Post: #1 Title: **** في حلتنا وتحت ضل نيمتنا **** Author: اسماء الجنيد Date: 12-29-2010, 00:03 AM Parent: #0
سلام يا اهلنا وعام جديد سعيد مقدما عليكم بلا فرز وحات الله البورد بقى كلو كع كرع رع لبع صاح البجي يهظرلو مع زول ساي تجيهو لبعة في صمة خشمو واللبعة ما لازم تكون بي برطوش لا مؤآخذة عاااااااااادي بتكون بي كليمة مسيخة وحارة والاخيرة دي اخير منها البرطوش لا مؤآحذة راسو عديل
اها قلت نرجع لي ذكريات جميلة نتونس بيها برانا في حلتنا وتحت ضل نيمتنا اكيد كل زول عنده كلام ظريف يلا نبدأ ليكم يوم ما عندنا موضوع وقعدنا نبحت في كلام ناسنا الكبار اها بعض حبوباتنا الله يطراهن بالخير ويرحم الرحلن فارقننا بي محنتن وطيبتن عندهن مفردات تحفة كالآتي
الاستبالية ولا الاستبالا المراريا جبل الديش لووول ناس فلان عندهم عربية اندروبل الشاطر فيكم يعرف لي قاصدين ياتو عربية ؟
نواصل
Post: #2 Title: Re: **** في حلتنا وتحت ضل نيمتنا **** Author: اسماء الجنيد Date: 12-29-2010, 00:08 AM Parent: #1
عندنا جارتنا زولة امانة مي ظريفونة الله يطراها بالخير بتقلب الكلام كلو تقول لي والله يا سوما يا بتي بس فلان ده مكجناهو سااااااااااااي كده بس مجاز مني مجازي مابيهو كلو كلو
Post: #3 Title: Re: **** في حلتنا وتحت ضل نيمتنا **** Author: الامين موسى البشاري Date: 12-29-2010, 00:14 AM Parent: #2
Quote: اها قلت نرجع لي ذكريات جميلة نتونس بيها برانا في حلتنا وتحت ضل نيمتنا
اسماء بت الجنيــد
ســـلام .. وتبري من الونسه برااااااااك والله صحي ونستك شكلها طاعمي وسمحه اها جرينا بنبرنا وقعدنا نسمع النضمي .. ..
__ اندروبل = لاندروفــر
Post: #4 Title: Re: **** في حلتنا وتحت ضل نيمتنا **** Author: اسماء الجنيد Date: 12-29-2010, 00:17 AM Parent: #2
نرجع لي حلتنا
وحيدة تانية حنينة جنس محنة الله يديها العافية لاقتني ماشة في زيارة بعد المطايبة والسلام قالت لي ماشة اسأل من فلان الدكتور ده اصلو خالي تصدقي عندو كلى فشلوي ... لوولز الاظرف كنت ماشة زيارة لنفس بيت الدكتور قريبي بعدما دخلنا مع بعض وسلمنا سكت ولبدت عشان اسمع رد الفعل قلت المرة الاولى امكن الزولة دي غلطت في نطق اسم المرض ده شفا الله الجميع طواااااااااااالي دخلت ليه في الكلام
يا فلان عليك الله الكلى الفشلوي ده علاجو شنو؟ قال ليها آآآآآآآآآآآ فاتح بؤه على قول المصريين انا متتتتتتتتتتتتت بالضحك ولسه لابدة قالت ليه خالي فلان عنده كلى فشلوي قال ليها هسة يا فلانه عليك الله الساهلة ياتها فشل كلوي ولا كلى فشلوي والله انا الدكتور غالبني انطقها ولا شنو يا سوما
سوما كانت راقدة سلطة من الضحك والله صحي
Post: #6 Title: Re: **** في حلتنا وتحت ضل نيمتنا **** Author: اسماء الجنيد Date: 12-29-2010, 00:21 AM Parent: #4
اندروبل = لاندروفــر
ود البشاري حبابك يعلم الله مشتاقين والله صحي
اسمعني آآ يابا وحات الله حبوباتنا بنات اعم لزم والله صحي من معرفتك لي اللندروبل ده لووولز حبابك اقعد تب نيمتنا بي قهوتها يا خوي والله صحي
Post: #5 Title: Re: **** في حلتنا وتحت ضل نيمتنا **** Author: يحي ابن عوف Date: 12-29-2010, 00:18 AM Parent: #2
سلام الحبيبة العزيزة سوما اناجئت شايل كوم من الطوب الاحمر كمان ما الطوب النى
Post: #7 Title: Re: **** في حلتنا وتحت ضل نيمتنا **** Author: اسماء الجنيد Date: 12-29-2010, 00:27 AM Parent: #5
سلام الحبيبة العزيزة سوما اناجئت شايل كوم من الطوب الاحمر كمان ما الطوب النى لوووووووووووووووووووووووووولز يحي ود عمي ابنعوف يا حليلك والله يا خوي غيبة طويلة يعلم الله الشوق محنة ياخ لكن مداخلتك تحفة انتو برضو بتقولو الطوب الني والطوب اللخدر مباااااااااااالغة
اها اسمع ونسة ديل كمان
ها فلانة وليدكم نجح؟ آي بوكسينو كم ؟؟ قالو النتيجة آآختي بالبوكسي بس ( دي طبعا بتكون متعلمة جد) باقي الونسة ,, يا بت امي ادونا الكروكوين بالدرب قالو تايفويد
فترنا سااااااااااي في بليع حبوب المراريا
Post: #8 Title: Re: **** في حلتنا وتحت ضل نيمتنا **** Author: اسماء الجنيد Date: 12-29-2010, 00:30 AM Parent: #7
ماشين نحو اللمية نحوها عدييييييل كدة
ناس نحو اللمية ديل كمان ونستهم براها امانة ما لذيذة والله صحي
Post: #9 Title: Re: **** في حلتنا وتحت ضل نيمتنا **** Author: محمد عبدالرحمن محمد Date: 12-29-2010, 00:30 AM Parent: #2
Quote: جبل الديش لووول ناس فلان عندهم عربية اندروبل الشاطر فيكم يعرف لي قاصدين ياتو عربية ؟
أستاذه اسماء كيفنك؛ بي مناسبة الديش.. رجعتيني لي زمناً سمح بلحيل.. يوم السوق في البلد مربوط بي وصول وارسال الخطابات.. الناس يرجو فشان الأخبار، وانا ارجا فشان القرش والتعريفه البغمتوهن لي في كتابة جواب ولا قرايتو!! الشاهد انو عندي قريبتن لي ولدا في [الديش] حافظي عنوانو صم بعد انتهيلا من كتابة الجواب تمليني ياهو: [شندي.. الديش.. بلك امين فلان الفلاني.. ... المحترم]! __ ماني شاطر لاكين [الاندروبل] أول عربيي سقتها وكت اشتغلت في [المرحوم] مشروع الجزيره!
شكراً علي البوست المريح!!
[المطرطش]
Post: #10 Title: Re: **** في حلتنا وتحت ضل نيمتنا **** Author: محمد عبدالرحمن محمد Date: 12-29-2010, 00:34 AM Parent: #2
تكرار!!
Post: #11 Title: Re: **** في حلتنا وتحت ضل نيمتنا **** Author: نيازي مصطفى Date: 12-29-2010, 00:37 AM Parent: #1
ونيمتك دي فيها عنقريب هبابي ..وفي فرع من فروعها الشفع رابطين ليهم حبل (طوطحانية ) والبينات حافرات حفر يلعبن في ام الحفر والصج ..وجدتنا حاجة نور الشام تقلي في قهوتها .. حليل ايام زمان وحليل ناس زمان ..الله يرحمهم ويلحقنا بيهم عشان نحكي ليهم الحصل بعدهم مره كدي تقريبا في سنة 87 في عيد الضحية والناس تضبح في الخروف تحت النيمة عمنا عثمان قال والله عجيبة الخروف بقى ب25 جنيه ؟ والله انا ضحيت بريال زمان .. وقبل على وكنت ماسك كراع الخروف هسه عليك الله بعدين تقولوا لشفعكم شنو (باعتبار انه تاني ما فضل شئ او ما في غلا اكثر من كدا ) لك التحية يا شاعرتنا الكريمة ولعيالك وابوهم .
Post: #12 Title: Re: **** في حلتنا وتحت ضل نيمتنا **** Author: اسماء الجنيد Date: 12-29-2010, 00:43 AM Parent: #11
المطرطش محمد ود ابوي عبد الرحمن حبابك يابا يا حليلك والله وحليل الزمن الجميل الزمن القبيل
مع جبل الديش دي اتذكرت لي طرفة حكاها لي جدي شيخ بابكر الجنيد الله يرحمه قال لي مره قاعد في مكتب التعليم مدني جاني داخل واحد من الحلة والنوع المتفلسف داك سلمت عليه وقلت ليه كيف ناس الحلة كلهم ومتين الوصول لي مدني قال لي والله يا عمي الشيخ غادرناكم هسسسسة من الحلة طوالي لي هنا لووووووووووولز يا حليلو عاجباه الكلمة وصراها عشان يقشر بيها
Post: #14 Title: Re: **** في حلتنا وتحت ضل نيمتنا **** Author: اسماء الجنيد Date: 12-29-2010, 00:55 AM Parent: #12
وحاجة نور الشام تقلي في قهوتها ..
يا ود امي قلبي فراني
اخوي نيازي الحنين نزلن مني دمعتين
يااااااااه زمن غريب وجرى بسرعة الصاروخ الشكية لي الله راح بي محنة وطيبة اهلو
ما تنسا يا نيازي يا خوي خالتي فاطنة بي خدرتها تحت الشديرة دايره تورقها وتلحقها الغداء واللمة التحت الشديرة صفيقة صفيقة تكمل الخدره في ثواني وبي فوق الحيطة في قعدتنا ديك تجينا بردلب كم قصبة سكر محروق الناس الجو من الحواشات مره قصب ومرة ملوخية ومرة علوق للبهائم كان عندك بهيمة نحن غايتو بدونا قصب السكر لانه بنجي في الاجازات وعارفننا سعرانين للقصب
Post: #13 Title: Re: **** في حلتنا وتحت ضل نيمتنا **** Author: omer osman Date: 12-29-2010, 00:52 AM Parent: #11
حباب اهل البيت ........ ضلكم سمح بالحيل
ذكرني حبوبتي ......... كلامه فيهو شيتن كتير مدغمس
اها كان جات تقول لك ادني (الكربيته) طوالي تفهم انها دايرة (الكبريته)
وكان قالت لك ادني (البكسويت) ياها قاصدي (البسكويت)
الله يرحمن حبوباتنا كلهن الحيات والميتات .........
Post: #15 Title: Re: **** في حلتنا وتحت ضل نيمتنا **** Author: اسماء الجنيد Date: 12-29-2010, 01:04 AM Parent: #13
فيهو شيتن كتير مدغمس
عمر قبل ما اسلم عليك النبي حبوبتك الحنينة دي معقول تشبه كلامها بي الدغمسة ؟؟ النبي عدلها لينا لو في طريقة تعدل اسمك زاتو لووول انا من الليلة بقول ليك آآآآآآآآآآ ود عثمان عمي سلامة اسمك يابا
Post: #16 Title: Re: **** في حلتنا وتحت ضل نيمتنا **** Author: omer osman Date: 12-29-2010, 01:14 AM Parent: #15
Quote: عمر قبل ما اسلم عليك النبي حبوبتك الحنينة دي معقول تشبه كلامها بي الدغمسة ؟؟ النبي عدلها لينا لو في طريقة تعدل اسمك زاتو لووول انا من الليلة بقول ليك آآآآآآآآآآ ود عثمان عمي سلامة اسمك يابا
شاعرتنا الراقية ........ سلام تاني
دغمست الحبوبات مازي دغمسة الساسة دي دغمسة لذيذة
ودعثمان اسم اعتز به كثيراً وافتخر (عثمان عبدالحليم) راجل اصلو ماساهل ياريت لو ابقي نص (عثمان عبدالحليم) ربنا يديهو الصحة والعافية
Post: #17 Title: Re: **** في حلتنا وتحت ضل نيمتنا **** Author: اسماء الجنيد Date: 12-29-2010, 01:20 AM Parent: #15
اها اهلنا ناس نحو اللمية
ادوهن سورة قالوا ليهن احفظنها واحدة بالحيل متفولحة وعاملة روحها حفيظه حبيبتي المسيكينة جارتها دايرة تحفظ ناغمت ليها ليها بي فوق الحيطة فلانه كيف قيلتو النبي عارفة اسم السورة القالولنا اخفظوها ؟ بدور البنيات يحفظني ليها
الجارة الفالحة ردت بثقة بالحيييييييييييل آ خية السورة اسمها اللولي والمرجان ( استغفر الله العظيم ) طوالي نط راجلا فلانة اللولي والمرجان دي اكيد حجوة حجتك بيها حبوبتك انتي قاصدة التين والزيتون ؟؟؟ آآي والله تراك عراااااااااف ما عندك عوجة تب
Post: #18 Title: Re: **** في حلتنا وتحت ضل نيمتنا **** Author: اسماء الجنيد Date: 12-29-2010, 01:37 AM Parent: #17
فلان جابوا ليهو بيزة من السعودية
Post: #19 Title: Re: **** في حلتنا وتحت ضل نيمتنا **** Author: اسماء الجنيد Date: 12-29-2010, 01:56 AM Parent: #18
ودعثمان اسم اعتز به كثيراً وافتخر (عثمان عبدالحليم) راجل اصلو ماساهل ياريت لو ابقي نص (عثمان عبدالحليم) ربنا يديهو الصحة والعافية[
اللهم آميــــــــــــــــــــن يا رب العالمين ربنا يخليه ليكم ويخليكم ليه ان شاء الله
شكرا يا ما جنابو /B]
Post: #20 Title: Re: **** في حلتنا وتحت ضل نيمتنا **** Author: صديق الموج Date: 12-29-2010, 02:52 AM Parent: #17
بت الجنيد سلام طبعا جابتنى الونسه مع الحبوبات والضل البارد ده شايل لى جريده فوق راسى من الهجيره وصارى عين من الشمس ووراى شافع سايق ليه لستك ترتار،وكان ما مسكته كان كشح ليك الجبنه فى هدومك مع انه حبوبتى قالت القهوة كان انكشحت فى هدوم الزول جاياه قروش.. يعنى مسكته حساده منى ساكت... وشايف حبوبتك رابطه راسها بى دلقان اخدر..نعلها عافيه... وطبعا حبوبات زمان كان لما تقعد جنب الواحده فيهن ريحه حلوه خلاص.. مزيج من الصندليه والبن والكركار وبخور التيمان والمحلب.. والله يا سوما اتذكرت ريحة توب حبوبتى .. احى يا الغربه بت ال ك ل ب.. انشاء الله تعقرى... اها انا مره قاعد مع حبوبتى طيبه بت ود عمار فى ضل نيمتنا جات قمريه ركت فى النيمه وبتقوقى.. وكان الكلام ده فى نص عهد نميرى وبداية الغلاء، والبنزين والعيش بالصفوف وانعدام المواد التموينيه.. جاز..بصل...زيت...صلصه.. كلهن فى شبه المعدوم .. المهم حبوبتى دى كانت مره حكيمه خلاص الله يرحمها قالت لى يا الصديق ياولدى مالو نضم قمريكم ده مازى نضم قمرى زمان؟؟ قلت ليها كيف يا حبوبه؟ قالت لى زمان قمرينا كان بقول احمدو ربكم ..احمدو ربكم،، قلت ليها ماتراها قمريتنا بتقول احمدو ربكم.. قالت لى برى وحات الحاج القلمو ما ظلمو.. (الحاج ده خالى كان ضابط بوليس فى المناقل.. اسمعى قلمو الما ظلمو دى..طبعا ماساله فى بروف عنده دكتوراة فى تخصيب اليورانيوم او علم الجينات) المهم قالت لى.. تاخد الحاج قمريكم ده يتوارى لى بقول بطريقتكم ..بطريقتكم..بطريقتكم.. ضحكت فعلا قمرينا بدل غناهـ... لكن اظن الزمن البقينا ندق فيه بناتنا فى اقسام البوليس ده.. بقى يقول سجم اماتكم..سجم اماتكم..واللا الترابه فى خشمكم.. ايهم اشبه بهذا الزمن القمىء....
اسماء الجنيد خسمتك بالرسول ما تفوتى من الضل ده وانقلي البوست ده عشان الشرشفه واللا الشحتفه حقت بكرى ابصلعه ده انا مسميها هادم اللذات ارشفتو دى.. نلاقيك من الارشيف يا حبوبة اسماء، وجرى الفاتح على الضل ده.. باقى هو ود حبوبات بدرجة فارس ليك وليه وللعيال تحياتنا،،،
Post: #21 Title: Re: **** في حلتنا وتحت ضل نيمتنا **** Author: Hayat Hussien Date: 12-29-2010, 03:48 AM Parent: #20
الحبوبة اسماء والله عيزومتك مانا مابينها لكن بجيك يالله هوي وتسالني امبارح عيني
ما لاقت للصباح كنت منتظرة تلفون من بتي تطمئني بوصولها للابيض في زيارة لي نسابتها
والحمد لي الله وصلو بالسلامةهي وراجلا ووليدها ودعتهن لي امين الوداعة ونبي الشفاعة
ويجوني راجعين بسلامة الله تامين ولامين ومن العين محروسين عشان قلبي يرقدويرتاح وافضي
للقهوة ونشرب للبركة بس هسي ادوني فرقة في الهباب دا وادوني وسادة اختها تحت راسي
واخد لي غيميدة في ضل النيمة دي البترد الروح وبعد داك يا الونسة جاك زول وخسوسا
انا محبوسة لي اربع يوم ما مرقت من البيت بسبب الجليد الحاوطنا من كل الجهات واختك
خايفة من الوقيع والكسير يكفينا الشر يارب اها في امان الله للصباح ارقدو عافية
Post: #22 Title: Re: **** في حلتنا وتحت ضل نيمتنا **** Author: Abdlaziz Eisa Date: 12-29-2010, 06:25 AM Parent: #21
العزيزة سوما وضويفها في النيمة الظليلة..
سلامات
نسيت وين انا جالس, تاريني غرقان في قرية البوست ده.. كل حرف وكل كلمة تعطيني فلاشباك لذلك الزمان الجميل.. الحبوبات والجدات.. وقهوة الضحوية.. كنا نهرول من المدرسة للحاق بالتلتاوي.. ولحسان فناجيل القهوة.. ويوم تكون القهوة مافي بيتنا.. كنا نصطنع الخطط والحيل البتوصلنا لمكان الجلسة.. وكان المناسبات افراحا او اتراحا تزعجنا لا نحبها مهما كان شكلها لأنها بتخرب وبالأصح بتشتت جلسة القهوة لأماكن لا نصلها.. نراجع ملفات الزمن الجميل ونعيد الطلة..
Quote: بت الجنيد سلام طبعا جابتنى الونسه مع الحبوبات والضل البارد ده شايل لى جريده فوق راسى من الهجيره وصارى عين من الشمس ووراى شافع سايق ليه لستك ترتار،وكان ما مسكته كان كشح ليك الجبنه فى هدومك مع انه حبوبتى قالت القهوة كان انكشحت فى هدوم الزول جاياه قروش.. يعنى مسكته حساده منى ساكت... وشايف حبوبتك رابطه راسها بى دلقان اخدر..نعلها عافيه... وطبعا حبوبات زمان كان لما تقعد جنب الواحده فيهن ريحه حلوه خلاص.. مزيج من الصندليه والبن والكركار وبخور التيمان والمحلب.. والله يا سوما اتذكرت ريحة توب حبوبتى .. احى يا الغربه بت ال ك ل ب.. انشاء الله تعقرى... اها انا مره قاعد مع حبوبتى طيبه بت ود عمار فى ضل نيمتنا جات قمريه ركت فى النيمه وبتقوقى.. وكان الكلام ده فى نص عهد نميرى وبداية الغلاء، والبنزين والعيش بالصفوف وانعدام المواد التموينيه.. جاز..بصل...زيت...صلصه.. كلهن فى شبه المعدوم .. المهم حبوبتى دى كانت مره حكيمه خلاص الله يرحمها قالت لى يا الصديق ياولدى مالو نضم قمريكم ده مازى نضم قمرى زمان؟؟ قلت ليها كيف يا حبوبه؟ قالت لى زمان قمرينا كان بقول احمدو ربكم ..احمدو ربكم،، قلت ليها ماتراها قمريتنا بتقول احمدو ربكم.. قالت لى برى وحات الحاج القلمو ما ظلمو.. (الحاج ده خالى كان ضابط بوليس فى المناقل.. اسمعى قلمو الما ظلمو دى..طبعا ماساله فى بروف عنده دكتوراة فى تخصيب اليورانيوم او علم الجينات) المهم قالت لى.. تاخد الحاج قمريكم ده يتوارى لى بقول بطريقتكم ..بطريقتكم..بطريقتكم.. ضحكت فعلا قمرينا بدل غناهـ... لكن اظن الزمن البقينا ندق فيه بناتنا فى اقسام البوليس ده.. بقى يقول سجم اماتكم..سجم اماتكم..واللا الترابه فى خشمكم.. ايهم اشبه بهذا الزمن القمىء....
اسماء الجنيد خسمتك بالرسول ما تفوتى من الضل ده وانقلي البوست ده عشان الشرشفه واللا الشحتفه حقت بكرى ابصلعه ده انا مسميها هادم اللذات ارشفتو دى.. نلاقيك من الارشيف يا حبوبة اسماء، وجرى الفاتح على الضل ده.. باقى هو ود حبوبات بدرجة فارس ليك وليه وللعيال تحياتنا،،،
ود الموج الحنين حبابك يابا تصدق بالله دايره اكتب ليك امس اقول ليك اسمك يا ود الموج رغم الزمن دة كلو ما عارفاه مطابق لي اسمي لي الجد عشان كده تاني استعد لي جد الوليدات لزم صديق حاج الطيب اسماء صديق الطيب يعني جدي كان نادوه يا حاج الطيب كان انا جيت شاكلت ناس اخلاص في ابوهم لوول ياخ والله مداخلتك صورة قدامي العجب القهوة .. ياخوي ات مالك حاسد كدي بالحيل بدور القريشات ,, ذنبك على جنبك برسل ليك بقول ليك يابا رسل لي مصاريف والحبوبة الرابطة راسها دي يا حليلا بتكون من كواريك لما جيتنا داخل تسلم يا ابونا وربي يديك لينا الصحة والعافية وتحايا عبرك لكل العقاب بالله نيمتنا دي ما تطول منها النبي فيك
باقي البوست ده بنعمل فيه مسابقة مدام جدو ود الموج بطرفنا
هوى ياود فاطنه هوى.. انت قايلنا نحن قاعدين فى مجلس الشعب؟؟ كرسى واحد مافى..شوف ليك بنبر اترزع فوقو.. اسماء شايف حاجه خدرة مقنقنه فى بمبر قدام ست الجيل بتنقض ليها فى شعرها للمشاط.. الشعر كان مكوفت باقى هى كانت حادة على حاج الامين.. قدامها كورة فيها بلال.. البلال عبارة عن موية حنه ومحلب وقرنفل... اشفاء كبير مقزوز فى كراع العنقريب ... الاشفاء يقوم مقام المشط فى حذاقه تامه وبتخصص اكثر.. علبة ودك من عيد الضحية احضرتها حاجة خدرة خصيصا... ذهب الربيت وتبقى الودك وثبت الاجر باذن الله.. الشعر الذى يتساقط من عملية النقض يذهب الى شق فى الحيطه المخيته بالزباله.. باقى الشعر البخلو يشيلو الهواء كعب ومكروه فى عرف حبوباتنا... بت الجنيد دى واحدة من صور النيمة الجميلة.. ياناس بطلتو شغلتنا الله يقطع شيطانكم.. بمشى واجيكم،،،
Quote: الحبوبة اسماء والله عيزومتك مانا مابينها لكن بجيك يالله هوي وتسالني امبارح عيني
ما لاقت للصباح كنت منتظرة تلفون من بتي تطمئني بوصولها للابيض في زيارة لي نسابتها
والحمد لي الله وصلو بالسلامةهي وراجلا ووليدها ودعتهن لي امين الوداعة ونبي الشفاعة
ويجوني راجعين بسلامة الله تامين ولامين ومن العين محروسين عشان قلبي يرقدويرتاح وافضي
للقهوة ونشرب للبركة بس هسي ادوني فرقة في الهباب دا وادوني وسادة اختها تحت راسي
واخد لي غيميدة في ضل النيمة دي البترد الروح وبعد داك يا الونسة جاك زول وخسوسا
انا محبوسة لي اربع يوم ما مرقت من البيت بسبب الجليد الحاوطنا من كل الجهات واختك
خايفة من الوقيع والكسير يكفينا الشر يارب اها في امان الله للصباح ارقدو عافية
حياة الحبيبة المن القليب قريبة حبابك يمة وسمحة طلتك يعلم الله اولا بالتبادي حمد الله على سلامة وصول بنيتنا الغالية وسيد بيتها ووليداتها ربي يحفظم ويغطيهم ان شاء الله وتتلموا في البلد بالسلامة جري الهباب ده آآ بنية لي حبوبتك حياة ,و لكن يا حبوبا حياة الاسم ما عندك لوول وحات الله قهوتنا علا تنومك تب , بس اضحكيلك معانا ضيحتين تلاتة من جدك ود الموج ده اصلو من يقابل الهمبريب ده ويقعد يجغم في التني والتالت خشمو ما بقيف تب ومانا بنسلم منو كلنا خسوسسسسسسا حبوبته خدرة دي شايفاه مقابلها كيفن تسلمي يا حياة وتسلم ايامك يا العزيزة وغالية النبي كان تطولي مننا الغيبة ونستك امانة مي طاعمة بالحيل
Post: #27 Title: Re: **** في حلتنا وتحت ضل نيمتنا **** Author: اسماء الجنيد Date: 12-30-2010, 00:07 AM Parent: #26
Quote: لعزيزة سوما وضويفها في النيمة الظليلة..
سلامات
نسيت وين انا جالس, تاريني غرقان في قرية البوست ده.. كل حرف وكل كلمة تعطيني فلاشباك لذلك الزمان الجميل.. الحبوبات والجدات.. وقهوة الضحوية.. كنا نهرول من المدرسة للحاق بالتلتاوي.. ولحسان فناجيل القهوة.. ويوم تكون القهوة مافي بيتنا.. كنا نصطنع الخطط والحيل البتوصلنا لمكان الجلسة.. وكان المناسبات افراحا او اتراحا تزعجنا لا نحبها مهما كان شكلها لأنها بتخرب وبالأصح بتشتت جلسة القهوة لأماكن لا نصلها.. نراجع ملفات الزمن الجميل ونعيد الطلة..
