Post: #1
Title: أسماء الجنيــــد فى عام 2010
Author: عبد السميع دفع الله
Date: 01-03-2010, 08:24 AM
Parent: #0
طوال العامين 2007 - 2008 ظلت الاديبة والشاعرة الجميلة والمثقفة
والمهذبة المقيمة بسلطنة عمـان اسماء الجنيد ريحانة المنبر العام لسودانيز اون لاين
فطالما كانت واحاتها(بوستاتها) دوما اتكاءة حلوة وعذبة لكل محبى الفن
والادب والشعر والحكى الجميل عن البطانة وقيمها الراسخة.
.فأتمنى كغيرى ان تعود المبدعـة أسماء الى المنبر العام مع بدايات العام 2010 .
وارجو ان تتكرم بالولوج فى هذا البوست لتمطر الابداع و حتى تعود قثارة الادب الرائعة لتعطر سماوات المنبر.
|
Post: #2
Title: Re: أسماء الجنيــــد فى عام 2010
Author: عبد السميع دفع الله
Date: 01-03-2010, 09:24 AM
Parent: #1
اتمنى ان اجــــــد المساندة
فى دعوتى من اصدقاء
وصديقات ومحبى ادب المبدعة
اسماء الجنيد
|
Post: #3
Title: Re: أسماء الجنيــــد فى عام 2010
Author: إسماعيل وراق
Date: 01-03-2010, 10:11 AM
Parent: #2
أسماء حبيبة الكل بعلاقاتها الإجتماعية وأخلاقها الفاضلة
التحية لها وللفاتح الجنيد ونتمنى أن نراهما أكثر تألقاً في العالم الجديد.
|
Post: #4
Title: Re: أسماء الجنيــــد فى عام 2010
Author: عبد السميع دفع الله
Date: 01-03-2010, 10:16 AM
Parent: #3
شكرا اسماعيل وراق
والتحية عبرك للرائع الفاتح الجنيد
مودتى
|
Post: #5
Title: Re: أسماء الجنيــــد فى عام 2010
Author: JAD
Date: 01-03-2010, 12:09 PM
Parent: #4
تخيل أن المنبر لا طعم له ولا لون ..
أرجو من سعادة المهندس بكري أبو بكر أن يتكرم بمعالجة الأمر في أقرب فرصة ..
أخي عبدالسميع:
أتمنى لك وللأخت الفاضل الشاعرة أسماء الجنيد عاماً سعيداً مليء بالمسرات والنجاحات ..
جاد
|
Post: #6
Title: Re: أسماء الجنيــــد فى عام 2010
Author: عبد السميع دفع الله
Date: 01-04-2010, 09:47 AM
Parent: #5
شكرا شيخ العرب جـــــــــاد
واتمنى استجـــــابة
الباشمهندس بكـــــــرى ابوبكر
|
Post: #7
Title: Re: أسماء الجنيــــد فى عام 2010
Author: مها عبد الله
Date: 01-04-2010, 01:14 PM
Parent: #6
شاعرتنا الجميله أسماء نتمني أن نراك في عام 2010 كما عهدناك دوماً جميلة ومتفرده الكلم والحرف
لك ولأسرتك الرائعه التحايا والسلام
|
Post: #8
Title: Re: أسماء الجنيــــد فى عام 2010
Author: soma
Date: 01-04-2010, 09:48 PM
Parent: #7
Quote: طوال العامين 2007 - 2008 ظلت الاديبة والشاعرة الجميلة والمثقفة
والمهذبة المقيمة بسلطنة عمـان اسماء الجنيد ريحانة المنبر العام لسودانيز اون لاين
فطالما كانت واحاتها(بوستاتها) دوما اتكاءة حلوة وعذبة لكل محبى الفن
والادب والشعر والحكى الجميل عن البطانة وقيمها الراسخة.
.فأتمنى كغيرى ان تعود المبدعـة أسماء الى المنبر العام مع بدايات العام 2010 .
وان ضاع منها الباسوورد اناشد الباشمهندس بكرى ابوبكر بأن يتكرم بمنحها
اخر حتى تعود قثارة الادب الرائعة لتعطر سماوات المنبر |
العزيزاخى عبد السميع
سلام بى شوق اهلناالطول
يعظم شأنك ويعلا مقامك يا ود البلد الاصيل
هذا الكرم الدافق فى مستهل السنة الجديده
وسام اعتز بيه .. وتاج فخر يتربع ويزين جبينى
احساس مشحون طيبه ومحبة قريبه من اناس مهما اكن لهم من محبة
اشعر بالتقصير الكبير
حملتنى مسؤلية كبيره اخى عبد السميع
احساسك الجميل والاحبه المتداخلين انه زادى فى دربى الطويل
كل ما ضاق صدرى وتعثرت خطاى ارنو اليكم بفخر واعزاز
يديك قدر ما يرضيك اخى الكريم
مليتنى عافية
ربى يملاك سعاده حدالسقف
كل سنة وانت طيب
اتمنى ان اكون عند حسن الظن دوما
واوعدك بالجديد قريب ان شاء الله
اهديك كل الامنياتى الجميلة
وبجيكم صاده باذن الله
تسلموااا
اسماء الجنيد
|
Post: #9
Title: Re: أسماء الجنيــــد فى عام 2010
Author: خالد المحرب
Date: 01-04-2010, 09:57 PM
Parent: #8
Quote: اتمنى ان اكون عند حسن الظن دوما
واوعدك بالجديد قريب ان شاء الله
اهديك كل الامنياتى الجميلة
وبجيكم صاده باذن الله
تسلموااا
|
بتنا سوما دايرين منك الكتير فى عام 2010 وانت اهل لذلك متابعين
|
Post: #10
Title: Re: أسماء الجنيــــد فى عام 2010
Author: محمد أحمد الخضر
Date: 01-05-2010, 08:00 AM
Parent: #9
أطيب الأمنيات وأزكى التحيات لابنتنا الأديبة الشاعرة الشفيفة أسما الجنيد
بالعام الجديد. متعها الله وأسرتها الكريمة بتمام الصحة والسعادة وشكرا
للأخ عبد السميع على هذه للفتة الكريمة.
|
Post: #11
Title: Re: أسماء الجنيــــد فى عام 2010
Author: soma
Date: 01-05-2010, 09:47 PM
Parent: #10
Quote: أسماء حبيبة الكل بعلاقاتها الإجتماعية وأخلاقها الفاضلة
التحية لها وللفاتح الجنيد ونتمنى أن نراهما أكثر تألقاً في العالم الجديد |
.
العزيز ود ناسا عزاز
اسماعيل وراق
والشوق الجارى عليك
فرد جنحيو تياب وطرح
يعلم الله شوقنا ليك وللاسرة الكريمه
ست بيتك الحبيبة الرزينه والاولاد الاحباب
الشوق طول اريتكم طيبين وحالكم زين
بالله سلام ليهم كتير والسنة الجديده عليكم سعيده ان شاء الله
شكرا ليك اخوى وانت دوما تقف سند وركازة ومعروف زول حوبات
وسلامك لاخوك الفاتح وصل
وببلغك اضعافو ليك ولاسرتك الجميلة ربنا يحفظكم ان شاء الله
شكرا ليك
والشكر مطبوق لاخوى عبد السميع
الجمع لى الحبان تحت نيمتو الوريفة
شكرا أردب محنة
|
Post: #12
Title: Re: أسماء الجنيــــد فى عام 2010
Author: Elmosley
Date: 01-05-2010, 10:06 PM
Parent: #11
ياراقيه من كل الصفات
ياسومه
ياالديمه بي ذوق الادب
مهمومه
حاشاها من تالانا لانزعل ولا
بنلوما
=====================
كل الود ياعزيزه
وسلام للفاتح الجميل والوليدات
|
Post: #13
Title: Re: أسماء الجنيــــد فى عام 2010
Author: Kostawi
Date: 01-06-2010, 00:13 AM
Parent: #12
|
Post: #14
Title: Re: أسماء الجنيــــد فى عام 2010
Author: soma
Date: 01-06-2010, 07:06 AM
Parent: #13
Quote: تخيل أن المنبر لا طعم له ولا لون ..
أرجو من سعادة المهندس بكري أبو بكر أن يتكرم بمعالجة الأمر في أقرب فرصة ..
أخي عبدالسميع:
أتمنى لك وللأخت الفاضل الشاعرة أسماء الجنيد عاماً سعيداً مليء بالمسرات والنجاحات ..
جاد |
مراحب اخوى جادوكل عام وانت والاسره بالف خير وعافية
جاد الله عليك دوما بالسعاده والرخاء..
طلتك دائما بتدينى احساس الامان والالفه
ربنا يولف بين الاخوة والاحبه ويرجعنا بلدنا سالمين تامين بركة رب العالمين
وقفتكم معى اخى جاد هى الزاد وهى السند وقت الضيق والرفيق طول الطريق
اشحد الله ان يديك قدر يرضيك
وشكرا مارقة من الجوف
|
Post: #15
Title: Re: أسماء الجنيــــد فى عام 2010
Author: جمال السنوسي
Date: 01-06-2010, 07:47 AM
Parent: #14
سوما
البنية المهضومة (باللبناني)
بي صراحة كده
البورد ده محتاج لكل كلمة جميلة معبرة مرتبة
يزين بها جيده
عقود من الزهور الفواحة
واحسب ان سوما
هي بستان زهور البوست
بقصائدها الجميلة
ومداخلاتها المهذبة
منذ ان عرفتها
في هذا الموقع
الى الامام يا سوما
ونحن في الانتظار
تسلل :
ده ما كسير تلج لاني ما بعرف اكسر التلج
|
Post: #16
Title: Re: أسماء الجنيــــد فى عام 2010
Author: عبد السميع دفع الله
Date: 01-06-2010, 08:50 AM
Parent: #15
تحية الى كل من عبر فجميعكم بطعم ماء النهـــــــر
فقد أضفيتم بهجة السحر وضوء القمر لهذا البوست والذى كان يمكن أن نطلق عليه
(وجـــــــه القمـــــــــــر)
كم كانت سعادتى حينما اصبح البوست بعبوركم
عالى سماء
وباهى بهاء
الشفيف .اسماعيل وراق لك شكرى ومحبتى
موسيقار أجيال السودان - المـــــــوصلى لك التحية واتمنى عاجل الشفاء لاخيك وربنا يحفظه من كل بلية
الوجيه الهلالابى الرائع - جمال السنوسى ( رغم انك ما بترد علينا التحية فى اكثر من مرة ) ولك مودتى
العزيز شيخ العرب - جـــــــــــــــــاد شكرا والف
الاستاذة . مهـــــــــا عبدالله - لو كنت اعرف عنك لقلت فيك شعرا ولك عبق المنى
ودشيوخ النيل .خــــــــــالد المحــــــــرب لك التحية وللاهل
الرائع . محمد أحمد ودالخضر - شكرا وتمنياتى لك بدوام العافية
ومسك الختام التحية عالية وتعظيم لأحد أشهر نجوم المنبر - كوسـتاوى - سعدت بمرورك
جميعكم لكم المودة والحب واتمنى ان نلتقى فى واحات وبساتين الادب والتراث التى وعدتنا بهــــا الشاعرة والاديبة
أســمـــــــــــــــــــــــاء الجنـــــيد.
