Post: #1
Title: الداير شكل يدخل هنا
Author: هشام المجمر
Date: 02-19-2007, 02:01 PM
Parent: #0
قررت ان أفتح هذا البوست و تخصيصه فقط للشكل والمعارك الشخصية
السبب الأول ( نبيل جدا ور ئيسى): حتى أسجل أعلى نسبة مطالعة فى البورد
السبب الثانى ( تافه وهامشى) : حتى يتفرغ الناس للبوستات الجيدة التى تضيع هدرا بسبب غبار هذه المعارك
السبب الثالث ( اتفه من الثانى) : حتى لا يسعد الذين يريدون أن يذهب البورد كنافذة حرة للسودانيين فى ستين دهية
مع إحترامى للشكل و المتشاكلين ومنهم أحبة و أصدقاء عزاز
|
Post: #2
Title: Re: الداير شكل يدخل هنا
Author: حيدر حسن ميرغني
Date: 02-19-2007, 02:08 PM
Parent: #1
يازول أفرز
بتاعين الشكل خشم بيوت
شلل وفرادى
هشام جيت اسلمَ عليك بس
|
Post: #3
Title: Re: الداير شكل يدخل هنا
Author: هشام المجمر
Date: 02-19-2007, 02:11 PM
Parent: #1
يا حيدر ميرغنى
تحياتى
والله معك حق
ده فى الوقت الحالى مفتوح للفرادى لكن لا بأس من مناصرين
ومن الجنسين
|
Post: #4
Title: Re: الداير شكل يدخل هنا
Author: فيصل نوبي
Date: 02-19-2007, 02:18 PM
Parent: #3
هشام
انت وين أصلا ..
برضو جيت أسلم عليكـ 
|
Post: #6
Title: Re: الداير شكل يدخل هنا
Author: Muna Khugali
Date: 02-19-2007, 02:21 PM
Parent: #3
ممكن اتفرج علشان ازيد عـدد القراء بس?
لأن البوست ده مابيجيهو شكالين الصح..
وبالتالي شكلك ضاع وهو في مرحلة الرغبة في التكون..
ولا يهمك ياهشام انت علشان شايفه شكل لا يحتاج لمنطق فاكره ساهل
لكن وحياتك لا..ده عمل قائم علي التخصص!
|
Post: #5
Title: Re: الداير شكل يدخل هنا
Author: إيمان صالح
Date: 02-19-2007, 02:20 PM
Parent: #1
اي عليك النبي
انا اصلي عندي كم زول وزولة دايرة اكسر وشهم
ريحتني راحة لكن
ايمان
|
Post: #9
Title: Re: الداير شكل يدخل هنا
Author: عبدالكريم الامين احمد
Date: 02-19-2007, 02:28 PM
Parent: #5
هشام تحياتي
ياخي انا عندي زول كايسوا علي جنبة كده ممكن لي زي ستة شهور..وكل مرة كابي الزوقة
لو قدرت تجيبوا بجاي تكون قدمت لي خدمة لا تنسي واكون شاكر....
|
Post: #18
Title: Re: الداير شكل يدخل هنا
Author: فيصل نوبي
Date: 02-19-2007, 02:46 PM
Parent: #9
يعني هو ما موجود هنا ..
طيب بتدفر مالكـــ ..
|
Post: #36
Title: Re: الداير شكل يدخل هنا
Author: محمد عثمان محمد طه
Date: 02-20-2007, 06:49 AM
Parent: #5
Quote: اي عليك النبي
انا اصلي عندي كم زول وزولة دايرة اكسر وشهم
ريحتني راحة لكن |
أنا واحد منهم ؟؟
بتدفعي ليهو كم ؟
|
Post: #7
Title: Re: الداير شكل يدخل هنا
Author: هشام المجمر
Date: 02-19-2007, 02:23 PM
Parent: #1
فيصل نوبى
سلام يا جارنا فى البلد
موجود
النعلو ما عندك مشكلة
جاهزين
المساحات موجودة
والباند ودث الجديد لو ما شالك نشيلك فوق روسينا
|
Post: #12
Title: Re: الداير شكل يدخل هنا
Author: هاشم أحمد خلف الله
Date: 02-19-2007, 02:34 PM
Parent: #7
اخي هشام والله عندي احساس كده انك ماري بحالة زهج شديد جدا
وممكن الفلس كمان يلعب دور والفكرة في مجملها ( مجنوننننننة )0
علي فكرة سبق ان تداخلت معك في موضوع ( سحر يا نسمة ) 0
وسؤالي كان هل المربي الفاضل استاذ مصطفي المجمر ابوك او عمك
او احد اقاربك ؟؟ لاني احب هذا المربي الفاضل وسبق ان كان مدير
لمدرسة الديوم ووقتها كنا نحن في مدرسة حلويات سعد والظروف جمعت
بين مدرسة الديوم وحلوبات سعد في مدرسة الخرطوم جنوب ( 2 ) بالظهر
لانو الوقت داك مدارسنا ما تمت 0 لك كل الحب والتقدير 0
|
Post: #35
Title: Re: الداير شكل يدخل هنا
Author: doma
Date: 02-20-2007, 06:42 AM
Parent: #7
سلام يا هشام
بس انا ما بشاكل ناس بحري
لانها مدينتي الحبيبه
|
Post: #8
Title: Re: الداير شكل يدخل هنا
Author: هشام المجمر
Date: 02-19-2007, 02:28 PM
Parent: #1
Quote: ولا يهمك ياهشام انت علشان شايفه شكل لا يحتاج لمنطق فاكره ساهل
لكن وحياتك لا..ده عمل قائم علي التخصص! |
منى خوجلى
سلام
أها فى دى نعمل شنو؟
أنا فكرت أطرح عطاء للمتخصصين وأديهو صاحب أعلى عرض
فكرة مش!!!
