شرفتوني وشرفتوني وقدرتوني وغزرتوني وبكيتوني بي وقفتكم ودعواتكم وإهتمامكم يا اعز أهل واقرب حبايب اجازيكم في السمح البعجبكم وفي جديدكم وفي فرح وليداتكم ,, فرح الوليدات ده احلا من كل الأفراح فرحانة بيكم يعلم الله والمرض الحااااار ده حبابو ألف الجمعكم حواليني وجابكم لي مهرولين اهديكم كل المحبة الفي القلوب وكل الأمنيات الطيبة ليكم جميعا يا اطيب ناس واقرب اهل ربي يقدرني على جزاكم يا حبايبي الحلوين كلكم
حبايبي الحلوين اهلا جوني وانا ما قايل في ناس زي ديل بدوروني جوني زاروني شايلين ازهار شايلين الليل قلبوهو نهار انا ما قايل سمحين زي ديل بدوروني حبي المكتوم عملوهو جهار والشافم قال قل الاهار انا ماقايل حلوين زي ديل بدوروني طلع العزاز من الخدور اتناصفن زي البدور انا ما قايل سمحين زي ديل بدوروني بدور كتار ماشين بالدور اشكال والوان زي ما تدور انا ماقايل سمحين زي ديل بدوروني ادب واخلاق رقه وشعور خدود لامعات ومسايا نور انا ماقايل سمحين زي ديل بدوروني رايقات حنان يمسن عطور دا شباب ياناس فضح البنور انا ما قايل سمحين زي ديل بدوروني بعد الدروس جن ذاكرن للحفله فجاءة اتذكرن انا ماقايل سمحين زي ديل بدوروني موضه وقياف ماتنكرن احتلو الحفله وعسكرن انا ماقايل سمحين زي ديل بدوروني نزلو الرقيص وماجا الشباب تلقى الفرح وتلقى الاحباب انا ماقايل سمحين زي ديل بدوروني بعد الزواج دا اول باب ودايرين ندخل رغم الاسباب انا ماقايل سمحين زي دل بدوروني حبايبي الحلوين اهلا جوني وانا ماقايل في ناس زي ديل بدوروني
ود امي المطرطش حبابك يابا تسلم يا عشانا يا ضل السحابا عاد كان قلت ليك زدتها كوز مويه بتصدقني آآآآآآآلحنين بي وييييييييين الدلع في بلد العجم زول ساااااي يهببو ليك مافي علا كان كت في الجنيد وحات الله مش كوز موية! وحات خوتك كان كسرت ترعة الكنار في الحلة واتدلعت فوق اهلي الغبش الملانين محنة حليلي انا آآ يابا وحليلي غربتي الله من فوق يلم شملنا كلنا قول آميــــــــــــــن
Post: #39 Title: Re: *** حبايبي الحلوين اهلآ جوني *** Author: احمد محمد بشير Date: 03-26-2011, 06:13 PM Parent: #38
سلامات سومة.. واجر وكفارة. عافية وصحة كده على الدوام ودي اخر وعكة انشاء الله.
Quote: متعك الله بالصحة والعافية اختنا الرائعة بت الجنيد والف حمدا لله على السلامة ++ معليش ما كنا قايلين غلب الهلال بعمل فيكم قدر كدا..!
حبااااااب اخوي عاد ود فضل المولي على فكرة فضل المولى ده جدي لزم تسلم تسلم يا ود جدي من كل بلا لكن ما بالغت معاي ياخ طلعت لي مريخابي وكاواي !! دمعي الإتشتت وغلبوا اللقاط هسة اقوم اشكيك على حبايبي الحلوين المعاك في البروفايل ده ,, دقر العين دقر يا يمة ربي يفظهكم إن شاء الله
Post: #48 Title: Re: *** حبايبي الحلوين اهلآ جوني *** Author: مها عبد الله Date: 03-26-2011, 08:58 PM Parent: #47
سمو الأميرة سوما كما يحلو لخلَو مناداتك منورة المنبر العام ، مافي أيقونة زغرودة علشان نطلقها في المنبر بس فرحانين بطلتك الجميلة و إن شاء الله تكوني تعافيتي وملكتي الصحة والعافية يا رب
بخصوص شمارات المنبر ، تعرض المنبر لصباح اليوم لعملية هجوم بتوما هووك نوع ( هكوري ) ولا زالت ( كع كرع كررع ) مسيطرة علي الجو بصورة عامة .
