Post: #1
Title: اعتذار خاص للاخ المحترم دكين
Author: اساسي
Date: 06-03-2007, 11:09 AM
Parent: #0
معليش
|
Post: #2
Title: Re: اعتذار خاص للاخ المحترم دكين
Author: فيصل نوبي
Date: 06-03-2007, 11:12 AM
Parent: #1
ما بتأكل عيش
|
Post: #3
Title: Re: اعتذار خاص للاخ المحترم دكين
Author: فيصل نوبي
Date: 06-03-2007, 11:15 AM
Parent: #2
Quote: اساسي
انا راجيك تسحب الكلام الفوق ده.. |
و تكتب ليو أنا آسف.
|
Post: #4
Title: Re: اعتذار خاص للاخ المحترم دكين
Author: حمزاوي
Date: 06-03-2007, 11:19 AM
Parent: #1
| Quote: اعتذار خاص للاخ المحترم دكين |
يا ماما
تعالي شوفي دكين قاعدين يعتذروا ليه
اساسي اخوي
ماما بتسلم عليك
|
Post: #5
Title: Re: اعتذار خاص للاخ المحترم دكين
Author: اساسي
Date: 06-03-2007, 11:30 AM
Parent: #4
اهداء خاص للمحترم دكين
بناء علي طلب وليد تم سحب البرتقالة لعدم صلاحيتها للاهداء
|
Post: #6
Title: Re: اعتذار خاص للاخ المحترم دكين
Author: A.Razek Althalib
Date: 06-03-2007, 11:40 AM
Parent: #5
 ..
ما أول مرة دكين يعملها..
إلا مرض حامد شين وقبيح لمن إستطاع الباءة ولم يفعلها وجاي بشناة وصفو على كتف من يشيل..
قلت لدكين على جنب يوم الخميس برة في الخلا الساعة أتنين بالليل..
[وإن تطع أكثر من في الأرض يضلوك عن سبيل الله]..
الأنعام الآية 116
قام جاط وعيط..
وجدع يدينو..
أحذروا الوهن يا ناس..
|
Post: #7
Title: Re: اعتذار خاص للاخ المحترم دكين
Author: Ahmed Yousif Abu Harira
Date: 06-03-2007, 11:49 AM
Parent: #6
انتو الاتنين عزاز علينا
وجاهزين للجودية
نجود فيكم ولا بتحلوها براكم؟
|
Post: #8
Title: Re: اعتذار خاص للاخ المحترم دكين
Author: يازولyazoalيازول
Date: 06-03-2007, 11:50 AM
Parent: #6
أساسى
أقسم بالله العظيم إنت زول جميل للغاية
والله يا اساسى لو ما كنت متزوج كنت أديتك واحدة من بناتى الإثنين لأنو ما حا القى زوج لبنتى أحسن منك
|
Post: #9
Title: Re: اعتذار خاص للاخ المحترم دكين
Author: فيصل نوبي
Date: 06-03-2007, 11:54 AM
Parent: #8
طيب ما تبدل ليو يا هشام المشكلة وين ؟
|
Post: #10
Title: Re: اعتذار خاص للاخ المحترم دكين
Author: يازولyazoalيازول
Date: 06-03-2007, 12:05 PM
Parent: #9
قصدك (دبل) ليهو
معقولة يا فيصل أدى بتى لى (راجل مرة)
والله ولا فى الأحلام
لووووووووووووووووووووووووول
|
Post: #11
Title: Re: اعتذار خاص للاخ المحترم دكين
Author: حمد فتح الرحمن
Date: 06-03-2007, 12:47 PM
Parent: #1
| Quote: ما حا القى زوج لبنتى أحسن منك |
انا يا هشام
|
Post: #12
Title: Re: اعتذار خاص للاخ المحترم دكين
Author: يازولyazoalيازول
Date: 06-03-2007, 12:57 PM
Parent: #11
تعال بالباب يا حمد ، عشان إسمك ده ممكن يشفع ليك
|
Post: #13
Title: Re: اعتذار خاص للاخ المحترم دكين
Author: حمد فتح الرحمن
Date: 06-03-2007, 01:11 PM
Parent: #12
| Quote: تعال بالباب يا حمد |
اوصف لي الباب بفتح على وين و لا اقول ليك بسوق ايوب قريبي و بجيك ، بنفع و لا اجليه و اجيب الفاتح معاي .
| Quote: عشان إسمك ده ممكن يشفع ليك |
يعني لو كان اسمي وائل كان الله معاي و لا كيف ؟
|
Post: #14
Title: Re: اعتذار خاص للاخ المحترم دكين
Author: فيصل نوبي
Date: 06-03-2007, 01:15 PM
Parent: #13
حمد انت لسه منتظر
أعمل ساين اوت و اركب الظلط يا عمكـ
أوعكـ تسوق معاكـ دكين بيبيعكـ و يبيع حنانكـ..
