Post: #1
Title: *** أهديك سلام ***
Author: اسماء الجنيد
Date: 08-20-2010, 04:26 PM
Parent: #0
بهديك سلام ****
بهديك سلام شوقا لهب ..
شايل معاه ريدى الغلب..
بهديك كلام ..منضوم غنى .. لحنا طرب..
يرقص مع النجم .. البشع وسط الشهب..
يناضم النيل الموالف .. لى بسيمات السحب ..
يجمع شتات قلباً تعب ..
بهديـــك حنـــــــــــــان....
يقا لد النخل المهدل فى القيوف..
زى سواد ليلا مجدع فى الكتوف ..
يحكى قصة ريد ولوف ..
قاعد يفتش فى الصفوف ..
تقعد اولوف .. وتقوم اولوف..
تتشابا للقمر البطوف ..
الضاوى فى رمل الجروف ..
بهديك قليـب ينبض عشق يهتف صدق
حانى وعطوف ..
وبراك تشوف ..
كيفن بعزك .. وكيف بلاك بنسا الحروف..
كيفن معاك بتحدى قاموس الكلام ..
واتحدى بيك كل الظروف..
وفيك افوق حد الوصف ..
ما انت رمانه ..تشتاق للقطوف
بهديك عمر .. بهديك امل…
الوانو من كل الطيوف...
الوانو من كل الطيوف...
اسماء الجنيد
|
Post: #2
Title: Re: *** أهديك سلام ***
Author: 7abib_alkul
Date: 08-20-2010, 04:38 PM
Parent: #1
اسماء الجنيد
|
Post: #3
Title: Re: *** أهديك سلام ***
Author: اسماء الجنيد
Date: 08-20-2010, 04:57 PM
Parent: #2
تسلم يا حبيبنا يا حبيب الكل
ربي يملاك عافية بقدرما مليتني سعادة
بركة الشهر الكريم والايام السمحة
|
Post: #4
Title: Re: *** أهديك سلام ***
Author: محمد أبوالعزائم أبوالريش
Date: 08-20-2010, 05:01 PM
Parent: #3
أم رامي ........... (مش كده صاح؟)
كلامك سمح بالحيل
|
Post: #5
Title: Re: *** أهديك سلام ***
Author: Tragie Mustafa
Date: 08-20-2010, 05:07 PM
Parent: #4
المبدعه اسماء الجنيد
رمضان كريم يا اخي
اطربتينا بكلماتك العميقه مع هذا الصباح المبارك
Quote: بهديك سلام ****
بهديك سلام شوقا لهب ..
شايل معاه ريدى الغلب..
بهديك كلام ..منضوم غنى .. لحنا طرب..
يرقص مع النجم .. البشع وسط الشهب..
يناضم النيل الموالف .. لى بسيمات السحب ..
يجمع شتات قلباً تعب ..
بهديـــك حنـــــــــــــان....
يقا لد النخل المهدل فى القيوف..
زى سواد ليلا مجدع فى الكتوف ..
يحكى قصة ريد ولوف ..
قاعد يفتش فى الصفوف ..
تقعد اولوف .. وتقوم اولوف..
تتشابا للقمر البطوف ..
الضاوى فى رمل الجروف ..
بهديك قليـب ينبض عشق يهتف صدق
حانى وعطوف ..
وبراك تشوف ..
كيفن بعزك .. وكيف بلاك بنسا الحروف..
كيفن معاك بتحدى قاموس الكلام ..
واتحدى بيك كل الظروف..
وفيك افوق حد الوصف ..
ما انت رمانه ..تشتاق للقطوف
بهديك عمر .. بهديك امل…
الوانو من كل الطيوف...
الوانو من كل الطيوف...
اسماء الجنيد |
تلسمي على هذا الجمال.
|
Post: #6
Title: Re: *** أهديك سلام ***
Author: اسماء الجنيد
Date: 08-20-2010, 05:09 PM
Parent: #4
Quote: أم رامي ........... (مش كده صاح؟)
كلامك سمح بالحيل |
حبابك يا محمد آى نعم صاح يابا
تسمح ايامك وتتبارك ما تتشارك بركة الشهر الفضيل
قول آمين
ام رامي وفي رواية اخرى حبوبا سوما لوول
شكرا يا محمد للطلة الحنينة
وناولني معاك جغمة آبري
شكرا دعوات طيبين
|
Post: #7
Title: Re: *** أهديك سلام ***
Author: اسماء الجنيد
Date: 08-20-2010, 05:15 PM
Parent: #6
Quote: المبدعه اسماء الجنيد
رمضان كريم يا اخي
اطربتينا بكلماتك العميقه مع هذا الصباح المبارك |
الاخت تراجي رمضان كريم وصباحك باهي وسعيد وجمعتك مباركة ان شاء الله
تسلمي علي كلماتك الطيبة وشكرا بابين وطاقة
|
Post: #8
Title: Re: *** أهديك سلام ***
Author: لؤى
Date: 08-20-2010, 05:50 PM
Parent: #1
Quote:
*** أهديك سلام ***
|
سوما
مساء الخير
يا سلااااااااااااام يا سوما
زمن ما بتكتبي حاجاتك الجّميلة دي
بالله واصلي دفق الحروف المنضومة بالشّكل الجّميل دا
تحاياي
|
Post: #9
Title: Re: *** أهديك سلام ***
Author: Hayat Hussien
Date: 08-20-2010, 06:00 PM
Parent: #8
اسماء يا رائعة روعة كلماتك وابداعك
كل سنة وانتي طيبة ورمضانك مبروك وكريم
والله يخليك ومن عين خلقو يحفظك ويغطيك
|
Post: #10
Title: Re: *** أهديك سلام ***
Author: النذير حجازي
Date: 08-20-2010, 06:08 PM
Parent: #9
|
Post: #11
Title: Re: *** أهديك سلام ***
Author: حبيب نورة
Date: 08-20-2010, 06:16 PM
Parent: #10
كلام زي السكر يا سومة
تسلمي كتير
|
Post: #12
Title: Re: *** أهديك سلام ***
Author: اسماء الجنيد
Date: 08-20-2010, 06:43 PM
Parent: #11
Quote:
سوما
مساء الخير
يا سلااااااااااااام يا سوما
زمن ما بتكتبي حاجاتك الجّميلة دي
بالله واصلي دفق الحروف المنضومة بالشّكل الجّميل دا
|
اهليييييييين يا لؤي
تسلم والله يا ضي شبابيكنا
تعرف يا لؤي الحالة العلي قايمة بي سدااااااري لووول
قال ليك غربة وشوق وسفر ياخ البعد ياخ
كااااااااابين الجرسة صاحبك وانا
يلا نزل لي عزف من ولا لحن حنين من عنديكم بالله وصلحوا
سلامي واحترامي يا ابو اللوووول
|
Post: #13
Title: Re: *** أهديك سلام ***
Author: اسماء الجنيد
Date: 08-20-2010, 06:46 PM
Parent: #12
Quote:
اسماء يا رائعة روعة كلماتك وابداعك
كل سنة وانتي طيبة ورمضانك مبروك وكريم
والله يخليك ومن عين خلقو يحفظك ويغطيك |
الحبيبة المن القليب قريبة حياة حسين
اللهم ىمين يا غالية
يا سلام عليك دي دعوات وامنيات بالحيل سمحات في الايام المبروكة دي
تلقي مرادك انتي ان شاء الله
ورمضان كريم عليك وكل سنة وانتي دائما بالف خير وكل من معك
تسلمي كتير كتير
وشكرا ليك نيلين ومقرن
|
Post: #14
Title: Re: *** أهديك سلام ***
Author: اسماء الجنيد
Date: 08-20-2010, 06:52 PM
Parent: #13
الاخ النذير كل سنة وانت طيب ورمضانك كريم
وين اراضيك انت يا ابن العم
ان شاء الله طيب وكل الاهل ان شاء الله
شكرا يا النذير علي المرور الجميل
تسلم يا ود البلد
|
Post: #15
Title: Re: *** أهديك سلام ***
Author: اسماء الجنيد
Date: 08-20-2010, 06:55 PM
Parent: #14
Quote: كلام زي السكر يا سومة
تسلمي كتير |
حبيب نورتنا
وطلتك حنينة جنس محنة يا العشا
تسلم كتير وشكرن علي قولك غزيرااااااااا
والشكر ليك قصب سكر
|
Post: #16
Title: Re: *** أهديك سلام ***
Author: لؤى
Date: 08-20-2010, 07:05 PM
Parent: #12
Quote:
تعرف يا لؤي الحالة العلي قايمة بي سدااااااري لووول
قال ليك غربة وشوق وسفر ياخ البعد ياخ
كااااااااابين الجرسة صاحبك وانا
يلا نزل لي عزف من ولا لحن حنين من عنديكم بالله وصلحوا
|
الـمصير كيف معاك ؟ 
.
