بهذا اعلن ان اسماعيل التاج قد اصبح صديقي

Post: #1
Title: بهذا اعلن ان اسماعيل التاج قد اصبح صديقي
Author: Hussein Mallasi
Date: 12-13-2005, 04:04 PM

لم يستغرق الامر سوى اقل من 25 ثانية!

Post: #2
Title: Re: بهذا اعلن ان اسماعيل التاج قد اصبح صديقي
Author: Hussein Mallasi
Date: 12-13-2005, 04:06 PM
Parent: #1

و هي الفترة التي فصلت بين حضوري لتجمع بورداب الخرطوم؛
و بين ان اصبحنا اصدقاء.

Post: #3
Title: Re: بهذا اعلن ان اسماعيل التاج قد اصبح صديقي
Author: Hussein Mallasi
Date: 12-13-2005, 04:10 PM
Parent: #2

يعني تعبي داك كلو راح شمار في مرقة!!

Post: #4
Title: Re: بهذا اعلن ان اسماعيل التاج قد اصبح صديقي
Author: Hussein Mallasi
Date: 12-13-2005, 04:14 PM
Parent: #3

فليذهب تعبي – ذاك – الى الجحيم غير مأسوف عليه؛
و مرحباً بصديقي* الجديد اسماعيل التاج.

__________
على الرغم من حساسيتي المفرطة لاستخدام
كلمة صديقي؛ بسبب كثرة استخدام الاستاذ كمال حسن بخيت لها؛
الا انني لم اجد بد من استخدامها.

Post: #6
Title: Re: بهذا اعلن ان اسماعيل التاج قد اصبح صديقي
Author: Marouf Sanad
Date: 12-13-2005, 04:26 PM
Parent: #4

الاخ حسين ملاسي

صحبة مباركة

Post: #5
Title: Re: بهذا اعلن ان اسماعيل التاج قد اصبح صديقي
Author: Dr Mahdi Mohammed Kheir
Date: 12-13-2005, 04:25 PM
Parent: #3

شكرا يا أخ حسين على هذا الأعلان النيل .

أما هذه:
Quote: يعني تعبي داك كلو راح شمار في مرقة!!

مع عندها حل .. ألا :
"يلملما النمل .. ويطاها الفيل"

Post: #7
Title: Re: بهذا اعلن ان اسماعيل التاج قد اصبح صديقي
Author: حسام يوسف
Date: 12-13-2005, 04:29 PM
Parent: #5

نعم الصديق وهنيئا لك

Post: #8
Title: Re: بهذا اعلن ان اسماعيل التاج قد اصبح صديقي
Author: Hussein Mallasi
Date: 12-13-2005, 04:30 PM
Parent: #5

سلامات يا مهدي

"
Quote: يلملما النمل .. ويطاها الفيل"

غايتو فيل لقاءات بورداب الخرطوم دا
شكلو حيبوظ لينا النظام كلو!!

و بعد دا كلو يغني:
ظلموني ليه ليه ...

Post: #9
Title: Re: بهذا اعلن ان اسماعيل التاج قد اصبح صديقي
Author: Hussein Mallasi
Date: 12-13-2005, 04:33 PM
Parent: #8

كنت استمع للجملة التالية و استنكرها:

هذا؛ و قد تشرف بالسلام على سيادته كل من فلان و فلان!

الا انني اليوم لم اجد انسب منها – ايضاً – لاصف حالي
بعد ان تشرفت بالسلام على فضيلي جماع.

Post: #10
Title: Re: بهذا اعلن ان اسماعيل التاج قد اصبح صديقي
Author: نادية عثمان
Date: 12-13-2005, 05:00 PM
Parent: #9

وسعيدة انا بلقائى بك ايها النبيل حسين ملاسى فى ملتقى الخرطوم الجامع حبا وخيرا وجمالا ..

ومبروك عليك الصحبة الجديدة ..

يااااااااااارب عثمان محمد صالح يجيكم الخرطوم زيارة وانا على يقين من انكم ستكونوا اروع صديقين لانكم .. انت وهو رجال انقياء اوفياء ..

