Post: #1
Title: إعلانات سخيفة
Author: هشام المجمر
Date: 03-13-2007, 08:21 AM
Parent: #0
كإعلان فير أند لفلى الذى يصرون فيه أن البنت ذات البشرة الداكنة تفقد فرصها فى العمل والحياة ولابد لها من تفتيح بشرتها بإستعمال فير أند لفلى و هو إعلان له إيماءات عنصرية
|
Post: #2
Title: Re: إعلانات سخيفة
Author: هشام المجمر
Date: 03-13-2007, 08:24 AM
Parent: #1
إعلانات رد بول والتى تصر أن رد بول يركب لك "جوانح" لتفعل أشياء غريبة مثل الإنتقام من طائر مسكين بالطيران فوقه والبول عليه. سخيف و مقزز
|
Post: #3
Title: Re: إعلانات سخيفة
Author: هشام المجمر
Date: 03-13-2007, 08:28 AM
Parent: #1
فى حياتنا أشياء لا يمكن تغييرها مثل " حليب السعودية"
|
Post: #4
Title: Re: إعلانات سخيفة
Author: قلقو
Date: 03-13-2007, 08:29 AM
Parent: #1
الأخ ودالمجمر
الظاهر عليك ما سمعت اعلانات سوداتل والله كمية بتاعة عبط وهبل تفقع المرارة .
تخبل راجل كبير وعوير يضرب تلفون لى امو ويقول ليها(ياامى لمن اجى لازم تحضروا لى موبايل سودانى ) ويروح فاكى ليه ضحكة لا طعم لها ولا معنى .
بالله عليك الله ياهشام منو المفروض يشترى موبايل للتانى الراجل الأهبل ابوشنبات ولا والدته؟
راجل عوقة.
|
Post: #5
Title: Re: إعلانات سخيفة
Author: هشام المجمر
Date: 03-13-2007, 08:31 AM
Parent: #1
إعلانات شركة موبايلى السعودية تصور الشباب السعودى و كأنه شباب سطحى لاهم له سوى شراء العربات الرياضية الجديدة و الحديث التافه حول أشياء لا رابط بينها
|
Post: #6
Title: Re: إعلانات سخيفة
Author: الطاهر عثمان
Date: 03-13-2007, 08:41 AM
Parent: #5
الاخ هشام لك التحية
طيب اعلانات فياجرا لمه يجي يدق ليهو مسمار في الحيطة بالله مش محرجة بالذات وانته قاعد وسط اسرتك
اما دعايات شركات الاتصالات في السودان فدي قمة في الملل
نوع يكلمني واكلموا وسوداني وخليك سوداني وغيرها
نحتاج لراي متخصص في هذا الموضوع ليثري الحوار
|
Post: #7
Title: Re: إعلانات سخيفة
Author: صديق الموج
Date: 03-13-2007, 08:44 AM
Parent: #1
هشام المجمر...تحياتى
فى اعلان بتاع صابون لوكس بقول
فاتنات العالم والجميلات يستعملن لوكس
نجمات هوليود اخترن لوكس ،حتى انت يمكن ان تستعملينه
يعنى يا قبيحة ياشينة انت خليك زى الحريم واستعملى لوكس مش
مش كده يا مجمر
|
Post: #8
Title: Re: إعلانات سخيفة
Author: هشام المجمر
Date: 03-13-2007, 08:47 AM
Parent: #1
Quote: بالله عليك الله ياهشام منو المفروض يشترى موبايل للتانى الراجل الأهبل ابوشنبات ولا والدته؟
راجل عوقة. |
قلقو
سلام
فعلا إعلان تافه وممل
|
Post: #9
Title: Re: إعلانات سخيفة
Author: هشام المجمر
Date: 03-13-2007, 08:51 AM
Parent: #1
| Quote: طيب اعلانات فياجرا لمه يجي يدق ليهو مسمار في الحيطة بالله مش محرجة بالذات وانته قاعد وسط اسرتك |
الطاهر عثمان
إعلانات الفياجرا دى بتحرج ناس كتيرين 
|
Post: #10
Title: Re: إعلانات سخيفة
Author: هشام المجمر
Date: 03-13-2007, 10:24 AM
Parent: #1
صديق الموج
تحياتى
Quote: يعنى يا قبيحة ياشينة انت خليك زى الحريم واستعملى لوكس مش
مش كده يا مجمر |
كده يا صديق
|
Post: #11
Title: Re: إعلانات سخيفة
Author: lana mahdi
Date: 03-13-2007, 10:38 AM
Parent: #1
لكن يا أحباب إعلانات تلفزيون السودان الحالية بي ثقالتا مش أخف وطئة من الإعلان بتاع صابون كلين الزمان؟(وأنت أيضاً تحتاج إلى كلين)متبوعاً بضحكة عبيطة؟؟
وللا صابون فونا و إعلانه الكرتون المن العصر الحجري؟
ارّسول يا عريس تجيب لي صابون فونا
كملو الشيلة و جيبوها صابون فونا!!