|
Post: #17
Title: Re: *** أهديك سلام ***
Author: اسماء الجنيد
Date: 08-20-2010, 07:14 PM
Parent: #16
| Quote: الـمصير كيف معاك ؟ |
بالغت معاي طبعا
بقيتوا علي انت والزمن وعصام محمد نور
برائعة ابراهيم عوض الله يرحموا
لكن انت ياكا انت
جميل في اختيارك حتي لو حبيت تكايد
شكرااااااااااا ياخ
|
Post: #18
Title: Re: *** أهديك سلام ***
Author: جمال محمود
Date: 08-20-2010, 07:37 PM
Parent: #17
في تلك اللحظة الفاصلة بين رمضان وبداية عيد الفطر المبارك .. أحمل بعض الحروف وأضعها بين يديك هدية متواضعة لأغلى حروف في المنبر.. ليتني كنت أملك كنوز الدنيا .. لصنعت لك عرشا من ذهب يليق بصاحبة القلم الذهبي .. الذي لا يتغير ولا يتحول أبدا .
ليتني كنت قادرا على أن أحرك كل القلوب في إتجاهك .. لأدلها على نبع الحب الصافي الذي يمكن أن ترتوي منه في كل يوم .. وحتى نهاية الحياة نفسها .. ليتني كنت أعرف كل لغات الدنيا حتى أتحدث عن كلماتك بكل لسان .. وحتى تصل الرسالة إلى أربعة أركان الدنيا .. ليتني كنت طيفا يتسلل إلى كل مخدع .. فيلقى بأحلامك في كل وجدان .. حتى تنام الدنيا على امل وتصحو على امل .. ليتني .. ليتني .. ليتني .
ولكن ما أملكه حقا هو أن أكون همسة شكر لكلماتك .. همسة حلوة صادقة تمتد من نهاية عام إلى بداية عام .. فيها أزهار الصدق .. وعبير المودة .. وأريج الوفاء .. لأكبر وأجمل وأروع قلم في المنبر .
وكل ثانية وأنتي طيبة يا سومة
مهندس جمال محمود
|
Post: #19
Title: Re: *** أهديك سلام ***
Author: معاوية عبيد الصائم
Date: 08-20-2010, 07:47 PM
Parent: #18
بت الجنيد سلام
وسلام للنضمى السمح
ورمضان كريم وعظيم
شكرا
|
Post: #20
Title: Re: *** أهديك سلام ***
Author: معاوية عبيد الصائم
Date: 08-20-2010, 07:47 PM
Parent: #18
بت الجنيد سلام
وسلام للنضمى السمح
ورمضان كريم وعظيم
شكرا
|
Post: #21
Title: Re: *** أهديك سلام ***
Author: اسماء الجنيد
Date: 08-20-2010, 08:17 PM
Parent: #20
Quote:
في تلك اللحظة الفاصلة بين رمضان وبداية عيد الفطر المبارك .. أحمل بعض الحروف وأضعها بين يديك هدية متواضعة لأغلى حروف في المنبر..
ليتني كنت أملك كنوز الدنيا .. لصنعت لك عرشا من ذهب يليق بصاحبة القلم الذهبي .. الذي لا يتغير ولا يتحول أبدا .
ليتني كنت قادرا على أن أحرك كل القلوب في إتجاهك .. لأدلها على نبع الحب الصافي الذي يمكن أن ترتوي منه في كل يوم .. وحتى نهاية الحياة نفسها ..
ليتني كنت أعرف كل لغات الدنيا حتى أتحدث عن كلماتك بكل لسان .. وحتى تصل الرسالة إلى أربعة أركان الدنيا ..
ليتني كنت طيفا يتسلل إلى كل مخدع .. فيلقى بأحلامك في كل وجدان .. حتى تنام الدنيا على امل وتصحو على امل .. ليتني .. ليتني .. ليتني .
ولكن ما أملكه حقا هو أن أكون همسة شكر لكلماتك .. همسة حلوة صادقة تمتد من نهاية عام إلى بداية عام ..
فيها أزهار الصدق .. وعبير المودة .. وأريج الوفاء .. لأكبر وأجمل وأروع قلم في المنبر .
وكل ثانية وأنتي طيبة يا سومة
مهندس جمال محمود
|
باشمهندس جمال سلام واحترام ورمضان كريم وكل سنة وانت طيب
لقد هندست كل الحروف ورتبتها وعبيتني حد السقف
ما عارفة ارد عليك كيف
حقيقي اخجلتني يا ود البلد
هديتك وتحيتك وشهادتك فخر من اخ عزيز
وشحتني بكلامك المنضوم من مداد الالفة ورحيق الجمال
ربنا يديك قدر يرضيك ان شاء الله
ويملاك فرح وسعادة بقدر ما مليتني عافية
بهديك كل السماحة الفي حروفك
وكل الحنين الجاني من تالاك
وشكرا مارقة من الجوف
ورويانة بنداوة الحروف
|
Post: #22
Title: Re: *** أهديك سلام ***
Author: اسماء الجنيد
Date: 08-20-2010, 08:20 PM
Parent: #21
Quote:
بت الجنيد سلام
وسلام للنضمى السمح
ورمضان كريم وعظيم
شكرا |
سلام اخي معاوية الصائم رمضان كريم عليك وكل سنة وانت طيب ان شاء الله
شكرا للطلة الاسعدتني جدا اخي معاوية
وبركة الشهر الكريم تلقي الفي مرادك قول آمين
وشكرا مخلاية محنة
|
Post: #23
Title: Re: *** أهديك سلام ***
Author: اسماء الجنيد
Date: 08-21-2010, 00:32 AM
Parent: #22
وبهديك حنين
شايل معاه شوقي الدفين
والريد قمر دورين
|
Post: #24
Title: Re: *** أهديك سلام ***
Author: الفاتح ميرغني
Date: 08-21-2010, 06:46 AM
Parent: #23
Quote: بهديـــك حنـــــــــــــان....
يقا لد النخل المهدل فى القيوف..
زى سواد ليلا مجدع فى الكتوف ..
يحكى قصة ريد ولوف ..
قاعد يفتش فى الصفوف ..
تقعد اولوف .. وتقوم اولوف..
تتشابا للقمر البطوف ..
الضاوى فى رمل الجروف ..
بهديك قليـب ينبض عشق يهتف صدق
حانى وعطوف ..
وبراك تشوف ..
كيفن بعزك .. وكيف بلاك بنسا الحروف..
كيفن معاك بتحدى قاموس الكلام ..
واتحدى بيك كل الظروف..
وفيك افوق حد الوصف ..
ما انت رمانه ..تشتاق للقطوف
بهديك عمر .. بهديك امل…
الوانو من كل الطيوف...
الوانو من كل الطيوف... |
يا سلام يا سوما
كم أنت شاعرة مجيده !
وكما يقال أن اجمل تجليات الشعر تلك التي تعبر عن آحاسيس الآخرين، قبل أن تعبر عن التجربة الشعرية ذاتها.
ذلك أن الشاعر مهبط إلهام ونبض ضمير.
تسلمي وتسلم ملكتك الشعرية المرهفة.
كل سنة وأنت طيبة
|
Post: #25
Title: Re: *** أهديك سلام ***
Author: إدريس محمد إبراهيم
Date: 08-21-2010, 12:51 PM
Parent: #24
Quote: بهديك قليـب ينبض عشق يهتف صدق
حانى وعطوف ..
وبراك تشوف ..
كيفن بعزك .. وكيف بلاك بنسا الحروف..
كيفن معاك بتحدى قاموس الكلام ..
واتحدى بيك كل الظروف.. |
كم هو جميل ومرهف هذا التداعي الجميل .. وكم هو صادق ونقي .. هذا البوح المنساب من أنجم الصدق الملتهبة بجمر الشوق ونيران البعد والفراق .. فأهدتنا هذا الحرف البهاء واللغة الجريئة التي تأخذ بزمام هذا النص البديع ...
تدفقي كما رجوتك من قبل أن تفعلي .. ويا فرحتنا نحن من نتلقى نتاج هذه المحبة الصادقة والارتباط الوجداني الحميم هذه الأحرف الملتهبة شوقاً وصدقاً وشموخاً... فنطرب وننتشي حد الثمالة ....
