إدريس دبى يصف البشير بالخائن و " الحمار"

Quote: شن الرئيس التشادي ادريس ديبي الذي اعلن الجمعة قطع العلاقات الدبلوماسية بين بلاده والسودان هجوما حادا امس السبت على الرئيس عمر البشير الذي اتهمه بارتكاب "ابادة" في دارفور ووصفه ب"الخائن". وقال ديبي خلال تجمع شعبي في نجامينا "اطلب من جميع القوى الكبرى ومن الاتحاد الافريقي والامم المتحدة والاتحاد الاوروبي والدول المحبة للسلام والعدالة بالتدخل عسكريا لانقاذ سكان دارفور الذين يتعرضون لابشع ابادة على يد الرئيس عمر البشير". واضاف امام آلاف الاشخاص الذين تجمعوا في ساحة الاستقلال "على الاسرة الدولية تحمل جميع مسؤولياتها لحل ازمة دارفور باسرع وقت ممكن من خلال وضعها تحت وصاية الامم المتحدة". وقال لانصاره "اثبتم لتوكم للرأي العام العالمي وللذين خانوا قضية الوطن انكم غير مستعدين لترك بلادكم يحتلها مرتزقة ارسلهم بشير الخائن". وطلب الرئيس ديبي الوقوف دقيقة صمت عن ارواح "الشهداء الذين سقطوا في المعركة والمدنيين (الذين كانوا) ضحايا هجوم نظام الخرطوم الوحشي". وقال ان "التشاديين سيدافعون عن ارضهم حتى آخر تشادي وآخر تشادية"، وصاح "الى اللقاء يا خونة، الى اللقاء يا مرتزقة"، قبل ان يصف نظيره السوداني ب"الخائن" و"الحمار" بالعربية. وحمل مناصرو ادريس ديبي المتجمعين حول القصر الرئاسي لافتات كتب عليها "البشير يزعزع استقرار تشاد" و"البشير الدموي" و"ايها المجتمع الدولي، نريد حلا للبشير". وكان ديبي اعلن الجمعة قطع العلاقات الدبلوماسية مع السودان الذين يتهمه بدعم متمردي الجبهة الموحدة للتغيير الذين شنوا الخميس هجوما دمويا على نجامينا صدته القوات الحكومية. ورفضت السودان هذه الاتهامات. كما هدد ديبي بطرد نحو 200 الف لاجىء سوداني يقيمون في شرق تشاد في حال لم يتم ايجاد حل لانهاء النزاع القائم في اقليم دارفور السوداني.

نقلا عن صحيفة المشاهير عدد 16/4/2006

الغريبة انو عمر البشير هو الذى اوصل إدريس دبى للحكم فى بداية التسعينات

Quote: الغريبة انو عمر البشير هو الذى اوصل إدريس دبى للحكم فى بداية التسعينات

مش الحمار وسيلة من وسائل المواصلات..... فى الدول المتخلفة...أقصد دول العالم الثالث!!!!

تحياتى

Quote: مش الحمار وسيلة من وسائل المواصلات..... فى الدول المتخلفة...أقصد دول العالم الثالث!!!!

بس ليه الغلط أحسن الحمار يزعل من دبى!
رفقا بالحمار!
جنى

مهيرة وجنى

بعيدا عن ما اطلقه دبى على البشير

نتساءل

كيف اصبح الهم الشاغل للسودان التدخل فى الشئون الداخلية لجيرانه

1- تغيير نظام الحكم فى تشاد و تنصيب إدريس دبى
2- المساهمة فى تغيير نظام الحكم فى أثيوبيا
3- محاولة إغتيال الرئيس المصرى حسنى مبارك بأديس أبابا
4- دعم و استضافة جيش الرب اليوغندى
5- المساهمة فى وصول كابيلا إلى الحكم فى أفريقيا الوسطى
6- التوتر المستمر فى العلاقات مع ارتريا
7- محاولة الاطاحة بالحليف السابق إدريس دبى

