البت الاسمها حنين

في ذلك البوست الذي (بسبب الشكل والفليق غلبني اتمهانطبــــاعات مجنونة وشترة تحدثت عن الاخت حنين والتي لم تظهر وتبان منذ فترة واعتقد انها موجودة الان لذا اطالب بمحاكمتها من قبل البورداب لتخليها عن الابداع في الفترة الفائتة
س سوال وجية مالك ما قاعدة تكتبي
هذا انطباعي عن كتابة العضوة حنين

Quote: حنين اولا هي مقلة كثيرا بدات الكتابة ايضا قبل فترة قصيرة وكانت مبشرة بخير كثير ولكن سرعان ما توقفت هذا التوقف الذي جعلنا نتسائل ان هل نفذت زخيرة العضوة حنين ونضب معينها ولكن عرفنا مؤخرا انها مشغولة بالدراسة مما لا يمكنها من الاستمرار بنفس النفس الطويل في الكتابة علي هذا المنبر هي مبدعة في شاعريتها الظاهرة في تناولها للموضوعات بلغة راقية ومحببة ومستساغة جدا للنفس تحلق به في فضاءات جميلة من الزخم اللغوي الجميل لديها مقدرة موفقة في اختيار عباراتها ولكن اقلالها يجعل انطباعاتنا عنها مشروخة واعيب عليها احيانا كثيرة انها لا تطلق لخيالها العنان في اكمال الصور المرسومة داخل بوستاتها

<BGSOUND src=http://www.hoota.net/Song/KHLASYAGLBY.WMA style="color:black;background-color:white">

اساسي بتاع المشاكل ازيك
انا دخلت هنا قلن اشوف الزول دا ما يكون خربش البنية .. اصلك معروف انك خرباش وما بتخلي الجكس في حالو... اسمع يا يا زول اذا عايزنا نحبك لازم تيطل المشاكل مع الجنس الحلو

والله يا دافئ كان عارف البوست دا بطلعك لينا وبسمعني الاغنية دي بالزات كان نزلته قبل ما تسجل حنين في البورد الاغنية دي لي معاها زكريات رومانسية جدا والله دخلتني في خانة اليك بسبب الاغنية الجميلة دي واول مرة اسمع محمود بغنيها لكن ما بالغ فيها
البت حنين فرضت سين صاد للبوست
ههههههههههههههههه

ربنسون
ياخي حرام عليك انا بتين شاكلت الجكس اسع فتحي البحيري ولا يازول ولا الشريف ديل جنس ناعم هاهاهاهاها الليلة كان سمعوك بمعطوا ريشك
لكن بني وبينك في جنس مدعي الحنكشة كدا لسع شكلته واقفة لي في حلقي غايتو كان اخر حاجة اعملها في البورد دا بشاكلها بشاكلها
قال اليسوي والما يسوي
لوووووووووول
سلمت ياسيدي للطلة
هاهاهاها
قلت قالوا انت شيري

الزمان : الساعه السابعه صباحا
المكان:كدي خلو ساكت زمان كاناوضه حسه بقى مخزن
المنظر: حنين تختلس الوقت قبل الذهاب للجامعه تجلس وعلى راسها قمبوران يراهما كل الناس وعشره قنابير تراهم هي وحدها تمسك بيدها ايدها الشمال تطبز في الجهاز وتستعرض عناوين المواضيع بسرعه والايد التانيه شغاله بالمنابه مع كبايه الشاي وصحن اللقيمات الذي استجابت الحاجه لعملها وهي محتاره كيف ان الامتحانات قد حولت ابنتها الى ساحوته تهدد الامن الغذائي في البيت
وانا عندي احساس ان سني الاماميان قد استطالا بشكل ملفت للنظر واصبحت انتمي للقوارض
وبينما انا انظر ننص عين للبورد( اها يا اساسي ما تنط وتقول لي لييييييييييه البورد ما مالي عينك تعايني ليو بنص عين.....بنعاين بنص عين عشان عيني اتملت وطلعت ودفقت كمان )
اها تتخيل رده فعلي شنو لمن القى مقال بعنوان البت حنين و......و......وكاتبو منو اساسي لووووووووووووول
قلت سجمي

