*** يا منصرا فى بطن الواطه ***

يا منصرا فى بطن الواطه
كايسه المهله ..
ويا منفدعه فى رمض الرمله
حارسه النخله..
ترمى الضل البارى الغيمه..
وتسقى الشتله الراجيه نسيمه..
تلولى الرطب الضاحك ديمه..
يغازل القيف دوباى ترنيمه..
تقالدى الزير التحت النيمه
يناغم الغائب وايدو كريمه
وتشفى النفس الديمه سقيمه
يا منفرا …
حيلك ساند ساق القمحه
وخاتف لونك بريق اللوحه
لافحه حنين اشواق منشرحه
فارده جمالك موج فى طرحه
يا منجدعه…
لمى كبارك ولولى صغارك
بارى النيل اسقيه خدارك
شدى الوتر الغنى شعارك
ضوى الليل النصو نهارك
بردى جوف الفات من دارك
بين البين والريد مقدارك
لمى الفضل انفضى غبارك
ردى الدين لى روحك وجارك
من الضيم والوجع البارك
شيلى الشين للنهبوا خيارك
حررى صوتك فجى مسارك
ضمى صفوفك اطلقى عيارك
بين البين والحق الزارك
بين جمرين حرقوه نوارك
ورغم البين بنشوفو نضارك
فى كل جبين يلالى فنارك
بين لحظه وحين نجنيها ثمارك
باخلاص ويقين نصون اسرارك
شوق وحنين نضمو قرارك
عديلة وزين نجيك و نبارك
عديلة وزين بالفرحه نشارك

اسماء الجنيد .. مسقط

Quote: يا منصرا فى بطن الواطه كايسه المهله .. ويا منفدعه فى رمض الرمله حارسه النخله..

ما أروعك يا عزيزتي سومه.

دينق.

سلاااااااااام العزيز دينق
الشوق ولف يعلم الله
كيفنك واريت حالك زين
غيبه طويله ..
عجبتنى الطله يا ود الفريق والحله
تسلم دينق وتسلم ايامك ان شاء الله
شكرا تيراب محنة

Soma

Quote: يا منصرا فى بطن الواطه كايسه المهله .. ويا منفدعه فى رمض الرمله حارسه النخله.. ترمى الضل البارى الغيمه.. وتسقى الشتله الراجيه نسيمه.. تلولى الرطب الضاحك ديمه.. يغازل القيف دوباى ترنيمه.. تقالدى الزير التحت النيمه يناغم الغائب وايدو كريمه وتشفى النفس الديمه سقيمه يا منفرا … حيلك ساند ساق القمحه وخاتف لونك بريق اللوحه لافحه حنين اشواق منشرحه فارده جمالك موج فى طرحه يا منجدعه… لمى كبارك ولولى صغارك بارى النيل اسقيه خدارك شدى الوتر الغنى شعارك ضوى الليل النصو نهارك بردى جوف الفات من دارك بين البين والريد مقدارك لمى الفضل انفضى غبارك ردى الدين لى روحك وجارك من الضيم والوجع البارك شيلى الشين للنهبوا خيارك حررى صوتك فجى مسارك ضمى صفوفك اطلقى عيارك بين البين والحق الزارك بين جمرين حرقوه نوارك ورغم البين بنشوفو نضارك فى كل جبين يلالى فنارك بين لحظه وحين نجنيها ثمارك باخلاص ويقين نصون اسرارك شوق وحنين نضمو قرارك عديلة وزين نجيك و نبارك عديلة وزين بالفرحه نشارك اسماء الجنيد .. مسقط

ما أجملك ، ما اروعك ،،
شكرا علي هذه الكلمات الجميلة التي كانت خير بداية ليومي.
شرووم

اختي العزيزة سوما
كيفك

Quote: عديلة وزين نجيك و نبارك عديلة وزين بالفرحه نشارك

الله يجعل ايامك كلها فرح ومسرة
واصلي
في النضم الحلو
عشان نطلع من جو الشكل والتاح تراح
الحاصل في المنتدي
وتسلمي يا اختاه

تقالدى الزير التحت النيمه
يناغم الغائب وايدو كريمه

dear soma
what a nice warm picture
i did live the picture truly
thank you ya zoola ya raghia
please keep writing
a place like this is indeed in need for warm sensitive people like soma
all my love
dr mustafa mahmoud

Quote: لمى كبارك ولولى صغارك بارى النيل اسقيه خدارك شدى الوتر الغنى شعارك ضوى الليل النصو نهارك بردى جوف الفات من دارك

أولاً حمداً لله على السلامة ..
البركة في الشوفة يا سوما ..
نص جميل زيك ..
وكتابة مشبعة بكل المعاني الحلوة ..
شكراً يا رائعة ..

