Post: #2
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: اساسي
Date: 08-01-2007, 05:46 PM
Parent: #1
كان الحضور :
بكري ابو بكري ( سيد اللبن)
علي يمينه دكتور حيدر بدوي ( جمهوري )
محمد حامد جمعة ( جنا الحكومة )
ابو جهينة ( زعيم بورداب الرياض )
احمد طه ( صحفي ) اول مرة اعرف انه بوردابي
|
Post: #3
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: اساسي
Date: 08-01-2007, 05:47 PM
Parent: #2
قدم الحلقة المذيع : سعد الدين ( بدون استخدام الصنقعة كثيرا)
وخلت الحلقة من اي توب نهائيا
|
Post: #4
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: اساسي
Date: 08-01-2007, 05:51 PM
Parent: #3
غلبت المدة السودانية الشهيرة في الحديث ( آ آآآآ كلمة آآ كلميتين آآآآآ نص كلمة آآآآ)
واجاد فيها بكري ابو بكر كما قام بدوزنتها الدكتور حيدر حيث اعطاها بعد موسيقي وزمن حتي فكرت انزلها نغمة لجوالي
|
Post: #5
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: اساسي
Date: 08-01-2007, 05:53 PM
Parent: #4
اول الانطباعات الاجمالية عن الحلقة انها اخذت رواج اكبر من حجمها ولم تظهر كما كان متوقع لها ..فكان الحضور قليلا وكان المتوقع وجود بعض الجمهور من عضوية المنبر الموجودة بالداخل من بورداب الخرطوم وبعض البورداب الذين يقضون اجازتهم في السودان هذه الايام
|
Post: #6
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: اساسي
Date: 08-01-2007, 05:55 PM
Parent: #5
انحصرت كل الحلقة في المقارنة بين الصحافة الالكترونية والصحافة المطبوعة ( ورغم ايماني التام) بانه لا توجد علاقة بين الصحافة المطبوعة والمنتديات التفاعلية
يعني الموضوع كان مثل المقارنة بين سرعة القطار وسواد الليل
|
Post: #7
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: اساسي
Date: 08-01-2007, 05:58 PM
Parent: #6
وفي هذه المقارنة بين الصحافة المكتوبة والمنتديات الالكترونية ابدع الزميل طه حيث انتصر لمهنته التي يأكل منها عيش بحدثه علي قلبة الجريدة والانسداح اثناء ذلك مع التشديد علي انعدام انتشار الكمبيوترات والانترنيت في السودان وخلص الي انه مهنتهم لا خوف عليها
|
Post: #9
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: اساسي
Date: 08-01-2007, 06:02 PM
Parent: #7
محمد حامد جمعة لم يزنق في هذه الحلقة كما يحدث له في بوستاته ولكن المفارقة انه كان ( كبكابة) واستفاد كثيرا مقدم الحلقة من الاشارة الي ميول جمعة الحكومية حتى كدنا ان نقول ان استضافته كانت من اجل ذلك ليكف عين الحكومة عن الحلقة
|
Post: #8
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: معاذ حسن
Date: 08-01-2007, 06:01 PM
Parent: #6
استخدم المشاركون في الحلقة اياديهم في الحديث بكثرة وبصورة رهيبة وربما اكثر من افواههم.
ربما لذلك علاقة بادمان الكيبورد واستخدام الاصابع وسيلة للتعبير عبر الكتابة
ساحاول ان اتجنب ذلك اذا تمت استضافتي ذات يوم.
