ما تسكت ليهو يا منصور!

عبد الله لم تأخذه بك شفقة!

كيف يقول عليك عميل للامريكان و انت تسكت ليهو .. ساكت!!

يا زول اسمعها مني نصيحة .. لو ما رديت سيستقر
في قلوب و عقول العامة انك جاسوس و متخابر!!

الشوش ساكت قال ليك حاجة كدا قعدت تقول ليهو مشلخ و ما مشلخ!!

يقوم عبد الله يقول انك متخابر – و بالوثائق – تقوم تسكت!!

يا حسين ..

اتوقع ان يطنش منصور خالد ... لكن فى اقرب منعطف سيسل قلمه على شاكلة عراك وراق واسحق احمد فضل

مكرر

محمد حامد

يقول ليك منصور خالد و عبدالله علي ابراهيم ..و تقول ليهو وراق و اسحق مش عارف مين!

ياخي لو ما هاماك نفسك؛ فعشان جني!!

جني دا واحد زميلنا هنا يا منصور؛
في فترة كدا قرب يقول انك مثلو الأعلى!

اظن ان الاسد عجز وهرم

او كما يقول المثل السوداني

تعرف يا منصور .. لو سكت ليهو .. حيجي واحد بعد يومين تلاتة
و يقول انو كتبك دي المعلومات الفيها عبارة عن تسريبات استخبارية؛
و تاني لو كتبت "السلام عليكم" حيقولوا كتبوها ليهو الأمريكان!!

ما قالوا فى قضيـة مرفوعـة على الفيل يا ملاسى..

لو سكت ليهو يا منصور؛ فربما يردد بعض العامة أن وكالة
الاستخبارات المركزية الأمريكية قد قامت بشتلك لقرنق!

و احتمال يتمادوا و يقولوا:

بعد ما شتلوهو لقرنق قاموا بشتله في القصر الجمهوري!

Quote: ما قالوا فى قضيـة مرفوعـة على الفيل يا ملاسى..

طبعاً لازم يرفع قضية يا ابو الريش.. مش قضية و بس؛ و لازم يملأ الدنيا
ضجيج ليسمع من به صمم نفيه القاطع لحكاية عمالته للوكالة المركزية دي.

Quote: لكن فى اقرب منعطف سيسل قلمه على شاكلة عراك وراق واسحق احمد فضل

يا سلاااام على عراك وراق و فضل الله من جهة
و عراك الهندي و الطاهر ساتي من جهة أخرى .. صحافة صاح!
_____
منصور يا جمعة أحسن ليهو
يتعارك زيهم من يسكت ساكت!

لماذا كل هذا

اها ما سكت قالوا رفع دعوى

نقول ناس الانتباهه رايهم شنو

انحنا في انتظار القضاء

اما هو عميل

او بري من العمالة

فى نقطـة فاتت عليك يا حسين،

إنو المتورط هسـى هـو عبد الله وليس منصـور.. منصـور هسـى يحق له أن ينام ملئ جفونـه لأن الســودانيين إتولوا كشف هـذا الباحث وتلاعبـه بالوثيقـة.. بل فى الحقيقـة عبدالله ذاته هـو من تولى كشف نفسـه بهـذه الدقســة التأريخيـة.

عميل السى أى أيه رقـم تسعـة منـو يا حسين؟!!

عليك الله دى بحوث واللا دبلان بالبـاع؟

الشئ الغريب، المحتاج لتفسيـر و(بحث) حقيقى، فى هـذه البوستات هـو إتفاق الشيوعيين والإسلاميين مع عبدالله!! ووقوف بقيـة الســودانيين مع ما يتطلبه الحيـاد فى البحث.

قول لعبدالله ما تسكت للبورداب الكشفـوا حقيقـة بحوثك هـذه!

Quote: اظن ان الاسد عجز وهرم

أسد ودوهو الماسورة.
ــــــــــــــــــــــــــــ
قرد ما عندو رحمة.

متى يكتب الدكتور عبد الله على إبراهيـم، ومشيناها خطىً؟

منصور كان سكتا هسي تاني ما حتقدر تتكلم مدى الحياة

و انا حا ازعل منك و ما حا ارد عليك !

شوف يا منصور .. كونك كنت مستشار للشهيد فعلى العين و الراس؛
و كونك اسه مستشار في القصر برضو على العين و الرأس؛ و كونك
كنت من اذرع نميري التنفيذيه و التنظيرية برضو مافي مشكلة؛
بس كونك تسكت لعبد الله؛ فذلك ما لا أوافقك عليه .. أبداً.

