Post: #1
Title: *** وتتجدد احتفالاتنا بدار النادى السودانى بمسقط بأعياد المرأة***
Author: soma
Date: 03-07-2006, 01:08 AM
Parent: #0
الاستعدادات على قدم وساق هذه الايام
فى دار النادى للجالية السودانية بمسقط
المهرجان النسوى الثانى الافتتاح التاسع من مارس باذن الله
ويستمر حتى نهاية مارس
يتخلل البرنامج الاحتفال بيوم المرأة العالمى … 21 مارس عيد الام والاسرة
ندوات محاضرات تحت اشراف مختصين ..خاصة بالمرأة والطفل
ادب شعر سوق خيرى والختام حفل ساهر مفاجأة للجميع
المشاركات نسائية ميه الميه
تحدى نحو الافضل دوما
كرنفال من الفرح
سوف اوافيكم ايها الاحبه بكل التفاصيل الدقيقه
وبحاول انزل ليكم صور
يا ريت ذوى الاختصاص يساعدونى
التحيه لكل بنات بلدى فى بقاع الدنيا
بمناسبة يوم المرأة العالمى
التحيه لكم جميعا ايها الاحبه
وقفتكم وتشجيعكم معانا له الاثر فى التقدم والنجاح
دعواتكم معانا ربنا يوفقنا
اسماء الجنيد مسقط
|
Post: #2
Title: Re: *** وتتجدد احتفالاتنا بدار النادى السودانى بمسقط بأعياد المرأة***
Author: احمد العربي
Date: 03-07-2006, 01:31 AM
Parent: #1
الجميله سوما
لك والجاليه بمسقط
الحب كله
واصلو تفتح الفرح
واملاءوا هذا الفناء
سعاده
مودتي
|
Post: #3
Title: Re: *** وتتجدد احتفالاتنا بدار النادى السودانى بمسقط بأعياد المرأة***
Author: قرشـــو
Date: 03-07-2006, 02:45 AM
Parent: #1
عزيزتنا الغالية الشاعرة الانيقة صاحبة المفردة الودودة سومه
التحية عبرك لكل نساء وطنى الأبيات الذين مثلننا خير تمثيل ورفعن رأسنا وجعلننا نفاخر بهن ونقول هاهن بنات بلدى يسدن عين الشمس ويرسلن ضوءهن أنعم وارق وأجمل ...
التهنئة لكن بهذه التظاهرة الجميلة والتى لا شك ستكون زاهية ورائعة وسمتها الجمال وسنكون فى توق لرؤية نتائج ايجابية باهرة تتبادلها وكالات الأنباء وحتما سيكون الثوب السودانى مرفرفا عاليا يميزكن عن بقية خلق الله من عالمه ونأمل ان نسعد بليالى شعرية جميلة تنقليها لنا هنا وعبر بقية مسارب الانترنيت والاقنية الاعلامية ...
تحياتى واحتراماتى وامنياتى الطيبة بالتوفيق والسداد ....
واننا منتظرون ...
|
Post: #4
Title: Re: *** وتتجدد احتفالاتنا بدار النادى السودانى بمسقط بأعياد المرأة***
Author: soma
Date: 03-07-2006, 02:40 PM
Parent: #3
عربى الفنان الجميل
وانت اول من نتشوق لحضوره ومشاركته الفعاله لنا
دائما كريم ومبادر بمشاركاتك القيمه
المشوار قريب يابا .. طلتك حبابا
شكرا اخى احمد شكرا لتشجيعك المتواصل ..
***
عمدتنا قرشو الحنين
الشوق قمر دورين
بتهب علينا نسايم الخير باكريه بى جيتك لينا صباحية
انت تتبارك ما تتشارك يا سندنا وضهرنا
كلامك ليه وقع خاص جدا
حقيقى بنتشرف بى شهادتك التى تزين صدورنا
بنقل كلامك الجميل لاخواتك فى دار النادى باذن الله
اخى قرشو شكرا محنة
|
Post: #5
Title: Re: *** وتتجدد احتفالاتنا بدار النادى السودانى بمسقط بأعياد المرأة***
Author: soma
Date: 03-08-2006, 12:37 PM
Parent: #4
الافتتاح بكره ان شاء الله
دار النادى زى ام العروسه الكل مشارك
مارقين وداخلين كل زول داير ينجح برنامجو
تنافس شريف جدا.. صغار وكبار
المفاجأة بكره كورال سيدات النادى وبناتهن
بجيكم بالصور ان شاء الله
والحفل ممتدوتتوالى الافراح
شاركونا فرحتنا
|
Post: #6
Title: Re: *** وتتجدد احتفالاتنا بدار النادى السودانى بمسقط بأعياد المرأة***
Author: محمد الأمين موسى
Date: 03-08-2006, 02:10 PM
Parent: #5
الفاضلة soma أهنئك باليوم العالمي للمرأة.. متمنيا لك كل جميل.. ونفسا إبداعيا لا يكل ولا يمل.
