Post: #1
Title: سنة يا الطاهر!
Author: Hussein Mallasi
Date: 03-27-2007, 10:38 AM
Parent: #0
كتب الزميل الطاهر ساتي في عموده المنشور في الصحافة
الصادرة اليوم 27 مارس 2007 الاتي:
اليكم
« طق حنك و.. فش غبينة » ....!!
السيد مني أركوى لم يجد - في مؤتمره الصحفي عصر الاثنين الفائت - مبررا للشرطة على استخدامها للعنف لازالة فوضى أفراد فصائله ، ولكنه يجد مبررا لأفراد فصائله على حمل الاسلحة لاستخدامها في تعاملهم مع المواطنين غير المسلحين .. بمعنى ، عنف الشرطة مع أفراد فصائله لم يكن مشروعا ، ولكن عنف أفراد فصائله مع المواطنين مشروع ، بل ربما يكون نوعا من النضال والتحرير ... هكذا يكيل مكيال كبير مساعدى رئيس الجمهورية كيلا معوجا لا يليق برجل يقاسم قمة الهرم الدستورى في البلاد أمانة السلطة قبل صلاحياتها ..!!
** في المؤتمر الصحفي لم يكن السيد مني أركوى قياديا سياديا قوميا ، بقدر ما أراد ان يكون زعيما لحركة جسدها يتنسم بشذى السلطة والثروة وقلبها ينبض بلظى المعارضة والتمرد ، ولم يبد قلقا على أمن وسلامة ستة ملايين مواطن بعاصمة بلده ، و لكنه كان - ولا يزال - قلقا على أمن وسلامة ما دون المائة هم أفراد فصائله ، ولم يبد حزنا على مجمل ضحايا احداث المهندسين التى مات فيها مواطن برئ لم يترحم عليه كبير المساعدين ، ثم شرطيان لم يترحم عليهما أيضا و أفراد من فصيلته ، ولكن أبدى حزنا ، بل غضبا على موت أفراد فصيلته وكأن الآخرين كانوا يستحقون الموت ... وهذا أيضا مقياس مختل ماكان على رجل ذي رمزية قومية أن يقيس به الاحداث وتداعياتها وضحاياها ، لو كان قوميا لما كان الضحايا عنده « خشم بيوت » ..!!
** ونظرية المؤامرة التى رددها السيد مني في مؤتمره لم تقف بساقين ، ولم تكن لها ساق بالاصل ، فحكاية أن الاجهزة الأمنية هى التي خططت و نفذت حادثة الحركة التى أفضت الى احداث المهندسين ، تلك حكاية لا يصلح سردها حتى للأطفال قبل منامهم ، ناهيك أن يسردها كبير مساعدى رئيس جمهوريتنا للسفراء الاجانب و ممثليهم بالبلاد ، فالحكاية تفتقر لذكاء السيناريو و عدم نباهة الاخراج و بؤس الاداء ، و لا يظن احد بان اجهزة الدولة الامنية الراهنة ذات الذكاء المعروف به عالميا واقليميا ومحليا ، قد ينحدر فجأة مابين الاربعاء والسبت الى درجة من الغباء أوالسذاجة ثم التفكير في تدبير حادث حركة امام عمارة قوات مني اركوى لكى يقلص من حجم قواته قتلا و جرحا .. هذا التدبير لا يمكن أن يفكر فيه حتى« افندية جهاز المغتربين » الذي لا يعرفون شيئا عن طرائق تفكير « كوادر جهاز الأمن » ... ما كان على السيد كبير مساعدى رئيس الجمهورية أن يخدع الحقائق و السفراء و الاعلام بنظرية المؤامرة .. فالحكومة لم تصدق انها جاءت به الى القصر ثم جاءت بقواته من التمرد ، فكيف تتآمر عليه و تتخلص من قواته .. وهم جميعا في حضن الجيش والشرطة والامن مطمئنون ومن ثدي خزينتنا العامة - دون اذن شعبنا - يرضعون ..!!
