إنه العذر الاقبح من الذنب يا شداد

Quote: كتب: عبده فزع اعتذر الاتحاد العام لكرة القدم السوداني لنظيره الغاني عن عدم تلبية طلبه بمشاركة منتخبنا الوطني في الدورة الدولية الودية التي ينظمها الاتحاد الغاني خلال الفترة من 17 نوفمبر المقبل حتي 21 منه في اطار الاستعداد لنهائيات بطولة الامم الافريقية التي تستضيفها دولة غانا في يناير في العام المقبل ووجه د/ شداد رئيس الاتحاد العام شكره وتقديره الكامل للاتحاد الغاني وقال في تصريحات خاصة لقوون ردا علي سؤالنا حول امكانية مشاركة منتخبنا الوطني في الدورة الودية الدولية بغانا انه كان يتمني مشاركة المنتخب الوطني في هذه الدورة لتكون خير اعداد له لنهائيات بطولة الامم الافريقية•• ولكن في نفس الوقت فان هناك ظروفا واستحالة تحول دون المشاركة في هذه الدورة والمتمثلة في ارتباط نادي المريخ باداء مباراة في البطولة العربية امام نادي الرجاء المغربي يوم 17 نوفمبر وكشف د/شداد ان الاتحاد الغاني حين فكر في تنظيم الدورة الكروية لخدمة منتخبه رشح لها اربع منتخبات من بينها المنتخب الغيني نسبة لقرب دولة غينيا من غانا ولم يكن منتخبنا الوطني ضمن المنتخبات الاربعة ولكن وبعد اجراء قرعة نهائيات الامم الافريقية اوقعت القرعة غينيا في مجموعة الدولة المستضيفة للبطولة غانا وكان لابد ان يبحث الاتحاد الغاني عن بديل اخر بخلاف غينيا وجاء مقترح ان يكون الفريق البديل هو منتخبنا الوطني من الاخوين السودانيين ابوبكر مصطفي ونورالجليل واللذان التقيا بسكرتير الاتحاد الغاني وعرضا عليه هذه الفكرة والذي طلب منهما امهاله حتي يتصل بالمدير الفني للمنتخب الغاني والذي ابدي حماسته واستجابته الفورية وقد ابلغني الاخوين ابوبكر مصطفي ونور الجليل بذلك واوضحت لهما استحالة مشاركة المنتخب في هذه الدورة نظرا للاسباب التي شرحتها آنفا رغم الفوائد الكبيرة التي يمكن ان تتحقق لمنتخبنا في حالة مشاركته في الدورة والامتيازات والتسهيلات والاغراءات الكبيرة التي قدمها الاتحاد الغاني من تذاكر سفر واقامه واعاشة ومكافات • لايمكن تعديل مباراة المريخ وقال د•شداد انه من الصعوبة بمكان تسفير لاعبي المريخ الدوليين من المغرب راسا الي اكرا بعد ادائهم لمباراة الرجاء في البطولة العربية واشار د•شداد الي انه لايمكن تعديل موعد لقاء المريخ والرجاء المحدد لها يوم 17 نوفمبر حيث اتفق الناديان علي هذا الموعد بمعرفة وموافقة الاتحاد العربي بناء علي رغبة وطلب المريخ نسبة لاستعداده لمباراته في نهائي الكونفدرالية الافريقية امام الصفاقسي التونسي• مباراة ودية مع المغرب وكشف د• شداد انهم اجروا اتصالا مع الاتحاد المغربي للاتفاق علي اداء المنتخب لمباراة ودية مع نظيره المغربي يوم 21 نوفمبر علي ان يبقي لاعبو المريخ الدوليين بالمغرب انتظار لوصول بقية اللاعبين الي المغرب الا ان الاتحاد المغربي لم يرد علي طلبنا حتي الان ونحن في انتظار الموافقة

نقلا عن صحيفة المشاهير عدد اليوم 25 اكتوبر 2007

شداد يحرم منتخبنا من افضل فرصة احتكاك خارجى قبل البطولة الافريقية بسبب مشاركة المريخ العربية!!!!

اولا هل البطولة العربية للآنديةأهم من كاس الامم الآفريقية؟
هل هى معترف بها و مصنفة من الاتحاد الدولى؟

واذا كانت بهذه الاهمية

لماذا لا يشارك المنتخب الوطنى بدون نجوم المريخ؟؟

على الاقل هى فرصة لتجربة لاعبون بدلاءاما منتخبات قوية و يالها من فرصة

للتكرار

سؤال يتبادر للذهن

إذا كانت منافسات الاندية بهذه الاهمية لماذا اصر الاتحاد العام علة مشاركة لاعبى الهلال فى مباراة تونس غير المهمة فى التصفيات الافريقية وهم على بعد عدة ايام من البطولة العربية وبعدها على نصف نهائى بطولة الاندية الافريقية اهم بطولة اندية لنا على الاطلاق؟

كانت النتيجة خسر الهلال جهود افضل مدافعيه وحارس مرماه الاول وكان غياب هذان النجمان من الاسباب الرئيسية لخوج الهلال من البطولتين ولم نقل شيئا لأن الاولوية دائما للمنتخب الاول.

