عمو ابو ساندرا

ظننت اني قد بلغت من الكبر عتياً حتى قابلت

العم ابو ساندرا؛ فتأكدت - حينها - اني في شرخ الشباب؛

و لولا التي شيرت الصفراء؛ لما تجرأت على السلام عليه؛

و مخاطبته باسمه مجرداً ........

________

كانت ليلة من ليالي الف ليلة؛

تحققت فيها احدى امنياتي؛

بأن اقابل كانتونا1

و انني من "هذا المنبر"؛ انصح؛ كل من لم يقابل

كانتونا1 شخصياً؛ بالا يتمادى معه في اي خصومة؛

اياً كانت .......

حسين ملاسي:

مشكلتك بتعاين للناس والأشياء من بره ، من الخارج وبتفوت على نفسك متعة تأمل الناس والأشياء في عمقها ، في جوهرها ، خدعك الشكل ووقار الشيب وفاتك تمليء القلب البكر ، قلب عامر بحب الناس ، كل الناس ،حتى الذين مازالوا يحنوا لوطن الأجداد في الاستانة ، كلهم ، زنوج وعرب ، نوبة وحلب ، طالما كنا أخوان في الإنسانية وشباب ينضح فتوة برغم الشيب.
بعدين يا سي السيد توركيش ، كم مرة انا حملت على أكتاف لا تنهد الكنبات من أركان الحديقة ،،
وكم مرة تجرست أنت من { عطب الشاسي} وتذرعت بالغضروف فمن هو الشاب بيننا يللا قول الحقيقة،،
وأنت لولا سيارتك الدبل كابين المكندشة ما كان في زول حا يعبرك ، عامل عيونك الخضراء إنت وهالة كمان
بعدين ما تخدعك جهامة كانتونا1 زولك فتشناهو لقيناهو خفيف وبيخاف من المدام ، وعلى العموم مبروك عليك .

في واحدة سألتني قالت لي أوع الزول البيرقش ده يكون حسين ملاسي ، قلت ليها ياهو ذاتو ، قالت لي: طيب ما قلتو ظلامي !! الغبيانة شافتك من بره ،{برضو}

هالة
في الأولى واللا في التانية . الاستانة أم الخضراء؟ الما كان في ليها داعي ، وكل الود لكما

ذهبت لابو - ابي - ساندرا في منزله؛ الساعة ستة و شوية؛

للسلام؛ و الاعتذار عن حضور تجمع بورداب الخرطوم؛

فاذا بي آخر من يعود لمنزله - بعد اللقاء الحافل -

بعد ان تجاوزت الساعة الواحدة صباحاً.

و تعلمت من لقائي بأبو ساندرا ان لا احكم على الناس

بأحكام مسبقة قبل رؤيتهم و التعامل معهم؛

فقد كنت اظنه ظريف فاذا به ظريف جداً؛

و كنت اظنه شاباً؛ فاذا بروحه شابة جداً؛

و كنت اظنه يسارياً؛ فاذا به يأكل الطعام و يتحدث فيما يمكننا فهمه؛

و كنت اظنه احسن من ينظم و يدير رحلة فاذا به احسن من ينظم و يدير رحلة.

كان الحضور حوالي اربعين - مش كدا يا جماعة -

حضر الجميع ما عدا العود؛ ذهبت مع عبدالله الزين و ميرغني

لاحضار العود؛ ثم عدت بعد ان تم التعارف او كاد؛

ففاتني الكثير.

القصص و الانطباعات كتيرة؛

و الواحد ما عارف يبدأ من وين ......

