Post: #1
Title: الدكتور و المحامي!
Author: Hussein Mallasi
Date: 04-13-2007, 09:39 PM
Parent: #0
شنو حكاية "المحامي" التي أصبحنا
نشاهدها تلي أسماء بعض الأعضاء!!
|
Post: #2
Title: Re: الدكتور و المحامي!
Author: Hussein Mallasi
Date: 04-13-2007, 09:42 PM
Parent: #1
مش كفاية حكاية دكتور التي شاهدناها
تسبق أسماء بعض الأعضاء!!
|
Post: #3
Title: Re: الدكتور و المحامي!
Author: Hussein Mallasi
Date: 04-13-2007, 09:53 PM
Parent: #2
طيب .. وكت كتبتوها في الأسماء المنبرية على الأقل ورونا:
ليه البيكتب دكتور بيكتبها قبال اسمو
و البيكتب محامي بيكتبها بعد اسمو!!
|
Post: #4
Title: Re: الدكتور و المحامي!
Author: shammashi
Date: 04-13-2007, 09:58 PM
Parent: #3
أسي إنت لو كتبت "صحفي" أو "أي حاجة" في زول ح يسألك.
وبالمناسبة قصة ح براها وباقي الكلمة براها دي أنا اتعلمتها من كتابات كمال الجزولي.
|
Post: #5
Title: Re: الدكتور و المحامي!
Author: Hussein Mallasi
Date: 04-13-2007, 10:02 PM
Parent: #4
اها كمال الجزولي بجعاصتو و عضلاتو دي كلها
ما قاعد يكتب كمال الجزولي المحامي!
|
Post: #6
Title: Re: الدكتور و المحامي!
Author: Hussein Mallasi
Date: 04-13-2007, 10:09 PM
Parent: #5
لو واحد من "دكاترتنا" بقى محامي
حيكتب اسمو كيف .. و العكس!
_____
ورطة حقيقية!!
|
Post: #7
Title: Re: الدكتور و المحامي!
Author: shammashi
Date: 04-13-2007, 10:21 PM
Parent: #6
ياخي ما يكتب محامي، دكتور، طبيب، أي حاجة.
إنت أسي لو عايز تكتب حتكتب شنو؟؟
مايوي سابق وقلب؟؟؟
جلود
|
Post: #8
Title: Re: الدكتور و المحامي!
Author: Hussein Mallasi
Date: 04-13-2007, 10:26 PM
Parent: #7
سألوا الولد في المدرسة اسمك منو؟!
قال ليهم سعد أحمد عبد الله المحامي!!
|
Post: #10
Title: Re: الدكتور و المحامي!
Author: Kostawi
Date: 04-13-2007, 10:38 PM
Parent: #8
Dr. Mallassi
Malassi, PHD
Mallasi, PE
Mallassi, MD
Mallassi, AKRAMBA
الأمنجي محمد حامد جمعة
محمد حامد جمعة الأمنجي
Hajja Nafeesa
|
Post: #9
Title: Re: الدكتور و المحامي!
Author: لقمان حسن همام
Date: 04-13-2007, 10:32 PM
Parent: #7
ملاس ..
كيفك يا حبيب ..
فقط للتحايا والأشواق .. و .. !! و .. !! و .. !!
الإعجـــــــــاب ..
زمن يا رجل !!!
|
Post: #11
Title: Re: الدكتور و المحامي!
Author: shammashi
Date: 04-13-2007, 10:40 PM
Parent: #9
| Quote: قال ليهم سعد أحمد عبد الله المحامي |
برضو دا حسب تفكيرو مبررة
لكن لم و"لن" تبرر من أبو عاج لمن قال
وأشكر المعلم "علي حسن سلوكة".
عليك الله أسي أحسن التلميذ ولا أحسن أبو عاج.
|
Post: #12
Title: Re: الدكتور و المحامي!
Author: Tragie Mustafa
Date: 04-13-2007, 10:44 PM
Parent: #11
يا ملاسي
يا اخوي المحامي و الدكتور كوم
الادهى و الامر في ناس بقوا يكتبوا عنهم (المفكر)!!
غايتو ناس الليبرالي الله يورينا آخر بدعهم.
تراجي .
|
Post: #13
Title: Re: الدكتور و المحامي!
