بوستي للاحتفال بمحمود يتعرض للقصف

كان عدد الزوار في البوست اكثر من سبعمائة شخص
وعدد التعليقات واحد واربعون
الان عدد الزوار اقل من عشرة والتعليقات اكثر من اربعون
كيف بالله هذا
ارفعوا اياديكم عن التلاعب بالبوستات
والا....

قادر الله .. قلت لي الردود 41 والزوار أقل من عشرة
والله دي ما أدونا ليها
يمكن يكون دا ليل الشتاء
الفكي أبكر زمان قال لينا
ليل الشتاء يتول ويتول
ليل الشتاء يساوي تسعة شهور
المرة يعرسوها العشاء تلد وكت السحور
ولا يهمك يا فردة دي بتكون نيران صديقة
المهم بوستك سالم يحمد الحي الذي لا يموت
والزوار غايتو أنا بكون عندي فيهم كان عشرة كان خمسة عشر زيارة
وأجرك ثابت ما خلصت النية
والعاقبة للمتقين

تحياتي

العزيز سنجاوي
تحياتي وتقديري وتسلم للمتابعة
احترت جدا لما وجدت ان الردود اصبحت واحد واربعون واربع زيارات فقط
مما جعلني افكر ماذا يحدث ؟
ولكن تاكدت ان البوست تعرض لفسحة صغيرة واظنها كانت مترددة
لذا لحقته بهذا البوست دعامة لكي يركز عند الفسح

الأخ أساسي..
لاحظت ان الـ 17 كانت ثابتة لمدة طويلة حتى بعض اضافة ردود تانية، وهسع بقت 27.. وعليه واضح تماما ان هناك خلل ما في خانة الزوار.. لأنو لو كان زي ما انت بتعتقد "مشى فسحة صغيرة".. مافي سبب يخلليهو يرجع تاني ويحتفظ بعدد المعلقين نفسهم ..

Quote: وإلا..

حيكون شنو..؟

مخيــــــــــــــــــر اللـــــــــه....
مشيـت كحلتو هســـع ...دي دخلتي منو....
صح......لقيتـــــو ليـــك 14 زائـــــر...
عل الردود ياهـــن في بوكانـــن متدايرن 42 .....
يكـــون كل زائـــر بكتب 3 ردود....
ولا دى كرامــــــــــــــــــــــــــــة......
مـــــــــــــــــــــــــدد يا الاشــــــــــراف
ياجدكـــــــــــــــــــــــــــم النـــــبي

ملاحظة ذكية....وملاحظنها من بدري .....والسيرفر دا طلع بقصد ناس وبخلي ناس ....والسيرفر دا والله ما ليهو حق.
shereef

انشــــاء اللــــــــــــه
السيــــــــرفـر يضــــقلـــم

اخونا اساسي
تعرف السيرفر دة غلطان القام هبشك انت بس طول بالك يا فردة.

لاحظت بعض اللنكات المشبوهه في بعض الصور من بعض الناشطين في الكتابه هذه الايام ... هذه اللنكات موصله بكودات ولنكات اخري .. واعملو حسابكم ...وزيدو السيكيورتي

عزيزي أساسي ..

فعلاً لاحظت هبوط العدد بشكل مفاجىء..
البوست بتاعك دا شات فوق وتخطى عدد الزائرين له زوار البوست بالطرف الآخر.

وما تفتكر أن العملية دي مجرد خطأ إلكتروني أو غيره ..

بس كيف يا عمي يسمح لحمار شكريب أن يسبق حمار العمدة ود حمد؟!!

تحياتي،،،

جاد

الاعزاء
ان شاء الله ما نجيكم في بوست مفقود قولوا امين

الاخت رجاء
كنت من اول عشرون عضوا في هذا المنبر قبل ثلاث سنوات
اعرف جيدا جدا ما حدث لبوستي
لا تنقصني الخبرة الالكترونية
لذا عندما اقول انه تعرض لفسحة فهو قد تعرض لها تحديدا
محمد بكري
لوووووول للتعليق

امدرماني
السيرفر براءة من ما حدث اخي ام درماني هذا فعل يد

اسعد ابراهيم
غلطان الهبشني ما السيرفر يا اسعد السيرفر عبد المامور اها انا مشكلتي مع المامور دا الناس الادوها امكانية للوقوف في وجه الهكر ديل واحد منهم اضايق من البوست
مرتضي
الثقة العمياء في المنبر غير مستحبة المنبر اعضائه خليط من البشر
جاد
تعرف اول ما تبادر الي ذهني هذا الامر ولكن من فعلها دقس حين لم يدرك اني متابع افراغه من عدد الزوار محاولة اقناع بان الموضوع غير مهم ولكن معاهم لاخر مدي اما الاحتفال الحقيقي فسيكون يوم الاحتفال فلنستعد مثلهم لمل المنبر

والله دي حكاية !!

