Post: #1
Title: *** حكومة قدر ظروفك ***
Author: اسماء الجنيد
Date: 12-10-2011, 12:02 PM
Parent: #0
سلام يا اهلنا حبابكم عشرة
حكومتنا بقت قدر ظروفك
والله صحي ,,,,,,,,,
تشكيل حكومتنا الجديدة دي مطمورة ناس ما شاء الله تبارك الله ودقر العين , وقل هو الله أحد ما غلبوا حد,
ما قصرتوا معانا كلو كلو يا ناس الحكومة , وزراء بالكيمان والمقاسات والمواصفات والأعمار , حسب الطلب ,( قدر ظروفك)
ناس الحكومة قصدوا بالتنوع ده يا جماعة , حسب مقدرة المواطن البسيط
يعني زول متعلم يمشي طواااااااالي يطلع السلم ويشكي امره لي وزير عنده حبة ثقافة.
مواطن تاني زهجي وعينو طالعة من الوضع الحاصل , ويمكن يكفت طوالي من اول النقاش,
ده يمشي لي ناس لحس الكوع , عشان العوا والملافظ بأنواعها
اما ناس قريعتي راحت والما ليهم لا في الشر ولا في التعليم . يحمدوا سيدهم عينوا ليهم ناس قدر ظروفك ,
قدر قدرتهم في التعليم والفهم وفي العمر, عينوا ناس حلاتو على قول اخوي ود جبرا الله يدي العافية ويسكنوا الصافية.
اها يا جماعة وبما إنه كتروا ليكم الوزراء بالعددية المهولة دي , يعني لازما ولا بد يا المواطن الغلبان الطفشان تتم جميلك وتطفش زيادة ,
يعني الحكومة دي تكفي الوزراء عربات وعمارات وخدم وحشم , ولا يكفوك إنت كسرة وملاح , وتعليم وعلاج ؟ مالكم كيف تحكمون يا اهلنا الغبش ؟؟
لازم تكربوا البطون وتعلنوا الجهاد على ارواحكم .خلوا الناس يعيشوا ويتمتعوا بي حقوقهم القسموها ليهم في صمة خشومهم ..
يعني ناس الحكومة ديل بعد كده إلا يقطعوا هدومهم عشان يرضوكم !, ما خلوا شيء في البلد ما فصلوا عليه وزير ولا مساعد رئيس.
في كل فرقة ختوا ليكم وزير , أي شق فيه ضب سلوه وختوا مساعد وزير, أي حفرة دفنوا بيها وزير, نحمد الله بلدنا ملانة حفر ومجاري , أي زقاق تكلوا فيه مساعد رئيس ,
تشكيلة وزارية تحفة جمعت ليكم المتردية والنطيحة وما اكل السبع !!!!
اها تاني يسوا ليكم شنو ؟
اتقي الله يا شعبنا الصامت وحدد مواقفك , يا اصمت نهائي وواصل في نومك وسكاتك على المر والأمر منه وبطل شكية ونقة وململة ..
يا هبوا وانفضوا غباركم المكندكم 22 خريف وغسلوا البلد من ما علق بها من شوائب وفساد ودمار يحتاج 22 سنة تانية عشان يتعمر ويتلم على البلدان.
وخافوا الله في جيلكم الجاي, إنتوا خلاص شربتوا المر واتجرعتوا العلقم لامن قلتوا بس,
خافوا الله في الجيل الجاي الما عنده ذنب , يصحا يلقى قدامه دمار وخراب وتفرقة وعنصرية ما تتعالج مدي الحياة !!!!!
متاوقة
ــــــــــــــــــــــ
باقيلكم بعد التنوع والكترة دي كلها , في زولا منهم بدور يسمع شكية مواطن ؟
حاشا وكلا ’ سباق شديد في باقي الفضل من حق شعبنا الصاااااااامت
والله صحي
يمهل ولا يهمل
|
Post: #2
Title: Re: *** حكومة قدر ظروفك ***
Author: اسماء الجنيد
Date: 12-10-2011, 05:41 PM
Parent: #1
فوق عشان نشوف رأي الأحزاب الشاركوا ناس المؤتمر
|
Post: #3
Title: Re: *** حكومة قدر ظروفك ***
Author: ساميه حامد
Date: 12-10-2011, 05:52 PM
Parent: #2
سلام يا الحبيبة
| Quote: اها تاني يسوا ليكم شنو ؟ |
والله انا ما برضى الا إدوني وزارة سيادية عشان اعين كل الحريم الغبش معاي وما يكون فيها ولا راجل
|
Post: #4
Title: Re: *** حكومة قدر ظروفك ***
Author: AMNA MUKHTAR
Date: 12-10-2011, 06:45 PM
Parent: #3
يا سومة كتابتك دى مفروض تاخدى عليها قروش ..وقروش كتيرة كمان .