الإبن ملاسي صباحاتك خير
مساء الجمعة الجميلة يوم لا ينسى ففيه قابلنا حبايب البورد.. وبما أنني لا أجيد الوصف فسأكتفي بحكاية ما حدث وتقديم معلومات لمن يريدها

أول هام: من يريد أن يقابل أم ساندرا وساندرا وأخوات ساندرا وأبو ساندرا عليه أن يكون ممن يمتلكون قلبا كاللكوندة... الجماعة ديل بجبروك تحبهم غصبا عنك وعن اللخلفوك... طبعا ما داير أقول ساندرا وأخواتها حلوات عشان بخاف زي ما قال ابوساندرا لكن أم ساندرا بسم الله ما شاء الله عيني باردة.

لكن مشكلتك تكون أكبر لمن يكون من ضمن الحضور بنات خوجلي... ديل بينطبق عليهن قول الشاعر: عجوة معطونة في عسل يعني بلغة السوق: ينبلعن بجزمن من غير موية. يعني أنا بصراحة ما لقيت زولات - بكلام السعوديين - ظريفات زي منى ومنال خوجلي .. الحلو في الموضوع أستاذة منال قاعدة معانا في خرتوم أحمد ... لمن أمشي لندن حألقى منى خوجلي هناك يعني حلا وحمار - بفتح الحاء والميم. ما قالته منى عن اسرتها والاستاذ سيف الجامعة خلاني قربت أبكي وسألت نفسي سؤال يا ربي الحاجات الحلوة دي ما بنعرفها من زمان ليه؟؟؟ نقول ما ليناش في الطيب نصيب... لكن على قول البقارة: (الجفلن خلوهن أقرعوا الواقفات) ومن هنا ولقدام ...

إبننا ملاسي شاب ولا ككل الشباب مؤدب ومستمع جيد وهادئ وأنا بقول للبنات الما عندهن جكس شوفن الزول ما بتلقن زيو بسهولة كان بقى ما عنده جكسوية. دا الببرد أضان المرا وببرد حشاها وبخليها رايقة ومبسوطة .. يعني فرصة ذهبية للعاوزه بس ما تنسونا من الكوميشن نحن ناس سوق.

كثيرون تعرفت عليهم لأول مرة وبعضهم/ن جديد في البورد ولكن كلهم/ن مشروع صداقات حلوة تكون مثمرة فيما يرضي الله ورسوله.

ألمي البارد بقد الدلو

كباشي الصافي

Quote: كان بقى ما عنده جكسوية.

فيك الخير يا كانتونا؛

فأكبر بناتي؛ اصغر قليلاً من اصغر بنات ابو ساندرا.

______

و لمن لم يسعده الحظ برؤية كانتونا شخصياً؛

فيمكنه ان يرى صورة الشيخ موسى هلال؛

و يكون قد وصل لأكثر من 90% من الملامح العامة.

فقط لغرض تقريب الصورة.

كانتونا1
لكن أبتبالغ عديل
مشتاقين علك طيبة وليك وحشة
ابو عيونن خدر ديل عينهم زى الرصاص اعمل حسابك
لكن يا ود النور أحمد الصافي كل البلاقيك يقول لى كباشى التقول كان مقرش ولا خاتنو في فريزر ما داير ليهو عطار لإن الدهر فشل فى إفساده لووول
تحياتي لعسلين عم خوجلي
أذكر كنا زمان بنوصف بيهم ميدان الرابطة يعنى تقول للواحد تركب بي شارع الإمتداد الردمية
تنزل محطة البراميل تتجه غربا تلاقي ليك بيت مضروب أصفر ناسوا كلهم سمحين قدامك طوالي تلقى ميدان الرابطة
جني

سلامات يا جني؛

ترى هل تتحقق الامنية الاخرى و نراك رؤيا العين ....

Quote: تنزل محطة البراميل تتجه غربا تلاقي ليك بيت مضروب أصفر ناسوا كلهم سمحين قدامك طوالي تلقى ميدان الرابطة

صدق الواصف حيث اوفى.