مخيييييييف .. يا أساسي
و أنا لما أقول ليهم الكيزان ديل ما جو من فراغ .. انو الكيزان طلعوا من الشارع السوداني .. و انو في سمات كثيرة مشتركة مع آخرين .. مافي زول بصدقني.. ديمقراطيتنا شعارات من ورق للف الساندويتشات. ..

الزوار كانوا قاعدين جا بمبان فرتقهم .. معليش من اللخمة .. نسوا ردودهم ومشوا.

يا أخوااانا .. و الله عيب .

احد اصدقائي من كتاب المنبر ولكنه مقل وان كان متابع حصيف
قال لي يوما
خرجت من السودان وانا كاره للكيزان
بعد ان رايت ما يكتب ويحدث داخل هذا المنبر اصبحت احترم الكيزان جدا .. فهم علي الاقل يقصون اعدائهم اما هؤلاء فيمارسون علي اعدائهم قتل الشخصيات والارهاب الفكري
تسلم اخي مكسب
ولكن تاكد ان كل الذي فوق التراب تراب

والله يا أساسي ما محتاجة ابدا انك تكون اول عشرون ولا اتنين في البورد عشان تفهمها وهي طايرة..
المسألة انو: Accedents do happen
وعشان كده الواحد بيسيب شوية لحسن النية زي ما الجندرية قالت ليك..
وإلا كنت فهمت انو ردودك ياها زاتها ما فيها تغيير او "تلاعب" حسب نظريتك..
وكل سنة وانت طيب، وربنا يرحم الأستاذ الشهيد..

اساسي اخوي
حسن الظن نعمة
كتير جداً
بوستات تروح
وزول باص ورودي يروح
ونفقد رردود
وكلها مشاكل فنية ليست فيها ما اشرت اليه من تعمد او قصد
ولو كان هناك من يعبث ببوستك لكان من الاولى ان يمسح الردود او يغتس حجر البوست نفسه
عليك الله ما تبقى شكاك

الاخت الجندرية
قد يجوز ان يكون كلامك صحيحا في حالة ان هذا الامر كان عاما في كل البوستات ولكن لاقطع شكك بيقيني اني عرفت ما حدث للبوست ومن الذي فعل ولما حدث ولا احب الخوض في الامر فهذا باب ليس وقته الان فقد اردت التنبيه للامر بهذا البوست وما يمكن ان يحدث سيدتي
من ناحية اخري استاذة جندرية لي من الخبرة في التعامل ( البرمجي ) مع المنابر بكافة اشكالها ومعرفة بمشاكل السيرفر التي تحدث مما يجعلني علي ثقة مما اقول

طيب ما دام في احتمال يكون مشكلة فنية
خلينا نغلب حسن الظن
وبعدين ياخي لو في زول مستقصد بوستك معقول يكون بالغباء دا
يلعب في عدد الزوار ويخلي عدد الردود اكبر من عدد الزوار
ما بتجي يا اساسي
كدي صلي على النبي وفكر فيها تاني
بعدين حتى لو فرضناانه في زول عمل كدا
شهادة حق
الجمهورين نقولوا بوستك دا لموقع الفكرة
يعني حتى لو اتمسح من هنا خالص
ممكن تمشي تجيبوا من هناك

الاخت الجندرية
بكل بساطة البوست تم نقله من هذا المنبر الحر اي هذه الصفحة واعيد اليها مرة اخري لماذا هذا ما لا اعرفه ؟؟؟

اساسي يا حبي الاساسي[
دا ........... يكون من شنو؟/B]

حبيب الكل وانا

يكون نوع من انواع الحرية واتاحة الراي والراي الاخر لوووووووول
اخدوا البوست في رحلة ترفيهية واعادوه بعد نفضه من الزوار
كي لا يتعب

