Post: #1
Title: احسن سودانية بتعرف تتكلم
Author: Hussein Mallasi
Date: 11-01-2005, 05:24 PM
Parent: #0
ربما لا تكون احسن سودانية fتعرف تتكلم؛ الا انها – قطعاً – من احسن
السودانيات المتحدثات.
|
Post: #2
Title: Re: احسن سودانية بتعرف تتكلم
Author: اساسي
Date: 11-01-2005, 05:43 PM
Parent: #1
| Quote: احسن سودانية fتعرف تتكلم؛ |
اكيد قصدك بالـf دي حرف الباء
لكن هي منو ؟
انت قاصد امال عباس؟
|
Post: #3
Title: Re: احسن سودانية بتعرف تتكلم
Author: Hussein Mallasi
Date: 11-01-2005, 05:54 PM
Parent: #2
كيفك يا اساسي
فعلاً ال f اقصد بها الباء.
| Quote: انت قاصد امال عباس؟ |
انت برضك شفت البرنامج؛ في ذمتك
امال عباس ممكن تكون احسن سودانية بتعرف تتكلم!!
|
Post: #5
Title: Re: احسن سودانية بتعرف تتكلم
Author: اساسي
Date: 11-01-2005, 05:59 PM
Parent: #3
والله ما عارف لكن احتمال
بس عجبتني غتاتة اسحق احمد قال في اتنين تلاتة ما داير معاهم لا عفو لا جاز زاتو
|
Post: #7
Title: Re: احسن سودانية بتعرف تتكلم
Author: Hussein Mallasi
Date: 11-01-2005, 06:10 PM
Parent: #5
تعرف يا اساسي؛ ما ان نطق اسحق فضل الله
بجملته تلك الا و وجدتني اهتف:
ينصر دينك يا اسحق .. كدا الشغل و للا بلاش!
لانه ان صالح الجميع لما كان اسحق!!
|
Post: #4
Title: Re: احسن سودانية بتعرف تتكلم
Author: هشام مدنى
Date: 11-01-2005, 05:58 PM
Parent: #1
لا ادرى أستاذ حسين ملاسى
من هى؟
ولكن ان قلت احسن سوداني هو قطعا
الأستاذ حسين ملاسى وهذا حكم من خلال
مداخلتك ......
كل عام وانتم بخير
|
Post: #6
Title: Re: احسن سودانية بتعرف تتكلم
Author: اساسي
Date: 11-01-2005, 06:02 PM
Parent: #4
Quote: وهذا حكم من خلال
مداخلتك ......
|
غايتو دي انا ما معاك فيها يا هشام مدني
مثلا دكين دا من خلال مداخلاته تقول الزول دا ولا قس بن ساعدة
بس تقعد معاهو ما تطلع منه بجملة مفيدة
|
Post: #8
Title: Re: احسن سودانية بتعرف تتكلم
Author: هشام مدنى
Date: 11-01-2005, 06:11 PM
Parent: #6
العزيز اساسى
كل عام وانتم بخير
Quote: غايتو دي انا ما معاك فيها يا هشام مدني
|
لو راجعت مداخلات أستاذ حسين في الفترة الأخيرة
تؤكد ما ذهبت اليه
اما دكين يظل هو اشهر القضاء
تحياتى لكم جميعا
|
Post: #9
Title: Re: احسن سودانية بتعرف تتكلم
Author: Hussein Mallasi
Date: 11-01-2005, 06:13 PM
Parent: #6
| Quote: بس تقعد معاهو ما تطلع منه بجملة مفيدة |
غايتو دي انا ما معاك فيها يا اساسي!
|
Post: #10
Title: Re: احسن سودانية بتعرف تتكلم
Author: اساسي
Date: 11-01-2005, 06:16 PM
Parent: #9
| Quote: غايتو دي انا ما معاك فيها يا اساسي |
انا حكمت بقعادي معاهو في كراسي جلوس
انتو قعدتو في لساتك تحت العمود ؟
|
Post: #11
Title: Re: احسن سودانية بتعرف تتكلم
Author: Hussein Mallasi
Date: 11-01-2005, 06:19 PM
Parent: #9
استغفر الله العظيم؛
لا ادري من اين اتت ال ( ما )!!
