Post: #1
Title: *** وبحمد الله دخل العم آيفن الإسلام ***
Author: اسماء الجنيد
Date: 06-30-2011, 08:26 PM
Parent: #0
العم آيفن أو انكل آيفن كما يحلو له ان يخاطبه ابنائي الذي احبهم جدا وحبوه كأنه عمهم الحقيقي ..
الصدفة هي التي جمعتني به في مدينة ابليكس التي نسكن فيها و التي تبعد عن دبلن حوالي الساعة والربع
عرفته كسائق تاكسي ,, إطمأنيت له اولا لآنه كبير في السن وخبرته في التعامل مع العوائل , احيانا نحتاجه لمرض العيال في وقت متأخر ,
رجل بشوش صاحب قلب كبير الإبتسامة لا تفارق محياه , صادق جدا كصدق اهل بلده عمره تجاوز ال 57 عاما أمين جدا جدا
كل ما التقي به يدور سؤال في رأسي , واصبح اتمتم لوحدي ( بالله عم آيفن ده بي خصاله السمحة دي كلها وامانته دي لو كان مسلم مش كسب دنيا وآخرة ؟؟
كان دائم السؤال عن الإسلام كان يعتنق الكاثلوكية ولا يعرف عنها الكثير . حدثني مرة إنه يتمنى منذ زمن بعيد ان يتعرف على اسرة او صديق مسلم
لكي يحدثه عن الإسلام بتوسع اكثر ,,,
عرفته على زوجي رغم عدم إقامته معنا . لكن كان دائم الإتصال به ..
كنت احدثه عن الإسلام والعادات والتقاليد السودانية ببساطة شديده جدا
احببت ان يعرف أن الإسلام يسر وليس عسر قبل كل شيء
احضرنا له عدة كتيبات وسي ديهات واصبحنا نداوم على تعليمه بدون زحمة , كان حريص ان يزورنا كل إسبوع على الأقل حتى وإن لم يكن لدينا اي مشوار
نواصل
|
Post: #2
Title: Re: *** وبحمد الله دخل العم آيفن الإسلام ***
Author: بشير حسـن بشـير
Date: 06-30-2011, 08:31 PM
Parent: #1
.
.
.
يا سلام يا بت الجنيد
هنيئا له بالإسلام
وربنا يثبت الأجر لكم
.
.
.
.
|
Post: #3
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 06-30-2011, 08:34 PM
Parent: #1
كان كل مرة يزيد رغبة وشغف للتعلم اكثر عن الدين الإسلامي الحنيف
فكرت كثيرا ان اعرفه على أحد الإخوة من السودانيين او اي مسلم لكي يشرح له اكثر مني
لكني ترددت كثير جدا بصراحة وخفت من التجربة لسببين
اولهم بعض الناس عندهم الدين افسلامي ده من قولة تيت
تعمل كده وكده وكده ولا بقطعوا رأسك عديل
خفت يهولوا ليهو القصة ويطفشوهو كلو كلو زي ما سمعت حصل لشخص في إيرلندا دي زاتها
حكت لي صديقة إنه واحد دخل الإسلام وشبكوا ليه ليك من اول يوم ده حرام ودبلتك في يدك دي حرام
ولو عملت كده جهنم بس
ولو عاين لي مرا وما غضيت النظر يا ويلك وسواد ليلك
جهجهوا الراجل جد جد
قال ليهم ما داي إسلام زاتي
قالوا ليهو ويييييييييين ؟ كدة يبقى إرتداد جد جد وبقطعوا رأسك
اها جنس ده خفت منه بيني وبينكم
واكتفيت بي الشرح الميسر البعرفو والبقدر عليهو وبتصل طوالي بي زوجي يتكلم معاه
بالإضافة للتسجيلات الفي اليوتيوب لللأخوان الأسلموا قبلوا بنزودوا بيها كل مرة
نواصل/B]
|
Post: #4
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 06-30-2011, 08:36 PM
Parent: #3
Quote:
يا سلام يا بت الجنيد
هنيئا له بالإسلام
وربنا يثبت الأجر لكم
. |
تسلم يا بشير يا خوي ,, اللهم آمين يا رب العالمين
|
Post: #5
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 06-30-2011, 08:43 PM
Parent: #4
إستمرينا الحمد لله معاه في الشرح والتنوير وبدأ يتغير رويدا رويدا والحمد لله
طبعا اوربا كلها فيها محلات الحلال
اها كنت بمشي اشتري حاجاتي من هناك بقي يشتري هو زاتو
بقى ما بيأكل إلا اللحم والفراخ الحلال
وحكمة الله حلف ما حصل دخن سيجارة ولا شرب خمرة ولا قرب للحرام لآنه ديانته الأولي ما بتسمح بي كل الحاجات دي
ولأنه بخاف على صحته رغم إنه عايش في اوربا
إستمرينا معاه ما يقارب التسعة شهور
كل يوم نحس إنه قرب اكثر واصبحت قناعته اكبر
كل ما نتكلم في موضوع يقول لي اها كيف نمشي مثلا مشوار بكرة او بعدين
ارد اقول ليه إن شاء الله
طوالي يسأل يعني شنو العبارة دي ؟ وأبدأ اشرح
بي كترة الكلام والشرح المعاه صلح لي إنجليزيتي المكعوجة وعضيرة يعلم الله لوولز
بقيت مترجمة مترجمة يا اولاد امي وبنات امي ..
اها بقى داير يعرف متين نمشي المسجد ونشهر الإسلام
وكان زوجي الفاتح جايينا إجازة وكان الكلام ده في غبريل المضى تقريبا 12 إبريل
نواصل /B]
|
Post: #6
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 06-30-2011, 08:50 PM
Parent: #5
الفاتح ما قصر جاب جلالليب الصلاة والسجادة الفي البلد دي مافي
كان نفسه يلبس جلابية وطاقية
طبعا حا انزل ليكم الصور بس ما بعرف إلا توروني كيف
والفيديو برضو
اللقاء مع الفاتح كان جميل جميل جدا وكبرت الصداقة وكأنه بعرفوا بعض من سنين
على مدى 3 اسابيع تقريبا كل يوم بزورنا والفاتح بشرح بتوسع اكتر
لكن برضو قال لي خليهناهو بي راحته
رجع الفاتح لي عمان وانحن لسه متواصلين في دروسنا المبسطة ليهو
وفي يوم قال لي خلاص انا لازم امشي المسجد واشهر إسلامي
كلمت بعض الإخوان نصحوني اسأل إمام المسجد في منطقة قريبة مننا تبعد حوالي عشرة دقائق بالعربية
وفعلا مشيت مع اولادي الراجل باكستاني طيب جدا , إتصلت تلفون ووعدنا نزوره بين الضهر والعصر
لشرح كيفية الغسل
وفعلا جلس معه ما يقارب الساعة وكتب كل النصائح
ونصحني بالإتصال بالمركز الإسلامي في دبلن لأنه هناك في إهتمام كبير بي الناس الدخلوا الإسلام حديثا
نواصل
|
Post: #7
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 06-30-2011, 09:00 PM
Parent: #6
الحمد لله إتصلت بي بعض الأخوان في دبلن وتم الإتصال بالمركز الإسلامي وحددوا موعد بعد صلاة الظهر في يوم الخميس الموافق
23 يونيو 2011
قمنا الصباح فرحانيين كلنا كان قبلها آخر يوم إمتحان ولدي في المدرسة
الحمد لله خلص بالسلامة وكان حريص يمشي معانا لليوم الجميل في حياتنا كلنا وحياة العم آيفن
رجعت إتصلت بي الأخ إمام المسجد الباكستاني تاني وطلبت منه يساعد العم آيفن في عملية الغسل لأنه اول مرة ربما يحتاج مساعدة
كتر خيرة وجزاه الله الف خير . طلب مننا برضو نجيه في المسجد قبل صلاة الظهر
وفعلا مشينا العم آيفن واولادي وإنتظرنا في باحة المسجد إلى ان تم كل شيء بسلام واخدنا بعض الصور لهم
واهداه الإمام زجاجة عطر خاصة قال إنها من مكة المكرمة
فرح بها العم آيفن جدا , وتوجهنا نحو دبلن
وسبحان الله يا اخوانا في الطريق وبعض خروجنا من المسجد مباشرة
تنهد العم آيفن واخد نفس طويلااااا وقال لي بالحرف الواحد
انا مرتاح جدا جدا وحاسي إني اول مره اكون نضيف جدا وكأني ما حصل إستحميت
رغم إنه الغسل العملته قبل شوية بدون صابون ... لكني مرتاح وحاسي إني روحي زاتها نضيفة
والله قربت ازغرت ليه وقلت ليه لسه حترتاح وحا تشوف براك
وصلنا المركز افسلامي في دبلن وكان في إنتظارنا كل من الأخوان جزاهم الله الف خير
الأخ محمد الكجم والأخ شيخ الفاتح والأخ معتصم محمد إبراهيم واسرته
إنتظرنا في إستراحة النساء ودخلوا مع العم آيفن للشيخ حسين إمام المركز الإسلامي العالمي في دبلن
نواصل
|
Post: #8
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 06-30-2011, 09:13 PM
Parent: #7
كانت اصعب لحظات إنتظار يشهد الله
وبعد حوالي الساعه تقريبا وبحمد الله اشهر العم آيفن إسلامه امام الجميع
وبارك له الشيخ إمام المسجد وإخواننا السودانيين بارك الله فيهم
وحين خروجه لم اتمالك نفسي كانت فرحة اكبر من كل الدموع
والصور خير شاهد
سوف ارفقها لكم إن شاء الله مع الفيديو
والحمد لله على ما اراد من خير للعم آيفن
دعواتكم ليه ان يثبته في الإسلام ويعمق يقينه ويهدي غيره قريبا إن شاء الله
ايضا بحمد الله نال هدية حجة مجانية بكل نفقاتها من المركز الإسلامي بدبلن
الذي حدد هدية مجانية حج لكل شخص يعتنق الإسلام حديثا
اللهم وفق العم آيفن في حياته الجديدة وبارك له في دينه يا رب العالمين
|
Post: #9
Title: Re: *** وبحمد الله دخل العم آيفن الإسلام ***
Author: haroon diyab
Date: 06-30-2011, 09:19 PM
Parent: #8
سلامات ياسوما
وتحياتي لصديقي العزيز
وللوليدات
وفي ميزان حسناتكم
تكون.....
شفيعة لكم يوم القيامة
تحاياي
|
Post: #10
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 06-30-2011, 09:22 PM
Parent: #9
Quote: سلامات ياسوما
وتحياتي لصديقي العزيز
وللوليدات
وفي ميزان حسناتكم
تكون.....
شفيعة لكم يوم القيامة
تحاياي |
اللهم آمين يا هارون ود عمي دياب
يسمع منك رب العالمين ويبارك لينا في الوليدات
تسلم يا بابا
|
Post: #11
Title: Re: *** وبحمد الله دخل العم آيفن الإسلام ***
Author: نيازي مصطفى
Date: 06-30-2011, 09:48 PM
Parent: #10
قال رسول صلى الله عليه وسلم تسليما كثيرا "لأن يهدي الله بك رجلا واحدا خير لك من حمر النعم" .. وقال في ما معناه
بشروا ولا تنفروا يسروا ولا تعسروا
نسال الله ان يثبته على دين الحق وان يجعل دعوتكم له في ميزان حسناتكم ..وان يوفقنا جميعا لمرضاته تعالى .
لك ولعيالك التحية والامنيات الطيبة بس ما تبقي الزول دا هلالابي :)
|
Post: #12
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 06-30-2011, 10:06 PM
Parent: #11
| Quote: ما تبقي الزول دا هلالابي |
كُر كُر كُر علي يا نيازي النبي إت مريخابي ؟؟؟؟
تسلم يا يابا على الدعوات السمحة علا كتلنا فيك تب
طلعت صهيوني عديييييييييل النبي فيك
بخت ناس الفاتح الجنيد وود عمي دياب
لكن كدي ارفع راسك ده وصنقع لا فوق شوف ود السنوسي كاتب ليكم قصيدة سمحة كيفن .. وجع .....
اما عمنا آيفن ده ما تخاف لا هذا ولا ذاك
ديل ناس ركبي سااااااااي
شكرا اخي العزيز نيازي تسلم والله
|
Post: #13
Title: Re: *** وبحمد الله دخل العم آيفن الإسلام ***
Author: عبدالعزيز الفاضلابى
Date: 06-30-2011, 11:19 PM
Parent: #12
| Quote: خفت يهولوا ليهو القصة ويطفشوهو كلو كلو زي ما سمعت حصل لشخص في إيرلندا دي زاتها |
سلامات اسماء
جعلها الله فيى ميزان الحسنات
آمين
فعلا يا اسماء تعقيد الأمور والتشدد ينفر . والحديث: يسروا ولا تعسروا ,, بشروا ولاتنفروا
والدين يسر ولن يشاد الدين احد الا غلبه. سررت ايما سرور حين وجدتك قد تفطنت لمسألة
اخذ الناس ياليسر هذه وعدم تحميلهم فوق طاقتهم. وانسب وسيلة للترغيب في الإسلام هي سلوك المسلم نفسه وانسجام ظاهره مع باطنه وحسن معاملته للجار والرفيق والصاحب وزميل العمل وكل من حوله ,, فعندما يحقق المسلم كل ذلك وغيره في نفسه يصبح منهجه جاذبا ومحفزا لغير المسلم علي استطلاع احواله والتقرب اليه بقصد معرفة مذهبه الذي جعله يحوز هذه الشمائل . ويقيني انه لولا وجد فيك حسن الخلق والمعاملة التي هي جوهر الدين لما تقرب منك ولما اهتم بالتعرف علي دينك . فهنيئا لك هذا الخلق العظيم واقام الله حياتك واسرتك علي تقواه وحسن عبادته.
