يا حبايب كدي دقيقة

بنسال عن الناس البيعرفوا يكتبوا .؟ وين الناس دي ..؟ الناس العملوا للمنبر اسم .. الخلوا سودانيز اون لاين قبلة الانظار قبل ما يحتلوها مقاتلي الشوارع ...؟
الناس العايشة حياتها بالنية السليمة

ناس الملا عمر , شتات , ابو جهينة , بت قضيم , شيري , آش . السمندل , ود عزة , الشرغوف , ميرفت, صلاح ضرار , المطر , عبد الله جعفر, حنين , رمانة , ايزي اوف لايبرتي , الخواض , جبران , الحلاوي ,عجب الفيا ,ابكر ادم ,عادل امين ,يحي فضل الله ,الكتيابي ,ابنوسة , هيرو ,دافي, غدي ,انسانة , وجن ,سمارت انا , اهل العوض ,مكسب , سماح , ماندلا, ايهاب, سلمبو ,ود العجمي,تسنيم ,ورومانسي..
يعني باختصار اولاد الناس وينهم ...؟

Quote: ورومانسي.. يعني باختصار اولاد الناس وينهم ...؟

نحن نطلع اولاد شنو
اعقل يا ود الناس انت...وماقي داعي للكلام الزي دا

اها يا بلير حتخوفني ولا شنو ... قول اقصي حاجة حتعملها لي اون لاين شنو..؟

وريني التهديد عبر الاثير غير اكب حروف لست هواي وارسها في شنو

تاني؟

لكن من ناحية تانية العنوان شنو موش يا حبايب ولا انت ما داخل

في الزمرة دي ..؟؟

حارق رزك مالك ..؟؟

وبرضو بسال عن عن الناس الاناناس ما عندك خبرهم يا حبيب..؟

اساسي

Quote: اها يا بلير حتخوفني ولا شنو ... قول اقصي حاجة حتعملها لي اون لاين شنو..؟

انت عارف كويس انو انا ما من الناس البتهدد وتخوف الناس في البورد
لسه ما جاوبتني علي سؤالي.....نحن نطلع اولاد شنو لو ديل بس هم اولاد الناس في نظرك
من حقك تسال الدايرو....وتمدح البتحبو
لكن
ما من حقك تسئ للتانين علنا لانك ما دايروم او ما بتحبوم

كدي يا بلير امشي امسك كلامة دا كلمة كلمة ووريني الاساءة للتانين دي وين .... ومعاك تجيب اي معجم تديني اشارة باي اساءة لاي زول في المنبر ..؟
كونه اخاطب المتواجدين بياحبايب بتشوفها اساءة ..البس ليك نظارة لحام تاني وتعال اقرا..؟

اسع الجاب سيرة التانين منو ..؟؟؟

اساسى
يا زول ده شنو انشاؤ الله خير

Quote: يعني باختصار اولاد الناس وينهم

تحياتى

بلدي يا حبوب

يعني الكتبت اساميهم ديل ما اولاد ناس ولا كيف ..؟؟

بعدين انا ما اشرت لخلافهم ليه انتو اتخيلتوا كلامي غير كدا

بالرغم من المخاطبة العامة كانت يا حبايب ..؟

شنو ياخوانا الزول ده استفسارو واضح ولا يقبل اي تاويل تاني

قال :

اولاد الناس وينهم؟





قولوا ليهو انحنا ياهو ديل إن كان الامر يعنيكم...
وان لم يكن يعنيكم

اقعدو بعيد واعملو شخيت ...

يا دكين موش عليك الله

اسمع ما تجني تتونس في بوست القصة القصيرة ..؟؟

واطلب الله بعد كدا..

تستاهل ..
عامل معاى غلبه ورافض التوقيع
مدور عشرة وست مع تاج السر وتسميات كبيره من دون ورق

أنت يا أوسلى المحترم
حقو العبوا معاك (هارت) وادوك الدامه السوده فى كل مرة.

