث الحلقة الاخيرة لمدة ساعتين على الهواء يوم الوقفة .. بما ان السجل فعليا 29 حلقة يعنى مافى اى احتمال رمضان 29 يوم حكم علينا بالصيام 30 يوما مسبقا من قناة النيل للبترول والله شاف ليكم
ما قدرت افهم يا عاصم الحته دى يعنى كده الحلقات المسجله الـ29 انتهت و باقى الاخيرة الحتكون على الهواء ... انتو رمضانكم خلاص فضل ليه يوم واحد ... طيب نحن مالنا لسع باقى زى اسبوع كده ؟؟؟؟... شايفه فارق التوقيت رهييب.. و له شنو يا محمد المرتضى فهمنى يمكن انت قريب لينا بتقدر توقع لى المعلومة اصلو فى رمضان المخ بيصاب بالتقلة شوية خاصة الايام الاخيرة ...
Post: #268 Title: Re: أبو الكلام Author: Hussein Mallasi Date: 10-18-2006, 08:46 AM Parent: #267
لان حلقة أمس كانت معادة؛ و لان الإدمان مشكلة كبيرة؛ لذا كان لابد من الذهاب لمنتدى الخرطوم جنوب لأخذ جرعة الطرب اليومية.
Post: #271 Title: Re: أبو الكلام Author: الفاتح وديدي Date: 10-18-2006, 10:29 AM Parent: #268
Quote: لذا كان لابد من الذهاب لمنتدى الخرطوم جنوب لأخذ جرعة الطرب اليومية
وما أحلى ساعات اللقاء استمتعنا مع إبداعات (الزميل الجديد) الذي تجلّى البارحة.. نبوية الملاك دي كمان قصتها قصّة.. صوت ينسرب لمسام الروح بسلاسة عجيبة.. ياريت يدوم هنانا.. ياحبيبييي أنا فرحان.. شادول وروح الحاضر دوماً حسن الزبير.. ليلة ويالها... من ليله أحمودي ورمضانية ما حتتنسي في حضرتو.. كتر خيرك.. يامُرتاح ومُعذّب غيرك كتّر خيرك.. يامجنون ومُجنّّن غيرك كتّر خيركم ياناس جنوب الأمبارح كلّكم
Quote: الواحد خايف انو قدور يكون بيتفسح فينا الوكت دا كلو!!
فعلا يا حسين بيتفسح فينا تذكّر لما حاول يتفلسف وقال ان الحضارة دائماً تنكون على شواطي البحار و جاب مثال مشاتر للغاية قال شنو !!!! انو مدينة الأسكندرية لها حضارتها الخاصة بسبب تأثرها بالبحر المتوسط كما أن اسوان لها حضارة مختلفة لأنها تأثرت بالبحر الأحمر غايتو نسرين المسكينة ما قدرت تقول أي حاجة... تخيل لو كانت عفاف أمين ، تفتكر كانت فوتتها ليهو ؟؟ أنا شخصياً لسه مغيوظ ........................ وما الناس إلا هالك وأبن هالك *** وذو نسب في الهالكين عريق
Quote: فعلا يا حسين بيتفسح فينا تذكّر لما حاول يتفلسف وقال ان الحضارة دائماً تنكون على شواطي البحار و جاب مثال مشاتر للغاية قال شنو !!!! انو مدينة الأسكندرية لها حضارتها الخاصة بسبب تأثرها بالبحر المتوسط كما أن اسوان لها حضارة مختلفة لأنها تأثرت بالبحر الأحمر
تعرف يالزووول أنا اليوم داك زعلت..لكن أكلتها..عارف ليه؟ لأنو الزول ده ما طلع لينا في التلفزيون قال أنا مؤرخ أو فيزيائي أو عالم فضاء..و لو قعدت حسبت كمية المعلومات المغلوطة البيذكروها المثقفين و المتعلمين ح تحتاج لمعلقات و دفاتر و موسوعات. بعدين هو قال (( الحضارة بتكون دايماً على شواطيء البحار..و ما بتكون على شواطيء الأنهار )).which is very untrue ... لكن بصراحة قصة أسوان و البحر الأحمر دي ما سمعت بيها إلا هنا!!!
Quote: واضح انو قدور تحضيرو لحلقة اليوم كان ضعيف. ____ او احتمال كلامو يكون كمل!
و الله يا ملاسي انا استمتعت جداً بجلسة اليوم . السر قدور عندو علاقة شخصية مع ابو داؤود عشان كده كان متحمس ليهو جداً و حكى عن قوة حضوره و خفة ظله و تاريخه الوظيفي و قوة صوته..إلخ. بعدين ياخي الزول حكى كمية من الحكاوي... * حكاية أبو داؤود مع زنقار. * حكاية القطر و الفطور الما إندفعت قروشو. * حكاية قروش المرشدات الحاولوا ياكلوهو فيها لكن إتعشي بيهم و رجعها مدبلة. * حكاية الخواجة سيد المطبعة السمح لابو داؤود بالتأخير تقديراً ل فنه. * حكاية لقاء ابو داؤود و برعي محمد دفع الله و الأمي في الابيض و بداية التعاون بينهم في (( أحلام الحب)).
و كان ممكن يحكي زيادة لو سوسن أدتو فرصة!!! شايفاهو ما رضى منها قصة الكبريتة...
* بعدين ياخي في علاقة قوية جداً بين الصفيف و نطق الحروف... و هي نفس العلاقة بين إنو أبو داؤود شغٌال في السكة حديد و بيغني من بف نفسك يالقطار!!!