يله يا عمكـ
الساعة 8 مساء بنزل ليكـ بوست المباركة  .
|
Post: #17
Title: Re: اعتذار خاص للاخ المحترم دكين
Author: حمد فتح الرحمن
Date: 06-03-2007, 01:26 PM
Parent: #15
و الله عمو هشام قبضتني قبضة شينة لكن
انتا البوديك تتحاوم جم بوستات الكيزان شنو ؟
كتا بهظر مع ود الباوقة سااااااي و الله
|
Post: #19
Title: Re: اعتذار خاص للاخ المحترم دكين
Author: يازولyazoalيازول
Date: 06-03-2007, 01:32 PM
Parent: #17
إنت زاتك البوديك تتحاوم وتكشف حالك شنو، أنا خلاص قلت الليلة لقيت عريس تمام للبنية ، تجى تطلع أى كلام ، قال دعونى أعيش قال
يعنى بعدين أنا أعيشكم الإثنين ولا كيف؟؟؟؟
|
Post: #18
Title: Re: اعتذار خاص للاخ المحترم دكين
Author: abuguta
Date: 06-03-2007, 01:30 PM
Parent: #15
| Quote: خلينى أنا يا فيصل ، لو إنت قريت الكلام ده بتديه بتك |
ياهشام امسك عليك بنتك ..ان الكيزان قوم اذا مسكو احسنو القبضة
لانها لا تدور عليهم مرة تانية...الا ترى كيف انهم متعلقين فى عزة
وما بقى فيها غير الرويحة الهالكة..
|
Post: #16
Title: Re: اعتذار خاص للاخ المحترم دكين
Author: عمران حسن صالح
Date: 06-03-2007, 01:24 PM
Parent: #14
غايتو يا أساسي ثقيل ثقالة ...
عنوان قدر ده !!
ولي زول حرفو بتجنني ..ومشاتر طوالي
من زول زيك إسمو أساسي ...
زينة بوردينا الحرفو برضو لذيذ ( ومشاتر أحياناً )
أجهز قهوتي وسجايري وأنوم محمد وأمو ..
وأجي أقعد ليك بمزاج ...!!
وألقاها بس كلمة ..
معليش ...
يا راااااااااااجل
ياخي أقول ليك ؟؟؟
ما معليش ولا حاجة ...
دكين كان رضى أنا ما راضي ...
وأضف رد طوالي لا شاهده ولا يحزنون
|
Post: #20
Title: Re: اعتذار خاص للاخ المحترم دكين
Author: حمد فتح الرحمن
Date: 06-03-2007, 01:41 PM
Parent: #1
يا ابو النسب شايفك اتفهمت الوضع بهناك
اها جيتك يلا خلينا نتفاكر قبل ما ترجع في كلامك داك
| Quote: ياهشام امسك عليك بنتك .. |
ابقوتة خليك محضر خير بيناتنا
شوف نوبي دا اسة ما صدق و قعد يجهز بوست المباركة خلاص
|
Post: #21
Title: Re: اعتذار خاص للاخ المحترم دكين
Author: يازولyazoalيازول
Date: 06-03-2007, 01:55 PM
Parent: #20
يا حمد ، ياخ أنا أديت العصمة لأبقوتة ، ده عم البت ، والبقول عليه أبقوته أنا موافق عليه
لوووووووووووووووووووووووووووووووول
|
Post: #22
Title: Re: اعتذار خاص للاخ المحترم دكين
Author: abuguta
Date: 06-03-2007, 01:56 PM
Parent: #20
| Quote: ابقوتة خليك محضر خير بيناتنا |
انا ما بعارض عمل الخير...