والله صحى ..
|
Post: #5
Title: Re: *** حكومة قدر ظروفك ***
Author: اسماء الجنيد
Date: 12-10-2011, 07:41 PM
Parent: #4
Quote: سلام يا الحبيبة
والله انا ما برضى الا إدوني وزارة سيادية عشان اعين كل الحريم الغبش معاي وما يكون فيها ولا راجل |
حبابك يمة حبيبة الضلمة
والله احسن من الكم وخمسين القلقلوهم لينا في قلب اهلنا ديل
هم لاقنك وين ؟ إنتي قالولك هينة ولا يعني لينة ؟؟
انا غايتو مرشحاك من هسه دي
والله صحي
|
Post: #6
Title: Re: *** حكومة قدر ظروفك ***
Author: يوسف السماني يوسف
Date: 12-10-2011, 08:06 PM
Parent: #5
Quote: باقيلكم بعد التنوع والكترة دي كلها , في زولا منهم بدور يسمع شكية مواطن ؟
حاشا وكلا ’ سباق شديد في باقي الفضل من حق شعبنا الصاااااااامت |
التشكيل الوزاري اسمو ايجاد فرص للعاطلين من السياسين او السادة .
فرص هامشية لوزراء الهامش والموالين والسادة التابعين ودي حسب العرض والطلب .
وفرص مركزية لوزراء المؤتمر الوطني دي ماركة مسجلة 22 سنة نفس الملامح والشبهة.
بت الجنيد
تحياتي لك وللاسرة
انتي ماسمعتي يا اختي بالوزير القال لازم نغير الشعب .
الناس ديل الشعب ما من اهتماماتهم .
|
Post: #7
Title: Re: *** حكومة قدر ظروفك ***
Author: Al-Shaygi
Date: 12-10-2011, 09:47 PM
Parent: #6
سلام بعدد قطرات مطر خريف البطانة يا بت الجنيد
Quote:
*** حكومة قدر ظروفك ***
|
والله قدر ما فتشت كلام أقوله من يوم شكلوا حكومة الـ 66 دي ما لقيت...
حتى الكوتشينة 52 كرت...
ياخ أمريكا بكل قوتها وعظمتها وراكبه فوق العالم ومدلدلة رجليها وسايقاهو عر عر عر
ما عندها ولا خمس العدد ده.....
الله يستر على الجمهورية الثالثة، كان الله ما رفع عننا غضبه راح تكون 666 وزير وأضربي العدد ده في عدد الولايات وأطرحي منه الهجرات والوفيات والمذابح والحروب.....
بإختصار كدة الجمهورية الثالثة لو إنقطعت السبيبة ووقعت المصيبة راح يكون الشعب الفضل كلو وزراء،،، بس ما راح يستوزروا إلا على البعوضة....
الله يقلع البعوضة عشان ما يلقوا إلا حمير الكارو كان فضل كارو....
الحمد لله العشنا وشفنا لأن أسلافنا الرحلوا كان لاقيناهم في الآخرة وحكينا ليهم، بيكضبونا.....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #8
Title: Re: *** حكومة قدر ظروفك ***
Author: اسماء الجنيد
Date: 12-10-2011, 10:04 PM
Parent: #7
Quote:
يا سومة كتابتك دى مفروض تاخدى عليها قروش ..وقروش كتيرة كمان .
