كيف تعرف انك في سودانيز اون لاين

هذه الايام البوستات تراكمية وتميل الي الموضات السائدة والي التقليد من وجهات النظر المختلفة وان كنت سانحي نفس المنحي الذي بداته الاخت التي تحدثت عن كيف تعرف انك في السعودية وقلدها الاخ الذي انتحي نفس المنحي وبدا في عرض انطباعاته بذلك البوست الذي عنونه بنفس النهج كيف تعرف انك في السودان ولكنه اخذ علي راسه غير ماسوف عليهكما انزل الاخ ود الجزيرة والاخت ام در نفس البوست بعنوان هل رايت الجنة وكان المصدر واحد
وساقوم بالتقليد مع سبق الاصرار والترصد
******
اذا كنت جديدا وتكتب بوستا تجتهد في ابراز كل خبراتك التي توعد بها البورد في ابرازك ككاتب يقرا له وتنزل هذا البوست وسريعا ما تجده وصل الي الصفحة السبعطاشر بدون اي ردود او حتي زيارات سوي الزيارات التي قمت بها لتتاكد ان هناك تعليق لم يظهر او مراجعا للبوست ومتحسرا عليه

اذا رايت الضهب يتجمع حول من نطلق عليهم مبدعين وبعض هذه التسميه اظنه جوازا اذا رايت هذا الضهب يجتمع علي اي بوست لهؤلاء المبدعين ولو كانوا يكحون فليس من اليسير مخاطبة المبدع مباشرة والبورد كسر الحواجز فلما التواني ولو حتي بكتابة اي كلام والسلام

اذا رايت النحل يطير خلف كل طرحة ولو كانت هذه الطرحة لا تعرف من الرومانسية سوي النسخ واللصق فحتما هي خلاقة ومبدعة

والنحل هنا يختلف عن الضهب هناك وكلهم مساعد ياي

اذا رايت الادارة تغض الطرف عن كل ما لا يمس المبدعين فكل سوي المبدعين وبعض اعضاء الادارة مسفوح دمه ومباح او كما قال الكوز خيار من خيار من سلطة

اذا رايت الشلة تعمل شيلني واشيلك بورد ولا طوطحانية يا بعيد

رجل وأبنه ومعهما حمار، ركب الأب وترك الابن ومشيا، فمروا على قوم فقالوا:
يا له من أب ليس فيه شفقة ولا رحمة يركب ويترك هذا الابن المسكين يمشي وراءه.
فما كان منه إلا أن نزل وأركب هذا الطفل، فمروا على قوم آخرين فقالوا:
ياله من ابن عاق يترك أباه يمشي وراء الدابة وهو يركب الدابة.
فركب الاثنان على الدابة ومروا على قوم آخرين فقالوا:
يا لهم من فجرة حملوها فوق طاقتها.
فنزل الاثنان ومشيا وراء الدابة فمروا على قوم فقالوا:
حمقى مغفلون يسخر الله لهم هذه الدابة ثم يتركونها تمشي ويمشون ورائها.

هو كذلك...كتلتو عدييل


تحياتي

ده الربنا قدرك عليهو من الصباح...... نحن الشعب السوداني ما بنفلح في حاجه غير الشكيه.....ليه ما كتبت بوست ...يدفع المنبر للامام

وهل يدفع البورد الى الامام بالمديح الاجوف و المجاملة
الا يساهم النقد البناء في دفع حركة البورد؟

سموري لي زمن بعاين ليك وحبابك الجيتني براك
اولا يا سيدي الصحفي الخضرم مثل ما قال لك الاخ مانج النقد البناء مطلوب وهو من ابجديات الصحافة كما اعتقد وان كنت لا اجيد من فنها الا اني احيانا قاري لها
سموري المخضرم
هذا الذي قدرني عليه ربي من الصباح فلا اعرف اني اخز منك اجرا لتحاسبني اخر النهار عليه فالحرية في هذا البورد تبيح لي ان اكتب بما نفلح فيه كشعب سوداني شكاي وكما اتاحت لمثلك طيلة الفترة السابقة اتحافنا وصبرنا علي مواقفك التي ابسط ما يطلق عليها انها مزرية
الثاقب سموري
وانت تملي علي ان اكتب بوستا يدفع الي الامام كان الاجدي بك ان تضرب لي بهذا مثلا في بوستاتك التي انزلتها طيلة الاحداث الماضية والتي تنم عن خزلان مريع مارسته مسبطا به صاحب كل عزيمة ولكن جزا الله خيرا الاخ ياسر فلم يترك لك جانبا ترتاح عليه
الفلتة سموري
كما قلت فاننا شعب لا يفلح سوي في الشكية ولكن سلني كيف نستطيع ان نعمل وندفع الي الامام وبيننا مثلك يخزل فينا ويكسر كل سيوفنا فمثلك الذي يري الغزل في امين حسن عمر دفعا الي الامام هو ما نحتاجه ليكون ركيزتنا وسندنا لندفع بدورنا الي الامام خسئت انت ومن تتغزل فيه يا سموري
ولاني في عجالة ساعود اليك ولكن بوضوح اقوي

