بيان من الادارة لتوضيح ملابسات الاحداث في البورد

لسؤ الحظ مافي ادارة
طالبنا اكثر من مرة باجراء الانتخابات الجديدة
وذلك للاسباب الاتية:-
اولا/ الحاصل الايام دي ما كفاية براهو
ثانيا/معظم اعضاء الادارة مافيشين
ثالثا/حتي لو كانو كلهم قاعدين ما بكفوا
رابعا/زيادة نسبة المعارك بين الاعضاء بصورة ضارية
خامسا / البورد بدخلوهو الشفع وخالة حبيب بلدو زي ما قال مافي داعي يشوفوا اسقاطانكم دي وحتي انا زاتي مافي داعي اشوفها لسع صغير وجاهل
سادسا/الاعضاء بقو كتاااااار وفيهم الكويس والداير ليهو زول يحرسوا
سابعا/عشان نرشح رئيس جديد للمنبر غير يازول

اخي اساسي
كل المطلوب من الاخوي فقط احترام الطرف الاخر وبس
وبهذه تنحل كل المشاكل

لو في ادارة واحد زي سمير ابراهيم ده يهدد

ويفصل كمان

كان ما هاملة

حلها قوة إحتلال.....أم قصر البوست سقطت لووول
المشكلة ما اظن فى الادارة...ولو كان فى ادارة من مية عضو ...ما اظن تنجح فى ايقاف الحاصل ده..ونحن جربنا..كتير ...لكن رغم انى أنادى بالهدوء والصفح والود فبصراحة...فى ناس جدد فى البورد كتروها شوية..ومسخوها كمان..ديل بقو ديك عدة.خلاص

تحياتى
ودعزة

يا ود عزة
مالك علي الجداد والله الجداد شداد لكن المشكلة في الشجر الكبار الفيهو الثمر بقي يرمي شوك
لووووووووووول

الاخ ود العمدة
ان فعلها سموري ولا اظن ان الشبه بعيدة عنه فلن يكون اتي بجديد فهو صنيعة وربيب نظام من ابجدياته مثل هذه الافعال

الاخ ابو فاطمة
بصراحة احترم وجهة نظرك ولكن متي وصلنا الي درجة المدينة الفاضلة
لم نصل لهذا بعد هناك الكثير الذي لا يحترم نفسه دعك من احترام الغير لذا اخي وبما ان هذا العالم سايبيري والدخول اليه دوما خفاء لا اسم ولا عنوان لذا اخي نحتاج الي من ينظم عالمنا فالاصابع كلها لا تتشابه

حسبى الله ونعم الوكيل

صحيت لمن هبشناك
نوم العوافي يا ريس

1- بصراحة انا ما عارف الموضوع/المشكلة شنو عشان كده بعتذر على الرد ،إذا لم يلامس الموضوع،،يعني لو ركبت غلط،أو باص سيرة،على حسب تعبيرنا زمان،نزلوني،،وأظن التعبير المتوافق مع تطورات العصر ،هو إني خارج الشبكة كناية عن عدم الدراية بالموضوع،ف معذرة
2- مبررات العسكر لإغتيال الديمقراطية ،غنها فوضى ،أو ان جرعة الديمقراطية اكبر ،او أن ديمقراطية وستمنستر،لا تناسبنا،او ان البلد محتاجة لضبط وربط ،وتلب ينطوا الجماعة
3- يا جماعة الحاصل في المنبر ده تمرين لكيفية ممارسة الديمقراطية ،والصبر على قوانينها،حول فرضية الخطأ والصواب في الرأي وإحتماله ،والناس هي التميز وهي اللي تختار ،طبعآ بعد إستعادتها
علينا ان نبرهن على كوننا ديمقراطيون بإتاحة الفرصة لكل الآراء ،وإحترام حق الآخرين في الراي مهما كان إختلافنا نعهم او مع رليهم للدقة ،،عفوآ ،نعم هذه ابجديات ،ولكن أرى ضيق بعض الإخوة بالرأي الآخر
من حق سمير ان يطرح رأيه ومن حقنا الإختلاف معه ودحض رايه وتفنيد حججه خاصة وان آراء سلطته تجاوزت النظري ووضعت في المحك العملي،،لقد إختبرناهم والنتيجة سقوط مريع
حججه ،خاصة وانه لايدافع عن مسألة نظرية بل عن ممارسات عملية لسلطة لحست كل تنظيرهاعن

تنبيه مطلوب

حدث تداخل اثناء الطباعة لن يفوت على فطنتكم وملاحظتكم الدقيقة،واثق في قدرتكم على يرتيب السطور،

ونواصل

المنبر واحة ديمقراطية،وشأنه شأن ديقراطيتنا ،يحتاج لوقت حتى تترسخ قيم الديمقراطية وينحسر الفلتان والضيق ،يعني بالدارجي ،لو صبر العسكر المتربصين ،واتيحت للديمقراطية فرصة دورتين برلمانيتين او ثلاث لنجحت الديمقراطية في معالجة ما يبدو من سلبيات وبالممارسة
فيا أيها الجنرال أساسي،أجل إنقلابك ده دورتين ،وحا تكتشف ان لا حاجة له
ناس الاقتصاد عندهم حاجة كده ،،العملة الاولى بتطرد العملة التانية الما كويسة

لنضع دائما الوطن نصب اعيننا

الأخــوان أســاسـي و البقية ســــــلااااام

و الله كــلامكم كــويـس و شـايف الغالبية عندها الإستعداد لي عمل شئ أو على الأقل

بتنادي علشان الناس تعمل شئ و دي في حد ذاتها فـرصـة يجب إستثمارها و كـل الناس

شافت اللي كان حاصل في الأيام اللي فاتت علشان كـدا أحـسـن نستفيد من السلبيات دي

قبل ما الناس تنسى أو تتناسى .


بضـم صوتي ليكم علشان الناس تعمل شئ و إكون فيهو فايدة للجميع و نقدر نحافظ على

البيت اللي بنتلم فيه كلنا بعد عناء العمل أو الدراسة أو اللي بنرتاح فيه نحن

بعد المعاناة اللي بنواجها في الغربة .



و يا أساسي قلت لي الشجر الكبار اللي برمي الشوك ؟؟؟ ياخي الناس بقولوا فيه الصمغ

إنت عملتو شـــوكـ .


ســــلااااااااام