ولاسمــــــــــاء الجنيد اقول
كلمات الشكر لاتكفينا .. فعودتك للتغريد.... هى ما نتمناه.... وستغنينا وتشجينا وتفرحنا
ونحن فى انتظار القادم فى 2010
وكل سنة وانت والعائلة بخير
والتحية لك من كل منسوبى ودزايد(الضبانية)
|
Post: #17
Title: Re: أسماء الجنيــــد فى عام 2010
Author: جمال السنوسي
Date: 01-06-2010, 08:54 AM
Parent: #16
Quote:
الوجيه الهلالابى الرائع - جمال السنوسى ( رغم انك ما بترد علينا التحية فى اكثر من مرة ) ولك مودتى
|
لك العذر اخي عبد السميع ولكل المتداخلين في بوستاتي
والله ما قصة طتاش ولا عدم تقدير
القصة قصة النت من المكتب والعمل لا يدعك تفتح بوستات الموقع براحتك
وعندما تصل المنزل بعد دوام طويل
بتبعد من الكمبويتر عشان تريح عينيك من الارهاق (طول النهار امام الشاشة)
عذري لك وعذري لكل اخواني واخوتي البورداب في كل بوست سابق انا ما رديت عليهم
وكل سنة وانت طيب
|
Post: #18
Title: Re: أسماء الجنيــــد فى عام 2010
Author: ALGARADABI
Date: 01-06-2010, 02:34 PM
Parent: #17
أسماء الجنيد
(بحر المحنة وكت يفيض)
احتياطا كده مفروض بكري يديها (باسوردين)
الظروف ما معروفة
كل سنة وهي بخير
والفاتح بخير(طولنا من تلجك المكسر يا فاتح)
والعيال بخير
ولك الشكر أخي عبد السميع على هذه الاتكاءة الحنينة
|
Post: #19
Title: Re: أسماء الجنيــــد فى عام 2010
Author: soma
Date: 01-07-2010, 10:37 PM
Parent: #18
سلام يا احبة جميعا
عذراعندى مشكلة فنية
برجع ليكم بى مهلة
|
Post: #20
Title: Re: أسماء الجنيــــد فى عام 2010
Author: saif addawla
Date: 01-08-2010, 06:06 AM
Parent: #19
نرسل التحية للشاعرة الرقيقة اسماء الجنيد
|
Post: #21
Title: Re: أسماء الجنيــــد فى عام 2010
Author: khaleel
Date: 01-11-2010, 01:36 PM
Parent: #20
يا سلام
علي الشاعرة المجيدة
بت ملوك النيل اسماء الجنيد
انيقة الحرف والمفردة
|
Post: #22
Title: Re: أسماء الجنيــــد فى عام 2010
Author: باسط المكي
Date: 01-11-2010, 02:35 PM
Parent: #21
سوما
ياخي طولنا من حروفك وتداعيات
طاعمة ..قريناها هنا وهناك .
.......
شكرا عبد السميع
للنداء الجميل ..
|
Post: #23
Title: Re: أسماء الجنيــــد فى عام 2010
Author: doma
Date: 01-11-2010, 02:41 PM
Parent: #22
سومه ست اللهيج السكري
لها كل الاماني المشرقه اشراق وجهها الصبوح .
شكرا لصاحب البوست
|
Post: #24
Title: Re: أسماء الجنيــــد فى عام 2010
Author: ناصر البهدير
Date: 01-11-2010, 08:18 PM
Parent: #23
سلامات الاستاذة بت الناظر
كيف العيال وعموم الاسرة والعزيز زاهر ..
شايف واحد جايب صورة فريدة صديق الطيب
ولا برة السشبكة اكون ...
اكيد صورتك لمن كنتي قدر فريدة في الثمانينات ..
لكم كل الود والتحايا
يلا من شعرك شوية ....
|
Post: #25
Title: Re: أسماء الجنيــــد فى عام 2010
Author: soma
Date: 01-12-2010, 06:20 AM
Parent: #24
الاحباء جميعا اعتذر بشدة لتأخير الرد وذلك لمشكلة فنية تواجهنى
ما عارفة بكرى ابو بكر ده ما قال بسم الله فى بداية السنة الجديده دى
ولا اخونا كوستاوى جانا كارى معاه الثلوج القدام بيتهم وقفل منى الباب ..لوول
ارجح الاخيره جداااااااا
التحية للجميع ولكم العتبى حتى ترضوا
****
الحبيبة القريبه مها عبد الله
مشتاقين ومشتاقين ومشتاقين
يا حنينه من وسط اهلى السمحين
طلتك براها فال ابيض لعام الفين وعشرة
تسلمى يا ستى كتير على طلتك السمحه زيك
وشكرا ليك مطامير فرح
|
Post: #26
Title: Re: أسماء الجنيــــد فى عام 2010
Author: soma
Date: 01-12-2010, 06:45 AM
Parent: #25
ود عمى ود المحرب حباااابك يابا
وكل سنة انت وست بيتك ووليداتك طيبين يا رب العالمين
وان شاء الله سنة سعيده عليكم يا رب
وقفتكم وسندكم لى ده شريف عظيم يخلينى اناطح السحاب
ان شاء الله مع دعواتكم ربنا يقدرنى ارضى الجميع
شكرا لى طلتك المتل خريف البطانه خدرا ونديانه
شكرا بلاد محنة
|
Post: #27
Title: Re: أسماء الجنيــــد فى عام 2010
Author: soma
Date: 01-12-2010, 05:28 PM
Parent: #26
استاذ الاجيال كريم الخصال
استاذنا وعمنا الجليل محمد احمد الخضر
حبابك يا عز القبايل
ده شرف عظيم يعلم الله مداخلتك التى اثلجت صدرى وطوقتنى بالفرح من كل صوب
ربى يديك الصحه والعافية ويسعدك ديمة بقدر ما اسعدتنى وقدرتنى اليوم
شكرا ليك نخيل بلدنا
|
Post: #28
Title: Re: أسماء الجنيــــد فى عام 2010
Author: soma
Date: 01-12-2010, 05:58 PM
Parent: #27
يا سلاااااااام يا استاذ الموصلى
طلتك دائما مميزه زى الامانى السندسية
لك تحيه ومليون تحية على الكلمات النديه
كل سنة وانت طيب يا الحنين اب قلبا طيب
وكل اسرتك وعام جديد سعيد عليكم ان شاء الله
سلامك للفتح وصل وببلغك اضعافة
شكرا بكل الوان الطيف
|
Post: #29
Title: Re: أسماء الجنيــــد فى عام 2010
Author: صديق الموج
Date: 01-12-2010, 06:14 PM
Parent: #28
انا احب السامقه اسماء الجنيد رغم انف الفاتح
سمية قدر التحدى وعمرها ما خيبت لنا ظن
فقد طلبتم اجود الثمر من وارف الاشجار
ولاشك انها معطاة
لسميه كل التقدير ووافر الاحترام
استوى اعتدلو
خلف سميه اصطفوا يرحمكم الله ،،،،
|
Post: #30
Title: Re: أسماء الجنيــــد فى عام 2010
Author: soma
Date: 01-14-2010, 03:10 PM
Parent: #29
جمال السنوسى الشاعر الانيق
ليك وحشة يا رجل يا مررهف
بالله ابعد لينا من هضربة الكورة شويه
وارجع لينا جمال الشاعر الشفيف
فى انتظار ابداعاتك واسعدنى مرورك المميز جدا جدا
|
Post: #31
Title: Re: أسماء الجنيــــد فى عام 2010
Author: soma
Date: 01-14-2010, 03:19 PM
Parent: #30
القرضابى يا رجل من الزمن الجميل
سلام وكل سنة وانت طيب يا ملك
لووووووووول صاحبك الفاتح قال ليك ارجانى فى اول مدخل للعام الفين وعشرة
بسلم عليك كتير جدا
كتر الف خيرك يا قرضابى يا قريبى الهلالابى
شكرا ليك لمة اهل فى ضل ضحى
|
Post: #32
Title: Re: أسماء الجنيــــد فى عام 2010
Author: soma
Date: 01-14-2010, 03:38 PM
Parent: #31
خليل الجميل
سلام يا خلى العيش حرام
ناس الهلال الليله شرفونى اولاد الرجال حبابكم مليون
شكرا يا خلى شكرا ليك على طلتك الدائما مشرقة والله
وشكرا على رقة المعانى التى اسعدتنى جدا
وما غريبه منك يا ود ملوك النيل
|
Post: #33
Title: Re: أسماء الجنيــــد فى عام 2010
Author: soma
Date: 01-17-2010, 03:18 PM
Parent: #32
Quote: سوما
ياخي طولنا من حروفك وتداعيات
طاعمة ..قريناها هنا وهناك .
.......
شكرا عبد السميع
للنداء الجميل .. |
العزيز باسط المكى حبابك يا دخرى
الشوق حنين
كيفنكم واريت حالكم زين
التحايا لكل الاهل بالله
وشكرا يا ود القبائل على الطلة
تسلم يا ود الفريق والحلة
والشكر مطبوق للاخ عبد السميع
وعذرا على التأخير
|
Post: #34
Title: Re: أسماء الجنيــــد فى عام 2010
Author: لؤى
Date: 01-17-2010, 03:28 PM
Parent: #1
Quote:
أسماء الجنيــــد فى عام 2010 |
وفي كُلّ عام
بأدبٍ رفيع يكون الدّخول إلى هنا
في سماء حضرة سامية المقام سموّ الأُستاذة السّامية سوما
شُكراً أخي عبد السّميع
|
Post: #35
Title: Re: أسماء الجنيــــد فى عام 2010
Author: soma
Date: 01-18-2010, 05:59 AM
Parent: #34
Quote: سومه ست اللهيج السكري
لها كل الاماني المشرقه اشراق وجهها الصبوح .
شكرا لصاحب البوست |
دوما الحبيبة من القليب قريبه
طلتك حنينة جنس محنة يا دوما
يعلم الله ان شفتك حايمه ساى فى اى بوست ارتاح وانجم
ان شاء الله الاقيك يمه وتبقى الانجمامه بى قلدة محنة
شكرا غيم ضهر يا غالية
وسنة الفين وعشرة فالها عليك خير وعافية
|
Post: #36
Title: Re: أسماء الجنيــــد فى عام 2010
Author: soma
Date: 01-18-2010, 06:02 AM
Parent: #35
| Quote: نرسل التحية للشاعرة الرقيقة اسماء الجنيد |
استاذنا القدير سيف الدولة
ولك التحيه مطبوقه
والشكر ممتد لطلتك الجميلة
شكرا مارقة من الجوف
|
Post: #37
Title: Re: أسماء الجنيــــد فى عام 2010
Author: soma
Date: 01-18-2010, 06:07 AM
Parent: #36
العزيز كوستاوى
قالوا ليك الفين وعشرة
مامن الارشيف
انت خدر ده فتل ليكم السنة ولا شنو ؟ لووول
تحياتى لك ولكوستاوية وكل سنة وانتو طيبين
|
Post: #38
Title: Re: أسماء الجنيــــد فى عام 2010
Author: soma
Date: 01-18-2010, 06:20 AM
Parent: #37
Quote: سلامات الاستاذة بت الناظر
كيف العيال وعموم الاسرة والعزيز زاهر ..
شايف واحد جايب صورة فريدة صديق الطيب
ولا برة السشبكة اكون ...
اكيد صورتك لمن كنتي قدر فريدة في الثمانينات ..
لكم كل الود والتحايا
يلا من شعرك شوية .... |
اخى العزيز ناصر البهدير
سلام واحترام
يا حليلك انت المن ريحة الناظر
الاهل كلهم بخير وزاهر بخير وبسلم عليك كتير
ههههه وين فريدة هنا يا خوى
ضحكتنا انا وزاهر شديد
يا حليلك والله
لك التحايا والود وعبرك لكل الاهل
وان شاء الله الناس تلتقى فى ساعة خير باذن الله
|
Post: #39
Title: Re: أسماء الجنيــــد فى عام 2010
Author: soma
Date: 01-18-2010, 06:44 AM
Parent: #38
Quote: انا احب السامقه اسماء الجنيد رغم انف الفاتح
سمية قدر التحدى وعمرها ما خيبت لنا ظن
فقد طلبتم اجود الثمر من وارف الاشجار
ولاشك انها معطاة
لسميه كل التقدير ووافر الاحترام
استوى اعتدلو
خلف سميه اصطفوا يرحمكم الله ،،،، |
ود الموج حبابك يا روح وريحانة البورد فى زمنا العجيب
تسلم يا ود القبائل على السمح الجانى مدفق من تالاك
خدرت كل دروبى وفرهدت الحنين الوان
تسلم يا عشا الضيفان
وين الحى بيك .. اخباركم .. اشتقنا لى لمتكم السمحة يعلم الله
كانت من اروع اللمات على الاطلاق فى عمرنا كلو
يا ريت تتكرر لينا قريب
التحية عبرك ايها العزيز القريب لست بيتك الحنينة والحلوين نوارة داركم
ربنا يحفظكم وسنة الفين وعشرة ان شاء الله تهل عليكم كما تشتهون
اما رفيقك الفاتح بقول ليك المشكلة انه مكانتك فى الوجدان لها رنين خاص
لكم الشكر ضفاف
|
Post: #40
Title: Re: أسماء الجنيــــد فى عام 2010
Author: إدريس محمد إبراهيم
Date: 01-18-2010, 07:06 AM
Parent: #39
أولاً الشكر أجزله للأخ / عبد السميع لابتدار هذا البوست .. فلا يعرف الفضل إلا أهل الفضل ..
الأخت الشاعرة / أسماء الجنيد ...
