عيدكم مبارك يبدو ان المغتربيين في سلطنة عمان لهم من المعرفة والابداع ماشجع فضائية النيل الازرق علي ان تسجل لهم اكثر من 5 برامج بثت خلال رمضان والعيد (حسبما شاهدت فرمضان والعيد وفرا لي وقت لاتابع).. فلقد شاهدت قبل ايام حلقة عن الجالية وقبلها عن عميدها وبعدها مع شاعر اخر هو الفاتح الجنيد وعن لاعب سوداني محترف والان مدرب ثم حلقة صديقنا احمد القرشي عن الشعر الغنائي في الحقيبة وتاريخ الحقيبة واليوم السيدة اسماء الجنيد (والتي تعرف بسوما هنا اسفيريا) ولقد قدمت نماذج من شعرها الغنائي وهي عارفة بمجال ابداعها ولكن كالعادة فان الاخراج وعدم اعطاء الضيف مجالا ارحب لتروي تجربتها ثم انهاء الحلقة دون تنبيه اضر بتتابع مقاطع البرنامج ....والسيدة اسماء الجنيد كما قالت لها اشعار يغنيها مطربون شباب كعصام م نور وسيف الجامعة وغيرهم .... لقاؤنا هنا ورغم انه يعطي الشتات الاسفيري فرصة التلاقي الا اننا لا نتمكن من معرفة امكانات الكثير منا والقاء الضو الكافي عليها ونعتمد علي صدف او جهات اخري كالفضائيات لتعرفنا .. امل ان يكون تلاقي هذه الاعداد من شتات اهل السودان اسفيريا متجاوزا لصراعات ومناكفات الي ما هو انفع ....
الغرض من هذه المداخلة ليس تمجييدا للشاعرة وهذا حقهاوهي اعرف بقدراتها وقدر ما حباها الله من نبوغ شعري ولكن كما بينت سابقا القاء ضوء علي امكانات رواد هذا المنبر الواسع الانتشار وامر اخر هويتعلق بما تجده برامج كاغاني واغاني من قبول كبير وهي برامج اساسا يحكي فيها الشخص ( السر قدورمثلا) ما يعرف وبرؤاه عن حقبة معينة وفرت له ان يكون قريبا من شعراء غنائيين وهو احدهم ومطربيين وحين كانت اللقات متاحة والجلسات الطربية والشعرية بين افراد جيله ربما يومية .... الان تفرقت السبل وكبرت المدن وتشتت البشر في اركان الدنيا وصار معظم اللقاء صوتا من هاتف خيليوي او ثابت او رسالة اسفيرية كهذه .. وفي غد قادم باذن الله وحين يتحدث احد عن زماننا يجب ان يجد توثيقا مكتوبا ومصورا وليس شفاهة تعتمد علي الذاكرة ونحن بشر ذاكرتنا قابلة للرهق والنسيان ...
الزول الجميل ابو بكر .. كل سنة وانت طيب ربنا يحقق كل امانيك ان شاء الله .. تعود الايام ونلتقى فى رحاب ارض الوطن باذن الله
Quote: الغرض من هذه المداخلة ليس تمجييدا للشاعرة وهذا حقهاوهي اعرف بقدراتها وقدر ما حباها الله من نبوغ شعري
كل الشكر والتقدير لكل الجمال المتدفق من مفرداتك التى عبت دواخلى طرب وحبور حقيقى اسعدتنى ايما سعاده ..وطوقتنى بى معانيك النبيلة يديك الف عافية يا ود القبائل.. مع انى كنت متخوفة من التجربة لاول مره اتحمل برنامج بحالة بدون مداخلة من مذيع تديك الفرصة شويه تجمع شتات كلماتك وتتماسك بعض الشىء الشىء التانى والاهم انت اشرت ليه ..هو فقرة الافاده ما كانت كافية.. او بالاصح محددين نقاط معينه لتوجز فى دقيقة او اتنين بالكتير.. دى اكتر حاجه بصراحه كنت خايفة انى ما اوفق فيها ..لانه الفرصة ضيقه لكن الحمد لله التجربة مرت بسلام .. اشكر من هنا كل من هاتفنى او ارسل رسالة بالاشاده. واقولها صراحة لولا المؤازره من الاخوان والاخوات واصحاب الشأن لما كان النجاح فى اى مجال .. الشكر اجزله لك اخى ابو بكر لفرد المساحة دى واتمنى ان اكون دوما عند حسن الظن وكل عام وانت واسرتك الكريمه والجميع بالف خير وعافية اسماء الجنيد/ مسقط
Quote: دى اكتر حاجه بصراحه كنت خايفة انى ما اوفق فيها ..لانه الفرصة ضيقه لكن الحمد لله التجربة مرت بسلام ..
