Post: #1
Title: ***** سكة الزمن الصعب *****
Author: soma
Date: 03-19-2004, 02:35 PM
سكة الزمن الصعب ..
دفرت مشاويري المأرجحه
بين الأرض وراحة السحب ..
زحمت دروب فوق لى دروب
مسحت كلامنا ألفى الكتب
دمرت سرابات المدن ..
غاصت هناك ... تحت الترب ..
نزفت شرايين البلد..
قطعت وريد وسط العصب ..
ضاقت صدور .. عبرات تزور..
حلقا نشف جف و تعب ..
زفرات تمر فوق الحلق ..
مأموره تجرح بالغصب ..
ساقت خطانا في انحدار..
لى هاوية الخوف والرعب
طبعت قوانينها الغلط
في صفحة الزمن الكعب..
والليل طويل شايل الوجع..
ضلت خيوط صبحو الدرب..
والنيل هداك صامت حزين
عبرات تسد حلقا شرب..
والجوف هضم .. مر السكات ..
لمن شبع جوعا ضرب..
ولا الفراق .. الكان حرب
من غير سلاح رغم الضرب
مدفور تلملم في الخطى..
تتعتر .0
.تصارع الشوق الغلب
تتضارا تحبس في الدمع..
السال حنين كيفن سكب
يا سكة الزمن الصعب
معووجه من أول طريق
لا فيكى صحبه ولا رفيق
إلا المتل مسيلمه ..
ومعروف كلامو بالكضب
أسماء الجنيد
مسقط
|
Post: #2
Title: Re: ***** سكة الزمن الصعب *****
Author: الارباب
Date: 03-19-2004, 09:13 PM
Parent: #1
استاذة اسماء يا رائعةيا معتقة بوطينتك وباصالتك المعروفه بيك ومعروفة بيها تحية ليك وانت تحملين هموم المدن بكل احساسك المرهف العميق الصادق وتحملين نبض ذلك الغالى
Quote:
طبعت قوانينها الغلط
في صفحة الزمن الكعب..
والليل طويل شايل الوجع..
ضلت خيوط صبحو الدرب..
والنيل هداك صامت حزين |
لابد الصباح يبشر واطلع مهما ما طال الليل ومسيلمة والعتمة ترحل تنهزم والمدن تتعافى سراباتها وتتغطى خضرة وشرايين البلد تنبض تغنى اجرى يا نيل الحياة كلنا امل عشان يشرب حلقا نشف ويشرح صدر الغبن
|
Post: #3
Title: Re: ***** سكة الزمن الصعب *****
Author: نصار
Date: 03-20-2004, 09:21 PM
Parent: #1
اسماء العزيزة
الله يدينا ويديك وطن عشم
زمنه طيع و سككه سالكة
شكرا صادق على الدفق الصادق الابداع
|
|