اوضاعنا

هذا البوست لنقاش موضوع توقف بعض الاخوة عن الكتابة في المنبر نظرا للازمة الاخيرة التي حدثت بين بكري وبعض الزملاء
هناك عريضة مطروحة للتوقيع عليها هنا
http://www.gopetition.com/petitions/%D9%85%D8%B9%D8%A7-...B2-%D8%A3%D9%88.html

الزملاء لديهم احساس متعاظم بالاقصاء من بكري , وكل ما يتم انزال بوست لمناقشة الامر يتم مسحه من بكري , لذا لجأوا الي خارج المنبر

لذا اقترح قيام لجنة من العضوية لرأب الصدع بين بكري والاعضاء وايجاد حل وسط لهذه المشكلة القائمة
من اجل استمرارية المنبر بطريقة سلسة دون ان يكون هناك شعور سلبي
تجاه الكتابة في المنبر وفقدان الامان وحتي الاقصاء .
لجنة يكون هدفها تقريب وجهات النظر وردم الهوة بين بكري والاخوة الزملاء الذين اتخذوا موقفا

اساسي يا ود المصارين البيضاء
اها نشوف كان البوست ده قعد ولا خموكـ و بقيت إكسبلورلر برضو

السماني يا حبيبنا
المفاهمه بين بكري و باقي الناس ما عايزه لجنه ، عايزه بكري ينزل من عليائه المجيده و يتفاهم مع الناس !!

فوق لعناية بكري طيب يا نوتة

طيب يا امين عشان بكري يتحرك من موقفه دا لازم نشوف مجموعة مقدرة من العضوية لديها الثقة الكاملة لدي بكري تتميز بالحرص علي المنبر وذلك لتجسير الهوة بين بكري والعضوية الماخدة موقف حسب الاحداث الاخيرة .
لانه بالطريقة دي لو بكري اصر علي موقفه والاخرين علي موقفهم الفاقد الوحيد من ذلك هو المنبر

نوبي يا حبيبنا ، البوست ده حدو أب صلعه يصحي : المان ده بسحب بعدين بقرا علي وزن بقطع بعدين بعد !!
ال saga الحاصله دي كلها بتتحل لو بكري نزل من عليائه المجيده و سمع الناس دي بتقول في شنو .

طيب كويس يا عمران انك اشرت للفقرة دي

الان في موقفين الاول موقف الشباب ديل وتمترسهم في موقفهم لدرجة التوقف عن الكتابة في المنبر
والموقف التاني موقف الاخ بكري الممانع للسماع لهم والاستجابة

الموقفين ديل لازم يكون في جماعة يتبنوا دور في ردم الهوة بين بكري والزملاء وتقريب وجهات النظر , والوصول الي حلول مرضية للطرفين وان لزم تقديم بعض التنازلات من هنا وهناك . والقيام بهذا الدور يتوجب اختيار اعضاء بعانية كافية تتوفر فيهم شروط المسؤلية الكافية والحرص الكافي علي استمرارية المنبر ومقبولين للطرفين وهدفهم المصلحة العامة
وبقترح انه نبدأ في ترشيح بعض الشخصيات البتتوفر فيها الشروط دي من اجل تكليفهم القيام بهذا الدور
اقترح لجنة من اربعة اشخاص فقط تكون مقبولة للطرفين وللجميع

ايقاف صاحب البوست وامين نوته ضروره من ضرورات المرحله يا بكري..
هذا تعدي سافر علي شئون الاداره ..
الظاهر البلد بقت فوضي ..


وين ذو اليد ؟؟

مذكرة ضافية ووافية وفيها نقاط ومفاكرات جادة ، وحقوق لهؤلاء الشباب علينا دعمها وتقريب وجهات النظر بين مالكـ الموقع وبين الموقوفين ...
من حق أي شخص تعرض لتهكير والسطو على اسمه في سودانيز أونلاين من حقه كتابة بوست يوضح فيه تعرضه لهذا الحادث حتى لايعتقد الاخرون بأنه من فعل ذلكـ ، بل أطالب أنا شخصياً بأكثر من ذلكـ وهو أن يبادر صاحب الموقع بعمل بيان (وافي كافي) على شاكلة (المؤتمر الصحفي) بعد كل عميلة قرصنة يفيد في هذا البيان بالحادث حتى لايضطر الأعضاء الى توضيح ذلكـ بأنفسهم ... وبذلكـ يكون برى نفسه وبرى من سطوا على أسمه ، ويجب على مالكـ الموقع عدم حذف البوستات التي توضح ذلكـ بل يجب دعمها وتثبيتها لان فيها حقوق اساسية لهؤلاء الضحايا