|
Post: #10
Title: Re: الداير شكل يدخل هنا
Author: أبو الحسين
Date: 02-19-2007, 02:30 PM
Parent: #1
| Quote: الداير شكل يدخل هنا |
أنا جايي حجَّاز بَثْ!!!
|
Post: #11
Title: Re: الداير شكل يدخل هنا
Author: هشام المجمر
Date: 02-19-2007, 02:31 PM
Parent: #1
إيمان
سلام
Quote: اي عليك النبي
انا اصلي عندي كم زول وزولة دايرة اكسر وشهم
ريحتني راحة لكن |
أها أتفضلى وأنا كمان من عندى بديك الناس البيحرور الشكلة
|
Post: #13
Title: Re: الداير شكل يدخل هنا
Author: هشام المجمر
Date: 02-19-2007, 02:36 PM
Parent: #1
عبد الكريم محمد
سلام
| Quote: ياخي انا عندي زول كايسوا علي جنبة كده ممكن لي زي ستة شهور..وكل مرة كابي الزوقة لو قدرت تجيبوا بجاي تكون قدمت لي خدمة لا تنسي واكون شاكر.... |
قول لى الإسم الحركى بس و انا عندى متعهدبن وفى البورد ده حرم يجيبو ليك من آخر الدنيا.
ولو داير معذب جاهز ممكن بس كلو بى تمنو
ابو الحسن
سلام
هنا ما فيش حجاز
هنا دق العيش و دواس للآخر
أها كلمتك ماتجى بعدين تقول لى حلنى
|
Post: #17
Title: Re: الداير شكل يدخل هنا
Author: عبدالكريم الامين احمد
Date: 02-19-2007, 02:45 PM
Parent: #13
Quote: قول لى الإسم الحركى بس و انا عندى متعهدبن وفى البورد ده حرم يجيبو ليك من آخر الدنيا.
ولو داير معذب جاهز ممكن بس كلو بى تمنو |
ندفع وبالدولار كمان يا باشا
اسمو الحركي (ملس زيناوي)
|
Post: #14
Title: Re: الداير شكل يدخل هنا
Author: نادر محمد الراضي
Date: 02-19-2007, 02:40 PM
Parent: #1
داخل البوست دا ... عشان سببين ...
الأول عشان أسلم على الشخصية الجميلة اللي إسمها المجمر
التاني عشان أكون الحجاز ... ومساك المديدة الحارة ...
|
Post: #15
Title: Re: الداير شكل يدخل هنا
Author: هشام المجمر
Date: 02-19-2007, 02:40 PM
Parent: #1
الأخ هاشم خلف الله
سلام
عليك الله انت ذاتك ما زهجان من شكل البورد ده
اما الفلس فحالة عامة
المعلمو المربى مصطفى المجمر هو عمى لزم و هو أصغر أعمامى لذلك فهو قريب جدا من قلبى. له التحية بمناسبة فتح السيرة.
|
Post: #16
Title: Re: الداير شكل يدخل هنا
Author: هشام المجمر
Date: 02-19-2007, 02:42 PM
Parent: #1
شكرا يا نادر
لكن حجاز مافى
مساك مديدة حارة ممكن
خلاص عيناك
|
Post: #19
Title: Re: الداير شكل يدخل هنا
Author: عبدالكريم الامين احمد
Date: 02-19-2007, 03:00 PM
Parent: #16
Quote: يعني هو ما موجود هنا ..
طيب بتدفر مالكـــ |
نوبي سلام
الغريبة انك مطلع علي الخطط وبعد ده بتكابس مالك ارجي الراجيك حسب الخطة الشكلية الثلاثية
1- ملس زيناوي
2- زول رايحة ليهو مساحة قطر
3- واحد مشكلتوا اني ممسكوك منو ..وحجازو كلامو ما بنزل (وطة) وعلي اي حال له علاقة وثيقة
بالقونقليز ..
ويا هاشم ممكن تساعدني في برمجة الشكلات الثلاثية الابادة دي
|
Post: #20
Title: Re: الداير شكل يدخل هنا
Author: Moawia Mohammed
Date: 02-19-2007, 03:05 PM
Parent: #1
زمان يا هشام لو بتتذكر
الواحد لمن يكون عندو شكله مع زول يقوم يقول ليهو كان راجل طالعني الخور
|
Post: #21
Title: Re: الداير شكل يدخل هنا
Author: nazar hussien
Date: 02-19-2007, 03:22 PM
Parent: #20
شكلا ما فيه عكاكيز ما فيه فائدة؟
البارح القريبة دي قدامي اتنين سائقين واحد خرم للتاني لما ضايقو في
التلوتوار...وسب ليه...صاحبكم السبو ليه ...نزل من عربيتو ومشي علي
الزول التاني وجاء راجع فتح العربية...وكأنه يبحث عن طبنجة من الحرقة
شوف عيني ومعاي جماعة شال ليه سفنجة ومشي لي صاحبو رافع السفنجة في
الهوا والناس يحجزو فيه...شويتين كدا الناس اتباوسو وضحكوا ومشوا
دحين انت قول الداير شكل يطالعني...وحدد اي خلا في راسك..
باقي لي الغربة بتأثر في الشكل زاتو...
قريب دا ما شفت زول مفلوق تب
|
Post: #22
Title: Re: الداير شكل يدخل هنا
Author: Tragie Mustafa
Date: 02-19-2007, 03:35 PM
Parent: #21
هشام
ربما نسيت باننا نمثل هنا قطر فيه حاليا (اكبر شكله في التاريخ)
فطبعا لن نتبادل الورد هنا.