والله صحى .. |
حبابك يا أمونة يا الدرة المكنونة
إنتي يا يمة تتعلي ما تدلي
يا بت امي القريشات هدا طرفي منها ماني دايراها تب
بس يحلو عن سمانا وسما اهلنا الظلمة ديل , كده بتكون الرسالة وصلت وخيتك مبسووووووووطة ألف
والله صحي
تسلمي يا أمونة وتسلم طلتك الحنينة يا غالية
|
Post: #9
Title: Re: *** حكومة قدر ظروفك ***
Author: أحمد ابن عوف
Date: 12-10-2011, 11:05 PM
Parent: #8
سلام يا بت الجنيد
ياخي كلامك حلو مر عديييل
الليلة قلت اشوف الاخبار من اولها واشوف بيان الوزراء
لا حولا
سبعة دقائق.... سبعة دقايق المذيع شغال في ذكر الاسماء
في لحظة كده زهجت، لكن لمن لقيت القصة طولت، قلت يا ود كدي اصبر امكن يذيعوا اسمك ما الناجحين ديل
انا المحيرني، الناس الكتار ديل لقهم وين زاتو ولموهم بتين؟؟
|
Post: #10
Title: Re: *** حكومة قدر ظروفك ***
Author: اسماء الجنيد
Date: 12-11-2011, 00:03 AM
Parent: #9
Quote:
التشكيل الوزاري اسمو ايجاد فرص للعاطلين من السياسين او السادة .
فرص هامشية لوزراء الهامش والموالين والسادة التابعين ودي حسب العرض والطلب .
وفرص مركزية لوزراء المؤتمر الوطني دي ماركة مسجلة 22 سنة نفس الملامح والشبهة.
بت الجنيد
تحياتي لك وللاسرة
انتي ماسمعتي يا اختي بالوزير القال لازم نغير الشعب .
الناس ديل الشعب ما من اهتماماتهم . |
يوسف اخوي حبابك يابا واريتط طيب والأسرة الكريمة
الحكاية يا ود امي جغمسة على قول رئيسهم الكبر الرصة
هو لي روحو دي شبع وداير يحاحي الفاتحين خشموهم وراجنه ,
لازم يشغلهم في روحهم عشان هو يتهبب شوية ويفكر في الكبب السواها ويحسب في الأيام والراجيه
والمصيبة البجيبوهو جديد كلو داير يحصل يخمش خمشتو قبال ما تتفرتق في رأسو
والضحايا الشعب المورم وصامت ده !! صمت الناس زاتو حير الما بتحير
هسه الناس ديل عليك مش بلعبوا لعبة الكراسي بس ؟
تبادل كراسي في نفس الحلقة ليس إلا
ربنا يحلنا منهم قريب بركة جاه النبي ,, آمين يا رب العالمين
تسلم يا يوسف اخوي وكتر خيرك على مرورك البسعدني ديمة
|
Post: #11
Title: Re: *** حكومة قدر ظروفك ***
Author: معاوية المدير
Date: 12-11-2011, 00:58 AM
Parent: #10
Quote: يعني ناس الحكومة ديل بعد كده إلا يقطعوا هدومهم عشان يرضوكم !,
ما خلوا شيء في البلد ما فصلوا عليه وزير ولا مساعد رئيس. |
ما قصروا تب ناس الحيكومة يا بت الجنيد. ربنا يجزيهم
قدُر نيتهم.
الشعب صِننننننننننننن، وأتوقع ناس المقابر يفرفرو
قبلو !!!
والله صحي...
|
Post: #12
Title: Re: *** حكومة قدر ظروفك ***
Author: محمد الفاتح خالد حسون
Date: 12-11-2011, 01:07 AM
Parent: #10
Quote:
باقيلكم بعد التنوع والكترة دي كلها , في زولا منهم بدور يسمع شكية مواطن ؟
حاشا وكلا ’ سباق شديد في باقي الفضل من حق شعبنا الصاااااااامت
والله صحي
يمهل ولا يهمل
|
الاخت بت الجنيد
من حكاوى الخال ... قال فى اجتماع لى مصطفى الهادى ايام النميرى والاتحاد الاشتراكى وتغير المواصلات فى ام درمان اجتمع مع عربجية سوق ام درمان للمشورة والنجيضة بعد خلص كلامو المنمق المموسق سال واحد عربجى بين اليقظة والاحلام من النقة بتاعت الوزير قال للعربجى : أها رايكم شنو يا جماعة ؟ .. رد العربجى عليو بى كل تهكم ... ياتو حكومتن أخدتلا راى عـربجية !!!