ما تطلعونا عنصريين وكمان تقولو ليه الدامه سوداء؟؟

بسيطه يا تاج السر
بدلوها بدامة هارت او دينارى
حذارى من دامة الشيريا الجنجوديه
كتر يا تاج فى الزواغات وما يهمك لون الداما

Quote: يا دكين موش عليك الله

موش عليك الله شنو؟؟؟


ده كلام تكتبو في ذمتك .. شيف ذي ده بلاي؟؟


والله حقارة اولاد العرب دي احسن ليك تبطلا ..

أيها المجاهد ويا أخو نسيبه أساسى،

لم لاتحكى لنا عن تجاربك و مشاهداتك و (أولاد الناس) فى مناطق العمليات... أيام خدمتك فى مناطق الحرب؟

و ماهى أوجه الشبه بين رفاقك من المجاهدين أثناء (خدمتك فى الجنوب) و جنجويد الغرب هذة الأيام.

أن قارئى المنبر يزدادون كل يوم، و هم يعرفون الناس و أولاد الناس (وبناتهم كمان) هم يعرفون قيمة من جاهد فى سبيل آلة الورق فى الجنوب و الجبال...امثالك، يعرفون دوافعهم للأندساس وسط البنى آدميين فى المنابر العامه،

قارئى المنبر فى كل مكان يدركون مامعنى الكلمه السيارة و من يكتبها، يعرفون أن خادمى الجبهة الأسلاميه من الكتاب أمثالك مهما حاولوا التحايل على أنهم خدموا البشير و شاركوا فى حرب الأبادة العرقيه و لو قسرا يعرفون أن أيديهم ملطخة بدماء الأبرياء الذين جاهدتم فيهم ...يعرف قراء المنبر اى نوع من البشر أمثالك...

هيا اكتب لنا عن تجاربك الميدانيه أيها المجاهدفربما يزداد المنبر شهرة بأعترافات أمثالك، و ربما يصبح له اسما اكبر أن فصلت أى من العمليات شاركت فيها، ماهى طرائق الحرق يا اساسى...

اوسلي كيفك يا حبيب

تاج السر ما تتوك الزول ببت البستوني الفيه مكفيه

رودا

رايك شو انه اكتب عنك وعن مشكلتك الشخصية وعن انت منو زاتو وعن ظروف تربيتك واهلك ودراستك ومصر وكندا وكلفورنيا وكل دا ما برضو جهاد اليكتروني ولا رايك شنو؟؟

Quote: يعني باختصار اولاد الناس وينهم ...؟

انا اهو



وفى امان الله

لا اله الا الله

بت الاحفاد و(الناس ) ازيك ياخي شوفوا الناس البيفهموا واولاد الناس يا بلير

ورايك شنو بالزات كندا يا بروفسور رودا ومشكلة كندا والرحلات المكوكية الي كلفورنيا ومشكلك شنو مع الشمال وعرق الشمال فيك كيف..؟

ما كلها عمايل جنجويد كان هنا ولا هناك ...؟

Quote: رودا رايك شو انه اكتب عنك وعن مشكلتك الشخصية وعن انت منو زاتو وعن ظروف تربيتك واهلك ودراستك ومصر وكندا وكلفورنيا وكل دا ما برضو جهاد اليكتروني ولا رايك شنو؟؟

وماذا تنتظر؟

لاتزال أحد الذين شاركوا فى الجهاد فى جنوب السودان، و لاتزال اللعنه و الخيبه تطاردك،
بأى حق أطلقت رصاصه واحدة ضد هؤلاء؟

لا ما تخافي وما تستعجلي علي رزقك ..كله جايك ..؟

يا بروف

وجايك بس ربنا يصبرك ومن اسع للوقت داك فتشي ليك (باروكة)

الان دعك من الذي حدث سابقا لو ان جون قرنق خرج الي الغابة وحمل السلاح علي اهلي في الشمال ساحمل في وجهه السلاح واجاهد فيه كما يجب ودعك من اطلاق الرصاص في وجه الجيش (الماضي)

اسمعي الستة سنوات فاضل منها خمسة ما تروقي ونهايته كل قرد يطلع جبله وخلينا من قصة السودان الجديد هو الراضي يعيش مع الزيك منو؟؟؟

Quote: هم يعرفون قيمة من جاهد فى سبيل آلة الورق فى الجنوب و الجبال..

