قرابة العام ، يا حسين (ويا ناس) وأنا أسمع عن هذا العمل وأقرأ عنه في الصحف والمجلات والأعمدة والمقالات .. وقد إحتفى الإعلام هنا به جداً وتم خلق جو من الإستعداد لعمل فني كبير وبإنتاج ضخم وبتجربة مشتركة بين مصر والسودان ؛
وتعال شوف !
عمل ركيك جداً ، وما فيهو أي روح .. وما بتفهم منه أي شي ، ناس عقد الجلاد كانوا بايخين جداً في أناقتهم البتشبه أناقة الناس صباح العيد ، اناقة زايفة وما حقيقية وما شبه الطبيعه ؛
المشاهد ضعيفة والعلاقات بينها مفقوده ؛ ده ما عمل فني على الإطلاق ؛ ممكن ينفع يكون دعاية للسياحة الدينية ويتعرض في وكالات سفر ..
مافي إخراج في الموضوع ، وما في خلق وتربيط بين الكلام والمشهد والشكل ، حاجه كده ساكت ، وخلاص !
عمل زي ده كان ممكن يكون حي ، ويمور بالإيقاعات الطبول الصاحية ويقدر يطلع شحنة الإيقاع الإفريقي مع حركة كاميرا طموحة وسريعة تعمق من أثر الموسيقى ، بتتحرك من وجه لوجه ومن سحنه لسحنه ، وعلى أجساد بترقص نوبه بالجد ، والأصوات يكون فيها النداء أعلى وأقوى ولايف أكتر ..
إن كان الغرض من تشويه اللحن الأساسي للمدحة هو تقبل المصريين لها؛ فقد تقبلوا - من قبل – الأغنيات السودانية لمنير و فؤاد دون تشويه!!
Post: #11 Title: Re: مصر المأمنة!! Author: celecon Date: 09-16-2007, 06:24 AM Parent: #1
Quote: عمل ركيك جداً ، وما فيهو أي روح .. وما بتفهم منه أي شي ، ناس عقد الجلاد كانوا بايخين جداً في أناقتهم البتشبه أناقة الناس صباح العيد ، اناقة زايفة وما حقيقية وما شبه الطبيعه ؛
المشاهد ضعيفة والعلاقات بينها مفقوده ؛ ده ما عمل فني على الإطلاق ؛ ممكن ينفع يكون دعاية للسياحة الدينية ويتعرض في وكالات سفر ..
مافي إخراج في الموضوع ، وما في خلق وتربيط بين الكلام والمشهد والشكل ، حاجه كده ساكت ، وخلاص !
وشكرا طلال ...
Post: #12 Title: Re: مصر المأمنة!! Author: هاشم أحمد خلف الله Date: 09-16-2007, 06:49 AM Parent: #11
رغم اننى لم اشاهد العمل مكتملا فقد صادفت احدى المرات يقدمون عنه موجزا، إلا اننى لم اتقبله وواجده بعيدا عن الواقع السودانى ومدح رسول الله(صلى الله عليه وسلم).
وهكذا نحن دوما نقدم أنفسنا للآخرين بتصرف ، غير محمود، يأخذ السر الكامن فينا ويقدم غشاء منكمش بلا روح لا يعبر عن الحقيقة.... قناع مهترى لكثرة العبث به
Post: #21 Title: Re: مصر المأمنة!! Author: salah elamin Date: 09-17-2007, 01:23 AM Parent: #20
Quote: عمل زي ده كان ممكن يكون حي ، ويمور بالإيقاعات الطبول الصاحية ويقدر يطلع شحنة الإيقاع الإفريقي مع حركة كاميرا طموحة وسريعة تعمق من أثر الموسيقى ، بتتحرك من وجه لوجه ومن سحنه لسحنه ، وعلى أجساد بترقص نوبه بالجد ، والأصوات يكون فيها النداء أعلى وأقوى ولايف أكتر ..
Post: #22 Title: Re: مصر المأمنة!! Author: jini Date: 09-17-2007, 02:13 AM Parent: #21
يمكن عشان دى مصر مبارك! لو عملو ايام مصر ناصر! كان حيكون آخر حلاوة! حبايبنا اللى اخدو حلايبنا! ديل مفروض تعملوا ليهم مصر المستنكحة! جنى
Post: #23 Title: Re: مصر المأمنة!! Author: محمد سنى دفع الله Date: 09-17-2007, 05:18 AM Parent: #22
قبيل شن قلنا قلنا الطير بياكلنا بـــس
Post: #24 Title: Re: مصر المأمنة!! Author: mamkouna Date: 09-17-2007, 06:40 AM Parent: #1
خساااااااااااااااااارة.
Post: #25 Title: Re: مصر المأمنة!! Author: محمد أبوالعزائم أبوالريش Date: 09-17-2007, 07:45 AM Parent: #1
Quote: مصر المأمنة!!
الصحيح يا حسين (المؤمَّنة) ... طبعاً في الأحوال العادية الواحد بيفوّت .. لأنو حتى السطر ده أكيد فيهو أخطاء .... بس حسين ما كان حيفوتها لي زول ...... مش؟ حتقول الكليب مكتوب كدة؟ البوست بتاعك دة إنتقادي .... صحح عنوانه أولاً.
بس
Post: #26 Title: Re: مصر المأمنة!! Author: Hussein Mallasi Date: 09-17-2007, 08:09 AM Parent: #25
Quote: طبعاً في الأحوال العادية الواحد بيفوّت
هو انت بتعرف حاجة عشان تفوت!!
Post: #27 Title: Re: مصر المأمنة!! Author: محمد أبوالعزائم أبوالريش Date: 09-17-2007, 08:14 AM Parent: #1
Quote: هو انت بتعرف حاجة عشان تفوت!!
قدر البعرفو ...... في زول سمعني قلت أنا عالم؟
Post: #28 Title: Re: مصر المأمنة!! Author: Hussein Mallasi Date: 09-17-2007, 08:24 AM Parent: #27
Quote: قبيل شن قلنا
مرحب مرحب يا أبو جلمود
_____ عشان تعرف السوق كاشف كيف.
Post: #33 Title: Re: مصر المأمنة!! Author: Zomrawi Alweli Date: 09-17-2007, 08:49 AM Parent: #28
والله انا من يوم شفت المصاورة قاعدين في الخرتوم وعايزين يعملوا اعمال فنية قلت اصلوا ما قاعد نريدم وكان اسوأ يوم كان اللقاء في التلفزيون السوداني جايبين فنانيين مصريين عشان يعملوا حاجة فنية مشتركة في عمل فني قلت اكيد جايين يخروبا لينا الذوق السوداني.
وهذا ما حصل فاللحن الجميل لمدحة مصر المؤمنة قد طار من من نافوخنا يعني ما ممكن نستمع للفنانين المصرين باللحن الهزيل الذي ما ان تسمعه تشعر بغثيان. وبالرغم من الجواني الفنية الا ان هذا اللحن قد فقد طعمه واطنه لن يجد الترويج كعمل فني في السودان.
الله يجازي الكان سبب استجلاب السلم السباعي الغير مستساغ في السودان. ومزيدا من الانحلال الفني وفقدان الذوق الرفيع.
Post: #29 Title: Re: مصر المأمنة!! Author: محمد غلامابي Date: 09-17-2007, 08:32 AM Parent: #1
الاخ ملاسي
.....
العمل لايشبه العمل الذي كتبه الشيخ البرعي
......
ولايشبه سودانيتنا في شي..