معاً لعودة الموقفين والرد على مذكرتهم المحترمة التي شكلت معلماً أساسياً في الحوار الجاد ، ومعذرة يا شباب على عدم المتابعة للأحداث ... والله الموفق

Quote: الموقفين ديل لازم يكون في جماعة يتبنوا دور في ردم الهوة بين بكري والزملاء وتقريب وجهات النظر , والوصول الي حلول مرضية للطرفين وان لزم تقديم بعض التنازلات من هنا وهناك . والقيام بهذا الدور يتوجب اختيار اعضاء بعانية كافية تتوفر فيهم شروط المسؤلية الكافية والحرص الكافي علي استمرارية المنبر ومقبولين للطرفين وهدفهم المصلحة العامة وبقترح انه نبدأ في ترشيح بعض الشخصيات البتتوفر فيها الشروط دي من اجل تكليفهم القيام بهذا الدور اقترح لجنة من اربعة اشخاص فقط تكون مقبولة للطرفين وللجميع

والله يا اساسي كلامك كويس ..
لكن حسب معرفتي إنو المجموعة المتمترسه دي .. اختارت لنفسها مجموعة أخرى مواليه ليها .. وساعية بشكل جيد جدا انها تتكتل فيها يخصها .. ويبدو كما يبدو انها قاعده تتخذ نفس موقف بكري ..
علي شاكلة المنبر حقي .. وانا سيدو ..
للاسف الشديد في موقع في الفيس بوك بيناقش الحاصل دا .. أخوك اتعملت ليهو اضافة .. صباح اليوم.
وعلمت انو الاضافة لا يتم تمريرها إلا عن طريق الادمـن ..
لذلك
انا لحدت الآن قاعد ومنتظر .. التلاتة ادمنات .. وبعتقد انو دي نفس القضية حقت الناس ديل مع بكري ..


احتمال الايامات الجاية دي انا اعمل ليك كم فردة كدا .. واعمل لي قرووب .. اسميهو (بكري والموقوفين وانا) ..


بلاي يا اساسي لما تختارو الناس الاجاويد ديل .. اختارني معاهم لاني بعتبر نفسي عضو فعال في المجتمع .. واجيد التفاوض مع جميع الاطراف .. الصناعية والطبيعية ..

الناس الواقفه تحدد نفرين تلاته و يتكلمو مع بكري directly : ما أظن في أي زول من الناس الواقفه عندو مشكله شخصيه مع بكري عشان تكون في لجنة في النص للتفاهم !
لكن ده بيتطلب إنو بكري ينزل من عليائو المجيده و دي ما ظنيتها تحصل !!
يبقي يا السماني بصفتك من أقدم الأعضاء و أكثرهم تاثيرا : نزل بكري ده من عليائو المجيده عشان الناس تقدر تتفاهم معاه !!

المشكلة الاساسية انو بكري بيشوف انو ما مفروض اي واحد يتدخل في شئون ادارة المنبر
طيب انا واحد الناس بفتكر انو بكري بصفتو الادمن بتاع المنبر يمكن يمكن شنو بل انا عندي يقين انو بكري عندو فكرة تفصيلية عمن هو الهكر ومن اين ياتي يدخل المشكلة انو محتفظ بالمعلومات دي لنفسو وما بيملكها حتى للضحية نفسها
المفروض فضح هذه الجهة التي تقوم بالتهكير وبالاخص في الفترة الاخيرة يبدو ان التهكير يتم بصورة منظمة وتهدف لجمع معلومات شخصية عن بعض اعضاء المنبر وليست مثل الهكر العبثي الذي يتضح من بوستاته انه هاوي
بعدين انا مش قادر افهم مستوى القمع الذي وصل الى حد حذف بوستات عزاز شامي المتوالية لتوضيح موقفها من رسائل ارسلت من المسانجر خاصتها وبدون علمها يطلب فيها الهكر ارقام تلفونات لبعض الاعضاء يعني بدل بكري يسحب الموضوع مفروض يعلقو في اعلى المنبر ويتداخل مع الناس ويظهر تضامنه مع عزاز ولكن للاسف الشديد بكري تصرف بطريقة دكتاتورية مع هذا الوضع وهو ما دفع الامور لحد ان تنسحب مجموعة مقدرة من الاعضاء الذين لا يرضينا واكيد لا يرضى بكري غيابهم
بكري رجاء حاول انظر للامور بنظرة اخرى وما تخليك حساس تجاه انو الناس تساعدك او على الاقل ادينا حقنا في اننا نعرف المعلومة هل البيهكرنا ده مؤسسة ولا مجرد هكر عابث
الشفافية قبل ان تكون قيمة اخلاقية هي جدار عازل ضد الشر المتخفي