اهليــــــــــــن بهاء يا قريبنا قبال نسلم ونشرب حاجة نحن حاجزين البنوتة العسل دي ما شاء الله ولاااااااااااا كلمة ما بنقبلا غير موافقين ربي يحفظها إن شاء الله ,,, ما شاء الله عليها والله تسلم تسلم يا بهاء على طلاتك الديمة حنينة وكريمة
الاخ الفنان عصام محمد نور والاخ الموسيقي المبدع ناجي تاج السر يقرونك السلام والامنيات بالصحة والعافية
وبيهدوك اكاليل الورود واجمل ما تغني به المطربون من اغنيات الفرح والجمال والحب
مودتي
يا سلاااااااااااااااااام على طلتك المشرقة يا إحسان المتألقة تسلمي يا صاحبة الإبتسامة الفرايحية مشتاقين يا حنينة من بطن الحنان امانة طلتك مي حنينة يا الحبيبة سونا جايبة معاك ريحة السمحين الطيبين وسلامهم الدافيئ بالله سلامي واشواقي لعصام الغالي ولي ناجي وقولي ليه بينا تار اصبر النلم فيك بس تسلمي يا سونا وتسلم كل ايامك ويا بختكم بي الزول النبيل عصام محمد نور وقول لي ليه ياخ نكتتك الأخيرة دايره تضيعني وتفجر عمليتي لووولز ابقى ظاهر وما تطول الغيبة يا حبيبنا بختكم والله يا سونا اسمعي لي معاك محبتي الاكيدة لكم جميعا
Quote: ألف حمد لله على السلامة أجر وعافية وكفارة ذنوب يا بت ابوي الجنيد
ود عمي العريس النفض الكيس حبابك آآآ بوي اريتك طيب وباقي عشرة على ملايكتك ابقي عشرة عليهن ما يقوم يأرشفن ليك بكري اب صلعة مع الربع التاني ده يكري بسويها باقي مطرطش اكتر من المطرطش قريبي والله صحي
والف لا بأس عليك .. وحشتينا شديد .. البلد ديك ما نفعت معاك تعالي راجعه لي اهلك الطيبين
حباب الحنينة راوية بت عمي السر حبابك يا يمة والله الظاهر كده يا راوية ,, الشوق غلااااااااااب والمحنة جابداني عليكم دعواتك يا الزينة يا دهب الخزينة دعواتك ربنا يجمع شملنا إن شاء الله قريب كل المعزة لك
حبيبتنا وقريبتنا بت بطن الأهل حبابك يمة والسعادة تبراك في كل محل تسلمي يا عشة يا خية وانا اقول دعشا المحنة ده لافحني من ياتو قبلي ! تتباركي إنتي وما تتشاركي والرز بي لبينة فيه الفال البيض الجابك لينا طلتك حنيـــــــــنة وبيضاء زي نيتك دعواتك جاتني بالعافية يا المبروكة ,, سبحة البخت جرت لينا البخاتة والحفلة الفوق دي فرحة سااااااااااااي بالحبان الجونا من كل مكان تسلمي تسلمي يا ست الناس وإن شاء الله اجازيك في سمح الوليدات وفي البفرحك ديمة
حمد الله على سلامتك بت الجنيد مع تحياتنا للفاتح والأبناء وتقول ليك ام العيال .... كفارة وتسأل عن الكرامة ... و حاضرين وكبدة وكباب ما اتنكرن احتلوا حلوقنا وعسكرن وانا ماقايل ضابحين زي ديل بعزموني
اهلا حبابك شاعرنا المرهف خضر تسلم يا ود القبائل يا سلااااااااااام عليك ياخ ذكرتني الأيام الجميلة من الزمن الجميل حتى حوش بكري كان عنده زمن اجمل من زمنا ده تسلم على النقلة الحنينة دي والعودة بنا بذكريات معتقة وكلامك السمح المارق من الجوف شكرا اخي خضر بكل الوان الطيف وتسلم كتير يا اصيل
Quote: أسماء الجنيد الف حمد لله علي السلامة....تاني وربنا يديم الصحة والعافية
حباب اخوي عباس محمود حبابك يابا تسلم يا ضلنا الحنين ما قصرت تب يابا شايفاك سيد واجب بي غادي في حوش بت العجب الحنينة نجيك في السمح البعجبك يا بوي قول آمين شكرا مارقة من الجوف
Quote: سمو الأميرة سوما كما يحلو لخلَو مناداتك منورة المنبر العام ، مافي أيقونة زغرودة علشان نطلقها في المنبر بس فرحانين بطلتك الجميلة و إن شاء الله تكوني تعافيتي وملكتي الصحة والعافية يا رب
بخصوص شمارات المنبر ، تعرض المنبر لصباح اليوم لعملية هجوم بتوما هووك نوع ( هكوري ) ولا زالت ( كع كرع كررع ) مسيطرة علي الجو بصورة عامة .