Post: #11
Title: Re: بهذا اعلن ان اسماعيل التاج قد اصبح صديقي
Author: عصمت العالم
Date: 12-13-2005, 05:11 PM
Parent: #10

الاخ العزيز حسين ملاسى..

خير وبركه..وتوقع مريح..يبرز ملامح الطيبه المزروعه فى عمق الانسان السودانى..بكل عفويه وسماحه..وترحاب..بكل احساس ذلك ى ..الود العميق..الذى يمنح الراحه ...ببساطه..والفه..وتواصل..وود
ونحن لازالت دواخلنا تعج بقوافل من طيبه لن ترحل او ترحل.او ترتحل..

وهذا قدر يحسب اليك..
عميق الود والاعزاز

Post: #12
Title: Re: بهذا اعلن ان اسماعيل التاج قد اصبح صديقي
Author: Hussein Mallasi
Date: 12-13-2005, 05:12 PM
Parent: #10

كما شرفنا بالحضور ايضاً فيصل محمد صالح؛
و الذي يبدو اصغر من ابو ساندرا بعشرين سنة على الاقل.
________
ما شاء الله.

Post: #13
Title: Re: بهذا اعلن ان اسماعيل التاج قد اصبح صديقي
Author: الفاتح وديدي
Date: 12-13-2005, 05:26 PM
Parent: #1

(... وكانت جلسة بورداب الخرطوم التي التأم بها شمل منسوبي موقع سودانيز أون لاين لمالكه - سوداني الأصل- الباشمهندس بكري أبوبكر قد شهدت في النصف الأول منها عناقاً تاريخياً جمع بين زعيمي الكتل المتصارعة في (معركة المطار) والتي اندلعت أحداثها من الساحة الخضراء في وقت سابق من هذا العام في أعقاب الرحيل المفجع للأستاذ الخاتم عدلان، لتشهد ساحة خضراء أخرى - تقبع إلى الشرق من المطار هذه المرة وتحمل إسم (منتزه الرياض)- بشارات تدشين مرحلة السلام بين أطراف الأزمة.
يذكر أن جلسة البورداب ليلة الأمس كانت على شرف قدوم الأستاذ فضيلي جماع لأرض الوطن بعد غيبة، وكذلك عودة مولانا إسماعيل التاج، إيهاب الطيب، الإعلامية رشا كشان - والتي اعتذرت في اللحظات الأخيرة عن تلبية الدعوة، كما وشهدت الجلسة ذات الوجوه المكرورة من مغتربي الخليج الذين مللنا وجودهم يبن ظهرانينا لمدة فاقت الثلاثة أشهر على شاكلة المدعو سجيمان ، معتصم دفع الله، وخلافهم، ياخي بالله حسوا وحلوا عن سمانا لو سمحتو...)
نقل لكم هذه التغطية الخبرية
الفاتح وديدي
سودانيز أون لاين
الخرطوم.. من أمام بوابة المنتزه

Post: #14
Title: Re: بهذا اعلن ان اسماعيل التاج قد اصبح صديقي
Author: Walid Safwat
Date: 12-14-2005, 00:18 AM
Parent: #1

ونحن مازلنا نتساءل

منو قال شنو...

اهل الغريق صبروا
والمعزين كفروا

Post: #15
Title: Re: بهذا اعلن ان اسماعيل التاج قد اصبح صديقي
Author: هميمة
Date: 12-14-2005, 00:47 AM
Parent: #1

Quote: لم يستغرق الامر سوى اقل من 25 ثانية!

ملاسى !!!!!!!!1 والله بالغت .... عجبك البوب دا ؟؟؟؟؟؟؟؟؟؟

لولا ان القلق بدا ينتابنى .. من تسارع وتيرة العد التنازلى وسط

اعدائك ........ لقلت اكثر ...............................

...........................................................................!!!

