Post: #1
Title: الرجال الذين يصبغون شعورهم!
Author: Hussein Mallasi
Date: 05-06-2007, 10:41 AM
Parent: #0
كنت قد كتب قبل سنوات بوستاً بهذا المعنى و ربما العنوان!
|
Post: #2
Title: Re: الرجال الذين يصبغون شعورهم!
Author: Nesta
Date: 05-06-2007, 10:44 AM
Parent: #1
وأيضاًهناك من يبصقون شعورهم
|
Post: #3
Title: Re: الرجال الذين يصبغون شعورهم!
Author: Hussein Mallasi
Date: 05-06-2007, 11:17 AM
Parent: #2
ألا تلاحظون النظرات المستعجبة في أعين من تلتقون بهم وجهاً لوجه؛
و يمنعهم مقامكم من أن يجهروا لكم بما يبطنون!!
|
Post: #4
Title: Re: الرجال الذين يصبغون شعورهم!
Author: معتز القريش
Date: 05-06-2007, 11:27 AM
Parent: #2
هووووي يا ملاسي
أكان من المستهدفين ببوستك دا
مديري بدر الدين الأمير
دا طرفي منك
وبعدين يا أخوى أنحنا شركة ميديا
وشغلنا تجميل الآخرين
فلازم مديرنا يتجمل أولا
مش بقولوا فاقد الشئ لا يعطيه
|
Post: #5
Title: Re: الرجال الذين يصبغون شعورهم!
Author: Yassir Tayfour
Date: 05-06-2007, 11:49 AM
Parent: #4
تعرف يا ملس الجو البارد بسود الشعر، فلما رجعت السودان أصحابي قالو لي إنت صابغ شعرك.. قلت ليهم يا أخوانا الناس القدري ياهم ديل لسا ما شيبو، البخليني أشيب شنو وكمان أصبغ شعري.. قالو لي لا يا مان إنت صابغو إستايل.. ما قدرت أقنعهم، يا زول بعد كم يوم كده ربك رب الخير تطلع عندي شعرتين مشيبات بيض عديل كده.. حتى الجماعة إقتنعو و فكو دربي.. المهم يا ملس طالما الموضوع جاب ليهو صبغ، أنا ذاتي ح أصبغ معاهم، لكن ما لون أسود.. أي لون تاني
______
إنت ذاتك أصبغ الشيبات الفي دقنك دي، عشان ناس سيف مساعد بدل ما يقول ليك يا عمي حسين يقولوا ليك : الإبن حسين
|
Post: #6
Title: Re: الرجال الذين يصبغون شعورهم!
Author: محمد سنى دفع الله
Date: 05-06-2007, 11:55 AM
Parent: #5
قاصد منو ياملاسي ؟؟
|
Post: #7
Title: Re: الرجال الذين يصبغون شعورهم!
Author: Emad Abdulla
Date: 05-06-2007, 11:58 AM
Parent: #4
نلصق هنا ( و للصالح العام ) ما كتبناه هناك :
بما ان رئيسنا الهمام ( و هو الراعي و نحن الرعية , و هو ولي الأمر .. و الأمر لله ) .
مشيرنا الرئيس يضرب بدف الصبغة السوداء التي حتى الخُدّج لا يتمتعون بها ( و يتسيد المنابر الإقليمية و الدولية و القارية و العالمية و التي بين بين , و يخطب بمنتهى الجدية التي تنكرها , و يقسم أيمانات اليمين المغلظات و يسييس ما شاء و يفرمن ما أراد , يخفض و يرفع على كيفو , و يقتعد مكان الرأس على رؤوسنا في قصره الزجاجي الأبيض على النيل الأزرق ) أظن الأمر أيضا هالك منظره , فأنت ( هوّال ) مناظر مثل تلك ..( كدا معقول ؟؟؟ ) Quote: ألا تلاحظون النظرات المستعجبة في أعين من تلتقون بهم وجهاً لوجه؛
و يمنعهم مقامكم من أن يجهروا لكم بما يبطنون!! |
ننتظر الإجابة من مراسم رئاسة الجمهورية .. و الخمسة فوق الإتنين ..
ترى نحنا رعية صباغين ساكت , الكلام على ( الشدر الكبار الفيهو الصمغ ) .
لعن الله أيام الإجازات الإجبارية , و مللها .
|
Post: #8
Title: Re: الرجال الذين يصبغون شعورهم!
Author: Hussein Mallasi
Date: 05-06-2007, 01:11 PM
Parent: #7
| Quote: قاصد منو ياملاسي ؟؟ |
زمان كنت قاصد ناس حسن حمراي!
|
Post: #9
Title: Re: الرجال الذين يصبغون شعورهم!
Author: بدر الدين الأمير
Date: 05-06-2007, 03:06 PM
Parent: #8
ملاسى يا متخلف
انت من زمن يصبغون
نحن فى عصر عمليات التجميل
وكل شىء مع الخريطة الجينية
بقى يزرع ويستبدل يعنى شاب فى شباب
من غير شظايا الزمن وخليك مع الزمن ياريس
تنهدات: كيف تقول إنتهينا ونحن يادوب ...
|
Post: #10
Title: Re: الرجال الذين يصبغون شعورهم!
Author: صديق الموج
Date: 05-06-2007, 03:18 PM
Parent: #1
حسين انا مشيت الاجازة لقيت ناس السودان مصبغين الشعر وحافين اللحية وتااه طباخين بس
قلت يا مثبت العقول،،،،
|
Post: #11
Title: Re: الرجال الذين يصبغون شعورهم!
Author: Adil Osman
Date: 05-06-2007, 04:48 PM
Parent: #1
"الرجال" الذين ينتبهون للرجال الذين يصبغون شعرهم!
|
Post: #12
Title: Re: الرجال الذين يصبغون شعورهم!
