حسني مبارك كان عايز يأدب السودانيين القليلين أدب ..

الرئيس المصري حسني مبارك يقوم بتوثيق حياته ماقبل وما بعد الرئاسة ..
وفي اللقاء الذي يجريه معه الصحفي الشهير عماد الدين أديب والذي تبثه قناة العربية وعلي مدي أربعة حلقات جاء في حلقة الأمس وعلي لسان الرئيس حسني مبارك ما يلي:

Quote: وقال مبارك «عندما ذهبت إلى أديس أبابا وتعرضت لمحاولة الاغتيال التي كان يجهز لها البعض.. وقتها قررت أن آخذ الموضوع ببساطة وبهدوء، وكان هناك رأي يقول لازم نؤدب السودان ونضربه، لكنني جلست مع نفسي ورأيت أن هذا لا يصح، وغيري كان من الممكن ان يستعجل ويضرب، فالقائد يجب أن يتخذ القرار المناسب في الوقت المناسب لصالح الشعب».

شفتو نحن ناس هينين كيف؟؟؟؟؟؟؟؟؟؟؟؟؟؟؟؟؟؟؟؟؟؟
ممكن يضربونا في أي وقت وبي أي حاجة وما نعرف الضربنا منو وبي شنو !!!!!!!!!!!!
هل ممكمن الحكومة تأخد تصريح الرئيس حسني مبارك علي محمل الجد !!!!!!؟؟؟
أم تعتبر الموضوع مجرد ونسة ؟؟!!!!!!!
وهل السودان جاهز للرد علي أي هجوم خارجي خصوصاً وإنو نحن ناس قليلين أدب !!!!؟؟

تخريمة :
ده كللللللللو من المريخاب ديل ..فضحونا ومرمطوا بي سمعتنا التراب وكمان بقونا قليلين أدب ..

ابدا والله نحن ما قليلين ادب ..نحن وبشهادة معظم المصريين اهل للادب والاخلاق كنا نسمع ذلك منهم ونسمع ثناءهم طيلة الفترة الدراسية التى قضيناها معهم ...ولكن يا اخى من قليل الادب فينا انت تعرف ان مجتمعنا تغير وقليلين الادب وقلة الادب وصلوها لاجهزة الاعلام .. سب كل صباح للاقوى منا ولجيراننا وللاوربيين والروس والامريكان وفهد وزايد ولم يسلم احد ..ووصل هذا الامر الى حدهودرجة عندما افتكرنا الناس ديل خافوا مننا ومن جبروتنا بعد ان توهمنا باننا اصبحنا قوى عظمى .. استاجرنا صعايدة وخبيناهم فى قصب اديس استعدادا للطخ وفشلت العملية وافتتن الاخوان فى بعضهم ارجع لرسالة المحبوب لنافع ترى الاجابة كاملة ..
تاديب السودانيين كلمة مجاز وتعنى الحكومة التى فعلت والحمد لله جات سليمة والمستهدف كان اكبر فى حلمه عند المقدرة وهذا ما سوف يسجله له التاريخ لابد ان نكبر ذلك منه لا ان نستغرب منه ولك تحياتى

ما قاله حسني مبارك في تلك الأيام بعد المحاولة الفاشلة لاغتياله لا يزال مسجلا لدي في شريط فيديو.. قال:
"إن العصابة التي على حدودنا سنقف لها بالمرصاد، ولا بد أن نتخذ معهم إجراءات"

ثم قام الجيش المصري بطرد الجنود السودانيين من حلايب وشلاتين، وأصبحت منذ ذلك الوقت في يد الحكومة المصرية..

قليلين الأدب هم حكام السودان، ولكنهم الآن يفتشون عن دعم مصر، ولا يجدون دعما من أحد.. لسوء أعمالهم.. ويا حافر حفرة السوء وسع مراقدك فيها..

حكومة من إرهابيين قتلوا شعبهم وشردوا الشرفاء وأفقروا بقية الشعب.. وقد بدأ وقت حسابهم.. والحمد لله..