Post: #276 Title: Re: أبو الكلام Author: ASIM AL BANNA Date: 10-18-2006, 06:03 PM Parent: #1
تعرف ياحسين حتى زيارتك كانت حته زى كتاباتك واضح انه شعارك خير الكلام ماقل ودل ... الغريب انه البوست الكان حقك اسمو ابو الكلام ... لكن والله انسحابك كان تكتيكى واناجيت متاخر وده الخلانى جريت على المسرح ماقعدته معاك وانتهت الجلسة ولم اجدك عشان اتفشى فيك ... انشاء الله تجينا تانى .... يالروعتك واعزازى بتلبيتك الدعوة كانت جزء من جمال البرنامج ... حيب علمى ان الكميرا الوحيده كانت معاك اول الغيث قطره..
اما انت يا ايها المستمع الشفيف وديدى ليتنى قابلتك بالدرب .. الغريب انكم لا تشعرون بانى احسب كل الزملاء فى هذا البوست هم اخوة لى ابحث عنهم طويلا ... اشكرك على حضورك الانيق ومن واجبى توصيل رايك الرقيق لكل من نبوية وشادول وعوض .....
مشاهدينا فى الاقاليم وفروق الوقت دى ليك ياست البنات ... الحلقة الكان مفروض تبث على الهواء لاغية بامارة انهم اعادوا حلقة اول الامس ...
رمضان عندكم بدا متين ؟؟؟
رمضان عندنا هنا باااااارد واسمه هيثم ماعندنا معاهو مسكلة اتفضلى معانا
الأخ ملاسى والاخوة الاعزاء لكم الود أعنقد أن اختيار الاخت نسربن سوركتى لتقديم البرنامج جانبه التوفيق ولا أرى اى داع لوجودها او وجود مذيعة من أصلو فالسيد أبوالكلام قام بكل الادوار بما فيها دور المذيعة و أن لم يكن هناك بد فلتكن المذيعة عفاف حسن أمين او سلمى(لا أعرف الاسم بالكامل)ولكنها قدمت حلقات ممتازة مع الشاعر عوض أحمد خليفة أما الزميل الجديد فهو نجم الحلفات بلا منافس سوى عصام محمد نور فرفور كان أقل منهم بكثير أما صديقى العزيز نادر و الفنانة أسرار فكانااختيارا غير موفق للمعدين
Post: #280 Title: Re: أبو الكلام Author: لقمان حسن همام Date: 10-18-2006, 08:00 PM Parent: #277
Quote: يالروعتك واعزازى بتلبيتك الدعوة كانت جزء من جمال البرنامج
هكذا عهدناه ملاسي ،، صديقا ودودا ورائعا ..
أشواقي له ،، وتحياتي لك أخي عاصم وللجميع ..
نتابعكم بإعجاب هنا وهناك ..
لقمان همـّـام
Post: #282 Title: Re: أبو الكلام Author: لقمان حسن همام Date: 10-18-2006, 08:15 PM Parent: #280
Quote: او سلمى(لا أعرف الاسم بالكامل)
أعتقد أنك تعني المذيعة المقتدرة سلمى سيد ..
وأعتقد كذلك أن اسم (سوسن) الذي ذكره السر قدور
يعود لــ (سوسن نافع) وهي من منتجي البرنامج ..
أقول (أعتقد) ...
والله اعلم ..
Post: #281 Title: Re: أبو الكلام Author: ASIM AL BANNA Date: 10-18-2006, 08:14 PM Parent: #1
تعرف ياممكونه انا ماممكن اطلع منك ساكت فى البوست ده ... العاجبنى فى طريقتك انك دقيقة ونص ومابتفوتك حاجه انشاء الله ماتكونى بتسجلى زى ناس كده ورانا عيد وعدادعت ماتخميها فى الضمانه ...
شكرا يا حبيبنا القرضابى على الثناء لكن ... حب الناس مذاهب ... وحياة خوتك الكل مبدعين
تحياتى يالقمان .... على فكره عمك السر قدور ملخبط فى الاسم ساكت ولا سوسن ولا حاجه .. مرات بقول لى ود البنا بروح عليهو الاسم
Quote: شكرا يا حبيبنا القرضابى على الثناء لكن ... حب الناس مذاهب ... وحياة خوتك الكل مبدعين
الأخ عاصم تحياتى لا أنكر ابداع الأخ نادر و أنا من أكثر المعجبين به لما يمتاز به من أسلوب مختلف ومتفرد فى الأداء لا يشبه من سبقوه... كذلك الفنانة الرائعة أسرار بابكر والتى أنصفها من هم أفضل منى بمنحها العديد من الجوائز على المستويين المحلى و الاقليمى لكننى أعنى أن وجودهما فى هذا البرنامج بالذات لم يكن موفقا فى رأىالشخصى ..لعدم حفظهما للأغانى القديمة و عدم تعودهم على أدائها والشكر و التقدير للجميع
Post: #284 Title: Re: أبو الكلام Author: الزوول Date: 10-19-2006, 11:15 AM Parent: #1
السلام عليكم
Quote: بعدين هو قال (( الحضارة بتكون دايماً على شواطيء البحار..و ما بتكون على شواطيء الأنهار )).which is very untrue ... لكن بصراحة قصة أسوان و البحر الأحمر دي ما سمعت بيها إلا هنا!!!
كَدي شوفوا الفايل ده http://www.up00.com/v/570429/BN_Fos7a.wmv.html بس للتوثيق وكده ملحوظة: الفايل محتاج Downloading عشان أخونا بكري مقفل خدمة رفع ملفات الفيديو ........................ وما الناس إلا هالك وأبن هالك *** وذو نسب في الهالكين عريق
الكلام كان أي كلام يا ممكونة؛ دار حديث يا ممكونة عن أغنيات زمان الهابطة التي تم تفريغ الحانها من الكلمات و تعبئتها بكلمات مقبولة؛ و لم يعلق قدور – كالعادة – على ملاحظة نادر خضر بأن الغناء الهابط ليس حكراً على شباب الأيام دي.