إستراحة
تعرفي انا في البداية قريت البوست Iphone ماعارف ليه?
|
Post: #14
Title: Re: *** وبحمد الله دخل العم آيفن الإسلام ***
Author: ABUHUSSEIN
Date: 06-30-2011, 11:42 PM
Parent: #13
أختنا العزيزة سوما سلام
تستاهلي إنتي و زوجك كل الدعوات الطيبة و تستاهلو كل الخير و ربنا يتقبل منكم و يثبت الأجر
و إحفظ ليكم أولادكم .
فرحتكم بي عمل الخير دليل على نقاء و صفاء نفوسكم الطيبة المُحبة للخير و السلام
تسلمي إنتي و زوجك و أولادك من كل شر و ربنا يتقبل منك إن شاء الله
العم آيفن ربنا يتقبل منو و إثبتو على الإسلام و إجعلوا من أهل الجنة إن شاء الله
تحياتي
|
Post: #15
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-01-2011, 00:13 AM
Parent: #14
Quote: سلامات اسماء
جعلها الله فيى ميزان الحسنات
آمين
فعلا يا اسماء تعقيد الأمور والتشدد ينفر . والحديث: يسروا ولا تعسروا ,, بشروا ولاتنفروا
والدين يسر ولن يشاد الدين احد الا غلبه. سررت ايما سرور حين وجدتك قد تفطنت لمسألة
اخذ الناس ياليسر هذه وعدم تحميلهم فوق طاقتهم. وانسب وسيلة للترغيب في الإسلام هي سلوك المسلم نفسه وانسجام ظاهره مع باطنه وحسن معاملته للجار والرفيق والصاحب وزميل العمل وكل من حوله ,,
فعندما يحقق المسلم كل ذلك وغيره في نفسه يصبح منهجه جاذبا ومحفزا لغير المسلم علي استطلاع احواله والتقرب اليه بقصد معرفة مذهبه الذي جعله يحوز هذه الشمائل
. ويقيني انه لولا وجد فيك حسن الخلق والمعاملة التي هي جوهر الدين لما تقرب منك ولما اهتم بالتعرف علي دينك . فهنيئا لك هذا الخلق العظيم واقام الله حياتك واسرتك علي تقواه وحسن عبادته.
|
حبابك اخي عبد العزيز حبابك يابا
كتر خيرك يا خوي على كلامك الجميل ودعواتك الطيبة , اللهم آمين يا رب جمعا إن شاء الله
شاحدة الله يسعدك ديمة زي ما اسعدتني بطلتك الحنينة دي
ربي يديك قدر يرضيك إن شاء الله ..
فعلا اخي فاضلابي عدم التشدد في الإمور بسهلها إن شاء الله
عندنا جدي الله يرحمه شيخ الجنيد رجل متدين جدا ودارس الفقه على اصوله
لكن يوم واحد ما سمعته إنه بيأمرنا بي تشدد زي البنشوف فيه الزمن ده, ولا حصل حرم و حلل زي بعض الناس في الزمن ده
دائما بقول لينا الدين يسر وليس عسر ونصائحه دائما مبسطة جدا جدا لدرجة إنه يحببك إنك تقعد معاه بالساعات الطوال عشان يشرح ليك ويفسر
استفدنا منه كتير . حتى اللبس ما كان متشدد في الحجاب والنقاب زي ما بنشوف في زمنا ده
دائما بقول لينا اللبس الساتر ومحتشم ومحترم ده هو المهم , لكن كونك تتلفلفي كلك حتى وشك الإسلام ما امر كده
تسلم والله اخي العزيز ...
Quote: إستراحة
تعرفي انا في البداية قريت البوست Iphone ماعارف ليه? |
طبعا ضحكتني ضحك ما عادي لووووووووولز
فعلا لاحظت بعد تعليقك ده إنه الإسم بتقري كدة لووولز
الغريبة كان داير يغير إسمو لكن الشيخ قال ليهو عادي ما مشكلة
إختارت ليه زميلتي المعاي إسم أيمن من إيمانه وقريب لي إسمه
إسمو Ivan
|
Post: #16
Title: Re: *** وبحمد الله دخل العم آيفن الإسلام ***
Author: Afraa Sanad
Date: 07-01-2011, 00:28 AM
Parent: #15
سلام يا أسماء ومبروك عليكم إسلام العم ايفن
بس عليك الله يا أسماء شفتي تسامح الناس ده كيف (أرجو أن يفهم كلامي في سياقه )
تخيلي لو جاء واحد خواجة في بلد مسلم وساعد واحد مسلم عشان يبقى مسيحي حتلقي الاعمي شايل المكسر ضد الحملات التنصيرية
أنا كانت عندي baby sitter أمريكية و هي طالبة جامعية كانت بتصلي معانا كل يوم وبتصوم رمضان وبتمشي الكنيسة كل أحد. المهم مشت الجامعة في جورجيا مشت المسجد الامام قال ليها لازم تشهري اسلامك حتى تدخلي معانا قامت سابت الموضوع كله ولما يبقي المدخل غلط بتضيع حاجات جميلة
|
Post: #17
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-01-2011, 00:37 AM
Parent: #16
Quote: أختنا العزيزة سوما سلام
تستاهلي إنتي و زوجك كل الدعوات الطيبة و تستاهلو كل الخير و ربنا يتقبل منكم و يثبت الأجر
و إحفظ ليكم أولادكم .
فرحتكم بي عمل الخير دليل على نقاء و صفاء نفوسكم الطيبة المُحبة للخير و السلام
تسلمي إنتي و زوجك و أولادك من كل شر و ربنا يتقبل منك إن شاء الله
العم آيفن ربنا يتقبل منو و إثبتو على الإسلام و إجعلوا من أهل الجنة إن شاء الله
تحياتي |
حبابك يا ابو حسين كيفكنكم يا اخوانا , إن شاء الله طيبين وسالمين وتامين
تسلم والله يا ابو حسين وكتـــــــر ألف خيرك يا الحنين على نضميك المارق من الجوف
وعلى الدعوات السمحة وصادقة,, اللهم آمين يا رب العالمين جمعا يا خوي
دعواتي ليكم ربنا يحفظكم من كل شر ويجعل البركة في الوليدات إن شاء الله
وسلامي الشديد للحبيبة سامية رفيقتي الهلالابية . امانة ماني فاقداها يا خوي
والله صحي
سلام شديد بالله ليها
ما تعمل لي فيها مريخابي وتبقص سلامي ,,
اللهم آمين ربنا يوفق عمنا آيفن ويديه الف صحة وعافية إن شاء الله
|
Post: #18
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-01-2011, 00:43 AM
Parent: #17
Quote: سلام يا أسماء ومبروك عليكم إسلام العم ايفن
بس عليك الله يا أسماء شفتي تسامح الناس ده كيف (أرجو أن يفهم كلامي في سياقه )
تخيلي لو جاء واحد خواجة في بلد مسلم وساعد واحد مسلم عشان يبقى مسيحي حتلقي الاعمي شايل المكسر ضد الحملات التنصيرية
أنا كانت عندي baby sitter أمريكية و هي طالبة جامعية كانت بتصلي معانا كل يوم وبتصوم رمضان وبتمشي الكنيسة كل أحد.
المهم مشت الجامعة في جورجيا مشت المسجد الامام قال ليها لازم تشهري اسلامك حتى تدخلي معانا
قامت سابت الموضوع كله ولما يبقي المدخل غلط بتضيع حاجات جميلة |
اهلين يا عفراء كيفك إن شاء الله طيبة
الله يبارك فيك وربنا يوفق عمنا آيفن إن شاء الله
فعلا يا عفراء الناس ديل متسامحين لأبعد الحدود
كل شيء عندهم مبسط جدا جدا وساهل
عشان كده انا زاتي قصدت إنه نسهل ليه كل الإمور ونخليه شوية شوية يقتنع بي رغبته وإرادته
لكن بجد إستغربت في الإمام المنع صاحبتك تدخل المسجد
انا ما بقدر افتي في الحتة دي لكن متأكدة يوم إتصلنا بي الإمام عشان يساعد عم آيفن في عملية الغسل
طلب مننا نزوره في المسجد , وفعلا مشينا ودخلنا جوة المسجد وشرح ليه كل شيء وعاد ليه كيفية الغسل والوضوء
ابدا ما إشترط إنه يكون طاهر مثلا ولا لازم يشهر إسلامه حتى يدخل المسجد
تحياتي يا حبيبة وشكرا لمرورك الجميل ,, تسلمي والله
|
Post: #19
Title: Re: *** وبحمد الله دخل العم آيفن الإسلام ***
Author: Abd Alla Elhabib
Date: 07-01-2011, 00:44 AM
Parent: #16
الحمــد لله الذي بنعـمـــته تتم الصـالحات يا أسماء
وجعـــل الله ذاك كله مسـعاً لوجهــه الكريم وثقــل
بـه مـوازين حسـناتكم وجعـلكم مــع الأبرار ..
والله أنا فـرحان جـدا لي لأنكــل إيفان وليكم إنتو
كمـان .. ويا مقلب القلوب ثبت قلوبنا جميعا علي دينك
" وحاسي إني روحي زاتها نضيفة ".... يا ســــــلام
ده تعـــبير بديع يصـف حالة السـلام الداخلي الذي عاشه
لحظتها .. تحياتنا ومباركتنا له ومـرحبا به ودعـواتنا لـه ولكم..
|
Post: #20
Title: Re: *** وبحمد الله دخل العم آيفن الإسلام ***
Author: Ahmed Abdallah
Date: 07-01-2011, 01:20 AM
Parent: #19
ان يهدي بك الله قلب رجل خير لك من الدنيا و مافيها او كما قال المصطفى
, اساليه ان يدعوا لنا فهو كما ولدته امه خالي من الذنوب
|
Post: #21
Title: Re: *** وبحمد الله دخل العم آيفن الإسلام ***
Author: بريمة محمد
Date: 07-01-2011, 01:39 AM
Parent: #20
الله أكبر ولله الحمد ..
فرحت جداً للعم أيفن ولك أخت أسماء وأسرتك الكريمة ..
Quote: الأخ محمد الكجم والأخ شيخ الفاتح والأخ معتصم محمد إبراهيم واسرته
|
التحية للأخوة معتصم محمد أبراهيم وأسرته ..
وللأخوة محمد الكجم وشيخ الفاتح ..
يا أخوانا هذا خبر مفرح، رجاء كبروا، قولوا: الله أكبر ولله الحمد.
بريمة
|
Post: #22
Title: Re: *** وبحمد الله دخل العم آيفن الإسلام ***
Author: Nasr
Date: 07-01-2011, 02:03 AM
Parent: #21
فى ميزان حسناتك
إن شاء الله
|
Post: #23
Title: Re: *** وبحمد الله دخل العم آيفن الإسلام ***
Author: M A Muhagir
Date: 07-01-2011, 05:42 AM
Parent: #22
اختى سوما
سلام
هذا جهد جبار بحق
نسال الله ان يجعله فى ميزان حسناتكم
شكرا
|
Post: #24
Title: Re: *** وبحمد الله دخل العم آيفن الإسلام ***
Author: هالة الأقرع
Date: 07-01-2011, 06:38 AM
Parent: #1
الله أكبر و لله الحمد
و الله خبر مفرح للغاية
ربنا يجعله في ميزان حسناتك أستاذة أسماء
حقيقي الدين التعامل و ده السبب البنفر أو بيجذب الناس للإسلام
بالكلام القلتيهو عن خوفك من الناس البهجموا ليك الناس العايزة تدخل الإسلام
قصة حصلت قريب و الكلام و الله لي هسى مؤثر فيني مخليني أشعر بالحرج
عندنا زميلنا هندي مسيحي فكان موضوع الحديث اشخاص بعينهم
فقال لينا
الشخص ده مسلم و بصلي خمس أوقات في اليوم كيف يكون سلوكه صعب كده ؟!
خجلت من نفسي و أنا ساعتها المسلمة الوحيدة بين زملائي
قلت ليهم الإسلام يعني نظافة القلب و النفس و الإسلام برئ من تصرفات البعض
لكن و الله لي هسى الكلام بشعرني بالخجل و البشعرني بالخجل زيادة إنو مرة استشهد
لينا بمعنى آية في القرآن و كان بنصح في شخص !!!! و هو مسيحي و داك مسلم !!!!
