اتحاد الكتاب السودانيين!!

سأل باندهاش: سمعت أن هناك اتحاد للأدباء و الكتاب السودانيين؛
كما أن هنالك اتحاد آخر للكتاب السودانيين ؛ فما الفرق بينهما؟!!

أجابه: لم اسمع باتحاد الأدباء و الكتاب السودانيين؛ و لولا احتفالات الميلاد
الثاني و بعض الملاسنات الصحفية لما سمعت باتحاد الكتاب السودانيين!!

ثم أردف باستنكار: ياخي معقول منتدى الخرطوم جنوب
يكون أنشط من اتحاد الكتاب السودانيين!!

رد عليه: كل شي ممكن!

Quote: ثم أردف باستنكار: ياخي معقول منتدى الخرطوم جنوب يكون أنشط من اتحاد الكتاب السودانيين!! رد عليه: كل شي ممكن!

أنشط لأنو جيلي عبدالرحمن وجيلوا كلهم ماتوا ..

ثم لأن هذا إتحاد وذاك منتدى ..!!

فهمتها دي ولا أشرحا ..!!

Quote: سأل باندهاش: سمعت أن هناك اتحاد للأدباء و الكتاب السودانيين؛ كما أن هنالك اتحاد آخر للكتاب السودانيين ؛ فما الفرق بينهما؟!!

واحد ياملاسي بكون بتاع ناس كمال الجزولي والتاني بكون عملوه الكيزان .. دي عاوزة ليها بوست .. ؟؟

كمال سلامات
اتحاد الادباء السودانيين بالمقرن جوار السكة حديد
واتحاد الكتاب السودانيين بالمقرن جوار قاعة الصداقة

الاتنين موجودين من زمن نحن بنقراء في المقرن الثانويه
في اوخر التمانينات








حسين .. سلامات

Quote: اتحاد للأدباء و الكتاب السودانيين؛

Quote: كما أن هنالك اتحاد آخر للكتاب السودانيين ؛ فما الفرق بينهما؟!!

Quote: اتحاد الادباء السودانيين بالمقرن جوار السكة حديد واتحاد الكتاب السودانيين بالمقرن جوار قاعة الصداقة

خدر سلامات

في تطور في التسمية ولا لأ ..

والغرض واضح ولا أشرحوا ..؟!!

محبتي

Quote: واحد ياملاسي بكون بتاع ناس كمال الجزولي والتاني بكون عملوه الكيزان ..

قال ليهو: اتخيل احتفالات و ميلاد تاني و انتخابات و هيلمانة؛
و في النهاية يقولوا ليك بتاع ناس كمال الجزولي!!
رد عليهو: و مستغرب ليه؟!!

Quote: قال ليهو: اتخيل احتفالات و ميلاد تاني و انتخابات و هيلمانة؛ و في النهاية يقولوا ليك بتاع ناس كمال الجزولي!! رد عليهو: و مستغرب ليه؟!!

أكيد مستغرب لأنو مفروض الإتحاد ده يكون بتاع ناس ملاسي وأمين حسن عمر زيوا زي كل حاجة صودرت في السودان .

كمال سلامات
مساهماتي ما ابعد من اللغة الكتبتها بيها
فعلا و منذ ان كنت في المقرن الثانويه
كان (حتي خروجي من السودان) في أتحاد للادباء السودانيين
و إتحاد اخر للكتاب السودانيين بالمقرن برضو .. يضج بألوان
المثقفين و المهتمين بأمر الثقافة .
كلامي كان تقرير حقيقه ولا علاقة له بشرحكـ القبل محبتكـ داكـ



محبتي الجد جد

Quote: كمال سلامات مساهماتي ما ابعد من اللغة الكتبتها بيها فعلا و منذ ان كنت في المقرن الثانويه كان (حتي خروجي من السودان) في أتحاد للادباء السودانيين و إتحاد اخر للكتاب السودانيين بالمقرن برضو .. يضج بألوان المثقفين و المهتمين بأمر الثقافة . كلامي كان تقرير حقيقه ولا علاقة له بشرحكـ القبل محبتكـ داكـ

ياخدر ياخوي كلامك مابناباه , بس مساهمتك التانية برضو ما أبعد من الأولى

(فيما خلا محبتك الجد جد المازي بتاعتي) ..


محبتي ..

على طريقتك ..

طالما يا(خدر) مبحلق في البتاعة دي

وملاسي رما أسألتوا ومشى( كعادته )

أتبرع وأشرحا :

منتدى نشيط لأنو ما إتحاد ولانقابة , والإنقاذ لاتخاف المنتديات ولكنها تخشى النقابات والإتحادات لأنها

مخيفة لكل الديكتوريات بمافيها ديكتاتورية (نميري الطيب وظريف) ..