|
Post: #12
Title: Re: إعلانات سخيفة
Author: هشام المجمر
Date: 03-13-2007, 11:06 AM
Parent: #1
الأخت لنا مهدى
سلام
كلامك صاح لكن لوقسناإمكانيات زمان الشحيحة بالإمكانيات المتوفرة الآن بنلقى دعايات حسع أثقل و أغبى
|
Post: #13
Title: Re: إعلانات سخيفة
Author: Rihab Khalifa
Date: 03-13-2007, 11:10 AM
Parent: #1
بوست روعه
ههههههههههههها
المشكله معظم الدعايات دي ما شفتها، الا حق الرد بل، وحلوين يا هشام والله
|
Post: #14
Title: Re: إعلانات سخيفة
Author: هشام المجمر
Date: 03-13-2007, 11:23 AM
Parent: #1
رحاب خليفة
تحياتى و شكرا لك
أعترف بأن هناك عنصر من الفكاهة بها ولكن بعض أيماءاتها غير لطيفة
|
Post: #15
Title: Re: إعلانات سخيفة
Author: عمر الفاروق
Date: 03-13-2007, 11:31 AM
Parent: #1
صديقنا سامي عبد الوهاب ولدو الصغير لذيذ خلاص :
قال ليهو يا أبوي إنت اشتريت لي بويسون لكن انا ما عملت ولا حركة بعد ما شربتو
بويسوووووووووووووون كللللللللللللك حركااااااااااااااااااااااااااااات..
ياخ زمان في تلفزيون السودان كانوا بيجيبو دعاية بتكيفني ليك في حناني
تلاتة بقرات لابسات تياب سودانية وقاعدات في العنقريب وماسكات الدلوكة يغنن
والله ناس الدعاية بااااالغوا عديييييييل كده ..
يعني يا النسوان السودانيات انتو بقر ودفاراااااااااااااااااات
|
Post: #16
Title: Re: إعلانات سخيفة
Author: Rihab Khalifa
Date: 03-13-2007, 11:44 AM
Parent: #1
عارف يا هشام، كلام الدعايات ده ذكرني واقعه حصلت قبل كم يوم، لكن ياهو التلفزيون ده السبب
واحد صاحبنا سايق بت اخوهوعمرها زي تمانيه سنين كده و راكبين في العربيه مع جماعه اصحابهم ماشين ليهم مشوار ، اها واحد من الناس ديل زول صاحبنا و دمه خفيف خلاص، و هو بتونس مع البنيه و بخلق ليهو في موضوع قام قال للبنيه بتعرفي الكورن فليكس؟ قامت البت بي كل شجاعه قالت ليهو ايوه بعرفو، قام سالها قال ليها بتعرفيهو من وين؟ قالت ليهو ادونا ليهو في المدرسه، قام قال ليها في ياتو ماده، قالت ليهو ادونا الكورن فليكس في العربي
اها صاحبنا السايق، مات من الضحك و قعد يقول لي الراجل، انعل شكلك زاتو احنا ساكنين امبده تقول ليها بتعرفي الكورن فليكس
اها ان اكل ما اسمع القصه دي، امووووت بالضحك و اتذكر مواقف كتيره محرجه سببها التلفزيون ده
|
Post: #17
Title: Re: إعلانات سخيفة
Author: عصام دهب
Date: 03-13-2007, 11:56 AM
Parent: #16
هههههههههههههههه ...