ربنا يجزيك الجنة و خير الدنيا فيك و في أحبابك و أولادك
تحياتي و عميق إحترامي
|
Post: #25
Title: Re: *** وبحمد الله دخل العم آيفن الإسلام ***
Author: الفاتح الجنيد
Date: 07-01-2011, 10:10 AM
Parent: #24
قال عليه الصلاة والسلام
( أن يهدي بك الله رجل الى الإسلام خير لك من حمر النعم)
فأإ فضل هذا العمل السامي الكريم هو فضل عظيم فمن أقل ما يفيد الداعي هو انه إن دخل شخص الاسلام على يدك فلك مثل حسناته التي يكسبها
وإن هو أدخل شخص الى الإسلام فلك مثل حسناتهم التي يكسبونها والله أعلم
|
Post: #28
Title: Re: *** وبحمد الله دخل العم آيفن الإسلام ***
Author: ود الخليفه
Date: 07-01-2011, 11:01 AM
Parent: #25
الله اكبر ولله الحمد ولا اله الا الله
لأن يهدي الله بك رجلا خير مما طلعت عليه الشمس
|
Post: #26
Title: Re: *** وبحمد الله دخل العم آيفن الإسلام ***
Author: الفاتح الجنيد
Date: 07-01-2011, 10:32 AM
Parent: #24
السيد آيفن قبل الاسلام
السيد آيفن بعد الاسلام
|
Post: #27
Title: Re: *** وبحمد الله دخل العم آيفن الإسلام ***
Author: كمال عكود
Date: 07-01-2011, 10:53 AM
Parent: #26
والله بختكم وحظكم يا آل االجنيد أن تأتي يوم القيامة وتجد في ميزانك من أسلم على يديك ، وذلك فضل الله يؤيته من يشاء .
نبارك لكم ونبارك للأخ آيفن ، ونسأل الله لنا وله الثبات حتى الممات
|
Post: #29
Title: Re: *** وبحمد الله دخل العم آيفن الإسلام ***
Author: shaheen shaheen
Date: 07-01-2011, 11:13 AM
Parent: #26
ده كلام جميل أستاذة اسماء
لكن فى مشكلة كبيرة
لو السيد آيفن قرر بعد 7 سنوات مثلاً انو يكون بهائى , هل ده ممكن فى الدين الاسلامى بنص الآيات والسنة النبوية الشريفة ؟
يعنى باختصار / نفس كلام استاذة عفراء / , هل يحق لى كمسلم انى اعتنق المسيحية ؟
*
قيمة الشخص كشخص او انسان تنبع من ديانته ام من القيم الانسانية التى يحملها ؟ , يعنى لو كان العم آيفن يهودى , هل كانت نظرتك ليهو ح تتغير ؟
*
هل تعتقدى انو الشخص الملحد , انسان بدون قيم ولا يستحق الصداقة او الاحترام ؟ .
|
Post: #30
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-01-2011, 11:28 AM
Parent: #24
Quote: الحمــد لله الذي بنعـمـــته تتم الصـالحات يا أسماء
وجعـــل الله ذاك كله مسـعاً لوجهــه الكريم وثقــل
بـه مـوازين حسـناتكم وجعـلكم مــع الأبرار ..
والله أنا فـرحان جـدا لي لأنكــل إيفان وليكم إنتو
كمـان .. ويا مقلب القلوب ثبت قلوبنا جميعا علي دينك
" وحاسي إني روحي زاتها نضيفة ".... يا ســــــلام
ده تعـــبير بديع يصـف حالة السـلام الداخلي الذي عاشه
لحظتها .. تحياتنا ومباركتنا له ومـرحبا به ودعـواتنا لـه ولكم.. |
مرحب حبابك يا عبد الله إن شاء الله طيب والله مشتاقين
الحمد لله رب العالمين , اللهم آمين يا رب جمعا يا عبد الله إن شاء الله
لو شفت صاحبك مؤيد طالع ونازل معاه في المسجد وبصور فيه فرحااااااااان
الأولاد إتعلقوا بيه شديد لأنه بحب الأطفال جدا وعنده ما شاء الله مقدرة وطولة بال ليهم الأم زاتها ما عندها
تصدق يا عبد الله لما قال لي حاسي إنه روحي زاتها نضيفة ولما طلع من المسجد بعد نطق الشهادة
وكان بعاين لي وسط الزحمة وجاي جاري علي سلمت عليهو لامن دمعت وإنت عارفني في لحظات زي دي بكون كيف..
الحمد لله وربنا يوفقه إن شاء الله
الليلة بعد ساعة كدة إن شاء الله ماشين نلاقيه ونمشي معاه صلاة الجمعة
جمعة مباركة إن شاء الله للجميع
نسيت اقول ليكم الجمعة الفاتت مشا المسجد براه لصلاة الجمعة . نحن كنا مسافرين لمدينة تانية
واتصل بعد الصلاة فرحااااان مشي صلى في نفس جامع الباكستاني القدم ليه المساعدة أول مرة
ورعد الصلاة إمام المسجد كلم المصليين بالميكرفون وكلمهم بي إسلامه وصوروه وباركوا ليه وكان في المسجد اكتر من 22 طبيب سوداني
قال لي حسيت بيهم كأنهم اهلي
جمعة مباركة للجميع
|
Post: #31
Title: Re: *** وبحمد الله دخل العم آيفن الإسلام ***
Author: الطيب رحمه قريمان
Date: 07-01-2011, 11:49 AM
Parent: #30
بسم الله الرحمن الرحيم
الاخوة الافاضل اسماء و الفاتح و الاسرة الكيرمة
نسال الله لكم التوفيق و السداد فى كل مشاوير الحياة
ابارك لكم هذا العم لالطيب و هذا انما يدل على اخلاق طيبة
و قدوة و نموذج نفخر به و نقدمه الى كل العالن بكل فخر و اعزاز
و لو كان الناس مثل يا اسماء لانتشر الاسلام بكل سهولة يسر فى كل بقاع الارض
الاسلام انشر فى افريقيا على سبيل المثال بالقوة فقط كما كنت انت و الاخ الفاتح
مع الاخ آيفن ... نسأل الله يكون كل هذا لجهد فى ميزان حسناتك .
تحياتى
الطيب رحمه قريمان
|
Post: #32
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-01-2011, 09:41 PM
Parent: #31
Quote:
ان يهدي بك الله قلب رجل خير لك من الدنيا و مافيها او كما قال المصطفى
, اساليه ان يدعوا لنا فهو كما ولدته امه خالي من الذنوب |
حبابك اخي أحمد عبد الله حبابك والله
تسلم والله اخي أحمد كلمته والله في صلاة الجمعة اليوم
ربنا يتقبل كل الدعوات الصالحة إن شاء الله ويهدي الجميع
شكرا ليك كتير اخي على مرورك الجميل
|
Post: #34
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-01-2011, 10:20 PM
Parent: #32
Quote:
الله أكبر ولله الحمد ..
فرحت جداً للعم أيفن ولك أخت أسماء وأسرتك الكريمة ..
التحية للأخوة معتصم محمد أبراهيم وأسرته ..
وللأخوة محمد الكجم وشيخ الفاتح ..
يا أخوانا هذا خبر مفرح، رجاء كبروا، قولوا: الله أكبر ولله الحمد.
بريمة |
الأخ بريمة حبابك يا خوي وحباب طلتك السمحة وكلامك البفرح وببشر بي الخير
الله يفرحك ديمة ويسعدك يا أصيل
ربنا يسمع منا جميعا الدعوات الصالحة
السلام امانة سلامك وصل للأخ معتصم والسرة , ويغرونك السلام الكثير
شكرا لمرورك الجميل
|
Post: #33
Title: Re: *** وبحمد الله دخل العم آيفن الإسلام ***
Author: ناصر البهدير
Date: 07-01-2011, 10:15 PM
Parent: #31
الله يديك العافية استاذة اسماء وفي ميزان حسناتك ... يا بت الناظر ..
ويكفي ابوك الله يرحمو فك الخط لى كم واحد من ابناء بلادي ودخلوا حوش العلم وانت واحد بسيط عليك وان شاء الله اوربا كلها تسلم على يدك ..
وانت مشروع داعية كبيرة خايف يخطوفك الجماعة (...) ..
وتسلمي على الانجاز
|
Post: #35
Title: Re: *** وبحمد الله دخل العم آيفن الإسلام ***
Author: الرفاعي عبدالعاطي حجر
Date: 07-01-2011, 10:27 PM
Parent: #33
Quote: والله بختكم وحظكم يا آل االجنيد أن تأتي يوم القيامة وتجد في ميزانك من أسلم على يديك ، وذلك فضل الله يؤيته من يشاء .
نبارك لكم ونبارك للأخ آيفن ، ونسأل الله لنا وله الثبات حتى الممات |
تهانينا بس ما يجيئ دول المسلمين خليه هناك
......................................حجر.
|
Post: #36
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-01-2011, 10:33 PM
Parent: #35
Quote: فى ميزان حسناتك
إن شاء الله |
مرحب حبابك اخي نصر
اللهم آمين يا رب جمعا ...
ربنا يهدي الجميع
شكرا لمرورك الذي اسعدني جدا اخي نصر
|
Post: #37
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-01-2011, 10:46 PM
Parent: #36
Quote: اختى سوما
سلام
هذا جهد جبار بحق
نسال الله ان يجعله فى ميزان حسناتكم
شكرا |
حباب اخوي الحنين مهاجر ... حبابك والله
اللهم آمين يا رب العالمين , ربنا يسمع منك صالح الدعوات ويهدي الجميع إن شاء الله
تسلم يا المهاجر وربي يسعدك ديمة إن شاء الله
|
Post: #38
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-01-2011, 11:58 PM
Parent: #37
Quote: الله أكبر و لله الحمد
و الله خبر مفرح للغاية
ربنا يجعله في ميزان حسناتك أستاذة أسماء
حقيقي الدين التعامل و ده السبب البنفر أو بيجذب الناس للإسلام
بالكلام القلتيهو عن خوفك من الناس البهجموا ليك الناس العايزة تدخل الإسلام
قصة حصلت قريب و الكلام و الله لي هسى مؤثر فيني مخليني أشعر بالحرج
عندنا زميلنا هندي مسيحي فكان موضوع الحديث اشخاص بعينهم
فقال لينا
الشخص ده مسلم و بصلي خمس أوقات في اليوم كيف يكون سلوكه صعب كده ؟!
خجلت من نفسي و أنا ساعتها المسلمة الوحيدة بين زملائي
قلت ليهم الإسلام يعني نظافة القلب و النفس و الإسلام برئ من تصرفات البعض
لكن و الله لي هسى الكلام بشعرني بالخجل و البشعرني بالخجل زيادة إنو مرة استشهد
لينا بمعنى آية في القرآن و كان بنصح في شخص !!!! و هو مسيحي و داك مسلم !!!!
ربنا يجزيك الجنة و خير الدنيا فيك و في أحبابك و أولادك
تحياتي و عميق إحترامي |
الحبيبة هالة ’’ حبابك يا غالية وحباب طلتك الحنينة زيك تسلمي ويسلم فهمك وربنا يحفظك
صدقتي والله التشدد في الحالات دي بالزات بفسد كل شيء
أما الناس البتعمل فيها فاهمة وواعظة وتعظ وتنهي عن شيء وتأتي بغيره دي العوجة زاتها
وفعلا موقف محرج , لكن الناس تعمل شنو؟؟ كتير مواقف زي دي نتحرج منها نحن واصحاب الشأن ولا يهمهم
ربنا يكمل ليك بي عقلك ويحفظك يا هالة من كل شر يا رب
تسلمي كتير وكتر الف خيرك على الدعوات السمحة, ربنا يتقبل إن شاء الله ويهدي الجميع
|
Post: #39
Title: Re: *** وبحمد الله دخل العم آيفن الإسلام ***
Author: سيف الدولة كامل
Date: 07-02-2011, 07:31 AM
Parent: #38
سلامات يا استاذة اسماء ,,, ربنا يكرمكم جميعا دنيا واخرة .
|
Post: #40
Title: Re: *** وبحمد الله دخل العم آيفن الإسلام ***
Author: محمد عبد الماجد الصايم
Date: 07-02-2011, 07:59 AM
Parent: #39
بدل منو؟
_
ثّبت الله أجركم
|
Post: #43
Title: Re: *** وبحمد الله دخل العم آيفن الإسلام ***
Author: احمد محمد بشير
Date: 07-02-2011, 08:19 AM
Parent: #40
| Quote: وبحمد الله دخل العم آيفن الإسلام |
قال الرسول صلي الله عليه وسلم لعلي بن ابي طالب كرم الله وجهه :
( لان يهدى بك الله رجـلاً واحداً خـيرٌ لك من حُمر النعم ) ومعنى حمر النعم هي: الإبل الحمر
وهي أنفس أموال العرب و يضربون بها المثل في نفاسة الشيء وأنه ليس هناك أعظم منه ...