المداخلة كان من المفترض ان تكون كالتالي:
| Quote: بس تقعد معاهو ما تطلع منه بجملة مفيدة |
غايتو دي انا معاك فيها يا اساسي!
|
Post: #12
Title: Re: احسن سودانية بتعرف تتكلم
Author: Hussein Mallasi
Date: 11-01-2005, 06:20 PM
Parent: #11
معذرة لتأخري في الرد عليك يا هشام؛
فقد كنت منشغلاً في مراسم تشييع تواضعي لمثواه الاخير!
|
Post: #13
Title: Re: احسن سودانية بتعرف تتكلم
Author: Hussein Mallasi
Date: 11-01-2005, 06:22 PM
Parent: #12
في سهرة اليوم على قناة النيل الازرق؛ استمتعت جداً ببرنامج
نيل يا ليل – او ليل يا نيل - ما فرقت – البرنامج من تقديم
سعد الدين حسن و نسرين سوركتي.
|
Post: #14
Title: Re: احسن سودانية بتعرف تتكلم
Author: Hussein Mallasi
Date: 11-01-2005, 06:30 PM
Parent: #13
موضع البرنامج كان عن الايقاع .... و يا لروعة الايقاع؛
ايقاع الغناء و ايقاع الحديث؛ و قد تمت استضافة كل من:
الفنان الضخم جمال حسن سعيد
الحكم الضخم – برضو – درمة
الفنان مجاهد عمر
الفنانة ندى القلعة
و الاستاذة اروى الربيع ... احسن من تتحدث
|
Post: #15
Title: Re: احسن سودانية بتعرف تتكلم
Author: Hussein Mallasi
Date: 11-01-2005, 06:34 PM
Parent: #14
على الرغم من ان الغناء كان لمجاهد و القلعة؛
الا انني طربت لحديث اروى اكثر – بكثير - من طربي للغناء.
|
Post: #16
Title: Re: احسن سودانية بتعرف تتكلم
Author: Hussein Mallasi
Date: 11-01-2005, 06:40 PM
Parent: #15
طبعاً غني عن القول ان الغناء كان من اجود ما يكون؛
و لمن يستغربون اسم مجاهد عمر اقول بأنه ذلك الفنان الذي بدأ مع عقد الجلاد
في بداية ظهورها؛ يعني المجموعة الاولى ديك الكان فيها بالاضافة لمجاه؛ منال؛
انور؛ شمت و عوض الله.
|
Post: #17
Title: Re: احسن سودانية بتعرف تتكلم
Author: Hussein Mallasi
Date: 11-01-2005, 06:42 PM
Parent: #16
و بالمناسبة انا رأيي ان مجاهد قد احسن صنعاً بتركه عقد الجلاد.
و ان كان لي ان انصح احداً؛ فانني انصح شمت بترك المجموعة؛
اذ لا يمكن ان يحصر نفسه في هذا الدور كم و عشرين سنة .. او اقل قليلا!
|
Post: #18
Title: Re: احسن سودانية بتعرف تتكلم
Author: Hussein Mallasi
Date: 11-01-2005, 06:48 PM
Parent: #17
تفاجأت في هذه السهرة بأن غناء ندى القلعة اجود بكثير مما كنت اظن!
|
Post: #19
Title: Re: احسن سودانية بتعرف تتكلم
Author: Hussein Mallasi
Date: 11-01-2005, 06:49 PM
Parent: #18
المهم؛ فعلى الرغم من انني من من لا يعجبهم الصيام في رجب؛
الا انني انبهرت بحديث اروى !
|
Post: #20
Title: Re: احسن سودانية بتعرف تتكلم
Author: Hussein Mallasi
Date: 11-01-2005, 06:58 PM
Parent: #19
تحدثت اروى عن الايقاعات حديث العارف؛ و حتى مداخلاتها الاخرى
في المواضيع الجانبية كانت "ما يحتاج".
|
Post: #21
Title: Re: احسن سودانية بتعرف تتكلم
Author: Hussein Mallasi
Date: 11-01-2005, 07:08 PM
Parent: #20
المفاجأة التانية؛ و التي لم اتفاجأ بها الان؛ بل تفاجأتها
منذ زمن؛ هي ان جمال حسن سعيد ليس كما يظنه البعض
عبارة عن ممثل كوميدي ساكت.
ياخي دا قال قصيدة؛ حاجة ما معقولة؛
قصيدة ذكرتني بقصيدة عاصم الحزين بتاعت:
النافرات خلهن اقرع الواردات ( مش كدا صاح!)
لم اسمع قصائد بهذه الطريقة الا من الحزين ..... و جمال.
|
Post: #22
Title: Re: احسن سودانية بتعرف تتكلم
Author: Hussein Mallasi
Date: 11-01-2005, 07:12 PM
Parent: #21
اما درمة فلو كان لقي ليهو لاعب كورة حايم في ذلك الاستديو
او الاستديو المجاور له ... لكان قد قام بتفطيسه*!
_____
* درمة يفطس اللاعب و ليس العكس!
و بدون سبب!!
|
Post: #23
Title: Re: احسن سودانية بتعرف تتكلم
Author: Hussein Mallasi
Date: 11-01-2005, 07:18 PM
Parent: #22
مقدمة البرنامج سألتو:
- ما حصل قبل كدا يا درمة اللعيبة سكوك و انت جريت!