ياحليلك ياسمورى
الجابك الحلة ده شنو
لوووووووووول


حقيقى يا اساسى بتلقى انه مافى موضوع وتلقى الناس قادانا قد
وبرضو الناس ترد على الغربال ده بى يارائع ويامبدع وهلم جره
وناس تفتح عنوان يافلان ويافلانة يعنى الناس التانين مايدخلو ولا شنو

غايتو جنس قد
الله يصبرنا

ود العمدة يا عمدة تحياتي
تعرف الجماعة البيكتبوا البوستات المعنونة والمخصصة باسماء ديل واضحين داخلين البورد عشان فلان وعلانة ديل ما داسينها وريحونا من دخول بوستاتهم لكن ناس طيفو طايف ديل الواحد تلقاهو مقيل في المنبر من الدغش يعاين اول ما يشوف واحد من جماعته تمسكو الكاروشة يدخل البوست يتمنظر بكلام اطعم منه شوربة الخشب زي الضهب البشرك للفنانين عشان يمشي يتونس مع اصحابه انه صاحب الفنان هناي
علي العموم الفايدة في كلامهم المسيخ انه بنزل الضغط البرفعوهو ناس سموري

الاخ مانج لك التحية
وين الحي بيك زمن ما شفناك
وبيني وبينك البورد اصبح مدعاة للضحك والتندر مما انتابه من مجاملات مخلة
لك الود

الاخ الملا عمر اولا تحياتي
مغزي القصة واضح جدا ورسالتك وصلت فالناس لا يعجبها العجب ولا الصيام في رجب وانا من الناس فالبورد ماشي وانحنا بنهوهو لا مشكلة ان كنا لا نجيد غير الصياح فعلي الاقل نفعل ما نجيده ولا نسكت ولا نجامل فنكون نحلا وضهب وقديما قيل في المثل السوداني القحة ولا صمة الخشم اما اما نحن فالناس الذين يتكلمون معلقين علي جميع الاوضاع التي اتخزها الولد وابنه واما الولد وابنه فالبورد واما انت فاخشي ان تكون بين الولد وابنه
تحياتي

أساسي الاساسي

سلاماااات يا مبدعنا
لكن ضحكتني ضحك بي كلامك ده

Quote: سموري لي زمن بعاين ليك وحبابك الجيتني براك

يا عبدو روق
سلامات والله مشتاقين وربنا ما يحرمك من الابتسامة
الولا سموري طايح ليهو زمن في العالم وانا ما فاضي والمشغولية زايدة لسؤ الحظ عتر لي
وانا بهديهو اغية الطيب عبد الله يا المصيرك تنجرح بالسلاح المرة بيهو جرحتني

لما تلقى حتى للزعل طعم بين الأحباب...لما الذكريات الجميلة تهطل على أشواقك مطر...لما تحس بالالفة رغم المسافات...وتنتشى بالمسنجرات..لما تغشك الحبيبة أو تغشها...لما تنفعل وتجبر خاطرك الأحاسيس النبيلة...لما تغيب عن الميعاد...ويكون السؤال شفقة عليك..لما تتعذب عذاب راحم..أو تفرح ولو بى حلم مسروق
لما ولما..
دى لمة الأحباب هنا فى سودانيز أونلاين..
وانا شميت فى سطورك يا عزيزى أساسى حنية لأيام زمان أيام انت رومانسى وأيام البورد كان ...مشدود على وتر النشيد
لكن..لا يزال الوعد ...ولايزال هنالك اساسى وصحبه والكثيرين والكثيرات الذين يملكون حس الجمال والوطن والجديد
تحياتى
ودعزة

ود عزة
كلامك دايما طاعم ومتفائل ويشرح الروح ويرجع زكريات جميلة ولمة الاحباب اصبحت زكريات ودخلنا في لمة البشمرقة والاكراد

اساسي الكان رومانسى
ازييك
دا انت ذاتك ولا واحد حاسدك كتب الكلام دا
بعد الشر عليك
ما بصدق
عمومآ
WELCOME 2 THE CLUB

اذا رايت الشلة تعمل شيلني واشيلك بورد ولا طوطحانية ))

اساسي للدريب الجاي بحداك اقول امكن اصادف مره القاك اسالمك وينشرح قلبي...والله اي زول يكتب الدايره وكمان اي زول ينتقد الدايره ياخي مش القصه ديمقراطيه
بعدين الزول العتر ليك ده عليك بركات الشيخ ماتقصر معاه الزول ده ذي الاغنية البتقول انا ما سرقت بس جيت اعاين!! و برضو ذي اجتماعات التجمع في الجامعات تطلع تامن الموقف تلقي الشباب اوررررر جاءك متكوم ويقول ليك ده ماتجسس ده دفاع عن العقيدة.... المهم الزول الجاك ماري اكرمو وماتقصر وانا مابفسر
الني تحلا صعابها سهلا بس روق واحلي يا اساسي ...