وعلى فكره اهلنا في الجنوب الاعزاء بيسمون (الحرب) (شكله)
يبقى فعلا نحن منتمين لبلد فيه اكبر شكله
وود المجمر عايزنا ربما نحتفل بالفالنتين
ولايهمك يا هشام لك على اكتب بوست اسمه
فالنتين الثوار
وعشان تعرفنا جادين
قبل يومين كنت برد عليك هنا:
http://forum.nachetoun.com/vb/showthread.php?t=49
التحيه للمناضله آمنه مختار التي نقلت ردك لمنابر آخرى.
وردينا عليك هناك كمان عشان نسخن سوقك تمام.
التوقيع:
تراجي مصطفى .
أكبر مستهدفه من قبل الجهوين و الظلامين وكمان الماعندهم شغله بهذا البورد
وبوردات مجاوره.
|
Post: #23
Title: Re: الداير شكل يدخل هنا
Author: عبدالكريم الامين احمد
Date: 02-19-2007, 03:41 PM
Parent: #22
| Quote: شكلا ما فيه عكاكيز ما فيه فائدة؟ |
والله يانزار ما قلت الا الحق
الشكل عكاكيز وشرط يكون في زقاق ضيق وياريت لو الواحد يكون ماسك في يدو(مرق)...
|
Post: #24
Title: Re: الداير شكل يدخل هنا
Author: أبو الحسين
Date: 02-19-2007, 03:41 PM
Parent: #1
Quote: التوقيع:
تراجي مصطفى .
أكبر مستهدفه من قبل الجهوين و الظلامين وكمان الماعندهم شغله بهذا البورد
وبوردات مجاوره. |
الله يجازي محنك يا تراجي...
ضحكتني شديد خلااااااااس كلمة بوردات مجاورة دي!!!
نانْ السبب شنو؟؟؟
|
Post: #25
Title: Re: الداير شكل يدخل هنا
Author: هشام المجمر
Date: 02-19-2007, 06:10 PM
Parent: #1
عبد الكريم
سلام
أها ملس زيناوى ده ما بقدر عليهو لأنو النبى (ص) وصانا على الحبش خيرا ونحن المسلمين وخاصة السودانيين ما بنقدر نجازيهم على خدماتهم الجليلة لنا عشان كده طلعوا برة اللستة وكدى شوف لى الباقيين
|
Post: #26
Title: Re: الداير شكل يدخل هنا
Author: هشام المجمر
Date: 02-19-2007, 06:16 PM
Parent: #1
Quote: زمان يا هشام لو بتتذكر
الواحد لمن يكون عندو شكله مع زول يقوم يقول ليهو كان راجل طالعني الخور |
يا معاوية
سلام
حسع الشكل بقى أسفيرى ساى
وخور الأسفير ما زى خور زمان
بس المشكلة انو هنا الحضور اكبر و الكلام البتقولو ما بتسمح
والناس السودانيين الطيبين ما بنسوا ليك أبدا
تجى تقول حاجة يقول ليك انت مش الزمان قلت كدة وكدة وفى ناس يجرو القوقل ويمرقوها ويختوها ليك فى وشك.
|
Post: #27
Title: Re: الداير شكل يدخل هنا
Author: هشام المجمر
Date: 02-19-2007, 06:24 PM
Parent: #1
نزار
تحياتى
شكل السفنجات ده حلو حلاة
ما فيهو اى خسائر
ما زى شكل الأسافير
تراجى
تحياتى
الفالنتاين بقى ما حقنا يا تراجى
راحت علينا
اول مرة اشوف الرد بتاعك على موضوعى بخصوص الجمعية
حا ارد عليهو وكت تانى و فى مكان غير مكان الشكل ده
شكرا على المشاركة
|
Post: #28
Title: Re: الداير شكل يدخل هنا
Author: Tragie Mustafa
Date: 02-19-2007, 06:30 PM
Parent: #27
العزيز ابو الحسين
والله بحبك في الله يا رجل
Quote: الله يجازي محنك يا تراجي...
ضحكتني شديد خلااااااااس كلمة بوردات مجاورة دي!!!
نانْ السبب شنو؟؟؟ |
واشهد انه قلبك ابيض زي اللبن
تبقى اتحادي تبقى بطيخ برضوه بحبك
يا الشايقي الختمي الذي احببت.
تراجي.
|
Post: #29
Title: Re: الداير شكل يدخل هنا
Author: محمد البشرى الخضر
Date: 02-19-2007, 10:04 PM
Parent: #28
الأخ هشام
السلام عليكم
معقول بس.....بوست للشكل عديل
و سيده منو؟
ود المجمر بتاع اللؤم
اللأدانا إنذار و حمانا ناخد راحتنا
لا لا لا لا لا لا....دي ما بتتفات
أنا جايب شنطة الحديد بتاعة عمر الفاروق الفيها الطحنية
و البرش و العراقي و السفنجات ألات دكين
و شايل عكاز جني المضبب أب صامولة
وقاعد ليك هنا الليلة, و كايسو معاك عديل
وعلي كيفي أحكي نكتة , أتعنقد أتلاءم
أجيب غنية قصيدة ,أسوي الدايرو
الله يقدرك و تقول لي عندك كرت , عكازي المضبب راسك إلا ياباو
و زول بحجزك مني مافي
و بوستك العاجبك دا أنا بتحكر ليك فيه
يحلك مني الحلا محسن خالد من الحبشي
زح كدا ولا كدا
|
Post: #30
Title: Re: الداير شكل يدخل هنا
Author: هشام المجمر
Date: 02-20-2007, 06:04 AM
Parent: #1
محمد البشرى
تحياتى
والله ذكرتنى بوست اللؤم
أنت عارف بوست اللؤم ده كتبتو لييه؟
بقول ليك
بس ورينا منو العاوز تشاكلو؟
|
Post: #31
Title: Re: الداير شكل يدخل هنا
Author: NEWSUDANI
Date: 02-20-2007, 06:21 AM
Parent: #1
تعرف يا هشام الشهر الفات في جوبا كنا قاعدين وأخونا عبد الباقي محمد مختار فتسآلنا هل هناك أي أخبار جديدة في السودانيز أون لاين ،وكان هناك بعض الأخوان اللواييق مع قليل من" ذات وجد"، فذادت اللياقة ،فأقترح عبد الباقي أن يسمى المنبر بالقعدة فقلت لماذا ، أجاب قائلا بأنو كما تلاحظ قعدات السودانيين تنتهي بشكلة أو شكر طوالي أصلوا ما بيخلوا الموضوع محل النقاش يصل آخره،،
على كل أي زول داير يشاكل جاهزين بأستثناء الكيزان لأنو أهلنا علمونا ما نشاكل النسوان
|
Post: #32
Title: Re: الداير شكل يدخل هنا
Author: عواطف ادريس اسماعيل
Date: 02-20-2007, 06:28 AM
Parent: #31
هشام المجمر
كيفك يا باشمهندس
والله خلعتني جنس خلعة أنا قلت الولد دة طول عمره طيب وعاقل زي بقية أخوانه الحصل ليه شنو ؟ لكن
أقول ليك بصراحة نجحت في استقطاب الناس وفعلا خلي البوست دة للعايزين يتشاكلو وبقية البوستات
للمواضيع الهادفة وتسلم يا الحبيب .