حسين ملاسي:

قلت { ....ظريف جدآ وروحه شابة جدآ }
{ الظرافة} ركوب الجن ! خلينا منها ، كدي نقيف عند {روحه الشابه} دي وعايز تختذلني فيها ، وأنا مصر أن أثبت أن بنيتي وفتوتي متناسبة تمامآ مع روحي { الشابه } والدليل شفتو بعيونك الخضر
قلت { كنت أظنه يساريآ فإذا به يأكل الطعام ، ويتحدث فيما يمكننا فهمه } وكذلك أمشي في الأسواق وأعشق النساء وأعز الأصحاب ، ولا غرابة فنحن يا صديقي { حزبنا } الذي علمنا جئنا للماركسية من بوابة الوطنية السودانية ، وكلنا أبناء تسعة وتربينا في البيوت الطينية وبثقافة ناس بسطاء متواضعين حتى في أحلامهم وأمنياتهم ويستغفرون الله عند الفرح والضحكة المصادرة بوضع اليد على الفم ، وعند الحزن يحمدونه ، وقطعآ يوما ما سنهديك { الماركسية وقضايا الثورة السودانية } وسنهديك سواء السبيل

قلت { أحسن من ينظم ويدير رحلة } وقعدة وندوة وجلسة إستماع ، ومنتدى حوار ، وحلبة ذكر ونوبة , { حلب }
ولك كل الود والتقدير لحسن الظن بنا ، وأوع ما تتمقلب ! B]

ابدأ بالعشاء؛

حيث كان عشاءاً فاخراً؛ التهمته حتى كدت ان اقضي على

العلبة البلاستيكية؛ و اردفته بزجاجة المياة الغازية؛

و من قبل ذلك بما تسير من زجاجات الماء؛

كل ذلك دون ان اسأل عن الداعي؛ و المتكفل بالدعوة؛

لاشكره اولاً على الدعوة و ثانياً على العشاء؛

و ان كنت ارحج ان تكون الداعية الاخت منى

- اقصد بالداعية المتكفلة بتجهيز العشاء -

و عليه اشكرها جزيل الشكر؛ فقد كان عشاءاً لا ينسى.

و ربما يقطع ابو ساندرا شكنا باليقين.

"غايتو حاجة تخجل؛ الزول ياكل بدون ما يشكر الناس "

( وجه محمر خجلاً )

كباشي صافي النور
cantona1
قلت { لكن أم ساندرا بسم الله ما شاءالله ، عيني باردة }
ولا عينك باردة ولا حاجة ، أم ساندرا من ما رجعت من حديقة الطفل ربطت ساقها من شدة الألم ، وكذلك رأسها من الصداع لأول مكرة في حياتها ، أتاريك كنت بتعاين من فوق لي تحت وبالعكس وبعيونك الباردة دي.

على العموم نحن سعيدين جدآ إنو تعرفنا عليك ، وزي ما قال وتعلم الملاسي إنو لا تصدر حكمآ على أحد إلا بعد ما تلاقيهو ، وزمان أنا أصدرت حكم ضدك لما بدأ منك من ظلامية عندما خاطبت { الجنقابية } وقلت هذا ظلامي وعنصري آخر ، لكن لقيتك غير ، ود ناس وإنساني ومن الهامش الذي يقع عليه فعل الإستعلاء العروبي الذنيم.
أول مرة لاقيتك يومها كانت أول مرة أقابل فيها حسين ملاسي الذي تفضل علينا وطوق عنقنا بزيارة كريمة ومقدرة ، وأيضآ أول مرة نشوف هالة الأحمدي ،وكنا كالذين إتولدوا مع بعض ومتعارفين من زمن حق العرفة والمعرفة ، التحية لكم ، وللعزيز الوسيم مامون عجيمي وبنات عوض خوجلي العسل وبنات أبوساندرا الأحلى وأمهن الأعسل
وحتمآ راجعين

Quote: كباشي صافي النور

يا أبا ساندرا سلامين ... الإسم الصحيح: كباشي النور الصافي وكان عاوز الإسم الأصح أسأل جني jinni أنا ذاتي ما عارف جاب اسم أبوي بالكامل من وين؟؟ خايف بعد الصورة دي الجماعة يكملوا بي الكوتشينة الناقصة كرت دي... الشيخ موسى هلال إبن عمي وهو رجل ولا ككل الرجال ... والماقدرين يلحقوه بقوا بجدعوه من بعيد لبعيد.

