Post: #1
Title: نهارات الفريق.
Author: soma
Date: 09-14-2002, 08:15 AM
Parent: #0
نهارات الفريق ..
يا دروب شاقه الخلق ...
والخلق ما بتتلحق ..
دايشه فى دريب الرزق ..
والرزق لى خالق الخلق ..
فى نهارات الفريق ...
.والعرق وصل الحلق ...
ناس جهالا بتتشرق ...
وناس تجر ..ما بتتلحق ..
مرات تقوم .. مرات تقع ..
فى مطامير الورق ..
تجمع تعد .. تشرط تشق ..
تصرخ تهيج .. تزعل تطق ..
همها الدنيا ام قدود ..
ناسيه يوم.. بتمر برق ...
وناسيه يوم جمعاً كبير ..
كل زولا ليه حق ...
الدروايش الكتار ..
لا بتنوم .. لا بتتفرق ..
سبح لالوب تجر ...
فى سواد الليل تطق ..
تذكر المولى الكريم ..
والايادى بتتسبق...
نوبه ترزح من بعيد...
تشرح القلب البرق...
والعيون تعطف ..ترق..
والدميعات تنهمر ..
زى مطيرًة فى الشرق...
زى مطيرةً فى الشرق...
اسماء صديق الطيب الجنيد
مسقط سلطنة عمان
18/5/2002
تحياتى لكم وحبى لكم جميعا
|
Post: #2
Title: Re: نهارات الفريق.
Author: Ridhaa
Date: 09-14-2002, 08:21 AM
Parent: #1
salam ya soma ....
Welcome aboard ..
Ridhaa
|
Post: #3
Title: Re: نهارات الفريق.
Author: ايهاب
Date: 09-14-2002, 08:30 AM
Parent: #2
ابداع
|
Post: #4
Title: Re: نهارات الفريق.
Author: soma
Date: 09-14-2002, 08:32 AM
Parent: #1
brother Ridhaa
salamt
thx alot
|
Post: #5
Title: Re: نهارات الفريق.
Author: سمندلاوى
Date: 09-14-2002, 01:38 PM
Parent: #1
!! سومة
كلمات لها بريق خاص , واصلى اتحافك لنا من النوع دا بالاخص
ولك ودى
سمندلاوى
|
Post: #6
Title: Re: نهارات الفريق.
Author: wadahmed
Date: 09-14-2002, 01:56 PM
Parent: #1
الأخت العزيزة
والشاعرة الشفيفةسوما ،
مرحب بيك وانت تضمخين غربتنا شعرا جميلا
ينسرب مثل دفق الماء في نهار الصيف
والفين سلام
ود أحمد
|
Post: #7
Title: Re: نهارات الفريق.
Author: AlRa7mabi
Date: 09-14-2002, 02:00 PM
Parent: #1
أسماء
طبعا بدر الدين مرر لي هذه القصيدة منذ فترة
وعدتين دفعي لي بالدفتر
ولكن رحلة السودان أخرت المشروع
حا أجي البيت خليهو جاهز
أبو ضحى
|
Post: #9
Title: Re: نهارات الفريق.
Author: rummana
Date: 09-14-2002, 02:10 PM
مرحبا سومة
والله بصراحة ما عارفاك جديدة جيتنا هسه ولا قديمة زي بناتنا البظهروا اسبوع ويغيبوا عشرين لما ننساهم ويفضلوا متاوقين بس بالشباك
لكن بحيك على اعتبار انك جديدة ويا هلا بيك وبكلمات الحلوات
|
Post: #8
Title: Re: نهارات الفريق.
Author: soma
Date: 09-14-2002, 02:08 PM
Parent: #1
لا .. لا.. ما تقول لى ده انت ؟ لكن ما مبالغه .. عليك الله هسه انا من قبيل اشيل وارد عليك واستنى فى الرد مش كان المفروض اكورك ليك بى فوق ؟؟
الحمد لله العرفت والبركه فى ضحيوه
سلام يا ود بلدى
|
Post: #10
Title: Re: نهارات الفريق.
