الزمن الفقرى******

الزمن الفقرى

يا دريبا مطوى بى آهات الزمن الفقرى ..
قايدنى معاك غصبا عنى مو بى خاطرى ..
سايقه الخطوه ووراها التانيه ..
وحر الرمض البهرى ..
حارق جوفى وزايد خوفى ...
ودمعى الحارالنازل يجرى ..
ودمى البغلى وقلبى البنزف
طاير من صدرى..
اعد ايامك يوم واسبوع ..
شهراً عربى وعامًا هجرى ..
اعاين فوق واتلفت جاى...
واتلفت جاى ..
لا شجيره تضللنى .....
ولا سحابة المطر الضهرى ..
لاجريفاً اخضر يبرد لى ....
ولا طين البحر البروى ...
يبلل ريقى ويودر عطشى ....
ويسند ضهرى ..
واشم ريحة النسمه البارده ....
من البستان الزهرى..
تلملم شملى ..تودر همى ....
وتمسح غبار العهد الحجرى ..
واعود من تانى واقول لى رويحتى ...
ده ما قدرى ..ده ما قدرى ....

اسماء صديق الطيب الجنيد
مسقط سلطنة عمان

الله يجيبو سالم
ان شاء الله اليوم قبال باكر
ويمشى معاك
خطوة بخطوة
ويمسح دمعة
ويطمئن قليبك
كل ساعة
كل يوم
وكل عاماً هجرى
ويسند ضهرك ويتلم الشمل
ويكون اللقاء الابدى

شكرا ليك على كل ابداعاتك
المتفردة والله يديك العافية

الاخت
اسماء
انت لا تصنعين الشعر
بل يتدفق منك كانك نبع
فلله درك يا نبع الشعر الصافي

شديدة من شديدة

اخى العزيز ود نمر اشكرك جدا على المتابعه والاعجاب ..اتمنى ان اكون عند حسن الظن والشكر لك على كلماتك ودعواتك الطيبه..يديك مليون عافيه

اخى الكريم قرجه
تحياتى لك وكل تقديرى على عباراتك اللطيفه ..التى تبعث فى دواخلى الراحه والمواصله على الاستمراريه
يديكم الصحه والعافيه وربنا يقدرنى على جزاكم
الشكر ليكم مساحـــــــــــــــــات خضــــــــــــــــــراء
تسلموااااا

يأأسماء
قصائدك
قريبة من الروح
لأنها تحمل
الكثير من حب البلد
وأهل البلد
وإلى الأمام

الخلاقة شاعرتنا المسكونة إبداعا سومه
لك التحية
أنا من المتابعين الجيدين لكل ما تكتبين
وحقا ينهمر الشعر منك كينبوع عذب
فلك التحية وزيدينا عشقا لهذا الادب

العزيزة اسماء


قدرك قدرنا...صدقك بعبر عننا...و ما دام فينا امثالك اكيد قدرنا بحتفظ لينا بالفال الزين

الاخت العزيزه ...... اسماء

انتي رائعة في كلماتك وفي احساسك اود ان اقول انك نهر من الشعر ولكن اكون قد اجحفت في حقك انك المنبع الذي يجري منه ذلك الشعري .

ولكن لست انتي الرائعة فقط فسبحان الخالق ومن ابدع في تسميتك باسماء فهو محق في ذلك.
.زيدينننننننننننننننننننننننا

اخوك العربي (جديد)

العزيزة سومه

يا اختى ده قدرنا نحن
وتسلمى الانتى بتحسى بى اقدار الناس

والله كلمات تجعلك تقف حائرا وتقول ليه يا زمان تعمل فينا كده..
ولكن نرجع نغنى مع المغنى

مشى امرك يا قدر
انت احكامك مطاعة

رائعة كعادتك عزيزتى سومه وبالطبع كلماتنا خجلى امام وصفك فانتى بحق فوق مقدرة كلماتنا الحيارى؟؟

الله يديك الصحة وتدى اكثر واكثر

المتالقة دوما سومة ايتها الشاعرة المتوقدة باعذب الالحان واندى الكلمات فلكي التحية ونتمنى ان يتنتهي بنا هذا الزمن الفقري لبر الامان لنشعر باعطف والحنان بمن نحب ونهوى
واليك هذه الابيات