لك الله يا أسماء ...
مع خالص حبي وتقديري ؛؛؛
|
Post: #26
Title: Re: *** أهديك سلام ***
Author: اسماء الجنيد
Date: 08-21-2010, 02:04 PM
Parent: #25
Quote: يا سلام يا سوما
كم أنت شاعرة مجيده !
وكما يقال أن اجمل تجليات الشعر تلك التي تعبر عن آحاسيس الآخرين، قبل أن تعبر عن التجربة الشعرية ذاتها.
ذلك أن الشاعر مهبط إلهام ونبض ضمير.
تسلمي وتسلم ملكتك الشعرية المرهفة.
كل سنة وأنت طيبة |
الفاتح ميرغني الزول الجميل
عارف يا الفاتح يا خوي طلتك دي براها قصيدة
تسلم انت يا ود القبائل من كل بلا
احساسك الجميل وتعبيرك الشفيف هزم الاحساس
وبقيت اجابد في الحروف كان ترضى تجاملني
نقدر نرص ليك ولو قليل بما يليق وحرفك الانيق
سلمت يا الفاتح من كل بلا
وتصوم وتفطر على الف خير ان شاء الله
وكل سنة وانت طيب
خارج النص
ولي في اسمك مآرب اخري لووول
|
Post: #27
Title: Re: *** أهديك سلام ***
Author: اسماء الجنيد
Date: 08-21-2010, 02:25 PM
Parent: #26
Quote: كم هو جميل ومرهف هذا التداعي الجميل .. وكم هو صادق ونقي ..
هذا البوح المنساب من أنجم الصدق الملتهبة بجمر الشوق ونيران البعد والفراق ..
فأهدتنا هذا الحرف البهاء واللغة الجريئة التي تأخذ بزمام هذا النص البديع ...
تدفقي كما رجوتك من قبل أن تفعلي .. ويا فرحتنا نحن من نتلقى نتاج هذه المحبة الصادقة
والارتباط الوجداني الحميم هذه الأحرف الملتهبة شوقاً وصدقاً وشموخاً... فنطرب وننتشي حد الثمالة ....
لك الله يا أسماء ...
مع خالص حبي وتقديري ؛؛؛ |
اخي العزيز جدا ادريس رمضان كريم عليكم يابا
تصوموا وتفطروا على خير ان شاء الله
غيبة طويلة من المعتكفين في رمضان ولا شنو ؟
بركاتك يا شيخ ادريس اوع تنساني من دعواتك في الشهر الفضيل
تسلم والله يا عزيز ويسلم قلمك وحسك المرهف دوما
دائما مطوقني بي جودك وكرمك يا ود القبائل ربي يطوقك برحمته وفضله بركة الشهر الكريم
شفت الحالة بقت كيف يا ادريس يا خوي ؟ لووول
ما قدرنا نصبر بوح صاح
وانت ما شاء الله بتفهما طائرة لوول
غايتو الحمد لله رب العالمين لو ربنا سهل في العيد ده منجمعين تب
قول يا لطيف بس وكبر الدعوات لاخوانك
تسلم كتير كتيييييييير
وتحياتي لك وللاسرة بلا حدود
ودمت اخا كريما دوما يا رب
|
Post: #28
Title: Re: *** أهديك سلام ***
Author: احمد العربي
Date: 08-21-2010, 02:29 PM
Parent: #27
بهديك سلام ****
بهديك سلام شوقا لهب ..
شايل معاه ريدى الغلب
جميلة دائما
اسماء
عاطر الود
|
Post: #29
Title: Re: *** أهديك سلام ***
Author: rosemen osman
Date: 08-21-2010, 03:28 PM
Parent: #28
النضمي الحنين زي ستو وريحة البلد..
شكرا أسماء..ربنا يحفظك
وعليك السلام والمحبة
|
Post: #30
Title: Re: *** أهديك سلام ***
Author: طارق الكوتش
Date: 08-21-2010, 07:42 PM
Parent: #29
Quote: وبراك تشوف ..
كيفن بعزك .. وكيف بلاك بنسا الحروف..
كيفن معاك بتحدى قاموس الكلام ..
واتحدى بيك كل الظروف..
وفيك افوق حد الوصف .. |
يعلم الله كلاما سمح بالحيل وبدخل جوه القلب
تسلمى يا سوما يا بت امى والله يديك العافيه
ورمضانك كريم وربنا يحقق ليك الامنيات
|
Post: #31
Title: Re: *** أهديك سلام ***
Author: اسماء الجنيد
Date: 08-21-2010, 08:21 PM
Parent: #30
Quote: بهديك سلام ****
بهديك سلام شوقا لهب ..
شايل معاه ريدى الغلب
جميلة دائما
اسماء
عاطر الود |
اووووووووووووه العربي شخصيا !! وين الحي بيك ياخ
يعلم الله جميلة طلتك دي يا احمد يا خوي والاجمل القصيدة الجابتك لينا
تسلم يا عزيز والود ليك كتير كتير
تحياتي لك واسرتك وياحليلك يا العربي بقينا بعاد خااااااااااااااالس
رمضان كريم وتصوم وتفطر على الف خير يا رب
|
Post: #32
Title: Re: *** أهديك سلام ***
Author: اسماء الجنيد
Date: 08-21-2010, 08:31 PM
Parent: #31
Quote: النضمي الحنين زي ستو وريحة البلد..
شكرا أسماء..ربنا يحفظك
وعليك السلام والمحبة |
وتسلمي يا روز على طلتك الحنينة وكلماتك الدافقة حنية
شكرا قدر سماحة طلتك وكل سنة وانتي واسرتك بالف خير يا رب
|
Post: #33
Title: Re: *** أهديك سلام ***
Author: اسماء الجنيد
Date: 08-21-2010, 08:41 PM
Parent: #32
Quote: يعلم الله كلاما سمح بالحيل وبدخل جوه القلب
تسلمى يا سوما يا بت امى والله يديك العافيه
ورمضانك كريم وربنا يحقق ليك الامنيات |
يا قريبي يا كوتش رمضان كريم ياخ
ويعلم الله طلتك دي شدة مي حنيــــــــــنة
لامن لونت مساانا ازرق سماوي
قال ليك الهلال جانا لا عند الباب
هلالين بقن يا كوتش
هلال رمضان
وسيد البلد شرفنا بطلتك المنورة الدنيا
تسلم ود امي وتسلم ايامك وكل سنة وانت وكل العقاب في نعيم ان شاء الله يا رب
|
Post: #34
Title: Re: *** أهديك سلام ***
Author: الفاتح الجنيد
Date: 08-21-2010, 10:16 PM
Parent: #33
|
Post: #35
Title: Re: *** أهديك سلام ***
Author: اسماء الجنيد
Date: 08-22-2010, 00:15 AM
Parent: #34
الفاتح الجنيد
اهديك غرف قلبي الاربعة
والشوق والريد
|
Post: #36
Title: Re: *** أهديك سلام ***
Author: Alsa7afa_30
Date: 08-22-2010, 02:31 AM
Parent: #35
و أهديك تحية و سلام
و رمضان كريم عليكم
.
.
|
Post: #37
Title: Re: *** أهديك سلام ***
Author: saadeldin abdelrahman
Date: 08-22-2010, 05:29 AM
Parent: #36
الله يديك العافية يا سوما
|
Post: #38
Title: Re: *** أهديك سلام ***
Author: haroon diyab
Date: 08-22-2010, 06:22 AM
Parent: #37
رمضان كريم ياام رامي
ومزيدا من الابداع
التحايا للاسرة الكريمة
|
Post: #39
Title: Re: *** أهديك سلام ***
Author: اسماء الجنيد
Date: 08-22-2010, 12:59 PM
Parent: #38
Quote: و أهديك تحية و سلام
و رمضان كريم عليكم
|
الصحافة الذوق واللطافة وين الحي بيك ياجنا
طولت الغيبة وليك زمن لابد
رمضان كريم وتصوم وتفطر على الف خير يا رب
شكرا يا صحافة على المرور الجميل
|
Post: #40
Title: Re: *** أهديك سلام ***
Author: معتصم دفع الله
Date: 08-22-2010, 01:21 PM
Parent: #39
سوما بت أمي الحنينة ..
دائماً سمح النضم عندك وكلامك جميل يبرّد الجوف ..
لكِ السلام ..