بالجد ما عارفه اقول ليك شنو؟ عارفين لمن الواحد يكون حاسي انو بقى بعيييييييييييد ويسال روحو يا ربي نا لمن اجي اكتب تاني بعد الامتحانات ما تخلص مش حاحتاج انزل لنفسي تعريف جديد في البورد.....اتغيرت حاجات كتيره وحاسه روحي زي وندوز80 كان في لكن بالجد ما حدث ولد جواي احساس سرقني للحظات من عالم تاني واداني شعور اقل ما اقول عنو انو ....منعش ....
اساسي ....يا ولدي ما تبقى كدا بشيلو منك لقب بتاع المشاكل لووووووول
شكرا.....على قطرات الندى.....ودعواتكم

حنين وما أدراك ما الحنين. بنت كلما أنفتحت سيرتها أتاك الياسمين...
وحلقت فى سماءك العصافير




















بيد أن لها عشرة قنابير مستترة

لووووول

مرحب بالاخت حنين الكلامها لذيذ، ويا اخ دافى ادينا من جنس ده المزيد

حنيـــــــــــــــــــــــن

اروح لمين واقول يا مين؟

حنــــــــــــــــــــــــــــــــــــين

ديل حالتم ما شافوكي في منتزه الرياض
في خريف البشر هذا العام

يا خوانا الماشاف حنين
والمطرة صابة
ما شاف
مطرة
والماشاف مطرة وحنين صابة
ما شاف
خريف











انا الظاهر علي خرفتا

محظوظ
محظوظ
محظوظ..ايها القصير اللعين

محظوظ..مذ كنا..مزنوقين..بالتيستات..غرب الغربي..بينما انتم قعود
ببوادي قانون..او ربوع اداب
تخلطون الغيد الاماليد..من ظباء دار الفناء
وتحدثوهن..عن فذلكة الحب..والوعي التوعوي..وانكشاح الاشياء

محظوظ
حظ الثيران
لووووووووووول
فاليذهب الباندودث..الي الجحيم.
فقد هاجت اشجاني
احن الي مطره..في حافله صغيره من حافلات النص
والي خوجه..في خور من خيران..الحله الجديده..او سوق القنا
فقد سئمت المطر الموجه هذا
يهطل ليذهب الي حيث لا نعلم..في هدوء واتزان
مطر بلا دعاش
شفتوا ليكم مطره بلا دعاش!!!!!؟؟
احن..الي رؤية فتاة تقول ووب علي..وهي بالكاد تهوي من رصة الطوب وهي تعبر..شارعا مجمبغا
احن الي الي افكاري الشريره..وانا اودع كل صفاقتي وحرماني..تلك اليد الممدوده
احن الي حنين ..مبتل..
حنين. ..وردي..ما عرفته ايامي..ولا خبرت دروبه..قاطراتي الصدئه
ايتها السماء الرحبه..ابرقي
واهطلي مطرا جميلا
بللي حنيني بالرذاذ الشجن
اهطلي ايتها السماء السلام
واملأي ..كفي الممدود..

سؤال ..لوجه الله
كيف يبتل الحنين!!!!؟
كيف يبتل الحنين..يا دكين!!؟












يا محظوظ!!!!!؟

اللعنة. أنت دافى بالجد يا ولد. ما هذا الحنين غير مسألة تخبئها لك الاقدر وسط الطين وبين حنايا اللحاف الذى تنام عليه.

أحن الى خبز أُمى...

يا اولاااااااااااااااااااااااااااد خلاص كفاية حنين وحنان
كل واحد يمشى ينوم نومووووووو

والله يا حنين كان عارف كان شركت بيك من زمان هااههههها لميتي المدشدشدشيين كلهم بهنا
ههههاهاهاههااه
يا اخوانا قالت عندها امتحانات ادعوا ليها بالتوفيق وربنا ينجحها ويعلي مراتبها
وخلاص الحفلة انتهت فكوا الصيوان دا ولملموا الكراسي
لكن ما طلعتي حنينة يا حنين