** و نفى مني اركوى ان يكون أفراد حركته هم من بادروا باطلاق النار في صدر المقدم والجندى عند دخولهما المنزل ، هل نصدق نفيه ونحسب أن المقدم والجندى انتحرا في المنزل من هول مشاهدتهما عدة وعتاد قوات مني .. ؟ .. طالما لم يطلق عليهما أفراد فصيلته النار ربما انتحرا .. فلا يجوز- بفقه المرحلة - تكذيب مساعدى رئيس الجمهورية ، خاصة كبيرهم .. ولكن كبير المساعدين قال كلاما خطيرا ، نصه « الافراد لم يبادروا باطلاق النار ولكنهم قاموا بنزع السلاح من الشرطة ..» .. وبما ان السيد المساعد زار كل الدول الديمقراطية والشمولية ابان سنوات تمرده ويعرف قوانينها ، نسأله سؤالا برئيا ..« ما حكم القانون في نزع السلاح من الشرطي .. وهل للشرطي حق حماية سلاحه من النزع ... وكيف يحمى سلاحه ويدافع عنه امام من يحاول نزعه ..؟؟ ».... الاجابة الصادقة تعتبر ادانة لافراد الفصائل .. ربما يتطوع الزعيم بالاجابة الصادقة ويدين أفراد فصائله ... و لهذا لن نطالب باستقالته مثلما طالبنا بالامس والي الخرطوم و رئيس نواب برلمان الولاية ، ولا ادرى لماذا نسينا مجذوب الخليفة الذي يجب ان يكون قائدا لركب المستقيلين أو المقالين ...؟؟
|
Post: #2
Title: Re: سنة يا الطاهر!
Author: أبو الحسين
Date: 03-27-2007, 11:01 AM
Parent: #1
| Quote: ..« ما حكم القانون في نزع السلاح من الشرطي .. وهل للشرطي حق حماية سلاحه من النزع ... وكيف يحمى سلاحه ويدافع عنه امام من يحاول نزعه ..؟؟ » |
|
Post: #3
Title: Re: سنة يا الطاهر!
Author: محمد فرح
Date: 03-27-2007, 11:02 AM
Parent: #1
*
|
Post: #6
Title: Re: سنة يا الطاهر!
Author: A.Razek Althalib
Date: 03-27-2007, 11:18 AM
Parent: #4
<
[red][U]الفضيلة[/U] هي الطريق الأقصر إلى المجد..[/red]
|
Post: #5
Title: Re: سنة يا الطاهر!
Author: محمد الامين احمد
Date: 03-27-2007, 11:14 AM
Parent: #1
| Quote: « الافراد لم يبادروا باطلاق النار ولكنهم قاموا بنزع السلاح من الشرطة ..» |
شكرا الطاهر ساتى ... و لكن هل من مجيب ؟
|
Post: #8
Title: Re: سنة يا الطاهر!
Author: دورنقاس
Date: 03-27-2007, 11:32 AM
Parent: #5
| Quote: و لهذا لن نطالب باستقالته مثلما طالبنا بالامس والي الخرطوم و رئيس نواب برلمان الولاية ، ولا ادرى لماذا نسينا مجذوب الخليفة الذي يجب ان يكون قائدا لركب المستقيلين أو المقالين ...؟؟ |
ياولدى في بلدي لاتوجد ثقافة الاستقالة
بل توجد ثقافة .......... وشعارها
الحس كوعك
|
Post: #7
Title: Re: سنة يا الطاهر!
Author: عبد المنعم سليمان
Date: 03-27-2007, 11:22 AM
Parent: #1
والله يا ملاسي في دي انا ذاااتي بقول معاااك :
سنة يا الطاهر
|
Post: #9
Title: Re: سنة يا الطاهر!
Author: عبد المنعم سليمان
Date: 03-27-2007, 11:32 AM
Parent: #1
والله ده ذكرني بوست سجيمان : الزول الاكلو السحار
غايتو في واحد في البوست ده اكلوا السحار
يا ملاسي يا الطاهر
|
Post: #10
Title: Re: سنة يا الطاهر!
Author: الطاهر ساتي
Date: 03-27-2007, 12:38 PM
Parent: #1
عجبتك ياملاسى ..؟
مش كدة ..؟
سنة شايف فسرها شيخ نزار واخرين بمعنى غير الانا كنت بعنى بيهو
آآى اضحك ساااااااى يا بيجو لامن يوم تجيك رصاصة في نص صلعتك دى ماتكون عارفا جاية من الفصائل ولا من الشرطة ...!!
|
Post: #11
Title: Re: سنة يا الطاهر!
Author: waleed500
Date: 03-27-2007, 12:47 PM
Parent: #10
Quote: السيد مني أركوى لم يجد - في مؤتمره الصحفي عصر الاثنين الفائت - مبررا للشرطة على استخدامها للعنف لازالة فوضى أفراد فصائله ، ولكنه يجد مبررا لأفراد فصائله على حمل الاسلحة لاستخدامها في تعاملهم مع المواطنين غير المسلحين .. بمعنى ، عنف الشرطة مع أفراد فصائله لم يكن مشروعا ، ولكن عنف أفراد فصائله مع المواطنين مشروع ، بل ربما يكون نوعا من النضال والتحرير ... هكذا يكيل مكيال كبير مساعدى رئيس الجمهورية كيلا معوجا لا يليق برجل يقاسم قمة الهرم الدستورى في البلاد أمانة السلطة قبل صلاحياتها ..!!
