الليلة قبال باكر

صورة للسيد بكري و هو يفكر في هل يعيد الاخوة و الاخوات المشطوبين و المشطوبات ام لا.

غايتو لو انا مكان السيد بكري برجعهم الليلة قبل بكرا.

و إن اردت مخرجاً يا سيد بكري فيمكنك ان تتحجج بان الامر
قد تم ابتهاجاً بعودة قرنق و ان البورد قد قرر فتح صفحة
تاريخية جديدة بهذه المناسبة.

و خلي البورد يولع و يشعلل تاني.

إن شاء الله ربنا يرخي إضان بكري وهو ممشوق القوام كدي ويسمعك ياملاسي.

سلامات يا بناديها؛

السيد بكري بيكون رامي اضانو اليمين دي؛
بس بيكون بيحسب في المكاسب و الخساير.

بس صدقني يا سيد بكري ...... المكاسب لا حد لها.

نرفع شعار المنبر الجديد .... على وزن ،،، السودان الجديد ،،،
منبر يتسع للكل ...

يا زول لا بفكر ولا حاجة
دا شكل زول ضرب ليهو شية كاربة
وبتلفت لزول يديهو كوز موية .. !!

سلامات يا حميدة؛

Quote: زول لا بفكر ولا حاجة دا شكل زول ضرب ليهو شية كاربة وبتلفت لزول يديهو كوز موية .. !!

اردت استغلال صورة السيد بكري لاعضد بها حجتي؛
و لكن يبدو ان تخمته بالشية قد طبقت الآفاق.

سلامات يا ود قاسم؛

و نزيد بأن نردد كما كانت تردد اذاعة المعارضة:

الان .. الان؛ و ليس غداً.

ملاسي .

نحن بنفكر في زيادة (اللستة) بتاعة المشاطيب
تقوم تجينا بالاقتراح (الرعديد) ده

سلامات يا متوكل؛

غايتو لو بكري ما عايز باقي الحمام يطير؛
زي ما كان بيقول حبيبنا تاح السر رد الله غربته؛
عليه بإعادة المفصولين؛ و شطب الفاصلين!!

الأخ حسين ملاسي
وأريت باكر يكون هسه. لكين ما قلت لي باقي الناس مالها مقبلة كده يا ربي شافت الفيلم ده قبل كده ولا قطعوا المسلسل عشان ينقلوا لينا كورة سودانية ولا بكري منفرد بالمرمي أقصد بالقرار. والله يا ملاسي كان إسمي بقي أسود وما بيعمل كليك زي ما قال أب قوته تكون إنت الجبت لي الهوا

رجاء و توسل للأخ عثمان محمد صالح:

اتمنى ان لا تأتي الى هنا و تسوط لنا هذا البوست؛
فتصرفنا عما نحن بصدده من اهداف نبيلة.

من المُلا سي الى المُلا عمر؛

Quote: والله يا ملاسي كان إسمي بقي أسود وما بيعمل كليك زي ما قال أب قوته تكون إنت الجبت لي الهوا

الراجح انو عمك بكري بيتغاضى عن ما يمسه؛ لذا ابشرك بطول السلامة.

Quote: لكين ما قلت لي باقي الناس مالها مقبلة كده

بكري هو المقبل كدا.

اردت ان احصي اللذين اود عودتهم؛
الا انني خشيت من ان يسقط اسم احدهم/هن سهواً.

المهم؛ هم كل المشطوبين/ات ابتداءاً
من سنتيمنتال - اول مشطوب وعيت عليهو -
و انتهاءاً ب إبراهيم بقال.

ملاسي
أول مرة ألحظ أن بعد السين عن الألف تخرج من ملة وتدخل ملا حبذا لو كانت نهايتي عي فأكون مثلك ملاعي لكنها المشئية إن شئت أو لم تفعل.
دع عنك هضربتي فلقد ذكرت لي أن الرجل يولي وجه شطر الباب البجيب الريح وأن جميع الناس تنظر في الإتجاه الصحيح وهو في الإتجاه المعاكس ، لكنني أحسب وبعض الظن إثم أن الرجل رأي ولحظ بتاع الكاميرا وهو يهم بإلتقاط الصورة فإلتقط أنفاسه وعمل تقيل زيو وزي أى جميلة في حفلة تسك الكاميرا ولمن الفلاش يجيها تعمل ما شايفه ، وغايتو زي ما قال سيد الحافله راكبين تجننوا واقفين تحننوا.
بعدين يا ملاسي حكاية الديمقراطية والحرية دي مشكوك في أمرها المنبر كان حر وأصبح عام وكل عام وأنتم بخير.