سلام ابو ريش

Quote: الشئ الغريب، المحتاج لتفسيـر و(بحث) حقيقى، فى هـذه البوستات هـو إتفاق الشيوعيين والإسلاميين مع عبدالله!! ووقوف بقيـة الســودانيين مع ما يتطلبه الحيـاد فى البحث.

الشيوعيون يريدون تصفية حسابات قديمة من زمن اول مايو مع منصور؛ وربما اقدم ترجع للجامعة وكون الرجل كان من المستقلين والمعادين للشيوعية؛ وكذلك لاثبات هرائهم القديم ان الرجل عميل للمخابرات الامريكية ؛ والذي نطوا منهن بخفة يد ثورية؛ على شاكلة "مش قلنا ليكم" ؛ وقياداتهم اهل العمالة بالجد الما خمج ..

اما الاسلاميون والطائفيون فيقتلهم ان الرجل قد فضحهم تماما في كتاباته؛ واوضح تهافت منطقهم وممارساتهم؛ ولا يملكوا القدرة على مواجهته؛ لذا يكون اغتياتل الشخصية الذي يقوم به الشيوعيين السابقين والحاليين لهم في جرح ..

أســاسي
ســلام

المثل بقول ( الأسد لما يعجز التيس يأكل عشاهو)

مودتي

ملاسي إنت منصور عندوا عضوية هنا ولا شنوا
بعدين ياخ عبدالله على ابراهيم ياها الدايرة
يرد ليهوا منصور خالد
لكن ما اظن يلقاها
ما ترد يا منصور فإذا ركلك احدهم من الخلف فهذا يعني انك في المقدمة{مثل إنجليزي}
وموضوع مُقاطعة أبوبكر أحمد دي خليها علي وأنا حأعالجها ليك
ونخشي أن يصير قلم عبدالله علي إبراهيم مثل ذيل العنز لا يسترله عورة ولا يهش عنه الذباب

Quote: ملاسي إنت منصور عندو عضوية هنا ولا شنو

طبعاً .. انت ما عارف و للا شنو .. ابحث في الأرشيف.

و لو ما عندك وقت للأرشيف؛ اسأل بكري؛
أو أي واحد من المشتركين القدامى.

الأخ حسين ملاسي تحياتي لك
بعيداً عن اي شخص يسبق اسمه حرف الدال الذي لا تحسن إستخدامه، هل تقبل ان تكون مداخلاتك معي و مداخلاتي معك من الآن و صاعداً في هذا المنبر باللغة الإنجليزية؟
لا يهمني ان كانت مداخلتك معي جملة واحدة - كالمعتاد - او كلمة واحدة، هل تقبل التحدي؟

الصاوي

ملحوظة
كتبت هذه المداخلة باللغة العربية لكي اضمن فهمك لها ..

طيب .. وكت بتعرف انجليزي – و كويتي – يا دكتور الصاوي .. الخفة العليك شنو!!

Quote: طيب .. وكت بتعرف انجليزي – و كويتي – يا دكتور الصاوي .. الخفة العليك شنو!!

شنو ياسحس,
زعلان ماذكروك مع الشباب ديلك..??


الزيك ديل ناس المخابرات بفتحو ليهو.,
يعنى تمر عليك عشرين سنة
أربعين
ميتين

ولابهببو ليك

Quote: أســاسي ســلام المثل بقول ( الأسد لما يعجز التيس يأكل عشاهو) مودتي

يا جعفر المثل ما قال بتاكل عشاهو ...

Quote: بعيداً عن اي شخص يسبق اسمه حرف الدال الذي لا تحسن إستخدامه، هل تقبل ان تكون مداخلاتك معي و مداخلاتي معك من الآن و صاعداً في هذا المنبر باللغة الإنجليزية؟

الأخ الصـاوى،

ليه اللغـة الإنجليزيـة بالذات.. معليش النقطـة دى ما فهمتهـا.. ما فى لغـات تانيـة مادام العربيـة ما قامت بالواجب.. أخشـى انك تعتقـد ان من لا يعرف الإنجليزيـة غيـر مثقف!
على أى حال أنا عازمكم الإتنين على الألمانيـة!