بت الجنيد عظيم حقاً ما قمتم به في انقاذ رجل من حفرة من حفر النار الي روضة من رياض الجنة
والمطلوب من الاخوة والاخوات في أمريكا واوربا بصفة خاصة العمل علي دعوة الناس الي الاسلام
لانقاذهم من الجحيم واهواله .. وقد صدق الرسول صلي الله عليه وسلم القائل :
( والذى نفسي بيدى لايسمع بي احد من الثقلين من الجن والانس يهودياً كان اونصرانياً ولايؤمن بما
أرسلت به الا كان في الاخرة من أصحاب الجحيم ) صحيح مسلم
حيث العلة في الحديث : السمع والسمع هنا ليس بمعناه المتبادر الي الذهن من سماع كلمة الاسلام
فقط .. انما السمع هنا بمعني الغوص والتعمق في فهم الاسلام ( كما قمتم به انتم من توفيــر
الكتب والسيديهات للعم آيفين مثالاً )
ونسأل الله العظيم رب العرش الكريم أن يثيبكم علي عظيم فعلكم وان يجعله في ميزان حسناتكم ..
سعدت بهذا الخبر ..
|
Post: #41
Title: Re: *** وبحمد الله دخل العم آيفن الإسلام ***
Author: Habib_bldo
Date: 07-02-2011, 08:04 AM
Parent: #39
الأخت أسماء
لك التحية والتقدير
نسأل الله أن يجازيك خيراً ويوفقك إلى فعل الخير
لأن يهدي الله بك رجلا واحدا خير لك من حُمُر النعم "
هذا ما اخبر به رسول الله صلى الله عليه وسلم علي بن أبى طالب عندما أعطاه الراية يوم خيبر ، فقال علي : علام أقاتل الناس ، نقاتلهم حتى يكونوا مثلنا ؟ فقال صلى الله عليه وسلم : " على رسلك حتى تنزل بساحتهم ثم ادعهم إلى الإسلام ، واخبرهم بما يجب عليهم ، فوالله لأن يهدي الله بك رجلا واحدا خير لك من حُمُر النعم " أخرجه البخاري
ونسأل الله أن يثبت العم أيفن على دين الاسلام ويملأ قلبه نوراً ويقينا
ويجعله من أصحاب الجنتين
|
Post: #42
Title: Re: *** وبحمد الله دخل العم آيفن الإسلام ***
Author: Abdlaziz Eisa
Date: 07-02-2011, 08:09 AM
Parent: #39
الاخت العزيزة/ سوما
سلام
التحية لكم يا آل الجنيد بهذا الفوز والكسب الكبير..
كم هو مفرح أن نتلقى مثل هذا الخبر..
العمل لما بعد هذه الفانية..
ربنا يثيبكم كل الخير
ويجعلكم به في زمرة الصالحين في الدارين
التهاني لكم
مودتي
|
Post: #44
Title: Re: *** وبحمد الله دخل العم آيفن الإسلام ***
Author: حمد إبراهيم محمد
Date: 07-02-2011, 11:17 AM
Parent: #42
الأستاذة/ أسماء
سلام كتير كتير
هو غرس الرجل الصالح الشيخ الجنيد... يزدهر ويفوح طيبا معتقة وينمو
في الأرض اليباب ... وسيبلغ رهط الحاج آيفن بإذن الله تعالى... عندها نواصل
فرحنا بكم آل الجنيد وندعوا لكم بخيري الدنيا والآخرة
----
حكي لي أخ وافعة جرت لهم في استراليا، كانوا أربعة شبان هاجروا
إلى هناك ووفقوا في العمل بأحد المصانع الريفية، وكان صاحب المصنع يعلم
أنهم مسلمين، ففي أحد أيام الجمعة ذهب ثلاثة منهم لآداء الصلاة في المسجد
القريب للمصنع وتأخر رابعهم، وكان متفلت في أداء شعائره الدينية، وعندما
حضر صاحب المصنع سأل هذا عن زملائه فأخبره بأنهم ذهبوا لآداء الصلاة... وإذ
به في اليوم التالي يتسلم قرار فصله عن العمل... مع ملاحظة: من لا يحافظ
على معتقده وما يأمره به... لن يحافظ على حقوق الآخرين!!!
الشاهد: أنك تأسر الناس بقيمك ومثلك والقدوة الحسنة
تسلمي
|
Post: #45
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-03-2011, 00:25 AM
Parent: #44
Quote: قال عليه الصلاة والسلام
( أن يهدي بك الله رجل الى الإسلام خير لك من حمر النعم)
فأإ فضل هذا العمل السامي الكريم هو فضل عظيم فمن أقل ما يفيد الداعي هو انه إن دخل شخص الاسلام على يدك فلك مثل حسناته التي يكسبها
وإن هو أدخل شخص الى الإسلام فلك مثل حسناتهم التي يكسبونها والله أعلم |
سلام يا اهلنا وعذرا والله زحمة غصبا عني
الفاتح الجنيد طلتك امانة مي حنينة يا ابو رامي
فرحني وجودك والله وأثريت البوست بإضافة صورك مع أنكل آيفن
تسلم يا حبيب ربي يخليك ويسعدك يا رب
يا ريت تنزل لي باقي الصور رسلتها ليك في الإميل
كل الود
|
Post: #46
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-03-2011, 00:45 AM
Parent: #45
Quote:
والله بختكم وحظكم يا آل االجنيد أن تأتي يوم القيامة وتجد في ميزانك من أسلم على يديك ، وذلك فضل الله يؤيته من يشاء .
نبارك لكم ونبارك للأخ آيفن ، ونسأل الله لنا وله الثبات حتى الممات |
حبابك اخوي كمال عكود حبابك يابا
تتبارك ايامك إن شاء الله . اللهم آمين يا رب العالمين
كتر الف خيرك على الطلة الحنينة والكلام الجميل
تسلم يا أصيل
|
Post: #47
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-03-2011, 00:56 AM
Parent: #46
Quote: الله اكبر ولله الحمد ولا اله الا الله
لأن يهدي الله بك رجلا خير مما طلعت عليه الشمس |
حباب ود الخليفة الزول الجميل ورزين
طلتك بتشرف كل زول والله يا خوي
وشرفت عمنا آيفن
كتر الف خيرك يابا
|
Post: #48
Title: Re: *** وبحمد الله دخل العم آيفن الإسلام ***
Author: Abobakr Shadad
Date: 07-03-2011, 01:33 AM
Parent: #47
الاخت العزيزة أسماء
أهنئك بهذا الحدث الكبير واسأل الله ان يجعله فى ميزان حسناتكم انت وزوجك الكريم
واظن ان ما رأه العم ايفان من حسن الخلق وطيب المعشر هو ما جعل حديثكما ينفذ الى قلبه
كما تعلمين أالآيرلنديون اناس فى قمة الطيبة ويقدرون حسن الخلق وهى من اساسيات نجاح الدعوة
لعلك الآن فد تكشفت لك موهبة جديدة ونتمنى ان تواصلى هذا الجهد الطيب وهذا النجاح الكبير
واول الغيث قطره .
وفقك الله وبارك فيك
|
Post: #49
Title: Re: *** وبحمد الله دخل العم آيفن الإسلام ***
Author: Mandingoo
Date: 07-03-2011, 03:16 AM
Parent: #48
Quote: وحين خروجه لم اتمالك نفسي كانت فرحة اكبر من كل الدموع
والصور |
وقددمعت عيناي ايضاً يا اختنا اسماء الجنيد.. جعل الله ما فعلت في ميزان حسناتك، فما فعلت خيرا لك من حمر النعم..
الله اكبر.. الله اكبر.. والحمد لله
التدرج في دعوة غير المسلمين للإسلام وشرحه لهم والتسهيل لهم في البداية في تكاليفه لأمر جميل..
كثير من الدعاة يشددون على الراغب في الإسلام حتى يفر منه كما حكى بعض المتداخلين اعلاه لدرجة انهم يفرضون عليه عزائم مثلما يعطونه الرخص، او يؤكدون عليه فعل كل الواجبات وترك كل النواهي قبل ان ينطق بالشهادة، اي انهم يطلبون منه فعل كل شئ عقب نطقه بالشهادة دون مراعاة لضرورة التدرج حتى تستوعبها نفسه وعقله وجسده- علما بأن الإسلام تدرج في فرض الواجبات والنهي عن المحظورات..
بعض الدعاة في اوروبا رأوا في دكتور جامعي الرغبة في الإسلام حينما كان معجبا به من خلال دراسته له، فطلبوا منه الدخول في الاسلام، فقال لهم انه كبير في السنة ويشق عليه الإتيان بكامل الطاعات من صلوات خمس في اليوم والصوم وانه تعود على الخمر فلا يستطيع تركها.. فطلبوا منه الشهادة فقط، ثم التدرج في الصلاة كأن يصلي الجمعة فقط، وان يخفف من شرب الخمر تدريجياً.. وبالتدرج يصل الى كامل الطاعات والعبادات..
بارك الله فيك وفي زوجك، وهنيئا لأيمن إسلامه، ونسأل الله أن يدعو هو اصدقائه واسرته وجيرانه للإسلام فيكون لك في كل نفس اسلمت اجر، وأي أجر..
اخوكم
عمر حسن غلام الله
كوالا لامبور- ماليزيا (مؤقتا)
|
Post: #50
Title: Re: *** وبحمد الله دخل العم آيفن الإسلام ***
Author: توفيق عبد المجيد
Date: 07-03-2011, 08:45 AM
Parent: #49
يالله
ليتني كنت معكم في هذا الاجر العظيم باذن الله
اختي المفضالة
لولا ان المهتدي ايفن رأى فيك ما يدعوه لاعتناق هذا الدين لما فعل
لولا انك كنت الممثل لهذا الدين لما فعل
اختي لك التهاني وتقبل الله منك
Quote: قال رسول صلى الله عليه وسلم تسليما كثيرا "لأن يهدي الله بك رجلا واحدا خير لك من حمر النعم" .. وقال في ما معناه
بشروا ولا تنفروا يسروا ولا تعسروا
نسال الله ان يثبته على دين الحق وان يجعل دعوتكم له في ميزان حسناتكم ..وان يوفقنا جميعا لمرضاته تعالى .
لك ولعيالك التحية والامنيات الطيبة بس ما تبقي الزول دا هلالابي :)
|
لقد وفقك الله الى عمل كبير نساله ان يجعله لك ذخرا ونرجوه ان يكون خيرا اريد بك
Quote:
سلام يا أسماء ومبروك عليكم إسلام العم ايفن
بس عليك الله يا أسماء شفتي تسامح الناس ده كيف (أرجو أن يفهم كلامي في سياقه )
تخيلي لو جاء واحد خواجة في بلد مسلم وساعد واحد مسلم عشان يبقى مسيحي حتلقي الاعمي شايل المكسر ضد الحملات التنصيرية
أنا كانت عندي baby sitter أمريكية و هي طالبة جامعية كانت بتصلي معانا كل يوم وبتصوم رمضان وبتمشي الكنيسة كل أحد. المهم مشت الجامعة في جورجيا مشت المسجد الامام قال ليها لازم تشهري اسلامك حتى تدخلي معانا قامت سابت الموضوع كله ولما يبقي المدخل غلط بتضيع حاجات جميلة
|
طبعا المسالة لها علاقة بانفعال الشخص نفسه بدينه ودرجة اعتزازه به ودرجه فهمه لخطوطه العريضة والفواصل التي تفصله عن غيره من الاديان
كما ترجع لمعنى الدين والتدين في حياته
بغض النظر عن درجة التزام الشخص بدينه هناك عامل مهم جدا وهو درجة اعتزاز الشخص بدينه وقناعاته الداخلية به وتمثله له في حياته
كثيرين من المسلمين لا تشعر بفروق بينهم وبين غيرهم من اصحاب الديانات الاخرى
لا تجد ان الاسلام يميزهم بشئ يفتقده غيرهم
هؤلاء لا يمكنهم ان يلفتوا نظر غيرهم من غير المسلمين الى ان هناك قيمة يمتلكونها ويفتقدها غيرهم
ولذلك لن يكونوا عامل جذب او سبب في بحث غيرهم عن هذه القيمة
وقد تكون هذه القيمة تصالح مع النفس
او طمانينة يلحظها الغير
او سلوك طيب وروح راضية بغض النظر عن الماديات التي يعيشها الشخص
قد تكون راحة بال ونظرة موجبة للحيا
قد تكون التزام ظاهر بالاسلام تحليل للحلال وتحريم للحرام وهنا يكون الفرق ظاهرا وتكون الدعوة من خلال السلوك افعل ما تكون
ليس مهما ان تقول لغير المسلم تعال وكن مسلما
ولكن يمكنك دعوته بصمت من خلال ما ذكر اهلاه
اما غير ذلك فنقول فاقد الشئ لا يعطيه
Quote: والله أنا فـرحان جـدا لي لأنكــل إيفان وليكم إنتو
كمـان .. ويا مقلب القلوب ثبت قلوبنا جميعا علي دينك
" وحاسي إني روحي زاتها نضيفة ".... يا ســــــلام
ده تعـــبير بديع يصـف حالة السـلام الداخلي الذي عاشه
لحظتها .. تحياتنا ومباركتنا له ومـرحبا به ودعـواتنا لـه ولكم..