غايتو لو لم تكن سيدة هي التي القت ذلك السؤال؛
لكان الجميع يبحث الان عن اورنيك 8.
|
Post: #24
Title: Re: احسن سودانية بتعرف تتكلم
Author: Hussein Mallasi
Date: 11-01-2005, 07:31 PM
Parent: #23
بالمناسبة حكمي السابق عن ان اروي تعتبر في - نظري - احسن سودانية بتعرف تتكلم
لا علاقة له بالمقارنة بين حديثها و حديث ندى القلعة!
|
Post: #25
Title: Re: احسن سودانية بتعرف تتكلم
Author: ود المايقوما
Date: 11-02-2005, 01:53 AM
Parent: #1
العزيز / حسين ملاسي
لك التحية
وكل عام والجميع بخير
اها انا من هنا ادعوك تحضر سهرة ثاني يوم العيد في قناة النيل الازرق .
وبعدين تورينا رايك .( السهرة مع النور الجيلاني ( الطرزان) )
وارقد آمن
|
Post: #27
Title: Re: احسن سودانية بتعرف تتكلم
Author: Mohamed Adam
Date: 11-02-2005, 03:44 AM
Parent: #1
لكل المتداخلين بهذا البوست:
كل عــام وأنتم بخيًر.
نتمني لكم العفو والعـــافيًه.
|
Post: #28
Title: Re: احسن سودانية بتعرف تتكلم
Author: هميمة
Date: 11-02-2005, 05:18 AM
Parent: #1
ملاسى ..................
شاطر
لاول مره .............
|
Post: #31
Title: Re: احسن سودانية بتعرف تتكلم
Author: Hussein Mallasi
Date: 11-02-2005, 06:23 AM
Parent: #28
Quote: ملاسى ..................
شاطر
لاول مره ............. |
كيف لأول مرة يا هميمة!!
اظنك ما متابعا السجال - العبثي - الدائر بيني من جانب
و بين مولانا و السيد العفيف من جانب آخر!!
|
Post: #32
Title: Re: احسن سودانية بتعرف تتكلم
Author: Hussein Mallasi
Date: 11-02-2005, 06:25 AM
Parent: #31
اقصد ذلك السجال الزروالي!
|
Post: #29
Title: Re: احسن سودانية بتعرف تتكلم
Author: هميمة
Date: 11-02-2005, 05:37 AM
Parent: #1
اروى ............ سودانية قلبا وقالبا
تخرجت من القانون .... فى تزامن مع دراستها
للموسيقى نالت ماجستير فى الدراسات السودانيه
كان موضوع الرساله :
حول تاثير ايقاع التم تم فى اغانى البنات
لها اسهامات كبيره حول قضايا المراه فى غير تكلف
او مزايدات هى حقا مثال للبنت السودانيه المنقرضه
|
Post: #30
Title: Re: احسن سودانية بتعرف تتكلم
Author: waleed500
Date: 11-02-2005, 05:51 AM
Parent: #29
اروى اروى اروى
سالت منها بصوت عالى.... زولة عجيبة وفى زمن عجيب
تمتلك كل حاجه...ياريت لو بنات بلدى كلهم اروى
|
Post: #33
Title: Re: احسن سودانية بتعرف تتكلم
Author: ود الباوقة
Date: 11-02-2005, 06:42 AM
Parent: #30
Quote: تحدثت اروى عن الايقاعات حديث العارف؛ و حتى مداخلاتها الاخرى
في المواضيع الجانبية كانت "ما يحتاج". |
مالاسي .. عيدك مبارك .. صدقت القول .. حضرت سهرة الامس وفعلا الاستاذة اروى احسن سودانية تتكلم واحسن سودانية في الاناقة وخفة الدم اذا سمحت لي بالاضافة يا ملاسي ..
|
Post: #34
Title: Re: احسن سودانية بتعرف تتكلم
Author: mutwakil toum
Date: 11-02-2005, 09:13 AM
Parent: #33
من قصيدة (حلة من الأحلام) للفنان الشامل جمال حسن سعيد
بيني وبينك
حلة من الأحلام
والصمت والحيرة
أحلامك ناصية في شارع البال
والسيرة ،،،
عادية ومسالمة وخطيرة
متاخمة سواحل في الروح
ما احلى صفات الجيرة
مين الدوزن عصب اللحظة
وايقظ فيني ملامح الغيرة
----------------------------------
انا شفتها من قصيدة (كذا حلمة)
* * *
خليت عنواني في الرملة
الهواء لو مسح الجملة
وضيع كل العنوان
اترى بتلقيني في حلمة
في شط النيل النعسان
تلقيني بغسل فرحان
وجداني قميصو الشربان
**
انا شفتها
بين الوقار والإشتهاء
عز الألم والقهقها
انا شفتها شبهتها
ياها الحبيبة الرايحة
في لج الصخب
البدد الريح اسمها
وداسة في الغيم اللقب
انا شفتها وشبهتها الماشة في شارع التعب
الهمّ متكل بالشعب
انا شفتها
سلام يا ملاسي وكلو سنة وانت طيب ومتعافي
|
Post: #35
Title: Re: احسن سودانية بتعرف تتكلم
Author: Hussein Mallasi
Date: 11-02-2005, 09:50 AM
Parent: #34
كل سنة و انت طيب يا ود المايقوما
Quote: اها انا من هنا ادعوك تحضر سهرة ثاني يوم العيد في قناة النيل الازرق .