ما يقوله الشعب المصري عنا كشعب علي العين والرأس ..
ومابين الشعبين أيضاً محل إحترام ..
ولكن هل تدفع هذه الشعوب ثمن ما يقترفه رئيس بلد بعينه ..؟
وإن كانت الإجابة نعم إذن أين ديبلوماسية الردود والتصريحات ..
نهاجم دوماً الرئيس عمر البشير علي (الدراب) البيرميهو ولكن لا نجد من إنتقد هكذا تصريحات لرئيس جمهورية أهان دولة بكاملها وأهان شعبها الذي ربما يحسبه مجموعة حشرات يمكن أن تسوي بها الأرض متي ما يشاء !!!!!!!!!!!!!!!!!!!!!!!!!!!!
الرئيس حسني مبارك يصر في كل مرة يأتي فيها ذكر حادثة أديس أبابا أن يذكر أنه كان بإمكانه أن يأدب السودان وهنا يعني السودان بشعبه وليس حكومته لأنه إذا أراد الحكومة فيمكن أن يكون عن طريق إقتيلات شخصيات ورد الصاع صاعين !!!!!!
هنا فقط أود أن أنبه إلي أن حديث الرئيس حسني مبارك حديث تنقصه الدبلوماسية واتساءل وليتني أجد الإجابة هل مثل هكذا تصاريح لا تمس علاقات البلدين ؟؟
وهل مثل هذا القول سيمر مرور الكرام ؟؟؟
تحياتي..

يا عمر الفاروق

أولا من دون زعل لماذا تكابر؟

إذا كانت الحكومة السودانية نفسها حفظت الجميل لحسنى مبارك

ثانيا:

أكثر من كده دفعت ثمن سحب قرارات العقوبات من مجلس الأمن وما داير أقول كيف

ثالثا:

الحكومة المصرية هى الوسيط بين الحكومة والتجمع و الحكومة تهرع طلبا لمساعدتها فى كل صغيرة و كبيرة


الحكومة ما زعلت وما ردت
طيب انت لييه زعلان

هشام المجمر:
شكلو كلامي الزمان داك إنت مااااا مصدقو وقايلني بلعب بي البيضة والحجر..
يازول والله الحكومة دي انا ما عندي معاها علاقة بس شايلاني شوية جعولية في ترخيص روحنا ..
انا ما إتكلمت عن المساعدات والوقفات المثلوها المصريين ..
وما إتطرقت لي العلاقات السودانية المصرية لأنو ده موضوع أزلي بين الجزر والمد ..
انا بتكلم عننا نحن الشعب بعيداً عن علاقات الحكومات ..
لحدي أسة ماف واحد جا وقال رأيو صراحة في هكذا تصريح !!!!!
يعني هل يحق لي رئيس دولة يصرح تصريح زي ده ؟؟؟؟؟؟
يعني عشان المصريين عملوا وفعلوا نخليهم يطلعو فوق رقابنا ؟؟؟؟
وعشان الإنقاذ حاولت إغتيال الرئيس حسني معناها يحق ليهو يقول عننا أي شي؟؟؟؟
هل معني كلامك ده إنو أيوة تستاهلوا يقولوا عليكم كده عشان العملتوهو ؟؟؟

عمر الفاروق شيخ الدين

ازيك يازميل

يازول مالك عايز تفتح فوهة نيران على خمسة مليون زول من الجالية السودانية فى مصر ؟!!

الريئس مبارك جاوب على سؤال

واختار المفردات اللى شاف انها بتعبر عنو وعن الجريمة الحصلت ليهو وكان ممكن يكون الرئيس السابق هسة ..!!

ليه انت معتقد انه قصد الشعب السودانى وماالحكومة تحديدا ؟!!

وبالمناسبة الناس القبضوهم فى حادثة الاغتيال دى مصريين ..بس كانوا موجودين فى السودان واتحركوا من هناك لتنفيذ العملية !!

اقول ليك على حاجة ..علاقةشعبى وادى النيل يادوبها استقرت شوية بعد ماكان المصريين بيتعاملوا برد الفعل مما كان له اثرا سلبيا بالغا على ابناء الجالية الابرياء ..اها وهسة الموضوع ده اتقفل ..وكلام مبارك مابيمس السودان فى شئ ..ولكن فقط من حاولوا اغتياله ..