كما ان أغنية عثمان حسين التي صدحت بها أسرار أثبتت انو عثمان حسين فنان ما ممكن يتكرر.
Post: #287 Title: Re: تقرير المراسل الفني ( بالوكالة) Author: الزوول Date: 10-19-2006, 08:49 PM Parent: #286
السلام عليكم ممكونة : ما قصدته اسماعك وبقية ممن لم ينتبه لما قاله الأستاذ السر قدور وما قصدته أيضاً هو ايصال رسالة بصورة ما الى كل من يتحدث في منبر عام كالتلفزيون والصحف أن ينتبهوا جيداً لما يقولونه وأن يستوثقوا جيداً من معلوماتهم فهذا عصر كل شىء فيه قابل للتوثيق ومن ثم للنشر وباختصار (ما تتفسحوا فينا ساي) .... نعود لحلقة اليوم ... جرعة عالية من الطرب والنجم بلا منازع أسرار بابكر كانت الحلقة مراعاة الآداب والأخلاق في الغناء وتركزمعظم الحديث عن الشاعر السر دوليب ولفت نظري قولة شهيرة للشاعر ابراهيم العبادي ( الأغنية الأختك ما بتسمعها ، ما تكتبها) وربما نكون محتاجين لتطبيقها في هذا البورد بعد تغيير كلمة الأغنية بكلمة بوست المهم.. كانت هناك رابطة تسمى رابطة الأدب القومي تنشط لمكافحة الفن الهابط وتضم عدداً من الشعراء المجيدين ابراهيم العبادي سيد عبد العزيز عبدالرحمن الريح عبيد عبد الرحمن عمر البنا محمد بشير عتيق أحمد حسين العمرابي ( صاحب أندب حظي أم آمالي ) تجلت فيها أسرار بابكر وله ايضاً ( قلبي مالو اليوم من جسمي فرَّ وراح) وأيضاً كان صوت أسرار هو الطاغي كان هدف هذه الرابطة الدفاع عن القيم ومن أمثلة ذلك اعترض فوراوي على أغنية وردي التي كانت ( سبعتاشر سنة ) بحجة أن عمر ال17 غير قانوني فتم اضافة سنتين فصارت 19 سنة وكانت طريقة حرب الهبوط في غاية الجمال وهو ملء لحن الأغنية المنتشرة الهابطة بشعر رصين وأمثلة كثيرة .. اهواك يا ملاك بدلاً عن لحن (يا استاذ بالقزاز) اللون الخمري بدلاً عن لحن (التكاسة) ....ظاطووو كل البينا بقى حكاية على لحن (دوّر بينا البلد ده) يتميز شعر السر دوليب بالتفأول وهذا نادر في الغناء السوداني الملىء بالدموع والحزن ( لعناية أحمد القرشي وممكونة) كأغنية وردي ( حبيبي فكر وقدر ايه الجبتو ليك هدية) وكأغنية عثمان حسين ( ما بصدقكم ) وكأغنية عثمان حسين ( مسامحك يا حبيبي) التي غنتها أسرار كما لم تغني من قبل ولم يملك البقية الا الآستماع والأستمتاع ولم يملك أعضاء الفرقة الموسيقية الا التفاعل المدهش وتبقى كلمة حق يجب أن تقال فبضدها تُعرف الأشياء ولولا أن هؤلاء الشباب اتاحوا لنا الفرصة لتأمل أعمال الفنانين المتميزين وصعوبة ما أدوه من غناء لما عرفنا ذلك فشكراً لهم.. ........................ وما الناس إلا هالك وأبن هالك *** وذو نسب في الهالكين عريق
Post: #288 Title: Re: تقرير المراسل الفني ( بالوكالة) Author: ASIM AL BANNA Date: 10-19-2006, 09:17 PM Parent: #287
تسلم يازول والله كلمتك دى بالدنيا لانها كلمة حق .... والحق يقال نشكر السر قدور اولا واخيرا على هذه اللفته الرائعة ولو قلنا الماعندو قديم ماعندو جديد نكون اوفينا وحقو يستفيد التلفزيون القومى من مثل هذه القامات بدل ما يبرونا ببرامج عجيبة فى محاوله لتخفيض رسوم الانتاج وتطلع النتيجه رسوب الانتاج ....
انا بهدى ليكم بكل الحب عيد الكواكب بصفة شخصية من زميلكم الجديد وانشاء الله تعجبكم
عليك الله نورنا عشان نتصرف قبل ما يودونا السودان بالانتربول..
Quote: سلمى على الحاجه وقولى ليها عاصم قاليك كل سنه وانت طيبه ياست الناس كلهم
الحاجة بتسلم عليك وقالت ليك كل سنة وانت طيب
وام احمد واحمد في احسن حال..
Post: #291 Title: Re: أبو الكلام Author: abubakr Date: 10-20-2006, 06:57 AM Parent: #1
الاعزاء.. يبدو ان شوابنا " وانا كهل ساكون شايبا عما قريب " اشطر منا كثيرا .. امستمعت الي السر قدور يحثنا كيف كان من سبقونا يحاربون الفالت من الغناء بوعي وذكاء دون شعارات وتنظيمات وقوات امن خاص و مجتمع ... اليوم لو اتي واحد غناي شاطر ومشهور وبدل كلمات لحن " راجل المراة دة - للعلم لم اسمعها فانا في واد ولم احضر عرسا سودانيا الا عرسي قبل اكثر من عقديين لاسمع غناء الاعراس -" لو بدل كلماتها بكلمات مفيدة ذات معني وهدف لا بعدناعن اذان اجيالنا قبيح الكلام ....