حباب اخوي عزيز ود عمي عيسى ادخل لا جوة يابا طولنا منك بالحيل والله يا حليل اهلنا الزمان يا عزيز يا خوي ملانين محنة وسماحة يكفوا الزمن الفينا ده والجاي بساطة وطيبة فاقدنها في زمنا ده حتى المفردات في زمنا العجيب اتغيرت عزيز اخوي اتحكر وسط حبوابتك ديل واشربلك فنيجين قهوة قهوتنا زى لمتنا دي ملانهة محنة بالحيل تسلم يابا على الطلة الباكرية
Post: #28 Title: Re: **** في حلتنا وتحت ضل نيمتنا **** Author: اسماء الجنيد Date: 12-30-2010, 00:48 AM Parent: #27
Quote: طبعا انا حاجز كرسي ركن في البوست دا
خالص الود
حبابك ياسر يا خوي لكن يا خوي تصدق ما عندنا كراسي عندنا هبابات وبنابر بس متل ما قال ليك جدك ود الموج حبابك يابا
Post: #29 Title: Re: **** في حلتنا وتحت ضل نيمتنا **** Author: عبدالفتاح أبوشيمة Date: 12-30-2010, 01:21 AM Parent: #28
حليلنا الما شفنا الحبوبات أم أبوي ماتت ولحقنها التومات وأم أمي ماتت قبال أمي ذاتا ماتشوف لها شوفات أسوي شنو أنا مع الثعلب اللي فات فات وفي ديله سبع لفات وحليلو حليلو الزمن الجميل الفات لما القعدة تحت اللبخة والنيمات بي ضحك البراءة ولمة الأمات والقهوة الجميلة وإن كانت فناجينا ما قاعدة على وقايات بس الريد كان مقنن زي لبينة الغنمات والشاي كان نشربه في بلد القصب جكّات والسكر كان راس ما يتكسر ولا بالدانات وعشان ما شفنا حبوبات مساكين نحن ما بنعرف للحكايات لكن علينا نتوهّط بالجنبة نلفى الفات ونترطق إضين نسمع ما نبقى من الإضينات والمسنوح ما له ما شرّف وهو ترباية حبوبات مع كل الحكي ما شبعنا عشان مافيها أبيات قول ي عشان نجيك ننصب جنب الشجرة صيوانات
بنيّتنا الشاعرة
بت القبايل الحرة
ليك تحيتنا
في حلتنا
تحت نيمتنا
والحبوبة ما ربتنا
عشان كدا ما بنعرف
لي نمّتكم بس نمّتنا
إن شاء الله جلسة في الحرم
سلام أهل الضهاري جميع
اللي في الظل الوريف
يسعدكم خريف وصيف
Post: #30 Title: Re: **** في حلتنا وتحت ضل نيمتنا **** Author: معاوية المدير Date: 12-30-2010, 01:34 AM Parent: #29
ههههههههههههههه، جيتو بجاي؟ مشتاق ليكم. والله صحي. الــقُــفّــة ...
عندي حبوباتي كا نن بيغلتن في الكلآم. وآحدة منهن مشت الحج، وبعد جات إتغلتن في موضوع. المشت الحج قامت حلفت، دايرة تقول: وحآت النبي المسكت في شبكو. غلتت قالت: وحات النبي المسكت في شنبو...
Post: #31 Title: Re: **** في حلتنا وتحت ضل نيمتنا **** Author: عبدالأله زمراوي Date: 12-30-2010, 06:56 AM Parent: #30
Post: #32 Title: Re: **** في حلتنا وتحت ضل نيمتنا **** Author: إدريس محمد إبراهيم Date: 12-30-2010, 08:15 AM Parent: #31
Quote: صديق حاج الطيب اسماء صديق الطيب
أسماء أو سوما .. الشاعرة المرهفة ست النضم الجميل والأصالة التريانه بالمحنه ...
لازم يكون اسم الوالد والجد كده (صديق الطيب) فالصدق ديدن حرفك الجميل .. وأنت كما يعلم الجميع الطيبة تمشي على رجلين .. ولكل من اسمه نصيب يا أسماء ...
يا سلام بالجد رجعتوني لأجمل أيام حياتي في القرية حيث أذهب لقضاء كل الإجازات الدراسية هناك .. يا سلام يا أسماء لو بدأت شريط الزكريات أخاف أن تقولوا الزول ده (براي شديد) .. واحتل علينا البوست .... لكن خلوني أسرد لك يوم عادي في رحاب القرية الوضيئة الحالمة ...
حاج محمد عثمان أذن لصلاة الفجر بصوته الرخيم ... ويتفنس الصبح الجميل .. نقوم من عناقريبنا في الحوش ... وطوالي على الطلمبه في وسط الحوش .. نملا الابريق .. وبعد الوضوء للصلاة في المسجد ... بعد رجوعنا على الدونكاه عدييل تكون الحاجه الوالده خديجة بت ملك أطال الله عمرها قد ملأت حليلتها من المراح .. وأوقدت نار الوقود لشاي الصباح .. وفي حلة أخرى أرى الحيب يغلى وقد ضرضرت الوالدة بعض الدخن عليه وأذابت عجينة القمح ودلقتها عليها ثم وضعت كرات كاللقيمات عليها لتصنع لنا تلك المديدة المحببة ... وقد تحلقنا حولها نتدفى بالنار ونسمع في حكاويها المحببة .. يالله بسم الله يا أولادي على المديدة نلتهمها بشغف ولهف حتى تسيل دميعاتنا ... ونسمع شررررر..... صوت الشاي في الكبابي الشوب ديك لنرتشف أجمل شاي صباح من أجمل يد تقطر بالحنية والحب الحقيقي الكبير ... يالله يا سوما .... ونجلس نتسامر قليلاً لنسمع صوت عمي الحاج محمد علي .. كيف أصبحتوا يا ناس ... ويتبادل مع الوالده تحية الصباح برطانتنا النوبية المحببة قبل أن ينزل على الجرف الذي يقع خلف بيتنا مباشرة ليمارس نشاطه اليومي ... يشغل الوابوار فتسمع خرير المياه المتدفق في الجدول يسبح لله العظيم ... ويذهب عمي محمد علي ليقرع المياه في حيضان المريق (الذره) والبرسيم .... وأرى بعض الطرح تتهادى وسط البرسيم .. وتتبادل الصبايا تحايا الصباح ثم يشرعن في حش فطور البهايم .... قبيل العاشره تنادي علي الوالده ... حيث أن فطور الجماعة علينا اليوم وأحمل الصينية لضل الضحى خلف منزلنا مباشرة .. وأرى عمي والعم صالح علي .. وعبد البيّن ..والزبير وقد لمحوني قد رمى كل طوريته على الأرض وجلس على الجدول يغسل يديه وبعض (فحل البصل ) الذي اقتلعه من الحوض المجاور وأتى نحوي ... وبسم الله .. ياسلام على القراصه بالويكه .. وأصلاً ومن غير فخر بت ملك مشهوره بإيدها الطاعمه جداً ... وحتى في المناسبات الكبيرة تتولى هي وستنا نمر الإشراف على الطبخ جميع أنواع الطعام وخاصة طعام الضيوف .... والله أيام يا زمان .... وبدعها نقبّل على صحن الشعيريه بالسمنه البلدي ويا سلام .... وأجري يا ولد جيب الشاي .... عند القيلوله ... ننزل للنيل ونتلاقى الشله كله شرق وغرب عند الشجرة الكبيرة ونظل نسبح ونمارس التحديات ولعباتنا المشهورة حول الشجرة إياها قرابة الثلاث ساعات ... وصدقوني (وأنا آسف لذكر ذلك) كنا نسبح كما خلقنا الله .. كباراً وصغاراً في منتهى البراءة والعبث .... بعدها على النخل نأكل (الكتي كول) أي الرطب لمن لا يعرفه ... وعلى أقرب جدول ثم نتدلى على الحلّه وقد أصبحنا غبش بالحيل من آثار مياه النيل .... بعد صلاة الظهر كانت الوجبة الأساسية شاي اللبن بالقرقوش ... ما كنا نحتاج ولا حتى نعرف وجبة العداء .... ولكن عندما يؤذن لصرة العشاء نذهب إلى المسيد وكل يحمل صينية العشاء التي نضعها خلف البروش ... وبعد الصلاة نتحلق جميعنا لتناول العشاء .... في أيام السبت يصادف ذلك (سوق السبت) تحمل أغلب الصواني دمعة اللحم بالقراسه ونتسابق لنتحلق حولها .. نتخاطف اللحم أنا وعبد الحي ود الشيخ محمحمد عثمان ..وكان أشقانا ,اخفنا ظلاً .. وسيف الدين ومحمد سيد أحمد أولاد عمومتي ... ياه يا سوما صدقيني .. أرى أن العين ترقرق والدموع قد بدأت تنثال مع شريط الزكريات هذا ....
وتأتي مرحلة السهره .. في القوز الفوقاني خلف منزل عمتي زينب إبراهيم .. مع شليل .. وقعود شل .. حتى الهزيع الأخير من الليل .... حيث نرجع لعناقريب الحوش .. في سبات جميل عميق تحت ضوء القمر ..لم ولن أذق نوماً مثله من بعدها ... وباب الحوش فاتح طبعاً في انتظار آذان الشيخ محمد عثمان ليؤذن معلناً انبثاف فجر جديد ....
آسف للاطالة ... وحتماً سأعود لضل نيمتكم الجميلة هذه التي فجرت في أعماقي الثكلى شريط الزكريات الجميل ....
لكم التحية جميعاً .... مع خالص حبي وتقديري ؛؛؛
Post: #33 Title: Re: **** في حلتنا وتحت ضل نيمتنا **** Author: يحي ابن عوف Date: 12-30-2010, 08:58 AM Parent: #32
Post: #34 Title: Re: **** في حلتنا وتحت ضل نيمتنا **** Author: إدريس محمد إبراهيم Date: 12-30-2010, 11:49 AM Parent: #33
Quote: بت الجنيد سلام طبعا جابتنى الونسه مع الحبوبات والضل البارد ده شايل لى جريده فوق راسى من الهجيره وصارى عين من الشمس ووراى شافع سايق ليه لستك ترتار،وكان ما مسكته كان كشح ليك الجبنه فى هدومك مع انه حبوبتى قالت القهوة كان انكشحت فى هدوم الزول جاياه قروش.. يعنى مسكته حساده منى ساكت... وشايف حبوبتك رابطه راسها بى دلقان اخدر..نعلها عافيه... وطبعا حبوبات زمان كان لما تقعد جنب الواحده فيهن ريحه حلوه خلاص.. مزيج من الصندليه والبن والكركار وبخور التيمان والمحلب.. والله يا سوما اتذكرت ريحة توب حبوبتى .. احى يا الغربه بت ال ك ل ب.. انشاء الله تعقرى... اها انا مره قاعد مع حبوبتى طيبه بت ود عمار فى ضل نيمتنا جات قمريه ركت فى النيمه وبتقوقى.. وكان الكلام ده فى نص عهد نميرى وبداية الغلاء، والبنزين والعيش بالصفوف وانعدام المواد التموينيه.. جاز..بصل...زيت...صلصه.. كلهن فى شبه المعدوم .. المهم حبوبتى دى كانت مره حكيمه خلاص الله يرحمها قالت لى يا الصديق ياولدى مالو نضم قمريكم ده مازى نضم قمرى زمان؟؟ قلت ليها كيف يا حبوبه؟ قالت لى زمان قمرينا كان بقول احمدو ربكم ..احمدو ربكم،، قلت ليها ماتراها قمريتنا بتقول احمدو ربكم.. قالت لى برى وحات الحاج القلمو ما ظلمو.. (الحاج ده خالى كان ضابط بوليس فى المناقل.. اسمعى قلمو الما ظلمو دى..طبعا ماساله فى بروف عنده دكتوراة فى تخصيب اليورانيوم او علم الجينات) المهم قالت لى.. تاخد الحاج قمريكم ده يتوارى لى بقول بطريقتكم ..بطريقتكم..بطريقتكم.. ضحكت فعلا قمرينا بدل غناهـ... لكن اظن الزمن البقينا ندق فيه بناتنا فى اقسام البوليس ده.. بقى يقول سجم اماتكم..سجم اماتكم..واللا الترابه فى خشمكم.. ايهم اشبه بهذا الزمن القمىء....
اسماء الجنيد خسمتك بالرسول ما تفوتى من الضل ده وانقلي البوست ده عشان الشرشفه واللا الشحتفه حقت بكرى ابصلعه ده انا مسميها هادم اللذات ارشفتو دى.. نلاقيك من الارشيف يا حبوبة اسماء، وجرى الفاتح على الضل ده.. باقى هو ود حبوبات بدرجة فارس ليك وليه وللعيال تحياتنا،،،
صديق الموج لكن ما لقيتك نضام نضمي .. إنا لله ... ياخي إنت طارق جبريل يبقالك شنو ....
ياخي وقت إنت حريف كده في الكلام ... ياخي ما ترفع مستواك شويه في (الويست) .. بدل ماكل يوم مسنفكك الكيشه صاحبي أبو التومات محمد عبد الجليل ...وصاحبك المهندس البيقص بالدو !!!! والعجب كان جيتك أنا .. إلا أخليك تلعب خم الولد بس كما ذكرت ذلك في بوست لطلحه .. ولكن لا غرابه فلعبك للويست حاجه كده زي لعب المريخ يا صفوه ....
Quote: هوى ياود فاطنه هوى.. انت قايلنا نحن قاعدين فى مجلس الشعب؟؟ كرسى واحد مافى..شوف ليك بنبر اترزع فوقو.. اسماء شايف حاجه خدرة مقنقنه فى بمبر قدام ست الجيل بتنقض ليها فى شعرها للمشاط.. الشعر كان مكوفت باقى هى كانت حادة على حاج الامين.. قدامها كورة فيها بلال.. البلال عبارة عن موية حنه ومحلب وقرنفل... اشفاء كبير مقزوز فى كراع العنقريب ... الاشفاء يقوم مقام المشط فى حذاقه تامه وبتخصص اكثر.. علبة ودك من عيد الضحية احضرتها حاجة خدرة خصيصا... ذهب الربيت وتبقى الودك وثبت الاجر باذن الله.. الشعر الذى يتساقط من عملية النقض يذهب الى شق فى الحيطه المخيته بالزباله.. باقى الشعر البخلو يشيلو الهواء كعب ومكروه فى عرف حبوباتنا... بت الجنيد دى واحدة من صور النيمة الجميلة.. ياناس بطلتو شغلتنا الله يقطع شيطانكم.. بمشى واجيكم،،،
ود الموج وحات الله ما بنخليك تفوت البكان ده آآآآآآآآآآآآآآآآمنت بالله اول شىء ما شاء الله ودقر العين تصدق اتصلت بي صاحبتي نص الليل قالت لي يا سوما الزول البكتب في بوست النيمة ده مبالغة ما شاء الله نص الليل نضحك فيه ونتصل في التلفونات عشان الناس تقرأ الكلام غايتو وصف المشاط تحــــــــــــــــــــــــفة لوووووووووووووووووولز ود الموج ربي يسعدك بقدرما اسعدت كل الناس دي وخليك قاعد الليلة نيمتنا دي بنحوطك فيها تب
Quote: حليلنا الما شفنا الحبوبات أم أبوي ماتت ولحقنها التومات وأم أمي ماتت قبال أمي ذاتا ماتشوف لها شوفات أسوي شنو أنا مع الثعلب اللي فات فات وفي ديله سبع لفات وحليلو حليلو الزمن الجميل الفات لما القعدة تحت اللبخة والنيمات بي ضحك البراءة ولمة الأمات والقهوة الجميلة وإن كانت فناجينا ما قاعدة على وقايات بس الريد كان مقنن زي لبينة الغنمات والشاي كان نشربه في بلد القصب جكّات والسكر كان راس ما يتكسر ولا بالدانات وعشان ما شفنا حبوبات مساكين نحن ما بنعرف للحكايات لكن علينا نتوهّط بالجنبة نلفى الفات ونترطق إضين نسمع ما نبقى من الإضينات والمسنوح ما له ما شرّف وهو ترباية حبوبات مع كل الحكي ما شبعنا عشان مافيها أبيات قول ي عشان نجيك ننصب جنب الشجرة صيوانات
بنيّتنا الشاعرة
بت القبايل الحرة
ليك تحيتنا
في حلتنا
تحت نيمتنا
والحبوبة ما ربتنا
عشان كدا ما بنعرف
لي نمّتكم بس نمّتنا
إن شاء الله جلسة في الحرم
سلام أهل الضهاري جميع
اللي في الظل الوريف
يسعدكم خريف وصيف
يا سلام عليك يا ابو شيمة الحنين اخوي الحنين ابو شيمة يعلم الله نظمك تحسو مارق بصدق من جوه الجوف ربي يرحم حبوباتنا الفاتن وخلفن وراهن ذكرى عطرة عتيقة عتاقة المحنة الموكرة في القلوب ات يا خوي ان بقيت ماك ترباية حبوبات لكن المحنة غشتك وخات الله وملتك من ساسك لا راسك ربي يحفظك ويخليك ويكتر لينا من امثالك يابا وات يا خوي وحات الله قعادك معانا في نيمتنا دي بندوروا بالحيل دحين آآ العشا ابقى لا داخل واناوليه يا بنية فناجن وبلحات وزاد الحبان ليه بكان تسلم تسلم اخوي عبد الفتاح وان شاء الله تنعدل عليك ويييييين ما تقبل قول آميـــــــــــــن
Quote: لكن اظن الزمن البقينا ندق فيه بناتنا فى اقسام البوليس ده.. بقى يقول سجم اماتكم..سجم اماتكم..واللا الترابه فى خشمكم.. ايهم اشبه بهذا الزمن القمىء....
اوووووووووووه، جدي ودالموج. علي اليمين طلتك بالدنيا. حليل القمرية، وحليل غُناها يا ود الموج. وحات شيخي، القمرية بقت ما قادرة تفتح خشُما. الجماعة ديل ما خلولآ الحبة...
Quote: حباب اخوي عزيز ود عمي عيسى ادخل لا جوة يابا طولنا منك بالحيل والله يا حليل اهلنا الزمان يا عزيز يا خوي ملانين محنة وسماحة يكفوا الزمن الفينا ده والجاي بساطة وطيبة فاقدنها في زمنا ده حتى المفردات في زمنا العجيب اتغيرت عزيز اخوي اتحكر وسط حبوابتك ديل واشربلك فنيجين قهوة قهوتنا زى لمتنا دي ملانهة محنة بالحيل تسلم يابا على الطلة الباكرية
العزيزة/ ســـوما
النحييك بالإقتباسة دي:
((حرقوصك نتل جاب من هواكي دعاش خيّم فوقك الليلي ومكاييل هاش اتهتم سماك اسقى الـ كانوا عطاش عربك تالتة واقفين ، لا برش لا فراش
ركزنلك بروقك عكّلن قيزانك انهلن بشايرك واستعد عربانك اتدلقن سحابك نعّ فوق وديانك بي فرحة وطرب دقو الرباب عربانك
أضحو مبسطين شاكرين كريماً حي سندوا الواقعة حلبو وشربو من الني اتملى التبوب مصعن حمير الري قاموا يعافرو في الشقق الرباطن ني
أخدوا الهجسة لي الكيفة الشميشا ضحي يات من كان حلف قال الكرامة علي أم ريد لولت القلاي ، جميلة الزي أرياح الدمك غمرن ربوع الحي))
Quote: الاستبالية ولا الاستبالا المراريا جبل الديش لووول ناس فلان عندهم عربية اندروبل الشاطر فيكم يعرف لي قاصدين ياتو عربية
يا سوما، عندنا حبوبتنا كانت دايماً تردد: ياااا حليل التِنقِليّز. ولمان تسمع إسماعيل حسب الدائم يغني في الإذاعة تقعد تبكي وتقول: ياااا حليلو يا اخواني، ده الوِليد كدي قاعد يحنني...
لا تعجبي بنيتي إنه الدفق حين يعجب أو يعجب إذ لا بد له من أن يحبّ وإن أحبّ لا شيء يعجزه أو يصرفه بطر ب أو لا طر ب فالشأن ذا شأن المحب إذا دنا من نبع حنان أو اقتر ب والحب قد يكون من قلب أب
وقد يكون للحرف المعذب نبع قرب شيئاً فشيئاً يلتهب يسعده الأوار، وكم يشقيه البوار فلا يشب ويضعف قليلاً قليلاً يصيبه الدوار يكاد أن ينهار أو يكتئب فلا عج ب بنيتي لا عجب ف كل شيء فيه يضطرب والوخز في جنح الحنايا أمر تلافيه يكون جد صعب وإنت أهلاً بيك وألف مرح
يللّي مليتي لينا كل البوادي جد طرب كلمات تقول ليك اتفضّل ادخل لا لا تنسحب
إنت شرّفت الديار
وألف ألف مليون مرة مرح
ب بس رجاء اعملي حساب ناس بخافوا سهام هذا اللهب يحترقوا ليك وتبقي في تأنيب ضمير ومساسقات وشدة تعب خليك حنين إنت بس وما تبقى في آخر العمر إنت السبب
في كل ودار جابه الولف، حد الوصف، حرف الوقف عبّ تبْ مالك مليتني كل تعب وشي وصب زي نار تقول لا تقترب --
Quote: ههههههههههههههه، جيتو بجاي؟ مشتاق ليكم. والله صحي.
عندي حبوباتي كا نن بيغلتن في الكلآم. وآحدة منهن مشت الحج، وبعد جات إتغلتن في موضوع. المشت الحج قامت حلفت، دايرة تقول: وحآت النبي المسكت في شبكو. غلتت قالت: وحات النبي المسكت في شنبو...
ود المدير معاوية اخوي وحاااااااااات الله بالاكتر يا يابا لكن الحبوبات ماهن عندك والله صحي ضحكت لامن دمعت ياخ عليك الله جنس الطيبة والعفوية دي وين تتلقي في زمنا الاشتر ده اها النحكي ليك دي قصة حصلت في بيتنا ... نحن في الاجازة بنمشى الجنيد اجازة المدارس وبتكون اجمل اجازة باقي نحن بنكون لافين في شرق السودان مع الوالد رحمه الله ومشتاقين للحلة ولمة الخالات والعمات والحبوبات ولما نكون راجعين بنبكي وننوح ويوم السفر ده بنبكي الصغير والكبير بي بكانا في احدي الاجازات قاعدين في حوشنا والجبنة مدورة لمة سمحة بالحيل والونسة عمرت عندي حبوبتي نور الشام الله يرحمها بتضفر سعف السرور يا يمة شىء تباريق وشىء بروش وكل اجازة ابوي الله يرحمه بتجيه تبروقة من اياديها الحنينة وشغل فن جد ,, اها في لمتنا ديك جاتنا عمتي من برة الحلة وقالت لي اختى الصغيرة امشي لي حبوبتك قولي ليها ادينا حنقوق !!! طبعا اختي وقفت اتسمرت ليها اقول ليها شنو ؟ ردت ليها حنقوووووووووق طيب عشان شنو ؟ قالت ليها عشان اعمل بيهو مقاشيش ؟ يا بت ما بتعرفي الحنقوق؟ دي طوالي قبلت على امي قالت ليها اديني كيس عشان ما يتدفق .. خلاص البت فهمت يعني اللمة كلها ضحكت فيها وقالوا ليها امشي بس انتي اها اتوكلت جرت ناس خالتي لقت حبوبة الله يرحمها قاعدة ومعاها برضو لمة حبان في ونسة وهي في ضفيرتها قبلت عليها وفجأة بقت تتلفت الاسم شنو الرسلوها ليه !!!! وبعدييييييييييييين يا جماعة الاسم طار منها!!! اها اتلفت يمين وشمال قالت ليها حبوبة مالك ؟ قالت ليها رسلوني وين ؟ ليكم اها دايرة شنو قالت ليها ,,,, عمتي قالت ليك اديني خشم الحلوف لووولز اظرف شىء هي زاتها ما عارفة خشم الحلوف شنو !! لكن صادف وحكوا ليها حجوة قبلها بيوم وفيها خشم الحلوف لوووولز دايره تجنن حبوبتي يا بت خشم شنو وحلوف شنو ؟ واجيبوا من وين ؟ ودايرين بيه شنو ؟ ببرآءة قالت ليها قالوا عشان المقاشيش طوااااااااااااااالي ناس خالتي فقعوها ضحكة وقالوا ليها الحنقوق ؟؟؟ قالت ليهم ياهو زاتو قال خشم الحلوف قال والله حوش بكري ده غايتو فيه حلوف والله صحي لوووووووووووووولز
شاعرنا القامة الاخ العزيز عبد الاله زمرواي سلام واحترام ليك ولشخصك الكريم طلتك بالحيل سمحة ونحن البنتشرف بي طلتك علينا يعلم الله وفي لمة اماتنا وحبوباتنا دي يحلو السمر بي وجودك تبرا انت يا خوي من الحزن والالم وان شاء الله نتلم جميعا في ارض الوطن ونحتفل بي وحدتنا ومهما طال ليل الظلم مصيرها شمس الحرية تسطع ويهل فجر اخضر جديد ان شاء الله شكرا اخي الكريم وحبابك وسطنا
Quote: أسماء أو سوما .. الشاعرة المرهفة ست النضم الجميل والأصالة التريانه بالمحنه ...
لازم يكون اسم الوالد والجد كده (صديق الطيب) فالصدق ديدن حرفك الجميل .. وأنت كما يعلم الجميع الطيبة تمشي على رجلين .. ولكل من اسمه نصيب يا أسماء ...
يا سلام بالجد رجعتوني لأجمل أيام حياتي في القرية حيث أذهب لقضاء كل الإجازات الدراسية هناك .. يا سلام يا أسماء لو بدأت شريط الزكريات أخاف أن تقولوا الزول ده (براي شديد) .. واحتل علينا البوست .... لكن خلوني أسرد لك يوم عادي في رحاب القرية الوضيئة الحالمة ...