Author: jini
Date: 05-06-2007, 04:56 PM
Parent: #11
Quote: نلصق هنا ( و للصالح العام ) ما كتبناه هناك :
بما ان رئيسنا الهمام ( و هو الراعي و نحن الرعية , و هو ولي الأمر .. و الأمر لله ) .
مشيرنا الرئيس يضرب بدف الصبغة السوداء التي حتى الخُدّج لا يتمتعون بها ( و يتسيد المنابر الإقليمية و الدولية و القارية و العالمية و التي بين بين , و يخطب بمنتهى الجدية التي تنكرها , و يقسم أيمانات اليمين المغلظات و يسييس ما شاء و يفرمن ما أراد , يخفض و يرفع على كيفو , و يقتعد مكان الرأس على رؤوسنا في قصره الزجاجي الأبيض على النيل الأزرق ) أظن الأمر أيضا هالك منظره , فأنت ( هوّال ) مناظر مثل تلك ..( كدا معقول ؟؟؟ ) |
دى فاتتت على حسين ما عمل حسابها!
شيشك بشيش على ملس صغير وجاهل !
جنى
|
Post: #13
Title: Re: الرجال الذين يصبغون شعورهم!
Author: Salah Abdulla
Date: 05-06-2007, 07:31 PM
Parent: #12
لا حولالالالالالالالالالالالالا ..
والله بالغت يا ملاسي ..
فتحت ليك بوست عدييييييييل كده ؟؟
ياخي انت مش محسوب على معسكر ( اليمين) ناس الدين ؟؟؟
بتدخلك نفسك في مشاكل زي دي مالك ؟؟؟
عشان تعرف حاجة يا أخو ، أديك مداخلتي الكتبتها ليك في بوست سهرة علي السقيد ، عشان تستفيد تاااااني .
يا ( يا ناس الدين) تفقهوا في أمور دينكم يرحمكم الله ، قبلما تستعجلوا !!!!
وهاك المداخلة دي ::::::::::::
Quote: أخونا حسين ملاسي ..
سلام ..
رغم أنني لست معنياً كثيراً بموضوع الصبغة ، كما أنني لست بصدد الدفاع عن جمهور (المصبغين)
، لكن (الفداحة) و (حلكة سواد الشعر) و التي صورتها على أنها أصبحت احدى مشاكلنا (الكبيرة) والتي نتناولهاعلى صفحات الجرايد، هي التي دفعتي لكتابة ما كتبته أدناه ، لكن بالله يا حسين كدي أقنعني أنك ما لقيت حاجة تكتب فيها غير الصبغة ، وحلكة سوادها ورمادها ، وفداحة مصيبتها!!!
Quote: معليش يا هشام .. بس الحكاية أفدح من ان يسكت عليها!
ليه فادحة ؟؟؟
وبما انك متهم بانك صحفي منتمٍ لتيار (اليمين) فكان لزاماً عليك أرجاع البصر كرتين قبل أن (تكر) قلمك في الجرايد ، وهنا ، عشان كده أنا بديك حصة الفقه دي (مجاناً) والاجر على الله، كما يقول الدكتورالأشهر أدهم (عليه الرحمة) عشان تستفيد إنت وغيرك ...
ورد في فقه السنة للشيخ سيد سابق -الجزء الأول - العبادات - الطبعة الثانية 1998م -1419هـ,
وفي باب الطهارة (سنن الفطرة) صفحة 27 ورد الآتي :
قد اختار الله سنناً للانبياء عليهم السلام ، وأمرنا بالاقتداء بهم فيها ، وجعلها من قبيل (الشعائر)
التي يكثر وقوعها ليعرف بها اتباعهم ، ويتميزوا بها عن غيرهم ،وهذه الخصال تسمى سنن الفطرة .
نجي بقى للشيب والصبغة ، والتي ورد في شأنها :
ترك الشيب وابقاؤه سواء كان في اللحية أو في الرأس ، والمرأة والرجل في ذلك سواء ، لحديث عمرو بن شعيب عن أبيه عن جده رضي الله عنه أن النبي (ص) قال ( لا تنتف الشيب فانه نور المسلم ، ما من مسلم يشيب شيبة في الاسلام الا كتب الله له بها حسنة ، ورفعه بها درجة ، وحطّ عنه بها خطيئة ) رواه أحمد وأبوداؤود والترمذي والنسائي وابن ماجه ، وعن أنس رضي الله عنه قال ( كنا نكره أن ينتف الرجل الشعرة البيضاء من رأسه ولحيته) رواه مسلم.
تغيير الشيب بالحناء والحمرة والصفرة ونحوها ، لحديث أبى هريرة رضي الله عنهقال ، قال رسول الله (ص) (إن اليهود والنصارى لا يصبغون فخالفوهم) رواه الجماعة، ولحديث أبي ذر رضى الله عنه قال ، قال رسول الله (ص) (إن أحسن ما غيرتم به هذا الشيب الحناء والكتم ) رواه الخمسة ، والكتم ده يا حسين هو نبات يخرج الصبغة أسود مائل الى الحمرة، يعني (بني غامق ، يعني Dark Brown) يعني أقرب صيدلية منك بتلقاهو متوفر ..
وقد ورد ما يفيد كراهة الخضاب ، ويظهر ان هذا مما يختلف باختلاف السن والعرف والعادة . فقد روي عن بعض الصحابة أن ترك الخضاب أفضل ، وروي عن بعضهم أن فعله أفضل ، وكان بعضهم يخضب بالصفرة ، وبعضهم بالحناء والكتم وبعضهم بالزعفران ، وخضب جماعة منهم بالسواد .
