طيش الدفعة

لا اقول اني اصبحت وحيدا ولكني اصبحت غريبا
كل البورد اهلي الذين احب اختلف معهم احيانا واتفق احاين اخري
ولكني دخلت ومعي دفعة الان اصبحت غريبا اين دفعتي التي انتمي اليها
افتقدهم بشدة
اين ديكنا الوضاح اين ذاك المجنون اين حبيبنا حبيب الكل اين صاحب القلب الذي يتسع الجميع اين ود عزة قلب البورد النابض ادبا وعشقا للسودان اين رقم صفر ذلك الرقم الكبير اين بلير نديدي اللدود الذي لم اتفق معه الا علي الاختلاف حبا اين بوب حنكوش البورد ذلك الفتي الفصيح اين سماح تلك الشعلة المتقدة اين حليمة وملازها اين زهجانة المبتسمة اين نور العين راكب الافيال اين بامسيكا الشفاف اين الشرغوف ورئيسه الغائبون الحاضرون اين محسن اماذال هاربا من الالزامية اين الشرير وبرتقالته اين بخاف الواضح ما فاضح اين جاد زو الراي العديل اين صن رايزس اين كولا الشفيف اين سفنتي صديقي الحميم وابن اخته سامي اين كبيرنا الذي علمنا بناديها
اين بوكو اين الديامي قوتا قود اين ود الديم اين الموردابي
اين واين واين...؟

انا برضو من دفعتكم لكن بخاف من كلماتكم الكبيره كبيره وبقول ليك وين زي قير وين مي وين نون وين ناهد الطيب .... ده شنو ده انا سالت من الاخوات بس لوووول وعشان ماتزعل وين خدر الماعاجبو اسمو وين وين المساء وين .... وين طيش الدفعه

coolcom ود الدفعة
لكن يا دفعة ما بالغت ود عزة عامل ليهو اربعة الف ونص بوست وانت قبل البوست دا سطاشر بس كنت داخل قراءة صامتة ولا شنو وحافظ لي الجكس كويس يا فردة شكلك كنت من النوع الغتيت لكن بيني وبينك بتكون بوستاتك كلها في الماسنجرات انت البتسال من الجكس دا بس
وحمد لله البوست دا طلعك لي برة وتسلم يا دفعة

طفشتهم كلهم يا أساسي ياولدي وقعدت حرست البورد عشان تطفّش الباقين؟

طوبى للغرباء حين يصير الدين غريبا إنك على الحق فلا تاقعس
سر بعون الله ونحن معك نشد عضدك ونسدد قولك
والسلام

سلام مربع

اساسي
والله انا دمعتي قريبة جدا
وحات الله من جد
اني بكيت
اصلي مابحب حفلات التأبين
والاسبوع ولا الاربعين

بقيت زي شرير الشاشه
اخر ايامه لمن الادوار الشريرة
وبقى ممثل طيب
بس غايتو عمرو ما اقنعني
انو ماشرير
طبعا في التمثيل
والله هسع انا خايفة يقوم يطلع تمثيل
ويكون المخرج عاملين مفاجاة في المشهد الاخير
تكون داسي مسدس في جيبك بتاع
الجزمة ..وتفاجأنا
انك مازلت لسعة شرير


امزح ايها الفتي
امزح
يا شرير الشاشة
هاهههااااا يكه

تحياتي اساسي
واين النجمة التي طال غيابها واين جيمو واين شجن
تحياتي واحشني

wa7shny تحياتي
ابن الدفعة المخضرم
هل آن لنا ان نغني لن ننسي اياما مضت مرحا قضيناها؟

shiry الاخت
اهلنا بيقولوا الصقر كان وقع كترة البتابت عيب
بعد قريت كلامك دا اتزكرت المثل دا ماعارف الرابط شنو لكن بالغتي بي شرير الشاشة تعرفي انا اكتر زول وديع في البورد دا واتحدي اي واحد هنا( شكار نفسه فيصل شخصية)لكن اتربيت علي انه الني للنار وطبعا انحنا شعب يدمن المجاملات ولو علي حساب قناعاته لا لشي الا من اجل الصورة الجميلة عند الاخرين
لا اؤمن بان الاعوج راي والعديل راي فالاعوج يجب ان يقوم والعديل يجب ان يدعموالحق ابلج
امس كنت داخل في تراجيديا الزات فالمجموعة التي زكرت لم يكن الاتفاق ديدننا ولكن كان الحب سوارنا ولم نسعي الي الغاء الاخر
الان اصبح البورد كالثور الذي يجري في اتجاه واحد