اين وجد السودان الاموال الكافية لعمل هذه الاشياء بما فيها من دعم عسكرى واستخباراتى وما إلى ذلك من المهام المكلفة؟

يعني مبسوطين؟؟؟؟

والله لااقبل ان يسيء الى حميرنا

Quote: كيف اصبح الهم الشاغل للسودان التدخل فى الشئون الداخلية لجيرانه 1- تغيير نظام الحكم فى تشاد و تنصيب إدريس دبى 2- المساهمة فى تغيير نظام الحكم فى أثيوبيا 3- محاولة إغتيال الرئيس المصرى حسنى مبارك بأديس أبابا 4- دعم و استضافة جيش الرب اليوغندى 5- المساهمة فى وصول كابيلا إلى الحكم فى أفريقيا الوسطى 6- التوتر المستمر فى العلاقات مع ارتريا 7- محاولة الاطاحة بالحليف السابق إدريس دبى

زد علي ذلك8 دعم الاسلاميين من ليبياومصر ونونس ايا الهوس الشديد
9التهديد بضرب السد العالي والعمق المصري ايام الهوس
10 الدعم المتواصل لجماعة الجهاد بشرق البلاد محاولة خلخلة الاوضاع في ارتريا

الأخ هشام المجمر

Quote: بعيدا عن ما اطلقه دبى على البشير

ولماذا بعيدا عنه.. ؟!

البشير سوداني.. وديبي أجنبي
ومع ذلك لم يأت هذا الأجنبي بدليل عى صحة اتهاماته هذه

خائن؟؟ هل كان للبشير اتفاق مع ديبي وخان البشير الاتفاق؟
وما هي طبيعة هذا الاتفاق؟
وهل يعتبر كلام ديبي صحيحا بمجرد اطلاقه له؟

وأخيرا.. ألستم سودانيين؟
لماذا تقفون مع ديكتاتور أجنبي شن عليه أبناء وطنه حربا
لأنه فاسد وقاتل وسفاك وسفاح دماء؟

صفو البشير بما شئتم من أوصاف
ولكن لا تطبلوا لأجنبي وترددوا مقولاته
فسبابه للبشير سباب للسودان والسودانيين
أي لكم أنتم
فإن كان هو خائن فأنتم خونة في نظر ديبي
ولا فرق عنده بين احمد وحاج احمد..

Quote: كيف اصبح الهم الشاغل للسودان التدخل فى الشئون الداخلية لجيرانه

لأن الهم الشاغل لجيران السودان هو التدخل في شئونه
والاستعانة بالخونة من أبنائه
لتنفيذ أجندتهم الخاصة.
ا

Quote: ين وجد السودان الاموال الكافية لعمل هذه الاشياء بما فيها من دعم عسكرى واستخباراتى وما إلى ذلك من المهام المكلفة؟

ومن أين تأتي هذه الدويلات الضغيفة بالأموال لدعم المتمردين
لاحتلال أجزاء من السودان؟
ومن أين تأتي بالأموال لدعم الخونة من أبناء السودان الذين
يستجرون بها وينطلقون من أراضيها لتخريب القرى وتدمير الخدمات
الأساسية التي يحتاجها المواطن؟

السودان بلد كبير في كل شيء
كبير في مساحته وفي موارده وفي إنسانه
ومن الطبيعي أن يفرض الكبير هيبته ويحافظ على كيانه
ويؤدي دوره (الكبير) في منطقته..
ولكن هذا الكبير ابتلى بصغار ضعاف يسهل اقتيادهم وشراءهم
ليحطوا من قدره ومن مقدراته ويسقطوا هيبته..