الوزع الورق منــو ؟
اســاسـي؟

دا قبولي يا محمد عثمان ..؟

وزع الشمالك ..

Quote: ورايك شنو بالزات كندا يا بروفسور رودا ومشكلة كندا والرحلات المكوكية الي كلفورنيا ومشكلك شنو مع الشمال وعرق الشمال فيك كيف..؟ ما كلها عمايل جنجويد كان هنا ولا هناك ...؟

وبعد أن تحدث القراء عن هذا لابد و ان تحدثهم عن جهادك،
كم من الناس قتلت يا اساسى، وهل كنت ضمن الكتيبه التى تقتل الأطفال دون الخامسه بقذفهم ضد سيقان الأشجار؟

أم لم تكن بتلك الشجاعة فأوكلوا اليك أمر حفر المقابر الجماعيه ودفة حصيلة اليوم من القتلى فيها...هيا يامجاهد أفصح عن تجربتك أيها البطل.

ليه ..؟؟ انا كنت في جيش الحكومة ما طرف جون قرنق

العمايل دي وتجنيد الاطفال وحرق قراهم وسرقة ابقارهم وبي نسائهم
عمايل جون قرنق وجيشه

كدي اسالي الامم المتحدة وحقوق الانسان (قريبة منكم) عن الادانة الطلعتها لجيش الحركة طلعتها في شنو..؟

ولا كانوا شايلين (نبل ) ...؟؟

جيت اسلم واشجع اللعبة الحلوة

يا تولوس
كيف الناس واولاد الناس
ياخي بالجد مشتاقين ليك ومداخلاتك الحلوة المثمرة ..

Quote: ليه ..؟؟ انا كنت في جيش الحكومة ما طرف جون قرنق العمايل دي وتجنيد الاطفال وحرق قراهم وسرقة ابقارهم وبي نسائهم عمايل جون قرنق وجيشه كدي اسالي الامم المتحدة وحقوق الانسان (قريبة منكم) عن الادانة الطلعتها لجيش الحركة طلعتها في شنو..؟

يعنى يا مجاهد أساسى قد التحقت بالجهاد فى صفوف الأنقاذ دفاعا عن أهل الجنوب الذين يعانون من جون قرنق الذى يحرق قرى أهله و يسرق الأبقار و يسبى النساء....يالك من شخص نبيل ، فقد تجلت فيك يامجاهد كل قيم المسلم الذى ليس من هم له سوى أغاثة الملهوف...مدى مانادت أجوك وأأأأأساسياة بعربى جوبا!

فاليوم تدحروا كفار (ييل)...

هيا حاول ثانيه يا أساسى،
ماهى مهامك فى كل فى سنواتك فى الجهاد؟

لم لاتحدثنا عن مقاييس الحفر الجماعيه....لم لا تحد

احدثك عن اني كنت احارب جيش يحمل السلاح ويمتطي المدرعات ...احدثك بان اهلك من جانب الام او خيلانك كانوا يحتمون بالجيش من ويلات فعائل جيش جون قرنق بهم احدثك عن الطائرات المفروض تحميلها بالاغاثة ولكنها حملت بالاسلحة لتدعيم الجيش بايعازكم ومن شاكلك من فروع التمرد في اوربا وامريكا وكندا...احدثك عن ماذا قولي لي ..؟
احدثك ن الحفر القبور الجماعية التي في راسك..؟
ام اختلقها لك ...؟
عن ماذا احدثك
احدثك عن البعثات التنصيرية التي يقودها ادلة امثالكم يصورون المشاهد المختلقة من بيع الرقيق الي اغتصاب النساء ..؟
بالله قولي لي كم فلما صورتي مثل هذا ..؟؟
ولكن حدثينا عن مشلتك في كندا ولماذا تم التضيق عليك هناك ..؟؟؟
حدثينا عن نكرانك في النهاية لمسيحيتك المختلقة ...؟
حدثينا عن امور كثيرة سناتي لها تفصيلا..؟