أول الليل

تُوقدُ الوردةُ جمرتها

حين يخلعُ الأطفالُ ألقابهم

والعشاقُ أذنابهم

والمحبةُ تعرقُ على مهْلها

فوق طلحٍ حنونْ

واحترت في سر احتدام تذكري لك بالمطر

روضة الحاج

البسوم الغالي كاني

ربما من لطائف الله انه انزلي منزلا طيبا في خريف هذا العام هناك بين احبتي..
اربعون يوما كحلم عسير..
فيهاهبطنا مصبحين واديا في الشيخ الياقوت فما خرجنا الا عشاءا حنينا كان ذلك الوادي في النيل الابيض
وفيها قفزت من سور الجامعة نكاية في العمر وانا قادم من القضائية فاندهشت برلومة من اب كرفتة حمرة المفلكب، ثم جلست مستمعا للقدال في (الجي ال تي) نهار نفس اليوم..
وفيها اجلسني كمبال مجالس شوق في ملتقى النيلين..
وفيها رايت خريف ندى شوف ..وكيف يبتل العمر ..حنينا كان ذلك العمر
وفيها تزوجت جودي في القرين فلدج ..وسهير وعبادي اصغرنا سنا.. حنينا كانت تلك الاعراس
وفيها انزلت شذى نجم من سيارة زفافها ..صديقا قديما ذا حضور.. حضورا ذا حنين
وفيها وذات عصر هطول زنقتنا المطرة في المين فلجاءنا الي سقف الاكزام هول قبالة كشك الصافي ..فتجمع الكثيرين حتى غص المكان ..ولان الامطار في بلدي تمنح الناس روحا جديدة تغير مزاجهم ذلك المساء فبداو يدندنون ثم تجامعت الاصوات وغنو ( دي الممطورة ما بتبالي من الرش) في جوقة جماعية وهارموني بديع..

امطرت سماء الخرطوم اربعينئذ شجنا والفة ..حنينا قد امطرت

وفيها رايت في اول مساء لي في الجامعة رمانة تخرج كئيبة من امتحان ..اول مرة اعرفا ذلك المساء.. الظاهر لامن كنا في رابعة جات برلومة..
المهم تحدثوا اليها يزيلون عنها ما الم بها ..من جرسة الاكزام
مشيت ليها وهي تبكي وقلتا ليها ياخي نهاية الدنيا ما في الاكزام هول
قالت لي انتا عايز تنظر لي يااخ ..لو سمحتا ..
قلتا ليها ابدا والله لكن ممكن تحصل ليك مصائب اكبر من كده في الدنيا دي ..كان ما اتحملتي دي ما بتحملك الدنيا ...
قالت لي بي زهج وكاني انا الذي وضعت الامتحان
(مصيبةاكبر من دي شنو انا لي اسبوع كامل بقرا المادة دي )
قلتا ليها يعني ممكن مثلا ممكن تزوجي ويقوم راجلك يطلقك في اسبوع برضو..
البت قالت لي بي دهشة : انتا غبي ولا شنو زح مني كده ولا كده؟؟انتا منو ذاتك؟؟
ثم بعدها بي تلاتة يوم كانت تقول لي في الشرقي : نحن اهل الفرحة جينا لا المدامع وقفتا ولا الحكايات الحزينة....الخ..
غنت لي في الشرقي كما لم يحدث في زمنك الغابر يا دافي
غنت وناس (الصن داي تيم)امامنا في الشرقي وحافلات بحري تعبر بطيئة الكبري القديم ذى المزالج..غنت والمغرب يكاد ياخذ منها ومني..
ثم انها كانت جميلة وبهية الطالع وبها انف لو اقسمت على الله به لابرها..
هطلت علينا ستة امطار بالجامعة وواحدة ليلا وكنا في النيل الازرق (الكازينو) حنينا كان كدأبه وانوار الشاطي الجنوبي تضئ خافتة..
ثم انها تعقبتي يوم لقاء البورداب في منتزه الرياض فلاحظت انها تتبعني عند نفق بري..فاخذتها معي ونحن نضحك..حنينة كانت الضحكات
وهكذا رات معي كيف يكون الخريف شديدا عندما تكون حنين
وكيف حنين شديدة عندما يكون خريف
(تعاين ومن خير الخريف لافحالا شال)
البت حليوة يا دافي..
حليوة ..ثم هل تدري اني في شوق اليك

دافي
مأزقك قد عرفته في ايام خلت وانا اتحدث الى اختك /اختي..

الاطلسي يا دافي يحول دونك والحنين في الخريف

انه الاطلنطي ... فانت بكل تاكيد لا تجيد المشي على مسطحات مائية..

