*** ضربونا أولاد الهرمة ***

سلام عليكم يا أهلنا كلم برا فرز
والعيد مبارك عليكم ,, علينا وعليكم يتبارك . العفو لله والرسول


وضربونا اولاد الهرمة

دي اول عبارة بكون قالها وزير دفاعنا الخطير بعدما بحلق عويناتو لامن برقن و فاتح فاهو تجاه الصقيعة .
وتم الباقي جكة لامن وصل رفاقتو, والخوف معبيهو من راسو لي كرعينو
ويكورك الرد.. الرد يا صهاينة الرد، ليكم يوم يا اولاد الهرمة هيــــع,, نحن السوس والوسواس ونحن نخرنا عضم الناس ،
نحن هواطين وجعجعاين ونحن لي شعبنا مجوعين كـــع,, نحن بنهدي للغريب خرفان وسيد البلد نرقدو جيعان,, كـــب كـــع
نحن سرقنا البلد بالإلوف و وقت الحارة بنجري صوووف ’ هيـــــع نحن في بيوتنا نايمين ومكوعين ونصحا نلقى اهلنا مضروبين.
نحن ملينا جيوبنا بالمليار ومليارين واهلنا مديونين, نحن اهلنا بنقتلهم بالملايين وعدونا بنسكت ليه وكمان راكعين,, بردلـــــــب تـــح
يشمر جلابيتو ويجري على رئيسو , مهجومين ومخلوعين من الضربة الجاتهم ورا بيوتهم
وهم في غيهم يعمهون, كل حصيدتهم في الجكة دي خوف ورعب وزعزعة والحال لسه مايل وحا يفضل إلا ان يحلو عن سمانا هؤلاء الأوباش...
بستغرب في بعض الناس يقولوا ليك ويييين وزير الدفاع؟ ووين وزارة الداخلية ووين منو داك ما عارف؟؟؟
كيف يا جماعة وين ؟ هم اصلا كانو موجودين ؟ حصل سمعتوا صدوا ليهم اي هجمة ولا اي مصيبة جات على البلد ده؟؟
عندهم شنو غير التصريحات الكلها هرجلة ورجالة بالحلقوم وجعجعة في الهواء ؟
كلامهم كلو زي زبد التور الهائج في السلخانة , يهيج ويهيج وفي الآخر مضبوح وما يقدر يفرفر..
هل كانوا حاضرين ولا ليهم وجود في ضربة امدرمان؟ ولا ضربة مصنع الشفاء ولا ضربات بورتسودان ولا غيرها وغيرها ؟؟
ما كل المصائب دي بتجي وهم لافين صينية لا عارفين رأسهم من رجليهم ولا كوعهم من بوعهم, لكن عارفين يقولوا للناس الحسو كوعكم!!
الجماعة ديل ما ناس حماية بلد ولا حماية دين ولا حماية روحهم زاتها, ديل تخصصهم ضربة اولاد البلد, وفلاحتهم في قتل وسحل وتدمير مصالح البلد, وسرقة قوت الشعب
مهمتهم الشعب يجوع ويمرض ويلف بي البلود يفتش رزقه ويفتش ليه على مأوى .
وبعد كده ما مريحين حتى الطفشوا وهجوا من البلد.!!! مشاركين الخلوق في عيشتها
شيء جبايات وشيء زكاة مغترب وشيء ضرائب !!! ده غير رسوم المطار البلهفوا فيها مطبوقة وبتمشي وين الله أعلم !!! حتى الطائرات اصبح الجراد الواحد ده جنحينو امتن منها
كل يوم نسمع في حوادث الطائرات السودانية الأصبحت حوادثها اكتر من حوادث الركشات المالية البلد!!
وقاطعين ليهم تجار دين من نافوخهم يسنوا ليهم قوانين تحلل ليهم الحرام البعجبهم على هواهم ويحرموا ما يحل لشعبهم الغلبان..
كل يوم أسوأ من القبلو ولا حياة لمن تنادي , شعب صامت خانع ويمارس احيانا الدهشة الغريبة!! كل العالم مستغرب كيف مكث هؤلاء القوم الفاسد في سدة الحكم كل هذه السنين؟؟؟
حسبي الله ونعم الوكيل عليهم أجمعين .في يوم عرفة هذا اليوم المبارك نسأله تعالى ان ينتقم منهم شر إنتقام بركة عزيز مقتدر ويخلص حق كل المطحونيين والمظلومين , اللهم آمين يا رب العالمين,,
الرحمة الواسعة للشهداء والصبر وحسن العزاء لذويهم في فقدهم الجلل
ولا حولة ولا قوة إلا بالله العلي العظيم