يا jinni تعال في الماسنجر وقول لي إنت منو ومن وين؟ بعدين نتفاهم..

يا ابا ساندرا الساعة دلوقت 16:35 بتوقيت السودان وبضرب لأم ساندرا وما بترد ويمين ما أرجع بيتي إلا أمشي أزورها وأكفّر ليها... طبعا دي عينك إنت المفارق .. مش بقولوا المفارق عينو قوية وأنت حقتك كمان حارة.

بخصوص الصورة يا ملاسي سوف اعرض صورتي غدا أو بعده ان شاء الله

ألمي البارد بقد الدلو

كباشي الصافي

كباشي:
ياخ انا الأسم عاجبني كده ،{ كباشي صافي النور } مش كل زول حر في الإسم العاجبو ، والله كده أحلى!
وبعدين قبل ما ترجع ياتو بيت ؟B]

ازيكـم ياناس باحـلويين

وصلت لنـدن أمس ظـهرا ومـنزلـي أمـس ليـلا
لابـد مـن الإطـمـئنـان وتقـديـم فـروض الولاء والطاعـة للخليفة عـوض خـوجـلـي والحـاجـة جـارة
انـا تعبـانة الآن سـأرجـع لكـم قريبـا بإذن الله
لكـن لازم أقـوليكـم دلوقـتـي انـي فـاقداكـم شـديد لأنـي احـبكـم كـثير

مـنـي

سلامات يا منى و حمدالله على السلامة؛

و نحن في انتظار عودتك للبوست - و السودان -

و معك بعض من الصور .....

تحياتي للوالد و الوالدة.

أبو ساندرا كبير مافي شك في ذلك .
اما نحن فربما نكون أسن منه أو اقل سناً لا يهم . فهو أكبر في كل الأحوال .

Quote: أبو ساندرا كبير مافي شك في ذلك . اما نحن فربما نكون أسن منه أو اقل سناً لا يهم . فهو أكبر في كل الأحوال .

فعلاً يا تراث.

Quote: في واحدة سألتني قالت لي أوع الزول البيرقش ده يكون حسين ملاسي ، قلت ليها ياهو ذاتو ، قالت لي: طيب ما قلتو ظلامي !! الغبيانة شافتك من بره ،{برضو}

ابو ساندرا تحياتنا.... والله انا ذاتي متخيله السيد ملاسي من النوع ابو لمعه ما عارفه لييه...

بعدين يا سيد رقوش ما عزمتني الرحلة ليييه ؟؟



و شكرا...

Quote: والله انا ذاتي متخيله السيد ملاسي من النوع ابو لمعه

كويس المابقيت من نوع الخواجة بيجو يا شاينق استار.





و لو كنتي في السودان و لم تتم دعوتك تبقى مصيبة.

أطربنا و شنف اذاننا يوم ذاك كل من الفنان قرشي

و الفنان سيف الجامعة.

و انا شخصياً بعتبر انو الفنان سيف الجامعة

احسن فنان سوداني في التلاتين سنة الاخيرة

- او الخمسة و عشرين -

و غنى لنا بحميمية زائدة؛

و كدت اطلب منه ان يغني لنا مريم و مي؛

و كاد ان يرفض !!

اما قرشي؛

فقد اذهلتني كلمات اغانية و صوته الجميل؛ من قبل و من بعد؛

و مقدرته على الغناء و العزف على العود و هو جالس على الارض.

اما الفنان سيف عثمان؛

فلم نسعد بسماعه؛ و ربما يكون السبب اقتراب الحادية عشر؛

او لاصابه اصبعه؛ او لرغبته في الذهاب مبكراً.