محبتي ..

سوما العزيزة
سلام وشوق

حروف إسمك بشارة خير ...




ما أروعك

ـــــــــــــــــــــــــــــ

أنا في البعيـد مشتـاق لهمسة من الوطن يـا نسمة
[email protected]

العزيزة سومه

لك التحية

الف مرحب بعودتك البهية وبكلماتك الرقيقة الدافئة التى تعيد التوازن

Quote: لمى كبارك ولولى صغارك بارى النيل اسقيه خدارك شدى الوتر الغنى شعارك ضوى الليل النصو نهارك بردى جوف الفات من دارك بين البين والريد مقدارك لمى الفضل انفضى غبارك ردى الدين لى روحك وجارك من الضيم والوجع البارك شيلى الشين للنهبوا خيارك حررى صوتك فجى مسارك ضمى صفوفك اطلقى عيارك بين البين والحق الزارك بين جمرين حرقوه نوارك ورغم البين بنشوفو نضارك فى كل جبين يلالى فنارك بين لحظه وحين نجنيها ثمارك باخلاص ويقين نصون اسرارك شوق وحنين نضمو قرارك

ما اجملك وما اجمل افكارك المسالمة
وما اجمله وطن ضمنا ولم يبخل علينا
ليتنا نعود ونعمره ونرد له بعض من دين

dear soma
like a beautiful beautiful rose
your post only attracts wonderful warm sensitive people like girshoo and loai
both are known to love and warship beauty of words and beauty of the sole
god bless you and bless brothers laoui and brother girshoo
dr mustafa mahmoud

الاهل الطيبين
الشوق قمر دورين
وحجا حبوبات فى سهلتنا ام همبريبا باااااااارد
طلتكم بالدنيا .. وشوفتكم تبرد جوف مضيوم
لكم المحنه كيمان .قدر المحبه الفى قلوب الهناك
بجيكم صاده اقالدكم واحد واحد فى داره
ادونى خاطركم.. يومى كان طويل ويوم عمل شاق وممل
لكن متاوقتى دى بردت لى حر اليوم.. والقبلو ..والجاى
الله يبرد ايامك ويعطر حياتكم سعاده وسرور..
لكم الود قنطار
وشكرا اردب محنة

شروووووم ود البكرمو القوم
حبابك ود البلد الحنين
وخير كلام الجانى منك يا كريم
تسلم يا اصيل وشكرا لا تكفى على تعبيرك الندى
شكرا اخى شروم شكرا تيراب جدود

*****
اخوى الحنين حمزااااوى
يعلم الله مشتاقين .. والشوق محكر فى الدواخل
طلتك براها بتودر التاح تراح يا حمزاوى
ويكفى انكم بوجودكم معطرين الدار محنة
البركه فى طلتك السمحة حمزاوى الجميل
وشكرا ضفاف نيل ..

****
اخى الدكتور الرائع مصطفى
والشوق الجارى عليك .. يقالد النضمى الببرد حر هجير الغربه والليل الطويل
المارق منك بى نغم عصفور حانى وجميل وشفافة روح
يديك كل الفرح الساكن فى القلوب الدافئه دفء كلامك الحانى الحنين
ويدك السعاده قدر ما طوقتنى بالفرح والسرور
شاحده ربى يسعدك وين ما تقبل
ويلفحك بالعافيه والخير الكتير
شكرا اخى دكتور مصطفى
شكرا دعوات صالحين .. وامنيات طيبين
***
معتصم دفع الله .. ود الاهل جمله
كيفنك يابا واريتك طيب
البركه فى شوفتك انت برضو والله
سعيده بى طلتك وسعيده اكتر بى تعبيرك الراقى زيك
تسلم يا ود القبائل وتسلم كل ايامك ان شاء الله
شكرا اخى معتصم قدر فرحى بيك..