كلين !!
|
Post: #18
Title: Re: إعلانات سخيفة
Author: Kamal Karrar
Date: 03-13-2007, 12:02 PM
Parent: #1
زمان ناس أخوي طارق ميرغني.. لمن يمشوا رحلة (خت تحتها خطين)..
يغنوا كل أغاني الحقيبة والأغاني الحديثة.. ولمن خلاص وفي آخر السهرة
يغنوا داية صابون سافو
(يا عروسة يا صبية.. عندي ليك أجمل هدية .. سافو .. سافو .. تررم تررم)
وبعد داك الناس يتراوحوا أو يروحهم السواري...
معليش تخريمة في صلب ا لموضوع
|
Post: #19
Title: Re: إعلانات سخيفة
Author: حيدر حسن ميرغني
Date: 03-13-2007, 12:19 PM
Parent: #18
عزيزي هشام
تخيَل أن يصل الحال بالبعض ويضعوا انسان في مقام سلعة سعيا وراء الربح:
| Quote: لجوء احد المتاجر الكبري في لبنان إلي الترويج لبضائعه عن طريق تثبيت لوحة إعلانية بعرض الشارع تقول تسوقوا في محلاتنا واربحوا خادمة سريلانكية . |
طالع الباقي هنا: http://www.raya.com/site/topics/article.asp?cu_no=2&ite...e_id=24&parent_id=23
كاتب المقال صديق شخصي راسلني بالايميل كثيرا في شأن دولة الخادمة المعنية بالمقال ايام عملي فيها
|
Post: #20
Title: Re: إعلانات سخيفة
Author: هشام المجمر
Date: 03-13-2007, 12:47 PM
Parent: #1
عمر الفاروق
أزيك يا هلالابى يا عيان
| Quote: قال ليهو يا أبوي إنت اشتريت لي بويسون لكن انا ما عملت ولا حركة بعد ما شربتو |
ولد سامى عسل
عارف سامى ده لو ما كان مريخابى كان بقى زول كويس خلاص
رحاب خليفة
شكرا على المشاركة اللطيفة
عصام دهب
شكرا على المرور و القهقهة
|
Post: #21
Title: Re: إعلانات سخيفة
Author: هشام المجمر
Date: 03-13-2007, 12:52 PM
Parent: #1
Quote: ولمن خلاص وفي آخر السهرة
يغنوا داية صابون سافو
(يا عروسة يا صبية.. عندي ليك أجمل هدية .. سافو .. سافو .. تررم تررم) |
كمال كرار
سلامات
وفى ناس كانو بغنوا " أحذية تومشيك...تررر..للرجل الشيك"
|
Post: #22
Title: Re: إعلانات سخيفة
Author: هشام المجمر
Date: 03-13-2007, 12:56 PM
Parent: #1
حيدر حسن ميرغنى
تحياتى
ده جنون!!!!!!!!!!!!!!!!!!
ما بطلع إلا من لبنانيين
|
Post: #23
Title: Re: إعلانات سخيفة
Author: Kamal Karrar
Date: 03-13-2007, 01:07 PM
Parent: #22
أنت يا هشام
نسيت دعايات (الكونتراسيبتك) البتخليك تغوص في الكرسي من الخجل وأنت جالس
وسط أسرتك...
غايتو دي فيها خدش لكل ما هو جميل
|
Post: #25
Title: Re: إعلانات سخيفة
Author: حسام أحمد حسين
Date: 03-13-2007, 01:11 PM
Parent: #22
شكرا يا هشام البوست ظريف وخفيف ..