المواطن عرف زمان ... أضـان الحكومة طرشه وكترت البتابت بتمسخ خلق الله ... فعفيف هذا الشعب الذى يموت كاللاشجار واقف لا ينحنى وإن طــــــال الوقوف
محمد الفاتح خالد
|
Post: #13
Title: Re: *** حكومة قدر ظروفك ***
Author: يحي ابن عوف
Date: 12-11-2011, 01:38 AM
Parent: #12
الحبيبة لغالية سوما بت الجيند
والله الاشواق من هنا لى عندك
الحكومة لازالت في غرفة الانعاش تعتمد على الاكسجين الامني والبوليسي
ويريد له شيوخ الانقاذ ان تعيش ولكن كل الدلائل تؤكد ان فرصتها في البقاء معدومة
|
Post: #14
Title: Re: *** حكومة قدر ظروفك ***
Author: ABUHUSSEIN
Date: 12-11-2011, 05:35 AM
Parent: #13
اختنا الطيبة سوما سلام
المحيرني لو الناس ديل كان ضمو للحكومة دي بقية الأحزاب كانو حا إعملو شنو...؟؟؟؟
يعني كل مواطن ليه وزير .... يعني نص البلد شعب و النص التاني وزراء
تحياتي و إحترامي
|
Post: #15
Title: Re: *** حكومة قدر ظروفك ***
Author: صديق الموج
Date: 12-11-2011, 05:54 AM
كلام واحد حاسده بس
يعنى يا يعملوا وزاة للسكر ويدوك ليها
يا تنقى جنس النقة دى؟
شوفى يا بت الجنيد انت الحكومة دى ما قصرت معاك ابداً
مهجراك وقاعدة تحت المكيفات دى ليك قريب تلاتين سنه وتقولى الحكومة كعبة؟؟
والله ياهو الفضل!!
اصلكم يا المعارضين لابعجبكم العجب لا الوزير ابو ضنب..
البلد بلدهم وهم اسيادها والاسياد بقو معاهم والله صحى!!
قال حكومة قدر ظروفك طيب ما يقدروا ظروف الشعب ده مره.
وقع ليك؟ والله صحى،،،
|
Post: #16
Title: Re: *** حكومة قدر ظروفك ***
Author: ولياب
Date: 12-11-2011, 06:04 AM
Parent: #15
ولا يهمك يا سوما ، كل مواطن حنخليهوا صاحب منصب وزاري ، وأنتَ في أسوأ الفروض حنسلمك المدير العام لسكر حلفا الجديدة بلاش الجنيد ، وأنا أصلح كوزير مفوض لمؤسسة حلفا الجديدة الزراعية .
حليل أيام زمان !!!
|
Post: #17
Title: Re: *** حكومة قدر ظروفك ***
Author: عثمان رضوان
Date: 12-11-2011, 11:08 AM
Parent: #16
الأخت بت الجنيد
تحياتي
ربما ينطبق علينا المثل المصري :
100 عمدة على فلاح واحد.
والله مصيبة كبيرة.
|
Post: #18
Title: Re: *** حكومة قدر ظروفك ***
Author: اسماء الجنيد
Date: 12-11-2011, 05:50 PM
Parent: #17
Quote:
سلام بعدد قطرات مطر خريف البطانة يا بت الجنيد
والله قدر ما فتشت كلام أقوله من يوم شكلوا حكومة الـ 66 دي ما لقيت...
حتى الكوتشينة 52 كرت...
ياخ أمريكا بكل قوتها وعظمتها وراكبه فوق العالم ومدلدلة رجليها وسايقاهو عر عر عر
ما عندها ولا خمس العدد ده.....
الله يستر على الجمهورية الثالثة، كان الله ما رفع عننا غضبه راح تكون 666 وزير وأضربي العدد ده في عدد الولايات وأطرحي منه الهجرات والوفيات والمذابح والحروب.....
بإختصار كدة الجمهورية الثالثة لو إنقطعت السبيبة ووقعت المصيبة راح يكون الشعب الفضل كلو وزراء،،، بس ما راح يستوزروا إلا على البعوضة....
الله يقلع البعوضة عشان ما يلقوا إلا حمير الكارو كان فضل كارو....
الحمد لله العشنا وشفنا لأن أسلافنا الرحلوا كان لاقيناهم في الآخرة وحكينا ليهم، بيكضبونا.....