متاوقة
إنتو فاكرين اولاد الهرمة ديل ما بصلوكم في القصر الجمهوري؟؟ ولا حتى في قصوركم في كافوري؟ الخبتة الجاية قطع شك حقتكم براااااكم , ارجوا الراجياكم,,
يمهل ولا يهمل

Quote: إنتو فاكرين اولاد الهرمة ديل ما بصلوكم في القصر الجمهوري؟؟ ولا حتى في قصوركم في كافوري؟ الخبتة الجاية قطع شك حقتكم براااااكم , ارجوا الراجياكم,, يمهل ولا يهمل

سومة ازيك وكل سنة وانتى طيبة

دحين اولاد الهرمة ديل اغبيا ولا شنو يخلو البصنع فى السلاح ويضربو السلاح
كان يضربوهم يريحو نفسهم ويريحونا معاهم هههه



الله غالب

تحياتى

Quote: سومة ازيك وكل سنة وانتى طيبة دحين اولاد الهرمة ديل اغبيا ولا شنو يخلو البصنع فى السلاح ويضربو السلاح كان يضربوهم يريحو نفسهم ويريحونا معاهم هههه الله غالب تحياتى

هلا هلا يا قرشينا كيفك ومشتاقين والله
كل سنة وإنت طيب وربنا يحقق كل امانيك إن شاء الله
والعيد الجاي تكون ودعت حياة الفرادي دي,
مش جيت بي جاي علينا ، خلاص نحن وراك وراك والزمن قصير
حا نكتفك قريييب إن شاء الله ومافي زوغة ليك هههههه

قلت لي يضربوا البصنعوا السلاح ويريحونا منهم؟؟
كييييف الكلام ده ؟ هم قالوا ليك ديل بربطوا ولا بحلوا ؟ خلي يصنعوا السلاح!!!
ديل يا دووووب بكونوا وقعوا ليهم شوية اوراق وقبضوا الفكة ومشوا لبدوا, الأوراق د ي زاتها فيها شنو ؟ هم عارفين
ذكرتني نكتة يا قرشي
زمااان قالوا في شافع مسلللط خالتو راجلها عيان بي مرض معدي حمانا الله وإياكم
اها شايف خالتو دي حلتها في النار النهار ما طال اي كباية معلقة صحن اكل فيها الراجل ده هي بتغليها طوااالي في الموية السخنة
يوم جاء الشافع ده قال لي امو يا امي خالتي دي طواااالي حلتها في النار وبتغلي في الكبابي الصحون المعالق ، طوااالي كده ليه؟؟
قالت ليه يا ولدي عشان ابوهم عيان, ولازم يغلوا الحاجة البستخدمها عشان ما يعادي ناس البيت بي مرضو
قال ليها طيب ما كان يغلوا ابوهم وخلاص بدل يغلوا كل الحاجات دي !!! لوووولز

يعنى شنو الاولاد هرمة

Quote: يعنى شنو الاولاد هرمة

يا ناصر سلام وكل سنة وإنت طيب
ربنا يحقق الأماني إن شاء الله


اسأل قرشي الفوق ده رغم إنه بغير الناطقين بها
لكن ما شاء الله وتبارك الله اكثر بلاغة من المحترفين


