زيادة الاوزان!

كان ما عجبك يا تاج السر الملك!

جايب السيره البتعكنن دي ليه ياحسين?

مش كفايه الحروب و كواريك العنصريه والشكل علشان نتملي فقر وزهج?

هل لهذا البوست اي علاقة بالصحفي المعروف وعضو المنبر الطاهر ساتي

والله يا ملاسي إعلان يضحك ، قلت لي زيادة الوزن ، ودي برضو قدر ظروفك وكم تكاليف الزيادة لأنو جاتني فكرة ربما تكون شيطانية أحمد ولدي مثلا وزنه مثالي بكلام الطب والرشاقة ومحمد حاتي لمن الهوا يجليهو يعني ضعيف البنية لكين هو شخص متحرك ونشيط وحيوي – يعني بكلام الدكاتره برضو لا خوف عليه من فقر الدم وضعف الجسم وتساقط الشعر وشحوب البشرة إلخ .. أعراض النحافة المرضية ، المهم قلت أدخل أولادي برنامج تسمين وبهذه الطريقة أدفع حق التسمين وأوفر حق الغدا والعشا وبقية الحقوق العلفية.
بس بيني وبينك بعد ما خلاص الفكرة قربت تكون تمام قلت يا مان ده ما شكل حيطه تسمن ليها ناس ، البياض بتاع الحيطة تعبان ، ويبدو أن المعلم الإشتغلو عمل العليهو من باب على قدر أهل العزم ، أقصد على قدر قروشكم مدو حيطتكم ، كمان الجير أو البوماستيك مش من المهندس يعني أى كلام ناهيك عن الخط وتنسيق الألوان ، وما قدرت أعرف الزهريات الفاضية الفي الحيطة دي شنو ، يعني معقولة بس 8 زهريات ما فيهم ولا أى حادة طالعه ، بس بيني وبينك ربما تكون دي عبارة عن طفايات لمن يستخدم التمباك بس حا يتفها كيف ده إلا يكون راكب بعير أو سودانير.
نجي لي علاج البشرة دي المفروض يتكبوها بخط عريض لأنو ده الماشي منذ فترة طويلة كيف تكون بشرتك بيضاء جميلة ناعمة ، وبالرغم من التحذيرات والندوات والنصائح والإرشادات والتحريم حتى يظل أى وهم يباع بشأن البشرة يلقى رواجاً كبيراً
بس ما قلت لي البيت ده وين ، أوعه يكون في امدرمان

Quote: بس ما قلت لي البيت ده وين ، أوعه يكون في امدرمان

امال حيكون وين يعني

بس العرسان ؟؟

ماعندهم يا اللخو الناس ديل
تخفيف دم.....
عندي واحد بوردابي كده عاوزين نخفف ليهو دمو لثر لترين كده..
...
...
اسمو بعيد عندك كده (حسين)..!!
...
..
حسين ياراجل!!

Quote: بس العرسان

العرسان والخل الوفي وودحمزة وود النمير ومن لف لف ملاسي



_____

ملاسي اعمل حسابك كيكي ده اليومين ديل وزنو زايد

ملاسئ

انت رجل عجيب وغريب

Quote: جايب السيره البتعكنن دي ليه ياحسين?

الراجح أن يكون في الأمر خطأ إملائي يا منى !