فواحة بالعبير والشذى كزهرة البستان اليانعه تنثر الحب والعسجد ألواناً .. ملكت ناصية الإبداع حقيقة في شعرها الجميل المتميز ببساطة الكلمة مترفة المعاني وصادقة الاحساس .. كم أحب كتاباتها .. ويتملكنى إحساس جازم بأنها كون من الحنان الفياض الصادق فهي أخت بحق بكل ما تحمله الكلمة من معاني ... وإنسانة ندية الاحساس جميلة الدواخل ... (ولو مكدبني) أقرأ لها أية مداخلة .. ناهيك عن الشعر المنساب من نبع الفراديس ...
أتمنى لها ولأسرتها ولجميع من حولها كل الخير الذي في الدنيا في 2010م وما يليها من أعوام مديدة عامرة بالسعادة والهناء بإذن المولى عز وجل .. وأتمنى عليها أن تتحفنا بشعرها التريان دائماً .. فهلا فعلت أختنا أسماء ... مع خالص حبي وتقديري للجميع ؛؛؛
|
Post: #41
Title: Re: أسماء الجنيــــد فى عام 2010
Author: ALGARADABI
Date: 01-18-2010, 07:08 AM
Parent: #34
| Quote: في سماء حضرة سامية المقام سموّ الأُستاذة السّامية سوما |
يا لؤي
طبق سوما يقدر يطبف طبقك وطبق طارق صاحبك
|
Post: #42
Title: Re: أسماء الجنيــــد فى عام 2010
Author: عبد السميع دفع الله
Date: 01-18-2010, 09:41 AM
Parent: #41
تحايا بطعم الاناناس والبابونج
لكل من عبر واتمنى ان يصبح هذا البوست إتكاءة دافئة
من وعناء السياسة واللفحى لكل من يحب الهدوء والجمال
وعذب الحديث
لكم جميعا كل الحب والود.
|
Post: #43
Title: Re: أسماء الجنيــــد فى عام 2010
Author: soma
Date: 01-18-2010, 10:31 AM
Parent: #42
Quote: وفي كُلّ عام
بأدبٍ رفيع يكون الدّخول إلى هنا
في سماء حضرة سامية المقام سموّ الأُستاذة السّامية سوما
شُكراً أخي عبد السّميع |
لؤى..
يا ضى شبابيك الاهل
السعاده تبراك فى كل محل
واليومين ديل معاك الملائكه
دقر العين
والله يا الضى
طلتك مميزه
وملانه شوق
الله يجعل عام الفين عليك كما تريد
وشكرا ليك مجرتقة يا عريسنا الجميل
|
Post: #44
Title: Re: أسماء الجنيــــد فى عام 2010
Author: عادل نجيلة
Date: 01-19-2010, 07:41 AM
Parent: #43
التحية للأعزاء أسماء و محمد الفاتح و أنجالهم ..
و كل عام و أنتم بخير و في رعاية الله دومآ.
|
Post: #45
Title: Re: أسماء الجنيــــد فى عام 2010
Author: عبدالله علقم
Date: 01-19-2010, 11:47 AM
Parent: #44
كلكم أخوان وأخوات أسماء الجنيد لكن أنا عمها.. تحية لها ولأسرتها الكريمة ، التي هي أسرتي، في الوطن وفي المهاجر
|
Post: #46
Title: Re: أسماء الجنيــــد فى عام 2010
Author: عبدالأله زمراوي
Date: 01-19-2010, 12:10 PM
Parent: #45
التحية لعاشقة الوطن الشاعرة الرقيقة أسماء
وحرفها الندي المُشبع بالحنين والشجون....
نحتاج لأشعارها الرائعة في هذه العام الجديد
ونحتفي بقلمها الجميل في كل الأعوام والمواسم،
إنها شاعرةٌ جديرةٌ بالإحتفاء...
وشكراً جزيلاً ً أخي الأستاذ عبد السميع دفع الله...
|
Post: #47
Title: Re: أسماء الجنيــــد فى عام 2010
Author: عبدالله ود البوش
Date: 01-19-2010, 12:11 PM
Parent: #45
كنت لا اميز بين SOMA و DOMA
والان عرفت السر
تؤامة وسجع كامل الدسم
ربنا يحفظكما
وشكرا عبدالسميع
عمكما ود البوش
|
Post: #48
Title: Re: أسماء الجنيــــد فى عام 2010
Author: soma
Date: 01-19-2010, 10:13 PM
Parent: #47
Quote: أولاً الشكر أجزله للأخ / عبد السميع لابتدار هذا البوست .. فلا يعرف الفضل إلا أهل الفضل ..
الأخت الشاعرة / أسماء الجنيد ...
فواحة بالعبير والشذى كزهرة البستان اليانعه تنثر الحب والعسجد ألواناً .. ملكت ناصية الإبداع حقيقة في شعرها الجميل المتميز ببساطة الكلمة مترفة المعاني وصادقة الاحساس .. كم أحب كتاباتها .. ويتملكنى إحساس جازم بأنها كون من الحنان الفياض الصادق فهي أخت بحق بكل ما تحمله الكلمة من معاني ... وإنسانة ندية الاحساس جميلة الدواخل ... (ولو مكدبني) أقرأ لها أية مداخلة .. ناهيك عن الشعر المنساب من نبع الفراديس ...
أتمنى لها ولأسرتها ولجميع من حولها كل الخير الذي في الدنيا في 2010م وما يليها من أعوام مديدة عامرة بالسعادة والهناء بإذن المولى عز وجل .. وأتمنى عليها أن تتحفنا بشعرها التريان دائماً .. فهلا فعلت أختنا أسماء ... مع خالص حبي وتقديري للجميع ؛؛؛ |
اخى العزيز جدا ادريس
سلام من الله يغشاك.. وعين الله ترعاك
طلتك لها صدى خاص
ومكانه خاصه فى الوجدان
دائما ما اتردد كثيرا فى اى مداخلة لك معى
اعجز عن التعبير تماما
احساسك الشفيف الذى توشحنى به يظل دوما نبراس فى طريقى
ودفعه قوية للا ستمرارية..
اسال الله ان اكون عند حسن الظن
اتمنى من الله التوفيق والرضا
وارجوان تمدونى بدعواتكم
كتر الف خيرك يا ود القبائل
وشكرا ليك دعوات قبيلة
بهديك والاخوة والاخوات الاعزاء
اهديكم اهل القبيلة
الصندل المكنون
جرتق الفرسان
الخرزه والكمون
من عين حسود انسان
راكوبه وسبيل
تيبار سقى العطشان
بروشنا مفروشه
لقراية القرآن
الحلقه مزروبه
صفوف من الحيران
اللمه فى حوشنا
تطمن الضهبان
الخلوه معروفه
و الرايه فى الديوان
نارنا موصوفه
بتوج مع الآ ذان
الناقه مضبوحه
والناقصه بالتيران ..
الكسره مردومه
وملاحنا بالقيزان
الجد البطايب
ركازة الحبان
عصايتو معكوفه
لمباتو بالقيطان
ايدو مخلوفه
للشوره والاحسان
قلبو الحنين
بياضو زى دبلان
الغره فى جبينو
للتوبه والغفران
الجبنه وبخورا
تكيه للضيفان
مراحنا السعيه
عشانا و الجيران
عشرتنا الولوفه
خوتنا زى تيمان
اسماء الجنيد/ مسقط
|
Post: #49
Title: Re: أسماء الجنيــــد فى عام 2010
Author: عبد المنعم سيد احمد
Date: 01-20-2010, 00:29 AM
Parent: #48
شكرا الزميل عبد السميع
فها قد عادت الاستاذة الشاعرة
اسماء الجنيد
ليعود للمنبر حرفه اليانع الاخضر
الاستاذة سوما
جديرة بالاحتفاء
مرحبا بالعودة
|
Post: #50
Title: Re: أسماء الجنيــــد فى عام 2010
Author: إدريس محمد إبراهيم
Date: 01-20-2010, 09:19 AM
Parent: #49
Quote: الناقه مضبوحه
والناقصه بالتيران ..
الكسره مردومه
وملاحنا بالقيزان
الجد البطايب
ركازة الحبان
عصايتو معكوفه
لمباتو بالقيطان
ايدو مخلوفه
للشوره والاحسان
قلبو الحنين
بياضو زى دبلان
الغره فى جبينو
للتوبه والغفران
الجبنه وبخورا
تكيه للضيفان
مراحنا السعيه
عشانا و الجيران
عشرتنا الولوفه
خوتنا زى تيمان |
أسماء ...
تسلمي با بت الكرم والجود ..
با بت بيوت العز ...
والنفره والقرآن ...
يا سلالة الطيبين ..
ناس المروّه زمان ....
الدهب المجمّر ...
ما بغلبو اللمعان ...
قلبك بالمحنّه ...
وصادق الولف تريان ..
وحرفك زاهي ينضح ...
شعراً جميل فنان ...
مع خالص حبي وتقديري للجميع ؛؛؛
|
Post: #51
Title: Re: أسماء الجنيــــد فى عام 2010
Author: عبد السميع دفع الله
Date: 01-20-2010, 09:39 AM
Parent: #50
هـــــا قد بدأت تباشير التداعـى الجميل
نثراً وشعـــــــــراً
شكــــــــرا ادريس محمد فقد استطعت ان تخرج
الشاعرة من خيمتها ونجحت فيما فشلنا فيه نحن
لك التحية اينما تكــــــــون .
(وصافى دهب الخزانة )
|
Post: #53
Title: Re: أسماء الجنيــــد فى عام 2010
Author: عبد السميع دفع الله
Date: 01-20-2010, 10:03 AM
Parent: #51
القرضابى
شكرا فقد اضفيت الابتسامة الحلوة للبوست
سيف الدولة صاحب الالق والبصمة الجميلة شكرا دبل
خليل - تسلم من كل اذى يا ابو خليل
DOMA لك التحية دومـا يا دومــا
ناصر البهدير - شكر وتحية وتقدير واستفسار عن
اسم بهدير للتكرم بالاجابة فهو اسم جديد عليا
صديق الموج - زارتنا الملائكة =نجم النجوم
وحاصد جائزة نجم 2009 بالبوست الشهير اياه
واظنك فاهمنى لاننا فى الهم شرق (ومعليش الجاى
احلى فى اقرب غد ) مودتى
الوجيه العريس لؤى (THANK
هل تذكر يا لؤى انك فتحت بوست شهير فى 2005
عن المبانى المركبة - استفسار اين ذهبت الفكرة
عادل نجيلة ( لك التقدير وهل ياسر نجيلة صديقنا وحبيبنا اخوك)
واود بهذه المناسبة ان احكى ليك طرفة صغيرة وهى تدل على ولع السودانيين
بكرة القدم0 السيد عمر حضرة احد اعمدة الاتحادى شغل منصب وزير الاسكان
وذهب للقاء المغتربين السودانيين لشرح الخطة الاسكانية وكده تقريبا فى الرياض
او جده وكان اى مغترب يأخذ فرصة للسؤال فقام واحد مرضان قال للزير عايز
أسالك احمد حضرة لاعب الهلال دهـ اخوك فضجت القاعة بالضحك لغرابة السؤال؟
عبدالله علقم (العم) كيف اشكرك وانتم اهل الدار وذوى الفضل
عبدالاله زمراوى (سليل الاكرمين) ولن انسى المعاملة الراقية التى وجدتها من
الكابتن زمراوى حينما كان ببرج سيتى بانك ويشغل منصب مرموق بسودانير
لا ادرى اين ذهب هذا الجميل الراقى واكيد تربطك صلة قرابة به بحكم الملامح
والاسم.
عبدالله ودالبوش - تحية بحجم وطن لك ولاسرتك الكريمة
عبدالمنعم سيد أحمد - وافر التقدير وعظيم الامتنان
ودمت بعافية .
لكم جميعا بحــــــــر من المودة .
|
Post: #52
Title: Re: أسماء الجنيــــد فى عام 2010
Author: عبدالله علقم
Date: 01-20-2010, 10:00 AM
Parent: #49
سوما الغالية
كلماتك عطر وعنبر .. سهلة وممتنعة .. تنسجين حروفها الوسيمة في براعة ربانية ووجد صوفي فنعبر بها ومعها، وهي في كامل أناقتها، وحشة الأزمنة وغربة الأمكنة لنعاود من جديد وفي كل مرة ذات الانكفاءة في حضن الدار والعشيرة والأيام الجميلة التي رهنّاها لأحلام في رحم الغيب.