سلام يا اساسي قالو الفي البر عوام.
|
Post: #10
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: اساسي
Date: 08-01-2007, 06:04 PM
Parent: #8
سبقتني يا معاذ في الاشارة الي (سباحة الكراسي ) حيث ابدع بكري وابو جهينة وجمعة حتي خلتني سارمي اليهم طوق نجاة خوف الغرق
|
Post: #11
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: اساسي
Date: 08-01-2007, 06:08 PM
Parent: #10
اذا تثني لي تقيم المتحدثين واضافتهم للحلقة لقلت بدون منازع ابو جهينة حيث كان الوحيد الذي تطرق لمواضيع مهمة واضاف لها مثل الزواج عبر الموقع وحملة وليد دارفور وبورداب الرياض ولقائهم بالسفارة
|
Post: #12
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: اساسي
Date: 08-01-2007, 06:13 PM
Parent: #11
الفنان المستضاف طلال حلفا (الذي يتابع اخبار الموقع ) لم يبدع كثيرا في اختيار الاغنيات سوى اغنية ابراهيم عوض مع ملاحظة انه صوته ما علي قدر كدا يعني بصراحة كان علي مستوي الحلقة تماما وكان الانسب لها
|
Post: #13
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: اساسي
Date: 08-01-2007, 06:19 PM
Parent: #12
اجمل ما كان في الحلقة ولفت نظري كثيرا
هما تي شيرت بكري ابو بكر وسعد الدين
وكان التنوع واضحا ومميزا في البدلة الافريقية لدكتور حيدر والتي ظهر بها للاسف في صور مظاهرة نيويورك
وكانت بدلة العيد الجديدة لمحمد جمعة حدثا اما الزميل الصحفي طه فزنق نفسه جدا بالزرارة الفي النص لبدلته والتي كان
سيرتاح كثيرا ويكون علي سجيته اكثر لو فكاها .
وكان ابو جهينة الوحيد الذي لبس الزي القومي وكان وقورا عليه
|
Post: #14
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: اساسي
Date: 08-01-2007, 06:22 PM
Parent: #13
الحلقة في الاجمال لم تكن (بالنسبة لي) بيض خالص نظرا لانتمائي لهذه القبيلة سودانيز اون لاين وخلفيتي عن الموضوع
ولكن لو لم يكن لي خلفية عن سودانيز اون لاين لما توقفت كثيرا بالريموت في قناة النيل الازرق اثناء عرض هذه الحلقة
والتي اظن ان من حضرها لديه معرفة علي الاقل بسودانيز اون لاين او احد منتسبيها
|
Post: #15
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: اساسي
Date: 08-01-2007, 06:23 PM
Parent: #14
ونواصل الانطباعات غدا ان مد الله في عمرنا
|
Post: #25
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: لقمان حسن همام
Date: 08-02-2007, 05:22 AM
Parent: #6
| Quote: يعني الموضوع كان مثل المقارنة بين سرعة القطار وسواد الليل |
بل مثل أساسي و(حُرَقي) !!
كان الفتي الأخير (حُرَقي) يساعد إبراهيم (لقوني) في جمع النقود من راكبي سيارته (البرينسة) ذات
المقاعد المتمددة تجاوزا ..
كمساري لم ينل من التعليم إلا قليلا !! لكنه يُفصحُ في غيرِ محلٍ، عن وجهاتِ نظرٍ لا تمتُ للواقع بصلة !!
كلام الطير في الباقير ..
|
Post: #24
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: لقمان حسن همام
Date: 08-02-2007, 05:03 AM
Parent: #4
كتب أساسي:
Quote: غلبت المدة السودانية الشهيرة في الحديث ( آ آآآآ كلمة آآ كلميتين آآآآآ نص كلمة آآآآ)
واجاد فيها بكري ابو بكر كما قام بدوزنتها الدكتور حيدر حيث اعطاها بعد موسيقي وزمن حتي فكرت انزلها نغمة لجوالي |
نحن والقلة القلية من المصريين، نستخدم حرف المد (آآآآآ) لنستدعي الذاكرة في حديثنا ..