لكن زولك القال الراجل قال لامه جيبي لي موبايل سوداني .. قول ليه ركز شوية لانه العوقة قال اريبا ما سوداني ... وناس سوداني براءة من دي ....
|
Post: #24
Title: Re: إعلانات سخيفة
Author: lana mahdi
Date: 03-13-2007, 01:08 PM
Parent: #1
وأبيخ شي في الإعلانات الممثلين بيكونو (معسّمين) و متكلفين
ما بيفوتهم في دة إلا ممثلي المسلسلات السودانية!
|
Post: #26
Title: Re: إعلانات سخيفة
Author: مجاهد عبد الرحمن
Date: 03-13-2007, 01:27 PM
Parent: #24
؟؟؟؟
|
Post: #27
Title: Re: إعلانات سخيفة
Author: هشام المجمر
Date: 03-14-2007, 12:24 PM
Parent: #1
كمال كرار
تحياتى
دعايات الكونتراسبتيفز ساهلة مقارنة ب....
الحمد لله انو دى ما بتجى هنا
حسام أحمد حسين
شكرا على المشاركة
|
Post: #28
Title: Re: إعلانات سخيفة
Author: Nahid Hassan
Date: 03-14-2007, 01:14 PM
Parent: #1
الاخوة المتداخلين ، تحية و احتراما
الصراحة الموضوع الان اصبح اكثر من شعار. موضوع الشعار و تصميمه من الناحية العلمية لابد ان يرمز الى جهة معينة تخدم غرض معين فى رسالة و اضحه للمتلقي. يرمز هذا الشعار الى الهوية المؤسسية و يندرج تحته مجموعة من التطبيقات ترمز الى هذه المؤسسة او االمنشأ و يطلق عليها Corporate Identity .و مما لاشك فيه ان العالم العربي بصورة عامة و السودان بصورة خاصة بعيداًً جدا عن هذا التعريف.
مثال بسيط دون تحيز محلي (أعلان صلصة البرنس على قناة النيل ألازرق) ليس فيها اي نوع من الابتكار او التنسيق بين الغرض من الاعلان و مميزات هذه الصلصة عن غيرها.و يطلق عليه (اعلان من اجل الاعلان). و هذا ما يقودنا الى موضوع اكبر و اشمل هو مشكلة العلاقات العامة والاعلام والاعلان والتسويق فى السودان .
و لى عودة بتفاصيل اكثر تحياتي
ناهد حسن
|
Post: #30
Title: Re: إعلانات سخيفة
Author: Sidig Rahama Elnour
Date: 03-14-2007, 01:43 PM
Parent: #28
الأخ المجمر سلام
طبعاً علم التسويق علم واسع لم يأخذ حيزه في الإعلان حتى الأن بالصورة الصحيحة ، بل يعتبر كثير من القائمين على امر الإعلان غير مطلعين على أبجديات هذا العلم
ثم أن علم التسويق نفسه ينتهج منهج الغرابة لترسيخ المعلومة لدى المتلقي بإضافة نوع من المعلومات التي تثير (أسئلة ، غبينة ، إنتباه ، سخط) المتلقى فربما لهذه المشاعر مجتمعة قد ترسخ المعلومة وهذا هو المهم أن ترسخ المعلومة بغض النظر عن نتائج مشاعر المتلقى .... دي نجيها مرة أخرى
كان عمي النعيم (75سنة) يسمع إعلان مشروب غازي غزا السودان لفترة وهو مشروب Steam ، الإعلان يقول أن في كل زجاجة تفاحة كاملة ، كان سعر الزجاجة أنذاك 500 جنية بينما سعر التفاحة (انذاك برضو) ب1000 جنية ، كان عم النعيم يتسأل هي التفاحة ب1000 جنية ، كيف يكون في القزازة أم 500 دي تفاحة كاملة يعني تغطي معاهم كيف ؟؟؟ ،،،     
غايتو جنس إحراج
|
Post: #29
Title: Re: إعلانات سخيفة
Author: هشام المجمر
Date: 03-14-2007, 01:24 PM
Parent: #1
ناهد حسن
سلام
اهو ده الكلام
ارجو العودة بسرعة و إتمام هذه المساهمة المتميزة.
|
Post: #33
Title: Re: إعلانات سخيفة
Author: shammashi
Date: 03-14-2007, 02:24 PM
Parent: #29
غايتو الدعاية بتاعة حجار البطارية البقدما الممثل الضعيفوني داك ويقول فيها "الأسد النتر" تنفع للعصر الحجري
غايتو بتي الصغيرة مما تشوفا بتصرخ وتقوم جارية.