قرشي طبقت فيك المثل البقول , انا والكاشف اخوي لوولز


شكرا لمرورك اخي ناصر

Quote: يعنى شنو الاولاد هرمة

يا ناصر سلام وكل سنة وإنت طيب
ربنا يحقق الأماني إن شاء الله


اسأل قرشي الفوق ده رغم إنه بغير الناطقين بها
لكن ما شاء الله وتبارك الله اكثر بلاغة من المحترفين


قرشي طبقت فيك المثل البقول , انا والكاشف اخوي لوولز


شكرا لمرورك اخي ناصر

الهرمة معناتا شنو يا سوما؟!

Quote: الهرمة معناتا شنو يا سوما؟!

صفاء وناصر لم يأتو لحوار يا سوما

Quote: دي اول عبارة بكون قالها وزير دفاعنا الخطير بعدما بحلق عويناتو لامن برقن و فاتح فاهو تجاه الصقيعة . وتم الباقي جكة لامن وصل رفاقتو, والخوف معبيهو من راسو لي كرعينو ويكورك الرد.. الرد يا صهاينة الرد، ليكم يوم يا اولاد الهرمة هيــــع,, نحن السوس والوسواس ونحن نخرنا عضم الناس ، نحن هواطين وجعجعاين ونحن لي شعبنا مجوعين كـــع,, نحن بنهدي للغريب خرفان وسيد البلد نرقدو جيعان,, كـــب كـــع نحن سرقنا البلد بالإلوف و وقت الحارة بنجري صوووف ’ هيـــــع نحن في بيوتنا نايمين ومكوعين ونصحا نلقى اهلنا مضروبين. نحن ملينا جيوبنا بالمليار ومليارين واهلنا مديونين, نحن اهلنا بنقتلهم بالملايين وعدونا بنسكت ليه وكمان راكعين,, بردلـــــــب تـــح يشمر جلابيتو ويجري على رئيسو , مهجومين ومخلوعين من الضربة الجاتهم ورا بيوتهم وهم في غيهم يعمهون, كل حصيدتهم في الجكة دي خوف ورعب وزعزعة والحال لسه مايل وحا يفضل إلا ان يحلو عن سمانا هؤلاء الأوباش... بستغرب في بعض الناس يقولوا ليك ويييين وزير الدفاع؟ ووين وزارة الداخلية ووين منو داك ما عارف؟؟؟ كيف يا جماعة وين ؟ هم اصلا كانو موجودين ؟ حصل سمعتوا صدوا ليهم اي هجمة ولا اي مصيبة جات على البلد ده؟؟ عندهم شنو غير التصريحات الكلها هرجلة ورجالة بالحلقوم وجعجعة في الهواء ؟ كلامهم كلو زي زبد التور الهائج في السلخانة , يهيج ويهيج وفي الآخر مضبوح وما يقدر يفرفر.. هل كانوا حاضرين ولا ليهم وجود في ضربة امدرمان؟ ولا ضربة مصنع الشفاء ولا ضربات بورتسودان ولا غيرها وغيرها ؟؟ ما كل المصائب دي بتجي وهم لافين صينية لا عارفين رأسهم من رجليهم ولا كوعهم من بوعهم, لكن عارفين يقولوا للناس الحسو كوعكم!! الجماعة ديل ما ناس حماية بلد ولا حماية دين ولا حماية روحهم زاتها, ديل تخصصهم ضربة اولاد البلد, وفلاحتهم في قتل وسحل وتدمير مصالح البلد, وسرقة قوت الشعب مهمتهم الشعب يجوع ويمرض ويلف بي البلود يفتش رزقه ويفتش ليه على مأوى . وبعد كده ما مريحين حتى الطفشوا وهجوا من البلد.!!! مشاركين الخلوق في عيشتها شيء جبايات وشيء زكاة مغترب وشيء ضرائب !!! ده غير رسوم المطار البلهفوا فيها مطبوقة وبتمشي وين الله أعلم !!! حتى الطائرات اصبح الجراد الواحد ده جنحينو امتن منها كل يوم نسمع في حوادث الطائرات السودانية الأصبحت حوادثها اكتر من حوادث الركشات المالية البلد!! وقاطعين ليهم تجار دين من نافوخهم يسنوا ليهم قوانين تحلل ليهم الحرام البعجبهم على هواهم ويحرموا ما يحل لشعبهم الغلبان.. كل يوم أسوأ من القبلو ولا حياة لمن تنادي , شعب صامت خانع ويمارس احيانا الدهشة الغريبة!! كل العالم مستغرب كيف مكث هؤلاء القوم الفاسد في سدة الحكم كل هذه السنين؟؟؟ حسبي الله ونعم الوكيل عليهم أجمعين .في يوم عرفة هذا اليوم المبارك نسأله تعالى ان ينتقم منهم شر إنتقام بركة عزيز مقتدر ويخلص حق كل المطحونيين والمظلومين , اللهم آمين يا رب العالمين,, الرحمة الواسعة للشهداء والصبر وحسن العزاء لذويهم في فقدهم الجلل ولا حولة ولا قوة إلا بالله العلي العظيم متاوقة إنتو فاكرين اولاد الهرمة ديل ما بصلوكم في القصر الجمهوري؟؟ ولا حتى في قصوركم في كافوري؟ الخبتة الجاية قطع شك حقتكم براااااكم , ارجوا الراجياكم,, يمهل ولا يهمل

