Post: #1
Title: لعنة النور و وزيري
Author: Hussein Mallasi
Date: 05-12-2007, 08:56 AM
أظنها يا ناذر دي لعنة النور و وزيري.
|
Post: #2
Title: Re: لعنة النور و وزيري
Author: A.Razek Althalib
Date: 05-12-2007, 09:14 AM
Parent: #1
إن بعض الظن إثم..
واللعنة وهم فرعوني..
|
Post: #3
Title: Re: لعنة النور و وزيري
Author: Hussein Mallasi
Date: 05-12-2007, 09:27 AM
Parent: #2
و لا يهمك يا عبد الرازق .. أعدلها لتصبح:
لعلها دعوات النور و وزيري.
|
Post: #4
Title: Re: لعنة النور و وزيري
Author: A.Razek Althalib
Date: 05-12-2007, 10:29 AM
Parent: #3
تحياتي يا ملاسي..
على الله..
إذا توفرت شروط الإستجابة..؟؟
|
Post: #9
Title: Re: لعنة النور و وزيري
Author: Munir
Date: 05-12-2007, 07:42 PM
Parent: #3
عفوآ حسين .. بالله هسة ابوبكر وزيري والنور الآن قاعدين بدون شغل .. وناس ناذر ديل هم سبب قطع عيشهم ؟؟!! ..
والله شئ جد محزن أن يتسلط بعض الهواة بعنتريات انترنيتية علي ارزاق أطفال العباد بسبب غلطات كان يمكن معالجتها  ..
الله يصبرهم ..
|
Post: #5
Title: Re: لعنة النور و وزيري
Author: ناذر محمد الخليفة
Date: 05-12-2007, 02:58 PM
Parent: #1
يا ملاسي سلامات ..
| Quote: أظنها يا ناذر دي لعنة النور و وزيري. |
ما ظنيت يا ملاسي ..
لأنو أنحنا كنا مجموعة ضد النور ووزيري ..
وهسي المجموعة إتفرقت وبقت ضد بعض !!
لو النور ووزيري عندهم لعنة كانت ما حا تستثنى أي زول كان ضدو !
شنكل :
أما لو النور ووزيري عملو بمبدأ (اللهم رد كيدهم في نحرهم) ففي دي معاك حق !
وتكون اللعنة تحققت ..
|
Post: #6
Title: Re: لعنة النور و وزيري
Author: الشفيع عوض شوشتا
Date: 05-12-2007, 03:43 PM
Parent: #5
| Quote: وهسي المجموعة إتفرقت وبقت ضد بعض !! |
الله يجازي اللي كان السبب
..
.
-----
ما اظن المجموعة...!!
|
Post: #7
Title: Re: لعنة النور و وزيري
Author: ناذر محمد الخليفة
Date: 05-12-2007, 06:07 PM
Parent: #1
شوشتا كلامك صحيح ....
| Quote: ما اظن المجموعة...!! |
طبعا دي ما المجموعة ...
دي لعنة النور ووزيري حسب نظرية ملاسي !!
|
Post: #8
Title: Re: لعنة النور و وزيري
Author: ناذر محمد الخليفة
Date: 05-12-2007, 06:12 PM
Parent: #1
مكرر بسبب اللعنة
|
Post: #10
Title: Re: لعنة النور و وزيري
Author: ناذر محمد الخليفة
Date: 05-13-2007, 05:45 AM
Parent: #1
سلامات يا منير ..
| Quote: والله شئ جد محزن أن يتسلط بعض الهواة بعنتريات انترنيتية علي ارزاق أطفال العباد بسبب غلطات كان يمكن معالجتها |
والله بي كل تواضع أنا زاااتي بعد الحصل بقيت ما معتبر روحي هاوي .. قول لي كيف ؟!
طالما أنا قرائي في المنبر دا اكتر من قراء أي صحيفة في الساحة .. وطالما أنا مؤثر على بعض الأحداث بصورة مباشرة أو غير مباشرة رغم أني ما صحفي ولا برعى بي (قيد) لكن آلياتي مؤثرة ووسائلي واصلة زي ما أثبتت الكثير من الأحداث (النور ووزيري ليس المثال الوحيد) فبكل تأكيد فالعنتريات البتسميها دي فاعلة جدا أكتر بكتير من أي عمود يومي في الجرائد ..
ضمير المتكلم يعود لكل كتاب الإنترنيت وليس لشخصي فقط .
شفت كيف ؟!!
|
Post: #11
Title: Re: لعنة النور و وزيري
Author: Munir
Date: 05-13-2007, 10:22 AM
Parent: #10
ناذر كيفك يازول ..
ياخوي تيك إت إيزي وما تتشنج وتاخد الكلام شخصي ليك انت بالذات .. فأنت مهما كان من الشخصيات البرتاح ليها في المنبر ده .. وأكثر شئ ضايقني في اليومين الفاتو ديل ظبزتك الشتراء الفاتت دي والتي جد زعلت جدآ أن ترقد في رصيدك هنا وتشوهه بصورة احبطتني جدآ لأني والله لا ارضاها ليك !! .. ولكن مازال الود في محله وان شاء الله شدة وتزول وتصفو النفوس ..