ذكر الجاجظ في الفتح عن ابن شهاب الزهري أنه قال : كنا نخضب بالسواد إذا كان الوجه حديداً (يعني وش شاب وقوي يا عم حسين) فلما نفض الوجه والاسنان تركناه (يعني يكنكشوا في الصبغة دي لمن يعجزو ويكرمشوا حتى يخلوها) . وأما حديث جابر رضي الله عنه قال : (جئ بأبي قحافة (والد أبي بكر) يوم الفتح الى رسول الله (ص) وكان رأسه ثغامة( وقالوا ثغامة دي يا ملاسي هي نبات يشبه بياضه بياض الشعر) فقال رسول الله (ص) (اذهبوا به الى بعض نسائه فلتغيره بشئ وجنبوه السواد) رواه الجماعة الا البخاري والترمذي ، فانه واقعة عين ،ة ووقائع الاعيان لا عموم لها ، ثم أنه لا يستحسن لرجل كأبي قحافة ، وقد اشتعل راسه شيباً ، أن يصبغ بالسواد فهذا مما لا يليق بمثله ( يعني الراجل كان كبير جداً في السن) ..
أها يا حسين ، هسي ده موضوع تعمل منو موضوع ؟؟
كان في داعي للكتابة في الجرايد ؟؟
هسي الناس يقولوا عليك شنو؟؟ ما عارف أمور دينك ؟؟
امشي صبغ لي شعرك راسك ودقنك ، وبعدين نزل اعتذار لجمهور(قراءك) في الجريدة ..
ان شاء الله تكون الفايدة ( عمّت) ..
والحفلة الجاية ح نعزمك ونجيب صورك هنا ، بس ما تجينا بي شعرك الابيض واسود ،
العامل زي ( الترتوار) ده .. |
التعديل بغرض (التعميم)..
|
Post: #14
Title: Re: الرجال الذين يصبغون شعورهم!
Author: Hussein Mallasi
Date: 05-06-2007, 07:37 PM
Parent: #13
| Quote: "الرجال" الذين ينتبهون للرجال الذين يصبغون شعرهم! |
تصبغ يا عادل عثمان و داير الرجال ما يعاينوا ليك!
____
الصابغ ليها شنو.
|
Post: #15
Title: Re: الرجال الذين يصبغون شعورهم!
Author: Salah Abdulla
Date: 05-06-2007, 10:03 PM
Parent: #14
حسين ، كدي قبلما تشطح ، اول حاجة أقرأ كلامي الفوق ده ،
وبعدين تعال (اشطح وانطح ) زي ما داير ..
| Quote: تصبغ يا عادل عثمان و داير الرجال ما يعاينوا ليك! |
تاني يا حسين !!!!
إنت ما ( تبت ) من جنس الكلام الزي ده ؟؟؟؟
يخلوكم (تكوركوا ) يجوكم ( تزوغوا ) !!
خت الكورة (و ا طـ ـة ) يا سحس ، قبلما (الدافوري ) يسخن !!
وبعدين نبقى في (الزوغات ) وطرطشة الكلام ...
|
Post: #16
Title: Re: الرجال الذين يصبغون شعورهم!
Author: هجو الأقرع
Date: 05-06-2007, 10:25 PM
Parent: #1
استاذ ملاسى سلام ، تعرف والله العظيم مرة كدة انا كنت شغال ليل وبعدين واحد من اخواننا القطريين ، قام اتصل فى على المكتب ، وقال يا اخى انت قاعد تصبغ بى شنو ، فقلت له والله الحمدالله ما زلت صبغ الوكالة ، وقد فات على ان اقول له (هرشك) ومن يومها الحكاية بدأت بس الحمدالله ما وصلت مرحلة الصبغ.
|
Post: #17
Title: Re: الرجال الذين يصبغون شعورهم!
Author: Salah Abdulla
Date: 05-06-2007, 10:37 PM
Parent: #16
| Quote: كنت قد كتب قبل سنوات بوستاً بهذا المعنى و ربما العنوان! |
يعني يا حسين إنت من (قبل سنوات) ثقافتك (محلك سر)..
البوست ده من حسي يا (سحس) حقي ..
|
Post: #18
Title: Re: الرجال الذين يصبغون شعورهم!
Author: مجاهد عبدالله
Date: 05-07-2007, 02:26 AM
Parent: #1
| Quote: الرجال الذين يصبغون شعورهم! |
وأحاسيسهم !
|
Post: #19
Title: Re: الرجال الذين يصبغون شعورهم!
Author: munswor almophtah
Date: 05-07-2007, 02:38 AM
Parent: #18
كنت قد كتب قبل
|
Post: #20
Title: Re: الرجال الذين يصبغون شعورهم!
Author: Hussein Mallasi
Date: 05-07-2007, 08:52 AM
Parent: #19
_____
الثلاثاء 10 ابريل 2007
|
Post: #21
Title: Re: الرجال الذين يصبغون شعورهم!
Author: Hussein Mallasi
Date: 05-07-2007, 09:26 AM
Parent: #20
الله يغطي على .. الجميع!
|
Post: #22
Title: Re: الرجال الذين يصبغون شعورهم!
Author: ابو جهينة
Date: 05-07-2007, 10:25 AM
Parent: #21
حسين
سلام
| Quote: الله يغطي على .. الجميع! |
الله يغطي على .... شيب الجميع .. كان بي صبغة ولا بي عمة دايمة أو طاقية
تحويدة : حسين بالله ( أصبغ ) على الموضوع إياه ( صبغة ) الإهتمام
|
Post: #23
Title: Re: الرجال الذين يصبغون شعورهم!
Author: Salah Abdulla
Date: 05-07-2007, 02:41 PM
Parent: #20
يا حسين ..
ازيك ياخي ..
آآآآآآي أنا تاني ..
ما قلت لي (الانتحار) بالصبغة ده أسبابو شنو؟؟؟
ان شاء الله بس المرة الجاية تبيّن لقراءك الكرام (الحكم الشرعي) لصبغ الشعر
وعدم (نتفه) ، وكذلك عدم تركه ابيض كالـ(ثغامة) وثغامة دي شرحتها ليك قبل كده ، وما ح أشرحها تاني ..