وأخشى من (ردة الفعل) أن أقول لك إنني أقدم دروسا في فن الإلقاء والأداء الصوتي لطلبة الإعلام في
جامعة قطر ومركز الجزيرة للتدريب والتطوير الإعلامي، الذي يأتي إليه المتدربون من شتى تلفزيونات
دولنا العربية، حيث نتناول مثل هذه الأخطاء أمام الكاميرا وخلف المايكرفون ..
يجبُ علينا أنْ نُرَتّبَ أفكارَنا، ونستنفردَ مفرداتِنا لنُعَبِّرَ عن ماهيتِنا .. بصوتٍ ولغةٍ وتعبيرٍ يجعلُ
المتلقي المُستهدف في شوقٍ لمعانقةِ (سودانيز أون لاين) ..
أدرك أن الكاميرا لها رهبتها لأيٍ كان .. وهذا ما حدث للدكتور (حيدر) والذي هو أستاذ للاتصالات في
جامعة نيويورك، كنتُ أتوقعُ أن يكونَ أكثرَ الضيوف حضورا، من حيثُ الفكرُ واللغةُ والأداءُ الصوتيُّ
والجسدي ..
|
Post: #16
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: DKEEN
Date: 08-01-2007, 07:19 PM
Parent: #1
ابو جهينة ماجاب سيرتي؟؟
|
Post: #30
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: اساسي
Date: 08-02-2007, 09:27 AM
Parent: #16
| Quote: ابو جهينة ماجاب سيرتي؟؟ |
اعتقد دا السبب الرئيسي لتميز ابو جهينة في الحلقة عن الباقين انه ما طراك
|
Post: #17
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: DKEEN
Date: 08-01-2007, 07:30 PM
Parent: #1
ادناه رسالة من صديقة عزيز ة في ايميلي عن الحلقة..
ــــــــــــــــــــــــ
إزيك يا عثل ...
غايتو لقاء بكري أبوبكر في قناة النيل الأزرق كان ناقصة الوغد فيصل نوبي وبعض الأوغاد... وبعض المستنيرين والمستنيرات .
ما كان لقاء بحجم سودانيزأونلاين صراحة.
بكري عامل زي العروس في الكوشة بالغ عددديييييييل كدا.
والمقدم بتاع القناة يفتقد الموضوعية والحضور المهيب ا لقوي .
ومحمد حامد جمعه من شدة ما مسكين الطيرة تاكل عشاه .
وحيدر بدوي جايي عدل من الكوفير .
وجكس نضيف مافي تكون في زولة قالت ليهو تقعد بس بدون جكس ..
العترة بتصلح المشية أقصد الحلقة الجاية...
تحياتي يا وغد
ــــــــــــــــــــــــــــــــــــــــــــــ
|
Post: #18
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: DKEEN
Date: 08-01-2007, 07:43 PM
Parent: #17
ماحضرتا الحلقة بصراحة..
لانها على قناة مشفرة وانا زول يادوب على قد البث المتاح مجاني..
بس الحلقة دي لو ما ابو جهينة واب صلعة ما ازن عندها علاقة بي سودانيز اون لاين
الناس الفيها ديل كلهم انا لاقيتم في محافل اخرى
ومحفل سودانيز اون لاين بالنسبة ليهم شي ثانوي
حتى كتاباتهم فيالبورد من اجل هدف قاصد
الشغال صحفي
والشغال لي الفكرة
والشغال لي المعارضة..
زول كده كانت سودانيز سبب ظهوروا ماف غير الريس بكري والزعيم ابو جهينة..
بس المستغرب ليهو ليه ابو جهينة ماجاب سيرتي مع اني وصيتو..
كان نفسي اعرف تلفون البت الكانت بتقدم مزازيك ديك.
|
Post: #34
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: ALGARADABI
Date: 08-03-2007, 09:27 AM
Parent: #17
| Quote: الوغد فيصل نوبي وبعض الأوغاد |
طالما في وغد( يبقي فصل)
كان تكتب الاسم عديييل
لأنو الوغد ( دكين + نوبي) دي ماركة مسجلة لزولة واحدة
بس لقت انترنت وين الايام دى؟
دكين:
والله ما قايلك وجيه كده بي اسمك الشين ده...