رمضان في اخر ايامه وسنفتقد السر قدور وحكاويه وابداعات الشياب و جميل مداخلاتكم التي اعطت هذا البرنامج عمقا ..وان بعدت بيننا المسافات وصار لقاء السودانيين بعضهم البعض عصيا فالفضل لعالم افتراضي وسايبريا زماننا التي جمعتني بكم ...
Post: #294 Title: Re: أبو الكلام Author: الزوول Date: 10-20-2006, 11:10 AM Parent: #291
السلام عليكم
Quote: لكن حيٌرتوني.. حسي (( أسرار )) أبدعت و لا بدٌعت..!!!
استغربت جداً من تعليق ملاسي .. ولكني حملّته على قصد أن عثمان حسين أبدع في تلحين الأغنية عني شخصياًحقيقة لم استمتع منذ فترة طويلة كما استمتعت بأداء اسرار للاغنية عموماً كفض للأشتباك عندك حل من اثنين : أولهما ولحسن الحظ ( زميلنا الجديد) معانا هنا وممكن يفتي أحسن مني ومن ملاسي خاصة انو كان ( خاتي قرض أثناء الأغنية) ثانيهما انقري بالماوس على اللينك التالي ثم اعملي Download للملف BN_Asrar واسمعيهو ( برواقة بالله ) وأرجعي لنا برأيك http://www.up00.com/v/3851377/BN_Asrar.wmv.html
تخريمة: تحياتي للأخ أبوبكر والأخ ( زميلنا الجديد) وسأعود لكم قريباً ........................ وما الناس إلا هالك وأبن هالك *** وذو نسب في الهالكين عريق
قد يتساءل البعض عن ماهية أو أهمية الجمعة اليتيمة..
تنتهز معظم الأسر السودانية آخر جمعة في رمضان للتجمع الأسري و توزيع الصدقات و الهبات و قراءة القرآن على أرواح من فقدوا من أعضاء الأسرة. و تكون فرصة لتبادل التهاني و الأماني بالعيد .
أنا عمري كلو فاهمة كدا بس..لكن عرفت معلومات زيادة هنا....
Quote: أُرشح الأخ (( الزووول )) لسيادة هذا البوست.. بعد أن ثبت - بالدليل القاطع - عدم مصداقية سيد المولد !
يبدو ان المحاولات الفاشلة لإقصاء صاحب البوست لم تجد نفعاً؛ فتم تدبير مكيدة لاغتيال شخصيته بالترويج لمثل هذه المقولات!!
Post: #300 Title: Re: أبو الكلام Author: ASIM AL BANNA Date: 10-20-2006, 07:21 PM Parent: #1
يازول حبابك قدر عين الشمس .... قلت ليكم للهرم اكتر من زاويه عملتوا نايمين تحت القبه فكى سويتوها شرابات ومشختات ..
وتقول لى نتلاقى بالصدفه ؟ وانا الخاتيكا دون الناس براااااااك ياغالى فى كفه
هديت ليكم عيد الكواكب فتحتوا لى ...
اسرار يازول متفرده وصريحة فى غناها والخبره بكره تعلمها اكتر واكتر اما بالنسبه لى موضوع الحت وكده يعنى انا خلينى انت رايك شنو... ماحتيتو بالروابط يازول
الحق يقال : المبدعين فى خلال القرن المنصرم والذين تشملهم موهبة الشعر والتلحين والغناء فى آن واحد قله تحصرهم على اليد الواحده ياملاسى ولا بد من وقفة فى حقهم (3 in one) وعلى الترتيب عمر البنا .... عبدالحمن الريح ....السر قدور .على الرغم من انه لم يغنى بصفة رسمية الا انه غنى فى المسرح ... الكابلى ... واحمد الفرجونى ... وكما وضح الاستاذ قد يفوق العدد الحصر ولكن من تفوق عدد بسيط كان له حق الاعتراف علينا بتلك الموهبة الالهية المتفرده ...
كل سنه وانتو طيبين ...
