Post: #1 Title: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجمارك؟ Author: هشام المجمر Date: 08-16-2007, 10:56 AM Parent: #0
Quote: تدني الصادرات الزراعية الى «44%» و«69» مليار دينار فاقد جمركي
الخرطوم: سمية سيد
ارتفعت واردات البلاد خلال النصف الأول من العام المالي الحالي الى «4» مليارات و«45» مليون دولار منها مليار و«395» مليون دولار سجلت حصيلة «صفراً» لخزينة الدولة جراء تمتعها باعفاءات مسنودة بعدد من القوانين.
وطبقاً لمعلومات «الرأى العام» التي تحصلت عليها من الادارة العامة للجمارك فان التعرفة «صفر» سجلت نسبة «344%» من إجمالي عائد الايرادات الجمركية.
وقال الفريق صلاح الشيخ مدير هيئة الجمارك ان الواردات ذات الفئة «3%» سجلت مبلغ «839» مليون دولار بنسبة «207%» والتى تخضع لفئة «10%» من الرسوم بلغت «969» مليون دولار تعادل «239%» فيما سجلت الفئة «25%» مبلغ «361» مليون دولار بنسبة «89%» وفئة الـ «40%» سجلت مبلغ «491» مليون دولر تعادل «121%».
وقال ان واردات البلاد خلال «6» أشهر تعادل ثلاثة اضعاف واردات العام المالي .99
وفي تصنيف لانواع الواردات اوضح ان استيراد المنسوجات بلغ مبلغ «141» مليون دولار.. و«570» مليون معدات نقل و«447» مليون أغذية منها أكثر من «200» مليون لاستيراد القمح.. ومبلغ «960» مليون سلع مصنعة وآلات و«15» مليون دولار لاستيراد سجائر و«208» كيماويات. ومواد بترولية بمبلغ «94» مليون.
وأوضح ان واردات الكوميسا بلغت «49» مليون دولار والمنظمات الطوعية «90» مليون وهي تقع في الفئة الصفرية.
وكشف الشيخ ان الفاقد من الرسوم الجمركية «60» مليار دينار جراء الإعفاءات.
في قطاع الصادرات كشف مدير الجمارك ان البترول سجل نسبة «905%» من الحجم الكلي وذلك بتحقيقه عائداً بمبلغ مليارين و«943» مليون دولار. فيما سجلت السلع الزراعية مبلغ «143» مليون بنسبة «44%» و«3» مليار و«222» مليون دولار عبارة عن معادن وصادرات صناعية. وأوضح ان الصادرات غير البترولية سجلت عائداً بلغ «274» مليون دولار.
نقلا عن صحيفة اخبار اليوم السودانية عدد يوم 16/8/2007
و السؤال لمدير الجمارك من هى الجهات التى ظلت تستفيد سنويا من هذه الاعفاءات الجمركية؟ هناك مبلغ 90 مليون دولار فقط تتبع للمنظمات الطوعية.
هل من المعقول ان يكون هناك ما نسبته 34% من واردات السودان معفاة من الجمارك؟
لماذا لا ينشر احصاء واضح بالجهات المستفيدة من هذه الاعفاءات حتى يعرف الشعب السودانى اين تهدرامواله؟
كما انظر الى كارثة تدنى الصادرات الزراعية و الصناعية الى اقل من 10% من صادرات السودان. اذ بلغ ايرادات البترول 90.5% هذا يعنى ان عدا قطاع البترول الذى يدير معظمه اجانب و فئة قليلة من السودانيين فان بقية الشعب السودانى عاطل عن الانتاج تقريبا هذه ارقام مخيفة تدق جرس الخطر للجميع. نقول باى باى للقطاعين الزراعى و الصناعى الذين كانا يشكلان العمد الفقرى لصادرات السودان قبل مجئ الانقاذ. انظر ايضا 200 مليون دولار لاستيراد القمح!!!!! ده طبعا بعد ان لصقوا الفاتورة التى تم تمزيقها فى اول زمن الانقاذ. من هم مستوردى القمح فى السودان الآن؟
Post: #2 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: هشام المجمر Date: 08-16-2007, 11:03 AM Parent: #1
الخبر جاء فى صحيفة الرأى العام وليس اخبار اليوم. آسف على الخطأ الغير مقصود