عفيت منك بت الجنيد خيتي


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: دي اول عبارة بكون قالها وزير دفاعنا الخطير بعدما بحلق عويناتو لامن برقن و فاتح فاهو تجاه الصقيعة . وتم الباقي جكة لامن وصل رفاقتو, والخوف معبيهو من راسو لي كرعينو ويكورك الرد.. الرد يا صهاينة الرد، ليكم يوم يا اولاد الهرمة هيــــع,, نحن السوس والوسواس ونحن نخرنا عضم الناس ، نحن هواطين وجعجعاين ونحن لي شعبنا مجوعين كـــع,, نحن بنهدي للغريب خرفان وسيد البلد نرقدو جيعان,, كـــب كـــع نحن سرقنا البلد بالإلوف و وقت الحارة بنجري صوووف ’ هيـــــع نحن في بيوتنا نايمين ومكوعين ونصحا نلقى اهلنا مضروبين. نحن ملينا جيوبنا بالمليار ومليارين واهلنا مديونين, نحن اهلنا بنقتلهم بالملايين وعدونا بنسكت ليه وكمان راكعين,, بردلـــــــب تـــح يشمر جلابيتو ويجري على رئيسو , مهجومين ومخلوعين من الضربة الجاتهم ورا بيوتهم وهم في غيهم يعمهون, كل حصيدتهم في الجكة دي خوف ورعب وزعزعة والحال لسه مايل وحا يفضل إلا ان يحلو عن سمانا هؤلاء الأوباش... بستغرب في بعض الناس يقولوا ليك ويييين وزير الدفاع؟ ووين وزارة الداخلية ووين منو داك ما عارف؟؟؟ كيف يا جماعة وين ؟ هم اصلا كانو موجودين ؟ حصل سمعتوا صدوا ليهم اي هجمة ولا اي مصيبة جات على البلد ده؟؟ عندهم شنو غير التصريحات الكلها هرجلة ورجالة بالحلقوم وجعجعة في الهواء ؟ كلامهم كلو زي زبد التور الهائج في السلخانة , يهيج ويهيج وفي الآخر مضبوح وما يقدر يفرفر.. هل كانوا حاضرين ولا ليهم وجود في ضربة امدرمان؟ ولا ضربة مصنع الشفاء ولا ضربات بورتسودان ولا غيرها وغيرها ؟؟ ما كل المصائب دي بتجي وهم لافين صينية لا عارفين رأسهم من رجليهم ولا كوعهم من بوعهم, لكن عارفين يقولوا للناس الحسو كوعكم!! الجماعة ديل ما ناس حماية بلد ولا حماية دين ولا حماية روحهم زاتها, ديل تخصصهم ضربة اولاد البلد, وفلاحتهم في قتل وسحل وتدمير مصالح البلد, وسرقة قوت الشعب مهمتهم الشعب يجوع ويمرض ويلف بي البلود يفتش رزقه ويفتش ليه على مأوى . وبعد كده ما مريحين حتى الطفشوا وهجوا من البلد.!!! مشاركين الخلوق في عيشتها شيء جبايات وشيء زكاة مغترب وشيء ضرائب !!! ده غير رسوم المطار