و أنا فى أنتظار التفاصيل ياحامى الوطن و يا ياسلالة العباس.

بازولة ما قلنا ليك ما تستعجلي رزقك واصبري الجايك ما هين بالجد اركزي لليوم داك الحديث الموثق المدعم بكل التفاصيل المملة والشيقة ولو حبيتي بالصور بس كوسي ليكم طاقية من الان امكن صورتك طلع صورة.؟

ليس هذا وقتك الان ..؟

فاصبري فان موعدك غير بعيد ولا مخلوف الوعد

الاخ الصديق اساسي
السلام و التحايا الطيبة.
ان شاء الله خير، دقيقتك بقت ساعات.
خش لينا في الموضوع و روق المنقة يا مان و عليك الله ابعد من النبز و الشتائم لانها تضر قلمك وتضرنا جميعا. سلام و نسمع منك

المسافة

انا والله قدر ما قلبت مداخلتك يمين شمال ما وقعت لي

الموضوع فتحنا وخشينا فيهو فوق وهو السؤال عن الاخوة الغائبين

اذا كنت تقصد اقحام رودي الغير موضوعي لهوسها وحقدها علي الشمال والمسلمين فهذا الامر لم نجنح له في هذا البوست وكل الذي فعلنا هو الرد علي حديث رودا ولكن ان كنت تنتظر موعدي مع رودا فليس الان حينه هذا الموضوع انا من اقرر متي انشره وكيف وبالطريقة التي احب
ولم اوعد احدا بدقائق او ساعات او ايام ولا اقبض فلسا للكتابة علي المنبر
ولك التحية اخ المسافة

الاخ اساسي

انا لما قلت ليك دقيقتك بقت ساعات كنت قاصد عنوان البوست ( يا حبايب كدي دقيقة) لا اكثر و لا اقل . و موعدك مع خصمك لم اشر اليه و لم يكن قصدي. عموما يا صديقي كل مداخلتي هي البعد عن المهاترة و الخصام و لك اطيب التحايا.

الحبيب المسافة

أخــونا أسـاسـي ســــــلام كـثـيـر

الأسـمـاء اللي ذكرتها كانت فعلا أسماء ليها تأثيرها في البورد و كان البورد ليه نكهة خاصة و الواحـد كان بحتار إبـدأ بي منو و أنا كنت ما بقدر أقرأ الموضوع كامل في الشاشة لازم أطبع الموضوع علشان أقدر أقرأ الموضوع و كان بياخد ليه أقل شئ أكثر من 10 ورقات دا غير إنو كان عندي شلة بتجي تاخد منى المواضيع علشان تقراها و الله كنت زي بتاع اللبن كل واحد جاي داير ليه رطل و لا رطلين من الورق علشان إمشى إتكي و إقرأ خاصة مواضيع الرائعتين شيري و بت قضيم اللي بتمنى عودتهم لأنهن بكتبوا بي أسلوب جميل جــدا و بتناولوا مواضيع جادة لكن بعالجوها بي أسلوب بسيط و لذيذ غصب عنك تقرأ كل الموضوع كمان كانت المشاركات بتضيف للموضوع و ما بتجرجر الموضوع لي إتجاه غير إتجاه الصحيح