وهيمنة كمال الجزولي ومن قبله جيلي عبدالرحمن على إتحاد الكتاب , تسبب صداع للكيزان , فبعد أن

أسلمو (فتحي خليل ) المحامين , وصار رئيس إتحاد عام نقابات عمال السودان , يعين تعييناً مخافة أن

يظهر شفيع آخر ..

يجي كمال الجزولي (ومجموعة يساريين كده يمسكوا إتحاد الكتاب) , فلازم يتعمل إتحاد بديل أو مشابه

أو منافس , زي حزب الأمة والأمة بتاع مبارك الفاضل , والإتحادي والإتحادي بتاع زين العابدين , وووو

كلو يقبل القسمة على إتنين ..

Quote: وهيمنة كمال الجزولي ومن قبله جيلي عبدالرحمن على إتحاد الكتاب

أوع تكون قاصد تشكرهم بالعبارة دي!!

Quote: أوع تكون قاصد تشكرهم بالعبارة دي!!

لأ , قاصد أشكر (نميري)

كمال
شكرا علي التبرع و الشرح
لكن
اظنكت مالاحظت لي التواريخ الختيتها انا
ودي اظنها ماعندها علاقة بما تفضلت


محبتي تاني

سألو: ليه قارنتو بمنتدى الخرطوم جنوب؛
ما كان عندك مركز عبد الكريم ميرغني؟!!

رد عليهو: مركز عبد الكريم ميرغني بيطلع كتب؛
كيف دايرني اقارنو بيهو!!

كدي يا كمال الزين وخدر ممكن تدوني معاكم كلمة حق ولكني اريد بها باطل..
ملاسي ده اليومين دي اتطور شديد وكلامو بقي كبار كبار
شي كمال الجزولي
وشيتين صحبة ابوعاج
وجابت ليها اتحاد كتاب..
...
ماعندنا كلام غير نقول(سسسسسسسنة ياعمود)

Quote: كمال شكرا علي التبرع و الشرح

العفوياخدر

Quote: لكن اظنكت مالاحظت لي التواريخ الختيتها انا ودي اظنها ماعندها علاقة بما تفضلت

لكنها حينما تأتي من رجل في ذكاء ملاسي , لابد أن تكون لها علاقة ..

فهمتا ياخدر ..

(كان مافهمتها تاني بتبرع وأشرح , أصلوا بالي طويل)

Quote: محبتي تاني

المحبة مابناباها لكن الفيك إتعرفت

محبتي توازي محبتك , كماً وكيفاً

أها ياملاسي ياخوي , أنا بعلن سحب تبرعاتي كلها , لا أشرح لا يشرحوا لي ..

البوست جاب عبدالكريم وبعد كده أكيد حايجيك أخو ..

والدم يبقى للركب ..

ودعتكم الله ..

انا شكلي offpoint
البوست ده شكلو فيهو اجندة سرية





سلام

Quote: انا شكلي offpoint البوست ده شكلو فيهو اجندة سرية سلام

خدر يادوبك عرفتوا بص سيرة ..

نتلاقي في حتة تانية , أصلوا الصعايدة وصلوا

للمهرولين دوما لدخول بوستات ملاسى
يهمكم الكاتب أم الكتوب ؟!

Quote: يهمكم الكاتب أم الكتوب ؟!

الكاتب طبعاً يابدرالدين ..!!

Quote: أصلوا الصعايدة وصلوا

وطبعاً وصول الصعايدة يجب أن يتزامن مع حضور هيئة الدفاع عن ملاسي (بدون سيجار) هذه المرة إحتراماً لهيئة المحكمة الموقرة.


تعديل فقد لمحت (السجار) ممايدل على أن ودالأمير ألقى بمداخلته تلك ولن تكون له عودة , فقد دافع عن الكاتب وبالتأكيد لايهمه (الكتوب) .

ملاسئ انت رجل عجيب وغريب

Quote: الكاتب أم الكتوب

انا يهمني الكتوب..
..جديدة وحلوة الكتوب دي..

اختيار أمين عام .. اختيار رئيس .. انتخاب لجنة تنفيذية .. اها و بعدين .. وين الطحين!!

Quote: اختيار أمين عام .. اختيار رئيس .. انتخاب لجنة تنفيذية .. اها و بعدين .. وين الطحين!!

طحين شنو ياملاسي , هو إتحاد ولا (سيقا) .

Quote: انا يهمني الكتوب.. ..جديدة وحلوة الكتوب دي..

بعدين تعرف يا(كيكي) صاحبك ودالأمير نسي أوتناسى أن صديقه (ملاسي) , يتحدث عن (إتحادكتاب) وليس عن (كتوب) , كما خطها هو ..

لكنه صديقي ملاسي , (رجل مهذب وودود مثله مثل نميري تماماً ) ...

Quote: الكتوب

والله المنبر ده فيه محن


كتوب دس شني كمان !!!!!