الشايقي
|
حبيب الشايقي الحنين ,,, ود الجروف والطين
يعليم الله الشوق لي نضميك السمح قمر دورين
يا ود امي ديل شاتروا في كل شيء
مشاترة ما سبقهم عليها ايتها مخلوق في الدنيا ام قدود دي
يعني هسه هم فاكرين خلق الله دي في روسينها قنابير ؟
ما ياها زاتها خلقهم البالين بيها العباد اكتر من 22 سنة
اللهم إلا جابوا اولادهم واحفادهم عشان يكبروا الكوم ويورثوا الشغلانة لي ناسهم
ويوسعوا باب اللفحي والنهب المصلح
غير كده مانا شايفين ليهم تشكيلة جديدة ولا تجديد حتى لي ناسهم زاتهم
انا المضحكني الطبالة يا الشايقي يا خوي
بطبلوا سااااااااااي ماهم خابرين التكتح
الناس ديل ضاحين على دقون مطبلنهم زاتهم . بدليل إنه بلفوا في ميسهم ده لا يوم باكر
والغباية ديل لافين حولينهم لامن داشوا وبرضوا بصفقوا
حكمتوا باااااااااااالغة
والله صحي
تسلم يا الشايقي يا خوي
ونسأل الله يفتنهم فيما بينهم إن شاء الله
يمهل ولا يهمل
|
Post: #19
Title: Re: *** حكومة قدر ظروفك ***
Author: حبيب نورة
Date: 12-11-2011, 05:56 PM
Parent: #18
:)
:)
:)
المتردية والنطيحة وما أكل السبع
هاهاهاهاهاهاهاهاهاها
سومة كيفنك يا أختي ؟ عساك بخير
|
Post: #20
Title: Re: *** حكومة قدر ظروفك ***
Author: اسماء الجنيد
Date: 12-11-2011, 06:13 PM
Parent: #19
Quote: سلام يا بت الجنيد
ياخي كلامك حلو مر عديييل
الليلة قلت اشوف الاخبار من اولها واشوف بيان الوزراء
لا حولا
سبعة دقائق.... سبعة دقايق المذيع شغال في ذكر الاسماء
في لحظة كده زهجت، لكن لمن لقيت القصة طولت، قلت يا ود كدي اصبر امكن يذيعوا اسمك ما الناجحين ديل
انا المحيرني، الناس الكتار ديل لقهم وين زاتو ولموهم بتين؟؟ |
احمد ود عمي ابنعوف حبابك يا الدخري
إت في كترة الأسامي ولا الكلام القروش والعربات والبيوت البمرقوها للأمة دي
تعرف ديل دايرين ليهم وزارة مخصوصة لي ميزانيتهم ومصاريفهم الما حاتكمل نهاااااااائي
اظرف شيء تلقاهم نصهم ما بتعارف !!
معقولة بس وزراء من كترتهم ما بعرفوا بعض ؟؟؟
حكمك يا رب
ربنا من فوق يفك كرب اهلنا منهم ويفرجها عليهم قادر يا كريم
يمهل ولا يهمل
|
Post: #21
Title: Re: *** حكومة قدر ظروفك ***
Author: اسماء الجنيد
Date: 12-11-2011, 06:44 PM
Parent: #20
Quote:
ما قصروا تب ناس الحيكومة يا بت الجنيد. ربنا يجزيهم
قدُر نيتهم.
الشعب صِننننننننننننن، وأتوقع ناس المقابر يفرفرو
قبلو !!!
والله صحي... |
حباب ود المدير ,,, شاعرنا الختيـــــــــــــر
الشعب التقول سقوهو محاية نوم
الشكية لي الله كل يوم يلبعوهو في ضهره ويرزعوه بي بليه جديدة
والحال في حالو . نايمين نومة اهل الكهف . كمان اخدولهم شخرة
والله صحي ....