|
Post: #31
Title: Re: إعلانات سخيفة
Author: هشام المجمر
Date: 03-14-2007, 01:58 PM
Parent: #1
الاخ صديق رحمة
سلام
| Quote: ثم أن علم التسويق نفسه ينتهج منهج الغرابة لترسيخ المعلومة لدى المتلقي بإضافة نوع من المعلومات التي تثير (أسئلة ، غبينة ، إنتباه ، سخط) المتلقى فربما لهذه المشاعر مجتمعة قد ترسخ المعلومة وهذا هو المهم أن ترسخ المعلومة بغض النظر عن نتائج مشاعر المتلقى .... دي نجيها مرة أخرى |
بي برضو فى إعلانات سيئة و إعلانات جيدة.
فى أمريكا فى جائزة لأحسن "كومريشيال" إعلان فى السنة
وهناك أيضا لا يتورعون عن نقد الإعلانات السخيفة و بشدة
|
Post: #35
Title: Re: إعلانات سخيفة
Author: محمد زمراوي عبدالعزيز
Date: 03-14-2007, 03:06 PM
Parent: #31
| Quote: عارف سامى ده لو ما كان مريخابى كان بقى زول كويس خلاص |
ياخي لو بقى مريخابي كان مات بالبويسون دا كويس انو حيبقى هلالالبي ما اتهز منه شعرة
|
Post: #34
Title: Re: إعلانات سخيفة
Author: بكري الصايغ
Date: 03-14-2007, 02:50 PM
Parent: #1
الاخ الـحـبيـب الـحـبوب،
هـشــام الـمــجـمـر،
.. الله لايـوريك الاعـلانات الالـمانيـة!!!!!،
اولآ: اي اعـلان الـماني خـالي مـن جـنس غـيـر ناجـح!!!، ولااعـرف حـتي الان ماهـي العـلاقة بيـن الدعاية لـ " لسـاتك " العـربات ، وامـرأة نصـف عارية من ملابسـها!!!!،
ثانيـآ: اسـخـف إعلانات في الـدنيا، هـي الاعـلانات العـربية بصـورة عامـة، والسـبب ان كـل شـركات الاعـلانات تحـاكي الاعـلانات الاوروبيـة فتـخـرج اعلاناتهـم باهـتة مـهزوزة لاهـي عـربية ولاهـي اوروبيـة!!!!!، والاسـخـف من ده كـلو ان هـذة الشـركات العـربية تسـتخـدم في اعـلاناتهـا بنات شـقراوات وبازياء اوروبيـة ونطـق كـلمات لاهـو عـربي ولاهـو عـجـمي!!!، وتلمـس فيهـن التـكلف الـمتصـنع الخالي من اي ابـداعات!!!!.
ثالثآ: انصـحـك بعـدم مـشاهـدة اي اعـلان إيــرانـي!!!!.
رابعـآ: منـعآ ولتكـسـير تلفزيونك، انصـحـك بالابتعـادعـن الاعـلانات الـمصـرية الـمعروضـة في القنوات الـمصـرية!!!!.
لكـ مــودتـي.
|
Post: #36
Title: Re: إعلانات سخيفة
Author: Nahid Hassan
Date: 03-14-2007, 03:27 PM
Parent: #1
لقد قمت بالذكر بان لابد ان يكون للاعلان او التصميم معنى حسي و معنوي يرتبط بصاحب العلاقة. الغرائبية فى الاعلان تسمي التمييز. و هنالك مجموعة من التطبيقات التي لابد من القيام بها حتى يصل الاعلان او الشعار الى الفئة المحدده (Target Audience . لذلك حاليا فى الشركات الرائده ظهرت دائرة تسمى Corporate Communications الهدف منها تأصيل و رعاية الشعار حتى لا ينسي و هذا ما يسمي Branding. و ساقوم بشرح عمل هذه الدائرة و الاقسام المدرجة تحتها و المهام المنوط بها اضافة الى المؤهلات المطلوبة للموظفي مثل هذه الدوائر.