بس ألوان الشعر ، خليهم على كيفهم ، مافي مشكلة أي لون مقبول..
يعجبني (تفانيك) في خدمة (القضايا) الهامة التي تؤثر في (المواطن) الذي تكتب له!!!!
فلنعمل جميعاً من أجل حل هذه المشاكل ..
ولا نامت أعين الجبناء..
|
Post: #24
Title: Re: الرجال الذين يصبغون شعورهم!
Author: Hussein Mallasi
Date: 05-07-2007, 07:41 PM
Parent: #23
تصبغوا و بعدين يبقى ليكم حار!!
|
Post: #25
Title: Re: الرجال الذين يصبغون شعورهم!
Author: Hussein Mallasi
Date: 05-07-2007, 08:09 PM
Parent: #24
Quote: عشان ناس سيف مساعد بدل ما يقول
ليك يا عمي حسين يقولوا ليك : الإبن حسين |
تعرف يا ياسر .. ابان صبغ ديل لو واحد
قال ليهم عمي فلان يكجنوهو ليوم الدين!!
_____
تحياتي للابن سيف في هذا المقام
|
Post: #28
Title: Re: الرجال الذين يصبغون شعورهم!
Author: عماد شمت
Date: 05-07-2007, 08:28 PM
Parent: #25
الصبغه ياصلاح عبدالله رجعتني للزمن الجميل داك ..تذكر ؟؟ حياتنا الجميله
صبغناها بالمحبه والوداد كانت ايام صبغتها لون المحبه كنا نلهو في
بحر الموده !!!! بالله لسع بي صوتك الجميل يابخيل !! تذكر لمن كنت بتبخل علينا
انا بخليك تدور وتلف وتجيني برساله شوق في المسنجر ..انا في انتظارك !!!
قبل ما اودعك اصبغ لي وحيد بلون وردي ,,,مع الاعتذار لصاحب البوست
|
Post: #26
Title: Re: الرجال الذين يصبغون شعورهم!
Author: Marouf Sanad
Date: 05-07-2007, 08:16 PM
Parent: #24
يا عزيزنا
ملاسي
المشكلة في شنو?
هل في مسألة انو الناس بتحاول تخفي ما افسد الزمن, أم في الصبغة كواحدة من الوسائل?
اذا كانت الأخيرة , إذا فما هو رأيك في بقية الوسائل.
|
Post: #27
Title: Re: الرجال الذين يصبغون شعورهم!
Author: Hussein Mallasi
Date: 05-07-2007, 08:22 PM
Parent: #26
| Quote: هل في مسألة انو الناس بتحاول تخفي ما افسد الزمن |
يخفوهوا عن منو يا معروف .. عن الناس .. أم عن أنفسهم!!
|
Post: #29
Title: Re: الرجال الذين يصبغون شعورهم!
Author: Marouf Sanad
Date: 05-07-2007, 08:44 PM
Parent: #27
من الناس طبعا يا ملاسي, شفت ليك زول بدس حاجة من رقبتو! كان ما الناس والحر والسقط باقي ليك كان في زول اهتم بانو يلبس هدوم!
بعدين يا حسين ما وريتنا رايك في باقي الوسائل, عشان نعرف المشكلة شنو في الصبغة,هل لانو المسألة ارتبطت بجنس محدد ولا عشان شنو?
مثلا هنا في البلاد الانا فيها دي في منتج محدد اسمو just for men , ما عارف دا في السودان في ولا مافي اها دا مش ممكن يحل مشكلة ال homophobia دي!
|
Post: #30
Title: Re: الرجال الذين يصبغون شعورهم!
Author: mamkouna
Date: 05-07-2007, 10:42 PM
Parent: #1
what about الرجال الذين يصبغون بواريكهم ؟؟!!!
|
Post: #31
Title: Re: الرجال الذين يصبغون شعورهم!
Author: Salah Abdulla
Date: 05-07-2007, 10:57 PM
Parent: #30
يا (سحس)
والله أنا وعدت انو ما أعمل حاجة (لم احلف يميناً ،لذا يمكننني الرجوع في أي لحظة)!!
لو ما كده ، كنت ح (استمتع) جداً (بقزقزتك) ..
ياخ تشّرني ليه ؟؟ أبيت تجي مالك؟؟
أها كلام الدين رأيك فيهو شنو؟
برضو مُصّر ، أنو انت (صاح) ؟؟
يا زول والله أنا خليتك خلاص ..
|
Post: #32
Title: Re: الرجال الذين يصبغون شعورهم!
Author: Hussein Mallasi
Date: 05-08-2007, 07:47 AM
Parent: #31
الواحد زمان تلقاهو عامل هيبز و عامل انو المظهر
ما هاميهو و دارع خرتايتو و كاسح .. عشرة - 15 سنة -
تلقاهو استبدل الخرتاية بالصبغة!!
|
Post: #33
Title: Re: الرجال الذين يصبغون شعورهم!
Author: Haytham Abdulaziz
Date: 05-08-2007, 11:41 AM
Parent: #1
|
Post: #34
Title: Re: الرجال الذين يصبغون شعورهم!
Author: Salah Abdulla
Date: 05-08-2007, 04:49 PM
Parent: #33
|
Post: #35
Title: Re: الرجال الذين يصبغون شعورهم!
Author: Hussein Mallasi
Date: 05-08-2007, 08:50 PM
Parent: #34
| Quote: what about الرجال الذين يصبغون بواريكهم ؟؟!!! |
و ذلك امر سأحدثكم عن تفرد محمد شريف شمس الدين فيه!
|
Post: #36
Title: Re: الرجال الذين يصبغون شعورهم!
Author: Hussein Mallasi
Date: 05-08-2007, 09:10 PM
Parent: #35
محمد شريف دا باكستاني كان شغال معانا؛ في الصباح كان أصلع ..ناصع الصلع؛
و في الأمسيات – من ضمنها تلك التي يضطر فيها لحضور مناسبات تخص الشركة –
كان يبدو غزير الشعر بصورة تدعو .. للرثاء!!
|
Post: #37
Title: Re: الرجال الذين يصبغون شعورهم!