ورمضان كريم ..
|
Post: #41
Title: Re: *** أهديك سلام ***
Author: اسماء الجنيد
Date: 08-22-2010, 01:52 PM
Parent: #40
| Quote: الله يديك العافية يا سوما |
ويديك الف عافية اخي سعد الدين
تسلم كتير على مرورك الجميل
ربي يسعدك بركة الشهر الفضيل وتصوم وتفطر على الف خير يا رب
وكل سنة وانت طيب
|
Post: #42
Title: Re: *** أهديك سلام ***
Author: اسماء الجنيد
Date: 08-22-2010, 02:51 PM
Parent: #41
Quote: رمضان كريم ياام رامي
ومزيدا من الابداع
التحايا للاسرة الكريمة |
هارون دياب يا زول يا جميل حبابك
رمضان كريم عليك وتصوم وتفطر على خير يا رب
شكرا غزيرااااااااا لمرورك الاسعدني ايما سعادة والله
تسلم يا ود القبائل
التحية ليك وعبرك لكل اهل الدوحة الكرام
وكل عام وانتم جميعا بالف خير
|
Post: #43
Title: Re: *** أهديك سلام ***
Author: نيازي مصطفى
Date: 08-22-2010, 07:04 PM
Parent: #42
Quote: تتشابا للقمر البطوف ..
الضاوى فى رمل الجروف |
ياسلام ..لك التحيةيا بتنا.. كلمات زي سكر قصب الجنيد
بس عاوزه ود الحاوي يلحنها ويغنيها صلاح بن البادية
ما عارف ليه حسيت ان اللونية وحنيتها تشبه اغانيه..
هنيا لك ياود الجنيد بالاربعة غرف ..حفظكم الله
|
Post: #44
Title: Re: *** أهديك سلام ***
Author: اسماء الجنيد
Date: 08-22-2010, 08:33 PM
Parent: #43
Quote: سوما بت أمي الحنينة ..
دائماً سمح النضم عندك وكلامك جميل يبرّد الجوف ..
لكِ السلام ..
ورمضان كريم .. |
معتصم ود امي الحنين الشوق غيمتين
رمضان كريم تصوموا وتفطروا على الف خير يا رب
وكل سنة انت واسرتك في نعيم يابا
تتبارك ايامك وتسعد ديمه يا ود البلد
زي ما اسعدتني بالطلة يا ود الفريق والحلة
شكرا ماااااااااااارقة من الجوف يا مو
|
Post: #45
Title: Re: *** أهديك سلام ***
Author: اسماء الجنيد
Date: 08-23-2010, 00:30 AM
Parent: #44
Quote:
ياسلام ..لك التحيةيا بتنا.. كلمات زي سكر قصب الجنيد
بس عاوزه ود الحاوي يلحنها ويغنيها صلاح بن البادية
ما عارف ليه حسيت ان اللونية وحنيتها تشبه اغانيه..
هنيا لك ياود الجنيد بالاربعة غرف ..حفظكم الله |
الاخ العزيز نيازي سلام من الله يغشاك وعين الله ترعاك
وليك باقي دعوات رمضان كلها تملاك سعادة وعافية
جيتنا داخل ومعاك مخلاية قصب سكر محروق كمان
عارف يا نيازي يا خوي السر في قصب السكر المحروق
في طعم مبالغة
تسلم كتير كتير لكلامك الجميل واحساسك الشفيف
وربنا يحفظك ان شاء الله ويديك الفي مرادك
رمضان كريم عليك وكل سنة وانت طيب يا رب
شكرا حنيــــــــــنا اخي نيازي
|
Post: #46
Title: Re: *** أهديك سلام ***
Author: كمال سالم
Date: 08-23-2010, 00:53 AM
Parent: #45
شلال يتدفق إنتى يا(حبوبه) سوما ,,
رمضان كريم ,,
|
Post: #47
Title: Re: *** أهديك سلام ***
Author: اسماء الجنيد
Date: 08-23-2010, 01:44 PM
Parent: #46
Quote: شلال يتدفق إنتى يا(حبوبه) سوما ,,
رمضان كريم ,, |
العزيز كمال سالم حبابك انت والله يا ود القبائل
لك التحية بعمق الصلات الاسرية العريقة ومتينة
رمضان كريم عليكم وتصوموا وتفطروا على الف خير يا رب
كتر خيرك كتير يا رجل من الزمن الجميل
لك الشكر مطامير
والتحايا لك وعبرك لكل الاسرة
وتحايا خاصة للحبوب عادل واسرتة
شكراااااااااا اردب محنة
|
Post: #48
Title: Re: *** أهديك سلام ***
Author: M A Muhagir
Date: 08-23-2010, 02:18 PM
Parent: #1
Quote: بهديك سلام ****
بهديك سلام شوقا لهب ..
شايل معاه ريدى الغلب..
بهديك كلام ..منضوم غنى .. لحنا طرب..
يرقص مع النجم .. البشع وسط الشهب.. |
شكرا يا رائعة على الكلام المرصع بالذهب
|
Post: #49
Title: Re: *** أهديك سلام ***
Author: اسماء الجنيد
Date: 08-23-2010, 08:42 PM
Parent: #48
| Quote: شكرا يا رائعة على الكلام المرصع بالذهب |
مرحبا اخي العزيز مهاجر
وشكرا على طلتك الحنينة دي يا زول يا جميل
تسلم كتير وربنا يسعدك بقدر ما اسعدتني بحروفك الندية
وتعبيرك الشفيف
شكرا ليك نيلين ومقرن
|
Post: #50
Title: Re: *** أهديك سلام ***
Author: اسماء الجنيد
Date: 09-02-2010, 06:32 PM
Parent: #49
عذرا طال الغياب ... والشوق حنين
|
Post: #53
Title: Re: *** أهديك سلام ***
Author: M A Muhagir
Date: 09-03-2010, 12:59 PM
Parent: #48
فوق
|
Post: #51
Title: Re: *** أهديك سلام ***
Author: Adil Osman
Date: 09-02-2010, 07:15 PM
Parent: #1
Quote: بهديـــك حنـــــــــــــان....
يقا لد النخل المهدل فى القيوف..
زى سواد ليلا مجدع فى الكتوف .. |
وصف عجيب
حنانيك يا سوما
|
Post: #52
Title: Re: *** أهديك سلام ***
Author: اسماء الجنيد
Date: 09-02-2010, 07:48 PM
Parent: #51
Quote: وصف عجيب
حنانيك يا سوما |
وطلتك حنينة اخي عادل
تسلم كتير يا اصيل
وكل سنة وانت طيب وكل الاهل
|
Post: #54
Title: Re: *** أهديك سلام ***
Author: اسماء الجنيد
Date: 09-03-2010, 04:51 PM
Parent: #52
مهاجر الحنين حبابك يا ود الجروف والطين
تتعلا ما تدلا انت يا يابا بركة قبائل العيد السعيد
والعيد مبارك عليك مقدما
وشكرا دعوات اهل في صباح العيد
|
Post: #55
Title: Re: *** أهديك سلام ***
Author: عاطف عمر
Date: 09-03-2010, 05:13 PM
Parent: #1
نهديك سلامنا
سلامنا الصافي صفائكم
سلام المحبة سلام الأخوة
Quote: بهديك كلام ..منضوم غنى .. لحنا طرب..
يرقص مع النجم .. البشع وسط الشهب..
يناضم النيل الموالف .. لى بسيمات السحب ..
