Post: #1
Title: *** صدقنى يابا ***
Author: soma
Date: 10-17-2003, 12:40 PM
Parent: #0
صدقنى يابا ..
دمعاتى جارية و لسه كابا..
كاسرة زى سيلاً دفر..
دمر شتول نوارو شابا ..
قطع حشا الفرع الرطب ..
حتحت خضر.. نديانه دابا ..
شرد عصافيراَ بنت ..
اعشاشها من اخرالسرابا ..
صدقنى يابا ..
ليلى مفروش الاسى..
ضلى معروش الكآبا..
فاقدة الحنان الفيك رسى..
تايهه زى شفع ضهابا ..
شارده فى دروب الشقا ..
مقطوعه زى شدرات فى غابا
خايفة من صوتا مشا ..
باكية الامان الكان سحابا ..
صدقنى يابا ..
الكون بلاك كاسى الجفا..
مسكون ضنى وممزوج رتابا ..
والفرح مرسوم صور..
لا روح ترف لا صوت ربابا ..
والبسيمات المحجرة فى الضلوع..
مسجونه فى ضلمة عذابا ..
صدقنى يابا ..
بتشابا لى الذكرى القبيل..
ارويها بى نفسك شرابا ..
القاك فى الحلم الدليل ..
والقاك فى الآهه.. هضابا ..
تنسج معاى المستحيل ..
ارجاك بى قولة حبابا..
افرد ادياتى االشقن ..
من الوهن خط الكتابا ..
انادى فيك طول الزمن ..
حليلو يابا ..
حليلو يابا ..
اسماء صديق الطيب الجنيد
مسقط الجمعه 29 رجب
26/ 9 /2003
|
Post: #2
Title: Re: *** صدقنى يابا ***
Author: 3mk-Tango
Date: 10-17-2003, 12:45 PM
Parent: #1
سومة يا رائعة بلادي
ها انتي تنفحينا بهذا الكم من الحنين الجارف والاهات ..
سلمت يا سومة وسلم قلمك المعجزة...
الله يرحمهم جميعا ياسومة
|
Post: #3
Title: Re: *** صدقنى يابا ***
Author: soma
Date: 10-17-2003, 12:57 PM
Parent: #2
حباب الضى .. وزين الزى ..
عمك تنقو تسلم انت يا حنين .. وحقيقة اسعدتنى طلتك بعد غيبه طويله .. يديك الف عافيه وينور دبرك بالمحنه يا ابن بلدى الوفى.. ربنا يقدرنى اقدم البرضى الجميع ..دعواتكم سندى..
اللهم امين الرحمه لهم جميعا ..دعواتنا لجميع موتنا فى هذه الجمعه المباركه بالرحمه الواسعه ..
تسلم يا تنقو الاصيل ..
|
Post: #4
Title: Re: *** صدقنى يابا ***
Author: Tumadir
Date: 10-17-2003, 01:09 PM
Parent: #3
سوما...الانحناءة لحزنك النبيل ونواحك الخلاق...وربنا يرحمهم ويخليك...ويدينا العمر نقراك ونتطلع لالقك...المسالم
|
Post: #7
Title: Re: *** صدقنى يابا ***
Author: ايهاب
Date: 10-17-2003, 02:35 PM
Parent: #4
ربنا يرحمو ويغفر ليه هذا الذي اهدانا اياك يا سوما
|
Post: #5
Title: Re: *** صدقنى يابا ***
Author: Elmosley
Date: 10-17-2003, 01:41 PM
Parent: #1
احساس مرهف وصادق
|
Post: #6
Title: Re: *** صدقنى يابا ***
Author: bushra suleiman
Date: 10-17-2003, 02:04 PM
Parent: #1
لك الموده ياسوما على هذا الشلال الصادق من العواطف والاحاسيس
|
Post: #8
Title: Re: *** صدقنى يابا ***
Author: haneena
Date: 10-17-2003, 02:48 PM
Parent: #6
الله يرحمه يا سوما
كلماتك الصادقة الحنينة جدا انزلت بدل الدموع دم
دي تاني مرة تبكيني بكلماتك التي تذيب الحجر
الله يصبر الجميع
|
Post: #9
Title: Re: *** صدقنى يابا ***
Author: soma
Date: 10-18-2003, 12:09 PM
Parent: #8
تسلموا يا حبايب ..
الاخت الرفيقه تماضر ..ربنا يديك طول العمر ويخليك يا رب ..تسلمى يا ستى على حنيتك ورقة اسلوبك ..
الاخ ايهاب ..لك كل الود اخى ايهاب .. وربنا يسمع ويتقبل منك يا رب ..اللهم ارحمه واغفر له ولكل موتانا يا كريم ..
الشفيف الخلوق استاذ موصلى التحيه لك قدر تواضعك وابداعك يا كثيف ..ربنا يخليك ان شاء الله ..