Author: bamseka
Date: 09-14-2002, 02:24 PM
Parent: #8
يسعدنا ان نتسكع على اشراقاتك اختى( سوما) وابداعاتك الملهمة الكلمة والمعانى الفياضة
لك كل التحايا العطرة ودمتى بيننا
|
Post: #11
Title: Re: نهارات الفريق.
Author: moniem2002
Date: 09-14-2002, 03:16 PM
Parent: #1
يا لهذه الصدفة الرائعة
ان اجد هذا الترحيب باالاستاذة الشاعرة المرهفةسوما
فى اول يوم لى وانا اطل عبر هذه النافذة
فقد التقيت مع الاستاذة سوما عبر منتديات البال توك
احيك ايتها الرائعة ومزيدا من الابداع
فسوما اضافة حقيقية لسودان اون لاين
فهنيئا لكم
فى وجودك اتولد طفل المحبة ومن عيونك وعز عوالمك شال صبا الغنوات وشبا
(moniem_4)
|
Post: #12
Title: Re: نهارات الفريق.
Author: مارد
Date: 09-14-2002, 03:59 PM
Parent: #11
أهل الكلمة يعرفون بعضهم اكثر ويحسنون ضيافة بعضهم البعض
ويعطرون وجداننا بوهج حروفهم
سوما ومنعم مرحبا بكم وبإبداعكم
|
Post: #13
Title: Re: نهارات الفريق.
Author: soma
Date: 09-14-2002, 07:08 PM
Parent: #1
الاعزاء ..رضا .. ايهاب ..سمندلاوى ..ابو ضحى ..رمانه ..منعم ..ومارد ..
لكم الشكر بلا حدود .. واتمنى ان اكون عند حسن الظن . دمتم ودامت الخوه بيننا ..
تحياتى وحبى لكم جميعا
|
Post: #14
Title: Re: نهارات الفريق.
Author: cola
Date: 09-14-2002, 07:41 PM
Parent: #1
حقيقى مبدعة
كلماتك سلسة تمس الشغاف
مكسب كبير لبوردينا
ولى قدام
|
Post: #15
Title: Re: نهارات الفريق.
Author: noha_g
Date: 09-14-2002, 07:50 PM
Parent: #1
مرحبا سوما شرفت دارك
نورت يا السمحة
|
Post: #16
Title: Re: نهارات الفريق.
Author: أبنوسة
Date: 09-15-2002, 12:28 PM
Parent: #15
وسوما المبدعة
ذات ليلة، أتحفني نادوس بنص دارجي ينبيء عن شاعرية عالية مطبوع من موقع النافذة على ما أعتقد، ولم يخطئ حدثي حين سألته من هي، فأجابني بسؤال كيف عرفت أنها أنثى
رغم أن النص لا يصرح بذلك....أجبته أنه حدث الأنثى تجاه الأنثى
...........
قرأت النص ومن ثم تلوته على طريقة الراحلة ليلى المغربي
وألححت في السؤال من هي...قول لي دي منو المجنونة دي
أجابني شاعرة سودانية مقيمة في عمان وأعتقد إسمها أسماء وبدلعوها بإسم سوما
ومن وقتها بحثت لأقرأ لك
وفي إنتظار أن تتحفينا
|
Post: #17
Title: Re: نهارات الفريق.
Author: soma
Date: 09-16-2002, 06:27 AM
Parent: #1
سلام ابنوسه يا اصل خاتى من سوسه ..
بت القبائل والفكر دره عظيمه مدسوسه..
حسيتك جواى ..وحسيتك قريبه منى ملموسه ..
يديك العافيه يا غاليه ..
ومنى ليك الف تحيه ومليون بوسه..
تسلمى يا بت بلدى
تحياتى وحبى لكم جميعا
|
Post: #18
Title: Re: نهارات الفريق.
Author: Wad Aljaili
Date: 09-16-2002, 06:35 AM
Parent: #17
شكرا يا سوما على هذ1 الابداع
شكرا على هذا التحليق في قمم الكلمات
شكرا كتير
|
Post: #19
Title: Re: نهارات الفريق.