بالمناسبـة تذكرت نكتـة قالهـا الكوميـدى البديع رحمـه الله، ريتشــارد برايـور..
قال فى اتنين أمريكان أصحاب يتونسـوا، واحـد سـأل التانى:

- لو جا واحد قال ليك Bon Soir، تقول ليه شنـو؟

- لو قال لى كدا، أمسكـو وأرميهو فى الأرض وأخنقـو

- لكن ليه؟

- ليه؟ هـو يقول لى كدا ليه؟

- ياخى هـو ما قال ليك.. هو قاعـد يحييك

- يحيينى كمان.. وما لقى طريقـة غير دى يحييى بيهـا؟

- طيب ياخ.. خلينى أشــرح ليك.. هل البقـر تتكلم زى الجداد؟

- لا

- هل الجداد يتكلم زينـا؟

- لا

- طيب جداً.. فى ناس إسمهم الفرنسيين.. ديل عندهـم لغـة غيـر لغتنـا.. وفى
لغتـهم دى.. Bon Soir معناهـا مسـاء الخيــر.. والرجل ببسـاطة قاعد يقول ليك
مســاء الخيــر.
-
- الفرنسيين ديل بقـر؟

- لا

- جداد؟

- لا

- طيب ما يتكلمـوا زى الناس عشـان نفهمهـم.

-

طلعت زول سكات خلاص يا منصور.

الصحفى الهمام اعتصر قلمه وقال ù

Quote: طلعت زول سكات خلاص يا منصور

من المخجل فى حق د. منصور خالد أن يترافع عن اسمه فى ( مدن السماء),
من لايستطيع كتابة أحرف متلاصقة تفوق أسطرها الأربعة..

ربما أنت تمزح معنا أيها الصحافى الهمام
ولكن هل تراك تمزح كل يوم على وطن ..

معتز يا حريف

أظن المثل بقول ( الأسد لما يعجز التيس يلحس ضنبو ) واللا شنو

Quote: - لو جا واحد قال ليك Bon Soir، تقول ليه شنـو؟ - لو قال لى كدا، أمسكـو وأرميهو فى الأرض وأخنقـو - لكن ليه؟ - ليه؟ هـو يقول لى كدا ليه؟ - ياخى هـو ما قال ليك.. هو قاعـد يحييك - يحيينى كمان.. وما لقى طريقـة غير دى يحييى بيهـا؟ - طيب ياخ.. خلينى أشــرح ليك.. هل البقـر تتكلم زى الجداد؟ - لا - هل الجداد يتكلم زينـا؟ - لا - طيب جداً.. فى ناس إسمهم الفرنسيين.. ديل عندهـم لغـة غيـر لغتنـا.. وفى لغتـهم دى.. Bon Soir معناهـا مسـاء الخيــر.. والرجل ببسـاطة قاعد يقول ليك مســاء الخيــر. - - الفرنسيين ديل بقـر؟ - لا - جداد؟ - لا - طيب ما يتكلمـوا زى الناس عشـان نفهمهـم.

أبو إسم طويــل

البوست شيال التراب ..

ملاسي بقيت من - حرقتني - وكده

شوف يا منصور .. لو سكت لعبد الله فسيتجرأ عليك الناس؛ و ربما
يصفك احدهم بالإضافة للقوال الصغير- بتاعت عبد الله - بالسكات الكبير!

عذراً يا منصور؛ فقد كنت أكتب من الذاكرة لذا أضفت الصغير لقوال.

شوف يا منصور؛ حكاية النفي ما صعبة زي
ما انت قايل؛ يكفي أن تقول لاي صحيفة:

و الله العظيم أنا ما قوال زي ما وصفني عبد الله.

____
و اتأكد انو أي زول حيقرأ التصريح دا حيصدقك.

جاء في إحدى الصحف أن أحد أصحاب المخابز؛ و بعد تفاقمت الحملة الإعلامية
المناهضة لاستعمال برومات البوتاسيوم كتب في مكان بارز بالمخبز:

و الله العظيم هذا المخبز لا يستخدم برومات البوتاسيوم!!

منصور !
رجاءً ما تخليني أتلفظ !
اتكلم ياخ !!!

الله يكضب الشينة يا منصور !

Quote: و اتأكد انو أي زول حيقرأ التصريح دا حيصدقك.

ما أظن دى قاعـدة علميـة يا حسين، لأنو لما عبدالله على إبراهيـم قال إنو منصـور قوال، الناس ما صـدقوه.. وبعدين أكتر من كدا أظهروا (عدم دقـة) إتهامه. (نستعير تعابيرك العجيبة دى لتحليـة مياه البحر الأحمـر)!!