** في المؤتمر الصحفي لم يكن السيد مني أركوى قياديا سياديا قوميا ، بقدر ما أراد ان يكون زعيما لحركة جسدها يتنسم بشذى السلطة والثروة وقلبها ينبض بلظى المعارضة والتمرد ، ولم يبد قلقا على أمن وسلامة ستة ملايين مواطن بعاصمة بلده ، و لكنه كان - ولا يزال - قلقا على أمن وسلامة ما دون المائة هم أفراد فصائله ، ولم يبد حزنا على مجمل ضحايا احداث المهندسين التى مات فيها مواطن برئ لم يترحم عليه كبير المساعدين ، ثم شرطيان لم يترحم عليهما أيضا و أفراد من فصيلته ، ولكن أبدى حزنا ، بل غضبا على موت أفراد فصيلته وكأن الآخرين كانوا يستحقون الموت ... وهذا أيضا مقياس مختل ماكان على رجل ذي رمزية قومية أن يقيس به الاحداث وتداعياتها وضحاياها ، لو كان قوميا لما كان الضحايا عنده « خشم بيوت » ..!!
|
|
Post: #13
Title: Re: سنة يا الطاهر!
Author: tmbis
Date: 03-27-2007, 12:51 PM
Parent: #10
| Quote: آآى اضحك ساااااااى يا بيجو لامن يوم تجيك رصاصة في نص صلعتك دى |
إنت يا الطــاهر . ( محجــب ) .. والا ( شــارب ضامن عشرة ).
والله كمان يا الطاهــر يا حــلات ( النيشة ) فيك .نبله بتجهجهك تقول لي رصاصة.؟
|
Post: #15
Title: Re: سنة يا الطاهر!
Author: الطاهر ساتي
Date: 03-27-2007, 01:12 PM
Parent: #13
كيفك يا علاء ..
والله الخوف حاصل ...
لكن الخوف الاكتر على المساكين البيجارو من زقاق لى زقاق في كل كارثة زى دى ..
ناس مساكين لا عندهم ايد لا كراع في الحركة ولا في المؤتمر
ديل هم القاعدين يدفعوا تمن العبط السياسي الحاصل
والمصيبة انو الزول البيجى عشان ينصر المهمشين هو ذاتو بيتقلب على المهمشين العن واضل من الحكومة ..
الحكومة معروفة جيشا وين .. وشرطتها وين .. وامنها وين ..
لكن الرصاص العشوائى ده مابيجى الا للمساكين العايشين بين مطرقة الحكومة وسندان الحركات
غايتو .. الله يكون في عونم ....
بالمناسبة ياتمبس
صاحبك حاج دكين ده لمن فات منكم قال ليكم ما راجع تانى ...؟
الزول ده كسر الركبة هنا .. ولافى ساى بيفتش ليهو في حاجة هو زاتو ما عارفا شنو......
قال اختيار قال ........
|
Post: #14
Title: Re: سنة يا الطاهر!
Author: وليد محمد المبارك
Date: 03-27-2007, 12:53 PM
Parent: #10
| Quote: آآى اضحك ساااااااى يا بيجو لامن يوم تجيك رصاصة في نص صلعتك دى ماتكون عارفا جاية من الفصائل ولا من الشرطة ...!! |
|
Post: #12
Title: Re: سنة يا الطاهر!
Author: عبد المنعم سليمان
Date: 03-27-2007, 12:48 PM
Parent: #1
بث ما تكون نيران صديقة يا الطاهر
____
يا دوب جيت لملاسي فس زمنو .. وهسع يجيك بصولةلامن تآاامن ذاتووو
|
Post: #17
Title: Re: سنة يا الطاهر!
Author: الطاهر ساتي
Date: 03-27-2007, 01:23 PM
Parent: #12
مافى حاجة اسمها نيران صديقة يا صديق ..
النار ياها النار
لو اندلعت فيك مابترحمك ..
ان قايل النيران الصديقة لو جاتك بتبوسك وترجع ..؟؟
لا يا فالح ..
دى بتعمل فيك نفس عملية نار العدو ..
وهى وكت نيران صديقة ليه اول امبارح بالليل رفضت دعوة وراق للزيارة ديك ........
|
Post: #25
Title: Re: سنة يا الطاهر!
Author: bayan
Date: 03-27-2007, 02:01 PM
Parent: #12
والله انت اللى فيهم يا الطاهر
ربنا يخدر ضراعك يا رجل....