ياملاسى ... الحكمه فى كونك بخيل واهلك اربيب الندى
يا ناس محمد المرتضى غطس وين ؟ اصحى يابريش
Post: #301 Title: Re: أبو الكلام Author: الزوول Date: 10-21-2006, 01:03 AM Parent: #300
السلام عليكم مواصلة لدور المراسل الفني (بالوكالة) الى أن يخلص الممكون اكرام ضيوفه ( لو فضّل زمن) دارت الحلقة عموماً عن الفنان المتكامل شعراً و تلحيناً وغناءً وتركز في مجمله عن الشاعر محمد عوض الكريم القرشي وسيرة سريعة لتأريخه فقد بدأ مبكراً في الأربعينات عكس ما يتصور البعض عن انه بدأ مع الشفيع وظهر في تلك الفترة بالرغم من وجود عمالقة الحقيبة كسرور وكرومة وكان ايضاً مسرحياً قديراً ، ألّف مسرحية مُثلت في الأبيض وذهب ريعها لصالح الخريجين فقد كان أحد الخريجين بمعنى إنه كان فناناً متعلماً تعليماً عالياً ( بمقياس ذلك العهد) أنشأ صحيفة أدبية اسمها الجريدة في أوائل الستينات لم يكتب لها النجاح ثم التقي بالشفيع وكونا ثنائياً فنياً فريداً وارتبطا ارتباطاً وثيقاً حتى ان أغنياته التي غناها فنانون آخرون ذهبت مرة أخرى للشفيع كالذكريات التي كان يغنيها ابراهيم الكاشف مثله ومثل عبد الرحمن الريح وحسن عطية عثمان حسين وبازرعة عبيد عبدالرحمن والكاشف (وقد نسي ثنائي مشهور وهو محمد وردي واسماعيل حسن) هنا تداخلت نسرين مداخلة ذكية أجبرت أبو الكلام علو احترامها وعدم تجاهلها ( أخيراً) وكانت عن السر في هذه الثنائيات الفنية ، هل هي نتيجة لصداقة شخصية أم توافق وانسجام فني . فأسهب أبو الكلام في التعليل وخلاصته أن المتقاربان شعورياً وفنياً حتماً سيكونان أصدقاء فخففت نسرين دمها بسؤالها إذن السر قدور صديق لمن؟ فخفف دمه أكثر قائلاً : صديق ليك انت وانفجرت الجلسة بالضحك المهم .. بعدها تطرق الحديث لمحمد عبدالرحمن فلاح الذي أحدث طفرة فنية وغنى كثيراً للعيون مثله مثل شاعر العيون عبدالله النجيب ، وقد شعر عمالقة الحقيبة بخطره لدرجة أن كرومة قال لخالد آدم (أبن الخياط) وهو أول ناقد فني سوداني ، ما معناه ( لو في عوجة بتجينا ، فبتكون من الزول ده) أدى فرفور رائعة فلاح ( عيونى هم السبب في اذاي وهم العَيوني) تداخل ( زميلنا الجديد) ( مداخلة رفعت رأسنا عاليا) . . وتركزت في لفت الإنتباه للمساهمات القيّمة التي قدمه السر قدور ، الكابلي ، أحمد الفرجوني ، عوض جبريل والطاهر ابراهيم ( والباقي ماني خابرهم) بعدها ابدع ( زميلنا الجديد ) في رائعة القرشي والشفيع (عيد الكواكب) يوم قالوا لي الأقمار عليمة *** انك تراها ولمس اديمها نجوم الحلقة: الكمنجات صديق ومحمدية وخاصة محمدية زميلنا الجديد ( بدون مجاملة) ها هو رابط عيد الكواكب وكالعادة أرجو نقر الرابط ثم Download للفايل BN_Asim http://www.up00.com/v/3691295/.html ومن ثم الإستماع والإستمتاع تخريمة: طبعاً كلكم مدعوون الساعة السابعة والنصف (بتوقيت السودان) في دار ( ودالبنا العامر) وذلك على التلفزيون القومي السوداني أول أيام العيد (بس من غير زميلنا الجديد) ........................ وما الناس إلا هالك وأبن هالك *** وذو نسب في الهالكين عريق
الزوووول السمح..الفات الكبار و القدرو.. ياخي تقريرك اليومي أبو صورة و صوت ده أثلج صدورنا و رفع روحنا المعنوية.. مشكوووووووووور و تسلم..تسلم..تسلم..
لذلك.. قررنا نحن - المراسلين الفنيين- أن نتنحى لك عن منصبنا و نحن بكامل قوانا العقلية..متنازلين عن كافة متميزات المنصب .من مرتب و عربية وبدلات و علاوات و..
ما عدا التأمين الصحي.. - خالتك ممكونة ..ممكونة و غلبت الطب و الطبيب-. و لتكن أول مهام منصبك إنك تشغل لينا لنكات يا رشا يا كحيل و..عيد الكواكب... (( عشان خاطر أم رشا ..و أم أحمد ..و أم أربعة و أربعين )) !!!
Post: #302 Title: Re: أبو الكلام Author: saadeldin abdelrahman Date: 10-21-2006, 01:13 AM Parent: #1
ياخي دي اجمل عيدية!!
Quote: Quote: لكن حيٌرتوني.. حسي (( أسرار )) أبدعت و لا بدٌعت..!!!
Post: #303 Title: Re: أبو الكلام Author: Ibrahim Algrefwi Date: 10-21-2006, 09:00 AM Parent: #1
: سهرة سعد - عن الجنون- ومحمود عبدالعزيز والحِلو تاني يوم في العيد دي كيف معاكم ؟
السلام عليكم شكراً سعد الدين شكراً ممكونة على التنصيب الرسمي لكن ....بعد شنو ؟ بعد ما فضّل يوم واحد؟؟؟ عموماً هذه الروابط التي طلبتيها ولكن يبدو أن مواقع استضافة الملفات لا يصبرون علينا كثيراً فهي تشتغل لفترة محدودة ثم تتوقف.. 1. يا رشا يا كحيل
فضل يوم واحد لأغاني و أغاني.. لكن لسه ... سهران يا نيل.. و.. ليالي و ليالي.. و.. سهرات العيد .. و.. برامج العيد في الفضائية و النيل الأزرق.. و.. برامج شوال..و ذو القعدة و ذو الحجة..لغاية رمضان الجاي..! يللا بلاش غَلَبَة.. دايرين التقرير بسرررررعة.. --------------------- جرٌبت الموقع ده... www.youtube.com ....???