.....
الموسيقي.. الايقاع..اللحن..الكلمات..
....
والتصوير..
ممكن يكون رسّخ لصورة الاسلام التي يبثونها في أعمالهم الدرامية..
.....
أبو الريش :
بدون زعل .. النص الاصلي الذي كتبه الشيخ البرعي هو(المأمنة)
... وليس المؤمنة!!
وملاسي جاب النص الاصلي الذي كتب وروّج له بس ...
سأعود
غلامابي
Post: #30 Title: Re: مصر المأمنة!! Author: Hussein Mallasi Date: 09-17-2007, 08:37 AM Parent: #29
تعرف يا غلامابي ذكرني كليب مصر المأمنة ببعض السودانيين الذين ما أن يلتقوا بمصري- حتى و إن كان مبلط قيشاني - إلا يحاولون التحدث بلهجته!!
Post: #31 Title: Re: مصر المأمنة!! Author: kato Date: 09-17-2007, 08:39 AM Parent: #1
مقارنة بالإنتاج السوداني ....
تلفزيون السودان الممسوخ ....
قناة النيل الازرق التائهة ....
هارمونى او الجعيلي وسلسلة الفشل العريض .....
والمتاح في انتاج الاعمال الفنية .....
نضع مصر المأمنة في خانة العمل الجيد جدا....
(وجهة نظرى الخاصة)
فماذا قدمتم كسودانيين للعالم منذ ان تعلمتوا .... ت تصوير .. أ انتاج ... أ اخراج .........
صفر كبير ياالسنى .....
وصفر اكبر ياطلال ......
معقولة من الستينيات ( كم وخمسين سنة) .. ماقدرين تنتجوا انتاج ينافس فنياً ...
او خليك من ينافس دى كتيرة ....
مقبول فنياً فقط .....
ولمن نجيب محسن احمد ... ولا على الحجار ... عشان نأكد فشل المنظراتية المن سنة ستين
Post: #34 Title: Re: مصر المأمنة!! Author: Hussein Mallasi Date: 09-17-2007, 08:53 AM Parent: #31
معقول يا كاتو بعد القروش الكباها عز الدين دي كلها يطلع العمل أشبه باستعراض افريكانا بتاع أحمد حلمي و شيرين في فيلم ميدو مشاكل!!
_____ هو وكت قدر يجيب محسن و الحجار و باقي الهيصة دي كلها؛ مالو غلبو يطلع حاجة زي الناس.
Post: #32 Title: Re: مصر المأمنة!! Author: سامى عبد الوهاب مكى Date: 09-17-2007, 08:40 AM Parent: #1
Post: #35 Title: Re: مصر المأمنة!! Author: محمد أبوالعزائم أبوالريش Date: 09-17-2007, 08:56 AM Parent: #1
الأخ غلامابي ..
Quote: أبو الريش :
بدون زعل ..
وحاتك ما زعلان .. بس مستغرب الزول يقول حاجة في بوست يوصفوهو بالجاهل.
يا زول رمضان كريم ....... سلام
Post: #36 Title: Re: مصر المأمنة!! Author: Hussein Mallasi Date: 09-17-2007, 09:08 AM Parent: #35
قديتونا بروباقاندا يا سودانيز ساوند!
Post: #37 Title: Re: مصر المأمنة!! Author: نجوان Date: 09-17-2007, 09:16 AM Parent: #35
سلام يا حسين..
صعب (جدا) أن تهضم عقد الجلاد.. لا أندروس ولا تمس.. ولا الكاسيلتزر..
كما.. وأتمنّى ان تختفي تلك القمصان بلون زينب..
وجهة نظر شخصية..
Post: #38 Title: Re: مصر المأمنة!! Author: Emad Abdulla Date: 09-17-2007, 09:24 AM Parent: #37
Quote: مالو غلبو يطلع حاجة زي الناس
أكتر من كده يا حسين ؟؟؟
Post: #39 Title: Re: مصر المأمنة!! Author: Hussein Mallasi Date: 09-17-2007, 09:31 AM Parent: #38
ثم تانياً .. ماهي الضرورة الفنية التي استدعت وجود إيهاب توفيق و سحر عبد الله* بجانب شرحبيل؛ عقد الجلاد و الحجار؟!
_____ * بفرض انو اسمها سحر عبد الله.
Post: #40 Title: Re: مصر المأمنة!! Author: Hussein Mallasi Date: 09-17-2007, 09:35 AM Parent: #39
يكون الغنا ماشي كويس مع الحجار ؛ يجيك إيهاب داخل يمرقك في الازاريطة
Post: #41 Title: Re: مصر المأمنة!! Author: Hussein Mallasi Date: 09-17-2007, 09:41 AM Parent: #40
الازاريطة حي في الاسكندرية .. ما تفتكروها إساءة
_____ سامع يا محمد أبو العزايم!!
Post: #42 Title: Re: مصر المأمنة!! Author: AmroKamal Date: 09-17-2007, 09:55 AM Parent: #41
ياخى القصة أشبه بالعيب والتشوه الخلقى
فالعمل ولد ضعيفا .... اللحن الاساسى مقدم بلهجة غريبة عنه وبتوزيع موسيقى لا يعبر عن الأثنين
Post: #43 Title: Re: مصر المأمنة!! Author: عاصم ابوبكر حامد Date: 09-17-2007, 10:05 AM Parent: #1
ملاسئ رمضان كريم
انت رجل عجيب وغريب
Post: #44 Title: Re: مصر المأمنة!! Author: Hussein Mallasi Date: 09-17-2007, 10:23 AM Parent: #43
لولا معرفتي المسبقة بوجود فرقة عقد الجلاد في هذا العمل؛ لظننتهم ضمن المجاميع.
______ دا أنا .. خليك من المشاهدين المصريين يا عز الدين!
Post: #45 Title: Re: مصر المأمنة!! Author: Hussein Mallasi Date: 09-17-2007, 10:30 AM Parent: #44
كدا المصريين اتسدوا تلاتة الهلال في الاهلي!
Post: #46 Title: Re: مصر المأمنة!! Author: محمد غلامابي Date: 09-17-2007, 11:38 AM Parent: #1
سلام للجميع..
النص كما هو معروف لأبونا الشيخ البرعي.. وهو يعبر عن ذات صوفية خاص به، لكنها تعبر من الناحية الاخري عن الذات السودانية التي عرفت أول ماعرفت التدين الصوفي، المخلوط بالمعتقدات والاراء في المشايخ والاقطاب، وهو ميزة صوفية معروفة ليس في السودان فحسب، بل في مختلف الاقطار العربية غير السلفية.. لكن ماميز هذا النص بالذات، هو البراعة في الوصف، والحساب عند الشيخ البرعي، فهو يعدد بالرقم أربعة تداخلات رقمية لايمكن لك تصورها أبداً، هذا بخلاف ذكر الاماكن والمشايخ بمصر، بما يجهله المصريون انفسهم.. وأنا هنا لا أنادي بأن يقدم العمل بالكامل لضرورات عديدة، لكن الا يري معي البعض أن النص أُجتز بشكل مخل؟!!.. .... الموسيقي بما أنني لست بموسيقي، لكنني ألحظ جهد واضح لشريف شرحبيل، غير أن ذلك لايعفيه من التنازل كلية عن اللحن السوداني، والسسلم الخماسي، دون أية مؤامة مع السباعي، مما أفقد النص الروح السوداني.. وإذا سأل سائل عن الروح المصري، فإن وجوده لايعني غياب للروح السوداني الموسيقي بشكل سافر.. ..... الاداء المغنين المصريين سيطروا علي الاداء بشكل مخل، وجعل الاستاذ شرحبيل يظهر مرتين أو ثلاثة بشكل خاطف.. اما عقد الجلاد فقد كانوا كمبارس بكل أسف، لم يراعوا لتأريخهم، ولا أدري لماذا رضوا بهذا الدور القزم، والباشمهندس الخير أكثر معرفة مني بما عناه الاخ طلال عفيفي هنا عن الايقاعات التي كان يمكن ان يجيدون فيها أكثر.. .... الاخراج..