حاج محمد عثمان أذن لصلاة الفجر بصوته الرخيم ... ويتفنس الصبح الجميل .. نقوم من عناقريبنا في الحوش ... وطوالي على الطلمبه في وسط الحوش .. نملا الابريق .. وبعد الوضوء للصلاة في المسجد ... بعد رجوعنا على الدونكاه عدييل تكون الحاجه الوالده خديجة بت ملك أطال الله عمرها قد ملأت حليلتها من المراح .. وأوقدت نار الوقود لشاي الصباح .. وفي حلة أخرى أرى الحيب يغلى وقد ضرضرت الوالدة بعض الدخن عليه وأذابت عجينة القمح ودلقتها عليها ثم وضعت كرات كاللقيمات عليها لتصنع لنا تلك المديدة المحببة ... وقد تحلقنا حولها نتدفى بالنار ونسمع في حكاويها المحببة .. يالله بسم الله يا أولادي على المديدة نلتهمها بشغف ولهف حتى تسيل دميعاتنا ... ونسمع شررررر..... صوت الشاي في الكبابي الشوب ديك لنرتشف أجمل شاي صباح من أجمل يد تقطر بالحنية والحب الحقيقي الكبير ... يالله يا سوما .... ونجلس نتسامر قليلاً لنسمع صوت عمي الحاج محمد علي .. كيف أصبحتوا يا ناس ... ويتبادل مع الوالده تحية الصباح برطانتنا النوبية المحببة قبل أن ينزل على الجرف الذي يقع خلف بيتنا مباشرة ليمارس نشاطه اليومي ... يشغل الوابوار فتسمع خرير المياه المتدفق في الجدول يسبح لله العظيم ... ويذهب عمي محمد علي ليقرع المياه في حيضان المريق (الذره) والبرسيم .... وأرى بعض الطرح تتهادى وسط البرسيم .. وتتبادل الصبايا تحايا الصباح ثم يشرعن في حش فطور البهايم .... قبيل العاشره تنادي علي الوالده ... حيث أن فطور الجماعة علينا اليوم وأحمل الصينية لضل الضحى خلف منزلنا مباشرة .. وأرى عمي والعم صالح علي .. وعبد البيّن ..والزبير وقد لمحوني قد رمى كل طوريته على الأرض وجلس على الجدول يغسل يديه وبعض (فحل البصل ) الذي اقتلعه من الحوض المجاور وأتى نحوي ... وبسم الله .. ياسلام على القراصه بالويكه .. وأصلاً ومن غير فخر بت ملك مشهوره بإيدها الطاعمه جداً ... وحتى في المناسبات الكبيرة تتولى هي وستنا نمر الإشراف على الطبخ جميع أنواع الطعام وخاصة طعام الضيوف .... والله أيام يا زمان .... وبدعها نقبّل على صحن الشعيريه بالسمنه البلدي ويا سلام .... وأجري يا ولد جيب الشاي .... عند القيلوله ... ننزل للنيل ونتلاقى الشله كله شرق وغرب عند الشجرة الكبيرة ونظل نسبح ونمارس التحديات ولعباتنا المشهورة حول الشجرة إياها قرابة الثلاث ساعات ... وصدقوني (وأنا آسف لذكر ذلك) كنا نسبح كما خلقنا الله .. كباراً وصغاراً في منتهى البراءة والعبث .... بعدها على النخل نأكل (الكتي كول) أي الرطب لمن لا يعرفه ... وعلى أقرب جدول ثم نتدلى على الحلّه وقد أصبحنا غبش بالحيل من آثار مياه النيل .... بعد صلاة الظهر كانت الوجبة الأساسية شاي اللبن بالقرقوش ... ما كنا نحتاج ولا حتى نعرف وجبة العداء .... ولكن عندما يؤذن لصرة العشاء نذهب إلى المسيد وكل يحمل صينية العشاء التي نضعها خلف البروش ... وبعد الصلاة نتحلق جميعنا لتناول العشاء .... في أيام السبت يصادف ذلك (سوق السبت) تحمل أغلب الصواني دمعة اللحم بالقراسه ونتسابق لنتحلق حولها .. نتخاطف اللحم أنا وعبد الحي ود الشيخ محمحمد عثمان ..وكان أشقانا ,اخفنا ظلاً .. وسيف الدين ومحمد سيد أحمد أولاد عمومتي ... ياه يا سوما صدقيني .. أرى أن العين ترقرق والدموع قد بدأت تنثال مع شريط الزكريات هذا ....
وتأتي مرحلة السهره .. في القوز الفوقاني خلف منزل عمتي زينب إبراهيم .. مع شليل .. وقعود شل .. حتى الهزيع الأخير من الليل .... حيث نرجع لعناقريب الحوش .. في سبات جميل عميق تحت ضوء القمر ..لم ولن أذق نوماً مثله من بعدها ... وباب الحوش فاتح طبعاً في انتظار آذان الشيخ محمد عثمان ليؤذن معلناً انبثاف فجر جديد ....
آسف للاطالة ... وحتماً سأعود لضل نيمتكم الجميلة هذه التي فجرت في أعماقي الثكلى شريط الزكريات الجميل ....
لكم التحية جميعاً .... مع خالص حبي وتقديري ؛؛؛
يا سلام اخي ادريس والله صورة حية من صميم واقعنا الجميل ياخوي خليتني حايمه معاكم ووسط بيوتكم وشفت كل الصورة الحية دي وعشتها لدرجة اني شميت ريحة الصاج وريحة اللبينة بعدما تفور في النار يا الله على قرآنا وطبيعة الجمال الفيها وطبيعة الاهل ولمتهم في كل الاوقات البعجبني فيهم البساطة و القناعة والرضا مافيهم من بشيل هم باكر ولا هم بعدين نحن تلقانا قاعدين في شاي الصباح ويقولو ليك الفطور شنو ؟ الغداء شنو؟ لسه ما رفعت يدك من الفطور العشاء شنو ؟ يا جماعة استهدوا بي الله علمونا الخوف من اللحظة الجاية تسلم يا ادريس يا خوي وعليك الله خليك معانا وواصل الحكي السمح ده الظاهر عليه بوست الحبوبات ده بقلع لينا مواهب دفينة شكراااااااااا ليك كتير وتحايا عبرك للعقاب
Quote: ياخ عليك الله جنس الطيبة والعفوية دي وين تتلقي في زمنا الاشتر ده
الغناي قال: عاد تاني ويّن البسمة دِيّك، ويّن تتلقي؟ الدنيا يا البتجمعي، وتعودي تاني تفرقي.
صدق. والله صحي.
خالتنا عآشا بت أحمد عليها رحمة الله. كانت تحب التلفزيون لدرجة الإدمان. جاتنا مرة في أتبرا, وبمجرد ما بدا التلفزيون إستلمتو. طبعاً زمان التلفزيون قناة واحدة وبينتهي الساعة 12 باليل, وهي كان ما يهمها نوع البرنامج المهم تشاهد التلفزيون لحدي ما ينتهي. اها، قاعدة صادف بيتكلم بيويو كوان عن الإنقاذ بلغة عربية مكسرة, قال: بلد ده في هكومة بتاع أهزاب وصل مرهلة ختير جداً. لكن ثورة بتاع إنخاس ده جا وانخس كل الناس. فعلقت بت أحمد في الحال قائلة: والله يا ولدي زول صدق غيرك إنت ما في. والله من يوم ما جو نخسو الناس لي حدهم...
عبد العزيز ود عمي عيسى حبابك يا الدخري يتعلا مقامك ويعظم شأنك يابا قول آمين وحات الله مالقيتلي رد آآ لفنجري عشان اهديك ليه والحبان المعانا بعد نضميك السمح ده الا اهديكم قصيدة عروس النيل وبي ونسة حبوبتي الفيها وجبنتها الحنينة ان شاء الله تعجبك والمعاك شكرا يا ود امي شكرا دعوات حبوبات بعد صلاة العشا ولي عند الفجر قول آمين وهاكم عروس النيل عروس النيل
زمــــــــــان فى مره نادتنى حبوبة .... منتكيه فوق ضل الضحى..ومتوسده توبا.. فارشالا برشاً من سعف .. فوق عنقريب تاكلاه بى طوبه... تقلالا بناً فوق جميراتاُ تشطشط ... طاشه لما تهب نسيمه او هبوبا.... وريحة القلوة تعكل... والفنيجينات تهلل.. جاهزه للبكريه لما تجيها مصبوبه ... وجبنة الطين محكره فوق وقاية السكسك.. البلخرزه معصوبه .. قاتلى.. تعالى يا بنيتى جمبى حداى .. بدور احكيلك الليله ..حكاية السمحه زينوبا.. بنيةُ من بنات الحله جاهله صغيره يا دوبا .. فريعة بانا منقسمة ... غزال نافر جبال التاكا والنوبه .. يغنيلا الفريق كله..وحياتا ديمه حلفوبا .. جنيات البلد يتلمو..ساعة الورده.. فوق البير يحلموبا .. كتير من دق باب بيتا . .وكتير من صدً جارى الخيبه والتوبه .... شى يقولولو لسه صغيره يا دوبا .. وشى يقولولو مخطوبه .. رباية عز..جدودا رجال . .ركيزه الحله وكت الحاره والحوبه ... الا القسمه لما تحين تجيك عديــــل . .موبى سكة مزروبه ... *********** فى يوم عصريه جاتنى التومه بت احمد .. تجر توبا.. تقول كرعيها مكروبه ... وبى آخر نفس قات لى ... سمعتى الليله بت العازه زينوبا .... ؟ جاها عريس قدر جدى .. وابوها اداها بت امى.. بنيه رضيه مغلوبه ... فى شان شيخ من قبيله مأصله... ياختى القصه ياها عديله محسوبه .. عليك الله . . !!!! .واشرى بت العازه.. يالدفنوك حليل الكان بغنوبا .. وجات السيره شايله الشيل .. دفوف وطبول ترز قدامهم النوبه .. شى زغاريد... وشى نواحات ... عليك يالزينه بت الحله محبوبه .. عيون شاردات.... وناس واجمات ... وكل الحله مقلوبه .... وفجأة تدوى صرخة تشق سواد الليل .. تصحى الكان فى غيبوبه .... الحقو على يا جنيات ..الحقو على جنايات.. الحقو على انا الموجوعه احىى ووبا .. فى ديك الساعه كان النيل.. ختف نوارة الحله عروسنا السمحه زينوبا اسماء الجنيد
Post: #52 Title: Re: **** في حلتنا وتحت ضل نيمتنا **** Author: اسماء الجنيد Date: 12-31-2010, 00:22 AM Parent: #51
Quote: يا سوما، عندنا حبوبتنا كانت دايماً تردد: ياااا حليل التِنقِليّز. ولمان تسمع إسماعيل حسب الدائم يغني في الإذاعة تقعد تبكي وتقول: ياااا حليلو يا اخواني، ده الوِليد كدي قاعد يحنني...
لوووووووووووووووووولز ود المدير يا حليلا انا زاتي حننتني حبوبتك والله صحي
عندنا خالة برضها حنينة متل حبوبتك دي بتها حكت لي موقف حصل انا بجي في الاجازة في ليلي بلف البكيات كلها ما بصبح لي بكا للصباح حتى كان تم سنة اها بحرص دايما اصل الحلة في وقت بدري شوية العصر على الاقل الف الحلة بالكتير بعد العشاء ارجع ويا سرير جاك بلا اها آخر حلقة سجلتها لي ناس النيل الازرق كانت في رمضان القبل الفات بت خالتنا دي قالت لي يا سوما مع تعب وسهر رمضان يوم العيد وتاني يوم من برى امي بتتكامل تن والعصر كلمناها قلنا ليها قالوا جايبين سوما في النيل الازرق فجأة كده جابوك في بداية البرنامج والتلفزيون كان في الحوش جريت لي امي جوة البيت يمة يمة سوما جات ورجعت جري عشان ما يفوتني شىء لما إتأخرت ما جات رجعت ليها تاني لقيتها مقنعه بي توبا تغمض وتفتح ومحكرة في نص السرير زي المعاها ضيف قلت ليها يمة ما تجي سوما بتفوتك ردت ليها قالت ليها هي وينها سوما يا بت لامن تفوت ؟ سمح المات لينا منو زاتنا ما عزتني فيهو كلميني آآبت قبال تجيني داخلة لوووووولز يا حليلا قايلاني جيتها بالدرب لي فاتحة عارفني بتحاوم لي نص الليل ولله صحي
Post: #54 Title: Re: **** في حلتنا وتحت ضل نيمتنا **** Author: اسماء الجنيد Date: 12-31-2010, 00:30 AM Parent: #52
Quote: لا تعجبي بنيتي إنه الدفق حين يعجب أو يعجب إذ لا بد له من أن يحبّ وإن أحبّ لا شيء يعجزه أو يصرفه بطر ب أو لا طر ب فالشأن ذا شأن المحب إذا دنا من نبع حنان أو اقتر ب والحب قد يكون من قلب أب
وقد يكون للحرف المعذب نبع قرب شيئاً فشيئاً يلتهب يسعده الأوار، وكم يشقيه البوار فلا يشب ويضعف قليلاً قليلاً يصيبه الدوار يكاد أن ينهار أو يكتئب فلا عج ب بنيتي لا عجب ف كل شيء فيه يضطرب والوخز في جنح الحنايا أمر تلافيه يكون جد صعب وإنت أهلاً بيك وألف مرح
يللّي مليتي لينا كل البوادي جد طرب كلمات تقول ليك اتفضّل ادخل لا لا تنسحب
إنت شرّفت الديار
وألف ألف مليون مرة مرح
ب بس رجاء اعملي حساب ناس بخافوا سهام هذا اللهب يحترقوا ليك وتبقي في تأنيب ضمير ومساسقات وشدة تعب خليك حنين إنت بس وما تبقى في آخر العمر إنت السبب
في كل ودار جابه الولف، حد الوصف، حرف الوقف عبّ تبْ مالك مليتني كل تعب وشي وصب زي نار تقول لا تقترب --
هههههههههه
أها اتوهطنا
نسمع بس
الحنين اخوي ابو شيمة اتوهط تب حبابك نحن لاقينك وين آآآ يابا ومع نظمك الجميل وحنين ده اسمح لي اهديك والاحبة ضيوفنا الحنان قصيدة حبوبا علها توفي السمح الجاني من تالاك
منتصف النهار, الصمت يلف المكان حتى لكأنك تسمع ضجيجه يأتيك من جميع أنحاء الباوقة, فأشجار النخيل ساهمة, والقماري مسترخية فوقها, والأغنام متفيئة ظلآلها تقصع جرتها من حين إلى آخر. بدأ يشق هذا الصمت صوت فندك بت أحمد وقد بدأت في دق البُن الذي ما زال بعض منه في القلاية فوق النار... بدأت بت أحمد جالسة فوق البنبر وقد تدلت محفضتها حتى لآمست الأرض, وأمامها المنقد, وعلى يمينها صفيحة ماء, وبجانبها الهبابة، والشرغرغ على الأرض بجانب الصينية التي حوت الفناجين تتوسطهن القداية بألوانها الزآهية, وصحن ينضح بعجوة ود لقاي مع عروق جنزبيل. توقفت بت أحمد عن دق البُن ليعود الصمت يلف المكان مرةً أخرى, وبدأت تحرك القلاية فوق النار, في هذه اللحظة طارت قمريّة مصفقة جناحيها في الهواء ثمّ أستقرت على صبيطة تمر قوقت لفترة من الزمن وصمتت. عاد الهدوء يعم المكان مرةً أخرى لتقطعه بت أحمد وقد بدات تحكي عن زمن جميل مضى وهي توزع لنا فناجين الجبنة. قطع حكي بت أحمد, صوت حمارة في الخارج, واتى صوت ود الأحمر مخترقاً الصمت: سلآم يا بت أحمد. كيف قيلتو؟. بت أحمد: مرحب حبابك ود الأحمر. أدخل أشرب لك فنجان جبنة. ود الأحمر: لا لا كتّر خيرك. سادر على الحواشات. ثم تواصل بت أحمد الحكي وقلي البُن وقد بدات حبيبات العرق تسيل في مجاري شلوخها وهي تحكي وتبتسم بين الفينة والأُخرى, وتصب لنا الجبنة نحتسيها فيمازج طعمها حكاوي بت أحمد الجميلة لتصبح عابقة في مكنون ذاكرتنا دوماً تذكرنا بت أحمد بعد أن رحلت مع السمحين... الآ رحم الله خالتي عآشا كما يحلو لأهلنا نطق الإسم على هذا النحو, ورحم جميع من رحل من أهلنا الطيبين... مجرّد خاطرة...
... ود المدير
Post: #55 Title: Re: **** في حلتنا وتحت ضل نيمتنا **** Author: معاوية المدير Date: 12-31-2010, 00:37 AM Parent: #53
Quote: ماشين نحو اللمية نحوها عدييييييل كدة
ناس نحو اللمية ديل كمان ونستهم براها امانة ما لذيذة والله صحي
جدنا الحسين ود حاج عمر كان صديق شخصي لجدنا حاج حمد ود التكاوي، وكانوا الاثنين في فصل محو الأُميّة. طلب المدرس من الدارسين أن يجيبوا كلمة تبدأ بحرف الحاء, فما كان من الحسين إلا أن رفع أصبعه بسرعة شديدة, فسمح له المدرس بأن يجاوب. جاوب الحسين قائلاً: حا حاج حمد ود التكاوي...ــ
عمتنا نفيسة بِت الخليفة الله يرحمها, برضو في محو الأُميّة أدوهم ضا, ضفدعة وكت جا الدور عليها قالت: ضا ضعوية...
Post: #56 Title: Re: **** في حلتنا وتحت ضل نيمتنا **** Author: اسماء الجنيد Date: 12-31-2010, 00:48 AM Parent: #53
Quote: الحبيبة اسماء ليك التحية ولي ضيوفك الاعزاء الظرفاء
واجمل شي فيها عفويتها انتي عارفة دي مرة ربطت باقي القروش الرجعها ليها الكمساري في توب المرة الجنبها في الحافلة
والله العظيم جد ولما جات البيت وعرفت الحصل قالت بكل بساطة رزق وجاها من الله
حكاوي الحبوبات كتيرة ولذيذة وبوستيك تاني تب ما فايتنو كل مانذكر شي نجي نكبو ونمشي
سامية الحبيبة من القليب قريبة حبابك يا خية من بطن الاهل السعادة تبراك يا يمة في كل محل والله يا سامية شدة ماني ضحكت في الحبوبا الحنينة وكيفني قليب كلامها لامن لغيت لي كم مشوار وحرست البوست ده لكن تعرفي اتمنيت كان انا الكنت معاها في البص وباقي الفكة الربطتو لي جارتها جاني انا لووول يا حليلا قالت رزقها وجاها ؟؟ النبي شوفي اليقين ده هسة كان في زمنا ده تلقي الواحدة تعضي اصبعها لامن تقرب تقرمو من الحسرة والزعل مافي زول بفكر يقول ده رزق فلان ضمة حلينا نحن الزمنا مقلوب ومغضوب عليه عندي حبوبا من زمن العملة الورقية كان فيها صورة الجمل وبعد جاء عهد نميري شالوا وخت صقر الجديان اها كل ما ولدها يرسل ليها قروش من السعودية يكملن في اول اسبوع قدر ما ضايرتن ما لفقن وتهرج كل اول شهر يوم ولدها قال ليها يمة اصرفي الدايراه ما تضايقي في القروش وما تزعلي روحك انا بزيدن ليك كان قصرن قالت ليه آآ ولدي ان زدت لامن زدت ما بنفع الجنا ده شال الجمل الكان ممهل والقروش تمرق على راحتها تقضيلك قرضك وتفضل وجاب لينا الصقر ده يعلم الله القروش بقت لفحي شديد كف كف كف تطير لا بره كلموا اليشيل صقروا ده مننا فقرها علينا فقر شديد
Post: #57 Title: Re: **** في حلتنا وتحت ضل نيمتنا **** Author: اسماء الجنيد Date: 12-31-2010, 00:52 AM Parent: #56
Quote: عمتنا نفيسة بِت الخليفة الله يرحمها, برضو في محو الأُميّة أدوهم ضا, ضفدعة وكت جا الدور عليها قالت: ضا ضعوية...
لوووووووووووووووووووووووووووووووووووووووووولز ود المدير يعني ما نوم ولا شنو بطني وجعتني من الضحك والله صحي
Post: #59 Title: Re: **** في حلتنا وتحت ضل نيمتنا **** Author: اسماء الجنيد Date: 12-31-2010, 00:59 AM
منال يا حبيبتنا مشتاقين يعلم الله[ تعرفي ان فتشتي على الترجمة وحات الله الا ياسر بيناوي يلحقك لكن كان جدك ود الموج وكان عمك ود المدير ديل مافيهم سبب ليك كلو كلو ديل الاتنين مولودين قبال سكة حديد السودان لووووووووووولز ونستهم كلها من سنة اسكت/B]
Post: #60 Title: Re: **** في حلتنا وتحت ضل نيمتنا **** Author: اسماء الجنيد Date: 12-31-2010, 01:14 AM Parent: #59
Quote: الحبيبة اسماء بت الجنيد
شايف الونسه قاجه في النيماية حقتنا وما شاء قهوتك مدورة وبكدا نكون حضرنا البكر والتني اها عليك الله ما تنســي حبوب الدغت وحبوب الفناجيل عشان حبوبة عايزه تاكل ليها شوية زلطه (سلطه) وتلحق (باظ) الحاج يوسف والله صحي
الامين ود ابوي البشاري حبابك يابا[ وينك آآآ الحنين يعلم الله ساعلين منك والله صحي يا حليلك البتسأل من حبوباتك وعلاجن اها بمناسبة الحبوب دي صاحبتي في المدرسة جات الصباح تضحك مالك يا بت من الصباح تضحكي قالت لي حبوبتي صايمة وقالت يدوها حبوبا عندها حبوب الكافينول دي زي المخدة بتتوسدهن مع طرف هدمها قالوا ليها بعد الفطور بعدين المغرب قالت ليهم لا وحات سيدي الحسن ما بصبر اها يا حبوبا خلاص افطري اجي سجمي بتدوروا تفطروني ؟ مالي جاهلة ولا غبيانة؟؟ غبا يغباكم جت اها الحل شنو ادوني حبوبي قلت ليكم برا موية بقرشن سااااااااي ود البشاري يعلم الله شبكتني في شيخ الهنا داك خلاني كان في خواجة نضم معاي اقول ليه والله صحي/B]
Post: #62 Title: Re: **** في حلتنا وتحت ضل نيمتنا **** Author: اسماء الجنيد Date: 12-31-2010, 01:25 AM Parent: #60
منتصف النهار, الصمت يلف المكان حتى لكأنك تسمع ضجيجه يأتيك من جميع أنحاء الباوقة, فأشجار النخيل ساهمة, والقماري مسترخية فوقها, والأغنام متفيئة ظلآلها تقصع جرتها من حين إلى آخر. بدأ يشق هذا الصمت صوت فندك بت أحمد وقد بدأت في دق البُن الذي ما زال بعض منه في القلاية فوق النار... بدأت بت أحمد جالسة فوق البنبر وقد تدلت محفضتها حتى لآمست الأرض, وأمامها المنقد, وعلى يمينها صفيحة ماء, وبجانبها الهبابة، والشرغرغ على الأرض بجانب الصينية التي حوت الفناجين تتوسطهن القداية بألوانها الزآهية, وصحن ينضح بعجوة ود لقاي مع عروق جنزبيل. توقفت بت أحمد عن دق البُن ليعود الصمت يلف المكان مرةً أخرى, وبدأت تحرك القلاية فوق النار, في هذه اللحظة طارت قمريّة مصفقة جناحيها في الهواء ثمّ أستقرت على صبيطة تمر قوقت لفترة من الزمن وصمتت. عاد الهدوء يعم المكان مرةً أخرى لتقطعه بت أحمد وقد بدات تحكي عن زمن جميل مضى وهي توزع لنا فناجين الجبنة. قطع حكي بت أحمد, صوت حمارة في الخارج, واتى صوت ود الأحمر مخترقاً الصمت: سلآم يا بت أحمد. كيف قيلتو؟. بت أحمد: مرحب حبابك ود الأحمر. أدخل أشرب لك فنجان جبنة. ود الأحمر: لا لا كتّر خيرك. سادر على الحواشات. ثم تواصل بت أحمد الحكي وقلي البُن وقد بدات حبيبات العرق تسيل في مجاري شلوخها وهي تحكي وتبتسم بين الفينة والأُخرى, وتصب لنا الجبنة نحتسيها فيمازج طعمها حكاوي بت أحمد الجميلة لتصبح عابقة في مكنون ذاكرتنا دوماً تذكرنا بت أحمد بعد أن رحلت مع السمحين... الآ رحم الله خالتي عآشا كما يحلو لأهلنا نطق الإسم على هذا النحو, ورحم جميع من رحل من أهلنا الطيبين... مجرّد خاطرة...
... ود المدير
ود المدير ما طالبني حليفة يابا لكن يعلم الله دي لوحة جميلة تتكلم عن نفسها نقلتنا نقلة كبيرة من بوست سوما الغبيشة وحوش بكري اب صلعة لي الباوقة واهلها الطيبين ياخ انت طلعت مش تربية حبوبات بس طلعت جدنا الكبير زاتو بناتك حبوبات من الليلة اي فنجان جبنة ات الاول طوالي ود الموج ان جانا بنقول ليه جدنا المدير هو الكبير لوول ود الموج طبعا بتكيف النعمنو عارفاه هو من جيل شباب نجوم الغد واغاني واغاني لووولز تسلم يا ود عمي المدير يعلم الله الليلة فرقت علي غربتي ووحدتي وسط السقط ده التكني قاعدة مع ناس حبوبتك عاشة وحبوبة ود الموج خدرة وحبوبة سامية الربطت باقي الفكة في طرف توب جارتها امانة دي مي واجعاني بالحيل لوولز
Post: #61 Title: Re: **** في حلتنا وتحت ضل نيمتنا **** Author: صديق الموج Date: 12-31-2010, 01:18 AM Parent: #53
منظر تانى: التومه بت ابضلف جات تقدل شايلها سعفها فى راسها،و متابطةاساس لمشغوله لم تتخلق معالمها بعد،لكن بلا شك سوف تكون النتيجة لوحه من مشغولاتنا اليدوية... فى يدها كورية بلا قعر وهى تصيح من بعيد هوى ود السارة ناولنى مويه فى الكورية ابل فيها الحنقوق ده.. باقى الطبق ده ملحقاهـ عرس العوض ود كلتوم.. القهوة ما بدورهـ لكن عليك الله يابت الجنيد تتباركى الرسول شوفى امك كان عندها حرجل اغلى لى منو قبضة اييد.. عندى نحار داير يلحقنى الرقدو... تجلس حبوبة التومة وقبل ان تتمهل فى الجلسه ياتى شافع لابس فنيله بى حمالات،حافى القدمين،اغبش كما الفول المدمس ليه كريشه.. نعم هو معاويه ود المدير..وهو بلوك فى طرف الفنيله يستطرد حبوبة التومة امى قالت ليك كان عندك طايوق اديها حته فى الكوز ده.. حاجة التومة متبرمه: هسه امك ماعرفت ترسلك للقاشور دهـ الا بعد ما وصلت هنا.. مابقدر اصد امش شوف ناس خالتك بخيته.. يذهب معاوية ومازالت الفنيله فى فمه.. ياحليل فنايلنا كنا نتم بيهن الغداء فى امانة الله كما المعيز نلوك فيهن.. مخير الله لاشفنا مذركير لابامبرز لاسيرلاك،يصدق معنا ان نقول منذ خشونة اظافرنا،لانه لانعومه تذكر.. بت الجنيد والضيوف ضل النيمة مسرح، صور كثيرة تتداعى واخيله متماوجه واطياف متشابكه كلها جميلة لدرجة لا تعرف على ايتها تتكى او بايتها تمسك لترتاح من رهق هذا الزمن الاشتر الجهجاهـ سريع الاستدارة.. زمان كانت الحياة جميلة خضلة،والناس اطيب واكثر رحمة.. قطعا سوف اعود للراكوبة بمشهد اخر،،،
Post: #63 Title: Re: **** في حلتنا وتحت ضل نيمتنا **** Author: اسماء الجنيد Date: 12-31-2010, 01:33 AM Parent: #61
Quote: نعم هو معاويه ود المدير..وهو بلوك فى طرف الفنيله يستطرد حبوبة التومة امى قالت ليك كان عندك طايوق اديها حته فى الكوز ده.. حاجة التومة متبرمه: هسه امك ماعرفت ترسلك للقاشور دهـ الا بعد ما وصلت هنا.. مابقدر اصد امش شوف ناس خالتك بخيته.. يذهب معاوية ومازالت الفنيله فى فمه.. ياحليل فنايلنا كنا نتم بيهن الغداء فى امانة الله كما المعيز نلوك فيهن.. مخير الله لاشفنا مذركير لابامبرز لاسيرلاك،يصدق معنا ان نقول منذ خشونة اظافرنا،لانه لانعومه تذكر..