كلماتك، يا رعالك الله، تشجيني وتبكيني.
|
Post: #54
Title: Re: أسماء الجنيــــد فى عام 2010
Author: soma
Date: 01-21-2010, 11:02 AM
Parent: #52
Quote: التحية للأعزاء أسماء و محمد الفاتح و أنجالهم ..
و كل عام و أنتم بخير و في رعاية الله دومآ. |
يا سلاااااام يا ملامح
حبابك اخى العزيز عادل نجيلة
ذكرتنا الجلسات الشعريه ولمة السمحين
يا حليل الرفقة واللمه
وين اخوانا ناس دبيب وحسن ستة
ياااااه زمن ما اروعه
اتمنى انت تعود تلك الليالى العتيقة
سلامك وصل اخى العزيز والفاتح ببلغك اضاعفة لك وللاسرة الكريمة
شكرا محنة
|
Post: #55
Title: Re: أسماء الجنيــــد فى عام 2010
Author: soma
Date: 01-21-2010, 12:29 PM
Parent: #54
| Quote: كلكم أخوان وأخوات أسماء الجنيد لكن أنا عمها.. تحية لها ولأسرتها الكريمة ، التي هي أسرتي، في الوطن وفي المهاجر |
انت ابوى الغالى وعمى الحنين
الله يخليك لينا يا اعز الناس
مليتنى عافية من ساعة قريت كلامك
ربى يملاك سعادة وخير ياالحنين واصيل
لى يومين يعلم الله
امشى واجى اتاوق فى محنتك المشتته بين حيشانا الكبار
المحنة البكر الرضعتها من انقى القلوب وتشبعت بها
وسقيتنا ليها عبر الربيتهم وعلمتهم معنى الوفاء والاخاء والمودة
ربى يخليك لينا ويجعل البركة فى ذريتك ان شاء الله
واسأل الله نلتقى قريب
لك سلام كل الاهل
والتحايا عبرك للاسرة الكريمة لهم كل الود
|
Post: #56
Title: Re: أسماء الجنيــــد فى عام 2010
Author: وليد عبد اللطيف
Date: 01-21-2010, 12:44 PM
Parent: #55
Quote:
فطالما كانت واحاتها(بوستاتها) دوما اتكاءة حلوة وعذبة لكل محبى الفن
والادب والشعر والحكى الجميل عن البطانة وقيمها الراسخة.
|
سوما
لما ترد عليك كلامها ينقط عسل زي مابقولوا
نهايك عن قصائدها ومفرادتها الادبية
ونحن نقول لها فراسة ادبية ومـتأدبه
وننتظر منه الكثير بعد ان جزبت كل القراء
ونحن هنا نبحث عن الكلام الجميل فقط
على الاقل نرتاح عندها لما ترهقنا المواضيع السياسية
----------------------
الف تحية ليك عبد السميع دفع الله
|
Post: #57
Title: Re: أسماء الجنيــــد فى عام 2010
Author: soma
Date: 01-21-2010, 01:29 PM
Parent: #56
Quote: التحية لعاشقة الوطن الشاعرة الرقيقة أسماء
وحرفها الندي المُشبع بالحنين والشجون....
نحتاج لأشعارها الرائعة في هذه العام الجديد
ونحتفي بقلمها الجميل في كل الأعوام والمواسم،
إنها شاعرةٌ جديرةٌ بالإحتفاء...
وشكراً جزيلاً ً أخي الأستاذ عبد السميع دفع الله... |
شكرا ليك انت شاعرنا الثورى القامة
استاذى الجليل زمراوى الرجل الرقم الذى يصعب تجاوزه
لقد امطرتنى ايها الشامخ شموخ نخيل بلادى
امطرتنى بكرم معانيك ونبلك وتواضعك الجم ايها الشاعر الشفيف
لله درك ايها السامق ..
لى الحق ان افرح بهذا الاحتفاء وبهذا الكم الهائل من الاحاسيس النبيلة
لك منى يا صاحب المفردة المميزة
لك الشكر ممتد جسور مودة واحترام
ربى يسعدك بقدر فرحى بى طلتك
وشكرا سلام وطن
|
Post: #58
Title: Re: أسماء الجنيــــد فى عام 2010
Author: soma
Date: 01-22-2010, 06:46 AM
Parent: #57
Quote: كنت لا اميز بين SOMA و DOMA
والان عرفت السر
تؤامة وسجع كامل الدسم
ربنا يحفظكما
وشكرا عبدالسميع
عمكما ود البوش |
عمنا ود البوش حبابك يا سيد الحوش
حيشان اهلنا الكبار الملانات حنية وممهولات للغير
كل القلوب نفاج فاتحه على بعض مكندكات محنة وطيبة خاطر
طلتك علينا انا ودوما فال سمح وقيدومة عريس بكر امو
دوما حبيبتى ونور عينى بركة اللميتنى وجمعتنى بيها
دى الجنة زاتها
تسلم يا ود القبائل
وشكرا ليك ضل ضحى
|
Post: #59
Title: Re: أسماء الجنيــــد فى عام 2010
Author: soma
Date: 01-22-2010, 07:04 AM
Parent: #58
وطل صباحى اليوم وبداية مشرقة ان شاء الله بوجودكم
وتزامن هذا اليوم بتاريخ ميلادى فى هذة البسيطة التى يسمونها الدنيا
لكم التحية جميعا
ولى الحق لافرح بكم ومعكم رغم وجع الغربه وبعادها
ميلااااد
فى ميلادى ...البكرى
الحازم نصو وخاتر يجرى
سارق الضحكة الفينى بتسرى
ودافن الآهه تأجج صدرى
تفج الوجعه الضفرت قدرى
تسند الحر اللافح يهرى
جاتنى اللحظة وشلت فكرى
ردت روحى وحلمى العذرى
الشد رحالو وهاجر بدرى
وزى بتضارا منو وبجرى
اشوف الغيمه واحرس مطرى
امكن ينزل يخدر شدرى
امكن يرحل يطول سفرى
وفى الحالتين يدندن وترى
ويحكى قصيدة ....
اصلى معاكم وجوة وحيدا...
فينى الفكره اللسة وليدا
طاوية الذكرى الواقفة عنيدة
تدافر مره وترفع ايدا
تدوزن غنوة الحانها عنيدا
دايره تشارك بى ترديدا
تناغم القيف الغازل صيدا
صفق شدرو الحت جريدا
يحكى القصة وتانى يعيدا ..
فيها الخاطر الكاسر قيدا
مدون اسفو الدامى وريدا
مطرق سيفو القاسم جيدا
وبين الدهشة الشلت ريدا
طلت نسمة قريبه بعيدا
شلعت نورا و ضوا خديدا
هلت دنيا تانى جديدا
فيها حياتنا طفلة سعيدا
تضاحك روحا تنادى نديدا
سومااا
|
Post: #60
Title: Re: أسماء الجنيــــد فى عام 2010
Author: soma
Date: 01-22-2010, 07:15 AM
Parent: #59
Quote: شكرا الزميل عبد السميع
فها قد عادت الاستاذة الشاعرة
اسماء الجنيد
ليعود للمنبر حرفه اليانع الاخضر
الاستاذة سوما
جديرة بالاحتفاء
مرحبا بالعودة |
الشاعر الشفيف الوريف عبد المنعم
حبابك ياجميل من بلادى
كل سنة وانت طيب وكل الاسرة ان شاء الله
لك التحايا والتقدير بحجم ابداعك يا نبيل
ونتمنى ايضا عودتك انت يا ابن الحصاحيصا المسكون وطنية
شكرا ليك ممتده من هنا الى ضفاف الجزيرة الخضراء
|
Post: #61
Title: Re: أسماء الجنيــــد فى عام 2010
Author: عبدالله ود البوش
Date: 01-22-2010, 09:43 AM
Parent: #60
الانسان كلمة
الكلمة الطيبة تنزل في القلب لقمة حارة في بطن جائع
سيد الكلمة الطيبة جابر ومشكور حي ميت
لم اعرف سوما ولا دوما ولكني قرأت كلمات
والانسان كلمة
الكلمة الطيبة تديم العشرة وتبني بلد والقاسية تهدو
اكان طابت الكلمة طاب القلب وعمر البلد
البمنع شنو كلنا سوما
والبمنع شنو كلنا دوما
تاتي لبن امك حلو
تاتي جناك وسمعوكلمة طيبة
ولجارك ازيك يا حبيب وعوافي
ودي آ جنا كورة اللبينة دي لخالتك ام زين
واغشى عمك الطيب وشوفو ان شاء الله اصبح طيب
وقولوه ابوي كان بجيك لكن متحسس شوية
كلمة واحدة بس نفتح نفاج سنين من منحة ومترين غنا
كلمة واحدة بس تولعا نار لاتطفيها مليون كلمة
اطفوا الحر الفي القلوب بالكلمة الطيبة
سوا روضة للشفع وسموها روضة المحنة
وعلموا الشفع يقولوا بحبك ماما سوما وبحبك ماما دوما
وعلموا الكبار اقولوا للعور كريم العين
وللشحاد متعشم
اللهم اعفو عني فقد عفوت عن جميع من ظلمني
وهدا دربي على صلاة الجمعة وادعوا لكم جميعا
ان يجمع الله بين قلوبنا ويؤلف بيينا
ويجعل الكلمة الطيبة تجري على السننا مجرى الدم
|
Post: #62
Title: Re: أسماء الجنيــــد فى عام 2010
Author: عبد السميع دفع الله
Date: 01-22-2010, 12:13 PM
Parent: #61
كل سنة وانت طيبة
يا ســومـا
وعقبال مائة شمعة تضى ليالينا .
|
Post: #63
Title: Re: أسماء الجنيــــد فى عام 2010
Author: soma
Date: 01-22-2010, 05:55 PM
Parent: #62
Quote:
أسماء ...
تسلمي با بت الكرم والجود ..
با بت بيوت العز ...
والنفره والقرآن ...
يا سلالة الطيبين ..
ناس المروّه زمان ....
الدهب المجمّر ...
ما بغلبو اللمعان ...
قلبك بالمحنّه ...
وصادق الولف تريان ..
وحرفك زاهي ينضح ...
شعراً جميل فنان ... |
اخوى ادريس حبابك
يا ود العزة والمهلة
ود الحيشان ام سهلة
سقيت بلداتنا مطر
غرق مطاميرنا العصر
جيت يا السمح
ملفح بى طيبة اهلنا السمحين
موكرين محنة مدمدمين حنين
لفحت جمالك منهم خريفين
عبينا بيوتنا وقسمن للتانيين
شكرا لا تكفى ايها العزيز الغالى
على النظم الصادق الشفيف
شكرا يا حنين
شكرا قمر دورين
|
Post: #64
Title: Re: أسماء الجنيــــد فى عام 2010
Author: soma
Date: 01-22-2010, 06:08 PM
Parent: #63
Quote: سوما الغالية
كلماتك عطر وعنبر .. سهلة وممتنعة ..
تنسجين حروفها الوسيمة في براعة ربانية ووجد صوفي فنعبر بها ومعها،
وهي في كامل أناقتها، وحشة الأزمنة وغربة الأمكنة
لنعاود من جديد وفي كل مرة ذات الانكفاءة
في حضن الدار والعشيرة والأيام الجميلة التي رهنّاها لأحلام في رحم الغيب.
كلماتك، يا رعالك الله، تشجيني وتبكيني. |
حباب ابوى عز القبيلة ودخريها
فرحتى بيك لا بتنوصف لا بتنكتب
احساس الالفه واللقاء بعد غربة وبعاد
بوقارك ومكانتك يا فخرالاهل فى كل محل
تتوجنى ملكة فى عرش الوجدان
تزلزل المكان وتبكى الاديب الاريب ابوى ود ابوى علقم
دى نعمه اشكر عليها الله ليل نهار..
ربى يديك قدر يرضيك
شاحده الله السعادة تبقالك هدم يا احن عم
والعافية تبقالك رفيق طول الطريق
بهديك شدر الهشاب
كابلغ تعبير لفرحتى بي طلتك الحنينة
شدر الهشاب ..
اتشابا لي ضل السحاب
داير المطر ..
خايف اليباب ..
شاف ليه غيمه .. قال سراب .
ماظن تمطر كوم تراب ..
فجأة انهمر ..من غير حساب ..
بل الندى وعطر هضاب ..
بكت السماء..
رحل الرهاب
دنت الطيور من
الضباب ..
ركت تحت رسمت رحاب
رحل اليباس رحل الخراب ..