مشتاقيييييين يا خ وتاني ما تعملي ( العملية ) دي
سارة بت خالتك أقصد مها عبد الله ( لووووووووولز )
مهوية يا حبيبة روحي و قلبي لو عارفة كده يا مهوية كان عييت من زمان وعملت عملية جراحية إن شاء الله ابقى مريخ لوووووووووووولز والله خففتوا علي وشلتوا معاي همي ووزعتوه بيناتكم يا اغلا مهوية صوتك الحنين ده براه بالدنيا يا سلام يا مهوية ياخ الباقي لينا الشوفة بس ياخ يا رب بعدما اكتشفنا المسافات القريبة بينا يا رب يتحقق المنى بالشوفة يا مهوية قريــــــــــــــــــــــــــــب لكن يا حليل بكوري من ناس هكوري الشحن اللوري لوولز والله صحي اها تاني باقي الشمارات شنو يا بت امي ؟ راجياك بي فنجان جبنة تحت النيماية ديك تسلمي يا مهوية تسلمي كتير والله يا حنونة ,,,
Quote: أختنا العزيزة أسماء ياخي ألف حمداً لله على السلامة وإن شاء الله ما تشوفي شر.
كلمت جمال وسنية بمرضك وقال لي جمال حيتصل بيك وطلبت منه رقم هاتفك وهاتف الفاتح للإطمئنان على صحتك.. لكن وحاتك لحدي الآن ما أرسله لي.
طمأنينا على حالتك وإن شاء الله تكوني بلغتي كامل صحتك وعافيتك.
اخوي العزيز عزيز ود عمي عيسى حبابك يا الحنين ود الجروف والطين تسلم من كل بلا يا ضي شبابيك البيوت انت برضو ألف سلامة عليكم وعلى المدام يا رب ما تشوف شر جمال يا حليلو اتصل بي ويشكي ساااااااااااي بالمشغوليات بكون انشغل يا عزيز يا خوي ما بتقصر عارفاك سيد واجب يابا تسأل منك العافية يا رب سلامي الكتير للست المدام ولكل السرة ربي يحفظكم ويغطيكم إن شاء الله
Quote: حمدله سلامة ياسوما لك الصحة والعافية ونتمني أن تكتمل حتى تعودي أكثر أكثر قوة لك التحية وكل التقدير
شاعرنا الشفيف الوريف اخوي عبد المنعم حبابك يابا حباب طلتك البتشفي النفس السقيمة تسلم كتير يا ود البلد الأصيل دعواتك وامنياتك الطيبة وصلتنا يا ضلنا تصلك العافية وين ما كنت يا دخرينا شكرا ليك مارقة من الجوف
Quote: سارة بت خالتك أقصد مها عبد الله ( لووووووووولز )
غايتو يا مهتاشي الفيك إتعرفت. يعني تمشي تشرطي الجواز الياباني وتغيري إسمك من مهتاشي لسارة؟. وانحنا بجاى الواحد بقى يضوي من الإشعاعات ويتهوزز من غير ذنب وأسباب ( لووووووووووولز). قلتي لي قال حتى تصبح مثل اليابان ولا شنو؟ تسلمي وتسلم شاعرتنا المرهفة سوما.