لوووووووووووووووووووووووووولز مصلحة يا ود الموج ود المدير كان كدي ثبت شرعا انه ود الموج هو كبير نيمتنا دي استغفر الله العظيم الليلة الضحك كان بكمل كملتو انا في نيمتي دي حاج عتمان يرفع في راسو كل مره بي فوق الحيطه يناغم لي حبوبتي يقول ليها سكتي بت الجنيد دي حلقوما شاقي الفريق اها في داعي يا ود الموج ويا ود المدير ودعتكم الله النمش ننوم الصباح فضلنلو سويعات بس نشوفكم يا حبان في جبنة الدغش ان شاء الله
Post: #64 Title: Re: **** في حلتنا وتحت ضل نيمتنا **** Author: معاوية المدير Date: 12-31-2010, 05:57 AM Parent: #63
Quote: منال يا حبيبتنا مشتاقين يعلم الله[ تعرفي ان فتشتي على الترجمة وحات الله الا ياسر بيناوي يلحقك لكن كان جدك ود الموج وكان عمك ود المدير ديل مافيهم سبب ليك كلو كلو ديل الاتنين مولودين قبال سكة حديد السودان لووووووووووولز ونستهم كلها من سنة اسكت
يهووووووون الله، يا قول حبوبتي. بت الجنيد!!! انا شِن بيجيبني كمان لصديق ودالموج، المولود زمن جدي حي، وابوي صِبي؟؟؟
Post: #65 Title: Re: **** في حلتنا وتحت ضل نيمتنا **** Author: صديق الموج Date: 12-31-2010, 06:34 AM Parent: #64
Quote: يهوووالله، يا قول حبوبتي. بت الجنيد!!! انا شِن بيجيبني كمان لصديق ودالموج، المولود زمن جدي حي، وابوي صِبي؟؟؟ وووون
خلااااااااااااااص يا دفعة افراح عصام.. مخير الله.. سيد خليفه عنده اغنيه بقول فيها: انا كان رضيت بالهم واستعصمت بالبعد عنا قال قدرو كمان.. اتحداك كان قريت روضة والا لبست مريول مدرسى،،،
Post: #66 Title: Re: **** في حلتنا وتحت ضل نيمتنا **** Author: معاوية المدير Date: 12-31-2010, 08:03 AM Parent: #65
Quote: تجلس حبوبة التومة وقبل ان تتمهل فى الجلسه ياتى شافع لابس فنيله بى حمالات،حافى القدمين،اغبش كما الفول المدمس ليه كريشه.. نعم هو معاويه ود المدير..وهو بلوك فى طرف الفنيله يستطرد حبوبة التومة امى قالت ليك كان عندك طايوق اديها حته فى الكوز ده..
هههههههههههه، وحات الله يا ود الموج زمنك البتجي حِلتنا، وتقعد تتونس مع حبوباتي انا ماني واعي. عِلةً بدور اسعلك، زمان حكاية الفنايل المقددة دي شنو؟ وحات ربي يا ود الموج التقول بيشتروهن لينا مقددآت. اصلي ما بتذكر لآبس لي فنيلة بي صمتا...
Post: #67 Title: Re: **** في حلتنا وتحت ضل نيمتنا **** Author: معاوية المدير Date: 12-31-2010, 08:10 AM Parent: #66
Quote: خلااااااااااااااص يا دفعة افراح عصام.. مخير الله.. سيد خليفه عنده اغنيه بقول فيها: انا كان رضيت بالهم واستعصمت بالبعد عنا
قال قدرو كمان.. اتحداك كان قريت روضة والا لبست مريول مدرسى،،،
خلآس يا القاعد يوديك عمو حسن السواق بالعربية. وتشيل سندوتشات الهوت دوق. كمان جابت ليها خرف! هسّع غنوة سيّد خليفة دي كدي؟؟؟
ود الموج هسة الجابلنا افراح عصام هنا شنو ؟ لووووووووووولز انت قول ليه خلااااااااص يا دفعة طه سليمان ولا صفوت الجيلي ولا شريف الفحيل لكن ات ان ما تبنت على افراح عصام بجيك ابو عديلات الشاطر فيكم يعرف لي ابو عديلات هو شنو ,,, تلاتة ما داخلين المنافسة ود المدير وعمكم ابو شيمة و ود الموج
Quote: عبد العزيز ود عمي عيسى حبابك يا الدخري يتعلا مقامك ويعظم شأنك يابا قول آمين وحات الله مالقيتلي رد آآ لفنجري عشان اهديك ليه والحبان المعانا بعد نضميك السمح ده الا اهديكم قصيدة عروس النيل وبي ونسة حبوبتي الفيها وجبنتها الحنينة ان شاء الله تعجبك والمعاك شكرا يا ود امي شكرا دعوات حبوبات بعد صلاة العشا ولي عند الفجر قول آمين وهاكم عروس النيل عروس النيل
زمــــــــــان فى مره نادتنى حبوبة .... منتكيه فوق ضل الضحى..ومتوسده توبا.. فارشالا برشاً من سعف .. فوق عنقريب تاكلاه بى طوبه... تقلالا بناً فوق جميراتاُ تشطشط ... طاشه لما تهب نسيمه او هبوبا.... وريحة القلوة تعكل... والفنيجينات تهلل.. جاهزه للبكريه لما تجيها مصبوبه ... وجبنة الطين محكره فوق وقاية السكسك.. البلخرزه معصوبه .. قاتلى.. تعالى يا بنيتى جمبى حداى .. بدور احكيلك الليله ..حكاية السمحه زينوبا.. بنيةُ من بنات الحله جاهله صغيره يا دوبا .. فريعة بانا منقسمة ... غزال نافر جبال التاكا والنوبه .. يغنيلا الفريق كله..وحياتا ديمه حلفوبا .. جنيات البلد يتلمو..ساعة الورده.. فوق البير يحلموبا .. كتير من دق باب بيتا . .وكتير من صدً جارى الخيبه والتوبه .... شى يقولولو لسه صغيره يا دوبا .. وشى يقولولو مخطوبه .. رباية عز..جدودا رجال . .ركيزه الحله وكت الحاره والحوبه ... الا القسمه لما تحين تجيك عديــــل . .موبى سكة مزروبه ... *********** فى يوم عصريه جاتنى التومه بت احمد .. تجر توبا.. تقول كرعيها مكروبه ... وبى آخر نفس قات لى ... سمعتى الليله بت العازه زينوبا .... ؟ جاها عريس قدر جدى .. وابوها اداها بت امى.. بنيه رضيه مغلوبه ... فى شان شيخ من قبيله مأصله... ياختى القصه ياها عديله محسوبه .. عليك الله . . !!!! .واشرى بت العازه.. يالدفنوك حليل الكان بغنوبا .. وجات السيره شايله الشيل .. دفوف وطبول ترز قدامهم النوبه .. شى زغاريد... وشى نواحات ... عليك يالزينه بت الحله محبوبه .. عيون شاردات.... وناس واجمات ... وكل الحله مقلوبه .... وفجأة تدوى صرخة تشق سواد الليل .. تصحى الكان فى غيبوبه .... الحقو على يا جنيات ..الحقو على جنايات.. الحقو على انا الموجوعه احىى ووبا .. فى ديك الساعه كان النيل.. ختف نوارة الحله عروسنا السمحه زينوبا اسماء الجنيد
الأديبة الوريبة الأستاذة/ سوما
يا سلام على الكلم وجمال النظم.. الأحرف تفوح مشاعرا جميلة مع عبق البن وترحاب الفناجين وصوت الحبوبات شجرة النيم الظل يا الله ذلك الزمن الجميل.. تعجز عنه الكلمات وتعجز أن تطول نظمك فنهتف لك بالصمت عزا لك وكبرياء فلك التحية ولك المجد يا سوما الجند...
أصلاً حالة ود الموج بقت مستعصية دا بهضرب بها جوّة البيت والشارع حتى مرّة جاته حالة زهجة كورك بي علو حسة أفراااااااااااااااااااااااح قالوا والعهدة على الراوي الكتاحة والغبرة اللي قامت لمّت السودانيين كلهم اللي في الرياض لامن سموا الحتة ذاتا غبيرة من الغبرة اللي سوتها مناداة صديق الناس اللي اتلمت دي لا لاقين طريقة عودة طوعية ولا نزوح ذاته في حب يخوانا أكتر من كدا؟ حالة ميئوس منها ما تحاولي بس كتري ليه من الجبنة عشان ترجع ليه راسو
ما تربية حبوبات! ما شايفاه وصّاف كيفن خليه فرحان بي أفراح ودي مع إنه من دفعة اللي بقدم البرنامج ذاته السر قدور نحمد الله اللي ذاتهن حبوباتنا ماتن قبال نشوف الدنيا معليش أبو الأمواج براك سويتا في نفسك ولك التحية والود
جدنا الدبان الله يرحمو، قالوا أكان عيان, وراقد. بعدين الجماعة بيشاورو مودينو اتبرا. زمان ما في بنطون مراكب. آها في ناس قالوا: يا جماعة نحن باكر الصباح بدري نشيل الزول ده , ونمشي نصلي فوق المشرع. (طبعاً لازم يشيلوهو بالعنقريب ما بيقدر يمشي). وفي ناس قالوا نصلي حتا نمرق. هو رآقد يسمع في الكلام, ومايّد راي الناس القالوا, يصلوا فوق المشرع. المهم الناس بقو على الصلاة في البيت وهو الكلام ده ما واقعلو. الجماعة صلوا, وشالوهو بالعنقريب, وبقو ماشين على المُشرع. في واحد عندو دُكان فوق درب المُشرع بيفتح بعد صلاة الصُبُح يبايع الناس. الراجل شاف الجماعة شايلين العنقريب قفل دُكانو, وجا كابسُن: الفاتحة يا جماعة, الفاتحة. والدبان من فوق العنقريب يقول للراجل: يا زول أرجع دُكانك أنا حي, ارجع يازول, ارجع أنا حي. المهم الراجل عرف الموضوع, ورجع. الجماعة وِصلوا المُشرع نزلوا الدبان, الدبان اوات ما نزلوهو قال لهم: أنا ما بقولكم صلوا فوق المشرع خايف من الشوم النفر ديل...
Post: #73 Title: Re: **** في حلتنا وتحت ضل نيمتنا **** Author: اسماء الجنيد Date: 01-04-2011, 00:49 AM Parent: #72
Quote: جدنا الدبان الله يرحمو، قالوا أكان عيان, وراقد. بعدين الجماعة بيشاورو مودينو اتبرا. زمان ما في بنطون مراكب. آها في ناس قالوا: يا جماعة نحن باكر الصباح بدري نشيل الزول ده , ونمشي نصلي فوق المشرع. (طبعاً لازم يشيلوهو بالعنقريب ما بيقدر يمشي). وفي ناس قالوا نصلي حتا نمرق. هو رآقد يسمع في الكلام, ومايّد راي الناس القالوا, يصلوا فوق المشرع. المهم الناس بقو على الصلاة في البيت وهو الكلام ده ما واقعلو. الجماعة صلوا, وشالوهو بالعنقريب, وبقو ماشين على المُشرع. في واحد عندو دُكان فوق درب المُشرع بيفتح بعد صلاة الصُبُح يبايع الناس. الراجل شاف الجماعة شايلين العنقريب قفل دُكانو, وجا كابسُن: الفاتحة يا جماعة, الفاتحة. والدبان من فوق العنقريب يقول للراجل: يا زول أرجع دُكانك أنا حي, ارجع يازول, ارجع أنا حي. المهم الراجل عرف الموضوع, ورجع. الجماعة وِصلوا المُشرع نزلوا الدبان, الدبان اوات ما نزلوهو قال لهم: أنا ما بقولكم صلوا فوق المشرع خايف من الشوم النفر ديل...[/QUOTE
Post: #74 Title: Re: **** في حلتنا وتحت ضل نيمتنا **** Author: حبيب نورة Date: 01-04-2011, 02:02 AM Parent: #73
حباب اهلنا المنهم طولنا كل سنة وانتو طيبين يا الغاليين ربي يديكم الفي مرادكم قولوا كلكم آميــــــــــن
عذرا يا حبايب كنت مسافرة في اجازة رأس السنة لكن يعلم الله مشتاقين والله صحي نواصل قهوتنا ولمتنا خبااااااااااااااابكم عشرة بلا كشرة ابقوا لا داخل
Post: #77 Title: Re: **** في حلتنا وتحت ضل نيمتنا **** Author: معاوية المدير Date: 01-11-2011, 08:26 AM Parent: #76
بت الجنيد، بركة بالشوفة.
إتكائة علي جدار البوست.
نواصل...
Post: #78 Title: Re: **** في حلتنا وتحت ضل نيمتنا **** Author: اسماء الجنيد Date: 01-13-2011, 01:09 AM Parent: #77
يا سلام يا ود المدير ياخ تتبارك ات آآ يابا ما تتشارك بجيكم بي مهلة باقي عندي عوا بي غادي في فريق ناس بكري عوا مع سيد الحوش زاتو باقي بقص البكان وضيق الزمان لفحت هدمي ودورت فيه عوا لي يومين لامن جاني وجع راس والله صحي رابطة راسي هسه بي دلقان متل زير الشربوت كلو من بكري اب صلعة علي قول سجيمان صعلتك يا بكري بقت زي خريطة السودان بعد الانقسام والله صحي
Post: #79 Title: Re: **** في حلتنا وتحت ضل نيمتنا **** Author: مها عبد الله Date: 01-13-2011, 12:24 PM Parent: #78
بوست حنين كصاحبته شاعرتنا الجميله سوما تحياتي لك ولضيوفك حبوبات الزمن دا غايتو خليهم سااااااااي يا بت أمي الموبايل في يد وشنطة المكياج باليد التانيه ياااااحليلهم حبوبات زمااااان الكلمة الطيبه والحنينه حتي ( زعلهم ) حنييييييين أحجزي ليك مكان بينكم وسط ( عنقريبكم ) بس بعيد من ود خالتي ( مونج ) هههههههههه بجييييك صاده يا بت أمي كان الله سهَل القواسي
يا سلام على الكلم وجمال النظم.. الأحرف تفوح مشاعرا جميلة مع عبق البن وترحاب الفناجين وصوت الحبوبات شجرة النيم الظل يا الله ذلك الزمن الجميل.. تعجز عنه الكلمات وتعجز أن تطول نظمك فنهتف لك بالصمت عزا لك وكبرياء فلك التحية ولك المجد يا سوما الجند...
تحياتي
عبد العزيز ات يا بوي تتبارك ما تتشارك قول آمين ات ياكا زاتك آ الحنين من بطن الاهل زمن وسط اللمه الحنينة ذكرياتهم العطرة محفورة جواك بحبهم الكبير وسماحتهم الما بتتكرر ربي يديك قدر يرضيك ويجعل البركة فيك ويكتر لينا من امثالك الناس الجميلة بقت نادرة جدا والله صحي
Quote: بوست حنين كصاحبته شاعرتنا الجميله سوما تحياتي لك ولضيوفك حبوبات الزمن دا غايتو خليهم سااااااااي يا بت أمي الموبايل في يد وشنطة المكياج باليد التانيه ياااااحليلهم حبوبات زمااااان الكلمة الطيبه والحنينه حتي ( زعلهم ) حنييييييين أحجزي ليك مكان بينكم وسط ( عنقريبكم ) بس بعيد من ود خالتي ( مونج ) هههههههههه بجييييك صاده يا بت أمي كان الله سهَل القواسي
مها يا حبيبة الروح البتبري الجروح تعالي سااااااااااي يمة نحن لاقينك وين يا السمحة من البداية وحنينة للنهاية لكن ما الحبوبات عندكم يا مهوية ولا عند اصحابكم لوول نحن يا خية لي هسة حبوباتنا حبوبات زمان موبايل ده الا يشوفنو طشاش ذكرتيني نكتة حكتها لي بت خالتي قالت لي صاحبتها جابوها لي موبايل من السعودية وفرحااااااااانة جات جارية تكلم في امها وحبوبتها قاعدة قالت ليها ها بت ها مالك بتنقزي جابولك شنو ؟ قالت ليها موبايل يا حبوبة ردت الحبوبة ,, وده شن نفرو ؟ قالت ليها تلفوووووووووووون اها شوفيهو اجي !!!! اها وبتقدري على الجري آآآ بت ؟ قالت ليها ما ياهو ده البجروا بيهو لي برة كلما ضرب ؟؟ تسلمي يا مهوية وحبابك وسطنا بالخيلي مشتهين ونستك ونضميك يا غالية
Quote: نلاقيك من الارشيف يا حبوبة اسماء، وجرى الفاتح على الضل ده.. باقى هو ود حبوبات بدرجة فارس ليك وليه وللعيال تحياتنا،،،
ود عمى الموج كيفنك سنه حلوه عليك وعلى ست بيتك وعقابك جيت يعلم الله من بكان بعيييييد اجرجر فى كرعينى باقى رطوبة البلد دى اظنها سوت لى روماتزن جاى اشحد الله اللمة ما تكون فرتكت لكن ما شاء الله وتبارك الله الخلق منداحة وريحة القلوة راشه الساحه الوجوه وضاحه والنفوس مليانه ود وسماحه
سوما وود الموج شكيتكم على راجل الزريبة يزربكم بى شوك صنط فى شان ما تمرقوا من الضل البارد ده ضلها باااارد آآآآ عل انا بحس بيهو فى عضامى هجير وسموم لى هسى اسعلونى مالك؟ عمرى 7 سنه وود عمى احمد زايد منى بى سنتين جيت ساكيه من نص الحله اخسم فيهو بالتكسروا وتدشدشو يدينى نفس باقى هو كان قادى ليهو قصبة عيش ناشفه بعد ما نقاها ومولعا زى السجاره هو يبطرع وانا عاضى جلابيتى وجارى وراهو فى ضل النيمه كان قاعد خالى ( الله يغمد روحو الجنة) يتوضأ لى صلاة العصر كحلنا ليك جارين ودخاخين القصبة مدخنة قطر تعالوا تعالوا هنا ود عمى قدامى وقف وانا ما شايف خالى جيت توش كابسو ليك من الخلف فرامل مافى قبضتك ياود الكتكه ،،، لمن القصبة بى نارا وقعت تل قدام كرعين خالى عاد العيون ما مرقت متل البلى واحس ليك الواطا رمضا تحت كرعينى حااااره نار تنجض فينى مع اننا كنا واقفين فى ضل النيمه بتشربوا السجار آآآآ جنيات !!!!!! يوسف ،،، هوى آآآ يوسف ناولنى سوط العنج ده يوسف ود المبارك دا (الله يرحموا) كان عندو كارو موديل 60 مكنتا حصانيييييين عندو سوط عنج بتمسّح معاه كل يوم بالليل بى زيت السمسم وبرقدو جنبو تشيل جناهو ولا تشيل السوط منو ساق شجرة النيم ديك لببونا ليهو وود المبارك ما سك ايدين الواحد فينا بالجهة التانية بالدور خالى نزل فينا عشره سيطان لى هسى وسمهن فوق ...... من الزمن داك دحين ياود الموج اكان درتنى باكل ليك النيم لكن حلفت ما بقعد فى ضلها عل ام العيال نيمتها راوياها بالمحنة والسمحين الملمومين فيها ديل خلوا ريحتها طلح ويانى المتفرجخ فيها
Quote: ود عمى الموج كيفنك سنه حلوه عليك وعلى ست بيتك وعقابك جيت يعلم الله من بكان بعيييييد اجرجر فى كرعينى باقى رطوبة البلد دى اظنها سوت لى روماتزن جاى اشحد الله اللمة ما تكون فرتكت لكن ما شاء الله وتبارك الله الخلق منداحة وريحة القلوة راشه الساحه الوجوه وضاحه والنفوس مليانه ود وسماحه
سوما وود الموج شكيتكم على راجل الزريبة يزربكم بى شوك صنط فى شان ما تمرقوا من الضل البارد ده ضلها باااارد آآآآ عل انا بحس بيهو فى عضامى هجير وسموم لى هسى اسعلونى مالك؟ عمرى 7 سنه وود عمى احمد زايد منى بى سنتين جيت ساكيه من نص الحله اخسم فيهو بالتكسروا وتدشدشو يدينى نفس باقى هو كان قادى ليهو قصبة عيش ناشفه بعد ما نقاها ومولعا زى السجاره هو يبطرع وانا عاضى جلابيتى وجارى وراهو فى ضل النيمه كان قاعد خالى ( الله يغمد روحو الجنة) يتوضأ لى صلاة العصر كحلنا ليك جارين ودخاخين القصبة مدخنة قطر تعالوا تعالوا هنا ود عمى قدامى وقف وانا ما شايف خالى جيت توش كابسو ليك من الخلف فرامل مافى قبضتك ياود الكتكه ،،، لمن القصبة بى نارا وقعت تل قدام كرعين خالى عاد العيون ما مرقت متل البلى واحس ليك الواطا رمضا تحت كرعينى حااااره نار تنجض فينى مع اننا كنا واقفين فى ضل النيمه بتشربوا السجار آآآآ جنيات !!!!!! يوسف ،،، هوى آآآ يوسف ناولنى سوط العنج ده يوسف ود المبارك دا (الله يرحموا) كان عندو كارو موديل 60 مكنتا حصانيييييين عندو سوط عنج بتمسّح معاه كل يوم بالليل بى زيت السمسم وبرقدو جنبو تشيل جناهو ولا تشيل السوط منو ساق شجرة النيم ديك لببونا ليهو وود المبارك ما سك ايدين الواحد فينا بالجهة التانية بالدور خالى نزل فينا عشره سيطان لى هسى وسمهن فوق ...... من الزمن داك دحين ياود الموج اكان درتنى باكل ليك النيم لكن حلفت ما بقعد فى ضلها عل ام العيال نيمتها راوياها بالمحنة والسمحين الملمومين فيها ديل خلوا ريحتها طلح ويانى المتفرجخ فيها
يا ود الجنيد حبابك عتقت البوست يعلم الله طبعا انا كنت فاكرة صاحبك ود الموج براهو الحكاي لكن الليلة انت وثقت لي رقبتك تب امشي واجي راجعه اتاوق في حكوتك دي ومتخيلة المنظر واضحك برااااااااي بي مزاج النعمنو شخوصك دي بغرفا تب رحم الله الفارقونا والله يديهم العافية المعانا هسي جليدة زي دي النبي في زمنا ده تقدر تسويها لي شافع من شفع زمنا ده ؟ والله الا امه وابوه يجوك شايلين نعلاتهم للعوا وليه نهرت الشافع وليه وليه ؟؟ زمان الواحد اهل الفريق كلهم اولياء امره من طرف الحلة بي جاي لي طرفها الجمب البحر زووووووووول بقول لي التاني ليه شاكلت شافعي مافي ولا في زول بسأل من سبب الشكلة عكس الزمن الكعب ده عشان كده شفع زمان طلعوا مؤدبين لانهم بخافوا من ضلهم اي زول ممكن يوبخهم واي زول ممكن يديهم علقة لكن الظريف في الموقف انه الجلدة دي جات في قصبة لوووووووووووول يعني كان بقت سيجارة جد جد كان سو ليكم شنو ؟ ود الموج تعال اتفسح في صاحبك بي مزاااااااااااج
Quote: كن الظريف في الموقف انه الجلدة دي جات في قصبة لوووووووووووول يعني كان بقت سيجارة جد جد كان سو ليكم شنو ؟
المغسه يا ام رامى الدقة جات فى قصبة اريتا كان جات فى سيجاره عديل كده كان الواحد يكون عادل دماغو ومستعد للجلده .. والا مش؟؟
Quote: ود الموج تعال اتفسح في صاحبك بي مزاااااااااااج
ود الموج دردقك خلاك تجرينى على ضل النيمه وفات خلانى هسى جيتو بى قهوتى ما جا مارق لمن فنجانو برد ياربى لقى ليهو تكيه تانى والا شنو !!!
Post: #86 Title: Re: **** في حلتنا وتحت ضل نيمتنا **** Author: اسماء الجنيد Date: 02-17-2011, 01:51 AM Parent: #85
ود الموج ورفاقتنا المنهم طولنا راجنكم بي جبنتنا ام وقايقة سكسك وزينة وعا########ا حبابكم
Post: #87 Title: Re: **** في حلتنا وتحت ضل نيمتنا **** Author: Abdlaziz Eisa Date: 02-17-2011, 04:01 AM Parent: #86
بت امي سوما
سلام
جينا للضل القبيل استراحة المحارب
جينا للتفاكر في خطو قادم جينا للخلان والحبوبات جينا نتزود نعمر سلاحنا لك الود
Post: #88 Title: Re: **** في حلتنا وتحت ضل نيمتنا **** Author: Mohammed Ahmed Saeed Date: 02-17-2011, 12:14 PM Parent: #87
بت العزاز أسماء سلام ليك وللفاتح
البوست دا صورة حية وهزة فى الغربة ورجوع للزمن الجميل .فلاش باك لايام أشك فى عودتها . لك التحية ولكل العقاب بالجنيد وابوفروع والعزيبة وحتى الجنيد البابور والجروف وكل الاهل .