غربة
كويس موافق

اها يا بلير يا فريد عصره جيتني تتمرجح
شكرا للترحيب البشبه الصورة بتاعتك دي
كلهم دمهم رايق بس مركز شوية
لا دا انا كاتب الكلام يا بلير
ما واحد حاسدني ولا واحد عاوز يكون نجم من نجوم البورد
ديل انحنا ناس لا تفيد ولا تستفيد
وربنا يوصلنا مرحلتكم يا النجوم يالابرد من الجليد

اساسى الكان رومانسى
براه شوية علي
بقيت نجم النجوم انت
اما ناس لا يفيد ولا يستفيد
فانت خرجت منها بهذا البوست
فقد افدت الغلابة مثلنا
واستفدت بالهجوم عليك
شايفك لبدت...
يا اخوى متاكد قاصد الكلام دا
ولا دا حالة زهج
وبتروح
انت في جدة
امش حوش على دينار
اسال من الفكى ارون ود اساق
يمكن يساعدك
قلتا لي ترحيبى ذي شكلى
وجيتك اتمرجح
وداك جاك مقنتر
ابشر
دا علامات الشعر
الجنونى اقصد الفنونى

أســاسـي الأســــاســـي الســــــــلااااااااااام



كــلامـك ياهــو ذاتـوووووووووووو زي ما عـودتـنـا


لــكـــن الـزول دا قـال أمـيـن حـسـن عـمر دا مـنـاضـل



الله إحفظنا و إحفظك من الضغط و السكري و كمان من النيران الصديقة قول آمييييييين

ابوحسين يا عسل
مشتاقين بكميات غير مقدرة
قالوا الخلا عادتو قلت سعادتو
سموري ومناضله وجه واحد لعملة اصبحت من كثرتها وقلة قيمتها تحمل علي الشوالات مثل الفحم ولكن للفحم فوائد وان اشترك مع سموري ومناضله في تلويث البيئة
لك الود

اساسى يا اساسى ما تجى تشيل بوستى واشيل بوستك

العزيز طارق وين الحي بيك فقدناك في لقاءات جدة الاخيرة
بوستاتك تتحدث عن نفسها ولا تحتاج من يشيلها
ولا تحتاج ان تكون من اؤلئك المشاهير الذين زكرت فانت مشهور فينا بكلماتك وهي تفرحنا

اساسي بركة الجيت راجع

بخاف اموت واعرف دا علم وين
غايتو الا لوان حقت علم السودان بس الظاهر المصمم كان احوص
وبركة الشفناك طيب يا العزيز بخاف

اساسي
ياحارسنا وفارسنا ياحارسنا
لينا زمن نفتش ليك وجيتنا الليلةكايسنا هههه يكه
قلت لي يا اساسي الزول جاك مدردق هههيكه
ليك وحشة يا اساسي والله ولي بوستاتك القوية والهادفة

والمابعرفك يجهلك


زاتوووو

الحبيب زاتو
رجعنالك والشوق كتلنا
مع لسانك الزي الكرفته دا يا زاتو بتحتاج ليك حارس انت
عندي ليك اقتراح تاجره للسورين في المرحلة القادمة
بيني وبينك الامريكان طايحين ومحتاجين ليهم كم لسان زي حقك والصحاف
والجاية من السماء بتحملها الواطة

الاخ أساسي ..حبابك
وين انت يازول؟ من ديك وعيييييك..
والله يا اخوي حليل زمن الكعات ..لأنها مفراز الحقيقة..
لكن اقول ليك أبني بنايتك ساكت وما تتلفت..اصلو معروف البناي واحد لكن البسكنو البيت كتار..يعني البيستفيدوا من الضل ما شوية
وحبابك
ودمت
كبر

العزيز اساسى

والله ضحكت ضحك اصلو ما معقول
اضحك الله سنك

والله بوستك ده فش ناس كثيرين منهم الصرح ومنهم القطعوا فى مصارينوا

ولعل الشللية فى البورد شىء واضح وضوح الشمس ولا ينكره الا من هو داخل شلة واوافقك فى اشياء كثيرة الا حكاية الطرح دى ... هاااى يكه كما يقول حبيبنا..

هو فى زول شايف حاجة ياخى ما الكلام كله على الكى بورد ولا بالاحساس بس يا حبة...

هااااى يكه

لعل حديثى يكون مجروحا ولذا اكتفى بالـ هااااااى يكه

وتسلم لينا

الغالي عمدتنا
تسلم لينا انت وبسمتك
الطرحة (ما حقت المحطة الوسطي الخرطوم وامدرمان ) هايييكة في ناس متخصصين فيها وديل ما يطلق عليهم جوازا النحل وان اردت التاكد فراسلني علي الاميل واعطيك اكثر من اسم اذهب وعلق علي بوستاتهم وانتظر الرد فاذا جاءك ردا حينها ساقوم طائعا بحلاقة النصف الايسر من شاربي وفي نفس البوست اذا مرت طرحة تلقي التحية فقط سوف تري المعلقة التي سوف يرد بها علي تلك التحية العابرة

العزيز كبر
الكعات كما قلت مفرزة المعادن
يحضرني بيت الشعر لامرو القيس
أصاح دع الصعلوك يبكي زمانه

فما همك الديجور ناء بكلكل ؟

هنا سوف نبني في الرياح خيامنا

ونضرم نيرانا بتلة حومل

ليست المشكل في البناء ولكن في من يريد ان تفصل له البناء وحده ليسكنه وحيدا مثل هذا السموري الذي يجيد الدفع للامام

عمدتنا الله يجازيك بالخير ان شاء الله

والله انا كنت مقطعو في مصاريني ساكت لكن كان كده احسن الافته


أساسي الأساسي

شغلك نضيف ما تقول لي

أرمي لي قدام

اساسي

اخوك مقابل القون

وانت تشوت براك

ما تباصيها يا فردة...