|
Post: #34
Title: Re: الداير شكل يدخل هنا
Author: Dr. Abdalla Siddig
Date: 02-20-2007, 06:33 AM
Parent: #32
العزيز هشام
و الله مشتاقين لهذه الطله
وينك يا أخي و اين المواضيع الهادفه وجميله
مع خالص تقديري
|
Post: #33
Title: Re: الداير شكل يدخل هنا
Author: هشام المجمر
Date: 02-20-2007, 06:32 AM
Parent: #1
نيو سودانى
سلام
| Quote: على كل أي زول داير يشاكل جاهزين بأستثناء الكيزان لأنو أهلنا علمونا ما نشاكل النسوان |
دى حارة و حلوة و حتجيب لينا الجماعة بى جاى
|
Post: #37
Title: Re: الداير شكل يدخل هنا
Author: هشام المجمر
Date: 02-20-2007, 06:50 AM
Parent: #1
الأخت عواطف
صاحبة القلم خفيف الظل
لك التحية
الأخ عبد الله صديق
سلام
| Quote: وينك يا أخي و اين المواضيع الهادفه وجميله |
أمال الخلانى أكتب البوست ده شنو؟
كتبت موضوعين و لقيتهم بسرعة غطسوا سنارة صيد ما تجيبهم.
عاينت لقيت البورد كلو شكل
قلت طيب احسن نعمل بوست واحد للشكل
و الداير يتشاكل يتشاكل و الداير يحامى يحامى و الداير يحمش يحمش و الداير يقعد فى الحيطة ويسمع الزيطة يقعد
انا عارف طالما فى ناس طالما فى شكل
لكن شوية نلتفت لما يفيد
|
Post: #38
Title: Re: الداير شكل يدخل هنا
Author: salma subhi
Date: 02-20-2007, 07:03 AM
Parent: #37
الأخ هشام........تحياتي
والله أنا لا دايرة أشاكل ولا حاجة بس قلت أدخل أشوف الحاصل شنو.
|
Post: #39
Title: Re: الداير شكل يدخل هنا
Author: خالد المحرب
Date: 02-20-2007, 07:04 AM
Parent: #37
الاخ هشام المجمر لك التحيه قبل مانبدا
اولا شكرا على اتاحه هذه الحلبه
انا عندى واحد اسمو عمر الفاروق معانا
هنا فى البورد بفتش عليه داير اكفتو
عارف محلو وين ؟؟؟؟
|
Post: #40
Title: Re: الداير شكل يدخل هنا
Author: هشام المجمر
Date: 02-20-2007, 07:08 AM
Parent: #1
سلمى صبحى
سلام
| Quote: والله أنا لا دايرة أشاكل ولا حاجة بس قلت أدخل أشوف الحاصل شنو. |
خلاص انتى اقعدى فى الحيطة
|
Post: #41
Title: Re: الداير شكل يدخل هنا
Author: salma subhi
Date: 02-20-2007, 07:15 AM
Parent: #40
يا هشام اذيك تاني...........غايتوا لحد هسع ما شاكلت زول في المنبر والله لاجاب شكل .....لكن بوستك ده حيخلي العندة حتة زعل من زول يفشها وكان قراها الطرف التاني حتبدأ صحي صحي المشاكل....ما تدخل واسطة خير
|
Post: #42
Title: Re: الداير شكل يدخل هنا
Author: هشام المجمر
Date: 02-20-2007, 07:45 AM
Parent: #1
خالد المحرب
سلام
Quote: انا عندى واحد اسمو عمر الفاروق معانا
هنا فى البورد بفتش عليه داير اكفتو |
إنت أول واحد يقول الإسم عديل
شيل شيلتك يا عمر الفاروق
|
Post: #43
Title: Re: الداير شكل يدخل هنا
Author: أيمن الطيب
Date: 02-20-2007, 07:45 AM
Parent: #1
الأخ الكريم هشام المجمر, المحترم,
يا رجل عهدناك صاحب رأى و كلمة موزونة و منطق
وفوق ذلك كله صاحب قضية وجمرها يحرق أياديك..