الآن يريد شداد أن يضيع على السودان هذه الفرصة المجانية بسبب مباراة رد فى بطولة الاندية العربية!!!!

شئ عجيب مش كده؟

يا هندسة ازيك

الزول قابض قبيضو وحامد سيدو

البهمه في السودان شنو

انت المريخ مش تم الحيكومة

تحيات

للتكرار

فاسق انت لانك بتتكلم ساي وما متابع

شنو سبب المشكلة بين صلاح ادريس وشداد لو عرفت دي تعال اتكلم وسل لسانك

عفوا

مجمر اتفق معك في أن كل ما ذكرته صحيح...

المنتخب فوق الجميع...

لا يجيب تقديم مصلحة الاندية على المنتخب.

المنتخب اولاً.

تحياتي هشام ..

حقيقي إندهشت لقرار شداد برفضه لهذه الدورة الدوية التي جأتنا على طبق من ذهب لأنها مهمة جداً لمنتخبنا الوطني وفي توقيت مناسب ..
وأندهش أكثر في بحث شداد عن مباريات ودية إعدادية للمنتخب دي تجي كيف ؟
أتفق في ما جيت به من حديث وأتمنى أن يعيد الإتحاد النظر في أمر هذه الدورة ..

Quote: اعتذر الاتحاد العام لكرة القدم السوداني لنظيره الغاني عن عدم تلبية طلبه بمشاركة منتخبنا الوطني في الدورة الدولية الودية التي ينظمها الاتحاد الغاني خلال الفترة من 17 نوفمبر المقبل حتي 21 منه في اطار الاستعداد لنهائيات بطولة الامم الافريقية التي تستضيفها دولة غانا في يناير في العام المقبل ووجه د/ شداد رئيس الاتحاد العام شكره وتقديره الكامل للاتحاد الغاني وقال في تصريحات خاصة لقوون ردا علي سؤالنا حول امكانية مشاركة منتخبنا الوطني في الدورة الودية الدولية بغانا انه كان يتمني مشاركة المنتخب الوطني في هذه الدورة لتكون خير اعداد له لنهائيات بطولة الامم الافريقية•• ولكن في نفس الوقت فان هناك ظروفا واستحالة تحول دون المشاركة في هذه الدورة والمتمثلة في ارتباط نادي المريخ باداء مباراة في البطولة العربية امام نادي الرجاء المغربي يوم 17 نوفمبر

.. ماذا قدم شداد وماذا سيقدم .. غير كل انهزام للكرة السودانية ..؟

Quote: ماذا قدم شداد وماذا سيقدم .. غير كل انهزام للكرة السودانية ..؟

عارف يا تمبس ......
سؤالك دا قدر ما حاولت أجملو واخليهو مبلوع شوية ما قدرت ..
لو كانت عارف إنجازات شداد ومتجاهلا فدي حركة غياظة شديد ..
ولو كنت جاهل بالانجازات دى حقيقة برضو غياظة لانو صيغة السؤال إستفزازية ..
لكن كدا نفترض أنو فعلا شداد ما قدم شىء للكورة السودانية (حسب إيحاء السؤال) وبنفس المفهوم دا ماذا قدم غير شداد لهذه الكورة المسكينة ..
بجيك راجع بس شيل الصبر ..

Quote: الزول قابض قبيضو وحامد سيدو البهمه في السودان شنو انت المريخ مش تم الحيكومة

والله يا عباس القرار ده فعلا حيرنى إذ انه متناقض مع كل ما ينادى به شداد

الاخ المهندس المجمر
مسكاقمي
كل سنة وانت طيب وعيد سعيد
دعني اختلف معك واقول بان الدكتور كمال شداد تعامل بعقلية ومنطق وتصرفه وتبريره لتصرفه اي الرفض منطقي جداً الدورة التي ستقام في غانا دورة ودية اعدادية وكما تعلم ان المنتخب القومي السوداني جل لاعبيه او كل لاعبيه من المريخ والهلال فعدم مشاركة لاعبي اي فريق يؤثر في المنتخب ويكون المشاركة غير ذات جدوى وكما تعلم المريخ مرتبط بالدورة العربية وتم وضع الجدول والبرنامج على هذا الارتباط وتم اقتراح اضافة المنتخب في دورة غانا الودية بعد ارتباط المريخ والسودان عضوة في الاتحاد العربي فالدكتور قدم الاهم على المهم ويمكن للمنتخب ان يلعب مباريات ودية كثيرة قبل المشاركة في النهائيات بغانا .
هذا ما كتبته : ـ

Quote: شداد يحرم منتخبنا من افضل فرصة احتكاك خارجى قبل البطولة الافريقية بسبب مشاركة المريخ العربية!!!!