...لكن احسن مدردقة

والا مقنطرة

في كوم تراب

ذكرتني


تكس راجع


اول بلنتي

وفي الجوك

كش اللين

وبوكس الخشب بتكون شايلو في الجيب

ويبدا الضرب تروح لابسو في يدك

وليهو سنون يا ويلو وسواد ليلو من ذاق منه بونية

حليل الشكل بقى شكل نت سااااي

العزيز قرجة
اصبح الشكل الان بالكلمات الم تري كيف وقف لسان الصحاف في وجه الدبابة الامريكية وجهجه باكاتها
يازول والله الكور كتيرة ومقنطرة انت بس تعال مغمض وشوت
زمان كنا بنقول شكل البنات باللسان واسع بقينا اسياده
لكن بيني وبينك زي سموري دا بيحتاج ليهو بوكس كيس نايون خلي خشب

يا عمدة انا فتحت البوست ده امبارح وتاني فتحته الليله وبديت اضحك براي وانا قاعد في المكتب... والهنود يتفرجوا فيني

قلت لي يا ياسر حنا كنت ماسك ضحكتك

حليل ايام البورد اللذيذة... ايام ما كان عندنا مبدعين


ود عزة
سلامااات
مشتاقييين كميات يا حبيبنا

الاخ ياسر
طبعا كنت متابعا لما قمت به في الفترة الماضية واعجبني كثيرا ثباتك علي المبدا ومنك وامثالك ناخذ قبسا لندفع به الي الامام
وليس كمثل الذي يطالبك بالدفع للامام وهو قائدا للنكوس والتراجع والقهقري

كنت تتعلم تجامل لو فؤادك مرة جرب

صدق انا والسنجك وانت وكتير من الناس ما يعجبهم كلامنا
لكن اجمل شي انك تخرج ما بداخلك من راي صحيح
لكن رؤية الناس تصحبها مشاعر كاذبة تخاف من فلان وعلان

صراحة لما شفت بعض الناس ارائهم مشت بعيد بقيت ما بدخل بوستاتهم خالص لانوا الضغط حايرتفع
وبرضو لما تلقي واحد ناقل موضوع وما يوقل منقووووووووووول زي ما بنكتب

شكرا اخونا
قشر الكورة وتعال شوف الشوت ما بنقصر معاك

الاخ مهاجر
لك التحية
الكورة جاهزة ومقشرة بس انتو خليكم في التايم والبقهرك اقهروا
وما تتلفت ولا تلاوز في قول الحق
تحياتي

لله درك يا اساسي
انا شخصيا من زمن ليس بقريب
توصلت لهذه النتيجة
و فضلت الفرجة فقط
موش كدا احسن برضوا؟؟

الاخ فالكون
معقول انت تكتفي بالفرجة فقط الناس طيب انحنا زنبنا شنو تظلمنا وتحرمنا من كلماتك يا زول انت سيد البيت وحرم كان ما كفي ناس البيت حرم علي زي ناس سموري

اساسى

قلنا ندخل نعلق . لقينانا ما تبع كومك

وبعدين خفنا تقولوا داير شكل ولا غزل ولا مجاملة ونكون دايرين نظهر

على كل اساسى بأمانة كدا أنا بوستاتك بتعجبنى بالجد وخفت أقول كدا أتصنف معاكم وحقيقة كدا أنا ما بدوركم

دا موضوع تانى موضوعى انى قلت أضع بصمتى على هذا البوست خصوصا أنه ود عزة طرزته بروائح الحنين للماضى .. أساسى نحن بنحن للماضى ليه لأنو جميل ولا لأننا أفلسنا

ود عزة انا ما تبع كوم اساسى ولا تبع كومك

يا ود العجمي يا عزيزنا
اعمل طرة وكتابة وشوف انت مع منو
بس اوع تطلع مع
روح ماما سموري

اخوي اساسي يااساسي(زي شعار المظاهرات ههههههه)مش كده

لك كل الحق ان تعبر عما بداخلك وهذا مايميز بوستاتك في هذا البورد
دائما منفعل وتظهر مابداخلك وهو شئ طيب لك ولكن ربما يكثر عليك الاعداء

قرات البوست مرارا وضحكت كثيرا علي تعليقات المشاركين فيه والذين اتفقوا معك وامنوا علي كلامك

واهم شئ في الموضوع انك استطعت ان تستفذ هؤلاء الجهابزه ليخرجوا بعضا مما لم يعجبهم ولكنهم فضلوا السكوت عنه