وسنتين كمان..
|
Post: #16
Title: Re: سنة يا الطاهر!
Author: omar ali
Date: 03-27-2007, 01:17 PM
Parent: #1
| Quote: و لا يظن احد بان اجهزة الدولة الامنية الراهنة ذات الذكاء المعروف به عالميا واقليميا ومحليا ، قد ينحدر فجأة مابين الاربعاء والسبت الى درجة من الغباء أوالسذاجة ثم التفكير في تدبير حادث حركة امام عمارة قوات مني اركوى لكى يقلص من حجم قواته قتلا و جرحا .. هذا التدبير لا يمكن أن يفكر فيه حتى« افندية جهاز المغتربين » الذي لا يعرفون شيئا عن طرائق تفكير « كوادر جهاز الأمن |
دي ما في زول سبقك عليها
يعني لامن اعتقلوك ما كانوا غلطانين[ هذا اذا صحت واقعة الاعتقال]
كانوا من الذكاء المشهود لهم به عالميآ واقليميآ ومحليآ بحيث يعرفون
كل شئ عن ما جعلهم يعتقلونك بسببه...
هل يعقل ان تعتقل اجهزة امن بهذا الذكاء الخارق زول بدون سبب؟؟؟
ولله في خلقه شئون
|
Post: #18
Title: Re: سنة يا الطاهر!
Author: الطاهر ساتي
Date: 03-27-2007, 01:34 PM
Parent: #16
عمر علي ....
سلامات ........
ماتضيق الواسع يا الحبيب ..
واقرأ السطور وما بينهابتأنى .. وبعد ده اجمع واطرح واقسم الباقي على القضية
الدولة امنية من يومها ..
ولى هسة ...
اتخيل حكومة عمرها قربت للعشرين سنة ...
حاربت في كل جهات البلد
و متسنترة في وسط معارضة ..
مقدراتها الامنية بتكون قدر شنو ...؟؟
يا الحبيب هنا السياسة 6% او اقل .......
وانت عارف الباقي ...
ودى مشكلتنا الاساسية ...
ولا انا غلطان ...؟
وعفوا لو لم اسهب في توضيح المعنى المراد في المقال ..
وده برضو لظروف ... نسميها شنو ..؟؟
سياسية ..؟؟
ولا ثقافية ..؟؟
كلك فهم ...
وتسلم
|
Post: #21
Title: Re: سنة يا الطاهر!
Author: Hussein Mallasi
Date: 03-27-2007, 01:38 PM
Parent: #16
| Quote: سنة شايف فسرها شيخ نزار واخرين بمعنى غير الانا كنت بعنى بيهو |
لا يا شيخ!!
|
Post: #19
Title: Re: سنة يا الطاهر!
Author: ناذر محمد الخليفة
Date: 03-27-2007, 01:38 PM
Parent: #1
!!!!!!%0
|
Post: #20
Title: Re: سنة يا الطاهر!
Author: ناذر محمد الخليفة
Date: 03-27-2007, 01:38 PM
Parent: #1
!!!!!!
| Quote: آآى اضحك ساااااااى يا بيجو لامن يوم تجيك رصاصة في نص صلعتك دى ماتكون عارفا جاية من الفصائل ولا من الشرطة ...!! |
حا تنزلق لأنو منعم بيستعمل كريم نيفيا كتير الايامات دي
|
Post: #22
Title: Re: سنة يا الطاهر!
Author: ناذر محمد الخليفة
Date: 03-27-2007, 01:39 PM
Parent: #1
!!!!!!
| Quote: آآى اضحك ساااااااى يا بيجو لامن يوم تجيك رصاصة في نص صلعتك دى ماتكون عارفا جاية من الفصائل ولا من الشرطة ...!! |
حا تنزلق لأنو منعم بيستعمل كريم نيفيا كتير الايامات دي
|
Post: #23
Title: Re: سنة يا الطاهر!
Author: الطاهر ساتي
Date: 03-27-2007, 01:46 PM
Parent: #1
ناذر كيفك ........
قريت عمود صاحبك ده الليلة في الرأى العام ..؟
كدى حاول لصقو هنا عشان نردح فوقو ...............
|
Post: #24
Title: Re: سنة يا الطاهر!
Author: Hussein Mallasi
Date: 03-27-2007, 01:59 PM
Parent: #23
| Quote: واقرأ السطور وما بينها بتأنى .. |
أول مرة أشوف لي صحفي بيفترض انو الناس
ما قرأت ما بين السطور .. بتأني!!
|
Post: #28
Title: Re: سنة يا الطاهر!