نطالب باشراكك في المقابلة القادمة لمنافسة حيدر بدوى
يا حلو
|
Post: #37
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: فيصل نوبي
Date: 08-08-2007, 11:30 AM
Parent: #17
آبدول
| Quote: (عدل بواسطة DKEEN on 01-08-2007, 08:35 م) |
الراسلة دي ناقصة عشان اخوكـ جاتو نسخة منها معدلة لي دكين
اها مسحت منها شنو يا وغد 
|
Post: #19
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: DKEEN
Date: 08-01-2007, 08:20 PM
Parent: #1
الفنان المشارك قالو ليهو علاقتك بي سودانيز اون لاين شنو؟
قال لي سعد : بسمع منو الاخبار..وبلقط منها الاغاني
واحد هدندوي في خريف 98 في شارع الجامعة جنب كلية الهندسة بالضبط قدام النصب التذكاري بتاع
عبدالفضيل الماظ سالو مذيع تلفزيوني- لايدري مايقول- قائلا:
ممكن تقول ليك كلمتين عن البطل عبد الفضيل الماظ؟
رد الهدندوي متكاً على عصاة على كتفه : والله الراجل ماقصر ربنا يديهو الصحة والافية ..اللجنة الشعبية توالي بكون حاضر فيها..
|
Post: #20
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: DKEEN
Date: 08-01-2007, 08:23 PM
Parent: #1
احسن زول كان ممكن فعلا يعكس وجه سودانيز كان موجود فعلا في السودان
الود عمر الفاروق
يعني زول الظرافة دي مافايتاهو
وقلة الادب مافايتاهو
والعوارة مافايتاهو
والكورة مافايتاهو
والحكومة برضو مافايتاهو..
|
Post: #21
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: salah elamin
Date: 08-02-2007, 01:12 AM
Parent: #20
| Quote: .وكان ابو جهينة الوحيد الذي لبس الزي القومي وكان وقورا عليه |
منو القال ليك دا الزى القومي؟
|
Post: #23
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: لقمان حسن همام
Date: 08-02-2007, 04:12 AM
Parent: #21
تحياتي أساسي ..
بعد أن شاهدتُ الحلقة (الذكورية) من برنامج (سهران يا نيل) عبر النيل الأزرق، هممتُ بفتح بوست يحكي
انطباعاتي التي خرجت بها ..
لكنك أرحتنى من هذا العناء بسبقك؛ وهو عهدنا بك دوما ..
قبلا .. فتح بكري أبوبكر بوستا، نوّه من خلاله للحلقة المعتزمة وضيوفها .. إعترض المعترضون ولهم
أسبابهم .. دجل المدجلون ولهم أسبابهم .. صمت الصامتون ولهم أسبابهم أيضا ..
تمدد حبيبنا بكري (قولا) في البوست المشار إليه قبل الحلقة، وذكر ما مفاده (أنه وللمرة الأولى
سيُستَضافُ الموقعُ في قناةٍ محلية) !! تحفظتُ على مقولتِه، وظننتُ أنها خطأ عارض، باعتبار أن
الرجلَ مثلَه مثلَ أيِّ مديرٍ لوسيلةٍ إعلامية، يُدرك أبجديات الإعلام ..
لكنه وفي بداية حلقة (سهران يا نيل) كرر القول (هذه المرة الأولى التي نُستضافُ فيها في قناة محلية)
، مما حدا بالمذيع الأخ الصديق سعد الدين حسن أن يُصَوّبَه بقوله (قناة فضائية) ..
وردد معه (صاحب الحوش) قناة فضائية ..