اكييد يا عزيزتي اسماء لقد اديت باقتدار وفق الخطوط المرسومة والوقت المتوفر وحتما كنتي ستبدعيين اكثر افاضة وشرحا وشعرا لو توفرت مساحة بقدر العطاء.. تمنياتي لك ولاسرتك بالسعادة ودامت ايامكم اعيادا ...
استاذنا ابوبكر شىء يثلج الصدر ان تأتى مثل هذه الاشادة من شخص فى مقامك الكريم فى حق جالية سلطنة عمان ولا اريد ان أضيف لما قد ذكرته أنت عنها حتى لا يقولوا شكار نفسه ... بصفتى احد افراد هذه الجالية العريقة ولكن أبشرك بأن الايام القادمة من عطلة العيد سوف تبرز لك المزيد من هذه الابداعات من خلال نفس القناة فترقبها لك الشكر وكل عام وانت بألف بخير وعافية
استاذنا الجليل أبوبكر عيد سعيد وكل عام وانت بألف خير والتحية للمبدعة الشاعرة اسماء الطيب الجنيد ولشاعرنا الفاتح الجنيد وكل عام وهم بألف خير ربنا يحقق الاماني
Quote: ولكن أبشرك بأن الايام القادمة من عطلة العيد سوف تبرز لك المزيد من هذه الابداعات من خلال نفس القناة فترقبها
يا عزيزي الفاتح .. في خضم قبح كثير هنالك اشراقات تعطي زخما للحراك الانساني وانا هنا فقط القي ضوءعلي بعض الق لنتجاوز ان نجعل من تواجدنا في هذا الاسفير الواسع عراكا وركلا واشارة فقط الي التجاوزات وليس الاشراقات ..يبدو لي ان هذا واجب ...
كل سنة و إنت طيب و الأسرة و الأهل بكل أنحاء المعمورة
صراحة إستعديت لسماع الأخت العزيزة سوما في هذا البرنامج ، و لكن الإخراج و التصوير لم يواكبا قامة سوما الشعرية ... و رغم ذلك إنْتزعتُ الكلمات إنتزاعا من براثن الحلقة سوما تجمل بكلماتها كل محفل فلها التحية و عبْرك أقول لها كل عام و إنت و الأسرة و الأهل بكل خير و عافية
اعزائي بن عمي والباشطاهر... دامت ايامكم اعيادا ...يبدو ان تلفزيونات السودان مصابة بداء يلازم كثير ممن توكل اليهم اعمال عامة في بلادنا وهو عدم الاعداد والاخراج وفق المعايير المطلوبة وترك الامر "زي ما تجي"...فكثير من الافكار الممتازة تضيع وسط هذا العك ولولا حرص اسماء وهو حر ص يلازم المراة السودانية اكثر من الرجل السوداني لما تحصلنا حتي هذا المنتوج الذي شاهدناه ....ما زلت اتمني وانا علي وجه البسيطة ان اجد المراة السودانية هي التي تقود اهل السودان حكما وادارة بعد ان قادتنا عقودا كثيرة تربية للنشئ وتدبيرا منزليا لولاه ليبست بطون كثيرة وصبر علي معانة يومية ومسئولية في اعمال كثيرة عامة وخاصة ..المراة بفطرتها طباخة ماهرة ومن يطبخ هو الذي يقدر علي الاعداد والاخراج ( واحمد الله انني طباخ من سلالة طباخيين)... مودتي ابوبكر
Quote: صراحة إستعديت لسماع الأخت العزيزة سوما في هذا البرنامج و لكن الإخراج و التصوير لم يواكبا قامة سوما الشعرية ... و رغم ذلك إنْتزعتُ الكلمات إنتزاعا من براثن الحلقة سوما تجمل بكلماتها كل محفل فلها التحية و عبْرك أقول لها كل عام و إنت و الأسرة و الأهل بكل خير و عافية
ابو جهينة يا ضل بيوتنا مشتاقين يا الحنين كل سنة وانتو طيبين سالمين تامين لامين ربى يحقق كل امنياتكم ان شاء الله طلتك دائما بتسعدنى يا عشا الاهل شكرا لا تكفى على السمح الجانى من تالاك شكرا خدار جروف
استاذنا الباشمهندس ابوبكر تحياتي و احترامي.. وعبر هذا البوست الجميل..ازجي التحية الي الاستاذة و الشاعرة..أسماء الجنيد.. وعيد مبارك وسعيد.. نتمني لو تم تسجيل الحلقة ان يتم عرض بعضها هنا.. ولكم كل الود..
