Post: #1
Title: *** اتدللى ***
Author: soma
Date: 11-03-2004, 10:18 PM
Parent: #0
إتدللى
*****
فجى الدرب
واتمهلى
ضمى المسافات القبيل
ماتبخلى
صرى الحنين شوق السنين
واتخيلى
ريدنا ا للطال عمق الخيال
واتاملى
لوحة حنان مسقيه من جواك خصال
ما تخجلى
اتلفحى طرف البحرتوب الجمال
واتجملى
ورشى الخدارخد النهار
واتدللى
شرى الفرح الوان قزح
وكملى
ساحة نداك بى لون سماك
واتقدلى
لمينا فى ابعاد هواك
واتحملى
عمق السهاد المن رجاك
واشتلى
جرفين صبر طول الدهر
وكحلى
من عينيك ظلال نورالديار
وكللى
الكون نضار بى بسمتك
واتشكلى
سومـــا
اسماء الجنيد.. مسقط
|
Post: #2
Title: Re: *** اتدللى ***
Author: جمال السنوسي
Date: 11-04-2004, 00:24 AM
Parent: #1
سوما الرائعة
اتدللي
واتمهلي
واتخيلي
واتأملي
روعة حروفك وسلاستها بتدخلك القلوب بسرعة دون استئذان
وزي ما بغني عصام محمد نور
(دي الروعة قاسم مشترك ما بين وجيهك والقمر)
وانا بغيرها ليك
(دي الروعة قاسم مشترك ما بين حروفك والقمر)
يا روعة
يا سوما
جمال السنوسي
|
Post: #3
Title: Re: *** اتدللى ***
Author: samo
Date: 11-04-2004, 02:38 AM
Parent: #1
اختنا ... المزعجة ... سوما ........
ياخى براحة علينا شوية شوية ..
حاجاتك البتكتبيها دى بتجيب لي وجع قلب .. مستعصي ..
هو احنا ناقصين ..يابت انتى ؟
انتى ماعارفة نحن في غربة ...
يعنى غربة مررة... وشوق كثيف .. وحبيبة في اخر الدنيا ... وكفيل عوير ولايوق .. لمن ننسي دة كلو ..ونتجاوزو .. تجى تقلبي علينا المواجع بي كلاماتك الكيف كيف دى .
بس ... بنحبها (الكلامات اقصد) .. وياريت تكتري منها ..
كل الود
|
Post: #4
Title: Re: *** اتدللى ***
Author: Dr. Moiz Bakhiet
Date: 11-04-2004, 03:37 AM
Parent: #3
تدلل
|
Post: #5
Title: Re: *** اتدللى ***
Author: خضر عطا المنان
Date: 11-04-2004, 03:52 AM
Parent: #4
فراشتنا الجميلة : سوما
واناكمان بقول ليك :
ســـوما ســوما اتـدللي
أمشي فوق أصالتك وأقدلي
وعطــري السـاحات جـملي
ياعبير الحـرف النـقي
ويا فرحة الزول الشقي ..
وربي يديك ألف عافية وعافية.
خضر عطا المنان
|
Post: #6
Title: Re: *** اتدللى ***
Author: beko
Date: 11-04-2004, 03:53 AM
Parent: #1
الاستاذه سومـــــــــا
رمضـــــأن كريم
لا املك شئ غير ان اقــــول ابداع يا سوما
لكي مني كل الود
|
Post: #7
Title: Re: *** اتدللى ***
Author: nada ali
Date: 11-04-2004, 04:14 AM
Parent: #1
very nice
Thank you Ustaza Asma
|
Post: #8
Title: Re: *** اتدللى ***
Author: omar_ragab
Date: 11-04-2004, 04:16 AM
Parent: #1
very nice
and
marvelous
|
Post: #9
Title: Re: *** اتدللى ***
Author: malamih
Date: 11-04-2004, 09:12 AM
Parent: #8
د معز
(تدلل)
وهذا العطر من سوما
|
Post: #10
Title: Re: *** اتدللى ***
Author: ابو جهينة
Date: 11-04-2004, 02:42 PM
Parent: #9
سوما
تدللنا بكلماتك .. فشكرا
وكللى
الكون نضار بى بسمتك
واتشكلى
و ها أنت تكللين سماواتنا بنضار حروفك
|
Post: #11
Title: Re: *** اتدللى ***
Author: BAKASH
Date: 11-04-2004, 03:24 PM
Parent: #10
الغاليه سوما
اتدللى وانتى تستاهلى التدلل
بكاش
|
Post: #12
Title: Re: *** اتدللى ***
Author: soma
Date: 11-05-2004, 01:00 AM
Parent: #11
جمـــــال السنوسى
الزول الجمـــــــــيل
فى طبعو جميل
وفى شعره جميل
وفى كلامو جميل
جمال بهديك كل الكلام الجواك
وشكرا تطوقها فرحتى بقدومك
ايها الموشح بالفرح فى كل الفصول
جمال اهديك بستان غنا
وكل سنه وانت طيب ..
****
سامو يا سامو
الزول الظريف .. المغالطنى فى اسمى ..
هسه المزعج فينا منو يا سامو عليك الله ؟
ضحكتنى بى كفيل لايوق لوووووووووووول .. ويكة رمضان قلت لى .. وانا اقول ويكة رمضان دى مالها بقت شويه .. هى المسكينه شالها كفيلكم واستحم بيها ؟ لووول ..