Post: #17
Title: Re: بهذا اعلن ان اسماعيل التاج قد اصبح صديقي
Author: نزار محمد عثمان
Date: 12-14-2005, 00:58 AM
Parent: #15

والله يا جماعة داير أسأل الجلسة دي كانت متين؟ وليه ما أديتونا خبر؟
لكن خايف أطلع غير متابع، أو خارج الشبكة، عموماً تمنيت أن أكون معكم.
ذلك كل مافي الأمر.

Post: #16
Title: Re: بهذا اعلن ان اسماعيل التاج قد اصبح صديقي
Author: mekki
Date: 12-14-2005, 00:58 AM
Parent: #1

ربما قرار صداقتى لهذا الرائع قد أخذ أكثر من ال25 ثانيه
لكن المشوار الذى رافقته فيه من منتزه الرياض الى شارع بيتنا فى الثوره كان كافيا لأعلن على الملأ أن هذا المدعو قد أصبح صديقى أيضا!

Post: #18
Title: Re: بهذا اعلن ان اسماعيل التاج قد اصبح صديقي
Author: عبد الله إبراهيم الطاهر
Date: 12-14-2005, 01:26 AM
Parent: #1

نعم الصداقة يا حبيب ...
بالمناسبة طبعا هميمة عاجبة البوب هي ..!!!!

انت يا ملاسي بكري أبو بكر متين عمل فضائية ؟؟؟؟
صاحبك وديدي قامت عليهو أشواق الماضي أنو يكون مذيع ......!!!! (بعد الجرايد)(وهذه لا يفهمها إلاّ المطلعين على بواطن الأمور) ...

مع محبتي

Post: #19
Title: Re: بهذا اعلن ان اسماعيل التاج قد اصبح صديقي
Author: على محمد على بشير
Date: 12-14-2005, 01:34 AM
Parent: #18

Quote: يااااااااااارب عثمان محمد صالح يجيكم الخرطوم زيارة وانا على يقين من انكم ستكونوا اروع صديقين لانكم .. انت وهو رجال انقياء اوفياء ..

الاخت ناديه
صدقا قلتى ,, ولافض فوك
الا اننى فى انتظار ,, خيرهما من يبدأ بالسلام
وكدى النشوف خيرهما ح يكون منو
ملاسى والا عثمان

تجى نتراهن ؟؟

Post: #20
Title: Re: بهذا اعلن ان اسماعيل التاج قد اصبح صديقي
Author: على محمد على بشير
Date: 12-14-2005, 01:42 AM
Parent: #19

Quote: وكدى النشوف خيرهما ح يكون منو
ملاسى والا عثمان

تجى نتراهن ؟؟

اذا قبلتى الرهان
فأنى اقول بان ملاسى سيأتى اولا ومن ثم يعقبه عثمان

وفى رواية اخرى

سيأتى عثمان اولا ثم يعقبه ملاسى
اها دى خياراتى للرهان
ورينى خياراتك انتى شنو

Post: #21
Title: Re: بهذا اعلن ان اسماعيل التاج قد اصبح صديقي
Author: سفيان بشير نابرى
Date: 12-14-2005, 02:27 AM
Parent: #1

العزيز /

ملاسى...

Quote: لم يستغرق الامر سوى اقل من 25 ثانية!

و ...

Quote: هي الفترة التي فصلت بين حضوري لتجمع بورداب الخرطوم؛
و بين ان اصبحنا اصدقاء.

Quote: يعني تعبي داك كلو راح شمار في مرقة!!

هل يعنى هذا ان تتغير كل مواقفك الموضوعية حيال ما يكتبه الصديق الجديد او اى صديق جديد اخر.

وكذلك ذات السؤال لصديقك الجديد مولانا أسماعيل.

Post: #22
Title: Re: بهذا اعلن ان اسماعيل التاج قد اصبح صديقي
Author: Hussein Mallasi
Date: 12-14-2005, 04:02 AM
Parent: #21

معروف سند
حسام يوسف
سلامات

.. و القول ما قلتم به.