|
نهديك كلام
كلام عجزنا عن مجاراة إبداعك
كلام فاهنا الفاغر دهشة والمعاني تزحم عقولنا فيعجز يراعنا عن ترجمتها نصوصاً
نهديك كلام اعتزازنا وفخرنا أننا نقرأ لك مع الاخرين
نقدمك للآخرين بأن هذه ( ذات نطاقينا )
بأن هذه بنتنا... بنت سوداننا
وفي سوداننا هذه بنت ( شرق جزيرته )
وفي شرق جزيرته هذه بنت ( الجنيد ) حيث ( الحلاوة ) في كل ركن
وفي كل صوب
|
Post: #56
Title: Re: *** أهديك سلام ***
Author: اسماء الجنيد
Date: 09-03-2010, 06:06 PM
Parent: #55
Quote: نهديك كلام
كلام عجزنا عن مجاراة إبداعك
كلام فاهنا الفاغر دهشة والمعاني تزحم عقولنا فيعجز يراعنا عن ترجمتها نصوصاً
نهديك كلام اعتزازنا وفخرنا أننا نقرأ لك مع الاخرين
نقدمك للآخرين بأن هذه ( ذات نطاقينا )
بأن هذه بنتنا... بنت سوداننا
وفي سوداننا هذه بنت ( شرق جزيرته )
وفي شرق جزيرته هذه بنت ( الجنيد ) حيث ( الحلاوة ) في كل ركن
وفي كل صوب |
وسبقت الدمعة بناني لتعبر عن قمة فرحي في هذه اللحظة
اخي العزيز عاطف يا فخري وعزي بيك
لا تدري كم هي سعادتي بهذه الشهادة التي اعتز بها
واباهي بها في كل المحافل
يعلم الله غلبني ارد عليك
احساسك الشفيف يا ود القبائل رسم اطار بكل الوان الطيف حول كلماتي المتواضعة
واعطي القصيدة بعد آخر وترجم المعاني غنى حنين
شكرا ليك مقرونة بتهنئة عيدية لك واسرتك الكريمة
العيد مبارك عليكم ياخوي
علينا وعليكم يتبارك
والعفو لله والرسول
اخي عاطف شكرا مارقة من الجوف
|
Post: #57
Title: Re: *** أهديك سلام ***
Author: اسماء الجنيد
Date: 09-17-2010, 11:13 PM
Parent: #56
والعيد مبارك عليكم يا احبة
|
Post: #58
Title: Re: *** أهديك سلام ***
Author: محمد عبد الماجد الصايم
Date: 09-18-2010, 07:18 AM
Parent: #57
سوما يا عزيزة .. كل سنة وإنتي طيبة
|
Post: #59
Title: Re: *** أهديك سلام ***
Author: وليد الطيب قسم السيد
Date: 09-18-2010, 07:28 AM
Parent: #58
وقفتُ هنا ..
لأقرأ ..
فبدا لي أنني أسمع ..
ألحانا وغناء .. !
.
.
روعة تجاوزت حدود السماء .. !
اسماء كل سنة وانتى اسماء
|
Post: #60
Title: Re: *** أهديك سلام ***
Author: اسماء الجنيد
Date: 09-19-2010, 01:03 PM
Parent: #59
| Quote: سوما يا عزيزة .. كل سنة وإنتي طيبة |
ود الصائم يا حبيبنا ابو بنياتنا كل سنة وانت والبنيات وامهم وكل الاسرة بالف خير ونعيم يا رب
ربي يسعدكم ان شاء الله ويهنيكم بركة العيد السعيد
|
Post: #61
Title: Re: *** أهديك سلام ***
Author: طارق الكوتش
Date: 09-19-2010, 04:23 PM
Parent: #60
اهديك سلام يا سوما
مع تبريكات العيد و التمنيات لك
و لافراد اسرتك و اصدقائك و كل من
يمر بهذا البوست الجميل بتحقيق كل السمح و الزين
|
Post: #62
Title: Re: *** أهديك سلام ***
Author: اسماء الجنيد
Date: 09-19-2010, 08:24 PM
Parent: #61
Quote:
وقفتُ هنا ..
لأقرأ ..
فبدا لي أنني أسمع ..
ألحانا وغناء .. !
روعة تجاوزت حدود السماء .. !
اسماء كل سنة وانتى اسماء |
العزيز وليد الطيب حبابك يابا ويطيبن ايامك ان شاء الله[
العيد مبارك عليك , علينا وعليك يتبارك , العفو لله والرسول
كتتتتتتتتتتر خيرك يا الحنين على كلامك ونضميك السمح وبشبهك براك
شكرا لكل الحنين الجاني من تالاك
شكرا غيم ضهرB]
|
Post: #63
Title: Re: *** أهديك سلام ***
Author: اسماء الجنيد
Date: 09-19-2010, 09:56 PM
Parent: #62
Quote: اهديك سلام يا سوما
مع تبريكات العيد و التمنيات لك
و لافراد اسرتك و اصدقائك و كل من
يمر بهذا البوست الجميل بتحقيق كل السمح و الزين |
طارق ود امي الحنين تسلم انت يا كوتش ويسلمن ايامك كلها يا بوي
كل سنة وكل لحظة انت وكل الاسرة بالف خير وبركة يا رب العالمين
شكر ا على الطلة يا ود الفريق والحلة
شكرا نيلين وضفة
|
Post: #64
Title: Re: *** أهديك سلام ***
Author: حيدر امين
Date: 09-20-2010, 11:40 AM
Parent: #63
بت الجنيد كل سنه وانتو طيبين
التحية للاولاد ولود الجنيد الما عيد معانا
|
Post: #65
Title: Re: *** أهديك سلام ***
Author: ALGARADABI
Date: 09-20-2010, 12:34 PM
Parent: #64
خلاس ُقمتو علي كسير التلج؟؟
اسماء و الفاتح
عيدكم سعيد
وعمر مديد
مع السعادة و الهنا
|
Post: #66
Title: Re: *** أهديك سلام ***
Author: Hadeer Alzain
Date: 09-20-2010, 02:14 PM
Parent: #65
Quote:
بهديك سلام ****
بهديك سلام شوقا لهب ..
شايل معاه ريدى الغلب..
بهديك كلام ..منضوم غنى .. لحنا طرب..
يرقص مع النجم .. البشع وسط الشهب..
يناضم النيل الموالف .. لى بسيمات السحب ..
يجمع شتات قلباً تعب ..
بهديـــك حنـــــــــــــان....
يقا لد النخل المهدل فى القيوف..
زى سواد ليلا مجدع فى الكتوف ..
يحكى قصة ريد ولوف ..
قاعد يفتش فى الصفوف ..
تقعد اولوف .. وتقوم اولوف..
تتشابا للقمر البطوف ..
الضاوى فى رمل الجروف ..
بهديك قليـب ينبض عشق يهتف صدق
حانى وعطوف ..
وبراك تشوف ..
كيفن بعزك .. وكيف بلاك بنسا الحروف..
كيفن معاك بتحدى قاموس الكلام ..
واتحدى بيك كل الظروف..
وفيك افوق حد الوصف ..
ما انت رمانه ..تشتاق للقطوف
بهديك عمر .. بهديك امل…
الوانو من كل الطيوف...
الوانو من كل الطيوف...
اسماء الجنيد |
بهديك محبة أبدية خالصة لوجه الله
يا طيبة الأخلاق يا جميلة الدواخل
يسعدن أيامك يا الطولتي الغيبة
كل سنة وانتي والأسرة بألف خير يا رب
محبتي وتقديري يا غالية
|
Post: #67
Title: Re: *** أهديك سلام ***
Author: Abdlaziz Eisa
Date: 09-20-2010, 03:31 PM
Parent: #66
يا سلام
وسلام
وكل عام وانتم بخير
بوست حلو زي ده ما نشوفه الا بعد الرمضان
وبعد شوال كمان
تحياتي
|
Post: #68
Title: Re: *** أهديك سلام ***
Author: اسماء الجنيد
Date: 09-20-2010, 04:25 PM
Parent: #67
Quote: بت الجنيد كل سنه وانتو طيبين
التحية للاولاد ولود الجنيد الما عيد معانا
|
الاخ حيدر امين الزول الرزين
كل سنة وانت والمدام والبنيات وكل الاهل بخير ونعيم يا رب
وحشتونا والله كتير كتير
متابعة نشاط الجالية عبر كاميرتك المخلصة
يديك الف عافية يا رب
ود الجنيد بسلم عليك وطبعا العيد في بلاد العم سام لوما جاء ود الجنيد كنت جيتكم كداري
تحياتي لك وعبرك لكل الاحباب
|
Post: #69
Title: Re: *** أهديك سلام ***
Author: اسماء الجنيد
Date: 09-20-2010, 04:30 PM
Parent: #68
Quote: خلاس ُقمتو علي كسير التلج؟؟
اسماء و الفاتح
عيدكم سعيد
وعمر مديد
مع السعادة و الهنا |
حبيبنا عمر العيد مبارك عليك انت واسرتك الجميلة وربنا يسعدكم ويهنيكم يا رب
كسير التلج وقفناه زمان في مسقط نتضارا من ردودك لووول
لكن وحات الله في البلد البعيده دي ما بنحاش تب , بجي براه كاسر توسنامي ما داب تلج
تسلم يا هيلالابي يا معتق
|
Post: #70
Title: Re: *** أهديك سلام ***
Author: اسماء الجنيد
Date: 09-20-2010, 10:19 PM
Parent: #69
Quote: بهديك محبة أبدية خالصة لوجه الله
يا طيبة الأخلاق يا جميلة الدواخل
يسعدن أيامك يا الطولتي الغيبة
كل سنة وانتي والأسرة بألف خير يا رب
محبتي وتقديري يا غالية
|
الحبيبة هدير الزين زين الله ايامك بكل جميل ومفرح يا حنينة من بطن الاهل
وكل سنة وكل لحظة وانتي وكل من حولك في نعيم وعافية بركة رب العرش العظيم
اسعدتني طلتك الجات زي صباح العيد
ربي يسعدك دنيا وآخرة يا غالية
شكرا لكلماتك الحنينة وتعابيرك التي حسيتها جوة الحشا ووسط الضلوع
شكرا ماااااااااااارقة من الجوف
|
Post: #71
Title: Re: *** أهديك سلام ***
Author: اسماء الجنيد
Date: 09-20-2010, 10:29 PM
Parent: #70
Quote: يا سلام
وسلام
وكل عام وانتم بخير
بوست حلو زي ده ما نشوفه الا بعد الرمضان
وبعد شوال كمان
تحياتي |
العزيز عبد العزيز عيسى سلامات يا زول يا جميل
كل سنة وانت وكل الاسرة بالف خير وعافية يا رب
تسلم يا ود القبائل
ضحكتني بتعليقك ما شفت البوست الا بعد رمضان وشوال لوووووول
اظنك رمضان رماك بردلب ولغاية ما جاء شوال باقي الرمية قاعدة
يا حليلك والله
شكرا ليك للطلة يا عزيز يا ذوق
وتسلم كتير
|
Post: #72
Title: Re: *** أهديك سلام ***
Author: طارق جبريل
Date: 09-20-2010, 10:29 PM
Parent: #70
Quote: بهديك قليـب ينبض عشق يهتف صدق
حانى وعطوف ..