جيد، لكنه صوّر السودانيين كأوباش، تماماَ مثل المسلمين الاوائل قبل الدعوة يخرجون لأستقبال الدعاة الجدد بفرح همجي، وأوضاع غاية في الازدراء، والقبح والفوضي، وهي صورة لطالما روج لها الاخوة المصريون في أعمالهم الدرامية المختلفة عن الاسلام في الجزيرة العربية قبل ظهور محمد(ص)، وهو مايعيدونه هنا بشكل مختلف قليلاً..
أتمنى انو البوست دا ما يزعل ناس عقد الجلاد؛ عقد الجلاد التي شكلت وجدان معظمنا – من خمسين و لي تحت – عشان كدا الواحد ما رضا ليهم المظهر الظهرتم بيهو سودانيز ساوند!
_____ و لو ناس سودانيز ساوند دايرين يزعلوا .. اليزعلوا.
و لان البروباقاندا - التي قدت بها الشركة المنتجة رؤسنا - قد رفعت من سقف توقعاتنا؛ لذا جاءت خيبة أملنا مضاعفة!!
Post: #50 Title: Re: مصر المأمنة!! Author: إيمان أحمد Date: 09-17-2007, 01:55 PM Parent: #48
شكرا يا حسين ملاسي
تجربة مشوهة واختزال وابتذال حقيقي لمعني المدحة جردتها تماما من روح الشيخ البرعي الذي يحترمه الكثير من السودانيين ونعتبره رمزا
واضح جدا أن عقل السيد المخرج كان مسكون بتأكيد طغيان العنصر المصري على العنصر السوداني
أيضا واضح انه إيقاعات الحركة المصاحبة سريعة بشكل مخل وحركة الذكار تبدو كأنها فيلم كرتون ماشي بالتصوير السريع
فتحولت كما ذكر أحد الأخوان كأنها حفلة رقص نوبي مصري
وبعدين عقد الجلاد عقد الجلاد هم وينهم؟؟؟؟؟؟؟؟؟؟؟؟
لقطة واحدة أو اتنين غير واضحات
إضافة إلى خطأ في كتابة مصر المؤمنة يعني قبل مليون سنة المداح البعضهم مابيكتب ولا يقرأ قالوا مصر المؤمنة
يجوا هنا يكتبوها "المأمنة"!!!!!
مؤسف
لمتين حيفضلوا السودانيين (مخمومين) ومبهورين بالتعاون كفكرة دون التدقيق في محتوى العمل
ودون الإصرار على تأكيد الهوية السودانية
دي ألف باء العمل المشترك في أي مجال إسمها: guarding your interests
سمعت عن هذا العمل المشترك قبل حوالي سنة وبهرجة الاحتفاء به خلتني أنتظر، وأقول يا رب حيكون شكله شنو؟؟؟
مؤسف جدا
إيمان
Post: #49 Title: Re: مصر المأمنة!! Author: adil amin Date: 09-17-2007, 01:52 PM Parent: #1
الاخ حسين ولد المخرج الراحل الفذ ابراهيم ملاسي اصلو ذى كلامك ده با بخش في الراس انت اصلا بتكره ناس عقدالجلاد لاسباب ايدولجية وهؤلاء الشباب محترفين واعمالهم بهرت الناس ,ويحترمهم قطاع عريض من الشعب السوداني وهنا في اليمن لانها اصلا يفترض ان تقدم للخارج..لانها بتنقل التراث السوداني المحلي الي العالم..ويقدمون ثقافة السودان الجديد بحترامهم لاغاني الهامش... وطبعا في حفنة من العاطلين عن المواهب من اصحاب الذوق الفاسد الذى اتلف حسهم اغاني شنان وندى القلعة وشعر روضة الحاج الجهادي .. قاعدين في /الخرطوم/كابول الجديدة او شلعوها الكيزان وسودان العزة للتبخيس والشناف ورونا انتو قدمتو شنو للسودان غير نقتكم في سودانيز او لاين دي بعدين مصر دي فايتاكم في هذا المجال(السينما) ب100 سنة ضوئية ومافي طريقة نلحقم الا بالاعمال المشتركة اسوة بدول الخليج وايضا هناك مسسلسل عثمان دقنة ايضا عمل مشترك وجيد .......... وتصدق يا ملاسي اقوى مرافعة سودانية معاصرة تصف بؤسكم في كل المجالات هي اغنية عوض دكام لطه سليمان..وانا بفكر اعملا فديو كليب والخلفية لها صورة الناس المشتركين في سودانيز او لاين مع مونتاج لى جبرونا في ضواحي ام درمان مع شعار فضائية السودان(قانون العقوبات السوداني) وده كلو مع دقن كبيرة محننة لشخص مجهول الهوية من اللذين يصبغون شعورهم..... واهم مقطع شوفو درامتنا شينة شاشتنا شوفو ناس كايرو وشوفو ناس الشام كلام يا عوض دكام ........... ابعد من مصر ومن عقدالجلاد خليك مع الشيوعيين بس ومصر وعقد الجلاد ديل شعر ما عندك ليه رقبة.. وشعر ما عندك ليه قعر قصوووو
مرة,,,و معي مجموعة طيبة من الفنانين السودانيين كنا على وشك القيام بيوم للفن السوداني بدار الاوبرا المصرية. من المتبع عادة -حسب إعتقادي- أن تمنح دار الأوبرا ليالي لعازفيها للقيام والإشراف على مثل تلك الليالي. so, we have been assigned to واحد على ما أذكر إسمه دكتور ياسر عوض وهو متخصص في آلات ال percussions. وكان مسؤول التنسيق من الجانب السوداني العم المرحوم جعفر حرقل -رحمه الله-. المهم في الموضوع أن هذا الــياسر ونحن في أثناء البروفة طلب منا -أو بالأحرى من العم حرقل أن يأتي ببنتين (سودانيتين) ليرقصن في مقدمة المسرح... هكذا. فما كان من العم حرقل إلا وان وافقه على الفور!!! الحصل بعد داك أنني إنسحبت من العمل بعد إعطاء المدعو ياسر -وطبعا- العم حرقل درسا قاسيا(ربنا يسامحه ويغفر له). للأسف قامت الليلة بوجود الراقصتين وكانت ستكون ليلة داعرة لولا وجود ومشاركة صديقنا الفنان عاصم الطيب -الله يطراه بالخير-. سقت هذه الواقعة لأبرهن ما يتصوره العقل المصري المريض عن كل من هو/هي أسمر أو سمراء. وللأسف فقدساعدهم بعض السودانيين من أمثال حرقل وستونة وغيرهم على مثل هذا الفهم بل ووضعوا تحت إمرتهم كل ما نملك من تنوع إيقاعات وتراث (يستخدم عمر خيرت الآن الكثير منها).