لعل الجميع يُدرك أن قناة النيل الأزرق تابعةٌ لـ(باقة الأوائل ضمن قنوات الـ ART) مما
يُمكِّنها من المشاهدة في أصقاع مختلفة من العالم ..
ولا أدري من أين أتى إصرارُ الأخ بكري أن القناة محلية، وهو صاحب موقع بهذا الحجم !!
هل يجوز لنا القول، إن (قناة الجزيرة) محلية لأنها تنطلق من قطر .. أو إن قناة (البي بي
سي) محلية لأنها نطلق من بريطانيا !!
ينبغي أن نكون قدر المرحلة التي خلقها الآخرون، وأسهمتْ فيها الصدف بقدر مقدر !!
وأن نتركَ المنابرَ لمن يُجيدُ فنونَها ..
|
Post: #29
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: اساسي
Date: 08-02-2007, 09:26 AM
Parent: #23
الاستاذ لقمان همام
تحية وود
اتشرف جدا باضافاتك للبوست وزي ما بيقولوا ( البورداب ) او كما نحب ان نسمي انفسنا او كما قال دكتور حيدر
البوست بوستك ونحنا ضيوفك
انطباعاتك دائما ذكية ومنهجية ودا باب بيتكم طبعا فمافي اقدر منك علي مثل هذا الكلام
يعني بصراحة ما طلعنا بعيد
وكلامك دا خلاصة الخلاصة
Quote: ينبغي أن نكون قدر المرحلة التي خلقها الآخرون، وأسهمتْ فيها الصدف بقدر مقدر !!
وأن نتركَ المنابرَ لمن يُجيدُ فنونَها .. |
|
Post: #22
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: celecon
Date: 08-02-2007, 04:08 AM
Parent: #1
بصراحة كده :
سعدالدين : اسوأ مذيع ونصيحتى ليك شوف ليك شغلة تانية
بكرى : اظن عملوا ليك مساج فى يديك بعد الحلفة
دكتور حيدر : غلب على حديثك الحرية التامة
محمدحامدجمعة : عكس المتوقع
أبوجهينة : اطال الله فى عمرك وبس
احمد طه : والله اول مره اعرف انو الناس بتخرم لريحة الجريدة
اخونا الفنان : شكرا .. وزى ماسبقونى اختياراتك غير موفقة
|
Post: #27
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: abuguta
Date: 08-02-2007, 06:16 AM
Parent: #22
Quote: يعني زول الظرافة دي مافايتاهو
وقلة الادب مافايتاهو
والعوارة مافايتاهو
والكورة مافايتاهو
والحكومة برضو مافايتاهو.. |
يادكين انت بتكتب شعر
عمر الفاروق سافر ابيدجان عشان يحضر الكرة
سبب انطباعات الحلقة الاعلان المسبق
ثم اقلام المستضافين التى تفوق حنكهم
ياجماعة للحنك ناس وللقلم ناس والسرفر كمان ناس
اساسى ما بتنجح فى اللقاء القادم معدل كلماتك فى الدقيقة قليلة
لذا ساعدنا بعمل كورس تسريع مع البنية وعلبها كثير
دكين انت لبق لكن صوتك مش على وميكرفونات الصوت لا تسمح اكثر من كدا
الحلقة دى عاوزة ناس بتتكلم فى الدقيقة 120 كلمة
اذا اردتم نجاح حلقة قادمة ارشح على حسب ما سمعت من اصوات
شخصى : الضعيف واسالو ناس الهند وممكن اجضم عالم السرفرات بحكم المهنة
تمبس : شباكة ولباقة وحلاقات هاى تناسب عالم النت اضف لبرعاته فى عالم I.T
معتصم :دفع الله شياكة ولباقة وحنك منمق
حليمة عبد الرحمن دى صحفية وكفى
هشام يازول : صوتو فى التلفون جميل وهندام وزول حكاى
طيب كل بورداب بلد ترشح ما تراه مناسب فى للحلقة القادمة..