كما ذكرت اعلاه ان مشاركة المريخ والهلال في البطولة العربية تم قبل طلب المشاركة في هذه الدورة الودية بغانا وتم وضع البرنامج على هذا الاساس

Quote: اولا هل البطولة العربية للآنديةأهم من كاس الامم الآفريقية؟

ما علاقة هذا السؤال بهذه الدورة الودية

Quote: هل هى معترف بها و مصنفة من الاتحاد الدولى؟

السودان عضوة في عدة منظمات رياضية اقليمية مثل سيكافا والساحل والصحراء والعربية والاتحاد الدولي الفيفا تعترف بالاتحادات والمسابقات الاقليمية ولكن لا تصنفها ضمن مسابقاتها .

Quote: واذا كانت بهذه الاهمية لماذا لا يشارك المنتخب الوطنى بدون نجوم المريخ؟؟

كما ذكرت لاعبي المنتخب يتكون من المريخ والهلال وعدم مشاركة لاعبي اي فريق يفقد المشاركة الغرض التي تم المشاركة من اجلها

Quote: على الاقل هى فرصة لتجربة لاعبون بدلاءاما منتخبات قوية و يالها من فرصة

الوقت لا يسمح بتجربة لاعبين بدلاء وكما ذكرت المشاركين منتخبات قوية فيجب ان يكون المشاركة قوية ولا يمكن ان نفقد السمعة التي كسبناها بالمجاذفة والمشاركة بلاعبين لم يختبروا من قبل وليس لهم تجربة وخبرة والمنتخب مقبل على مشاركة ذات اهمية وسمعة كبيرة كأس افريقيا فأية مجاذفة لا يحمد عواقبها ستضع المنتخب في وضع حرج من الناحية المعنوية والسمعة الكروية والاعلامية .
ولك مودتي

Quote: مجمر اتفق معك في أن كل ما ذكرته صحيح... المنتخب فوق الجميع... لا يجيب تقديم مصلحة الاندية على المنتخب. المنتخب اولاً.

شكرا سامى عبد الوهاب مكى

معتصم دفع الله

سلام

شى محير مش؟

تمبس

تحياتى

الناس ممكن يقولو الراجل وصل السودان بعد 32 سنة لنهائيات كاس الامم الافريقية

لكن الحقيقة انو أدارتو للآتحاد العام لكرة القدم عليها مآخذ كثيرة

المجمر وبقية المحترمين
دايرين طوالي نكون عايشين حسب الظروف
يعني تعتذر غينيا يحاولوا يملأوا محلها بالسودان
طوالي نقبل؟؟؟
لا تخطيط مسبق
لا مراعاة لأي إلتزامات تانية؟؟؟؟
وخلاص المنتخب هسع بقي أهم من هلاريخ؟؟؟؟؟؟؟؟؟؟؟
وين ناس ( ريكاردو يصرح بأن المنتخب يعرقل إعداد الهلال ) يا تمبس؟؟؟؟؟؟

Quote: المجمر وبقية المحترمين دايرين طوالي نكون عايشين حسب الظروف يعني تعتذر غينيا يحاولوا يملأوا محلها بالسودان طوالي نقبل؟؟؟

فضل كرار

سلام

ليييه وانت شايف انحنا عندنا برنامج اعداد ما يخرش المية ومباريات ودية دولية مبرمجة ومخططة لو عرفت ورينى

حمزاوى جاييك فى الرد

لو ما عندنا طيب ما نحاول؟؟؟

مرحب حمزاوي

Quote: اولا هل البطولة العربية للآنديةأهم من كاس الامم الآفريقية؟ هل هى معترف بها و مصنفة من الاتحاد الدولى؟

الاخ هشام.


واضح جدا أن الاتحاد العام يعاني من هرجلة إدارية.


دينق.

