بمنح جائزة الطيب صالح لطه جعفر يكون الادب السوداني وصل ادنى انحطاطه

جريمة في حق الراحل الطيب صالح , وجريمة في حق الادب السوداني , المدعو طه جعفر الخليفة والذي تم منحه هذا العام جائزة الطيب صالح اشتهر في هذا المنبر لسنوات باليوزر نيم المشترك بينه وزوجته (TahaElham) - (طه الهام ) هذا الشخص من اسوأ الذين مروا علي صفحات سودانيز اون لاين هو شخص قح بذئ بل فاحش البذاءة هو من الذين ساهموا بشكل فعال ومتزايد في انحطاط صفحة سودانيز اون لاين وذلك بدابه الحط من قدر المتحاورين معه وبالذات المختلفين معه في الافكار والوجهات السياسية يلجا بشكل سريع الي الافلاس واستخدام اسلوب اغتيال الشخصية , درج هذا الشخص وطيلة سنوات خلون الي التبشير بالاسفاف والانحطاط فانا لا استوعب مطلقا ان يكون اديبا يحمل قيم الادب العالية والمعاني السامية ويكون اسلوبه والفاظه عفت الازقة والشوارع عن استخدامها , اديب تكون لغته هي لغة قاع المدينة , لا يتورع عن استخدام اسلوبه هذا مع امراة كانت او رجل حتي النساء في هذا المنبر لم يسلمن من بذئ لسانه وفاحش قوله وسؤ ادبه وانحطاط مسلكه ووضاعه فكره , انا ابدا لا اتهجم علي الرجل ولا اقول عنه هذا الكلام من بنات افكاري ولكن ولحسن الحظ ان منبر سودانيز اون لاين يوثق الحديث وكله موجود في صفحات ارشيف هذا المنبر , وانا اتصفح في ارشيف هذا الاديب الربيب كنت اتعجب من الحال الذي وصل اليه الادب في بلادنا , فلو كان اعضاء اللجنة المانحة لهذه الجائزة اطلعوا علي ارشيف هذا الرجل في هذا المنبر فانا متأكد انهم لا يتوانوا في منحه : جائزة الطيب صالح لقلة الادب , فهو حقيق بها وبالتاكيد لن ينافسه احدا في نيلها والظفر بها .
في هذا البوست وبما ان الشيئ بالشيئ يذكر سنحاول استعراض ادب الاديب طه جعفر والذي ظل يتحفنا به لسنوات في هذا المنبر استحق عليه ان يمنح جائزة سودانيز اون لاين لقلة الادب











هذه افتتاحية وعينات فقط من اسلوب الاديب الاريب الذي شاهدناه ينشره في هذا المنبر , والارشيف مليئ بالذاخر , اما فيما حدث بينه وبين الاخ عادل عبد العاطي فبالتاكيد سيصعب علي نقله الي هذا البوست ولكن ساحاول ان ارفد هذا البوست بشذرات من ادبه الجم الذي داب علي اتحافنا به في هذا المنبر العام
وكونوا معنا

لا حول ولا قوة الا بالله يا اساسي
معقول دا الاخد الجائزة ؟
دا مفروض ياخد مؤبد مش جائزة
بالله شوف ؟
انتو مركز عبدالكريم مرغني دا اصلاحية ولا مركز ثقافي
مهانتك مهانة يا الطيب صالح

____
يااساسي بالمناسبة انت اليومين دي كاتبي المفضل
شكرا للبوست

طبعا وليد المذكور ده (وليد محمد المبارك) انا

بالله جيب المقطع بتاع تربية النسوان في اشارة الى تربية امي لي وافتخر بذلك
فقد ربت الرسول امه حتى الست سنوات دون ابوه الذي توفي عنه
وكذلك المسيح عليه السلام ربته امه وهو الذي لا اب له


ورائ طه ان كل من ربته امه ناقص تربية.. او كان هذا رائيه حينها

يا وليد ما عرفت اجيب شنو واخلي شنو

سلامات يا اساسي
جائزة منو الادوها لطه المسكين؟
بالله كلمنا عن الجائزة نفسها..عشان نشوق ونستعجب,,

والله احترت ماذا انقل لهذا البوست وماذا اجلب , تقريبا كل بوستاات الاديب الفائز بالجائزة علي نفس الشاكلة والوضاعة

كل الذي يمكنني تقديمه هو لمن اراد ان يرى العجب العجاب والادب الدراب ان يفتح صفحة البحث في سودانيز اون لاين ويكتب TahaElham ويختار البحث في كافة المنتديات
اوصي لمن اراد ان يفعل ذلك ان يلبس كمامة

ويجب الاشارة انه ومنذ فترة قريبة قام الاديب بتغير الاسم الذي يستخدمه في المنبر الي : طه جعفر

الاخت بيان راجعي : زميل المنبر طه جعفر يفوز بجائزة الطيب صالح للرواية قبل قليل...

شفت المحن البقت تحصل ؟

يا وهبة

صاحبنا يقول عن نفسه انه متخصص في ادب الضبان !!
فتأمل ..الملاسية !!

الاخ/ابومحمد

تحياتي؛؛؛

ياخي الراجل ده لمّ فيني شتيمة لمن قلت الرووب ؛





مفرووض يدوهو جائزة قلة الادب...

ياحليلكـ يالطيب صالح.

يا حاج اساسى
منظرك مضحك يا حاج، النصيحة لله. الجائرة تُعطى للعمل الادبى فى المقام الاول و ليس لحسن السير و السلوك. ياخ معانا هنا امنجية عديل، و كيزان برضو، هل هنالك بذاءة و انحطاطى اٍنسانى و اخلاقى اكثر من تخدم الجبهة الاسلامية و اجندتها؟. لا اظن.

Quote: الجائرة تُعطى للعمل الادبى فى المقام الاول و ليس لحسن السير و السلوك

وهل عقلية بالتفاهة والسفالة دي يابكري
ممكن تنتج عمل فني ينفع الناس ؟ دا زول اغلب الظن انو مصاب بانفصام شخصية
دا في احسن الحالات مفروض يكون بيشم سلسيون
جوار سينما كلوزيوم
اتفوووووووووووو

_____________
يا اساسي نحن برضو متخصصين في ادب ابو الدرداق
خليو يجيب ضبانو ويجي عشان الليلة يشوف مناظر من الله ما خلقو ما شافا

يا بشير ومن الذي سلم من بذاءة اديبنا المتوج بالجائزة ؟ اذكر انه اشتط مع الاخ تمبس بما لا اجرو علي نقله وعاد واعتذر عنها .



يا ابوبكر صالح طبعا شيوعي زيك بتلقي ليهو العذر لكن بالله امانة في ذمتك وبيني وبينك كدا مقتنع بكلامك الخجول القلته فوق دا؟
ياهو دا المنطق الداير تدافع بيهو عن زميلك الشيوعي ؟
خليك يوم واحد حقاني ونزيه

يا اساسى و وهبة
يا جماعة دقيقة بالله. الراجل فاز بجائزة الطيب صالح للادب عن عمل ادبى بعنوان فركة. لا أعرف الكثير عن العمل الادبى ذات نفسه و حظى قليل ايضا فى النقد الادبى، لذلك بوسعى ان افتى فى هذا الشـــأن. لكن طالما الراجل فاز خلال منافسة احسبها نزيهه فلابد ان قدّم عمل ادبى و اٍبداعى يستحق!. كونه يشتط فى الخصومه و تبادل السباب الشرس دا موضوع تانى، انا زاتى اشتط فى الخصومة و ابادل السباب باسواء منه، لا أقر هذا لكنها الاقدر، اعترف بانها عادة سيئة سوف اتخلّص منها فى يوم قريب.

لكن يا اساسى، طه لم يحصل على الجائرة المعنية عن مداخلاته فى سودانيز اونلاين لذلك لا أرى سبب لخلط الامور.

منطقك اعوج يا بكري وانت من اوائل الذين لا يعملون به في حالات اخري مشابهة ولو كان الفائز احد الذين تختلف معهم سياسيا ( اي كوز ) لكان موقفك مناقضا للذي تقفه الان , هب ان منظمة ما وضعت جائزة لافضل عمل انساني وفاز بها احد منسوبي جهاز الامن الذي تصادف مروره ببيت يحترق وقام بانقاذ الاطفال مثلا هل كان ذلك مقبولا لك وباستطاعتك فصله عن دوره في بيوت الاشباح التي هم متهمون بها ؟ ام كنت ستسوق وقتها بما هو معلوم لديك عن فظائع بيوت الاشباح خاصة وانك كنت ضحية مثلا لنفس الشخص ؟

تعرف يا اساسي بيشغل ذهني سؤال كدا
الزول دا لمن يتعاطى مع لغتو المعفنة دي بيفتكر شنو يعني ؟
بيفتكر انو الناس بتخاف منو ؟ او داير يثبت انو تربية شوارع ولا داير يثبت شنو ؟
يعني هسي لو ردينا ليهو نفس كلامو دا البحصل ليهو شنو ؟
هل بخاف ؟ بخجل وبدنقر وبمشي ؟ ولا شنو بالضبط والله بالجد شخصية محيرة
وهل الشتائم ممكن تدير ليها نقاش ؟
وهل انسان بيحمل جواهو كم الوساخة الهائل المابخليهو يحترم واحدة في سن امو زي دومة هل ممكن زي دا ينتج ادب وينفع الناس ...
انا والله لما شفت البوست وقالوا فاز بجائزة قلت قطع شك كان المشترك الوحيد هههه
قسس والله قسس !!

لا تبخسوا الناس أشيائهم!!
عليكم بمطالعة الرواية التي كتبها ونال من خلالها الجائزة و الحكم من خلالها.
قد تكون نرفزة و شئ ما أغضبه بالرد علي أولئك المتداخليين بالمثل.




ما بعرف الحصل شنو بين طه و الخالة دومة.
بس
نجاة محمود دي ما طبيعية, يااااخ دي بتجي داخلة معاي انا احمد بشير الما روائي وعضو تعبان ويادوب بيجي يرد للمتداخليين حسب فهمو, بتجي داخلة و بتكتب لي كلام كيف كيف!!

* ما قاعد أجاريها و بخليها رغم إنو أسلوبها ما تماما وبيتطلب إنو الواحد يرد بي شتيمة!!

ما خاتي في نفسي أي شئ كعب لاي عضوا بس الله يهدي الجميع.

Quote: نجاة محمود دي ما طبيعية, يااااخ دي بتجي داخلة معاي انا احمد بشير الما روائي وعضو تعبان ويادوب بيجي يرد للمتداخليين حسب فهمو, بتجي داخلة و بتكتب لي كلام كيف كيف!! * ما قاعد أجاريها و بخليها رغم إنو أسلوبها ما تماما وبيتطلب إنو الواحد يرد بي شتيمة!!

الدليل يا زول
جيب كلام اناكتبتو ليك استحق الشتائم فيه.

مافي اي سبب زول يشتم زول في محل حوار
وما يشتم الا قليل حيلة ومسكين

تعرف يا وهبة عندما رايت البوست الذي يبشر بفوزه لحظة انزاله الي البورد اخذتني الدهشة لدقائق وتمنيت ان يكون طه جعفر اخر غير الذي اعرفه هنا , وكنت جازما بانه شخص اخر لان ما اعرفه عن طه جعفر وما قراته له هنا وطيلة اعوام لا يؤهله للفوز برضاء اهله عنه دعك عن جائزة تقديرية للادب وانظر المفارقة ان طه جعفر البذئ الفاحش يفوز بجائزة ادبية !! ياخي تأملات ملاسي كلها لن تكفي ما بي من عجب .
بالامس وانا اشاهد قناة النيل الازرق رايت الاديب الما بغباني واضعا نفسه في الشاشة الحكومية التي حاربها طويلا متشدقا بوجوده في المنابر الالكترونية التفاعلية مصورا نفسه قاصا كبيرا فيها ولديه من المعجبين المائات ضحكت وتعجبت وبطني طمت منه وقربت استفرغ في الشاشة لهذا التسويف الصراح , كيف اتته الجراة ليذكر للاخرين وعلي الملا وعلي الشاشة تفاعله في المنابر اللكترونية هل نسي قلمه وما كان يكتبه هنا ؟ تعجبت وانتقلت بالرميوت الي قناة اخري سريعا وانا اري حال الادب ينحط وينهار في بلادنا , الطيب صالح الذي شغل الارض والعالم زمانا يفوز بجائزته السفهاء ؟؟

الاخ احمد بشير

النماذج الموضوعة من بذاءة المذكور ما هي الا عينة مهذبة جدا لما لم استطع نقله الي البوست من بذاءات وسـخـافات وقلة ادب لا اجرؤ علي نقلها , لا تبني رايك علي ما كتبه للخالة دومة وضحت طريقة البحث عن مداخلات المذكور , ركز علي حواراته مع وليد500 مع عادل عبد العاطي مع تمبس ومع الكثيرين وستجد ان ما قمت بنقله يعتبر ادبا رفيعا لما يكتبه الاديب المتوج بالجائزة , نبخس شنو ياخ هو انحنا جبنا حاجة من عندنا ما ياهو مطروح امام الجميع ابحث عن كتابات الرجل في الارشيف وستختلف مداخلتك اعلاه بالتاكيد

Quote: ولديه من المعجبين المائات

يازول مئات شنو وتلتميات شنو ؟
والله صحبك دا بفك البوست 30 يوم ما بكون قروهو مية وخمسين
الذ حاجة مرة يا اسئس قال عامل بوست وهمي كدا عن الفساد ولا عن شنو كدا ما عارف ؟
المهم بعملية حسابية كدا طلع ليك الكيزان مسئولين عن الفساد بنسبة 70% تصدق ؟
عليك الله يا اساسي فساد شنو بالقيسوهو بالنسبة المئوية دا
اصلو فساد ولا هيموقلوبين ؟

ما علاقة ( فركه ) كعمل أدبي بمداخلات طه جعفر فى سودانيزاونلاين ؟ ..
وقبل ذلك ما علاقة جائزة الطيب صالح بمناوشات اسفيريه ؟!..
هل كان عليهم استدعاء مداخلات طه جعفر عند قياسهم جدارة العمل الادبي !؟

توقعت تناول نقدى للروايه التى لم أقرأها بعد ..
حتى اعرف الانحطاط المشار اليه فى عنوان البوست ..
ولكن , لا يوجد هنا الا مدخل شخصى منفعل جدا ومهتاج يفترض فيه صاحبه ان سودانييزاونلاين هى محور الدنيا ..

ويا وهبه يا صديق .. اعملوا جائزه عن قلة الادب فى سودانيزاونلاين
وادوها لمن تشائوا ..
وكن على يقين .. أن قلة الادب فى سودانيزاونلاين لا تعنى قلة الادب فى الدنيا العريضه دى ..
ف طه جعفر احد الطف الناس حين تلقاه .. ورصيده الانسانى ما جمعوا فى المنبر ده ..

تحياتى للجميع

سلام على المتداخلين
اسلوب الاخ طه جعفر هنا ، ما كان موفق فيو كلو كلو ،،
بغض النظر عن الحيثات التى احدث تلك الشتائم.
ولكن هذا لا يعنى بناءا على مخاشنه فى سودانيزاون لاين
ان نجرد الاخ طه من حقوقه .
ونطعن فى كفاءه ونزاهه لجنه وجهه مشرفه
عشان اختارو النص بناء على اسس ومعايير معينه
بالطبع ليس من ضمنها البحث عن ارشيف المنابر
والفيش والتشبيه .

سيضاف هذا البوست الى بوست المعيار

وسنرى مستقبلا وماضيا هل يسرى ما راه البعض هنا عند تقيمهم اخرين ( غير طه ) في امور احترافية بحته بمعزل عن امورهم الحياتيه الاخرى ولا ده استثنى لطه فقط


سنرى وسنتابع

عن نفسى بقول ليه مبروك على المجهود
ولكن لن اعتبره اديبا

اعتقد انه يفترض ان تجد مترادفة اخرى لوصف انتاج الكتابة غير الادب .. عشان ما يتلخبت الاختصاص


ارجو من الذي يعلم منكم ان يعرف لنا معنى ادب و آداب من كافة النواحي والجوانب
وهذا سوال حقيقي لطلب المعرفة ما للتريقة

محمد حيدر المشرف

وعليكم التحية

لم نفترض في ان سودانيز محور الدنيا ولكنها باب مشرع لتعريفنا بالادب واقلام الادباء , لم نتقصي عن الاديب الذي التقيته وتقول عنه (ف طه جعفر احد الطف الناس حين تلقاه ) لم نتقصي عن حياته الشخصية ولا عن مذكراته الخاصة ولكنا وضعنا ما يكتبه خلال سنوات في هذا المنبر في كفة مقابل تتويجه علي رأس الادب السوداني في كفة , ولم نعامله بفصام مثلما تفعلون الان حينما تجبركم علائقكم الشخصية به ومقابلاتكم ولقاءاتكم به في النكوص عن قول الحق فهذا الامر مفهوم في سياقه انظر المدافعين عنه هنا نجدهم صديقه في الفكر ومقاسمه النضال اليساري ابوبكر صالح والاخ الذي يلتقيه ويشيد بلطافته محمد المشرف لذا شهاداتكم مجروحة في الرجل ولا يعتد بها , فكلكم ارتكذتم علي بغلة عرجاء تريدون بها تهريب الرجل من المكان والتخزيل عنه , سودانيز اون لاين عندما شرعت لتبادل الادب والحوار الثقافي والسياسي والافكار اذن نشر الادب والثقافة فيها محور اساسي , اديبكم المتوج لا يألوا جهدا في نشر ادبه كل حين في هذا المنبر لديه قصص قصيرة ومحاولات ادبية معنونة بكلاب وشواذ وغيره مبزولة في هذا المنبر ويمكنكم مراجعة ارشفه فستجدونها , لذا ما دام استحل الرجل نشر ادبه هنا وقلة ادبه ايضا فلنا ان نكتب كيفما نراه . ويظل دفاعكم عنه هنا دفاع اصحاب لا يؤخذ به

الاخ : أساسي

سلام ..

اولا وقبل كل شي .. الجزئية او المنحى الشخصي الزمت به وهبه .. وتقرأ ضمن سياقات مختلفه ارجو ان تكون حاضره فى ذاكرته من بقايا ذلك اللقاء الوحيد بينى والعزيز وهبه .. ولذا حزمتها نحوه وتخصه

ثانيا ..
مررت على تعقيبك بتمعن شديد .. لم أجد رابطا موضوعيا يربط بين الاشياء ..
وعليه فان مداخلتى كما هى عليه اعلاه ..

Quote: لذا ما دام استحل الرجل نشر ادبه هنا وقلة ادبه ايضا فلنا ان نكتب كيفما نراه

تحياتى ..

وليد ..

فى أقل من مطالبة الناس انهم يتكلموا بدرايه عن رواية ( فركه ) .. ويحاكمو جائزة الطيب صالح
بالفحوى او المقدار الادبى الفيها .. لا بمداخلات صاحبها فى احد المنابر الاسفيريه ..

الكلام ده غلطو وين تحديدا ..

وعلى بالحلال لو الفكى أول بدرالدين اسحق فاز .. لفرحت
( رجاله ساى كده وانتماء للمنبر )

تحياتى يا صديق ..