Post: #23
Title: Re: بهذا اعلن ان اسماعيل التاج قد اصبح صديقي
Author: Hussein Mallasi
Date: 12-14-2005, 05:41 AM
Parent: #22

Quote: الاخ العزيز حسين ملاسى..
Quote: عميق الود والاعزاز

و بهذا - أيضا - أعلن أن عصمت العالم قد اصبح صديقي.

Post: #26
Title: Re: بهذا اعلن ان اسماعيل التاج قد اصبح صديقي
Author: ابو جهينة
Date: 12-14-2005, 06:04 AM
Parent: #23

و من لديه إعتراض .. أو لديه ما يمنع هذا فليتقدم الآن ..

أو فليصمت إلى الأبد ..

آمين

***

حسين سلامات

Post: #24
Title: Re: بهذا اعلن ان اسماعيل التاج قد اصبح صديقي
Author: ناذر محمد الخليفة
Date: 12-14-2005, 05:51 AM
Parent: #1

أما عن نفسي شخصيا فإن إسماعيل التاج صار أكثر من صديقي منذ أن هاتفني من مكان عمله في لندن إبان هوجة المنبر التي تلت بوست أبكرينا .. وتحدث معي بكل لطف واخوية ومن ساعتها أحببته قبل أن أراه ..

صنفرة :

وبعد أن رأيته أمس لأول مرة أحسست أنني أعرفه لأكثر من عشرة أعوام على الأقل !!

Post: #25
Title: Re: بهذا اعلن ان اسماعيل التاج قد اصبح صديقي
Author: ahmed haneen
Date: 12-14-2005, 06:00 AM
Parent: #1

اخوي حسين ملاسي

يا دوب عيونك فتحت

سلام

Post: #27
Title: Re: بهذا اعلن ان اسماعيل التاج قد اصبح صديقي
Author: Osman M Salih
Date: 12-14-2005, 06:11 AM
Parent: #1

الأخ المفضال حسين

يسرني ترك بصمتي في هذا
البوست العامر بالصفاء

لك التحايا و مثلها
لضيوفك الكرام
عثمان

Post: #28
Title: Re: بهذا اعلن ان اسماعيل التاج قد اصبح صديقي
Author: Hussein Mallasi
Date: 12-14-2005, 07:11 AM
Parent: #27

سلامات يا نادية

بل نحن من تشرف بلقائك في ذلك اليوم.

Post: #29
Title: Re: بهذا اعلن ان اسماعيل التاج قد اصبح صديقي
Author: Hussein Mallasi
Date: 12-14-2005, 07:22 AM
Parent: #28

سلامات يا علي
(و نادية)
لقد تجاوزت و شقيقي عثمان مرحلة الذي يبدأ بالسلام
لمرحلة السلام بالأحضان.

Post: #30
Title: Re: بهذا اعلن ان اسماعيل التاج قد اصبح صديقي
Author: Osman M Salih
Date: 12-14-2005, 07:27 AM
Parent: #29

أطول الصداقات عمراً و أرسخها جذوراً في الأرض
هي تلك التي تبدأ بعفار كذاك العفار العجيب
( وجه ضاحك وضاحك جداً ) صنعه سوء تفاهم بائس

لك كل يتمناه المرء يا حسين لأهله وللأقربين

Post: #31
Title: Re: بهذا اعلن ان اسماعيل التاج قد اصبح صديقي
Author: AnwarKing
Date: 12-14-2005, 07:53 AM
Parent: #30

عقبالنا(*أعني اللقاء مع مولانا إسماعيل*)....
مبروك يا حسين....ومبروك يا مولانا...

