دعواتنا لها بعاجل الشفاء وان يلبسها الله ثوب الصحة والعافية لكي تعود مغردة بيننا وحينها ...... سنغني كيف نرفض رجوع القمره لوطن القماري وارجع تعال عود ليا.. رجع حنانك ليا ... ... الخ الخ
وستغني هي معنا غنية العيد والفرح وسيكون ذلك هو يوم عيد ميلاد فرحنا
اجر وعافية وكفارة ذنوب يا بت ابوي الجنيد امرقي بره ما تتضاري يا سوما والله صحي
__ خطأ املائي: سبب التعديل
Post: #16 Title: Re: **** سوما يا حبيبة ... غيبتك علينا صعيبه **** Author: مها عبد الله Date: 03-25-2011, 11:22 PM Parent: #6
Quote: وستغني هي معنا غنية العيد والفرح وسيكون ذلك هو يوم عيد ميلاد فرحنا
اجر وعافية وكفارة ذنوب يا بت ابوي الجنيد امرقي بره ما تتضاري يا سوما والله صحي
تسلم يا الأمين ود البشاري ، سوما الوطن وسوما الكلمة الصادقة ، ما بتتضاري ودائماً مشرفانا بمواقفها وكلماتها للوطن وللإنسانية قلوبنا معاك دوماً يا غالية .
Post: #15 Title: Re: **** سوما يا حبيبة ... غيبتك علينا صعيبه **** Author: مها عبد الله Date: 03-25-2011, 11:14 PM Parent: #5
اللهم اشفها وشافيها وعافها وأعف عنها وأكشف ما بها من ضرّ يا عزيز يا ذا الجّلال والإكرام وألبسها لباس الصّحّة والعافية عاجلاً غير آجلاً يا ربّ العالمين اللهمّ يا مجيب الدّعوات أشفها من كُلّ مرضٍ ومن كُلّ سوءٍ وعافها وأعف عنها يا ربّ العرش العظيم يا ربّ السّماوات والأرض يا حيّ يا قيّوم اللهم ربّ النّاس أذهب البأس عنها وأنت الشّافي اللهم أنعم عليها بالشّفاء
أصدق أُمنياتـي لـسوما بالشّفاء
Post: #8 Title: Re: **** سوما يا حبيبة ... غيبتك علينا صعيبه **** Author: مها عبد الله Date: 03-24-2011, 06:16 PM Parent: #7
Quote: نرجو عدم استغلال الوضع الصحى لمشجعة سيد البلد الهلال العظيم وننوه بان الهلال تاج من لا تاج له او راس له عاجل الشفاء للعزيزة بت الجنيدوالنصر للهلال
معاوية الصائم كيفنك خلي الهلال تاج راسنا والقص والرص بتاعك دا ، سوما دي عندها كم بوست ما عاوزاهم يتأرشفوا أمشي أرفعهم سريييع . قال الهلال قال ! هسه سوما تلقاها بتقرأ و قر قر قر تضحَك . والله يا سوما مشتاقين ليك ودا السبب الرئيسي للبوست ومفتقدنك وشوية كدا بس خلي ( شمهروشة ) تجيني وح أكتب ليك قصيدة و إنتي أحكمي
للمعلومية : شمهروشة هي شقيقة شمهروش ( بتاع ود الباوقه ) وهي ملكة شياطين الشعر
Post: #9 Title: Re: **** سوما يا حبيبة ... غيبتك علينا صعيبه **** Author: مها عبد الله Date: 03-24-2011, 06:27 PM Parent: #8
Quote: اختي مها لكي التحية
فعلا غياب الاخت اسماء له اثر واضح في المنبر
يا ربي تشفيها وتعافيها وترجعها لينا بالسلامة
الغالية سامية سلام ومحبه أثر كبير يا سامية والله صحي ، مفتقدين كلامها الحنين وشعرها الرصين .
ربنا يعافيها يا رب
( والله صحي ) دي بتاعة سوما ولو ملاحظه يا سوما النجوم في عنوان البوست ، نفس طريقتك البتكتبي بيها شفتي مشتاقين ليك كيف ! يلا أشفي بسرعة علشان خاطرنا أنا وسامية
Post: #17 Title: Re: **** سوما يا حبيبة ... غيبتك علينا صعيبه **** Author: مها عبد الله Date: 03-25-2011, 11:29 PM Parent: #7
شكراً يا لؤي سوما بخير الحمد لله يا لؤي وقريباً تكون بالمنبر . حقيقي إفتقدناك يا سوما .