لكم تحياتي
بس زعلتني بحكاية الطرحه والنحل دي

يا بت الجزيرةقصة المظاهرات دي زكرتني نكتة قديمةوقت كنا اطفال
ولد يموت في المظاهرات ابوه اصر عليه يبطلها ويلتزم شوية الولد سمع كلام ابوه وبقي مداوم في المسجد يوم الامام اتاخر وقدموا الجماعة الولد بتاع المظاهرات صاحبنا بيقرا في سورة الفاتحة وصل لحدي ولا الضالين الجماعة بوراه قالوا آآآآآآآآآمين صحبك ما صدق مسك عمتو في يدو وبدا يهتف في نص الصلاة ولا الضالين والجماعة امين ولا الضالين امين
ربما يكثر علي الاعداء زي ما قال ليك الملا عمر في القصة الفوق ديك تعمل اي حاجة الناس ما بتريح عشان كدا الجمل ماشي والكلب ينبح
اما حكاية الطرحة دي والله صاح بس انت ما بتشوفيها عارفة ليه ؟

قرجة يا شرير - طبعا من كل حد وثقافته

أنا حا أعلق على تكس راجع ، وقصة شكل اليومين دي

واحد زميلنا وصديق عزيز ، كان في امان الله سايق عربيتو في شوارع إحدى العواصم حينما شعر زميله في الشارع (مواطن تلك الديار) أن صديقنا يعاكسه ، فأشر ليه عشان يقيف .. قام صاحبنا وقف فما كان من ذلك الزميل (المواطن) إلا أن خلع نعاله وجاء ليضرب بها صاحبنا .. ففتح صاحبنا زجاج العربية وقال لذلك الزميل (المواطن) داير تضربني بي دي؟ فأشر الزميل المواطن أن نعم .. فقال له : طيب اضرب .. فما كان من ذلك الزميل المواطن إلا أن أعاد نعاله إلى رجله وامتطى سيارته و... قام سداري .

أما تكس راجع فحا أسأل عنها أساسي الكان رومانسي واجيك راجع

اهل العوض لووووووول علي الزميل المواطن
وبعدين تكس رجع دي زي ما قالت تماضر حكم النظر ونشن علي اللين مظبوط وفكا الضُراب اها ما بتعرفها برضو

اساسي الشكال جه
يا سلاااااام والله طولنا ما شفنا شكلة في البورد
تعال وريهم كيف تصنع شكلة بمزاج وتطبخها على نار هادية
ولمن تولع تتسحب وتقول ده ما انا هم الشاكلوني
لووووووول
مرحب بك في البورد مجددا

في سؤال محيرني لناس البورد القدام
الزول ده بالجد كان اسمه رومانسي؟


تحياتي زولة123

الزولة123

الزول دة كان رومانسى وكان اسمو رومانسى

اتعلم المشاكل وسمى رحو اساسى

هو نجم ومبدع واى حاجة لكن ما بستحمل الا يعمل مشاكل

ما تراكا اهو قنطر ليك بلية وحكمها نظر والناس جوا بى ضراباتهم وجوك

مشكلتك شنو؟؟؟؟

وانا جنى وجن المشاكل المفتعلة تحت اسم المبدعين والشللية

البورد دة ساحة رحبة

فى ناس كتيرين ما عندهم اسماء حقيقية ونحن ما عارفنهم منو
اثبتوا انهم جديدرين بالانتباه وبقولوا كلام من ماس
وبجبروا الناس على الحوار والمساءلة

المشكلة ما مشكلة منو؟؟؟؟ المشكلة بتكتب شنو؟؟؟؟ واى كتابة جميلة ما بتقع واطة

والتعليق على الكلام مرات بضرو
ومرات بنفعو

فما تتعاملوا بامشاحنات دى لانها ما بتودى لى قدام

المنبر ازدحم بالمشاركين لانو ساحة ديمقراطية وعندها قراء ومعجبين ، خلى يكون هدفنا الاساسى هو النشر والمشاركة والمساهمة القيمة لكن منو كتب لى منو ومنو رد على منو ومنو صهين من منو ، دى انصرافية بتضر بالمنتدى وما بتديه قوة الدفع اللازمة البتخليهو يكون مثمر

انت يا اساسى لما اصلك بتحلل المنتدى
ما تعمل مشاريع تحليلية اكتر فايدة وتجمع الناس فى مواضيعهم دى عشان افكارهم تتحول لى نتايج وحاجات عملية

بدل ما تبكى على الاطلال


ما تزعلونا معاكم من الصباح

الليلة عيد شم النسيم والنسيم عليل لى درجة انه درجة الحرارة عشرين ، نحن ربيع ما عندنا مع الناس

