الزير سالم !!

_________

Quote: _________

Re: بعد غياب 14 سنه..السودان فى سطور

معاً؛

من اجل الحفاظ على الارث السوداني.

معاً؛

من اجل ان يظل الزير سالماً.

Quote: معاً؛ من اجل الحفاظ على الارث السوداني.

نعم والف نعم

ياملاسى

Quote: معاً؛ من اجل ان يظل الزير سالماً

معا دى أنا خايف تكسر الزير

Quote: معا دى أنا خايف تكسر الزير

الاخوان عبدالله بابكر؛

بلة موسى؛

خدر؛

اشكر لكم حسن تعاطفكم مع الزير.

تعرفوا ؛ من زمان و انا اشعر بتعاطف شديد مع الزير؛

و للاسف ما جات فرصة الواحد يعبر فيها عن مكنون التعاطف دا؛

فالزير و على الرغم من جليل افضاله علينا الا انه يظل مظلوماً بيننا.

فالقلة و على الرغم من صغر حجمها و ندرة استعمالها في السودان؛

الا اننا نجد انها قد وجدت حظها بان تسمى بها قلة الكبير و قلة الصغير

و ربما قلة المتوسط؛

و هنالك ايضاً خريطة القلة و صورة القلة.

بينما لم نسمع باللاعب المبدع زير الكبير؛

او يطلب منا احد ان نرسم صورة الزير.

و برضو سمعنا بالكيزان؛ بينما لم نسمع بالازيار؛

و ذلك على الرغم من الفارق في الحجم بين الزير و الكوز.

كما سمعنا بزير النساء؛ و هو تعبير اريد به الاساءة للزير و الازيار؛

فشنو علاقة الزير بالنساء؛ والدخل الزير بالنساء شنو !!

أقولها صادقا يا ملاسى بانك ( زير إبداع) وكفى

شكراً يا شمس الدين؛

فقد اخجلتم ازيارنا.

حتى الكنتوش - يا كافي البلا -

وجد حظاً من الذكر و التوثيق اكثر من الزير.

معاً لرفع الظلم الذي حاق بازيارنا في السودان.

امبدة السبيل مثلاً؛

هل يستقيم وجود سبيل دونما ازيار.

اذ لا سبيل لوجود السبيل دون وجود الازيار.

حتى الكرش؛

زمان كانوا بيسموهو تلاجة؛

و مافي زول حتى فكر يسميهو زير.

Quote: حتى الكرش؛ زمان كانوا بيسموهو تلاجة؛ و مافي زول حتى فكر يسميهو زير.

الخوف من الغيبيات..

فى ان يصبح االجميع بدون تلاجات ..

(ونصبح تراث) بروتاريا حتى النخاع..

اطفو النور وشدو الحزام...

الوساع فى كل الاتجهات ..

كرش زير..

الاخ ملاسى
الزير سالم مافى شك
المشكلة في الكوز
الكوز وسخان او مقدود

والناس هجرو الزير بعد انتشار ظاهرة تحويل ال ـ علب الفارغة الى كيزان
وعشان نحافظ على سلامة الازيار لابد من ارجاع كل الكيزان الى الكوشة

ولك الاحترام

ملاسي سلام
نكتة ...واحد جنزير عجلتو انقطع...قام سال سيد ازيار...ياعم ماالقا عندك جنزير؟
سيد الازيار ..رد ...لا عندي....جنقلة.

سلامات يا احمد عثمان؛

Quote: وعشان نحافظ على سلامة الازيار لابد من ارجاع كل الكيزان الى الكوشة

اها؛ و الناس حتشرب باللاسلكي و لا شنو !!



تحياتي.

سلامات يا تروتسكي؛

الحمد لله انو السودان مافيهو بلاليص؛

و الا لكانت - بدورها - احسن حظاً من ازيارنا

المضطهدة في البلاد من العباد.

الاخ مـــــــــــــلاسى

Quote: فالزير و على الرغم من جليل افضاله علينا الا انه يظل مظلوماً بيننا.

الكبايه برضوا عندها جليل افضال اكثر من الزير لكن الاول ياتو المعذرة
ما حبيت اقول اسمها التانى حتى لا يفهم الامر بشكل اخر.

أين نحن من النوايا التي تسند الزير ؟ لم نجدها حتى تكسرت الأزيار على الأزيار
سبيل بلا أزيار .. كمحطة الباصات بدون باصات و الركاب وقوف في الإنتظار ..