الغرض - اننا نستطيع ان نقول لا في وجه من قالوا نعم ولا يمكن لأحد مهما كان أن يحرمنا من قولها فقط إذا ملكنا الإرادة الكافية لذلك وحررنا أنفسنا من عقدة الدونية ------------------------------------------------
ـــفاصلة
الرقص طبعا نوع من أنواع الفنون الراقية ولا علاقة له بما ذكر أعلاه من قريب أو من بعيد.
---------------------- بعد الفاصلة
أوقف هذا العبث يا شمت محمد نور فأنت قادر على ذلك. أذكر وقفتك ضد قيام الليلة الغنائية لعقد الجلاد بكازينو النيل الأزرق يوم وفاة مصطفى سيدأحمد.
------------------------- فاصلة بعيدة خطوتين
بمناسبةالكازينو,, ترى ما سر أن يقع النقل الميكانيكي وسجن كوبر على النيل???!!! ألم يفطن الكيزان إلى (إستثمارية) هذه المواقع بعد???!!! (إستثمارية) دي طبعا تأصيلية على وزن جاهزية وهلمجرا.. الأخوة المناضليين السياسيين والحرامية والمجرمين ما يزعلوا ياخوانا عشان عايز أحرمهم من الخضرة والهمبريب البفتح شبابيك الحبيب..
Post: #53 Title: Re: مصر المأمنة!! Author: تاج السر حسن Date: 09-17-2007, 04:40 PM Parent: #1
الأخ / حسين تحية طيبه ورمضان كريم سوف احتفظ بوجهة نظرى كامله بعد المشاهدة والأستماع لأداء تلك (الأنشوده) الدينيه حيا مساء اليوم بساقية (عبدالمنعم الصاوى) بالزمالك، الا اذا تعارض ذالأمر مع لقاء الهلال بالمجد السورى والأهلى بالزمالك، يعنى رغم انه المظهر الخارجى لهذه الأنشوده تبدو عليه العلميه الا أن عزالدين لم يراع أختيار يوم مناسب لعرض ذلك العمل، فمباراة الأهلى والزمالك سوف تحرم الكثيرين من مشاهدة العرض.
شاركت فى اول ندوة قدمت فى مصر عن هذه "الأنشوده" ولاحظت أن جميع المشاركين يتحدثون عنها باعتبارها "اغنية سودانيه"، ولم يصحح تلك المساله لا عزالدين أو شرحبيل أحمد أو حتى ناس عقد الجلاد. فصحتت الأمر مندهشا وقلت هى (انشوده) أو (مدحه) وهذا جانب (تطريبى) يختلف عن الغناء السودانى حتى لو تشابه معه فى بعض الجوانب.
يعنى الأنشوده أو المدحه يمكن أن يكون لحنها مشابه للحن أغنية لكن الجو (الروحى) والأحساس الذى الذى تؤدى به يختلف تماما عن الأحساس بالأغنية العاديه .. وصلتنا معلومه مؤسفه للغايه تقول أن بروفات هذه الأنشوده كانت تؤدى فى جو لا يتناسب مع أدب (المدائح) أو الأناشيد الدينيه .. يعنى فى جو نزعت عنه البركه (ولا داعى للتفاصيل) !!
هناك مبررات سمعتها قد تبدو مقبوله ومقنعة لمشاركة الأخوان المصريين فى هذه الأنشوده أو فى مسلسل عثمان دقنه، لكن تلك المشاركه كان بالأمكان وضعها فى اطار لا يفسد جوهر تلك الأعمال!!
وأخيرا:- الكلمه الصحيحه (المأمنه) وليس (المؤمنه).. والله أعلم !!!
Post: #54 Title: Re: مصر المأمنة!! Author: محمد أبوالعزائم أبوالريش Date: 09-18-2007, 08:10 AM Parent: #53
Quote: الكلمه الصحيحه (المأمنه) وليس (المؤمنه).. والله أعلم !!!
الأخ تاج السر الحسن ...
أتقبل التصحيح .. وأقبله إذا أقنعني .. وأشكرك في كل الأحوال. ولكن ما لا أقبله الإساءة.
أتت الإساءة من شخص أترفع عن القول بأنه مدّعي
Post: #55 Title: Re: مصر المأمنة!! Author: Hussein Mallasi Date: 09-18-2007, 09:00 AM Parent: #54
لو وجد محسن أحمد أفيال لما تردد في استعملها بديلاً عن تلك الجمال!!
Post: #56 Title: Re: مصر المأمنة!! Author: Hussein Mallasi Date: 09-18-2007, 11:51 AM Parent: #55
Quote: أتقبل التصحيح ..
و لا على كيفك .. تتقبلو و رجلك فوق رقبتك.
Post: #57 Title: Re: مصر المأمنة!! Author: محمد أبوالعزائم أبوالريش Date: 09-18-2007, 12:12 PM Parent: #1
Quote: و لا على كيفك .. تتقبلو و رجلك فوق رقبتك.
الأدب لا يكلف فلساً واحداً ولكنه ليس موجود على قارعة الطريق
Quote: أول مشكلة انو محسن أحمد – مخرج العمل – اظهر ناس عقد الجلاد بنفس الطريقة - التقليدية - التي اعتاد مخرجو الفوازير أن يظهروا بها النوبيين!!
شوف يااخوي انا عاوز اقول حاجة وبعدين انشاء الله يعلقوا لي المشانق : انا والله المصريين ديل لو نقلوا مدينة الاعلام بتاعتم والاهرامات للخرطوم ماحيجي يوم اصدق انهم بيتعاملوا معانا بالنواية الحسنة او بي اخوي واخوك ... عشان كده الخوف بكرة يقول ليك القصيدة دي من كلمات الابنودي ولا البارودي لمن كان يخدم في الجيش بالسودان كتبه والسودانيين استغلوها....!. انا ده زحني منهم بعيد ... انشاء الله ترسل ليهم معتز القريش . تحياتي هارون دياب
اعجبنتي كثيرا مدحة الشيخ البرعي عليه رحمة الله عندما سمعتها بصوت واداء مداحيين سودانيين ..اعجبت بمقدرة الشيخ في وصف اماكن لم يكن قد راها (فلقد قرات انه قال المدحة وهو لم يزر مصر بعد) ومقدرته في حساب او تعداد لاشياء ومعالم .. وانزعجت جدا وانا اري هذا المسخ اداء وتصويير لنفس المدحة .. المدائح النبوية في السشودان الحالي والسودان الماضي حتي المحيط ارث له قواعده ومقاماته واسلوب اداء لا يمكن خلطه او تلوينه بالوان اخري .. لا يعني ان المرحوم الشيخ قد مدح مصر ان يحول مدحه الي مسخ مصري .. المداح السودانيين مدحو ارض الحجاز كثيرا فهل يعني ان تحول مدايحهم الي عمل تلفزيوني سعودي سوداني ... عموما لم افهم المعني والمدلول من هذا الانتاج المسخ الساذج الاعداد الذي يفتقد حرفيه وذكاء مصور ومخرج ومعد واكيد منتج ... متي نتبه الي اننا في السودان لنا لونا مميزا سودانيا في الشكل والمعني والمقام والارث يجب ان نفتخر بعه ونترجم ذلك الفخر الي حرص عليه يحميه من التشويه ونطوره وفق معينات الحياة الحالية وامكاناتها ... رحم الله الشيخ البرعي ورحمنا من فعل هؤلاء صانعي المسخ من كل شئ جميل ...