* لاضافة رتبه

كيف يالمشرف
اخبارك يا فرده

بالنسبة لي انا كما قلت سابقا ابارك مجهوده ولا اعتبره اديبا

Quote: فى أقل من مطالبة الناس انهم يتكلموا بدرايه عن رواية ( فركه ) .. ويحاكمو جائزة الطيب صالح بالفحوى او المقدار الادبى الفيها .. لا بمداخلات صاحبها فى احد المنابر الاسفيريه ..

ببقى السوال هل التقييم والتقدير والتكريم
للرواية ام لطه ؟؟؟

ان كان للرواية ما فيها شي
لكن لو كان لطه فيها الف شي بالنسبة لينا نحن على الاقل


في ظنى هنا اساسي لا يهاجم رواية طه
لكنه يهاجم طه ذات نفسو
هو ما بقول انو روايته لا تستحق لانو بالتاكيد ما قراها ولا يستطيع الحكم عليها

لكنه بقول طه لا يستحق التكريم
وجاب اسبابو وافانيدو

اتمنى الفهم يكون وصل يا صديقي


اهما حاجة يا المشرف تقيمكم ده حا يتختى معيار مستقبلا ... والكيزان كتاااااااااار

اوع تدقس

تحياتي

Quote: من بقايا ذلك اللقاء الوحيد بينى والعزيز وهبه

في خيالي وفي شعوري ألف مرة
حبابك يا دكتور
الجائزة الاقترحتها دي قبل كم ساعة كان ممكن تكون من نصيب هشام هباني
لكن وحاتك صحبك دا يستحقها والجمال ماشة وبدون منازع ...

اعملوها وادوها للدايرنو ..
فى النهايه حتكون جائزه عبدالوهاب وآخرون لقلة الادب بسودانيزاونلاين ..
ذا سياق محدد جدا ..
لن ينزع من احدهم شهادته الجامعيه من جامعه الخرطوم ..
او يقدح ذلك فى الجامعه العريقه ..

وهكذا يا فرده ..
المنطق ده .. الصعب فيهو شنو !؟

ازيك يا السماني

طه جعفر الخليفة فاز بالجائزة عن روايته (فركة) لا عن مداخلاته في( سودانيز أونلاين) وكانت الرواية من ضمن أكثر من 17 عمل روائي واستطيع أن أؤكد بالرغم من أنني لا علاقة لي بسكرتارية الجائزة أو لجنته التحكيمية أن كتابات طه التي جلبتها كإشارات لتدعيم وجهة نظرك لم تكن علي الاطلاق من ضمن النصوص التي دفع بها طه للمسابقة .

طه ده فاز عديل لأنو قدم شغل وجهد وعمل أدبي متكامل ببقي علي الأقل الناس تجتهد شوية طالما عندها رغبة في محاكمة أدبه .


التهاني مرة أخري للأخوين طه جعفر وهشام آدم بفوزهم بجائزة الاستاذ الطيب صالح

ــــــ
التعديل : للتعديل

الاخ الحبيب اساسي تحية ليك وزوارك الاكارم

اولا ادين بشدة كل جاء بحق الزملاء والزميلات الافاضل في هذا المنبر من اي كان.

ولأن الجدل حول شخصية الاديب وصحة الاخذ بانتاجه او تركها، قتلت بحثا في الكثير من المنتديات والصالونات الادبية والمواقع الكترونية، وددت مشاركتكم فيما يدور حول الجائزة.
غالبا انقسم الناس في هذا الامر الى قسمين : ففيما يرى جانب عدم النظر الا الى الانتاج كعمل انساني متفرد، يري آخرون ان الشخصية بالضرورة تلقى بظلالها على العمل.
الطرف الاول مثلا يسوق امثلة على ان قدرا غير قليل من الانتاج الانساني بدءا من الأدب وانتهاء بالمخترعات جاءت من لدن اصحاب ديانات اخرى او لادينيين حتى، ويبرزون التساؤل: هل نترك المخترعات الحديثة ونتحصن بالكهوف؟
وفي الادب تحدثوا عن الكاتبان الفرنسيان ذائعا الصيت أندريه جيد، وجان جينيه والكاتب الايرلندي أوسكار وايلد، ووليام شكسبير، وومارسيل بروست، هؤلاء لهم بصمات لايمكن تخطيها في المجال الادبي
الجانب الاخر يرى أن الاخذ بمنتجات هؤلاء ينعكس سلبا على النشء والاخلاق العامة ويبعد المجتمع عن الفضيلة والاخلاق الحميدة.

ولان التساؤلات تترى عن معى الاديب انقل للفائدة تصنيفا كان قد اورده الراحل عبد الله الشيتي رئيس تحرير مجلة النهضة الكويتية في العدد 783-السنة السّادسة عشرة- 6نوفمبر1982

Quote: ما معنى أن تكون أديبًا؟ سؤال ملحاح يطرح نفسه، ههنا : - ما معنى أن تكون أديبًا! ، وما معنى أن تكوني أديبة؟ في الشّرح المجازيّ للكلمة ، كلمة أديب: أي من أدّب نفسه، وأحسن صقلها تهذيبًا ورقّة وشفافية ورؤية جماليّة تستشف الكون والفنّ والحياة.. تلك هي المواصفات الأولى أو الأساسيّة. وبعد ذلك تجيء موهبة العطاء من نثر أو شعر.. وتتواءم الموهبة مع الاستعداد والقدرة على التعبير والتأثير في نفوس الآخرين.. وتجسيد آمالهم وآلامهم، فما يجوز للأديب أو الكاتب أو الفنان أن يعيش في معزل عن هموم وطنه ومشكلات مُجتمعه ، ويكتفي من فنّه أو أدبه بالتربّع على أمجاد واهية من شُهرة زائفة أو بروز مُفتعل لا قيمة له بين النّاس ! ومعنى أن تكون أديبًا ، أي أنّك مُطالب في الدّرجة الأهم، أن تكون قدوة ، وأن تكون حالة غير عاديّة ، تعكس مرآة ذاتك، وأن تواكب رحلة العُمر ، ذوقًا جماليًا وفعلا إراديًا وجُرأة أدبيّة، تنتصر معها للمناقب وتُشرع قلمك وفكرك في وجه المثالب والمعايب. ذلك هو في يقيني الأديب أو الشاعر أو الفنّان الملتزم رسالة الحياة والحقّ والحرّية و الكرامة.. وفيما عداه باطل الأباطيل وقبض الرّيح. **** ومعنى أن تكون أديبًا مُلتزمًا، أن تحيا حياتك مسؤوليّة عامّة حيال المُجتمع، لا أن تعيش عيشك اليومي ############ ولو كان مُرفّهًا.. لابد من أن تتحسس قضايا وطنك وهواجس مُجتمعك وطموح الأجيال التي تنطق باسمها وتُعبّر عنها وتعمل مع العاملين المُخلصين لخيرها ومجدها.. ومعنى أن تكون أديبًا ، أن تتخلّق بأخلاق غير العاديين من النّاس.. أعني أخلاق قادة الفكر والرّأي والإرادة ، أخلاق السمو فوق الأنانيّة والأحقاد والصّغائر.. ذلك لأنّ "فاقد الشيء لا يُعطيه".. إنّ الأديب الحق والفنّان الحقّ ، من أدرك بحسّه ووجدانه خطورة رسالته في الحياة وفي المُجتمع.. ومن عمل على تحسين وليس "تلميع" صورة الحياة والمُستقبل وحسب.. إنّه الإنسان الفذ الطموح.. الإنسان الإراديّ المُبدع الخلاق.. لا الإنسان المُتواكل السلبي.. وزهو الحياة والتاريخ، في رؤية الأديب أو الفنّان أو الشّاعر، أن تضيف إليهما لا أن تستمرّ فيهما.. زهو الحياة والتّاريخ المُعاصر، أن تكون ما تُريد لا ما يُراد لك.. والفاشل الحائر في هذا الإطار، من يُهزم دون ذلك مهما ادّعى ذلك.. إنّ أثرك يدلّ عليك ويُدنيك من أفئدة جمهورك ولا يُبعدك.. فإمّا أن تكون أو لا تكون. ومعنى أن تكون أديبًا .. أي أن تكون مُجتمعيًا وحضاريًا ورسولا بانيًا في الإنسانيّة وليس في برجك العاجي تتقوقع، أو حول ذاتك تدور.. الأديب أو الفنّان الحق.. من يكون في صورة الحياة وإطارها الحقيقي .. لا خارج الصورة أو خارج الإطار.. وقلّة هؤلاء في التعداد لو أننا أحصيناهم.. "ما أكثر الأدباء والشّعراء حين تعدّهم.. ولكنّهم في النّائبات والأنواء، قليل.. والقليل النّادر لا حكم له، ولكنّه يخلد مع ذلك في ضمائر النّاس وأفئدتهم، وفي صفحات التاريخ ولو بعد حين. ومعنى أن تكون أديبًا فنّانًا، أي أنّ عليك "تجديد" نفسك بصورة دائمة، وإلا اعتراك الصدأ قلما وقلبًا ومشاعرًا وأصبحت صفرًا على الشّمال.. وهذا يقتضي منك أن تتواصل فكرًا ووجدانًا ومسؤوليّة ضميريّة مع مُجتمعك الذي إليه تنتمي وهويّته التي تحمل.. والأديب العربيّ في مُعظم من أعرف يحتاج إلى مزيد من الثّقة، وإلى مزيد من الحرّية ومزيد من الشّعور بالاستقرار والطمأنينة والكرامة حتى لا يُقال "لا كرامة لأديب في وطنه" .. في بلدان العالم المُتقدّم، تجد هناك "مزارات" يؤمّها السيّاح والزّائرون للأدباء والشّعراء والفنّانين العباقرة الذين عرفوا طوال حياتهم وإلى مماتهم كيف تلتصق أعمالهم ونتاجاتهم بوجدان الشّعب وضمير الأمّة.. فإذا هم يُشكّلون "العلامة الفارقة" في حضارة أمّة من الأمم أو مجتمع من المُجتمعات.. ومن فاته ذلك لسبب هو مسؤول عنه مضى في الرّيح والنّسيان لا يذكره إنسان. **** إنّ الأديب الحقّ أو الفنّان العظيم من ينتصر على نفسه لتنتصر به أمّته وقضاياها العادلة.. إنّه الفارس الذي لا يترجّل ولو ترجّل الآخرون من الفُرسان. وهو قبل هذا كلّه وبعد هذا كلّه ، نموذج رائع للتضحية والنّخوة والإيثار لا الأثرة أو المنفعة الشخصيّة والمكاسب الذاتيّة والأساليب الوصوليّة التي تبرر الواسطة ولو كانت ميكافيليّة دنيئة مرذولة.. والأديب الحق.. وكذلك الشاعر والكاتب من أتقن لُغته.. وحافظ على تُراث أمّته ونافح عن حرّيتها وكرامتها وأخلص للكلمة.. فلا يبيعها في سوق النخاسة.. بذلك يكتب مجده على مرّ السنين.. والأديب الحق من يقرأ أكثر مما يكتب.. ومن لا يتعجّل الشّهرة أو الوصول.. فمن يصل بسرعة يهوي بسرعة. والحفاظ على القمّة أصعب ألف مرّة من الوصول إليها.. هذا هو الأديب الذي نريد ونتمنى، دلّني عليه لأرفع له قبّعتي احترامًا وتقديرًا ووفاءًا وولاء. **** و يا أيّها الأدباء المبدعون القادرون، انفضوا عن كواهلكم غُبار الكسل والاسترخاء ومجّانيّة الحياة، فالحياة لها ثمن: عطاء ومُعاناة وصبر وبذل وسهر طويل. إنّ الأديب الحق من طلب العلا سهر الليالي.. ومن كان مسكونًا بالألم والأمل معًا. إنّه العبقريّ في تواضعه وبساطته وإحساسه أنّه إنسان وليس رقمًا..!.. أليس كذلك؟!..

عقبال هشام هباني

وصديق مهدي ........

غايتو العوج رأي والعديل راي ..........

فى الواقع لم يتحدث أحد هنا من منطلقات بنيويه ..
ربما فى منابر أخري !؟.
ربما !؟



ابذل الزهور هنا تحسبا لفوزى بجائزه أدبيه ..

كارل ماركس قدم ما قدم من أجل البشرية
رغم ذلك هناك الكثيرون الذين يعتقدون أن مجرد ذكر إسم الرجل أمامهم ينتقص من وضوئهم


ربما ذلك من أثر الإيمان
ربما



وكذا الحال مع حسن البنا إحتراماً لآراء الآخرين
ربما
ربما

اها الترابي كيف ؟

كنت مولعاً بالتجاني يوسف بشير
الي ذلك اليوم الذي أوصلنا فيه معلم مادة (اللغة العربية اختياري) لمفارقته ـ تكبيراً وتهليلاً ـ
عندما وصلنا الطور الثاني والذي فيه كان صاحبنا التجاني قد دخل فعلياً مرحلة الشك ـ
سرعان ما تجاوزنا تلك الأزمة بدخولنا فرادي للطور الذي يليه فسبقنا الأستاذ وتركناه في سبه ولعنه
لنكتشف في خواتيم الكتاب إيمان التجاني يوسف بشير ذاك الإيمان الذي وصله عن طريق محبوبته فأطلق جملته الشهيرة معلناً حسمه للصراعات الفلسفية التي عاشها ليقول بكل براءة :
لابد لصانع هذا الجمال من خالق



لنقرأ فركة يا أصدقاء ومن ثم لنحكم !

ـــ
التعديل / للتعديل

Quote: لنقرأ فركة يا أصدقاء ومن ثم لنحكم !

نحكم على شنو يا خضر
على الرواية ام على سيدها؟

Quote: نحكم على شنو يا خضر على الرواية ام على سيدها؟

جيت في جرح يا صاحب
السؤال أعلاه ممكن عادي نحول للسماني
لكن برضو نديك الإجابة :

أنا يا صاحبي أتمني أنو يكون في محكمة خاصة للرواية ومحكمة أخري وفق مشيئة القضاة لـ طه جعفر
عن كتاباته السودانيزيه .
كلامك الفوق ده يا وليد هو أساس ما أوده بمعني أن نفرز بين فركة العمل الفاز بيهو طه جعفر في مركز عبد
الكريم ميرغني وبين مداخلات طه جعفر في سودانيز اونلاين ـ
ببقي ما من صالح أي جهة ياوليد شغل الخم والصر ده لو ما قدرنا نفرز بين الاتنين ـ
ولا شن قولك ياصاحب ؟

كدي يا خضر يا صديقي راجع عنوان البوست

Quote: بمنح جائزة الطيب صالح لطه جعفر يكون الادب السوداني وصل ادنى انحطاطه

اين ذكرت ( فركة ) ؟

هذا بوست لمحاكمة طه وليس روايته
فتحت اكثر من بوست للاحتفاء بفركة كان من الممكن لاساسي ان يكتب كلامه هذا هناك لكنه حينها على ما اعتقد يكون قد حاكم فركة بدون ان يقراءها

البوست ده بستنكر انو طه تحديدا يكون على قمة الادب السودان

انتو احكموا على فركة
ونحن سنحكم على كاتبها يا صديقي

لا حول و لا قوة الا بالله

بالله انا كنت فاكر الزول ده فيهو الخير و ح يعدل الميزان !!! لانو الجائزة قالو مشاركة او مناصفة بينو و بين هشام ادم ، و طبعا هشام ادم معروف وضعو شنو

طلعو الاوائل من الاراذل ، حرام تختو اسم الطيب الصالح مع هولاء

من هى لجنة التحكيم التى اختارتهم ؟

حاجة مقززة فعلا ، انو يكون اسمو اديب و هو لا علاقة له لا بالادب السودانى ولا الرومانى

وليد ..

Quote: ببقى السوال هل التقييم والتقدير والتكريم للرواية ام لطه ؟؟؟

للروايه التى كتبها طه جعفر الخليفه طه الريفى ..
ول .. طه .. مثلما لنا جميعا .. تجربه حياتيه قد تكون اكثر ثراءأ
بما أفضت به الى ( فركه ) .. تلك الروايه الفائزه بجائزه الطيب صالح للادب ..
أحطت أنا بقدر ضئيل من تفاصيلها .. وأعنى التجربه الحياتيه .. أحطت أنت بآخر
وإنفعل بعضهم بنماذج انتقاها أساسي ..
تلك المخاشنات اللفظيه تجاه دوما وأبوساندرا ..
واخد بال حضرتك .. دوما وأبوساندرا ؟!
وهذا محفز جدا لطرح بعض الاسئله ..
تلك تفاصيل ..
ولكن ما أعنيه اجمالا أن تجربة احدنا الانسانيه لن تعنون بتاريخنا فى هذا المنبر ..
لان مداخلنا اليه تتعدد .. ولا يكفى ان نطل على الآخر متاوقه من شباك سودانييزاونلاين والذى انتقاه لنا اساسى وهو غاضب ..
لنخلص لنتائج كبيره .. تتعلق بحقائق كبيره
كمحاكمة نص أدبى .. فما بالك بكل الادب السودانى

ثم امسك عندك هذا الاعلان المدوى ..

بمنح جائزة الطيب صالح لطه جعفر يكون الادب السوداني وصل ادنى انحطاطه

ثم تأمل ..


تحياتى يا صديق ..
وشفت ليك كوز فنان ..
الموضوع ده ما صدفه يا عزيزى ..

روضه الحا عيبها لي



___________

Quote: ولكن ما أعنيه اجمالا أن تجربة احدنا الانسانيه لن تعنون بتاريخنا فى هذا المنبر ..

ده كلام بصورة عامة صحيح وكويس
لكن نحن نحكم على اساس المعطيات العندنا

انت عندك معطيات تانية غير المنبر عشان كده حكمك مختلف وده حقك

انا دي معطياتي وعلى اساسها حكمت وده حقي الى ان اعلم عن طه ما يغير هذا الحكم
اكيد ما حا احكم عليه حسب تجربتك واتجاهل الجانب السئ الذذي عايشته اسفريا عن طه

ولا كيف يا حبه ؟

سلامات يا ناس

الهجوم على طه جعفر غير مبرر البتة هنا!
هو فاز عن عمل روائي وليس لمماحكات سودانيزاونلاين.

يا جماعة بمناسبة الادب وكدة منو القرا رواية موسم الهجرة للشمال?

انا لما قراتها للمرة الاولى كنت في الابتدائي وكانت منشورة في مجلة الدوحة القطرية, كان انطباعي عنها انها قلة ادب! واستغربت كيف يحتفي العالم بما هو مكتوب فيها!!!!?
مر الزمن وقراتها ثانية ولقيت ان لغتها على الاقل غريبة! لكن في ناس كتيرين يرون انها عين الادب!
القاصدو انه تقييم الناس للمؤلف او حتى العمل الادبي هو في النهاية حاجة نسبية ومحل اختلاف بين الناس
يعني في ناس لو قلت ليهم الكساندر دوما, يتبسملوا ويتعوزوا, وناس بتعتبر كتاباته هي تعبير عن حالة مجتمع وثقافة في ظرف زمني وسياق محدد.

نكون موضوعيين لو عايزين نقيم مشاكل طه جعفر في سودانيز نعاين في كتابات خصومه وسياق المشكلة ونحكم بالعدل.
واذا عندنا راي في حكم لجنة التحكيم نمشي نقرا العمل الروائي, وننتقدو بموضوعية ازاء الاعمال الاخرى, ونصدر حكم.

يعني لو زول قال ليك عندك ريالة بتهديه زهرة ولا شنو يا ناس?

