Post: #1
Title: *** لقياء ***
Author: soma
Date: 02-10-2006, 04:29 AM
Parent: #0
لقياء
يوم لاقيتك .. شلت كلامك
وكيف صريتك..
اتراجعت .. دفنت حنانى
وجيت لفيتك ..
قصة طويله .. لونها بدايتك
واتمليتك ..
فرشت كلامى ..جمب مخلايتك
واترجيتك ..
تنشر منو.. وتملا عبايتك ..
واتحديتك ..
انو كلامك نصو حكايتك
شارب منك ..ولاقى عنايتك
واتعديتك
مشيت الخطوه اسابق جيتك
واتحاشيتك
عرفت الخوف الباعد بيتك
وجيت ناديتك
اتراجعت ابارى دريبك
وتانى رجيتك
واستنيتك اقرا حكايتك
وما مليتك
اتربعت طبقت وصايتك
واتوصيتك
اطوى الحجوه الفيها كنايتك
وكم لوليتك
اغنى حجاك الزرعو سقايتك
واتحجيتك
واتحجيتك ...
***********
لقياء لحنها وغناها الزول السمح مصطفى السنى
حاولت انزلا ليكم بى صوتو راااااااائعه جدا ولحنو حنين
لكن بصراحه غلبتنى ..اصلى غبشه وما بخبر التكنلوجيا المشاتره دى
بحاول استعين بالمختصين .. وبتمنى دائما نلتقى كلنا فى الساحه دى
وفى اى ساحة على المحنه والموده وقبل كل شىء الاحترام
لكم كل الود ولمصطفى السنى الشوق والمحنه من على البعد
اسماء الجنيد مسقط
|
Post: #2
Title: Re: *** لقياء ***
Author: عوض الله الفولانى
Date: 02-10-2006, 06:26 AM
Parent: #1
ألأســـتاذة/soma
Quote: فرشت كلامى ..جمب مخلايتك
واترجيتك ..
تنشر منو.. وتملا عبايتك .. |
تحية و احتراما
يا زولة كلامك لامس الوجدان
و ذكرنى أيام زمان
بقيت ذى العاشق الولهان
امدرمان و شقلبان و كل الجيران
و لك مودتى
الفـــــــولانى
|
Post: #5
Title: Re: *** لقياء ***
Author: bayan
Date: 02-10-2006, 06:40 AM
Parent: #2
حبيبتي سوما
شاعرتنا الماجدة الرقيقة
نكهتك خاااااااااااااصة.
سوماتية..
كم انا سعيدة بنجاحاتك
يا بت بلدنا..
محبة كبيييييييييييييرة
|
Post: #3
Title: Re: *** لقياء ***
Author: Sahar Abdelrahman
Date: 02-10-2006, 06:31 AM
Parent: #1
سوما...أيتها الفراشه القزحيّه...سلام محنه
Quote: وبتمنى دائما نلتقى كلنا فى الساحه دى
وفى اى ساحة على المحنه والموده وقبل كل شىء الاحترام |
جميله ورائعه أنت...
لك حبى وحنانى
|
Post: #4
Title: Re: *** لقياء ***
Author: عبد الغفار عبد الله المهدى
Date: 02-10-2006, 06:37 AM
Parent: #1
والله يا سوما
وبعد التحيه والسلام وحلو الكلام
لقيا ما لقيا جميله وبسيطه ومعبره وحنينه وكميه من الانكشاح والتدفق العاطفى المحروم منو انا
ويا اريت تتواصل تلك اللقيات على وزن العابرات
وعابره يا بت المدائن
والمدن ما فيها عشره
يا حليل ايام وراحت
خلفت جواى حسره
وعيييييييييييييييييك ومسدار مسدارين من اهلنا الحنان اهل الطيبه والموده
وتحيا وتعيش اللقيا وانشاء الله نبعد عن الفرقه
|
Post: #6
Title: Re: *** لقياء ***
Author: soma
Date: 02-10-2006, 02:07 PM
Parent: #4
اهلى الطيبين السمحين اولاد الجروف والطين
اخوى الفولانى .. حبابك تانى
شرفت البوست يا خوى
وحليل ايام زمان
وقعدة الحبان
وحكيرة الجبنه والفنجان
يا ربى ترجع تانى
ونسعد كمان وكمان
شكرا عوض الله
شكرا محنة
****
بيان الحنينه
حبابك يا نوار الجنينه
وانا سعيده بيك وسعيده بفرحتك لى
تسلمى يمه وربى يديك قدر نيتك يا صاااااااااافية
شكرا نجاة الغالية شكرا لمة حبان
****
|
Post: #7
Title: Re: *** لقياء ***
Author: soma
Date: 02-10-2006, 02:10 PM
Parent: #6
سحر الرقيقة
سلام يا بنية من وسط الاهل
يا زهرة نايره فى كل محل
اسعدتنى طلتك يا حبيبه
يا المن القلب قريبه
شكرا سحر شكر عطر
****
اخوى عبد الغفار
نورت الدار
يا كريم المقدار
ان شاء الله يابا ما تشوف حسرة
ولا فرقه ولا نار
ربى يسعدك ويهنيك
زى ما اسعدتنى الطله
تسلم يا ود الرفيق والحلة
شكرا عبد الغفار عبد الله
شكرا لمة اهل
|
Post: #8
Title: Re: *** لقياء ***
Author: soma
Date: 02-12-2006, 05:44 AM
Parent: #7
سلام اهلنا الطيبين
عذرا حاولت عدة مرات انزل الاغنيه لكن بصراحة فشلت
اوعدكم احاول تانى ..المحاولاات شغاله ..