جينا للتفاكر في خطو قادم جينا للخلان والحبوبات جينا نتزود نعمر سلاحنا لك الود
يا سلااااااااااام يا عزيز اخوي الحنين صورة المزيرة دي بالله تبرد الجوف وتخليك تشم ريحة الجروف الله يديك العافية بقدر ما بتسعدنا طلاتك يا ود امي الحنين خليك قريب يا يابا وما تحرمنا من طلتك الحنينة زيك
Post: #90 Title: Re: **** في حلتنا وتحت ضل نيمتنا **** Author: إدريس محمد إبراهيم Date: 02-19-2011, 07:53 AM Parent: #89
صباح الخير أختنا الحنينه سوما ... ورواد النيمة الكرام ...
من أروع من غنا في حب البلد وجمالها ونبل خصالها وعزتها الشامخة الشاعر الفذ إسماعيل حسن ... إليكموه في قصيدة بلادي تحت ظلال نيمتكم الوارفة :
كلما صدح الغناي مُردداً: قايمي الصباح متكفلتي شايلي الحِليلىِ على المُراح... تراءت لِي صورة حبوبتي فاطنة بت ميدوب أمامي. (مُتقرقبة بقُرقابها الأسود ) والحِليلة في يدها اليُمنى, تداعبها نسمات الصباح وقد بدأت الطيور تعزف الحانها الجميلة فوق أغصان شجرة حرازتها واشرابّتَ غنيماتها يتصايحن كأنما يؤدن لها تحية الصباح. تبدأ تحلب وقد فاحت رائحة المُراح في جنبات المكان ممزوجة برائحة البرم, ونوار الليمون والبُرتُكان.أراها ماثلةً أمامي وقد حلبت اللبينة ثمَّ توجهت بخطىً قد أثقل وقعها مر الدهور والأزمان معتمدة على دفارتها نحو شجرة الحِناء النابتة بجوار (المارقون) وقد تدلى من أحد أغصانها سِعن اللبن. تسكب فيه اللبينة, وتجلس فوق البنبر وتبدأ في خش اللبن. أذكرها وهي جالسة فوق عنقريب صغير قريب من الأرض, أمامها براح واسع ممتد حتى الجنينة حيث لايوجد سور ولا سياج, ونحن نلعب مثيرين الغبار, وهي تبتسم من بين ما خلّف لها الزمن من أسنان. إبتسامة يتفجّر من خلالها إحساس بالرضاء عن النفس. إحساس بأنها قد أدت رسالتها في الحياة وهي ترى أحفادها أمامها يمرحون في سعادة وحبور. ثمَّ تنهض وتدلف متوجهة الى داخل المارقون الذي تتوسطه شِعبة تساعد العرش على التماسُك, قد حفرت (الدنانين) أجحارها فيها مُشاركة بت ميدوب المكان برفقة (الزرازير) التي هى الأُخرى طول النهار في حالة دخول وخروج من خِلال الطاقات في عملٍ دؤوب لِجلب الطعام لصغارهن, لايهدأ لهن بال إلا بعد أن ترتمي الشمس في أحضان الغروب. ما ضجرت بت ميدوب يوماً ولا تضايقت من هذه الرفقة. ثمّ تفتح السحارة لتأخذ شئ فتفوح رائحة السحارة في جنبات المارقون وقد عبقَ في جنباتها عطر بت السودان ورائحة الصندل والمحلبية وحتى رائحة (الحنوط) الذي إحتفظت بِهِ بت ميدوب في السحارة مع كفنها إستعداداً للرحيل. رائحة السحارة هي رائحة بت ميدوب. ما زلتُ أشتمها كلما عصفت بى الذكريات المحزونة والحنين للزمان والمكان. أذكرها في عِزّ الهجير وهى تقلّب سعون العجوة حتى تتعرض لأشعة الشمس, ثمّ تتوجه إلى عنقريبها تحت ضل الحِناء. نعم شجرة حِناء, ووالله كنا نتسلق أغصانها. الأرض كانت مِعطاءة, والنفوس كانت صآفية كما النسمات تحتَ أشجار الجزائر...
هكذا عاشت حبوبتي بت ميدوب. معتمدة على نفسها في كل شئ حتى بعد أن تجاوزت المئة. ثمّ رحلت في هدوء. وبعد رحيلها غادرت الزرازير والدنانين المكان, وآثرت الحِناء السقوط على البقاء من بعدها, وأصبح المكان لاهو المكان ولا الزمان هو الزمان بعد رحيل بت ميدوب والناس السمحين الذين ابت البركة إلآ أن تتمسك بأكفانهم وترحل معهم بلا رجعة... كانت الباوقة بخيرها, وكنتُ أتعجب وأقول لأُمي: يا يُمّة البلد, ما شاء الله خيرها كتير!!. فترد عليَّ قائلة: يا ولدي الخير ما راح مع أهلو, زمآن كُنا لامن تهب الهبوب الصباح ندلي كِرعينا فوق التمُر!!!...
سوما بت الجنيد ... الله ينصر دينك ذاتوآبت عمي .. وأنا أقول يا ربي الوش الولوف ده شايفو وين (باقي شايف صورتك في الفيس بوك) .. أتاريني شايفك في التليفزيون .. يجااااازي محنك آبت الجنيد .. أصلو أنا قبال كمين حول كدي .. كت قاعد مع عما لي اسمو إبراهيم ود حبوبتي الشول بت الشيخ عبد الباقي في واحدة من كافتيريات جامعة الخرتوم .. وبرضو تحت لبخاية باااااردة .. أها .. إبرايهم قام يجيب البارد .. أقوم أشوف ليك زولاً يتوارى لي بعرفو تب .. يا ربي ده منو في الجنيات .. أها أقوم أمشي ليهو طوالي وأسلم عليهو .. زولك ما كضب تب وسلم علي جنس سلاما لامن شككني ذاتو .. لكين لا سالتو هو منو لا سالني أنا منو .. وبعد شويتين كدي وكتين إبراهيم جاب البارد .. قلت ليهو إنت آبراهيم آخوي .. الزول الواقف هناك ده منو؟؟ .. عاين ليهو كدي وقال لي : ده ما الممثل فلان !! ونسة الحبوبات أسع بخليها شوية .. باقي ونسات حبوبتي نفيسة بت الجيلي الله يوسدها الباردة .. بتدور لها قعدة مصلحة شوية .. علا .. عندي بنات خالات لي .. عليكم أمان الله وما طالبني حليفة .. التقول .. بس كدي لمان تسمعوا دي .. أها بت خالة لي اسمها زكية .. عندها بنيتا ليها طقتا ليك مراريا .. أها وبعدين رسلوا جابو الحكيم .. وهو وليدا غريب ما من الحلة .. أها قامت فتحت لها حقنة .. باقي الحقن ألات المراريا عندنا في الجزيرة هناك آبت الجنيد بشتروهن من الطبلية الفي طرف البيت .. إتي ماك عارفة آبت عمي .. المهم .. الحكيم لما جا .. زكية بتدور تديهو حقنةً جديدة .. قامت واحدةً من بنياتا قالت ليها .. يمة أديهو الفاتحة (تقصد الحقنة المفتوحة) .. أها عليك أمان الله وما طالباني حليفة .. قامت زكية طوالي رفعت ليهو الفاتحة .. وهي تقول : الفاتحة .. هي لكين في منو؟ بجيك صاد آبت عمي
البوست دا صورة حية وهزة فى الغربة ورجوع للزمن الجميل .فلاش باك لايام أشك فى عودتها . لك التحية ولكل العقاب بالجنيد وابوفروع والعزيبة وحتى الجنيد البابور والجروف وكل الاهل .
حباب محمد ود عمي الحنين ود الجروف والطين الشوق ليك نيلين وترعة , ترع الحواشات الفي طرف بيوتكم ريحة طينهن ساي تروي وين الحي بيك آآ يابا اريتك طيب والعقاب كلهم طيبين يعلم الله يا خوي مشتاقين بالحيل ما تنقطع يا خوي وسلامك وصل تب لي اهلك وات كمان سلم على الطيبين تسلم يا ضل بيوتنا على الطلة الحنينة
من أروع من غنا في حب البلد وجمالها ونبل خصالها وعزتها الشامخة الشاعر الفذ إسماعيل حسن ... إليكموه في قصيدة بلادي تحت ظلال نيمتكم الوارفة :
حبابك إدريس اخوي تسلم على المشاركة القيمة جدا يديك قدر يرضيك يا العشا الله يرحم شاعرنا الراحل المقيم إسماعيل حسن مافي شك شاعرنا القامة ترك بصمة واضحة في تاريخ الكلمة ربنا يرحمه ويغفر ليه بقدر ما زرع في قلوب الشعب السوداني من فرح وحب شكرا اخي العزيز لمرورك الجميل تسلم
في حضرة اللغة العامية نرتاح قليلاً بكتاب قص مرفوع إلى عيونكم لتقرأ ، ونتحلل التحلل الأصغر :
قلت : ـ إنتي والله صَعبة ...أنا ما كَنتَ قايلِك كِدة قالت : ـ كيف ، صغَيرة وما عِندي مُخ ! قلت : ـ أبداً أنا ما قلتَ كِدة ! قالت كمن يسخر : ـ لأ أحسن تقول ! قلت : ـ إنتي كل كلمة تغسِّليها وتَمصُريها لَمَن تكورِك . قالت : ـ أنا ما جِبتو من عِندي ..دة كلامك . المَفروض تَفَكِري في أي حاجة ، المُسلمات قابلة لإعادة النظر ... ياهو كلامك . قلت : ـ نعم ...لكن بدون مُبالغة . قالت : ـ أنا سألتك ، وما تغير الكَلام . قلت : ـ إنتِ ما سمعتي الشعراء يتبعهم ( القاوون ) قالت : ـ القاوون البياكلو !
قلت : ـ معقول الفصاحة دي فصاحة بِت في المرحلة الوسطى ! قالت بغضب حلو : ـ بِت ... إنتَ مُصِّر ؟ قلت : ـ طيب يا أستاذة ، نرجع للرياضيات ، سَمِعِي لي قوانين المُثلثات كلها قبل المسائل . قالت : ـ دة دَرِس ولا زَعل ؟ قلت : ـ الإتنين ... استمر الدرس طويلاً ..، وأحسنت الإستيعاب والإختبارات . فجأة بدأت : ـ شايفاك زي الزعلان ، قِراية سَاكِت ! لو زعلان من كلامِي بسحَبو . قلت : ـ البِحِب ما بِزعَل قالت : ـ يعني إنتَ بِتحِب ؟ ...مِسكِين . .........
كلما صدح الغناي مُردداً: قايمي الصباح متكفلتي شايلي الحِليلىِ على المُراح... تراءت لِي صورة حبوبتي فاطنة بت ميدوب أمامي. (مُتقرقبة بقُرقابها الأسود ) والحِليلة في يدها اليُمنى, تداعبها نسمات الصباح وقد بدأت الطيور تعزف الحانها الجميلة فوق أغصان شجرة حرازتها واشرابّتَ غنيماتها يتصايحن كأنما يؤدن لها تحية الصباح. تبدأ تحلب وقد فاحت رائحة المُراح في جنبات المكان ممزوجة برائحة البرم, ونوار الليمون والبُرتُكان.أراها ماثلةً أمامي وقد حلبت اللبينة ثمَّ توجهت بخطىً قد أثقل وقعها مر الدهور والأزمان معتمدة على دفارتها نحو شجرة الحِناء النابتة بجوار (المارقون) وقد تدلى من أحد أغصانها سِعن اللبن. تسكب فيه اللبينة, وتجلس فوق البنبر وتبدأ في خش اللبن. أذكرها وهي جالسة فوق عنقريب صغير قريب من الأرض, أمامها براح واسع ممتد حتى الجنينة حيث لايوجد سور ولا سياج, ونحن نلعب مثيرين الغبار, وهي تبتسم من بين ما خلّف لها الزمن من أسنان. إبتسامة يتفجّر من خلالها إحساس بالرضاء عن النفس. إحساس بأنها قد أدت رسالتها في الحياة وهي ترى أحفادها أمامها يمرحون في سعادة وحبور. ثمَّ تنهض وتدلف متوجهة الى داخل المارقون الذي تتوسطه شِعبة تساعد العرش على التماسُك, قد حفرت (الدنانين) أجحارها فيها مُشاركة بت ميدوب المكان برفقة (الزرازير) التي هى الأُخرى طول النهار في حالة دخول وخروج من خِلال الطاقات في عملٍ دؤوب لِجلب الطعام لصغارهن, لايهدأ لهن بال إلا بعد أن ترتمي الشمس في أحضان الغروب. ما ضجرت بت ميدوب يوماً ولا تضايقت من هذه الرفقة. ثمّ تفتح السحارة لتأخذ شئ فتفوح رائحة السحارة في جنبات المارقون وقد عبقَ في جنباتها عطر بت السودان ورائحة الصندل والمحلبية وحتى رائحة (الحنوط) الذي إحتفظت بِهِ بت ميدوب في السحارة مع كفنها إستعداداً للرحيل. رائحة السحارة هي رائحة بت ميدوب. ما زلتُ أشتمها كلما عصفت بى الذكريات المحزونة والحنين للزمان والمكان. أذكرها في عِزّ الهجير وهى تقلّب سعون العجوة حتى تتعرض لأشعة الشمس, ثمّ تتوجه إلى عنقريبها تحت ضل الحِناء. نعم شجرة حِناء, ووالله كنا نتسلق أغصانها. الأرض كانت مِعطاءة, والنفوس كانت صآفية كما النسمات تحتَ أشجار الجزائر...
هكذا عاشت حبوبتي بت ميدوب. معتمدة على نفسها في كل شئ حتى بعد أن تجاوزت المئة. ثمّ رحلت في هدوء. وبعد رحيلها غادرت الزرازير والدنانين المكان, وآثرت الحِناء السقوط على البقاء من بعدها, وأصبح المكان لاهو المكان ولا الزمان هو الزمان بعد رحيل بت ميدوب والناس السمحين الذين ابت البركة إلآ أن تتمسك بأكفانهم وترحل معهم بلا رجعة... كانت الباوقة بخيرها, وكنتُ أتعجب وأقول لأُمي: يا يُمّة البلد, ما شاء الله خيرها كتير!!. فترد عليَّ قائلة: يا ولدي الخير ما راح مع أهلو, زمآن كُنا لامن تهب الهبوب الصباح ندلي كِرعينا فوق التمُر!!!...
معاوية ود المدير...
معاوية ود عمي المدير حبابك يابا اريتك طيب وكل العقاب ,, يا الله يا ود المدير على الناس الحنينة المتل بت ميدوب والزمن العديل , الزمن القبيل صدقت يا خوي فعلا رحلوا ورحلت معاهم كل الأشياء الجميلة من محنة وبركة وطيبة نفس وروح صفاء ونقاء انعدمت في زمننا الأغبر هذا الله يرحم حبوبتنا بت ميدوب ويرحم جميع الرحلوا من زمنها الحنين ويرحم جميع موتانا ومتى المسلمين والله يا ود المدير فعلا حبوباتنا الزمان الله يوسدهن الباردة عندهن ريحة بتشبهن براهن , في طرف هدمهم البارد تشمها وعندهن طقوس وحكم ومحنة لو درسوها لجيل اليوم لعم السلام والمحبة في البلد كلو إلي يوم الدين شكرا اخوي ود المدير والله جيتك بالحيل سمحة وحنينة والله صحي وبالحيل بنفقدك لامن تطول الغيبة والله صحي النبي فيك كان تطول يابا ودعتك الله والرسول
Quote: سوما بت الجنيد ... الله ينصر دينك ذاتوآبت عمي .. وأنا أقول يا ربي الوش الولوف ده شايفو وين (باقي شايف صورتك في الفيس بوك) .. أتاريني شايفك في التليفزيون .. يجااااازي محنك آبت الجنيد .. أصلو أنا قبال كمين حول كدي .. كت قاعد مع عما لي اسمو إبراهيم ود حبوبتي الشول بت الشيخ عبد الباقي في واحدة من كافتيريات جامعة الخرتوم .. وبرضو تحت لبخاية باااااردة .. أها .. إبرايهم قام يجيب البارد .. أقوم أشوف ليك زولاً يتوارى لي بعرفو تب .. يا ربي ده منو في الجنيات .. أها أقوم أمشي ليهو طوالي وأسلم عليهو .. زولك ما كضب تب وسلم علي جنس سلاما لامن شككني ذاتو .. لكين لا سالتو هو منو لا سالني أنا منو .. وبعد شويتين كدي وكتين إبراهيم جاب البارد .. قلت ليهو إنت آبراهيم آخوي .. الزول الواقف هناك ده منو؟؟ .. عاين ليهو كدي وقال لي : ده ما الممثل فلان !! ونسة الحبوبات أسع بخليها شوية .. باقي ونسات حبوبتي نفيسة بت الجيلي الله يوسدها الباردة .. بتدور لها قعدة مصلحة شوية .. علا .. عندي بنات خالات لي .. عليكم أمان الله وما طالبني حليفة .. التقول .. بس كدي لمان تسمعوا دي .. أها بت خالة لي اسمها زكية .. عندها بنيتا ليها طقتا ليك مراريا .. أها وبعدين رسلوا جابو الحكيم .. وهو وليدا غريب ما من الحلة .. أها قامت فتحت لها حقنة .. باقي الحقن ألات المراريا عندنا في الجزيرة هناك آبت الجنيد بشتروهن من الطبلية الفي طرف البيت .. إتي ماك عارفة آبت عمي .. المهم .. الحكيم لما جا .. زكية بتدور تديهو حقنةً جديدة .. قامت واحدةً من بنياتا قالت ليها .. يمة أديهو الفاتحة (تقصد الحقنة المفتوحة) .. أها عليك أمان الله وما طالباني حليفة .. قامت زكية طوالي رفعت ليهو الفاتحة .. وهي تقول : الفاتحة .. هي لكين في منو؟ بجيك صاد آبت عمي
حبابك عبد الباقي ود اعمي الجيلي حبابك يا يابا طلتك امانة مي حنينة يا العشا ,, طريتني اهلي يا حليلك ’ امانة نضميك مو سمح بالحيل . و ذكرتني الناس الحنينة . بي كلامهم المارق من الجوف ,, ونديان وتريان زي طين الجروف ,, ضحكتني قلت لي طايبت الزول وكنت قايلو من اهلك ؟ يا حليلك والله تعرف انا لما امشي الإجازة في حلتنا بسوق بت خالتي معاي عشان حوامة الحلة ,, واقول ليهم اوعكم تنسوني اي مناسبة في الحلة الحوامة بقدر عليها , لكن اللوم ما بدوروا تب ولا بدور زعل الناس الحنان ديل ,,, اها بنكون طولنا من الناس , الصغار بكونوا كبروا والكبار كلهم بعرفونا بالإسم اقول ليها اي زول طولت منه وريني اسمو قبال اصلو عشان ما اغلط في الإسم واتلوم معاه... مرات يمشي عليك زول ويقول ليك يا فلان كيفك إن شاء الله طيبين , وانت تكون ماسح الإسم اها دي بتخجلني شديد واقعد اتضاير واقول يا ربي ما ياخدوا في خاطرهم مني ويقولوا نسيناهم ونسينا حتى الاسامي,, تسلم يا عبد الباقي اخوي يديك قدر يرضيك إن شاء الله , ويسعدك ديمه ,, ما تطول مننا يا ضل شبابيك بيوتنا تعال لينا وونسنا في نيمتنا السمحة دي , سمحة بي لمتنا وونسة حبوباتك الحنان شكرا أردب محنة ,,,
Post: #98 Title: Re: **** في حلتنا وتحت ضل نيمتنا **** Author: مها عبد الله Date: 03-27-2011, 10:03 AM Parent: #97
Post: #102 Title: Re: **** في حلتنا وتحت ضل نيمتنا **** Author: ساميه حامد Date: 04-01-2011, 01:31 AM Parent: #101
Quote: جيناكم يا حبايبنا
بركة الجيت بركة الجيت ااااااااااااي
عسل انت وبسكويت
الف حمدا لله على السلامة
Post: #103 Title: Re: **** في حلتنا وتحت ضل نيمتنا **** Author: اسماء الجنيد Date: 04-02-2011, 11:46 AM Parent: #102
Quote: التحية لأستاذة / أسماء
في حضرة اللغة العامية نرتاح قليلاً بكتاب قص مرفوع إلى عيونكم لتقرأ ، ونتحلل التحلل الأصغر :
قلت : ـ إنتي والله صَعبة ...أنا ما كَنتَ قايلِك كِدة قالت : ـ كيف ، صغَيرة وما عِندي مُخ ! قلت : ـ أبداً أنا ما قلتَ كِدة ! قالت كمن يسخر : ـ لأ أحسن تقول ! قلت : ـ إنتي كل كلمة تغسِّليها وتَمصُريها لَمَن تكورِك . قالت : ـ أنا ما جِبتو من عِندي ..دة كلامك . المَفروض تَفَكِري في أي حاجة ، المُسلمات قابلة لإعادة النظر ... ياهو كلامك . قلت : ـ نعم ...لكن بدون مُبالغة . قالت : ـ أنا سألتك ، وما تغير الكَلام . قلت : ـ إنتِ ما سمعتي الشعراء يتبعهم ( القاوون ) قالت : ـ القاوون البياكلو !
قلت : ـ معقول الفصاحة دي فصاحة بِت في المرحلة الوسطى ! قالت بغضب حلو : ـ بِت ... إنتَ مُصِّر ؟ قلت : ـ طيب يا أستاذة ، نرجع للرياضيات ، سَمِعِي لي قوانين المُثلثات كلها قبل المسائل . قالت : ـ دة دَرِس ولا زَعل ؟ قلت : ـ الإتنين ... استمر الدرس طويلاً ..، وأحسنت الإستيعاب والإختبارات . فجأة بدأت : ـ شايفاك زي الزعلان ، قِراية سَاكِت ! لو زعلان من كلامِي بسحَبو . قلت : ـ البِحِب ما بِزعَل قالت : ـ يعني إنتَ بِتحِب ؟ ...مِسكِين .