Quote: لا يمكن أن تقرأ اسماء شعرا .. و هى تنزل من 30 درجة بكعب عالى .. والشعر مشاعر .. تشتت انتباهها .. وانتباهنا
معتصم ود عمى الطاهر الشوق ليك يطوف ويهاجر والمحنةموكرة بى غيما ماطر و ديمه انتو فى البال والخاطر تسلم يا ود ملوك النيل كل سنة وانتو بالف خير وصحة يا رب تعرف يا معتصم يا اخوى دى اكتر فقرة كانت مجهجهانى يعلم الله لكن تقول شنو الله غالب.. ولاحظ دى اول تجربة لى اكون مع المايك والكاميرا بدون اى مذيع ربط مع انه فى جزئيه كبيرة غلبتنى يا ود امى واعتزرت عنها ههههه.. ده غير الشمس العمانية البتشق النافوخ نصين فى صيفنا الفات التصوير ده كان قبل رمضان بى يوم واحد وفى اقل من ساعه كل الشاهدتوه ده يعنى بى قدرة قادر على قول د/ احمد القرشى الله يطراه بالخير بى قدرة قادر تم التسجيل والحمد لله لكن العترة بتصلح المشية وبى ملاحظاتكم النيره نستفيد لكن حمدت الله انى ما اتدردقت من ال 30 عتبة دى ... باقى خيتك غبشة وبت ضهارى وبلاوز من ضل الشديرات هههه تحياتى وشكرا حواشات سكرنا على طلتك البترد الروح يا عشا الامات
*** سيد البوست الحنين ابو بكر كيف اصبحت يا سقف القبيلة لك التحية مجددا
Quote: وعبر هذا البوست الجميل..ازجي التحية الي الاستاذة و الشاعرة..أسماء الجنيد..
العزيز هوارى نمر وانا ارسل لك من التحايا مساحات خضراء تبارى نيلنا بى طولو ومحنتو لك كل الود والمعزة كل سنة وانت وكل الاهل بخير وصحة وعافية ان شاء الله ربنا يحقق كل امانيكم الجميلة يا رب
Quote: الاستاذه اسماء الجنيد استمعت اليها من قبل من خلال قنواتنا الفضائية
وهي بالفعل اضافة جريئة وجديده للشعر السوداني
نتمني ان نستمع اليها ونراها مرات ومرات.
اخوى طارق ميرغنى حبابك وحباب طلتك يا ود ملوك النيل ربى يعلى مراتبك ويعظم شأنك شهادة اعتز وافاخر بها يعلم الله من اخ عزيز يديك العافية يا ود البلد عيدك مبارك.. علينا وعليك يتبارك العفو لله والرسول شكرا دعوات اهل صباحية عيد
Quote: معتصم ود عمى الطاهر الشوق ليك يطوف ويهاجر والمحنةموكرة بى غيما ماطر و ديمه انتو فى البال والخاطر تسلم يا ود ملوك النيل كل سنة وانتو بالف خير وصحة يا رب
ياهندسه سوما من زمن بعيد وهي تحت المجهر وهذا لكتاباتهاالبسيطه وخفيفه على القلب وربنا يوفقها ويوفقك ياراقي .