تحياتي دينق

الهرجلة في إنك تكون ملتزم بي حاجة معينة مهما تكون صغيرة
وتقوم تجيك فرصة عظيمة مهما تكون كبيرة
وتخل بي إلتزامك

ولا أما غلطان؟؟؟؟

يا عزيزي الإنضباط والإحترام لا يأتي كدا ساي لا بد من ثمن ، ودا البفرق بين الناس

نسأل سؤال بسيط جداً عشان ما نقفذ بالزانة ..
كيف صعد المنتخب الوطني إلى نهائي أفريقيا ..
أظن حتى شداد نفسه لا يعلم ..
هذا المنتخب حالفه الحظ كثيراً في الصعود لسبب واحد هو وجود الهلال والمريخ في البطولات الأفريقية وإعدادهما الجيد لأن معظم لاعبي الفريقين يشكلون نسبة 99% منه ..
إتحاد شداد لم يفعل شيئاً لمنتخبنا حتى يتأهل لسيكافا ناهيك عن كأس أفريقيا ..
لغاية الآن الخبراء والمحللين السودانيين يقولوا ليك دي بداية نهضة وكلمات رنانة ..
كيف هي النهضة وبلدنا لا تملك ما يؤهلها لتنافس خارجياً عدم وجود ملاعب أو مصانع رياضية أو مدارس سنة تأهيلية ..
الحكاية ماشه بالبركة وصادفت ..
الدوري الممتاز السوداني لو نظرنا لنتائجه سنجد الفارق بين المتصدر وآخر الدوري فريق كبير وشاسع ونائجه كلها ما بين 4 إلى 8 أهداف أحسبوها وتعرفوا كيف نحن صعدنا لنهائي أفريقيا ..
يعني ما يجي شداد هسي وينصب نفسه عنتر الكرة السودانية ومنقذها ..
هل تعلمون أن هناك لجنة للدعم تتكون من رياضيين قوميين ولا علاقة للدولة بهذا المنخب ولا إتحادها يعني برضو بالبركة يا جابت يا خابت ..
كيف عايزننا نصعد وننافس ومنتخب لا يملك حق إعداده ..
وبرضو جايي شداد ينظر ..
للحالمين وجوا نصروا شداد هنا أقول ليهم أنتظروا نهاية الموسم دا وتاني ح تعرفوا كيف انو كورتنا ماشه بالبركة ..

سلام على كورة البركة ..

قلت لي ( الحالمين )؟؟؟؟؟؟؟؟

ربنا يفتح بصيرتك وتشوف الأمور علي حقيقتها
شداد يعمل ما بوسعه لتنظيم وإدارة النشاط والآخرون لا يرون الأمور
إلا من منظار قاتم أسود
شداد حدد عدد المحترفين ب 3 فقط حتي يتيح للعيبة السودانيين فرص أكبر
ولا يجعل الفارق بين أندية القمة والأندية الاخري والتي ليس لها موارد مالية شاسعاً
بينما تتحايل أندية القمة علي ذلك بتجنيس لعيبة لا يفيدون المنتخب بشئ
ويحتكرون اللعب بدلاً عن اللعيبة السودانيين ولديك فى أمير دامر وهيثم طمبل حين كان بالهلال
خير دليل
منع شداد تسجيل المحترفين فى خانة حراس المرمي لندرة اللعيبة فى هذه الخانة
فإعترض إعلام المريخ بحجة أن شداد يستهدفهم بهذا القرار
وحيت كان شيكوزي بالمريخ لم يلعب بهاء الدين مبارة واحدة خلال موسم كامل؟؟؟؟

والأمثلة كثيرة،،،،،،،

أما حديثك عن الحظ فله رجعة ثانياً بإذن الله بس أذكرك بأن المريخ صعد للنهائي بمساعدة كوارا
والهلال لنصف النهائي بمساعدة أسيك،،،،،،،،،،،،

Quote: ربنا يفتح بصيرتك وتشوف الأمور علي حقيقتها

يا فاضل ما دا الكلام البخلي النقاش يمشي لحتات تانية ..
بصيرتي لا تحتاج لمن يحددها وكويس انك ختيت نفسك في خانة الحالمين ..
شداد زي شجرة الدليب عمره ما خت ضل لي بلده ولا الكرة السودانية ..
ولك أن تنظر اتحاد يديره بقرارته فقط ..
عندك نقاط كثيرة ذكرتها أنا هنا يمكنك أن تطلع عليها وتدينا فيها رأيك ..
بدل عمى البصيرة دا ..
يا حبيب الروح رياضية والنقاش يكون مع من يتحلى بها ..
وبرضو في انتظار رجوعك لمسألة الحظ دي ..

ما شفت من كلامي إلا السطر الخاص بدعائي ليك
إنو ربنا يفتح بصيرتك بس ؟؟؟؟؟؟

وإفتكرتها تشعيب للموضوع في حتات تانية كمان؟؟؟؟؟

بس زعلتك دي تروح أرجع اقرأ كلامي تاني إمكن تلقي فيهو حاجة كانت غايبة عليك
وكنت محتاج زول ينبهك ( يفتح بصيرتك ) ليها
ولك المودة

يا فاضل ..
ربنا ما يجيب زعل وزي ما قلت ليك الروح رياضية ..
وعذراً إذا جاء كلامي حاداً ..
عارف لي فترة طويلة ما قاعد أدخل بوستات الرياضة عشان الإسفاف الفيها ..
وصدقني دي بعيده عن الأخلاق الرياضية البنادي بيها ..
للأسف النظرة الضيقة هي السايده والتي أودت برياضتنا إلى هذا الدرك ..
ولغياة الآن ما شايفين تخطيط يمكن أن يطور الرياضة عندنا ..
وإلا قول لي التخطيط دا وينو وبدأ من ياتو حتة ..
شوف الرابط دا ونرجع تاني للنقاش كأس العالم لكووورة الشـراب ..