ملاسي :
في عطبرة و نحن راجعين من السينما كداري بالليل .. وقفنا في سبيل .. زميلي سليمان مد يده للكوز فهب كلب مربوط بسلسلة في السبيل ينبح بشراسة فقال سليمان :
إنعل ... دة سبيل ولا خزنة

up

انت الظاهر من الناس البحبو يدفنو الازيار

Quote: معاً لرفع الظلم الذي حاق بازيارنا في السودان.

العزيز ملاسي

صباحك ود

دخلت اسلم واشوف سالم مالو معاك

محبتي

سلامات يا احمد خليل؛

Quote: نكتة ...واحد جنزير عجلتو انقطع...قام سال سيد ازيار...ياعم ماالقا عندك جنزير؟ سيد الازيار ..رد ...لا عندي....جنقلة.

في واحد تاني داير يشتري زير؛ مشى للعجلاتي و سألو :

يا عم ما القى عندك زير.

العجلاتي عاين ليهو و ما ردا عليهو....

لانو لو ردا عليهو انا بنشطب من البورد دا.

Quote: العجلاتي عاين ليهو و ما ردا عليهو.... لانو لو ردا عليهو انا بنشطب من البورد دا

خانك التعبير ياحسين.
الصاح هو :

العجلاتي عاين ليهو و ما ردا عليهو
لانو لو ردا عليهو ماكان فضل عجلاتي فى البورد

سلامات يا هشام؛

Quote: الكبايه برضوا عندها جليل افضال اكثر من الزير

الكباية نالت ما يكفي من التكريم؛

و كفاية انو في كبابي كان اسمها عثمان حسين؛

بينما لا اعتقد ان هنالك اي زير سميً باسم اي فنان.

و بعدين الكبابي برضو غنوا ليها الفنانيين؛

في اغنية بتاعت عقد الجلاد - اظنها من تلحين حمزة سليمان -

بتاعت "طق طرق يا بن و برادك الصيني" اظنو فيها ذكر للكبابي؛

بينما لم يتجرأ من يغني - او يلحن - للازيار حتى الان.

غنوا ليها الزيارة

ملاسي..
دي خلاصة الكتب التلاته...

Quote: الزير سالم !!

شلة شباب كنا راجعين من حفلة.. ليلة..
وفي نص الطريق... كان في سبيل فيهو زير ديب فريزر.. بلدي..
بيشرب منو الغاشي والماشي..
وإشتهر السبيل أكتر من سيدو...
جا كلب إبن لذينا... وطلع المزيرة وبال في الزير من دون أرض الله الواسعة دي..

قامت الشلة البتشرب من الزير والبتعيف السبيل.. ساكه ليك الكلب..

وفارقناهو ليك بعد ما ضاق سوء عمله... مجندل بيلفظ الأنفاس..
ولا عين ذرفت.. ولا قلب حن.. حتى سيدو جاء زعلان.. ولامن عرف السبب.. شال حجر وفجقو في نص راسو.. وقال ريحونا منوا... وإرتاحو..

وجينا تاني يوم نفير نضافة للزير... وسيد البيت وسلطان زمانو.. في عمل الخير.. بيتمختر..

وعاد الزير لسيرته الأولى..

وبقي الزير سالم.. ومحروس بالعناية الآلهية.

ولا وباء.. ولا شروط صحية.. والحامي ربك...

التيبار

سلامات يا ابو جهينة؛

Quote: وقفنا في سبيل .. زميلي سليمان مد يده للكوز فهب كلب مربوط بسلسلة في السبيل ينبح بشراسة

في المستقبل؛ لا تستبعد ان تعين للسُبل حراسات امنية

من شركة الهدف؛ فما سيكون من ضمن اولويات وزراء الصحة

في السودان ذات خيال؛ لابد و ان يعين لها المدججون من

الشداد الغلاظ.

معاً يا سيف مساعد لنصرة الازيار؛

فازيارنا تنادي؛ و نحن عنها متشاغلون.

عالية العالية؛

سلامات؛

اشرقت الانوار و امتلأت الازيار؛

و ضج المكان بالماء و بالفخار.

اوتظنون - يا عالية -

انكم وحدكم من تنجرون الاشعار !!.