استاذنا الجميل عبد الله الشقيليني حبابك يابا حبابك يا ضل السحابا فعلا طلتك مميزة وملانة حنين اهلنا المنهم طولنا نص ظريف وإسلوب لطيف يغسل هموم الغربة ويملأ الروح إبتسامة حلوة حنينة تسلم كتير كتير شرفتنا تحت ضل نيمتنا خليك معانا يا عشانا طلتك بتملانا سعادة وسرور ربي يملاك عافية ويديك قدر يرضيك وشكرا مااااااارقة من الجوف
سوما سلام وضيوفكن سلام عليهن . . حسب الله ود خالي علي بقوم من بيتكن وابدا ادخل في بيوت الفريق بيت بيت حسب الله : سلام عليكن يا ناس البيت حسب الله : اهلا يا حسب الله ( براه يرد على نفسو لانو مستعجل ) لازم اكمل الفريق كلو حسب الله : اتفضل آ حسب الله ( والله صحي يا سوما براه كدي ) حسب الله : شكرا ماشي وهكذا دوليك ودلاليك تدق كل يوم اسع الزمن العلينا دا في زول بدخل من بيت لبيت للسلام فقط ؟ عليك الله في يا سوما اختي باقي انا طولت من البلد . . ات يا سوما ما اظنك حضرت الحفلة بالرتينة والبنات يغنن قبل الفنان : جابو السكسفون وعلو المكرفون وينو الليلة واي واحد داير اظهر امش ادي الرتينة كبستين تلاتة كف كف كفك كفففففف ويا داك يا الشارستون والجزمة نفس اللون او او او يا اللابس الشارسلتون او او او الجزمة نفسسسس اللون والاغنية دي لازم تكون معاها رقصة اسما الهورس والهورس دا كان قبلو الجيركي الجيركي جنني يا يا يا عاجبني شوالي الجابو لي خالي والشوال هو الفستان لمن كان لايدري . . سوما غايتو انا بحردك بوستيك دا ولا تخلي لي ولا كمان تخلي لي . . جاييك بحكايات عمنا الجارعودو وعمنا ود ابعجاجة وعمنا ود تور كنيزة والباع جملو وعيييييييييك حظي لقيت لي بوست واقع ومعاهو فقوسة
غايتو يا سوما بوستيك ابو نيمة دا لو ضربت الراري لـ موسي الراجل وقعدنا ليك هنا حمالتك علي كان ترحلي الخرطوم وتقولي الناس لاشفتهن ولا بعرفهن وبعد كدا ما تقدري تدخلي في هذا البوست الا بترجمان
Quote: سوما سلام وضيوفكن سلام عليهن . . حسب الله ود خالي علي بقوم من بيتكن وابدا ادخل في بيوت الفريق بيت بيت حسب الله : سلام عليكن يا ناس البيت حسب الله : اهلا يا حسب الله ( براه يرد على نفسو لانو مستعجل ) لازم اكمل الفريق كلو حسب الله : اتفضل آ حسب الله ( والله صحي يا سوما براه كدي ) حسب الله : شكرا ماشي وهكذا دوليك ودلاليك تدق كل يوم اسع الزمن العلينا دا في زول بدخل من بيت لبيت للسلام فقط ؟ عليك الله في يا سوما اختي باقي انا طولت من البلد . . ات يا سوما ما اظنك حضرت الحفلة بالرتينة والبنات يغنن قبل الفنان : جابو السكسفون وعلو المكرفون وينو الليلة واي واحد داير اظهر امش ادي الرتينة كبستين تلاتة كف كف كفك كفففففف ويا داك يا الشارستون والجزمة نفس اللون او او او يا اللابس الشارسلتون او او او الجزمة نفسسسس اللون والاغنية دي لازم تكون معاها رقصة اسما الهورس والهورس دا كان قبلو الجيركي الجيركي جنني يا يا يا عاجبني شوالي الجابو لي خالي والشوال هو الفستان لمن كان لايدري . . سوما غايتو انا بحردك بوستيك دا ولا تخلي لي ولا كمان تخلي لي . . جاييك بحكايات عمنا الجارعودو وعمنا ود ابعجاجة وعمنا ود تور كنيزة والباع جملو وعيييييييييك حظي لقيت لي بوست واقع ومعاهو فقوسة
النبي يا اخواني كان ما خليتوني ارد على عمكم الحنين ود البوش ده عشان يجينا صادي فيسراع
حباب ود البوش سيد الحوش الحوش الممهل وسيع ملااااااااان نفاجات كل نفاج تهب من تالاه هبايب المحنة والمطايبة البتجيب عينة ناس ود حسب الله يا حلييييييييلو ملأ جيبو محنة وحنين من الفريق طول عرض عليك الله هسة الكلام ده درسوه ليهو ولا وروهو ليهو ؟ دي ما ياها صلة الرحم زاااااااتا اصلو ناس الحلة كللللللهم قطع شك اهل وإن ما اهل حق الجيرة ومواصلة الحبان هينة عليك الله ؟؟
نحن زمان في الإبتدائي والإعداي درسونا مواصلة الجار وصلة الأرحام رغم المواعظ ورغم التوعية وكلناااااا عارفين وخابرين اجرهن قدر شنو ده غير المحنة البتنبهل وتتشتت من طرف لكن برضو مع الجري ومباراة الشيطان في الجري من بكان لي بكان مسح اجرنا عارف يا ود البوش كنت كل مرة امشي الإجازة الجنيد اتقريف للمة التحت النيمات ولي جغيم الجبنات والضحكة والونسات ,, اها تلقاني اباري من لفة لي لفة واتصنت اللمة والجبنة وين في واحدة من الإجازات عندي خال حنين بالحيل وهو زاتي مغترب في السعودية جا إجازتو بعدي و بقينا نتبارا من فريق لي فريق وضحك شديد وونسة وروحنا دي إنجمت وهو زولا كاواي بالحيل يوم سفري جاني من الصباح يكاوي فيني قال لي إنتي لما تكوني باكر طايرة مودعة الطوب الأحمر وبيوت الطين تتوارى ليك من فووووووووق انا بكون قاعد تحت النيمة اتونس واضحك واتجغم في البكري والتني ,,, لووولز طواااااااااااالي فكيت البكية والجوعارة الناس الواقفين كلهم لي وداعي بكوا معاى امي يا حليلا شاكلتو وقالت ليهو مالك عليها يا القاسم يا خوي براها قليبها رهيف ومقطوع ليهو كم يوم. النبي فيك كان تكاويها .. واخوه الأصغر منو يسكت فيني وهو يضحك ولا هاميهو لووووووووولز تصدق هو باقي ليهو من إجازتو تلاتة يوم بس قمت قلت ليهو يا قسومة انت قايل روحك قاعد وراي كتير تتبجح كدي تلاتة يوم بس... اريتني ما قلتها .... طوالي شمر لي جلابيتو وقال لي آآآآآآي تلاتة يوم لكن بي تلااااااااتة مطرات وتلاااااااااااااتة جبنات وتلااااااااااتة لمات كبار في نيم البحر لوووووووووووولز زدت الجوعارة تااااااااني لووووولز قبل علي اخوه الصغير قال لي يا سوما ليك على التلاتة يوم دي تنقضي ويم سفره اجيهو ليك دغشا باكر و اتشمر ليك ليهو انا ده واسوي ليهو مكاواتو ليك دي كلها لامن يدمع ,, اها الأجازة البعدها مسخت لي الحلة ضمـــــــــــــــــة , عارف ليه .؟؟ لقيت ليك الحلة اتملت موبايلات ونت وكل زول مشغول من التاني سالتهم اللمة الليلة وين ؟؟ قالوا لي يا حليلك ,, ده كان زمان ,, جاء داخل خالي قسومة قلت ليهو اللمة وين ؟ قال لي مسخت يا سوما مسخت , كل ما اسأل من لمة يقولوا لي كدي النتصل تلفون . اضربوا يا بنات لي خالتكم فلانة شوفوا الجبنة وين ؟ قال لي حتى الشافع البرسلوه بقى مافي تمشي الشارع تلقيهو صاااااااااني مسلسلات نصة نهار ونت ونسة موبايل دست الناس في بطن البيوت,, يا حليل زمن حسب الله يا ود البوش يا خوي النبي تعال لينا صادي , لمتنا حنينة بتطرينا اهلنا القبيل و بتجيب حبانا كلهم ,,
قلت لي انت من زمن حفلات الرتينة ؟ لوووووووولز يا حليلك والله اريتني كان كنت حاضرة , قطع شك ده زمنا اسمح من كل الأزمان
اجي صادي ساهي يا سوما . . وبجيب معاي موسى الراجل ولبعدين شفتي عبدالباقي الجيلي ما تشوفيهو حجيري كدي دا قدري واسع خفف ليك الونسة الزول دا كان شم ريحة الزريبة حرم تاني ما تفرزي منو نضمة والله جاني في بوستي حق الفاتولة الجاب الواحولة قم كشم كر كتبني شفت كيف بقيت اضاير منو مضايرة كان فرزت حقت قرن الموز وحجير السقط والرغيفة ام قد والعجيب العجيب كان جانا موسى الراجل عليك سوما دي يا موسى تعال عشان نتذاكر قبيض الجراد والشرك للحضاية والعوم سداري وقفا قفا وشيخنا اديتنا الجوع شيخنا خولتنا ام كوع وما بدينا حق الشرافة بالعقرب النتافة المرة تتطلق والراجل اتعلق والولد اجي من السما مفلق النضمي الفوق دا يا بنيتي ما بتعرفيهو دا حق الخلوة با نصب بي خفض بو رفع اب جزم لمن الواحد احفظ اللم يكون يشرفو والجنيات اللفو الحلة اجمعو العيش اسوهو بليلة يوم اللربحا والخميس قراية المطاميس ( المدارس ) عشان الخلوة اجازتها الخميس والجمعة ما قلت ليك يا سوما تاني ما في طريقة تقلنا من النيمة دي وكمان في الجنيد سكر ساهييييييي
Post: #111 Title: Re: **** في حلتنا وتحت ضل نيمتنا **** Author: معاوية المدير Date: 04-04-2011, 10:42 AM Parent: #110
Quote: قال لي حتى الشافع البرسلوه بقى مافي تمشي الشارع تلقيهو صاااااااااني
خالتنا بت العباس. كان عندها عتود ودران. مرقت منتصف النهار تفتش عليهو. الوآطة صاااانة والناس مقيلين ما في زول في الشارع. دخلت حِلة العمارنة. الحِلة صااااااانة قدر ما فتشت لي زول عشان تسألوا من العتود ما لقت. غززت إيدينها في نصها وقالت: قاااادر الله، عآد الليلة العمارنة صِننننننننننن فوق عتيدي...
عسل انتي والله يا سامية وعسل البنية الفي البروفايل دي وآآ حلاتي يا ناس ضحيكتها امانة مي حليونة ,, ربي يحفظها إن شاء الله تسلمي يا حبيبة وتسلم روحك الحلوة
حبابك يا خالد وحباب حبيبتك الدهيبة يا يابا تعالوا لينا ساااااااي حبابكم عشرة بنفرشلكم برشنا اللحمر فوق العنقريب الجديد ,, آي عشان حاطر حبيبتك العاجباك دي يا ود امي بس اوعااااااااك تقول لينا حننوني لوووووووووولز تقول خلاص سولول القيدومة والجرتق والسيرة لوولز بنسويهن ليك لكن في عيد رمضان انكلمك من هسة ما تبقى شفقان لووووووووولز تعال حدثنا بي نضمي حبوبتك وود المدير يتم الناقصة عندو حبوبتا ليهو انا صاحبتها تب ,, نضميها سمح بالحيل والله صحي حبابك يا خالد وراجين طلتك من تاني
سوما .........سلام مريت اتعطر.... كل حله فى السودان فيها نيمة.. كل نيمة فى السودان مسرح كبير.. مايكمل اللوحة فى النيمة وجود بعض الشخصيات التى تكاد تكون موجودة فى كل حلة.. النيمة واحدة من الاماكن المفضله بالنسبة لهم.. اولهم بله العولاق ذلك الانسان البسيط ناس يقولون انه عوير واخرين يقولون عنه انه من اهل الله...... الخاله ام حقين بت على كانت تبره ويقضى معظم وقته معها. يقاسمها مأكلها ومشربها ولا تتافف من ذلك بل لاتاكل حتى يأتى.. حلفت الخاله ام حقين ان بله مع انه لايعرف الى الحمام طريق ويقضى معظم يومه تحت شمس الله ان اسم رائحة عرق مافيه... كانت الخالة ام حقين الوحيده فى الحله التى تناديه بالبخيت .. وتساله من عروسه فيرد فلانه مع ضحكة رضا بلهاء وماهى الا ايام حتى تكون فلانه عروس الموسم، هذه الاسباب كافية ان تكون مؤشر صلاح لبله عندالخاله ام حقين،لذا تناديه بالبخيت.. بقية الحله تناديه بالعولاق.. عين بلة لاتخطىء الجمال ابدا يعرفه يحسه يذوب فيه فلذا اكثر ما تجده فى منازل العوائل ذوات الفتيات الاكثر جمالا فى الفريق.. وعندما ياتى الى النيمة يتخير موقع جلوسه بعناية فائقة.. نصيبه من مراسيل النيمه يكاد يكون 90%.. اسماء الجنيد تناديه بله ادفق موية القهوة دى فى الشمس عشان ماتلم الضبان.. معاويه المدير بله امشى دكان الخزين قول ليه معاوية قال ليك املالو الحقة دى تمباك. الفاتح بفتل ليه فى حبل يربطبو عتود، بله امسك راس الحبل ده من قدام.. بله هاك فرش الجير والجنزير ديل اجدعن بفوق الحيطة ديك يقول احدهم.. بله لايكل ولايمل ،يفعل كل ذلك بصبر نبى وخفة فراشة.. الذين لايرون فى مثل بله الا متخلفين عقليا اوعوراء هولاء ينظرون بعين غير ما الناسك وتلك بها غشاوة.. اسماء الجنيد ختى بله وامثاله فى بالك لاتنسوا ان تطعموهم وتكسوهم وتحسنوا اليهم ولاشك انك بانسانيتك التى اعرف تفعلين. من يدرى فقد نكون نحن الذين ناكل من رزقهم؟؟ اى ان الله يبعث لنا الرزق من اجل ان نحسن الى هولاء.. اسماء اعود لشخصية اخرى من شخيات النيمة لاحقا
Post: #117 Title: Re: **** في حلتنا وتحت ضل نيمتنا **** Author: معاوية المدير Date: 04-10-2011, 01:18 AM Parent: #116
Quote: غايتو يا سوما بوستيك ابو نيمة دا لو ضربت الراري لـ موسي الراجل وقعدنا ليك هنا حمالتك علي كان ترحلي الخرطوم وتقولي الناس لاشفتهن ولا بعرفهن وبعد كدا ما تقدري تدخلي في هذا البوست الا بترجمان
ود البوش حبابك يا سقف البيوت تعال ساااااااااااي حبابك الف تعال بي ضيوفك نحن لاقينكم وين آآ يابا تسلم يا ود البوش وحبابك طلتك السمحة وحنينة
Post: #120 Title: Re: **** في حلتنا وتحت ضل نيمتنا **** Author: اسماء الجنيد Date: 05-15-2011, 08:33 AM Parent: #119
Quote: سوما الحنينة الله يزيدك محنة
حبوبتي -المرحومة- خجيجة بت إساغ قالت عندها قريبها في أبو ظبط (أبوظبي)
بس اتعديت على النيم بزاف (كما قال ود جبريل المغربي) في زمتك ما شفتي نيم بحر أبيض من الكوة دي وإنت عانية جزيرة أبا، وكيلك الله الميضنة رايحة صفق نيم.
آدم ود عمي صيام يا حليلم إنت يا يابا البركة في الشوفة يا خوي والبركة في اخوي الطيب العديل وطيب الرفع لينا البوست ونكتوا من جخانين بكري يا حليل الحبوبات الحنينات. والله كلامهن حلاتو في كلامهن النصو حروفو مقلبة ولاآآآآآآ هماهن . تضحك ولا تسكت المهم الواحدة الفي راسها ولسانها بتقولوا لكن امانة ماني بريد النيم وضلو , عاد لكن نيم الكوة ده سمعتبوا علا ما شفتو يا خوي واجعني نيم قيف الحصاحيصا المباري شارع مدني غزييير ومقالد القيف إتسلطوا عليهو ناس الإنقاذ قصوهو واقف طولوا هسة النبي فيك جنس الشدر ده مضايقهم في شنو. وحات الله قالوا النيم ده قبال الإنجليز شفت المغيسة دي يا آدم يا خوي يا حليلك يا خوي ما تطول الغيبة خلونا النتونس في نيمتنا الإسفيرية دي ومعليش وحات الله مع جري البوستات وسك ناس الحيكومة في عمايلهم البتشبهم يعلم الله نسيت النيمة وونستها وما شفت مداخلتك دي إلا هسة بس والله عذرا يا حنين ودعتك الله يا الجيتك سمحة وحنينة
Post: #121 Title: Re: **** في حلتنا وتحت ضل نيمتنا **** Author: اسماء الجنيد Date: 05-15-2011, 08:43 AM Parent: #120
Quote: سوما .........سلام مريت اتعطر.... كل حله فى السودان فيها نيمة.. كل نيمة فى السودان مسرح كبير.. مايكمل اللوحة فى النيمة وجود بعض الشخصيات التى تكاد تكون موجودة فى كل حلة.. النيمة واحدة من الاماكن المفضله بالنسبة لهم.. اولهم بله العولاق ذلك الانسان البسيط ناس يقولون انه عوير واخرين يقولون عنه انه من اهل الله...... الخاله ام حقين بت على كانت تبره ويقضى معظم وقته معها. يقاسمها مأكلها ومشربها ولا تتافف من ذلك بل لاتاكل حتى يأتى.. حلفت الخاله ام حقين ان بله مع انه لايعرف الى الحمام طريق ويقضى معظم يومه تحت شمس الله ان اسم رائحة عرق مافيه... كانت الخالة ام حقين الوحيده فى الحله التى تناديه بالبخيت .. وتساله من عروسه فيرد فلانه مع ضحكة رضا بلهاء وماهى الا ايام حتى تكون فلانه عروس الموسم، هذه الاسباب كافية ان تكون مؤشر صلاح لبله عندالخاله ام حقين،لذا تناديه بالبخيت.. بقية الحله تناديه بالعولاق.. عين بلة لاتخطىء الجمال ابدا يعرفه يحسه يذوب فيه فلذا اكثر ما تجده فى منازل العوائل ذوات الفتيات الاكثر جمالا فى الفريق.. وعندما ياتى الى النيمة يتخير موقع جلوسه بعناية فائقة.. نصيبه من مراسيل النيمه يكاد يكون 90%.. اسماء الجنيد تناديه بله ادفق موية القهوة دى فى الشمس عشان ماتلم الضبان.. معاويه المدير بله امشى دكان الخزين قول ليه معاوية قال ليك املالو الحقة دى تمباك. الفاتح بفتل ليه فى حبل يربطبو عتود، بله امسك راس الحبل ده من قدام.. بله هاك فرش الجير والجنزير ديل اجدعن بفوق الحيطة ديك يقول احدهم.. بله لايكل ولايمل ،يفعل كل ذلك بصبر نبى وخفة فراشة.. الذين لايرون فى مثل بله الا متخلفين عقليا اوعوراء هولاء ينظرون بعين غير ما الناسك وتلك بها غشاوة.. اسماء الجنيد ختى بله وامثاله فى بالك لاتنسوا ان تطعموهم وتكسوهم وتحسنوا اليهم ولاشك انك بانسانيتك التى اعرف تفعلين. من يدرى فقد نكون نحن الذين ناكل من رزقهم؟؟ اى ان الله يبعث لنا الرزق من اجل ان نحسن الى هولاء.. اسماء اعود لشخصية اخرى من شخيات النيمة لاحقا
يا اللـــــــــــــه يا ود الموج ياخ يعلم الله دي لوحة لوحة خطيــــرة ما يرسمها إى ود الموج مباااااااااالغة والله العظيم مباااالغة ما شاء الله والله ,, وعيني باردة أكيد يا موجنا الحنين عارف والله العظيم صدقت,, نوع بلة ده لاقاني كتير كتير واكاد احفظ كل وجوهم وبنفس إعتقاد خالتنا ام حقين إنه بلة ياهو هو البخيت .. ده ياهو الحاصل في كل الحلال وفي كل لمة الطيبين تحت الضللة الحنينة ياخ لوحة زي دي ما اقدر ارد ليك عليها إلا استغيث بود الجنيد الموكر في جخانين الحنين حد النخاع بعدين عجوز زيك لوولز لك المحنة مضاعفة يا ود الموج يا يجميل
متاوقة لكن عجبنب مرسال ود عمي المدير وضحكني بالحيل والله صحي لووووووووولز
Post: #122 Title: Re: **** في حلتنا وتحت ضل نيمتنا **** Author: اسماء الجنيد Date: 05-15-2011, 09:06 AM Parent: #120
Quote: تسف الجردقة يا بركة الشريفة، القالك منو انا قاعد اسف ؟؟؟ عارف يا ود الموج، زي بلة ده عندنا طارق تنقا. مرّة في اتبرا، الواطة سخانة مولعة نار، واتبرا عدمانة أسم التلجة. الناس يكفحو في الموية زي السليقة. في نسوان في الإسبتالية ينضمن قالن البلد ما فيها تلج، قام سمعن طارق تنقا،قالهن: التلج رااااقد ، هسع أكان دايرتلكن تلج أجيبلكن. قلن لو: إنت يا يابا تتبارك، بسراعك الحقنا بيهو. يا زول تنقا مشى جابلهن كمية بتاعت تلج. والنسوان قعدن يبردن في الموية ويشربن، ويدعن لتنقا وتلجن مطفح في المواعين. جا راجل سعلن من وين جابن التلج؟ قالن لو: جابو لينا الولد المبروك داك. الراجل مشى سأل تنقا، تنقا قال ليهو: تعال معاي التلج راااااقد. الراجل مشى مع تنقا، تنقا وداهو المشرحة. قالو: التلج ياهو دا!!! الراجل مشى للنسوان قالهن: الولد دا جابلكن التلج من المشرحة!!! يازول النسوان قامن يطرشن، ويسبن لتنقا، ويهرجن فوقوا. طارق تنقا قالهن: هو زاتو الزول ما ميّت، التلج دايربو شنو؟؟؟
لووووووووووووووووووووووووووووولز
احي يا بطني استغفرك يا الله
غايتو يا ود عمي المدير ود الموج عرف ليك مظبوووط والله التقول كان قاعد معاك ومبارين الفريق سوا لووولز لكن ياخوي مالك عليهو ساقيهو الجردقة ؟ لوووووووولز خلاص النقول جردقة ترابية حقت الحريم ديك البسوبها النشا والمديدة اصلو ود الموج جنو مدايد وحلبة اسعلني منو انا والله صحي ما يقوم يجيني نابل يلصق فيني بلية متل اللصقها فيك لووولز
اما طارق ود حلتكم وحات الله تحفة عدييييل الله يديهو العافية والله يا ود المدير كتلني بالضحك مباااااااااااالغة ود تنقا يا حليلو ضحكت كما لم اضحك من قبل لوووولز قلت لي المشرحة عديل كده !! مخير الله عليهن الشربن الموية لكن والله الليلة البركة في اخوي الطيب رفع لينا البوست ... والله صحي النعمنو كلامكم ده كلو ما قريتو ياخ مشغوليات ما بتكمل زاتها,, تاني انا غايتو بحرس النيمة دي قبال ما يجينا ربع بكري ويلفحها الإرشيف
Post: #123 Title: Re: **** في حلتنا وتحت ضل نيمتنا **** Author: اسماء الجنيد Date: 05-15-2011, 09:16 AM Parent: #122
مرحب حبابك اخوي الطيب العديل وطيب واللــــــــــــه فيك الخير يا خوي إنت عارف اختك مع مساككة بوستات الشجب والإدانة نسيت اللمة السمحة دي والمفروض وسط الزحمة والضجيج ده ما ننسا لمتنا الحنينة دي لأنها بتبرد جوفنا كتير فى عز الهجير كتر خيرك يا يابا المرقتني من لوم ود الموج وود المدير بكونوا دافننها لي والله صحي يقولوا بت الجنيد طنشتنا . وانا ماني خابرة ولا شفت ونستهم ومكاواتهم لكن اخوي صيام ده زولا حنين ورزين بقول سوما مشغولة علا القلتهم ليك ديل امانة ماهم غتيتين لوولز زي مكاواتهم البسووها في رقبتهم دي.. النبي ما تطول الغيبة وخليك معانا في قعدتنا الحنينة دي واشرب معانا فنجان جبنة ، ينفعك إن شاء الله ودعتك الله
Post: #124 Title: Re: **** في حلتنا وتحت ضل نيمتنا **** Author: Nagat Sid Ahmed Elshiekh Date: 05-15-2011, 10:34 AM Parent: #120
الحنينة بت الحبوبات أسومة ،
ياخى جننتى النيمة ذاتة،
رجعتة من المدرسة بحمة شديدة حبوبتى الله يرحمه قالت لامى جيبى لى لبان ضكر ومخبر عشان البت دى بتكون معيونة،
قامت قمتتنى بالبطانية والدخان يقول ياليل،وكانت بتقول ياعين ياعنية أخرجى من بلدنا ما بنديك ولدنا،أخرجى من بيوتنا ما بنديك بنوتنا عين الراجل فيها خناجر، عين الفتا قدت الواطة أن جات العشية قدر الوحشية وأن جات الصباح قدر المراح أخرجى أخرجى عين الصبى جنن غبى أخرجى من ديارنا ما بنديك عيالنا
بعد شوية تسمعى طق طق جاية من المبخر ، تقوم حبوبتى تقول لامى شفتى العين مرقت وطرشقت طق طق سمعتها باأضانى البكرة بتاكلةالارضة دى،
شفتى الكلام دا يابت الجنيد بتذكروا ذى الليلة ربنا يرحمك يا حبوبة بت علوب.
Post: #125 Title: Re: **** في حلتنا وتحت ضل نيمتنا **** Author: معاوية المدير Date: 05-15-2011, 11:04 AM Parent: #124
مالك دايرانه ندق خروج نهائي ونمشي نقيل في راكوبة حبوبة بت ود نور. كانت رحمها الله سبحته فوق رقبته وما في مسلسل ما شافته، أقول ليها ها حبوبة سبحتك بتسبحي بيها متين مع المسلسلات دي؟ تقول لي : هو أنا قاعدة أنوم يا وليدي، أحمد الله بسبح لامن الديك يصيح. وكانت رحمها الله مدمنة أسبرين ، كل يوم تبلع حبة، قلت ليها الأسبرين لزومو شنو كل يوم، تقول لي خايفة من الجلطة يا ولدي، وكت تمت المعدودة ماتت واقفة على طوله. مخير الله
ناس محو اللمية،عمنا عبد الله شاف صورة الطربوش وجنبها حرف الطاء قام الأستاذ سأله بالطاء شنو؟ عاين زين لصورة الطربوش ،وأجاب: بالطاء ملوه قال الأستاذ وقد ضاق صدره: أحلنا الله من ناس بالطاء ملوه
بوست ما في أجمل منه، وما في أحلا من ونسة أهلنا الكبار
متين يا ود شيقوق تجيء تشرب معانا القهوة تحت نيمة بت الجنيد، وبدل العنكوليب حتشبع قصب سكر
أسمعي يا أسماء جدي الشاعر إبراهيم الملك المشهور بود الجودليه شن قال في وصف فنجان الجبنة وستها البريدها زي عيونه في لمة جميلة زي لمتكم دي في راكوبة أخته حاجة ستنا:
أملي لي الفنجان يا أم شلاخ يا شبيهة البسكي كبي لي التاني والتالت هاك مني أمسكي يا أم نفسا فاق ريحة الجلاد والمسك فنجالك مقيم بقزازتين وسكي
شلاخ: يقصد الشلوخ البسكي: البسكوت أو البسكويت ( لعله الترخيم: حذف آخر الإسم تخفيفا)
وبهناك يا حاجة أسماء شايف حاجة الزهراء جات صارة وديعاته في طرف توبها، الجماعة كلهم فرحوا بجيتها، لأن الونسة حيكون ليها طعم خاص، وودعها صادق وما بكضب. عمي حاج عتمان بريد ونستها بالحيل، طوالي زح ليها وناداها تعالي أقعدي جنبي يالملكة. وقبال ما تحل الصرة الفي طرف توبها، يقوم يمد ليها سيجارة برنجي، ويكردم سفته ويختها تحت لسانه ، وللتمباك مذاق تاني، مع ودع حاجة الزهراء، .
تنفرج أسارير حاجة الزهراء ، وتقول لحاجة ستنا الرسول عليك كان ما بخيتي لي سيجارتي دي، تقوم حاجة ستنا تفتح محفضتها وتمد مفتاح السحارة لي بت بتها البتريده، وتقول ليها أفتحي السحارة بشيش، وفي الركن اليمين تلقي فتيل ريحة المايقومة جيبيهو واقفلي السحارة بالطبلة والمفتاح. بعد ما رشت الريحة على السيجارة، قامت تلف على القاعدين وبختهم واحد واحد بالريحة، وتتبسط حاجة آمنة وتقول : أجي أجي أريتها ريحتي يا حاجة ستنا، إن شاء يا حاجة آمنه يكبر باكر وليدك الريح ويريحك واريحك .
رمت حاجة الزهراء وديعاتها واتلفتت ناحية حاج عتمان الودع محمدك يا حاج عتمان، إن شاء الله خير؟ خير كتير، وتقوم ترمي الودعات من جديد، وتقول أريتو مسور الجنيات لي حدهم، السنه دي كان ما حجيت يا حاج عتمان قول بت مصطفى كضابة . يتبسط حاج عتمان ويمد ليها سيجارة تانية ويقول ليها الله يبشرك بالخير. وتستمر الونسة لامن الضل يخت ويؤذن المؤذن لصلاة الظهر، ويتفرق الجميع على أمل معاودة الونسة في صباح الغد.
كانت الحياة جميلة وبسيطة وصافية، الضحكة فيها صادرة من القلب، وكانت القلوب تسع الجميع حبا وحنانا، ليتها تعود تلك الأيام الجميلة الصافية، يوم أن كانت الحياة سهلة رغدة في وجود الحبوبات والجدود، أيام أن كانت الحياة خالية من الحقد والحسد، وكانت صافية كاللبن، وكان اللبن رخيصا ومتوفرا نشربه طازجا من الضرع مباشرة .
قالوا:... الله يكفينا شر قلنا، وقالوا... في كريمة ظهرت قرنتية. محّنت الناس مِحنة شديدة. كمّلت الجروف، وسدرت لافوق كمّلت المزروع في الحيضان، وكان في جرايد نخل مهدلات أكلتن. قش الواطة لحستو. البروس عدمتو نفااخة النار. التقاعدمتهاأسم الحبة، الفي بطن المطآمير برضو لحقتو. الناس حاولوا المستحيل للقبض عليها أو قتلها، لكن كلّ المحآولآت بآءت بالفشل. أعيان البلد عقدوا إجتماع طارئ وقرروا إرسال برقية لشـرطة أتـبـرا...
وصلت البرقية, وردّت عليها شرطة أتبرا بإرسال إثنين شاويشية لكريمة. نُحآف زي المساويك. قُدآم من زمن الأردية والعِمم. كل وآحد دآرع في كتفو بُندقية أبوعشرة، كان علقها في كتفو اليمين يميّل معاها يمين، وكان علقها في كتفو الشمال يميّل معاها شمال. يآآآآالله شايلين روحهم وقالِيّن البنادق...