بعدتعإدل

إمس

فوق

فوق شوية كدا

Quote: الزول قابض قبيضو وحامد سيدو

يقبضك ان شاء الله تمساح ام كبلو .. انتو اي شاي قابض قابض .. ما تخلو عندكم ذمة ..

ان كان من خير لمشاركة منتخبنا في هذه الدورة فلا بأس من المشاركة ...


ود الباوقة

ود لاباوقه

يقبضك مرفعين في غابة مافيها ضوء

نسيتو العشرة الف دولار بتاعت صلاح ادريس

الاترشح بيها شداد للاتحاد الافريقي

نسيتو قروش علاء الدين الدفعها الهلال وناموا بيها جماعت الاتحاد

سلام يا باشمهندس
اليوم وفي برنامج الرياضة ذكر أسامة عطا أن إحتمال المشاركة في هذه الدورة لا زال قائما
في حالة إعتذار الإتحاد المغربي عن المباراة اللتي طلبها الإتحاد السوداني بعد مباراة الرد للمريخ مع الرجاء حتى يتسنى للاعبي المريخ المشاركة
بس السؤال الكنت بتمنى مقدم البرنامج - عمر النقي- يسأله هل سينتظر الإتحاد الغاني حتى يقرر السودان المشاركة ام سنفقد كلا الفرصتين.

الاخ هشام المجمر
السلام عليك

Quote: شداد يحرم منتخبنا من افضل فرصة احتكاك خارجى قبل البطولة الافريقية بسبب مشاركة المريخ العربية!!!! على الاقل هى فرصة لتجربة لاعبون بدلاءاما منتخبات قوية و يالها من فرصة

الحكمة في السبب الذي جعل شداد يرفض الدورة الودية كون ان اختيار السودان للمشاركة جاء تمامة عدد
المنتخب السوداني لا يتسول المشاركة فى الدورات الودية يا هشام

Quote: يا هندسة ازيك الزول قابض قبيضو وحامد سيدو البهمه في السودان شنو انت المريخ مش تم الحيكومة تحيات

abas ومن لف لفه
هاتوا برهانكم إن كنتم صادقين وإلا فانتم فاسقين ..

طلحة عبد الله

فاسق انت يا زول

ولو ما عارف شيء ما تتكلم ساي

قروش صلاح ادريس البدفعها ليه اترشح بيها في الاتحاد الافريقي مقابل خدمات معروفه

ازيد ولا خلاص

Quote: لماذا لا يشارك المنتخب الوطنى بدون نجوم المريخ؟؟

سؤال وجيه جدا
وهل لا يوجد فى السودان من يمثل المنتخب الوطنى غير لاعبى المريخ ؟
ولماذا لا يبدا لاعبى الهلال بعد دعمهم بلاعبين مبرزين من الدورى الممتاز
يبدؤا الدوره ومن ثم يلحق بهم لاعبى المريخ بعد مباراة المغرب
حاجه غريبه والله
وقرار غريب ايضا
ولماذا يقرر شداد وحده فى مثل هذه الامور وبمعزل عن قنوات القرار الاخرى
واين باقى اعضاء مجلس الاتحاد العام
ام لا زالوا يؤدون دور الكومبارس

Quote: يا هندسة ازيك الزول قابض قبيضو وحامد سيدو البهمه في السودان شنو انت المريخ مش تم الحيكومة تحيات

الناس فى شنو والحسانيه فى شنو ؟؟؟؟؟

Quote: نسيتو العشرة الف دولار بتاعت صلاح ادريس الاترشح بيها شداد للاتحاد الافريقي نسيتو قروش علاء الدين الدفعها الهلال وناموا بيها جماعت الاتحاد

يا عباس

العشره الف دولار التى اصر صلاح ادريس ان يعطيها لى شداد
دفعت سداد لغرامة فرضها الاتحاد الافريقى عليكم فى استضافة
فريق افريقى وان لم تخنى الزاكره من جنوب افريقيا تحديدا
والظاهر عليك نايم وما عارف الحاصل شنو
بتلوكوا فى الكلام من غير ما تفهموا انتوا بتقولوا فى شنو
والا لما قلت مثل حديثك هذا والناس بتناقش مسأله مشاركة
المنتخب الوطنى فى دوره وديه !