الحبيب اساسى
لم يمس اى من بوستاتك احد لا بالخذف او التنقيص و قد حصلت عدة مرات كان اخرها بوست للاستاذة ندى حيث كان عدد الزوار اكثر من 2000 و المشاركين 100 و فجاءة اصبح عدد الزوار 12...اتصلت بى الاخت ندى مستفسرفة عن الموضوع و قد قمت بفحص السيرفا و وجدت كل شى على مايرام لكن تفسيرى لهذا الامر ان يكون خطا فنى لا اكثر و لا اقل و ليست لى او غيرى به دخل فيه.....و سيب الظن فى الناس ...البيناتنا عمرها اكثر من 4 سنوات و بالمناسبة عملية مسح البوست من السيرفا تاخذ منى اقل من ثانية بينما تنقيص الزوار 10 دقائق و فيها خطورة تفتكر الاسهل لى ياته
ده بوست ندى شوفوا فى الصفحة الاولى
الى السنجك و مؤيديه ما هو مفهومكم عن معنى فضيلة المرأة؟

تاكيدا لكلام بكري يا اخ اساسي انا ايضا حصلت لي هذه الظاهرة
فقد لا حظت اليوم ان عدد الزوار قد تناقص في بوست:
يحي فضل الله والسرد الخشن
واضح انو المسالة فيها شي فني ما ظاهر

اساسى
بعد كلام بكرى اقدر اقول
امكن البورد استهدف من قبل الجن بس انشاء الله يكون مسلم ما انا عندى ليه قصة عجيبة سردها لى صديق اعلامى.
كانت فى قاعة الصداقة وفى احدى المؤتمرات الاقتصادية ايام صلاح كرار(دولار) واثناء تداول المؤتمرون الاوراق فجأة ظهر واحد لابس الزى السودانى بس الكويسة قالوا بدون دقن واستلم المايك قائلا (يا جماعة مشاكل السودان ده ما بتتحله الا باشراكنا فى المؤتمر طبعا الجماعه قالوا صمتوا واوصل الزول كلامه وقال انا جايكم من عالم الجن المسلم ونحن ساكنين معاك فى البلد ده يعنى لينا كل الحقوق والواجبات للمواطنه ادونا فرصة وشوفه البيحصل ايه وما انتهى من حديثه الا قالوا اختفى.
والله رايك شنو
تحياتى

بكري
بالتاكيد لا الومك تحديدا لانك حينها لم تكن موجودا كما لاني لم اراك مع الموجودين والا راسلتك مباشرة واهديك اغنية محمدد الامين اربعة سنين . اما كلامي بنيته علي ان هناك من يملك الصلاحية غيرك كما قلت بعد هجوم الهكر . اذا كان السيرفر يقلص عدد الزوار فهل السيرفر نفسه وفي البوست نفسه يحزف لوحده تعليقين مكررين في نفس البوست اعرف يا بكري ان البوست تمت معالجته بيد وليس للسيرفر المظلوم يدا في ذلك ولك الشكر علي الاهتمام فهو ما عودتنا عليه

عجب الفيا تسلم يا سيدي ايضا للتوضيح ولكن كما ذكرت ان هناك تعليقات مكررة تم حزفها من البوست

الاخ بلدي يا حبوب
والله بعد كلامك دا وبعد حزف البوستات المكررة من البوست مافي غير الجن الهم اجعل كلامنا خفيف عليهم لكن عليك الله ناس صلاح دولار ديل ما بيجننوا الجن زاتو

اساسي الجاتك في زوارك سامحتك

تسلم يا ايهاب وان شاء الله ما نجيك في ضيوفا ليك

ألعزيز أساسي..
سلامات..
قرأت هذا البوست من أمس..وحقيقي إستغربت إتهامك المبطن بأن يد عبثت به
وإشارتك اليوم واضحة لا تحتاج شرح أن بكري أبو بكر كان في العمل إذن يد أخري هي التي عبثت ببوستك؟؟لا أدري لما تتملكك نظرية المؤامرة يا أساسي..ما عهدتك تتواري خلف الحروف ودوما كان ما يعجبني في كتاباتك هو شجاعتك في طرح أفكارك رغم إختلافي معك في مجملها.. وليتك تقولها صراحة من تظن عبث ببوستك؟؟قام الباش مهندس بالتوضيح لك ولم تتقبل شأشرح لك أنا أيضا عسي ولعل..
(1)إمكانية حذف المشاركات لا يملكها إلا بكري أبو بكر وأعني بالمشاركات هنا زوار البوست
وليس المشاركين بالمداخلات.
(2) المشاركين بالمداخلات يمكن حذف المشاركة لمن يملكون حق الإدارة ويبقي عدد المشاركات موجود
رغم حذف المشاركة والمقصود بمعني أخر لو أن عدد الردود عشرة وقام أحدهم بحذف رد يظل العدد عشرة موجود في الصفحة الخارجية وعند دخولك البوست تجد عدد الردود تسعة..