هل غادر الشعراء من متردم

أم أورقت أنثى الغمام على فمي

يا أيها القمر المسافر للقصيدة

كم جناح

لا أحب الموت خلف الريح

ها تهتز أفئدة البروق

على جناحك ، والهوادج

أسرجت أحلامها )

يااااااااااااااااااه يا دكين انت ما مبالغة لكن في الحنك
هنيئا لك بالاربعون فرحا... وهنيئا لنا بها لانها افرحتنا بفرحك.. وغصتنا ببعدنا... هنيئا لك بها ..وانت ينعشك شذاها... حينها نتواري من لفح سموم الربع الخالي ..هنيئا لك بها وانت تسجل بها زكريات جديدة في خارطة افراحك ...وهنئيا لنا بها وهي تغصك بذكري بعد دافئ عنك ( شفت الحسادة)؟ هنيئا لك بها وهي تزرفك حساناوغيد زخات زخات
وهنيئا لدافي بك.. وهنيئا لي بحنيني.. من طول حنيني

ان شاء الله تسلم يا دكين

يا جماعه.....انا بس عندي امتحانات.....مامت لسه والحمدلله

نتمنى لك النجاح
والتوفيق
والسداد
والعمر المديد
وان شاء الله يموت اساسي
الشين دا















بعد خرف

ياحليييييييييلكم

حنين الله لا جاب يوم شكرك لكن دا يوم كسيرك هاهاههههها
ربنا ينجحك


الجندرية

الحالة صعبة

الحالة صعبة ؟؟
البدا البكا منو؟؟


وتانى يا حليلللللكم

والله جنس بكى عليكم لكييييييييييين ماظهرتو
يالبكايييييييييين مافرشتوووووووووه عديل كده

ولوووووووووووول
حتى الكوز ببكي
ولووووووووووول

ويـــصــب نـهـــر الـــحـــزن

ويصبّ نهر الحزن...

مالي تركتُ الشوكَ يجرحني‏

لآخرِ عمريَ الراحلْ..!!‏

هذا ظلامُ الليل يقتلني‏

فما أقساهُ من قاتلْ..!‏

ماذا أقولُ ومهجتي تنزو،‏

وينكسرُ الفؤادُ وفي أعماقهِ‏

تنسابُ آلافُ المعاولْ..!!‏

أنَا يا حبيبة مُتعبٌ كالطير مذبوحاً‏

وتشربُ مِنْ دمي كلُّ السنابلْ..!!‏

ويصبُّ نهرُ الحزنِ في صدري‏

ويخترقُ المفاصل...!!‏

أيظلُّ عمري مُقفراً؟ كالسهلِ،‏

تهجرهُ الجداولْ..!!‏

فَلِمنْ سأشكو دهْريَ المأفونَ؟‏

يا قلبي ومن عينيَّ يجترحُ المشاعلْ..؟!‏

هذي التي أحببتها أمستْ عدوّاً للخمائلْ..!‏

أحبَبْتُها طفلاً وكنتُ أصونُها،‏

من شرِّ غَائلةِ الغوائلْ..!‏

أليومَ تجهرُ بالجفاءِ تصبُّ فوقي،‏

كلَّ ما تحويه نيران المراجلْ..!‏

أخنتْ على قلبي ولمّ تتركْ به إلا الأسى،‏

وضراوَّةَ الخصمِ المخاتلْ..!!‏

***‏

أنا يا حبيبةُ تائهُ الخطواتِ تطويني المجاهلْ..!‏

ألحب في قلبي كدرِّ البحرِ،‏

تحضنهُ السواحلْ..!‏

إنيّ أضعتُ العمرَ في البيداءِ،‏

تنقلني الروّاحلْ..!!‏

فتّشتُ عن رسمي فما ألفيتُ منطلقاً‏

يعيدُ لصبوتي أحلامَ راحِلْ..!!‏

فوجدتُ أنَّ العمرَ بعدَ عبورهِ لا بدَّ زائلٌ..!‏

فالسيفُ يُبدعُ في الضِّرابِ ولا،‏

تزيّنهُ الحمائلْ..!‏

والمرءُ في الذكرى سدىً إنْ لمْ‏

تُزيّنهُ الفضائلْ..!!‏




شــعــر / خــضــر الـحـمـصـــي

والله يا دكين لقيتك بكاى بى اهمال لكن شكلك كده كترتا المحلبيه بعدين تعال هنا ياخى البت دى وكت انتا حايم فى الميدان الشرقى مع ناس دافى هى بتقرا فى الروضه يعنى
سبب واحد مافى بخليك تتكسر بالصوره دى
يا اساسى عليك الله ارجع لى مشاكلك تانى
اخخخخخخخ يا الجندريه لك كل الحـــــــب مالك علينا
ياخاله ماتخلينا نبكى ونتدشدش