Author: Hussein Mallasi
Date: 04-13-2007, 10:47 PM
Parent: #12
| Quote: الادهى و الامر في ناس بقوا يكتبوا عنهم (المفكر)!! |
سلامات يا تراجي
ما مشكلة الزول يكتبوا عنو .. المصيبة الزول البيكتب عن نفسو!
|
Post: #14
Title: Re: الدكتور و المحامي!
Author: خالد الطيب أحمد
Date: 04-13-2007, 10:48 PM
Parent: #12
......
++
|
Post: #15
Title: Re: الدكتور و المحامي!
Author: Hussein Mallasi
Date: 04-13-2007, 10:55 PM
Parent: #14
زمن البسيطة دي يا لقمان .. مشتاقين يا راجل.
|
Post: #43
Title: Re: الدكتور و المحامي!
Author: Abdel Aati
Date: 04-16-2007, 11:02 PM
Parent: #15
ملاسي سلام
الاستاذ ابراهيم على ابراهيم المحامي
- على سبيل المثال -
علم على رأسه نار وهو يضيف للمحاماة ولا تضيف اليه ..
وهو مفكر كبير ما في ذلك شك
والمكتبة السودانية تشهد له بعظيم فكره ..
|
Post: #16
Title: Re: الدكتور و المحامي!
Author: shammashi
Date: 04-13-2007, 10:58 PM
Parent: #12
ملاسي
كن أمينا من نفسك وخليك "متصالخ مع نفسك" دي والله أنا اتعلمتها من هذا البورد
خلي كل واحد اليكتب العايزو في البورد دا.
لكن "وبما أنك صحفي" احترم شرف القلم وشرف المهنة. (حتى ولو مصدر دخلك ما من الصحافة)
عايزك تعمل لي موضوع عن الألقاب العلمية التي أصبحت تمنح لمن يستحق ومن لا يستحق.
بروفسيرات لو كان نصف عددهم حقيقي كنا فتنا اليابان في التقدم.
حملة دكتوراه بقوا أكتر من البعوضة والذباب.
وكلهم يسبقون أسماؤهم بكلمو البروف أو الدالفي صحفنا وفي مجتمعاتنا.
وهذا الكم من العلماء جاء كنبت شيطاني في السنين الأخيرة في الوقت الذي أسصبح فيه
خريجبنا اقل مستوى من أي بلد عربي آخر.
عليك الله حل لي الغلوتية دي.
شماسي
كاتب ومحلل وخبيراستراتيجي
ناقد مسرحي ومرات باغني
وعضو في مجلس الكيانات والروابط والجمعيات ومراسل لعدة مجلات
وساعد مقرر لجنة إعادة حلفا القديمة.
|
Post: #17
Title: Re: الدكتور و المحامي!
Author: بكري الصايغ
Date: 04-13-2007, 11:50 PM
Parent: #1
دكـــاتـرة الأنــقـــاذ وتـخــصـصــاتـهــم:
___________________________________________
1ـ الـدكتور الطيـب محمـد خـيـر: إغتال زميله الدكتور علـي فضــل،
2ـ الـدكتور النافع: قام بتعـذيب زميله الـدكتور فاروق ابراهـيـم،
3ـ الدكتـور التـرابـي: كان وراءاعـدام الشـهيد مـحمـود محـمـدطــه،
4ـ الدكتـور عـلي الـحـاج: مطـلوب القبض عليه بواسطة"الأنتربول"الدولـي،
5ـ الـدكتور ابوالجـاز: مجـرم متهـم بتعـذيب أبرياء ومطلوب دوليآ ،
6ـ الـدكتورمـصـطـفي اسـماعـيـل: " الـطفـل المعـجـزة"،
7ـ الـدكتور القـطـبـي: كـندي سـوداني ، يخشـي السفر لكندا بسبب جرائمه،
8ـ الدكتور الطيب مـصطفـي: فشل في كـل المهام التي اوكلت له من قبل،
9ـ البروف وزيرالداخلية: "جزار"، لايخـفي "سـاديته" وهـدد بالذبح!!،
10ـ وزيـر الدفاع: منحه البشير الدكتوراة الفخرية، فخـرالناس بالضـحـك!،
11ـ الدكتورمحـي الدين تيتاوي: لااري، لااسـمع، لااتكلم، لاكتب ، لااعـرف!!،
12ـ الدكتور عبد الوهاب الأفندي، الـدكتور خالد المبارك: ???????????.
|
Post: #18
Title: Re: الدكتور و المحامي!