شدر الهشاب فرهد طرب
من تانى بى عودة الشباب
جدع صميغاتو ورقص..
رقصة غريب عاد للوطن بعد الغياب
وشكرا ليك سمسم قضارف
|
Post: #65
Title: Re: أسماء الجنيــــد فى عام 2010
Author: soma
Date: 01-22-2010, 06:24 PM
Parent: #64
Quote: سوما
لما ترد عليك كلامها ينقط عسل زي مابقولوا
نهايك عن قصائدها ومفرادتها الادبية
ونحن نقول لها فراسة ادبية ومـتأدبه
وننتظر منه الكثير بعد ان جزبت كل القراء
ونحن هنا نبحث عن الكلام الجميل فقط
على الاقل نرتاح عندها لما ترهقنا المواضيع السياسية |
وليد ود عمى عبد اللطيف
الشوق طامح وواصل القيف
حبابك يا ضى شبابيك الاهل
كتر الف خيرك يا الحنين
على الاحساس الشفيف الدافق حنية
طلتكم اخى وليد بتحرك الوجدان
وتسقى المشاعر من نبعكم الصافى
وكل المكتوب ليكم جاى منكم وليكم
دى احاسيس اصلها وفروعها انتم
بقلوبكم العامره وفاء واخاء
ربنا يعمر قلوبنا ويجمعنا فى بلدنا بالصحة والعافية
شكرا اخى العزيز وليد
شكرا فرحة ام بجناها الوحيد
|
Post: #66
Title: Re: أسماء الجنيــــد فى عام 2010
Author: Kostawi
Date: 01-22-2010, 07:21 PM
Parent: #65
Quote: العزيز كوستاوى
قالوا ليك الفين وعشرة
مامن الارشيف
انت خدر ده فتل ليكم السنة ولا شنو ؟ لووول
تحياتى لك ولكوستاوية وكل سنة وانتو طيبين |
|
Post: #67
Title: Re: أسماء الجنيــــد فى عام 2010
Author: soma
Date: 01-22-2010, 07:46 PM
Parent: #66
Quote: الانسان كلمة
الكلمة الطيبة تنزل في القلب لقمة حارة في بطن جائع
سيد الكلمة الطيبة جابر ومشكور حي ميت
لم اعرف سوما ولا دوما ولكني قرأت كلمات
والانسان كلمة
الكلمة الطيبة تديم العشرة وتبني بلد والقاسية تهدو
اكان طابت الكلمة طاب القلب وعمر البلد
البمنع شنو كلنا سوما
والبمنع شنو كلنا دوما
تاتي لبن امك حلو
تاتي جناك وسمعوكلمة طيبة
ولجارك ازيك يا حبيب وعوافي
ودي آ جنا كورة اللبينة دي لخالتك ام زين
واغشى عمك الطيب وشوفو ان شاء الله اصبح طيب
وقولوه ابوي كان بجيك لكن متحسس شوية
كلمة واحدة بس نفتح نفاج سنين من منحة ومترين غنا
كلمة واحدة بس تولعا نار لاتطفيها مليون كلمة
اطفوا الحر الفي القلوب بالكلمة الطيبة
سوا روضة للشفع وسموها روضة المحنة
وعلموا الشفع يقولوا بحبك ماما سوما وبحبك ماما دوما
وعلموا الكبار اقولوا للعور كريم العين
وللشحاد متعشم
اللهم اعفو عني فقد عفوت عن جميع من ظلمني
وهدا دربي على صلاة الجمعة وادعوا لكم جميعا
ان يجمع الله بين قلوبنا ويؤلف بيينا
ويجعل الكلمة الطيبة تجري على السننا مجرى الدم |
عمنا الحنين ود البوش
حبابك يا عشانا
وحباب هرجك الزين
وكلامك الرصين الرزين
نضيمك السمح ده يعلم الله
شالنى فى لمح البصر وختانى فى الجنيد وسط الفريق
وتوشك دخلت الحلة من بيت لبيت
مطايبة ومقالدة من طرف
لا خليت كبير لا خليت صغير
سلام ومطايبة بى محنة رويانه
المحنة تشمها فى هدم الحبوبة
وفى قعدة الراكوبة
وتحت الشديرة
المعشعش طيرا
وناغمت الجيران بى فوق الحيطه
احساس سقتنا ليه يا الاصيل الفضيل
بسردك الجميل
ومحنتك المعروفة
لو قسموها تكفى جيل وجيل
صدقت فيما قلت
يا ريت الكلمه الطيبة تبقى زادنا فى الغربة
واللهيج الحنين يبقى تربيتنا لاطفال الغد
لكى يتشبعوا كما تشبعنا نحن
من ارثنا العتيق
ليظل مناره طول الطريق
العم الفضيل
ختام مداخلتك كان بركة اليوم وكل يوم ان شاء الله
دعواتك المبروكة لنا جميعا وفى غيابنا
ان دل على شىء انما يدل على محنتك الدافقة ونيتك الصادقة
ربى يعليك فوق المابيك
ويحفظك ويخليك لينا ركازة وسند
تسلم يا كريم يا ود البلد
وشكرا ليك حواشات محنة
|
Post: #68
Title: Re: أسماء الجنيــــد فى عام 2010
Author: soma
Date: 01-22-2010, 07:53 PM
Parent: #67
Quote: كل سنة وانت طيبة
يا ســومـا
وعقبال مائة شمعة تضى ليالينا |
.
اخوى عبد السميع العزيز
وانت طيب يا بوى
ربى يجعل ايامك كلها اعياد
جعلت من ميلادى هذا ذكرى عتيقة ومميزة
بلمك كل الشمل فى نيمتك الوريفة
تسلم يا ود القبائل
سيد الخير الكتير المو مايل
**
متاوقة
دحن آخوى ما عصرت على شديد فى الشمعه المية دى ؟ لوول
تحياتى ومعزتى
|
Post: #69
Title: Re: أسماء الجنيــــد فى عام 2010
Author: Kostawi
Date: 01-22-2010, 07:59 PM
Parent: #68
ولو عايزة 3010
برضو موجود
|
Post: #70
Title: Re: أسماء الجنيــــد فى عام 2010
Author: عبد السميع دفع الله
Date: 01-22-2010, 08:09 PM
Parent: #69
اميرة الكلمة
خنساء السودان المشحونة تواضع والق .
ذكرتينى بقصة امرأة قيل انها جاءت تبكى الى نوح وتنوح بعد
وفاة ابنها الصغير (اخر العنقود)
فسألها نوح
كم عمر ابنك المتوفى (بفتح الفاء طبعا وبنخاف منكم طبعاياناس الضاد)
المهم اجابت المرأة ان عمر ابنهـــا فقط (300 سنة) يا حسرة
فقال لها نوح ما بالك فى امة نبى يأتى بعدى واعمارهم تقل عن
الستين عامـا (سكتت المرأة وهى متعجبة)
عمر طويل ان شاء الله ..
|
Post: #71
Title: Re: أسماء الجنيــــد فى عام 2010
Author: الفاتح الجنيد
Date: 01-22-2010, 08:33 PM
Parent: #69
الاحباب
اسماعيل وراق
عبد السميع
الموصلى
عادل نجيله
أجى أتاوق
ادور ارد عليكم
ألقى ود الموج بحب فى مرتى رغم انفى
النار تبق فينى
اقول اقصر الشر ... امرق
العن ابليس واقول معليش زى جدى
احاول اثبت ليهو انو ما بلحقنى
ألقى ليك القرضابى ملقى جردلو بدور يملاه من التلج المكسر
اصلوا عندهم التلج ده بشوفوهوه من رمضان لى رمضان
القرضابى : أها الواطا زيفة
والتلج بكسروا
شيلوا سويه شوربة
هى واحــه
فارده فى جواى مســاحه
لونا أطياف من قزح
رويانه بى موية الســماحه
تمشـى فيها النمــه راقصــه
فوق سـراباتا وبراحــا
فيها كم دوبايه شــتله
بيـن فراغــات المنـاحه
فى سـماها تلاقى غــيمه
بيـن نداهـا البدر لاحــا
لملـم ألـوان المـدن
رش الـفرح فى كل ســاحه
هى المراسى لكل سحابه
جارا أحزانا وجــراحا
هى المرافىء … والموانىء
ولى مراكب الغـربه راحــه
هى المحــطه لكل عـابر
والمســافر من ضحــاها
لو مهاجــر أو مغادر
جــاى فى ســكة ســياحه
يلقـى في وديـانا جمــه
وفى روابيــها إســتراحه
بينا أســراب قمرى غـنت
لبسـت للكون وشــاحا
نورت دنيا المعانى
بى تواشيح الصباحا
هى البداوه
وهى النداوه
وبيها عـطر الطيبه فاحا
|
Post: #72
Title: Re: أسماء الجنيــــد فى عام 2010
Author: Kostawi
Date: 01-22-2010, 09:54 PM
Parent: #71
|
Post: #73
Title: Re: أسماء الجنيــــد فى عام 2010
Author: soma
Date: 01-23-2010, 12:07 PM
Parent: #72
Quote: ولو عايزة 3010
برضو موجود |
وانت للوقت داك قاعد مقمبر ؟
loooolz
|
Post: #74
Title: Re: أسماء الجنيــــد فى عام 2010
Author: soma
Date: 01-23-2010, 12:24 PM
Parent: #73
Quote: اميرة الكلمة
خنساء السودان المشحونة تواضع والق .
ذكرتينى بقصة امرأة قيل انها جاءت تبكى الى نوح وتنوح بعد
وفاة ابنها الصغير (اخر العنقود)
فسألها نوح
كم عمر ابنك المتوفى (بفتح الفاء طبعا وبنخاف منكم طبعاياناس الضاد)
المهم اجابت المرأة ان عمر ابنهـــا فقط (300 سنة) يا حسرة
فقال لها نوح ما بالك فى امة نبى يأتى بعدى واعمارهم تقل عن
الستين عامـا (سكتت المرأة وهى متعجبة)
عمر طويل ان شاء الله .. |
تسلم يا ود القبائل المى كتر
وانت اخى الكريم معجونه دواخلك بالمحنة
اللهم آمين يا رب جمعا يا رب
شكرا اخى العزيز عبد السميع
شكرا دعوات قبيلة
|
Post: #75
Title: Re: أسماء الجنيــــد فى عام 2010
Author: لؤى
Date: 01-23-2010, 01:35 PM
Parent: #1
أخي عبد السّميع
مساء الخير
ومساء سعيد للأُستاذة أسماء
Quote:
الوجيه العريس لؤى (THANK
هل تذكر يا لؤى انك فتحت بوست شهير فى 2005
عن المبانى المركبة - استفسار اين ذهبت الفكرة
|
أعتقد أنّك تكون قد خلطت بيني وبين لؤي آخر
(( توضيح مهم ))
(( نفس التوضيح المهم وللمرّة الثانية ))
تحاياي
|
Post: #76
Title: Re: أسماء الجنيــــد فى عام 2010
Author: soma
Date: 01-24-2010, 06:30 AM
Parent: #75
Quote: هى واحــه
فارده فى جواى مســاحه
لونا أطياف من قزح
رويانه بى موية الســماحه
تمشـى فيها النمــه راقصــه
فوق سـراباتا وبراحــا
فيها كم دوبايه شــتله
بيـن فراغــات المنـاحه
فى سـماها تلاقى غــيمه
بيـن نداهـا البدر لاحــا
لملـم ألـوان المـدن
رش الـفرح فى كل ســاحه
هى المراسى لكل سحابه
جارا أحزانا وجــراحا
هى المرافىء … والموانىء
ولى مراكب الغـربه راحــه
هى المحــطه لكل عـابر
والمســافر من ضحــاها
لو مهاجــر أو مغادر
جــاى فى ســكة ســياحه
يلقـى في وديـانا جمــه
وفى روابيــها إســتراحه
بينا أســراب قمرى غـنت
لبسـت للكون وشــاحا
نورت دنيا المعانى
بى تواشيح الصباحا
هى البداوه
وهى النداوه
وبيها عـطر الطيبه فاحا |
لقياء
يوم لاقيتك .. شلت كلامك
وكيف صريتك..
اتراجعت .. دفنت حنانى
وجيت لفيتك ..
قصة طويله .. لونها بدايتك
واتمليتك ..
فرشت كلامى ..جمب مخلايتك
واترجيتك ..
تنشر منو.. وتملا عبايتك ..
واتحديتك ..