الكوز منو؟

والله ياجماعة

لوووووووول

انا جيت لقيت الخيمة منصوبة
والناس فارشة قلت نقيف مع الناس
يمكن الأخوان في شدة

ولما جيت شفت كمية البكا
ما عرفت اعزيهم هم
ولا اعزي
حمادة سيد الاسم

شنو ياود ... الحاصل شنو هنا؟؟؟؟
شايفاك استحملت شديد

وفيفي هربت عديل


ياجماعة يا اللي هنا ماتخربوا على الناس



يلا تحياتي

هوزى العروس الف مبروك تانى وتالت وشايف الدمعه اختفت وجات بدالا بسمه عريضه
ياخى نحن ما شفنا حاجه لكن بنبكى اعتمادا على كلام دكين
بس شايفو قال البت حلوه وانا بينى وبينك بموت فى الحلاوه
دى ودا سبب مشكلتى مع خطيبتى لكن اسوى شنو ربنا خلقنى
كده تانى مبروك وبركه الصيوان دا اقصد البوست الجابك
انتى ودافى وكسر قلب اساسى لكن ياخى نحن ما بنخرب حاجه
ياخى دا نحن نس غلابه

ود الجعلي

ياخي اصله ما بصدق


لوووووول


طيب

مطرتك دكين في الإكسامز, لكن هناك في نص خلق الله, فزيز يا أبو مروة من مطر الحنين ,لاقيتا حنين
المطرة سيل كلام من مجرى الدموع , ومجرى دمع ود العين غالي , وليهو قدرة زلزلة الصخرة الفي صدر الحلة
كنا هناك وحنين في نص الحوش ما قدالة , في إيدا جردل , تغرف سيل الدموع , وعين السبلوكة شاقة أخدود في في خدود طين الحيطة
وقع المرق , مرق قاصد بلاد بلا سعن , حزم الظروف الغبن زاد, ومن فوق المرق إتشتت الرصاص , سكت الحمام وحنين
إنزلقت وإنبرشت تحت جردل البت المطرة وأخدت شاكوش ,ما نفعتني يا أب مروووة ,ولا نفعني شيل سقف السما بعد مرق المرق وشتات الرصاص , بقيت سندالة ورجع المرق أسمنتي , طوبي ,وإتوهطت من هد حيل شيل العشم سما السقف ,ورجيت المطرة في الجزيرة , وآه من سيل الحنين
وآهه من هد حيل السنين