لكن عمت البت بتكره الكيزان عمى..لكن عندها عم اسمو تبارك
ممكن يدعمك باقى لى بحب اللعبة السمحة
دحين انت شغال شنو..وتخصصك شنو
ارسل لينا السيرة الذاتية
واسى البت دى يادوب فى سنو ثالثة
ودى لك
|
Post: #23
Title: Re: اعتذار خاص للاخ المحترم دكين
Author: DKEEN
Date: 06-03-2007, 02:01 PM
Parent: #1
طبعا الاعتذار ده حدد علاقتي بيك للاسف..
لطالما كان النبذ بين الاصحاب سمة مودة وموالفة ودلالة على عمق العلاقة..
يعني الالفاظ على شاكلة ازيك ياكلب..وين يامعفن..انتا خــول؟؟.. يابيضة..
كانت من دلائل الخوة الطويلة الممتازة..
طارق الهاشمي مثلا كان عادي بتمرق منو عبارة وين ياعرص مشتاقين..
الاصدقاء حين يحتد النقار بيينا كنا نتنابذ بالالقاب اياها من شاكلة يالوطي ..ياشرموط..
احشـك..
قد تكون مقذعة للكثيرين.. بس تقول شنو تربية اولادالحلة...
عبارات عادية جدا في المحافل التي نلتقي فيها..وكثيرا كانت تاتينا بالحرج لانها جرت مجرى العادة في السنتنا..
فكان الواحد منا في مكان عام عادي يكورك بها لاخية..فيلتفت اليه السابلة مستهجنين..
شذى من العزيزات جدا كانت حين اضجرها تردد: انتا ود حرام؟؟
في اخر اجازة قات لي في محك نقار : انتا حجيت مرتين ولسع زي ماانتا ود حرام..
ماكان بينا اي زعل لانو صداقتنا تم تجميرها في افراح وابتلاءات متعددة..
انا من جلس لها عدة امتحانات حين كانت تغيب في اقصى الشمال لظروف شتل النخيل..
انا من داوم على زيارتها دوما في مغارب الخرطوم في منزل اهلها..
فيما بعد كنت انا من فتح باب السيارة لها وهي تنزل في كامل زينتهايوم زفافها..
هججتا وغنيت وانفعتا ووزعتا العشا..
داومت على زيارةالاهل في غيابي مستفسرة وسائلة ومعزية ومجاملة..
كنا ولازلنا نشق هذه الحياة في مودة مشتركة مأمونة الجوانب..
مُـستصحبين في انفعالاتنا حسن النية والقصد الطيب الذي لايأتيه الظن السي من بين ظهرانيه..
انا يااساسي ختيت ليك الخيار تحت في المداخلة ديك ذاتها..
وقتا ليك:اختار ان تسحب او لاتسحب..
انا ماكنتا عندي غير اني بس حاخد راحتي معاك لي قدام في النبذ..
كنتا حانبذك بي فهم بليغ..
لاينقص ذلك من قدر اهلي ولامن قدر اهلك شيئاً..
فمقادير اهالينا موازين قياسها لايتسع لها هذا المكان..
بس ياخي الله مرقك ساي من خوة لاحد لها..
وغالبا انتا اعتذارك ده ماجا منك وجا من زول تاني قريب منك..
يعني مجبور يابيضتي..
عهدي بك مقطع الاسباب ولادين لك..
|
Post: #24
Title: Re: اعتذار خاص للاخ المحترم دكين
Author: DKEEN
Date: 06-03-2007, 02:11 PM
Parent: #23
بس حلوة المحترم دكين دي بصراحة..
والبرتكانة احلى..
يعجبني جدا الصديق البعرف كيف يدردق صاحبو لي مصالحتو..
تعرف لو كنا في المكسيك كنتا حازعل منك يوماتي عشان عارفك اخر اليوم كنتا حتجيب لي شنو معاك وانتا جاي بيت العذابة..
ده طبعا لو كنا قاعدين عذابة..
وفي المكسيك..
ــــــــــــــــــــــــ
التعرصة للاخوان رجــالة..(مثل ٍسري)
|
Post: #25
Title: Re: اعتذار خاص للاخ المحترم دكين
Author: وليد محمد المبارك
Date: 06-03-2007, 02:20 PM
Parent: #24
ساقو الكورنر
وقلبو قلب الجن
مرة بقينا نشوف الشعار
ومرة النمرة
وفي الاخر ختاه في الارض
ومشى حشرها قون
حييييييييييييييييييييييييييي انا
والله يا اساسي انت طلعت فااااااااااااااارة
ودكين ختاها ليك
معليش يا كبير
|
Post: #26
Title: Re: اعتذار خاص للاخ المحترم دكين
Author: فيصل نوبي
Date: 06-03-2007, 02:27 PM
Parent: #24
يا عزيز يا صاحبي
شايف لسانكـ طلق ..