الشغلة دى كلام مش قلم ولا فهم ولا هندام...
|
Post: #26
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: نادر
Date: 08-02-2007, 06:09 AM
Parent: #1
تحياتي للإعلامي الأستاذ/ لقمان
Quote: ولا أدري من أين أتى إصرارُ الأخ بكري أن القناة محلية، وهو صاحب موقع بهذا الحجم !!
|
أغلب الظن أن بكري أبوبكر كان يقصد بكلمة (محلية) أن القناة تبث من السودان ولم يقصد (محلية) بمعناها الذي يدل على محدودية بثها في منطقة جغرافية معينة، أي أنه أراد بكلمة (محلية) السودان الوطن وليس قناة النيل الأزرق التي يعلم الجميع أنها قناة فضائية.
خالص التحية لصاحب البوست الأخ/ أساسي.
|
Post: #28
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: essam&amal
Date: 08-02-2007, 06:19 AM
Parent: #1
Quote: استخدم المشاركون في الحلقة اياديهم في الحديث بكثرة وبصورة رهيبة وربما اكثر من افواههم.
ربما لذلك علاقة بادمان الكيبورد واستخدام الاصابع وسيلة للتعبير عبر الكتابة
ساحاول ان اتجنب ذلك اذا تمت استضافتي ذات يوم.
سلام يا اساسي قالو الفي البر عوام. |
ام وضاح
|
Post: #31
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: الطاهر عثمان
Date: 08-02-2007, 09:41 AM
Parent: #1
عندما تحدث الدكتور/ حيدر عن الأستاذ محمود محمد طه تجنب سعد الدين اي تعليق وحاور ولف وزاغ من الموضوع ....
طلال حلفا استاثر بكل زمن الحلقة ( ماعارف ليه بنحشر الغناء في كل حاجه)
حركة اليدين فعلا ظااااهرة شديد وملاحظة ذكية جدا من صديقنا المختفي معاذ
كان الاهتمام مركزا علي الضيوف يمين سعد اكتر ..
عندما حاول سعد أن يذكر ان احد بورداب الامارات إتصل قاطعه احدهم ولم يكمل الحديث في هذه النقطة مع اهميتها..
إفتقدت الحلقة لاحصائيات دقيقة عن الموقع مع إستثناء معلومة اثنين قالهم بكري في الحوار وحاول أبوجهينة ان يتكلم في هذا الموضوع ولكن يبدو انه لم يكن جاهزا له أو ان بكري احق بالكلام في هذه النقطة.
بتاع الكاميرا يبدو ان له علاقة قوية مع واحد من عازفي الكمان: مركز عليه تركيز شديييد
|
Post: #32
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: tmbis
Date: 08-02-2007, 10:45 AM
Parent: #31
..
اساسي ..
أنا بعيد حبتين من البورد .. ح أجيك راجع.
|
Post: #33
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: Abdelmuhsin Said
Date: 08-02-2007, 10:59 PM
Parent: #1
up
|
Post: #35
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: جدو
Date: 08-06-2007, 01:56 PM
Parent: #33
أساسي الأساسي
إيه رأيك في المفاجأة دي
مشتاقييين شديد
ما حضرنا الحلقة لكن الطاهر وتمبس جزاهم الله خير ما قصروا لحقونا
ليها..
بالمناسبة سعد الدين دا يعتبره البعض من المذيعين الناجحين جداً..
نتلاقى لو في العمر باقي
تحياتي
|
Post: #36
Title: Re: سهران يا نيل مع سودانيز اون لاين والنيل الازرق انطباعات عن الحلقة
Author: اساسي
Date: 08-08-2007, 11:18 AM
Parent: #35
جدووووووو
يا خي دي مفاجاة من العيار الثقيل
ياخي رنة وافصلو بس؟
تحياتي تمبس
عبد المحسن
نادر
الطاهر
عصام امال
والجميع
|
|