ود عقيد أخوي ات الليلة مالك مورود؟

المجمر

سلام

ما في داعي إدريس دبي يذعل الحمير قدر دة


*الناس ديل القروش عندهم يغسلوا غسيل عدوك في الأموال العجب قروش الخشخاش الإسلامي ولا قروش عمنا أسامة والملا



عبدالله عقيد

تبريراتك غريبة

يقولوا ليك فلان كتل فلان تقول ما ناس فلان برضو كتلوا ناس فلان

Quote: ولماذا بعيدا عنه.. ؟! البشير سوداني.. وديبي أجنبي ومع ذلك لم يأت هذا الأجنبي بدليل عى صحة اتهاماته هذه

ود عقيد

مرحبا. وبعدين روق شوية

أنت من زمن أنا وأخوى على إبن عمى واناوإبن عمى على الغريب؟ يا أخى نحن ضد الظلم فى كل مكان سواء أن كان الظالم امريكى أو بريطانى أو سودانى ولن أدافع عن سودانى ظالم ولو كان أخوى.

بعدين نحن لم نورد هذا الحديث شماتة فى رئاستنا بل لنبين قصر النظر فى تنفيذ مثل هذه السياسات الخرقاء والافضل من التدخل فى شئون الغير حفظ حسن الجوار والتمسك بهذا المبدأ مع اتباع ما يتماشى مع المواثيق والعهود الدولية فى حالة اعتداء الآخر ولا حتبقى الدنيا فوضى زى ما حاصل فى أفريقيا حسع.

Quote: خائن؟؟ هل كان للبشير اتفاق مع ديبي وخان البشير الاتفاق؟ وما هي طبيعة هذا الاتفاق؟ وهل يعتبر كلام ديبي صحيحا بمجرد اطلاقه له؟

الصفات التى الصقها دبى بالبشير لا تليق بحديث رجل الدولة ولكن من المعروف أن أدريس دبى نصبته حكومة البشير و بسبب احداث دارفور فقد دبى دعم حكومة السودان التى انقلبت عليه وناصبته العداء ربما إعتبر الرجل هذا الموقف ضربا من الخيانة وخاصة والرجل كان قاب قوسين أو أدنى من فقد منصبه

ادريس خليفة

Quote: ود عقيد أخوي ات الليلة مالك مورود؟

والله يا ادريس ياخي اصلو مرة مرة بتتاورني الحمى دي
خاصة لمن القى لي كلاما مو ماسك عدلو..


شروق علي فضل

Quote: تبريراتك غريبة يقولوا ليك فلان كتل فلان تقول ما ناس فلان برضو كتلوا ناس فلان

حسب الكلام الانا كتبتو فوق دا يا شروق
ما في علاقة بحكاية التبريرات دي..
ولو مكضباني أقري كلام هشام المجمر الجنبِك دا..
قلنا ليكم ديبي دا جاتو معارضة وحاربتو لأنها متهماهو بإنو حرامي وكتّال كُتلا..
ما ترددو كلامو ساكت..
بس

هشام المجمر

Quote: وبعدين روق شوية

ياخي أروق كيف وانا بشوف في الكلام الاعوج قدامي..!؟

Quote: يا أخى نحن ضد الظلم فى كل مكان سواء أن كان الظالم امريكى أو بريطانى أو سودانى ولن أدافع عن سودانى ظالم ولو كان أخوى.

الكلام دا كان كتبتو فوق زولا ساعلك مافي.. بس هسي خلاص فقد قيمتو
لأنو يا هشام انت جبت كلام ديبي على إنو كلام صحيح.. وجاتك مهيرة أيدتك وجاك جني شرحو
وما قلت ليهم يا ناس الكلام دا أعوج..
هسي يا دوب يا هشام بقيتو ضد الظالم ونحو ذلك وهلمجرا..؟!؟!؟

Quote: والافضل من التدخل فى شئون الغير حفظ حسن الجوار والتمسك بهذا المبدأ مع اتباع ما يتماشى مع المواثيق والعهود الدولية فى حالة اعتداء الآخر ولا حتبقى الدنيا فوضى زى ما حاصل فى أفريقيا حسع.