يا هلا بيك يا دكتور حبابك الف يعلم الله زيارتكم لي إنت والأخوان الأعزاء دكتور سردوب ودكتور معز مع إنه العمليه دي كلو منو هو زاتو قدم مواعيدعا لوووولز والله ززيارتكم كان ليها اثر عميق جدا جدا لي كل ناس البيت جيتكم ما ساهلة والله رغم المشغوليات الكتيرة في ميزان حسناتكم إن شاء الله
قلت لي دافورى ؟؟؟ خليكم شاهدين يا سردوب ومعز انا هينة لكن الركب كيف ؟ لووولز لسة موعودين بي طلة ويوم كاااااااامل بعد الجو إتصلح يا رب ظروفكم إنتو تتصلح معانا كمان
Quote: سلامتك الف سلامة أستاذة أسماء أجر وعافية إن شاء الله
العزيز قرشي سلامات يا زول يا جميل مشتاقين والله ,, وينك طولت الغيبة ؟ إن شاء الله الإمور تمام بس ابقى ظاهر واعمل بالمثل البقول ثلث لقرايتك وثلث لراحتك وثلث للزيارة والترفيه لووولز
انا ما بقيت من عنيدكم لازم اقلب ليك المثل لوولز تسلم يا قرشي وربنا يسعدك إن شاء الله
Quote: أجـر و عافية إن شاء الله و عوداً حميداً مستطاب
ابو حسين حبابك يابا تسلم انت من كل بلا ياخوي , وسلامتك انت زااااااااااااتك من كل بلا إن شاء الله تكون ملكت العافية بس وبقيت بمب وتاني لامن نغلبكم بالله ما تشوت الواطة لوووولز إن وشتها بتكلمني صاحبتي آي حبيبتي الهلالابية والله صحي سلام كتير لي اختي وحبيبتي ست بيتك والعيال بالله سلام كتير شديد ,, ربنا يحفظكم إن شاء الله
Post: #117 Title: Re: *** حبايبي الحلوين اهلآ جوني *** Author: مها عبد الله Date: 03-29-2011, 05:21 PM Parent: #115
Quote: غايتو يا مهتاشي الفيك إتعرفت. يعني تمشي تشرطي الجواز الياباني وتغيري إسمك من مهتاشي لسارة؟. وانحنا بجاى الواحد بقى يضوي من الإشعاعات ويتهوزز من غير ذنب وأسباب ( لووووووووووولز). قلتي لي قال حتى تصبح مثل اليابان ولا شنو؟ تسلمي وتسلم شاعرتنا المرهفة سوما.
محبتي
الفاتح ميرغني بريَة يا يمة وسلامتك من الإشعاع ، بقيت تضوي زي ( الإمام ) البيضوي بالليل لوووووولز )
والله إنت مُضوي خلقة ، الجواز الياباني بعد دا شن بدوربو هههههههههههه خليني مع حبايبي الحلوين ديل
ألف ألف حمد لله على السلامة.. كم افتقدناك يا غالية.. عودا سعيدا مظفرا..
تحياتي
عزيز العزيز حبابك يا حنين ما تفقدك شينة يا بوي تسلم من كل بلا إن شاء الله ربي يسعدك بقدر ما بتسعدني بي طلاتك دي يا عزيز يا خوي كتر الف خيرك على الباقة الجميلة الملونة بالمحنة والمودة شكرا مارقة من الجوف
Quote: ألف حمدالله على السلامة حبيبتنا الغالية سوما، أشرقت الأنوار والله، عوداً حميداً مستطاب.