وبراك تشوف ..
كيفن بعزك .. وكيف بلاك بنسا الحروف..
|
اسماء بت ابوي كيفنك ياخ
يمين الحتة الفوق دي فيها نخجي يوجع القلب
اني آمنت بالله
|
Post: #73
Title: Re: *** أهديك سلام ***
Author: Abobakr Shadad
Date: 09-20-2010, 10:31 PM
Parent: #70
الشاعرة الرقيقة والانسانة المرهفة أسماء الجنيد
سعادتى تتعاظم كل يوم بالتعرف على شخصك الكريم والاقتراب من فيض ابداعك الصافى
أعجبنى النص كثيرا وأطربنى وأهنئك آلاف المرات عليه .... فنحن فى ندرة من الشعر الجميل
واصلى هذا الابداع وهذا التألق تحرسك عناية الرحمن
أبوبكر
|
Post: #74
Title: Re: *** أهديك سلام ***
Author: اسماء الجنيد
Date: 09-21-2010, 05:45 PM
Parent: #73
Quote: اسماء بت ابوي كيفنك ياخ
يمين الحتة الفوق دي فيها نخجي يوجع القلب
اني آمنت بالله |
طارق ود امي الحنين كيفنك آآآ يابا وتبر ات من الوجع
لكن يسولوك شنو ات كان سمعت ليك دوباي ساي بتجوعر لوووول
تسلم ياخ على الطلة الحنينة
وكل سنة وات طيب ووليداتك وامهم واخينك المعاك وكل ناس البلد
تتبارك ايامك وتسعد ديمه ان شاء الله
شكرا يا طارق قدر سماحة روحك يا صافي النية
|
Post: #75
Title: Re: *** أهديك سلام ***
Author: اسماء الجنيد
Date: 09-21-2010, 05:50 PM
Parent: #74
Quote: الشاعرة الرقيقة والانسانة المرهفة أسماء الجنيد
سعادتى تتعاظم كل يوم بالتعرف على شخصك الكريم والاقتراب من فيض ابداعك الصافى
أعجبنى النص كثيرا وأطربنى وأهنئك آلاف المرات عليه .... فنحن فى ندرة من الشعر الجميل
واصلى هذا الابداع وهذا التألق تحرسك عناية الرحمن
أبوبكر |
اخي الدكتور العزيز وفخر بلادي ابو بكر ,, حباب الطلة يا الفرحت خلق الله
يعلم الله فرحتنا بتفوقك وتميزك ونجاحك
ربي يفرحك ديمه ويحفظك واسرتك يا رب
ومزيدا من النجاح والتفوق ,,,
شكرا غزيرا للكلمات العميقة والتي اسعدتني ايما سعادة والله
اتمني ان اكون عند حسن الظن دوما
شكرا يا دوك شكرا غيمتين ومطيرة ضهرية
|
Post: #76
Title: Re: *** أهديك سلام ***
Author: إبراهيم عبد الحليم
Date: 09-21-2010, 06:45 PM
Parent: #75
حلوة للقلب
راقية وسلسة والاهم العمق الثالث
ممكن تتلحن
ابراهيم
|
Post: #77
Title: Re: *** أهديك سلام ***
Author: اسماء الجنيد
Date: 09-21-2010, 11:10 PM
Parent: #76
Quote: حلوة للقلب
راقية وسلسة والاهم العمق الثالث
ممكن تتلحن
ابراهيم |
مرحبابك اخي الاستاذ ابراهيم وكل سنة وانت طيب ان شاء الله
ربنا يحقق كل امنياتك يا رب
تسلم كتير على طلتك المفرحة وشكرا عميقا لتعبيرك الندي
وفعلا القصيدة تحت التلحين وان شاء الله نسمعها قريب
وعذرا ما بقدر افصح باسم الفنان وده حسب طلبه انها تكون مفاجأة
شكرا من تاني استاذ ابراهيم وامنياتي لك بالتوفيق دوما في كل دروبك وخاصة الفنية
|
Post: #78
Title: Re: *** أهديك سلام ***
Author: جمال محمود
Date: 09-22-2010, 09:26 AM
Parent: #77
فوق عشان الكلام الحلو ده
|
Post: #79
Title: Re: *** أهديك سلام ***
Author: عبد الله كسلا
Date: 09-22-2010, 09:53 AM
Parent: #78
Quote: بهديك سلام شوقا لهب ..
شايل معاه ريدى الغلب..
بهديك كلام ..منضوم غنى .. لحنا طرب..
يرقص مع النجم .. البشع وسط الشهب..
يناضم النيل الموالف .. لى بسيمات السحب ..
يجمع شتات قلباً تعب ..
بهديـــك حنـــــــــــــان....
يقا لد النخل المهدل فى القيوف..
زى سواد ليلا مجدع فى الكتوف ..
يحكى قصة ريد ولوف ..
قاعد يفتش فى الصفوف ..
تقعد اولوف .. وتقوم اولوف..
تتشابا للقمر البطوف ..
الضاوى فى رمل الجروف ..
بهديك قليـب ينبض عشق يهتف صدق
حانى وعطوف ..
وبراك تشوف ..
كيفن بعزك .. وكيف بلاك بنسا الحروف..
كيفن معاك بتحدى قاموس الكلام ..
واتحدى بيك كل الظروف..
وفيك افوق حد الوصف ..
ما انت رمانه ..تشتاق للقطوف
بهديك عمر .. بهديك امل…
الوانو من كل الطيوف...
الوانو من كل الطيوف...
|
تعرفي يا سوما ... حاولت أقتبس جزء من كلامك الجميل ده ... غلبني ...
كل ما أقرأ .. القى الكلام أجمل ...
لقيت نفسي إقتبستو كلو ... لأنه كله جميل ...
يا خي ما تحرمينا من الدرر دي ... صدقيني المنبر محتاج اليومين ديل لفترة نقاهة ...
وزي كلامك ده هو البيرد الروح لجسد المنبر الأثخنتو الجراح ...
واصلي يا سوما ... واصلي الكتابة والإندياح ... محتاجين ليك بشدة ...
تسلمي يا ست الكل ... يا رائعة ... 
|
Post: #80
Title: Re: *** أهديك سلام ***
Author: عادل نجيلة
Date: 09-22-2010, 10:18 AM
Parent: #79
العزيزة سوما..
بهديك سلامي وأشواقي
وبقول ليك كل سنة وإنتم طيبين ..
الفاتح و الأبناء الأعزاء و كل الأهل ..
إنشاء الكريم دايمآ تامين و لامين ..
---------------------
نصك كالعادة أخرجنا من تكالب الكآبة إلى براحات السرور .. ودمتم أحبتي.
|
Post: #81
Title: Re: *** أهديك سلام ***
Author: اسماء الجنيد
Date: 09-22-2010, 09:45 PM
Parent: #80
| Quote: فوق عشان الكلام الحلو ده |
الاخ العزيز باشمهندس محمود حبابك يا الدخري وحباب طلتك
ات يا يابا تتعلا ما تدلا
ربي يعلي مراتبك ان شاء الله وين ما تقبل
قول آميــــــــــــن
|
Post: #82
Title: Re: *** أهديك سلام ***
Author: اسماء الجنيد
Date: 09-22-2010, 09:53 PM
Parent: #81
Quote:
تعرفي يا سوما ... حاولت أقتبس جزء من كلامك الجميل ده ... غلبني ...