طيب يا هشام تماشيا مع كلامك دا..
ادريس ديبي اتهم حكومة السودان.. انت صدقتو ؟؟!
حكومة السودان نكرت .. إنت صدقتها؟؟!
إذا كان دا ظالِم ودا ظالِم.. اشمعنى تصدق الظالم الأولاني الأجنبي
وتكضِّب الظالم التاني الما أجنبي..؟؟
بعدين المواثق الدولية دي كانت وين لمن ديبي ارسل ضباطو وجنودو عشان يحرقو الطائرات
السودانية في مطار الفاشر؟؟
وليش ما قام البشير قال ديبي الحمار ود الكلب فعل وترك؟؟
عشان متمسك بالمواثيق الدولية.. مش كدي..!!
ولمن اريتريا احتلت همشكوريب ومناطق تانية في شرق السودان
ولمن مصر احتلت حلايب
ولمن كينيا احتلت مثلث اليمي..
ولمن ولمن ..
الحاجة المنطقية يا هشام إنو لو الغريب اعتدا عليك تتكلم عنو وتتهمو وتشتمو وتكتلو زاتو
لكين لمن تروج اتهامات الغريب المعتدي.. وتفرح بيها.. دا يكون شنو!؟

Quote: الصفات التى الصقها دبى بالبشير لا تليق بحديث رجل الدولة ولكن من المعروف أن أدريس دبى نصبته حكومة البشير و بسبب احداث دارفور فقد دبى دعم حكومة السودان التى انقلبت عليه وناصبته العداء ربما إعتبر الرجل هذا الموقف ضربا من الخيانة وخاصة والرجل كان قاب قوسين أو أدنى من فقد منصبه

دا الكلام

زول سكت

تحياتى

لا ما مبسطوين يا أخى
كنا حنكون مبسوطين لو راعت حكومة السودان حسن الجوار وما تعرضت سمعة السودان لمثل هذه المهازل.

هشام المجمر
دبايوا
التحية للقائد دبى واعتقد بان دبى رفع من شان الدلوكة عمر

Quote: ولماذا بعيدا عنه.. ؟! البشير سوداني.. وديبي أجنبي ومع ذلك لم يأت هذا الأجنبي بدليل عى صحة اتهاماته هذه

البشير مسلم ودبى مسلم!!
ما قلتوا خلافة إسلامية!!
جنى

جني

Quote: البشير مسلم ودبى مسلم!!

أيواااا
دي كانت فايتة علي
ما دام كِدا.. وعشان كِدا

Quote: التحية للقائد دبي

هاكم الهدية دي:
يشرعنون الاستقواء بالأجنبي .. من هم الليبراليون الجدد؟

Quote: قبل ان يصف نظيره السوداني ب"الخائن" و"الحمار" بالعربية.

الى متى يستخدم ساستنا و ساسة الدول المتخلفة الالفاظ الغير لائقة بهم في التجمعات و المؤتمارت و اجهزة الاعلام ...
و التي سرعانما يتنازلون عنها و يبدلونها بكلمات منمقة على حسب المصلحة...
أين السياسة ...

لو كل رئيس شايل من التاني و قام شتمو ووصفو بأي حيوان ...

الحيوانات كان هتشكي البشر على الله ... و تعمل جمعية و تعتصم ...

فمافي داعي ... للنزول لهذا المستوى ...

و دمتم

العزيز هشام المجمر

تحيه طيبه وطولت الغيبه.

اخي

هل لم تنتبه لهذيان ود عقيد هذا؟؟؟؟

Quote: بعدين المواثق الدولية دي كانت وين لمن ديبي ارسل ضباطو وجنودو عشان يحرقو الطائرات السودانية في مطار الفاشر؟؟ وليش ما قام البشير قال ديبي الحمار ود الكلب فعل وترك؟؟ عشان متمسك بالمواثيق الدولية.. مش كدي..!! ولمن اريتريا احتلت همشكوريب ومناطق تانية في شرق السودان ولمن مصر احتلت حلايب ولمن كينيا احتلت مثلث اليمي..