أبنوسي

يا اخوانا هوي..انا ما ببكي
الدمعات دي..بس لاني كنت بحش لي في بصله..
نقطه سطر جديد
العزيزه هوزي..
مبروك العرس..وعقبالي..اولا
وتانيا ..وعشان حماده ما يزعل..وفيفي..ما تشرد خااااالص..اقول..هل سمعت قول الشاعر
انا ابكيك للذكري!!!!
!؟
نحن نبكي للذكري
***********
القلب متعب..يا غاليه..والسفر طويل...وهذه الازهار..كما قال درويش..اكبر من سريري..
**************************
دكين..المشوطن
قالت الامنيات..قد غبنا
قلت لم تغبن..ولكن قلن..قد استحلنا الي رماد..ولي مع الامال يا عزيزي..سفر غريب..كل اصحاح فيه ينتهي بموت البطل..فما كان لي الا.. ورود مساقي الحنين
اني رايت الحنين..ولم اصافحه..تادبا
رايته..مع عوض ابو جديري..اول ما رايت..في القاهره..عرفته لاسبوعين او يزيد..وابي الا ان يحملني مودته سنينا
يبكي كلما حن..ويذكر محبوبته..وامه..ويسب العالم القبيح..
سحقا لهذا العالم القبيح..او كما قال
*********
تقرا لووس..بالعربيه..وتعني نور..تعمل نادله..في مطعم الفندق LUZ
االصغير...فندق ..رطب الجدران..اسمه تيكامايا..في عاصممة هندوراس..تاغوسيقالبا...
لووس...مذهبها في الحنين فريد..فهي تبدا حنينها بسؤال
Te queiro mucho...Sabes porque!!!!?
يعني..انا بريدك شديد..عارف ليه!!!؟
No Se
لا ..ما عارف..تقولها انت..وعيناك جاحظتان..
تسال سؤالها مباشرة...حتي اذا ما تحفزت حواسك المليون..واحتقنت اوردة الترقب كلها..في لاءك النافيه؟...القت بحنينها
Yo No Se tampoco!!
انا برضو ما عارفه
فيقشعر جميع بدنك..
قلبك اولا..ثم شعر راسك..ثم روح الصياد فيك
فلا تدري..اهي تلك الشفتان ..ام هاتيك اللغه..ما يجعل هذا الكلام..حارقا كاللهب
قد سمعت في تلك البلاد..حنينا..ما انزل الله به من سلطان
يسمون الاسبانيه..لغة الحب...
El Lingua Del Amor
وهم في ذلك محقون..
ما للحب وذاك الذي يقول
اقبل ذا الجدار..وما عارف شنو..ولكن حب من سكن الجدارا!!!؟
دي عباطه..وعدم شغله بس!!!
ادبتني هذه اليافعه يا مشوطن..فاحسنت براءتها تاديبي
من لطائف ما اذكر..قفزتها جذلا في احدي المرات..ونحن نتسكع في شارع..جميل..منسق الازهار
سالتها ما يبهجك..!!؟قالت
ابوي شغال هنا..يلا نزورو!!؟
شغال وين!!؟
في المدرسه دي
ناظر!!؟
لا
مدرس!!؟
لا؟
طيب شغال شنو!!؟
غفير
غفير!!!!؟؟؟
اضحك كثيرا..كلما اذكر دهشتي التي شابها بعض الحرج..وانا ارقب حنينها..لم ينقص..وعيناها ما زالتا تشعان فرحا
ذلك ان الغفارة في بلادي شئ مهين..وكل عمل هناك له كرامه
تذكرت ذلك وضحكت مرتان..وانا اقرا مقالا لذلك المثقف السوداني الكبير في سودانايل..يقول فيما قال..فاليشهد التاريخ..انني عملت حارسا ليليا..في بنك.في لندن.يحتفظ لذاته المهيبه..ببعض الكرامه..فلا يقول خفيرا..بل حارسا ليليا
هكذا..تشوهت افهامي اذن!!!؟
قد امر مثقفونا في بلادنا..فشطحوا فيها..ولا عزاء لغفرائها الكرام

عميقه..تلك الفتاة الصغيره..في بساطتها..اتخمتني..بمعارف وافاق ما كان لي اليها سبيل

تعبت

ومنازل الحنين..التي نزلتها..كثيره
احكي لك في مرة اخري..ان كان بالقلب قدرة علي الخفقان
فبيننا من مترع الود..ما يبقي علي التواصل

انت برضو..احكي لي

أساسي

سلام كتير

هذا البوست ربما قلب طاولة البورد فوق قلوبنا
ولا أقول رؤوسنا

كم هو جميل وممتع هذا الدفق العذب

تعرف ، الزول دكين دا ، سحرني بهذا الإنسياب وهذه التلقاية
كلام يدخل جووه الجوف
هو يداعب الحرف بكل استهتار .. ولكن لا يدري أنه يشكل لنا لوحات انيقة جميلة
لك كثير من ود وجمال

قف .. ليس بعد

هذا الرجل الدافئ
دافئ

رغم أنه تجاهل كثيرا .. نداءتي له في مواقع كثيرة
إلا أنني اعترف بأن هذا الرجل مسكون بالجمال كصديقة المجنون دكين

بس طفشتوا البنية

اين حنين؟؟

لكم صادق المحبة جميعا

الرحمابي
يا اساسي
وليس الرحيمابي
اوكي
سلام

الحلوين الذين شاركونا حنينا
لا ادري هل جافي هذا البوست ما اريد له من اسباب او حققها او اتي باسباب لم تكن في الحسبان تصوري لهذا البوست حين الكتابة هو السوال واستفزاز الاخت حنين لشحذ قلمها لتعود ولكن ...فاجاني البوح التساب او كما قالت عديلة المتوهجة دفق من الحنان سكب علي هذا البوست الي درجة انه تفوق علي قدرة البوست نفسها واستيعاب كاتبه الذي عجز الا ان يقف ما بين الشهقة والرضا الي درجة الاستمتاع بالحنين ولا اقول انه تجاوز حنين بل كانت حنين هي الموحي الذي يلهم وكل يغني علي ليلاه ..لكم جميعا حنيني
الاخ عبد الرحمن
احسن برضو صاح
لم يدهشني هذين المتسكعين علي اهداب الحنين فذلك الدكين المستهتر عزفا علي اوتار اللغة مافتي ياخذني معه الي عالمه كلما جاد وانهمر ولكن قليلة هي لحظات انسيابه مما يكدرني
اما ذلك الفتي الحالم عربيد المشاعر الدافي يصر دوما علي ان يفاجئ الجمع بكل ذلك الزخم من الدفء والحنين والحزن والفرح لذا هو دافي حين يغمر
لك ولهما الود