*** **
لؤى الضى
حبابك يا شفا الروح السقيمه
طلتك ضحكة رضيع قبل الفطام
وفرح امات ولقاء الغائبين
الشوق غيمة خريف يعلم الله
يديك الف عافيه وينور دربك ويسهل امرك
آمين يا رب العالمين
شكرا لؤى .. شكرا محنة ..

****
عمدتنا قرشو
حبابك انت يا ضى شبابيك الاهل
وجودك فى كل مكان بحسسنى بالاطمئنان يعلم الله
وكما قال الدكتور الحنين مصطفى انت واخونا الضى لؤى
ياكم السند والواحة عز الصيف
كلماتك بتدينى دائما دفعه للكتابه بدون توقف
و بتفاؤل رغم وجع الغربه والشوق للحنان
ربى يسعدك ويديك قدر نواياك يا صافى
قدرما بتسعدنى طلتك البهيه
شكرا لا تكفى ولا توفى
شكرا ملفحه بى ريحة الطيبين
شكرا ولف وخدار جرف


احبتى الغاليين
لكم الموده جميعا ..
شكرا لزمنكم الغالى وكلامك البقرب المسافات ويهدىء سر القلوب
ربى يسعدكم ويقدرنى اكون عند حسن الظن دوما
لكم كل المنى .. وكل دعوات اهلنا البعاد بالمسافه ومعانا بالاحساس

اسماء

سلامات ..... وحبابك


أزرق

يااااااااااا ازرق
وينك يا الحنين
يا ود الجروف والطين
البركه فى الشوفه بعد الغيبه الطويله دى
تسلم يا العشا وخلينا نسمع منك

wain ya soma
wallaehi leek goma
ya al samaha doma
zekrack fee nefosana mktouma
jamal roohik fee al kalma makhtouma
we fee glopbena sortic marsooma
lol
ya soma ya soma
helwwa dee
really we missed your beatuful words
more please
mustafa

يااااااااا
والله حلووووووووة منك يا دكتور يا راقى
جد عجبتنى الكلمات والتعبير المن الجوف
ونداوة الحروف ..
والله ما شاء الله وعينا باااارده ..
كلامك مرتب وتعبيرك شفيف .. تسلم يا وريف
اوع تقول سوما سحرتنى لوول
والله كتر خير المنصرا فى الواطه المرقت منك الجميل المخفى

وعد منى قريب انزل ليك اول قصيده تعامل بينى وبين استاذنا الكبير وردى
قصيده وطنيه اسمها ((عزة ترابك )) وبى تشجيعو لى خلانى اواصل بثقه وخطى
واسعه للامام الحمد لله .. ووقفة الناس الزيك معاى هى الدافع وهى الزاد
فى الدرب الطويل ومعرج .. لكن الحمد لله انتو النسمه الباااااارده فى عز الصيف

تسلم اخى دكتور مصطفى
بهديك كل الكلام الجاى منك
شكرا قطرات ندى

ما أروعـــك يا فراشة البورد

يا منفرا …
حيلك ساند ساق القمحه
وخاتف لونك بريق اللوحه
لافحه حنين اشواق منشرحه
فارده جمالك موج فى طرحه
**
( حيلك ساند ساق القمحة )
و
( فاردة جمالك موج فى طرحة )

اجمل كلمات وقفت امامها وحدقت فيها بتامل وانبهار . هذاالشهر
ادعوكم لتامل والتحديق
وشكرا سوما

شكراااا ليك انت اخوى الطاهر
طلتك حنينه زى شوفة الاهل
وكلامك بقرب المسافات
احساسك بدى الكلام معنى عميق عمق التصور الجواك
ربى يسعدك زى سعادتى بى نضميك السمح
شكرا اخى الطاهر
شكرا محنه ولمة اهلنا

العزيزة سوما تحياتي وسلامي الحار وحمداً لله على سلامة الطلة ودائماً ابداعك مميز ونضميك ليهو مكانة خاصة في الوجدان تسلمي على هذا الاختيار الموفق والراقي
ومزيد من الابداع والتالق