انو كلامك نصو حكايتك
شارب منك ..ولاقى عنايتك
واتعديتك
مشيت الخطوه اسابق جيتك
واتحاشيتك
عرفت الخوف الباعد بيتك
وجيت ناديتك
اتراجعت ابارى دريبك
وتانى رجيتك
واستنيتك اقرا حكايتك
وما مليتك
اتربعت طبقت وصايتك
واتوصيتك
اطوى الحجوه الفيها كنايتك
وكم لوليتك
اغنى حجاك الزرعو سقايتك
واتحجيتك
واتحجيتك ...
سندى ودثارى
تسلم ياالرفيق وقت الضيق ..وكفى
عارف يا ود الجنيد
الحكاية فخ من القرضابى والشلة
احسن ندير بالنا وما نتشتت
***
العزيز ود الموج حبابك
لوووول
كر يايابا بقيت جدلآل الجنيد ؟
فى متحف فى الرياض ولا نرجعك شارع النيل؟
كامل تضامنى مع الحبوبة نعومة( حبوبه دى من حبيبة ) ما من جدة
ما تستغل العبارات البريئه لصالحك يا جد ابو العيال
كل المعزة لكم
والريد نيلين
|
Post: #77
Title: Re: أسماء الجنيــــد فى عام 2010
Author: عادل نجيلة
Date: 01-24-2010, 07:32 AM
Parent: #76
Quote: هى واحــه
فارده فى جواى مســاحه
لونا أطياف من قزح
رويانه بى موية الســماحه
تمشـى فيها النمــه راقصــه
فوق سـراباتا وبراحــا
فيها كم دوبايه شــتله
بيـن فراغــات المنـاحه
فى سـماها تلاقى غــيمه
بيـن نداهـا البدر لاحــا
لملـم ألـوان المـدن
رش الـفرح فى كل ســاحه
هى المراسى لكل سحابه
جارا أحزانا وجــراحا
هى المرافىء … والموانىء
ولى مراكب الغـربه راحــه
هى المحــطه لكل عـابر
والمســافر من ضحــاها
لو مهاجــر أو مغادر
جــاى فى ســكة ســياحه
يلقـى في وديـانا جمــه
وفى روابيــها إســتراحه
بينا أســراب قمرى غـنت
لبسـت للكون وشــاحا
نورت دنيا المعانى
بى تواشيح الصباحا
هى البداوه
وهى النداوه
وبيها عـطر الطيبه فاحا
|
العزيز ودالجنيد..
لما الراجل يكتب قصيدة في رفيقة حياته فهذا قمة في الوفاء والحب و التقدير
وليس له إي علاقة تكسير تلج .. لكن المشكلة أن تطالب زوجاتنا بقصيدة مثل هذه,
وساعتها سنطالبهم بقصيدة تماثل قصيدة سوما في زوجها ودالجنيد..
وأسأل الله لكم دوام السعادة و الهناء و يكفيكم شر الحساد .. آمين ..
يوم لاقيتك .. شلت كلامك
وكيف صريتك..
اتراجعت .. دفنت حنانى
وجيت لفيتك ..
قصة طويله .. لونها بدايتك
واتمليتك ..
فرشت كلامى ..جمب مخلايتك
واترجيتك ..
تنشر منو.. وتملا عبايتك ..
واتحديتك ..
انو كلامك نصو حكايتك
شارب منك ..ولاقى عنايتك
واتعديتك
مشيت الخطوه اسابق جيتك
واتحاشيتك
عرفت الخوف الباعد بيتك
وجيت ناديتك
اتراجعت ابارى دريبك
وتانى رجيتك
واستنيتك اقرا حكايتك
وما مليتك
اتربعت طبقت وصايتك
واتوصيتك
اطوى الحجوه الفيها كنايتك
وكم لوليتك
اغنى حجاك الزرعو سقايتك
واتحجيتك
واتحجيتك ...
سندى ودثارى
تسلم ياالرفيق وقت الضيق ..وكفى
عارف يا ود الجنيد
الحكاية فخ من القرضابى والشلة
احسن ندير بالنا وما نتشتت
***
العزيز ود الموج حبابك
لوووول
كر يايابا بقيت جدلآل الجنيد ؟
فى متحف فى الرياض ولا نرجعك شارع النيل؟
كامل تضامنى مع الحبوبة نعومة( حبوبه دى من حبيبة ) ما من جدة
ما تستغل العبارات البريئه لصالحك يا جد ابو العيال
كل المعزة لكم
والريد نيلين
|
Post: #78
Title: Re: أسماء الجنيــــد فى عام 2010
Author: الفاتح الجنيد
Date: 01-24-2010, 07:53 PM
Parent: #77
Quote: لما الراجل يكتب قصيدة في رفيقة حياته فهذا قمة في الوفاء والحب و التقدير
وليس له إي علاقة تكسير تلج .... |
الحبيب عادل نجيلة
ياخى انت انسان فيك كمية من الذوق تسبب حرج فى كيفية الرد
لكن نعمل شنو الواحد بلقى نفسو واقف بين يافطتين
واحدة مكتوب فيها ود الموج والتانية القرضابى
|
Post: #79
Title: Re: أسماء الجنيــــد فى عام 2010
Author: الفاتح الجنيد
Date: 01-24-2010, 08:34 PM
Parent: #77
Quote: لما الراجل يكتب قصيدة في رفيقة حياته فهذا قمة في الوفاء والحب و التقدير
وليس له إي علاقة تكسير تلج .... |
الحبيب عادل نجيلة
ياخى انت انسان فيك كمية من الذوق تسبب حرج فى كيفية الرد
لكن نعمل شنو الواحد بلقى نفسو واقف بين يافطتين
واحدة مكتوب فيها ود الموج والتانية القرضابى
|
Post: #80
Title: Re: أسماء الجنيــــد فى عام 2010
Author: soma
Date: 01-25-2010, 05:18 AM
Parent: #79
| Quote: وأسأل الله لكم دوام السعادة و الهناء و يكفيكم شر الحساد .. آمين .. |
عمو ملامح يا حليلك
تتذكر الاسم ده ؟ لووول
كانت ايام والله ما اروعها
لا كنا بنكل ولا بنمل
ترابط اسرى اسفيرى متين جدا
تسلم استاذ عادل نجيلة
كتر الف خيرك على الامنيات الجميلة
اللهم آمين يا رب جمعا
ويحفظكم ويرعاكم ويرد غربتنا جميعا[/green]
|
Post: #81
Title: Re: أسماء الجنيــــد فى عام 2010
Author: soma
Date: 01-26-2010, 07:03 AM
Parent: #80
التحية للجميع
والتحية لمبدعنا الراحل المقيم على المك
اذكر قبل حوالى 4 اعوام مضت
وفى احدى جلسات الشعر فى غرف البالتولك
كان اللقاء عن ادب على المك
وفى استاضفة اسرته
وبعض من اصدقائه كان الحوار شيقا ذو شجون
شارك العديد من الاخوة الشعراء
على سبيل المثال لا الحصر....
الاخ الصديق عبد القادر الكتيابى
والشاعر الصديق مدنى النخلى
وايضا كثير من الاخوة والاخوات محبى أدب على المك رحمه الله
وكانت مشاركتى على عجالة بهذا النص
والذى اسميته (( عزة))
يا عزة ..
عزك للبلاد شد الرحال سوح
شايلاو عصافيرنا المهاجرا ..
تهاتى بيه تمرح ..
تدودى الكلمه بالاحزان .
ومره تعود تنم تصدح ..
تناغم الشوق ..
تتاتى لفوق ..
تبارى الغيم معا وتسرح ..
عديلة الليله يابلدى ..
عديلة وزين ..
شباب اتلم فى المطرح ..
قلوبهم عامره بى حبك .
كتير القالو فيك يمدح ..
زى جنياتنا.. ود المك ..
شالك فى حشاه فرح ..
نضمك غنوه فى الافواه
وشتلك فى البرارى بلح
بارى النيل غنا واشراق
ضامى الليل بشعرو سبح
ليك يا المك .. شوقن ألطال
فرد جنحيو تياب و طرح
وحات البين وضى العين
سيرتك فى البلود تشرح
وحات البين فراقك شين
نارك فى الضلوع تنتح..
ود المك .
لزوم الليله نوفيك..شوية حق
فشان تفرح ..
لزوم الليله نوفيك .. كلمة حق
تصون الكان زمان روح
قبل ما تبقى احلامنا
سراب مدفونه ما تبرح ..
له الرحمه والمغفرة بقدر عطاؤه
الذى اصبح نبراسا خالدا فى ذاكرة الزمن
|
Post: #82
Title: Re: أسماء الجنيــــد فى عام 2010
Author: هاشم أحمد خلف الله
Date: 01-26-2010, 07:35 AM
Parent: #1
الأخ العزيز عبد السميع
لك التحايا والأشواق
مشكور على فتح هذه النافذة التي تطل على قلبين
سوما والفاتح الجنيد
والله غلبني الرد لاني خجلان منك يا سوما
بعد الأرشفة وجدت مشاركة منك لقصيدتي ( تصدقي إني مشتاق ليك )
وقبلك كانت مشاركة ود الملك و خالد المنسي , يشهد الله إني لم الحظ ذلك
إلا بعد الأرشفة , اخي عبد السميع اجد لي العذر لاستغلالي هذه المساحة
عموماً يا سوما بعد هذا البوست مطلوب منك قصائد وليس قصيدة واحدة
التحية لكل من عبر من هنا , اما خالي ود الموج فبقول ليه شكلك خرفتا
وقصة إنك حاتبقى جده دي مقلقة نومك لوووووووووووووووووووول
|
Post: #83
Title: Re: أسماء الجنيــــد فى عام 2010
Author: soma
Date: 01-26-2010, 10:32 AM
Parent: #82
Quote: والله غلبني الرد لاني خجلان منك يا سوما
بعد الأرشفة وجدت مشاركة منك لقصيدتي ( تصدقي إني مشتاق ليك )
وقبلك كانت مشاركة ود الملك و خالد المنسي , يشهد الله إني لم الحظ ذلك
إلا بعد الأرشفة , اخي عبد السميع اجد لي العذر لاستغلالي هذه المساحة |
اخى العزيز الشاعر الشفيف هاشم
اريتك طيب يا ود االقبائل
يا خوى العفو ..معقولة بس !!!!
يعلم الله شرف لينا نحن انه نشارك فى كل انتاجك الجميل
وكتير بتحصل بعد الارشفة
نكتشف انه ما اتمكناالرد على كتير من المداخلات
بتحصل عادى يا خوى
لكن لانه انت انسان شفيف احسست بالحرج
حاشاك يابا اللوم
وتسلم كتير على الطلة يا اصيل
|
Post: #84
Title: Re: أسماء الجنيــــد فى عام 2010
Author: عبد السميع دفع الله
Date: 01-26-2010, 10:34 AM
Parent: #82
الجميل
هاشم أحمدخلف الله
يا أخى اذنك معاك والدار دارك
ونحن لاقين القمر لما يضىء ليالينا
لك الود والتحية والاشواق.
|
Post: #85
Title: Re: أسماء الجنيــــد فى عام 2010
Author: soma
Date: 01-26-2010, 10:26 PM
Parent: #84
رباية الكبار
تـرباية مـا بـتنقاس
مــن طـينة بـحر..
بـسندو فـوقو الراس
لـيـنـة طـبـع
رضعت حكر مو كاس
عــزة وفـضـيله..
وســـادة لـلـفراس
شـــدة و حــزم..
تـرس الدميره الساس
مـشـهود بـالـكرم..
مـا بـنخرو الوسواس
ســنـد الـتـواقـى
خـليل مـع المحراس
مـطـمورة الــدرت
سيف الضهارى وفاس
ســبـاق الـلـوارى
سـقف الاهـل كدباس
بـطـوف بـالديار..
حاشاهو مـن حراس
ابــواب الـقـبيلة ..
اوتـاد بـلا تـرباس
قـنـديلها الـبضاوى.
دلـيل بـلااجـراس
ضـى بـرق الـشرق
فى وميضو فايت الماس
يـطـمن الـحارى..
ويـرحـمن الـمحتاس
|
Post: #86
Title: Re: أسماء الجنيــــد فى عام 2010
Author: soma
Date: 01-27-2010, 05:46 PM
Parent: #85
عديلة وزين
يا ود مساحات البلد ..
مفروش ارض معروش سحاب..
مبلول مطر راوى الجرف..
كاسر السراب..
معقود جواك اخضر رضاب..
مزروع مجدع فى التراب..
نواره تفتح كل باب..
مليانه بى دغش الرزاز..