يعنى انت زعلت على كلمة نؤدب السودان المقصود بيها موش البلد ولا الشعب وانما جماعة بعينها ..وماداير الراجل يزعل انه كان حايروح فى شربة مية؟!!

عمر هووووووووووووى ........عليك الله ماتجيب للجالية فى القاهرة الهواء

هسة انت بترضى لو جالية القاهرة جابت للجالية السودانية فى السعودية الهوا بسب الذات الملكية مثلا ؟!!
اقول ليك ..خليها مستورة احسن ياعزيزى ..

نادية بت عثمان :

Quote: عمر هووووووووووووى ........عليك الله ماتجيب للجالية فى القاهرة الهواء

لالالالا والله الجالية دي بنحتاج ليها لمن الهلال والمريخ يلعبوا كان كده أها ده خشمي

Quote: هسة انت بترضى لو جالية القاهرة جابت للجالية السودانية فى السعودية الهوا بسب الذات الملكية مثلا ؟!!

أببببببببببببببببدددددددددددددددددددددداً ..
كدي أصبري شوية أبوقوتة ده يكمل بيتو بعد داك نتفاهم

Quote: كدي أصبري شوية أبوقوتة ده يكمل بيتو بعد داك نتفاهم

بالله هو لسة ابو قوتة ماكمل الفيلا بتاعتو ؟!!!

لكن هو ابقوتة بيبنى وين فى مصر ولا السعودية ؟

الراجل قاعد في السعودية وبيني في السودان وشكلو حايقول للمقاول أعرش علي كده

تخريمة :
ما أعنيه نادية يا اختي إنو التصريحات بين القادة ياريت لو تكون مضبوطة دون إنفعالات ..
براك شفتي الريس لمن حلف الناس قالت شنو ؟؟؟؟؟؟؟؟؟؟؟؟؟؟؟؟؟؟
ولا شنو ؟؟

يا عمر، السلام عليكم

ألفت نظرك للكلام الزعلك وختيت تحتو خط:

((وكان هناك رأي يقول لازم نؤدب السودان ونضربه))

والبيتفهم من كده انو ده ما كان رأى مبارك، وانما رأى تانى. ودايما فى الرأى الحكيم والرأى الأحمق أو الأهوج.

نعم اشارة مبارك للرأى ده ما جميلة، لكن ده ما سبب كافى لاعادة فتح مواضيع بتجر مشاكل الأمة كلها فى غنى عنها

ولا شنو؟

Quote: نعم اشارة مبارك للرأى ده ما جميلة، لكن ده ما سبب كافى لاعادة فتح مواضيع بتجر مشاكل الأمة كلها فى غنى عنها ولا شنو؟

مبارك اسوا من يخرج عن النص خاصة عندما يرتجل
لا يمكن ان تفرق بينه وبين مقاول الانفار
من يهن يسهل الهوان عليه!
اسرائيل كيف! على قول أدروب
كان ممكن يقول تاديب نظام البشير مثلا!
الرجل جاهل لا يعرف ان هنالك مؤسسات دولية وامم متدة ومجلس امن وكذلك ضرب السودان يضر بمصر ضررا بليغا
وكم بمصر من المضحكات ولكنه ضحك كالبكاء!
وطبعا عن جاك شيراك أليلناحدث ولا حرج!
وللجميع ودى
جني

أهلا أخي / عمر الفاروق
نعم يمكن أن نضرب في أي لحظه ولا نعرف من فعل ذلك لدينا تجارب سابقه
أشك كثيرا فى مدي جاهزيتنا لصد أي هجوم يأتينا من الخارج مثلما أشك في مقدرتنا ومصداقيتنا في إحصاء الخسائر الناجمه عن ذلك