أخواتي البريدن ريدة يعلم بعمقها ربنا الكبير هى ريدة نصاح ؟؟ فيها آيات الفخر أن هاكم أقرأوا كتابنا قدمنا لكم شقائق دمنا يملأن العين ويفيضن راجح ميزان عقلهن شجاعة مواقفهن واضحة كلماتهن صافية محبتهن
______________
غداً تعود أسماء يا مها تزين البورد بحالي كلامها تنسج خيوط الشعر مواقفاً تخبر عن صميم رأيها تقابلينها نثراً ( كيةً ) لكل من يأبى الرأى النصيح و ( كيةً ) لكل من يأبى المواقف الناصعة
Post: #11 Title: Re: **** سوما يا حبيبة ... غيبتك علينا صعيبه **** Author: مها عبد الله Date: 03-24-2011, 11:04 PM Parent: #10
Quote: الف سلامة للاخت سومة الله يشفيها وترجع لينا والله ليها وحشه
يامها كيفك ؟ بالله انتي مع الخيانة
تحياتي يا غالية
الغالية حواتشو مشتاقيين شكراً للدعوات الصادقه من أجل الغالية سوما ، خليك عملية وتعالي نمشي نشوفها ( فكة كعب ) ونكون معاها رايك شنو ؟ يلا وريني بالتلفون وزيارة المريض أجر إنتي برضو مع ناس الهلال ؟ كل البحبهم هلالاب ليه كدا بس
Post: #24 Title: Re: **** سوما يا حبيبة ... غيبتك علينا صعيبه **** Author: مها عبد الله Date: 03-27-2011, 09:42 AM Parent: #19
سلام خلَو وتحايا سمو الأميرة لقب أطلقته علي سوما وهي تستحق أن تكون أميرة ، أميرة قلوب الجميع وساحرته تسلم يا خليل علي طلتك الحلوة
سوما عليك الله هسه كسَير التلج الرهيب بتاع المريخاب ولا الهلالاب ؟ ( لووووووولز )
Post: #23 Title: Re: **** سوما يا حبيبة ... غيبتك علينا صعيبه **** Author: مها عبد الله Date: 03-27-2011, 09:36 AM Parent: #14
العزيز معاوية المدير رجعت سوما بالسلامة ورجعت أيامنا الحلوة الجميلة كجمال شاعرتنا الإنسانة سوما
شكراً معاوية
Post: #22 Title: Re: **** سوما يا حبيبة ... غيبتك علينا صعيبه **** Author: مها عبد الله Date: 03-27-2011, 09:33 AM Parent: #13
يا سلام يا عبد العزيز عيسي ياخي سرور بابكر دي إبداع . تشكر سيدي الفاضل لجلب الفرح ونحمد الله علي عودة سوما الجميلة .
Post: #21 Title: Re: **** سوما يا حبيبة ... غيبتك علينا صعيبه **** Author: مها عبد الله Date: 03-25-2011, 11:50 PM Parent: #12
موج يا صديقي سلام وتحايا كتااااار فارقه شديد يا صديق والله صحي أحلي هلالابية ياخي ونكون حقانَيين كمان ، أيوة نحن مريخاب بس الهلال لازم يفخر بأنه سوما بتشجعه
صديق شوف المسنجر بالله
Post: #18 Title: Re: **** سوما يا حبيبة ... غيبتك علينا صعيبه **** Author: مها عبد الله Date: 03-25-2011, 11:37 PM Parent: #10
العزيز عاطف شكراً لكلماتك ، فخورات نحن بأخ مثلك في خلقك وطيبتك تحدثت مع سوما بالتلفون قبل قليل وهي بصحة وعافية وبتدلَع فينا وعاوزة تعرف بنحبها كيف !
شفتي يا سوما أخوك عاطف قلقان عليك تعالي بسرعة ياخ مشتاقييين ليك والله صحي
Quote: غداً تعود أسماء يا مها تزين البورد بحالي كلامها تنسج خيوط الشعر مواقفاً تخبر عن صميم رأيها تقابلينها نثراً ( كيةً ) لكل من يأبى الرأى النصيح و ( كيةً ) لكل من يأبى المواقف الناصعة
الحبيبة مها عبدالله، يا سلام عليك يا مها يا غالية غيبة سوما والله علينا صعيبة بالحيل، الله يديك العافية ويشفي الحبيبة سوما وتعود لينا بالسلامة، ويعود لينا ليل الفرح. تحياتي وصادق مودتي لكِ والأسرة الكريمة ولسوما حتى تعود بالسلامة إن شاء الله لكما الورود والياسمين.
Post: #26 Title: Re: **** سوما يا حبيبة ... غيبتك علينا صعيبه **** Author: مها عبد الله Date: 03-27-2011, 09:53 AM Parent: #20
Quote: الف سلامه لبتنا الانيقه اسماء الجنيد مع امنياتنا لها بدوام الصحه والعافيه مها سلامات ومشتاقين
Quote: دي ما كانت هزيمة للهلال لوووووووولز عودي لينا بصحتك وعافيتك وح أوعدك أبقي هلالابية
مها يا روحنا وريحانتنا تسلمي يا حنينة من بطن اهلنا والله لما قريت بوستيك ده دميعاتي جرن يا غالية ياخ اديتيني مساحة كبيرة في قليبك الطيب
حليك في مريحك ده مبرووووووووووووك عليكم إن شاء الله نجيماتو يبقن قمرة لووولز لكن مهما لمعن النجيمات ما بحصلن هلال العظمة شفتيهن بتكسرن فيهو كيفن وبتلمن حوالينو