دعواتكم ..لكن شغلانه ظريفة جدا لووول
سلام
|
Post: #9
Title: Re: *** لقياء ***
Author: khaleel
Date: 02-12-2006, 06:42 AM
Parent: #8
اللقيا عاد ما اجملها
والله من يوم الرحيل لاشوفتك السمحة التقت
لا شوقي قال للدمعة لا
واليلة بشوفة الجميل حياتي تبقي مكحلة
بالله شوف سمحة الصدف وحلوة الظروف
|
Post: #10
Title: Re: *** لقياء ***
Author: soma
Date: 02-12-2006, 03:26 PM
Parent: #9
خليل حبابك
سمحه الصدفه الجمعتنا بيك
وسمحه لقياء الجابتك لينا
نورت وشرفت بى كلماتك ومعانيك المعبره
رشيت ساحتنا عطر وفرشت الود بساط
حبابك من تانى والف شكر على الطلة
اخى خليل شكرا لمة اهل عصريه وجبنة متكية
|
Post: #11
Title: Re: *** لقياء ***
Author: احمد العربي
Date: 02-13-2006, 03:54 AM
Parent: #10
كلام جميل
ايتها الجميله سوما
ومتابعين
ود واحترام
|
Post: #12
Title: Re: *** لقياء ***
Author: hatim
Date: 02-13-2006, 04:05 AM
Parent: #1
Quote: قصة طويله .. لونها بدايتك
واتمليتك ..
فرشت كلامى ..جمب مخلايتك
واترجيتك ..
تنشر منو.. وتملا عبايتك ..
واتحديتك .. |
سوما..
حقيقة إنها قصة رائعة وإبداع حقيقي..
|
Post: #13
Title: Re: *** لقياء ***
Author: عبد المنعم سيد احمد
Date: 02-14-2006, 05:14 AM
Parent: #12
شاعرتنا الرقيقة
سوما
دائما حرفك ينقلنا
الى حديقة من البهاء
لك التحية ايتها المسكونةبالابداع
|
Post: #14
Title: Re: *** لقياء ***
Author: khaleel
Date: 02-14-2006, 05:50 AM
Parent: #13
والتقينا
والدهشة
هي الاتكلمت
قبل الايادي
العيون هي السلمت
من شدة الافراح بكينا
وانا بين مصدق وما مصدق
انا الاقاها
الا ياها
حبيبتي ذاتها
اللحظة نازل
في حماها
وفي ضراها
وبتقاسم
الافراح معاها
|
Post: #15
Title: Re: *** لقياء ***
Author: soma
Date: 02-14-2006, 11:36 PM
Parent: #14
سلاااااااام يا الاحبه
البيت محروس وستو تكوس
عذرا على التاخير الما بالخطر
العربى الفنان الانيق
طلتك نورت الديار
عشعش الود الجميل
وناغم الغيم الخدار
حبابك يا العربى
وشكرا على الطلة
***
مرحبتين حبابك يا حاتم
شكرا ليك على تعبيرك الجميل
اسعدنى كلامك المن الاحاسيس المرهفه
وحقيقى انك مرهف وذواااق
شكرا بقدر سماحة تعبيرك
|
Post: #16
Title: Re: *** لقياء ***
Author: soma
Date: 02-15-2006, 00:24 AM
Parent: #15
شاعرنا الحنين ود الجروف والطين
يااااااااااااااااا ود الاهل وينك يابا
ما اجملها لقياء الجابت لى السمحين
تحياي ليك قدر الاحساس الجواك يا نبيل
وسلام خاص عبرك لست الصون والعفاف و الاهل الطيبين
شكرا اخى عبد المعنعم شكرا بعمق احساسك
***
خليل المرهف يا سلام عليك
لامست وتر الغنا الشايل الحنين
اللقياء ما اجملا بعد شوق السنين
كلماتك معبره
فيها كم هائل من المعانى
لوحة جميله مجسده فى صدق الاحاسيس
الاخ خليل لون سماوات فضانا والله
وعطرت الدواخل بشذى الياسمين
شكرا خليل ..شكرا نيلين
|
Post: #17
Title: Re: *** لقياء ***
Author: abookyassarra
Date: 02-15-2006, 00:55 AM
Parent: #1
الأخت / سوما
أنضر شاعرات الوطن
وأصلبهن عوداً
وأكرمهن حنيناً
لأنك تحيكين الخواطر كما تحيك أمٌ
( قميص طفلهاالبكر المرتقب )
تخرج قصائدك خروج الحمائم
من بيوت الصفيح تحت أسقف القطاطى
لتوقظ سكون القرى فى صباحاتها الباكرة
تخرج أنيقة .. رقيقة ..منضومة ( غير مصنوعة )
لذلك من بين كل شاعرات الوطن
تجديننى أحتفظ بقصاصات منها موزعة على
أسطح مكتب حواسيبى ( فى العمل-البيت -النادى )
لذا ..