ياخليل ( ياسمي ..ناس البنك-مكان بيزاتي!!- بس بنادوني باسم جدي "خليل" ) دامت ايامك اعيادا .. يبدوان قوافل الابداع من الشتات السوداني تتجه صوب مسقط دائما فهناك ال الجنيد وفضيلي وسمبة وواحد قريبي اسمو صلاح واسماء كثيرة .. لعل السبب في طبيعة عمان الساحرة وهدوئها وطيبة شعبها التي تجذب هذه القوافل المبدعة .... كيفما صار المبدع متعولما فان تواصله من ذات العولمة فادوات الاتصال صارت متوفرة وقصرت المسافات ....
Quote: كل سنة وانت طيب والتحية للفاتح الجنيد والست اسماء
ولكن سؤال تاريخي سالته ايضا لاستاذتنا فضيلي
ماذا عن هجرة المبدع وكيف يتواصل مع معجبيه وهو خارج ربوع الوطن
وماذا عن جمهوره في داخل السودان
خليلكو سلامات يا حنين الشوق محنة ونيلين كل سنة وانت طيب يا عزيز ربنا يحقق كل امنياتك الجميلة يا رب
الهجرة يا ود امى بقت قسرية فى زمن الوجع الخرافى التواصل بالاحساس يابا .. وعبر الشبكة العنكبوتية كاضعف الايمان كتر خير التكنلوجيا الحديثة الخلتنا نكتب ونقرأ ونتشاور عبر نوافذها المختلفة اما جمهور السودان اللهم الا من قليل الفرص المواتية من بعض القنوات الفضائية المسموعه والمرئية.. وبعض الصحف والحوارات الشبه سنوية.. طبعادى ما كافية لكن بتبل الشوق ولو لحين بتحس انك لسه قريب من اهلك وانت بتطل عليهم فى السنة مره.. وايضا اهلنا فى السودان متواصلين معانا بافكارهم وحضورهم المهم فى حياتنا عبر الشبكة العنكبوتية وفى النهاية يا خلو كلو يعتمد على المجهود الفردى عشان تكون مواظب ومواكب مع المجتمع شكرا محنة يا ود اهلنا .. وكل سنة وانت طيب وكل الاسرة الكريمة يارب
استاذنا ابوبكر لك ولضيوفك وللمحتفى بها التحايا النواضر وعيدكم مبارك الاستاذة اسماء ( سوما ) هى اول من شدتنى فى هذا المنبر بكلماتها العفوية البسيطة التى تدخل الوجدان دون استئذان .. فهى تملك المفردة التى يتدوالها الناس فى اسمارهم وحياتهم اليومية وتوظفها فى قوالب شعرية تهز وجدان كل من يستمع اليها او يقرا اشعارها .. ومن شدة اعجابى بمفردتها احتفظ بنسخ مطبوعة من اشعارهاالتى نشرتها فى هذا المنبر .. واحتفظ ايضا ببعض ردودها على مداخلات ضيوف بوستاتها ..( وحسبما اذكر فقد سجل الاستاذ علاء حيمورة اعجابه بردودها على المتداخلين وكنت اتمنى يومها ان اكون عضوا بالمنبر لاشاركه الاعجاب ونفرش لها النمارق ) مرة اخرى لك ولضيفتنا اجمل الامنيات .. والى مزيد من الابداع والجمال ...
Post: #34 Title: Re: شاعرة غنائية مغتربة Author: بدر الدين الأمير Date: 09-22-2009, 08:51 PM Parent: #33
من شهد له ابوبكر بانه يملك ناصية الابداع أكيد هو كذلك لم اشاهد الحلقة ولم اقرأ شىء من اشعار الشاعرة اسماء لكنى اعرف بوبكر ذواق ومتذوق
Quote: لا أشاهد التلفزيون كثيرا ،، فليس لدي الوقت الكافي ولكن ذلك اليوم كنت أوفر حظاَ الذي ألزمني الفراش ومنها شاهدت التلفاز طيلة ساعات النهار والليل ! حقيقي الأستاذة أسماء الجنيد أثلجت صدورنا جميعنا وخاصة نحن حواء السودانية وكان لي شرف تسجيل الحلقة التحية للأستاذ الفاتح الجنيد ،، التقدير والإجلال للأخت سومة ،، ومزيداَ من الإبداع ! وكل سنة ،، وأنتم بكل عافية وخير ،، وتسلموا من كل شر ومن شر حاسد إذا حسد. محبتي ..... وصال عالم
وصال يا حبيبة البى تسلمى يا بنية من بطن الاهل الشوق ليك مباريك فى كل محل مليتينى فرح حد الطوفان يمه يعلم الله انا الاسعد وكان لى الشرف ان اجد الرضا من الزيك يا حنينة تسلمى انتى من كل شر .. وتسلمى على الامنيات الجميلة يا غالية كل سنة وانتى طيبة ربى يسعدك ديمه زى ما اسعدتينى بى طلتك الناااعمه زى ضل الضحى شكرا وصال شكرا لمة حبايب
Quote: ياهندسه سوما من زمن بعيد وهي تحت المجهر وهذا لكتاباتهاالبسيطه وخفيفه على القلب وربنا يوفقها ويوفقك ياراقي .