وسؤال يا اللخو
حينا دفع صلاح ادريس لشداد العشره الف دولار
فى اى شئ كانت ستستخدم هذه الاموال ؟؟؟؟
جاوب يا شاطر

اما اموال علاء الدين يوسف فقد صرفت فى استضافة واستقبال الوفود
المشاركه فى احتفالية الاتحاد الافريقى بالخرطوم وبعد التزام رئيس
المريخ بذلك الامر تجميلا لوجه الوطن امام الضيوف
حينما كنتم انتم تجلسون على الرصيف متفرجين

وهاهو المريخ سيتضيف انتر ميلان دعما لمستشفى القلب بسوبا والعائد من الدخل
والرعايه سيكون انشاء الله مليون دولار دولار ينطح دولار
من اجل مرضى القلب فى كل الوطن

وبالامس القريب استضاف المريخ قادة المؤتمر الوطنى والحركه الشعبيه فى مباراته
امام الرجاء المغربى لتلطيف الاجواء من اجل الوطن والمواطن

وها نحن اليوم نتكلم عن المنتخب ونتناقش مسيرته لتجنح انت ورفيقك الاخر لتحويل
دفة الحوار الى هلال مريخ والى كلام ممجوج ولا معنى له ولا يجب ان يقال فى هكذا بوست
بل يجب ان يطرح تحت ضل شجره فى احد احياء الخرطوم حينما يكون الحوار هلال مريخ

اسف جدا اخى ود المجمر
لجنوحى انا الاخر بدفة البوست .. ولكن بعض المشاركات اعلاه تفقع المراره
ولاحظ حديث الاخ الهلالابى الجميل معتصم دفع الله وحديثه بانه اصبح لا يشارك فى
البوستات الرياضيه لانها اصبحت تمتلئ بالاسفاف ومن الطرفين
ولا اعفى طرفا دون الاخر

Quote: ولماذا يقرر شداد وحده فى مثل هذه الامور وبمعزل عن قنوات القرار الاخرى واين باقى اعضاء مجلس الاتحاد العام ام لا زالوا يؤدون دور الكومبارس

على محمد
لو كنت تعرف شداد جيدا لما قلت ما قلته فهو يا صديق رجل حقاني وديمقراطي جدا ولا يجامل في سبيل المصلحة العامة ولم يحدث طوال فترته الأخيرة بالاتحاد ان إتخذ قرار بمناى عن بقية اللجان المعينة بالاتحاد بل يطرح رأئه مثله والآخرين وقد يجد التأييد والمباركة وقد لا يحظي بالقبول وفى كل الاحوال فهو يذعن للراي الآخر وليس مقبولا منك انت تحديدا ان تصف رجال لهم مكانتهم بالكومبارس فارجاء مراجعة هذا الوصف .

لما قريت كلام هشام اتذكرت نكتة سمعتها في شريط كاسيت مصري

النكتة قالت في صعيدي مشا شهر العسر الاسكندرية
سألوه أمال فين العروس؟
قال خليتها في البلد مع أمي.

ياخي المريخ ده زاتو مش جزء من الفريق القومي الانتو دايرين ليهو الاحتكاك ده؟

بعدين ياخي هي زاتها دعوة مراكبية ساكت وشداد ما قال كلام انو جابونا بدل غينيا ساكت.
أفهموها وريحونا.
لي ثقة شخصياً في د. شداد. وأطمع أن يتحقق على يديه المزيد قبل ما يمسك الاتحاد واحد من سماسرة السوق ساكت.

Quote: شنو سبب المشكلة بين صلاح ادريس وشداد لو عرفت دي تعال اتكلم وسل لسانك

مولانا أسمعني ..
مافي زول بغلبو يجيء يردم الناس إتهامات وتجني وبذاءة لانو دا أسهل حاجة عند اي بنى آدم ضميرو وسخان ..
انت قلت شداد قابض فتعال ورينا قابض شنو ومن منو ومتين عشان نقيف معاك في تسفيهو وإدانتو ..
لكن تجىء ترمي ليك كلمتين تلاتة هنا تتجني بيها على الناس من دون سند ودليل فدا الفسق بعينو يا زول .
بالنسبة لمشكلة شداد مع الأرباب فالأخير لا ينتظر اي سبب ليثير اى مشكلة وهو رجل غير صادق في كل أقاويله وأدعاءاته فقد عاهد كثيرا وأخلف الوعد أكثر ولم يصدق في كل ما قاله من قبل وهو رجل خنفشاري وجعجاع لا يتورع فى إستعداء أقرب الأقربين لسبب تافه جدا والدليل مشاكله مع الامين البرير وطه البشير وعبدالمجيد منصور والمرين والصحفيين وغيرهم كثر من الذين تآذوا من الرجل ..
العشرة الف دولار دى كانت فرية من إفتراءاته التى لا تنتهي وقد فندها شداد فى حينها فلا ترمي الناس بهتانا حتى لا ينوبك الأثم يا زول .