Author: بكري الصايغ
Date: 04-14-2007, 00:19 AM
Parent: #1
Re: 21 أبريل، ذكرى إغتيال الشهيد علي فضل.... سنذيقهم جُرحاً بجُرح ودماً بدم .... والظلم ليلته قصيرة.
الاخوة والاخوات الكرام.
للتاريخ آريد أن أسجل الموقف البطولي لدكتور عبدالمـطلب ود.علي الكوباني اخصائيا الطب الشرعي الذين صمدوا أمام التهديد والضغو ط وإنحازوا كعهدنا بهم لضمائرهم لشرف المهنة ليسجلوا الحقيقة إن أسباب الوفاة كان كسر في مؤخرة الجمجمة و تمزق في الطوحال مع وجود أثار للتعذيب في أجزاء جسمه الطاهر وقد رفضوا تسليم تقريرهم لضباط الأمن المحاصريين للمشرحة و ذهبوا بأنفسهم لتسليم التقرير للقاضي المسئول وأعلم إنهم مستعدون للوقوف أمام أي محكمة لتأكيدالوقائع و للشهادة بما حدث فلهم الإنحناءة
ولكم الود
"Magdi Is'hag"
21-04-2006,
___________________________________________________________________________
|
Post: #19
Title: Re: الدكتور و المحامي!
Author: jini
Date: 04-14-2007, 00:50 AM
Parent: #1
Quote:
طيب .. وكت كتبتوها في الأسماء المنبرية على الأقل ورونا:
ليه البيكتب دكتور بيكتبها قبال اسمو
و البيكتب محامي بيكتبها بعد اسمو!! |
اكيد ما حتعرف يا ملاسى لانك اتربيت فى كنف ديكتاتوريات!
دا عرف قديم
عقيل احمد عقيل المحامى
عبد الله الخضر المحامى
الدرديرى احمد اسماعيل المحامى
احمد خير المحامى مؤلف كتاب كفاح جيل
احمد سليمان المحامى ودا طبعا بتعرفوا
ابراهيم المفتى المحامى
مبارك زروق المحامى
محمود حسنين المحامى
محمد احمد محجوب المحامى
والقائمة تطول
جنى
|
Post: #20
Title: Re: الدكتور و المحامي!
Author: Hussein Mallasi
Date: 04-14-2007, 07:36 AM
Parent: #19
| Quote: احمد خير المحامى مؤلف كتاب كفاح جيل |
| Quote: محمود حسنين المحامى |
أحمد خير المحامي منو يا جني؛
أوعك تكون قاصد وزير خارجية عبود!
_____
اما محمود حسنين المحامي فما عرفتو!!
|
Post: #21
Title: Re: الدكتور و المحامي!
Author: Hussein Mallasi
Date: 04-14-2007, 07:59 AM
Parent: #20
واضح يا الصايغ انو رايح ليك نضال و جاي تفتشو هنا!
|
Post: #22
Title: Re: الدكتور و المحامي!
Author: Hussein Mallasi
Date: 04-14-2007, 09:14 AM
Parent: #21
واحد سألوهو: انت شغال شنو؟
قال: أنا شغال محامي.
و التاني سألوهو: انت شغال شنو؟
قال: أنا محامي.
____
دكتور .. دكتور ما فرقت!!
|
Post: #23
Title: Re: الدكتور و المحامي!
Author: خالد الطيب أحمد
Date: 04-14-2007, 09:47 AM
Parent: #22
| Quote: دكتور .. دكتور ما فرقت!! |
ومحامي..محامي ما فرقت!!
|
Post: #24
Title: Re: الدكتور و المحامي!
Author: jini
Date: 04-14-2007, 05:50 PM
Parent: #20
Quote:
أحمد خير المحامي منو يا جني؛
أوعك تكون قاصد وزير خارجية عبود!
_____
اما محمود حسنين المحامي فما عرفتو!! |
نعم وزير خارجية عبود وخال الشريف حسين الهندى
على محمود حسنين المحامى الكشح البرلمان وفات
يا سى حسين دا عرف قديم فى السودان كان المع نجوم السياسة والمجتمع هم المحامون
اخوك ذاكرتو سقط منه الكثير من العظماء
محمد احمد المجوب ال Boss كان له مكتب محاماة فى لندن يرتاده االانجليز !