العزيز وليد عب اللطيف سلاااام واحترام يا ود القبائل كتر الف خيرك على الطلة البهية ربى يسعدك ويديك الفى مرادك بركة قبائل العيد السعيد قول آميــــــن .. بقدر سعادتك لى .. وكل سنة وانت وكل الاهل فى خير ونعمه شكرا اخى وليد شكرا مطر شرق
Quote: استاذنا ابوبكر لك ولضيوفك وللمحتفى بها التحايا النواضر وعيدكم مبارك الاستاذة اسماء ( سوما ) هى اول من شدتنى فى هذا المنبر بكلماتها العفوية البسيطة التى تدخل الوجدان دون استئذان .. فهى تملك المفردة التى يتدوالها الناس فى اسمارهم وحياتهم اليومية وتوظفها فى قوالب شعرية تهز وجدان كل من يستمع اليها او يقرا اشعارها .. ومن شدة اعجابى بمفردتها احتفظ بنسخ مطبوعة من اشعارهاالتى نشرتها فى هذا المنبر .. واحتفظ ايضا ببعض ردودها على مداخلات ضيوف بوستاتها ..( وحسبما اذكر فقد سجل الاستاذ علاء حيمورة اعجابه بردودها على المتداخلين وكنت اتمنى يومها ان اكون عضوا بالمنبر لاشاركه الاعجاب ونفرش لها النمارق ) مرة اخرى لك ولضيفتنا اجمل الامنيات .. والى مزيد من الابداع والجمال ...
الاخ العزيز عبد الفتاح زوما اولا اهلا وحبابك يا الضى زينة شباب الحى وعذرا ان لم اصادفك وارحب بك فى حوش بكرى الوسيع وانت الضيف وجب اكرامك واحترامك.. والجود بى الموجود لكن يا العشا اخجلت تواضعى وجيتنا جارى بى خيرك الوفير وقلبك الكبير يعلم الله توجتنى وقدرتنى يا ود القبائل المى كتر شرف عظيم لى ان تجد كتاباتى المتواضعه مساحة فى مكتبتك ومخيلتك اخى الكريم شاحده الله يديك قدر ما يرضيك وبركة قبائل العيد السعاده تبقالك رفيق طول الطريق والعافية تبقالك هدم يا ود العم وشكرا غيمة ومطرتين
Quote: من شهد له ابوبكر بانه يملك ناصية الابداع أكيد هو كذلك لم اشاهد الحلقة ولم اقرأ شىء من اشعار الشاعرة اسماء لكنى اعرف بوبكر ذواق ومتذوق
الاخ بدر الدين الامير حبابك واليوم السعيد اللينا جابك كل سنة وانت طيب ربنا يسعدك طول العمر ان شاء الله وان شاء الله نلتقى يا خوى وتكبر المعرفة شكرا مره اخرى بالانابة عن اخونا ابوبكر الزول الجميل
Post: #41 Title: Re: شاعرة غنائية مغتربة Author: فيصل محمد خليل Date: 09-22-2009, 11:05 PM Parent: #40
رغم أني - للأسف الشديد - لم أشاهد الحلقة، إلاّ أني أحس بفخر حقيقي بأختنا العزيزة أسماء (سوما) .... ولي قدام
تهانئ العيد لك، وللأخت سوما وكل المسقطاب.