EXORCIST7 الاخ
اما سمعوا ان سودانيز محمية برجال صابرين علي القتال بكرة وعشية
وصوارم قواطع هندية وخيول جرد ادهمية
انه زمان القبض علي الجمر اخي فلا نكوص

الابن اساسى
ما تزعل يا ولدى قالوا الطيش عند الله بعيش
وقالوا القلم ما بزيل بلم
وقال الله عز وجل(فانها لا تعمى الابصار ولكن تعمى القلوب التى فى الصدور).طالما قلبك مفتح مافى عوجة ابقى الطيش كان بقيت
تحياتى

دكتورة مهيرة
تسلمي
عندنا هنا النداء المقابل (الطيش بدقوا بي البراطيش)وفعلا القلم ما بزيد بلم
وانك لن تهدي من احببت ولكن الله يهدي من يشاء
وتسلمي يا دكتورة
ابتدرت حديثي هنا بالاخت مهيرة
ولكنك خاطبتني بالابن
آآه لكم افتقد امي
وتسلمي يا امي

cantona_1 الاخ
طبعا ظاهر انك عمدة ولا ولد عمدة من مع وقف التنفيذ ولا من الخارج من الخارج دي طبعا عكس السلام من الداخل
عشان كدا عندك الميس ما بيتحمل اسدين
انا شعاري يا فيها يا اطفيها يا زول انا ما طفشت اي زول انت قايلني زيك اسع قالوا مداقر اميرة ويلز سمعنا قالوا داير تطفشها وتبقي عمدة ويلز غايتو الا تعملها ليهم زي ابو جبيهة
وبيني وبينك انا زاتي مبسوط منك وبتكيف ليك شايفك مدور ليك كم شكلة كدا علي الطاير انا قلت دا الغدوة البفتش عليها من زمان واجمل حاجة انه الغدوة يكون عمدة
غايتو شد حيلك وما تقع لي في سكتي عشان حيكون حديد لاقي حديد ويومها البورد حيبقي نار منقد بس
تسلم يا عمدتنا

سلام يا اساسي الاساسي
تعرف انك اجبرتني ادخل
غير اسمك عنوانك
بس
شكلك مابراك
مشغولة بس
و
الله يديك العافية

sudania2000 الاخت
صدقي ما براي معاي اخوي الايام دي لوووووووووووووووووووول
انا قريب دا ما غير الاسم والعنوان
اسع بيني وبينك اشتقت لاسم رومانسي
واحتمال قريب دا ادق جرس لي بكري اقول عاوز اسمي
اساسي دا بقي مشهور بالمشاكل
احسن ننرجع لرومانسي الكبكابة
لووووووووول
تحياتي يا غالية وتسلمي

هسي بالله يا اساسي
دا رد واحد كان رومانسي

يا الجندرية
تحياتي
كدي اقعدي في الكراسي
هو كان نفع رومانسي كان بقي اساسي
رومانسي كان راجل راسي
بقدرة قادر اتحول لي اساسي
واصبح زول قاسي
واسمه يجيب ماسي
النهار الابلج معاهو يتحول لي اماسي
ربنا يدينا خيرو ويهدي لي انفاسي
ويهبه من عنده اسلوبا دبلوماسي

رومانسي كان راجل راسي
وفعلا انت اساسي
يارومانسينا
وفعلا فقدنا زملاء كان لهم حضور دائم وفكر مستنير
والبركة فيك يا اساسي و نتمنى ان يعودوا
وبعدين انت ماطيش الدفعة انت اولنا

رومانسي كان راجل راسي
وفعلا انت اساسي
يارومانسينا
وفعلا فقدنا زملاء كان لهم حضور دائم وفكر مستنير
والبركة فيك يا اساسي و نتمنى ان يعودوا
وبعدين انت ماطيش الدفعة انت اولنا

رومانسي كان راجل راسي
وفعلا انت اساسي
يارومانسينا
وفعلا فقدنا زملاء كان لهم حضور دائم وفكر مستنير
والبركة فيك يا اساسي و نتمنى ان يعودوا
وبعدين انت ماطيش الدفعة انت اولنا