البلهفوا فيها مطبوقة وبتمشي وين الله أعلم !!! حتى الطائرات اصبح الجراد الواحد ده جنحينو امتن منها كل يوم نسمع في حوادث الطائرات السودانية الأصبحت حوادثها اكتر من حوادث الركشات المالية البلد!! وقاطعين ليهم تجار دين من نافوخهم يسنوا ليهم قوانين تحلل ليهم الحرام البعجبهم على هواهم ويحرموا ما يحل لشعبهم الغلبان.. كل يوم أسوأ من القبلو ولا حياة لمن تنادي , شعب صامت خانع ويمارس احيانا الدهشة الغريبة!! كل العالم مستغرب كيف مكث هؤلاء القوم الفاسد في سدة الحكم كل هذه السنين؟؟؟ حسبي الله ونعم الوكيل عليهم أجمعين .في يوم عرفة هذا اليوم المبارك نسأله تعالى ان ينتقم منهم شر إنتقام بركة عزيز مقتدر ويخلص حق كل المطحونيين والمظلومين , اللهم آمين يا رب العالمين,, الرحمة الواسعة للشهداء والصبر وحسن العزاء لذويهم في فقدهم الجلل ولا حولة ولا قوة إلا بالله العلي العظيم متاوقة إنتو فاكرين اولاد الهرمة ديل ما بصلوكم في القصر الجمهوري؟؟ ولا حتى في قصوركم في كافوري؟ الخبتة الجاية قطع شك حقتكم براااااكم , ارجوا الراجياكم,, يمهل ولا يهمل

فشيتيني يا الحبيبة ، شوق مطر
ليهم يوم
يمهل ولا يهمل ..
كل عام وانت واسرتك بالف خير ..

Quote: صفاء وناصر لم يأتو لحوار يا سوما

المحيرني عدم السلام يا قرشي والدنيا قبائل عيد ولا حتى عيدية مافي
لكن نحن بنقول ليهم كل سنة وإنتو طيبين وربنا يحقق الأماني يا حبان
والعفول والعافية

Quote: الهرمة معناتا شنو يا سوما؟!

سلام يا صفاء وكل سنة إنتي واسرتك وكل الأهل بألف خير إن شاء الله
ربنا يحقق الأماني والعفو والعافية إن شاء الله




متاوقة
يا صفوية في المقال ده كلو طلعتي بالهرمة بس ؟؟
حكمتو باااالغة يا زولة يا شفيفة ياخ معني المقال ده واضضضح زي الشمس
تسلمي يا حبيبة واسعدني مرورك بالتأكيد

Quote: يعنى شنو الاولاد هرمة

وهي الماشية الهزيلة المترهلة العاجزة

Quote: عفيت منك بت الجنيد خيتي الشايقي

الشايقي الحنين ’ ناس الجروف والطين
حبابك يابا وشرفتني طلتك بالحيل يعلم الله
ربنا يخلصنا من الرعا ع الإستباحوا دم اهلنا وبهدلوا بلدنا
قاااادر يا كريم, بركة دعوات كل المحتاجين والمظلومين وبركة قبائل العيد إن شاء الله ينتقم منهم جميعا