لأبدأ يا وليد من حيث إنتهيت :

Quote: انتو احكموا على فركة

والحاكمية ياصاحبي هنا ليست لي بكل تأكيد ـ نحن نحتفي بإصدارة سودانية جديدة سميت بـ (فركة)
قرأها شهود عدول (علي الأقل بالنسبة لي) وتم إختيارها من ضمن أعمال كثيرة لتفوز وصويحبتها
(قونقليز) بالجائزة .
أتفق معك للمرة الثانية بضرورة التفريز بين فركة ومداخلات طه جعفر السودانزية ـ

مجموعة (المحلفين) الذين أقروا بفوز العمل (فركة) غير معنيين بمداخلات طه أو هشام في المنابر الالكترونية
وسكرتارية الجائزة غير معنيه في الأساس بمداخلات المتقدمين لحصد الجوائز في المنابر الالكترونية
(ومن عندي كده سودانيز اونلاين دي زاتها لاتشغل حيز في زمكان المشهد الثقافي السوداني)

Quote: ذا بوست لمحاكمة طه وليس روايته

معاً لمحاكمة طه جعفر لكن بدون التلميح بهيك عنوان ( بمنح جائزة الطيب صالح لطه جعفر يكون الادب السوداني وصل ادنى انحطاطه)
معاك من الألف للياء في محاكمته وشنقه ان كان يستحق لكن أن يشنق عمله (دي دايرة ليها صنة)

Quote: فتحت اكثر من بوست للاحتفاء بفركة كان من الممكن لاساسي ان يكتب كلامه هذا هناك لكنه حينها على ما اعتقد يكون قد حاكم فركة بدون ان يقراءها البوست ده بستنكر انو طه تحديدا يكون على قمة الادب السودان

موش أساسي براهو الما قرأ فركة أنا أيضاً لم أقرأ العمل بشكله المتكامل لي ده بقول ليك يا وليد انو نفرز بين الحاجتين (نفرز بين الطاهتين) عديل


شفت نحنا متفقين قدر شنو ؟

فعلا متفقين في حاجات كتيره


خلاصتي هي

قد تستحق فركة الاحتفاء بها
لكن كاتبها ... لا


قد تكون فركة عمل جيد
لكن كاتبها ... لا


قد تعد فركة عن البعض عملا ادبيا .. وان قراتها قد احسبها كذلك

لكنى مقتنع بان كاتبها.. ما هو باديب
او ممثل للادب

وقد قلت سابقا في مداخلات عاليه

ابارك له مجهوده ولا عتبره اديبا

في الأخير ده رأيك يا وليد وهو محل احترام وتقدير علي الأقل عندي
لكنني سعيد للغاية اننا وصلنا للنقطة الأساسية بضرورة التفريز
بين (فركة) و(بعض) مداخلات طه جعفر في سودانيز
ليقيني بأن سجل طه جعفر حتي في سودانيز لم يكن كله شتماً
واساءة ـ
لطه أعمال خالدات هنا ربما كانت بعظمة فركة أو أعظم منها
فأنا لست بناقد لكنني أحاول قدر إستطاعتي أن أتخير
الجانب الذي يهمني وسط هذا العالم المليئ بالخيارات .

أشكر لك تفهمك وأشكو لك سهري

احترامي ياصاحب

طبعا حتيلمى الشيوعين من هاوي لا لاوي يداعون عن ما لا يمكن الدفاع عنه

Quote: نكون موضوعيين لو عايزين نقيم مشاكل طه جعفر في سودانيز نعاين في كتابات خصومه وسياق المشكلة ونحكم بالعدل. واذا عندنا راي في حكم لجنة التحكيم نمشي نقرا العمل الروائي, وننتقدو بموضوعية ازاء الاعمال الاخرى, ونصدر حكم.

شوف الكلام دا
طبعا لازم يجي من شيوعي
هل رايت هجوم هذا المتقيح علينا منذ البداية؟
هل رايت اي كتابات لي تستفزه
هذا المتقيح اتهمنا بسرقة المال العام وقال على انا وزوجي احط من الكلام
حين لم تم دعوته لعشاء في مسقط اقامه نفر نعرفهم معرفة شخصية

هل يكتب زوجي هنا؟
هذا الرجل مجنون ومنفصم
وطعا جزء من انحطاط الانقاذان تفرز جوائز مثل هذه لامثمال طه..
وتجو تقولو لينا معارضة

يا شيوعين بالجد خجلانة ليكم لانكم مكن تزينوا وجه الشيطان لو منكم

الاختشوا ماتوا

انا لو محل هشام آدم ارفض الجائزة
معقول بس هشام آدم يختوه مع طه
يا عيب الشوم..

أساسي الأساسي
تحية و احترام

أنا لست شيوعيا و لا أعرف هذا الطه و لا أتمنى ذلك لكن هذا لن يمنعني - حتى بعد أن عرفت بذاءته - أنا أقرأ لطه القاص و أعزله تماما عن طه البذئ و ذلك لسبب بسيط أنني كقارئ لا يفترض بي معرفة هذا الطه في حياته اليومية و الرجل ليس إمام مسجد أو مدرس التربية الإسلامية لنضع له نموذج نقارنه به فإن حاد عن ذلك سقط . يعني لو الزول ده بكل بذاءته الظاهرة لم يكتب في سودانيز أونلاين و كانت الأختان دوما و نجاة من جيرانه و كان من راتب سلوكه اليومي أن يدخل في سباب وشتائم معهما و بنفس أسلوبه هنا و فهل كان هذا سيغير رأيك أنت - الذي لا تعلم بذلك لأنك لست من نفس مدينه أو قريته - في حصوله على الجائزة ؟

ماذا نعرف نحن جمهور القراء عن الطيب صالح في حياته الشخصية؟ هل نعرف معالجته لخصوماته الشخصية ؟ و هل يفترض بالقراء أن يبحثوا في حياة الكاتب الشخصية ؟؟ الكتابة في مكان مثل سودانيز أونلاين ذو حدين للكاتب - الذي يمتهن الكتابةو خاصة كتاب الرواية - فهي و إن كانت ترفده بالكثير الموجب و لكن من سلبيات هذا التواجد هنا أنه يكشف الجانب الذي كان من المفترض أن يظل مخفيا .. الجانب الشخصي . و هذا الجانب خطر جدا بالنسبة للكاتب لأن الكشف عنه يزيل المسافة المتوهمة بين الكاتب و القارئ ليجيل الكاتب إلى زامر الحي الذي قد لا تطرب مزاميره .

وليد
تحيات . لا علاقة بين الأدب و الأدب في كل اللغات إلا العربية و يمكنني التحدث عن ذلك لاحقا .

د. المشرف تحية طيبة .
بقولك أن طه رجل لطيف المعشر فأنك لا تفارق درب أخونا أساسي . و كأنك تريد القول بأن الرجل يستحق الجائزة لأنه مهذب و حسن المعشر و هو نفس منطق أخونا أساسي .

قال علي بن أبي طالب رضي الله عنه (" إذا جاءك رجل وقد فقعت عينه فلا تحكم له فقد يكون الآخر فقعت عيناه" )..

صدق قاضى القُضاة كرم الله وجهه.

إيراد كلام الأخ طــه دون الآخرين يجعل الأمر برمته يصب فى خانة إغتيال الشخصية و صرف القارئ عن القيمة الأدبية للعمل و الجائزة.

لسنا بصدد مهاترات قد نجد لها ما يبررها أو لا نجد و ليس المقام مقام محاكمة الأخرين على ما يخرج منهم فى لحظات إنفعال لم ُنمّلك أبعادها.

إطلعت على بعض مدونات طـه جعفر فى الإنترنت و الرجل موهوب و مثابر يستحق التهنئة و التحفيز..

تخيلو ا وانا صادقه فيما اقول وددت ان اهنئه
لكين خوفا منه لم استطع فهنئته سرا  .
وتوضيحا للامر ليس بيني وبينه مساله شخصيه
كان يغلظ في القول والشتم لبيان و بطريقه مقززه فعلقت انه كلامه عوير بالجد كان عوييييير
فاعتبره تعديا عليه فنالني منه ما نالني ومن اليوم داك اشوف اسم طه الهام بعمل رول داون للاسكرين
لا احب شتم الناس ولذا اتحاشى المبدعين في هذا المجال

Quote: قال علي بن أبي طالب رضي الله عنه (" إذا جاءك رجل وقد فقعت عينه فلا تحكم له فقد يكون الآخر فقعت عيناه" )..

المبالغات السودانية

مافي حاجة تخلي اي زول يشتم زول يا اللخو
زولك دا لا يحق له ان يكتب اي حاجة بيها شتمة لشخص حتى لو رد
رغم ان ما كتبه تهجم لا غير مثل ما تهجم على الجميع هنا
ولو فقعناعيونه ما بخليه يكتب كدا

الزول لما يكره البورد دا وهوامه مافي زول يلومو..
الاختشو ماتو
قال اديب قال...

يا اساسي

ممكن نستأنف ............

Quote: بمنح جائزة الطيب صالح لطه جعفر يكون الادب السوداني وصل ادنى انحطاطه

كده بضربة كي بورد وعنوان صادم مثل هذا يطلق على الادب السوداني انه منحط
لانو بعد فوز طه بالجائزة وصل الادب السوداني الى ادني نقطة في انحطاطه

ممكن تورينا امثلة لانحطاط الادب السوداني قبل فوز طه بالجائزة ولا هو كلام ساي

مرحب اسامه الفضل

Quote: وليد تحيات . لا علاقة بين الأدب و الأدب في كل اللغات إلا العربية و يمكنني التحدث عن ذلك لاحقا .

تمام وفي انتظارك لاحقا ...

ليس دفاعا عن طه جعفر
فانا شخصيا شتمني بهذا الموقع.

لكني مستغربه في ربط اساسي للابداع بالطيبه او التهذيب.

منو قال لك يا اساسي ان هذا حقيقي؟؟؟

ولن اقول لك هل تعرف الطيب صالح نفسه؟؟؟
ومنو قال لك ممكن يكون مع خصومه طيبا!!



اها اتمنى الا يتفرغ الفارغين لاعطائي مواعظ عن عظمة الرجل
يمكني ان اجد مليون صديق لطه الخليفه ايضا!!


اها انا احكي عن تجربتي يا اساسي فقط

ايام اقامتي بالاردن اتيح لي ان التقي بادباء وناشطين وغيره
واتيح لي الي جانب أدبهم ان اطلعت على بعض جوانب شخصياتهم
كيفية تعاملهم مع زوجاتهم وبناتهم وعموم الناس......



الله.....لو شفتوا الحقيقه لاغب الادباء العرب....
يمين الله لم اجد احط منهم مع زوجاتهم و اخواتهم وبناتهم....
ولا وجدت ابذأ منهم!!
ومن وقتها لم اجد سهولة بهضم كل الابداع العربي!!


واتحدث عن العربي لانها لغتي الاساسيه للمطالعه
قد يكون نفس الشيء لبقية شعوب العالم .


اها من وقتها وعرفت انه اروع الادب ممكن
يطلع من احط انواع البشر سلوكا وانسانية.




طه الخليفه لا اشببهه بهم رغم رعونته وزعرنته
ولكني ممكن اشببه بانه عنده مشكلة بتاعت anger management"
وانصحه بالقرأه حول الامر لانه سيطور قدراته بضبط غضبه.



وكذلك يمكنني وصفه بانه انسان طويل اللسان وسليطه
وايضا متكبر قليلا....ومعتقد بانه محتكر للفهم!


هذا لا يمنعني من رؤية مواقفه الصادقه في مواجهة الانظمه الشموليه
وحرصه على الفقراء و البسطاء...وان كنت لست واثقه جيدا
عن مواقفه ضد العرقيه....فلم اقرأ له الكثير حولها
كما يفعل اخيه الفاضل مرتضى جعفر...فقد وظف قلمه لنشر قيم السودان الجديد.



كونه يطلع في قناة النيل الازرق لا اعيب عليه هذا فحتى متى انتم
ترغبون في ترك الساحات لكم وقد سرقتم كل الوطن.

Quote: تخيلو ا وانا صادقه فيما اقول وددت ان اهنئه لكين خوفا منه لم استطع فهنئته سرا . وتوضيحا للامر ليس بيني وبينه مساله شخصيه كان يغلظ في القول والشتم لبيان و بطريقه مقززه فعلقت انه كلامه عوير بالجد كان عوييييير فاعتبره تعديا عليه فنالني منه ما نالني ومن اليوم داك اشوف اسم طه الهام بعمل رول داون للاسكرين لا احب شتم الناس ولذا اتحاشى المبدعين في هذا المجال

أعرف الحاجة دومة من اكثر من عشرة سنوات اسفيريا من زمن SUDAN.NET
وأعرف الأخ طه جعفر من خلال المعايشة في مدينة مسقط ايضا لنفس الفترة

شهادتي : الأثنان لا يستحقان مناوشات الأسافير
والله -وليست رمادية مني- دومة وطه شخصان يستحقان الأحترام (عندي) واربأ بأي منهما من فاحش القول و خشن الحديث و ######## الكلام.
لضرورة المواقف والظروف احكام ولكنها غير مبررة!!
ابارك للأخ طه الجائزة واتوقع منه اعتذارا غير مشروط عن كلام سابق قيل في لحظة غضب لا تشبهه
مع تحياتي له وللأخت الهام و للخالة دومة(اسوي ليها شنو هي عايزة كدة من زماااان)

Quote: اها اتمنى الا يتفرغ الفارغيم لاعطايء مواعظ عن عظمة الرجل يمكني ان اجد مليون صديق لطه الخليفه ايضا!!

والله يا تراجي انتي برضو تستحقي جائزة

علم النحوي والاعراب

Quote: انتو احكموا على فركة

فركة في الهواء ساكت...يا خضر؟؟
فركة ما عندها سيد؟؟؟
لابد ان تحكم علي فركة وسيد فركة...
ولو ثبت انه معتوه فلن يكون اهلا لفركته؟

الادب وسيد الادب لا ينفصلان يا حبيب...والا يكون هنالك حالة انفصام..
مرضية...لا تؤهل صاحبها للجائزة...فجائزة الطيب صالح...
ليست ككل الجوائز...

هههههههه
بعد انحطاط المنبر العام ..
ها نحن نشهد مقياس أساسي للعلوم والآداب
يدمغ كل الأدب السوداني بالانحطاط ..وفي الانحطاط أدناه

وقريبا .. سنقرأ بوست على شاكلة
الأدب العالمي يصل أقصى درجات الحضيض..

Quote: بالامس وانا اشاهد قناة النيل الازرق رايت الاديب الما بغباني واضعا نفسه في الشاشة الحكومية التي حاربها طويلا متشدقا بوجوده في المنابر الالكترونية التفاعلية

يا سلالالالام ..
هيج اشجاني هذا البوست ..
وللحقيقة وللتاريخ:
دخلت بالأمس وانا الذي اعاني هذه الأيام من قيمة الزمن ومعه في صراع لتراكم الكثير من حولي .. اقول دخلت بوست الجائزة بين مصدق وما مصدق إني بلقاها ..
وكنت اعتقد ان هناك طه جعفر آخــر .. لحظت فيما يلحظ اللواحظ صورة طـه جعفر في قناة النيل الأزرق في أحد البوستات ..
تعجبت من الحال .. ومن مركز عبد الكريم مرغني .. ولو اصلو مركز عبد الكيم مرغني دا ما بيقرا ضبان طه دا في المنبر هنا .. معناته سودانيزاونلاين دي ولا ح تسقط حكومة ولا حاجة بالواضح كدا ..
المهم ..
انا كان ممكن أعمل اي حاجة .. وحسع دي في حتتي دي ممكن اقرا رواية فركة دي مية وخمسين مرة .. واتجاوز تماما فكرة إنو كاتبة طـه جعفر الشهير بالضبان .. لكن حال أن أعلم أن طـه جعفر هو الكاتب الفركة دي .. عادي جدا ممكن استخدم فصول الرواية الورقية لي اي حاجة تانية وذلك مع الاسف طبعا ..
ما كمان ما ممكن اقرا لي اديب واقرا اديب .. مرة اديب ومرة اديب ..
بالنسبة لي حركة النيل الأزرق دي .. والله ضحكت عديل كدا .. اغرب حاجة ناس النيل الأزرق ديل بيصطادو ليك المناضلين ديل اصطياد شديد .. والواحد يمشي هناك قاشر ويتشدق .. ويجي البورد هنا يقوليك بنات النيل الأزرق تيابم ما جيكارات ..
حاجة عجيبة ..
سؤال مهم جدا ..
ترى ما رأي (مرتضى جعفر) .. في ذهـاب طه جعفر لقناة النيل الأزرق وهي قناة الكيزان والحكومة.
الجدير بالذكر إنو الزميل اساسي بدا يستعيد بعض ما فقده من بريق للكتابة في الفترات السابقات ويمكن أن اتعامل معه إلى حين ككتابي المفضل .. وذلك بعد وضعه تحت الاختبار ..
..

البوست دا عندي فوقو النص إذا لم يكن التلاتة أرباع ..


فتامل ..

Quote: Tragie Mustafa

هوووي يــا
اتخارجي من البوست دا .. بلاش حركات معاك .. انا ماشي البنك وجاي .. ما اشوفك حايمه بي هنا بلاش كلام فارغ معاك

يللا اتخارجي .. والله ياهو الفضل كمان عايزه تجي تنظر في جايزة الطيب صالح .. بعدما ادوها لي طه جعفر ..
والله ياهو الفضل ..
تراجي تنظر في جايزة الطيب صالح .. وطه جعفر يدوهو جايزة الطيب صالح ..

لوووووووووووووول يا محمد الشيخ يا ولدي خالتك دومه لا ترغب مطلقا في مناوشه معه ايا كان نوعها بل اعتذر عن ما وجهته له من كلام
انا بخاف منه مووووووووووووت اي والله بخاف من الزول دا
غايتوا يا اساسي يا ولدي الا تجيبها لينا ضقلها يكركب
غايتوا لو جاءوشتمني يكون الذنب عليك يا اساسي
يا اخي ان شاء الله يدوه نوبل للادب انتوا مالكم ومالو؟؟؟!!!

يا أخوانا نحن طه جعفر ما بنعرفه شخصيا
ولا نعرف شخصياالروائي العظيم الطيب صالح (رحمه الله)
لكن يهمنا أمر الأدب السوداني.

كدي جيبوا لنا النص الفائز عشان نقول رأينا في هل وصل الأدب
السوداني أدنى إنحطاطه أم لا؟

العزيز اساسي
هناك من يفصل بين ابداع المرء وسلوكه الشخصي.
يعني فى ادباء سكارى طوال الوقت لكن ابداعهم كان الهاما للامة.
ولكن ان يكون الانحطاط فى استخدام المفردة فهذا امر لا يجب ان يتم فصله عن ادب الكاتب
فما ياثر الناس فى الاديب هو مفردته
والمفردة يحب ان يكون لها كيان واحد وخط واحد لا يتجزاء
فمفردة العاهرات يجب ان تظل فى بيوت العاهرات
ومفردة الادب يجب ان تكون فى صالونات الادب (وليس فى بيت الادب)
حقيقة صدمت لهذه المفردات رغم فرحي قبل ذلك لفوزه بالجائزة

لنكات عجيبة ..
وسقطت المدعوة روضة الحاج
..
الشارع الخليجي والعربي: بايع جوهرتنا روضة الحاج موتوا اذن كمدا يا.....
..
دا لنك تحفـه .. يجب مراجعته بعناية شديدة..
حكومة الانقاذ بثقلها وسفارتها خلف (روضه الحاج)!!
لانو فوقو المداخلة دي:

Quote: يا تراجي سلامات ياخ بالمناسبة أمس في نشرة الأخبار الرئيسية بتاعت الساعة 10 ليلاً بتوقيت السودان، الخبر بتاع التصويت والرقم الذي يمكن للمشاهدين أن يصوتوا من خلاله للكوزة روضة الحاج إحتل جزءا مقدراً من هذه النشرة التي رأيتها بأم عيني، هذه الكوزة لا تدري بأن وقوف نظام القمع والإرهاب والإبادة الجماعية والفساد خلفها هو إدانة لها ولمشروعها الشعري الغث. بعدين ياتو شرف في لقب أمير/ة الشعراء العرب ده مرتضى جعفر

..