غايتو يا ود المدير اخوي , الناس ديل ما باقيلهم علا يشيلولهم صوت ويقعوا في الشعب ده محطي
عشان يفك حنكوا ويصرخ
والله صحي
|
Post: #22
Title: Re: *** حكومة قدر ظروفك ***
Author: اسماء الجنيد
Date: 12-11-2011, 07:09 PM
Parent: #21
Quote:
الاخت بت الجنيد
من حكاوى الخال ... قال فى اجتماع لى مصطفى الهادى ايام النميرى والاتحاد الاشتراكى وتغير المواصلات فى ام درمان
اجتمع مع عربجية سوق ام درمان للمشورة والنجيضة بعد خلص كلامو المنمق المموسق
سال واحد عربجى بين اليقظة والاحلام من النقة بتاعت الوزير قال للعربجى : أها رايكم شنو يا جماعة ؟ .. رد العربجى عليو بى كل تهكم ... ياتو حكومتن أخدتلا راى عـربجية !!!
المواطن عرف زمان ... أضـان الحكومة طرشه وكترت البتابت بتمسخ خلق الله ... فعفيف هذا الشعب الذى يموت كاللاشجار واقف لا ينحنى وإن طــــــال الوقوف
محمد الفاتح خالد |
حبابك اخي محمد الفاتح , فتح الله عليك كل ابواب الخير
طلتك اسعدتنا يا عشانا وجابت خريفنا باكرية
تصدق بالله حتى زمن المرحوم نميري الناس كانوا شايلين منو وشالوها قبال ما يشاوروه لا بي مظاهرة ولا غيرها
فجعتنا على قول حبوباتنا , مرق يزور الجيران , ما خلوه حتى رجع لي بلده
لكن وينو زمن عربجيتنا وزمن شعبنا العفيف النضيف القلبو حار بولع نار ؟
الزمن ده كان رجع لا ورا شوية بس .
وحات خوتك المقلقلين في قلبنا زي الهم الأسود ديل كان زماااااااااااااان اهلنا طفشوهم وركبوهم الدقداق برا زلط كمان
شكرا اخي محمد الفاتح الزول المرهف
شكرا على الطلة الجميلة
|
Post: #23
Title: Re: *** حكومة قدر ظروفك ***
Author: اسماء الجنيد
Date: 12-11-2011, 10:36 PM
Parent: #22
Quote:
الحبيبة لغالية سوما بت الجيند
والله الاشواق من هنا لى عندك
الحكومة لازالت في غرفة الانعاش تعتمد على الاكسجين الامني والبوليسي
ويريد له شيوخ الانقاذ ان تعيش ولكن كل الدلائل تؤكد ان فرصتها في البقاء معدومة
|
حباااااااااب يحي الحنين ,, يعلم الله الشوق قمر دورين
يسمع منك الله يا ود امي , ويكونوا فعلا في الإنعاش والعناية المركزة ويحلوا عن سمانا
اليوم داك عاد يا يحي حوش بكري ده بنقلبوا دار رياضة امدرمان
والله صحي
كواريك وجوطة وبي الزقاق الوراني حفلة صباحية ونعرج بي غادي نعملنا حولية
واي زول بكري قافله بره الحوش , اليوم داك بنفك اسره إن شاء الله
لكن باقيلك في كوز بصنقر معانا ؟
غايتو مافي داعي نسبق الأحداث
لكن اليوم داك بنتحزم ونتلززززززززم
والله صحي
شكرا يحي ياخ
تزورك العافية يابا يا ضل السحابا
|
Post: #24
Title: Re: *** حكومة قدر ظروفك ***
Author: اسماء الجنيد
Date: 12-21-2011, 11:14 PM
Parent: #23
Quote: اختنا الطيبة سوما سلام
المحيرني لو الناس ديل كان ضمو للحكومة دي بقية الأحزاب كانو حا إعملو شنو...؟؟؟؟
يعني كل مواطن ليه وزير .... يعني نص البلد شعب و النص التاني وزراء
تحياتي و إحترامي |
ابو حسين حبابك يابا , يعلم الله مشتاقين , كيفنك والعيال وامهم الحبيبة
بتعضرلك يا خوي طولت الغيبة , والله مو بي خاطري ’ علا اللوم قالوا بجي بالغفلات وخسار الكمبيوترات
والله صحي
كمبيوتري قبلو وقبالو عنده مراريا ,, والله صحي
لكن كمان يا ابو حسين هسه باقيلك مو كل مواطن قصادو وزراة عديييييييل
عاد كان ادونا انا وخيتي سامية وزارة واحده رضيانين خسووووووووووسا قالوا الأيامات دي بوزروا في الجهلة , آي والله هلة عديييييييييل
والله صحي
تسلم على الطلة يا ود الفريق والحلة وسلملي على العقاب
|
Post: #25
Title: Re: *** حكومة قدر ظروفك ***
Author: اسماء الجنيد
Date: 12-21-2011, 11:49 PM
Parent: #24
Quote: كلام واحد حاسده بس
يعنى يا يعملوا وزاة للسكر ويدوك ليها
يا تنقى جنس النقة دى؟
شوفى يا بت الجنيد انت الحكومة دى ما قصرت معاك ابداً
مهجراك وقاعدة تحت المكيفات دى ليك قريب تلاتين سنه وتقولى الحكومة كعبة؟؟
والله ياهو الفضل!!