العيد مبارك عليك يا خوي علينا وعليك يتبارك
العفو لله والرسول

الحبيبة الغالية اسماء الجنيد

كل سنة وانت واسرتك بالف خير وعافية

ضربونا أولاد الهرمة هههههههههههههه
ضربني وبكى سبقني واشتكى

Quote: فشيتيني يا الحبيبة ، شوق مطر ليهم يوم يمهل ولا يهمل .. كل عام وانت واسرتك بالف خير

حبيبتنا الغالية أماني ,, والله شوقنا بالأكتر..
تسلمي يا غالية من بطن الأهل وتسلم ايامك إن شاء الله
كل سنة وإنتو طيبين يا حبيبة وربنا يحقق كل امنياتكم الجميلة ويديكم الفي مرادكم يا رب
الله موجود يا أماني وحا يشوفوا عقاب ربنا إن شاء الله في الزايلة دي قبال الآخرة

يمهل ولا يهمل

سوما
وانتي ومن تحبين والسودان كلو بألف خير وعافية يا رب.

أنا ما قريت المقال يا سوما
لأني ما عرفتا معنى العنوان؟!

بحثت في النت لقيت المعنى :
الهرمة : الشيخة وأيضاً اللبوة أنثى الأسد.



محبتي

Quote: وهي الماشية الهزيلة المترهلة العاجزة

تسلمي يا أماني يا راقية وكلك ذوق
عارفة لو صبرتي شوية كنت قلت ليهم الغنماية المرضانة ولا البهيمة العيفة وجليفة ههههههههه والله صحي
من ما شبينا وسمعنا كلمة بت الهرمة وود الهرمة دي بتتقال للتقليل من قيمة الطرف التاني
معناها زيو زي البهيمة العجوزة وما منها فايدة وبتتقال دائما بسخرية

Quote: الحبيبة الغالية اسماء الجنيد كل سنة وانت واسرتك بالف خير وعافية ضربونا أولاد الهرمة هههههههههههههه ضربني وبكى سبقني واشتكى

يحي اخوي الحنيييين يعلم الله مشتااااقين , وينك يابا بالحيل طولنا ما اتلاقينا
كل سنة إنت طيب يا يحي وكل المعاك يا رب
ربي يحقق كل امانيكم ويسعدكم ويهنيكم

صدقت يا ود ابوي والله , فعلا ضربني وبكى وسبقني إشتكى

الضربة الجاية قطع شك بتوك فيهم زول
ده إن رجوها , خوووفة ساااااااااي بمشي التوج , والله صحي

تسلم يي اخوي على الطلة الباااسمة

الأخت أسماء الجنيد

لك التحية

كان المفترض على الحكومة تشتكيهم أولا لأبوهم الهرمة

إن أدب أولاده وشكمهم وعنفهم كان بها وإن لم يفعل شيئا

من ذلك فليصعدوا الأمر الى مجلس الأمن .

Quote: الأخت أسماء الجنيد لك التحية كان المفترض على الحكومة تشتكيهم أولا لأبوهم الهرمة إن أدب أولاده وشكمهم وعنفهم كان بها وإن لم يفعل شيئا من ذلك فليصعدوا الأمر الى مجلس الأمن

حبابك أخي جمال وكل سنة وإنت طيب ’ عذرا اخي على تأخير الرد ,, وشكرا مطبوقة لمرورك الكريم
حكومة شنو البتشكي يا جمال يا خوي ! وحات خوتك حكومتنا زاتها بت هرمة
الله غالب يا بوي , لكن نوع الحاكمننا ديل لا حكوا لا بقوا
يخلصنا منهم الله من فوق , هم الجايبين الجلاء والبلاء للبلد واهله

تسلم كتير