فنحن - ايضاً - نحب الشعر و الشعراء و الاشرار ...

ازيدكم من الشعر بيت ؟

ازيدكم من الشعر بيت دي عاجباني عجب شديد؛

و لي زمن بحاول ادخلها في بوست من البوستات؛

و الحمد الله اسه لقيت ليها فرقة مناسبة تمام.

كدي نرجع تاني شوية لسالم؛

فطوال تواجدي في السودان لم اقابل احداً

بالاسم سالم الا سالم كعورة.

ثم كان ان ذهبت للسعودية؛ فزاملت و جاورت و قابلت

عدداً من الاخوة اليمنيين؛ و تيقنت حينها؛

ان كل الاخوة اليمنيين؛ لا بد ان يتضمن اسمهم الرباعي

إما على او احمد او سالم.

كما ان هنالك جملة اخرى؛ بالاضافة الى " ازيدكم من الشعر بيت"

و انا ارغب في استعمالها منذ ان انضممت الى هذا البورد؛

الا ان الفرصة لم تحن بعد؛ و هذه الجملة هي :

و ان عدتم عدنا.....

سلامات يا هشام مدني؛

ها قد تحصلت لك على الكلمات الصحيحة لاغنية* عقد الجلاد؛

حيث ورد ذكر الكبابي بكل التبجيل الاحترام :

الشاي باللبن برادو لابس تاج

صينيتو الدهب ترقش كبابي زجاج

السكسك المنضوم حول الجبينة نجوم

و الجندرية تقوم تقهوج الحجاج

طق طرق يا بن القهوة كيف و مزاج

خلى يعدل الراس و نحصل الترماي ( الترماج)

_______

* اسم الاغنية باب السنط.

ملاسي

Quote: و نحصل الترماي

ترماي...
وباب سنط...
مزج عجيب..

يعني زي ترماي باب اللوق...

Quote: السكسك المنضوم حول الجبينة نجوم و الجندرية تقوم تقهوج الحجاج

لوووووووووول يا ملاسي
الجندر والجندرية لاحقين زيرك مافي زول غنا ليهن لسه
الصحيح واكيد عارفو لانو انت تبدو من العينة الاضانة فرس تسمع الهنا والهناك ، هو

الفنجرية تقوم تقهوج الحجاج
واكيد عارف

كنت استغرب كيف يحمل الحمار الواحد اكتر من اطنعشر زير
دون ان يصيبها مكروه

اي والله

بعدين كان اسمها التوابير جمع تيبار

كما ذكرت آنفاً

سلامات يا جازلوت؛

Quote: خانك التعبير ياحسين. الصاح هو : العجلاتي عاين ليهو و ما ردا عليهو لانو لو ردا عليهو ماكان فضل عجلاتي فى البورد

يا زول جات سليمة؛ فعلاً كان حتبقى مشكلة.

تعرف يا منعم؛ العجلاتية ديل جنهم و جن حاجة اسمها ازيار؛

تسأل العجلاتي من اي شيء؛ الا الازيار.

سلامات يا عبدالرازق؛

Quote: ملاسي.. دي خلاصة الكتب التلاته...

ما تنسى ياخي انو من ضمن الكتب التلاتة؛

كتاب الانداية بتاع الطيب محمد الطيب؛

و في الكتاب دا ورد ذكر "البرمة" ما عمق

احساسي بالتعاطف الكامل مع الازيار منكورة الجميل؛

متروكة الذكر و التوثيق.

سلامات يا سعدالدين عبدالرحمن؛

Quote: غنوا ليها الزيارة

خلي بالك؛ اسه بس انا اتأكدتا انو الكاشف فنان سابق عصرو؛

عليك الله في زول غيرو غنى في "يوم الزيارة".

Do I have mistaken the appropraite place

الأخ ملاسي
سلامات

تملأ الجر لامن يدفق

ويا حلاة الموية في الجر


يلا قول وراي

جر جاو انتقو ارمو

جرجاوانتقوارمو

سلامات يا المسافر؛

كدي يا المسافر قبال ما اقول وراك؛

وريني الزول الكتب بالانجليزي قبلك دا؛

داير شنو و داير يقول شنو !!

سلامات يا زول ساكت؛

Quote: بعدين كان اسمها التوابير جمع تيبار

الحمد لله انك وريتني معناها؛ لانو لو ما كدا؛

كنت حأقعد سنتين افتش في المعنى.