الحبيبة سوما ليكي القومة ....سعيدة وانا القاكي هنا رغما عن قربنا الجغرافي الا انو للمساحة القها وليكي الق الطله .... شكرا علي القصيدة الحنينة وزيدي ....
دمتي
الهام

dear soma ya rageegga zey nassem al sabah
send my greetind to al ustaz dr mohamed wardi
he is an old friend of mine
i am waiting for more gems from you
mustafa

Quote: يا منصرا فى بطن الواطه

سومة سلام.. شكراً للشعر الرائع
........
لكن كلمة منصرا..تحتاج لتشكيل أي شدة على الراء..وهي متوفرة على الكي بورد.. باقي التشكيل فيها تأثيره جانبي ما كبير.. لأنو أول ما تشدد الراء طوالي خلاص يفهم المعني.. ومن عندك إذا أضفت ضمة على الميم..وسكون على النون..
هذا إذا كنت تعني الإنصرار والصرة بي لهجتنا..
لأنو الكلمة فيها غرابة على الشعر المستساق.اي الجاري أي الممارس.. المعتاد
...........
وهذا مخرج واظنك تعنية... غرابة الكلمة هو ملازمتها لحرف النداء..يا.. وياء تجي للنداء أو الإستغاثة.. أو للسمع كما تعلمين.. والإستغاثة تعني الدعاء. يارحمن يارحيم.. ياقوي.. عشان كدة ذهن القارئ ينصرف طوالي لمعتاد الكلمة وتركيبها.ز فإذا غنصرف لمثل هذا الإنصراف يجد الكلمة غلط في ما تحمله من معني..عشان كدة تشكيلها كان مهم وضروري وهو شدة واحدة على الراء.. وانا فهمتها طوالي أنك ترمي الى الإنصرار.لأنو في البيت البعدها(كلمة كايسة المهلة) تشفع كلمة منصرا وتساندها..
.........
أما إن كانت دعاء مثل يا غائث الحوت. يا منصرا من في بطن ا########## فهنا لابد أن تتحول الكلمة الي ناصراً..لأنو مافي حاجة إسمها منصر..هنالك ناصر منصور.نصير..نصار.. وكدة
.......
فعشان ما يتلخبط ذهن القارئ الشدة على الراء كانت ضرورية حتي وإن صعبت كتابتها يمكن الإشارة اليها كتابة..
ويمكن أن تمشي الكلمة ايضاً بدل منصر من الإنصرار والكرمشة الي منصر..دارجية سودانية من منصر جمع مناصير ...اهلنا..بالدارجية برضو .. منصر بضم الصاد.. وتكون القصيدة برضو تعنيهم..
لكن الإنصرار والكرمشة هنا تدي معنى اقوى للقصيدة..
وشكرا كما عودتينا دائماً أشعارك الراقية..

اخوى ابراهيم على حبابك ود الاهل القراب
اهل المحنة الديمه للكرم فاتحين باب
طلتك سمحه .. تسلم ان شاء الله من كل بلا
وتسلم على الكلام الجميل البشبهك براك
شكرا اخى ابراهيم بقدر مكانتك عندى يا اصيل
شكرا فرحة صغار...

****
الهام الحبيبه .. المن القليب قريبه
طلتك ليها مكانه خاااااااااصة جدا
والعجب طلتك بالدرب يااااااااا ده عيد براه
يا ربى موعودين بيها قريب ؟ ولا لسه الجرى حاصل
صاره ليك اشواق خاصة جواى .. ونضمى بينا ببرد الجوف ولو لحين
اشواقى مقرونه بالسلام لحبيبى جعفورى وسلام خاص للموسيقار طه لوول ..
اها وصلت وين عليك الله .. لانه انا والهام راجين نتعلم منك ..
كل الود ..
***
اخى الدكتور مصطفى ..لك كل الاشوق على الطلاات الجميله
سلامك وصل وتحاياك لاستاذنا وردى وبدوره يبلغك كل الشوق والاحترام
شكرا من تانى اخى الدكتور مصطفى
****