الاخ العزيز محمدابو العزائم حبابك واليوم السعيد اللينا جابك كل عام وكل لحظه وانت بالف خير وعافية وانا كلى فخر واعزاز يعلم الله بما خطه قلمك الجميل فى حقى عاجزه عن شكرك وفخورة جدا باخ كريم مثلك ربى يديك قدر يرضيك يا ود القبائل شكرا محنة
الانسان جميل الدواخل ثاقب الرؤى عالي المقام اخي العزيز ابو بكر والبت السمحه ومتواضعه ومبدعه سوما في حضره مقامكم يطيب الوقوف كل عام وانتم والجمع الكريم بخير
Quote: بين بين أبوبكر الصاحب وسموما النضم ضهب تراص الحرف
كل السنين وانتو طيبين
نور الهادى وشوقنا ينادى ينادى للمه وقعدة ناس يمة وقلدة حبوبه مبتسمه طاويه فى طرف توبا المحنة بى الاوانها شوقنا ليك ولي قعدة الحاجه فى البرنده بى بنها المقلى شوق السنين يديك الفى مرادك يا الحنين والعيد الجاى متلمين وفرحانين قول آمين نور الهادى يا اخوى سمحة طلتك وسمحة جيتك فى كل الاوقات ما تحرمنا منها يا ضرا الامات شكرا معتقة من نفس الاهل
Quote: اخي ابوبكر ..والمبدعة اسماء .. كل سنة وانتم بالف خير .. .. لم انتبه لهذا البوست فالمعذرة للتاخير ..
الجميل بهاء عيسى كل سنة وانت طيب يا رجل يا طيب المعذرة من شنو يا الحنين يعلم الله انا منتظره طلتك وعارفاك مشغول الله يملاك سماحه قدر سماحة البنية الحليوة الفى بروفايلك دى ما شاء الله وعينى باااااارده ربنا يحفظها ويخليها ليكم ان شاء الله كل سنة وانتو طيبين وفرحانين.. ربى يجعل ايامك كلها اعياد طلتك مميــــــزه اخى بهاء تسلم على كل الجهود المقدرة لانه فعلا كتير من الاخوة والاخوات لم يشاهدوا الحلقة وجاتنى اتصالات كتيرة لتنزيل القصائد.. لكن اختك ما عندها اى خلفيه عن التكنلوجيا دى تسلم يا ود القبائل شكرا عيديه
في زمان يحتاج أن نستظل من الهجير . ندخل بيت النفس ونتفقد الأرض والشجر والحجر والبشر . نحتاج أن نقف مع أنفسنا : كم يا تُرى شراكتنا في ملفات الشِعر ؟ لم تكُن كما نُشارك و نُُصر أن نُجاور الشقاء الذي أمطرته السياسة المباشرة وأهلها، وننتهي إلى البؤس . .................. كانت عيدية غير كل ما اعتدنا .... عندما تجلس أنتَ قُبالة الشِعر وسيدته .... الأستاذة / أسماء الجنيد ............ لكِ سيدتي من الشُكر أجزله .
Quote: في زمان يحتاج أن نستظل من الهجير . ندخل بيت النفس ونتفقد الأرض والشجر والحجر والبشر . نحتاج أن نقف مع أنفسنا : كم يا تُرى شراكتنا في ملفات الشِعر ؟ لم تكُن كما نُشارك و نُُصر أن نُجاور الشقاء الذي أمطرته السياسة المباشرة وأهلها، وننتهي إلى البؤس . .................. كانت عيدية غير كل ما اعتدنا .... عندما تجلس أنتَ قُبالة الشِعر وسيدته .... الأستاذة / أسماء الجنيد ............ لكِ سيدتي من الشُكر أجزله .