Post: #307 Title: Re: سهران يا زوووول.. Author: الزوول Date: 10-22-2006, 08:23 AM
السلام عليكم
حلقة الأمس مميزة الحكي فالرجل قد اتانا فيها بمعلومات قيّمة ... وتأريخية كانت الحلقة عن غناء البنات وبدايته كما حكى السر قدور هي بداية عائلية فالأخت تغني لأخيها والأم تغني لولدها والبنت لعمها ..ولهذا ارتباط كبير بالحماسة تحول فيما بعد لتدخل فيه عبارات الحب وقد تلقف بعض كبار الفنانين هذه الأغاني وغنوها بعد تعديلات طفيفة عليها فهذه الأغاني ناجحة جداً بسبب تلقائية النظم وصدقه المهم ... قدّم فرفور مثالاً لسيد خليفة عينّيا يا عينيا يقولوا ..كان قايلين نحن فيهم ما سائلين أنا وحبيبي جلسنا ...كِده ..كيّة للحاسدين
ومثال آخر هو أغنية يا طيبة الأخلاق ومثال آخر هو أغنية كرومة مبروك عليك الليلة يا نعومة وغنتها أسرار بابكر ..... ذهب بعدها الحديث في اتجاه الغنايات (لا أدري لماذا يطلق عليهن الغنايات وليس المطربات أو الفنانات) كحميرا بنت كبوشية التي كانت تملك صوتاً جباراً يسمع ألفاً من الحضور بدون مايكرفون وقد علل لتسمية المغنيات باسماء قبائلهن كأم الحسن الشايقية ومهلة العبادية وعاشة الفلاتية الى أن المصريين دَرجوا على تسمية مغنيهم بأسماء المدن كالأسوانية ودلال المصرية وسكينة الأسكندرانية فتطلب الأمر في عهد الأسطوانات مثل هذا .. من أشهر الغنايات مهلة العبادية التي اشتهرت أغنيتها ( يا فلان الفلاني) حتى إن حسن عطية غناها ايضاً وفاطمة الحاج ومن أشهر أغانيها التي غناها عثمان الشفيع فيما بعد ( حبيتو ما حباني اتذكرتوا قام نساني) وقد أدي الشباب الأغنية خاصة عصام وفرفور بعدهم جاءت آمنة خير الله ( منى الخير) وقد غنت له أغنية ( تخاصم يوم وتصالح يوم) وهي أغنية كان متحفظاً عليها من لجنة النصوص لشكهم في ان الشاعر ( السر قدور) سرقها أدتها أسرار وهي ( في رأيي شخصي ) أغنية بطيئة جداً تذكرك بالأغنيات التي تبثها اذاعة امدرمان في فترات الإستماع المتدنية ( الساعة 9 صباحاً غير يوم الجمعة) ختمت الحلقة بهذه الأغنية ( ما حا أنزلها عشان ما عاجباني) عموماً كانت الحلقة مضاعفة الدسم بالمعلومات وقليلة الدسم ( وأحياناً منزوعة الدسم ) من ناحية الطرب تخريمة: شايفهم شكروا الناس ، وشكلهم كِده برضو دايرين يأكلونا في حلقة خاصة ان المقدمة تحتوي على لقطة يأخذ فيها الشباب مكان العازفين ولقطة اخري يتجمعون فيها حول (أبو الكلام) مغنيين ( يا السر قدور لازم تعود) زميلنا الجديد ... الحاصل شنو؟؟ ممكونة : ده الموقع بتاع You tube يا جماعة ما تساعدونا في موقع كويس لرفع الملفات ........................ وما الناس إلا هالك وأبن هالك *** وذو نسب في الهالكين عريق
دمٌعنا بس يا ملاسي..؟! أنا و الله بكيت بكا يستر جنازة.. ياااااااااااااااا حليلكم يا شباب النيل الأزرق.. و يااااااا حليلك يا السر قدور..
و ياااااااااا حليل البوست اللذيذ ده.. كنت ببدأ بيهو يومي..و.. بتسحر بيهو.. عشانو رفضت كمية من دعوات الإفطار... (( كنت بسأل في الأول : عندكم النيل الأزرق؟؟!!))! و.. بسببو حرقتَ كمية من حلل التقلية و النعيمية.. و دفٌقتَ كمية من كفتيرات القهوة و الشاي..! أدٌمع بس..!!!؟
تعالو نحضر الإعادة بعدين الساعة 12 و نص بتوقيت السودان و ..نجعر مع بعض..!!
كل سنة و إنتو طيبين و حلوين و تامين و كاملين و سالمين و غانمين. حقيقي..كلكم - بدون فرز - جوووووووووووه قلبي!
السلام عليكم حلقة ولا أجمل لا أعرف من أين أبدأ عموم الحلقة كان عن اسماء المدن في الغناء السوداني وبدأ بتحية الفنان عبد الكريم الكابلي ( ارتحت يا ملاسي) على تغنيه لعدة مدن سودانية مروي ، كسلا ، جبل مرة مروي : عبد الكريم الكابلي أدى الشباب مقطع منها امدرمان : وفي اعتقاد السر قدور هي أكثر مدينة غُني لها طال هجري يا ام در امان انا امدرمان انا السودان أبو عركي أنا امدرمان : أحمد المصطفى أدى الشباب مقطع منها يا الخرطوم يا العندي جمالك جنة رضوان أدى الشباب مقطع منها ثم يا حليل ربوع شندي أدى الشباب مقطع منها الفيها نما فني وإن المتمة امان وطول عمري ده ما فاهم ( الفيها انا ما فني وعند المتمة امان ) كما يغنوها دي معناها شنو حنتوب : ابراهيم الكاشف أدى عصام جزءاً منها (فقط لم يزد على حنتوب الجميلة) وقبل أن يبدأ نادر في التغني لكسلا أصر عصام على الترنم برائعة ودالأمين ( ود مدني) كسلا : ورائعة الحلنقي والتاج مكي التي أبدع نادر خضر في أدائها ( حبيت عشانك كسلا) انتقل الكلام بعدها للمناطق داخل العاصمة حيرني ساكن الموردة بدور القلعة وجوهرا وانا دستوري نازل في الخرطوم تلاتة ثم انحرف الحديث بمناسبة كسلا الى ابراهيم حسبن وكجراي فأدت أسرار شجون تحية له خلاص يا قلبي كان خاصم ضميرو بيحاسبو خليهو ......... يتبع لأن الحلقة دسمة جداً ولأن الكلاسيكو بدأ ( ريال مدريد و برشلونة) فهاكم التصبيرة دي
........................ وما الناس إلا هالك وأبن هالك *** وذو نسب في الهالكين عريق
Post: #314 Title: Re: أبو الكلام Author: ASIM AL BANNA Date: 10-22-2006, 04:00 PM Parent: #1
يا احوانا انا فارش عديل كده
الحلقات انتهت لكن اذا انتهى البوست ده تكون نهاية بايخة ياسيد البوست ويالممكوناب ويازول ويا رشاياكحيل ويامرتضى ويالناس الشاركت
والبكت والعزت والجونا كلهم مانحيكم فى شينة
عيد سعيد للجميع
وكل الامنيات بحياة زوجية سعيده للعروسين....