فإذا بك فجأة زول بتاع حرابات..... و مشاكل و تديرها
بحرفنة على ما يبدو,...... عندما قرأت العنوان ورد إلى
خاطرى قصتان الأولى قصة الرمية المشهورة لود الأريل
الجادع وريدو و نايم حينما قال.... ( الداير الشبك يجدع
شبكتو معانا) و قيل فيما قيل أن ناس الخبارات أرسلوا
بمعلومة مهمة إلى خليفة المهدى مفادها أن الأمير أبعنجة
يستف التمباك و يحبه حبا جما!!! فأرسل الخليفة فى طلبه
وأيضا لعبت المخابرات المضادة دورها فى إيصال سر هذا
الطلب لحمدان !!!! يا زول صاحبك إدرع و إتحزم و إتلزم
وكرب حاله وأسرج جواده وقيل أيضا فيما قيل أنه (شنقها)
تحت تحت كده و ما علينا, صاحبك مشى للخليفة زول حرابة
سااااى و حينها إحتار الخليفة فى أمر المحارب و نسى ما
طلبه من أجله و سأل الرجل (يا زول مالك !! فى شنو ؟؟؟
وكانت الإجابة الذكية (قالو الخليفة داير ابعنجة وأبعنجة
زول دواس أبوى الخليفة) و كانت إحدى طرفات ذاك الزمان.
يا صديقى دواسات هذا المكان ينقصها الكثير و ويسىء) الخصوم
إستعمال ميزة الإختباء أو يكثروا من الضرب والجرى ويكفيك مثالا
لذلك أخى الكريم عبد الكريم فقد تعب يبحث عن بعضهم ولكنهم لن يأتوا!!
فعلا يا أخى كثيرون سيسعدوا إذا ما ذهب هذا المكان أو بقى مكانا
للمعارك الوهمية والشكل و الحرابات النيئة و كضب .
دمت يا صديقى و لك مودتى و أحترامى .
|
Post: #44
Title: Re: الداير شكل يدخل هنا
Author: هشام المجمر
Date: 02-20-2007, 08:17 AM
Parent: #1
سلمى صبحى
سلام
يا إبنة الدكتور الأديب الراحل حسن عباس صبحى
تصدقى أنا من زمان بكره الواسطة و الأجاويد
وكمان البوست ده معمول للناس عشان يكملو شكلهم بى هنا
و يخلو لينا باقى البورد نكتب فيهو بمزاج
مافى حجاز
|
Post: #45
Title: Re: الداير شكل يدخل هنا
Author: هشام المجمر
Date: 02-20-2007, 09:11 AM
Parent: #1
ايمن الطيب
تحياتى
Quote: يا رجل عهدناك صاحب رأى و كلمة موزونة و منطق
وفوق ذلك كله صاحب قضية وجمرها يحرق أياديك.. |
كنت..
ما تخاف
وما زلت
لكن يا أخى شايف البيحصل فى البورد
مش احسن نخصص ليهم حتة للشكل؟
|
Post: #46
Title: Re: الداير شكل يدخل هنا
Author: Dina Faisal
Date: 02-20-2007, 09:47 AM
Parent: #45
| Quote: ربما نسيت باننا نمثل هنا قطر فيه حاليا |
وقطر يمثلها هنا بورداب جنهم شكل
دي طبعا مصيدة يا هشام عشان يجوني ناطين هنا, ونملا ليك بوستك بالشكل العزمتنا ليهو دة
|
Post: #47
Title: Re: الداير شكل يدخل هنا
Author: عبدالله شمس الدين مصطفى
Date: 02-20-2007, 10:38 AM
Parent: #46
هشام المجمر .
أنا طالبك شكلة قديمة كده و إنتظرتك فى شارع المزاد زى كم شهر كده و أخيراً واحد فاعل خير قال لى تعيش إنت، الزول ده إغترب...
حسيت بى زعل شديد و قلت فى سرى لكن بصوت عالى...... جبان ، عرفها.
أها يا أخوى إنت إجازتك متين عشان ننسق و أنا ذاتى أنزل إجازة و أول ما أشوفك أفاجئك بــ ( هوك ) مستلف من بتوع ديوم بحرى ديك ، و بعد كده ممكن نمشى السكة حديد نتمها هناك ، بس أوعك تجى مرِّدف ، خلاص إتفقنا ؟؟؟.
و ما تجيب معاك ناس همّام عشان يحامو ليك .
تخريمة مهمة :-
أحسن السكة حديد و لا كوشة الجبل ؟؟
دمت يا عدو يا وفى
|
Post: #48
Title: Re: الداير شكل يدخل هنا
Author: اسعد الريفى
Date: 02-20-2007, 11:09 AM
Parent: #1
تقول شكل للبيع و صارى وشك و برضو مشتاق ليك يا هشام ..
و اخونا الهادى ، كان مشيت وين و وين .. ليك منى الف سلام و شوق
و حليل كوشة الجبل .. بقت كافورى مربع كم كده و سيجا وويتا .. و وحياتك الخرطوم كلها ما فيها سهلة واحدة .. كلها اتوزعت و اتبنت و اتباعت و اشتروها ..
عشان كده .. شاكلنى فى خيالك ..
|
Post: #49
Title: Re: الداير شكل يدخل هنا
Author: عبدالكريم الامين احمد
Date: 02-20-2007, 12:20 PM
Parent: #48
هشام حبابك وحباب الدواس..ولو وزعت مع البوست ده عكاكيز القصة
بتكون مكرمة هشامية لا مثيل لها اطلاقا..
جماعتي انا اصلهم اربعة وكل مرة سنزيح الستار عن واحد .حسب مقتضيات المرحلة..
1- حسين ملاسي
2- زول رايحة ليهو مساحة قطر
3- واحد مشكلتوا اني ممسكوك منو ..وحجازو كلامو ما بنزل (وطة) وعلي اي حال له علاقة وثيقة
بالقونقليز ..