وصلوا كريمة مواعيد الفطور. ناس البلد كلهم مرقوا لإستقبالهم فوق المشرع. ركبوهم فوق الحمير وزفوهم علي المضيفة. حليل المضيفة. ( المضيفة عبارة عن غرفة كبيرة, تبني في مكان منعزل غير بعيد من المنازل، وغالباً يبنيها ناس البلد عن طريق النفير. وهي مأوى لكل عابر سبيل. يتفقدها ناس البلد في مواعيد الطعام عسي أن يكون لجأ إليها عابر سبيل)...
بعد فاصلوهم، وأخدوا خبارهم، الفطور وصل. الجاي بملاح دمعة بقُرآصة، والقُرآصتو مملحة بملاح ورق، والجاي بعمود، ووأحد بصحن كبير مغطي بكبديق، ووأحد كسرتو بايته مملحها بلسان طير، وشي مُلآح سبروق. فوقهم ناس البلد من كل صوب وحدب، بأصناف متعددة من الطعام. إنكسروا أكلوا تماااام، ومصمصوا أصابعينهم. بعد دآك وصل الشاى. كل وآحد الجماعة شرب تسعي. حقبوا بنادقهم، وبقو مندلين علي البحر...
الوقت منتصف النهار، والسخآنة تقلي الحبة. النسوان قامن علي(التكلة) شدّن الحِلل فوق النار. الحِلل يجقجقن، والبلد صآآآنة، وصوت الفنان الكاشف منبعث من راديو قديم حجارته قديمة يحاول بصعوبة أن يوصل صوت الكاشف للسآمعين وهو يردد (حبيبي آه وقلبي تآه يوم الزيارة). الصاجات مولعة، والقراريص مردومة في الطُبآقة. القرية صآآآنة، والدخآخين منبعثة من التكلة ورواكيب العوآسة. قطع هذا الصمت صوت حُمار بدأ يهنِق أزعج قمريتين في رأس التمرة، طارن وركّن فوق شُدرة سُنُط، قوقن لفترة بسيطة، وسكتن لِيعود الهدوء يعم المكان، وبدأ صوت المذياع يظهر من جديد. ضعيّف، متقطع، والنعام آدم يردد(يقولوا لي يا مسكين عليك ظلم الحسن وحسين، يا دآب قل نوم العين). الجماعة مصنقرين فوق البحر والقرنتية ما منها خبر...
حان موعد الغداء. نادوهم للمضيفة، وناس البلد يعجبوك. ردموا قرآريص، ومِلحآت تكفي يأجوج ومأجوج. الجماعة دفسوا تمآآآم، وشربوا الشاي. تآني كل واحد تسعى، وقاموا علي البحر. الجو أصبح معتدل نوعا ما. لحظات العصاري جميلة. النيل هادئ، وساكن لايُعكّر صفوه إلآ مركب حوآتة تعبث بمجاديفها خالقة فوضي في وسط السكون الممتد يين الضفاف. الجماعة حاقبين بنادقهم وقاعدين. البيناولهن سيجارة، البيناولهن سفة، واحد يديهم تمرآت. ترمس كبكبيق... الخ وكت الواطة بقت المغيرب نادوهم للشاى. شاي المغرب طبعاً شئ أساسي في البلد، وبلبن طبيعي. البرآريد، والكبابي، وقُداحة اللقيمآت ما تديك الدرب، وكل زول يحلف عليهن لآزم يضوقوا شاهيهو، وزلابيتو، وهم طبعاً أسكت كِب. ضربوا تمآآآم إندفسوا، وبقو مندلين علي البحر...
بدأت حالة الرباط من جديد تحت ضوء القمر، الذي أطلّ في تلك الساعة من خلف النخيل جاعلاً جزء من ظلالها ممتد علي الرمال البيضاء، والجزء الآخر منعكس علي صفحة النهر. القمر متسلل للأمام، والظلآل متراجعة للخلف، والقرنتية لم تظهر بعد، حتي تناقصت الظلآل وإختفت، وأصبح القمر بلونه الفضي منعكس علي صفحة النهر. حان موعد العشاء... الجماعة حقبوا بنادقهم وبقوا سادرين. كمية غير عادية من الفطير باللبن، والقُرآصة بالسمن والسكر، وقُرآصة التمر كانت في إنتظارهم. ضربوا تمآآآم، وكل وآحد كتحلوا كورية لبن، ورقدوا ناموا...
الصباح عيونهم فتحن فوق براريد الشاي وقُدآحة الزلآبية. لهطو تمآآآم ما قصّروا تب، وبقوا مندلين علي البحر. ثلاثة أيام بالتمام والكمال وهم علي هذه الحالة، والقرنتية كأنها ما وجدت ولا خُلقت...
يوم في ساعة الغداء. البروش مفروشة، وعليها كمية من صواني الأكل عليها لاتجد كميتها في أجعص دكان عِدّة في البلد، والجماعة عرقانين، وشغالين عِدّة لهِط نضيييف. وآحد من ظرفاء البلد علّق قائلاً: والله يا جماعة، الأكل الأكلوهو الجماعة ديل، القرنتية زآآآتها من ربنا خلقا ما أكلتو...
ود المدير...
Post: #129 Title: Re: **** في حلتنا وتحت ضل نيمتنا **** Author: Abdlaziz Eisa Date: 05-19-2011, 04:34 AM Parent: #128
سلام وشوق
سوما وضيوفها الاعزاء..
يا سوما النيمة كبرت وناسها كتار والتميز حاصل ودالموج ودالمدير بلة وتنقا ما شاء الله عليكم الله يغطيكم..
رجعتة من المدرسة بحمة شديدة حبوبتى الله يرحمه قالت لامى جيبى لى لبان ضكر ومخبر عشان البت دى بتكون معيونة،
قامت قمتتنى بالبطانية والدخان يقول ياليل،وكانت بتقول ياعين ياعنية أخرجى من بلدنا ما بنديك ولدنا،أخرجى من بيوتنا ما بنديك بنوتنا عين الراجل فيها خناجر، عين الفتا قدت الواطة أن جات العشية قدر الوحشية وأن جات الصباح قدر المراح أخرجى أخرجى عين الصبى جنن غبى أخرجى من ديارنا ما بنديك عيالنا
بعد شوية تسمعى طق طق جاية من المبخر ، تقوم حبوبتى تقول لامى شفتى العين مرقت وطرشقت طق طق سمعتها باأضانى البكرة بتاكلةالارضة دى،
شفتى الكلام دا يابت الجنيد بتذكروا ذى الليلة ربنا يرحمك يا حبوبة بت علوب.
حبابك يا نجاة ومبروووك على خينيك يا يمة , ربي يحفظكم ويغطيكم إن شاء الله
الله يرحم بت علوب وكل حبوباتنا الحنان عارف القناعة واليقين العندهن وحات الله عند شوخ زمنا المتعلمين البشطحوا ديل مافي ..!!! والدلع الدلعونا ليهو حبوباتنا وجدودنا نحن لي جنانا ما دلعناهم ولا بنقدر نطول بالنا زيهم الزمن زاتو ما سمح يا نجاة ياخ قمنا لقيناهن بالنهن طويل وروحهن طويلة وكلامهن حنين لا كان عندهن مشاكل إقتصادية ولا ثورات شعوب ,, ويحمدن سيدهن ما حضرن زمن الإنقاذ التعيس تسلمي يا نجاة الغالية وشكرا لي طلتك الحنينة دي حجا حبوبتك بت علوب الله يرحمها
Quote: ناس محو اللمية،عمنا عبد الله شاف صورة الطربوش وجنبها حرف الطاء قام الأستاذ سأله بالطاء شنو؟ عاين زين لصورة الطربوش ،وأجاب: بالطاء ملوه قال الأستاذ وقد ضاق صدره: أحلنا الله من ناس بالطاء ملوه
ناس محو الأمية ديل حكاويهم براها بتدور ليها مسلسل , لكن طاء ملوة دي قطعت مصاريني بالضحك ههههههههههههه ههههههههههههههههه خالتي الله يطراها بالخير عندها عقدة برضو في الحفظ اها ادوهم حرف الهاء. قدر ما سجت ولجت ما قدرت تحفظوا بتها قالت ليها يمة اتذكري بي إسم هويدا , هويدا دي بت عمتي انا إسمها هويده عبد الحي الله يطراهم جميعا بالخير اها هويده اختها الأصغر منها إسمها وهيبة قالوا ليي خالتي س اتذكري هاْ هويدة تاني مشت قالت للمدرسة هاء وهيبة هههههههه لخبطت في الأسامي لما المدرسة استغربت قالت ليها جبتيها من وين الإجابة دي؟ قالت ليها والله البنيات قالن لي اطريها بالبنية دي بت فلان ز المدرسة من الحلة ضحكت عرفت الحاصل, قالت ليها يا حاجة لكن هاء هويدة مش وهيبة. قالت ليها ما خلاص كلهن بنات عبد الحي ههههههههه يا حليلن ياخ والله محنتهن امانة مي سمحة وحنينة [ /B]
Quote: أسمعي يا أسماء جدي الشاعر إبراهيم الملك المشهور بود الجودليه شن قال في وصف فنجان الجبنة وستها البريدها زي عيونه في لمة جميلة زي لمتكم دي في راكوبة أخته حاجة ستنا:
أملي لي الفنجان يا أم شلاخ يا شبيهة البسكي كبي لي التاني والتالت هاك مني أمسكي يا أم نفسا فاق ريحة الجلاد والمسك فنجالك مقيم بقزازتين وسكي
شلاخ: يقصد الشلوخ البسكي: البسكوت أو البسكويت ( لعله الترخيم: حذف آخر الإسم تخفيفا)
وبهناك يا حاجة أسماء شايف حاجة الزهراء جات صارة وديعاته في طرف توبها، الجماعة كلهم فرحوا بجيتها، لأن الونسة حيكون ليها طعم خاص، وودعها صادق وما بكضب. عمي حاج عتمان بريد ونستها بالحيل، طوالي زح ليها وناداها تعالي أقعدي جنبي يالملكة. وقبال ما تحل الصرة الفي طرف توبها، يقوم يمد ليها سيجارة برنجي، ويكردم سفته ويختها تحت لسانه ، وللتمباك مذاق تاني، مع ودع حاجة الزهراء، .
تنفرج أسارير حاجة الزهراء ، وتقول لحاجة ستنا الرسول عليك كان ما بخيتي لي سيجارتي دي، تقوم حاجة ستنا تفتح محفضتها وتمد مفتاح السحارة لي بت بتها البتريده، وتقول ليها أفتحي السحارة بشيش، وفي الركن اليمين تلقي فتيل ريحة المايقومة جيبيهو واقفلي السحارة بالطبلة والمفتاح. بعد ما رشت الريحة على السيجارة، قامت تلف على القاعدين وبختهم واحد واحد بالريحة، وتتبسط حاجة آمنة وتقول : أجي أجي أريتها ريحتي يا حاجة ستنا، إن شاء يا حاجة آمنه يكبر باكر وليدك الريح ويريحك واريحك .
رمت حاجة الزهراء وديعاتها واتلفتت ناحية حاج عتمان الودع محمدك يا حاج عتمان، إن شاء الله خير؟ خير كتير، وتقوم ترمي الودعات من جديد، وتقول أريتو مسور الجنيات لي حدهم، السنه دي كان ما حجيت يا حاج عتمان قول بت مصطفى كضابة . يتبسط حاج عتمان ويمد ليها سيجارة تانية ويقول ليها الله يبشرك بالخير. وتستمر الونسة لامن الضل يخت ويؤذن المؤذن لصلاة الظهر، ويتفرق الجميع على أمل معاودة الونسة في صباح الغد.
كانت الحياة جميلة وبسيطة وصافية، الضحكة فيها صادرة من القلب، وكانت القلوب تسع الجميع حبا وحنانا، ليتها تعود تلك الأيام الجميلة الصافية، يوم أن كانت الحياة سهلة رغدة في وجود الحبوبات والجدود، أيام أن كانت الحياة خالية من الحقد والحسد، وكانت صافية كاللبن، وكان اللبن رخيصا ومتوفرا نشربه طازجا من الضرع مباشرة .
يا سلام على مداخلتك الحنينة يا إسحق اخوي زي محنة حاجة زهرة وكرم حاج عثمان ما قدرت اقتبس منها أي جزئية , كلها على بعضها جميلة وملانة ذكريات من نفس الناس النفوسها صافية على قولك صدقت والله حياتهم البحكوها زاتها كانت ساهلة والمعيشة رقدة لأنه ربنا من فوق شايفهم وشايف نفوسهم الطيبة وحلاوة معشرهم عشان كده حياتهم لاكانت فيها ما يغضب الله سبحانه وتعالى ولا فيها عقد كتتتتتتر خيرك يا خوي والنبي فيك كان تنقطع طريتنا اهلنا الحنان تعال كل مرة اسمع مننا وادينا والعجب ونسة ناس ود الموج وود المدير الإتنين مسلطين وحات الله انا مرات بقعد اضحك براااااي ودعتك الله يابا وسلم على كل العقاب
Quote: وآحد من ظرفاء البلد علّق قائلاً: والله يا جماعة، الأكل الأكلوهو الجماعة ديل، القرنتية زآآآتها من ربنا خلقا ما أكلتو...
لوووووووووووووووووووووووووووووولز ود المدير غايتو العساكر بعد الوسق ده إن ص\وا اهلهم شديدين حقوا يسولهم بليلة والله صحي ياخ زولكم ده بدور يسكنهم الآخرة عدييييييييل والله صحي تقولي ظرفاء البلد ؟؟ اريتها ظرافة العدو يا خوي والله صحي
لووووووووووووووولز لكن كتلني بالضحك تسلم يا ود عمي المدير وغنت وود الموج متقدمين الركب في نيمتنا الحنينة والله صحي خليكم قريبين بالله
حبوبتي التومة يا بت الجنيد أختي، مره (امرأة) صعبة بالحيل، يهابها الصغير والكبير. زارها قريبا ليها مغترب ، سلمت عليه بفتور ومدت ليهو راس أصابعيها، وما قالت ليهو إتفضل ولا أقعد في العنقريب . قام براهو قعد في العنقريب، وقدر ما حاول يتكلم معاها،أبت تب تتكلم معاهو. مليانة منه شديد، عشرين سنة وهو مغترب وما شافت منه حاجة، لا هدية، ولا خميسات، وهو عارف نفسه مقصر معاها شديد. بي شيش دخّل إيدو في جيبه، ومرق ليهو خمشة قروش وراح عاصره ليها في إيدها، الساعة الـ نتلت إيدها وهاجت فيهو وقالت ليهو: القروش أنا ما دايراهن، أنا دايره الـ بشوفوه الناس !!!!.
حاجة التومة يا بت الجنيد دايره ليها توب أبوقجيجة ولا رسالة لندن، دايره تقدل بيهو في بيت عرس، عشان لامن يقومن النسوان يسألنها : الرسول عليك يا حاجة التومة التوب السمح دا الجابو ليك منو؟ تقوم تنفش ريشه وتقول ليهن بافتخار: جابوا لي ولدي فلان ولد فلان، الله يبارك فيهو، إديهو واملأ إيديهو، العرف كيف يعز حبوبتو، عافية ورضيانه عليهو ،وبي جناح جبريل تغطيهو من راسو لي كرعيهو.
شفت يا بت الجنيد حكمة وفهم حبوباتنا الكبار ديل كيف؟ والقروش اللي بغمتوهن للزول في إيدو ما في زول بجيب خبرن وعلمن عند الله وحده، صحي زي ما قالوا الدنيا سمع وشوف ..
( سوما .........سلام مريت اتعطر.... كل حله فى السودان فيها نيمة.. كل نيمة فى السودان مسرح كبير.. مايكمل اللوحة فى النيمة وجود بعض الشخصيات التى تكاد تكون موجودة فى كل حلة.. النيمة واحدة من الاماكن المفضله بالنسبة لهم.. اولهم بله العولاق ذلك الانسان البسيط ناس يقولون انه عوير واخرين يقولون عنه انه من اهل الله...... الخاله ام حقين بت على كانت تبره ويقضى معظم وقته معها. يقاسمها مأكلها ومشربها ولا تتافف من ذلك بل لاتاكل حتى يأتى.. حلفت الخاله ام حقين ان بله مع انه لايعرف الى الحمام طريق ويقضى معظم يومه تحت شمس الله ان اسم رائحة عرق مافيه... كانت الخالة ام حقين الوحيده فى الحله التى تناديه بالبخيت .. وتساله من عروسه فيرد فلانه مع ضحكة رضا بلهاء وماهى الا ايام حتى تكون فلانه عروس الموسم، هذه الاسباب كافية ان تكون مؤشر صلاح لبله عندالخاله ام حقين،لذا تناديه بالبخيت.. بقية الحله تناديه بالعولاق.. عين بلة لاتخطىء الجمال ابدا يعرفه يحسه يذوب فيه فلذا اكثر ما تجده فى منازل العوائل ذوات الفتيات الاكثر جمالا فى الفريق.. وعندما ياتى الى النيمة يتخير موقع جلوسه بعناية فائقة..)
لوحة الأستاذ صديق الموج التي أجاد رسمها بالكلمات ، تفتح الشهية للكتابة عن أمثال بله العولاق، وهم موجودون في أي قرية ومجتمع. أكتب اليوم عن شخصية "محمود ود الحلال"، الذي ظلمه الناس وكانوا يلقبونه بمحمود ود الحرا.. فتخيلوا أخوتي وأخواتي مدى ظلم الإنسان لأخيه الإنسان، ومثل محمود وبله العولاق هم أفاضل الناس وأنبلهم طباعا وأحسنهم أخلاقا ، ولما افتقد الناس محمود، أحسوا بفقده الأليم فكان يطحن غلالهم وحبوبهم، ذرتهم وقمحهم ،وكان يقف على رجل واحدة في الطاحونة من الصباح حتى مغيب الشمس، وأحيانا إلى ما بعد صلاة العشاء في عمله النبيل المتواصل، وكان يسقيهم الماء الذي يحمله على كتفه "بالجوز" عندما تتعطل وابور القرية، قاطعا المسافة الطويلة بين النيل والقرية، فبعد كل هذا يلقبونه بمحمود ود الحرا... أستغفر الله العظيم.. أي ظلم هذا يا ود الموج؟
محمود ود الحلال
يلقاك دائما مبتسما يداعبك ويقول: "ما فيها ميتة"، فتدخل يدك في جيبك فتناوله قرشا، فيطير فرحا كأنما حاز الدنيا بحذافيرها، ويصيح بأعلا صوته "أنا شين، أنا كعب، أنا كاكا"، وينطلق كالريح مسرورا.
كان يعمل حجارا في طاحون القرية، وكانت كل زينته في هذه الفانية "عراقي دمورية تحسبه خيشة" معفرة بالطحين، وسروال قصير كأنه "مخلاية علوق" ،وجهه ليس مدورا ولا مستطيلا ، كثير النتواءات، شعره مجعد " مفلفل"، ومفرق في شكل عقد صغيرة، كثقوب المنخل ، عيناه ضيقتان صغيرتان محمرتان، لا ترى له رموشا، حاجباه متعرجان أملسان ، وأذناه صغيرتان لهما قدرة فائقة على إلتقاط الصوت ولو كان همسا.
كان كثير المزاح خاصة مع النساء، فإن قابل إحداهن في الطريق، وكانت فتاة، داعبها وقال : " إتي بعرسوك متين، البنات كلهن عروسهن، ما فضلت إلا إتي آآآ البايرة" فتضحك وتقول له: " أنا ما دايره لي عرس، لكن إنت خلاص كبرت وعجزت ولسه ما عرست" ، فيضحك ضحكته المميزة ويصيح " هها هها هها .. قالت أنا عجزّت، والله حكاية ، أنا شين، أنا كعب، أنا كاكا".
كان صديقا للمعلمات بمدارس القرية، وكن يجدن في مزاحه متعة وسلوى خاصة اللائي فاتهن قطار الزواج، فكان يمازحهن ويقول: " إتي يالسمحة بتعرسيني" فتضحك وتقول: " هو أنا لاقية زيك وين"، فينبسط ويصيح كما يصيح الزين " حظك يا محمود بت عبد اللطيف قالت بتعرسك، أنا شين، أنا كعب، أنا كاكا". وكان يحسب لآخر الشهر ويعد له عدا، وقد اعتادت المعلمات تخصيص مبلغ له نهاية كل شهر.
وكان مهتما بنقل أخبار القرية، فتسمعه يقول : فلان عاد من السفر بعد طول غياب، وفلانة خطبوها لفلان، البارح الحرامي سرق بقر حاج عبد الله ، وقالوا صرف المزارعين يوم الخميس، وناس أمحمد ود حاج أحمد رحلوا في بيتهم الجديد.
وفي المساء، عندما يكون رائق المزاج، يأتيك صوته الغريد تحمله نسمات الصيف الباردة فيطربك ويشجيك :" أحرموني ولا تحرموني سنة الإسلام السلام"، فيدهشك جمال صوته وعذب أغانيه خاصة أغاني الحقيبة التي يحفظها عن ظهر قلب.
وكان يسقي الناس من ماء النيل إن أصاب وابور القرية عطل ، فتراه حاملاً صفيحتان "جوز" على كتفه ،فيروي ظمأهم. وكان أكثر الناس حفظا للسانه عندما يهل شهر رمضان، فلا تسمع له صوتا ، فيترك المزاح، ويصوم بكل جوارحه ، وكان يصوم قبل الناس بيوم .
وذات صباح لم يسمع الناس صوت محمود ، فانزعجوا، لم يمض وقت طويل ، وعلا صوت القرية بالبكاء والصراخ والنحيب وقد بلغهم خبر موته ، وقد صدمته سيارة رعناء كانت تسير بسرعة كالسهم فأردته قتيلا، وحرمت الناس من رجل محبوب كان يرسم الإبتسامة على شفاه الناس بمزاحه وعذب حديثه وجمال صوته، وأفل نجم كان يعد رمزا من رموز القرية الخالدين.
Quote: حبوبتي التومة يا بت الجنيد أختي، مره (امرأة) صعبة بالحيل، يهابها الصغير والكبير. زارها قريبا ليها مغترب ، سلمت عليه بفتور ومدت ليهو راس أصابعيها، وما قالت ليهو إتفضل ولا أقعد في العنقريب . قام براهو قعد في العنقريب، وقدر ما حاول يتكلم معاها، أبت تب تتكلم معاهو. مليانة منه شديد، عشرين سنة وهو مغترب وما شافت منه حاجة، لا هدية، ولا خميسات، وهو عارف نفسه مقصر معاها شديد. بي شيش دخّل إيدو في جيبه، ومرق ليهو خمشة قروش وراح عاصره ليها في إيدها، الساعة الـ نتلت إيدها وهاجت فيهو وقالت ليهو: القروش أنا ما دايراهن، أنا دايره الـ بشوفوه الناس !!!!.
حاجة التومة يا بت الجنيد دايره ليها توب أبوقجيجة ولا رسالة لندن، دايره تقدل بيهو في بيت عرس، عشان لامن يقومن النسوان يسألنها : الرسول عليك يا حاجة التومة التوب السمح دا الجابو ليك منو؟ تقوم تنفش ريشه وتقول ليهن بافتخار: جابوا لي ولدي فلان ولد فلان، الله يبارك فيهو، إديهو واملأ إيديهو، العرف كيف يعز حبوبتو، عافية ورضيانه عليهو ،وبي جناح جبريل تغطيهو من راسو لي كرعيهو.
شفت يا بت الجنيد حكمة وفهم حبوباتنا الكبار ديل كيف؟ والقروش اللي بغمتوهن للزول في إيدو ما في زول بجيب خبرن وعلمن عند الله وحده، صحي زي ما قالوا الدنيا سمع وشوف ..
اسحق اخوي فيك الخير يابا وعذرا يا الحنين طولت من النيمة , حبوباتنا حنينات ساااي لي الله سيدهن هسة كان ناس الزمن ده الواحد يشيل منك الغمتة وكان على كيفوا تزيدوا وكمان يتشرط ومرات يحدر ليك زي كانك مجبور عليهو كسر رقبة تديهو , وكتير منهم تجي وتسافر ما يجيب خبرك لكن عينة حبوبة التومة ديل ناس محنة ساااااااي بتدور تفرح بي الطروة على قول اهلنا يقول ليك فلان طرانا ما خلى لينا شيء إن شاء الله الشيء ده يكون طاقية ولا قطعة قماش واهم الشيء الدعوات , شفت دعواتهن الحنينة دي يا إسحق يا خوي بتريح في الحشا كيفن ؟؟؟ والله انا كان بمرادي من ادخل الحلة لامن امرق منها ما الاقي غير ناسنا الحنان ديل يسالموك بي حنية ويدعوا ليك من جوة القليب الأبيض وناصع كتتتتتر خيرك يابا اثريت لينا نيمتنا بي حكاويك الحلوة وحنينة
Post: #140 Title: Re: **** في حلتنا وتحت ضل نيمتنا **** Author: اسماء الجنيد Date: 05-31-2011, 00:05 AM Parent: #139
Quote: محمود ود الحلال
يلقاك دائما مبتسما يداعبك ويقول: "ما فيها ميتة"، فتدخل يدك في جيبك فتناوله قرشا، فيطير فرحا كأنما حاز الدنيا بحذافيرها، ويصيح بأعلا صوته "أنا شين، أنا كعب، أنا كاكا"، وينطلق كالريح مسرورا.
كان يعمل حجارا في طاحون القرية، وكانت كل زينته في هذه الفانية "عراقي دمورية تحسبه خيشة" معفرة بالطحين، وسروال قصير كأنه "مخلاية علوق" ،وجهه ليس مدورا ولا مستطيلا ، كثير النتواءات، شعره مجعد " مفلفل"، ومفرق في شكل عقد صغيرة، كثقوب المنخل ، عيناه ضيقتان صغيرتان محمرتان، لا ترى له رموشا، حاجباه متعرجان أملسان ، وأذناه صغيرتان لهما قدرة فائقة على إلتقاط الصوت ولو كان همسا.
كان كثير المزاح خاصة مع النساء، فإن قابل إحداهن في الطريق، وكانت فتاة، داعبها وقال : " إتي بعرسوك متين، البنات كلهن عروسهن، ما فضلت إلا إتي آآآ البايرة" فتضحك وتقول له: " أنا ما دايره لي عرس، لكن إنت خلاص كبرت وعجزت ولسه ما عرست" ، فيضحك ضحكته المميزة ويصيح " هها هها هها .. قالت أنا عجزّت، والله حكاية ، أنا شين، أنا كعب، أنا كاكا".
كان صديقا للمعلمات بمدارس القرية، وكن يجدن في مزاحه متعة وسلوى خاصة اللائي فاتهن قطار الزواج، فكان يمازحهن ويقول: " إتي يالسمحة بتعرسيني" فتضحك وتقول: " هو أنا لاقية زيك وين"، فينبسط ويصيح كما يصيح الزين " حظك يا محمود بت عبد اللطيف قالت بتعرسك، أنا شين، أنا كعب، أنا كاكا". وكان يحسب لآخر الشهر ويعد له عدا، وقد اعتادت المعلمات تخصيص مبلغ له نهاية كل شهر.