و الف شكرا يا زول يا ما ساكت.

سلامات يا جندرية؛

انا كنتا عارف انو دي

ما ممكن تفوت عليكي.

طبعاً و لفقري التقني المدقع؛ لم استطع ان انزل اغنية

- بلنك الحفظ – ترحيباً بعودتك؛

لذا لم اجد بديل الا استبدال الفنجرية بالجندرية؛

و كدي بالله اتخيلي لو كانت الجندرية هي الكلمة الاصلية؛

مش بالله كان تكون انسب من الفنجرية.

جندرية تقوم بقهوجة الحجاج؛

فعلاً قمة التصالح بين الواقع الافكار.

انت عارف يا حسين

مرات عيال جون ديل بنضمو كتر كتر

والخواجة القال الكلام الفوق دا

الا تعلم بقول انه ضهبان

أيوة كلام ضهب

وكان ما أخاف الكضب

بقول

" عطشان يا صبايا دلوني ع السبيل"

أيوة

أو كما قال

Hussain


You want to know what I have said then look at the door back and watch


AlMUSAFER - You are still fooling around here go back to Kindergarten then

يا حسين يا حسين

شايف حاجة


فيصولة

رحت وحضرت الدرس الأول

" لما كنت صغيرة

بلعب في التراب


ماما لبستني
الجزمة والشراب


وبدري صحيت من نومي
ماما قالت قومي
أغسل وجهي

هي هي هي

أفطر بدري

هي هي هي

قبل ما الشمس تصحى جلست جبنب الباب
جاني واحد أغبر يشبه الغراب

يا غراب
غاغ غاغ
سف التراب
غاغ غاغ

جاتني صديقتي نونة
جابت لي ألعاب

تبكي ليه يا نونة
افرقعت البلونة
يعني لما تفرقع
الدنيا برضو حا تولع

يعني ايه لما تولع
فيصولة بقى يدلع

لع لع لع
بع بع بع

لا يمنع زيارة هذا الولي
والشراب من الأزيار الباردة

ملاسي

Quote: و في الكتاب دا ورد ذكر "البرمة" ما عمق

واسم الدلع. بريمه..
بعدين ما لقيت باقي الاسامي..
زي..
دوانه..
وجر.. (جر) برضو اسم من اسامي الزير..

وموية الجر...
أبرد من موية القلة..
والدوانه...
حاجة كده ليها كرش...

وكلو...

فخار...

والخومـــــــــــارة

برضو فخار

والقلة
النقاعة تف تف تف

والفاكة
والبلاص

تلاقي فخار


تلاقي قحف

عبد الرازق؛

المسافر؛

سلامات .....

انتظروا التوثيق؛ فسأتيكم بالوثائق المصورة التي تثبت؛

ان الهكر و الزير انما هما وجهان لعملة واحدة.

الوثيقة الاولى:



مزيرة تقع بالقرب من الركن الشمالي الشرقي لميدان الربيع

بالعباسية بامدرمان.

ارجو الانتباه لوجود الكوز الطلس.

الوثيقة المصورة الثانية:



تقع هذه المزيرة للشرق تماماً من السبيل الاول.

يلاحظ ان كوز الطلس هنا قد استبدل بعلبة صلصة كبيرة؛

و يطلق عليها ايضاً كوز صلصة كبير.

منظر شئ بديع ما أحلى القلل

بدري الكوز على بطن الزير نزل


حسين ملاسي

هذه الأزيار القناوية
يقال أن حق الملكية الفكرية تتبع لقرية قنا في مصر
شفت كيف
حتى مصدر الإلهام الأزياري جاء عكس تيار النيل

ملحوظة::

يتم صيانة الأزيار القناوية بنظافتها وجلخها بالطوب الأحمر

أرجو أن تمدنا بالوثاق لهذا الموضوع الهام

طبعا انت عارف مصير الزير لما ينكسر
بدل ما ينقع النقاع تف تف تف تف

يتحول لدلوكة أو مدخنة طلح
وحكمة وحكاية برضو يدق تف تف تف تف

الوثيقة الثالثة:



عدد 3 ازيار في مزيرة بحي المهندسين - بامدرمان ايضاً -

و لاحظ عدم وجود اي كوز؛ او اي اناء آخر للشرب؛

لا بيجاي لا بهناك؛ لانو انا لفيت بهناك برضو و ما لقيت

كوز بالجهة التانية.