4_ زولة دائما (ماسكة العصاية من النص) ..
|
Post: #50
Title: Re: الداير شكل يدخل هنا
Author: فيصل نوبي
Date: 02-20-2007, 12:35 PM
Parent: #49
| Quote: 4_ زولة دائما (ماسكة العصاية من النص) .. |
عبدالكريم هوووووووووي
دي بضاربكـ فيها رسمي
يعني بالدرب عديل كده
|
Post: #51
Title: Re: الداير شكل يدخل هنا
Author: عبدالكريم الامين احمد
Date: 02-20-2007, 12:48 PM
Parent: #50
Quote: عبدالكريم هوووووووووي
دي بضاربكـ فيها رسمي
يعني بالدرب عديل كده |
نوبي ياخي ما تروق المنقة..
انت يا زول شكلك كده شاكي في انو اسمك في اللستة دي ولا شنو..وملاوز من الطقطقة..
فيانوبي روق..وممكن تكون ما فيها ..ما تتخلع لي كده عليك الله..
بعدين الزولة الماسكة العصاية من النص دي احتمال تكون ما زولتكم دي ياخي..يازول اختاني عليك الله
|
Post: #52
Title: Re: الداير شكل يدخل هنا
Author: فيصل نوبي
Date: 02-20-2007, 12:53 PM
Parent: #51
يا زول نوبي في اللستة ما مشكلة
لكن زولتنا دي أختاها كان من قريب كان من بعيد
عارفها شترا لكن نسوي شنو
ادي الله و ادي حكمته
|
Post: #53
Title: Re: الداير شكل يدخل هنا
Author: عبدالكريم الامين احمد
Date: 02-20-2007, 01:08 PM
Parent: #52
Quote: يا زول نوبي في اللستة ما مشكلة
لكن زولتنا دي أختاها كان من قريب كان من بعيد
عارفها شترا لكن نسوي شنو
ادي الله و ادي حكمته |
انت عارف يانوبي
بوست هشام ده حقق لي فائدة لا مثيل لها في الكمين الرباعي بتاعي
وياريت العقد الفريد المطلوب للعدالة يكتمل من 1 الي 4 في اللستة المرفقة..
...
ويازول انتو لو متاكدين ان الزولة المقصودة (ياها) زولتكم..قولو ليها (ديري بالك) D
|
Post: #54
Title: Re: الداير شكل يدخل هنا
Author: هشام المجمر
Date: 02-20-2007, 01:23 PM
Parent: #1
دينا فيصل
سلام
مرحب بيكم بورداب قطر
المكان فسيح و بيشيلكم كلكم
انا عملت دوارانية اوسع من بتاعت صراع النوبة
وفرشتها رملة حمرة
أها تعالو
عبد الله شمس الدين
سلام
يازول انت مالك معاى
أنا فاتح البوست ده عشان ألم الناس الدايرة تتشاكل
يعنى الوصف الوظيفى: منسق شكلات
مش عشان أتشاكل انا
اها أسعد وراك كمان لافى كوشة جبل لا فى سهلة أى حتة
|
Post: #56
Title: Re: الداير شكل يدخل هنا
Author: Dina Faisal
Date: 02-20-2007, 01:30 PM
Parent: #54
Quote: سلام
مرحب بيكم بورداب قطر |
اسمهم بورداب الدوحة يا هشام ياااخ
دير بالك
|
Post: #55
Title: Re: الداير شكل يدخل هنا
Author: هشام المجمر
Date: 02-20-2007, 01:29 PM
Parent: #1
اسعد الريفى
سلام يا صديقى
Quote: تقول شكل للبيع و صارى وشك و برضو مشتاق ليك يا هشام ..
و اخونا الهادى ، كان مشيت وين و وين .. ليك منى الف سلام و شوق |
والله نحن برضو مشتاقين ليك كثير و حنسعد جدا لو مريت علينا بى جاى
عبد الكريم و فيصل نوبى
البنت الماسكى العصاية من النص دة ذاتها ان عندى معاها تار
بس مامتأكد هل هى نفس البنت الماسكة العصاية من النص بتاعكم ولا لأ.
بس لو مرت عليكم أى واحدة منهم رسلوها لى.
|
Post: #57
Title: Re: الداير شكل يدخل هنا
Author: ماجدة عوض خوجلى
Date: 02-20-2007, 01:34 PM
Parent: #1
اخ هشام سلام
| Quote: مع إحترامى للشكل و المتشاكلين ومنهم أحبة و أصدقاء عزاز |
انا عن نفسى مابحب اشاكل زول لكن لو زول ختى على بدون سبب يانى المابخليه لكن برضو فى الحدود وطالما بقت فى مساحه مخصصة للشكل انا لوسمحت لى بجى بى هناتانى اشاكل وارجع
تحياتى
|
Post: #58
Title: Re: الداير شكل يدخل هنا
Author: Tabaldina
Date: 02-20-2007, 01:37 PM
Parent: #1
..
.
Quote: - ملس زيناوي
2- زول رايحة ليهو مساحة قطر
3- واحد مشكلتوا اني ممسكوك منو ..وحجازو كلامو ما بنزل (وطة) وعلي اي حال له علاقة وثيقة
بالقونقليز ..
ويا هاشم ممكن تساعدني في برمجة الشكلات الثلاثية الابادة دي |
أنا اسمى مكتوب !!؟
غايتو عملتها ظاهرة ..
وتأبط شراً يا كيكى ..
يو مصت منشن زا نيمس دايركت .. واى يو يوسنغ كودس 
ياخى الناس دى والله قلوبها زى اللبن
امشى شيل عكازك دا وادقش شله بشاشا وآخرون ..
________________
بالمناسبة الماسكك منو البلورية دى !!
حاسبك امامك عالم سايبري ..
مع الود لصاحب البوست ومتلقيين الحجج
وناس العبور السريع وشلة الدردشة ..
|
Post: #60
Title: Re: الداير شكل يدخل هنا
Author: عبدالله شمس الدين مصطفى
Date: 02-20-2007, 02:26 PM
Parent: #58
| Quote: اها أسعد وراك كمان لافى كوشة جبل لا فى سهلة أى حتة |
.