غالبية وزراء الاتحادى كانوا من فطاحلة المحاماة
احمد سليمان المحامى فى الحزب الشيوعى دا كان علم على راسه نار
يا حليل ناس عبد الماجد ابوحسبو واحمد السيد حمد المحامى ديل كانوا بترافعوا قدام فطاحلة القضاء ناس ابورنات
ماتقولى ما بتعرف محمد يوسف محمد المحامى
يا حسين القضاء الواقف والقضاء الجالس فى السودان كان عظمة تقراء ليهم متعة تسمعهم متعة تشوفهم نمتعة يحيروك فى الهندام والاناقة النساء كانوا يسمون الثياب باسماء مثل عيون زروق
موش طاقية المهلاوى وعمة المكاشفى!
وكانوا بسموا التياب ازهرى فى المطار!
انت بس شوف اللبس فى اشرطة التلفزيون لمظاهرات اكتوبر واعياد الاستقلاال وحفلات المسرح القومى ومباريات كرة القدم وحفلات الفنانين تعرف نحن كنا وين ورجعنا وين!
والحديث ذو شجون يا حسين اخوى
جنى
|
Post: #25
Title: Re: الدكتور و المحامي!
Author: Faisal Al Zubeir
Date: 04-15-2007, 06:58 AM
Parent: #24
حسين ملاسي ضابط جودة!
|
Post: #26
Title: Re: الدكتور و المحامي!
Author: Samer Osman
Date: 04-15-2007, 07:35 AM
Parent: #1
حسين ملاسي ...
جاود ضبطة
_____________
•شايقي بحضر في برنامج في اللبنانية ..مستضيفين نانسي عجرم وإليسا وهيفاء ..واحدي قالت رغبتا تتزوّج طبيب والتانية قالت لواء في الجيش والتالتة قالت فنّان..الشايقي إتصل قال للمذيعة : معاك اللواء دكتور فنّان محمّد أحمد الشايقي
|
Post: #27
Title: Re: الدكتور و المحامي!
Author: Hussein Mallasi
Date: 04-15-2007, 07:50 AM
Parent: #26
| Quote: معاك اللواء دكتور فنّان محمّد أحمد الشايقي |
معاك اللواء دكتور فنّان محمّد أحمد الشايقي .. المحامي!
|
Post: #28
Title: Re: الدكتور و المحامي!
Author: Mahathir
Date: 04-15-2007, 08:37 AM
Parent: #1
الصحفى اركان حرب ملاسى المنظراتى (منظراتى دى للنظارات المعلقن فوق راسك زمان).....المحترم...
طبعا الالقاب المهنيه البكتبوها الناس قدام اساميهم فى البورد دى تحير....هل دى نظام 'يا رجرجه اعرفو انتو بتكلمو منو" ولا "اقرا كلامى دا والرطوبه بتروح منك" ....هل تصدق مهازير رئيس الوزراء الماليزى السابق بعرف روحو باسمو بس..مع انو الصحف بتكتب Dr. Mahathir
...........
من الطرائف فى ماليزيا ان زوجة سفير السودان السابق كانت تتصل بنساء السودانيين وتبدا الكلام بعبارة "معاك مدام السفير"
|
Post: #29
Title: Re: الدكتور و المحامي!
Author: abuguta
Date: 04-15-2007, 09:18 AM
Parent: #28
على الطلاق موضوع فى الصميم
معاك
احمد الصديق المهندس...
بالله ياسحس مش اجمل من الباشمهنس احمد صديق..
بتعرف على عثمان طه المهندس..شارع الجندول
على عثمان طه الاستاذ...شاعر الانقاذ
والله حكم...
|
Post: #30
Title: Re: الدكتور و المحامي!
Author: Faisal Al Zubeir
Date: 04-15-2007, 10:20 AM
Parent: #29
| Quote: الصحفى اركان حرب ملاسى المنظراتى |
بعد التعديل
الباشكاتب اركان حرب ملاسي النظاراتي !!
|
Post: #31
Title: Re: الدكتور و المحامي!
Author: الجيلى أحمد
Date: 04-15-2007, 11:19 AM
Parent: #30
بالله إنتا خلوك تكتب كيف فى الصحافة السودانية..!!???