بدر الدين...
الشوق فراشتين زى الرصيتن لى ديل
يقومووووووومن كده يحلقن يوصلنى الجنيد .. ويقطعن البحر
يوصلنك مناقزا ..
والله لكن ما شاء الله ما اسحرك .. بقيت كمبيوتر مان عديل كده لوووول
المره الجايه جيب لى قصب سكر ..
شكرا البدرى على المتاوقه السمحه جابت لى نسيم حواشاتنا ..
شكرا ترعة موية وجدول محنة

***
شكرا ليك انت اخوى منصورى على السرد والشرح المفصل
وطولة البال
لكن بينى بينك ما بعرف استخدم التشكيل خالص .. ضمــــــــــه غلبنى
لكن زى ما شايف كل المتداخلين فهموا قصدى للكلمه ولى كل المفردات الوردت
وواضح من خلال ردودهم .. بدومن تشكيل .. والحمد لله الاحساس واصل
شكرا من تانى منصورى شكرا(( صرة محنة))
اها دى بشكلا ليك بالكتابه حتى لو فهمتها .. صرة .. بضم الصاء وتشديد الراء ..
**
الاحبه الطيبين لكم منى الود مطامير
والشوق ممتد بينى بينكم قدر كل المسا فات الطويله

dear soma
iam waiting for the new work from you and al ustaz dr wardi
when two like meet in together only god alone can tell what is going to happen
all my love and respect to both f you
i am waiting

تسلم يا دكتور يا راقى
كتر الف خيرك.. جبرت بى خاطرى والله
الله يجبر بى خاطرك ديمه يابا
ود انزل ليك قصيدة عزة ترابك اليوم ان شاء الله
شكرا قطوف.. وخضرة جروف

سومه السنبله قندول قمحه
الولده الجابت خاتيه القمحه
نظمك شارق بس باللمحه
وزى الخيل بتحسى الجمحه
هاديه رزينه منمقه سمحه
وزى وزين بتجيد الطمحه
وصوت مزيقه تقوقى وتجذب
عاشق صوفى حرام ما بكذب




سوماعندك طريقتك القريبه الغريقه لمن بحرك يحمر



منصور

Quote: لمى الفضل انفضى غبارك ردى الدين لى روحك وجارك من الضيم والوجع البارك شيلى الشين للنهبوا خيارك حررى صوتك فجى مسارك ضمى صفوفك اطلقى عيارك بين البين والحق الزارك بين جمرين حرقوه نوارك ورغم البين بنشوفو نضارك فى كل جبين يلالى فنارك بين لحظه وحين نجنيها ثمارك

كل اول وليهو اخر يا سومة
بتطلع من الواسوق
ومن المنجل
ومن الابرول
ومن رمد عيون اطفال المدارس
ومن دعاء ام ما زالت نار فقد ابنها تستعر فى حشاها

Soma...salam dear
This is beautiful...elegant & lovely as usual and has a bit
of a different falvour ya3ni ta6auwr rafee3. billahy salamy lei
nas Elfati7..and all the family
I wish you all the best soma


takhreema:
shayif Mr. Shana it6awarr wu bigga ylasig farashat 6ayira..looolz

الأخت العزيزة أسماء

قصيدة كواحة في قلب الصحراء..

تفرح..

لك الشكر ولأسرتك التحايا

الزاكي

بنت العزاز أسماء

التحايا والود

البركة فى الطلة وطولتى الغيبة

شكرا على الفرح الروحى من نهر المحنة كلماتك الرائعة

وتحياتى للاسرة وتقبلى تحيات العقاب

بنت العزاز أسماء

التحايا والود

البركة فى الطلة وطولتى الغيبة

شكرا على الفرح الروحى من نهر المحنة كلماتك الرائعة

وتحياتى للاسرة وتقبلى تحيات العقاب

wain ya soma
wallaehi leek goma
ya al samaha doma
zekrack fee nefosana mktouma
jamal roohik fee al kalma makhtouma
we fee glopbena sortic marsooma
lol
ya soma ya soma
helwwa dee
really we missed your beatuful words
more please
mustafa

أسماء الجمال الحسنى

سومه حمدلله علي السلامه

بركه القريناكـ تاني من جديد
جمال كما العادة

up

السمحين الزينين
الشوق عديلة وزين
والتحيه ليكم مجرتقه بى خرزة وسيموته
والفرحه زى العروس مبســـووووطه
تسلموا يا حنان...