قدر هذا البلد أن يكون أمثال :
طه جعفر هذا روائي
وعبدالمنعم سليمان صحفي
وهشام هباني وتراجي مصطفى مناضلان
وموسى الزومة احد لاعبي فريق المريخ
فتأمل !!

مفاجأة هذا الحفل سيتم الإعـلان عنها بعد قليل .. فترقبونـا ..

1901
رينه سولي برودوم
فرنسا

1902
تيودور مومسن
ألمانيا

1903
بيورنستيرن بيورنسون
النرويج

1904
فردريك ميسترال
خوسيه إتشيغاراي
فرنسا - إسبانيا

1905
هنريك سينكيفيتش
بولندا

1906
جوزويه كاردوتشي
إيطاليا

1907
روديارد كبلنغ
المملكة المتحدة

1908
رودلف أوكن
ألمانيا

1909
سلمى لاغرلوف
السويد

1910
بول فون هايس
ألمانيا

1911
موريس ماترلينك
بلجيكا

1912
غرهارت هاوبتمان
ألمانيا

1913
رابندراناث طاغور
الهند

1914
محجوبة -
1915
رومان رولان
فرنسا

1916
فرنر فون هايدنستام
السويد

1917
كارل غيلوروب
هنريك بونتوبيدان
الدنمارك
الدنمارك

1918
محجوبة -
1919
كارل شبيتلر
سويسرا

1920
كنوت همسون
النرويج

1921
أناتول فرانس
فرنسا

1922
جاسينتو بينابنتي
إسبانيا

1923
وليم بتلر ييتس
أيرلندا

1924
فواديسواف ريمونت
بولندا

1925
جورج برنارد شو
أيرلندا

1926
غراتسيا ديليدا
إيطاليا

1927
هنري برجسون
فرنسا

1928
سيغريد أوندست
النرويج

1929
توماس مان
ألمانيا

1930
سنكلير لويس
الولايات المتحدة

1931
اريك أكسل كارلفلت
السويد

1932
جون غلزورثي
المملكة المتحدة

1933
إيفان بونين
روسيا

1934
لويجي بيرانديلو
إيطاليا

1935
محجوبة -
1936
أوجين أونيل
الولايات المتحدة

1937
روجه مارتين دو غار
فرنسا

1938
بيرل بوك
الولايات المتحدة

1939
غرانس اميل سيلانبا
فنلندا

1940
محجوبة -
1941
محجوبة -
1942
محجوبة -
1943
محجوبة -
1944
يوهانس فلهلم ينسن
الدنمارك

1945
غبريالا ميسترال
تشيلي

1946
هرمان هيسه
ألمانيا

1947
أندريه جيد
فرنسا

1948
توماس ستيرنس اليوت
المملكة المتحدة

1949
ويليام فوكنر
الولايات المتحدة

1950
بيرتراند راسل
المملكة المتحدة

1951
بار لاغركفيست
السويد

1952
فرنسوا مورياك
فرنسا

1953
ونستون تشرشل
المملكة المتحدة

1954
إرنست همنجواي
الولايات المتحدة

1955
هالدور لاكسنس
أيسلندا

1956
خوان رامون خيمنيز
إسبانيا

1957
ألبير كامو
فرنسا

1958
بوريس باسترناك (رفض الجائزة) الاتحاد السوفيتي

1959
سالفاتوري كوازيمودو
إيطاليا

1960
سان جون بيرس
فرنسا

1961
إيفو أندريتش
يوغوسلافيا

1962
جون شتاينبيك
الولايات المتحدة

1963
جيورجيوس سفريس
اليونان

1964
جان بول سارتر (رفض الجائزة)
فرنسا

1965
ميخائيل شولوخوف
الاتحاد السوفيتي

1966
نيلي زاكس
شموئيل يوسف عجنون
السويد
إسرائيل

1967
ميغل أنخل أستورياس
غواتيمالا

1968
ياسوناري كواباتا
اليابان

1969
صمويل بيكيت
أيرلندا

1970
ألكسندر سولجنيتسين
الاتحاد السوفيتي

1971
بابلو نيرودا
تشيلي

1972
هاينريش بول
ألمانيا

1973
باتريك وايت
أستراليا

1974
إيفند جونسون
هاري مارتنسون
السويد
السويد

1975
أوجينيو مونتالي
إيطاليا

1976
سول بيلو
الولايات المتحدة

1977
فيسنته ألكسندر
إسبانيا

1978
إساك سنجر
الولايات المتحدة

1979
أوديسو إليتيس
اليونان

1980
تشيسلاف ميلوش
بولندا

1981
إلياس كانيتي
المملكة المتحدة

1982
غابرييل غارسيا ماركيز
كولومبيا

1983
وليم غولدنغ
المملكة المتحدة

1984
ياروسلاف سيفرت
تشيكوسلوفاكيا

1985
كلود سيمون
فرنسا

1986
وولي سوينكا
نيجيريا

1987
جوزيف برودسكي
الولايات المتحدة

1988
نجيب محفوظ
مصر

1989
كاميلو خوسيه ثيلا
إسبانيا

1990
أكتافيو باز
المكسيك

1991
نادين غورديمير
جنوب أفريقيا

1992
دريك والكوت
جزر الأنتيل الهولندية

1993
توني موريسون
الولايات المتحدة

1994
كنزابورو أوي
اليابان

1995
سيموس هيني
أيرلندا

1996
فيسوافا شيمبورسكا
بولندا

1997
داريو فو
إيطاليا

1998
خوزيه ساراماغو
البرتغال

1999
غونتر غراس
ألمانيا

2000
جاو كسينغجيان
فرنسا

2001
فيديادر سوراجبراساد نيبول
المملكة المتحدة

2002
ايمري كيرتيش
المجر

2003
جون ماكسويل كويتزي
جنوب أفريقيا

2004
الفريدي يلينيك
النمسا

2005
هارولد بنتر
المملكة المتحدة

2006
أورهان باموق
تركيا

2007
دوريس ليسينغ
المملكة المتحدة

2008
جان ماري غوستاف لو كليزيو
فرنسا

2009
هيرتا مولر
ألمانيا

2010
ماريو بارغاس يوسا

==========================

اخانا العزيز اساسى

والزملاء الكرام

دى قائمة الناس الفازو بجائزة نوبل للأداب من اولها لى آخرها

والله يا اساسى معظم الناس الفوق ديل، ما كلهم طبعا، لو شفت ولا عرفت البلاوى والمساوئ الفيهم
مش تستغرب وبس، حتقعد تبكى عديل كده وتضحك على نوبل واهل نوبل كمان

ممكن اقول ليك مجموعة منهم وتمشى تفتش عن السيرة الذاتية حقتهم، وحتشوف العجب العجاب

حتلقى نماذج يشيب لها الولدان زى ما بقولو

ده على المستوى الشخصى حقهم يعنى وطريقة الحياة الكانو بمارسوها وتعاملهم مع الناس والحاجات حواليهم

العايز اقوله شنو

حتى على المستوى العالمى، ولدرجة جائزة نوبل مش جائزة مركز عبد الكريم ميرغنى والطيب صالح، الناس عادة ما بربطو بين الخاص والعام، ده براهو وده براهو

ونحن نمشى بعيد ليه

امسك عندك حتى على مستوى ناسنا المشاهير فى السودان، كتاب وشعرا وفنانين ولعيبة كورة الخ

حتلقى حاجات تحير والله

انا شخصيا ضد المناوشات البتحصل فى المنابر أو فى الجرائد أو المجلات

بشوفها عوارة ساى والله، شنو يعنى زول يقعد يشتم ويجرح فى زول لا هو جنبه ولا شايفه ولا قريب منه

والطرفين حيستفيدو شنو يعنى، غير زيادة رصيد فى العداء وخلق حزازات واحقاد مافى ليها داعى ولا لزوم وكشف حال كمان

انا لو عندى مشكلة او أى سوء تفاهم مع اى مخلوق تانى وفى أى موضوع كان

بمش ليهو عديل والاقيهو وجها لوجه

يا حلينا المشكلة، يا كتلتو يا كمان كتلنى

اى شى غير كده بكون ضياع وقت وشغل فى الهوا ساى

خلاصة الكلام الكتير ده

انه الربط بين سلوكيات وممارسات وطريقة تعامل أو حياة الكاتب، وبين الشى البعمله سوا كان كتابة او غناء او كورة او اى شى بهم الشأن العام، بكون ربط ما مطلوب وعشان كده انا جبت القائمة الطويلة دى عشان ممكن اى زول يختار منها ويشوف الأديب النوبلاوى الفاز بالجائزة ده، هو شنو وكان بسوى شنو فى حياته اليومية الخاصة والعامة

وعشان تأكيد حتة الحياد، ودى مهمة طبعا فى ظل وضع زى ده، اؤكد انه ما فى اى علاقة خاصة بتربطنى باخونا وزميلنا طه جعفر، عشان ما اظهر وكأنى انا بدافع عنه، بالعكس انا زى ما قلت ضد المهاترات والشتائم الفى الهوا دى، ناهيك عن استعمال كلمات جارحة ومؤذية

والله والحقيقة من وراء القصد

وارقدو عافية

Quote: ترى ما رأي (مرتضى جعفر) .. في ذهـاب طه جعفر لقناة النيل الأزرق وهي قناة الكيزان والحكومة.

دبيب .. انت دبي راسو عديل يا تمبس

الاخ العزيز أسامه الفضل ..
سلامات وكيف الاحوال ..

Quote: د. المشرف تحية طيبة . بقولك أن طه رجل لطيف المعشر فأنك لا تفارق درب أخونا أساسي . و كأنك تريد القول بأن الرجل يستحق الجائزة لأنه مهذب و حسن المعشر و هو نفس منطق أخونا أساسي .

وكما ذكرت اعلاه للاخ أساسي .. الاشاره كانت ل وهبه وتخصه امتدادا لنقاش تبنى هو فيه الراى الذى يقول بضروره عدم اعتماد مرجعية سودانيزاونلاين كمدخل وحيد لشخصية البوردابي ..
وكنت أري أننى غير ملزم الا بما يلينى ويصلنى هنا فى المنبر ..
وأننا نكتب ذواتنا ليس الا ..
غير أنى وفى ذات الوقت أعرف الحدود الفاصله للاشياء .. ولا أمارس اسقاطات كبيره لتفاعلاتى المنبريه مع الاخر فى حدود هذا الاسفير .. وفى حالتى التوافق والاختلاف ..

وقد راجعت الكلام الذى أشرت اليه مره اخرى ولم اجد فيه إشاره للاستحقاق الادبي او غيره ..
وعموما انفى ذلك ..

تشدق البعض بضروره استحضار الكاتب عند استقراء نص أدبى هو تشدق فى غير مكانه ..
والاتجاهات النقديه التى تربط النص بالكاتب لمقاربة الدلالات واستكناه الابداع لا تعمل هكذا ..
او على الاقل لا تهمل حتى النص ذاتو وتكتفى فقط بوجود هامشى للكاتب فى خلال تجربتو الحياتيه داخل موقع الكترونى لتعلن انحطاط الادب السودانى ..

شفت اللفه دى كبيره كيف يا عزيزي .. وما أن يبدأ أحدهم فى الالتفاف الكبير , حتى يبدأ شعب سودانييزاونلاين فى الركض لهثا حتى نهاية اللفه .. وساااى كده
المهم أن أحدهم بدأ الالتفاف ..
وهكذا ..



تحياتى لك والجميع

طالعوا سذاجة الروائي الناشئ على هذين الرابطين
يتحدثون عن المربع الاول! المربع الاول غير موجود! فكيف ي...السودانيون للامكان؟
حيث قال

Quote: اللامكان هو القبر ، القبر هو لامكان الاحياء و لا كيف؟

ياخ والله متعة ولا كيف ؟
وكت هنا جرد الحساب في شأن الدولة الفاشلة! من يتحمل وزر الفشل؟ مايلي :

Quote: الدولة الفاشلة التي يديرها الاسلاميون في السودان هذه الايام هي نتاج فشل تاريخي في بناء اسلوب حكم عادل و ديمقراطي ، لقد اسهمت الانظمة العسكرية في الفترات من 1958 الي 1964 ثم من 1969 الي 1985 في ذلك بصورة كبيرة، مجموع هذه السنوات منذ الاستقلال الي 1985 هو اثنان عشرون عاما من مجموع تسعة و عشرون عاما بنسبة 76% الي عام 1985 من يلقي باللوم علي الاحزاب السياسية حول فشل تجربة الحكم هو ليس متحامل، مع ان ذلك الفشل تتحمل معظمه المؤسسة العسكرية و من كان معها من تكنوقراط بسبة 75%. اذا اضفنا فترة انقلاب الاسلاميين الي هذه الحسابات تصير نسبة حكم العسكر كما هي 75% بذلك تكون المؤسسة العسكرية هي اس البلاء و اساسه. معلومة لدي الظروف الملابسات التي جعلت عناصر الاحزاب السياسية من المدنيين يلجأون للمؤسسة العسكرية لتعديل الاوضاع علي حسب ما يتماشي مع مصالحهم ، فمثلا انقلاب عبود كان بمساندة مباشرة من حزب الامة و مساندة جزئية من الاتحاديين و سرعان ما سعي العسكر للانفراد بالحكم و الفكاك من الارتباط بالقوي الحزبية حيث ان الاحزاب السياسية جميعا انخرطت في المعارضة ضد نظام عبود منذ عام 1962 ، رفع النميري شعارات يسارية و تلقي مساندة و دعم من بعض الشيوعيون و سرعان ما انقلب النميري علي الشيوعيين و اشبعهم قتلا و تدميرا ، بعد ذلك ارتمي النميري في احضان الاسلاميين الذين اصبحوا فعلا في الحكم منذ 1977 ( و هو عام المصالحة الوطنية بين حزبي الامة و الاتحادي و الاخوان المسلمون من جهة و النميري من جهة اخري) و الاسلاميون مازالوا فيه الي اليوم. يكون السودان الفاشل هذه الايام هو هدية الاسلاميين للشعب السوداني الاسير في بلده و المبعد عن منجزات الحضارة الانسانية لم تستفد الاحزاب الامة و الاتحادي من المصالحة الوطنية أي فائدة علي صعيد المقدرات السياسية او الاقتصادية كما فعل الاسلاميون بذلك يمكن حساب الامور بصورة جديدة الاسلاميون في الحكم منذ 1977 الي اليوم و يكون ذلك بنسبة 61% من تاريخ السودان بعد الاستقلال . هذه الدولة الفاشلة المتصدعة يتحمل الاسلاميون المسئولية عن فشلها بنسبة 61%. بقية ال 39% يمكن تقسيمها علي كل منظمات المجتمع المدني و الاحزاب السياسية فتكون بذلك مسؤليات الاخرين عن فشل الدولة قليلة بالمقارنة مع ما يتحمله الاسلاميون بقيادة الترابي من وزر الفشل. كتتويج مهم لهذه التجربة الاجرامية الفاشلة لحكم الاسلاميين و من معهم من تكنوقراط و حزبيين يعيش السودان هذه الايام اياما مشحونة بالترقبات غير السارة حيث يتوقع المراقبون استقلال الجنوب و دخول البلاد في دوائر جهنمية لحروب جديدة اضافة الي المأساة الماثلة في دارفور و هذه الكارثة باقليم دارفور التي تسبب فيها نظام الاسلاميين بقيادة البشير ساقت البلاد الي ويلات اهم ملامحها اتهام رئيس الدولة بالضلوع في جرائم الحرب و الاشراف علي ابادة جماعية لقوميات معينة في اقليم دارفور و هو الان حبيس اقفاص علاقات نظامه مع بعض الدولة في الاقليم و لا يستطيع حتي حضور افتتاح اول كأس عالم في افريقيا.

فتأمل !!

مفاجأة الحفل غدا الثلاثاء بجريدة الرائد بتاعت الكيزان .. وفيها الكوز محمد حامد جمعة ..

فتأمل ..