من المُلا سي الى المُلا عمر؛

Quote: بعدين يا ملاسي حكاية الديمقراطية والحرية دي مشكوك في أمرها

تعرف يا مُلا؛ كنت اظن ان بكري دكتاتوراً؛
الا انني عندما رأيت الديكتاتورية - الما خمج -
ادركت مدى ما ننعم به.

لم يتبق لي الا ان احمله على كتفيّ
و اطوف به ارجاء البورد هاتفاً:

عايد عايد يا نميري.

ملاسى

سلام

يا اخى ده انت بتكتب تعليقات رهيبه

منسجمه بشكل مع صورتك

وقادره اتخيل صوتك الهادى داك

وضحكتك.

المهم يا سيدى اقتراح موفق وتوقيته موفق

واتمنى بكرى يستجيب

لكنه اكد اكثر من مره انه ما بيقرأ البوستات

ادوه تلفون او ايميل شخصى.

تحياتى

وبعدين عندى عندك طلب قد تقدر تعملوا لى!!!!!!

اقوله وله لا ؟؟؟؟؟؟

ثانيا ورينى عندى كم خطأ املائى ونحوى فى كتابتى القدامك دى

والله جاده يا حسين

خلينى اخد لى حصة عربى على الصباح ده

ولك فضل التصحيح.

اكرر جاده وما بهظر و لا بقصد اى حاجه غير الكتبته ده.



تراجى.

سلامات يا تراجي؛

Quote: واتمنى بكرى يستجيب لكنه اكد اكثر من مره انه ما بيقرأ البوستات ادوه تلفون او ايميل شخصى.

ما تصدقي الكلام دا؛
صاحبنا دا شكلو بيقرا البورد دا من الجلدة للجلدة.
بس بيقول كدا عشان يريح نفسو من العوات الكتيرة.

Quote: وبعدين عندى عندك طلب قد تقدر تعملوا لى!!!!!! اقوله وله لا ؟؟؟؟؟؟

قوليهو طبعاً؛ و ان شاء الله اقدر اعملو.

Quote: ثانيا ورينى عندى كم خطأ املائى ونحوى فى كتابتى القدامك دى

الغلطات كتيرة ....
بس ممكن الزول يكتفي بما تحته خط:


ملاسى
سلام

يا اخى ده انت بتكتب تعليقات رهيبه
منسجمه بشكل مع صورتك
وقادره اتخيل صوتك الهادى داك
وضحكتك.

المهم يا سيدى اقتراح موفق وتوقيته موفق
واتمنى بكرى يستجيب
لكنه اكد اكثر من مره انه ما بيقرأ البوستات
ادوه تلفون او ايميل شخصى.

تحياتى
وبعدين عندى عندك طلب قد تقدر تعملوا لى!!!!!!
اقوله وله لا ؟؟؟؟؟؟

ثانيا ورينى عندى كم خطأ املائى ونحوى فى كتابتى القدامك دى
والله جاده يا حسين
خلينى اخد لى حصة عربى على الصباح ده
ولك فضل التصحيح.
اكرر جاده وما بهظر و لا بقصد اى حاجه غير الكتبته ده.

تراجى.

ملاسى

عشرة على عشرة البوست
وكل الامل ان يجد عن الاخ بكرى ابوبكرى تنزيل المقترح على ارض الواقع (المنبر)
تحياتى

يا محتار ومحير غيرك إيه حا يضيرك لو رجعت المشطوبين والموقوفين

سلامات يا تراجي

Quote: ملاسى شكرا مع انك ابت تفيدنى فى العربى وعملتها هظار المهم شكرا لك

ابداً ما هظار يا تراجي؛
فكل ما تحته خط أرى انه خطأ؛
و بالذات الطريقة التي كتبتي بها اسمي و اسمك.

فاسمك يكتب هكذا : تراجي
و اسمي يكتب هكذا : ملاسي ....... او المُلا سي