الكلام ده في تلفون مع الفِرَد و الاصحاب ..
علا هنا بيكون أشتر ..
انت عارف لساني كيف..
لكن باقي لي هنا الواحد مركب وش عشان أخواته
بعدين انت براك جيت و قلت شذي قالت ليك انت ود حرام
يعني شذي ما ممكن تقول ليك يا .... و يا ... ..
يبقي هناك شعرة و حاجز خفيف
إستدراكـ علي خفيــــف
بما أنه لدي شذاي .. فقد تقولها شذي خلسة و لكن بينها و بينك و هي تتلفت خشية ان يستمع اليها من القوم من يظنون السؤ بها لما تلفظت به ..
يا صديقي اني لك من الناصحين ..
و أنت عزيز يا عزيز .
|
Post: #27
Title: Re: اعتذار خاص للاخ المحترم دكين
Author: حمد فتح الرحمن
Date: 06-03-2007, 02:27 PM
Parent: #1
و الله يا ابقوتة ختيتني في موقف محرج جدا
لكن و الله الحاجات الانت طلبتها دي ما مهمة
الكلام سترة الحال و المباصرة
المهم الاخلاق يا عمو
و اخلاقي اسأل منها دكين و نوبي ديل
|
Post: #28
Title: Re: اعتذار خاص للاخ المحترم دكين
Author: يازولyazoalيازول
Date: 06-03-2007, 02:36 PM
Parent: #27
عاين الناس فى شنو وحمد فى شنو؟؟؟؟
يا فيصل جايب لى عريس (أشتر)
الله يهديك
لوووووووووووووووووووووووووووووووووووووووول
|
Post: #30
Title: Re: اعتذار خاص للاخ المحترم دكين
Author: حمد فتح الرحمن
Date: 06-03-2007, 02:52 PM
Parent: #28
يا ابو النسب موضوع دكين و اساسي دا عاضي ساكت
ما تشغل بيه نفسك
خلينا في موضوعنا الاهم
|
Post: #32
Title: Re: اعتذار خاص للاخ المحترم دكين
Author: يازولyazoalيازول
Date: 06-03-2007, 02:56 PM
Parent: #30
لكن يا حمد (الشتارة) دى كيف؟؟؟
ياخ البوست الأساسى مدور بين أساسى ودكين ، إنت عامل فيه غُرزة
لووووووووووووووووووووووووووووووووووووول
|
Post: #29
Title: Re: اعتذار خاص للاخ المحترم دكين
Author: DKEEN
Date: 06-03-2007, 02:46 PM
Parent: #1
القصد كان ايصال رسالة لي الجميع
انحنا صحي فينا سفاهة زيمابقولو..
بس مابنقولا في توجيه شخصي لي زول..
فرق كبير بين تفك ليك شي في السهلة وبين تفكو في وش زول..
ولانا خفنا ان يلتبس الامر على الهوام وذوي المقدرات الفكرية البسيطة..
ويقولو الزول ده تكية نبذ ..
قنا احسن نخت محاذير ونوضح ليهم ماخفي من القصد وماالتبس عليهم وصعب على افهامهم..
المقصود بهذا التحذير هو الاخ فيصل نوبي ..
اساسي انا كان ممكن ارسل ليهو براحة في المسنجر الداخلي بتاع بكري لو الفكرة فعلا ماكانت عاجباني..
بس لانو انا قاصد نوبي ختيتا في بورد بكري..
لانو انا نوبي المسنجر الداخلي بتاعو ماعندي..
|
Post: #31
Title: Re: اعتذار خاص للاخ المحترم دكين
Author: فيصل نوبي
Date: 06-03-2007, 02:55 PM
Parent: #29
و اخوك يشيلك كان في البورد و لا في المسنجر و لا في البنطون.
| Quote: فرق كبير بين تفك ليك شي في السهلة وبين تفكو في وش زول.. |
فكها في وش أخوكـ و
أبشر تب.
|
Post: #33
Title: Re: اعتذار خاص للاخ المحترم دكين
Author: فيصل نوبي
Date: 06-03-2007, 02:58 PM
Parent: #31
راجع الميل يا دكين عشان تشوف الكلام الجد.
|
Post: #34
Title: Re: اعتذار خاص للاخ المحترم دكين
Author: عماد محمود علي
Date: 06-03-2007, 03:12 PM
Parent: #33
يا جماعة باركوها ...