|
Post: #7
Title: Re: *** وتتجدد احتفالاتنا بدار النادى السودانى بمسقط بأعياد المرأة***
Author: soma
Date: 03-09-2006, 00:32 AM
Parent: #6
الاخ الفاضل محمد الامين
تسلم ياخوى من كل بلا
يديك الف عافيه على طلتك وتهنئتك وامنياتك الجميله
ربنا يديك الفى مرادك ان شاء الله يا اخونا السند
شكرا لك اخى محمد شكرا لا تحدها حدود
|
Post: #8
Title: Re: *** وتتجدد احتفالاتنا بدار النادى السودانى بمسقط بأعياد المرأة***
Author: الصادق عثمان
Date: 03-09-2006, 00:37 AM
Parent: #7
ابنتي اسماء
لك التحيه ايتها المعتقه بالجمال
س فاتنا شرف الخضور لكن سنكو بالنادي في فرصه اخري
لك الود
اها يا بتي
|
Post: #9
Title: Re: *** وتتجدد احتفالاتنا بدار النادى السودانى بمسقط بأعياد المرأة***
Author: حيدر حسن ميرغني
Date: 03-09-2006, 01:38 AM
Parent: #8
أختي الموسَمة بكل الجمالات
عيدية مباركة
نفرد فيها لك ولكل النساء قميص الشوق والاجلال
ففي حضرتكن يطيب الكلام
....
لي في مرابعكن شقيقة تدعى منال
بلغيها عني
عاطر سلامي
واشواقي
الكتار
|
Post: #10
Title: Re: *** وتتجدد احتفالاتنا بدار النادى السودانى بمسقط بأعياد المرأة***
Author: لؤى
Date: 03-09-2006, 01:55 PM
Parent: #1
المحترمة أستاذة أسماء
تحاياي وأشواقي
التحيّة عبرك لكلّ أهل مسقط ، والتحيّة والإنحناء للمرأة في بلادي وفي العالم ..
لكِ وُدّي
ـــــ
انا في البعيد مشتاق لهمسة من الوطن يانسمة
[email protected]
|
Post: #11
Title: Re: *** وتتجدد احتفالاتنا بدار النادى السودانى بمسقط بأعياد المرأة***
Author: Gafar Bashir
Date: 03-09-2006, 02:01 PM
Parent: #10
عيد سعيد
ومزيد من التقدم والانجاز
وتحياتي لاهل مسقط
|
Post: #12
Title: Re: *** وتتجدد احتفالاتنا بدار النادى السودانى بمسقط بأعياد المرأة***
Author: soma
Date: 03-09-2006, 03:58 PM
Parent: #11
الاهل الطيبين
الشوق نيلين والود محنه
شرفتونى بى طلتكم السمحه
***
حبابك الوالد الكريم الصادق عثمان
حبابك وحباب كلامك المن الجوف
اكيد حضورك شرف لنا جميعا
البرنامج لسه فى بدايتو نتمنى تشريفك لنا والله
يديك العافيه يا رب
كتر الف خيرك على الطله
شكرا لمة حبان فى السودان
***
اخى حيدر حسن مرغنى
والكلام الجاى منك يطفى لهيب نيران الغربه ام جفاف
ويناجى الغيوم ويعطر ديارنا بالدعاش
حبابك اخى وحباب خيتك منال
اسعدتنى حقيقى زيارتك وتهنئتك
تتبارك ايامك وتتهنأ فى ديارك
اخى حيدر شكرا حجا الطيبين
***
لؤى الضى
تسلم يا ضى شبابيك الاهل
سلامك وصل لاهلك فى مسقط
ولك سلامنا كيمان يا ود الحنان
شكرا لؤى شكرا فرحة اهل
***
الاخ جعفر بشير
حبابك بينا
بى زيارتك فرحت قلوبنا وسريت نفوسنا
الله يفرحك ديمه ان شاء الله
شكرا اخى على الطله
شكرا دعوات حبوبا
بكره باذن الله بواصل ليكم وبحكى ليكم عن حفل افتتاح اليوم
لكم المحنه جميعا
|
Post: #13
Title: Re: *** وتتجدد احتفالاتنا بدار النادى السودانى بمسقط بأعياد المرأة***
Author: Abd Alla Elhabib
Date: 03-09-2006, 05:13 PM
Parent: #12
Soma...salam to you ,the family and all sudanese in Musqat
and congratulations to you and all sudanese women all over
keep up the good work...wallahy mushtageen wu kaman 3indy laik
su'al waaaaaa7id bs : intu laih mafy 3eed ismu
??"3eed alrajul al3alamy"
|
Post: #14
Title: Re: *** وتتجدد احتفالاتنا بدار النادى السودانى بمسقط بأعياد المرأة***
Author: soma
Date: 03-10-2006, 01:24 AM
Parent: #13
عبد اللـــــــــــــــــــه الحبيب
والله الشوق قدر المسافه المشروره من مسقط لى فانكوفر
طبعا احلا مفاجأة اشوفك فى منتدى بكرى العامر
اضافه للبورد زوار واعضاء .. يا فرحتنا بيك يا موطن المحنه البكر
اخى عبد الله
شكرا على الطله.. يا ود الفريق والحلة..