تلك الصحافة التى أنتجت وعى وخبر مبتكر فى طريقة عرضه وتحليلة,
إلى أن أتت الجبهة لتجعل لأمثالك موطن قدم فى (شاى صباح العمال والصناع
والطلبه)
أحرفك الجائعة مكانها المزابل
|
Post: #44
Title: Re: الدكتور و المحامي!
Author: jini
Date: 04-16-2007, 11:04 PM
Parent: #30
Quote: بعد التعديل
الباشكاتب اركان حرب ملاسي النظاراتي !! |
الناضورجى
|
Post: #32
Title: Re: الدكتور و المحامي!
Author: Tabaldina
Date: 04-15-2007, 12:25 PM
Parent: #1
..
.
| Quote: من الطرائف فى ماليزيا ان زوجة سفير السودان السابق كانت تتصل بنساء السودانيين وتبدا الكلام بعبارة "معاك مدام السفير" |
ماليزيا البعيدة دى !!
هنا دا جاتنى واحدة عرفت نفسي
معاك الدكتورة فلانة زوجة اللواء طبيب فلتمان العلانى
__________________________
كيكى ما جاء مارى بهنا ...!!؟ 
|
Post: #33
Title: Re: الدكتور و المحامي!
Author: انعام عبد الحفيظ
Date: 04-15-2007, 12:34 PM
Parent: #32
Quote: هنا دا جاتنى واحدة عرفت نفسي
معاك الدكتورة فلانة زوجة اللواء طبيب فلتمان العلانى |
لا حولااااااااااااااا
|
Post: #34
Title: البوبار..ناسو كُتار..!
Author: mamkouna
Date: 04-15-2007, 01:25 PM
Parent: #1
كلو كوم..و اللافتات الفي المقابر كوم تاني..
هنا يرقد المرحوم الباشمهندس فُلان الفلاني..
هنا يرقد المرحوم دكتور فُلان الفلتكاني..
هنا يرقد المرحوم فلتكان الفلاني..المحامي..
هنا ترقد الحاجة فُلانة..زوجة المرحوم لواء بالمعاش فلتكان الفلتكاني..
-----------------------------------------
بعد شوية ح يعملوا لافتات مضيئة!
|
Post: #35
Title: Re: البوبار..ناسو كُتار..!
Author: Hussein Mallasi
Date: 04-15-2007, 09:47 PM
Parent: #34
Quote: يا حسين القضاء الواقف
والقضاء الجالس فى السودان كان عظمة |
لي الليلة و لي بكرة يا جني .. بس دا ما موضوعنا.
|
Post: #36
Title: Re: البوبار..ناسو كُتار..!
Author: jini
Date: 04-15-2007, 10:10 PM
Parent: #35
| Quote: لي الليلة و لي بكرة يا جني .. بس دا ما موضوع |
طيب موضوعك شنو!
انتمستغرب فى انهاء الاسماء ببكلمة المحامى وانا اديتك امثلة حية لعظماء المهنة الذين كانت تعقب اسمهم كلمة المحامى وابنت لك كيف هم اعطوا مهنة المحاماة قيمة واوضحت لك كيف اهان النميرى والبشير هذه المهنة
1اذا لم تكن مداخلتى فى الصميم وفى لب الموضوع يكون كلامك شظايا ساكت يا سحسين!
جنى
|
Post: #37
Title: Re: البوبار..ناسو كُتار..!
Author: رشا سالم
Date: 04-15-2007, 10:16 PM
Parent: #35
Quote: كلو كوم..و اللافتات الفي المقابر كوم تاني..
هنا يرقد المرحوم الباشمهندس فُلان الفلاني..
هنا يرقد المرحوم دكتور فُلان الفلتكاني..
هنا يرقد المرحوم فلتكان الفلاني..المحامي..
هنا ترقد الحاجة فُلانة..زوجة المرحوم لواء بالمعاش فلتكان الفلتكاني..
-----------------------------------------
بعد شوية ح يعملوا لافتات مضيئة! |
دي حسادة منك يا ممكونة
خلي الناس تموت بالبرستيج بتاعها
|
Post: #38
Title: Re: البوبار..ناسو كُتار..!
Author: Hussein Mallasi
Date: 04-15-2007, 10:28 PM
Parent: #37
| Quote: واوضحت لك كيف اهان النميرى والبشير هذه المهنة |
كيف أهانوها .. انت الظاهر عليك نسيت
الرشيد الطاهر و علي عثمان!!
|
Post: #39
Title: Re: البوبار..ناسو كُتار..!