وبعدين تورينا رايك .( السهرة مع النور الجيلاني ( الطرزان) ) |
لا احتاج لحضور السهرة حتى اقول رأيي؛
فالسهرة ان اقتصرت على الغناء فستكون 120 في المية.
و ان تخللتها حوارات قصيرة؛ فسأعتبرها مثل الاعلانات التجارية
التي تتخلل البرامج و استغلها لاقضي في خلالها حاجاتي؛
و بذا ستكون السهرة 100 في المية.
اما ان كانت السهرة عبارة عن حوار مع الفنان الكبير النور الجيلاني
فستكون سبعة في المية*.
______
* ربما تكون تلاتة في المئة؛
فالتحديد القطعي من الصعوبة بمكان!
|
Post: #37
Title: Re: احسن سودانية بتعرف تتكلم
Author: Hussein Mallasi
Date: 11-02-2005, 10:17 AM
Parent: #35
زمان قبل كم و عشرين .. تلاتين سنة؛ كنت قد شاهدت سهرة تلفزيونية
عن نفس الموضوع – موضوع الايقاع – و كان البرنامج قد استضاف
الماحي اسماعيل* و ربما الصلحي؛ فقد بهتت الذاكرة.
الا ان الذي لا انساه هو حديث الماحي اسماعيل؛ فقد كانت المرة الاولى – حينها –
التي اسمع فيها ان الانسان يسير و يتحرك و يتنفس بايقاع؛ و ان الكون يسير بايقاع .
و ان الحياة ان اختل ايقاعها اختلت.
________
* الماحي اسماعيل و ليس
الماحي سليمان .. فقط للتأكيد.
|
Post: #38
Title: Re: احسن سودانية بتعرف تتكلم
Author: Hussein Mallasi
Date: 11-02-2005, 10:30 AM
Parent: #37
كل سنة و انت طيب يا لؤي
و تحياتي عبرك لأروى؛كمال؛ احمد و اندي؛
اذ ان معرفتك بهذه الاسرة الجيدة .. تبدو جيدة.
و اشكرك مرتين على احضارك لهذه اللنكات؛
فقد فاتني الاطلاع عليها في حينه.
|
Post: #39
Title: Re: احسن سودانية بتعرف تتكلم
Author: معتز تروتسكى
Date: 11-02-2005, 10:40 AM
Parent: #38
ملاسى
جينا نبارك العيد ونقول
ويديك الصحه والتوفيق انتوالعيال
وتتحق الامانى السنه دى قبل الجايه
كل سنه وانت طيب..
والتحيه ايضا للاستاذه ارؤى..
فعلا كما ذكرت
| Quote: احسن سودانية بتعرف تتكلم |
لكن برضو حواء السودانيه ولاده..
هميمه دى ما ماليه عينك
التحاياالنواضر
|
Post: #40
Title: Re: احسن سودانية بتعرف تتكلم
Author: Hussein Mallasi
Date: 11-02-2005, 10:57 AM
Parent: #39
و انت طيب يا محمد ادم؛
اعاده الله عليك بما تحب و تتمنى.
|
Post: #41
Title: Re: احسن سودانية بتعرف تتكلم
Author: شمهروش
Date: 11-02-2005, 11:41 AM
Parent: #40
| Quote: قبل كم وعشرين ... تلاتين ياعمو ملاسي اتاريك من زمان خالص |
نهنئ الجميع بعيد الفطر المبارك
أساسي يا خوي طلعتا زكاة المدام ما تكون نسيت
|
Post: #42
Title: Re: احسن سودانية بتعرف تتكلم
Author: Hussein Mallasi
Date: 11-02-2005, 12:29 PM
Parent: #41
و انت طيب يا تروتسكي.
Quote: لكن برضو حواء السودانيه ولاده..