|
شفتو السلام الداخلي ده انا الكنت ببحث عنه
وده ما بتوفره اموال ولا شهادات ولا اي من الماديات
ده توفره الروحانيات مهما قل قدرها وكميتها داخل النفس
وده لا يظهر الا لمن يعتز بدينه واسلامه ولا يساويه بغيره من الاديان ويرى انه لا فرق بين المسلم وغيره
بل فرق كبير والا هناك مشكله فهم لهذا الدين ومشكله اعتقاد
وربنا سبحانه وتعالى يقول | Quote: ( وَمَن يَبْتَغِ غَيْرَ الإِسْلاَمِ دِيناً فَلَن يُقْبَلَ مِنْهُ وَهُوَ فِي الآخِرَةِ مِنَ الْخَاسِرِينَ ) [آل عمران:85]. |
عمران:85].
| Quote: السيد آيفن بعد الاسلام |
لا اظن ان مظهر الاخ ايفن قبل الاسلام يحتاج لتغيير الا من باب تجربة احاسيس محدده
عليك الله قولوا ليه تغيير الشكل ليس من المتطلبات وخليك في قشراتك زي ما كنت وخلي التغيير داخلي
وبعدين ده اثره اجمل على غيره ممن يبحثون عن الحقيقة التي حرم منها كثيرين
صحيح المرأة المسلمة تحتاج ان تتميز بشكلها عن غيرها اما الرجل فدعوه ليصبح دليلا على ان هذا الدين دين الحضارة والتحضر وانه قادر على استيعاب كل ما هو مفيد وجميل
لا اطر محددة مالم تناقض مضمون الدين نفسه
Quote: ده كلام جميل أستاذة اسماء
لكن فى مشكلة كبيرة
لو السيد آيفن قرر بعد 7 سنوات مثلاً انو يكون بهائى , هل ده ممكن فى الدين الاسلامى بنص الآيات والسنة النبوية الشريفة ؟
يعنى باختصار / نفس كلام استاذة عفراء / , هل يحق لى كمسلم انى اعتنق المسيحية ؟
*
قيمة الشخص كشخص او انسان تنبع من ديانته ام من القيم الانسانية التى يحملها ؟ , يعنى لو كان العم آيفن يهودى , هل كانت نظرتك ليهو ح تتغير ؟
*
هل تعتقدى انو الشخص الملحد , انسان بدون قيم ولا يستحق الصداقة او الاحترام ؟ .
|
ربنا سبحانه وتعالى قال (ولقد كرمنا بني ادم) الاية .....
ولكن هناك فرق بين المسلم وغير المسلم يمكنكم الرجوع لعمكم قوقل ليخبرك فلا مجال الان
http://www.elazhar.com/conf_au/14/15.asp
http://ejabat.google.com/ejabat/thread?tid=05b1bd83f9920ccd
|
Post: #51
Title: Re: *** وبحمد الله دخل العم آيفن الإسلام ***
Author: shaheen shaheen
Date: 07-03-2011, 09:23 AM
Parent: #50
طيب شكراً على الرد أ/ توفيق وعلى الاحالة للعم قوقل
لكن السؤال يبقى
هل من حق المسلم تغيير دينه ؟ , وهل من حقنا كمسلمين ان نضرب بعرض الحائط معايير حقوق الانسان العالمية ؟
*
هناك مشاكل وأشكاليات فى طريق الديانة الاسلامية
والحل هنا بالتجديد واعمال العقل , يعنى مثلاً هنا , اى دين اسلامى قد اعتنق السيد آيفن ؟ , هناك مدارس فكرية مختلفة , هل ينظر للاسلام من منظور (الحلاج) , من منظور (ابن عربى) , من منظور (محمود محمد طه) , من منظور (ابن تيمية) , من منظور المتصوفة بوجه عام , ام منظور جماعة انصار السنة المحمدية , هل سيرفض السيد آيفن الاطروحات الفكرية للشيعة ؟ .
نحن هنا لا نتكلم عن اسلام واحد موحد , وتعرف جيداً شلالات الدماء التى سالت عبر تاريخ الدولة الاسلامية الطويل .. (الاسماعيلية) , (الخوارج) , (المعتزلة) .. الخ .
*
مرة اخيرة , اتمنى من الاستاذة صاحبة البوست ان لا تعتبر هذه المداخلات مناكفة او تقليل من شأن ما قامت به , بالعكس اسعد بمن يؤمن بشيء ويقوم بالتبشير به , ولا احب من يمشى فى الحياة دون هدف , وكل ما اتمناه للمسلمين هو التجديد فى هذا الدين العظيم , اعمال العقل وليس الجمود عند النص , كفاية هذا التخلف والجهل الذى ترزح فيه الدول الاسلامية تحت زعم
- انو الدين الاسلامى عايز كده .
مع التحية والتقدير أستاذة أسماء .
|
Post: #52
Title: Re: *** وبحمد الله دخل العم آيفن الإسلام ***
Author: عماد حسين
Date: 07-03-2011, 09:42 AM
Parent: #51
Quote: كل ما التقي به يدور سؤال في رأسي , واصبح اتمتم لوحدي ( بالله عم آيفن ده بي
خصاله السمحة دي كلها وامانته دي لو كان مسلم مش كسب دنيا وآخرة ؟؟ |
الأخت أسماء
أسال الله أن يجعل عملكم خالصاً لوجهه الكريم ومتقبلاً عند الله تعالى
هذا هو الرصيد الذي سينفعكم يوم القيامة بإذن الله
وهذا أفضل ما ستحصلونه وأنتم في غربتكم..
وفي الحديث عند البخاري:
"فَوَاللَّهِ لأَنْ يُهْدَى بِكَ رَجُلٌ وَاحِدٌ خَيْرٌ لَكَ مِنْ حُمْرِ النَّعَم"
تقديري واحترامي
|
Post: #53
Title: Re: *** وبحمد الله دخل العم آيفن الإسلام ***
Author: Elawad Eltayeb
Date: 07-03-2011, 10:31 AM
Parent: #52
Quote: تنهد العم آيفن واخد نفس طويلااااا وقال لي بالحرف الواحد
انا مرتاح جدا جدا وحاسي إني اول مره اكون نضيف جدا وكأني ما حصل إستحميت
رغم إنه الغسل العملته قبل شوية بدون صابون ... لكني مرتاح وحاسي إني روحي زاتها نضيفة
|
يا سلام يا اسماء، هذا كلام معبر.. ربنا يجزيك كل خير أنت وأسرتك الكريمة.
|
Post: #56
Title: Re: *** وبحمد الله دخل العم آيفن الإسلام ***
Author: أبوعبيدة محمد الأمين
Date: 07-03-2011, 11:48 AM
هنيئاً للعم ايفن وأعانه
وهنيئاً لكم أخوتي أبناء الجنيد
وتقبل الله
|
Post: #57
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-03-2011, 11:58 AM
Quote: ده كلام جميل أستاذة اسماء
لكن فى مشكلة كبيرة
لو السيد آيفن قرر بعد 7 سنوات مثلاً انو يكون بهائى , هل ده ممكن فى الدين الاسلامى بنص الآيات والسنة النبوية الشريفة ؟
يعنى باختصار / نفس كلام استاذة عفراء / , هل يحق لى كمسلم انى اعتنق المسيحية ؟
*
قيمة الشخص كشخص او انسان تنبع من ديانته ام من القيم الانسانية التى يحملها ؟ , يعنى لو كان العم آيفن يهودى , هل كانت نظرتك ليهو ح تتغير ؟
*
هل تعتقدى انو الشخص الملحد , انسان بدون قيم ولا يستحق الصداقة او الاحترام ؟ . |
مرحب حبابك اخي شاهين وكتر الف خيرك على المرور الجميل و الأريحية والوضوح
بالنسبة لسؤالك اخي العزيز هل يحق ليك أن تعتنق المسيحية أنت كمسلم
هل تقصد ان تتخلى عن الإسلام والدخول في المسيحية ؟؟
اما نظرتي للإنسام عموما لا اقيمها بديانته او معتقداته .. والدليل على ذلك معرفتي بالعم قبل إسلامه وتوطد العلاقة به كشخص صديق للعائلة
حتى قبل ان يسلم ولا كنت وقتها اعرف إنه سوف يعتنق الإسلام ..
ديننا الإسلامي الحنيف لم يأمرنا بمعاداة غير المسلمين ,, حين وصانا على الجار لم يقل الجار المسلم , بل كانت الوصية على جارك البني آدم ايا كانت ديانته
وفي صورة الكافرون كانت الآيات واضحة ,, ( لكم دينكم ولي دين ) ,, والمحاسبة من رب الكون يوم الحساب إن شاء الله ..
لي علاقات واسعة والحمد لله مع إخوة وأخوات غير مسلمين واشهد الله اعاملهم كإخوة وأخوات اعزهم واقدرهم جدا ..
الديانة دي بين الإنسان وربه ما من حقي ولا من حق اي بشر كان محاسبة الناس على معتنقاتهم وديانتهم ..
حتى تعاملى مع العم آيفن كان بكل هدوء وإحترام لرغبته وإحساسه , ولم ادفعه لرغبته ولم استعجله ابدا ,
بالعكس اكتر من 9 شهور تقريبا بنشرح ليهو ونعلمه عن الإسلام دين التسامح والمحبة واليسر وليس العسر ..
Quote: مرة اخيرة , اتمنى من الاستاذة صاحبة البوست ان لا تعتبر هذه المداخلات مناكفة او تقليل من شأن ما قامت به ,
بالعكس اسعد بمن يؤمن بشيء ويقوم بالتبشير به , ولا احب من يمشى فى الحياة دون هدف , وكل ما اتمناه للمسلمين هو التجديد فى هذا الدين العظيم ,
اعمال العقل وليس الجمود عند النص , كفاية هذا التخلف والجهل الذى ترزح فيه الدول الاسلامية تحت زعم
- انو الدين الاسلامى عايز كده .
مع التحية والتقدير أستاذة أسماء . |
معقولة بس اخي شاهين ؟؟ ابدا والله يشهد الله احترم كل الأسئلة وكل المداخلات ومهما إختلفنا في الرأي سوف يظل الود قائما بيننا جسر مودة وإحترام
وأكيد كلنا بنفيد ونستفيد من بعض
حبابك يا خوي في اي وقت واسعد جدا بي كل إستفساراتك ,, وأكيد مداخلات الإخوة والأخوات بتثري الحوار
لك كل الإحترام والتقدير اخي العزيز..
|
Post: #54
Title: Re: *** وبحمد الله دخل العم آيفن الإسلام ***
Author: محمد عمر جبريل
Date: 07-03-2011, 11:19 AM
Parent: #52
سلامات يا أسماء .. وفي ميزان حسناتك
كلامك الفوق دا صااااح .. مرة واحد صيني معاي في الشغل .. برضو قصتو زي قصة العم آيفن دا
الفرق الوحيد بينهم إنو الصيني ما كان مؤمن بي أي حاجة .. فلسفة الحياة عندو مرتبطة ارتباط وثيق
بي نظرية داروين .. بعد شهور وشهور من المساجلات في الموضوع دا قرر يبقى مسلم بي فهم غريب جدا !!
فهمو إنو لو طلع في قيامة وبعث وحساب وجنة ونار زي ما كنت بقول ليهو يبقى خير وبركة
ولو طلع مافي أي حاجة من الكلام دا يبقى ما خسران حاجة .. لأنو برضو ما بشرب كحول ولا سجائر ومتزوج
___________
غايتو ..
دا الربنا قدرنا عليهو
إسلام صيني 
|
Post: #55
Title: Re: *** وبحمد الله دخل العم آيفن الإسلام ***
Author: الصادق صديق سلمان
Date: 07-03-2011, 11:43 AM
Parent: #54
مبروك يا أسماء للعم آيفن دخوله الاسلام
وجلعلها الله في ميزان حسناتكم انتِ والفاتح
الصادق
|
Post: #58
Title: Re: *** وبحمد الله دخل العم آيفن الإسلام ***
Author: ismeil abbas
Date: 07-03-2011, 12:23 PM
Parent: #55
شىْ مفرح أختى اسماء ونسأل اله ان يثبت لك ألأجر وأن يثبته على ألأسلام ويجعل خاتمتنا جميعآ بكلمة لا إله إلا الله.
|
Post: #59
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-03-2011, 12:35 PM
Parent: #58
Quote: بسم الله الرحمن الرحيم
الاخوة الافاضل اسماء و الفاتح و الاسرة الكيرمة
نسال الله لكم التوفيق و السداد فى كل مشاوير الحياة
ابارك لكم هذا العم لالطيب و هذا انما يدل على اخلاق طيبة
و قدوة و نموذج نفخر به و نقدمه الى كل العالن بكل فخر و اعزاز
و لو كان الناس مثل يا اسماء لانتشر الاسلام بكل سهولة يسر فى كل بقاع الارض
الاسلام انشر فى افريقيا على سبيل المثال بالقوة فقط كما كنت انت و الاخ الفاتح
مع الاخ آيفن ... نسأل الله يكون كل هذا لجهد فى ميزان حسناتك .