يحمد لحسني مبارك والذي تعرض شخصيا لمحاولة أغتيال مدبرة ومخططة
من قبل نظام الأنقاذ يحمد له أن ضبط أعصابه ولم يقم برد فعل قد تكون لها تبعات سئية علي علاقات الشعبيين بل أن حكومته تخلت في حقها الذي
كفله لها قرار مجلس الأمن وموتت القضية
ما قاله حسني مبارك يقصد به تأديب حكومة السودان وليس السودان الدولة
أوالشعب (البلاغة أطلاق الكل وأرادة الجذء من أساليب البلاغة المعروفة)
ولكن تبقي النقطة الجوهرية هي أدانة الأسلوب الصبياني ا لمتهور الذي
قامت به الأنقاذ لأغتيال مبارك ورعاية الأرهاب وهوما جر علينا مشاكل كثيرة
أما الهوان والذل والضعف هوما جره علينا الأنقاذ بسكوته علي أحتلال
حلائب بواسطة دولة أجنبية وهو أمر لم يحدث طيلة تاريخنا الوطني
فأي هوان أكثر من هذا
والغريب في الأمر نجد أن هناك وبعد كل هذه الكوارث من يؤيد أو يبرر
أو يصمت علي كوارث الأنقاذ أو يجمل وجهها ويهاجم معارضيها بالباطل
كمال

في زمان الانقاذ كلو جائز ، شعب مشرد ولاجئ ، شعب متهم بالارهاب ، شعب منع من دخول الكثير من الدول ، هسع عليك الله لو ما جزء من الشعب ( واعني به المؤيدين للانقاذ ) قليل ادب يطلع في الشارع ويكورك بطول حسه امريكا وروسيا دنا عذابهم ، ولا يا امريكا لمي جدادك ، ولا يا الامريكان ليكم تدربنا، ولا محاولة اغتيال حسني مبارك ، عليك الله وامانة في زمتك جنس ده يسموه شنو ، عندكم شنو عشان تطلعوا الشارع وبأوداج منفوخة تكذبوا، مش ياها ال 3 جوالين بتاعة البترول دي ، اللي لي هسع ما ضقنا طعمن ديل ولا حاجة تانية ، غير انو جبتو بيهن سلاح عشان تبيدوا بيه الافارقة في بلدهم ، وفي الاعلام الرسمي للدولة يقوم كلب الانقاذ المشهور بالرائد يونس يلعلع ويسب ما يخلي زول جوه السودان ولا بره بالفاظ علي الحرام كان الشعب السوداني يخجل من سماعها ، وبعد ده كلو عاملين فيها محتجين لانو قالوا السودان قليل ادب ؟ السودان رضينا ولا ابينا القاعد يمثلو منو ، والماسك الاذاعة والتلفزيون منو ؟
يا ناس عليكم الله بطلوا الشربكة البتعملو فيها دي ، يقولوا سلمونا 51 نفر تقوموا تقولوا ده تعدي علي الدولة وقاصدين الاسلام وتفكوا اشاعة انو انهيار النظام معناهو انهيار السودان ، يقصدوا انو نظامكم قليل ادب ، تقوموا تقولوا لا الزول ده قاصد كل الشعب السوداني ، فكونا من حكاية انا السلطة وانا الدولة وانا الشعب وانا السيد ، الله يرضي عليكم .

Quote: ما قاله حسني مبارك يقصد به تأديب حكومة السودان وليس السودان الدولة أوالشعب (البلاغة أطلاق الكل وأرادة الجذء من أساليب البلاغة المعروفة)

ما رايك اذا قال تاديب الجعليين بدلا عن البشير الجعلي موش برضة بلاغة!!
يا اخي مبارك هو الذى حشد الدعم لنظام البشير وهو الذى اهاننا واهان رئيس حكوماتنا الديمقراطية وهو الذى آوى السفاح نميرى وهو ....الخ
نحن هنا لسنا بمعنيين بمحاولة اغتياله والتى ترفضها كل القوانين والاعراف
نحن قلنا ان الرجل مثله مثل جاك شيراك حقنا لا يحسن الحديث شانه شان العربجية!
جني

أخي كمال
لا يفوتني ان انوه بان حسني مبارك هو الذى دفع المرغني الى رفض محاكمة مجرمي دارفور وهو الذى كان ينادي باقتلاعهم من الجذور مناقضا لراى التجمع الوطني والذى هو رئيسه!
جني

Kamal

Good point. Indeed Mubarak took two credits here. The first credit for not "punishing" Sudan, while he actually did by occupying Halaib!! The second by playing wise for not reacting and having Merci for the Sudanese people by not endorsing the UN resolution for economic boycot. In reality he took the prize already, a piece of Sudan, Halaib" is his.