Author: Salah Abdulla
Date: 05-08-2007, 09:43 PM
Parent: #36
| Quote: أصلع ..ناصع الصلع؛ |
دي زي :
مخ ... ناصع الخواء..
|
Post: #38
Title: Re: الرجال الذين يصبغون شعورهم!
Author: Hussein Mallasi
Date: 05-08-2007, 09:49 PM
Parent: #37
انت يا صلاح عندك وسواس قهري و للا شنو!!
قلت ليك باكستاني و اسمو محمد شريف شمس الدين؛
و لو ما مصدق اسأل حاتم و أبو بكر و مصطفى!!
|
Post: #40
Title: Re: الرجال الذين يصبغون شعورهم!
Author: Tabaldina
Date: 05-08-2007, 11:16 PM
Parent: #1
..
.
أنهم لا يصبغون ولكن يتجملون ..
__________________
الواحد تانى لو دخل الرويال بالم الا يتلفت وراهو..
|
Post: #41
Title: Re: الرجال الذين يصبغون شعورهم!
Author: Marouf Sanad
Date: 05-08-2007, 11:28 PM
Parent: #40
صبغة الله مجددي رئيس مجلس الشيوخ الافغاني
|
Post: #42
Title: Re: الرجال الذين يصبغون شعورهم!
Author: Hussein Mallasi
Date: 05-09-2007, 07:34 AM
Parent: #41
| Quote: الواحد تانى لو دخل الرويال بالم الا يتلفت وراهو.. |
المشكلة انو التلفت الجد حيبتدي عقب الخروج مباشرة؛
و حيستمر حتى يحين موعد الدخول القادم!!
|
Post: #43
Title: Re: الرجال الذين يصبغون شعورهم!
Author: علي محمد علي
Date: 05-09-2007, 07:37 AM
Parent: #42
يا ملاسي
نحن نصبغ ونتجمل ونتجدد والماعاجبو ما يصبغ
|
Post: #44
Title: Re: الرجال الذين يصبغون شعورهم!
Author: Mohamed Abdelmotalib Hassan
Date: 05-09-2007, 09:39 AM
Parent: #43
يا ملاص
رايك شنو في الرجال الهمهم الرجال المصبغين شعرهم ؟
وفلانة بتطرقع في اللبانه وعلانه بتسكسك في السخانه؟
رجال آخر زمن!!!!
سخفي عجيب.
وتقولي السودان ممكن يتقدم؟؟
|
Post: #46
Title: Re: الرجال الذين يصبغون شعورهم!
Author: Hussein Mallasi
Date: 05-09-2007, 07:33 PM
Parent: #45
و الواحد فيهم يقول ليك داير ارجع شاب؛
كأنو حيرجع شاب بمجرد تلوين شعره!!
|
Post: #47
Title: Re: الرجال الذين يصبغون شعورهم!
Author: Hussein Mallasi
Date: 05-10-2007, 08:05 AM
Parent: #46
يظنون أن الصبغة حالكة السواد إكسيراً للشباب .. و هيهات!!
_____
شكراً يا حسن على هيهات.
|
Post: #48
Title: Re: الرجال الذين يصبغون شعورهم!
Author: Hussein Mallasi
Date: 05-10-2007, 01:01 PM
Parent: #47
سألته: يا زول خير .. حلقت شنبك مالك!!
فقال: عذبني ياخي مع الصبغة .. و بقيت كل
ما اصبغو يمسكني هاجس باني حأتسمم!!
قلت: و الجابرك على كدا شنو!!
قال: داير اظهر شاب ..
|
Post: #49
Title: Re: الرجال الذين يصبغون شعورهم!
Author: Hussein Mallasi
Date: 05-10-2007, 09:26 PM
Parent: #48
تقول ليهو: اسه في ذمتك ما بتخاف على
الشفع يمسكوا عدة صباغتك دي تقوم تأذيهم!!!
فيجيبك: شفع شنو يا زول .. أنا أولادي اتخرجوا من الجامعة.
فتستعجب: وكت اتخرجوا من الجامعة .. الصابغ ليها شنو!!
فيردد بأسى: داير اظهر شاب 
|
Post: #51
Title: Re: الرجال الذين يصبغون شعورهم!
Author: Hussein Mallasi
Date: 05-13-2007, 09:05 AM
Parent: #50
أراد أن يستبدل الوقار بالصبغة؛
ففارق الوقار و لم يدرك الشباب!
|
Post: #52
Title: Re: الرجال الذين يصبغون شعورهم!
Author: طارق الأمين
Date: 05-13-2007, 09:19 AM
Parent: #51
انالااصبغ شعري ابدا
واربأ بالاخرين
وكده
|
Post: #53
Title: Re: الرجال الذين يصبغون شعورهم!
Author: Hussein Mallasi
Date: 06-08-2007, 05:06 PM
Parent: #52
لم يكتف بكتاباته العشرينية؛ بل لعله وجدها
غير متماشية مع كهولته؛ فتحايل .. و صبغ شعره!!
|
Post: #54
Title: Re: الرجال الذين يصبغون شعورهم!
Author: طارق جبريل
Date: 06-08-2007, 06:01 PM
Parent: #1
ملاسي كيفنك
انا احمد ربي حتى مسح الراس في الوضو رُفع عني
|
Post: #55
Title: Re: الرجال الذين يصبغون شعورهم!
Author: عبدالرحمن عبدالله أبوشيبة
Date: 06-08-2007, 07:43 PM
Parent: #54
الأخ الكريم ،، ملاسي
أنا الجالس على الشمال ،، عايز امتحنك ،، أنا صابغ ولا لا ومعاها موسيقى .؟
|
Post: #56
Title: Re: الرجال الذين يصبغون شعورهم!