كيف يريد ود عقيد ان يصور تقدمات الجيوش المعارضه للبشير احتلالا او اعتدائا؟؟؟؟؟

متى احتلت ارتريا همشكوريب؟؟؟؟؟؟

ومن قال ان دبي ارسل جنوده لمطار الفاشر؟؟؟؟؟

ومتى احتلت كينيا مثلث اليمي؟؟؟؟؟؟؟

الاحتلال الوحيد يا ود عقيد هو احتلال مصر لحلايب وده بالذات انت عارف انه حكومة

الخرطوم عامله فيها( دي بي طينه ودي بي عجينه).

اما السيطره على مطار الفاشر فقد تم بأيدي سودنيه وبكره حيدرسوا عنهم

اطفالك كابطال سودانيين في تاريخ السودان الجديد المكتوب بايدي وطنيه بأذن الله.

دخول الحركه الشعبيه وسيطرتها على هموشكوريب ليس احتلال بل مقاومه وطنيه,

وبرضه حيدرس صغارنا ذلك قريبا ضمن بطولات الشعب ورغبته في التصدي للظلم.

ود عقيد

الحقيقه التي واصلت لي عنقها انكسرت في يدك..اخيرا.

تراجي.

Quote: حيدرسوا عنهم اطفالك كابطال سودانيين في تاريخ السودان الجديد المكتوب بايدي وطنيه بأذن الله.

خالتي تراجي
كيف حالك...!

الحمد لله أولادي درسوا تاريخ السودان القديم ،،، والله ما يحضرنا السودان الجديد ،، الذي سيكون من أهم أبواب سفر تاريخه "النضال عبر المحيط"، "كلتوم الخربت الخرطوم"، "غزوة أمدرمان بجيش الضبان".


بالمناسبة أولادك قاعدين يدرسوا تاريخ كندا ولا تاريخ الأسرة الهاشمية الأقل شرفاً من السلطية.


الشايقي
_________________
فاوضني بلا زعــــل

Quote: الكلام دا كان كتبتو فوق زولا ساعلك مافي.. بس هسي خلاص فقد قيمتو لأنو يا هشام انت جبت كلام ديبي على إنو كلام صحيح.. وجاتك مهيرة أيدتك وجاك جني شرحو وما قلت ليهم يا ناس الكلام دا أعوج.. هسي يا دوب يا هشام بقيتو ضد الظالم ونحو ذلك وهلمجرا..؟!؟!؟

يا ود عقيد

مش قلت ليك روق شوية

من وين جبت كلام أنو أنا قلت كلام إدريس دبى صحيح؟

أنا نقلت ما جاء بصحيفة المشاهير وبالضبانة و العنوان هو نفس العنوان هل معنى أن تورد الخبر انك موافق على محتوياتو؟

وكونى اضحك من تعليق مهيرة وجنى دى حاجة بتخصنى لكن هل قلت أنا فى أى مكان فى هذا البوست أنى موافق على كلام إدريس دبى؟

أكرر تانى سبب ايرادى للخبر

Quote: بعدين نحن لم نورد هذا الحديث شماتة فى رئاستنا بل لنبين قصر النظر فى تنفيذ مثل هذه السياسات الخرقاء والافضل من التدخل فى شئون الغير حفظ حسن الجوار والتمسك بهذا المبدأ مع اتباع ما يتماشى مع المواثيق والعهود الدولية فى حالة اعتداء الآخر ولا حتبقى الدنيا فوضى زى ما حاصل فى أفريقيا حسع

سوباجو

شكرا على المداخلة

تراجى

تحياتى

وشكرا على المداخلة القيمة

البشير و دبي

ما هو الفرق بينهما

الاول سوداني أتى للسلطة بانقلاب

وشرَد من شرَد

وقتل كل من قال لا للظلم والارهاب والفساد ومصادرة الرآي

يحاول الأن إضفاء شرعية على نظامه المارق على كل الأعراف والمواثيق الدولية

والثاني دكتاتور تشادي ساعده نظام البشير في إستلام السلطة في بلد لم يعادي السودان قبل مجيئ