دكتورة سعاد يا حبيبة قسانا إنتي دائما طلتك حنينة جنس محنة الله يديك قدر نيتك الصافية ونقية دي يا اعز الناس واعز حبايبي الحلوين جيتي شايلة لي في طيك السمح الجميل من لؤي الضي الحنين صدقيني دي اجمل هدية من اغلا حبيبة زيك تسلمي إنتي يا ست الناس ويسلم ذوقك الراقي ويسلم اخونا وحبيبنا لؤي الضي الفنان المرهف الشفيف ربنا يحفظكم إن شاء الله
Post: #121 Title: Re: *** حبايبي الحلوين اهلآ جوني *** Author: Dr. Ahmed Amin Date: 03-30-2011, 00:42 AM Parent: #120
Quote: حمد الله على سلامتك بت الجنيد مع تحياتنا للفاتح والأبناء وتقول ليك ام العيال .... كفارة وتسأل عن الكرامة ... و حاضرين وكبدة وكباب ما اتنكرن احتلوا حلوقنا وعسكرن وانا ماقايل ضابحين زي ديل بعزموني
حباااااااااااابك يا محمد ود عمي الشيخ تسلم من كل بلا إن شاء الله يا رب سلامي ليك وللحبيبة المدام وللعيال الكرامة إن شاء الله بعدما نتلم إن شاء الله ونتلاقي في ارض الوطن شايفة جدو ود الموج جاب ليهو تور تحت وضبحوا في السهلة ومشا يجيب الجزارين نمشي نرحل على النيماية دي ناكل لينا مرارة حبابكم عشرة شرفتوني والله
حبابك يا رشا الحبيبة ولا يهمك يا غالية جيتك في اي وقت حبابا نجيك في السمح البعجبك يا رب وتسلمي من كل بلا خلاص الحمد لله قمت بالسلامة , يلا تعالي شرفينا والكرامة جااااااااهزة منتظراك
Quote: قلت لي دافورى ؟؟؟ خليكم شاهدين يا سردوب ومعز انا هينة لكن الركب كيف ؟ لووولز لسة موعودين بي طلة ويوم كاااااااامل بعد الجو إتصلح يا رب ظروفكم إنتو تتصلح معانا كمان
سوما الغالية مليون سلامة ليك وما تشوفي شر كتلتيني بالضحك ياخي دة قووووووووووووون مبالغة انا من قريت الدافوري دة شلت هم الاونكول في حوادث العظام وما بعيد يعملوا حوادث منفصلة للركب غايتو معاكم شكلو محتاجين لبرنامج الصلات الطيبة الف رحمة علي الراحل محجوب عبد الحفيظ
عزيز العزيز حبابك يابا حبابك يا العزيز عقابك تسلم من كل شر إن شاء الله يا عزيز يا حنين حباب طلتك في كل وقت يابا طلتك بتسعدنا وبتفرحنا يعلم الله شكرا أردب محنة ياخوي
Quote: غايتو يا مهتاشي الفيك إتعرفت. يعني تمشي تشرطي الجواز الياباني وتغيري إسمك من مهتاشي لسارة؟. وانحنا بجاى الواحد بقى يضوي من الإشعاعات ويتهوزز من غير ذنب وأسباب ( لووووووووووولز). قلتي لي قال حتى تصبح مثل اليابان ولا شنو؟ تسلمي وتسلم شاعرتنا المرهفة سوما.
محبتي
لوووووووووووولز يا الفاتح اضحك الله سنك ياخ
عارف يا الفاتح مهوية الحنينة دي اتصلت بي تلفون الصوت صوت بت خالتي زاتووووو لما نطيت لووووووولز قلت ليها بت خالتي دي الجابها بي جاي شنو .. عشان كده قالت لي معاك بت خالتك لوووووووولز التحية ليك ولي مها الحبيبة
Quote: يا رجاله افو بت الجنيد بجلالة قدرها تجو شايللكم ورد فى ايدينكم هسه نودى وشنا وين مع الفاتح.. بت الجنيد ما كرامتك علا العين بصيرة واليد قصيره،،،،
اجشششششش يا يمة حال الهنا والمني انت عاد الزيكم منو يا يابا خليتني وقفت في نص البيت وزغرتلك يا ود اعمي الكلس الما بعرف يلم القرش دقر دقر دقر يا يمة لكن امانة ماك عزاااااااااال تور الهنا يا خوي عيني باااااااااردة والله صحي ده يكفي حوش بكري والحيشان الجمبو إن شاء الله يا ود عمي الموج في جديد وليداتك ووليدات خلوصة تبقي جد ا حفاد أحفادك قول آمييييييييين النشوف مها دي تجي تسويلنا الشطة بي الليمون ياها البتقدر عليها لوووووووولز باقي هي بت بنادر ساااااااي