Author: Hussein Mallasi
Date: 06-08-2007, 07:52 PM
Parent: #54
اعتاد ان يحضر معه مؤونة الإجازة من الصبغة؛
فسأله شقيقة مستغرباً:
- انت السودان دا قالوا ليك ما فيهو صبغة!!
فأجاب بزهو من لا يترك للظروف منفذ:
- أنا أصلي ما بجازف!
|
Post: #57
Title: Re: الرجال الذين يصبغون شعورهم!
Author: Hussein Mallasi
Date: 06-08-2007, 09:41 PM
Parent: #56
لو أبو شيبه يا أبو شيبة بقى صابغ؛
حتكون الحكاية زي أبو شنب البدون شنب 
|
Post: #58
Title: Re: الرجال الذين يصبغون شعورهم!
Author: ALGARADABI
Date: 06-08-2007, 10:08 PM
Parent: #57
| Quote: حتكون الحكاية زي أبو شنب البدون شنب |
وزي محل قريب من هنا اسمو العريان للملبوسات الجاهزة
|
Post: #59
Title: Re: الرجال الذين يصبغون شعورهم!
Author: Hussein Mallasi
Date: 06-11-2007, 07:48 PM
Parent: #58
| Quote: انا احمد ربي حتى مسح الراس في الوضو رُفع عني |
أظنك يا طارق ما شفت صورة للسيد منصور قريب!
|
Post: #61
Title: Re: الرجال الذين يصبغون شعورهم!
Author: فاروق حامد محمد
Date: 06-19-2007, 10:18 PM
Parent: #60
والله يا ملس أنا بحبك لكن انت شغال بالفارغة !!
ياخ شعر شنو وصبغ شنو ! ياخي ورينا رأيك شنو في
قبول البشير للقوات الدولية بعد قسمه وحلفاناته
[وان باطن الأرض خير لنا من ظاهرها] وقول لينا رأيك
في تسليم الانقاذ المسلمين ل سي آي إيه وعمالة البشير
وصلاح قوش للأمريكان وتجسسهم على المجاهدين في العراق
والصومال .. مرة واحدة بس قول لينا رأيك في حاجة جادة
تمس بلدنا ومستقبلها ,, مرة واحدة بس يا ملاسي !!!!!!!
|
Post: #62
Title: Re: الرجال الذين يصبغون شعورهم!
Author: Hussein Mallasi
Date: 06-19-2007, 10:50 PM
Parent: #61
اوعك تكون قايل يا أبو ناصر انو الهجص
القاعدين تكتبوهو دا حاجة جادة!!
|
Post: #63
Title: Re: الرجال الذين يصبغون شعورهم!
Author: فاروق حامد محمد
Date: 06-20-2007, 07:00 AM
Parent: #62
Quote: اوعك تكون قايل يا أبو ناصر انو الهجص
القاعدين تكتبوهو دا حاجة جادة!! |
يا ملس ما تعمل فهلوي .. نحن لم نسألك
عما نكتبه ولكنا سألناك عن هذا :
والله يا ملس أنا بحبك لكن انت شغال بالفارغة !!
ياخ شعر شنو وصبغ شنو ! ياخي ورينا رأيك شنو في
قبول البشير للقوات الدولية بعد قسمه وحلفاناته
[وان باطن الأرض خير لنا من ظاهرها] وقول لينا رأيك
في تسليم الانقاذ المسلمين ل سي آي إيه وعمالة البشير
وصلاح قوش للأمريكان وتجسسهم على المجاهدين في العراق
والصومال .. مرة واحدة بس قول لينا رأيك في حاجة جادة
تمس بلدنا ومستقبلها ,, مرة واحدة بس يا ملاسي !!!!!!!
هذا ما سألناك عنه فاذا كنت شجاعا فقل لنا رأيك
يا ...ملاسي
|
Post: #64
Title: Re: الرجال الذين يصبغون شعورهم!
Author: ماجد حسون
Date: 06-20-2007, 07:21 AM
Parent: #1
لم تعد تنطلى على الناس بوستات الاستظراف
|
Post: #65
Title: Re: الرجال الذين يصبغون شعورهم!
Author: Hussein Mallasi
Date: 06-22-2007, 12:22 PM
Parent: #64
قال ليهو: بتصبغ وين
فاجاب: في البيت طبعاً
- ليه طبعاً ؟!
- لانو في الحلاق شكلها بايخ
- وكت عارف شكلها بايخ شنو الجابرك عليها!!
فأجاب بأسى يقطع نياط القلب: داير اظهر شاب
|
Post: #66
Title: Re: الرجال الذين يصبغون شعورهم!
Author: Hussein Mallasi
Date: 06-29-2007, 12:48 PM
Parent: #65
اها يا المبروك .. و بعد ما تظهر شاب.
|
Post: #67
Title: Re: الرجال الذين يصبغون شعورهم!
Author: Hussein Mallasi
Date: 08-15-2007, 02:57 PM
Parent: #66
قال لي إن هذا البوست كان سبباً في أن يترك الصبغة نهائياً
قلت ليهو و أها كيف!!
فقال: يا دوووب بقيت متصالح مع نفسي.
|
Post: #68
Title: Re: الرجال الذين يصبغون شعورهم!
Author: Kostawi
Date: 08-15-2007, 06:45 PM
Parent: #67
| Quote: فقال: يا دوووب بقيت متصالح مع نفسي |
يمكن الشرك قبض
أو الشرك ما قبض و إقنع إنو مافي فائدة
Karamba
__________________________________________
الواحد يغيب مليون يوم و يجي يقول ليك: وجدتها
|
Post: #69
Title: Re: الرجال الذين يصبغون شعورهم!