قبل يومين درجة الحررة كانت تمانين فى الضهر المغرب بقت اتنين وعشرين

تقول لى النسيم؟؟؟؟

ما تجننونا برانا زهاجى

تماضر
انت مصنفة في خانة مبدعة اذن انت غير معنية بحوار النحل والضهب دي مشاكل عائلية الدخلك فيها شنو ما لووووووووول
ضحك في تعليقك
سمي روحو اساسي
اكون ضبحت في السماية اسد ولا شنو عشان المشاكل
بعدين عجبتني لغة حوارك معاي جدا زكرتيني لم الاستاذ يخت ليهو ولد مشاغب في الواطة ويفهموا واحدة واحدة بلغة سهلة
بعدين الله لا جاب مشاكل لا باسم الشللية ولا باسمكم انتو
انا بقول في وجهة نظري بكل امانة واحدين الكلام حرقهم وشافوهو مشاكل انا اقعد اقول وجهة نظري واربيهم يعني ولا شنو
بعدين بيني وبينك مافي حاجة بتكون عملية وملموسة في البورد دا لينا سنتين بي الطريقة دي كله كلام ساكت يوم واحد سمعتي كلام كتل ليهو زول
زي ما واحدين راجين البورد دا يقلب ليهم الحكومة والله ما يقلب ليهم المخضوب فوق للكاحل
بعدين زنبي انا شنو بالحر بتاع نشرة جوية يا بعيد

زولا 123
يعني ما بتتزكريني الا بالمشاكل طيب الكلان رومانسي دا منو
بالمناسبة يازولا انا عندي اكثر من 1400بوست باسم رومانسي كلها ما شفتيها عاملة فيها جديدة خالص
بالمناسبة النكتة بتاعة الشفع الاماراتين (علوج)هي المزعلة بكري مني
تعرفي كيف اسالي يازول

أساسسي يا شكال
سجمي ده كنت انت رومانسي بالجد؟؟
بركة القلتا لي, كنت عديل كدة اعجبت بيك لووول

اها وعلى قولة عادل امام : وده من ايه ده
القلبك ما رومانسي شنو؟

دقيقة انت قصدك نكتتي ولا حاجة تانية وبكري زعلان منها ليه
سريع عشان انا باتعب من المعلومات الما تامة

يا ود الجعلي
قالوا ود عزة رجع بشاكوش ارض ارض, تصدق حتى بنات البشمرقة شوكشوه
والناس المشى يفتشهم زاااتهم ما لقاهم , حرد حردة مدنكلة واخد تكسي ورجع
الزول ده حنني عديل كدة, يا ربي ما يلقى ليه بت حلال تريحنا من حرداته دي


تحياتي
زولة123

لووول يا تماضر... دي زهجة من النوع أبو كديس
أحسن الواحد ياخد ساتر يمكن تجيب ليها فليق

أضم صوتي لتماضر يا أساسي و بامكانك أن تصنف ذلك كنوع من التضهب و التلصق و التسلبط بالمشاهير.. لكن كلامها صاح و الدليل ألولو.... أنظر حولك: بت قضيم، شيري، أبو حراز، بامسيكا، شيبه، انتهازي، الرحمابي، ود شاموق، أساسي و غيرهم .....

بوستاتهم بتلقى تجاوب أكتر من بوستات المشاهير

و لك كل الود

ياسر محجوب
كان ما تماضر جات علقت هنا ما كان سمعنا صوتك
يا نحل
لوووووووووول

UP

أساسي
متفق معاك ،وذات دبرسة وزهج من عدم تناول بعض البوستات بما تستحق من عناية،ومتابعة حتى يتحقق الهدف {الأساسي}منها،عمدت إلى تصنيف البوستات على حسب الموضوع ووفقآ للكاتب ،مع إحصاء عدد الداخلين لللإطلاع،والمساهمين بالردود ، ومع تمييزي بين البوستات الجادة والهادفة،،وبوستات المتعة والإبداع،والتي لها دورها المطلوب،،لكني لن اكتم دهشتي لردود الفعل لموضوع كتبه النضيف عن ابوذر الغفاري ،رغم اهميته ولكونه يصب في مجرى حملة ،موقف عام ضد التعذيب،وتغييب مخالي الراي او مناهضي السلطة الدمار وبالراي والوسائل السمية،سواء كان هذا التغييب باعلى صوره {القتل} حتى ادنى صوره بحجب الراي الآخر وعدم السماح بالتعبير عنه،حتى ولو بالمقال،،هذا الموضوع أطلع عليه285 وكتب فيه 16 شخص فقط،،تلمست ان هناك رأي عام في المنبر ضد التعذيب،لكن لماذا لم ينعكس ذلكعلى حجم الإطلاع والردود،،مع ان بوست{رايكم شنو،لبكري ابوبكر ،على سبيل المثال،إطلعوا عليه خلال يومين فقط 1098،وساهم بالنقاش 103،،بوست
ابذر وصل المشاركين 16 فقط في خلال شهر تقريبآ ومع الدفع به للأعلى
أعرف التفاوت في قدرات الناس على عرض وصياغة الموضوع،واثر ذلك،وكذلك اعرف التفاوت والإختلاف في أمزجة الناس،بالطبع، لكن ما لا اهمه التقاعس عن التعاطي مع موضوع /قضية،غلى الدرجة التي ذكرتها إحصاءآ
عفوآ ىساسي فقد إكتشفتك يا دوب وحتمآ سوف أراجع مساهماتك السابقة،،وبالتأكيد القادمة