دي سيلف سيرفيز
أو بالتحويل الإلكتروني

الوثيقة الرابعة:



في نفس السبيل سابق الذكر؛

اتى هذا الفتى بحثاً عن ما يطفئ به ظمأه؛

و بحث عن ما يعينه على الوصول للماء في اسفل الازيار ؛

الا انه بحث و لم يجد اللاسلكي ........

الوثيقة الخامسة:



و لما لم يجد الفتى اللاسلكي؛ مضى .....

ترى هل من سبيل للتبويز.



* يُشاهد الفتى بالقرب من كوم الطوب البهناك دا.

الوثيقة السادسة:



ازيار معارضة و معترضة على الاوضاع؛

ارتأت - الازيار - ان تختفي تحت الارض؛

و كان ان التقطت لها هذه الصورة قبل ان تكمل اختفاءها تحت الارض.


* يمكن - بوضوح - ملاحظة التعايش السلمي بين الكوز الالمونيوم و الجك البلاستيك.

الٌٌتوردٌ




ملاسى والاخوة العطشانين
تحياتى
فى واحد فيكم بيعرف

التورد
(التاء عليها ضمة، والراءعليها فتحة)

الوثيقة السابعة:



نفس الازيار السابق ذكرها؛

و يرى هنا بوضوح خط الانابيب على حدود الزير الاول؛

- الى الشمال قليلاً - و جنوب الزير التاني؛

و في هذه اللقطة يبدو الجك الازرق مغطياً على شريكه

في السلطة و الثروة .....

اذاً؛ كيفما نرى الصورة؛ نرى وضع الكوز و الجك؛

فكلاهما موجود؛ الا ان نظرتنا لهم هي التي تحدد مكان و اولوية وجودهم.

* فاتني ان اذكر ان هذه الازيار ايضاً كانت موجودة - قبل اختفائها -

بحي المهندسين - العودة - بامدرمان.

يلاحظ ان احد الزيرين - اعلاه - ليس بسالم؛

و هذا مما لا يخفى على فطنة القارئ - المشاهد - المراقب - الحصيف.

الزير لما ببكون خام اصلو طين سهل التشكيل وبيشكلوا هذا الطين فى شكل الزير ويدخلوه عشان يطلع زير نضيض ومفتح عشان النقاط والتبريدوعشان لو دخلوا اكثر من كوز فى وقت واحد بيطقشوه يقوم يتكسر عشان كدة لما يصنعوة لازم يدخل التورد

والتورد عبارة عن حفرة كبيرة يولعوا فيها النار بعد مايدفنوا الازياد فيها ويطلعوها بعد داك تكون (نضيضة) ولونها احمر ،والزير اذا كان الزير لونه اسوديعنى هو مااخد نار كفاية

سلامات يا صلاح الدين؛

Quote: فى واحد فيكم بيعرف التورد

خلي بالك نفس الحكاية دي حصلت لي مع اخونا زول ساكت؛

يعني لو ما كنتا وريتنا التورد؛ كان الله اعلم نعرفو؛

و يبدو انك خبير ازيار لا يشق لك غبار.

فالف شكر.

ترقبوا الازيار التي هاجرت - او هجرت - عن ديارها؛

سوف ترى عليكم الادلة؛ سوف لن نتحدث؛

بل الوثائق هي التي سوف تتحدث ........

عاجل من الخرطوم:

فلاش:

وردني تقرير عاجل من الخرطوم؛ يؤكد ان الازيار

نصف المدفونة - اعلاه - لم تكن في طريقها للاختباء تحت الارض؛

كما ورد انفاً؛ و انما هي ازيار سياسية؛ محترفة؛

يتم دفنها بهذه الطريقة؛ كنوع من التعذيب؛

لغرض انتزاع المعلومات منها.

و قد افاد مراسلنا - من الخرطوم - ان الازيار لم تزل صامدة؛

على الرغم من جفافها و دق عنق إحداها.

و قد نوافيكم بالتفاصيل لاحقاً؛

و قد لا نفعل؛ فلسنا اول من يورد الاخبار؛

و يعد بالمتابعة و التفاصيل؛ و لا يفعل.