اها قلت لى داير ليك عيد رجال
انتو يا معشر الرجال ايامكم كلها ما اعياد .. بى وجود المرأة حولكم
ولا كلامى ما صاح ياود البلد ..
فتك بى عافيه وتحياتى عبرك للاهل الحنان
شكرا عبد الله قدر طيبة قلبك
|
Post: #15
Title: Re: *** وتتجدد احتفالاتنا بدار النادى السودانى بمسقط بأعياد المرأة***
Author: soma
Date: 03-10-2006, 03:14 PM
Parent: #14
تم بحمد الله الافتتاح مساء اليوم
تحت رعاية وكيلة التربيه والتعليم العمانيه
تخلل الحفل كلمة ممثلة المرأة بالجاليه ثم كلمة الفاضلة الاخت مى ابو قصيصة
بهذه المناسبه الكريمه
ومشاركة رائعه من بناتنا برقصات شعبيه لمختلف قبائل السودان العريقه
ثم كورال بمشاركة سيدات النادى الفضليات قدمن اغنيتين قمة فى الجمال والاداء
اى صوت زار بالامس خيالى .. وبت بلدى .. بمصاحبة الاستاذ المنشتح ضرار
وبمصاحبة الابن مازن فى العزف
تم تكريم السيده الوالده خديجة زوجة الوالد المربى الجليل بابكر النور
الوالده خديجه احتضنت منذ دخولها للسلطنه فى مطلع السبعينات
احتضنت هى وزوجها الفاضل كل الاسر السودانيه القادمه وكانت دارهم مفتوحه وما زال ليومنا هذا لكل القادمين والموجودين فى هذا البلد المضياف ..
لهم منا التحايا والتقدير وربنا يحفظهم ويخليهم ويجعل البركه فى ابنائهم ان شاء الله ..
ايضا كرمت السيده الوالده مريم والدة اختنا الحبيبه دكتوره هالة زين العابدين
والدتنا مريم مناضله شاركت فى الحركه الوطنيه وشاعره لها مشاركات قمة فى الروعه ..سوف آتيكم قريبا بقصيدتها الوطنيه التى شاركت بها فى النادى ليلة تكريمها .. ربنا يحفظها ويرعاها ويسعدها وسط ابنائها ان شاء الله
الحضور كان بهيا كالعاده...
التحيه لاخواتنا الكريمات اللاتى قدمن اطباقهن الشهيه وبعض المشروبات لكل الحضور..
والتحيه لادارة النادى لتوفير كل سبل الراحه لابناء الجاليه والضيوف الكرام
التحيه لكل من ساهم وشارك بى فكره او وجهة نظر
لوحة المسرح الخلفيه كانت قمة فى الروعه التحيه لهذا الابداع
شكرا للجميع واتمنى ان تتواصل الافراح طيلة هذا الكرنفال البديع
وتتوالى الروائع
لنا عوده باذن الله
|
Post: #16
Title: Re: *** وتتجدد احتفالاتنا بدار النادى السودانى بمسقط بأعياد المرأة***
Author: soma
Date: 03-11-2006, 00:16 AM
Parent: #15
اهلنا الطيبين صباحاتكم بيضاء
ناس مسقط الحضروا ومتابعين معانا
يا ريت تساعدونى بتنزيل صور لتكتمل اللوحه
بت فاطنة يوم شكرك ما يجى
حقيقى افتقدناك هنا وهناك
وينك يمه؟؟
اختك غبشه وما بتخبر للتكنلوجيا دريب
وين كاميرتك الحنينه ديك؟؟
اهم شىء انتى ان شاء الله طيبه..طمنينا عليك
فى امان الله
لى عوده اخرى معكم ان شاء الله
|
|