ربنا إديهن و إديهم العافية و ربنا أعود بالمنبر لي أيام زمان

تحياتي ليك

الصنديد ابو الحسين

ومعك نتحسر وقوفا علي اطلال المنبر للايام الخوالي حينما كان المنبر منبرا بحق يعمره (اولاد الناس) من الادباء الحق والمرهفين المبدعين قبل الانهيار ومشارفة الهاوية الحالية وشكله بالطريقة دي قريبا عندما نكتب عنوان سودانيز اون لاين سيطالعنا المحتوي بالبونط العريض

GAME OVER

نتمني ان نسمع من الغائبين خيرا فهم كل الخير

Quote: هو الراضي يعيش مع الزيك منو؟؟؟

أساسي تحية واحترام
ده كلام ده ؟؟؟ ده فهم (يوصل) الناس والبلد (لي قدام)؟؟؟

انا مع زي رودا ما داير اصل باي فهم لي قدام اخ نادر لما تخاطب ربي والهي بتهكم واستفذاذ لما تسخر من رسولي والصحابة ما عندي ادني رغبة اعيش مع امثالها قيد لحظة او ومض طرفة عين ...امثال رودا قال فيهم خالق الفهم ورب البلد والناس ورب (قدام)
(واذا رايت الذين يخوضون في اياتنا فاعرض عنهم حتي يخوضوا في حديث غيره واما ينسينك الشيطان فلاتقعد بعد الذكرى مع القوم الظالمين )
وتقول لي ما بوصلنا لي قدام ..؟ اهو زي دي لو عشت معاها متخيل انه نصل لي قدام ..؟؟؟ ياخي علي الاقل كانت عاشت مع اعمامه او قبلوا بيها؟؟

أساسي كده حنرجع نتناقش من المربع رقم (1) في خلافاتك مع الاتجاهات الأخرى في البورد ونكرر ونشير ونعمل (نسخ) و(لصق) مما يعد هدراً للباندوث الذي أصبح لا يحتمل أصلاً مع الحاصل اليومين ديل من استقالات وتهم وهكر وفواجع تضرب جنبات البورد ... ما لم أقبله في حديثك معها هو محاولة الإقصاء والتوجه الاستعلائي في حديثك معها وهو ما ينسحب على عضو آخر هنا يدعى (أبوحسين) ...
أنا متابع جيّد لجل النقاشات الفكرية التي دارت في هذا المنبر ... بقليل من التروي كان يمكن أن نتفادى في نقاشاتنا ما يحدث ... بافتراض إنها أساءت - كما تدعي أنت - للعقيدة لماذا لا تتعامل بفهم الآية(وجادلهم بالتي هي أحسن)؟ وتفتح حوار عقلاني يعكس شخصيتك كمسلم يفترض فيه القدوة الحسنة؟؟ رودا يا أساسي ومن خلال هذا المنبر فقط (أسقطت ورقة التوت من عورة مدعيي التوجة الإسلامي وحاملي لواءه على أعلى مستوى فكري يفترض فيهم) وهم يشهرون سيوفهم في وجهها بالإقصاء بدلاً من الحوارات الهادفة ...

Quote: (أسقطت ورقة التوت من عورة مدعيي التوجة الإسلامي وحاملي لواءه على أعلى مستوى فكري يفترض فيهم)