و لعلنا نطرب له قريباً؛ اذ سمعت كثيراً عن حسن صوته و ادائه.

بوستي وحدي؛

ادخله وحدي؛

اكتبه وحدي؛

و اقرأه وحدي ......

حسين ملاسى

عبرك احى القامة عمو ابوساندرلا رغم اننى لم احظى بمقابلته ولكن بكلماتك التى تصور لنا ابوساندرا ملكا فيكفى ان اتشرف واكون سادن فى بلاط ابوساندرلا
تحياتى

Quote: فيكفى ان اتشرف واكون سادن فى بلاط ابوساندرلا

سلامات يا حبوب؛

و هل تظن ان ذلك سهلاً؛

يلزمك ان تتقدم بطلب و تأخذ رقماً في صف المتقدمين؛

و تبحث عن واسطة كاربة؛ ثم تراجع في الاجازة القادمة

عن اين وصل ترتيبك في الطابور.

تحياتي

عثمان تراث ،، وأنت كل يوم تكبر فينا ، يا جميل الخصال ، يا صديق ، نشتاق لصوتك في أواخر الليل وأنت في نشوة ، تعبر عنها بأدواتك المريحة والتي تصل مباشرة للقلب ولم تخط طريقها يومآ ، نشتاقك بجد ولفردة جناحك التانية وكت الناس تطير لعوالم الجمال والمتعة والدهشة ،ندعو بلا كلل ان تعودلتؤدي دورها في تثقيفنا ، وندعو أن تظل أنت هنا ترفع الراية معنا في هذا الوطن البديل توطئة لسودان حقيقي وجديد لنج ، عامر المودة ، ولن أبخل على نفسي متعة إنسراب صوتك المتعتع بالنشوة أواخر الليل إلى تلافيف الروح

التحية للاخ ابو ساندرا
و ايضا ليك يا ملاسى
انا لم اتشرف بمقابلة ابو ساندرا .. و لكنى دائم الاحساس بوجوب احترامه .. حتى فى اشد ساعات الخلاف . لانه شخص راقى و مثقف .
----------
بعدين يا ملاسى يندخرلك ..
انت اصلوا ما بتعزم معاك زول فى العشوات ام صحانة بلاستيك دى ؟

Quote: انا لم اتشرف بمقابلة ابو ساندرا .. و لكنى دائم الاحساس بوجوب احترامه .. حتى فى اشد ساعات الخلاف . لانه شخص راقى و مثقف .

امال يا برهان لو قابلتو فيس تو فيس تقول شنو.

و بعدين يا برهان كدي سرب لي تلفونك في الماسنجر الداخلي؛

عشان تاني لو اتعزمتا عشوات ام علباً بلاستيك اشد ليك سلك.

Dear brother Hussein,
Greetings to you and your visitors,
This is only to apologise for not coming back to the post and for not opening another post thanking all of you in Khartoum, you have all given me a good quality of time and a huge happiness. It is out of my hand Hussein, Abu sandra and all, I promise to try to come soon, meanwhile, keep it up!
Muna

سلامات يا منى؛

و في انتظار عودتك؛ و حبذا لو كانت العودة مصحوبة

ببعض صور تلك الامسية؛ فما من شيء يسعد الاعضاء/ات اكثر

مشاهدة صور بعض زملائهم/تهم الاعضاء/ات في تجمعاتهم المختلفة.

طيب؛

بعد ما اتكلمنا عن العشا و الفنانيين الاساتذة

سيف و سيف و قرشي؛

دعوني احدثكم عن بعض الحضور؛

و للاسف في ناس كتيرة جداً ما عرفتها؛ و ان كان ناجي الملك قد

حاول مساعدتي ما وسعه.

احدثكم اولاً عن سعادتي بلقاء كل من ابوبكر الامين؛ و مرتضى الغالي.