اضحك ملء شدقي علي الذين يردون في هذا البوست بان الكتابة في سوداانيز اون لاين ( حاجة شخصية ) لا يمكن المقاربة بها او استخدامها كمعيار , سودانيز اون لاين المنبر العام المقرؤ بل اكبر منبر سوداني يطالعه في اللحظة الواحدة اكثر من الف وخمسمائة قاري هو مكان شخصي وخاص؟ سودانيز اون لاين الذي يتفوق وحيدا علي جميع الصحف السيارة السودانية والتي لا يتجاوز توزيعها بضعة الاف الكتابة والقراءة فيه امرا شخصيا !! سودانيز اون لاين المكان الذي شرع للكتابة والمداولة حول الكتابة اصبحت الان امرا شخصيا لا يقاس عليه هكذا فجأة اصبحت سودانيز اون لاين زيها وزي غرفة النوم او الحمام او المطبخ , لا يجوز الاقتباس منها او محاكمة الكاتب علي كتابته فيها لان الكتابة في سودانيز اون لاين تدرج تحت انتهاك الحرية الشخصية !!
انظروا جيدا واحكموا يا هؤلاء , اذا كنا اقتبسنا لاي من كتابات العضو طه جعفر في اي من الصحف اليومية او اي طريقة نشر اخري لما كان هناك خلل , ولكن عند الاقتباس من سودانيز اون لاين يكون الامر مرفوض لان سودانيز اون لاين لا يقاس عليه !! طوال الفترة الماضية كان نفس هؤلاء المتشدقين بان ما يكتب في سودانيز اون لاين امر شخصي كانوا يسوقون لان المنبر العام اصبح امرا مؤثرا في الواقع السوداني السياسي والثقافي والاجتماعي , سوقوا كثيرا الي ان المنبر نظم المظاهرات , سوقوا كثيرا الي ان المنبر سير القوافل والدعومات , سوقوا كثيرا الي ان المنبر نشأت من خلاله احزاب وتم التسويق لها واصبحت فاعلة في الشأن السياسي السوداني , والان عند الاستشهاد بكتابة اعضاء المنبر يتحول الامر بقدرة قادر الي ان الامر شخصي !!؟
اذن ماهو الادب وما هو الابداع وما هو الفكر ؟ نحتاج حقيقة الي فك طلاميس هذه المفردات لانه شق علينا تفسيرها , الغريبة ان نفس هذا الفائز بجائزة الطيب صالح للرواية نفسه كان منافحا ومستنكرا وناشطا في سودانيز اون لاين ضد ان يتم انتخاب الشاعرة روضة الحاج لجائزة شاعر المليون , ولما هذا لانه كوزة ؟؟
والان نجد المنافحين والمدافعين عن نفس المعترض لان سؤ ادبه وسؤ خلقه وفحش لغته وبذاءة كلماته في سودانيز اون لاين امر شخصي وخاص ؟؟
ايها المعترضين الاعزاء , نحن لم نقتبس من احاديث طه جعفر في الصوالين المغلقة ولم نتجسس علي مذكراته الخاصة ونستشهد بها ولم ننقل عن احد سمع عنه , ولكنا اتينا بتناقضاته هنا بيننا , شخص يطرح نفسه داعما لحقوق المراة ويكون ابشع المنتهكين لها والمداخلات اعلاه خير برهان علي تسلطه الذكوري علي الاخوات والعضوات في المنبر , شخص يسوق لنفسه في الكتابة عبر دمج اسمه واسم زوجته في يوزر واحد يستخدم نفس اليوزر في النيل من اخريات !! شخص يطرح نفسه تقدميا يساريا منافحا عن حرية التعبير وهو اول من يقوم بالتبعير عندما يصطدم بالمختلفين معه ويقوم باغتيال شخصياتهم ويبدع في التنمر علي النساء !!
ياخي من ابسط شروط الخدمة المدنية في كافة الدول ان لا يكون الشخص قد ادين بجريمة تخل بالشرف والاداب , ما علاقة ذلك بالوظيفة ؟ اي مسلكه الشخصي , ليأتي هذا المتنمر البذئ الفاحش ليتوج علي رأس الادب في السودان ؟
اي حكم ومنطق تستشهدونه يا هؤلاء؟
يظل طه جعفر غير حقيق بهذه الجائزة ولا تنطبق عليه شروط التقديم لها دعك من الفوز بها وهذا البوست رسالة واضحة للجنة المنظمة لهذه الجائزة لاستدراك امرها والتنقيب مقبل السنوات عمن يمنحونهم جوائز ادبنا وثقافتنا دون بحث او تقصي عن احقيتهم بها . هذا البوست لو قرأه اي من افراد تلك اللجنة حتي وان لم يفعلوا شيئا سيكون بمثابة بلاغ بوضع معايير اكثر انضباطا من تلك التي يضعونها الان .
اذن ماهو مغذي الجائزة الادبية ؟ ما هو مغذي ان يكتب الشخص رواية ؟ اوليس من خلف هذه الرواية رسائل لاصلاح المجتمع والتنبيه عن مشاكل معقدة فيه ورسالة بلفت النظر الي مواضع خلل فيه ؟ اوليس حريا بالذي يجتهد لارسال رسائل بهذه الشاكلة ان يكون في البداية متسقا مع ذاته ومع رسائله ولا يكون اول منتهك لها ؟

الاخ المشرف

رغم ان البنيوية لها علاقة مباشرة بهذا البوست بل تكاد تكون هي عصب البوست الا اني لم اشر لها هنا كي لا يتحول امر البوست الي سجال بين الداعمين لمدرسة البنيوية والمختلفين معها , فهذا الحوار اشتدت وطاته في هذا المنبر لسنوات وسنوات وكل كان يتمترس خلف قناعاته , لذا الاشارة اليها في هذا الوقت مع المتحفذين للخوض في الامر سيضيع علي الواقعة وتتثبيتها , انا الان بصدد تثبيت راي حول حادثة معينة وحشد وجهات نظر حولها , لذا ابتعدت عن الخوض في الامر من بوابة البنيوية .
انا لم اقرأ الرواية وان استطعت التحصل عليها قد افعل ولكني لا اسعي لذلك الان , قد تكون رواية جيدة او ممتازة فيها رسائل وافكار تتناقض ومسلك صاحبك طه وهو امر اخر لسنا بصدد تفتيته الان , ما اردتته بهذا البوست ثبته في المداخلة اعلاه وبعد حسم امر هذا البوست قد يتبحر المتبحرون في حديث البنيوية وامر احقية الابداع في الرواية بالجائزة وهو امر منفصل تماما عما اريده انا بالبوست وبين ما تنشدونه انتم ليكون البوست عليه .

يجب مراجعة الكتابات على المواقع الإلكترونيه لصاحب أي عمل أدبي مشارك في منافسة على جائزة أدبيه ومن ثم قبول عمله الأدبي كمُنافس أو رفضه





أساسي قوم لف

Quote: اوليس من خلف هذه الرواية رسائل لاصلاح المجتمع والتنبيه عن مشاكل معقدة فيه ورسالة بلفت النظر الي مواضع خلل فيه ؟¿

الاخ اساسى

هل يقيم العمل الابداعى بالسلوك الشخصى، ام يقيم من خلال العمل نفسه ومقارنته بالاخرين؟

يجب عليك ان تعمل كما عملت اللجنة، اقراء الروايه ثم تعال حاكمها هنا كنص ادبى؟ وقل فيها ماتشاء
لكن لا توجد لجنة فى العالم تقيم عمل ابداعى وتطالب فيه كاتب او ممثل او شاعر بشهادة حسن سير وسلوك..

بعد دين ده شنو الكلام القديم الكاتبه ده بتاع انو الروايه عندها رساله...الخ
الفن لو عنده رساله واحده هى متعة الروح لا غير...
لو عايز تبقى مصلح اجتماعى اعمل جمعيه ولا ابقى سياسى...الخ
لكن مش كاتب او رسام...

Quote: قدر هذا البلد أن يكون أمثال : طه جعفر هذا روائي وعبدالمنعم سليمان صحفي وهشام هباني وتراجي مصطفى مناضلان وموسى الزومة احد لاعبي فريق المريخ فتأمل !!

شكرا وهية لم تقل إلأ الحقيقة

طه الهام أو (طه جعفر) حالياً سجله هنا قذر و###### ومنحط لدرجة اخجل من نفسي عند قراءة كتاباته في هذا الموقع ولدي معه معارك اسيفيرية حاول بقدر الامكان النيل من اي شخص يختلف معه فكريا او سياسيا بالفاظ نابية وكلمات يندي لها الجبين خجلاً هذا الشخص غير مؤهل مش للفوز بجائزة دا غير مؤهل حتى للسير في الشارع العام لسوء سلوكه وانفصام شخصيته
ارجعوا للارشيف وسترون العجب العجاب
وكل تلك الشتائم والالفاظ كان الحبيب بكري صاحب الحوش يغض الطرف عنها وكانها لا تعنيه من قريب او بعيد حتى قام بتغير اسمه لطه جعفر خجلا من الماضي الذي سوف يظل يلاحقه هنا وفي اي مكان

ياريت لو في ايقونة لايك في كل مداخلة زي الحركة بتاعت الفيسبوك ديك
كنا دخلنا دقينا لايك في كل مداخلات ود المشرف واخرين
وجهة نظرك واضحة يا اخ محمد المشرف لكنها سودانيز ولا عجب

Quote: ياريت لو في ايقونة لايك في كل مداخلة زي الحركة بتاعت الفيسبوك ديك كنا دخلنا دقينا لايك في كل مداخلات ود المشرف واخرين وجهة نظرك واضحة يا اخ محمد المشرف لكنها سودانيز ولا عجب

كم اسفت وحزنت وانا اقرا راي الجندرية هذا , قد يكون طه صديقك او الهام صديقتك ولكن عرفتك لسنوات في هذا المنبر داعمة ومؤيدة لحقوق المراة منافحا عنها متخذة اسم له مدلولات تربطك به , ومع هذا نري وفي هذا البوست بالذات تعدي طه علي المراة وسفوره في هذا , وللاسف اقرا لك هذا التداري خلف منطق مداخلات المشرف , سآني موقفك هذا اختي اماني ولم استوعبه

تحياتي يا أساسي و المتداخلين ..
اعتقد في شوية معلومات مفروض تتعرف بس عشان تواصلو سجالكم ده عن بينة ..
جائزة الطيب صالح للابداع الروائي التقديم لها يتم بصورة شخصية و باعمال لم تنشر من قبل.
و حين تقرأ اللجنة الأعمال تٌحجب عنهم الاسماء. فهم يطالعون نصوصا لا يعرفون من كتبها. تماما كتصحيح أوراق الامتحانات.
بهذا فإن الجائزة تمنح للعمل المجهول الكاتب .. و لا تمنح للكاتب نفسه كنوبل مثلا التي تمنح للكاتب لمجمل اعماله.

يبقى اللجنة لما تمنح الجائزة للرواية لا تعرف كاتبها .. فيمكنك لو شئت ان تناقش سكرتارية الجايزة التي تضع الاسم مع العمل فتكشف ان الرواية الفائزة هي لفلان .. هل هي ملزمة ان تحجب الجائزة بعد قرار لجنة التحكيم لصالح الرواية لأن الكاتب لا يستحق لأي سبب أو آخر ؟

شئ أخير :
الفوز يكون على مستوى الاعمال المقدمة .. و ليس على مجمل الادب السوداني.

Quote: بغض النظر عن الحيثات التى احدث تلك الشتائم. ولكن هذا لا يعنى بناءا على مخاشنه فى سودانيزاون لاين ان نجرد الاخ طه من حقوقه . ونطعن فى كفاءه ونزاهه لجنه وجهه مشرفه عشان اختارو النص بناء على اسس ومعايير معينه بالطبع ليس من ضمنها البحث عن ارشيف المنابر والفيش والتشبيه .

الجندريه ..
سلامات وكيف الحال والاحوال ..

ولا اعلم أين أدعى الناس ( بحسب أساسي ) أن الكتابه فى المنبر ( أمر شخصى ) !..
لا .. ليست أمرا شخصيا, هو فعل متجاوز ونشكو حتى من قلة الضوابط او غيابها ..

ما نتحدث عنه مدرج تحت هذا العنوان ..
( بمنح جائزة الطيب صالح لطه جعفر يكون الادب السوداني وصل ادنى انحطاطه )..
والعنوان هو بمثابة نتيجه توصل لها الاخ أساسي ..
ولأن الكتابه ليست بالأمر الشخصى ..
يكون هو مطالبا بتقديم معطيات هذه الخلاصه .. وبأدوات نقديه لا مجرد رأى شخصى
عن رسالة الادب واعتمالات النص الادبي فى حدودو الاجتماعيه القصوى انطلاقا من مداخلات طه جعفر فى سودانيزاونلاين وحصرا عليها .. والتى وبحسب أساسي حتما تقود لاعلان انحطاط الادب السودانى ..

هذا الرأى .. وهذه المقاربه .. تفتقد لابسط مقومات الرؤي النقديه
ولا تتمتع بأي أسس اوأدوات اكاديميه تقوم بصوره جاده بأخذ القارئ نحو الخلاصات ..

والسؤال هنا ..
ما المعيار ؟!.. الانطباعات الشخصيه نحو هذا الموضوع ..
أم أن الامر يستحق معيارا اكثر دقه وحياديه منى أنا وانت وأساسي وعبدالوهاب وكل جماهير المنبر..

وأعتقد اننا يجب أن نكون أكثر دقه..
وهذا كل ما هنالك يا عزيزتى ..

جزيل شكرى وتحياتى واحترامى

اساسي سلامات
سآني والله ان يسيئك ويحزنك ما كتبه
لكن عندي سؤال عشان نتدارك دا كله
هل هذا البوست لادانة طه جعفر عن عنفه اللفظي تجاه بعض الاخوات هنا
ام عن عدم استحقاقه لجائزة الطيب صالح الروائية عن رواية ( فركة ) بسبب هذا العنف ؟
يا عزيزي انا قلت لايك لمداخلات الاخ محمد المشرف واخرين لايضاحاتهم المتكررة عن ان الامرين مختلفين
وانك تحاول خلط الزيت بالماء في هذا البوست
وهاهو حمور يضيف ايضاحات اخرى

تعرف موقفي من العنف والعنف المضاد في عمومه وليس فقط ضد اخوات اعزهن هنا
وهانذا اثبته مرة اخرى
ما قرأته نقلاً عن مداخلات الاخ طه ادينه حتى دون ان اعرف حيثياته
فلا شي يبرر العنف والعنف المضاد عندي

نجي لموضوع ربط اسمي بموقفي من ما تتعرض له الزميلات او احوال النساء وما يقدمنه في المنبر
ياخ بح صوتي من محاولة ايضاح ان جندر لا تقابل نساء او نسوية
وان الجندر ليس مذهب ولا عقيدة
ما علينا
موقفي من العنف لا علاقة له بمن وقع عليه هذا العنف
سادينه ان كان الفاعل اوالمفعول به امرأة او رجل

ــــــــــــــــــــــــــــــــــــــــ
على فكرة طه جعفر لم التقيه مطلقاً ولم اتداخل معه في هذا الاسفير او اي فضاء اخر على ما اذكر


ودي والمحبة

بهذا المنطق الغريب من الاعضاء الكرام المشرف و الجندرية

بكرة عادى ممكن ندى ( المشير عمر البشير ) جائزة نوبل للسلام

بعد توضيح الاخ حمور لا الوم اللجنة ابدا ، كونهم لا يعلمون

و لكن الو هولاء الذين يعلمون ، و بعد ده كلو يمشو و يباركو كمان !!!

اسمو ادب يا عالم ، هل ترون فيما فعله ادب ؟؟

الاديب مفروض يكون اناء ينضح بجميل القول و الخلق ، و ليس بالفاحش منه

ياما كان فى ناس فنانه ، لكن ما عندها اخلاق ، و لذلك لا احترام لهم

و الوزارة ، اسمها التربية و التعليم

والله لكن بوست أفن أديييييييل


طيب يا اخوانا بدل اللت والعجن اجدعو لينا الرواية وخلونا نقراها


بالنسبة للمداخلات المنقولة من أرشيف الكاتب في سودانيز أون لاين طه جعفر فهي انحطاط فعلاً ، وللأخوة المحتجين الحق كل الحق

يلا أدونا الرواية في لنك أو وصفو لينا مكتبة نلقاها مطبوعة فيها (لو تطبعت واتببلشت) نمشي نشتريها ونجي نكتب حكمنا ،

_____________
في رأيي:
انحطاط الكاتب في شخصه لا يساوي انحطاط الأدب
انحطاط الكاتب في شخصه يشوه صورته عند جمهور القراء والناس

يبقى عنوان أخونا أساسي الاختارو للبوست غير صحيح ولكن المضمون فيه الصحيح الكثير

استدراك:

Quote: انحطاط الكاتب في شخصه يشوه صورته عند جمهور القراء والناس

بمافيه من احتفاء من الجمهور بما يحقق من أمجاد أدبية.

وفي هذا المثال: بوست اساسي خرب الحفلة!

الاخ العزيز محمد الامين ..
تحياتى ..

Quote: بهذا المنطق الغريب من الاعضاء الكرام المشرف و الجندرية

لا يوجد ما يسمى بالمنطق الغريب هنا .. هناك استدلال خاطى واستدلال صحيح
وفى الواقع لم اكلف نفسي اعباء الاستدلال أصلا ..
فلم أكتب مثلا أن طه جعفر يستحق هذا التكريم بجداره ..
حتى أبذل الاستدلالات المناسبه التى تقود لمثل هذه النتيجه..
ما كتبته هنا رأيي فى مسأله مختلفه جدا ..
ان الاخ أساسي وأنتم لم تدللوا على مقولته التى فى العنوان ..
وعشان يدلل عليها وتددلوا يفترض كذا وكذا ..
ما الغريب فى هذا ؟.
هل يتوجب على أن ابصم بالعشره على أى عنوان يتكتب والسلام !!..

Quote: اسمو ادب يا عالم ، هل ترون فيما فعله ادب ؟؟

ودى مشكله تانيه ..
ما علاقة نص أدبى بالآداب العامه واللياقه الاجتماعيه .. ؟!
هذا التشابه فى المفرده لا يؤخذ هكذا ابدا ..
وعلاقات الاجناس الابداعيه بالاخلاق لا يتم تناولها بهذه الطريقه ..
وتقريبا انا على يقين أن ( فركه ) كمنتوج ابداعى هى إضافه حقيقيه للادب السودانى ..
وهى برسم القراءه حتى يتم اليقين ..

Quote: الاديب مفروض يكون اناء ينضح بجميل القول و الخلق ، و ليس بالفاحش منه ياما كان فى ناس فنانه ، لكن ما عندها اخلاق ، و لذلك لا احترام لهم و الوزارة ، اسمها التربية و التعليم

ودى مشكله تالته ..
أنا ما مقتنع انو الاديب مفروض ينضح بجميل القول والخلق ..
انت عندك معاييرك التى تقود الذائقه الادبيه ..
أنا أتركها- اى الذائقه - حرة كما هى ..
ما الذى يلزمنى باشياء تخص ذائقات الآخرين ؟..

كما لم أفهم بتاتا الاشاره لوزارة التربيه والتعليم ..
وكذلك الاشاره لجائزة نوبل للسلام ..

تحياتى وتقديري ..

تحية طيبة للجميع

الاخ محمد حيدر المشرف

انت جبل ما بنقدر نطلعك ، و كلامك وصل

و يبدو ان زيادة النقاش من طرفى سوف تقود الى حلقة مغلقة

و لذلك اكتفى

و للتوضيح فقط

Quote: كما لم أفهم بتاتا الاشاره لوزارة التربيه والتعليم ..

الجيل الجديد ، تعليمه مسؤولية الاهل و وزارة التعليم، و التربية تسبق التعليم، فلا فائدة من التعليم بدون ادب

Quote: وكذلك الاشاره لجائزة نوبل للسلام ..

صيغة مبالغة نتيجة للفصل الذى يمارسه اهل السودان بصورة عامة ، و التأسيس لمبداء عفا الله عما سلف

سلام وتحية للجميع

التهنئة لطه وهشام أولا (مع أني لم أقرأ اي من انتاجهما الأدبي)، وهذا تقصير من جانبي.

النقطة المركزية في هذا البوست حسب شوفي:
خلط أساسي بين مفهومين
الأدب بمعنى حسن السير والسلوك
والـ literature
بمعنى الإنتاج الأدبي
كما نوه بذلك أسامة


وهو خلط شائع لا يخص أخونا أساسي وحده



من الشواهد على ذلك اقتران مفترض لأجواء
الرقة
والحساسية
ورهافة الشعور
و الندى
والأزاهر
والفراشات
والبيبيز المجنحة
والعصافير
وما الى ذلك.

بالفن والفنانين شعراء وموسيقيين وأدباء.. الخ
عندنا.

تسمع ذلك عشرات المرات في اللقاءات الإذاعية وبالصحف والمنابر
والشاعر الرقيق المرهف فلان وعلان.
ونشاهده في الكليبات القرافيكية مثل باقات الأزاهر سيئة الصنع
المتبادلة والمنتشرة بين السودانيين في المنابر والفيسبوك وغيرها
وهذا موضوع نقده يستحق أن تفرد له بوستات كان الله هون

ألام يعود نسب هذه الحالة الجمالية
التي أطلق عليها بشكل غير رسمي
(الجمالية الرومانسية السودانية المنبعطة) وأختصرها بـ (جرسن) GRSN؟

علي العموم خلاصة القول:
دا كلام ساي


كعامل في المجالات دي منذ وقت ليس بالقليل أقول

There is no factual base to support this what so ever

في فنانين كبار من شدة ما militants بتكون ما عاوز تجي ماري بشارعهم
الا وانت محصن داخل humvee

شغلة الإبداع دي شغلة معقدة جدا
استسهالها وحصرها في أنماط السلوك المجازة اجتماعيا في زمن محدد
خلط لايفضي الى فهم الظاهرة.