اخى العزيز عبد الله الشقلينى عيدك فرح قدر فرحى بى زيارتك النورت بيتنا وشارع بيتنا وكانت طلتك اجمل واروع عيديه الكلمات الجميلةالبتشبهك والتعابير الشفيفة والاحساس العالى ما غريب عليك.. بتعجبنى مداخلاتك البتدى الانسان الاحساس بالامل الاخضر.. شاحده الله يديك قدر نواياك يا صافى النية و يعليك فى المابيك .. تسلم يا ود القبائل شكرا أردب محنة
السلام اخى العزيز طارق ميرغنى شكرا ليك كتير ولى المتابعه والتنبيه ويا ريت العزيز بهاء يمدنا بباقى التسجيل لانه بصراحة انا ما شفت كل الحلقة نسبة لزحمة العيد والضيوف
الشكر كل الشكر لك اخى ابو بكر صاحب البوست العيديه الهدية وثقت لى ذكريات عظرة وآراء مثمره اعتز بها وافخر الشكر للاخوة والاخوات الما مشتركين فى حوش بكرى .. ما قصرتوا بالتلفون والاميل والرسائل شكرا للجميع مارقة من الجوف وبعد اذنك اخى ابو بكر ان احتفظ بهذا البوست فى مكتبتنى المتواضعه تحياتى للجميع
Quote: الشكر الجزيل للأخ أبوبكر .. والعيد مبارك عليكم جميعاً .. قبل أقل من ساعة فاتتني إعادة لهذه الحلقة .. عيدية جميلة فاتتني طازجة ولكني استمتع منها بالمقاطع التي سجلها لنا الإخوة عاطف عبدون وبهاء عيسى لهما كل الشكر والتقدير،،، كل عام وأنت والأسرة الكريمة بألف خير أستاذة أسماء .. والقابلة في ربوع الوطن الجميل إن شاء الله .. جاد
الانسان الجميل جاد جاد الله عليك بالخير الوفير والرزق الكثير مثلما ما جدت على بدرر حروفك التى سرتنى ايما سرور ربى يسعدك ويهنيك اخى العزيز وسط اسرتك واهلك كل عام وانت وكل الاهل بخير ونعمة يا رب اخى جاد شكرا لمة اهل فى صباحية عيد
Quote: استاذنا ابوبكر كل عام وانت بالف خير ويديك الصحة والعافية الشاعرة الانسانة سوما التحايا وكل الود انت شاعرة مرهفة جدا لكي التحية من اجمل الاشعار التي سمعتها اتمنى ان نلقاك في احدى الليالي الشعرية ويا ناس منتدى الحروف نسخة الدوحة اها دي سامية الجنيد وقريبة سالتكم بالله كان ما دعيتوها لينا الزولة تستحق الناس تهاجر ليها في السلطنة وتستمع وتستمتع بي شعرها علشان كدي دعوتها واجبة امنياتي لكي بالتوفيق وراحة البال
اخى العزيز كمبورة لك التحايا ممتده بطول بحرنا ومخضرة بخضرة جروفه اليانعه طلتك كانت واحة فى عز الهجير تنسمت ومن معى عبير حروفك الياسمين معتقة بى ريحة الجروف والطين وملانه محنة من نفس الاهل السمحين عبيت دواخلى فرح مرتين ثقتك يا ود القبائل فال زين وشهادتك وسام يتوج الجبين شكرا اخى الحنين شكرا غيمة ومطرتين
** متاوقة جيتكم بدورها بالحيل يا ناس الدوحة لمتكم سمحة وروحكم اكتر سماحة ربنا يجمعنا قريب ان شاء الله
Quote: متاوقة جيتكم بدورها بالحيل يا ناس الدوحة لمتكم سمحة وروحكم اكتر سماحة ربنا يجمعنا قريب ان شاء الله
كل عام وانتم بخيرين شكرا للجميع شكرا نيلين
يالله يا استاذنا عادل التجاني
وهمتك يا هارون دياب
الزولة نرحب بيها من هنا الى السلطنة
ترحيبا مقرون بالفعل كما عهدناكم
والتحايا كيمان كيمان
Post: #83 Title: Re: شاعرة غنائية مغتربة Author: هاشم أحمد خلف الله Date: 09-28-2009, 09:30 PM Parent: #1
الزول الجميل صاحب الحِس الفني الراقي باشمهندس ابوبكر كل عام وانت بألف خير وعافية وعيدك سعيد إن شاء الله التحية لك وأنت تختار إحدى الشاعرات المتميزات في كتابة الشعر الغنائي الممتع , أختنا وزميلتنا أسماء الجنيد , فهي وبحق إنسانة تحمل في دواخلها حب الوطن حب الأهل والأصدقاء أمد الله في أيامك يا باشمهندس ومتعك بالصحه والعافية وكذا الحال مع سوما المشرقه في سماء السودان العامر بوجودكم دائماً وابداً .