ابو ساندرا
ياهو زاتو الانا قاصده
بس ما بعرف اقول كلام زي حقك دا

ابو الزفت
شغال في بنشر
لووووووول
العفريتة ما عندك

اساسي
العالم ساكت سنين وجات فكة اخره فى البوست ده
ياقرشو والله ضحكتنى

الحبيب اساسى الشامينى بهديك هذه الاغنية بمناسبة العودة

1:_ أساسي
فات على ان اوصيك خيرآ بالجاك مدردق ده ،وكان في واحد بفتش على نبله يا ربي لقاها؟

2:- بكري ابوبكر

1- ممكن تهديها لي انا كمان
2- أتسأل عن مصير وردتي الحمراء العاجباني، والتي إختفت في ظروف مريبة،،يرجى مراجعة بوستك {حركة تحرير السودان/فرع كندا }

شباب مشغوووووووووووووووووول
بجيكم صادي بكرة

[email protected]

والله يا اساسى انت ختير ومبدع حتى فى شكلاتك لكن عندى سعال ليك الشعار حق حلاوة حب دا جبتو من وين بالمناسبة ياعذابة انا قاصد حب يعنى الحاء مفتوحة ما
مضمومه برانا زهجانين وما ناصين مشاكل
انت مسعول من الخير عندك خبر ود عزة جاء من بغداد والله
لسه سمعتا لى كلام تحت تحت قالو شغال مع مفتشين اليونايتد
نيشن لكن الكلام دا بينى وبينك

اساسى قول رايك

لكن الشحمة والنار دى نحلها كيف؟؟؟؟

تماضر
راي بقولو وما بتلفت

يا الشحمة تطفي النار ولا النار تسوح الشحمة

والفار يناسب ليهو كديسة

اهليييييييييين ود الجعلي
والله حلاوة حب دا جازفتو من موقع قوقل الله يبارك فيهم
ديلك كان قحيت بجيبوا ليك الموقع
ود عزة سمعنا انه مجكس واحدة من الباشمرقة عشان كدا مشي العراق
بس ما تكلم زول

سلام مربع

اول الحكي

ليه نلوم عصفور حنين
مره تلقاهو بغني
مره في وادي المحنه
طاويي حريته في جناحو
عمرو ماملا الرواح

الغناء النور الجيلاني
_________________


ايه رايك يااساس انا عايزه
اكون اتجاه فكري براااي
كده ، وماتقوم تنط لي هسع
في الكفر
وزي مابتقول العصابة في بيتنا
تكتح لينا الشاشه
عشان كده يااساسي

خت الكوره واطه ، وبلاش تكتح شاشتي انا
شاشة الناس التانيين مامسعوله منها
والله احرش البواليص البختوا في راسهم انصاص البطيخ ديلك
وانت عارفهم . شكلك كده من الناس الكانوا
بعملوا المظاهرات ايام الجامعة

هاهاهاهاهااهااه

امازحك ايها الشكال
ماتقوم تدورها معاااي انا ماقدرك ولا لحم سدرك

وبالله خت الكوره واااطه

البت النضامة شيري
اتجاه فكري مرة واحدة
ودا اشارته بعملوها كيف ناس المرور
عليك الله اعملي فيهو عبور مشاه
معاي اخوي في البيت لقاني طابع بوستات ولسؤ الحظ فيها بوست ليك
قام قال لي اطبع لي كم بوست من حقات شيري
قلت ليهو ما لقيت الا بوستات النضامة دي ثلاثة بوستات كملن كرتونةورق عشان كدا قلت لسؤ الحظ ناس الشغل قطعوا معاي
وبرضو تقولي لي ما تشاكلني
اصبري بس اعمل يو تيرن

بكري سيد الكورة ازيك يا كبيرنا
منو القال ليك زعلان منك انت ما خليت سماع الشمار دا لسع
عليك الله انت بزعلوك ولا بزعلوا منك
كان شلت كورتك وقلت ما داير
الناس ديل يلقو الدافوري دا وين تاني
وشكرا يا عسل للاغنية
بس بصراحة فرفور دا صوته زي السخيل
كان تجيب لي خضر بشير عليك الله

كولا الشفيف
وين انت
العالم دايرين حلاوة وخايفين من النار
راجين زول يفتح ليهم النيران بس

اساسى لك التحيه
انا عودى راكب
ودعقاب

شنو ليك يا ود عقاب

اسوسى
ازيك

عارف يااسوسى دى على وزن سمورى
الغربية سمورى اختفى من البوست

احتمال يكون اسم الدلع ماعجبو
اكان دة السبب عليك الله غيرو ليه

او احتمال تكون سميت بدنو بكلامك
اها اكان ده السبب خليك حنين عليه


عارف يا اسوسى انا عفرت البوست
ده ليه
لا قول انت


كان ردت بجيك صادى

اخوك زفوتى

ضككككككككككككككككج
دى الترجمة حقت
لوووووووووووووووول

اها يا زفوتي
عارفك عفرتو لشنو
بتعرف ناس المديدة حرقتني يا زفوتي
عليك الله ارفع دا برضو
داير لي نبلة افك بيها سامر ابراهيم

كذبا كاذب

انا عفرت البوست علشان

جد جد عجبنى دلعك لى سمورى

ابو جهل يا اساسي....