وكان مهتما بنقل أخبار القرية، فتسمعه يقول : فلان عاد من السفر بعد طول غياب، وفلانة خطبوها لفلان، البارح الحرامي سرق بقر حاج عبد الله ، وقالوا صرف المزارعين يوم الخميس، وناس أمحمد ود حاج أحمد رحلوا في بيتهم الجديد.
وفي المساء، عندما يكون رائق المزاج، يأتيك صوته الغريد تحمله نسمات الصيف الباردة فيطربك ويشجيك : " أحرموني ولا تحرموني سنة الإسلام السلام"، فيدهشك جمال صوته وعذب أغانيه خاصة أغاني الحقيبة التي يحفظها عن ظهر قلب.
وكان يسقي الناس من ماء النيل إن أصاب وابور القرية عطل ، فتراه حاملاً صفيحتان "جوز" على كتفه ،فيروي ظمأهم. وكان أكثر الناس حفظا للسانه عندما يهل شهر رمضان، فلا تسمع له صوتا ، فيترك المزاح، ويصوم بكل جوارحه ، وكان يصوم قبل الناس بيوم .
وذات صباح لم يسمع الناس صوت محمود ، فانزعجوا، لم يمض وقت طويل ، وعلا صوت القرية بالبكاء والصراخ والنحيب وقد بلغهم خبر موته ، وقد صدمته سيارة رعناء كانت تسير بسرعة كالسهم فأردته قتيلا، وحرمت الناس من رجل محبوب كان يرسم الإبتسامة على شفاه الناس بمزاحه وعذب حديثه وجمال صوته، وأفل نجم كان يعد رمزا من رموز القرية الخالدين.
الله يرحم محمود ود الحلال ويسكنه الفردوس مع الأبرار قصتو محزنة تفطر القلب لكنه غادر عفيفا نضيفا شريفا شهيدا بإذن الله صدقت اخي إسحق مثل محمود يوجد في كل السودان قلوبهم نضيفة وشاشهم ابيض على قول حبوباتنا
رحم الله ولدنا ايضا من ابناء القرية المعروفين بالشهامة والجود والكرم ولا يقبل بالحقارة ابدا حرمه الله عز وجل من نعمة الكلام . كان يصدر اصواتا عالية لكن يفهمه من هم اقرب إليه لا يغلط على أحد ولا يسيء لأحد , يمشي بعرج بسيط في إحدى رجليه كل قرآنا تتفاءل به وبكلمته عين في إحدي السنوات غفيرا لمدرسة ثانوية في إحدي القري المجاورة وكان بالمدرسة داخلية للطالبات والمعلمات افتكرت إحدي ضعاف النفوس من المعلمات أنه لايفهم شيئا ولذلك ممكن تضحك على عقله ولا يستطيع ان يتحدث في عصر إحدي الأيام دعت رجلا عشيقا والله اعلم للمدرسة وطليت من الغفير الأجير بالسماح له بالدخول بحجة إنه اخاها رفض مرارا ولكنها اصرت ووافق على مضض بدخوله , لم تمضي ربع ساعة اتى رجل آخر لزميلتها التي كانت تنتظر نجاح دخول الرجل الأول , وفعلا تحايلت عليه يا فلان ده ود خالتي, وافق وقفل بوابة المدرسة واتصل فورا بالمطافي وكان كلامه ثقيل بعض الشيء فقط وصل معلومة الحريقة في المدرسة وبحكم إنه معروف اتت النجدة مهرولة وتبعها ابناء المنطقة وقبل وصولها بدقائق اتصل بالمدير يخبره بالحصل في اللحظات الحرجة دي اصحابنا الجوة بقوا في الطريقة التمرقهم وحلف بي رأس ابوه ما يفتح البوابة رغم إنه الدنيا لسه عصرية وعلى وشك تمغرب ورغم بكاء ونحيب المعلمات خوفا من الفضيحة واغروه بالقروش حلف ستين يمين إلا بعد وصول رجال الإطفاء والشرطة لما سألوه الحريقة وين يا فلان؟؟ قال ليهم الحريقةجابنها المرتين ديل المأمننهم على بنوتكم وعروضكم الليلة جابن ناس للونسة باكر بحصل شنو ؟ الحريقة بتنطفي كان في بيت بي موية ..لكن نار الفضيحة والعار البطفيها شنو ؟؟؟؟؟ شاهد الله قالوا رجال بكوا من تصرفوا ده وأخد مكأفأة من إدارة المدرسة ومصنع السكر عليها ولما حكوها لي في الإجازة بكيت بي فرحة شديدة إنه الزي ديل عقولهم اكبر مننا الواعين الله يرحمه ويغفر ليهو ويرحم محمود وكل الناس الطيبة الرحلت في صمت ربنا يعوضهم جنات عرضها السموات والأرض
Post: #141 Title: Re: **** في حلتنا وتحت ضل نيمتنا **** Author: اسماء الجنيد Date: 05-31-2011, 00:13 AM Parent: #140
Quote: سومة بت العز
ازيك والله فرقتك في مسقط كبيرة خلاص
اسحاق ود اللمين
ود شيقوق والله الليلة تستاهلك تورا ليهو طايوق مسقط منورة بي وجودكم والله انا زاتي الناس فرقت على يعلم الله لكن البركة في الإميلات والتلفونات لكن الليلة عاد شيتا قلعك من باكانك وبحتك ومرقك وجابك تتب وتعرض لا فوق ده مو شيتا ساهل تب حليل الونسة زمان ولمة الحبان البركة في إسحق الحنين وعديل المرقكك وقش ليك الدرب
اها لملم لينا ناسك الفي نيم الدندر امانة مو عندكم شدرا غزير وسمح والعجب كان جريت معاك ربطة ولا إتنين من عنكوليبكم الرويان موية داك وسلملي على اهلى في الدندر والسوكي وراجنك تجي ما تزوغ متل عمنول حبابك والله
Post: #142 Title: Re: **** في حلتنا وتحت ضل نيمتنا **** Author: معاوية المدير Date: 05-31-2011, 07:47 AM Parent: #141
Quote: سلام وشوق
سوما وضيوفها الاعزاء..
يا سوما النيمة كبرت وناسها كتار والتميز حاصل ودالموج ودالمدير بلة وتنقا ما شاء الله عليكم الله يغطيكم..
مودتي
عبد العزيز يا عزيز. يا أخي تنقا ده شِدّة ما تُحفة كان لقيتو ما تديهو الجنبّك. عارف مرّة سآدي خدمة في الإسبتالية، وكلن حارس الباب، بعدين كان في راجل كبير من حِلتنا راقد في الإسبتالية. أها اخوي ومعاهو جماعة مشو يشوفوهو، لقو تنقا في الباب، ورفض يخليهم يدخلو. بيحنسو فيهو قال لهم: يا جماعة اختونا الأيام دي برانا مدغوتين في الشغل. أها واقفين محتارين جا ولد الراجل لقاهم مشرورين راح يحنّس في تنقا عشان يخليهم يدخلوا، تنقا قال ليهو: يا آخ إنتو ما تشيلوا الفطيسة بتاعتكم دي من هنا عشان نحن نعرف نشوف شُغُلنا.
Quote: يا جماعة اختونا الأيام دي برانا مدغوتين في الشغل. أها واقفين محتارين جا ولد الراجل لقاهم مشرورين راح يحنّس في تنقا عشان يخليهم يدخلوا، تنقا قال ليهو: يا آخ إنتو ما تشيلوا الفطيسة بتاعتكم دي من هنا عشان نحن نعرف نشوف شُغُلنا.
لووووووووووولز استغفرك يا مالك روحي ود المدير اخوي كيفنك يابا ياخ الله يريحك في الدارين امانة مو تحفة تنقا ده والله صحي
غايتو إن الله مد في العمر انا بدور اشوف تنقا المدغوت ده والله صحي ياخ جعلت من يومي صباح جديد رغم كل الأحزان المتلفحنها
والله الزي ناس تنقا ديل ياهم العايشين والله صحي لا هم لا غم دنيا زايلة وفي النهاية هم الكاسبانين الآخرة ودة المهمة تسلم ود ابوي المدير
الأخت المبدعة / الأستاذة أسماء بت الشيخ الجنيد الأخوان المستظلون بظل الشجرة وزوارها السلام عليكم ورحمة الله وبركاته
نجد في قرانا ومدننا، كثير من عباد الله الصالحين . يا الله دايرين نكتب عنهم وعن كراماتهم.
الفكي أمحمّد ود الشيخ مدار حديثنا اليوم عن الفكي محمد "ود الشيخ" المصحف الذي يمشي على رجلين، وصاحب الفانوس الذي لا ينطفيء وحامل زجاجة زيت السمسم التي لا تفرغ أبداً ولا تفارقه مطلقاً . ذلكم الرجل الصالح مضى ولم نعرف عن سره الشيء الكثير، لجدير بالبحث والاهتمام. في قريتنا بركة وأسرار ، فهي قبلة العلماء والأولياء والصالحين، لو تذكروا فكي أحمد الذي كان مقيماً بالمسجد والمشهور بحبه "للشربات" ، وإبراهيم "بطيخ" الذي كان مولعاً بأكل البطيخ، وفكي آدم الذي كان يسكن في غرفة منزوية بالقرب من دكان العم خلف الله ود عوض الله . كثير من هذه الشخصيات تظهر ثم تختفي دون أن يحاول أحد سبر أغوارها لمعرفة أسرارها. كان الفكي محمد "ود الشيخ" رجلاً ذا صلاح بين والدليل على ذلك لسانه الذي لا يتوقف عن قراءة القرآن، إذ كان مصحفاً يمشي بين الناس، وكان نظره دائماً إلى أسفل، وما رأيته يوماً رافعاً رأسه إلى أعلى. كان يلقاك ويسألك أن تعطيه قرشاً، فإن أعطيته أكثر منه لا يأخذه ثم ينصرف. وكان كثير التجوال بالليل والناس نيام والفانوس العجيب الذي لاينطفيء في يده. ففانوسه هذا محير، فالمعروف عن الفانوس أنه لا يتحمل الحركة ، فلو حركته وأنت داخل الغرفة لا يلبث أن ينطفيء، إلا أن فانوس" ود الشيخ" يصمد أمام الرياح فلا ينطفيء. لو تأملنا وأمعنا النظر فيمن حولنا لوجدنا كثيراً من الأسرار التي لا يفطن إليها كثير من الناس، ولله في خلقه شئون.
Post: #145 Title: Re: **** في حلتنا وتحت ضل نيمتنا **** Author: معاوية المدير Date: 06-02-2011, 03:32 AM Parent: #144
Quote: شميت ريحة القلوة وجيت غاشي الراكوبة وما لقيت فيها زول ! يا جماعة وين راحوا ناس الراكوبة وروادها؟ إن شاء الله خير
أخونا الحبيب العزيز، إسحاق بلة الأمين. والله إتلومنا معاك بالحيل يا أخونا إسحاق، وترحيبنا بيّك جا متأخّر، فنرجو ان تقبلوا، ولك منا العُتبى حتي ترضى. قنّب عآفية وحبابك ألف...
Post: #146 Title: Re: **** في حلتنا وتحت ضل نيمتنا **** Author: اسماء الجنيد Date: 06-04-2011, 00:03 AM Parent: #145
Quote: لأخت المبدعة / الأستاذة أسماء بت الشيخ الجنيد الأخوان المستظلون بظل الشجرة وزوارها السلام عليكم ورحمة الله وبركاته
نجد في قرانا ومدننا، كثير من عباد الله الصالحين . يا الله دايرين نكتب عنهم وعن كراماتهم.
الفكي أمحمّد ود الشيخ مدار حديثنا اليوم عن الفكي محمد "ود الشيخ" المصحف الذي يمشي على رجلين، وصاحب الفانوس الذي لا ينطفيء وحامل زجاجة زيت السمسم التي لا تفرغ أبداً ولا تفارقه مطلقاً . ذلكم الرجل الصالح مضى ولم نعرف عن سره الشيء الكثير، لجدير بالبحث والاهتمام. في قريتنا بركة وأسرار ، فهي قبلة العلماء والأولياء والصالحين، لو تذكروا فكي أحمد الذي كان مقيماً بالمسجد والمشهور بحبه "للشربات" ، وإبراهيم "بطيخ" الذي كان مولعاً بأكل البطيخ، وفكي آدم الذي كان يسكن في غرفة منزوية بالقرب من دكان العم خلف الله ود عوض الله . كثير من هذه الشخصيات تظهر ثم تختفي دون أن يحاول أحد سبر أغوارها لمعرفة أسرارها. كان الفكي محمد "ود الشيخ" رجلاً ذا صلاح بين والدليل على ذلك لسانه الذي لا يتوقف عن قراءة القرآن، إذ كان مصحفاً يمشي بين الناس، وكان نظره دائماً إلى أسفل، وما رأيته يوماً رافعاً رأسه إلى أعلى. كان يلقاك ويسألك أن تعطيه قرشاً، فإن أعطيته أكثر منه لا يأخذه ثم ينصرف. وكان كثير التجوال بالليل والناس نيام والفانوس العجيب الذي لاينطفيء في يده. ففانوسه هذا محير، فالمعروف عن الفانوس أنه لا يتحمل الحركة ، فلو حركته وأنت داخل الغرفة لا يلبث أن ينطفيء، إلا أن فانوس" ود الشيخ" يصمد أمام الرياح فلا ينطفيء. لو تأملنا وأمعنا النظر فيمن حولنا لوجدنا كثيراً من الأسرار التي لا يفطن إليها كثير من الناس، ولله في خلقه شئون.
يا سلااااااام يا إسحق اخوي يعلم الله فتحت لينا طاقة من همبريب العافية الله يفتحها عليك شقيقش ما تقبل يا الركازة عارف ابواتنا الشيوخ ديل الكلام عنهم ذو شجون من اجمل ما سمعت عن حكاوي امي نور الشام بت شيخ الجنيد رحمة الله عليها حبوبتي ام امي حكاويها التي تحكيها لنا بفخر وإعجاب عن والدها الشيخ الحاج ود الجنيد اذكر من اشهر قصصها وطبعا الحكاية زاتها فيها وصف وفيها تمثيل قالت لي يا بت سومي في حكم عن جدودنا إنتو ابواتكم واماتكم ما شافوها ولا سمعوا بيها قلت ليها زي شنو ؟ قالت لي جدك الحاج ود شيخ الجنيد نوموا قليل , كان غمض عيني شوية يصحا يتشهد ويستغفر ويجري يتوضأ قالت تسأله تقول لي يابا مالك صحيت ؟ يقول ليها الله ينعلوا إبليس بدور يشبعني نوم واقطع وضوي اها قالت لما يصحا صلاة الفجر للصلاة بعدها ما بنوم بقعد يقرأ ويرتل لغاية الشمس ما تطلع بشيل دوايته وبمشي تحت شديدرته اللت النيمة الكبيرة بخت فروته ودوايته ويبدأ كتابته ما شاء الله خاطي المصحف الشريف بخطين بي خط يدوا وهسة موجودة النسخ دي عندنا في الجنيد اها قالت لي بحلق راسه صلعة دائما وعنده خلطه زي العصيدة بتعملا ليه حبوبتنا امنة ام حبوبتي نور الشام قالت لي العصيدة نص غستواء بعد تبرد يختوها ليه زي الوقاية في نص رأسو ويعلوها شوية لي فوق تبقى زي الحفرة ويجيبوا السمن البلدي يكبوا ليهو زي نص كباية وهو يقعد يكتب قالت لي لما يجهز الفطور نقطة سمنه ما بنلقاها في راسو يعملوا ليهو نفس الحركة بعد الفطور ويستمر يكتب لي وقت صلاة الضهر بكون كمل باقي الكباية ويقرأ في الخلوة شوية ويكرر نفس الطريقة لي وقت صلاة العصر لما يصلي العصر بكون كمل كباية ونص كل يوم قالت لي لامن مات الله يرحمه لا شكا من عيونوا ولا من رأسو يحمد سيدوا يا سلام يا إسحق اخوي ديل ناس براهم وزمنهم براهو وحياتهم براها عاشوا وماتوا نضيفين قلب وبصائر استمتعوا بدنيتهم وكسيوا آخرتهم شكرا للإضافة القيمة وتسلم كتير اخوي إسحق ,, فيك الخير والله
قالوا:... الله يكفينا شر قلنا، وقالوا... في كريمة ظهرت قرنتية. محّنت الناس مِحنة شديدة. كمّلت الجروف، وسدرت لافوق كمّلت المزروع في الحيضان، وكان في جرايد نخل مهدلات أكلتن. قش الواطة لحستو. البروس عدمتو نفااخة النار. التقاعدمتهاأسم الحبة، الفي بطن المطآمير برضو لحقتو. الناس حاولوا المستحيل للقبض عليها أو قتلها، لكن كلّ المحآولآت بآءت بالفشل. أعيان البلد عقدوا إجتماع طارئ وقرروا إرسال برقية لشـرطة أتـبـرا...
وصلت البرقية, وردّت عليها شرطة أتبرا بإرسال إثنين شاويشية لكريمة. نُحآف زي المساويك. قُدآم من زمن الأردية والعِمم. كل وآحد دآرع في كتفو بُندقية أبوعشرة، كان علقها في كتفو اليمين يميّل معاها يمين، وكان علقها في كتفو الشمال يميّل معاها شمال. يآآآآالله شايلين روحهم وقالِيّن البنادق...
وصلوا كريمة مواعيد الفطور. ناس البلد كلهم مرقوا لإستقبالهم فوق المشرع. ركبوهم فوق الحمير وزفوهم علي المضيفة. حليل المضيفة. ( المضيفة عبارة عن غرفة كبيرة, تبني في مكان منعزل غير بعيد من المنازل، وغالباً يبنيها ناس البلد عن طريق النفير. وهي مأوى لكل عابر سبيل. يتفقدها ناس البلد في مواعيد الطعام عسي أن يكون لجأ إليها عابر سبيل)...
بعد فاصلوهم، وأخدوا خبارهم، الفطور وصل. الجاي بملاح دمعة بقُرآصة، والقُرآصتو مملحة بملاح ورق، والجاي بعمود، ووأحد بصحن كبير مغطي بكبديق، ووأحد كسرتو بايته مملحها بلسان طير، وشي مُلآح سبروق. فوقهم ناس البلد من كل صوب وحدب، بأصناف متعددة من الطعام. إنكسروا أكلوا تماااام، ومصمصوا أصابعينهم. بعد دآك وصل الشاى. كل وآحد الجماعة شرب تسعي. حقبوا بنادقهم، وبقو مندلين علي البحر...
الوقت منتصف النهار، والسخآنة تقلي الحبة. النسوان قامن علي(التكلة) شدّن الحِلل فوق النار. الحِلل يجقجقن، والبلد صآآآنة، وصوت الفنان الكاشف منبعث من راديو قديم حجارته قديمة يحاول بصعوبة أن يوصل صوت الكاشف للسآمعين وهو يردد (حبيبي آه وقلبي تآه يوم الزيارة). الصاجات مولعة، والقراريص مردومة في الطُبآقة. القرية صآآآنة، والدخآخين منبعثة من التكلة ورواكيب العوآسة. قطع هذا الصمت صوت حُمار بدأ يهنِق أزعج قمريتين في رأس التمرة، طارن وركّن فوق شُدرة سُنُط، قوقن لفترة بسيطة، وسكتن لِيعود الهدوء يعم المكان، وبدأ صوت المذياع يظهر من جديد. ضعيّف، متقطع، والنعام آدم يردد(يقولوا لي يا مسكين عليك ظلم الحسن وحسين، يا دآب قل نوم العين). الجماعة مصنقرين فوق البحر والقرنتية ما منها خبر...
حان موعد الغداء. نادوهم للمضيفة، وناس البلد يعجبوك. ردموا قرآريص، ومِلحآت تكفي يأجوج ومأجوج. الجماعة دفسوا تمآآآم، وشربوا الشاي. تآني كل واحد تسعى، وقاموا علي البحر. الجو أصبح معتدل نوعا ما. لحظات العصاري جميلة. النيل هادئ، وساكن لايُعكّر صفوه إلآ مركب حوآتة تعبث بمجاديفها خالقة فوضي في وسط السكون الممتد يين الضفاف. الجماعة حاقبين بنادقهم وقاعدين. البيناولهن سيجارة، البيناولهن سفة، واحد يديهم تمرآت. ترمس كبكبيق... الخ وكت الواطة بقت المغيرب نادوهم للشاى. شاي المغرب طبعاً شئ أساسي في البلد، وبلبن طبيعي. البرآريد، والكبابي، وقُداحة اللقيمآت ما تديك الدرب، وكل زول يحلف عليهن لآزم يضوقوا شاهيهو، وزلابيتو، وهم طبعاً أسكت كِب. ضربوا تمآآآم إندفسوا، وبقو مندلين علي البحر...
بدأت حالة الرباط من جديد تحت ضوء القمر، الذي أطلّ في تلك الساعة من خلف النخيل جاعلاً جزء من ظلالها ممتد علي الرمال البيضاء، والجزء الآخر منعكس علي صفحة النهر. القمر متسلل للأمام، والظلآل متراجعة للخلف، والقرنتية لم تظهر بعد، حتي تناقصت الظلآل وإختفت، وأصبح القمر بلونه الفضي منعكس علي صفحة النهر. حان موعد العشاء... الجماعة حقبوا بنادقهم وبقوا سادرين. كمية غير عادية من الفطير باللبن، والقُرآصة بالسمن والسكر، وقُرآصة التمر كانت في إنتظارهم. ضربوا تمآآآم، وكل وآحد كتحلوا كورية لبن، ورقدوا ناموا...
الصباح عيونهم فتحن فوق براريد الشاي وقُدآحة الزلآبية. لهطو تمآآآم ما قصّروا تب، وبقوا مندلين علي البحر. ثلاثة أيام بالتمام والكمال وهم علي هذه الحالة، والقرنتية كأنها ما وجدت ولا خُلقت...
يوم في ساعة الغداء. البروش مفروشة، وعليها كمية من صواني الأكل عليها لاتجد كميتها في أجعص دكان عِدّة في البلد، والجماعة عرقانين، وشغالين عِدّة لهِط نضيييف. وآحد من ظرفاء البلد علّق قائلاً: والله يا جماعة، الأكل الأكلوهو الجماعة ديل، القرنتية زآآآتها من ربنا خلقا ما أكلتو...
ود المدير...
الأخ العزيز / معاوية المدير سلام واحترام أمتعتنا وأسعدتنا بقصصك وحكاويك وأدبك الشعبي الراقي قصة "قرنتية كريمه" بالغت في تصويرها حتى خلنا أنفسنا نشاهد لا نقرأ وهذا هو عين الإبداع وعمك "تنقه" قال ليهم شيلو فطيستكم دي من هنا خلونا نشوف شغلنا با لله عليك سلم لي على صديقك "تنقه الظريف" واصل سرد حكاويك الرائعة الممتعة
Quote: من اجمل ما سمعت عن حكاوي امي نور الشام بت شيخ الجنيد رحمة الله عليها حبوبتي ام امي حكاويها التي تحكيها لنا بفخر وإعجاب عن والدها الشيخ الحاج ود الجنيد اذكر من اشهر قصصها وطبعا الحكاية زاتها فيها وصف وفيها تمثيل قالت لي يا بت سومي في حكم عن جدودنا إنتو ابواتكم واماتكم ما شافوها ولا سمعوا بيها قلت ليها زي شنو ؟ قالت لي جدك الحاج ود شيخ الجنيد نوموا قليل , كان غمض عيني شوية يصحا يتشهد ويستغفر ويجري يتوضأ قالت تسأله تقول لي يابا مالك صحيت ؟ يقول ليها الله ينعلوا إبليس بدور يشبعني نوم واقطع وضوي اها قالت لما يصحا صلاة الفجر للصلاة بعدها ما بنوم بقعد يقرأ ويرتل لغاية الشمس ما تطلع بشيل دوايته وبمشي تحت شديدرته اللت النيمة الكبيرة بخت فروته ودوايته ويبدأ كتابته ما شاء الله خاطي المصحف الشريف بخطين بي خط يدوا وهسة موجودة النسخ دي عندنا في الجنيد اها قالت لي بحلق راسه صلعة دائما وعنده خلطه زي العصيدة بتعملا ليه حبوبتنا امنة ام حبوبتي نور الشام قالت لي العصيدة نص غستواء بعد تبرد يختوها ليه زي الوقاية في نص رأسو ويعلوها شوية لي فوق تبقى زي الحفرة ويجيبوا السمن البلدي يكبوا ليهو زي نص كباية وهو يقعد يكتب قالت لي لما يجهز الفطور نقطة سمنه ما بنلقاها في راسو يعملوا ليهو نفس الحركة بعد الفطور ويستمر يكتب لي وقت صلاة الضهر بكون كمل باقي الكباية ويقرأ في الخلوة شوية ويكرر نفس الطريقة لي وقت صلاة العصر لما يصلي العصر بكون كمل كباية ونص كل يوم قالت لي لامن مات الله يرحمه لا شكا من عيونوا ولا من رأسو يحمد سيدوا يا سلام يا إسحق اخوي ديل ناس براهم وزمنهم براهو وحياتهم براها عاشوا وماتوا نضيفين قلب وبصائر استمتعوا بدنيتهم وكسيوا آخرتهم شكرا للإضافة القيمة وتسلم كتير اخوي إسحق ,, فيك الخير والله
الله الله يا بت الجنيد رحم الله جدك الشيخ الحاج ود الجنيد المتل جدك الحاج ودالجنيد هم الذين عناهم الشاعر الصوفي بشعره : رحم الله عبادا فطنا طلقوا الدنيا وخافوا الفتنا نظروا إليها فلما علموا أنها ليست لحي وطنا اتخذوها لجة وتركوا صالح الأعمال فيها سفنا
كان الفكي أمحمد ود الشيخ رحمه الله يدهن جسمه بزيت السمسم مثل جدك الشيخ الحاج ود الجنيد الذي كان يصب السمن على فروة رأسه، وكان جسمه مترع "تريان" بالزيت، ناعما متل الحرير" ، وكان تاليا للقرآن في كل الأوقات، غاديا ورائحا،قائما وقاعدا، ويترنح مع القراءة، وكان يلبس عراقي وتوب دمورية، وكان يسري الليل وفانوسه العجيب "كضاب من قال شافو انطفأ". يا هم ديل السعداء اللا شبعوا نوم ولا شبعوا في طعام، زهدوا في الدنيا وخيرا فيها ليستمتعوا بالطيبات في الدار الآخرة. لينا بحالهم
دي دغمسة لذيذة