أساسي،

إنت تعال "راديو الحكومة" دا وارد حوش بانقا ولا طال (بناسك) ديل المقام فتناسو
فسقطت عنهم حدود وحرمات الملكية العامة.

هههة

Quote: وأعتقد اننا يجب أن نكون أكثر دقه..

قبل الدقة اعتقد ان من الانصاف عدم خلط الامور ببعضها
كون الاخ طه قد مارس عنفاً لفظياً في هذا الموقع
هذا لن يعني انه غير قادر او غير مؤهل لكتابة عمل روائي جيد يحصل علي جوائز

ولايك مرة اخرى للمشاركة الفوق دي

Quote: كون الاخ طه قد مارس عنفاً لفظياً في هذا الموقع هذا لن يعني انه غير قادر او غير مؤهل لكتابة عمل روائي جيد يحصل علي جوائز

لايك ..

الغيرة
الغيرة
الغيرة

الغيرة
الغيرة
الغيرة

الغيرة
الغيرة
الغيرة

و الحسد


موتوا بغيظكم

Quote: قبل الدقة اعتقد ان من الانصاف عدم خلط الامور ببعضها كون الاخ طه قد مارس عنفاً لفظياً في هذا الموقع هذا لن يعني انه غير قادر او غير مؤهل لكتابة عمل روائي جيد يحصل علي جوائز

حسنا قلتي يا اماني

لك وللاسرة التحية



علاقة الكتابة ليس لها دخل بالحبة او الاخلاق


سئل الطيب صالح من يحب قال المتنبي

وقال لا يتمني ان يعرفه او ان يصبح صديقا له فقط حسن الكتابة عنده هو ما جذبه لشعره
كذلك الطيب صالح روائي لا يشق له غبار انا اتحفظ علي مواقفه الانسانية لادانته للمذابح والعنف الذي حصل لاهل دارفور وموقفه السياسي من مشكلة الجنوب
لكن اقرا له من افضل كتاب الرواية عندي لا اخلط بين موقفه هذا وذاك


ابدع محمد شكري في الرواية والسيرة الذاتيه وهو من اصدق كتابها
لا يرتبط ان تعرفه شتم فلان او علان لكي تحب روايته

وابدع جان جينيه واخرون واخريات



مبروك لطه جعفر واتمني التقدم لنيل جوائز اخري

وهذا بمثابة دعاية للرواية فركه

اتمني ان نعرف اين تباع لكي نشتريها

تحية طيبة يا اساسي

Quote: الغيرة الغيرة الغيرة الغيرة الغيرة الغيرة الغيرة الغيرة الغيرة و الحسد موتوا بغيظكم

يا كوزتاوي
لا أعتقد أن الزميل اساسي من كتاب الرواية لكي تصفه بالغيرة والحسد
ولو كان الأمر كذلك لشمل عنوانه اسم الزميل هشام آدم أيضاً
ماممكن ياخ نيف وستين سنة ويكون دا فهمك ؟ أكبر شوية يا عزيزي

لايك للبوست كلو









حكيم ياكوستاوي
عرفت الفولة
ولعلمكم لا أقصد أساسي
لكن توازنات البورد دا وخفاياهو عاوزة ليها خبرة على الاقل وشوية دراية

هههههههههه
الجائزة دي من مركز ثقافي مهتم بالادب اليساري أدوها لزميلهم اليساري وزيتهم في دقيقهم
يعني لا هي من اليونسكو ولا من منظمة عالمية للآداب والفنون

__________________
ولعلمكم برضو انا ما قاصد اساسي

Quote: الجائزة دي من مركز ثقافي مهتم بالادب اليساري أدوها لزميلهم اليساري وزيتهم في دقيقهم

ما دام زيتم في بيتهم إنتو حارقكم ليه!!!
و دخلكم شنو!!

كوستاوي الحكيم

Quote: موتوا بغيظكم

Quote: إنتو حارقكم ليه!!!

شنو يا حكيم
ما فاضل ليك الا تخت صباعك في نخرتك وتقول نَفة نَفة
ما قلنا ليك أكبر شوية!!



_________
ما قلنا ليك الرد بتاع (زيتم في بيتم) ما لاساسي، انت عندك مشاكل فهم ولا شنو ؟

الله يلعن إبليس
مابقدر أصوم تلاتة يوم وأنا حالفة

يا شباب روقوا المنقة شوية. ناس تهاجم بناءا علي كلام الكاتب البذئ في المنبر وناس تدافع بالحمية الحزبية لكن مافي زول قرأ الرواية

عشان نكون منصفين زول يجيب لينا الفركة هنا حتي نحكم علي بينة

لأساسي وزمرته:

الادب عوالم واسعة وبحور متلاطمة وهناك أدب الصعلكة وشعر الصعلكة وهو ضرب من الأدب إشتهر منذ الجاهلية وحتي شعر الهمباتة كان هناك الشعراء الصعاليك والادباء الصعاليك ودا أدب موجود وموثق

علي أي حال يمكنكم تصنيف رواية (الفركة) تحت هذا الضرب من الادب والجواب باين من عنوانه

عموما التهنئية لزملاء المنبر طه وهشام علي الجائزة

الاخ أساسي ..
تحيه طيبه ..

Quote: بصدد تثبيت راي حول حادثة معينة وحشد وجهات نظر حولها

نعم ولكن تحت أى عنوان يكون الحشد يا عزيزي ؟!.
وهذا ما ذكرته من البدايه لعبدالوهاب .. عاوزين تدينو عنف لفظى مورس ضد المرأه ؟
طيب ده ما عنوان جيد فى حد ذاتو ..
سيحتشد الكثيرون حوله ..
أما العنوان ( الحاشد ) الحالى .. فعندو موجباته غير المتوافره حسب رأي
وهذا هو ما أختلف معك فيه..

تحياتى واحترامى ..

Quote: الأدب هو أحد أشكال التعبير الإنساني عن مجمل عواطف وأفكار وخواطر وهواجس الإنسان بأرقى الأساليب الكتابية التي تتنوع من النثر إلى النثر المنظوم إلى الشعر الموزون لتفتح للإنسان أبواب القدرة للتعبير عما لا يمكن أن يعبر عنه بأسلوب آخر. يرتبط الأدب ارتباطا وثيقا باللغة فالنتاج الحقيقي للغة المدونة والثقافة المدونة بهذه اللغة يكون محفوظا ضمن أشكال الأدب وتجلياته والتي تتنوع باختلاف المناطق والعصور وتشهد دوما تنوعات وتطورات مع مر العصور والأزمنة.

منقول من الموسوعه الحره

Quote: تعريف الأدب التعريف العربي لدى العرب: لا يكاد الباحث يجد أي نص في العصر الجاهلي يستخدم كلمة «أدب»، وكل ما يجده هو لفظة «آدِِب» بمعنى الداعي إلى الطعام، قال طرفة: نحن في المشتاة ندعو الجفلى لا تــــرى الآدب فينــــا يَنْتَقِـــرْ وفي العصر الإسلامي يرد فعل «أدّب» بمعنى «هذَّب»، في حديث النبي صلى اللّه عليه وسلم «أَدّبني ربي فأحسن تأديبي»، ويرى بعضهم أن معنىً تهذيبياً خلقياً كهذا ربما كان شائعاً في العصر الجاهلي، ولكن ليس ثمة نصوص تؤيد هذا الرأي. ويبدو أن المجاز قد ساعد في انتقال دلالة الكلمة من المعنى الحسي وهو الدعوة إلى الطعام إلى المعنى الذهني وهو الدعوة إلى المكارم. ويُداخل الكلمة في العصر الأموي، معنى جديد، إلى جانب معناها التهذيبي الخلقي هو المعنى التعليمي، فتستخدم في الإشارة إلى «المؤدِّبين» وهم نفر من المعلمين كانوا يلقنون أولاد الخلفاء الشعر والخُطب واللغة وأخبار العرب وأنسابهم وأيامهم في الجاهلية والإسلام. وقد استمر الجمع بين معنيي التهذيب والتعليم في العصر العباسي كما يلاحظ في كتاب «الأدب الكبير والأدب الصغير» لابن المقفع. و«باب الأدب» من «ديوان الحماسة» لأبي تمام ، و«كتاب الأدب» لابن المعتز. وبوجه عام يمكن القول إن الكلمة كانت تطلق في القرنين الثاني والثالث الهجريين وما تلاهما من قرون على معرفة أشعار العرب وأخبارهم، وكان المؤلفون العرب يصنفون كتباً ينعتونها بأنها كتب أدب مثل «البيان والتبيين» للجاحظ (ت255هـ)، و«عيون الأخبار» لابن قتيبة (ت276هـ)، و«الكامل في اللغة والأدب» للمبرِّد (ت285هـ)، و«العقد الفريد» لابن عبد ربه (ت328هـ)، و«زهر الآداب» للحصري (ت453هـ). والواقع أنه «لم تقف الكلمة عند هذا المعنى التعليمي الخاص بصناعتي النظم والنثر وما يتصل بهما من الملح والنوادر، فقد اتسعت أحياناً لتشمل كل المعارف غير الدينية التي ترقى بالإنسان من جانبيه الاجتماعي والثقافي». وبهذا المعنى الواسع يجدها الباحث لدى إخوان الصفا [ر] في القرن الرابع الهجري عندما استخدموها في رسائلهم للدلالة على علوم السحر والكيمياء والحساب والمعاملات والتجارة فضلاً عن علوم القرآن والبيان والتاريخ والأخبار. ويبدو أن هذا المعنى الواسع كان الأساس الذي استند إليه ابن خلدون [ر] (ت808هـ) في إطلاق لفظة الأدب على جميع المعارف سواء أكانت دينية أم دنيوية، فالأدب فيما يراه «لا موضوع له ينظر في إثبات عوارضه أو نفيها، وإنما المقصود به عند أهل اللسان ثمرته، وهي الإجادة في فني المنظوم والمنثور على أساليب العرب ومناحيهم. ثم إنهم إذا أراد أحد هذا الفن قالوا الأدب هو حفظ أشعار العرب وأخبارها، والأخذ من كل علم بطرف». ومما يجدر ذكره أن الكلمة استخدمت منذ القرن الثالث الهجري، إلى جانب دلالتها على المعاني التي تقدمت الإشارة إليها، للدلالة على السنن التي يجب أن تراعى عند فئة اجتماعية معينة كالكتّاب أو الندماء أو الوزراء أو القضاة وغير ذلك، ويمكن للمرء أن يشير في هذا الموضع إلى كتاب «أدب الكاتب» لابن قتيبة و«أدب النديم» لكشاجم [ر] (نحو عام 350هـ)، وسواهما من الكتب التي تناولت أدب القاضي وأدب الوزير وأدب الحديث وأدب الطعام وآداب السفر وغيرها. ومنذ بداية المواجهة العربيةـ الأوربية الشاملة بُعيد الحملة الفرنسية على مصر، أصبحت الكلمة تُستخدم في العربية الحديثة للدلالة على ما يقابل كلمة «literature « الإنكليزية، و«Littérature» الفرنسية،وذلك نتيجة التفاعل الثقافي الذي عاشه الوطن العربي في القرنين الأخيرين. وهي تشير اليوم إلى «الأدب» بوصفه واحداً من الفنون الجميلة الستة أو السبعة، على اختلاف التعريفات ووجهات النظر والتوكيدات التي يلاحظها المرء لدى النقاد العرب ومؤرخي الأدب ودارسيه من العرب المحدثين.

[B
أولآ
]جائزة الطيب صالح معنيه بأدب الروايه


وحديث اساسى يشمل كل الاجناس الادبيه

من شعر ونثر ومسرح وغيره

وفى ذلك تجاوز مخل

ثانيآ

يخلط الاخ اساسى بين الادب المعرف اعلاه وبين سلوك الاديب و فى تعامله مع الاخر فى حواراته التى لا تعد جنسآ ادبيآ

ثالثآ

اساسى بعنوانه يحاكم جائزة الطيب صالح

استنادآ على حوارات طه المنبريه

رابعآ

حيثيات اساسى التى اوردها عن انحطاط الادب السودانى متخذآ رواية طه نموذجآ

اتت دون ان يقرأ الروايه

من الطبيعى ان نطالب اساسى بايراد نماذج اضطلع عليها قادته الى حكم انحطاط الادب السودانى

وبغير ذلك يكون اساسى من من يطلقون القول على عواهنه

مع تحياتنا لطه واساسى

أها يا أساسي
النتيجة 70/3

يعني طه جعفر ماخد الجائزة هنا و
هناك
طه جعفر ....... أويي

من خلال متابعتى لبوست المعيار لمبتدره محمد E سليمان الذى اثار جدلا كثيرا ولغطا تمحور حول المبادى وثباتها وتطبيقها بعيدا عن العلاقات الاجتماعية و الفكرية لذا كان بمثابة اختبار فشل فيه كثير من المتشدقين مدعى المبدائية والاستنارة وها نحن اليوم نشهد كرة اخرى تعيد سيرة الفشل والسقوط مرة اخرى . اساسى صاحب البوست قد اوضح لكم فكرته وعاد وليد ليضيف مذيدا من الشرح والتوضيح بان المقصود محاسبته هو الاديب وليس الادب لما بدر منه على صفحات المنبر من سوء قول ولذلك يجب على كل من راى هذه الكتابات من اعضاء المنبر او القراء رفض فكرة تكريم هذا الاديب بصرف النظر عن جودة انتاجه الادبى من وجهة نظر اخلاقية اما الذين لم يطلعوا على كتابات الاديب فى سودانيز فلا غبار على موقفهم واتوقع ان يكون من ضمنهم اعضاء لجنة التحكيم التى كرمت الاديب وروايته ولاحقا قد نبه اساسى القراء بعدم الخلط بين ما يعد سلوكا شخصيا او نمط حياة يسلكه الكاتب او المبدع فى منزله او مع زملاؤه وبين ما حدث هنا على صفحات هذا المنبر الذى هو بطبيعة الحال ليس مجرد وعاء للدردشة قاصر على بعض الاصحاب بل اصبح منبرا له تاثير قوى على الراى العام السودانى كما حدث فى قضايا مثل بيع مشروع الجزيرة واضطهاد السودانيين بلبنان كامثلة حديثة لذلك ارى موقف الاخ اساسى الرافض لهذا التتويج متسق اخلاقيا لعضو منبر معاصر لمشاركات الاديب فى هذا المنبر وعلى الذين يجتهدون فى تفسير الماء بالماء تحسس معائيرهم كما لا ارى داعيا لتكرار وجهة النظر القائلة بان التتويج كان للرواية وليس لسلوك الكاتب لان الجميع متفقون على ذلك بما فيهم صاحب البوست

Quote: تحياتي يا أساسي و المتداخلين .. اعتقد في شوية معلومات مفروض تتعرف بس عشان تواصلو سجالكم ده عن بينة .. جائزة الطيب صالح للابداع الروائي التقديم لها يتم بصورة شخصية و باعمال لم تنشر من قبل. و حين تقرأ اللجنة الأعمال تٌحجب عنهم الاسماء. فهم يطالعون نصوصا لا يعرفون من كتبها. تماما كتصحيح أوراق الامتحانات. بهذا فإن الجائزة تمنح للعمل المجهول الكاتب .. و لا تمنح للكاتب نفسه كنوبل مثلا التي تمنح للكاتب لمجمل اعماله. يبقى اللجنة لما تمنح الجائزة للرواية لا تعرف كاتبها .. فيمكنك لو شئت ان تناقش سكرتارية الجايزة التي تضع الاسم مع العمل فتكشف ان الرواية الفائزة هي لفلان .. هل هي ملزمة ان تحجب الجائزة بعد قرار لجنة التحكيم لصالح الرواية لأن الكاتب لا يستحق لأي سبب أو آخر ؟ شئ أخير : الفوز يكون على مستوى الاعمال المقدمة .. و ليس على مجمل الادب السوداني.

شكرا كتير حمور


الاخ احمد التجاني

بعد بوست المعيار انزوى اصحاب الرائي المهاجم لمنال واصبحت كتابتهم في المنبر قليل
السوال لماذا ؟

ده بوست معيار تاني سيسقط معه كثير من المتناقضين



الغريبة اساسي برر رفضه لتكريم ( طه) بسبب كتابته هنا وجاب شواهد
القائلين بتكريم الرواية والمدافعين عنها مدافعين على اي اساس ؟؟!

لو كان على اساس الرواية نفسها
هل فيكم زول قراها عشان يدافع عنها ؟

لو كان على اساس كاتبها
ما وريتونا رايكم فيما كتبه واتى به اساسي



هذا بوست جديد للمعيرة

عارف يا اساسي شغل زي ده افضل من قوانين بكري الختاها .. قد ينتصر اصاب الخط الداعم لطه في هذا البوست
لكن اؤكد لك انهم لن يستطيعون الكتابة هنا بعد ذلك .. ستسحب منهم ميزات كتيره في انتقاد اشخاص كثر .. والكلام المسحوك القديم عن ان المبادي لا تتجزا وانه لا يخرج الجميل من القبيح ،، وان الجمال وحده متماسكة ،، ومجموعة الشعارات الكان رافعها كتير من البنقراء ليهم تناقض ليها هسع ..

واصل في خطك ده وخلي كل زول يعبر عن رايو ونحن بنحفظ

100%

Quote: هذا بوست جديد للمعيرة عارف يا اساسي شغل زي ده افضل من قوانين بكري الختاها .. قد ينتصر اصاب الخط الداعم لطه في هذا البوست لكن اؤكد لك انهم لن يستطيعون الكتابة هنا بعد ذلك .. ستسحب منهم ميزات كتيره في انتقاد اشخاص كثر .. والكلام المسحوك القديم عن ان المبادي لا تتجزا وانه لا يخرج الجميل من القبيح ،، وان الجمال وحده متماسكة ،، ومجموعة الشعارات الكان رافعها كتير من البنقراء ليهم تناقض ليها هسع .. واصل في خطك ده وخلي كل زول يعبر عن رايو ونحن بنحفظ

Like ياوليد

ولسة ماف زول افتانا بطريقة نقرأ بيها الرواية!

ولي يا حبيب

ممكن اسألك شوية أسئلة اتمنى أن يتسع صدرك للرد عليها- ما دام أخونا أساسي اكتفي بالضحك ملْء شدقيه - 1- ما علاقة كتابات منال التي لا تخرج عن نطاق فضفضة و و نسة في حوش بكري بالأدب ؟
2- هل كل من يكتب بسودانيز كاتب أو أديب ؟ يعني أنا و صديق مهدي و محمد عادل كتاب و أدباء ؟!!!!!
3- هل العمل الأدبي يحمل من اسمه شيئا ؟؟ هل يجب على الأدب أن يحمل رسالة إيجابية تخدم الناحية الأخلاقية في المجتمع ؟؟ و هل ألأديب مربي و معلم و قدوة في شخصه ؟
4- هل يحاكم العمل الأدبي خارج سياقه كعمل أدبي ؟؟ يعني ما علاقة النص بالكاتب ؟ هل يتوجب على القارئ أن يذهب إلي مسقط رأس الكاتب و يسأل الناس عن أخلاقياته كما لو أنه يريد أن يزوجه ابنته ؟
5- هل سودانيز مكان جيد للحكم على الآخرين ؟؟!!! يعني إنت وليد ده لو أنا رجعت السودان و تعرفت بيك بصورة شخصية هل هناك نسبة 1% الا تكون كما تخيلتك ؟

الموضوع علاقة المنتج الأدبي بصاحبه شائك و فيه آراء عديدة

لك ودي

مرحب اسامه
صدرى واسع لكل صاحب زوق وتهذيب يا اسامه
اخد راحتك بالكامل


حا ابدا ليك من ورا

قلت

Quote: يعني إنت وليد ده لو أنا رجعت السودان و تعرفت بيك بصورة شخصية هل هناك نسبة 1% الا تكون كما تخيلتك ؟

النسبة في ظني اكثر من 1% ، بل اغلب من قابلتهم قالوا انهم وجدوني عكس ما تخيلوا ، ما عارف قاصدين شكلا ولا مضمونا

Quote: 1- ما علاقة كتابات منال التي لا تخرج عن نطاق فضفضة و و نسة في حوش بكري بالأدب ؟

ما انا بخبير حتى احكم في هذا .. لكن ان سالتني عن رائي الشخصي في تذوق ما تكتبه منال فاقول لك انه لا يقع على هواي

لكن هل حوش بكري ده حوش مختص بالادب تحديدا ؟
ولا هو منبر ( عام ) للونسة والنقد والنقض والكتابة في الادب والعلم والقطيعة والشكل والنقاش والغلاط .. منال تمتلك باس ويرد متلها متل غيرها تعبر به عن نفسها حسب امكانياتها

Quote: 2- هل كل من يكتب بسودانيز كاتب أو أديب ؟ يعني أنا و صديق مهدي و محمد عادل كتاب و أدباء ؟!!!!!