تحياتى
الطيب رحمه قريمان |
حباب الطيب الزول الحنين وطيب .. حبابك والله
كتر الف خيرك والله على الكلام الطيب وجميل
ربي يسعدك ديمة زي ما اسعدتني بي كلامك ومفرداتك المارقة من الجوف
ربي يسمع منك ويهدي الجميع إن شاء الله
فعلا يا الطيب اخوي كل شيء في الدنيا دي لو بقى بالهداوة والبساطة الحياة بتمشي بطابع سهل جدا
والدين ربنا يسره لي الجميع نحن ليه نعسر المواضيع ونصعبها ؟
تحياتي اخي العزيز الطيب وإن شاء الله ربنا يقدرنا على فعل الخير بما يرضي الله ورسوله الكريم
تسلم اخي الطيب وتسلم أيامك إن شاء الله
|
Post: #60
Title: Re: *** وبحمد الله دخل العم آيفن الإسلام ***
Author: عبدالفتاح أبوشيمة
Date: 07-03-2011, 01:05 PM
Parent: #55
وكتين اشتهيت عيشة الغبش
لقيتي دربك وإنت في بلد الطرش
خربانة هي ام بنايةً قش
والخير في جبين الخير معرّش
وعمو آيفن سوى دايفن
مرة واحدة جاك بعاين
دنياه الجديدة كيف حالا زاين
والله يجزيك يا معاون
على سواتك من دون غباين
بذلتي جهدك ويّا زولك والحال هو باين
إن شا الله يتثبّت أجركم والعواقب في الجناين
في جِنان مدخولها باين
لي كل زول وكل كاين
امسكوا الخشب الملوّن
قلنا ليهم الله هوّن
وفزتوا بالسبق المدوّن
في حسابكم الله دوّن
يا بخت من الله أدّاه وتعاون
لي نعمة الإسلام أدّى وتمنّن
شالها دعوة من دون أذى أو حتى منّ
الله ينعمه بي كل لذيذ كان حتى من
تسلمي
والفاتح
اللهم تقبّل يا الله
يا كريم ورحيم
|
Post: #61
Title: Re: *** وبحمد الله دخل العم آيفن الإسلام ***
Author: عبد القادر شادول
Date: 07-03-2011, 01:35 PM
Parent: #60
بارك الله لكم وبارك فيكم
وهذا هو التمثيل الحقيقي للاسلام في بلاد الاديان الاخري فلو لا عشرتكم الطيبة و تعاملكم الكريم لما عرف الاسلام و انجزب اليه
وفقكم الله اكثر و اكثر
وحسب كل من دخل في الاسلام علي يديه اجرا لكم
|
Post: #62
Title: Re: *** وبحمد الله دخل العم آيفن الإسلام ***
Author: omer osman
Date: 07-03-2011, 05:27 PM
Parent: #61
قال الله تعالى (( ولو كنت فظا غليظ القلب لانفضو من حولك)) آل عمران
مدخل العم ايفن للاسلام كان من خلال تعاملك الراقي انت والاخ الفاتح واسرتكم الكريمة ...
نسأل الله ان يثبته على دين الاسلام وان يجعل ذلك في ميزان حسناتكم ......
|
Post: #63
Title: Re: *** وبحمد الله دخل العم آيفن الإسلام ***
Author: عماد الشبلي
Date: 07-03-2011, 06:58 PM
Parent: #62
اثابكم الله ال الجنيد
|
Post: #64
Title: Re: *** وبحمد الله دخل العم آيفن الإسلام ***
Author: Tarig Sidahmed
Date: 07-03-2011, 08:34 PM
Parent: #63
لان يهدي الله بك رجلا خير إليك من حمر النعم
اصعب اللحظات هي لحظات الإنتظار
واقواها في النفس هو قول الشهادة من شخص ينطقها اول مرة
تحس بأن القشعريرة تملاء جسدك كله
نسأل الله ان يثبته ويثبتكم ويثبتنا جميعا على دينه دين الحق
فنعم العمل ونعم الرجل ونعم التغير
|
Post: #65
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-03-2011, 10:22 PM
Parent: #64
Quote: الله يديك العافية استاذة اسماء وفي ميزان حسناتك ... يا بت الناظر ..
ويكفي ابوك الله يرحمو فك الخط لى كم واحد من ابناء بلادي ودخلوا حوش العلم وانت واحد بسيط عليك وان شاء الله اوربا كلها تسلم على يدك ..
وانت مشروع داعية كبيرة خايف يخطوفك الجماعة (...) ..
وتسلمي على الانجاز |
مرحب حبابك اخي ناصر اريتك طيب إنت والأسرة
الحمد لله على كل حال وربنا يرحم الوالد إن شاء الله ,,
وربنا يقدرني ويكون العم آيفن البداية إن شاء الله
ربنا يهدي الجميع
الف شكر ليك اخي ناصر وشكرا لمرورك الجميل
|
Post: #66
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-03-2011, 10:29 PM
Parent: #65
Quote:
تهانينا بس ما يجيئ دول المسلمين خليه هناك
......................................حجر. |
مرحب اخي حجر
الله يهنيك ويسعدك إن شاء الله
ربنا يوفق الهم آيفن إن شاء الله
|
Post: #67
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-03-2011, 10:37 PM
Parent: #66
| Quote: سلامات يا استاذة اسماء ,,, ربنا يكرمكم جميعا دنيا واخرة . |
مرحب حبابك اخي سيف الدولة ,, اللهم آمين يا رب جمعا
ربي يسعدك إن شاء الله ويتقبل منا جميعا صالح الدعوات
|
Post: #68
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-03-2011, 10:44 PM
Parent: #67
Quote: بدل منو؟
_
ثّبت الله أجركم |
اهلين يا ود الصائم يا عمنا , الحمد لله ما بدل اي زول
اللهم آمين يا رب ,, تسلم والله
|
Post: #69
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-03-2011, 11:02 PM
Parent: #68
Quote:
قال الرسول صلي الله عليه وسلم لعلي بن ابي طالب كرم الله وجهه :
( لان يهدى بك الله رجـلاً واحداً خـيرٌ لك من حُمر النعم ) ومعنى حمر النعم هي: الإبل الحمر
وهي أنفس أموال العرب و يضربون بها المثل في نفاسة الشيء وأنه ليس هناك أعظم منه ...
بت الجنيد عظيم حقاً ما قمتم به في انقاذ رجل من حفرة من حفر النار الي روضة من رياض الجنة
والمطلوب من الاخوة والاخوات في أمريكا واوربا بصفة خاصة العمل علي دعوة الناس الي الاسلام
لانقاذهم من الجحيم واهواله .. وقد صدق الرسول صلي الله عليه وسلم القائل :
( والذى نفسي بيدى لايسمع بي احد من الثقلين من الجن والانس يهودياً كان اونصرانياً ولايؤمن بما
أرسلت به الا كان في الاخرة من أصحاب الجحيم ) صحيح مسلم
حيث العلة في الحديث : السمع والسمع هنا ليس بمعناه المتبادر الي الذهن من سماع كلمة الاسلام
فقط .. انما السمع هنا بمعني الغوص والتعمق في فهم الاسلام ( كما قمتم به انتم من توفيــر
الكتب والسيديهات للعم آيفين مثالاً )
ونسأل الله العظيم رب العرش الكريم أن يثيبكم علي عظيم فعلكم وان يجعله في ميزان حسناتكم ..
سعدت بهذا الخبر .. |
اخي العزيز أحمد محمد بشير حبابك يابا
كتر الف خيرك على الكلام الجميل والدعوات الطيبة
اللهم آمين يا رب العالمين , جمعا إن شاء الله
ربنا يقدرنا على عمل الخير ويحسن خاتمتنا جميعا إن شاء الله
والله يا أحمد أخوي الناس هنا كلها مسالمة ومسامحة جدا
والدعوة لو كانت بيسر أكيد بتلقى قبول ورضا من الكثيرين جدا
ربنا يقدرنا ويسهل امرنا إن شاء الله
شكرا لي مرورك الجميل الذي اسعدني ايما سعادة يشهد الله
شكرا يابا مارقة من الجوف
|
Post: #70
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-03-2011, 11:21 PM
Parent: #69
Quote:
الأخت أسماء
لك التحية والتقدير
نسأل الله أن يجازيك خيراً ويوفقك إلى فعل الخير
لأن يهدي الله بك رجلا واحدا خير لك من حُمُر النعم "
هذا ما اخبر به رسول الله صلى الله عليه وسلم علي بن أبى طالب عندما أعطاه الراية يوم خيبر ، فقال علي : علام أقاتل الناس ،
نقاتلهم حتى يكونوا مثلنا ؟ فقال صلى الله عليه وسلم : " على رسلك حتى تنزل بساحتهم ثم ادعهم إلى الإسلام ،
واخبرهم بما يجب عليهم ، فوالله لأن يهدي الله بك رجلا واحدا خير لك من حُمُر النعم " أخرجه البخاري
ونسأل الله أن يثبت العم أيفن على دين الاسلام ويملأ قلبه نوراً ويقينا
ويجعله من أصحاب الجنتين |
حبابك يا حبيب البلد وحباب طلتك الحنينة يابا
تسلم يا الحنين وشكرا لإضافتك الثرة وللمعلومة المفيدة
ربي يهدي الجميع
ويسمع مننا جميعا صالح الدعوات إن شاء الله
الف شكر ليك والله وكتر خيرك على المرور الجميل يا حبيب بلدنا كلنا
|
Post: #71
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-03-2011, 11:36 PM
Parent: #70
Quote:
الاخت العزيزة/ سوما
سلام
التحية لكم يا آل الجنيد بهذا الفوز والكسب الكبير..
كم هو مفرح أن نتلقى مثل هذا الخبر..
العمل لما بعد هذه الفانية..
ربنا يثيبكم كل الخير
ويجعلكم به في زمرة الصالحين في الدارين
التهاني لكم
مودتي |
حباب ود عمي عيسى حبابك يا عزيز العزيز
ربي يفرحك ديمة إن شاء الله يا صاحب القلب الكبير ونقي
اللهم آمين يا رب جمعا , ربنا يقدرنا نعمل لما بعد الفانية ويعمر قلوبنا بالمحبة والخير
تسلم يا عزيز على مرورك الجميل البسعدني ديمه يعلم الله
|
Post: #72
Title: Re: *** وبحمد الله دخل العم آيفن الإسلام ***
Author: عمر صديق
Date: 07-03-2011, 11:50 PM
Parent: #71
الله اكبر كبيرا والحمد لله كثيرا وسبحان الله بكرة واصيلا
وفي ميزان حسناتكم يا اختي العزيزة اسماء والاسرة
وجزاكم الله عن الاسلام والمسلمين خير الجزاء
|
Post: #73
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-04-2011, 00:07 AM
Parent: #71
Quote:
الأستاذة/ أسماء
سلام كتير كتير
هو غرس الرجل الصالح الشيخ الجنيد... يزدهر ويفوح طيبا معتقة وينمو
في الأرض اليباب ... وسيبلغ رهط الحاج آيفن بإذن الله تعالى... عندها نواصل
فرحنا بكم آل الجنيد وندعوا لكم بخيري الدنيا والآخرة
----
حكي لي أخ وافعة جرت لهم في استراليا، كانوا أربعة شبان هاجروا
إلى هناك ووفقوا في العمل بأحد المصانع الريفية، وكان صاحب المصنع يعلم
أنهم مسلمين، ففي أحد أيام الجمعة ذهب ثلاثة منهم لآداء الصلاة في المسجد
القريب للمصنع وتأخر رابعهم، وكان متفلت في أداء شعائره الدينية، وعندما
حضر صاحب المصنع سأل هذا عن زملائه فأخبره بأنهم ذهبوا لآداء الصلاة... وإذ
به في اليوم التالي يتسلم قرار فصله عن العمل... مع ملاحظة: من لا يحافظ
على معتقده وما يأمره به... لن يحافظ على حقوق الآخرين!!!
الشاهد: أنك تأسر الناس بقيمك ومثلك والقدوة الحسنة
تسلمي |
اخي العزيز حمد حبابك يابا وحباب طلتك الحنينة
كتر الف خيرك على كلامك الطيب في حق شيخنا وجدنا الجنيد
الله يرحمه ويوسده الباردة إن شاء الله
ربنا يقدرنا نمشي في درب جدنا ونرضي الله ورسوله باعمال البر والخير
صدقت والله يا خوي القيم والمثل الجميلة والقدوة الحسنة لها اثر عميق في التعامل مع الغير
قصتك دي خير دليل على ما يحدث في زمنا ده
ربنا يهدي الجميع ويوفقنا في عمل الخير
كتر ألف خيرك يا حمد يا خوي على مرورك الجميل
ربي يسعدك بقدر سعادتي بكلماتك الطيبة يا صافي النية
|
Post: #74
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-04-2011, 00:21 AM
Parent: #73
Quote: الاخت العزيزة أسماء
أهنئك بهذا الحدث الكبير واسأل الله ان يجعله فى ميزان حسناتكم انت وزوجك الكريم
واظن ان ما رأه العم ايفان من حسن الخلق وطيب المعشر هو ما جعل حديثكما ينفذ الى قلبه
كما تعلمين أالآيرلنديون اناس فى قمة الطيبة ويقدرون حسن الخلق وهى من اساسيات نجاح الدعوة
لعلك الآن فد تكشفت لك موهبة جديدة ونتمنى ان تواصلى هذا الجهد الطيب وهذا النجاح الكبير
واول الغيث قطره .