---
أنور

Post: #32
Title: Re: بهذا اعلن ان اسماعيل التاج قد اصبح صديقي
Author: على محمد على بشير
Date: 12-14-2005, 10:07 AM
Parent: #31

الحمد لله ,, فقد فزت بالرهان

جاء عثمان اولا ومن ثم حسين
وجاء حسين ومن ثم عثمان

يعنى خياراتى الاتنين صدقن

Post: #33
Title: Re: بهذا اعلن ان اسماعيل التاج قد اصبح صديقي
Author: نادية عثمان
Date: 12-14-2005, 11:42 AM
Parent: #32

Quote: يعنى خياراتى الاتنين صدقن

على ويعنى وكت الاتنين خياراتك مراهنى فى شنو ؟!!!

احلى شئ الصداقة فى العالم ده والله

Post: #34
Title: Re: بهذا اعلن ان اسماعيل التاج قد اصبح صديقي
Author: Dr. Moiz Bakhiet
Date: 12-14-2005, 12:04 PM
Parent: #33

Quote: لم يستغرق الامر سوى اقل من 25 ثانية!

كتيرة والله........

Post: #35
Title: Re: بهذا اعلن ان اسماعيل التاج قد اصبح صديقي
Author: حاتم الياس
Date: 12-14-2005, 01:03 PM
Parent: #34

أعلان.....(غير مدفوع الثمن)

هى ثلاث مرات فقط ألتقيت فيها ملاسى وعلى العابر...صعب جداًالخروج من فيض مودته العامره والتلقائية....

كلام فى الله ساكت!!

حاتم

Post: #36
Title: Re: بهذا اعلن ان اسماعيل التاج قد اصبح صديقي
Author: mamkouna
Date: 12-14-2005, 03:17 PM
Parent: #1

Quote: لم يستغرق الامر سوى اقل من 25 ثانية!

Quote: بهذا اعلن ان اسماعيل التاج قد اصبح صديقي

يعني إختلاف ( الهِجاء أو الهَجاء ) لا يُفسد ( للإعراب أو الأعرَاب ) قضية؟؟؟!!!

Post: #37
Title: Re: بهذا اعلن ان اسماعيل التاج قد اصبح صديقي
Author: Hussein Mallasi
Date: 12-15-2005, 04:22 PM
Parent: #36

سلامات يا وديدي
و لمن لا يعرف؛ فان وديدي هو
الجندي المجهول للقاءات بورداب الخرطوم.
و لديه حس ضيافي – احترافي – عالي

Post: #38
Title: Re: بهذا اعلن ان اسماعيل التاج قد اصبح صديقي
Author: صديق الموج
Date: 12-15-2005, 09:51 PM
Parent: #1

ملاسى يا من كنت ومازلت وسوف تظل صديقى ..لااستطيع ان اصف سعادتى ولا اغالى ان قلت انها تفوق سعادتك اضعاف..ولو تذكر اثناء شكلكم الجميل انت و مولانا اسماعيل كتبت لك انو اسماعيل التاج ده اكثر زول ممكن ينفع معاك مع انه الى الان( لم اتشرف بمشاهدتك) حلوة داخل القوسين دى..وانا لا افتخر ان قلت اننى وصلت درجة القطبية فى معرفة الناس حتى اصبحت ما ان ارى شخص ولو من بعيد اعرف انه زولى ام العكس والحمد لله لم تخذلنى حاستى يوما فى كل ممن توسمت فيهم الخير...التقيت مولانا اسماعيل فى اجازتى السابقة واكتنفنى الرجل كما لو تعارفنا منذ الف عام بدليل التقيته اليوم فى الغد هاتفنى ان اذهب معه لنلبى دعوة من احد البوردابيات وقد كان وفى اليوم الذى تلاه جاء حتى عتبة منزلنا الكائن ود الكائن وذهبنا انا وهو والفاضلابى وتسامرنا الليل نصفه او ينقص قليلا ومشينا ضربنا فول كارب فى الواحة ضحكنا طويلا فى ذلك المكان(اخاله الان يخرج لسانه ضاحكا علينا....المكان) اه يا زمان النزوح...اسماعيل رجل تبدو عليه مخائل الذكاء وامارة الصلاح ذا سمت قروى ابن بلد غير بوب مارلية شعره المجدول..يضحك بلطف حتى كانه ماعاجبو كلامك ولكن للراى بعين السالك يفهم انها ضحكة القلب وما اصطناع الجفاف الا لانه قاضى وذلك الوجه الذى لا ينطرح جميعه الى اخره هو وجه القاضى المالوف ولكنه غير عابس ذلك الاسماعيل ويملك خلق رفيع وخلقة ارفع وادب جم وتواضع مدهش وبراءة اطفال مع حزم مهب يعنى تقدر تقول هيبة اسد فى عيون شدن..وبقية الاشياء السمحة اظنك لمستها..اما انت فيا صدبقى انسان سمح ونوع جده هظار وهظاره جد وليس كما تظهر للناس فخلف هذا الشكل المشاكس قلب رهيف لاحدود لرهافته وهشاشته وانك الصوفى ابن يومه ولكن مع حبة عناد من لايقبل التحدى وهذه صفات الناس السمحين وهذا ما دعانى ان اقول لك اول مرة انه اسماعيل ده زولك..حسين مشكلة البورد انو لو كل زول قابل الناس شخصيا مرة واحدة والله لن تجد مشاكل بين سكان هذا الوطن السمح وقديما قيل الما بعرفك بجهلك..
اخيرا قيل لخال بن صفوان من هو خير اخوانك قال:
من غفر ذللى وقبل عللى ..اهنئكم واتمنى ان نتسامح كلنا،،،