حنين
يا بت اقري قرايتك
ولا اكلم ليكي عمو


ود الجعلي يا مستهبل


تحياتي
زولة123

اساسي
مشكور على الكلام الما بشبهك
وبوستك ما قصرتا في عنوانو..عرفتا تلم النمل

سمايل
الجات ناطة فجأة...وزحت
بركة الشفناك طيبة ورايقة..
رحمابي
ما تبالغ
دي زي ما قال دافي
بكية للذكرى والبهدلة الحصلت بي جاي وبي هناك ..المفروض ما كان سبنا شي ورانا

دافي
لم اكن اعلم انك ارتجلت كل تلك المسافات في امريكا اللاتينية
كي تصل الى مبتغاك
تبهدلت يا عزيزي..
وبهدلتا بت الغفير معاك
تعلمت بعضا من الاسبانية ..وكثيرا من الحب
لم لم تبقى حيث لووس..
قد تموت هناك في الارض الجديدة.. وحيدا تموت

مشط من كلاش او بناية تنهار او شي من هذا القبيل..
هناك يموت الناس هكذا..
ولا يقتلهم الحنين
قد تموت واخر ما تعلق بذهنك شموس تسطع على سهوب بين القضارف ومدني
وشمس تغرب على جدار في الحلفايا
و مذاق لكسرة مرة في صقع منسي في البطانة
تموت ونظرة عتاب على مقلتيك تنحو بها نحو السماء
لن تجد من تبثه شجون الذي يفارق الحياة
فقط ملصقات على جدار نصف مضي ..وظل ليانكي هارب
*****
لا احد في السودان الان او قل قبل اسبوع
فقط كمبال..كمبال اوت اوف سبعة جللهم الحنين اعوامئذ

(اصدقاءك الذين عرفتهم لم يكونوا عطوفين بل عاطفيين
ولم يكونوا مثقفين ..بل خريجو جامعات محترمين
ولم يكونوا منظرين..بل يحفظون اراء لمفكرين ويرددونها باستمرار)
ذلك ما كان يردده الاستاذ المنداح نقلا عن كاتب...
المنداح الذي احب الناس فكان يرتاد اطراف الثورات والبشاقرة باحثا عن من نهبت له ارض ولم يجد التعويض ..
وفي حراسات بحري مدافعا عن تم الزج به في حراسة ساي ..
حقارة عساكر يعني ..
امضى سنوات التخرج الاولى قيما على قيمته كبني ادم..ومحاميا قريبا من الناس
ومنظرا يحرك يدان نحيفتان عند كل حرف
ويقرا سودان ناو والمختار من الشمال لليمين ..
مستغربا دوما من طلب وزير الداخلية في اول صفحة من الجواز ..

وفي مساءات الخرطوم شرق متكئا على لبخة يحدثك عن الاشجار التي استجلبها نيو بولد سكرتير عام السودان من الهند ..وازمة القانون في البلد منذ ان استخدم الانجليز قوانين شمال نيجريا
..عن مذكرة الخريجين والمفاجاة التي اصابت الدوائر البريطانية حين استلمته..
عن التشوه البصري الذي يحدث في معمار المدينةالخرطوم
وعن ماساة موسى بن نصير والفيالق التي تشتت تحت جنح المطر الغزير
كما ظل ضميره معذبا بانتحار كلارا مليدتش في احدى روايات دستوفسكي..
يمغرب ليك الواضة ولو كانت صيخودا
الدنيا تنجبر معاهو للمسا ..
ايامها كان ينفق ما في يديه على السجاير ورسوم المحاكم
ثم لا يجد ما يرتديه..شال بنطلون ود النور(ما بتعرفو) و خلاهو معاهو ولامن
زرزروه ليه شال بنطلون ود النور قال محركا يداه النحيفتان وفي عينيه شرود:
انا ما ما عندي بنطلون

كيف ابدو محترما دون بنطال..