سامو ان شاء الله ربنا يلمك فى الخطيبه ويرد غربتك بالسلامه .. والشوق الكثيف والعكلته بتاعة الكفيل دى تبقى ليك ذكريات ان شاء الله ...
شكرا يا حنين على الطله والاستراحه الظريفه ..
وشكرا عديله وزين ..
*****
ك/ معز
سلام شاعرنا المرهف
لكن عارف ما بعرف استعمل الالوان الجميله دى زيك وسجيمان ..
كنت رديت ليك بكل الوان الطيف ..
عذرا يا شفيف ..
وشكرا على الدلال
والتحيه مدللا
*****
خضر عطا المنان
سلام يا اصيل
والله الاصاله حقتك .. محكره معاك ولا فارقتك لحظه..
والتعابير السمحه نابعه منك وليك
الشكر شتلات فرح حواليك
والعافيه تبراك وين ما مشيت
والتحيه ليك جدول محنه..
*****
سلام بيكو
حبابك وحباب طلتك البهيه
رمضان كريم عليك وكل سنه وانت طيب ..
شكرا ليك اخى بيكو على كلماتك الرقيقه ..
شكرا مطر ..
والود رزاز ..
****
ندى على الحبيبه الرقيقه
تسلمى على الطله يا نسمه
كل سنه وانتى طيبه
والتحيه ليك مشاعرك النبيله
ندى .شكرا من نداك ..
****
عمر رجب الزول الفنان
سلام يا ابيض
تسلم كتير على الطله
وشكرا صافيه زيك ..
****
ملااااااااامح يا ملامح وطنا
يا فرح مرسوم فى جنه
يا ابتساماتنا التبشر بلمة اهلنا
التحيه ليك يا معانينا الجميله
ويا اصالتنا النبيله
الشكر ليك غيم بلد
والود خريف اخضر ..
*****
ابو جهينه الموسوعه
سلام يا زرع بلدى وهضابا
شكرا رويانه منك يا اصيل
والتحايا شديرات مقالده النيل
شكرا ليك ولى كلامك الجميل ..
والامنيات السمحه ليك
دافره جاريه زى السيل
تسلم ابو جهينه النبيل..
****
بشا شا
الابتسامه والبشاشا
حبابك يا سمح
تستاهل انت كل خير يا حنين
شكرا خضرا يا سمحنا ويا فرحنا
والتحيه ليك بشوشه زيك
........
شكرا احبتى جميعا شكرا بلا حدود ..
|
Post: #13
Title: Re: *** اتدللى ***
Author: alfatih
Date: 11-05-2004, 02:48 AM
Parent: #1
المدهشة سوما
كل عام وانت بخير
ما اجمل الدلال فى حضرة الجمال
سوقينا ... ودينا الى حيث لا يمكن بأستطاعتنا الفكاك
تسلمى لينا سوما
|
Post: #14
Title: Re: *** اتدللى ***
Author: وحيد
Date: 11-05-2004, 12:34 PM
Parent: #1
اتلفحى طرف البحرتوب الجمال
واتجملى
سوما...
يا نسمه في الزمن السموم الصي
|
Post: #15
Title: Re: *** اتدللى ***
Author: لؤى
Date: 12-01-2004, 04:23 AM
Parent: #1
أستاذة أسماء
غبت وعدت لأجد حبرك النيل يغسل رهق الروح وحروفك كتراب الوطن أسجد لأقبّلها قبلة مشتاق لهذا الوطن .
|
Post: #16
Title: Re: *** اتدللى ***
Author: Osman Hamid
Date: 12-01-2004, 06:29 AM
Parent: #15
الأخت سومة
انه نص يستحق الإحتفاء به. فهو بالنسبة لبي مزيج من المفردة العامية والفصحي في رشاقة من الصور الشعرية, والرومانسية التي نحتاجها, وتحتاجها الروح.
أنه يخترق المسام, في اتجاه القلب, فلا يقتلنا, بل يرتبنا جمالياُُ
شكراً علي هدية العيد, التي للاصدقاء,
عثمان
|
Post: #17
Title: Re: *** اتدللى ***
Author: سجيمان
Date: 12-01-2004, 07:22 AM
Parent: #16
حلاة النضم السمح
من خشيم الزول السمح
|
Post: #18
Title: Re: *** اتدللى ***
Author: Elmosley
Date: 12-01-2004, 07:26 AM
Parent: #1
جميل كعادتك
رشيق شعرك
|
Post: #19
Title: Re: *** اتدللى ***
Author: Abulbasha
Date: 12-01-2004, 09:07 AM
Parent: #18
سلااام يا سوما
إيه رأيك ناخذ اللقطه الحلوه دي لصديقنا عركي .. هذا النص أري فيه ستايل أبوعركي في التلحين.. أرسليهي في إيميل كمرفقات .. فقط سنقوم بتغيير عنوان النص لتشابهه مه إتدللي للراحل العاقب ومن تأليف السر قدور زمااااان
أما الأخريات الثلاثه الأولي فهي الآن تحت يدي الأخ الأستاذ وردي لوضع الرتوش الأخيره لألحانها ثم تحفيظها للفرقه الموسيقيه
إلي الأمام وتحيه للأخ محمد الجنيد والعيال
|
|