Post: #39
Title: Re: بهذا اعلن ان اسماعيل التاج قد اصبح صديقي
Author: Hussein Mallasi
Date: 12-16-2005, 08:59 AM
Parent: #38

سلامات يا وليد صفوت
Quote: منو قال شنو...

ذكرتني منو قال شنو بالنكتة المصرية التي راجت في
السبعينات بتاعت: محدش ضرب مفيش .... الخ

ثلاثة اصدقاء اسماءهم على التوالي "محدش"؛ "مفيش" و "عبيط".
حدث ان إختلف "محدش" مع "مفيش" خلاف دعى لان يتضاربا؛
فأسرع "عبيط" لقسم البوليس مبلغاً بأن "محدش" قد ضرب"مفيش"
فسأله الضابط المناوب:
- يا وله انت عبيط!
فرد عبيط بتلقائية:
- عرفت ازاي يا بيه!!
_________
صاحبك الظاهر ما عمل حسابو؛
فباغته الديسك في الوقت غير المناسب.

Post: #40
Title: Re: بهذا اعلن ان اسماعيل التاج قد اصبح صديقي
Author: Hussein Mallasi
Date: 12-16-2005, 09:22 AM
Parent: #39

سلامات يا هميمة
Quote: لولا ان القلق بدا ينتابنى .. من تسارع وتيرة العد التنازلى وسط
اعدائك ........ لقلت اكثر ...............................

انا ذاتي القلق بدأ ينتابني!
و لكنه موسم "فك التسجيلات"
الذي يسبق الارشفة نصف السنوية!!

Post: #41
Title: Re: بهذا اعلن ان اسماعيل التاج قد اصبح صديقي
Author: Walid Safwat
Date: 12-16-2005, 04:10 PM
Parent: #1

Quote: و بهذا - أيضا - أعلن أن عصمت العالم قد اصبح صديقي.

كان كدة ياحسين (استاذ حسين سابقا)
ديتك بقت خفيفة خلاس
نظرة بوردية.. ابتسامة تاجية..
كلمة عصمتية (او رد بوستاوي)
.. سلام عثماني..

من ده بكرة بقرشين

Post: #42
Title: Re: بهذا اعلن ان اسماعيل التاج قد اصبح صديقي
Author: Hussein Mallasi
Date: 12-17-2005, 10:27 AM
Parent: #41

سلامات يا نزار
Quote: لكن خايف أطلع غير متابع، أو خارج الشبكة،

فعلاً يا نزار دا الحاصل بالضبط
و الجايات - ان شاء الله - اكتر من الرايحات.