ما ده أُسَ المشكلة ذاااتها ، لو كان كوشة الجبل موجودة كنا رسلنا بتاعين "الدواس" هناك .
فاكر حلبة (صراع) أخوانا النوبة فى السكة حديد ؟؟؟
يا حليل بحرى الزمان يا مجمر و يا الريفى .
و كما قالت الست "قول للزمان إرجع يا زمان" و هيهات أن يرجع ، و لا أن نرجع كما كنا زمان.
دمت يا مجمر ، و كل ضيوفك الكرام
|
Post: #59
Title: Re: الداير شكل يدخل هنا
Author: Salah Waspa
Date: 02-20-2007, 02:21 PM
Parent: #1
تتذكر يا هشام زمان كلمات تطالعني الخلا
وكلمة المديدة حرقتني .
ياخ والله حتى الشكل كان ليه طعم زمان وحسع من كتر الزحمة
قالوا مافي خلا زاتو ده لمن شفناها .
تحياتي خلاص صافية لبن خلصت شكلتي
صلاح واسبه
|
Post: #61
Title: Re: الداير شكل يدخل هنا
Author: عصام عبد الحفيظ
Date: 02-20-2007, 02:49 PM
Parent: #59
هشام
ازيك
شايف ناس الشكل كلهم عندك
اقصد ناس الخور وكده
حدى يطالعنى
والشكل بالصور
وهناك مثل
بيقول
الشكل خشم بيوت
|
Post: #62
Title: Re: الداير شكل يدخل هنا
Author: عبدالكريم الامين احمد
Date: 02-20-2007, 04:43 PM
Parent: #61
Quote: أنا اسمى مكتوب !!؟
غايتو عملتها ظاهرة ..
وتأبط شراً يا كيكى ..
يو مصت منشن زا نيمس دايركت .. واى يو يوسنغ كودس
ياخى الناس دى والله قلوبها زى اللبن
امشى شيل عكازك دا وادقش شله بشاشا وآخرون |
عجيب يا تبلدينا..
وشايف مع (القونقليز دي) لبست الجلابية طوالي واصابتك (حمي نوبي)..
يازول قلنا الاسامي ستكشف قريبا..اصبر
فعليك الله (استيي كووول) لحدي ما ننده الاسم الثالث واحتمال تطلع ده ما انت..
ولكن للضمان كده برضو بنقول ليك (دير بالك)
|
Post: #63
Title: Re: الداير شكل يدخل هنا
Author: أبو الحسين
Date: 02-20-2007, 04:53 PM
Parent: #1
كتبت أُستاذة/ تراجي...
Quote: العزيز ابو الحسين
والله بحبك في الله يا رجل
واشهد انه قلبك ابيض زي اللبن
تبقى اتحادي تبقى بطيخ برضوه بحبك
يا الشايقي الختمي الذي احببت.
تراجي. |
وأنا أُبادلك المحبة... مع إحترامي الزائد ليك...
ومعاها كمان قواسيب مودتي...
أها يا المجمر... عندك عنصريييييييييين بدل الشكلة إتصااااااااااالحو وإتحاببو كمان إيه رايك...
بوستك ضَرب بالجنبي كدي!!!
كميات مودتي... وأعلنها من هنا من بوست الأخ المجمر محبة وصفاء للجميع...
أبو الحســـــــــين...
|
Post: #64
Title: Re: الداير شكل يدخل هنا
Author: عبدالكريم الامين احمد
Date: 02-20-2007, 05:42 PM
Parent: #63
[في البداية يا هشام الواحد لازم يقيف شوية ويشيد بيك كمنظم شكلات اسفيرية
لايشق له غبار ..وترتيبات ما قبل الشكلة ماشة عي قدم وساق ....
اما الزولة الماسكة العصاية من النص فيا زول حتجي حجتي بكان الشكلة ده
بس انت كتر (الريفرشات) للبوست ده..
|
Post: #65
Title: Re: الداير شكل يدخل هنا
Author: عمر الفاروق
Date: 02-20-2007, 05:59 PM
Parent: #1
تسجيل حضور ..
|
Post: #66
Title: Re: الداير شكل يدخل هنا
Author: هشام المجمر
Date: 02-21-2007, 08:20 AM
Parent: #1
دينا فيصل
تحياتى
الدوحة هى قطر وقطر هى الدوحة
بس أنتو إخترتو الأسم الأحسن
عشان كده انا جاييكم هناك
|
Post: #67
Title: Re: الداير شكل يدخل هنا
Author: هشام المجمر
Date: 02-21-2007, 08:25 AM
Parent: #1
ماجدة عوض خوجلى
تحياتى
Quote: وطالما بقت فى مساحه مخصصة للشكل انا لوسمحت لى بجى بى هناتانى اشاكل وارجع
تحياتى |
ومرحب بيك عضو متشاكل فى البوست
دمتى
تبلدينا
سلام
إسمك ما مكتوب
مكتوب بس وصفك
|
Post: #68
Title: Re: الداير شكل يدخل هنا
Author: هشام المجمر
Date: 02-21-2007, 08:52 AM
Parent: #1
صلاح وثبة
سلام
| Quote: تحياتي خلاص صافية لبن خلصت شكلتي |
و دى واحدة من مقاصد البوست
عصام عبد الحفيظ
تحياتى و أشواقى
فعلا الشكل خشم بيوت
بس شكلنا بتاع البورد ده مضيعة للوقت و الجهد وفرح للذين فى قلبهم مرض و الطابور الخامس
|
Post: #69
Title: Re: الداير شكل يدخل هنا
Author: هشام المجمر
Date: 02-21-2007, 10:21 AM
Parent: #1
Quote: كميات مودتي... وأعلنها من هنا من بوست الأخ المجمر محبة وصفاء للجميع...