( جاء تلفون اليوم من النيل الازرق لعمل حلقة مباشرة رابع ايام العيد )
مانجضت لسة ... فى رجاء ابو الكلام للموافقة .. بعد ارسال التذاكر
انشاء الله تقوووم...
كل عام وانتم بخير
التسوى كريت تلفى قى جلدا ياناس مسقط تانى صومو مع الناس
Quote: ( جاء تلفون اليوم من النيل الازرق لعمل حلقة مباشرة رابع ايام العيد )
يا ريت يا عاصم تقترح ليهم يعملوا حفلة جماهيرية في الريفيرا او الخليل بكل المجموعة الذهبية؛ على ان تشدوا لينا فيها بأجمل أغنيات التلاتين حلقة؛ بس أهم حاجة في الموضوع انك تتوسط لينا لتذكرة تذكرتين في الحفلة دي؛ و اهم من كدا انو الحفلة تكون غنا بس .. بدون كلام
Post: #316 Title: Re: أبو الكلام Author: محمد المرتضى حامد Date: 10-22-2006, 04:53 PM Parent: #315
Quote: بس أهم حاجة في الموضوع انك تتوسط لينا لتذكرة تذكرتين في الحفلة دي؛
ياحسين أنا زمان كنت بسمع المثقفاتيه بيقولو (انتهازيه واعيه) وماكنت عارف معناها. طبعا (التانيه) حقتي.
Post: #317 Title: Re: أبو الكلام Author: ASIM AL BANNA Date: 10-22-2006, 11:11 PM Parent: #316
Quote: طبعا (التانيه) حقتي.
التالته واقعة
Post: #318 Title: Re: أبو الكلام Author: الزوول Date: 10-23-2006, 06:42 AM Parent: #1
السلام عليكم كل سنة وانتو طيبين أظن أنه آن الأوان لختم هذا البوست الرائع لو سمح لي أصحابه الكثر وليس أجمل ختام من ختام الشباب له
بس يا حسين عندي ملحوظة أخيرة بالصدفة أتفرجت على برنامج محمد حسنين هيكل ( مع هيكل) فعرفت ظلمك البين للرجل أبو الصمت ( السر قدور) تحياتي للجميع وكل عام وانتم بخير ........................ وما الناس إلا هالك وأبن هالك *** وذو نسب في الهالكين عريق
Post: #319 Title: Re: أبو الكلام Author: Hussein Mallasi Date: 10-23-2006, 06:49 AM Parent: #318
يا الزوول .. زولنا أبو الكلام؛ بس داك كلمنجارو سيد الاسم! ____
Post: #321 Title: Re: ما ينفعكم Author: ملكة سبأ Date: 10-29-2006, 05:14 AM Parent: #1
عيدكم مبارك والعفو والعافية وربنا يزيد كمان وكمان من مثل الجلسات المبهجة دي ..
Quote: الله اعلم يكون في زول شاف نهاية حلقة الليلة و يكون ما دمّع!
للأسف فاتتني الحلقات من يوم 26 رمضان وجيت افتش عنها بين تعليقاتكم وتقارير الممكونة والزوول لكن للأسف لم تزدني إلا (شحتفة) ماحضرت ضحكة فرفور ام دموع ديك وما شفت تألقه ولا عرفت اسرار ابدعت ولا لأ
هو يعني مافي أمل إعادة ؟
Post: #322 Title: Re: ما ينفعكم Author: محمد المرتضى حامد Date: 10-29-2006, 05:44 AM Parent: #321
ياسلام ياملكة سبأ أعدت لنا أجواء رمضان أنا قلت البوست ده ما خلاص انتهى بانتهاء الصوم لكن تذكرت (الستوت) في (ملحق) يا ممكونه أو ملاسي؟ أو ...يا عاصم وفي رواية أخرى (يا نايم)؟
و إنتي طيبة يا ست الناس. يعلم الله قلبي وجعني و من جسمي فرٌ و راح..لمن شٌفت البوست ده فوق.. يا حليلك يا الملكة..ما فرشتي معانا آخر يوم..و حاتك إتقالدنا و جعٌرنا لمن الله قال لينا كفى. حسي مالك مقوٌمة علينا المواجع تاني؟؟!!!