Sana, aha, Yafalig wa Yadawi kaman

And all this happened because Mubarak knows that Inghaz is weaker than they pretend to be. .

الأخوة المتداخلون ..
تحياتي ..
كدي النجيكم واحد واحد وطولوا لي بالكم ..
الموضوع ما عندو علاقة بي الحكومة وانا لمن طرحت تصريحات حسني طرحتها كمواطن سوداني أهينت كرامته بهكذا تصريح ..والغريبة إنو السودانيين بقت عندهم حاجات غريبة والعايزين يلقوا ليهو العزر بيلقوهو ليهو !!!!
يعني عمر البشير يكورك ويقول أمريكا وروسيا دنا عذابهم والناس تقول الزول الجاهل والزول الما ديبلوماسي ده شنو ولمن حسني مبارك يقول نأدب السودان الناس تقول ليهو حق؟؟؟؟؟

خالد عثمان :

Quote: والبيتفهم من كده انو ده ما كان رأى مبارك، وانما رأى تانى. ودايما فى الرأى الحكيم والرأى الأحمق أو الأهوج.

كلامك سليم ..لكن حاجات زي دي بيتم مناقشتها في طاولات مستديرة بعيدة عن عيون الشعوب والتصريح بيها ..

نزار :

Quote: نعم يمكن أن نضرب في أي لحظه ولا نعرف من فعل ذلك لدينا تجارب سابقه أشك كثيرا فى مدي جاهزيتنا لصد أي هجوم يأتينا من الخارج مثلما أشك في مقدرتنا ومصداقيتنا في إحصاء الخسائر الناجمه عن ذلك

ده الكلام الكلنا مقتنعين بيهو وتجربة مصنع الشفاء ما بعيدة لحدي أسة ما عارفين الضربنا شنو مرة يقولوا صاروخ ومرة طيارة وهم بيضربوا فينا كلينتون كان بيصرح أسة نحن بنضرب في السودان !!!!!
الكلام ده معروف والسودان تعبان جداً من ناحية السلاح بس ده ما بيمنع إنو تحترم سيادتو ..

كمال عباس:

Quote: يحمد لحسني مبارك والذي تعرض شخصيا لمحاولة أغتيال مدبرة ومخططة من قبل نظام الأنقاذ يحمد له أن ضبط أعصابه ولم يقم برد فعل قد تكون لها تبعات سئية علي علاقات الشعبيين بل أن حكومته تخلت في حقها الذي كفله لها قرار مجلس الأمن وموتت القضية

أختلف معاك في وجهة نظرك يا كمال ...
وبي مفهوم بسيط ومثال دارجي كده أقول ليك :
إذا أنا إتفضلت عليك بحسنة مثلاً لقيتك جيعان وأديتك وجبة ..أها كل ما ألاقيك مع ناس أقول ليهم ده كمال والله راجل مسكين خلاص لقيتو مرة ما لاقي حاجة ياكلا قمت أطعمتو !!!!
كيف حايكون حالك يا كمال وإنت بتسمع كلام زي ده كل مرة ؟؟؟؟؟؟؟
التفضل بالحسنة ما بخلي الزول علي حسابها يقول العايز يقولوا !!!!!!!!!!
ولا شنو ؟؟

عصام :

Quote: في زمان الانقاذ كلو جائز

ياريت تعرف إنو كلامي ده ما عشان حكومة الإنقاذ ..الكلام ده عشان هيبة شعب كامل ..وطالما إتحملنا كلام زي ده من الأغراب خلاص خلونا نتحمل الكلام الجايينا من ناس الإنقاذ وجحا أولي بي لحم تورو ولا شنو ؟؟

ميرفي:

Quote: Indeed Mubarak took two credits here. The first credit for not "punishing" Sudan, while he actually did by occupying Halaib!! The second by playing wise for not reacting and having Merci for the Sudanese people by not endorsing the UN resolution for economic boycot. In reality he took the prize already, a piece of Sudan, Halaib" is his

أختتم بحديث الأخ جني :

Quote: مبارك اسوا من يخرج عن النص خاصة عندما يرتجل لا يمكن ان تفرق بينه وبين مقاول الانفار من يهن يسهل الهوان عليه! اسرائيل كيف! على قول أدروب كان ممكن يقول تاديب نظام البشير مثلا! الرجل جاهل لا يعرف ان هنالك مؤسسات دولية وامم متدة ومجلس امن وكذلك ضرب السودان يضر بمصر ضررا بليغا وكم بمصر من المضحكات ولكنه ضحك كالبكاء! وطبعا عن جاك شيراك أليلناحدث ولا حرج!