نظام البشير للسلطة، فوجيعة اهل تشاد لاتقل عن وجيعنا بشيئ

وإختلاف الحمارين ربما تكون نعمة لاتخلو من نغمة

حمى الله لاجئينا في مخيماتهم بتشاد فهم ضيوف وللاسف عند نفر لئيم وغير مضياف

الاخ المهندس هشام المجمر
اهلا بعد طولة غياب
لماذا لم تشر يا اخي هشام ان الرئيس دبي يستضيف 200 ألف لاجئ سوداني في اراضيه ؟؟
ايهما أنفع للسودانيين الرئيس دبي الذي يستضيفهم في أراضيه أم البشير الذي يسلط عليهم مليشياته وطائراته من أجل اقصائهم عن أرضهم ؟؟
وأتركونا من مسألة الاساءة الي عمر البشير ، فقد ضاع شعب كامل بسبب سياساته العنصرية .
والاخ/عبد الله العقيد ليس من أهل دارفور حتي يعرف كيف تجري الامور هناك .. فالذي يده في النار يختلف عن الذي يده في المية كما يقول المصريين ، ان تشريد أكثر من 3.50 مليون مواطن من ديارهم جريمة أكبر من الاساءة الي عمر البشير ، وان قتل 500 ألف مواطن بدم بارد جريمة تقشعر لها الابدان أكثر من الاساءة الي دكتاتور عاش علي دماء شعبه .وما يهم عبد الله العقيد هو سمعة عمر البشير وكرامته
ثم من الذي أتي بادريس دبي ؟؟
فقد أوصل الرئيس البشير ادريس دبي الي الحكم .. وعندما وصل دبي الي الحكم وصف حليفه بالحمار !!
فما دخلنا نحن في ذلك ؟؟

Quote: السودان بلد كبير في كل شيء كبير في مساحته وفي موارده وفي إنسانه

ضف اليها اخي ود عقيد وفي قيادته كمان . رضي ديبي ام شرب من البحر ..
بالله عليكم من الخائن ومن الحمار ؟؟
الخائن والحمار هو الذي ارسل وزير بتروله لدولة اخري لتزوير عملة دوله اخري ونام والعياذ بالله على كومة الفلوس المزورة ( باللباس فقط ) اي رئيس تتحدثون عنه ....



ود الباوقة

Quote: ضف اليها اخي ود عقيد وفي قيادته كمان .

بدليل انو قيادته بتحلف بالطلاق. وعلي الملأ

Quote: الخائن والحمار هو الذي ارسل وزير بتروله لدولة اخري لتزوير عملة دوله اخري ونام والعياذ بالله على كومة الفلوس المزورة ( باللباس فقط ) اي رئيس تتحدثون عنه ....

ياربي عوض الجاز دا .. عمر بن عبدالعزيز
وعجبي

ولكن لا تطبلوا لأجنبي وترددوا مقولاته
فسبابه للبشير سباب للسودان والسودانيين
أي لكم أنتم
فإن كان هو خائن فأنتم خونة في نظر ديبي
ولا فرق عنده بين احمد وحاج احمد

Dear Wad Ageed

Please if you and al-Bashir feel insulted by Debby, I do not. I never elected Bashir and his theocratic Islamic government to be my president and/or representative of the Sudan. Bashir came into power on the back of a tank and continues to rule by the sword. There is no difference between him and Debby, both of them are burglars

before five years and in public speech addressed by Omer el Bashir in port Sudan he accused the northern oposition leaders by adultry and her requested them to ( wash themselves by the sea water in order to join El Inghaz Regime), he considered them as sinners who were seeking repention in taking showers by see water[left/]

ادريس علم الهدى
ود الباوقة
سارا عيسى
دينق

شكرا على أيراد آراءكم حول هذا الموضوع الخطير فى نظرى بسبب ما أوردته من أسباب حول كيفية التعامل مع دول الجوار.