هميمه دى ما ماليه عينك |
تعرف يا معتز؛ بعد ان كتبت العنوان خطرت ببالي هميمة؛
لذا استدركت و كتبت:
Quote: ربما لا تكون احسن سودانية بتعرف تتكلم؛ الا انها – قطعاً – من احسن
السودانيات المتحدثات. |
|
Post: #43
Title: Re: احسن سودانية بتعرف تتكلم
Author: Hussein Mallasi
Date: 11-02-2005, 01:18 PM
Parent: #42
| Quote: ياعمو ملاسي اتاريك من زمان خالص |
ازمن مما يظن امير عبد الماجد يا شمهروش!
|
Post: #44
Title: Re: احسن سودانية بتعرف تتكلم
Author: هميمة
Date: 11-02-2005, 01:18 PM
Parent: #1
ماشى كويس فى الكلام لكن فى ذمتك دى
كان فى داعى للراجلين الصفر
ابان نضارات ديل ؟؟؟؟؟؟؟؟؟؟؟؟؟؟؟؟؟؟؟؟
|
Post: #45
Title: Re: احسن سودانية بتعرف تتكلم
Author: Hussein Mallasi
Date: 11-02-2005, 01:28 PM
| Quote: زولة عجيبة وفى زمن عجيب تمتلك كل حاجه ... |
اممممممم ... عبارة شاملة مانعة يا وليد ال قسم السيد؛
اختصرت كل ما كنت اريد قوله.
|
Post: #48
Title: Re: احسن سودانية بتعرف تتكلم
Author: Munir
Date: 11-02-2005, 02:21 PM
Parent: #45
الظريف يا ملاسي أن الواحد بيكون بيقرأ في بوستاتك وهو بيكون جاكي لتحت ـ سكرولينق داون ساااي ـ يعني قزقزة ـ حبة حبة ـ و لغاية ما يصل نهاية البوست يكون فرق المويات  ـ مش زي كتاباتنا الطويلة ومسيخة ـ الواحد تلقاه يقرأ السطر مرتين وهو يظن أنه نزل السطر التحته ـ دا لو ما قرأ سطر وفط سطر ـ
كل عام وانتم بخير ـ
|
Post: #46
Title: Re: احسن سودانية بتعرف تتكلم
Author: فرح
Date: 11-02-2005, 01:39 PM
ملاسىىىىىىىى
يا لذيذ يا رايق
كل سنه وانت طيب
|
Post: #47
Title: Re: احسن سودانية بتعرف تتكلم
Author: فرح
Date: 11-02-2005, 01:40 PM
ملاسىىىىىىىى
يا لذيذ يا رايق
كل سنه وانت طيب
|
Post: #49
Title: Re: احسن سودانية بتعرف تتكلم
Author: Hussein Mallasi
Date: 11-02-2005, 03:41 PM
Parent: #47
لا يفوق اعجابي بطلاقة اروى في الحديث الا إعجابي
بالفنانة المصرية بشرى.
|
Post: #50
Title: Re: احسن سودانية بتعرف تتكلم
Author: Hussein Mallasi
Date: 11-02-2005, 04:03 PM
Parent: #49
سلامات يا متوكل
لعلك بخير و عساك من عواده.
عساك من عواده دي ذكرتني بعبود عندما ذهب للعمرة للمرة الاولى؛
و كان ذلك في اخر رمضان قبال كذا سنة؛ و في اول يوم في العيد شبكنا ليك:
- من العايدين .. من الفايزين!!
و الف شكر لايرادك قصيدة جمال حسن سعيد.
|
Post: #51
Title: Re: احسن سودانية بتعرف تتكلم
Author: عبدالماجد فرح يوسف
Date: 11-02-2005, 05:40 PM
Parent: #50
أظنك عرفتي عواصفك مهبي
أباري في خيالك يسوقني ويودي
ونهرك يعدي ويجهل مصبي
هواجسي البتزرع وظني البربي
...
بديتك خواطر بتصحي وتساور
وطيفك يزاور وروحك تحاور
.........
.....
...
.
العزيز ملاسي
عيد سعيد وكل عام وأنت بخير
فقط, علي الطريقة الملاسية,..
قد يكون من المفاجئ أن تعلم يا ملاسي أن جمال حسن سعيد هو شاعر "أظنك عرفتي" التي يتغني بها الراحل الحاضر مصطفي سيد أحمد.
مودتي
|
Post: #53
Title: Re: احسن سودانية بتعرف تتكلم
Author: Hussein Mallasi
Date: 11-02-2005, 08:54 PM
Parent: #51
سلامات يا عبد الماجد و كل سنة و انت طيب
Quote: قد يكون من المفاجئ أن تعلم يا ملاسي أن جمال حسن سعيد هو شاعر
"أظنك عرفتي" التي يتغني بها الراحل الحاضر مصطفي سيد أحمد. |
فعلاً كان من المفاجئ جداً يا عبد الماجد ان اعلم ذلك؛
بس حدث ذلك منذ زمن.