هل تدري اي غرر به الزمان ياانتا يا القاعد في الارض الجديدة ؟؟
هو الان لا يرتدي شيئا يا دافي
الان لا شي بينه وبين الناس
نظيفا وجهه بارد كقمر..
فلكب عند ذروة اشتياق..فقد بعض مميزات الانسان
اصبح بارا بالشارع اكثر من والديه
استدرجه الحنين..
اقسم لي احدهم انه لطالما سمع ان فلان ود فلان جنه ..لكنه ابدا ما شاف زول جنه قدامو
وصاحبكم ده يا دكين جنه قدامي.

كتلو الديالكتيك




ولا قدرة لي لكي ازيد...فقط عد سالما خالي من الرصاص

حنين ماما قالت ليك خشي جوّة وما تقيفي مع الأولاد ديل

يلا ياشباب برا خريف برا بطيخ
الداير يشوف ليهو خريف يشوفو فيني أنا

استاهل انا.....السميت روحي حنين

بس في حاجه دايره اقول ليكم
بالجد شكرا
لكل من اضاء البوست ....بكلماته ...بهمساته...ولمساته
حتى لمن مط شلوفته وقال....دي شنو العواره دي....كلكم حاشتاق ليكم بالجد...وما تقولو الامتحانات براها بتخلي الزول يحس كانو حيموت حيموت....خليهو بعد الكلام الحلو دا
طبعا البوست دا بتاع اساسي وهو المفروض يقول كدا... .بس انا لزيتو بهناك واخدت حق الاسم
لمن تجيكم لحظه حنين....اتزكروني وقولو يا حليها والله حتكون عينا طالعه...وعافيه ليكم اضحكو ما عارفه الزول بضحك ليه لمن يشوف زول مزرور اظن شكلو بيكون زي الجداده الممعوطه
والى ان ينبت لي ريش من جديد....ودعتكم الله والرسول. والكمبيوتر بعد كدا حيخش السرير...وانا حاقعد بدلو....
تاني عايزه اقول شنو.........اقول شنو....
هوي خلاص....انا ماشه اقرا

حنين


يا بت الحنين مدفوق هنا لما ترجعى من الامتحانات. والله انا لو الجامعة كان قفلتهاهناك وفتحتها هنا فى البورد. لكن غايتو ..دنيا ما بتدى حريف.

هاكى الورود دى لكن اساسى ما يعرف


سينتى

حنين
دعواتنا...بالتوفيق الا ان تعودى
دافى ودكين
جميل هذا التداعى الحميم..
ودافى بالجد

دافي
خلاص صدقنا ما كنت بتبكي

بس في النهاية بكيتنا نحنا
من تمازج حروفك
وتألقك في السرد
رائع والله

والاخ دكين
والله اتحفتنا

كلكم رائعين

شنو ياشباب مالكم كتااابين كده؟؟؟
البركة في حنين الحنين
تحياتي

صباحاتكم
بنكهة التوت

واااادي تفينه تحت حيطتكم ياحنين
اذ كمل ضل الحيطة
نمشي ضل الحيطة
البدء فيها الضل
تاني
حتى تحنوا علينا
بكوووز مويه باااارد
او
سيجه نخرخر
اقصد نلعب
لمن يجي اليوم التاني
دا اذا ما ناس الادارة
قطعو لمبة العمود
وخلونا نتونس ساكت

اساسي
حقيقي حقيقي انت مثير للجدل

اتخرجت تانى مافى سبب للغياب

حنين كانت فى امتحاناتها

باقى العالم دى وين يا سنتمنتل

غلطانة انا الما خشيت البوست ده من بدرى

وثم غلطانة

تلك كانت ايام مارقات يا دريمز ...
منذ ان اصبح الادمي فينا يعيش فقط 45 يوم حين يمر من عمره 360 يوم....

40 يوم من الخالدات

تبقى ما بقي فينا نبض للذكرى...

ويومين مسغبة لل360يوم القادمات....
ويومين جهاز شئون مغتربين...
ويوم كامل تمشي تلم الجوابات والطلح والشاف للواهمين المنتظرين ريحة البلد في ليل الطلح ....

لايدري الاهل متى ينجلى ليل اسانا والذكريات..
ولا يدري السودانيين كم هم مدينين للطلح

احبتي
اما من طلحة بالجوار ؟؟

دكين
باعوض.... ولا رطوبه؟؟