Author: ALZOLZATOO
Date: 09-16-2002, 06:39 AM
Parent: #1
سوما كلماتك في منتهى الروعة
والعرق وصل الحلق
نحن هنا بلغت الجيوب الحناجر هههههههههههههه يكه
زاتوووووو
|
Post: #20
Title: Re: نهارات الفريق.
Author: soma
Date: 09-16-2002, 05:50 PM
Parent: #1
اخى ود الجيلى..
التحيه والشكر ليك بلا حدود ..
وما ابداعى الا بكم ولكم .وتسلم يا ود بلدى..
ALZOOLZATOO
والله كلنا عرقنا وصل الحلق ..
يديك العافيه يا ود الفريق ..
البلقاك وقت الضيق..
نعم الصديق نعم الرفيق..
تحياتى وحبى لكم جميعا ..
|
Post: #21
Title: Re: نهارات الفريق.
Author: النورس الحزين
Date: 09-16-2002, 08:23 PM
Parent: #20
الرائعة /سومــــــــا
لك التحية
أحزاني تكذب ياقلبي ماعدت أصدق أحزاني
قالت :ستسير ....وتتركني كالناس أرددألحاني
بالحب يسافر وجداني
والدمع الحاير يتركني
والزمن الظالم ينساني
والحب يعود يظللني
لكن الحزن يطاردني
غيرت كثيرا عنواني
وبطاقات أسفاري شاخت
مزقها ليل الحرمان
وهربت لعلي أخدعها
فوجدت لديهاعنواني
التحية لك ايتها الرايعة واضافة حقيقية للبورد
ومرحبا بيك تاني
مع الود
النورس الحزين
|
Post: #22
Title: Re: نهارات الفريق.
Author: BAKASH
Date: 09-17-2002, 00:36 AM
Parent: #21
الاخت سومه
تحياتى لك وانتى تقدمين اروع ما عندك من كلمات
بكاش
|
Post: #23
Title: Re: نهارات الفريق.
Author: soma
Date: 12-20-2002, 08:57 PM
Parent: #1
النورس الحزين .اين انت ..وكمان اخدت معاك بكاش ..ارجو العوده ..ولكم العتبى حتى ترضوا دائما متلومه معاكم وملومانى الظرووووووف التحيه لكم والهديه لك يا رحمابى مره اخر نهارات الفريق ولكل المعجبين بها ولكم جميعا كل الود
|
Post: #24
Title: Re: نهارات الفريق.
Author: ودالجزيرة
Date: 12-20-2002, 09:26 PM
Parent: #23
الرائــــــعه سوما لكى التحيه
اينما كنتى ورعاك الله وحفظك فى القبل الاربعه
ايها الكروان القريد
مع خا لص تحياتى لكى.. ودالجزيره
|
Post: #25
Title: Re: نهارات الفريق.
Author: soma
Date: 12-21-2002, 04:54 AM
Parent: #1
تسلم يا ود الجزيره يا ذوق وموقعك ابداااااع ابدااااع والله الى الامام باذن الله
وربنا يوفقك ان شاء الله
|
Post: #26
Title: Re: نهارات الفريق.
Author: Abulbasha
Date: 12-21-2002, 05:37 AM
Parent: #1
وتتواصل خطوط الإبداع لتتفوق علي خطوط الموضة وبحجم أكبر
لك التهئنة .. كي تتواصل خطوط الإبداع دون توقف
صلاح الباشا - الد وحة
|
Post: #27
Title: Re: نهارات الفريق.
Author: soma
Date: 06-20-2003, 09:17 PM
Parent: #1
الكاتب العريق ابو الباشا
التحيه لك ..واين ابداعك المتدفق دوما ..هل يقتصر على الصحف المحليه بالوطن الحبيب .. ام تعم الفائده داخل وخارج البلد
لنا عليك حق ايها الكاتب الناقد .. فهل تستجيب لنا
لك كل الود
|
Post: #28
Title: Re: نهارات الفريق.
Author: HOPELESS
Date: 06-21-2003, 06:58 AM
Parent: #27
الرائعه جداً سومه
بكل طله منك نكتشف فيك أبداع جديد
كثفي وجودك بهذا الحضور الراقي
مزيداً من الأبداع
يافخر بلادي
والي الأمام
سلام
|
Post: #33
Title: Re: نهارات الفريق.