قابلتا ابوبكر في بيت ابوساندرا العامر و ذهبنا و عدنا سوياً؛

و ابوبكر من الناس البيخلوك تشعر انك بتعرفهم ليك اربعين سنة.

و مهما اتونستا معاهو بتشعر انو لسه الونسة في ليها باقي.

اما مرتضى الغالي؛ فقد عرفته فور رؤيتي له؛ و ان بدا اصغر* كثيراً

عن الصورة التي كنت اضعها في ذهني عنه.

و حدثنا مرتضى حديث العارف عن اغنية امدرمان و الحقيبة؛

و على الرغم من كثرة ما سمعت عن اغنية امدرمان و الحقيبة

لدرجة التشبع؛ حتى عاد كل ما اسمعه عنها مكروراً؛

الا ان حديث مرتضى كان حديثاً جديداً؛ شدني من البداية للنهاية.

و لو كان في وقت؛ و في زول حافظ مقاطع من الاغنيات الاستشهد بيها مرتضى؛

و غني نماذج منها؛ لكانت ليلة ما تخلص؛ و هي اساساً بدون كدا

كانت ليلة ما تخلص.




* المقصوداصغر سنا؛ فقد وضعنا تراث في في حتة ضيقة.

ملاسى
انا قاعد فى اديس .. بينى و بينك بشاشا مرات عندو حق فى قصة الافرقة دى !
زغنى شديد ، بدون اى (حاجات تانية حاميانى )
اديك الاى بى بتاعى ؟

اهم خمسة حاجات ح اعملها فى السودان تلاتة :
1- اعمل لى تلفون من شركة بشاير
2- اخت ليك النمرة فى المسنجر عشان تقطرنى معاك اى فجة .
ياللا واصل

في الحالة دي يا برهان؛

انت المفروض تعزمنا معاك زغني؛

و بدون اي حاجات تانية؛ و لا حتى لحلح؛

مش اسمو كدا برضو

اعـزائـي
أكـره أن اوعـد وان لا الـتزم...
أرجـو ان تقبـلـوا اعـتذاري وتأخـري عـن الكـتابة...

أمـا عـن الصـور حـسـين

لابـد مـن انتطار عـادل عثمـان ورجـوعـه مـن السـفر فهـو صـاحب الكـاميرا
أمـا عـن كـاميرتـي المتـواضـعة فقد فقـدتـها هـناك وعلـي الأغلب
تركـتها علـي الأرض عـنـد الانتقـال مـن المـكـان الأول للمكـان الثـانـي!!

مـازالت حـلاوة ذكـري تلك الأمسـية قـوية فـي دواخـلـي...
لكـم كـل الحـب والـي لقـاء أتمـنـي ان يكـون قـريبـا

مـنـي

Quote: فقد فقـدتـها هـناك وعلـي الأغلب تركـتها علـي الأرض عـنـد الانتقـال مـن المـكـان الأول للمكـان الثـانـي!!

عوجة كبيرة يا منى مافي شك.

و لو كان معاي عود اسه؛ كنت غنيت اغنية المنديل؛

بتاعت الجاغريو؛ بعد ابدال كلمة المنديل بكاميرا منى.

صورة الشيخ كباشي النور الصافي؛

الشهير بالشيخ كانتونا1.

شنو ياعمو ملاسي
وعمو ابو ساندرا شغالين تشكروا في روح بعض
دخلتونا نحن شباب المنبر في حتة ضيقة خلاص يعني دايرين تقولوا انكم كشوائب_اوعك يا ملاسي تنط لي في حلقي_تسروا العين اكتر مننا

العزيز ملاسي

صورة الشيخ كانتونا1 ، تسنين


راجع ليكم بعد ما أصفي بعض الحسابات العالقة

اهل البوست الورد سلام
ابوساندرا ومني خوجلي في الخرطوم
(احيياه متين ازور الخرطوم)
وايه الدنيا غير لمة ناس في خير
احبكم الأن اكثر