Post: #43
Title: Re: بهذا اعلن ان اسماعيل التاج قد اصبح صديقي
Author: انور الطيب
Date: 12-17-2005, 10:44 AM
Parent: #42

الأخ حسين ملاسي تحياتي لك ولمن معك

وبعد كتبت ك
Quote:
على الرغم من حساسيتي المفرطة لاستخدام
كلمة صديقي؛ بسبب كثرة استخدام الاستاذ كمال حسن بخيت لها؛
الا انني لم اجد بد من استخدامها.

بالطريقة دي ما حا نلقى كلمة نستخدمها ؟ يعني واحدة نخليها لكمال بخيت والأخرى لحسين خوجلي وتالته لاسماعيل حاج موسى ، وهلم جرا ( معليش دي محجوزة للسيد الصادق)

لك خالص الود

Post: #44
Title: Re: بهذا اعلن ان اسماعيل التاج قد اصبح صديقي
Author: انور الطيب
Date: 12-17-2005, 10:44 AM
Parent: #42

الأخ حسين ملاسي تحياتي لك ولمن معك

وبعد كتبت ك
Quote:
على الرغم من حساسيتي المفرطة لاستخدام
كلمة صديقي؛ بسبب كثرة استخدام الاستاذ كمال حسن بخيت لها؛
الا انني لم اجد بد من استخدامها.

بالطريقة دي ما حا نلقى كلمة نستخدمها ؟ يعني واحدة نخليها لكمال بخيت والأخرى لحسين خوجلي وتالته لاسماعيل حاج موسى ، وهلم جرا ( معليش دي محجوزة للسيد الصادق)

لك خالص الود

Post: #45
Title: Re: بهذا اعلن ان اسماعيل التاج قد اصبح صديقي
Author: خالد عويس
Date: 12-17-2005, 11:25 AM
Parent: #44

عزيزي حسين
سعيدون جدا بهذا اللقاء، وسعيدون بالتقارب الحادث الآن بينك يا صديقي وبين صديقي عثمان محمد صالح

Post: #46
Title: Re: بهذا اعلن ان اسماعيل التاج قد اصبح صديقي
Author: Hussein Mallasi
Date: 12-19-2005, 03:12 PM
Parent: #45

كتب سفيان:

Quote: العزيز /
ملاسى...

Quote: لم يستغرق الامر سوى اقل من 25 ثانية!
و ...
Quote: هي الفترة التي فصلت بين حضوري لتجمع بورداب الخرطوم؛
و بين ان اصبحنا اصدقاء.

Quote: يعني تعبي داك كلو راح شمار في مرقة!!
هل يعنى هذا ان تتغير كل مواقفك الموضوعية حيال
ما يكتبه الصديق الجديد او اى صديق جديد اخر.

وكذلك ذات السؤال لصديقك الجديد مولانا أسماعيل.

و اقول له انني استميحه - عذرا -ً في بعض الوقت لافكر في إجابة السؤال!

Post: #47
Title: Re: بهذا اعلن ان اسماعيل التاج قد اصبح صديقي
Author: سفيان بشير نابرى
Date: 12-19-2005, 03:29 PM
Parent: #1

ملاسى ... كيفنك يا اخوى؟؟؟

قلتلى:-
Quote: و اقول له انني استميحه - عذرا -ً في بعض الوقت لافكر في إجابة السؤال!

والله دى ما بلقاها زولاًً زى انا صيدو ناجع

اذنك معاك يا صديقى وصديق صديقى.

Post: #48
Title: Re: بهذا اعلن ان اسماعيل التاج قد اصبح صديقي
Author: Ibrahim Adlan
Date: 12-19-2005, 06:16 PM
Parent: #1

ونشهد نحن الموقعين ادناه بذلك

Post: #49
Title: Re: بهذا اعلن ان اسماعيل التاج قد اصبح صديقي
Author: ناصر محمد خليل
Date: 12-20-2005, 03:45 AM
Parent: #1

التحية للأستاذ ملاسي على شعوره الطيب تجاه الأخرين .