هجرة الازيار تبعا للتاجر وتوزيعةوالعائد البيدخل جيبة
فى ازيار للمنازل ووضعها يكون حسب المنزل الذى نزلتهوغالبا كوزها حسب المنزل
ازيار للمدارس تعلى شانها وتساهم وغالبا كيزانها من الالمونيوم
ازيار للسبيل ودى كيزان تكون مربوطة وخرمة
ازبار للتخمير و تكون كيزانها غالبا جك او كورية
هناك ربما هجرات اخرى كيزانها اخرى ايضا حسب الاهداف
اها ياملاسى يالذيذ زيركم وكوزة شنو

ملاسى العزيز...جزاك الله زير)

على زمانك كان زير،هسع بقى زيرو وعلى الشمال كمان واظنو بلحق الديناصور

مع الحناكيش البقى كل واحد او واحدة زمزميته اهم من كتب المدرسة وكان

مكضبنى زور جامعة الاحفاد او التقانةويا حليل زمن حلوقك وكراع ابوك فى

الجنة ،وحك الكيزان بمسطبة المزيرة وديل حناكيش زمان النضاف والباقين

البشرب بى علبة اناناس والبشرب بى علبة ساردين ولا كان فى التهاب ولا عدوى

زمن يا ملاسى ...تصيح على زير،،،،،،،،

سلامات يا موج؛

تعرف لي 6 يوم بطلع من الصباح انتقي بين

عدة لوكيشنز للتصوير؛ فبعد كل من العباسية و المهندسين؛

سيأتي الدور قريباً على اسبلة؛ سبل؛ سبايل الهاشماب؛

ثم سيأتي الدور بالقطع على بحري.

فقط ابقى في الانتظار و سأتيك بنماذج جميلة جداً؛

و كدي اديك تصبيرة كدا بقدرة الفول دي :



فربما يكون موضوعنا القادم:

قِدر الفول؛ هل هي قَدر ام قِدر !!

ملاسى يااخوى ديل قدر حى الشهداء البدخنن ديل زمان كانن

قدرنا قدر الله والرسول....اجى القدر جنن والا شنو؟؟؟؟

سلامات يا صديق؛

Quote: قدر حى الشهداء البدخنن ديل

قدر الشهداء البدخنن؛ ذكرتني حكاية حصلت في جدة قبال سنين؛

اخونا شعبية كان عندو عربية باعها لواحد سعودي؛

تاني يوم من المبايعة؛ السعودي قال لشعبية:

- يا شيخ السيارة بتاعتك بتدخن !!

فرد شعبية بقطامته المعهودة:

- بتدخن ...... بتسكر انا ما لي صلاح.

يا حسين يا حسين

الصفحة الأولى أبت تفتح

انت شيلتها كم زير ؟؟؟

مالا ابت تفتح يا المسافر؛

اتراها - الصفحة - محتجة على الازيار و الاسبلة؛

اتراها تحالفت مع السلطات الصحية ضد وجود الازيار؛

اتراها معترضة على جهوية مواقع التصوير !!

يالها من صفحةً اولى متواطئة يجب النظر في امرها.

انتو نسيتو انو الزير بيحفظ ماء وجهه؟

ايواا فى حاجة تانية..

نسيتو ال make up بتاع الزير السالم..؟








الحيمور!!
ما تنسو

أرقدو عافية

ملاسي
بآمانة..
كده.
ده زير..
ولا..
أصيص...
ولا مزهرية..


ولا طحالب متطورة..

طبعاً الصورة...

على مستوى ...

رأسي..

يا حسين يا حسين

احتجت الأزيار

الأزيار وبس؟؟

أهتزت القواديس

وجماعتها

ناس فقوس

وما تنسى عددهم عشرة مع كل قادوس

وأضربت السواقي والعشميق حبل الللس

والجرارة وشيخها التور (تور الجر)

وأشرأبت الضفادع وتميزت بالنقيق في جوار الجرارة الغاطسة أرض جو

وتثاءب النوار وعمل دايفنج داخل الجرارة اللاقطة من الأقمار

والزير العتاقي حمال الدهن ( الدهن في العتاقي)

والزير الحراقي السقاط النقاط أسود دهيس اللون لبوسه حجر بطارية

سلامات يا صلاح الدين؛

Quote: ازيار للمدارس تعلى شانها وتساهم وغالبا كيزانها من الالمونيوم ازيار للسبيل ودى كيزان تكون مربوطة وخرمة ازبار للتخمير و تكون كيزانها غالبا جك او كورية هناك ربما هجرات اخرى كيزانها اخرى ايضا حسب الاهداف اها ياملاسى يالذيذ زيركم وكوزة شنو

و هنالك ازيار للتزيير؛



و هذه ليست لديها كيزان؛

فهي تعيش وحيدة و تموت وحيدة؛

دون كوز او غطاءٍ او حتى مياه.