حقيقة صدمت من حجم الاموال التى يتبرع بها الشعب السودانى غصبا عنه لجهات غير معروفة له. وصدمت ايضا ان كافة صادرات السودان غير البترولية لا تتعدى 274 مليونا من الدولارات يا اخوانا البلد ليس بها انتاج اين هذا التقدم الاقتصادى الذى تدعيه الانقاذ واغلب شعب البلاد عاطل عن العمل؟
Post: #3 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: هشام المجمر Date: 08-16-2007, 11:14 AM Parent: #1
وقال الفريق صلاح الشيخ مدير هيئة الجمارك
يا جماعة ده هو ذاتو الراجل بتاع اللاوندى ولا غيرو؟
لو هو وبى حماسو ووقاحتو ديك ذاتها ليه مايورينا بالعربى مش باللاوندى الناس ديل منو البتجيهم الاعفاءات الضخمة دى 60 مليار دينار فاقد جمركى...لا حول الله
Post: #4 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: هشام المجمر Date: 08-19-2007, 06:01 AM Parent: #1
السودانيون يعانون من الغلاء الطاحن و البطالة الانتاج يتدنى بصورة مريعة فى القطاعين الزراعى و الصناعى
8 مليون سودانى(عدد القادرين على العمل) ينتجون 274 مليون دولار فى العام بواقع 34 دولار للفرد فى السنة
اى ان الفرد ينتج ما قيمتهتقريبا 3 دولار فى الشهر
اذن ما سبب هذا التضخم فى الجهاز الحكومى؟
هذا الجهاز الحكومى المتضخم بسياراته و موبايلاته لا يستحق ان يصرف عليه الشعب مليما واحدا
الصرف على جهاز حكومى متضخم فى بلد يسهم فيها الفردب 3 دولارات فى العام اضافة فقط للتضخمو زيادة لمعاناة الشعب
Post: #5 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: الطاهر عثمان Date: 08-19-2007, 06:28 AM Parent: #1
الاخ هشام تحياتي ولو ياهو ده مدير الجمارك ممكن تحصل اي حاجه وماغريبة ابداً
Post: #6 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: إيمان صالح Date: 08-19-2007, 06:33 AM Parent: #1
عاد يا هشام يا ولدي بالغت هي البلد دي اسيادها منو؟ ما الكيزان؟ كمان داير تقالع الناس في حقهم؟
ايمان
Post: #7 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: هشام المجمر Date: 08-19-2007, 06:39 AM Parent: #1
الطاهر عثمان
سلام
كلامك صحيح 100%
Post: #8 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: Hisham Ibrahim Date: 08-19-2007, 07:51 AM Parent: #7
يديك العافية يا المجمر وموضوع في الصميم ولكن ....... من به صمم!!!!
الطائرات تقع وتقوم من مطارالخرطوم والبضائع المهربة تخش السوق بالمليارات ومحروسة بي ناس الأجهزة الأمنية ويحرسوها لمن تخش المخازن وتبدا تتباع في السوق وبالليل يجوك الحرسوك يشيلوا نصيبهم منها على أقساط يومية!!!!!
تخيل بضاعة مهربة من الجمارك ( 2 مليار جنيه) تمر ببوابة مطار الخرطوم محروسة بسيارات أجهزة أمنية ورجال امن مدججين بالسلاح ويوصلوها ليك المخازن!! وجاء بلاغ من إخوة المالك للبضاعة وتمت التسوية في ليل والناس نيام !!! بالله عليك الله دا كلام !!!! وكأننا بنكتب باللاوندي ما بالعربي!!!!! دا صعلوك في رداء سوداني !!!! ما مدير جمارك أبدا.
الفساد عم البلاد والعباد ولمن يشمل حاشية السلطان يا بلد عليك السلام !!!
والله ناس الجمارك يقاسموك في كل حاجه عاوز تدخلها البلاد !!!
(( كل مال نبت من سحت فالنار أولى به ))
أقعد مع ناس التاكسي والدفارات الشحن وأنت تسمع العجب العجاب في بلد ترفع شعار هي لله هي لله!!!!!
بالمناسبة يا هشام : لو نزل عقيد جمارك المعاش يدوهو قريب الـ 250 مليون جنيه وعربية !!!! تف عليك طغمة حاكمة البلد !!
ولو نزل إستاذ جامعي المعاش بعد 30 سنة خدمة يدوهو 12 مليون أو أقل بكثير!!!! وبرضو تف على حقبة ماسكة البلد !!!!