للاسف للان لم اقرأ لك طرحا واحدا ....يتكلم عن مشاكل السودان ....وهذا لاحد السببين...اما انك مفلس ...او جاهل....الشي الثاني للاسف دايما تلجأ الي اسلوب النبذ الشوارعي وهذا يدل علي انك ...متربي علي الرزيله او الشارع....

بعدين انت لو الكفيل بتاعك مسكك وانت بتستعمل كمبيوتر العمل وتضيع وقت العمل...بيرحلك.....لانو الخمج ده في السودان ما هنا....بيعمل ليك خروج بدون عوده وحا ترجع لشجر النيم وضل الضحي.....

واها...ورينا اللسان الشوارعي....

المفروف في امثالك ايها الجيفة ان يعلم جيدا من تربي علي الرزيلة فالذي يبيعها ادري بتربية يديه لذا انت محتار
اما عن الطرح فقد تركته لامثالك الذين يبدعون في اتحافنا بتعقيد ماهو معقد اصلا
ولما توصف الخمج بانه في السودان لانك متاكد من ما تفعله حكومتك بانه خمج ومسخرة فانت تمثل به
ايها القيح المتعفن ما اجمل ان اعود الي السودان تحت اشجار نيمه وظل ضحاه ولكن تاكد حينها انك ستكون لاعقا لحزائي اثناء استرخائي علي ظلال النيم فمن تعود ان يكون راسه بين الاحزية لابد له ان لا يغادرها

يا رومانسي البقى بتاع مشاكل

أعترض بشدة و أشجب وصفك لي بأنني نحل، فأنا بحسب تصنيفك مفروض أكون ضهب..

نرجو مراعاة الضبط المصطلحي

اساسي
هسع انتا هجتا في المطبلاتية والشيالين في البورد.... وقام البورد دا كلو جاك هنا وشبكك
وين يا اساسي ..وما عارف اساسي الختر ووينك يا راجل من زمان وما عارف اساسي الشكال وانحنا معاك بنرى ما ترى ولا ناسف لما ترى ...
تخيل انا ومعاي اربعة مطبلاتية - واحد منهم واحدة بي طرحة في الكتف- اتحيرنا وقلنا (طيب اساسي دا قاصد منو كان الامة دي كلها جات هنا واتحكحكت)..
بعد شوية عاينا لي بعض كدااااااا....وقلنا معقولة ود الذين يكون قصدو كدا ...
*********************************

ياخي خليك واضح للنهاية ....قول انا قاصدكم الاربعة ومعاكم الموصلي ..
سامر ابراهيم المسكين دا القدرتا عليهو


انتا
عينك في الفيل .... بقد الدلو

اساسى

ديل انتو بتقولو كده .. نحن نعمل شنو

عليك امان الله نزلت لى بوست ..خلال يومين

لقيتو ليك ماشى على الصفحة العاشرة عديييل

كان ما لحقتو براى .. كان يكون مشى بورد تانى هسى

الله يدينا ويديك الصبر

سلام يا اساسى يا رومانسى

سين سؤال

ام در دى وين ومتين كتبت عن : هل رأيت الجنة

الله يجعلنا من مستحقيها , وكله بمشئته

ياسر محجوب
دكين
ارتيقا
ام در
البوست دا والله اخد اكتر من حقو
انا زاتي ما داير اكتب فيهو تاني
ودا اخر كلام لي فيهو
ياسر انت ماشة فيك الوصفتين فانت نحل مضهب ويجوز اطلاق كليهما عليك
لوووول
دكين
يازول والله انا ما متابع بوستاتك لا انت ولا الاربعة المعاك
ارتيقا
ياهو دا الحال نسوي شنو بس
ام در
جيم جواب
اسمك سقط سهوا واظني قبل الدخول للبوست كنت اقرا لك لذا تشابه علي لك العتبي حتي ترضي
الكاتبة هي روعة
هل رأيت الجنة ؟؟
هل رأيت الجنة ؟؟
وختاما استغفر الله العظيم واتوب اليه واستغفروه انه كان غفورا رحيما

الاخ اساسي اعجبتني جدا اغلب الردود التي حوها هذا البوست ولكن الاخ سمير على ما اعتقد ان لديه قضية يريد نشرها باي وسيلة وطريقة ووجد في هذا المنبر ضالته ان لم اقل هدفه بوجود كتاب ومفكرين وفنانين يريد ان يطرح عليهم افكاره او افكار من يدافع عنهم وبالتالي هو يبحث عن قضية حتى ولو لم تكن هنالك قضية واغلب البوستات التي يكتبها او يرد عليها تنحو في هذا المنحى وما سؤال الاخ صفر له في احدى بوستاته عن من هو ومن هم الا دليل على ذلك
....
...
..
.
انت يااساسي انت المنبر طول من المشاكل كدا مالو ولكن اشم رائحة شكلة قريبة والحجازين قاعدين