تحياتي
|
Post: #37
Title: Re: إعلانات سخيفة
Author: الطاهر عثمان
Date: 03-14-2007, 03:38 PM
Parent: #36
Quote: لقد قمت بالذكر بان لابد ان يكون للاعلان او التصميم معنى حسي و معنوي يرتبط بصاحب العلاقة. الغرائبية فى الاعلان تسمي التمييز. و هنالك مجموعة من التطبيقات التي لابد من القيام بها حتى يصل الاعلان او الشعار الى الفئة المحدده (Target Audience . لذلك حاليا فى الشركات الرائده ظهرت دائرة تسمى Corporate Communications الهدف منها تأصيل و رعاية الشعار حتى لا ينسي و هذا ما يسمي Branding. و ساقوم بشرح عمل هذه الدائرة و الاقسام المدرجة تحتها و المهام المنوط بها اضافة الى المؤهلات المطلوبة للموظفي مثل هذه الدوائر.
|
الاخت ناهد حسن
اتابع كلامك بشغف في إنتظار مزيد من التفصيل في الموضوع
|
Post: #38
Title: Re: إعلانات سخيفة
Author: Nahid Hassan
Date: 03-14-2007, 03:48 PM
Parent: #1
الاخ الطاهر شكرا للمتابعة واعدك ان اكمل فى اسرع وقت. طبعا بتعرف ظروف العمل في الخليج و خاصة دبي.
شكرا مرة اخرى و شكرا لصاحب البوست الاخ هشام.
تحياتي
|
Post: #39
Title: Re: إعلانات سخيفة
Author: Eng. Mohammed al sayed
Date: 03-14-2007, 04:18 PM
Parent: #1
من زاوية أخرى :إعلان أعجبنى
إعلان لعطر نسائى
الزوج يمر بمشكلة مع زوجته
ثم يراضيها بعطر,ويصحب ذلك مقطع لأغنية محمد عبده(تدلل)
أجمل لقطة عندما تبتسم وتهز الزوجة إحدى كتفيها علامة الرضى والتدلل
............................................................................
شكرا أستاذى هشام المجمر على البوست
|
Post: #43
Title: Re: إعلانات سخيفة
Author: Wathig Makki
Date: 03-15-2007, 09:24 AM
Parent: #39
الفردة ابو السيد
| Quote: أجمل لقطة عندما تبتسم وتهز الزوجة إحدى كتفيها علامة الرضى والتدلل |
|
Post: #40
Title: Re: إعلانات سخيفة
Author: هشام المجمر
Date: 03-15-2007, 07:53 AM
Parent: #1
ريهان الشاذلى
سلام وتحية على بوستك الجميل والذى فاتنى الإطلاع عليه
لقد كان لى بوست قبل الآن بعنوان : التحيز ضد الشناة و الشينين والذى أصبح سمة عامة من سماة طغيان كل ماهو مادى.
و فى هذا الإتجاه تصب إعلانات فير أند لفلى ناسفة كل مجهود و كل إنجاز تحققه المرأة فى حياتها مصرة أن الأولوية للشكل فقط و النجاح مربوط بمدى ما للمرأة من مؤهلات جمالية. بئس الإعلان
شكرا لك مرة أخرى
بكرى الصايغ
تحياتى
وشكرا على المشاركة
الحمد لله أننى لا أشاهد هذه القنوات
تصدق يا بكرى أن هناك من القنوات المفيد و المسلى مثلا أشاهد وبكثافة كل قنوات ديسكفرى ولا أملها فهى تقدم فيض من المعلومات المفيدة جدا وفى قالب مسلى جدا. كما ان هناك و بإستمرار إعلانات جيدة جدا تحض على الإعتراف و الإحتفال بالتعددية.
|
Post: #42
Title: Re: إعلانات سخيفة
Author: shammashi
Date: 03-15-2007, 09:06 AM
Parent: #40
كتب Eng. Mohamed al Sayed
Quote: من زاوية أخرى :إعلان أعجبنى
إعلان لعطر نسائى
الزوج يمر بمشكلة مع زوجته
ثم يراضيها بعطر,ويصحب ذلك مقطع لأغنية محمد عبده(تدلل)
أجمل لقطة عندما تبتسم وتهز الزوجة إحدى كتفيها علامة الرضى والتدلل. |
يا هندسة
إنت ما عاجبك الإعلان لكن عاجباك المدام الشديدة الفي الإعلان.