Quote: المفاجأة التانية؛ و التي لم اتفاجأ بها الان؛ بل تفاجأتها
منذ زمن ؛ هي ان جمال حسن سعيد ليس كما يظنه البعض
عبارة عن ممثل كوميدي ساكت. |
|
Post: #52
Title: Re: احسن سودانية بتعرف تتكلم
Author: فيصل نوبي
Date: 11-02-2005, 07:45 PM
Parent: #1
الاستاذ حسين ملاسي كل سنة وانت طيب
و يعيدو عليك بالخير يا رب
| Quote: تفاجأت في هذه السهرة بأن غناء ندى القلعة اجود بكثير مما كنت اظن! |
دي سجيمان ما سمعك فيها كان جا ناطي قال ليك من زمان ما قلنا
تهريجة
درمة ده موضوع تاني طويييييييل
طبعا جار وليد محمد المبارك ( الشفت )
و العائلة كلها درمة
|
Post: #54
Title: Re: احسن سودانية بتعرف تتكلم
Author: saadeldin abdelrahman
Date: 11-02-2005, 10:49 PM
Parent: #1
العزيز ملاسي
كل سنة وانت طيب
انت قصدك السودانيات مابعرفن اتكلمن ولا أيه 
|
Post: #55
Title: Re: احسن سودانية بتعرف تتكلم
Author: Hussein Mallasi
Date: 11-03-2005, 00:13 AM
Parent: #54
كل سنة و انت طيب يا ود الباوقة
Quote: احسن سودانية تتكلم واحسن سودانية في الاناقة
وخفة الدم اذا سمحت لي بالاضافة يا ملاسي .. |
يعني زي ما قال وليد:
و بذا لم تتركوا اضافة لمستضيف!
|
Post: #56
Title: Re: احسن سودانية بتعرف تتكلم
Author: إيمان صالح
Date: 11-03-2005, 07:53 AM
Parent: #1
حسين ملاسي صحاح المنبر والجرايد والتلفزيون كل سنة وانت طيب ياموزع الابتسامات الخضراء في صحراء الهموم. شكراً على موضوعاتك الظريفة وعليك الله ماتمرق لي في كلامي دا غلطات انا زولة جديدة. الله يكتر لينا من الزي اروى في بلدنا ويرفعن راسنا وسلم عليها يالؤي هي واسرتها
ايمان
|
Post: #57
Title: Re: احسن سودانية بتعرف تتكلم
Author: Hussein Mallasi
Date: 11-03-2005, 12:55 PM
Parent: #56
| Quote: حسين ملاسي صحاح المنبر والجرايد والتلفزيون |
بالاضافة لذلك فانا ناقد رياضي لا يشق لي غبار؛
و سباح ماهر.
تحياتي يا ايمان و كل سنة و انت طيبة.
و المنبر نور.
|
Post: #58
Title: Re: احسن سودانية بتعرف تتكلم
Author: Hussein Mallasi
Date: 11-04-2005, 01:59 AM
Parent: #57
منير المنير
كل سنة و انت طيب
ليت لي مقدرتك على الكتابة التحليلية المطولة المنيرة؛
و المنيرة هذه غير النيرة التي انتشرت مثلما كانت التصاوير
ستنتشر لولا ان تداركناها في مهدها!!
|
Post: #59
Title: Re: احسن سودانية بتعرف تتكلم
Author: Hussein Mallasi
Date: 11-04-2005, 06:12 AM
Parent: #58
و انت طيب يا فرح؛
و بالمناسبة؛ يومداك سعدت جداً برؤيتك.
|
Post: #60
Title: Re: احسن سودانية بتعرف تتكلم
Author: Hussein Mallasi
Date: 11-04-2005, 06:18 AM
Parent: #59
بمناسبة الايقاعات؛ اكاد اجزم ان أي عازف ايقاع بيعرف يغني؛
و بيكون عندو حس عالي جداً ... جداً جداً.
عشان كدا؛ ففناني المفضل الايام دي هو ريكو !
|
Post: #61
Title: Re: احسن سودانية بتعرف تتكلم
Author: saadeldin abdelrahman
Date: 11-04-2005, 06:25 AM
Parent: #60
جلانا عديل أستاذنا
طيب ادينا حلاوة العيد ساكت هههه
|
Post: #62
Title: Re: احسن سودانية بتعرف تتكلم
Author: Hussein Mallasi
Date: 11-04-2005, 06:45 AM
Parent: #61
لولا دخول ايمان يا سعد الدين لكان الرد قد ادركك؛
و هي الملامة - قطعاً – و ليس العبد لله.
كل سنة و انت طيب.
|
Post: #63
Title: Re: احسن سودانية بتعرف تتكلم
Author: Hussein Mallasi
Date: 11-04-2005, 06:47 AM
Parent: #62
سلامات يا نوبي؛
هو بالله سجيمان زمو دا كلو بيقصد جودة اداء الغنائي للقلعة !