Author: Hussein Mallasi
Date: 08-15-2007, 06:54 PM
Parent: #68
شرك شنو دا ياكوستاوي البيكون ظاهر للعيان كدا!!
|
Post: #70
Title: Re: الرجال الذين يصبغون شعورهم!
Author: معتصم الطاهر
Date: 08-15-2007, 07:04 PM
Parent: #1
حسن ملاسى
رجعت .. افتقدناك
لماذا تصبغ على نفسك هذه الهالة من الحضور الغير بهي ..؟
دا سؤال عديل ؟؟؟؟
|
Post: #71
Title: Re: الرجال الذين يصبغون شعورهم!
Author: Hussein Mallasi
Date: 08-15-2007, 07:16 PM
Parent: #70
سالتك بالله يا معتصم .. ما قاعد تتضرس لمن تشوف المنظر دا !!
|
Post: #72
Title: Re: الرجال الذين يصبغون شعورهم!
Author: معتصم الطاهر
Date: 08-15-2007, 07:32 PM
Parent: #1
حسين
ما دام حلفتني .. مرات بتكون بايخة شديد
تعرف أنابرضو ( مرات)قاعد أصبغ ..
وما قاعد ادّسّ ..
و ما فى أحسن من الأصلي ..
يعني لو حتدس الشيب .. كرمشة الوش نوديها وين ؟
|
Post: #74
Title: Re: الرجال الذين يصبغون شعورهم!
Author: معتصم الطاهر
Date: 08-16-2007, 12:46 PM
Parent: #1
Quote: * أنه منذ العام 1995- 2005 حول إلى غسيل الكلى (549) حالة من الجنسين.
* وهناك (725) حالة تسمم بالصبغة تم فيها فتح الحنجرة.
* وبلغ عدد الوفيات (243) حالة، بينما بلغ عدد الحالات تحت المتابعة (1752) حالة علماً بأن عدد الحالات التي استقبلتها المستشفى قد بلغ عددها (3279) حالة.
* وتشير الإحصاءات أيضاً الى أنه في الأعوام سالفة الذكر استقبلت المستشفى (132ر34) حالة كانت من بينها (3159) حالة تسمم بالصبغة.
* أكثر الفئات العمرية تعرضاً للتسمم هي من (15-24) عاماً حيث بلغ عدد الحالات (1389) بنسبة (52%)، بينما أقلها في الفئة العمرية (أقل من عام)، حيث بلغ عدد الحالات (71) حالة بنسبة (25%). وتجدر الإشارة الى أن أغلب الحالات في الفئة العمرية السالفة الذكر تكون وافدة من أطراف العاصمة وحاصلة على نسبة قليلة من التعليم، أما الحالات الحاصلة على تعليم جامعي فالنسبة فيها أقل.
* وبالنسبة لحالات فتح الجنجرة فقد استقبلت المستشفى (3159) حالة وبلغ عدد الحالات التي تم فيها فتح الحنجرة (725) حالة وقد بلغت نسبتهم (22%) للعام (2005م) مقارنة بـ (47%) للعام (2004م).
* وفيما يتعلق بتصنيف الحالات حسب النوع تشير الإحصائية الى أن المستشفى قد استقبل (3159) حالة بلغ عدد الذكور (609) حالات تسمم بالصبغة، بينما بلغ عدد الإناث (2560) حالة. |
الكلام دخل الحوش
اقصد الراس ..
|
Post: #75
Title: Re: الرجال الذين يصبغون شعورهم!
Author: Hussein Mallasi
Date: 08-16-2007, 01:35 PM
Parent: #74
Quote: وفيما يتعلق بتصنيف الحالات حسب النوع تشير الإحصائية الى أن المستشفى قد استقبل
(3159) حالة بلغ عدد الذكور (609) حالات تسمم بالصبغة، بينما بلغ عدد الإناث (2560) حالة. |
اتخيلوا بس!!
|
Post: #77
Title: Re: الرجال الذين يصبغون شعورهم!
Author: قرشـــو
Date: 09-02-2007, 08:02 AM
Parent: #1
الأخ حسين ملاسى
لك التحية والتقدير
تغنت البنات فى السابق:
الشايب ده الله بينى وبينه
تطير الابرة تقد ود عينو
ولكن الأطباء يقولون
إن ظهور الشيب على شعر الرأس أو الوجه لا يعني مطلقاً التقدم بالسن فقد يظهر قبل البلوغ أو بعد ذلك نتيجة ظروف معينة. كما أن الاستعداد الشخصي والعوامل النفسية والوراثية لهما أثر مهم في ظهور الشيب المبكر.
ويجب الإشارة بأن بعض حالات الشيب المبكر تكون مؤقتة، إذ قد تعاود الخلايا الملونة نشاطها مرة أخرى خاصة بعد زوال المؤثر وبالتالي يعود لون الشعر إلى وضعه العادي ويحدث هذا أحياناً في أمراض الحميات ومرض الثعلبة.
أما إذا كان المؤثر على الخلايا الأم (الكيراتينوسايتس) التي تنتج الخلايا الملونة، فإن فرصة إعادة تلوين الشعر مرة أخرى تكاد تكون معدومة إذ تستمر الشعرة فاقدة لونها.
يبدأ ظهور الشيب بعد العقد الرابع عادة في الجنسين وقد يحدث مبكراً كما هو الحال في بعض الأجناس المختلفة مثل الزنوج والجنس القوقازي.
يظهر الشعر الأبيض تدريجياً على شعر الفروة، إذ يبدأ على المناطق الجانبية والسوالف ثم يمتد إلى مقدمة الشعر وبالتالي إلى المؤخرة ثم إلى شعر اللحية والشارب وفي بعض الأحيان يبدأ الشعر الأبيض على اللحية والشارب قبل ظهوره على شعر فروة الرأس.
(الكلام ده القالوا منه والله ما عارفه لكنه دكتور على كل حال)
لكن خبراء آخرين يؤكدون أن غزو الشيب شعر الرأس قبل الأوان ، قد يكون علامة على أن هناك شيئاً ما خطأ في ما يتعلق بالتوازن الداخلي للجسم .