Author: قاسم
Date: 06-22-2003, 11:15 AM
Parent: #27
عفوا سومه
رافع ايدى من تالاي ولى عندك
بتفرق من عندى ولى عندك احساس زمن مأفون
يضاري براءة الاطفال المنك تدفق وتفيض فرح
انا ليه سائل عليك
ربما شعر جميل استفز مشاعري فعرفت فيك العملقه
لك الفرح الممكن
|
Post: #29
Title: Re: نهارات الفريق.
Author: soma
Date: 06-21-2003, 12:07 PM
Parent: #1
الرائع جدا الاخ جمال عبد الرحمن
لك التحيه والاشواق يا ابن بلدى
تسلم كتير ويا فرحتى بطلتك البهيه فى كل عمل متواضع
طلتك وزيارتك بتزيد من روعة المكتوب
فهلا فرحتنا بى زياراتك النديه
لك كل التحايا يا صافى النيه
|
Post: #30
Title: Re: نهارات الفريق.
Author: bayan
Date: 06-21-2003, 05:28 PM
Parent: #29
على
رصيف اشعارك
اتسكع
واشتم رائحة
بيوتات الطين
والزبالة
اسمع ثغاء السخلان
وارى رقراق
الشمس من راكوبة جدتى
واشم رائحة الجروف
وبدون مبالغة
استطعم جرعة ماء من الباجور
وطعم الدفيق
ورائحة الحناء
والودك
والكركار
وازقة قريتى
التى زرعناها باقدامنا
الصغيرة
ايابا ومآبا
من كلماتك
الرقيقة الحميمة
تتفجر في ذكريات الطفولة
العزبة
وا{ى كل العالم
فوق رؤوس النخيل
تصويرك
للعادية السودانية
يشدنى
الى ايام
لن تعود
عزيزتى لك فائق الاحترام والتقدير
والحب الكثير
|
Post: #31
Title: Re: نهارات الفريق.
Author: soma
Date: 06-22-2003, 06:18 AM
Parent: #1
نجاة الاصيله سلام
سلام يا بت بلدى الحنينه كلك رقة وكلك مشاعر دفاقة
يا اصيله
سعدت جدا لزيارتك وكلماتك العطره بعبق انفاسك المشبعه بحب الوطن والاصالة الانعدمت فى زمنا هذا
لكى منى كل الحب وكل الاجلال والتقدير
والشكر ممتد ليك بى طول بحرنا ومخضر بخضرة جروفه ياالكلك خدااااااااااااار
|
Post: #32
Title: Re: نهارات الفريق.
Author: بدرالدين شنا
Date: 06-22-2003, 06:42 AM
Parent: #1
بسم الله الرحمن الرحيم
الرائعة سوما
سلام وحلو كلام
زى مطيرًة فى الشرق
زى مطيرةً فى الشرق
صدقيني يا سوما حروفك غالية غلاوة المطيرة لأهل الشرق
يديك العافية
|
Post: #34
Title: Re: نهارات الفريق.
Author: زوربا
Date: 06-22-2003, 01:32 PM
Parent: #32
الأخت سومة
نيلينك والأبونوس
من حسك افتح لينا مدن تشرق بالغناوي الحنينة
ومن حرفك مدي لينا شرف التالف في الزمن المرمد بالزيف
جميلة حد الدهشة
دمت
والريد نيلين
|
Post: #35
Title: Re: نهارات الفريق.
Author: AlRa7mabi
Date: 06-22-2003, 02:40 PM
Parent: #1
]Right]
سوما
سلامات
عارفه اليومين دول قايم علىوجع الشعر والكلام المغتغت
وكلما ما اشوف لي كلمتين مرصوصات .. قلبي يقول تح
الظاهر علينا حالصة لينا ( قراءة ) عكسية لكل ما تجاهلناه زماان
شكرا عليك على الإهداء الرائع .. وإن شاء الله العقاب كويس
تحياتي ليهم
عبدالرحمن
|
|