Quote: الفاتح ميرغني بريَة يا يمة وسلامتك من الإشعاع ، بقيت تضوي زي ( الإمام ) البيضوي بالليل لوووووولز )
والله إنت مُضوي خلقة ، الجواز الياباني بعد دا شن بدوربو هههههههههههه خليني مع حبايبي الحلوين ديل
شفتي يا مهوية الفاتح ده بضوي من بوستيه حق اضواء على اليابان لوووولز والله صحي امشي اتفرجي فيهو اجيششششش يا يمة ما تشوفيهو بضحك معانا ومبارينا انتي وانا ناس قريعتي راحت ديل لوووووووولز وحاتك يا خية تلقيهو بي غادي ما تعرفيهو ,, دبلوماسي وطلبو قاسي لوووووووووولز شيء وزراء وشيء رؤساء وشيء امراء وشيوخ وعييييييييييييك اسكتي ساااااااي عيني باااااااااردة ياخوي هي علا يا حليلو يا بت امي متواضع محنة منه سااااااااااي والله صحي
الفاتح ومهوية ضويتو لي البوست وحياتي كلها يا حبايبي الحلوين والله صحي
Post: #143 Title: Re: *** حبايبي الحلوين اهلآ جوني *** Author: محاسن أحمد محمد Date: 04-02-2011, 03:47 PM Parent: #142
الحبيبه شاعرتنا الراقيه الف سلامه وحمدعلى السلامه واكيد دايرين نسمع كـلامك السمح واشعارك الجميله وحضورك المتواصل وما تشوفى شـر تانى
Post: #144 Title: Re: *** حبايبي الحلوين اهلآ جوني *** Author: هاشم أحمد خلف الله Date: 04-02-2011, 04:02 PM Parent: #1
الف حمدا لله على سلامتك يا سوما وما تشوفي شر اجر وعافية بإذن الله تحياتي لاسرتك الغالية
Quote: شاعرتنا المرهفة سوما ألف حمدا" لله علي السلامة و إن شاء الله ما تشوفي شر ..زي مابقولو المبدع مصاب , بس إن شاء الله عندكم بخور تيمان في إيرلندا ؟
يا حباب الطلة يا البروف الراقي الأنيق المقابل حبابك والله وسمح اليوم اللينا جابك ’ اولا عذرا للتاخير الما باليد ولا بالخاطر والله, تسلم من كل بلا وتسلم ايامك يا بروف وكتر خيرك على الطلة الحنونة والوصية الغالية ذكرتني اهلي الحنان والله بي بخور التيمان , اختك سوما زاتها ما حبوبا يا خوي كتر الف خيرك اخي العزيز وشكرا من تاني للطلة المفرحة
Quote: سوما الغالية مليون سلامة ليك وما تشوفي شر كتلتيني بالضحك ياخي دة قووووووووووووون مبالغة انا من قريت الدافوري دة شلت هم الاونكول في حوادث العظام وما بعيد يعملوا حوادث منفصلة للركب غايتو معاكم شكلو محتاجين لبرنامج الصلات الطيبة الف رحمة علي الراحل محجوب عبد الحفيظ
سلام يا دوك سردوب مشتاقين والله لوووووووووووووووووولز شفت صاحبنا محمد جاب الكلام لرقبتو براه لووووووووولز بعدين ما لقى غير الدافوري ! والله يا دكتور محمد مكي ياخ يا حليلك بقينا ليك بالمرصاد الأتنين سردوب وانا حقك علينا والله اريتك طيب يا سردوب ، ليك التحية انت والعزيز دكتور محمد الرجل الجميل من الزمن الجميل
الحبيبة الغالية محاسن حبابك يا حنونة تسلمي من كل بلا يا خية من بطن الأهل السعادة تبراك في كل محل والعافية تبقالك رفيق طول الطريق قولي آمين يا عزيزة ’’’ شكرا لطلتك السمحة زيك ..
Quote: عزيز العزيز حبابك يابا حبابك يا العزيز عقابك تسلم من كل شر إن شاء الله يا عزيز يا حنين حباب طلتك في كل وقت يابا طلتك بتسعدنا وبتفرحنا يعلم الله شكرا أردب محنة ياخوي
الله يخليك ويحفظك من كل شر يا أختنا الاستاذة/ اسماء الجنيد..