ولان دخول أسوار قصائدك .. يسوقنى تلقائياً
( مغيباً على حمار نومها )أقطع مسافات النهار
أو الليل غير آبه .. ولأننى فى العمل ..
دعينى (اصحصح) ..وأنزل هنا..
لأعود بعد حين ..
أبوذر
|
Post: #18
Title: Re: *** لقياء ***
Author: فضيلي جماع
Date: 02-15-2006, 05:27 AM
Parent: #17
أختي الغالية/Soma
قلت لك في تعقيب - لو تذكرين- أنك تملكين موهبة كبيرة في كتابة القصيدة بالعامية. قلت ذلك بعد أن أتيح لي قراءة بعض تلك النصوص في أرشيف مكتبتك في هذا الموقع. واليوم أجدني أكثر اصرارا على هذا الزعم. كلماتك منتقاة وجملتك الشعرية أنيقة ومحكمة. أعجبتني القصييدة بحق.
Quote: مشيت الخطوه اسابق جيتك
واتحاشيتك
عرفت الخوف الباعد بيتك
وجيت ناديتك
اتراجعت ابارى دريبك
وتانى رجيتك |
التي تكتب كلاما كهذا- في عرفي - شاعرة ونص وخمسة !!! واصلي التألق أيتها النبيلة.
|
Post: #19
Title: Re: *** لقياء ***
Author: مدثر محمد ادم
Date: 02-15-2006, 05:46 AM
Parent: #18
الاستازة سوما
مزيدا من الابداع
مع خالص ودي
مدثر تيف تيف
|
Post: #20
Title: Re: *** لقياء ***
Author: soma
Date: 02-15-2006, 02:58 PM
Parent: #19
ياااااااااااا ابوكى يا ساره انا خيتك يا ود القبائل المى خمج
كلامك هز الدواخل رقص مشاعرى بدون وعى
تمايلت كل الاحاسيس .. وعانقت بعضها البعض
زغرتت الحنايا ، وتب الفرح جوانى ،
قالد الروح شبال معطر بى اريج نضميك المن الجوف
ورحلت مع غيم الفرح لى الطيبين فى ديارهم العامره حنية
اخى ابو ساره عز الله قدرك ..كلامك كان كبير كبير عميق المعانى
حقيقى اسعدنى ..
دعواتى ليك ربى يخليك ويديك الفى مرادك
شاحده الله السعاده تبقالك رفيق طول الطريق
والعافيه تبقالك هدم يا ود العم
شكرا محنة ..
|
Post: #21
Title: Re: *** لقياء ***
Author: soma
Date: 02-15-2006, 03:41 PM
Parent: #20
شاعرنا الكبير فضيلى جماع ..
جامع كل الصفات السمحة
شاعر الجمال
كريم الخصال
دائما مدمدمنى بروعة كلامك
ومخجلنى بى تواضعك يا نبيل ..
تواضعك باين فى ملامحك .. حلمى من زمن ان التقيك
وتحقق الحلم .. وعرفتك اكتر واكتر عن قرب ..
كما توقعت واكثر .. كنت نعم الاخ ونعم الصديق ونعم الاستاذ المعلم
نصائحك هى اولى خطواتى للنجاح.. وهل انسى مثل كلامك هذا !!