ومن القال انا من اهل التوجه الاسلامي (المعروف ككيان)هل ما قاله البعض وصدقه البعض واصبح يتعامل من خلاله بنا ..؟ انا مسلم اخ نادر مثلي مثلك امرس طقوسي كاي فرد مسلم (عادي) اذا سب ديني او عقيدتي او ربي اثور كما يثور اي شخص يقطع الطريق الواصل ما بين القبة الخضراء وميدان ابو جنزير ... البعض هنا يثور لان اغنية الفنان الفلاني منعت من البث والبعض يثور لان فلان سب فلانه او سب فلان ويتضامن معه ويسود الصفحات ويجد كل التايد ولا يجد من يستنكر منه هذا والبعض يثور لان بوسته حزف والكثير من الثورات تحدث ولكن لا نجد مستنكرا اما عندما يسب الهي ويتهكم برسولي وعقيدتي واثور هنا تسقط ورقة توتي فتنكشف عورتي ..؟؟؟؟
رودا للاسف عرت مناصريها من الذين حملوا الاسلام كعقيدة ولم يحملوه فاضحوا كالحمير تحمل اسفارها ...رودا اسقطت ورقة التوت عن عورة الذين هم مسلمين ولكن خصما علي الاسلام الذين يبيحون لها ان (تسب وتسخط وتلعن )ديننا ومبينا وتتجرأ علي ذات الاله ويتفانون في الدفاع عنها واجبارنا علي معاملتها بالتي هي احسن..؟؟
رودا اسقطت ورقة التوت عن الذين يحتاجون لمراجعة عقيدتهم حقا ويعرفون اين يقفون ..؟
واشارتك لادعائي بانها اساءت يحتاج منك لمراجعة ما تكتب جيدا وقرائته فقط بمنظار عادل لا رؤيتها كمظلومة من الجنوب ويجب علينا دفع ثمن ظلمها ..وهي التي ما وجدت فرصة للكيد والافتراء ضد الاسلام الا وانتهجتها وهذا ليس محض حديث هذا عن سابق معرفة بشخصية رودا الحقيقية وبافعالها
والحديث يطول عن رودا واذنابها وانا لها ولهم ولن احيد قيد انملة

الأخ أساسي
سلامات
الحق أني أفتقدتهم

Quote: ناس الملا عمر , شتات , ابو جهينة , بت قضيم , شيري , آش . السمندل , ود عزة , الشرغوف , ميرفت, صلاح ضرار , المطر , عبد الله جعفر, حنين , رمانة , ايزي اوف لايبرتي , الخواض , جبران , الحلاوي ,عجب الفيا ,ابكر ادم ,عادل امين ,يحي فضل الله ,الكتيابي ,ابنوسة , هيرو ,دافي, غدي ,انسانة , وجن ,سمارت انا , اهل العوض ,مكسب , سماح , ماندلا, ايهاب, سلمبو ,ود العجمي,تسنيم ,ورومانسي..

شكراً لتذكيرنا بهم في هذا الوقت بالذات

سيد الناس استاذي الطيب برير

قد يقول قائل انه قد سقط سهوا من هذه الزمرة اسما ضخما مثل اسمك ولكني اكذبه وادحض افترائه ...لكثرة ما انت في البال والخاطر والفؤاد شرق الشريان التاجي غرب النبض لم افتقدك ابدا ..دوما كنت اعود اليك وحروفك عندما يتملكني سأما او كدر فتعيدني الي نقطة الارتكاز بذلك القلم الانيق الدسم وتلك الافكار (النارية) فاعود متبسما منتصرا بنشوة فرحي بك ..ولما سالت نفسي لما لا افتقدك مثل البقية اجبتني من الدواخل بانك متحكر ها هنا ..
واشار بيده الي فؤاده ..وتبسم وجهه فرحا