Post: #63 Title: Re: مصر المأمنة!! Author: قاسم المهداوى Date: 09-18-2007, 08:57 PM Parent: #1
Post: #71 Title: Re: مصر المأمنة!! Author: Hussein Mallasi Date: 09-19-2007, 08:40 AM Parent: #70
و كذلك الاستعانة بالأطفال.
Post: #72 Title: Re: مصر المأمنة!! Author: محمد أبوالعزائم أبوالريش Date: 09-19-2007, 09:42 AM Parent: #1
Quote: وكت ما بيكلف قروش .. ما تتأدب يا خوي!!
عجبي ..... إنت حتى لما يتوفر مجاناً ما عايزو؟
Quote: Quote: ولا أري أي مبرر مطلقاً للكلمات النارية لملاسي
و أنا أرى انها مبررة تماماً.
شفتوا العالم فوق كل ذي علم ده؟ ... لموا آراءكم عليكم .. ما دام هو (بيرى)
Post: #73 Title: Re: مصر المأمنة!! Author: Hussein Mallasi Date: 09-19-2007, 10:27 AM Parent: #72
شوف يا ابو الريش .. قلة ادب ما عايزين؛ اتيت متقعراً متعطراً و مصححاً بأن الصحيح هو المؤمنة و عامل فيها الود ما عايز تفوت .. طلعت ما عارف حاجة و فات عليك عدم التفويت!!
______ تاني مرة لمن تحب تتعطر و تتقعر و تصحح .. اتعلم الصاح في الأول!
Post: #74 Title: Re: مصر المأمنة!! Author: محمد أبوالعزائم أبوالريش Date: 09-19-2007, 10:32 AM Parent: #1
إنت زعلت يا سحس؟
ياخي مافي حاجةبتستاهل ... ده كي بورد بس .... أخبطو زي ما يعجبك.
Post: #75 Title: Re: مصر المأمنة!! Author: نزار محمد عثمان Date: 09-19-2007, 11:02 AM Parent: #74
العزيز حسين ملاسي رمضان كريم في ظني أن المؤمنة أصح من المأمنة لأن القاعدة في كتابة الهمزة إذا توسطت الكلمة أن ننظر لحركتها وحركة ما قبلهافتكتب الهمزةعلى حركة الأقوى منهما، والضمة أقوى من الفتحة. والكسرة أقوى من الضمة ومثال ذلك كثير: بؤساء، مؤامرة، مؤاكلة، مؤذن، تؤدة. وهناك طريقة سريعة جداً في معرفة رسم الهمزة المتوسطة، وهي أن تسهل الهمزة وتنظر إلى أي حرف تحولت: مثلا عندما تسهل الهمزة في بئر، تتحول إلى بير، وفي بؤس تتحول إلى بوس، وفي مؤذن تتحول إلى موذن، وفي مؤمنة تتحول إلى مومنة. لك جزيل شكري.
Post: #76 Title: Re: مصر المأمنة!! Author: Hussein Mallasi Date: 09-19-2007, 11:37 AM Parent: #75
سلامات يا نزار رمضان كريم و كل سنة و انت طيب يعني الفي المدحة كلو صاح و بقت على الاسم
Post: #80 Title: Re: مصر المأمنة!! Author: نزار محمد عثمان Date: 09-19-2007, 12:27 PM Parent: #76
العزيز ملاسي
Quote: يعني الفي المدحة كلو صاح و بقت على الاسم
مشكلتي مع المدحة أكبر من الموسيقى والأداء المصري أو السوداني ... لذلك أثرت أن لا أعلق ـ في ذلك ـ بشيء.
Quote: مشكلتي مع المدحة أكبر من الموسيقى والأداء المصري أو السوداني ... لذلك أثرت أن لا أعلق ـ في ذلك ـ بشيء.
مفهوم يا نزار .. مفهوم
Post: #77 Title: Re: مصر المأمنة!! Author: عصام دهب Date: 09-19-2007, 11:40 AM Parent: #75
رمضان كريم يا حسين و ضيوفك كمان ..
و حقيقة أنا شاهدت العمل و ذهلت ..
لأني بعد ما سمعته من جعجعة و شاهدته من دعايه إعلامية للعمل ..
توقعت أن يكون عملاً ( هـ يكسر الدنيا )
لكن يبدو أنه ( كسر خواطرنا ) ..
وخلى خشومنا ملح .. ملح ..ملح .. و رأيي رأي مشاهد عادي جداً يرى أن .. هذا العمل إساءة لمدائح الشيخ البرعي ..
و إساءة للفنانين السودانيين بشكل عام حتى و إن كان الأستاذ / شرحبيل مشاركاً شبه فاعل فيه و إن شاركت عقد الجلاد كورساً لإيهاب توفيق و الحجار ..
لم أستسغ أداء المصريين لهذه المدحة .. و كان أداء أقل ما يوصف بأنه متكلف .. و ذكرني هذا الأداء بأبيخ فيلم في حياتي و مماتي و حتى يوم الدين إسمه ( رحلة عيون ) مصري .. سوداني .. الفاضل سعيد و صلاح بن البادية قادلين بالمايوهات في أسكندرية .. فرحنا ليهم كتييير .. الفيلم دا لحدي يوم الليلة مضرسني ..
يا جماعة أرحمونا من هذا الإستنكاح البايخ .. نعم السودان و مصر جيران و تاريخ و جغرافيا و نيل و حاجات و شنو شنو .. لكن الحقيقة أن مصر و السودان ستين ألف حتة في حاجات كتيرة .. عشان في حاجات إسمها الخصوصية الخصوصية الخصوصي ياااااااااااااااااااااااه .. أفهمو و ريحونا .. خلونا قرايب و حلوين .. بس أي زول يكون في علبو ..
.. بالمناسبة الزول بتاع سودانيز ساوند دا كان كويس جداً الحصل ليهو شنو ؟؟
ما أظن طريقة الكتابة و الاختلاف حول مؤمنة ام مأمنة يستاهل الشخصنة دي لأنه كــلكم صاح و ما ننسى انو القصيدة بالدارجة! الفصيح : مؤمنة كما وضح الاخ الفاضل د.نزار اعلاه الدارجي: مأمنة لأن المداحين نـطقوا الميم بالفتح.. و قد ذكر بعضهم أن الشيخ البرعي رحمه الله قد كتبها كذلك.
و العمل المشترك بييييض شديد.. خربوا لينا المدحة!
Post: #78 Title: Re: مصر المأمنة!! Author: haleem Date: 09-19-2007, 11:52 AM Parent: #1
والله فات علينا نشوفها...وانتظرتها في دريم حسب كلام ملاسي لكن ما بثوها...حننتظرها غايتو عشان نشوف بتاع سودانيز ساوند دة لما كان فرحان وبنطط في سهرة النيل الازرق ..ليه حق ولا لأ
الصاح مؤمنة وليس مأمنة والصاح التانى المفروض تنتقد بموضوعية الكلمة اللحن الأداء الاخراج التصوير ووووووو ده طبعا لو انت متخصص فيهن والصاح التالت لو مابتعرف الصاح التانى تسكت وتسمع بس وماتبخس حاجات الناس بلا فهم عشان مابتذوق اللونية السريالية المنبثقة من الموسيقى التصويرية ..
صلاح عووضة مرة قام اتشوبر وانتقدالمدحة دى القيامة قامت وقربو يعلنو فيه الجهاد هسة لوسمعها بعد مااتمصرنت حينتقد الازهر ذاتو ...