رويانه بى نفس العزاز..
ممطوره بالبلد الهشاب..
طارح الحنين عبر السنين..
وارث الدوايه مع الكتاب..
مشتول مكشح فى الدروب..
ممزوج مدمدم بالضباب..
مدفون جوار عمق الفرح..
مبسوط محكر فى الهضاب..
*****
يا ود مساحات الاهل..
مرشوش عطر مربوط هلال..
جرتق موشح بالبرش....
مرصوص سبح حزمة جمال..
سايقنو لى ست الحسن ..
مليانه حنه وكوم خصال ..
ديسا مكحل بالسواد ..
خدا مورد بالدلال ..
مسكونة بى ضحكة صغار..
منسوجة بى صافى الزلال ..
معروفه بى خاطر الكبار ..
مرسومة فى واحة ظلا ل ..
سمحة و عديلة و زين ..
عزة قبيلة و فا ل ....
|
Post: #87
Title: Re: أسماء الجنيــــد فى عام 2010
Author: إدريس محمد إبراهيم
Date: 01-28-2010, 10:56 AM
Parent: #86
Quote: عديلة وزين
يا ود مساحات البلد ..
مفروش ارض معروش سحاب..
مبلول مطر راوى الجرف..
كاسر السراب..
معقود جواك اخضر رضاب..
مزروع مجدع فى التراب..
نواره تفتح كل باب..
مليانه بى دغش الرزاز..
رويانه بى نفس العزاز..
ممطوره بالبلد الهشاب..
طارح الحنين عبر السنين..
وارث الدوايه مع الكتاب..
مشتول مكشح فى الدروب..
ممزوج مدمدم بالضباب..
مدفون جوار عمق الفرح..
مبسوط محكر فى الهضاب..
*****
يا ود مساحات الاهل..
مرشوش عطر مربوط هلال..
جرتق موشح بالبرش....
مرصوص سبح حزمة جمال..
سايقنو لى ست الحسن ..
مليانه حنه وكوم خصال ..
ديسا مكحل بالسواد ..
خدا مورد بالدلال ..
مسكونة بى ضحكة صغار..
منسوجة بى صافى الزلال ..
معروفه بى خاطر الكبار ..
مرسومة فى واحة ظلا ل ..
سمحة و عديلة و زين ..
عزة قبيلة و فا ل .. |
شكراً مرة أخرى أخي الشفيع أن منحتنا من خلال بوستك هذا كل هذا الجمال.. وأخرجتنا من قوقعة الحزن المقيم إلى الفرح البهي الجميل ...
أنا ما قلت ليكم يا ناس هوي الزوله دي كتابه لمن غلط ...
أختنا الشاعرة / أسماء الجنيد ...
تحية ملؤها التقدير والاحترام ....
لك الله يا أسماء وأنت تنثرين كل هذا الجمال في أعماق أحزاننا المنسابه بالأسى فتورق الدنيا وتخضّر الفيافي ... لك الله وأنت تخطين بحرفك الزاهي هذه الباقة المترفة بالجمال والصدق والتداعي المتدفق الأصيل ...
سلمت يداك أختاه .. وأبقاك الله لنا منارة تتوهج فتضيء كل السراديب المعتمه .. وبوح جميل متمكن .. ومفردة تظل شاهدة على جمال وروعة الابداع ...
سلمت يداك مرة أخرى أستاذه أسماء ... وكوني كما أنت دائماً ...
مع خالص ودي وتقديري للجميع ؛؛؛
|
Post: #88
Title: Re: أسماء الجنيــــد فى عام 2010
Author: إدريس محمد إبراهيم
Date: 01-28-2010, 11:14 AM
Parent: #87
| Quote: شكراً مرة أخرى أخي (الشفيع) أن منحتنا من خلال بوستك هذا كل هذا الجمال.. وأخرجتنا من قوقعة الحزن المقيم إلى الفرح البهي الجميل ... |
عذراً أخي عبد السميع .. ولك العتبى حتى ترضى ... تعرف مشكلتي مع الأسامي مشكله .. تخيل أنا عندي ولدين بس .. محمد ومعاذ .. ساعات أنادي معاذ تعال يا محمد .. والعكس يحدث أحياناً .. ده كلو هيّن المصيبه الكبيره لو قمت وناديت أم العيال باسم تاني .. - إن شاء الله ده ما يحصل - لأنو أكيد ساعتها يا عبد السميع يا خوي حتقوم تنسيني اسمي ذاتو ..
لك التحيه والتجلة وكل الحب الذي في الدنيا ... يا (صافي دهب الخزانه..)
مع خالص حبي وتقديري ؛؛؛
|
Post: #89
Title: Re: أسماء الجنيــــد فى عام 2010
Author: soma
Date: 01-28-2010, 10:00 PM
Parent: #88
Quote: أختنا الشاعرة / أسماء الجنيد ...
تحية ملؤها التقدير والاحترام ....
لك الله يا أسماء وأنت تنثرين كل هذا الجمال في أعماق أحزاننا المنسابه بالأسى فتورق الدنيا وتخضّر الفيافي ... لك الله وأنت تخطين بحرفك الزاهي هذه الباقة المترفة بالجمال والصدق والتداعي المتدفق الأصيل ...
سلمت يداك أختاه .. وأبقاك الله لنا منارة تتوهج فتضيء كل السراديب المعتمه .. وبوح جميل متمكن .. ومفردة تظل شاهدة على جمال وروعة الابداع ...
سلمت يداك مرة أخرى أستاذه أسماء ... وكوني كما أنت دائماً ...
مع خالص ودي وتقديري للجميع ؛؛؛ |
الاخ العزيز ادريس
بى قدومك هلا خريفنا باكرية
عطرت الدروب وخدرت كل المساحات
بى نضميك المارق من الجوف
لون كل المعانى ورتب كل الحروف
وسدنا محنة
وحلق بنا فى سماوات صافية
طربت كل عصافيرنا
وغنت الحان الخريف
فرقت هموم سنين
واثقلتنى بى مسؤلية اسأل الله ان يقدرنى عليها
بى دعواتكم وامنياتكم الطيبة
ووقفتكم ومؤازرتكم دوما احس بطعم النجاح
ربى يعليك فوق المابيك ياضى الصباح
شكرا ليك سعية ومراح
|
Post: #90
Title: Re: أسماء الجنيــــد فى عام 2010
Author: soma
Date: 01-29-2010, 08:53 PM
Parent: #89
Quote: ده كلو هيّن المصيبه الكبيره لو قمت وناديت أم العيال باسم تاني .. -
إن شاء الله ده ما يحصل - لأنو أكيد ساعتها يا عبد السميع يا خوي حتقوم تنسيني اسمي ذاتو .. |
لوووووووووووووووووووووووووووول
اضحك الله سنك اخى ادريس
|
Post: #91
Title: Re: أسماء الجنيــــد فى عام 2010
Author: soma
Date: 01-31-2010, 06:16 AM
Parent: #90
التحية عبر هذه النافذة للعم الجليل عبداللة الاسد( جيلانى) شيخ الهمباتة
صاحب منتديات النافذة ..
التى نفذت من خلالها الومضات الاولى من بداياتى المتواضعه
له التحية والتقدير بحجم الوطن الكبير
طال غيابى عن نافذتهم العامرة
ووجه لى لوم وعتاب اخوان
وقال الرجل الحبوب اطال الله فى عمره
يا سوماالاعلام بعدك منناونسيتى ناسك الزمان ؟
تاثرت من عتابه وكان اعتذارى فى الابيات الآتية..
0000
من البطحانيه سوما لى شيخ الهمباتة جيلانى مع التحية
****
يا جيلانى اقيف
خفف على اللوم
قدمت العذر
فى اليوم وراه اليوم
بتعرف الظروف
لمن تجيك بالكوم
لا تقدر تقيف
ولا تخبر دريب للنوم
خيتك الغبشه
من اهل البكرمو القوم
دارالبطاحين ...
وطه ود مريوم
لا شافو البنادر
ولا كهارب الخرتوم
اوتاد القبيله
وسيوف رقاب الشوم
بحور الدميره
ما فيها البعرف العوم
بنشق الفيافى
ضى دروبنا نجوم
بنقهر الظالم
ونسند المظلوم
جيلانى اخوى
قلل كفاك اللوم
معروف بالمحنه
حاشاك ما مليوم
من دار جعل
لى الدالى والمزموم
ما تخجل إخيتك
كل ما دخلت الروم
****
ات يا الكلس ...
بتعرفنى شديد بالحيل
بت شيخ الجنيد..
خلاويهو زاربه النيل
دروايش الذكر
للتوبه والتهليل
باللوح والدواية
فى جوف سواد الليل
بنكرم المارى
ونبقى ليه دليل
بنطمن الحارى
وللغريب قنديل
بنعرف الاصول
و ما بننكرو جميل
شن الشهرة هى
الجايبه لى الويل
مفرقه الخوة
وباعده منى خليل
***
ياخوى جدف
بى شراع الشوق
جدف و ما توقف
ارمى اللوم وما تحلف
وباعد بين دروبو الف
وناغم للمحنة ولف
تلقى الود براو يرجف
يقالد الموج ويراقص الضف
اصلو الزايله ما بتستاهل
غير نديها كمين كف
نلم الفضل عايش
ونغزل من حروفو جرف
اسماء الجنيد... مسقط
|
Post: #92
Title: Re: أسماء الجنيــــد فى عام 2010
Author: معتصم دفع الله
Date: 01-31-2010, 04:24 PM
Parent: #91
عبدالسميع ود أبوي ..
إزيك يا زول يا زين ..
جميل إنك هزيت شجرة إبداع الزولة الرائعة سوما لتعطينا أحلى الكلام ..
سوما زولة مسكونة بالإبداع لذلك يأتي شعرها جميل يلامس الوجدان ..
تحايا قلبية لها وللزول الجميل الفاتح الجنيد ..
ولك يا عبدالسميع كل الأماني الطيبة ولهم بالطبع ..
|
Post: #93
Title: Re: أسماء الجنيــــد فى عام 2010
Author: soma
Date: 01-31-2010, 09:38 PM
Parent: #92
Quote: عبدالسميع ود أبوي ..
إزيك يا زول يا زين ..
جميل إنك هزيت شجرة إبداع الزولة الرائعة سوما لتعطينا أحلى الكلام ..
سوما زولة مسكونة بالإبداع لذلك يأتي شعرها جميل يلامس الوجدان ..
تحايا قلبية لها وللزول الجميل الفاتح الجنيد ..
ولك يا عبدالسميع كل الأماني الطيبة ولهم بالطبع .. |
حباب معتصم ود امى الحنين
ود الحيشان الكبار والنفاج فاتح على كل القلوب
ناس السهلة والنفوس المهلة
طلتك براها جديد وليداتنا
وفرحة قبائلنا بالسمح والزين
ربى يديك قدر يرضيك ياالاصيل
قدر ما مليتنى سعادة بنضميك المن نفس الطيبين
الشكر ليك قمر دورين
|
Post: #94
Title: Re: أسماء الجنيــــد فى عام 2010
Author: عفاف أبو حريرة
Date: 01-31-2010, 10:16 PM
Parent: #93
Quote: ات يا الكلس ...
بتعرفنى شديد بالحيل
بت شيخ الجنيد..