كل ما أقرأ .. القى الكلام أجمل ...
لقيت نفسي إقتبستو كلو ... لأنه كله جميل ...
يا خي ما تحرمينا من الدرر دي ... صدقيني المنبر محتاج اليومين ديل لفترة نقاهة ...
وزي كلامك ده هو البيرد الروح لجسد المنبر الأثخنتو الجراح ...
واصلي يا سوما ... واصلي الكتابة والإندياح ... محتاجين ليك بشدة ...
تسلمي يا ست الكل ... يا رائعة ... |
الاخ العزيز كسلا سلام واحترام لشخصك العزيز
وكتر خيرك كتير يا با على كل النضم المرتب ومرصوص زي خرز العروس
زينت جيد البوست يعلم الله , ربي يزين حياتك وين ما تقبل
شكرا لا تكفي للثقة الغالية والاهتمام
وشكرا ممتدة لكلماتك التي اسعدتني ايما سعادة ايها الشفيف
تسلم يا ود القبائل
|
Post: #83
Title: Re: *** أهديك سلام ***
Author: خالد المحرب
Date: 09-22-2010, 09:56 PM
Parent: #81
يا سلام على الزوق العالى يا سوما والاحساس المرهف
اهديك تحياتى يا بت عمى على هذا الاحساس وبقول لى الفاتح
ياخى ربنا يديكم العافيه ويخليكم لى بعض
|
Post: #84
Title: Re: *** أهديك سلام ***
Author: شول اشوانق دينق
Date: 09-22-2010, 09:56 PM
Parent: #81
سوما يا عزيزة .. كل سنة وإنتي طيبة وكل الأهل والأحباب بألف خير.
|
Post: #85
Title: Re: *** أهديك سلام ***
Author: اسماء الجنيد
Date: 09-22-2010, 10:53 PM
Parent: #84
Quote: العزيزة سوما..
بهديك سلامي وأشواقي
وبقول ليك كل سنة وإنتم طيبين ..
الفاتح و الأبناء الأعزاء و كل الأهل ..
إنشاء الكريم دايمآ تامين و لامين ..
---------------------
نصك كالعادة أخرجنا من تكالب الكآبة إلى براحات السرور .. ودمتم أحبتي. |
الاخ العزيز عادل كيفنك يا ملامح والفيك ملامحنا
كل سنة انت واسرتك في نعيم وعافية يا رب
تسلم كتير والله وفيك الخير
دائما موشحني بحلو الكلام
ومذكرني بالجلسات الحنينة
يا حليلك وحليل احبانا المنهم طولنا
تسلم يا اصيل على الاطلالة الحنينة
وشكرا ليك مارقة من الجوف استاذ ملامح
|
Post: #86
Title: Re: *** أهديك سلام ***
Author: اسماء الجنيد
Date: 09-24-2010, 09:10 PM
Parent: #85
Quote: يا سلام على الزوق العالى يا سوما والاحساس المرهف
اهديك تحياتى يا بت عمى على هذا الاحساس وبقول لى الفاتح
ياخى ربنا يديكم العافيه ويخليكم لى بعض |
قريبي ودعمي ود المحرب كيفنك يا بوي واريتك طيب
تسلم يا حنين علي الطلة يا ود فريقنا والحلة
يديك قدر يرضيك يا شيخ العرب
شكرا لاحساسك انت العالي يابا
شكرا غيمتين ومطيرة
|
Post: #87
Title: Re: *** أهديك سلام ***
Author: اسماء الجنيد
Date: 09-24-2010, 09:16 PM
Parent: #86
| Quote: سوما يا عزيزة .. كل سنة وإنتي طيبة وكل الأهل والأحباب بألف خير. |
شول يا شول مشتاقين يا زول يا جميل
كل سنة وانت كلك صحة وعافية يا رب
ربنا يحقق كل امنياتك الجميلة ان شاء الله
تسلم يا شول يا عزيز على طلتك الاسعدتني جدا والله
شكرا حواشتين وترعة
|
Post: #88
Title: Re: *** أهديك سلام ***
Author: عزيز عيسى
Date: 09-25-2010, 01:04 AM
Parent: #87
سوما العزيزة.. كل سنة وإنت والعائلة طيببين،
بهديك سلام بطعم سكر الجنيد إنت والفاتح وأولادكم وكل أهل الجنيد الناس الطيبين.
وربنا يغطي عليكم ويسعدكم.
مع أطيب الأمنيات.
|
Post: #89
Title: Re: *** أهديك سلام ***
Author: عزيز عيسى
Date: 09-25-2010, 01:24 AM
Parent: #87
سوما العزيزة.. كل سنة وإنت والعائلة طيببين،
بهديك سلام بطعم سكر الجنيد إنت والفاتح وأولادكم وكل أهل الجنيد الناس الطيبين.
وربنا يغطي عليكم ويسعدكم.
مع أطيب الأمنيات.
|
Post: #90
Title: Re: *** أهديك سلام ***
Author: اسماء الجنيد
Date: 09-30-2010, 10:43 PM
Parent: #89
Quote: سوما العزيزة.. كل سنة وإنت والعائلة طيببين،
بهديك سلام بطعم سكر الجنيد إنت والفاتح وأولادكم وكل أهل الجنيد الناس الطيبين.
وربنا يغطي عليكم ويسعدكم.
مع أطيب الأمنيات. |
تسلم يا عزيز يا ذوق
وانت واسرتك طيبين وسالمين وتامين بركة رب العالمين
ربي يسعدكم زي ما اسعدتني كلماتك الصادقة الحنينة يا عزيز يا خوي
وان شاء الله الظروف تجمعنا ساعة خير في ارض الوطن يا رب
شكرا بكل الوان الطيف يا عزيز يا ظريف
|
Post: #91
Title: Re: *** أهديك سلام ***
Author: اسماء الجنيد
Date: 10-08-2010, 02:20 PM
Parent: #90
اهديك سلام ,, والشوق والريد
|
Post: #92
Title: Re: *** أهديك سلام ***
Author: اسماء الجنيد
Date: 11-05-2010, 10:48 PM
Parent: #91
قريباااااااا حا انزلا ليكم صوت ان شاء الله
|
Post: #93
Title: Re: *** أهديك سلام ***
Author: محمد عبد الماجد الصايم
Date: 11-06-2010, 07:53 AM
صوت .. إنا لله!
هو نحن قراية كمّلت الفينا!!
أهدي ياخ!
أهدي حتى نستغيث!!
|
Post: #94
Title: Re: *** أهديك سلام ***
Author: اسماء الجنيد
Date: 11-06-2010, 03:25 PM
Parent: #93
Quote: صوت .. إنا لله!
هو نحن قراية كمّلت الفينا!!
أهدي ياخ!
أهدي حتى نستغيث!! |
ود الصائم يا عمنا
سلام يا جميل الدواخل ياخ
تعرف المفاجأة الفنان يا ود الصائم مش القصيدة
انا زاتي حا استغيث معاك ياخ
شكرا يا زول يا جميل
|
Post: #95
Title: Re: *** أهديك سلام ***
Author: عبدالفتاح أبوشيمة
Date: 11-06-2010, 07:33 PM
Parent: #94
أسماء الجنيد!