نوع الشغل ده ومعاهو مسلسل عثمان دقنة بغض النظر عن الأخطاء الفنية الفيهو بيشير ليك بصورة واضحةالى ( الرق النفسي ) المصاب بيهو بعض مثقفينا دقنة شنوومدحة شنو ياملاسي المشكلة أكبر من كدة ده اسمو ( الاحساس بالدونية ) أو الكارهين ذاتهم على رأى بشاشا والله يكون فى العون
تعرف يا الطاهر .. أنا منتظر تعليق طارق الشريف ؛ الطاهر و نسرين نمر؛ نشأت الإمام و طلال مدثر على العمل دا.
_____ سيد أحمد خليفة لو داير يشكرو اليشكرو
Post: #89 Title: Re: مصر المأمنة!! Author: Hussein Mallasi Date: 09-20-2007, 00:06 AM Parent: #88
نسيت مصعب الصاوي .. تصدق!
Post: #90 Title: Re: مصر المأمنة!! Author: Hussein Mallasi Date: 09-20-2007, 00:47 AM Parent: #89
الآن .. و أنا أشاهد قناة دريم الأولى مترقباً عرض الكليب عسى أن أجد فيه شيء ايجابي .. إذا بي أفاجأ بكليب يعرض لعلي الحجار إسمو يا بنات بيروت!
Post: #91 Title: Re: مصر المأمنة!! Author: Hussein Mallasi Date: 09-20-2007, 07:42 AM Parent: #90
يا تاج السر .. شلك كدا بعت ساقية الصاوي مقابل حضور المباريات!
_____ كان أحسن ياخي لو فاز الزمالك؛ أقلو الأهلي يتضعضع معنوياً قبل لقاء الاتحاد الليبي.
Post: #92 Title: Re: مصر المأمنة!! Author: محمد نور أحمد Date: 09-20-2007, 08:34 AM Parent: #91
Quote: شلك
شكلك يا ملاسي.. إنت مشيت شفت مصر المأمنة تاني ولا شنو ؟ عارفك حتديني في رأسي .. وحتقول ده جابوا من وبن ؟ .. لكن الغلط غلط
Quote: يتضعضع
عليك الله بتعني شنو يا حسين .. أول مره تلاقيني..
رمضان كريم يا ملاسي..
Post: #93 Title: Re: مصر المأمنة!! Author: محمد أبوالعزائم أبوالريش Date: 09-20-2007, 08:44 AM Parent: #92
Quote: أول مره تلاقيني..
عارف يا محمد نور، أنا كنت عايز أسأل كمان من حاجة تانية .. لكن سكت لما قهموني وهرشوني وقالوا لي (إنت ولد قليل أدب).
بصراحة التحتهم خط ديل ما عرفتهم شنو .... يكونوا شتيمة؟
Quote: اتيت متقعراً متعطراً و مصححاً بأن الصحيح هو المؤمنة و عامل فيها الود ما عايز تفوت .. طلعت ما عارف حاجة و فات عليك عدم التفويت!!
______ تاني مرة لمن تحب تتعطر و تتقعر و تصحح .. اتعلم الصاح في الأول!
Post: #94 Title: Re: مصر المأمنة!! Author: Hussein Mallasi Date: 09-20-2007, 08:45 AM Parent: #92
Quote: وحتقول ده جابوا من وبن ؟
عارفك جابوك من وين يا محمد نور. ____ رمضان كريم.
Post: #95 Title: Re: مصر المأمنة!! Author: محمد نور أحمد Date: 09-20-2007, 08:56 AM Parent: #94
Quote: عارف يا محمد نور، أنا كنت عايز أسأل كمان من حاجة تانية .. لكن سكت لما قهموني وهرشوني وقالوا لي (إنت ولد قليل أدب).
أبو الريش .. باركها يا أخوي .. زي ما إنت شايف في تحالف إستراتيجي في طريقه إلى التدشين بيني والسيد/ ملاسي .. فبالله ما تعكر صفو الأجواء التاريخية دي .. آكله في حنانك وخلي البوست يمشي.
رمضان كريم يا أبو الريش.
Post: #96 Title: Re: مصر المأمنة!! Author: محمد أبوالعزائم أبوالريش Date: 09-20-2007, 09:19 AM Parent: #95
محمد نور
يا زول ما عندك مشكلة ....
ومن ناحية البوست ... ما توصي حريص ... أنا ما بعمل شئ غير إني أرفعو.
بس حرقني سؤال ممكن؟ الموضوع تحالف إستراتيجي .. والا تطبيع .. والا هدنة، لأنو الأسماء دي بتعمل لي تشويش، خاصة إنو أخوك فهمو في السياسة والكورة مش ولا بد.
رمضان كريم
Post: #97 Title: Re: مصر المأمنة!! Author: دينا خالد Date: 09-20-2007, 09:54 AM Parent: #1
ياااا ملاسى سلام ورمضان كريم انت مش قالو الشواطين دى فى رمضان بربطوها ؟؟؟؟ دخلت بعد طول غياب لاجد ...... ؟ بس حبيت انبهك انو الفرقة دى ما اجنبية ،، دى فرقة هجين (ما بعرف اجيب الوشوش ) لذلك تم حظر النشر والتعليق بشانها ،، كلمممتك انت قايل نفسك هبانى انت على مرمى حجر ،، امتثل ولا تتفاصح
ــــــــــــــــــــــــــــ اوع تقول لى انتى فاكينك ليه !!!!
Post: #98 Title: Re: مصر المأمنة!! Author: محمد نور أحمد Date: 09-20-2007, 10:43 AM Parent: #97
Quote: الموضوع تحالف إستراتيجي .. والا تطبيع .. والا هدنة، لأنو الأسماء دي بتعمل لي تشويش، خاصة إنو أخوك فهمو في السياسة والكورة مش ولا بد.
لقد سألت عن عظيم يا أبوالريش .. لكن إنت حبيبنا برضو .. نوعية ملاسي ده تدخل معاه في التحالف البرضيه هو .. لكن تأكد مهزلة "أوزوندام" الحنك بيها كيكي ما تبقى علينا، ولا تطبيع ود جبرالله الجايب ليه الهواء مع السودان الجديد .. أطمئن يا صاحب
Post: #99 Title: Re: مصر المأمنة!! Author: محمد أبوالعزائم أبوالريش Date: 09-20-2007, 11:37 AM Parent: #1
Quote: نوعية ملاسي ده تدخل معاه في التحالف البرضيه هو
أها والحكاية دي بتعملوها كيف؟ بتخلوها تنجض براها كده؟ والا بتتجرسوا وبتطلبوا منو تفصيل تحالف؟ .... يعني لو نورتنا الواحد يعمل حساب المستقبل
Post: #100 Title: Re: مصر المأمنة!! Author: شمهروش Date: 09-20-2007, 11:48 AM Parent: #99
كويس يا عم حسين لسا مانسيت ركوب العجلة غايتو احنا بطلنا
Post: #101 Title: Re: مصر المأمنة!! Author: محمد نور أحمد Date: 09-20-2007, 11:55 AM Parent: #99
Quote: أها والحكاية دي بتعملوها كيف؟ بتخلوها تنجض براها كده؟ والا بتتجرسوا وبتطلبوا منو تفصيل تحالف؟ .... يعني لو نورتنا الواحد يعمل حساب المستقبل
لوك الصبر يا أبو الريش لمن نجيك بالخبر اليقين .. هسع نحن في البند السابع والذي ينص على إلزام السيد ملاسي بقبول كل أشكال النقد الإيجابي في بوستاته والبوستات الصديقة بكل صدر رحب ويبعد عن هرش الناس وتسفيههم وأسلوب لا أريكم إلا ما أرى..