Post: #324 Title: Re: أبو الكلام Author: عمر الفاروق Date: 10-29-2006, 01:07 PM Parent: #1
بعد ما شاهدت عودة الفنان الطروب محمود عبد العزيز القوية ورجوعه لقواعده سالماً وعودة التطريب العالي في صوت محمود تأكدت بأن برنامج اغاني واغاني كان ناقص صوت محمود عبد العزيز .. برنامج اغاني واغاني بالرغم من انو الناس بتعاين ليهو من الزاويا الإيجابية إلا إنو فيهو كتير من السلبيات خصوصا تأثيره على الفنانين المتواجدين في الحلقات .. فهذا البرنامج ربما افقد فرفور وعصام الكثير من شعبيتهم لأن الاداء لم يكن بقدر ما يقدمون في شرايط الكاسيت والحفلات .. اثبتت الحلقات بما لايدع مجالاً للشك ان كل الفنانين المتواجدين (دون فرز) ربما يقومون بتسجيل شرائط الكاسيت عن طريق(البخرات) يعني بي الواضح كده الأغنية حدها الشريط والاستديو وغالباً بيكون بيغنيها من ورقة مكتوبة لأنو الواحد احبط بي عدم حفظهم لي نفس الاغاني دي لمن طلبوها منهم في البرنامج وبيتموها بي الحركرك.. البرنامج اثبت ان ما يقوله الفنانون في اللقاءات الصحفية في وادي وما يحدث في ارض الواقع امر اخر فمثلاً فرفور مرة صرح إنو حافظ معظم ان لم يكن كل اغاني الحقيبة وعصام ربما اكد هضمه لي كل اغاني الكاشف وحتى ود البنا كنت اتوقع انه يحفظ كل الحقيبة ولكن يبدو غير ذلك ..
الأعجب من كل ذلك تأكدت لي حقيقة غريبة جداً ..وهي ان الغناء السوداني كللللللللله للأسف يدور حول مئة أغنية فقط!!(100 غنية) يعني من الحقيبة لحدي اسة تلاحظ لي انو الناس حايمة في المية غنية دي ولو في زمن الواحد كان كتبها ليكم هنا !!!!!! البرنامج حقيقة لم يكن بقدر الشئ الذي توقعته انا شخصياً عندما كانت تبث دعايته وهنا لابد من الاشادة بالمخرج لأنو حريف جداً وكان بيقدم دعاية البرنامج بي صورة اجبرت الناس تنتظروا وكمان ترسم عنو تخيلات اكبر من اللي كان فيها !!!!!! لازلت عند رأيي ان اسرار بابكر لم تكن بذلك الألق الذي ترسمونه هنا ولكن يبدو ان الجندر يحن للجندر فأسرار اثبتت ان لها صوت غير موظف بي صورة صحيحة واثبتت انها وبكل صراحة تدور في فلك عشرة الي عشرين أغنية !!!!!! صراحة اعجبني جداً نادر خضر واعتبره المستفيد الاول من البرنامج لإرثاء قواعده كفنان يحترم فنه وجمهوره وحتى مداخلاته كانت تختلف عن الجميع واختياره للاغاني كذلك .. وهذا لا يعني ان البقية لم تخترم فنها وجمهورها ولكن دعونا نقول ان نادر كان الأول وهذه وجهة نظر شخصية .. مع كل الاحترام للفنانين الشباب ولما تم تقديمه في الحلقات اقولها للمرة المليون حرام ان لا يكون في مثل هذا البرنامج محمود عبد العزيز فصوت محمود عبد العزيز في كفة وكل جيل الشباب في كفة اخرى ..
وارجو ان تواصلوا..عرض السهل الممتنع.وتوزعوا..شبلات الفرح مع تلك التابلوهات الانيقه...الراقيه.ومساسقة الحديث...الامتاع..المتواصل..ونفس المناكفه الهادىء وكسره يا ابو على..الله يرحم الحسنين..حسن عطيه الفنان..وحسن عطيه نجم الهلال
يا سلام عليك يا عقيد ذكرتنا ياخي أيام أتمنى أن تعود.
Post: #340 Title: Re: أبو الكلام Author: rummana Date: 12-20-2006, 10:38 AM Parent: #339
من أمتع ما قريت من بوستات ياخ اخدتوا صباحي كله وعمشتوا عيوني ووجعتوا رقبتي الله يديكم العافية ولو اني لم احضر الحلقات لكن عارفة ان العم قدور موسوعة .. ممتعة وقيمة ربنا يديه الصحة ملاسي / ممكونة (عسل بس يا بت) / مرتضى / ملكة سبأ / عاصم (تصدق بالله اني ما بعرفك!!؟؟ / الزوول وكل من شارك لكم خالص التحية واعمق التقدير والشكر على البوست الممتع
Post: #341 Title: Re: أبو الكلام Author: عبد الله عقيد Date: 01-06-2007, 11:31 AM Parent: #1
سلامات يا حسين وكل عام وأنت بألف خير
هذا البوست يستحق المزيد من العرض ليقرأه من لم يقرأه ويستمتع به كما قالت الاخت رمانة.. شخصيا استمتعت بمتابعته كما استمعتم أنتم بمتابعة تلك الحلقات التي حرمت منها.. فعوضني هذا البوست.
وبعدين ياخي البوست دا جاب عاصم البنا زاتو للمنبر.. مع إنو اختفى ورفض أن يعود..
لازم تعود يا عاصم.. وتزورنا في بوست (خليل فرح.. دستور المزاج السوداني الدائم)
..
.....أو يلبس بدلة أخوهو الكبير مع قميص ود جيرانهم و كرفتة خالو....مع إنو في الإمكان الظهور بقميص بسيط و بنطلون أبسط..أو الظهور بجلابية نضيفة و عِمٌة..
- و أثبت إنه الفنان الوحيد الفي المجموعة الحافظ ليهو أغنية كاملة غير منقوصة أو مشرتمة...!!
........................ 