Author: فيصل نوبي
Date: 03-27-2007, 02:24 PM
Parent: #24
الطاهر
شايفك مزنوق في المقال وقلبتها لي ملاسي ونسة !
لمن المقال ده السياسة فيو 6% تميتو شنو ؟ اوعكـ يكون موية من ناس بيجو !
|
Post: #26
Title: Re: سنة يا الطاهر!
Author: مجاهد عبدالله
Date: 03-27-2007, 02:20 PM
Parent: #1
Quote: أول مرة أشوف لي صحفي بيفترض انو الناس
ما قرأت ما بين السطور .. بتأني!! |
انت عارف يالطاهر زمان لم دخلنا الإبتدائي جداد
أخوانا الكبار قالوا لينا في فسحة الفطور اكلوا السندوتشات
وعيونا ليهم مشوا على صحن الفتة طوالى مشينا وقطعنا السندوتش
وهاك ياغرق ما جداد والشغلانية عاجبانا...
ماعارف ليه إتذكرت ملاسي بالحكاية دي
ــــــــــــــــــــ
ســــــنة ياملاسي ..
|
Post: #27
Title: Re: سنة يا الطاهر!
Author: انعام عبد الحفيظ
Date: 03-27-2007, 02:21 PM
Parent: #1
استمتعت بقراءة عمود الطاهر في الصحافة اليوم
تحليل سليم لما قاله السيد مني اركو مناوي
في مؤتمره الصحفي الأخير Quote: والله الخوف حاصل ...
لكن الخوف الاكتر على المساكين البيجارو من زقاق لى زقاق في كل كارثة زى دى ..
ناس مساكين لا عندهم ايد لا كراع في الحركة ولا في المؤتمر
ديل هم القاعدين يدفعوا تمن العبط السياسي الحاصل
والمصيبة انو الزول البيجى عشان ينصر المهمشين هو ذاتو بيتقلب على المهمشين العن واضل من الحكومة ..
الحكومة معروفة جيشا وين .. وشرطتها وين .. وامنها وين ..
لكن الرصاص العشوائى ده مابيجى الا للمساكين العايشين بين مطرقة الحكومة وسندان الحركات
غايتو .. الله يكون في عونم ....
|
للأسف دا حال المواطنين بقى خوف وهلع دائم
وتوقعات بحدوث انفلاتات في اي وقت
وفعلاً سنة يا الطاهر بس سنة حقتي انا
|
Post: #29
Title: Re: سنة يا الطاهر!
Author: Hussein Mallasi
Date: 03-27-2007, 08:25 PM
Parent: #27
تاني يا الطاهر لامن تكتب ليك حاجة؛
ما تحاول تتنصل منها .. !!
|
Post: #30
Title: Re: سنة يا الطاهر!
Author: طلال اسماعيل حسب الرسول
Date: 03-27-2007, 09:15 PM
Parent: #29
اخشي يا حبيبي الطاهر ان تتحول الحروف الي رصاص لايدري من يصيب في وطن لايعرف الا البندقية لحل ازماته!!
اخشي يا استاذي ان لانقرأ عباراتك وكلماتك مرة اخري في وطن لايعرف الرد الا من خلال الانصال والسجون والزنازين
اخشي عليك يا الطاهر من المباشرة والمواجهة في وطن لاتملك انت فيه سلاح.
اخي الطاهر رغم اختلافي معك فيها" قلها..ومت!!
|
Post: #31
Title: Re: سنة يا الطاهر!
Author: Ahmed Alrayah
Date: 03-27-2007, 09:41 PM
Parent: #1
مني أركوي كلامو صاح في حتة نظرية المؤامرة دي...
حادث المرور أمام بيت عمارة قوات مني أركوي مدبر،
حيث تفيد مصادري الخاصة جدا أن من اصطدمت سيارته
بسيارة أبناء فنان السلطان الماحي سليمان كان أحد
أفراد الأمن الذي صرخ بأعلى صوته في أبناء الماحي
"نلقاها منكم ولا من ناس مني أركوي ديل"، فسمعوه
وكان ما كان!
أما استشهاد المقدم والجندى داخل المنزل، فلم أستطع حتى
مجرد كتابة سيناريو خيالي يدعم نظرة المؤامرة فيه، أقدر
واحد على كتابة هذا السيناريو هو "الشايقي الذي أحببت"
مستشار التبرير Adil Osman!
|
Post: #32
Title: Re: سنة يا الطاهر!
Author: omar ali
Date: 03-27-2007, 10:47 PM
Parent: #1
Quote: عمر علي ....