مما يضيف خطورة لما يفعل السودان بدول الجوار هو موضوع وجود قبائل التخوم او القبائل التى تعيش على جانبى الحدود فى معظم دول الجوار. بالنسبة لغرب السودان تزداد هذه المسألة تعقيدا نسبة للنفوذ القوى لقبائل التخوم فى هذه المنطقة. بمعنى أن تنصر قيبلة على قبائل أخرى وتمنحها السلاح والدعم حتى يصل زعيمها او من تختاره القبيلة و يوافق عليه الداعم ويصبح رئيسا لدولة لا يضمن لك أستقرار تلك الدولة وحيادها لأن القبيلة الثانيةاو القبائل الاخرى لن تسكت على تسلط القبيلة الحاكمة وتدور رحى التمرد والقتال من جديد بما يؤثر على الوضع القبلى داخل بلاد الداعم وخاصة وأن ديار الداعم نفسها ليست مستقرة فتتعدد التحالفات وتتعدد حتى يصير حليف الامس عدو اليوم وهكذا دواليك

الاخ هشام المجمر

ممارسات التدخل في شئون الاخرين سائدة في اجزاء كثيرة من القارة الافريقية و طبعا هذا من علامات التخلف وسؤ الادارة.

انظر

يوعندا تدخلت في رواندا و تسببت بشكل غير مباشر في مذبحة التوتسي المشهورة. و عادت مرة اخري و تدخلت في الكنفو بدعم كابيلا الاب. و بعد ان اختلفت مع الاخير تدخلت في الكنغو مرة اخري بغرض الاطاحة بكابيلا الاب, لم توفق لكنها تسببت في موت حوالي 2 مليون كنغولي.

مصر تدخلت في الشأن السوداني و كانت النتيجة الانقاذ التي تعيث فسادا الي يومنا هذا.

ليبيا تدخلت من قبل في تشاد نفسها و تدخلت في افريقيا الوسطي و تدخلت حتي في ايرلندا الشمالية.

تشاد نفسها تحت حكم ادريس دبي تدخلت في افريقيا الوسطي و نجحت في فرض الرئيس الحالي.

السودان في ظل حكم البشير تدخل في اثيوبيا و ارتريا و ساعد في وصول كل من ملس زناوي و اسياس افورقي.

ارتريا تتدخل و مازلت بشكل سافر في الشئون الداخلية السودانية.

تحضرني قولة الرئيس اسماعيل الازهري - نحن نستعمل سلاح حسن الجوار في حماية حدودنا.

ذهب القادة العقلاء و ابتلينا بهذه النوعية من القيادات. المرض متفشي و معانات الشعوب و احدة.

شكرا.

Quote: شن الرئيس التشادي إدريس ديبي هجوما لاذعا على الرئيس السوداني عمر حسن البشير واتهمه بارتكاب إبادة في دارفور ووصفه بالخائن الذي أرسل مرتزقة لاحتلال تشاد.

المصدر http://www.aljazeera.net/NR/exeres/B3237E5A-C41B-4A1E-AB6A-3F9CAF4B8D1C.htm

أخى هشام المجمر

مصدرك صحيفة المشاهير عدد 16/4/2006 والتى أوردت على لسان الرئيس ادريس دبى قوله للبشير ووصفه بانه "حمار" اضافة الى "الخائن" ...

أن يصفه بالخائن فهذه مبررة باعتباره خان ما بينهما من اشياء قد لا نعرفها ..

ولكن أن يصفه بالحمار فهذه فى حق الرئيس دبى ليست طيبة ولا تليق برئيس دولة ولا أظن أن هنالك سابقة لرئيس ...

ارجو أن لا يكون ذلك صحيحا وان تكون الصحيفة اختلقت هذه الاساءة من عندها ..

عمر54

شكرا على المداخلة الثرة

قرشو

تحياتى

نعم إطلاق مثل هذه النعوت لا تليق برئيس دولة لكن السودانيين عندهم مثل بيقول" الببارى الجداد بيديهو الكوشة"

الأخ / هشام المجمر ، تحياتى

أخى هؤلاء هم حكام العالم الثالث ، هذا ديدنهم ، عاطلين عن أقل مقومات ،
ولكن ان يشتم إدريس دبى البشير بهكذا الفاظ فهى غير لائقه وأعتقد أنها سبق فى
السباب بالألفاظ ، إن كان صحيحا فينسب الفضل فيه للرئيس دبى...