وأن عدداً من العوامل الخاصة بطبيعة نمط حياة المرء قد تسهم في تحول الشعر إلى الرمادي .
ومن بين هذه العوامل الإجهاد والتدخين واعتماد نظام غذائي غير مناسب .
يقول العالم البريطاني ستيفن لا نغلي . من عيادة " ذاهيل " إن هذه العوامل تؤدي إلى زيادة الحمضية في أنسجة الجسم . ما يجعل من الصعب على الجسم معالجة مجموعة فيتامينات " ب " بصورة صحيحة . وتربط هذه الفيتامينات مباشرة بلون الشعر . وهي ضرورية لتشكيل خلايا التخصيب اللوني .....
فالاهوال تشيب والصبابة ايضا تشيب كما غنى ذلك الشاب الاردنى سعد العبدلات اغنيته زائعة الصيت :
يا سعد لو تشوف الشيب مانيب شايب
لابسات البراقع يا سعد شيبني
اما ان تخطى العمر العقود الاربعة فذلك شأن آخر وهو استعداد لدخول مرحلة الوقار والشيب حينها يكون له حكم أخر ..
فالبعض يهرب من هذه المرحلة وينكر انه شائب فيحاول اخفاء ذلك بالصبغة مثلا وقد كنت استاء من اولئك الذين يصبغون شعرهم حتى قرات الحديث الذى يسن تغيير الشيب نص عليه , وقيل : ما يستحيي أن يخضب ؟ فقال سبحان الله سنة رسول الله صلى الله عليه وسلم وإني لأرى الشيخ المخضوب فأفرح به وعن أبي هريرة رضي الله عنه مرفوعا { إن اليهود , والنصارى لا يصبغون فخالفوهم } متفق عليه ويستحب بحناء وكتم لفعل النبي صلى الله عليه وسلم رواه أحمد وابن ماجه وإسناده ثقات , ولفعل أبي بكر وعمر رضي الله عنهما متفق عليهما , ولا بأس بالورس , والزعفران قاله القاضي وغيره وفي التلخيص , والشرح وقدم بعض الأصحاب أن خضابه بغير السواد سنة وقال نص عليه .
وبعيد عن السنة فالذى يجد فجأة انه قد اصبح شائبا يجد انه اصبح فى مفترق طرق قاسى ويجول بخاطره كل ما قيل فى الشيب مثل :
إلا ليت الشباب يعود يوما *** فأخبره بما فعل المشيب
ولكن فى أيامنا هذه المشيب لا يمنع شئيا مع قدومه الباكر ومع تمتع صاحبه بكل قواه الجسدية والعقلية ولكنه يحزن ان ينظر اليه كأنه اصبح خارج الزمن ولذا تجد البعض يتشبب أكثر ويحاول ان يكون اكثر حرصا على اظهار قوته وشبابه مثل صاحبك الذى حلق شنبه خشية من صبغته .....
وهنالك شاعر قديم ايضا قال ما يلى :
الشيب نبه ذا النهى فتنبها*** ونهى الجهول فما استفاق ولا انتهى
بل زاد رغبة فتهافتت *** تبغي اللهى وكأن بها بين اللها
فإلى متى ألهو وأفرح بالمنى*** والشيخ أقبح ما يكون إذا لها
ما حسنه إلا التقى لا أن يرى *** صبا بألحاظ الجآذر والمها
أنى يقاتل وهو مفلول الظبا *** كابي الجواد إذا استقل تأوها
محق الزمان هلاله فكأنما *** أبقى له منه على قدر السها
فغدا حسيرا يشتهي أن يُشتهي *** ولكم جرى طلق الجموح كما اشتهى
إن أن أواه وأجهش في البكا *** لذنوبه ضحك الظلوم وقهقها
ليست تنهنهه العظات ومثله *** في سنه قد آن أن يتنهنها
فقد اللدات وزاد غيا بعدهم *** هلا تيقظ بعدهم وتنبها
يا ويحه ما با له لا ينتهي *** عن غيه والعمر منه قد انتهى
قد كان من شيمتي الدها فتركته*** علما بأن من الدها ترك الدها
ولو انني أرضى الدناءة خطة *** لوددت أني كنت أحمق أبلها
فلقد رأيت البله قد بلغواالمدى*** وتجاوزوه وازدروا بأولي النهى
من ليس يسعى في الخلاص لنفسه*** كانت سعايته عليها لا لها
إن الذنوب بتوبة تمحى كما *** يمحو سجود السهو غفلة من سها
|
Post: #78
Title: Re: الرجال الذين يصبغون شعورهم!
Author: haleem
Date: 09-02-2007, 08:04 AM
Parent: #1
ملاسي...ازيك
أما (صديقك) في السودان فيفعل العكس
حيث يقوم بصبغ شعره (أبيض)...أو هكذا تراءى لي
|
Post: #79
Title: Re: الرجال الذين يصبغون شعورهم!
Author: Hussein Mallasi
Date: 09-02-2007, 09:37 AM
Parent: #78
Quote: أما (صديقك) في السودان فيفعل العكس
حيث يقوم بصبغ شعره (أبيض)...أو هكذا تراءى لي |
تعرف يا حليم .. صاحبنا دا - قبال كم وعشرين سنة -
كانوا يفسحون له في البصات قائلين: اقعد يا حاج
|
Post: #80
Title: Re: الرجال الذين يصبغون شعورهم!
Author: haleem
Date: 09-02-2007, 11:19 AM
Parent: #1
تعرف يا حليم .. صاحبنا دا - قبال كم وعشرين سنة -
كانوا يفسحون له في البصات قائلين: اقعد يا حاج
------------
قررررررررررررررررررر
يشهد الله انت مسخوت يا ملاسي..............
|
|