دكين بالله إنت حكاية شنو مع البرتقاااااال ده ..
|
Post: #35
Title: Re: اعتذار خاص للاخ المحترم دكين
Author: اساسي
Date: 06-03-2007, 04:39 PM
Parent: #34
الرائع دوما دكين , شكرا جميلا لتقبلك الاعتذار الصادق وحقيقي اثبت اصالة معدنك وطيب معشرك اتمني ان يدوم المعروف بين الناس
وتقبل مني
الشكر لكل الاخوة الحادبين علي صفاء ونقاء العلائق الانسانية بين الاخوة اعضاء المنتدي
|
Post: #39
Title: Re: اعتذار خاص للاخ المحترم دكين
Author: DKEEN
Date: 06-03-2007, 06:14 PM
Parent: #35
| Quote: الرائع دوما دكين , شكرا جميلا لتقبلك الاعتذار الصادق وحقيقي اثبت اصالة معدنك وطيب معشرك اتمني ان يدوم المعروف بين الناس |
اساسي ده شنو الكلام العجيب البتقولو لي ده...
مابينا ياصاحب ..
الحنك ده مابشبهك..وشكلك فيهو شين وشكلي جواهو اشنى..
خليها كده وهي بتترتب براها..
اديتني احساس بانك بتاكل بي راسي حلاوة(التورتة التحت ) زي بوستك بتاع بكري بتاع (هاتفني بكري تلفون)..
يعني بتوسع سراويلي ساي ..
انا ماراعي اعتذارات ..
نحنا الشينة بنفرزها والعفنة بنفرزها والإضينة السميع ساي بنفرزو والزول السمح الزيك بنحبو بلا فرز..
صحبي محمد صلاح الدين خوجلي..
ود عزيز ومعرفتنا امتدت ودخلت بيومنا هذا 13 سنة ..
محمد ده كان ود هذبته البلاد الناعمة والمطارات وماهو غير الحلة..
اتلاقينا ظروف دنيا في جبل اولياء..
كنت ود حلة وكان ود عـــز ماهل متمكن..
كان مرات ونحنا جلوس في البنشات في الكلية يقوم يمد يدو ويختها في كتفي وبي كل محبة الدنيا دي يقول لي :
ياعزيز ياخي انا والله بحــبك..بلا اي سبب..
والله انا لامن كنتا بتكبكب من الكلمة دي..
وبتلفت يمين شمال خايف يكون في زول من اولاد الحلة حايم في الجامعة وبالغلط سمعها..
كنتا زول مقطع ساي .. الكلام الدافق الحنين ده شعرا ماعندي ليهو رقبة..
الحب البجيك توووش ده ما متعود عليهو..
نحنا صحي بنحب اصحابنا وبنودهم بس بتمرق محبتنا دي في الشكلات حين يُعز النصير وكوماج الحلة ومواقف الافراح والملمات وشهادة الزور ..
محمد ده يوم مرقنا من بيتم في تمام المغرب انا وهو ومروان وعلى عبد الرحمن نحضر مسرحية في المسرح القومي..(اتذكر يومتها مروان نام في الكراسي)
رجعنا زي 12 ليل ..امو (الله يديها العافية) لاقتو في الباب في المهندسين وهاك يابوس وهاك يا احضان..
وكانه مشى حضر معركة في بيوضة موش مسرحية في المسرح القومي..
يومها عرفت سر فيوض محنة محمد صلاح..
محمد ده ارضعته امه حنانا فاض عن حاجته فتدفق الينا..
فيما بعد عرفت انو محمد ده محبتو وافرة وكنتا امام الملا افتخر بي محبتو لي وبعلن بلا مواربة انا كم احبُ محمدا..
اساسي
نحنا المحبات الطاخ دي ماقدرها..
وماتخت خوتي ليك دي كالخوة التي بين اعضاء المنتدى رجاءا..
| Quote: ونقاء العلائق الانسانية بين الاخوة اعضاء المنتدي |
|
Post: #36
Title: Re: اعتذار خاص للاخ المحترم دكين
Author: walid taha
Date: 06-03-2007, 05:35 PM
Parent: #1
أساسي
البرتكانة دى ما أبصرة وشكلها كمان آخر واحدة فى الصندوق
كيف تهدى للراجل برتكانة بالشكل ده ؟!!!