طبعا لا

لكن هل من المفترض ان كل من يكتب بسودانيز اون لاين ان يكون اديبا ؟

Quote: - هل العمل الأدبي يحمل من اسمه شيئا ؟؟ هل يجب على الأدب أن يحمل رسالة إيجابية تخدم الناحية الأخلاقية في المجتمع ؟؟ و هل ألأديب مربي و معلم و قدوة في شخصه ؟

نعم يجب على الادب ان يحمل رسالة ايجابية تخدم الناحية الاخلاقية في المجتمع .. والكلام ده لكل المناحي موش للادب فقط

ويفترض ان يكون الجميع مربي ومعلم وقدوه قدر المستطاع وحسب الممكن على الاقل في محيطه موش الاديب فقط

Quote: 4- هل يحاكم العمل الأدبي خارج سياقه كعمل أدبي ؟؟ يعني ما علاقة النص بالكاتب ؟ هل يتوجب على القارئ أن يذهب إلي مسقط رأس الكاتب و يسأل الناس عن أخلاقياته كما لو أنه يريد أن يزوجه ابنته ؟

بالنسب لي انا نعم نوعا ما
يمكن يكون ده ما الصاح لكن دي طريقتي في الحكم والتذوق ..والكلام ده ما في الادب بس في الادب والفن والعلم .. شخصية المنتج عندي محفز سلبي او ايجابي ..
مثلا الجميع متفقين على انو وردي زول غناي .. شخصيا ما عندي ادوات الحكم عليه ولا استطيع ذلك
لكني لا اتذوق وردي ومكجنو بسبب شخصيتو المتعالية

الشي الاكيد شخصية المنتج ومدى قبولها محفز ايجابي على الاقل للاطلاع على منتوجه ومن بعد ذلك الحكم عليه .. نهايك انها عند شخص عادي مثلي قد تشكل احدى اداوت القياس والحكم على الانتاج نفسو

Quote: 5- هل سودانيز مكان جيد للحكم على الآخرين ؟؟!!!

قد لا تكون مكان جيد للحكم
لكنها مؤشر مبدئي لذلك
لا نستطيع ان نكون على الحياد في ارائنا ونحن نقرا او نسمع (على الاقل بالنسبة لي ) .. لا بد وان نحكم فيما نسمعه او نقراه سلبا او ايجابا بدرجات متفاوته .. وطبعا ده ما بكون حكم نهائي .. هو حكم قابل للمراجع وفقا لمعطيات جديده..
لحدي ما تجي المعطيات الجديده
ده ياهو المتاح وعلى ضوءه نحكم ( برضو على الاقل بالنسبة لي )


خالص الود

Quote: 1- ما علاقة كتابات منال التي لا تخرج عن نطاق فضفضة و و نسة في حوش بكري بالأدب ؟ ما انا بخبير حتى احكم في هذا .. لكن ان سالتني عن رائي الشخصي في تذوق ما تكتبه منال فاقول لك انه لا يقع على هواي لكن هل حوش بكري ده حوش مختص بالادب تحديدا ؟ ولا هو منبر ( عام ) للونسة والنقد والنقض والكتابة في الادب والعلم والقطيعة والشكل والنقاش والغلاط .. منال تمتلك باس ويرد متلها متل غيرها تعبر به عن نفسها حسب امكانياتها

أوكي نحن متفقين تماما يا حبوب : حوش بكري ده ما دار نشر و لا مكان لنشر الأعمال الأدبية - عند الحديث عن الأدب الآخر دعنا نستخدم كلمة أخلاق حتى نزيل اللبس - و عند طلب العضوية لا يشترط بكري ذلك . يعني حتى أستاذنا محسن خالد لا يكتب هنا بصفة الأديب . قد يكتب بصفة الناقد أو الباحث و لكن قطعا ليس بصفة القاص . و إن حدث أن قام أحد كتاب هذا المنبر و أدبائه - و هم قلة - بنشر عمل أدبي هنا فأنهم لن يقوموا بنشره في بوست ندخل أنا و أنت لنتبادل معهم الحوار و نتونس . نشر العمل الروائي له أدبياته . الناس هنا في سودانيز يكتبون انطباعاتهم و آراءهم في كل شيئ و هذا له طبيعة شخصانية يمكن محاكمة المرء بناء عليها لأن الكاتب يعبر عن رأي و وجهة نظر و يجب عليه أن يكون منسجما مع وجهة نظره هذا في حياته و في سلوكه اليومي . أما القاص أو الروائي فلا علاقة له بالعمل الأدبي . الرواية و القصة كائنان منفصلان عن الكاتب . الكاتب ليس رسولا و لا صاحب رسالة و لا يتمثل شخوصه و فعل الكتابة عنده قد يكون لا إراديا. ليس مسئولية الراوي خدمة الأخلاق المتفق عليها جماعيا.
قد يصح انطباعك هذا عن الشعر . فالشعر موقف من الحياة . و موضوع المحتوي فيه مركزي و يستدعي القيم و لهذا قد يرتبط بموقف صاحبه في الواقع المباشر و لكن الرواية و القصة لا علاقة لهما بذلك .
سودانيز أونلاين لا تزيد عن أي ناصية شارع في أي مدينة في السودان يقف فيه الناس يتكلمون كل بما فتح الله عليه من عقل يتونسون كثيرا و يقولون القليل من المفيد و غالبا هم في حالة عراك لا يستبين فيه ما يريدون أن يقولوا . و هكذا مكان يمكنك أن تعرف فيه شذاذ الآفاق و لكن الطيبون يضعون تحت أقدام الأعلى صوتا .

ما زال لموضوعي معك بقية . ماشي أجيب الولد من المدرسة .

Quote: ما زال لموضوعي معك بقية . ماشي أجيب الولد من المدرسة .

ربنا يحفظه
وحبابك في اي وكت

يا ودالمشرف
كدي الحكاية بتاعة الشتائم الوجهها المدعو طه جعفر للنساء
الفوق ديل حقو نتجاوزها وقول ممكن نسميها ردة فعل قرفة ، زهجة الخ ..
لكن الزول دا وليد لمح لكلام خطير في صدر هذا البوست انو طه دا ون داي عايرو بانو تربية نسوان او نحو ذلك
وانو الزول المربياهو مرة (امرأة) تربيتو بتكون ناقصة (ياريت وليد يجيب لينا الاقتباس او الرابط)
يا صديقي محمد المشرف انسان زي دا وبعقلية زي دي يمتهن المرأة والام بهذا الشكل المريع والمقزز
لمجرد تحقيق انتصار زائف للذات هل يستحق احترامك ؟ وهل انسان بافكار زي دي ايه الممكن يكتبو عن المرأة اللي هي نصف الخ
وياريت لو جاء وضح لينا وجهة نظرو في الحتة دي ... حسب الشي الوصل لينا من كلام وليد الشخص دا يعاني
من خلل كبير في تفكيرو .

______
ياوليد عليك الله اجتهد شوف الكلام دا وين ما نردم الراجل ساي كدا وبدون دليل

ما اظنها تكون موجوده يا وهبة
كانت بوستات حارة ومتواصلة ومشاكلها كتيره ...
هو كتب وانا ما قصرت .. اعتقد انها حزفت جميعها ...
عشان كده بنقول حزف البوستات والمداخلات مفروض يقيف لمواقف زي دي .. لانها شهادة مستقبلية لحاضر سيصبح بوما ما ماضي

وهبه يا صديقى ..

أعلم أنك تعلم علم اليقين
أنك بهذا قد انتقلت بي من مرحلة حلب التيس الى استحلابه كراهة..

وليد وابوساندرا وقبلهما دوما .. وأعنى دوما
يعلمون تماما ما أود أن أقول ..

علمتنى الدنيا يا صديق
أن الاشياء .. ليست هى الاشياء كما تبدو
وأن الدنيا لا يملكها من يملكها ..

بلغ بنا الانفعال ذروته ونحن نشاهد الفيتوري يعتلى خشبة المسرح القومى بأمدرمان
ويتوشح بوسام ما بأيدى البشير .. قبل أن يتدفق الرجل بالمديح
كان ذاك مؤذيا جدا .. النصف الاول من التسعينات

آلمتنا مثل تلك التجارب .. ولم تكن هناك سودانييزاونلاين ..
كانت الاجابات المباشره جوه الحروف الحايمه فى بطن الكتب .. وقرينا شان نفهم ..
وفهمت مذاك المعنى الحقيقي للوجود الحقيقى والملموس للمبدع فى تفاصيل النص ..
واضمن لك تماما أنه يختلف تماما عن هذا التناول القاصر ..
وذلك عند تناول المعنى بالابجديه .. لا الالتفاف

دى أطول مداخلات لى فى بوست ..
تحياتى يا صديق ..

وليد يا عمك

يا أخي دعني اسألك سؤال مباشر و شخصي - بما أن التباكي هنا على كيفية منح جائزة أديب قامة مثل الطيب صالح لواحد بذي مثل طه جعفر - ماذا تعرف أنت - وليد - عن الطيب صالح يجعله صاحب رسالة و ذا سلوك شخصي متسق مع هذه الرسالة ؟؟؟ و ما هي الرسالة المراد توجيها لمجموع القراء في روايات مثل مريود و بندر شاه ؟؟و هل يبقى القراء في كل المجتمعات بلا أخلاق في إنتظار أن يفتح الله عليهم بأديب يهديهم لطريق الرشاد أمن أن هناك مؤسسات دينيية و اجتماعية أرتضي لها المجتمع تنظيم هذه الناحية . إنت وليد ده لو داير تربي محمد ولدك بتجيب ليه روايات فلان و علان و لا هناك طرق أخر لذلك . أنا شحصيا لو بيدي ما بخلي ولدي يقرأ روايات قبل أن أتأكد أنني قمت بكل ما استطعت في سبيل تربيته و أنه لا خوف عليه من الإطلاع على الأشياء الخارجة عنما تربى عليه .

مرحب اسامه

Quote: بما أن التباكي هنا على كيفية منح جائزة أديب قامة مثل الطيب صالح لواحد بذي مثل طه جعفر

سوالك ده محول لاساسي

لا اذكر انني قلت ان لا يمنحوه هذه الجائزة تحديدا ..
اظنه لا يستحق جائزة الطيب صالح او الطب خوجلي


ما فارقة معاي الجائزة باسم منو ؟

ما اعرفه عن الطيب صالح غير كثير

لكنى لم اقراء او اسمع انه كتب كلاما بذيئا يصقد الاساءة لشخص محدد ..
اكرر يا اسامه كلام يقصد ينابز بيه زول

Quote: ؟؟و هل يبقى القراء في كل المجتمعات بلا أخلاق في إنتظار أن يفتح الله عليهم بأديب يهديهم لطريق الرشاد أمن أن هناك مؤسسات دينيية و اجتماعية أرتضي لها المجتمع تنظيم هذه الناحية

‍!!!!!!!!!!!!!!!!!!!!!!!
وده علاقتو شنو ؟
ما هي حتى المؤسسات الدينية والاخلاقية والعدلية
مفتوح ليها في صدر هذا المنبر خرتمية بوست تنتقد وتسئ كمان

اشمعنى داك نضال .. والتعرض لطه ده تطاول

ولماذا لا يتكامل المجتمع كله في امر التربية دي

الاديب والفنان وبتاع الكارو والاستاذ وبتاع الموية والبنشرجي عشان يهدوا بعض لطريق الرشاد
وهي المؤسسات الدينية ذات نفسها قايمة بدور التربية والتوعية ده على وجهة الاكمل ؟؟؟

والله جد ناس مسكينة شديد

يعني اكون شيوعي طوالي يجو الاعمى شايل المسطول والسكران
عشان يدافعوا عن افعالي ويبرروها بكل عين قوية وسن ملوية

طه رجل بهات وكذاب ونصاب ولا يحترم النساء دي ما عايزة زول يضوي ليها نور
وذي ما قال واحد الشيوعين ديل اصلو ما بتصالحو مع العوين والعبيد

المعيار حقهم مختل جدا.تجدهم اكثر الناس طبقية و عنصرية واكثرهم اختقار للنساء

شوف سلوك ناسهم هنا واحكم

عشان كدا ان يتلموا المتاعيس ديل هنا للدفاع وتدربسنا الذاتي والموضوعي في الادب
عادي ذي الزبادي انظر الى الفكر تعرف السلوك المتوقع

مبروك لطه جعفر و هشام آدم التكريم، و أرجو أن يراجع الاستاذ طه جعفر مفرداته في الخلاف
مهما اختلفنا مع الآخرين لا بد أن نتمسك بالحد الأدنى من الاحترام لانسانية خصمنا وإلا عدنا
لعصر الغاب ...


_______________

Quote: بعد بوست المعيار انزوى اصحاب الرائي المهاجم لمنال واصبحت كتابتهم في المنبر قليل السوال لماذا ؟

سلامات يا وليد، يا ريت ما تفتي في أمر - و خصوصا لو كان يمسني - بما يطابق هواك
والغافل من ظنَّ الأشياءَ هى الأشياء !

Quote: سلامات يا وليد، يا ريت ما تفتي في أمر - و خصوصا لو كان يمسني - بما يطابق هواك والغافل من ظنَّ الأشياءَ هى الأشياء !

مرحب عزاز لعلك بخير

انت مجموعة ولا شنو؟

Quote: بعد بوست المعيار انزوى اصحاب الرائي المهاجم لمنال واصبحت كتابتهم في المنبر قليل السوال لماذا ؟

اصحاب .. يعني ناس كتار
ده اولا
ثانيا وين الافتى هنا
ده سوال ختم بلماذا

ثالثا

ان كانت هناك افتى تخص موضوع نشر في سودانيز اون لاين ( ما حاجة خاصة بيك في حته تانية ) وتشاركنا وتناقشنا فيه سافتي فيه ولا الوي ، حتى لو كان الموضوع ده بخصك ،، عشان كده اسمو منبر عام ،،

أساسي والمتداخلين

صباح الخير

Quote: عشان كده بنقول حزف البوستات والمداخلات مفروض يقيف لمواقف زي دي .. لانها شهادة مستقبلية

بتفق معاك شديد يا وليد في القصة دي لأنو مسح كلام الزول ما بخليهو يتمسح من القلب ..
مقدرة ومتفهمة مرارات الناس لمن اتجرحوا ، وأبدا ما حاعاين بعين الرضا لشخص سقط إنسانيا وعاير شخص
بأنو " تربية نسوان " خصوصا لو جاء يوم وكتب عن نفس الحاجة بزاوية إنسانية ـ ده كلام عام ومبدئ ما معني بيهو شخص لانو ماقريت ماقيل من بوستات سابقةـ اوما متذكرة بالضبط الحوار لكن متذكرة قصة وليد دي ـ وما قريت "فركة" ، و"الفركة" إكسسوار نسائي وأن كنت أجهل دلالتها في الرواية ..

المسابقات الأدبية تتم وفقا للشروط المعلن عنهافقط ـ كلام أتقال ـ والأدب بشكل عام اصبح عند الكثيرين صنعة كبيرة، تعتمد على تملك أدوات اللغة والعزف على مواضيع بعينها تختار بعناية فائقة تعالج وفق الطلب، وليس بالضرورة أن تمثل الشخص وأفكاره وقناعاته الحقيقية، حتى الكتابة في المنتديات قابلة لذات الصناعة، وفي أدباء كبار عندما تقرأ عن سيرتهم الذاتية تصاب بالصدمة، كما أن هناك أيضاأناس حقيقيون يكتبون أنفسهم على الورق ، عشان كدة محاكمة الشخص على أساس ما يكتب (أدبيا) أو حتى على سبيل الدردشة فيها فخ كبير ..

البذاءة والفجور في الخصام ديدن البعض هنا يصبني بالإحباط وبخيب أملي لكن في الوقت نفسو ما بخليني أحكم بالإعدام على الأشخاص لانو دايما في سكة رجعة، الإعتذار والرجوع من الخطأ بمسح الكتير ، والإعتذار " حاااار " عشان كدة البعتذر بفكر مليون مرة قبل إغلط تاني ، والمكابرة بتحرق سيدا ..


مبروك ياأستاذ طه جعفر الجائزة لكن عشان الناس الهنا يقولوها ليك من قلبهم تعال طيب

الخواطر (عشم ساي ) ..

الدكتوره نجاة ..
تحيه طيبه ..

الم تلاحظى أن الجميع يتخاطبون هنا بلغه محترمه .. تحترم ذاتها والآخر
أنا أحد الذين أختلفوا مع الاخ أساسي فى طرحه ..
وكان الرجل نزيها جدا .. حفظ لى حقى الآدمى البسيط فى الاختلاف ..
وأختلفت مع وهبه ووليد هنا ..
فلم نغادر .. ولن نغادر اطار الود الانسانى التى يجمعنا ..
فلماذا تشتمين الناس ؟!.

Quote: عشان كدا ان يتلموا المتاعيس

Quote: يجو الاعمى شايل المسطول والسكران

Quote: الشيوعين ديل اصلو ما بتصالحو مع العوين والعبيد

Quote: تجدهم اكثر الناس طبقية و عنصرية واكثرهم اختقار للنساء

Quote: شوف سلوك ناسهم هنا واحكم

!!!

لن نتساءل عن ماهية الاخطاء السلوكيه التى مارسناها هنا ..
أود أن أطرح عليك التساؤل الآتى ..
كم سيكون مقدار سعادتك ان استجبت للاستفزاز وبادلتك كل تلك الشتائم ؟.

ولكن أبدا هذا لن أكون ..
احترامى للآخر وكقيمه ذاتيه أعتز بها لن أقبل ابدا المساومه بها استجابة ل ( دردقه )
مقصوده لجري للتشاتم ..
احترامى للمرأه يمنعنى تماما .. وده شيتن كتر

فأشتمى - سيدتى - كما شئت
ولا تخجلى ابدا من شتمى .. ولا أتوقع ذلك

انت منو يا اللخو؟
سا زول انا ما شغالة بيك الشغلة واقوليك كلام
من زمن من اشوف اسمك لا اقرا لك ابدا ابدا
واجر ليك الاسكرول فللي

ما تو قلاتر بور سيلف يا رجل
انت صفر كبير بالنسبة لي

كل الشكر والتقدير يا دكتوره نجاة ..
فالبوست يتحدث عن العنف اللفظى فى أروقة منبر سودانيزاونلاين العام ..
وعن كيف يتورط الناس فى التشاتم ..
إن أراد الناس منفعة ما .. فى هذا البوست
فليشرعوا فى فهم هذه الآليه المفضيه لظاهرة التشاتم ..