الاخ العزيز بشرى سليمان ..التحيه لك انت اخى الكريم ..واسعدتنى طلتك ..وكلماتك النبيله يا ابن بلدى الوفى .. يديك الف عافيه ان شاء الله..
الاخت الحنينه بحق وحقيقة اسم على مسمى .. الله يخليك يا حنينه .. وربنا يبعد منك كل الدومع يا منبع الحنيه ومطنها .. عذرا يا غاليه لو المتك .. احيانا تاجج فى حنايانا مشاعر من الصعب كبتها .. ولكن مع اصحاب القلوب العطوفه مثلك .. ربنا يمتعك بالصحه والعافيه يا رب..
احبتى جميعا لكم كل الود وخالص الوفاء ..وتسلموا يا رب
|
Post: #10
Title: Re: *** صدقنى يابا ***
Author: maia
Date: 10-18-2003, 12:25 PM
Parent: #1
العزيزة سوما
جميلة حتى في حزنك
نسال الله ان يتغمد الوالد برحمته
لك كل الود
|
Post: #11
Title: Re: *** صدقنى يابا ***
Author: Ahlalawad
Date: 10-18-2003, 12:30 PM
Parent: #1
سوما
تحياتنا لك ونترحم على الوالد في ذكراه .
|
Post: #12
Title: Re: *** صدقنى يابا ***
Author: نصار
Date: 10-18-2003, 02:07 PM
Parent: #1
الخلاك وراه ما بقولوا مات يا(سوما)
ربنا يرحم امواتنا و يلطف بنا
|
Post: #13
Title: Re: *** صدقنى يابا ***
Author: AlRa7mabi
Date: 10-18-2003, 02:40 PM
Parent: #1
أسماء
ربنا يتقبل جميع موتانا
اسمحي لي أهديها لروح والدنا الأنصاري ، ربما يجد فيها بدر الدين بعض السلوى
الظاهر المشاغل انتهت
أها نحن مشاغلنا البحلها منو .. تعالي في بيتنا شوفي اخوك مزنوق كيف .. ابعد مكان عشرة امتار
سلامي للجميع
ابو ضحى
|
Post: #14
Title: Re: *** صدقنى يابا ***
Author: HOPEFUL
Date: 10-18-2003, 04:31 PM
Parent: #13
العزيزه سوما
جبر الله كسرك .. ورحم موتانا جميعاً
ما تبدعينه هو نتاج تلك التربيه وذلك العلم الذي خلفه والدك عليه الرحمه
فانت ظله وابداعه
لك كل التحايا وكل المنى
احترامي
|
Post: #15
Title: Re: *** صدقنى يابا ***
Author: soma
Date: 10-18-2003, 08:46 PM
Parent: #14
ميا الحنينه سلام ليك وحشه والله .. تسلمى على كلامك واسعدتنى طلتك يا رقيقه ..لك كل الود .. اللهم ارحم كل موتنانا ..ربنا يتقبل دعانا ..
اهلى الحنان ..اهل العوض ..تسلموا كتير ..وكتر الف خيركم ..سلامى للعقاب ..
الاخ العزيز نصار .. شكرا كتير ليك يا نبيل .. وشكرا على كلامك الثمين..كل التحايا والتقدير لك ..وسلام خاص للمدام ..
الرحمابى
عبد الرحمن كيفكم ..اخباركم ..بقيتو زى البينا وبينكم بحر جد ..جد ..انتو فاكرين نفسكم فى البلد ولا شنو ..
ربنا يرحم والدنا الانصارى ويصبر اهلنا كلهم ..
والبدرى ليه وحشه والله .. انا خايفه من رجعتو ..ربنا يصبرو ..
قلت لى مزنوق .. عجبنى ليك على قول البدرى .. انا ما زمنى ده كلو زيك واكتر كمان.. والقال ليك منو فضيت .. بس احسن منك
سلامى لى المعاك ..
الاخ العزيز ود الاهل جمال عبد الرحمن .. شكرا ليك اخى جمال .. وينك طولت الغيبه ..اتمنى انه احوالك تمام ..
شكرا على طلتك وربنا يتقبل منك باذنه تعالى
اللهم ارحم جميع موتانا ويلزمنا الصبر ..
الشكر لكم جميعا اهلى ..
|
Post: #16
Title: Re: *** صدقنى يابا ***
Author: زوربا
Date: 10-19-2003, 07:37 PM
Parent: #15
سوما الرائعة
ولاشوق الجاري عليك
كالعادة
تدهيشنا
اسالك :
كيف تقترحين هذا الجمال حتي في أقصي أحزانك ؟
والريد نيلين
|
Post: #17
Title: Re: *** صدقنى يابا ***
Author: عبد المنعم سيد احمد
Date: 10-19-2003, 08:01 PM
Parent: #16
سوما المدهشة
له الرحمة والمغفرة
وتقبله الله قبولا حسنا...فلتشمله دعواتك الصالحات
وتعازينا فى ذكراه
لك المودة
|
|