فهي اقرب للزينة.

فاتني ان اذكر ان الزير - الوحيد - اعلاه؛

هو من ازيار منطقة المقرن؛

و لو ملاحظ يا وليد طه؛

ان زيرنا هذا في منتهى الوجاهة؛ و الاناقة؛

و ما زال نضراً؛ و لم يحتاج - بعد - للحيمور.

بس نسى يلبس الطاقية.

مسجد و مزيرة مسجد الهاشماب بعد الصيانة و الترميم و التعديل

الذي تم في المسجد.

و بالمناسبة؛ في ضهر المزيرة دي؛ في مزيرة مشابهة لها؛

و كلاهما مُعتنى به للغاية.

طبعاً الناس الطولت و ما شافت الجامع دا؛ حتلقى تغيير

كبير جداً؛ لانو الدكان الكان ملاصق للمسجد؛ تم هدمه

و ادماجه في المسجد و كذلك الغرفة و البرندة التي كان

يعمل بهما العم ابو عبيسة الترزي.

مزيرة نموذجية؛ تقع في الهاشماب ايضاً؛

في شارع قبة الشيخ البدوي؛

امام منزل عمنا المرحوم محمود ابوسنينة.

و وجودها تحت الشجرة؛ و بين النباتات المتسلقة؛

يجعل لها نكهة مكتملة.

في رحلتي للبحث - و تصوير - الازيار و المزاير؛

اصبت بالعطش الشديد؛ فتيقنت من اهمية وجود الازيار

و المزاير؛ و الاهتمام بملئها و تدليلها و العناية بها.

المسافر؛

الطالب؛

سلام و سلامات؛

مازلت عند وعدي بأن اوافيكم بوثائق تثبت ان

بعض الازيار قد تم تهجيرها؛ و ان القوات المحتلة قد تمددت

و اخدت راحتها على الاخر؛ و كأن ليس في العالم محاكم جزاء دولية.




فقط ترقبونا .......

و بعد فراغي من ايراد كل الوثائق

التي ستثبث حجم الظلم الذي وقع على الازيار؛

سأقوم - او ربما لا اقوم - بتفنيد الدعاوي

المنتشرة بكثرة هذه الايام؛ و الداعية للتطهير الزيري.

و ربما اقوم - او لا اقوم - بتصميم عريضة لجمع التوقيعات؛

للمناصرة و الضغط على الطغمات التي تريد بازيارنا الشر و الشرور.




عسى ان يكفينا الله شر مبهدلي عرائض التوقيع.

وثيقة التهجير القسري للازيار؛

و قد "قمنا" بتصوري الحدث من ثلاثة زوايا مختلفة:



الزاوية الاولى.

الزاوية الثانية.

الوثيقة الثالثة.

و تظن - واهمة - هذه النخلة المجرمة ان جريمتها سوف لن توثق؛

و تظن - آملة - انها سوف تهرب من التعقب و العقاب.

و تظن - نادمة - ان يا ليتها لم تتورط.