عليك الله مش صاح؟؟؟
أخوك ذاتو مكسر فيها.
|
Post: #41
Title: Re: إعلانات سخيفة
Author: mamkouna
Date: 03-15-2007, 09:06 AM
Parent: #1
أحمد الله يا هشام إنك ما شُفت إعلان..
يا ستٌار...سيوبر ستار..!!!
كان جاك..نزيف داخلي!!!
|
Post: #44
Title: Re: إعلانات سخيفة
Author: هشام المجمر
Date: 03-15-2007, 09:43 AM
Parent: #1
يا هندسة
سلام
واثق مكى وشماسى ديل حاقدين سكت وحاسدنك على إعجابك بالمدام
|
Post: #45
Title: Re: إعلانات سخيفة
Author: هشام المجمر
Date: 03-15-2007, 10:15 AM
Parent: #1
ناهد حسن
شكرا لك على المساهمة القيمة ولو أنها قصيرة. أرحب جدا بمجهودك فهو يحول البوست لبوست تثقيفى مفيد
أرجو المواصلة وناس الشغل بندخل واسطة و نكلهم
ممكونة
سلام
الحمد لله ما شفتو البجيب نزيف ده
|
Post: #46
Title: Re: إعلانات سخيفة
Author: Siham Elmugammar
Date: 03-15-2007, 12:57 PM
Parent: #45
هشام ده توارد خواطر و الا شنو هل تصدق قبل كمين يوم كده فى واحده كانت كاتبه عن الموضوع ده و انا كتبت المداخله و لم استطيع ارسالها عارف المشغوليات المهم لما جيت ارسلها لقيت الزهايمر طفش اسم الكاتبه و و عنوان المقال و الزمن الممحوق ده ما سمح لى للبحث فصرفت نظر و اذا بى اليوم اجدك تضرب على نفس الموضوع ومن نفس و جهت نظرى و بت كدوده
(سلام و حباب
هذا الاعلان اثار نقاش بينى و صديقه لى و الجانب الذى اهمنا فيه هو اللون الابيض!!! بعنى لو لونك ابيض مستقبلك ابيض و كان لونك اسود مستقبلك ببقى ذيو!!! و ده فقط بيورينا انو لسه لازلنا تحت سيطرة التفكير الدونى كافراقه و لازلنا فى دواخلنا نعتقد ب superiority of the white race و ده مش فيهو تشويه لدواخلنا و lowering our self esteem وبس انما فيهو كل انواع الاستلابات الممكن تخطر على بالك. انا معاك بشكل عام قد لا نكون ضد استخدام مستحضرات التجميل لكننا نكون وبشكل قاطع ضد استخدامها بدون وعى ثقافى و ذاتى.. فى جلسة نقاشنا ديك طلعنا بكم فكره لطرح القضيه من هذه الزاويه و ليس كما تعود البعض من النظر اليها كقضيه صحه (ما تسببه الكريمات من مضار صحيه)... و الذى اثبت عدم جدواه بدليل ان الجميع مستمر فى (تعاطيها) و لن يجدى...
و لى عوده لك و حتى ذلك الحين اقعدى عافيه)
دى كانت مداخلتى فى الموضوع الطش... اها خوه ح اواصل معاك
|
Post: #47
Title: Re: إعلانات سخيفة
Author: esam gabralla
Date: 03-15-2007, 01:07 PM
Parent: #1
اسمح لي بالاعلان السخيف ده
قلم هشام
الجاب سهام
حاجة تمام
الشاعر الفرام
المشتاق عصام
سهام صاحبتنا الزمان
مشتاقييييييين
|
Post: #48
Title: Re: إعلانات سخيفة
Author: هشام المجمر
Date: 03-17-2007, 11:09 AM
Parent: #1
سهام يا.... أختى الظريفة
سلام
نقاشكو حلو بس لازم تواصلوه
منتظرين بقية الكلام
عصام جبر الله
تحياتى
مرحب بى قلمك معانا هنا
إعلانك قوم علي الحساسية
|
|