إتقى شر من أحسنت إليه .... إسياس أفورقى . صناعه إنقاذيه ، وأيضا إدريس
دبى من نفس الصناعه ، ولكن إنقلب الطالب على المعلم ،،، هذه هى حال الدنيا ، وأتفق
مع كثير من الأخوان فى مداخلاتهم ، فى أن الأنقاذ هى السبب الحقيقى فى كثير من المشاكل
مع جيراننا الثمانيه أن وجدت ، ولكن أسلوب الرئيس دبى إسلوب شاذ ، ولا نقبله فى رئيس
البلد ، مهما إختلفنا معه ، فهو رئيس جمهورية السودان ، ولا أظنه وصل لدرجة الحمار.

الأخ/ هشام المجمر..
لك مني أنبل التحايا..
من ضمن ما سقته ورد في الفقرة رقم خمسة:

Quote: 5- المساهمة فى وصول كابيلا إلى الحكم فى أفريقيا الوسطى

موش كان أحسن لو بقت الكنغو..

وبالمرة معاك عشان ما يزعلو منك دعاة الأفريكانية..
وناس الساحل والصحراء..
ولا حتى ناس شرق أفريقيا..
والإيقاد..
ويقومو يطالبو بتدخل أممي لابس خوذات زرقاء في بلدنا السودان..
نتيجة لهذا الخطأ الغير مقصود والمنسوب..

ويخلي ديبي يفتقد لكياسة الدبلوماسية وبالتالي مصداقية الخبر ساكت..
ويهبر هبرة هبري الشرد..
وابن عمر المرق..

والمسألة كلها دايرنها تقوم أحلام تمبل الباي من جنجويد قبرو..


وبس..

الاستاذ : هشام المجمر.
المحترم.

بوستك ملعلع.
صحيح الرجل شتم زميله بأنه حمار , والحاجات دى بين الزملاء تجى فى حالين.

1 ) الهزار البايخ بين الزملاء.

2) الزعل لما الواحد يكتر الفاولات فى الدافورى .
فالظاهر زميله المرة دى كتر الفاولات بشكل مقصود مما جعل الرجل لا يتحمل الخشونة الظاهرة البياخة.

بعدين ما غريبة على البشير يسمع الكلام زى دا ويأكله على اللباد, لانه هو ذاتو استاذ فى الردح
والاساءات للغير.

ويكفيه خزيا وعارا أنه الرئيس الذى شرد ثلاث ملايين ونصف وقتل ما لا يقل عن نصف مليون من سكان بلاده.
فى دارفور وتكلم عن جنوب السودان وجبال النوبة والانقسا ولا حرج.

هذا البشير لا يمثلنا ولا يشرفنا ولا نتمنى ان يمكث يوما واحدا فى سدة الحكم لانه غير رشيد.


أما زميله إدريس ديبى فهوالرجل الذى صادقه البشير مدة خمسة عشر عاما وقطعوا علاقتهما فقط منذ خمسة أيام فلم الانفعال .

فقط انظروا على الاثار السالبة لحكمهما على الشعوب المغلوبة على امرها وليس التصفيق والتهليل للرئيس.

بعدين يا جماعة إذا كنتم تعتقدوا انه جاء بإرادة سودانية فليس هو أجير سودانى حتى تستنزفوه إلى أخر كرامة ؟؟!!.

هو الحقركم او الحقر بيكم ديبى بس!!.

ما فى زول تانى كلو كلو!!.

شكرا .
باشمهندس على هذا البوست.

حسن بشير

تحياتى وشكرا على المداخلة

عبد الرازق الطالب
تحياتى

البلد دى كل يوم عندها إسم. بالمناسبة الكنغو ده اسم الاستعمار

ابوالقاسم

شكرا على المداخلة و التذكير بى حالة دبى مع البشير