يا قلب لا تبكِ الذي باع الهوى
لملم جراحك لا تقل ما أضيعك
وإذا الحنين تأججت نيرانه
وهفت بك الأشواق فاحبس أدمعك
وهماً ظننت بأنه قد ضيعك
ما ضيعك
لكن أضاع وجوده
وعهوده
واضاع معنى عمره لو يسمعك
ماذا يكون بغير حبك يا ترى؟
من غير ليلات نديات الرؤى
كانت معك··
شعر : محمد سعد دياب

يا سوووووووووووووما
والله بالغتى عديل كدى ...... جميله جميله ...
ممكن يا رائعه نتناولها لو سمحتى اتوقع منك رد

الرائعة سوما تحياتى لكى بت بلدى
ابداع ثم ابداع انتى تعالى هنا الكلام دى كلو بتجيبى من وين
مشاء الله عليك

اخونا وعمدتنا قرشو .. يديك الصحه وحمد الله على السلامه قمت من كرسى شجون بالسلامه ..لوول
والله انا الخجلانه من عبارات المدح البتنهال على من اخوان واصدقاء زيكم ..ما عارفه ارد اقول ليكم شنو .. بس صادق الدعوات ليكم بى كل خير .. وربنا يقدرنى على مواصلة المشوار للاحسن دايما ..دعواتكم معاى يديك الصحه عمدتنا العزيز...


اخى الكريم ابراهيم على .. التحيه ليك والتقدير على كلماتك الرقيقه المنبعثه بصدق ..والشكر مثنى وثلاث ورباع والى ما لا نهايه على الابيات الجميله ..واختيارك الراقى .كتر الف خيرك ..وقفتكم معاى هى الدافع القوى لاى نجاح ..اتمنى التوفيق من عند الله واتمنى ان ينال رضاكم كل ما اكتب ..كل الود لك ويديك الف عافيه..


اخى الفاضل حمزه سليمان
شكرا ليك كتير وعلى الثقه الغاليه ..رفعت من معنوياتى فوووووووووووق يديك الصحه يا رب
اكيد اخى حمزه تناول كما تشاء .كتاباتى ملك للقراء وليس لى بالتاكيد تفضل وخلينا نشوف لك مليون تحيه


اخى الرائع ود الجزيره الخضراء جزيرة الخير عطاها وفير لا بتكل ولا بتقنع .. وانت يا ود الجزيره كريم زى اهلك وارضك ..شكرا على المتابعه دوما والشكر لكلماتك اللطيفه يديك الصحه
الشكر ليكم عظيم كعظمة النيل الخالد
وتسلمواااااااا

اردد هتافاتك

بك انت وحدك يا بلادي ....... سكوني و راحتي المهداة
سكون قلبي في نفسي و اعتمادي .. و لك دومآ مناجاتي
طيف عمري بك لمساحاتي........ تضيء درب بني بلادي

مالاقى حرف يوصفك ياسوما

الاخت سوما
حقيقى رائعة كروعتك
وانا متابع جيد لى اشعارك
المزيد من الاتحاف
لك تقديرى

حلوه منك يا سوما ونحن فى انتظار الكتير

بس عايز اسألك سؤال

انتى صورتك دى سمنت كده ليه بتاكل معاكى والا شنو؟؟







بكاش

tally..
تسلم كتير وكتر الف خيرك على المتابعه يا ابن البلد
يسلم بلدنا ..

بامســـــــــيكا وانا زاتى ما لاقيه كلمة شكر واحده ليك..
يديك الف عافيه ولك كل الود..


كولا يا ذوق تسلم اخى العزيز ..والشكر كلو ليك لعباراتك اللطيفه ويديك الف عافيه...