اكاد لا اسامح نفسي لسوء تأويلي!!
Quote: درمة ده موضوع تاني طويييييييل
طبعا جار وليد محمد المبارك ( الشفت ) |
هو لو كان جار درمة اسمو الشفت؛ امال درمة شخصياً يكون كيف!
الله يكون في عونكم يا وليد!!
|
Post: #64
Title: Re: احسن سودانية بتعرف تتكلم
Author: Hussein Mallasi
Date: 11-05-2005, 04:16 AM
Parent: #63
على الرغم من ان اللبنانيين اسياد الكلام؛ الا انني
اظن ان ناصر قنديل و كريم بقرادوني يمكنهم الفوز
في مسابقة اختيار اكلم اتنين في لبنان!!
هذا في حالة سمح لهم دتليف ميليس بالمشاركة في هذه المسابقة!!
|
Post: #65
Title: Re: احسن سودانية بتعرف تتكلم
Author: Hussein Mallasi
Date: 11-05-2005, 05:21 AM
Parent: #64
اما ان اشتركوا في مسابقة الكلام الاقليمية؛ فسيحتلون – قطعاً -
المركز الثاني خلف السيد عمر احمد قدور.
|
Post: #66
Title: Re: احسن سودانية بتعرف تتكلم
Author: Hussein Mallasi
Date: 11-05-2005, 05:54 AM
Parent: #65
الفرق بين الفائزين في مسابقة الكلام الاقليمية و بين احسن من يتكلمون
- مثل ناس اروى الربيع - ان فئة ناس اروى بتعرف متى تتحدث و متى تصمت
و متى تنصت !!
|
Post: #67
Title: Re: احسن سودانية بتعرف تتكلم
Author: Hussein Mallasi
Date: 11-05-2005, 02:16 PM
Parent: #66
مرة ركب معنا عوض – الطبيب لاحقاً – الترام من محطة الرمل؛ عرفنا من خلال حديثه
المتواصل انه ذاهب إلى شقته في الابراهيمية؛ المهم؛ عندما تحرك الترام من محطة الابراهيمية؛
و عوض مسترسل في حديثه المتصل اضطررت لمقاطعته؛ متسائلاً باشفاق:
- يا عوض انتا مش قلتا نازل في الابراهيمية!
فرد:
- ما مشكلة؛ بقدمكم لكيلوباترا و برجع ... اهو الواحد يتونس شوية!!
_______
سيكون تريب عوض متقدماً ان فكر في الاشتراك في تلك المسابقة الاقليمية!
|
Post: #68
Title: Re: احسن سودانية بتعرف تتكلم
Author: معتز تروتسكى
Date: 11-05-2005, 02:33 PM
Parent: #67
عزيزى ملاسى
التحايا النواضر
قايتو انا عربى ماباكل معاك عيش لكن دى
ليه ماكلمتنى عشان نعمل تحدى..
انت بتعوم شنو او بتحب شنو فى ديل..
بريست ولا باك ولا فراشه ولا حره..
اما بخصوص موضوع احسن سودانيه
بالاضافه الى اروئ وهميمه
تذكرت انسانه اعزها جدا والجا اليها كنت
فابنها صديقى ودفعه الا وهي
امال سراج
يديها العافيه..
|
Post: #69
Title: Re: احسن سودانية بتعرف تتكلم
Author: هميمة
Date: 11-06-2005, 04:58 AM
Parent: #1
لعزيز ملاسى
خليك من الحديث الزروالى انا ابصم بالعشره انك ذهبت لتلك المسرحيه وفى ذهنك تيموليت !!
ودعنى اخص هذا البوست برساله ارسلها لى الاستاذ خاتم عدلان بتاريخ 1/14 2005
ا
اى قبل وفاته بشهرين واستميح اروى الربيع فى نشرها بعد ان فاضت روحه الطاهره
صباح الخير
إستمعت البارحة، وبالصدفة المحضة، بالحديث العذب للأستاذة أروى الربيع في الفضائية السودانية، حول الثقاقة. وتابعت التسلسل الهادئ لمنطقها القوى، ونسفها السديد لأيديولوجيا التأصيل الثقافي، التي تريد أن تفسد حقل الثقافة كما أفسدت الفكر الديني. كما استمتعت كذلك بسباحتها الأنيقة في مجال التنظير الموسيقي. أرجو أن تشكريها كثيرا نيابة عني، وأن توصلي لها هذه الرسالة.