لو قدر لسودانيز ساوند أن تنتج عمل آخر؛ هل ستتمكن - مرة أخرى - من إقناع الجهات التي تم شكرها و الإشارة إليها في آخر الكليب!!
Post: #105 Title: Re: مصر المأمنة!! Author: omer ibrahim Date: 09-20-2007, 01:31 PM Parent: #103
الأخ ملاسي ياخ والله خليني أختلف معاك في مضمون و جوهر البوست بتاعك دا
أولاً و الله أن يفتح مثقف مثلك بوست و يعنونه "مصر المأمنة" فينجذب اليه و يقرأه ألاف المعجبين و المداومين علي قراءة كتاباتك المثيرة للجدل تارة و المثيرة للهزل و الضحك تارة أخري "و أنا من هؤلاء القراءْ بالمناسبة" متعرضا في هذا البوست لعمل بذل فيه من الوقت و العمل و الجهد المتواصل و المقدر ما بذل وأن لا يتجاوز تدوين إنطباعك هذا بضعة سطور "سالبة"! …. فوالله أعتقد إنك قصرت في حق مجهود كبير وعمل مليان زي دا و أفتكر إنو التوفيق ما حالفك إطلاقاً.
Post: #104 Title: Re: مصر المأمنة!! Author: محمد حيدر المشرف Date: 09-20-2007, 01:24 PM Parent: #1
الاخ حسين
شاهدت العمل .. وصدقا هو صورة مشوهة جدا لمدحة الشيخ البرعى مصر المؤمنة
.... ما عارف فيها شنو لو المصريين يتعبوا شويه ويحاولوا يفهموا ما نقولة مدحا وتوقيرا لبلادهم .. الامر اشبه بان تقدم هديه لاحدهم وانت مطأطأ الراس وخجل
Quote: قرابة العام ، يا حسين (ويا ناس) وأنا أسمع عن هذا العمل وأقرأ عنه في الصحف والمجلات والأعمدة والمقالات .. وقد إحتفى الإعلام هنا به جداً وتم خلق جو من الإستعداد لعمل فني كبير وبإنتاج ضخم وبتجربة مشتركة بين مصر والسودان ؛
وتعال شوف !
عمل ركيك جداً ، وما فيهو أي روح .. وما بتفهم منه أي شي ، ناس عقد الجلاد كانوا بايخين جداً في أناقتهم البتشبه أناقة الناس صباح العيد ، اناقة زايفة وما حقيقية وما شبه الطبيعه ؛
المشاهد ضعيفة والعلاقات بينها مفقوده ؛ ده ما عمل فني على الإطلاق ؛ ممكن ينفع يكون دعاية للسياحة الدينية ويتعرض في وكالات سفر ..
مافي إخراج في الموضوع ، وما في خلق وتربيط بين الكلام والمشهد والشكل ، حاجه كده ساكت ، وخلاص !
عمل زي ده كان ممكن يكون حي ، ويمور بالإيقاعات الطبول الصاحية ويقدر يطلع شحنة الإيقاع الإفريقي مع حركة كاميرا طموحة وسريعة تعمق من أثر الموسيقى ، بتتحرك من وجه لوجه ومن سحنه لسحنه ، وعلى أجساد بترقص نوبه بالجد ، والأصوات يكون فيها النداء أعلى وأقوى ولايف أكتر ..
العمل ده مشوه وبايخ ، وعامل زي بلونه منفسه !
وآللهم لا تؤاخذنا على أي حال من الأحوال ..
Post: #110 Title: Re: مصر المأمنة!! Author: عبدالكريم الامين احمد Date: 09-20-2007, 02:48 PM Parent: #108
Quote: لكن تأكد مهزلة "أوزوندام" الحنك بيها كيكي ما تبقى علينا،
في شنو يا محمد نور كيكي مالو كمان مدخلنوا في حتت النقد الفني بتاع الجربندي الجديد ده ويا محمد نور رمضان كريم ياااخي ولو عاوز تطبع بالله طبع والدنيا رمضان وانا ما ناقص دشمانات مع (الناقد الجربندي) الجديد ده
Post: #111 Title: Re: مصر المأمنة!! Author: omer ibrahim Date: 09-20-2007, 06:28 PM Parent: #110
طيب يا حسين سألت من الموجب في العمل و ردي ليك بالمهلة و أن كنت لا أؤيد مسألة ما جاء في تعليق طلال كذلك.
أما عن إيهاب فإن كنت لم تره منذ 20 سنة فأنا أظني قربت لل30 سنة.
أنا لن أبتدر تقييمي لهذا العمل بالعبارة المبتذلة "ليس دفاعاً عن.." عقد الجلاد لكنما علي العكس و بالواضح أكتب هنا دفاعاً عن عقد الجلاد المجموعة التي أحبها مثل ما يحبها مثلي الألآف و عن هذا العمل الذي أعتبره بكل حال نقله في نوعية أعمال عقد الجلاد "المصورة و المدائحية" أقل ما يمكن أن توصف به بأنه "عمل فني مصور" فيديو يختلف عن كل التجارب التي يطلق عليها إسم "فيديو كليب" و لا أدري كيف و لماذا؟.
نعم أتفق مع البعض أن عقد الجلاد ظهرت في بعض المشاهد بالصورة التي ظلت مصرة و مداومة عليها لسنوات عديدة ولشئ في نفس يعقوب وهو لبس القميص الذي تحول بقدرة قادر إلي تي شيرت أخضر و بنطلون أسود. نعم لم تتطور في هذا المنحي و إن شاء الله بعد دا نشوف ليهم مظهر تاني و إن أراداو أن يستمروا علي الأخضر و الأسود فلينعم الله علينا و عليهم بالتنوع في أختيار الملابس و المجموعة سواء كان في هذا العمل أو في عروضهم الخاصة في حوجة ماسة لأختصاصي أزياء . و إختصاصي أزياء هنا معناه شخص متخصص، مؤهل، عصري و مسموع الكلمة "إمعاناً في التخصصية" و لكن التطور في كل شي يحتاج زمن.
أما حكاية أن يظهر السوداني بمظهر نمطي في الدراما المصرية هذا موضوع يسأل عنه أهل الدراما والأشارة اليه هنا غير واردة لأنه لم يكن كذلك. لكن أن يظهر المديح السوداني بهذا الشكل الظاهر في مصر المأمنة فو الله لا أري أي عيب فيهو (مش كتر خيروا هو الظهر في فضائية عربية) بعدين قصة إنو السوداني يظهر زي النوبي دي ما أظن عندنا يد فيها (زكرتني ود عمتي المشي يتصور و ظهرت صورتوا شينة قام شاكل المصور ... المصور قال ليهو هو أنا جبت حاجة من عندي) يا سيدي الفاضل العمل من كتابة الشيخ البرعي "شيخ الزريبة و المشاهد المصورة هناك "علي خلاف رأي طلال الذي أجده مركب التصاوير و معقد التراكيب في لغة "لم تدركها حواسي" أجده "علي النقيض تماماً"جميل ..جميل.. سوداني.. مليان إنفعال.. فيهو حلبة ذكر أصيلة.. فيهو رجال زرق و عقد الجلاد لابسة عمة و جلابية.. و فيه درويش .. صاخب .. بسيط و تقي و هيمان.