سلامات ........
ماتضيق الواسع يا الحبيب ..
واقرأ السطور وما بينهابتأنى .. وبعد ده اجمع واطرح واقسم الباقي على القضية
الدولة امنية من يومها ..
ولى هسة ...
اتخيل حكومة عمرها قربت للعشرين سنة ...
حاربت في كل جهات البلد
و متسنترة في وسط معارضة ..
مقدراتها الامنية بتكون قدر شنو ...؟؟
يا الحبيب هنا السياسة 6% او اقل .......
وانت عارف الباقي ...
ودى مشكلتنا الاساسية ...
ولا انا غلطان ...؟
وعفوا لو لم اسهب في توضيح المعنى المراد في المقال ..
وده برضو لظروف ... نسميها شنو ..؟؟
سياسية ..؟؟
ولا ثقافية ..؟؟
كلك فهم ...
وتسلم |
الاخ الطاهر
النظام الاسلامي قائم منذ سبع عشرة سنة ليس لذكاء اجهزته
الامنية الخارق ولكن لقدرتها علي البطش والقتل بدم بارد..
فهي اجهزة باطشة بكل ما في هذه الكلمة من معني..لست في حاجة
كي اسرد الكثير..ولعل في واقعة اعتقالك ،اذا صحت الواقعة ،
العميق من العبر التي كان من الممكن ان تستلخصها عن باطشية
هذه الاجهزة... اما غرز العملاء في الاحزاب المعارضة لتفتيتها من
الداخل وشراء ذمم بعض الكتاب والصحفيين والسياسيين لايحتاج الي
ذكاء فهو امر متاح حتي لمنظمات المافيا طالما ان هناك مبدأ لاجهزة
المخابرات تقول " ان لكل انسان ثمن " فقط عليك عليك ان تعرف الثمن
لكل من يراد شراؤه في سوق النخاسة السياسية...فهناك من ثمنه ملحقية
اعلامية وهناك من ثمنه وزارة وهناك من ثمنه عشرة الاف من الدولارات
الخضراء ربما اقل بكثير.وهناك من ثمنه وجبة عشاء.
نتوقف عند واقعة المهندسين ..بغض النظر عن الروايات والروايات المضادة عن
حادثة الاعتداء علي ابناء الماحي التي استغلتها الجبهة الاسلامية لارسال رسالة
دموية لمناوي ، فهناك حقيقة لا يختلف فيها اثنان وهي ان قوات الشرطة المسلحة
واظنها قوات خاصة قد هدمت المنزل علي رؤوس قاطنيه بدون انذار بتسليم
المعتدين المزعومين او انذار باخلاء المنزل....والادهي ان تهدم الشرطة المسلحة
المنزل علي رؤوس ساكينه وهي ليست في حالة دفاع عن النفس اي لم يكن هناك
اطلاق نار من داخل المنزل علي الشرطة...كان من الممكن ان تقوم الشرطة
بمطالبتهم بتسليم اسلحتهم وانفسهم وتحاصر المنزل حتي يتم ذلك وهو ما يتم مع
عتاة المجرمين ومهربي المخدرات في الدول المؤسسة علي القانون ولا تستخدم
الشرطة النار الا في الحالات القصوي دفاعآ عن النفس في حالة اطلاق نار من قبل
المجرمين ..ولو خلصت النوايا الاتصال بمناوي ليتدخل وينهي الاشكال..ولكن نية
الجبهة الاسلامية لم تكن الا لاستغلال الحادث.
فما جري في المهندسين جريمة ..وجريمة مروعة..والاسوأ من الجريمة هو محاولة
تبريرها لا يمكن تبرير هذه الجريمة بتلك التبريرات الواهية التي يرددها
الاسلاميون والمأجورون.
|
Post: #33
Title: Re: سنة يا الطاهر!
Author: ناذر محمد الخليفة
Date: 03-27-2007, 11:04 PM
Parent: #1
الطاهر ...
Quote: ناذر كيفك ........
قريت عمود صاحبك ده الليلة في الرأى العام ..؟
كدى حاول لصقو هنا عشان نردح فوقو ............... |
لمن لصقتو المرة الفاتت الجماعة قالو لي مافي فرق بينك وبين عبد المنعم سليمان
ومنها بطلت شغلة أجيب مقالات ملاسي وألصقا في المنبر
|
Post: #34
Title: Re: سنة يا الطاهر!
Author: Marouf Sanad
Date: 03-28-2007, 01:01 AM
Parent: #33
خلاص بدينا في المشاكل بين اصحاب العمدان الشهيرة!