حسين يا حسين

هانت الأزيار فسكنها النحل

وهاجرت الأزيار فتطاول محلها النخل

في توثيقك للأزيا ما تنسى تغشى دار الوثائق المركزية

كانت قدامها جرارة

ومن خلفها جرارة

وطبعا سوف نوثق لك دور الأزيار في الحركة والطنية ونيل وطرد المستعمر

لقد ذكرت من قبل قصة إمرأة جاءت محطة عطبرة ولم تجد إلا صالون المأمور الإنجليزي

والعطشقية قرعوها ياولية ما تركبي يا ولية أنزلي الليلة مافي قطر

قال ليهم وده شني؟؟؟

قالوا ليها ده صالون المامور الإنجليزي

قال ليهم لي شنوه الخواجي ده يركب وأنا ما اركب أها ماني نازلي

المامور شاف الشمطة قايمة قال ليهم في ايه

قالوا ليه الولية دي عاملة حجة عايزة تركي

قال ليهم خلوها تركب واعتبروها ضيفة معي وقدموا ليها الخدمات

الحاجة عجبتها الأزيار القناوية في الصالون

لما نزلت في محطتها طوالي رفعت واحد من الأزيار فوق رأسها

الخواجة قال ليهم خلوها ما حد يسألها

مشت وضعت الزير وسط سوق القرية وملته ماء ووضعت بجانبه الكوز

الناس في السوق اتلموا واتحلقوا حول الزير

قاموا قالوا ليها ياولية ده سرقتيهو من وين ياولية يا شقية

قالت ليهم انتو خلو شراب القرب المعلقة في السيبة واتعلمو تشربو من الزير وبعدين

أسألوني جبتيهو من وين

وأصبح الزير مزار للنضال الوطني..

المسافر؛

زميلي في الكفاح لاعادة الحق السليب لاهله؛

سلامات ......

ما مات حق وراءه مُطالب.

اتت هذه النخلة - التي تظن نفسها باسقة -

و هي تحسب ان الحكاية هاملة؛ و يبدو انها قد اتت لحتفها.




معاً لاجتثات الفساد ممثلاً في هذه التي تظن نفسها باسقة.

و لا نامت اعين الجبناء.

في أمور كثيرة لا بد من البحث حولها

مثلاً إلى أين هجرت هذه الأزيار

وهل قامت هذه النخلة بروس أم بفعل فاعل

أم اسجارت بهذا الموقع من الزحف الصحراوي


وبعد ما استطالت وبان عودها وأينعت

هل حان موعد قطافها أم لا

وهل محتاجين تفرشون برشاً لها

أم مسحاً من السوق إلى الأفواه

سلامات يا مسافر؛

استلتك الوجيه اعلاه؛

ستكون في اول اجندة لجان التحقيق الدولية.

و سترى حينهاهذه التي توهم نفسها بانها باسقة؛

بانها ليست فوق القانون؛ و ان يد العدالة ستطالها؛

ان قصر الزمن ام طال.

و لا نامت اعين الجبناء.

اضطررت اسفاً - لرفع هذا البوست.

ماذا عن التعويضات يا حسين ملاسي

.........

او تظن ان الجريمه تدفن كما دفنت ازيار و ازيار

لا لدفن الازيار ........... حيه

كيفك يا نصرالدين؛

Quote: ماذا عن التعويضات يا حسين ملاسي

تعويضات شنو يا نصرالدين ياخي؛

فنحن مازلنا في مرحلة اللجان الحكومية لتقصي الحقائق.

اها شوف براك بعد مرحلة اللجان الحكومية دي في كم اجراء و اجراء قبل

اقرار - و لا اقول استلام - التعويضات.

الا انني اطمنئك؛ بأننا سوف لن نرضى باي تقرير صادر عن لجنة حكومية؛

اقليمية او دولية مالم يوافق هوانا و هوى الازيار.

كتب ابو ساندرا في بوست ملك الميديا الاتي :

Quote: ولما قالت ليهن ما مكحل دي خلقة ربنا ، بلن طرحن من السبيل ودعكن عيوني وتأكدن إنهن كاحلات خلقة . اليوم داك تلقيت قبل دسمة

فرددنا عليه بالتالي:

لله در السُبل؛

فلولاها ازيارها؛

لما نعم - ابو ساندرا - بكل تلك القبل.


Re: قناة خدرنت ... حصاد اليوم الاخباري

و لان الموضوع ذو علاقة بما نحن بصدده من توثيق؛

لذا؛ فقد ارتأت ادارة عموم الازيار؛

ان تأتي بهذه المداخلة لغرض الاثبات.

فصناديق الادلة - كراتينها - لا يمكن لها ان تمتلئ ان لم

نحص كل الشوارد.

بينما ينعم ابو ساندرا بالقبل؛

نردد نحن مع الازيار* :

جاتنا نيلة في حظنا الهباب.



* او تردد الازيار معنا؛ حيث لا فرق.
فكلانا ينعي حظة العاثر.

مازال اجتماع اللجنة التنفيذية لانقاذ الازيار منعقداً؛

و ما زالت تتداول في امر معرفة من هو الذي ارتدى المركوب

و تنكر.

حُجِبت الجائزة

هنا يرقد من ارتدي المركوب و تنكر