تسلم يا بكاش يا ظريف .لوووووووووووول قلت لى الصوره سمنت ؟؟
والله عوجه
تعرف يكون فى زول بعمل رجيم وبخت فيها ..يا ربى ده منو السمين ده ؟؟ لوووووول
تسلم يا بكاش

الاخوان بامسيكا وكولا وبكاش
التحيه ليكم من الاعماق ولكم العتبى حتى ترضو لتاخير الرد لانه القصيده دى بالزات ما كانت بتفتح معاى ما عارفه لى ..هى زاتها فقريه ولا شنو ما عارفه ..وبعد الحاح من بعض الاخوات والاخوه الكرام ومساعدة اصاحاب الخبره اهو جبناها تانى والف شكر

الشاعرة المبدعة سوما
النص دا حاسى بيهو اتكتب فى دفقة شعورية خاطفة كالبرق
اتى عنيفا وجميلا وصادقا
مبروك

الاخ محمد سيد احمد الف شكر والله على كلماتك وربنا يقدرنا نمشى لى قدام وده بكون من فضل ربنا ودعواتكم يديك الف عافيه
بالمناسبه كيف حال صديقك واخونا شرنوبى ..ان شاء الله العمليه نجحت وملك الصحه تحياتنا ليه ولك الف شكر

الى شاعرة التراث
المبدعة سومه..

عدت لأرى ما عندك ..
وجدتك تتألمين من هذا الزمن الأغبر ..
ولكن لا أود زيادة آلامك ..
بوضعى فى كفة ميزانك..
..
لأن قدرك أهون من قدرى
فصديقى ..
اسمه قدرى ..
لازمنى منذ صغرى..
يساومنى على قطعة حجر
يضحكنى بأضحوكة كدر..
يمازحنى بوجه كشر
يطعمنى فى وعاء قذر
يسكننى داخل قدر
فوق جمر
من المساء ..
حتى مطلع الفجر..
فقر فوق فقر
..وحجر فوق حجر..
وجحر داخل جحر..
حر وعرق..
وكلام فى سر
لا .. بل كلام فى جهر..
ولا هرب فوق ظهر
.. مهر
ولا خوف من مواء هر..
فهذى تجربتى..
فى كرى وفرى..
لا زمن فقرى
ولا قدر أهون .. من قدر
ولا ماء يغلى داخل القدر..
بل انطلاق انسان بشرى
بقلب نابض ..
ودم ساخن يسرى
..
..
فابشرى .. ياسومه .. لا تنزعجى ..
لا يأس مع الحياة..
وأضحكى للدنيا..
مهما كانت الآلام أو الأحزان ..
..

ودمت

عمك العجوز
أرنست
..
لأننى أعوم فى ماء مغلى..
داخل قدر ..فوق جمر

الى شاعرة التراث
المبدعة سومه..

عدت لأرى ما عندك ..
وجدتك تتألمين من هذا الزمن الأغبر ..
ولكن لا أود زيادة آلامك ..
بوضعى فى كفة ميزانك..
..
لأن قدرك أهون من قدرى
فصديقى ..
اسمه قدرى ..
لازمنى منذ صغرى..
يساومنى على قطعة حجر
يضحكنى بأضحوكة كدر..
يمازحنى بوجه كشر
يطعمنى فى وعاء قذر
يسكننى داخل قدر
فوق جمر
من المساء ..
حتى مطلع الفجر..
فقر فوق فقر
..وحجر فوق حجر..
وجحر داخل جحر..
حر وعرق..
وكلام فى سر
لا .. بل كلام فى جهر..
ولا هرب فوق ظهر
.. مهر
ولا خوف من مواء هر..
فهذى تجربتى..
فى كرى وفرى..
لا زمن فقرى
ولا قدر أهون .. من قدر
ولا ماء يغلى داخل القدر..
بل انطلاق انسان بشرى
بقلب نابض ..
ودم ساخن يسرى
..
..
فابشرى .. ياسومه .. لا تنزعجى ..
لا يأس مع الحياة..
وأضحكى للدنيا..
مهما كانت الآلام أو الأحزان ..
..

ودمت

عمك العجوز
أرنست
..
لأننى أعوم فى ماء مغلى..
داخل قدر ..فوق جمر

الى شاعرة التراث
المبدعة سومه..