شغل ذي دا امير عبد الماجد ما بقدر عليهو لانو ما عندو عمود شهير
|
Post: #37
Title: Re: سنة يا الطاهر!
Author: عبد المنعم سليمان
Date: 03-28-2007, 08:25 AM
Parent: #34
| Quote: خلاص بدينا في المشاكل بين اصحاب العمدان الشهيرة! |
يا رااااجل
يا معروف صح سنة يا الطاهر بس ما تكون ظالم وتعاقبوا العقاب ده كلو
لدرجة تساوي مقالو بمقال ملاسي المستجد
|
Post: #36
Title: Re: سنة يا الطاهر!
Author: عبد المنعم سليمان
Date: 03-28-2007, 08:17 AM
Parent: #33
| Quote: ومنها بطلت شغلة أجيب مقالات ملاسي وألصقا في المنبر |
معقولة يا نادر وانا برضو بجيب مقالات المستجدين
احنا بنجيب القمة وملاسي لسه عاوز ليهو 10 سنين يلحق الطاهر ساتي
و10 سنين ضوئية يلحق وراق بعد داااك بنفكر نلصق مقالاتو هنا
|
Post: #35
Title: Re: سنة يا الطاهر!
Author: عبد المنعم سليمان
Date: 03-28-2007, 08:00 AM
Parent: #1
| Quote: وهى وكت نيران صديقة ليه اول امبارح بالليل رفضت دعوة وراق للزيارة ديك ........ |
حدي يشعر بالسعادة يمشي يختار البعـــاد ..!!
|
Post: #38
Title: Re: سنة يا الطاهر!
Author: هجو الأقرع
Date: 03-28-2007, 10:53 AM
Parent: #35
منعم سلام ، صاحبك ود ساتى وضع الدواء على الجرح تماما، سلم عليهو شديد ، سمعت راشد الحاج قال شنو فى موضوعو بتاع الكيزان واليهود ،قال من اسماء الكيزان هجو ، معقول اهلنا الصوفيه اليعقوباب كيزان عليك الله رد على هنا بس .
|
Post: #39
Title: Re: سنة يا الطاهر!
Author: Hussein Mallasi
Date: 03-28-2007, 11:18 AM
Parent: #38
| Quote: و 10 سنين ضوئية يلحق وراق |
وراق دا منو يا منعم .. أوعك تكون قاصد الكاتب الذي
يحكم على الوزراء بانطباع ما يشاهده في بيوت البكيات!!
_____
لو كان هو المقصود يبقى عندك حق!!
|
Post: #40
Title: Re: سنة يا الطاهر!
Author: عبد المنعم سليمان
Date: 03-28-2007, 11:41 AM
Parent: #1
ال ما بريدك يحدر ليك في الضلام
|
Post: #41
Title: Re: سنة يا الطاهر!
Author: ناذر محمد الخليفة
Date: 03-28-2007, 01:49 PM
Parent: #1
!!
| Quote: شغل ذي دا امير عبد الماجد ما بقدر عليهو لانو ما عندو عمود شهير |
أمير جاتك هجمة مرتدة
|
Post: #42
Title: Re: سنة يا الطاهر!
Author: عاصم ابوبكر حامد
Date: 03-28-2007, 02:09 PM
Parent: #1
ملاسئ
انت رجل عجيب وغريب
والاحمل
ان ناذر عجيب ولم يصل لدرجة الغريب
|
Post: #43
Title: Re: سنة يا الطاهر!
Author: ناذر محمد الخليفة
Date: 03-28-2007, 02:16 PM
Parent: #1
!!!!!!!!
أحمل كيف يعني يا عاصم !!
|
Post: #44
Title: Re: سنة يا الطاهر!
Author: الطاهر ساتي
Date: 03-28-2007, 02:20 PM
Parent: #43
|
Post: #45
Title: Re: سنة يا الطاهر!
Author: عاصم ابوبكر حامد
Date: 03-28-2007, 02:21 PM
Parent: #43
ناذر
| Quote: أحمل كيف يعني يا عاصم !! |
الله ضحكتنى لكن ...
يا مان ماتزعل
وخلاص
الاجمل
لم اقصد غير هذا
|
Post: #46
Title: Re: سنة يا الطاهر!
Author: ناذر محمد الخليفة
Date: 03-28-2007, 02:28 PM
Parent: #1
عاصم ..
لا لا ما زعلت ,,
بس خفتك تجيب لي الشبهة بي كلمة أحمل دي وعبد المنعم يفسرا تفسير تاني !!
شكرا للتوضيح ...
صنفرة :
واصلو يا شباب .. سوري فور إنتربشن !!
|
Post: #47
Title: Re: سنة يا الطاهر!