***
الرزين ود الطيبين
سيد النضمى الموزون
والفرح المكنون ..
اخوى منصور الشفيف . الوريف
سمح اليوم الجابك لينا
وسمحة طلتك يعلم الله
يعظم شأنك ويعلا مقامك
زى ما فرحتنى بى هرجك البشبهك
ونضميك المن الجوف
بتدى الكلام لحن حنين معزوف بى ربابة
وزولا قاعد هناك تحت شديره يدندن فى فرح باكر
تسلم .. تسلم اخى منصور
والشكر ليك قدر ابداعك
شكرا محنة ..

***
عادل عثمان حبابك يا هادى الطبع
يا مجيه الكلام ..
طلتك مميزه يا راقى
ربنا يرد غربتنا ونرجع نلقى بلدنا ياهو القبيل زى اهله الما بتغيرو ولا بتبدلوا
مهما طالت المسافات و مرت السنين
شكرا اخى عادل .. شكرا لمة اهل

****
يااااااااااااااااااااااا عبد الله الحنين
يعلم الله الشوق محكر من سنين
وينك يابا .. واريت حالك زين
البركه البقيت طيب ..
متاوقتك دى بالدنيا يا عبد الله والله
وكلامك ضوا كل الاماكن المظلمه
يا حليلك .. انت ما من زمن البداية والمتاتا برا مشايه لووول
تسلم يا حنين يا ود الاهل الطيبين
سلامك وصل وليك السلام كيمان
اما بدر الدين اتفلهم تب يحمد سيدو
لووول بدر الدين من التكنلوجيا .. قررررررررب يبقى رجل فضاء لووول

التحايا ليه من هنا لى هنااااااااااك فى خلاه المشاتر داك ..سلام يخدر كل الامكنه بالمحنه

شكرا عبد الله لا تحدها حدود شكرا قدر مكانتك جوانا يا ملك
****
اخونا الاديب المثقف الزاكى عبد الحميد
حبابك بى هنا وحبابك بالدرب
والله طلتك دى هى الواحه فى عز الصيف
شكرا على التحيه وشكر على الطلة
تسلم كتير وشكرا محنة ..

*****
ياااااااا ود الاهل الهناك
حليلك يا ود الشرق والغرب
ودى عمى لزم محمد أحمد ود حاج سعيد
الشوق محنة يا خوى ..
والله مشغوليات لكن فى البال والخاطر ديمه
تسلم يابا وكتر الف خيرك والبركه فى طلتك ..
سلامك وصل وسلامنا ليكم شايلنو حنين ..
شكرا اخى محمد .. شكراااااا شوفة اهل

***
سلام يا دكتور يا راقى
شكرا قدر سماحة تعابيرك النديه
كتر خيرك على كل الجاى منك من روعة كلام وعمق معانى
شكرا عاليه تقالد نخيل بلدى ....
شكرااا دكتور مصطفى ...
****

ابو ذر .. المطر ..
الخلاوى .. الذكر ..
الفرح البكر ..
الشووووق مطر..
كيفنك يا ود الشيوخ
سلاااامتك الف سلامه
تضلك يابا غمامه
وترجعك لى اهلنا بالسلاااامه
ابو ذر الحنين .. حمد الله على السلامه
وبركة الشفناك طيب
عجبتنى الطلة يعلم الله
شكرااا المطر .. شكرا قدر موية مطر خريف الشرق
شكرا محنة
****
خدر المخضرم
الفنانين السمحين معنا بى جااااااى
وانا اقول البوست ده مالو برقص طرب
معبأ بى جمال حروفكم النديه
ولحنك المميز زى غناك ..(( وجنك الكلكى )) لوول
خدر والله اشتقت لى الكلكى ده بى غادى ..
سلامى لى ستاتك الاتنين السغنونه والاصيلة ..
شكرا اخى خدر شكرا قصيدة صاراها ليك مفاجأة ..

***
الاهل الطيبين شكرا معمعمه بالمحنة
وملفحه بى دعوات اهلنا ..