عدت لأرى ما عندك ..
وجدتك تتألمين من هذا الزمن الأغبر ..
ولكن لا أود زيادة آلامك ..
بوضعى فى كفة ميزانك..
..
لأن قدرك أهون من قدرى
فصديقى ..
اسمه قدرى ..
لازمنى منذ صغرى..
يساومنى على قطعة حجر
يضحكنى بأضحوكة كدر..
يمازحنى بوجه كشر
يطعمنى فى وعاء قذر
يسكننى داخل قدر
فوق جمر
من المساء ..
حتى مطلع الفجر..
فقر فوق فقر
..وحجر فوق حجر..
وجحر داخل جحر..
حر وعرق..
وكلام فى سر
لا .. بل كلام فى جهر..
ولا هرب فوق ظهر
.. مهر
ولا خوف من مواء هر..
فهذى تجربتى..
فى كرى وفرى..
لا زمن فقرى
ولا قدر أهون .. من قدر
ولا ماء يغلى داخل القدر..
بل انطلاق انسان بشرى
بقلب نابض ..
ودم ساخن يسرى
..
..
فابشرى .. ياسومه .. لا تنزعجى ..
لا يأس مع الحياة..
وأضحكى للدنيا..
مهما كانت الآلام أو الأحزان ..
..

ودمت

عمك العجوز
أرنست
..
لأننى أعوم فى ماء مغلى..
داخل قدر ..فوق جمر

اختي العزيزة سوما
آهـ وآهـ
آهـ لو آهـ تفيد مجروج

بس كما قال زعيمنا الكبير نصار (الله يحفظه لينا) قدرنا
مكتوب ومقدر . . ومن كتبت عليه خطى مشاها

والله يا استاذة رائعة تعبري عن الفرح وكمان رائعة تعبري عن الالم

شقيقتي الرائعو سوما 2


التحية لك وكل عام وانت بخير

مشتاقيييين كثير ،، وتسلمي يا غالية وقصيدة في منتهى الإبداع

ربنا يحفظك

ولي عودة

تحياتي للاستاذ محمد الفاتح والأسرة الكريمة وكل سنة وانتم طيبين


اخوك

الجعلي

الاخت سوما
عن شرنوبى حاولت الاتصال تلفونيا ولم اوفق
رجاء اى زول عنو خبر يطمنا

عمى العجوووووووووز الاصيل الماصل تسلم وكتر الف خيرك ونورت لى البوست والله
مبدع حتى فى المك وربنا ما وراك الم يا رب
عيشتنى فى شجون وآهات مع كلماتك التى تتقطر الم وحزن .. ولكن انت كما انت عمنا العجوز فى احلك الظروف تدخل البسمه وتمتع بالامل المرتقب
وسوف اعمل بوصيتك ويالله الامل يكون شعارنا دائما
الف شكر وابداعك خليه فى المقدمه يا عمنا يديك الف عافيه وشكرا بحر

حمزاوى الف شكر على مشاركتك وربنا يبعد مننا كل الالم والآهات
الف شكر اخى حمزاوى


الشقيق الحنين الجعلى كل سنه وانت طيب وتعود الايام وربنا يديك الصحه يا رب
تحياتك وصلت لاخوك محمد وهو ايضا بسلم عليك وبقول ليك كل سنه وانت طيب تعود الايام ان شاء الله


شكرا اخى محمد سيد احمد على الاهتمام وان شاء الله ربنا يطمئنا على الاخ شرنوبى
تسلمواااااا

بت صديق كلامك جد حلو وبيضرب في الوجدان اتمني انو في يوم يكون عندك قصيدة اسمها الزمن الحلو وتكون حلوة زي كلامك

المبدعة سوما تحياتي ما زلنا في انتظار الزمن الفراهيدي بديل الزمن الفقري
وانتظار المزيد من الابداع الخرافي المتوهج بين سمؤات السلطنة ونسائم قصب السكر ودعاش الخريف القادم من ارض البطانة

المبدعة سوما تحياتي ما زلنا في انتظار الزمن الفراهيدي بديل الزمن الفقري
وانتظار المزيد من الابداع الخرافي المتوهج بين سمؤات السلطنة ونسائم قصب السكر ودعاش الخريف القادم من ارض البطانة