اصلكم يا المعارضين لابعجبكم العجب لا الوزير ابو ضنب..
البلد بلدهم وهم اسيادها والاسياد بقو معاهم والله صحى!!
قال حكومة قدر ظروفك طيب ما يقدروا ظروف الشعب ده مره.
وقع ليك؟ والله صحى،،، |
ود الموج , النبي ما فقعوا مرارتك بي مطمورة الناس دي ؟
قال مساعدين رئيس قال ؟
يساعدوا في شنوا مانا عارفين
علا الرقيص , والله صحي
والله يا ود الموج كان على كيفي كان بقيتك وزير خارجية
والله صحي
هسه الطفل المعجزة ولا كرتي شن بجيبهم لي ضلك
علا العين بصيرة والليد قصيرة
والله صحي
|
Post: #26
Title: Re: *** حكومة قدر ظروفك ***
Author: اسماء الجنيد
Date: 12-21-2011, 11:56 PM
Parent: #25
Quote: ولا يهمك يا سوما ، كل مواطن حنخليهوا صاحب منصب وزاري ، وأنتَ في أسوأ الفروض حنسلمك المدير العام لسكر حلفا الجديدة بلاش الجنيد ، وأنا أصلح كوزير مفوض لمؤسسة حلفا الجديدة الزراعية .
حليل أيام زمان !!! |
اوووووووووووه ولياب جنا الأحباب
يا حليلك والله وحليل ايام زمان على قولك
ويا حليل ناس حلفا السكر والمحنة والطيبة تمشي على قدمين
انا يا ولياب خليني بس وسط اهلي ديل وإنت مبرووووووكة عليك الوزارة
هم الوزروهم ديل احسن منك ولا افهم منك ,, فشــــــــــر يا خوي
والله إنت ضفرك بالحكومة كلها
والله صحي
لك التحايا النواضر يا ولياب وشكرا على الطلة الحنينة جدااااااا
|
Post: #27
Title: Re: *** حكومة قدر ظروفك ***
Author: اسماء الجنيد
Date: 12-22-2011, 12:06 PM
Parent: #26
Quote: الأخت بت الجنيد
تحياتي
ربما ينطبق علينا المثل المصري :
100 عمدة على فلاح واحد.
والله مصيبة كبيرة. |
اخوي عثمان رضوان حبابك يابا واريتك طيب ,,
وعذرا والله لتأخير الرد , لظروف خارجة عن الإرادة
صدقت والله فعلا ينطبق علينا المثل المصري
لكن اريتها يا عثمان اخوي كان بقت داب عمودية , على الأقل مصروفات العمدة مي زي الوزير ومساعد الرئيس
ديك فيها بلع ولبع بالكيمان
والله صحي
اهلنا الغبش ليهم الله بس
يمهل ولا يهمل
كتر خيرك كتير على الطلة والمرور الجميل
|
Post: #28
Title: Re: *** حكومة قدر ظروفك ***
Author: اسماء الجنيد
Date: 12-26-2011, 01:11 AM
Parent: #27
Quote:
المتردية والنطيحة وما أكل السبع
هاهاهاهاهاهاهاهاهاها
سومة كيفنك يا أختي ؟ عساك بخير |
حباب يسين الحنين ود الجروف والطين
دحين يا خوي البسوا فيه الناس ديل وبفطسوا في بعض ما ياهم البتنطبق عليهم الأوصاف اعلاه !
ياهم زاتهم يعلم الله وأكتر كمان
والله صحي
|
|