كما لا يفوتني ايضاً أن اسجي التحايا والأشواق لصديقي الجميل والشاعر الأنيق الفاتح الجنيد واقول ليهو كل سنة وانت ومن تحب بألف خير وعافية , وكما يقول المثل وراء كل عظيم إمرأة .. فأنا بقول كمان وراء كل إمرأة عظيمة ومبدعة رجل خلوق ونقي وصافي السريرة . إستمتعت بحق بتلك السهرة ومزيد من النجاحات يا سوما .
Quote: الزول الجميل صاحب الحِس الفني الراقي باشمهندس ابوبكر كل عام وانت بألف خير وعافية وعيدك سعيد إن شاء الله التحية لك وأنت تختار إحدى الشاعرات المتميزات في كتابة الشعر الغنائي الممتع , أختنا وزميلتنا أسماء الجنيد , فهي وبحق إنسانة تحمل في دواخلها حب الوطن حب الأهل والأصدقاء أمد الله في أيامك يا باشمهندس ومتعك بالصحه والعافية وكذا الحال مع سوما المشرقه في سماء السودان العامر بوجودكم دائماً وابداً . كما لا يفوتني ايضاً أن اسجي التحايا والأشواق لصديقي الجميل والشاعر الأنيق الفاتح الجنيد واقول ليهو كل سنة وانت ومن تحب بألف خير وعافية , وكما يقول المثل وراء كل عظيم إمرأة .. فأنا بقول كمان وراء كل إمرأة عظيمة ومبدعة رجل خلوق
ونقي وصافي السريرة . إستمتعت بحق بتلك السهرة ومزيد من النجاحات يا سوما .
الزول الشفيف الوريف شفيف العباره وريف المعانى طلتك براها اجمل عيديه اخونا الجميل الشاعر هاشم كل سنة انت واسرتك بالف خير وعافية ربى يسعدكم ديمه ان شاء الله طلتك الجميلة وكلامك المارق من الجوف اطلق زغرودة فرح فى كل الامكنة وفرش ساحتنا بساط اخضر وفرهد نوار عم كل الديار اخى العزيز شكرا ملونه بكل الوان الطيف على كل السمح الجانا منك وسلامك لى صديقك ود الجنيد وصل وببلغك اضعافه شوق ومحنة سلامى عبرك لكل الاهل شكرا نيلين
وهمتك يا هارون دياب الزولة نرحب بيها من هنا الى السلطنة ترحيبا مقرون بالفعل كما عهدناكم
والتحايا كيمان كيمان
العزيز جدا اخى كمبورة حبابك يا ضى شبابيك القبيلة ترحب بيك العافية والسعاده الدائمه كلامك ده براه بالدنيا يعلم الله يديك قدر دواخل النقية يا صافى النية شكرا محنة حبوبات والتحايا عبرك لاهل الدوحة الكرام
Post: #91 Title: Re: شاعرة غنائية مغتربة Author: وليد الطيب قسم السيد Date: 10-07-2009, 10:14 PM Parent: #90
حقيقه يصعب الحديث هنا ....لا اجد ما اقوله سوا كونى اضع اهداى هنا ثم اخرج ثم اعود ثم اخرج واعود لا اجد نفسى الا ها هنا لك التحيه اخى ابوبكر ولك التحيه والحب والمتابعة استاذة اسماء
Quote: حقيقه يصعب الحديث هنا ....لا اجد ما اقوله سوا كونى اضع اهداى هنا ثم اخرج ثم اعود ثم اخرج واعود لا اجد نفسى الا ها هنا لك التحيه اخى ابوبكر ولك التحيه والحب والمتابعة استاذة اسماء
وليد ود عمى قسم السيد الشوق ليك قريب مو بعيد والمحنة ولف يا سكة بيوتنا وضهر الجرف اسعدتنى الطلة يا ود الفريق والحلة تسلم يا ود عز اهلى الطيبين وسمح كل الجانى منك مجرتق بى حريرتهم ومضرضر بى تراب البلد شكرا وليد على الاهداء الذى تخلل الروح شكرا دعوات قبيلة بالسمح والزين
بت الهنا يا بت عزنا كلنا ليك المنى يا بنية مجرتقة مننا ولكى انتى يا غالية كل المحنة الفى القلوب وشكرا لا تكفى لى طلتك البترد الروح وتشفى الجروح شكرا يا هنانا بقدر فرحتى بى طلتك التى لا يضاهيها فرح تسلمى يمه وجمعة مباركة ان شاء الله