Quote: مولانا أسمعني .. مافي زول بغلبو يجيء يردم الناس إتهامات وتجني وبذاءة لانو دا أسهل حاجة عند اي بنى آدم ضميرو وسخان .. انت قلت شداد قابض فتعال ورينا قابض شنو ومن منو ومتين عشان نقيف معاك في تسفيهو وإدانتو .. لكن تجىء ترمي ليك كلمتين تلاتة هنا تتجني بيها على الناس من دون سند ودليل فدا الفسق بعينو يا زول . بالنسبة لمشكلة شداد مع الأرباب فالأخير لا ينتظر اي سبب ليثير اى مشكلة وهو رجل غير صادق في كل أقاويله وأدعاءاته فقد عاهد كثيرا وأخلف الوعد أكثر ولم يصدق في كل ما قاله من قبل وهو رجل خنفشاري وجعجاع لا يتورع فى إستعداء أقرب الأقربين لسبب تافه جدا والدليل مشاكله مع الامين البرير وطه البشير وعبدالمجيد منصور والمرين والصحفيين وغيرهم كثر من الذين تآذوا من الرجل .. العشرة الف دولار دى كانت فرية من إفتراءاته التى لا تنتهي وقد فندها شداد فى حينها فلا ترمي الناس بهتانا حتى لا ينوبك الأثم يا زول .

طلحه

ترفع عن هذا
فليس المقام مقام هلال مريخ او صلاح ادريس وجمال الوالى او شداد
المقام مقام الوطن
ومثل هذه النقاشات يجب ان لا يكون محلها هنا
وانتا زاتك الظاهر مهبب ليك حاجه فوق لانك مسحتها وانا ما شفتها

المهم ارجو منك ومن باقى الاخوه ان تركزوا فى موضوع المنتخب الوطنى وان تتركوا
هلال مريخ لى وقتها

لطفا وليس امرا

Quote: وجاء مقترح ان يكون الفريق البديل هو منتخبنا الوطني من الاخوين السودانيين ابوبكر مصطفي ونورالجليل واللذان التقيا بسكرتير الاتحاد الغاني وعرضا عليه هذه الفكرة

يا هشام

لا ننسى فى هذا المقام ان نشكر وبكل حراره هؤلاء النفر الكريم من ابناء السودان
الذين سعوا من اجل مصلحة الوطن ومن اجل ان يستعد تماسيح النيل لغانا 2008
وحيوا معى

ابوبكر مصطفى
ونور الجليل

الأخ ود المجمر

سلام وبعد تعادل المريخ واضح ان المسألة كلها كانت فورة لا تدوم بالنسبة للكرة السودانية.

مع امنياتنا للفريق القومي بالتوفيق في مهمته الصعبة.

مع احترامي الشديد للدكتور كمال شداد ولكن السؤال الذي يطرح نفسه : ألا يوجد في الثلاثين مليون سوداني من يتبوأ مسئولية الاتحاد العام لكرة القدم بالسودان ام ان المسالة زي حكام دول العالم الثالث حكم ابدي ثم توريث ؟


واخيرا وين الناس يا هشام .

ودمتم،،

Quote: طلحه ترفع عن هذا فليس المقام مقام هلال مريخ او صلاح ادريس وجمال الوالى او شداد المقام مقام الوطن ومثل هذه النقاشات يجب ان لا يكون محلها هنا وانتا زاتك الظاهر مهبب ليك حاجه فوق لانك مسحتها وانا ما شفتها المهم ارجو منك ومن باقى الاخوه ان تركزوا فى موضوع المنتخب الوطنى وان تتركوا هلال مريخ لى وقتها لطفا وليس امرا

الاخ علي محمد
أشكر لك نصيحتك لكننى لم أفعل شيء غير انني تداخلت برأئي هنا ولم أتحدث عن هلال مريخ إلا في إطار تدعيم وجهة نظري وقد كان حديثي للاخ عباس واضحا وصريحا فى هذا الصدد ولم أقصد ما فهمته أنت وجعلك تنصحني وبالنسبة لما قلت أننى مسحته فقد أخطات التقدير يا صديقي لأنني لم أمسح بل نقلت نفس الرد لاخر الصفحة طمعا في إبرازه ..
لك الشكر وليس لى غضاضة مع اي أحد هنا ..