Post: #112 Title: Re: مصر المأمنة!! Author: omer ibrahim Date: 09-20-2007, 07:02 PM Parent: #111
هسسسسسسسسسسسسسسسسسسسسسسسسسسة تم عرض العمل دا تاني
أزيدك في الشعر بيت يا حسين
"العمل دا عميق و جميل لمن بوقف شعرة جلدك".
Post: #113 Title: Re: مصر المأمنة!! Author: omer ibrahim Date: 09-20-2007, 07:13 PM Parent: #112
تعال بقي نشوف كل الناس المكجنة مصر و المصريين و التمصير "بي سبب و بدون" أولاً كدي صلوا علي النبي و ختوا الكورة واطا. العمل دا كان و طول عمروا حا يكون سوداني و الملامح و المشاهد و الكلام المكتوب بيهو القصيدة و الزريبة و الروح و أي شي بالنسبة لي بدا سوداني.
و بعدين نفترض إنو الصوت السوداني المتمثل في شرحبيل ولا عقد الجلاد .. أفترض إنو غنو العمل دا بالمصري عديل كدة (المشكلة وين؟) .... ورد في الأثر أن الشيخ البرعي رحمة الله عليه"شخصيا" عندما كتب القصيدة كتبها متوسلا بصلحاء مصر الذين زارهم قبل فترة قصيرة من مرضه و بالسوداني الصوفي كدة "بينده" فيها الصالحين في مصر و يتوسل لربه أن يكف عنه الآم مرضه كما ذكر وطلب أن يزيل عنه العلة "بجاهم يا الله". فكون أنو يفكر شخص أن يخرج عمل مصور يظهر فيهو أصوات مصرية أصيلة زي علي الحجار و مي و شرحبيل و فنان ليهو جمهور من الشباب زي إيهاب توفيق و من وراهم مخرج زي مخرج العمل والله أبسط حاجة تتقال هنا (برافو عليك و يديك مليون عافية).
و الله أنا البوست دا كلو قراءة مفيدة للعمل دا (ومع إختلافي كلياً معها) غير ما كتبه طلال عفيفي هنا .. ما فهمت و ما إستفدت أي شي.
ثانياً توزيع الصولو علي المغنيين ما كان ممكن بأي حال من الأحوال أجمل من كدة لأنو الأساس في العمل دا إنو عمل مشترك. كل المؤديين المصريين كانو علي أعلي درجة من الأتقان فيما يختص بوضوح مخارج الحروف و الألتزام باللحن الأصلي الجميل مع الأداء بصورة مفهومة و مقبولة "سودانياً و مصريأً". بعدين موضوع إنو الواحد يغير لهجتو ولا لغتو دا "و علي شناتو" أنا لاحظت إنو "بعض المثقفين" عندهم مشكلة كبيرة جداً مع السوداني "النوع البجتهد داك" في أظهار بعض الكليمات المصرية عندما يتحدث مع أي مصري أو عربي عموماً و دائماً ما ينظر له علي أنه "بالعامية كدة "بفلق أو قل بضرسك" عندما تستمع اليه. لكن الموضوع و ما فيه أن المغني/المتحدث بلهجة غير لهجته يسعي جاهداً جداً لأن يكون مفهومأً "و دي كل النظرية" و بالرجوع لمصر المأمنة أعتقد أن المصريين غنوا بلهجتهم المعتادة و التي نجح أن يأقلمها شريف شرحبيل حتي صارت موسيقياً قابلة للأداء و الفهم بواسطة أي شخص مصري أو سوداني. أما نسخة السودانية فانا أفترض أنها مسموعة و مفهومة من سنوات وأما الإنسان المصري فغالباً لم يسمع هذا العمل من قبل و "أكيد لن يسمعه أو يكترث" لأن يفعل إن لم يوضع في القالب الموسيقي و الأخراج التلفزيوني اللذي ظهر به "يعني قصة (إن كان الغرض من تشويه اللحن الأساسي للمدحة هو تقبل المصريين لها؛ فقد تقبلوا - من قبل – الأغنيات السودانية لمنير و فؤاد دون تشويه!!) فبرضو أعتقد إنو كان تعليق مليان سلبية لأنو علي حسب معرفتي البسيطة جدا بمعني كلمة اللحن "فأعتقد أن اللحن الأساسي للمدحة دا ما في زول هبشوا زاتو" لكن أن سلمنا بأن إفتراضك هنا سليم وهو "أن الغرض الأساسي هو أن يتقبل المصري المدحة وأنو مافي داعي للتشويه" .. فدعني أفتي و لكل من تحسر علي ضياع المدحة و ترحم علي الشيخ البرعي و مدحته هنا "أنو المدحة دي نفسها و بشكلها التقليدي -المترحم عليه هنا من قبل الأخوة دعاة عدم التغيير و التمسك بالجذور- كان قعدنا نسمعها للعالم الحولنا دا مليون مرة حا تظل "علي رأي طلال عفيفي "دعاية للسياحة الدينية" "مع إني لسة ما فاهم السياحة الدينية معناها شنو.عقد الجلاد يا سادتي "مجموعة" لهذا لم أتوقع أن يظهروا بشكل منفرد أو أكثر من المرات التي ظهر فيها صوتهم في العمل. تم توظيف وصلاتهم بحيث يؤدون المقاطع الما ممكن تغنيها الا "مجموعة" عشان كدة إطلاق لفظ كومبارس الورد من أحد "المشاركين" دا ما بينطبق عليهم .. و الكلمة الواردة هنا هي كورس.
وفعلاً تركيز الكاميرا علي المجموعة "أثناء الأداء" لم يكن كافياً إذ ظهروا حوالي ثلاث مرات كمجموعة و لقطات متفرقة ظهر فيها عضو أو إثنين لكن بالمقابل صوت المجموعة و هي تردد الجملة الأساسية في المدحة كان قوي .. واضح .. متماسك "كصوت شخص واحد" ودي اللعبة هنا.
أما عن الجمل الموسيقية المركبة خصوصا التي أستخدم فيها "شريف أو أمير" الكمنجات فلا أملك إلا أن أنحني تحية للعبقري الذي فكر فيها. لأنه مزج الإحساس بالتوسل الطاغي علي روح القصيدة و من ثم للشكر من الجزء البقول "صلوات تسرحا.... مع كل الصور الدرامية الجميلة اللي رسمتها عقد الجلاد في ختام القصيدة "بدون الحوجة للظهور في الكادر حتي".
ثم هناك القصة الإسمها "شرحبيل أحمد" دي يا أخوانا. و الله و بدون أي إنحياز و لكل الناس الهنا و الكتبت عن العمل و شكل المغني السوداني و التوليفة السودانية المصرية و كل الصراع الأيديولوجي المصري السوداني و العلوية و الدونية الضمنية و المحسوسة بين كل ما هو سوداني-مصري بما فيها مسألة الهلال و الأهلي و المريخ و الأسماعيلي "عشان الجماعة ما يزعلوا". أنا أعتقد و بلغة الشارع السوداني جداً "إنو عمك شرحبيل دا ختاها لكل المشاركين في العمل دا .. مصريين و سودانيين شعوب و قبائل" إذ كان وقوراً جميلاً و مغنياً سودانيا أصيلاً و مشرف.
بس يا جماعة أنا المحييرني إنو كل الناس الكتبت في بوست التشنيف و البشنة دا ما شافت شئ جميل واحد في العمل دا يستاهل ولو حتي التعليق عليه؟؟؟؟؟ عجبي!
.