..
الم أحدثك يا وهبه أن الاشياء ليست كما هى فى الواقع

خالص احترامى لصاحب البوست والمتداخلين


د نجاة
تحياتى لك

دكتورة فى شنو بالضبط؟
يعنى حاجة علمية ولا (فخريه)
وذلك لاستيعاب (المفردات)
شكرا

في الأدب يا معاويه

في الأدب

محاولة البعض فك الارتباط بين الكاتب وإنتاجه المكتوب منطقية جدا بل ومقبولة اذا كان المقصود في الأساس هو المنتج المطروح ومدى اقترابه أو ابتعاده عن الشروط التي تحقق له حضورا مميزا ولافتا توجب الاحتفاء به وتجعل من المستغرب انكار ذلك..
ومقبولة أيضا من واقع أن السيرة الذاتية للمؤلف لا تتبع ما يكتبه، وليس بمقدور الناس جميعا أن يحيطوا بسيرة الكاتب حتى يقرءوا له ، وهذا الأمر أصلا ليس مطلوبا منهم ..
كل هذا أفهمه وأقدره بل واقتنع به وادعمه ..
بل قد يدهشكم قولي اذا قلت لكم اني علي يقين وثقة بان رواية ( صديقكم طه) الفائزة لها من (التمييز) ما جعلها تنال الفوز علي بقية الروايات ولكن هذا ما لم اسعي إلي إثبات نقيضه اصلا بهذا البوست.
ولست هنا باحثا عن سيرة وتاريخ من يكتب لأبني موقفا (استباقيا) من أدبه او إبداعه او أيا كان نوعه.
لكن قناعتي هذه تنسف نسفا في لحظة حين يتطوع أحدهم ويكشف لي بنفسه عن وجه من اسوا و أحط وجوه (سوء الأدب) دون أي نوع من أنواع الحذر أو الحياء او وضع حساب لذلك..
هذا الشخص إن ادعى أنه يكتب (أدبا) ستأتيني صورته (غير المؤدبة) مباشرة و التي لم أبحث عنها، ولم يكلفني هو مشقة ذلك ، بل طرحها هو بكل بجاحة في مكان يوثق له ولغيره ..
(صديقكم طه) في محطة (اللا أدب) تلك لم يكن (أديبا) في (قلة أدبه)
كتب التراث الأدبي العربي بها ما بها مما يمكن أن يصنف في ميزان الأخلاق بأنه (قلة أدب)، لكنها صيغت بـ(أدب).. لكنا (صاحبنا طه) لم يرينا أي نوع من (الأدب) في (قلة أدبه تلك).. فلذلك حين (يصدمنا) الآخرون باختيار ما كتبه لجائزة تحمل اسم (أديب كبير) فإننا لن نجد لهذه الحفاوة مكانا في تقديرنا.. ببساطة شديدة لأنه لم يرينا من نفسه إلا ( قلة الأدب).. وعلى هذا فلا حاجة لنا مطلقا بـ(أدبه)..
ليس في الأمر عدم أنصاف أو محاولة حصار.. ولكنها (المعادلات الأخلاقية) التي يريد البعض غض الطرف عنها.. فلو أن أحدا كان في غرفته ثم رأي وجه ( حمار) من الشباك سيكون من الغباء بمكان لو انتظر حتى يمر بقية الجسد ليتيقن بأن صاحب الرأس (حمار)..

هذا الكلام اعلاه هو خلاصة ما اردته بهذه الدعوة وهذا البوست , ولكن ولأني اعلم جيدا كمية المماحكات التي ينتهجها كتاب هذا المنبر ساقوم بتفصيل كل ذلك بطريقة بسيطة ومفهومة ( للعامة ) حتي لا اعود واصطدم بمداخلات سطحية كتلك التي يبذلها كوستاوي واشباهه ( بالرغم من يقيني ) انه سيشق علي مثل الاخ كوستاوي ادراك ابعاد ما اتحدث عنه ليس تقليلا من شأنه ولكن ولاننا في ذات المكان نعرف طريقة تعاطي كوستاوي مع (الاحداث) في هذا المنبر وذلك بما يخطه هنا ويعكس دواخله مثله مثل طه جعفر مع ملاحظة السطحية في الاول وقلة الادب في الثاني .
الاخ الدكتور المشرف كان ( حريفا وذكيا ) عندما استدرك لاحقا بعد مداخلتي السابقة وبدأ في التخفيف من رجله علي ( الابنص) بل وحولها كليا الي مكان اخر حينما استعصم باعتراضه علي العنوان واكتفي متمسكا بذلك وهو امر مفهوم لي وانا اقبله انه قد يمنعه قليل حياء او عزة بأثم من الاتفاق معي رغم امكانيتي الان نسف موقفه تجاه العنوان اذا اوحيت فقط بان العنوان كان محض ( بروبقندا ) ولكني لن افعل حفاظا علي قليل حياء لصديقنا الدكتور وعزة اثم لن احرمه اياها متمثلة في كمية ( اللايكات like) المبذولة باسهاب لاقواله السابقة .
نعود لذئ بدء وبالعربي كدا يا اخوانا , الفيصل في كل هذا الامر هو ( المعرفة ) و ( الجهل بالشئ) وساضرب مثالا لذلك ببوست نشره الاخ محمد سليمان عن تهنئة قدمها مكتب نشر في لبنان لاخونا عضو المنبر الاخ هشام ادم بشهر رمضان , هل لو كان ذلك المكتب يعلم علم اليقين ويطلع علي هذا المنبر ويعرف اراء اديبنا هشام في الله وفي الاسلام ويقينه بعدم وجود اله وفساد شرعة الاسلام هل كان ذلك المكتب سيرسل له تهنئة بالشهر الفضيل؟ هنا تاتي المعرفة والجهل بالشي , ولكنا هنا نعرف عن هشام هذا فلم يبادر منا احدا بتهنئته بالشهر الفضيل لان هذا الامر تبرع هشام نفسه واعلمنا به في هذا المنبر مثلما فعل طه جعفر واعلمنا هنا بسؤ ادبه وتنمره علي النساء , لذا انا علي يقين بانه لو تصادف واجتمع نفرا من البورداب واتى وقت صلاة لن يجرو احدا علي تقديم هشام ادم لامامة المصلين او حتى دعوته للصلاة لان صورة الملحد التي اجتهد في نشرها في هذا المنبر ستكون حاضرة مباشرة مثلما حضرت صورة طه الغير مؤدب لحظة تقديمه اديبا , وهذا الامر وللغرابة وبعد كل هذه المداخلات المسكوبة في هذا البوست لم يلتفت له سوى الاخت تراجي ( مصادفة ) ودون قصد بل حينما ارادت الاعتراض قامت بدعم الفكرة الرئيسية وذلك حينما قالت في مداخلتها
((الله.....لو شفتوا الحقيقه لاغب الادباء العرب....
يمين الله لم اجد احط منهم مع زوجاتهم و اخواتهم وبناتهم....ولا وجدت ابذأ منهم!!
ومن وقتها لم اجد سهولة بهضم كل الابداع العربي!!))
انظروا هذه العبارة الحمراء هي رد فعل متسق جدا مع الفعل فمعرفة تراجي لانحطاط الادباء جعلها تنفر تلقائيا من ادبهم وهنا تاتي المفارقة بين المعرفة بالشئ والجهل به وهو عصب هذا البوست
بالاضافة الي مداخلة الاخ حمور زيادة والتي تدعم نفس الفكرة حينما اشار الي تغيب اعضاء اللجنة من معرفة الكتاب حين محاكمة النصوص وانا علي يقين انهم لو اطلعوا علي كتابات طه جعفر وكانوا علي دراية بها وسؤ ادبه وكان نصه الفائز في ايديهم لحظئذٍ لما عرف طعم التتويج مطلقا ولكن عذرهم هو الجهل بالشي علي خلافكم انتم الذين علمتم عن الرجل سؤ ادبه وهو موثق امامكم وتتدارون خلف بوابة التصرفات الشخصية !! تلك التصرفات الشخصية التي لم يجتهد شخصا للبحث عنها في تاريخ طه جعفر او التنقيب عن خصوصياته .
ضحكي الذي ملأ اشداقي والذي اغاظ صديقي اسامة الفضل هو في الالتفاف علي حديثي بمداخلات كثيرة ومحاورتي فيما لم اطرحه للحوار اصلا ولكن اجد العذر للبعض حول دقة الخيط الذي يستند عليه البوست وهو امر كنت اظنه واضحا كفاية في عضوية سودانيز اون لاين الذين اتوسم فيهم الحد الادني من النباهة لالتقاطه , فهذا الراي لم اطرحه في (سوق الله اكبر) ولكن طرحته في اكبر منبر سوداني تتم المثاقفة فيه والتحاور حول الأدب والسياسة والفكر ويأمه جمعا من الكتاب والصحفيين والمعنيين بالفنون جميعا , لذا ساءني ان يتم تسويف حديثي ورده الي مرد غير الذي اريد له فضحكت لحظة غيظ .

السماني إزيك
مداخلتينك الاتنين ديل هل نفهم انو البوست ده حقق اغراضو علي الأقل عندك
كنت بديت نقاش هنا أول الأمس وظللت (أتاوق) كلما وجدت الوقت
وفي بالي كثير كلام مفروض أقولو ـ
فياريت توضح ـ حكم الواحد بقي حساس شديد وماعايز يشاتر دون رغبة (صاحب)
البوست .


مودتي يازول

ــــــ

هذه المرة ضحكت دون غيظ وملء اشداقي ايضا وانا اطالع الان متزامنا مع هذا البوست كتابة للمحتفي به طه جعفر في بوست مجاور يجتهد فيه مبررا الارث السوداني العريض للعنف من باب الردع ويستشهد بالعنف المنزلي !! هل اقول يا للبؤس ام اقول فتامل الملاسية ؟
يبدون ان هذا البوست قد فعل فعله في صديقنا فطفق يخسف من ورق التوت الموروث ساترا عورة سؤ ادبه مبررا لها بخجل !!
من اين لك الخجل يا هذا؟

Quote: بالعنف المنزلي

اساسي
العنف المنزلي دا هل عندو اي صلة قرابة بالتدبير المنزلي ؟

الاخ خضر

لا يجوز لي في منبر حوار ان اقول ان الحوار انتهي فانا لست ملزما بفرض نظرتي للامور علي الاخرين بالقوة وحسم الامور علي طريقتي , من وجهة نظري الشخصية ان مداخلاتي هذه اضاءة لما قبلها وانتهاج الامر من زاوية اكثر دقة وتحديد , لذا يجوز لي ان اقول هي ابتدار للحوار وحصره في نقطة بعينها كي لا يتشعب امر البوست الي امور لم اقصدها يتم تقويلي بها ببراءة احيانا وبخباثة مرات اخر لذا انا اعتبر ان مداخلاتي اعلاه هي ابتدار للحوار وليس حسما له هذا مع حفظي لحقك في النظر من الزاوية التي تريد الرؤية بها وتقيمك لامر انتهاء الحوار في البوست راجعا لك وحدك

Quote: العنف المنزلي دا هل عندو اي صلة قرابة بالتدبير المنزلي ؟

لايك (من باب الشهرة)

ـــــــــ
مع اديبنا كله جايز يا وهبة

Quote: انهم لو اطلعوا علي كتابات طه جعفر وكانوا علي دراية بها وسؤ ادبه وكان نصه الفائز في ايديهم لحظئذٍ لما عرف طعم التتويج مطلقا ولكن عذرهم هو الجهل بالشي علي خلافكم انتم الذين علمتم عن الرجل سؤ ادبه وهو موثق امامكم وتتدارون خلف بوابة التصرفات الشخصية !! تلك التصرفات الشخصية التي لم يجتهد شخصا للبحث عنها في تاريخ طه جعفر او التنقيب عن خصوصياته .

عصام دهب

شكرا للايك

مادام البوست تحول الي حفلة لايكات

العزيز اساسي ..

يبدو أن البوست حيكون ممتع جدا بهذا المنحى الجديد والجيد
وقد اعزوه - هذا المنحى الجديد والجيد - للعزه بالاثم التى أخذت بعضنا او لمحاولات الانتصار للذات الاسفيريه العريقه ..
او لغير ذلك .. والنتيجه واحده , اعتصار الذهن نحو تكييف الاشياء بصوره لائقه ومنطقيه
وهذا جيد فى حد ذاته ..

وأرجو أن يكون صاحبى خضر مخطئا فى ظنه انك تود الانصراف ..
فشهوة الحوار الذكى التى اشتهاها البرغوثى فى شهواته قد استبدت بأخيك الآن
فلا تخذله .. وكما تعلم يستدعى ذلك شيئا من الشفافيه فى مقابل تلك المماحكات

هناك محاور ترتبت الآن .. وستأتى متراتبه تتنزل عن بعضها

المحور الأول مشروعية حشد الامه المنبريه لخدمة هدف استراتيجى غير معلن
المحور الثانى - وهو اكثر عمقا - مشروعيه تنزيل احكام قيميه على خلفيات مجتزأه
تماما كما هى الحال هنا ..
المحور الثالث - وهو الاكثر عمقا - مشروعية تنزيل احكام القيمه - بغض النظر عن صلاحيتها - على مشاريع
ثقافيه ذات ثقل نوعى مؤثر على مجمل الادب السودانى ..

تحياتى ..

Quote: وأرجو أن يكون صاحبى خضر مخطئا فى ظنه انك تود الانصراف ..

وأنا يا صاحبي أرجو ذلك
شفت كيف عاجبني النقاش ده
كل ما أرجوه إتساع صدور الناس .
وسيكون ذلك بإلتزامنا جادة الحوار
بكل تأكيد .

أساسي الضاحك ملْء شدقيه

تحية طيبة

Quote: الفيصل في كل هذا الامر هو ( المعرفة ) و ( الجهل بالشئ)

نعم يا عزيزي أنا أعتقد أن الفيصل هو المعرفة بالكاتب و يتمثل ذلك في كونه ود حلتكم أو ود منبركم مما يزيل الحاجز المفترض بينكما ككاتب و قارئ و يحيل هذا الشخص لزول عادي تراه في كل حالاته العادية منفعلا و عاديا لدرجة السأم مما يقرب صورة الزول العادي على حساب صورة الفنان المثالية الموجودة في خيالنا جميعا و لهذا قلت سابقا أن وجود الأدباء في مكان مثل سودانيز و دخولهم في بوستات الونسة و المشاكل و كشف الجانب الشخصي لديهم قد يكلفهم الكثير . طه كشف عن الكثير السيئ من خصاله الشخصية و لكن بالنسبة لي أنا لا انتظر منه سوي منتوج أدبي و لا أحمله عبء القيام بأي جانب تربوي تجاه القارئ . أراك تخلط بين سوء سلوك الكاتب الشخصي في حياته اليومية و بين ورود ما هو غير مقبول أخلاقيا داخل العمل الأدبي و لا علاقة بين الأثنين و كلاهما لا يقدح في قيمة الأديب كأديب بينما سوء السلوك الشخصي قطعا يقدح في قيمته كإنسان و هي أهم من قيمته كأديب .

سؤال مهم : إذا كانت المعرفة هي الفيصل فهل يجوز لمن يعرف مثلك أن يتبرع بتعريف من لا يعرف رغبة منه في خلق حاجز نفسي بينهم و بين الكاتب ؟ لماذا إذا كان الكثيرون و أنا منهم لا يعرفون عن طه هذا ما أوردته أنت هنا لماذا تبرعت بذلك ؟ أم يك من الأجدر بك تركهم يستمتعون بالعمل الأدبي و يحكمون على طه الأديب بعيدا عن طه البذئ الذي تعرف ؟!

Quote: لماذا إذا كان الكثيرون و أنا منهم لا يعرفون عن طه هذا ما أوردته أنت هنا لماذا تبرعت بذلك ؟ أم يك من الأجدر بك تركهم يستمتعون بالعمل الأدبي و يحكمون على طه الأديب بعيدا عن طه البذئ الذي تعرف ؟!

برافو يا أسامة
ليس لدي ما أضيفه هنا أكثر من حلمي بإجابة يا السماني ؟

يا اسامه ..
كيفك وكيفك يا صديق ..

Quote: أراك تخلط بين سوء سلوك الكاتب الشخصي في حياته اليومية

كده الحكم ( حكم القيمه ) العاوزو أساسي حيمر على الناس كلهم بصوره غير مباشره ..
ويقينى التام انك لا تريد هنا تأكيد سوء سلوك طه جعفر فى حياته اليوميه ..
ولكن قد يفهم من أعلاه انه حقيقه ينبنى عليها النقاش ..
وهذا ما أرفضه منذ بداية البوست ..

مودتى ..

خضر يا صديق تحيات
د. المشرف
خالص ودي

Quote: ويقينى التام انك لا تريد هنا تأكيد سوء سلوك طه جعفر فى حياته اليوميه ..

بالتأكيد فأنا لا أعرفه على أي مستوى و لولا ما ورد في هذا البوست لما عرفت أنه عضو في هذا المنبر .

Quote: في الأدب يا معاويه في الأدب

النمتاية جيتي خلاص في اي مستنقع تجي طايرة بالريش الدقاق
لانه محلك الطبيعي.ز
دي صورتك؟

انت شايف شنو يا معاوية؟

الحاصل هو الحاصل
الناس المنفصمة البتبشر بفكر وتعمل عكسه..

Quote: النمتاية جيتي خلاص في اي مستنقع تجي طايرة بالريش الدقاق لانه محلك الطبيعي.

خد....

مش قلته ليك في الأدب

أهو أضافت أدوات التصريف أو المصارف...

Quote: خد....

خد دي بفتح الخاء ولا ضمها لزوم التصريف وكدا

الكريمات بتفسخ الخد شديد لما يبقى مخرمج زيادة..

الواحدة تعمل فيها ومان اكتفست وتفسخ وشها عشان تكون بيضاء
مفتكرة البياض احسن
ما قلت ليكم تعليم المراة السودانية فقط ماحي للامية الابجدية

الواحدة لو ذاتها ما مستعدلة كيف عايزة تستعدل العالم..

ارضي بنفسك بعدين تعالي نظري


يششششششتنة ورقاد وا.ط.ة

Quote: يششششششتنة ورقاد وا.ط.ة

خد.... again

أهو أضافت المصارف...

بشكلك دا بس الكلام الذي دا البكون لايق معاه
لو اتكلمت ليك كلام صوالين حتفهميني يا المحللة الثقافية؟
اكيد لا
في المسرح في حاجة اسمها ابعاد الشخصية
عن طريقها بتبني الشخصية منها البعد الاجتماعي والبعد الجسماني
بالنظر الى تلك الابعاد في شخصيتك اتت عبارة بشتنة ورقاد و.اط.ة في محلها تماما
يا بتاعة التحليل الثقافي آل

بالله واحدة مامتصالحة مع روحها ما تجي تجننا

ودي كمان أنا وامنه بتي لاجراء التحليل النفسي من قبلكم بس انشالله عينك تكون بارده