بالذات في هذا الوقت يفتقد البدر او كما قلت استاذي

لك حبي الغير منقوص

أساسي
حاور .. جادل .. أحشد مبرراتك بالآيات القرآنية والأحاديث ودعها تفعل نفس الشيء ... لكن لا تشهر سيفك بالإقصاء والإبعاد والاستعلاء وهذا لُب ما أتحدث عنه هنا... ولو خرجنا مما نتحدث عنه هنا قليلاً نجد أن ما يحدث هنا في البورد هو صورة مُصغرة لما عليه الإسلامويين في الهواء الطلق وفي المحكات الحقيقية لذلك نُعت الإسلام بدين الإرهاب وفي دراسة قرأتها قبل يومين فقط لمركز دراسات استراتيجية بريطاني (سأفيدك بإسمه لاحقاً لتطلع عليها من خلال الإنترنت) قل عدد معتنقي الإسلام في بريطانيا إلى الربع عما كان عليه قبل 3 سنوات هل هذا المؤشر يعني لك شيء يا أساسي كمسلم صحيح العقيدة بخلاف الذين يجب أن يراجعوا عقيدتهم ومن تدعي أنهم أتباع رودا؟؟؟
ما يعنيني في كل ما ذكرت أنت كان شيء واضح لم تتحدث عنه أنت في معرض ردك وهو الإقصاء والإستعلاء ...
هل قالت رودا يوماً أنها لا تريد أن تعيش معكم أو استعلت علي أحدكم مستندةً إلى عرق أو لون أو جهة؟؟؟ لماذا تتحدث وكأنك أعلى منها شأناً ومكانةً وأن السودان لك وحدك وهي تابع تقصيه متى ما أردت؟؟
أما انتمائك لفكر الجبهة الإسلامية - التنظيم الظلامي - فهذا واضح يا أساسي ... لو لم تكن تنتمي إليهم تنظيمياً فأنت من مؤيدي ومناصري توجهاتهم وفكرهم ، وهذا أمر شخصي يعود لك ، ووحدك من يبتُ فيه ولك مطلق الحرية في اعتقاد ما تشاء لكن بدون إقصاء واستعلاء .. الدين لله والوطن للجميع يا أساسي ... بصراحة يا أساسي ألا تشعر بضيق وأنت تقصي من يناقشك بالكلمة؟؟ بعيداً عن الفهم الإنساني لوحشية وبشاعة هذا التوجه القاسي؟؟
ودي واحترامي

الاخ نادر

واستوعب حديثي هذا جيدا فهو لا يحتمل التاؤيل

انا مسؤل عن الاستعلاء واحساسي بعلو مكانتي وهذا ما اسعي اليه بكل الطرق ولكني في نفس الوقت لست مسئولا ابدا ولا باي حال من الاحوال عن احساس الاخر بالدونية ..

لو رجعت لصدر البوست لوجدت واقعة تدلل علي كلامي فتذيلي لصدر بوستي بحديثي عن اولاد الناس تحديدا استنكره الاخ بلير والاخ حبيب بلدو عندما وضعوا انفسهم اختيار بانهم ليسوا من هذه الفئة وهو ما ليس لي فيه خيار وكان الرد الذكي والمفحم من الاخ دكين والاخت بت الاحفاد في انهم تعاملوا بما يرون عليه انفسهم ...

وعلي هذا النسق رغم ان المثال بسيط ولكنه قد يعبر وبدلالة كافية لمقصدي

اتاحة الاخر لي نفسه للاستعلاء ليس خطئي انا ولكن خطأ من ارتضي لنفسه ان يصبح في مكان الدونية ...

سالب السلب لا يولد ايجابا ابدا ولو كان لنجحت المعارضة في سحق الحكومة منذ اول سنتين ولكنها بوقعها في ساقية سلب وادانة اخطاء وسلبيات الحكومة وعدم تقديم البديل الايجابي جعل من الحكومة ماضية في طريقها والمعارضة كل يوم في تهالك لاهتمامها بالسلب فقط دون تقديم بديل ايجابي

نجاح جون قرنق في مناصفة السلطة والثروة مع الحكومة حينما كان يقدم الايجاب في انه طرح نفسه و(فعل ) طرحه هذا عمليا كبديل لمساؤي وسلبيات الحكومة ونجح فيما فشل فيه الاخرون ...

لذا عندما اعتز بما لدي لا اتوقع من الاخر الوقوع في براثن سلبي ما لدي واحساسه بانه اقل ولكن فل يتعز بما لديه ويعاملني ندا لا كمستعلي عليه ويفوت علي فرصة الاستعلاء لا المضي دونيا وادانة استعلائي ..