Author: عبدالكريم الامين احمد
Date: 04-15-2007, 10:35 PM
Parent: #38
ملاسي كدي انت خلينا من المحامي فلان والمهندس علان..فهذا حق ادبي ويحق للشخص التمتع به تماما وحتي في مماتته ولاتستطيع قوة نزعه مهما كانت نزع جهده وكسبه الاكاديمي المستحق..!!
ولكن يطل سوالي وهو السوال الايجابي..
..
رايك شنو في زول بوقع اسمو (المهندس فلان الفلاني وهو ليس حاصل علي شهادة الهندسة)..
وخير مثال المدعو صلاح غريبة عضو هذا المنبر وعلي روؤس الاشهاد..؟؟؟؟؟
رايك شنو (طال عمرك)..!!
|
Post: #40
Title: Re: البوبار..ناسو كُتار..!
Author: hanadi yousif
Date: 04-15-2007, 11:24 PM
Parent: #39
حسين ملاسي
سلامات,,,
جيتا اسلم عليك,,,
هنادي فضل / محامية وباحثة في القانون الدولي والانساني / وصحفية
"دا لزوم البوبار"
|
Post: #45
Title: Re: البوبار..ناسو كُتار..!
Author: jini
Date: 04-16-2007, 11:05 PM
Parent: #40
Quote: هنادي فضل / محامية وباحثة في القانون الدولي والانساني / وصحفية
"دا لزوم البوبار" |
فوق عديلك
جنى
|
Post: #42
Title: Re: البوبار..ناسو كُتار..!
Author: Tabaldina
Date: 04-16-2007, 10:57 PM
Parent: #39
..
.
مالك اتأخرت يا كيكى..
لولا ( الطلاق الإسفيري ) لما علمت بمرورك بدارنا العامرة بكم ومعكم
___________________
الله يقطع المشغوليات ..
|
Post: #41
Title: Re: البوبار..ناسو كُتار..!
Author: jini
Date: 04-16-2007, 10:04 PM
Parent: #38
Quote: كيف أهانوها .. انت الظاهر عليك نسيت
الرشيد الطاهر و علي عثمان!! |
وهؤلاء ايضا اساءوا الى المهنة والى زملاء المهنة يا ملاسى
جنى
|
Post: #46
Title: Re: البوبار..ناسو كُتار..!
Author: AmroKamal
Date: 04-19-2007, 12:57 PM
Parent: #41
فوق
|
Post: #47
Title: Re: البوبار..ناسو كُتار..!
Author: Waly Eldin Elfakey
Date: 04-19-2007, 01:24 PM
Parent: #46
| Quote: معاك الدكتورة فلانة زوجة اللواء طبيب فلتمان العلانى |
ده شنو يا تبلدينا... لا حولا.....
دي ما عرفناها عديل
لكن زي كلامك ده يا تبلدينا
بودرك يوم.... ارعي بي قيدك يا ولد
waly eldin elfakey
MD
.Prof. e.
RCA
DCH
DNCU
...... رايك شنو يا ملاسي
|
Post: #48
Title: Re: البوبار..ناسو كُتار..!
Author: فاروق حامد محمد
Date: 04-19-2007, 01:41 PM
Parent: #47
Quote: Quote: يا حسين القضاء الواقف
والقضاء الجالس فى السودان كان عظمة |
| Quote: لي الليلة و لي بكرة يا جني .. بس دا ما موضوعنا |
لالالالالالالالالالالالالالالالا يا سي حسين !!
عهد الانقاذ ابتدع قضاءً ثالثا هو القضاء (الراقد)
|
Post: #49
Title: Re: البوبار..ناسو كُتار..!
Author: jini
Date: 04-19-2007, 04:04 PM
Parent: #48
| Quote: عهد الانقاذ ابتدع قضاءً ثالثا هو القضاء (الراقد) |
راقدلو فوق رأى!
يا حسين بتعرف شوقى ملاسى المحامى!
بتاع امنستى انترناشونال!
اقول ليك يا ملاسى وماتزعل!
اى سودانى -لا يعرف ان المحامين فى السودان كان تاتى كلمة المحامى فى نهاية اسمهم - هو سودانى يجهل اسماء عظماء قدموا للسودان الكثير فى ساحة النضال الوطنى!
جنى
|
|