وفقك الله وبارك فيك |
مرحب حبابك اخي دكتور ابو بكر شداد تسلم والله اخي الكريم
كتر خيرك على مرورك الأسعدني جدا والله
فعلا الآيرش عموما طيبين وبسيطين جدا وده السبب القوي الصبرني على غربة الغرب
لأني جاية من عمان وشعبها الطيب ومسالم للغاية
ربنا يقدرني على عمل الخير ويسهل لي ويهديني ويهدي الجميع
الف شكر ليك يا دكتور وربنا يسعدك إن شاء الله ويوفقك يا رب
|
Post: #75
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-04-2011, 01:12 AM
Parent: #74
Quote: وقددمعت عيناي ايضاً يا اختنا اسماء الجنيد.. جعل الله ما فعلت في ميزان حسناتك، فما فعلت خيرا لك من حمر النعم..
الله اكبر.. الله اكبر.. والحمد لله
التدرج في دعوة غير المسلمين للإسلام وشرحه لهم والتسهيل لهم في البداية في تكاليفه لأمر جميل..
كثير من الدعاة يشددون على الراغب في الإسلام حتى يفر منه كما حكى بعض المتداخلين اعلاه لدرجة انهم يفرضون عليه عزائم مثلما يعطونه الرخص،
او يؤكدون عليه فعل كل الواجبات وترك كل النواهي قبل ان ينطق بالشهادة، اي انهم يطلبون منه فعل كل شئ عقب نطقه بالشهادة
دون مراعاة لضرورة التدرج حتى تستوعبها نفسه وعقله وجسده- علما بأن الإسلام تدرج في فرض الواجبات والنهي عن المحظورات..
بعض الدعاة في اوروبا رأوا في دكتور جامعي الرغبة في الإسلام حينما كان معجبا به من خلال دراسته له، فطلبوا منه الدخول في الاسلام،
فقال لهم انه كبير في السنة ويشق عليه الإتيان بكامل الطاعات من صلوات خمس في اليوم والصوم وانه تعود على الخمر فلا يستطيع تركها..
فطلبوا منه الشهادة فقط، ثم التدرج في الصلاة كأن يصلي الجمعة فقط، وان يخفف من شرب الخمر تدريجياً.. وبالتدرج يصل الى كامل الطاعات والعبادات..
بارك الله فيك وفي زوجك، وهنيئا لأيمن إسلامه، ونسأل الله أن يدعو هو اصدقائه واسرته وجيرانه للإسلام فيكون لك في كل نفس اسلمت اجر، وأي أجر..
اخوكم
عمر حسن غلام الله
كوالا لامبور- ماليزيا (مؤقتا) |
حبابك اخوي عمر حسن غلام الله حبابك والله
تسلم كتير على صدق مشاعرك وإحساسك الطيب ونبلك
جزاك الله الف خير على كلامك الجميل ربي يسعدك زي ما اسعدتني بي طلتك الحنينة
فعلا اخي العزيز التدرج وتبسيط الإمور في كل شيء بسهل المهمة
بالزات في إمور مهمة كموضوع الدعوة أو الهداية ’’
الدين يسر كما نعلم جميعا , لماذا نصعب الإمور وفي مفدورنا ان نبسطها لغيرنا وننال المطلوب في يسر
ربنا يقدرنا على فعل الخير ويسهل مهمتنا وبهدي الجميع إن شاء الله
كتر ألف خيرك يا عمر يا خوي رد الله غربتك إن شاء الله
ويسهل إمورك ويوفقك بإذنه تعالى ...
ربي يعدلا عليك وين ما تقبل إن شاء الله
قول آمين
تسلم يابا
|
Post: #76
Title: Re: *** وبحمد الله دخل العم آيفن الإسلام ***
Author: معاوية المدير
Date: 07-04-2011, 02:23 AM
Parent: #75
Quote: ,
رجل بشوش صاحب قلب كبير الإبتسامة لا تفارق محياه , صادق جدا كصدق اهل بلده عمره تجاوز ال 57 عاما أمين جدا جدا
كل ما التقي به يدور سؤال في رأسي , واصبح اتمتم لوحدي ( بالله عم آيفن ده بي خصاله السمحة دي كلها وامانته دي لو كان مسلم مش كسب دنيا وآخرة ؟؟ |
الله أكبر، ولله الحمد.
ورد عنه صلى الله عليه وسلّم أنه قال: (إنما بُعثتُ لأُتمم مكارم الأخلآق.)
بإسلآم عمنا آيفن، فقد إكتملت مكارم الأخلآق في شخصة وصار عمله
متقبلاً بمشيئة الله تعالى.
أسأل الله العلي القدير أختي بت الجنيد أن يصرف الله سبحانه وتعالى
عنك وزوجك وأولآدكم بهذا العمل مصائب الدنيا، وينزلكم به منازل
الصديقين والشهداء يوم لا ينفع مال ولا بنون إلا من اتى الله بقلب
سليم.
كانت أصعب لحظة في حياتي يا اسماء يوم حضرت شخص
يعلن إسلآمه بالمسجد. شعرت كأنني خارج دائرة الدنيا،
وأفقت علي صوت دموعي وهي تتساقط علي الكاربت.
حدثني أحدهم أنه مقتنع بالإسلآم وليس لديه فيه آدنى شك.
لكن الذي يحول بينه وإعتناقه أنه مُدمن للخمر ولا يستطيع
أن يتخلى عنها، فقلت له: اسلم واسكر لا عليك...
|
Post: #77
Title: Re: *** وبحمد الله دخل العم آيفن الإسلام ***
Author: أحمد الشايقي
Date: 07-04-2011, 09:55 AM
Parent: #76
Quote: فكرت كثيرا ان اعرفه على أحد الإخوة من السودانيين او اي مسلم لكي يشرح له اكثر مني
لكني ترددت كثير جدا بصراحة وخفت من التجربة لسببين
اولهم بعض الناس عندهم الدين افسلامي ده من قولة تيت
تعمل كده وكده وكده ولا بقطعوا رأسك عديل
خفت يهولوا ليهو القصة ويطفشوهو كلو كلو زي ما سمعت حصل لشخص في إيرلندا دي زاتها
|
يا سلام يا أخت أسماء
تيسير شرح الاسلام لغير المسلمين هو بيت القصيد والذي هو فعلاً يؤثر في قرار غير المسلمين باتباع الديانة الاسلاميـة
بارك الله في جهدكم وأثابكم الخير كله
أحمد الشايقي
|
Post: #78
Title: Re: *** وبحمد الله دخل العم آيفن الإسلام ***
Author: الفاتح الجنيد
Date: 07-04-2011, 10:07 AM
Parent: #76
التحية مع وافر الشكر والتقدير لكل من أثنى على هذا العمل الذي لا نرجو منه سوى رضاء الله والعمل بسنة رسوله الكريم
داعيا الله العلى القدير أن يصيبكم من الدعاء ضعف ما دعوتم به
|
Post: #79
Title: Re: *** وبحمد الله دخل العم آيفن الإسلام ***
Author: الفاتح الجنيد
Date: 07-04-2011, 10:46 AM
Parent: #78
Quote: طيب شكراً على الرد أ/ توفيق وعلى الاحالة للعم قوقل
لكن السؤال يبقى
هل من حق المسلم تغيير دينه ؟ , وهل من حقنا كمسلمين ان نضرب بعرض الحائط معايير حقوق الانسان العالمية ؟
*
هناك مشاكل وأشكاليات فى طريق الديانة الاسلامية
والحل هنا بالتجديد واعمال العقل , يعنى مثلاً هنا , اى دين اسلامى قد اعتنق السيد آيفن ؟ , هناك مدارس فكرية مختلفة , هل ينظر للاسلام من منظور (الحلاج) , من منظور (ابن عربى) , من منظور (محمود محمد طه) , من منظور (ابن تيمية) , من منظور المتصوفة بوجه عام , ام منظور جماعة انصار السنة المحمدية , هل سيرفض السيد آيفن الاطروحات الفكرية للشيعة ؟ .
نحن هنا لا نتكلم عن اسلام واحد موحد , وتعرف جيداً شلالات الدماء التى سالت عبر تاريخ الدولة الاسلامية الطويل .. (الاسماعيلية) , (الخوارج) , (المعتزلة) .. الخ .
*
مرة اخيرة , اتمنى من الاستاذة صاحبة البوست ان لا تعتبر هذه المداخلات مناكفة او تقليل من شأن ما قامت به , بالعكس اسعد بمن يؤمن بشيء ويقوم بالتبشير به , ولا احب من يمشى فى الحياة دون هدف , وكل ما اتمناه للمسلمين هو التجديد فى هذا الدين العظيم , اعمال العقل وليس الجمود عند النص , كفاية هذا التخلف والجهل الذى ترزح فيه الدول الاسلامية تحت زعم
- انو الدين الاسلامى عايز كده .
مع التحية والتقدير أستاذة أسماء .
|
الأخ الكريم شاهين
لقد طرحت تساؤلات عديدة تتطلب نقاشا مستفيضا من ذوى الاهتمام بمثل هذه الأمور ،
وطرحها ضمنيا من خلال هذا البوست قد يقلل من فرص تناولها بالتفصيل الذي يحقق الفائدة المرجوة ،
لذا اعتقد أن من الأنسب أن تكون في بوست منفصل خاصة وانت تعلم أن عنوان البوست هو العنصر الجاذب للمتداخلين حسب ميولهم
ولك وافر ودي وتقديري ....
|
Post: #80
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-04-2011, 05:42 PM
Parent: #79
Quote: يالله
ليتني كنت معكم في هذا الاجر العظيم باذن الله
اختي المفضالة
لولا ان المهتدي ايفن رأى فيك ما يدعوه لاعتناق هذا الدين لما فعل
لولا انك كنت الممثل لهذا الدين لما فعل
اختي لك التهاني وتقبل الله منك |
اخي العزيزي توفيق عبد المجيد حبابك يابا وحباب طلتك الغيمة الجابت خريفنا باكرية
طلتك الحنينة العطرت البوست بكلامك البرد الروح كلامك المارق من الجوف بصدق احاسيسك الشفيفة ونبلك يا كريم
اسعدتني ايما سعاده يعلم الله بي كل كلمة كتبتها وبي ردودك الكافية ووافية , لا فض فوك يا خوي
كتر الف خيرك على كل السمح الجاني من تالاك يا توفيق يا خوي
ويا ريتك لو معانا وإن شاء الله ماضين في الدرب , والجاي بإذن المولى تحضر معانا والهداية الجات لي عمنا آيفن عقبال ما تجيب لينا غيره كتير وكتير
ربي يهنيك بالسمح البعجبك يا خوي
عقبال ما نبارك ليك الجديد البفرحنا كلنا إن شاء الله
وشكرا لوقفتك المقدرة جدا يا الحنين
تسلم احي توفيق ربي يسعدك بقدر سعادتك لي يا يابا ..
|
Post: #81
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-05-2011, 12:24 PM
Parent: #80
Quote:
الأخت أسماء
أسال الله أن يجعل عملكم خالصاً لوجهه الكريم ومتقبلاً عند الله تعالى
هذا هو الرصيد الذي سينفعكم يوم القيامة بإذن الله
وهذا أفضل ما ستحصلونه وأنتم في غربتكم..
وفي الحديث عند البخاري:
"فَوَاللَّهِ لأَنْ يُهْدَى بِكَ رَجُلٌ وَاحِدٌ خَيْرٌ لَكَ مِنْ حُمْرِ النَّعَم"
تقديري واحترامي |
حبابك اخوي عماد حسين وحباب طلتك الحنينة يابا
اللهم آمين يا رب العالمين جمعا إن شاء الله يا خوي
والله في الدنيا دي يا عماد يا خوي مانا بندور غير رصيدا ينفعنا لي اليوم الما بنفع فيه غير العمل الصالح
والسترة في الغربة دي
رد الله غربتنا جميعا
وكتر خيرك يا ود القبائل طلتك علينا
تسلم إن شاء الله
|
Post: #82
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-05-2011, 12:36 PM
Parent: #81
| Quote: يا سلام يا اسماء، هذا كلام معبر.. ربنا يجزيك كل خير أنت وأسرتك الكريمة. |
العوض ود عمي الطيب كيفنك يابا يا العديل وطيب
الحمد لله رب العالمين \و ربنا يسهل لينا إنجاز آخر \اللهم آمين يا رب العالمين
يهدي الجميع ويسهل للعم آيفن
تحياتي وتقديري لمرورك الجميل
|
Post: #83
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-05-2011, 12:41 PM
Parent: #82
Quote: هنيئاً للعم ايفن وأعانه
وهنيئاً لكم أخوتي أبناء الجنيد
وتقبل الله |
وهنيئا لينا بي طلتك الحنينة دي يا ابو عبيدة يا خوي
حبابك يا ابو عبيدة يا خوي وشكرا لي مرورك الجميل يابا
|
Post: #84
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-05-2011, 12:54 PM
Parent: #83
Quote: سلامات يا أسماء .. وفي ميزان حسناتك
كلامك الفوق دا صااااح .. مرة واحد صيني معاي في الشغل .. برضو قصتو زي قصة العم آيفن دا
الفرق الوحيد بينهم إنو الصيني ما كان مؤمن بي أي حاجة .. فلسفة الحياة عندو مرتبطة ارتباط وثيق
بي نظرية داروين .. بعد شهور وشهور من المساجلات في الموضوع دا قرر يبقى مسلم بي فهم غريب جدا !!