Author: Marouf Sanad
Date: 03-28-2007, 02:51 PM
Parent: #46
| Quote: كتب الزميل الطاهر ساتي في عموده المنشور في الصحافة |
زميل منبر ولا زميل مهنة يا ملاسي
اسي كان في داعي يا الطاهر ساتي?
البس نظارتي او اضعها على جبهتي ,, على كيفي
|
Post: #48
Title: Re: سنة يا الطاهر!
Author: على محمد على بشير
Date: 03-28-2007, 03:20 PM
Parent: #47
مقال جميل ورصين
ومداخلات زى العسل
الله يخليك يا الطاهر
ويخليكم كلكم
|
Post: #49
Title: Re: سنة يا الطاهر!
Author: عبد المنعم سليمان
Date: 03-28-2007, 03:43 PM
Parent: #1
| Quote: كتب الزميل الطاهر ساتي |
شكيت محنك يا ملاسي
ليك يومين وزاملت الراجل في اكل عيشو
|
Post: #51
Title: Re: سنة يا الطاهر!
Author: ناذر محمد الخليفة
Date: 03-28-2007, 03:48 PM
Parent: #49
|
Post: #50
Title: Re: سنة يا الطاهر!
Author: celecon
Date: 03-28-2007, 03:48 PM
Parent: #1
| Quote: ليك يومين وزاملت الراجل في اكل عيشو |
زمالة منبر يااااخ !!!
|
Post: #52
Title: Re: سنة يا الطاهر!
Author: Hussein Mallasi
Date: 03-28-2007, 06:52 PM
Parent: #50
| Quote: زميل منبر ولا زميل مهنة يا ملاسي |
بالتأكيد ليس زميل مهنة يا معروف؛
فمهنتي ليست ما .. يمتهن!!
|
Post: #53
Title: Re: سنة يا الطاهر!
Author: عبده عبدا لحميد جاد الله
Date: 03-28-2007, 07:19 PM
Parent: #52
التحية للجميع
Quote: ناس مساكين لا عندهم ايد لا كراع في الحركة ولا في المؤتمر
ديل هم القاعدين يدفعوا تمن العبط السياسي الحاصل
والمصيبة انو الزول البيجى عشان ينصر المهمشين هو ذاتو بيتقلب على المهمشين العن واضل من الحكومة .. |
العزيز الطاهر
تحية طيبة
شكراً على تشخيص الحالة وكان الله في عون المواطن البسيط من مصارعة الكبارط
على السلطة الما جايبا همها
|
Post: #54
Title: Re: سنة يا الطاهر!
Author: عبدالكريم الامين احمد
Date: 03-28-2007, 08:28 PM
Parent: #53
| Quote: خلاص بدينا في المشاكل بين اصحاب العمدان الشهيرة! |
والله صحي مقدرة وكاتب العمود البرلوم المستجد حلو حلاة
|
Post: #55
Title: Re: سنة يا الطاهر!
Author: حمور زيادة
Date: 03-28-2007, 09:26 PM
Parent: #1
استاذنا الطاهر ساتي لك التحية على جميل الكلم و رائع التحليل
سلم يمينك الذي يجعلنا نقرأ الصحافة بالمقلوب ( هذا مدح منعا لتخبط المعنى اذ ارى الاراء تتشظى هنا )
و .. سنه باجمل معانيها لا تعجبا كما ذهب ملاسي ..
|
Post: #56
Title: Re: سنة يا الطاهر!
Author: حمور زيادة
Date: 03-28-2007, 09:26 PM
Parent: #1
استاذنا الطاهر ساتي لك التحية على جميل الكلم و رائع التحليل
سلم يمينك الذي يجعلنا نقرأ الصحافة بالمقلوب ( هذا مدح منعا لتخبط المعنى اذ ارى الاراء تتشظى هنا )
و .. سنه باجمل معانيها لا تعجبا كما ذهب ملاسي ..
|
Post: #57
Title: Re: سنة يا الطاهر!
Author: Hussein Mallasi
Date: 03-28-2007, 09:42 PM
Parent: #56
| Quote: سنه باجمل معانيها لا تعجبا كما ذهب ملاسي .. |
و منو القال ليك كتبتها تعجباً يا حمور!!
|
Post: #58
Title: Re: سنة يا الطاهر!
Author: حمور زيادة
Date: 03-29-2007, 10:35 AM
Parent: #1
انت القلتها لي ..
من صياغة كل كلامك هي تعجب من ما كتب الاستاذ .. و انا قلتها اعجابا بما كتب
ام تراني اخطأت ؟
|
|