Post: #1
Title: **** نهارات الفريق ****
Author: soma
Date: 10-20-2004, 10:31 AM
Parent: #0
رمضان كريم يا اهلنا لكم جميعا .
اسمحوا لى فى السانحه دى وتلبية لرغبة اعزاء وحنان على نفسى اهديكم مره اخرى نهارات الفريق .. وعذرا للتكرار للذين سبق وقرؤها .. ودمتم ..
نهارات الفريق
*******
يا دروب شاقه الخلق ...
والخلق ما بتتلحق ..
دايشه فى دريب الرزق ..
والرزق لى خالق الخلق ..
فى نهارات الفريق ...
والعرق وصل الحلق ...
ناس جهالا بتتشرق ...
وناس تجر ..ما بتتلحق ..
مرات تقوم .. مرات تقع ..
فى مطامير الورق ..
تجمع تعد .. تشرط تشق ..
تصرخ تهيج .. تزعل تطق ..
همها الدنيا ام قدود ..
ناسيه يوم.. بتمر برق ...
وناسيه يوم جمعاً كبير ..
كل زولا ليه حق ...
الدروايش الكتار ..
لا بتنوم .. لا بتتفرق ..
سبح لالوب تجر ...
فى سواد الليل تطق ..
تذكر المولى الكريم ..
والايادى بتتسبق...
نوبه ترزح من بعيد...
تشرح القلب البرق...
والعيون تعطف ..ترق..
والدميعات تنهمر ..
زى مطيرًة فى الشرق...
زى مطيرةً فى الشرق...
|
Post: #2
Title: Re: **** نهارات الفريق ****
Author: samo
Date: 10-20-2004, 11:38 AM
Parent: #1
Quote: وناس تجر ..ما بتتلحق ..
مرات تقوم .. مرات تقع ..
|
والله ديل نحنا زاااتم ... جارين جري ... الفاكينو بي نبله مايلحقنا ..
بالمناسبة .. اسمك دة عامل لي ... .زغللة في عيونى .. وكل ما اشوف واحد من بوستاتك الكتيرة ..في الصفحة الاولى ..طوالى افتكر انو في هكر استولى على حسابي وكتب بيهو ... ثم انتبه لوضع ال A ... وال O,, .. فاتنفس الصعداء..
يلا خلينا نتفق يا زولة على انوز واحد فينا يغير اسمو ..وبما انو انا الراجل .. و(اقوم) منك .. فاامرك ان تتنازلى عن الاسم .. (بس ربنا يستر والجندرية ما تجينا)
لك كامل احترامى .. سوما
|
Post: #3
Title: Re: **** نهارات الفريق ****
Author: alfatih
Date: 10-20-2004, 11:47 AM
Parent: #1
العزيزة سوما
رمضان كريم
انتى عارفة انا سميت الدنيا دى طاحونة تطحن دون توقف
بعدين القصيدة شفافة جدا وبتمس الكل فى وتر ملامس
للحقيقة ....
سوما .. ليك الجمال يا مدهشة
|
Post: #4
Title: Re: **** نهارات الفريق ****
Author: Dr. Moiz Bakhiet
Date: 10-20-2004, 02:03 PM
Parent: #3
الشاعرة القمر «سوما»..
أدري أنك تكتبين في «موانئ الرحيل» لكن من حين لآخر نتشرف في «عكس الريح» ببعض ابداعك الجميل.. مثلك..
فهلا استجبت؟!
ليتك ترسلين لي بعض المساهمات على:
[email protected]
رمضان كريم وكل سنة وانت طيبة
م�
|
|