لكم التحايا ..

سؤال

لمن كنتوا بتهتفوا أن أمريكا دنا عذابها وعليها أن تلم جدادا


هل كنتم تقصدون الحكومة الأمريكية أم الشعب الأمريكي

أم كنتم تقصدون الكنتاكي الأمريكي

ياخي مالكم بتنسوا أنفسكم وتلحسوا كلامكم سريع كدي؟؟؟؟؟؟

عمر الفاروق ازييك

تعرف لو انه بعد محاولة الاغتيال تلك

انطلق الجيش المصري الي السودان لما

كان هنالك من يلوم مصر

فهل هنالك اهانة يمكن ان توجه لدولة ما

اكبر من ان تشارك دولة تخطيطا وتدريبا في محاولة اغتيال

رئيس دولة اخري ويكون الحدث في مؤتمر للقمه

ابو عمير

لو كنت انت مكان الرئيس مبارك وحدث لك ماحدث له

فماذا انت فاعل؟؟؟

بعد الاجابه انا بجيك راجع تاني كويس؟؟

الموصلي
أبو عمير دا حيتأخر في الرد لأنو لازم يمشي يشاور علاء الدين.

فأديها صنة

موصلينا:

Quote: تعرف لو انه بعد محاولة الاغتيال تلك انطلق الجيش المصري الي السودان لما كان هنالك من يلوم مصر

وياريت لو عملوا كده يبقا ليهم الحق وماف زول بيلومهم .. كتلوك ولا جوك جوك يا موصلي..

Quote: فهل هنالك اهانة يمكن ان توجه لدولة ما اكبر من ان تشارك دولة تخطيطا وتدريبا في محاولة اغتيال رئيس دولة اخري ويكون الحدث في مؤتمر للقمه

السؤال اللسة كايس ليهو إجابة إنو هل يمكن يشفع محاولة إغتيال الرئيس لي إنو يقول أي حاجة وفي أي مكان عن شعب كامل؟؟
حكومة الإنقاذ تستاهل الرد عليها وبي الصورة البيشوفا حسني مبارك مناسبة وليهو الحق في كده علي الأقل الراجل بيدافع عن نفسو وعن هيبة بلدو الحاولوا إغتيال رئيسها ..
بس ياريت لو يضبط التصريح حبتين وبدون التعرض لي موضوع الأدب أو أن يذكر الحكومة علناً دون ربطها بي إسم السودان ..

تخريمة :
المكتب البعمل فيهو كلللو مصريين ومتعجبين زيي كده كيف بتتحملوا كلام زي ده ؟؟؟

Quote: تعرف لو انه بعد محاولة الاغتيال تلك انطلق الجيش المصري الي السودان لما كان هنالك من يلوم مصر فهل هنالك اهانة يمكن ان توجه لدولة ما اكبر من ان تشارك دولة تخطيطا وتدريبا في محاولة اغتيال رئيس دولة اخري ويكون الحدث في مؤتمر للقمه

أستاذ موصلي
انا اتفق معك مائة في المائة اذا تم ذلك في وقتها ولكن بعد عدة سنوات تبقى دي رزالة!
ما يؤلمني ان مصر لا تفرق بين السودان الديمقراطي والسودان الشمولي
وحسني لم يتكلم بهذا الاسلوب حتى عن المعارضة في مصر! هل سمع احدكم بانه سيؤدب المعارضة المصرية!
حسني مبارك مثله مثل البشير وجهان لعملة واحدة! غباء منقطع النظير!
جني

العلاقات السودانية المصرية علاقات أزلية ...
شعب وادي النيل.....
السودان ومصر شعب واحد ....
أولاد النيل...