أبو الحســـــــــين... |
شكرا ابو الحسين فقد فهمت جيدا مقصدى من فتح هذا البوست
عبد الكريم
سلام
Quote: اما الزولة الماسكة العصاية من النص فيا زول حتجي حجتي بكان الشكلة ده
بس انت كتر (الريفرشات) للبوست ده.. |
منتظرنها
الريفرشات من هنا لى الدوحة
عمر الفاروق
سلام
حضورك أتسجل
بس شايفك جيت و كبيت الزوغة
فى ناس دايرنك بالإسم
|
Post: #70
Title: Re: الداير شكل يدخل هنا
Author: عمر الفاروق
Date: 02-21-2007, 10:29 AM
Parent: #1
عشان تعرف إني جاي زول مشاكل كيف ولا قريت الكلام المكتوب وتووووووشك جيت خشيت
والله لو ما كلامك القلتو ده ما كنت لاحظت لي عم شنبو البيفتش فيني ..
يا هشام الله يرضى عليك امسكني من الزول ده ..اي نعم انا بتاع مشاكل لكن كمان ماااااااا للدرجة دي..
|
Post: #71
Title: Re: الداير شكل يدخل هنا
Author: هشام المجمر
Date: 02-21-2007, 10:55 AM
Parent: #1
عمر الفاروق
سلام
| Quote: يا هشام الله يرضى عليك امسكني من الزول ده ..اي نعم انا بتاع مشاكل لكن كمان ماااااااا للدرجة دي.. |
ما قلنا مافى حجاز
( بينى بينك كده الزول ده شنباتو قوية جدا و بعدين بيكفت على طول)
|
Post: #72
Title: Re: الداير شكل يدخل هنا
Author: محمد الأمين موسى
Date: 02-27-2007, 09:06 AM
Parent: #71
يا هشام انت ود المجمر الموجود في مدني ودرس في المغرب دا قريبك ولا لا؟
إذا كان ما قريبك.. بتتسلبطوا في أسماء الناس ليه.. عيب كده! 
|
Post: #73
Title: Re: الداير شكل يدخل هنا
Author: هشام المجمر
Date: 02-27-2007, 02:02 PM
Parent: #1
يا محمد الأمين موسى
سلام
هسع كلامك ده كلام زول داير شكل عديل
بس أنا قلت ليكم أم منسق شكلات ساكت وما بشاكل
عموما بابكر الطاهر المجمر المشهور ببوكو هم ابن عمى وكان عمدة فى المغرب
شايف دفيرك ماجاب نتيجة
|
Post: #75
Title: Re: الداير شكل يدخل هنا
Author: محمد الأمين موسى
Date: 02-27-2007, 02:35 PM
Parent: #73
معليش! حشوف لي زول يغششني وحجيك رادي.. الجبن عار!
|
Post: #74
Title: Re: الداير شكل يدخل هنا
Author: مأمون
Date: 02-27-2007, 02:28 PM
Parent: #1
سلام،،،،
حيث كدا، وطالما أن أول الغيث بونية.........
فهذه أول بونية...... بس في الهوا
يعني مهاباة ساااااي...
أضم صوتي لصوتك.. فما أجملناحين تتسع صدورنا فنتحاور ولا نتطاحن من خلف الشاشة.
|
Post: #76
Title: Re: الداير شكل يدخل هنا
Author: هشام المجمر
Date: 02-27-2007, 03:02 PM
Parent: #1
مأمون
سلام
| Quote: أضم صوتي لصوتك.. فما أجملناحين تتسع صدورنا فنتحاور ولا نتطاحن من خلف الشاشة |
.
شكرا
|
Post: #77
Title: Re: الداير شكل يدخل هنا
Author: صديق الموج
Date: 02-28-2007, 04:10 AM
Parent: #1
يا مجمر شكلكم ده كمل والا باقى فيه شىء ..اصلوا عندى باقى شكلة مسيخة
داير اتمها بى جاى ...........الوسطاء يمتنعونأ،،،،،
|
Post: #78
Title: Re: الداير شكل يدخل هنا
Author: elsawi
Date: 02-28-2007, 05:39 AM
Parent: #77
سلام يا هندسة
و الله انت حريف حرفنه
لسه في ثلاثة اعضاء ما دخلوا هنا، عليك الله لما يدخلوا اقفلهم جوه البوست ده بي طوق و ارمي المفتاح في البحر و الله تكون ريحت خلق الله راحة!!، و اوعدك بي جائزة مجزية من بكري .. غايتو انا متخارج ..
|
Post: #79
Title: Re: الداير شكل يدخل هنا
Author: هشام المجمر
Date: 02-28-2007, 05:43 AM
Parent: #1
صديق الموج
سلام
مرحب بيك وبى شكلتك
Quote: يا مجمر شكلكم ده كمل والا باقى فيه شىء ..اصلوا عندى باقى شكلة مسيخة
داير اتمها بى جاى ...........الوسطاء يمتنعونأ،،،،، |
أنا ما وسيط أنا منسق بس ورينا التاريخ متين و المكان جاهز لو داير نجهز العدة برضو ممكن
|
Post: #80
Title: Re: الداير شكل يدخل هنا
Author: هشام المجمر
Date: 02-28-2007, 07:09 AM
Parent: #1
الصاوى
تحياتى
| Quote: لسه في ثلاثة اعضاء ما دخلوا هنا، عليك الله لما يدخلوا اقفلهم جوه البوست ده بي طوق و ارمي المفتاح في البحر و الله تكون ريحت خلق الله راحة!!، و اوعدك بي جائزة مجزية من بكري .. غايتو انا متخارج .. |
قول لى أساميهم وانا أجيبم ليك من إضنيهم
|
|