Quote: لحكمة في السبب الذي جعل شداد يرفض الدورة الودية كون ان اختيار السودان للمشاركة جاء تمامة عدد المنتخب السوداني لا يتسول المشاركة فى الدورات الودية يا هشام

يا طلحة كلامك دا إجتهاد منك ولا ورد على لسان شداد
لأنو لو تابعت امس في برنامج الرياضة مسؤول في الإتحاد أظنه طارق عطا إتكلم عن الدورة بإعتبارها بديل و إحتمال مشاركة السودان لازال قائم
ودا يتناقض مع التفسير الأوردته لرفض شداد لأنو السبب المذكور سيظل موجود في كل الأحوال نجحت مباراة المغرب أم لم تنجح
دا من ناحية ومن ناحية تانية
موقف إعدادا المنتخب بغض النظر عن الدورة سيء للغاية كما ذكر مساعد المدرب أمس يحتاج لخمسة مباريات قوية على الأقل
و الميزانية المطلوبة ضخمة و غير متوفرة , أتمنى أن يوظف شداد علاقاته الدولية ليحل الإشكال سواء بالدعم او الرعاية او المباريات

Quote: موقف إعدادا المنتخب بغض النظر عن الدورة سيء للغاية كما ذكر مساعد المدرب أمس يحتاج لخمسة مباريات قوية على الأقل

محمد البشرى سلااام ..
عارف أول حاجة ح يقولوها بعد ما تنتهي بطولة أفريقيا هي ..
إنو الإعداد كان ضعيفاً ..
والفريق ما لقى دعم مادي من الدولة ..

طيب الدولة دي قبل كده عملت شنو للمنتخب دا ..
وانتوا ح عملتو شنو عشان تعدو الفريق ..
كفاية خداع يا إتحاد يا عام ويا وزارة شباب والرياضة إذا كان في الأصل في وزارة دي حاشرنها حشر مع وزارات تانية ..
نحن محتاجين كتير عشان يكون عندنا كورة ..
محتاجين لتخطيط وبنية تحتية ..
ودا ما بجي إلا يكون في البلد رياضيين همهم تطوير الرياضة في بلادنا ..
وفي دعم حقيقي لها ..
يا عالم الرياضة ما بقت لهو وترف ..
وما عشان فاز الهلال والمريخ والمنتخب خارجياً بقت عندنا كورة ..

وعليكم السلام يا معتصم
الفترة ضيقة جدا لكن من الممكن فعل شيء
أعتقد لو الناس إنتظرت الدولة و الوزارة حتكون مشكلة كبيرة جدا
لأنو ناسنا ديل الكورة و الرياضة بتعني ليهم التصوير و الهتاف و تكبير كوم الإنجازات في إحتفالات عيد الثورة
مفروض الإتحاد يتجع للشركات و المؤسسات للرعاية لو مريت على بوست الأخ حيدر البدعو شركة زين للتبرع بقيمة السيارات المطروحة كجائزة إسبوعية لصالح المنتخب
وفي مؤسسات كتيرة عالمية ومحلية اكيد بهمها ظهور إسمها كراعية لمنتخب في بطولة زي دي
و تجربة جمال الوالي في توظيف علاقاته و الداخلية و الخارجية لصالح المريخ و إستقطاب الدعم و توقيع عقود الرعاية جديرة بالإهتمام
على الرغم من كل ما يقال عن شداد فلا امل لنا غيره في هذه الفترة لإنجاح إعداد المنتخب لنا له من علاقات وسمعة

عزف علي وتر نشاز

أكتر شئ بزعلني فى الدنيا إنو ناس يقولوا ليك
لو ما الهلال والمريخ السودان ما كان صعد النهائيات
هل يقدر واحد فيهم يقول لي والده - لو كان حي -
يقدر يقول ليهو : يا أبوي لو ما أنا إنت ما كان بقيت زول أو حصل ليك كدا أو كدا
السودان هو والد الجميع : هلال ، مريخ ، موردة إلخ إلخ
ومن قلة الذوق - دا لو ما قلنا حاجات تانية - إنو الولد يمتن علي والده
الله يهدينا جميعاً

فضل كرار

الاخ علي محمد
اعرف جيدا كيف يفكر شداد واعلم غيرته واعتداده ولذلك قلت ما قلت بخصوص مشاركة المنتخب كتتمة في الدورة الودية كما أنه يفترض ان يكون رأئنا جميعا لانه بالفعل فالمنتخب ليس تتمة عدد ولا يتسول المشاركة فى الدورات الودية .
اما بالنسبة للاعداد للنهائيات فكما ذكر مجدي شمس الدين في حديثه للنيل الأزرق قبل يومين انه مازال هناك وقت وكل المنتخبات لا تبدا اعدادا فعليا إلا قبل أسبوعين فقط من إنطلاق البطولة وعليه فان الإتحاد يضع ذلك نصب اعبنه ويبني خططه بما يتوافق ويتواكب مع إعداد بقية المنتخبات وعلينا أن ننتظر لنري ولا نسبق الأحداث ..