الشئ الثاني هو أن هذا البوست ذكرني بهذين الصحفيين وتخيلت أسرهم وقد انقطع مصدر رزقها بسبب غلطات ليست ذات بال وبقيتوا ليهم إنتو سبب قطع عيش اولادهم .. حاجة محزنة .. وياليت مثل تلك الحملة المنبرية علي سرقة مقتطفات من الانترنت لا تسمن ولا تغني عن جوع ليتها كانت موجهة بكل تلك العنترية علي الحرامية الجد جد والغلاد غلاد الناهبين البلد علي عينك ياتاجر .. كنا قلنا والله فعلآ شباب قلبهم حار .. لكن طريقة إذا سرق فيهم الشريف تركوه وإذا سرق الضعيف اقاموا عليه الحد هذه تعصف بالمصداقية !!! .. مش كده؟؟!!
طبعآ ياناذر حكاية أن الواحد مؤثر أو غير مؤثر وعدد القراء هذه ليست بالضرورة مصدر فخر لأن العبرة بإيجابية التأثير أو سلبيته .. لو جينا لعدد القراء والتأثير أهو عندك زي بشاشا وتراجي واشباههم الذين مش مؤثرين بس بل جايبين ليك امريكا ذاتها في عقر غرفتك !!..
فياعزيزي أثر زي ما عاوز بس اجتهد أن يكون تأثيرك ايجابي ..
|
Post: #12
Title: Re: لعنة النور و وزيري
Author: Waly Eldin Elfakey
Date: 05-13-2007, 12:40 PM
Parent: #11
اخشي ان يصيب هذا البوست
بعض لعنة فينحرف...
هذا بعد تحياتي لملاسي
و ناذر و المتداخلين....
|
Post: #13
Title: Re: لعنة النور و وزيري
Author: أبو عبيدة البصاص
Date: 05-13-2007, 12:58 PM
Parent: #1
Quote: أما لو النور ووزيري عملو بمبدأ (اللهم رد كيدهم في نحرهم) ففي دي معاك حق !
وتكون اللعنة تحققت .. |
ياناذر يعني هو اكان في كيد معترف به
يعني حق اريد باطل
اللهم رد كيدهم في نحرهم
|
Post: #14
Title: Re: لعنة النور و وزيري
Author: ناذر محمد الخليفة
Date: 05-13-2007, 04:32 PM
Parent: #1
يا منير ..
أنا ما زعلت من كلامك بقدر زعلي من معلوماتك المغلوطة زي دي :
| Quote: الشئ الثاني هو أن هذا البوست ذكرني بهذين الصحفيين وتخيلت أسرهم وقد انقطع مصدر رزقها بسبب غلطات ليست ذات بال وبقيتوا ليهم إنتو سبب قطع عيش اولادهم .. حاجة محزنة .. |
ما في رزق إنقطع ولا أكل عيش راح علي أطفال زول ولو كنت سألت كان عرفت ..
وزيري لسع في وظيفتو في مجلس الصحافة ولسع في وظيفتو المعتبرة في المنظمة الدولية ..
والنور ما إتغير وضعو بتاتا ... غير إنو إتصلح وبطل يلطش من الشبكة العنكبوتية ..
إذن التغيير الحصل لي المحترفين بتاعين الصحافة من قبل هواة إنترنيتيين يفترض يشكرونا عليهو ..
بعدين إنت قلت أخطاءم كان ممكن يتفادوها ...
ودا بيوري إنك ما قريت رد وزيري الكان مصر على خطأو حتى أخر لحظة زي ما حا تشوف لمن تقرا البوست دا :
أبو بـكـر وزيـري .. والـعـذر الأقـبـح مـن الـذنـب !!!
تسلم يا منير ..
|
Post: #15
Title: Re: لعنة النور و وزيري
Author: Munir
Date: 05-13-2007, 06:04 PM
Parent: #14
| Quote: ما في رزق إنقطع ولا أكل عيش راح علي أطفال زول ولو كنت سألت كان عرفت .. |
طيب يا ناذر أنا مداخلتي الاولانية ديك ما هي السؤال ذاته !!.. أنا اساسآ سألت لأن البوست يوحي بأنهم قد فصلوا من عملهم وانقطع عيشهم فحلت لعنتهم عليكم .. لذلك حزنت لهم .. لكني برضو أظن وعلي ما اذكر أنه تبعآ لتلك الحملة قد أوقف واحد منهم عن عمله .. صاح؟؟
بس شكرآ علي التنوير والحمدلله مافي عيش زول انقطع بسببكم .. وطالما كانت زي غزوتكم ديك ما بتكتل ليها زول فبالله أعملوا لينا واحدة تانية بس تكون في الصميم ..
|
Post: #16
Title: Re: لعنة النور و وزيري
Author: ناذر محمد الخليفة
Date: 05-13-2007, 10:40 PM
Parent: #15
أنا غزواتي دايما في الصميم يا منير زي ما إنت شايف
|
|