هديتك بالجد غير متناسبة مع قدر الرجل.ولا مع المناسبة!!
|
Post: #37
Title: Re: اعتذار خاص للاخ المحترم دكين
Author: اساسي
Date: 06-03-2007, 05:48 PM
Parent: #36
طيب اخي الموقر وليد انا اسف علي البرتقالة وتم حذفها بناء علي توجيهاتكم الكريمة
|
Post: #38
Title: Re: اعتذار خاص للاخ المحترم دكين
Author: فيصل نوبي
Date: 06-03-2007, 06:00 PM
Parent: #37
نوع من الشكر الله لا جاب يومه
|
Post: #40
Title: Re: اعتذار خاص للاخ المحترم دكين
Author: DKEEN
Date: 06-04-2007, 06:06 AM
Parent: #1
| Quote: البرتكانة دى ما أبصرة |
وليد
شايفك بقيت مابتخاف وبقيت تخرمج في الكلام..
ونسيت مقص الرقيب..
شكلك حتتشلت بعد بكرة..
صحي المسافر عينو قوية..
|
Post: #41
Title: Re: اعتذار خاص للاخ المحترم دكين
Author: عماد محمود علي
Date: 06-04-2007, 06:58 AM
Parent: #40
| Quote: الرائع دوما دكين , شكرا جميلا لتقبلك الاعتذار الصادق وحقيقي اثبت اصالة معدنك وطيب معشرك |
طوووووول عمره اصيل وود نااااااس بس لسانه متبريء منه ..... وغد ....
|
Post: #42
Title: Re: اعتذار خاص للاخ المحترم دكين
Author: اساسي
Date: 06-04-2007, 07:46 AM
Parent: #41
كل الاحبة
تقبلوا تحياتي واسال الله ان يديم المعروف بين العباد
|
Post: #43
Title: Re: اعتذار خاص للاخ المحترم دكين
Author: walid taha
Date: 06-04-2007, 07:58 AM
Parent: #40
دكين
ياخى المقصود هنا الهدية نفسها يعنى لو كانت تفاحة او مشمشاية او حتى دومة ما بتفرق
المهم تكون يانعة وطازجة وتتناسب مع مقام فخامتكم
هذا وتقبلوا سلامنا.
فخامتكم دى فيها تطبيلة ليك مش
|
Post: #44
Title: Re: اعتذار خاص للاخ المحترم دكين
Author: A.Razek Althalib
Date: 06-04-2007, 08:54 AM
Parent: #43
دكين..
إنت مكة دخلتها من طريق المسلمين ولا الكفار..
وبالحالة قال حاجي مرتين ولسانكـ زفر زي ده..
ياخي أمشي تاني أتمضمض بموية زمزم..
يمكن حنقكـ ينضف شوية..
بعدين حكاية الإرهاب النبذي ده شغل مومسات..
ويهدم أي علاقة صداقة ليكـ مع الآخر الحيعتبركـ زول عولاق ساآآآي..
إنتبه..!
إنت زول عنقالي لغاية الآن..
ولسانكـ طالق فاسق ورابط على قول نوبي..
والنسيب عين شمس يا مان..
على قولهم..
حُسن الملافظ سعد..
|
Post: #46
Title: Re: اعتذار خاص للاخ المحترم دكين
Author: DKEEN
Date: 06-04-2007, 09:41 AM
Parent: #43
| Quote: ياخى المقصود هنا الهدية نفسها يعنى لو كانت تفاحة او مشمشاية او حتى دومة ما بتفرق |
ايوه كده اتصلح ..هسي كان عملو ليك تحقيق في مسالة الصرة دي..
|
Post: #45
Title: Re: اعتذار خاص للاخ المحترم دكين
Author: حمد فتح الرحمن
Date: 06-04-2007, 09:09 AM
Parent: #1
| Quote: ياخى المقصود هنا الهدية نفسها |
بلاهي
تخاف يا كبير
|
Post: #47
Title: Re: اعتذار خاص للاخ المحترم دكين
Author: walid taha
Date: 06-04-2007, 03:33 PM
Parent: #1
أساسي
شكراً لكريم الإستجابة
رغم انى كنت بهظر
|
|