(3) أسهل شيئ لمن يملكون حق الإدارة هو حذف بوست بمجمله وهو لا يكلف سوي كلك من الماوس.

(3) إفتراضك أن أحدهم قام بتفسيح البوست حسب وصفك يجعل من من قام بهذا أكبر مغفل في العالم في نظري هذا لو إفترضنا حدوث ذلك فعلا فكيف يستقيم أن يكون عدد الردود في بوست أكثر عددا من الزوار؟؟

أعود لإتهاماتك التي تصر عليها وأقول ..أن البوست المشار إليه هو أقوي إثبات علي أن الأستاذ محمود كان محقا في محاربة الهوس الديني اللاعقلاني ..ووجوده أجمل هدية ممكن تقدم للفكر الجمهوري
داخل هذا الأثير، ولو إمتدت يد لتعبث به فهي بلا شك ليست من الأيادي التي تتعاطف مع قضية الأستاذ
محمود .
أن من يملكون حق الإدارة إفترض فيهم الأخ بكري الأمانة وعدم خلط العام بالخاص..وليس بينهم من
يفعلها يا أساسي..وأعتقد جازما أنك مؤمن بهذا وما تفتعله من إشكال ما هو إلا لتكبير (الكوم)
وأنت القائل في ردك علي أحد منتقدي عناوين بوستاتك: (كل زول عندو بضاعة عايز يسوّقها)..ومحاولة لتشتيت أذهان الناس للإحتفال بشخص تري أنت فيه ملحد لا يستحق أن يذكر.
أخيرا أرجو لك التوفيق وأدعوك للتسامي عن الصغائر وعشمنا فيك أكبر من كده .

ولك الود

الاخ خالد
شرا للرد
لا اود التطويل في هذا الامر ولي سؤال سيحسم الاجابة علي كل الموضوع
لي مداخلة مكررة عملت عليها ايديت لم اجدها وللاخ خالد شيبا ايضا مداخلة مكررة ايضا حزفت اتظن ان السيرفر يحزف لوحده المداخلات المكررة ؟

لا يا أساسي البوستات المكررة تحذف بفعل فاعل
وعلي من قام بحذف البوستات المشار إليها من الأخوان
أن يقول ذلك للأخ أساسي.ولكم الشكر.

]


الحبيب اساسى
مش قت ليك لسان ده بجيب ليك المشاكل .. كدة كويس هسة ..براك شفت اخرتها ..
الحمد لله انها جات على قدر كدة ..سليمة

وانشاء الله عدويك يخش عليهم بالساحق والماحق وما ينفعهم الشالوهو منك

احسن حاجة تعملها تحفظ نسخة من البوست او الصفحة اول بى اول عندك فى الجهاز عشان لو اتحذفت او حتى اتعمل ليها ايديت يكون عندك النسخة الاصلية وممكن الرد يكون بيان بىالعمل


يا زول ..كفارة ليك تانى ولا اراك الله مكروها فى بوست عزيز لديك

يا عزيزي أساسي.. لقد قمت بنقل وصلة ذلك البوست إلى منبر موقع الفكرة الحر، لمزيد من القراءة، فأنا أثمن حريتك تثمينا كبيرا، ولك شكري وتقديري واحترامي وحبي..



سمح الغنا في خشم سيدو..

هذا يوم الجمعة من يناير، في مثل هذه الجمعة، وفي مثل هذا الوقت من شهر يناير، عام 1985 صلى الأستاذ محمود صلاة العبودية، والأصالة أمام الآلاف من الحاضرين، فأذهل أسماع وأعين الملا.. وهديتي لنفسي ولكم هي صوت الأستاذ محمود يشرح لسائله من الطلاب عام 1975 لماذا هو لا يصلي الصلاة الشرعية المعروفة وصلاة العيدين وما إلى ذلك..

اضغطوا واستمعوا

http://www.alfikra.org/forum/viewtopic.php?p=3316#3316