كلها عبارات نسمعها منذ الصغر ولكننا للأسف لم نعيشها ...
ربما من يعيشون في مصر من السودانيين يحسونها في طيبة الشعب المصري البسيط وفي إبن النيل سواء كان إسكندراني أو صعيدي أو إبن مدينة ..فهذا يمثل تركيبة الإنسان ..
ولكن وللأسف لا نعيش هذا الواقع علي مستوي الحكومات وعلي مستوي الإعلام والثقافة ..
الإعلام المصري يتجاهل السودان وفي كثير من المناسبات ..
الحكومات المصرية ما أن تحتاج إلي السودان إلا وتسعي للمصالحات ومتي ما ملت من السودان رجعت لموضوع حلايب..
وحدة وادي النيل يتحكم فيها المصريين متي ما أرادوا وحدة هرعنا لهم ومتي ما رفضوها تناسيناها...
أين الحريات الأربعة الأن من التنفيذ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولماذا الحريات الأربعة الأن ؟؟؟؟؟؟؟؟؟؟؟؟؟؟؟؟؟؟؟؟؟؟
أليست هي نفس الحكومة ؟؟؟؟؟؟؟؟؟؟؟؟؟؟؟؟؟؟؟؟
أليس الرئيس هو عمر البشير ؟؟؟؟؟؟؟؟؟؟؟؟؟؟؟
أليس هو النظام الذي حاول إغتيال الرئيس؟؟؟؟؟؟؟؟؟؟؟؟؟؟؟؟؟؟؟
ما الجديد في ذلك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل صفحوا عنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وبعد أكثر من عشرة سنوات يأتي الصفح ؟؟؟؟؟؟؟؟؟؟؟؟؟؟؟؟؟؟؟؟؟؟

إذا أردت أن تعرف العلاقات السودانية المصرة لاحظها فقط في مباراة لكرة القدم بين مصر والسودان أو لاحظها بين فريق مصري يلاعب فريق سوداني حينها فقط تعرف كيف هي علاقات البلدين الحقيقية دون زيف العبارات ..

العزيز جني
لا أختلف جوهريا معك ولعلي قد ذكرت أنا شصيا أن الحكومة المصريةهي من أحتل حلائب وسكت نظام الانقاذ علي وربما كان الصمت ثمنا علي طئ مصر!!!.لملف محاولة الأغتيال...نقطتي يا جني تتلخص.في أن من أهان الشعب السوداني وأذله هو نظام الأنقاذ.قبل أن يكون ذلك هو حسن مبارك والذي
لايعدو كلامه أن يكون تجليطة لغوية وخطاء خطابي (لاينسجم مع رد فعل مصر الرسمي علي المحاولة)
قصدت أن أقول... من يهن يسهل الهوان عليه
ومالجرح بميت أيلام

والمقصود بالمهان هنا نظام الأنقاذ... أخطاء الحكومة المصرية في تعاملها مع أحداث السودان كبيرة وأتفق معك فيما أوردته منها
كمال

Quote: لايعدو كلامه أن يكون تجليطة لغوية وخطاء خطابي (لاينسجم مع رد فعل مصر الرسمي علي المحاولة)

أخي كمال شكرا للتوضيح
هل رايت شرودر اوشيراك اوبلير يجلط !هؤلاء حملتهم شعوبهم على أكتافها في وضح النهار وبشيرنا ومباركهم امتطوا ظهور شعوبهم بليل!
ولك ودي
جني

عمر الفاروق

Quote: عصام : Quote: في زمان الانقاذ كلو جائز ياريت تعرف إنو كلامي ده ما عشان حكومة الإنقاذ ..الكلام ده عشان هيبة شعب كامل ..وطالما إتحملنا كلام زي ده من الأغراب خلاص خلونا نتحمل الكلام الجايينا من ناس الإنقاذ وجحا أولي بي لحم تورو ولا شنو ؟؟

وهيبة الشعب السوداني منو الهبشه قبل ما تجي سجم الرماد دي ؟ بس اوع تكون مفتكر انو الشعب السوداني جزء من الانقاذ او العكس ؟
علي بالطلاق دي خصصة من نوع تاني .