هشام
Post: #9 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: هشام المجمر Date: 08-19-2007, 08:03 AM Parent: #1
Quote: عاد يا هشام يا ولدي بالغت هي البلد دي اسيادها منو؟ ما الكيزان؟ كمان داير تقالع الناس في حقهم؟
ايمان صالح
سلامات
كتر خيرك ذكرتينى البلت اللت منو بس نحنا قالعناهم فيها من بدرى يعنى من قولت تيت كده ولمن قالعناهم كان المسالة عندنا واضحة ما اختلاف سياسى وبس بل رؤية لمستقبل البلاد القاتم تحت ظل حكمهم و فساد التنظيم لكن صدقينى يا ايمان و اناهناك داخل الجب ما كنت مصور انهم حيصلو المرحلة دى من الفساد والافساد لكن يبدو اننا بننفخ فى قربة مقدودة او بنتكلم بلغة غريبة عن الاهل البلد الذين يتكلمون الآن باللاوندى و يرون الفساد شطارة
Post: #10 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: مهدى الصادق السيد Date: 08-19-2007, 09:29 AM Parent: #1
شكرا المجمر عفوا تمبس ومعتصم دفع الله هذا هو مدير الجمارك وقيادى هلالى كبير (صلاح الخروف ) ياهو دا الهلال البنعرفو ياجماعة ما تزعلوا . راجين من الخروف دا يصلح البلد غير ما يزيد من اوجاعها وتدميرها ...... زول بهذا الجهل وعدم المنطق والتهذيب يصدر منه مثل هذه الاقوال وفى قناة فضائية عالمية تبث لكل العالم . هل رئيس الجمهورية ما سمع مثل هذه الاساءات التى تلتصق به شخصيا .
Post: #11 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: jini Date: 08-19-2007, 10:16 AM Parent: #10
Quote: هذا هو مدير الجمارك وقيادى هلالى كبير (صلاح الخروف ) ياهو دا الهلال البنعرفو ياجماعة ما تزعلوا . راجين من الخروف دا يصلح البلد غير ما يزيد من اوجاعها وتدميرها ......
مع تحيات ماهل ابوجنة! مثل فلسطينى بايخ لكين معبر: الخرة اخو البول!
وهما نتاج الانقاذ! جنى
Post: #12 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: zumrawi Date: 08-19-2007, 10:22 AM Parent: #1
عزيزى المجمر سؤالك مازال قائما ولااجابة له عشان المغشوشين فى الكيزان بعرفوا البلد دى ماشية كيف
Post: #13 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: هشام المجمر Date: 08-19-2007, 10:36 AM Parent: #1
اها يا مهدى الصادق
حكاية هلال مريخ دى ابعد منها
شفت جنى جاك طاير و جاب ليك سيرة ماهل ابوجنة
نتاج الانقاذ كلو ..أخىىىىىى عليهو فساد فى فسادفى فساد
Post: #14 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: فيصل محمد خليل Date: 08-19-2007, 12:31 PM Parent: #13
يا هشام المجمر كورس اللغة اللاوندية بكم?
Post: #15 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: هشام المجمر Date: 08-19-2007, 12:35 PM Parent: #1
يا فيصل اللاوندى ده نحن لو متنا ما بدونا لى ولو دفعنا اى قروش
Post: #16 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: هشام المجمر Date: 08-19-2007, 02:01 PM Parent: #1
نعم اخى زمرواى
سؤالى ما يزال قائما
هل تعتقد اننا سوف نحصل على اجابة؟
فى الشاشة الغشاشة
Post: #17 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: Mannan Date: 08-19-2007, 02:18 PM Parent: #1
Quote: الصادرات غير البترولية سجلت عائداً بلغ «274» مليون دولار.
الصادرات دى فول حجات واللا سعوط؟ يا "صلاحلاوندى"!!!!
منان
Post: #18 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: حيدر حسن ميرغني Date: 08-19-2007, 02:27 PM Parent: #17
هشام
ده غير الحاجات اللي بتدخل من غير جمارك لمصلحة التماسيح الكبيرة ومحاسيبهم
الذين يشحنون البضائع من كل ركن من اركان الدنيا
Post: #19 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: هشام المجمر Date: 08-19-2007, 04:27 PM Parent: #1
Quote: الصادرات دى فول حجات واللا سعوط؟ يا "صلاحلاوندى"!!!!
Post: #20 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: Adam Omer Date: 08-19-2007, 10:27 PM Parent: #19
Quote: لماذا لا ينشر احصاء واضح بالجهات المستفيدة من هذه الاعفاءات حتى يعرف الشعب السودانى اين تهدرامواله؟
Post: #21 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: Adam Omer Date: 08-19-2007, 10:32 PM Parent: #20
Quote: الصادرات دى فول حجات واللا سعوط؟ يا "صلاحلاوندى"!!!!
منان
صـــــــــــــلاح الـخــــــــــــــــــروف مدير جــــــمارك الــــــــــــــــــسودان
غايتو يا ود المجمر عشان تحصل على الاجابة اللة يلزمك الصبر
Post: #22 Title: Re: تصوروا بضائع بقيمة 69 مليار دينار دخلت البلاد معفية من الجمارك- من هم اصحابها يا مدير الجم Author: هشام المجمر Date: 08-20-2007, 08:36 AM Parent: #1
Quote: غايتو يا ود المجمر عشان تحصل على الاجابة اللة يلزمك الصبر