فهمو إنو لو طلع في قيامة وبعث وحساب وجنة ونار زي ما كنت بقول ليهو يبقى خير وبركة
ولو طلع مافي أي حاجة من الكلام دا يبقى ما خسران حاجة .. لأنو برضو ما بشرب كحول ولا سجائر ومتزوج
غايتو ..
دا الربنا قدرنا عليهو
إسلام صيني |
حبابك ياخوي محمد عمر جبريل البركة في الطلة بعد غياب اريتك طيب يا الحنين
قلت لي إسلام صيني لوووولز يا حليلك والله
إنت عارف المهم بسطت الإمور وما صعبتها عليهو
شوية شوية زولك ده بقتنع إن شاء الله وربنا بيهديه
المهم ما تطفشوا زي كتار طفشوا ناس بالجد عندهم الرغبة
تعرف امس القريبه دي يا محم كنت مع صاحبتي وباركت وفرحت للعم آيفن
وقالت لي والله يا سوما جارتي طبيبة نفسانية
في اسرة باكستانية عن طريقهم اسلمت اسرة آيرشيه وعندهم بتين صغار في سن ال 9 وال 10 سنة
لكن البكستانيين شابكين ليك البنات كل ما يعملوا حاجة ولا يخطو خطوة
شابكنهم ليك النار النار .. تصدق البنات جاتهم حالة بتاعة عدم تركيز وشرود وخوف عجيب
وبقوا اهلم يجيبوهم لي الطبيبة النفسانية دي تعمل ليهم جلسات علاج ..
اها شفت جنس ده البطفش من كل شيء
ربنا يعين بس
شكرا اخي محمد على مرورك السعدني جدا والله
تسلم كتير
|
Post: #85
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-05-2011, 01:00 PM
Parent: #84
Quote: مبروك يا أسماء للعم آيفن دخوله الاسلام
وجلعلها الله في ميزان حسناتكم انتِ والفاتح
الصادق |
حبابك يا الصادق اخوي ,و كتر خيرك وتسلم كتير على الدعوات والأمنيات الطيبة
ربنا يسمع منك إن شاء الله
اللهم آمين يا رب العالمين
شكرا لمرورك الجميل يا اصيل
|
Post: #86
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-05-2011, 01:08 PM
Parent: #85
| Quote: شىْ مفرح أختى اسماء ونسأل اله ان يثبت لك ألأجر وأن يثبته على ألأسلام ويجعل خاتمتنا جميعآ بكلمة لا إله إلا الله. |
حبابك يا إسماعيل يا خوي اريتك طيب إنت واسرتك يا رب
اللهم آمين يا رب جمعا يا إسماعيل اخوي
ربنا يحسن خاتمتنا جميعا
ويهدي الجميع يا رب
تحياتي وتقديري لمرورك الجميل اخوي إسماعيل
|
Post: #87
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-05-2011, 01:30 PM
Parent: #86
Quote:
وكتين اشتهيت عيشة الغبش
لقيتي دربك وإنت في بلد الطرش
خربانة هي ام بنايةً قش
والخير في جبين الخير معرّش
وعمو آيفن سوى دايفن
مرة واحدة جاك بعاين
دنياه الجديدة كيف حالا زاين
والله يجزيك يا معاون
على سواتك من دون غباين
بذلتي جهدك ويّا زولك والحال هو باين
إن شا الله يتثبّت أجركم والعواقب في الجناين
في جِنان مدخولها باين
لي كل زول وكل كاين
امسكوا الخشب الملوّن
قلنا ليهم الله هوّن
وفزتوا بالسبق المدوّن
في حسابكم الله دوّن
يا بخت من الله أدّاه وتعاون
لي نعمة الإسلام أدّى وتمنّن
شالها دعوة من دون أذى أو حتى منّ
الله ينعمه بي كل لذيذ كان حتى من
تسلمي
والفاتح
اللهم تقبّل يا الله
يا كريم ورحيم |
حباب ابو شيمة حبابك يابا وطلتك حبابا يا البتجينا بي خيرك وبتنثر فينا ديمه عبيرك وحروفك الدرر
تسلم يا خوي وتسلم ايامك
شاحده ليك الله تتعلا ما تدلا ويفتح عليك وين ما تقبل ويسعدك زي ما اسعدتني بي كلماتك
وكتر الف خيرك على السمح الجاني من تالاك يا الأصيل
ربي يهدينا جميعا لعمل الخير ويحسن خاتمتنا إن شاء الله
شكرا ليك مارقة من الجوف لمرورك الفرحنا وسر بالنا يعلم الله
|
Post: #88
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-05-2011, 02:49 PM
Parent: #87
Quote: بارك الله لكم وبارك فيكم
وهذا هو التمثيل الحقيقي للاسلام في بلاد الاديان الاخري فلو لا عشرتكم الطيبة و تعاملكم الكريم لما عرف الاسلام و انجزب اليه
وفقكم الله اكثر و اكثر
وحسب كل من دخل في الاسلام علي يديه اجرا لكم |
مرحب حبابك العم الجليل شادول وحباب طلتك السمحة ومفرحة
تسلم والله وكتر الف خيرك على كلامك الطيب في حقنا
ربي يسعدك ديمة إن شاء الله ويديك الف عافية يا رب
تسلم وتسلم ايامك إن شاء الله على الدعوات الجميلة
ربنا يسمع منك , اللهم آمين يا رب العالمين
|
Post: #89
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-05-2011, 02:58 PM
Parent: #88
Quote: قال الله تعالى (( ولو كنت فظا غليظ القلب لانفضو من حولك)) آل عمران
مدخل العم ايفن للاسلام كان من خلال تعاملك الراقي انت والاخ الفاتح واسرتكم الكريمة ...
نسأل الله ان يثبته على دين الاسلام وان يجعل ذلك في ميزان حسناتكم ...... |
حبابو عمر ود عمي عثمان حبابو العزيز عقابو
كيفنك ووليداتك وامهم
يعلم الله ليك وحشة يا الحنين
اريتكم طيبين وسالمين
كتر خيرك يابا على كلامك الطيب وتعبيرك الفرحنا وملانا سعادة يعلم الله
ربنا يهدي الجميع ويسهل على العم آيفن ويوفقه في حياته إن شاء الله
ونسأل الله له الثبات
ربنا يتقبل منك صالح الدعوات
اللهم آمين يا رب العالمين
|
Post: #90
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-05-2011, 03:00 PM
Parent: #89
| Quote: اثابكم الله ال الجنيد |
الهم آمين يا رب العالمين ,, تسلم استاذ عماد الشبلي تسلم كتير كتير
حبابك وكتر خيرك على مرورك الجميل
|
Post: #91
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-05-2011, 11:22 PM
Parent: #90
Quote: لان يهدي الله بك رجلا خير إليك من حمر النعم
اصعب اللحظات هي لحظات الإنتظار
واقواها في النفس هو قول الشهادة من شخص ينطقها اول مرة
تحس بأن القشعريرة تملاء جسدك كله
نسأل الله ان يثبته ويثبتكم ويثبتنا جميعا على دينه دين الحق
فنعم العمل ونعم الرجل ونعم التغير |
اخي العزيز طارق سيد احمد حبابك يابا واريتك طيب
فعلا لحظات صعبة جدا والله يا طارق يا خوي
كنت مع صديقتي بنزازي بي برة لغاية ما تم كل شيء بسلام الحمد لله وجوا الجماعة طالعين
واصعب لحظة حين رأيت الفيديو وسمعت كيف كان نطق الشهادة
والله موقف بجد يهز الإنسان مهما كان قوي
اللهم آمين يا رب العالمين نسأل الله له الثبات على دينه دين الحق
وربنا يهدي الجميع إن شاء الله
الف شكر وتقدير ليك اخي طارق
وشكرا مارقة من الجوف لمرورك الذي اسعدني ايما سعادة يعلم الله
تسلم يا خوي
|
Post: #92
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-05-2011, 11:30 PM
Parent: #91
Quote: الله اكبر كبيرا والحمد لله كثيرا وسبحان الله بكرة واصيلا
وفي ميزان حسناتكم يا اختي العزيزة اسماء والاسرة
وجزاكم الله عن الاسلام والمسلمين خير الجزاء
|
حبابك اخي عمر صديق اريتك طيب وحالك زين
اللهم آمين يا عمر يا خوي
ربنا يسمع منك صالح الدعوات
ويهدينا جميعا لعمل الخير
ويسهل إمورنا دنيا وآخرة ويحسن خاتمتنا إن شاء الله
تسلم اخي عمر وتسلم ايامك إن شاء الله
وشكرا لمرورك الجميل
|
Post: #93
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 07-06-2011, 09:38 AM
Parent: #92
Quote:
الله أكبر، ولله الحمد.
ورد عنه صلى الله عليه وسلّم أنه قال: (إنما بُعثتُ لأُتمم مكارم الأخلآق.)
بإسلآم عمنا آيفن، فقد إكتملت مكارم الأخلآق في شخصة وصار عمله
متقبلاً بمشيئة الله تعالى.
أسأل الله العلي القدير أختي بت الجنيد أن يصرف الله سبحانه وتعالى
عنك وزوجك وأولآدكم بهذا العمل مصائب الدنيا، وينزلكم به منازل
الصديقين والشهداء يوم لا ينفع مال ولا بنون إلا من اتى الله بقلب
سليم.
كانت أصعب لحظة في حياتي يا اسماء يوم حضرت شخص
يعلن إسلآمه بالمسجد. شعرت كأنني خارج دائرة الدنيا،
وأفقت علي صوت دموعي وهي تتساقط علي الكاربت.
حدثني أحدهم أنه مقتنع بالإسلآم وليس لديه فيه آدنى شك.
لكن الذي يحول بينه وإعتناقه أنه مُدمن للخمر ولا يستطيع
أن يتخلى عنها، فقلت له: اسلم واسكر لا عليك... |
حباب اخوي ود المدير حبابك بالكتير والله
طلتك امانة مي حنينة يا معاوية يا خوي
يشهد الله يا معاوية اخوي ,, عشت اللحظات دي مع العم آيفن بشعور لا يعلمه إلا الله
إحساس بالرهبة والفرحة والسعادة التي تحلق بك بعيدا عن الدنيا وملذاتها
نسأل الله ان يجعل في هذا العمل الخير الكتير وان يصرف عن العم آيفن كل الشرور
وان يثبته على دين الحق
ويسهل إمورنا في هداية غيرنا ويمتعنا جميعا بأعمال الخير ويصرفنا عن ملذات الدنيا الزائلة
ويحسن خاتمتنا إن شاء الله
نصيحتك للشخص الذي لديه رغبة في دخول الإسلام ويتعاطى الخمر
نصيحة تيسر له دينه , وبإذن الله الواحد الأحد الذي حببه في الإسلام يهديه إن شاء الله ويصرفه عن كل الكبائر
الهداية من عند الله وحده
تسلم يا ود المدير وتسلم ايامك يابا
|
Post: #94
Title: Re: *** وبحمد الله دخل العم آيفن الإسلام ***
Author: اسماء الجنيد
Date: 08-21-2011, 08:30 PM
Parent: #93
الحمد لله رب العالمين قادر على كل شيء
بحمد الله صام العم آيفن شهر رمضان ,, ما اكذب عليكم كنت شايلة هم , قلت الراجل يا دوووووب اسلم وفي بلدهم الساعاتها طويلة دي
يا ربي اول تجربة للراجل ده شهر رمضان , بقدر يصوموا ولا حايكون صعب عليهو ’ علما بأنه عدد ساعات الصيام في إيرلندا اكتر من 18 ساعة تقريبا
لكن الحمد لله من اول الأيام قال لي إن شاء الله اصوم الشهر ,, وفعلا مستمتع جدا ببرنامجه الجديد في رمضان , تعب شوية التلاتة يوم الأوائل , لكن الحمد لله
قال سعيد ومرتاح جدا لصيامه ,, دعواتكم عليكم الله ربنا يساعده ويثبتو على دين الحق ويهدي الجميع
|
|