اساسي شوف بوستك ده جاب لينا منوا

Quote: المتواجدون الان بالمنبر الحر 211 شخص » (23 )عضو و (18 زائرا »abdelrahim abayazid »Adil Ali »AliHamid »degna »Elmosley »Esameldin Abdelrahman »ghurba »hamid hajer »HOPEFUL »Khaalaleyaal »nagmeldien karamalla »omer almahi »Suad I. Ahmed »wadazza »أيمن الطيب »إسماعيل وراق »اساسي »طرقوش »محمد حسن العمدة »منعمشوف »هشام مدنى »ودقاسم »يوسف عبدالله

يادوب البورد كده حا يكون احلي
يلا ياحبيب بالله ابدعنا بالله وحمدا لله علي السلامة

أساسي برجع ليك بس شكلك كالعادة شطحت بعيد ... سأعود لمزيد من التوضيح
كلا الود

المحترم/ اساسى
تعرف من أمبارح بفكر أكتب فى (البوست) بتاعك ده شنو، مالقيت حاجه
غير النكته بتاعت أخونا امشى (الحج) وعندو قريبو كده ، كان منتظر ليهو هدية قيمه.

قام الزول جاب ليهو (مصحف قرآن)، أها قام رده عليه بالأتى:-

(كتاب الله ما بناباهو ، لكن الفيك انعرفت)!!

أها أنت ناس ديل فوق (راسنا).

لكن صدقنى (الفريق) ده لا يخلو من (مصرجين).

بخاف تحية وينك يا رجل

نادر ليس من المخجل ان تقول انك لا تملك ردا او انك لم تستوعب جيدا لم اشطح قيد انملة وهذا الحديث في صميم الموضوع ارجو منك اعادة قرائته بزاوية اخري قد تصل ..!

تاج السر
بمناسبة الفريق والمصرجين كفارة ليك ياخي الهلال ما عجبنا ليهو ومسمار النص بيني وبينك كان قاسي والعاقبة عندكم في المسرات بعد زواج المتعة بين الهلال والمريخ الذي امتد لليلة واحدة

الاخ اساسى

Quote: بلدي يا حبوب يعني الكتبت اساميهم ديل ما اولاد ناس ولا كيف ..؟؟

كل مافى الامر مداعبة لا اكثر وخفت ارد عليك فى تلك الايام المولعة يقوم الدخان يعمينا على العموم لك ودى وتقديرى ولك من سألت عنهم بدورى اوافقك الراى
تحياتى

ولك تقديري حبيب بلدو وانا

أسـاسـي ســـــلام
أنا ضـعـيـف في الحـسـاب كـــدي أحـسـب لـي عــدد المـداخـلات في البـوسـت دا المجـمـوع
و أحسب عـدد مـداخلات الناس اللي فهموا الموضـوع يعني الناس اللي شاتوها في الزاوية البعيدة
و أحــســب عـدد مداخلات الناس اللي ما فهموا الموضـوع و كتبوا مداخلات يعني شاتوها مصرجة
و في الأخـيـر جيب لي نـسـبة مـئوية علشان ألقاها جاهزة و ما أحـسـب أي شـئ

عـندي إحـسـاس بـي إنوا في نـاس بتدخل البوسـتات علشان تنكـد على الناس و بـس
و شـكلـوا دا نـوع جـديـد من النضـال

تحياتي

والله يا ابو الحسين دي نظرية جديدة وطازة وخطيرة

وعندنا هنا بيان بالعمل

عليك الله انا اسال من الخواض وسونا تجي رودا تقول لي الجنوب ومقابر

ويجي نادر يقول لي استعلاء..؟

يعني كان كتبت بوست في فقه الجهاد اتوقع انهم يتكلموا عن وكالة ناسا والعصر الجليدي

ياخي البورد دا زي ما قلت جنة اطفال بس

بالمناسبة بوست جنة الاطفال ما لاقيهو

ما شفته قريب؟؟

شكرا الاخ اساسى
تقول شنو ؟؟؟ مشاغل الدنيا