ألوانو من كل الطيوف؟
--
طيف قوس قزح
الطالّي من بعد المطر
يقول ريدي لسع ما كمل
قطراتي بتجيك حتى لو وقف المطر
ألواني تنداح تأتلف مع قلباً ولف
يا بخته داك الجاه كل هذا الولف
اليستنّى فيك كل العمر وما يختلف
يخليه ليك طول العمر تب مؤتلف
وتدوبوا في حق الولف وتقيفوا صف
في انتظار جرعات جديدة من نبع الولف
زي عطشو الشديد والمملح داك وتر الجرف
حالف يمين قال يحتفل بيك يا الأمير سيد الحرف
رصّيه ليه حرف حرف بي مهلة مع كل الوصف
القدّرك ليه الكريم وادّاك حنين وادّاك عطف
دوسي عليه قلبك شديد ما تدّيه تب حق يختلف
يمشي اليمين وللاّ الشمال يستاهلك سيد الولف
وتستاهليه ما دامو حار بيك الدليل جوّة الغرف
الأربعة شوفيله قيف ترسى مراكبه من خوف تجف
ومهما سكن جواك مشتاق كمان لي قرب أكتر شان يخف
من شوقه زاد كلما قرب أحس إنه الفات ما كان ترف
كأنو ناقص يا حرف
قال ما شبع وقلبه قال ازداد رهف
--
والله يا بت القبايل
ما شفنا الدُّرر دي إلا حسّي
الله يخلّيهم ليك ويخلّيك ليهم ويحفظكم جميع
كلماتك أكثر من رائعة
ما شاء الله تبارك الله
|
Post: #96
Title: Re: *** أهديك سلام ***
Author: كمبورة
Date: 11-07-2010, 07:39 AM
Parent: #95
| Quote: اهديك سلام ,, والشوق والريد |
سوما
وليكي السلام
وليهو السلام
وللعيال السلام
ومننا كلنا السلام لعزيزة اسماء الجنيد
وبطلي جرسة
مع تحيات ام العيال
|
Post: #97
Title: Re: *** أهديك سلام ***
Author: اسماء الجنيد
Date: 11-07-2010, 12:28 PM
Parent: #96
Quote: أسماء الجنيد!
ألوانو من كل الطيوف؟
--
طيف قوس قزح
الطالّي من بعد المطر
يقول ريدي لسع ما كمل
قطراتي بتجيك حتى لو وقف المطر
ألواني تنداح تأتلف مع قلباً ولف
يا بخته داك الجاه كل هذا الولف
اليستنّى فيك كل العمر وما يختلف
يخليه ليك طول العمر تب مؤتلف
وتدوبوا في حق الولف وتقيفوا صف
في انتظار جرعات جديدة من نبع الولف
زي عطشو الشديد والمملح داك وتر الجرف
حالف يمين قال يحتفل بيك يا الأمير سيد الحرف
رصّيه ليه حرف حرف بي مهلة مع كل الوصف
القدّرك ليه الكريم وادّاك حنين وادّاك عطف
دوسي عليه قلبك شديد ما تدّيه تب حق يختلف
يمشي اليمين وللاّ الشمال يستاهلك سيد الولف
وتستاهليه ما دامو حار بيك الدليل جوّة الغرف
الأربعة شوفيله قيف ترسى مراكبه من خوف تجف
ومهما سكن جواك مشتاق كمان لي قرب أكتر شان يخف
من شوقه زاد كلما قرب أحس إنه الفات ما كان ترف
كأنو ناقص يا حرف
قال ما شبع وقلبه قال ازداد رهف
--
والله يا بت القبايل
ما شفنا الدُّرر دي إلا حسّي
الله يخلّيهم ليك ويخلّيك ليهم ويحفظكم جميع
كلماتك أكثر من رائعة
ما شاء الله تبارك الله |
يا سلااااااااااام يا ابو شيمة يا الكلك حنين
يشهد الله اديت القصيدة بعد جمالي خرافي , عباني طرب حد السحاب
لو عارفة كلام ودرر رائعة بتمرق منك بتلقائية وعفوية جميلة زي دي
كنت رسلتها ليك في ايميلك
ياخوي والله مليتني فرح الليلة يكفيني ويكفي قبيلة آل الجنيد لي جنا الجنا
تسلم يا ود القبائل يا حنين يا زول مجرتق مننا
شكرا لا تكفي لكل الابداع المتدفق ومالي سهلتنا وجانا من تالاك يا ود ملوك النيل
حقيقي دفق حنين وكلمات تلامس شغاف القلوب نبعت من دواخلك
اسعدتني ايما سعادة
يديك قدر يرضيك يا يابا
ويجعل البركة فيك وفي المعاك بركة الايام المباركة من ذى الحجة
ومقدما نقول ليك كل سنة وكل يوم انت والمعاك طيبين سالمين بركة رب العالمين
شكرا أردب محنة للنظم الجميل والاهداء الاكثر من رااااااااااائع
|
Post: #98
Title: Re: *** أهديك سلام ***
Author: هند محمد
Date: 11-07-2010, 12:33 PM
Parent: #97
سوما شاعرتنا الحنينة
نهديك مليون سلام
يارائعة
ونهديك الريدة
الله يسعد دنيتك دايما يا اميرة
وشكر للنص الجميل
|
Post: #99
Title: Re: *** أهديك سلام ***
Author: اسماء الجنيد
Date: 11-07-2010, 03:47 PM
Parent: #98
Quote:
سوما
وليكي السلام
وليهو السلام
وللعيال السلام
ومننا كلنا السلام لعزيزة اسماء الجنيد
وبطلي جرسة
مع تحيات ام العيال |
اهلييييييييين باهلنا الملانين حنين
العزيز محمد كمبورة والاخت الخبيبة الغالية نوارة بيته
آي نعم نوارة والله يا محمد مشاء الله وربنا يحفظكم ان شاء الله
انت والوليدات
سلامكم وصل وملانة فرح والله
هههههههههه اسكت يا محمد يا خوي والله جرسة جد
واخوك زاتو ما مقصر , الا كاتم في البو على قول عادل امام ههههههه
اخيرا انا البتفش في الكتابة
ياخوي الغربة ام فراق دي مااااااااااا بنقدر عليها تب والله
علا الله غالب
ربنا يجمعنا واياكم في ارض الوطن الحبيب
|
Post: #100
Title: Re: *** أهديك سلام ***
Author: اسماء الجنيد
Date: 11-07-2010, 04:00 PM
Parent: #99
Quote:
سوما شاعرتنا الحنينة
نهديك مليون سلام
يارائعة
ونهديك الريدة
الله يسعد دنيتك دايما يا اميرة
وشكر للنص الجميل |
هندوية الحبيبة صاحبة المفردة الانيقة والكلام الطاعم زيها
تسلمي انتي من كل بلا يا جوهرة نادرة اسعدني الزمان بالتعرف عليها
طلتك دائما وديعة وبشوشة زيك
شكرا قدر ريدك الحنين والببادلك اضعافو يا اعز الناس
شكرا مارقة من الجوف يا غالية
|
Post: #101
Title: Re: *** أهديك سلام ***
Author: رشا احمد
Date: 11-07-2010, 05:42 PM
Parent: #1
| Quote: واتحدى بيك كل الظروف.. |
تربت الحروف ياأسماء
الحتة دي بتذكرني بي اغنية صابر الرباعي (اتحدى العالم كلو و انا وياك) .. ياســـلام!
|
Post: #102
Title: Re: *** أهديك سلام ***
Author: عبد الحي علي موسى
Date: 11-09-2010, 07:49 AM
Parent: #101
Quote: بهديك قليـب ينبض عشق يهتف صدق
حانى وعطوف ..
وبراك تشوف ..
كيفن بعزك .. وكيف بلاك بنسا الحروف..
كيفن معاك بتحدى قاموس الكلام ..
واتحدى بيك كل الظروف..
وفيك افوق حد الوصف ..
ما انت رمانه ..تشتاق للقطوف
بهديك عمر .. بهديك امل…
الوانو من كل الطيوف...
الوانو من كل الطيوف...
اسماء الجنيد
|
كلامك دا ببرهن إنو الشعب السوداني، عملاق رغم الإحن.
تسلمي يُمًه.
|
Post: #103
Title: Re: *** أهديك سلام ***
Author: اسماء الجنيد
Date: 11-10-2010, 01:46 PM
Parent: #102
Quote:
تربت الحروف ياأسماء
الحتة دي بتذكرني بي اغنية صابر الرباعي (اتحدى العالم كلو و انا وياك) .. ياســـلام! |
الحبيبة رشا أحمد سلام يا غالية من بطن الاهل
تسلمي كتيييييييير يا رشا يا كحيل
امتعتيني جدا بتعقيبك وكلام الشفيف
تسلمي يا ستي على الطلة الحنينة زيك
شكرا حواشات وترعة
|
Post: #104
Title: Re: *** أهديك سلام ***
Author: اسماء الجنيد
Date: 11-10-2010, 02:33 PM
Parent: #103
Quote:
كلامك دا ببرهن إنو الشعب السوداني، عملاق رغم الإحن.
تسلمي يُمًه. |
الاخ عبد الحي سلام من الله يغشاك وتهنئة عيدية مقدما بعيد الأضحي المبارك
اعاده الله عليك واسرتك بالخير واليمن والبركات , والصحة والعفية ان شاء الله\
شكرا غزيرااااااا لكلماتك التي جعلت صباحي هذا مشحون بالفرح والغبطة والسرور
جعل الله ايامك كلها افراح
وشكرا لطلتك البهية
شكرا مطامير فرح
|
|