انه وشاح طوقنى وزاد من قدرى فى نفسى ..وتاج علا جبينى
سوف التقط كل درر تعابيرك النفيسة فى حق كتاباتى المتواضعه
وازين بها صدر موقعى سومات
لك الشكر مصطفا بطول النيل
وصافيا صفا دواخل اهلنا الحنان
ومخضرا بخضرة جروفه
اخى فضيلى شكرا دعوات قبيلة
|
Post: #22
Title: Re: *** لقياء ***
Author: soma
Date: 02-15-2006, 03:52 PM
Parent: #21
اخى مدثر
حبابك ويا هلا بيك
شكرا جزيلا على الطلة وشكرا على كل المعانى الجاية منك
شرفت البوست وزدت اللقاء جمال
تسلم كتر وكتر الف خيرك على احساسك
شكرا فرحة لقاء
شكرا اخى مدثر
|
Post: #23
Title: Re: *** لقياء ***
Author: malamih
Date: 02-15-2006, 10:43 PM
Parent: #22
***
|
Post: #24
Title: Re: *** لقياء ***
Author: aosman
Date: 02-15-2006, 11:03 PM
Parent: #1
| Quote: فرشت كلامى ..جمب مخلايتك |
ادروبة يا راقية بس اتلومتي معاي ما خبرتيني المخلاية دي فيها بن ولا لا؟
|
Post: #25
Title: Re: *** لقياء ***
Author: soma
Date: 02-16-2006, 10:05 AM
Parent: #24
يااااااااااااا ملامح ؟؟ يا ربى انا فى حلم ولا علم ؟؟
ويــــــــــــــنك يا ملامحنا
الشوق نيلين يا ود اهلى الطيبين
بسأل منك النجم الفوق السماء
وبسأل منك الندى الراوى الحقول
عارفاك يا هنا يا هنا ..
وبرضو جيت لقيتك بى هنا
حمد الله على السلامه وكفى
لما الاقيك ..
الاهل بى هنا حفت اقدامهم من الكواسة عليك
الوصية امانه بغروك السلام معتق بى ريحة القبيل
ليك ولى السمحين المعاك
اخى ملامح بعمق الشوق بهديك سلامنا
وشكرا على المرور ولو كان توقف بدون حكى
لكن برضو ليه نكهه خاصة من اخ كريم زيك
*****
aosman
ادروووووووووب لوووووووووووول
قلت لى لسه انت خرمان للقهوة والطبلية ؟
عارف المخلايه دى فيها شنو ؟
فيها كل المحنة بى بنها مقلية ومعتقة فيها حنين البلد ولقاء العشاق
وفيها لمتكم انتو فى الديار السمحة وفرحة الكبار بيكم
لك المحنة كلها
والشكر ليك جبنة متكية وفناجين فى صينية
|
Post: #26
Title: Re: *** لقياء ***
Author: KOSTA
Date: 02-16-2006, 02:24 PM
بنت الجنيد
لا اقول اكثر من :
لك المهابة على هذا النص الجميل الذى يبعث النشوة فى الحس
|
Post: #27
Title: Re: *** لقياء ***
Author: soma
Date: 02-19-2006, 00:15 AM
Parent: #26
KOSTA
حباااااابك يا ود الاهل
جيت وفى ملامحك طيبتهم
رجعتنى لى زمنا مغروس فى الحشا بحنية
الكلام الجاى منك ما بجى الا منك
ومن نفس الدروب الشايلة فى الذكرى الغنا
شكرااااااا كوستا على الاحساس الجميل
شكرا فرحتنا بى طلتك يا قريب الخال
|
Post: #28
Title: Re: *** لقياء ***
Author: samwal ebrahiem
Date: 02-19-2006, 01:13 AM
Parent: #1
الرائعة / soma
Quote: فرشت كلامى ..جمب مخلايتك
واترجيتك ..
|
كلمات رائعة، اعجبني هذا التعبير
|
Post: #29
Title: Re: *** لقياء ***
Author: ابو جهينة
Date: 02-19-2006, 01:20 AM
Parent: #28
بت الجنيد سوما
السلام آلاف
Quote: واتحديتك ..
انو كلامك نصو حكايتك
شارب منك ..ولاقى عنايتك
واتعديتك
مشيت الخطوه اسابق جيتك
واتحاشيتك
عرفت الخوف الباعد بيتك |
وقفت طويييييييييييييييييييلا هنا
و خاصة ( إتحاشيتك ) ..
في جوف كل منا بؤرة تحاشي .. مهما بلغنا من الشجاعة .. لا بد أن تأتي هذه اللحظة.
جميل هذا الحكي يا سوما
عافاك الله
|
|