خلاويهو زاربه النيل
دروايش الذكر
للتوبه والتهليل
باللوح والدواية
فى جوف سواد الليل
بنكرم المارى
ونبقى ليه دليل
بنطمن الحارى
وللغريب قنديل
بنعرف الاصول
و ما بننكرو جميل
شن الشهرة هى
الجايبه لى الويل
مفرقه الخوة
وباعده منى خليل
***
ياخوى جدف
بى شراع الشوق
جدف و ما توقف
ارمى اللوم وما تحلف
وباعد بين دروبو الف
وناغم للمحنة ولف
تلقى الود براو يرجف
يقالد الموج ويراقص الضف
اصلو الزايله ما بتستاهل
غير نديها كمين كف
نلم الفضل عايش
ونغزل من حروفو جرف
اسماء الجنيد... مسقط |
يا قامه يتضاءل امامها كل الجمال
صح لسانك
كلام جميل جدا يا بت شيوخ العرب
كوني بألف خير واتحفينا بكل ما هو رائع يا رائعه
تحياتي للفاتح الجنيد والاولاد
|
Post: #95
Title: Re: أسماء الجنيــــد فى عام 2010
Author: soma
Date: 02-01-2010, 06:44 AM
Parent: #94
Quote: يا قامه يتضاءل امامها كل الجمال
صح لسانك
كلام جميل جدا يا بت شيوخ العرب
كوني بألف خير واتحفينا بكل ما هو رائع يا رائعه
تحياتي للفاتح الجنيد والاولاد |
بت امى الحبيبة عفاف
يا دهب الخزينة
حبابك يا الزينة
طبعك الرزينة
و من يومك حنينة
تسلمى يا بت القبائل على الطلة البتشبهك
بى قدومك خيرنا هلا
لملم الغيمات ضهر
فرهد فرح فى بيوتنا طلا
رتل غناك المن بهاك
اطياف قزح فى سماناحلا
تسلمى بت شيوخ الطانة
الشكر ليك مطامير محنة
|
Post: #96
Title: Re: أسماء الجنيــــد فى عام 2010
Author: soma
Date: 02-01-2010, 02:26 PM
Parent: #95
وين ناس الاغانى ؟
دايرين اغنية سيرة يا جماعة
حسام يا صحافة وينك ؟
لؤي العريس ما فاضي لينا اكيد
لكن برضو عشمانين يا عريس الفين وعشرة
تحايا للجميع
|
Post: #97
Title: Re: أسماء الجنيــــد فى عام 2010
Author: عبد السميع دفع الله
Date: 02-04-2010, 09:58 AM
Parent: #96
اعود بعد غيبة قصيرة
ولك التحية المضمخة بعبير الود والتحاياوالأشواق الماخمخ لكمـــــــــا
يا احلى ناس ( ادريس ومعتصم دفع الله)
ولبنت شيوخ البطانة استأذنك للترنم بمقاطع من قصيدة (حوار مع الليل ) للجميل ابدا بجنوب الوادى
فاروق شوشــــــــــة ..... فى وقت مازلت متمسكا فيه بقول نازك الملائكة 000 تذووق الشعر شاعرية)
مـــا الذى يخفيه هـــذا الليل عنى
ما الذى يسكن ........ فيــــــــــــه
هل هو الشر الذى قد حـــزت فيه
وتمنيت لو أنى مرةً أخطـو اليــــــــه
أجتليـــــــــــــــــــــــــــــــــه
ليس فى ظلمة هذا الليل سرً
او خفايا
انهـا محض حكايات واشواق قديمـة
لم تزل نابضةً فى القلب
فى عمـــــــق حـشــــــــــــايــــــــا
واستراحت فى الزوايـــــــــــــــــــــــا
وانا دائبة البحث عن الفجـــــــــــــــر الجديــــــــــــد
اتلقــــــــــــــــــــاهـ كطفل يتمنى يوم عيـــــــــــــد
وأرى فيـه أمانى واحساسى السعـــــــــــــــــــــيــــــــد
ورؤى فى عالم يأتى وافق يترأى من بعـــــــــــــــــيـــــــد
*******************************************
بين يومين.. تظل النفس فى جزر ومــــــــــــــــــــــد
رهبة المجهول تغشانا ......فنرتد حيارى
وظلال الأمس تطوينـــــــا
فنرتد أســــــــــــــــــــارى
واندلاع الروح فينا
يشعل الليل نهـــــــــــــارا
واذا العمــــــــــر انسياب لانراهـ
يقتضينا العيش فى جذب وشـــــــــــــــــــــــــــــــــد
******* ******* *******
سكن الليل .. متى يسكن هذا القلب مرة
ومتى يسكن شوق عاصف يشعل جمـــــــــــــــرة
ومتى يسكن عصف الريح اعصاراً وثـــــــــــورة
ومتى يسكن مافى الصدر من وقد وفـــــــــورة
السكــــــــــون الحق موتً فأنبذيــــــــــــــه
والجــــوى الصارخ فى الاعماق
دومـــــــــــــــــــــا أشعليــــــــــــــــــه
أقبح الأحـــــــــــــــــوال لو تدرين حالا مستقرة
(فاروق شوشة)
|
Post: #98
Title: Re: أسماء الجنيــــد فى عام 2010
Author: إدريس محمد إبراهيم
Date: 02-23-2010, 06:52 AM
Parent: #97
Quote: وين ناس الاغانى ؟
دايرين اغنية سيرة يا جماعة
حسام يا صحافة وينك ؟
لؤي العريس ما فاضي لينا اكيد
لكن برضو عشمانين يا عريس الفين وعشرة
تحايا للجميع |
|
Post: #99
Title: Re: أسماء الجنيــــد فى عام 2010
Author: كمبورة
Date: 02-23-2010, 10:25 AM
Parent: #98
Quote: وطل صباحى اليوم وبداية مشرقة ان شاء الله بوجودكم
وتزامن هذا اليوم بتاريخ ميلادى فى هذة البسيطة التى يسمونها الدنيا
لكم التحية جميعا
ولى الحق لافرح بكم ومعكم رغم وجع الغربه وبعادها
ميلااااد
فى ميلادى ...البكرى
الحازم نصو وخاتر يجرى
سارق الضحكة الفينى بتسرى
ودافن الآهه تأجج صدرى
تفج الوجعه الضفرت قدرى
تسند الحر اللافح يهرى
جاتنى اللحظة وشلت فكرى
ردت روحى وحلمى العذرى
الشد رحالو وهاجر بدرى
وزى بتضارا منو وبجرى
اشوف الغيمه واحرس مطرى
امكن ينزل يخدر شدرى
امكن يرحل يطول سفرى
وفى الحالتين يدندن وترى
ويحكى قصيدة ....
اصلى معاكم وجوة وحيدا...
فينى الفكره اللسة وليدا
طاوية الذكرى الواقفة عنيدة
تدافر مره وترفع ايدا
تدوزن غنوة الحانها عنيدا
دايره تشارك بى ترديدا
تناغم القيف الغازل صيدا
صفق شدرو الحت جريدا
يحكى القصة وتانى يعيدا ..
فيها الخاطر الكاسر قيدا
مدون اسفو الدامى وريدا
مطرق سيفو القاسم جيدا
وبين الدهشة الشلت ريدا
طلت نسمة قريبه بعيدا
شلعت نورا و ضوا خديدا
هلت دنيا تانى جديدا
فيها حياتنا طفلة سعيدا
تضاحك روحا تنادى نديدا
سومااا |
كل سنة وانتي بالف خير وخير
ويديك والعيال وابو العيال الصحة والعافية وراحة البال
والف حمدا لله علي سلامة الوصول
كل المنى ان تكونوا عافية
التحايا للاخ الفاتح والصغيريين
|
Post: #100
Title: Re: أسماء الجنيــــد فى عام 2010
Author: soma
Date: 03-03-2010, 06:43 AM
Quote: كل سنة وانتي بالف خير وخير
ويديك والعيال وابو العيال الصحة والعافية وراحة البال
والف حمدا لله علي سلامة الوصول
كل المنى ان تكونوا عافية
التحايا للاخ الفاتح والصغيريين |
العزيز جدا اخى كمبورة
وانت طيب يا رب
تهنئتك دى كفت السنه دى والجاية كمان
تسلم يا ود القبائل
شكرا ليك ولى الصدفة السمحة الجمعتنا بيك
تحايا خاصة للحبيبة الغالية حرمكم المصون والعيال الحلوين
ربنا يحفظكم ويغطيكم ان شاء الله
تحاياك وصلت لود الجنيد وببلغك اضعافها
|
Post: #101
Title: Re: أسماء الجنيــــد فى عام 2010
Author: كمال سالم
Date: 03-03-2010, 09:54 AM
Parent: #100
أسماء الجنيد !! نموذج لإمرأه نخله أتمنى أن
تكون كل نساء بلادى مثلها .
فهى زوجـه ناجحه وأم مثاليه وشاعـره متفرده
نالت إحترام جميع معارفها ,, وكما قالت هـى :
(خلف كل عظيم إمرأه , كذلك خلف كل إمرأه مثاليه رجل ) .
فقد كان ذلك الرجل هو الأخ الفاتح الجنيد الذى
يسر لأسماء الجنيد أن تكون أسماء الجنيد لكل القرون .
التحيه لها ولصاحب البوست .
|
Post: #102
Title: Re: أسماء الجنيــــد فى عام 2010
Author: عمار زكي
Date: 03-03-2010, 10:04 AM
Parent: #101
الأخت / أسماء الجنيد .. المحترمة
نحن أولى الناس بك فقد كنت فخرا لنا في الجالية السودانية بمسقط وعطرت أمسياتنا بأشعارك الرقيقة وكلماتك الحلوة فحق لنا أن نفخر بك كأحد رموز جاليتنا المتميزة في مسقط والتحية لزوجك الرائع الفاتح الجنيد حفظكم الله والشكر موصول لصاحب البوست ودمتم جميعا في حفظ الله ورعايته
|
Post: #103
Title: Re: أسماء الجنيــــد فى عام 2010
Author: اسماء الجنيد
Date: 04-02-2010, 03:07 PM
Parent: #102
Quote: الأخت / أسماء الجنيد .. المحترمة
نحن أولى الناس بك فقد كنت فخرا لنا في الجالية السودانية بمسقط وعطرت أمسياتنا بأشعارك الرقيقة وكلماتك الحلوة فحق لنا أن نفخر بك كأحد رموز جاليتنا المتميزة في مسقط والتحية لزوجك الرائع الفاتح الجنيد حفظكم الله والشكر موصول لصاحب البوست ودمتم جميعا في حفظ الله ورعايته
|
الاخ العزيز عمار زكي
سلام من الله يغشاك وعين الله ترعاك واسرتك الكريمة
اسعدتنى جدا كلماتك واحساسك الصادق الشفيف
ربي يسعدك ديمه ان شاء الله
بقدر ما اسعدتنى بى طلتك الجميلة وشهادتك التي سوف تكون وسام على صدري
لقد كانت لي ايام اتمنى ان تعود وتتجدد الذكرى الجميلة بين اناس هم اهلي ووطني
لك التحايابحجم احترامك يا اصيل
وشكرا أردب محنة
|
Post: #104
Title: Re: أسماء الجنيــــد فى عام 2010
Author: اسماء الجنيد
Date: 04-02-2010, 03:16 PM
Parent: #103
Quote: أسماء الجنيد !! نموذج لإمرأه نخله أتمنى أن
تكون كل نساء بلادى مثلها .
فهى زوجـه ناجحه وأم مثاليه وشاعـره متفرده
نالت إحترام جميع معارفها ,, وكما قالت هـى :
(خلف كل عظيم إمرأه , كذلك خلف كل إمرأه مثاليه رجل ) .
فقد كان ذلك الرجل هو الأخ الفاتح الجنيد الذى
يسر لأسماء الجنيد أن تكون أسماء الجنيد لكل القرون .
التحيه لها ولصاحب البوست . |
والتحية والتقدير والاحترام لك انت اخي كمال سالم
رجل مثلك بقلبه الكبير .. واحساسه النبيل وغيرته على بلده وبنات بلده
لك مكانتك واحترامك ونعتز ونفخر نحن حقيقي بمعرفتك الكنز
التحية عبرك للاسرة الكريمه..وللوالدة الغالية
قول ليها دعواتك يا حاجة
شكرا اخي كمال
شكرا نيلين ومقرن
|
Post: #105
Title: Re: أسماء الجنيــــد فى عام 2010
Author: اسماء الجنيد
Date: 06-28-2010, 09:33 PM
Parent: #104
التحية لكل من سطر حرفا فى هذا البوست الذكري
والتحية مطبوقة لك اخي عبد السميع واتمني ان تكون بخير وكل الاهل غيابك طال ان شاء الله طيب وكل المعاك
طبعا يا عبد السميع يا خوي لما فردت البوست ده باسم اسماء الجنيد كنت ما زلت بكتب بى سوما
الظاهر كنت حاسي انه اسمي حا يتغير زى ما قالت صديقتي
فشكرا ليك كتير جدا وكية فى بكري الاسم جاي منك ما منه هههههههه تحياتي للجميع
|
Post: #106
Title: Re: أسماء الجنيــــد فى عام 2010
Author: اسماء الجنيد
Date: 07-11-2010, 00:21 AM
Parent: #105
التحية للغالي ابو رامي
الشوق نيلين وريد
|
Post: #107
Title: Re: أسماء الجنيــــد فى عام 2010
Author: اسماء الجنيد
Date: 09-22-2010, 10:13 PM
Parent: #106
الاخ عبد السميع والله فاقدنك ,, كل سنة وانت طيب وان شاء الله انت وكل الاهل بالف خير
طمنا عليك يابا
|
|