خاتم
...
|
Post: #70
Title: Re: احسن سودانية بتعرف تتكلم
Author: Hussein Mallasi
Date: 11-06-2005, 06:22 AM
Parent: #69
ما اظنك برضو يا معتز تاكل معاي عيش
في 100 كرول و 800 بريست!
|
Post: #71
Title: Re: احسن سودانية بتعرف تتكلم
Author: Hussein Mallasi
Date: 11-06-2005, 08:17 PM
Parent: #70
سلامات يا هميمة
بعد ايرادك لحديث الخاتم لم تعد هنالك زيادة لمستزيد.
|
Post: #72
Title: Re: احسن سودانية بتعرف تتكلم
Author: nashaat elemam
Date: 11-07-2005, 00:56 AM
Parent: #1
العزيز ملاسي
كل عام وانت بهذا الجمال..
لم تتح لي فرصة مشاهدة تلك السهرة.. لكن حقيقة أن اروى الربيع من اجود المتحدثات فصاحة وبياناً اتفق معك تماماً.. ولها العديد من الأسهامات الأدبية القيمة التي تنبئك عن مدى ثقافة هذه الأروى الربيعية
|
Post: #74
Title: Re: احسن سودانية بتعرف تتكلم
Author: إسماعيل حميم
Date: 11-07-2005, 06:43 AM
Parent: #72
ملاسي
ســـلامات
وكل سنة وإنت والأسرة بخير وعافية
تآمين ولامين ناس بحري والعودة .. قول آمين
والله يبدو اننا لسنا من أصحاب (البخت) بعدم
حضورنا لهذا الذي الجمال أراه من إنعكاس رؤيتكم
النيرة (وليست المنيرة) والمتداخلون ... فهل لنا
من النيل الأزرق بالإعادة.
همسة:
إلتقيت علي ضفة النيل الشرقية في جنوب الكاملين
بمن دار الحديث معه عنا وعنكم... والتكملة عند اللقاء
في داره.
إسماعيل حميم
|
Post: #75
Title: Re: احسن سودانية بتعرف تتكلم
Author: Hussein Mallasi
Date: 11-08-2005, 05:10 AM
Parent: #72
سلامات يا نشأت
كل سنة و انت طيب و شكراً على الاضافة.
|
Post: #73
Title: Re: احسن سودانية بتعرف تتكلم
Author: عمر الفاروق
Date: 11-07-2005, 02:00 AM
Parent: #1
سحس :
ملّاسينا..
كل سنة وإنت طيب يا راجل والسنة دي على كيفك ..
بس عايز أضيف زولة تانية برضو أحسن سودانية بتعرف تتكلم ممكن ؟؟؟
إسمها سارة أبّو !!!!!
|
Post: #76
Title: Re: احسن سودانية بتعرف تتكلم
Author: waleedi399
Date: 11-08-2005, 05:29 AM
Parent: #73
حسين ملاسي ..
عيد سعيد وكل عام وانت بالف خير
دا مرور متثاقل .. ابو القدح على وشك الوصول
قالوا الحكة ولا صمت الخشم
السودانية دي، بيضاء مكوية؟؟
|
Post: #77
Title: Re: احسن سودانية بتعرف تتكلم
Author: Hussein Mallasi
Date: 11-08-2005, 09:42 AM
Parent: #76
و هل تعلم يا عمر الفاروق بانك
احسن سوداني بتعرف تقعد الناس في علبها!!
|
Post: #79
Title: Re: احسن سودانية بتعرف تتكلم
Author: waleedi399
Date: 11-08-2005, 12:58 PM
Parent: #73
| Quote: بس عايز أضيف زولة تانية |
123 في الماسنجر ولا شنو
كم نفتقدها هنا يا عمر .. كل سنة وانت طيبة يا زولة
|
Post: #80
Title: Re: احسن سودانية بتعرف تتكلم
Author: Hussein Mallasi
Date: 11-08-2005, 04:56 PM
Parent: #73
سلامات يا حميم
Quote: إلتقيت علي ضفة النيل الشرقية في جنوب الكاملين
بمن دار الحديث معه عنا وعنكم... والتكملة عند اللقاء
في داره. |
التقيت به اليوم و حدثني بما كنت أعلم!
فاطنابه في الثناء عليك/م اقل قليلاً مما لو كنت انا المطنب!!
كل سنة و انت طيب
|
Post: #78
Title: Re: احسن سودانية بتعرف تتكلم
Author: مصدق مصطفى حسين
Date: 11-08-2005, 12:34 PM
Parent: #1
أخى حسين ملاسى
كل سنه و إنت و الجميع طيبيين ،
| Quote: و الاستاذة اروى الربيع ... احسن من تتحدث |
معاك ألف حق ،
Quote: عادية ومسالمة وخطيرة
متاخمة سواحل في الروح
ما احلى صفات الجيرة
مين الدوزن عصب اللحظة
وايقظ فيني ملامح الغيرة
|
ما أجمل ( الضخم ) جمال حسن سعيد !!
|
|