Post: #1
Title: ركوب العجلة ما بتنسي
Author: اساسي
Date: 05-03-2003, 08:50 AM
Parent: #0
بعد ان سجلت باسم هناي داك وصلني اكثر من عيييييييق ماسنجر كلهم قالوا لي اتعودنا عليك باسم اساسي وكمان اسمك الاخترته دا ما اسم لايق ما عارفو اسم ولا بدلة غايتو السماية زاتها قطعتوها لينا في راسنا الضلع لسع ما كملناهو والشاي لسع ما اتوزع الشفع اتلموا وعملو لينا زفة بالاسم الجديد علي العموم ياهو اساسي لكن خموا وصروا تاني والزارعها الله في الظلط بتقوم
طبعا في ناس حيبدوا النقنقة الان اساسي دا منو هو زاتو كل يوم طالع لينا باسم جديد وعامل نفسه الكوم بي قرش لكن دقوا راسكم في الحيطة في زول دافع قرش هنا ما كلكم بتكتبوا اي كلام عاجبكم في زول قال ليكم بغم قبل كدا
تعرفوا اجمل حاجة في الموضوع اني عرفت الناس دس كلها هاوية المشاكل لكن ما قادرين يشيلوا وش القباحة ودايرين زول بس يقول بسم الله وكلهم يجوا دافرين لكن ما عندكم مشكلة في ناس طالعين للربا والتلاف ومحل الرهيفة التنقد
بكري زاتو ربنا يجزاهو خير سامعوا بطنطن شنو يا حبيب كل يوم انت داير لي اسم جديد انت قاسم معاي المنبر دا بالنص تاني تفتح لي الموضوع دا بدق ليك خروج ناهئ طبعا ما قال كدا الا في سره طبعا
علي العموم بيني وبينكم انا زاتي اتعلقت بي اساسي دا بس المشكلة بقي يجر لي مشاكل مع ناس كتار
|
Post: #2
Title: Re: ركوب العجلة ما بتنسي
Author: أبوالزفت
Date: 05-03-2003, 08:58 AM
Parent: #1
يا زول بلا هناى بلا بتاع اساسى ده كويس ومسجل علهو علامة جودتك غايتو ي اساسى لو انت من امدرمان يا من بيت المال او العباسية زفوتتى من العرضة
|
Post: #3
Title: Re: ركوب العجلة ما بتنسي
Author: shiry
Date: 05-03-2003, 09:10 AM
Parent: #2
ٍسلام مربع
اساسي
الكان هنادي داك
وحات نظري خفت ساكت منك .. كتبت ليك كلام كتير
ومسحتوا
قت الزول الشكال دا يقوم
هسع يخرمجها معااااي
لكن اهوندا شايلا مفكي
والزرديه معااااي
اصلي الايام دي بتعلم في كيف تتكلم الالمانيه في ثلاثة ايام
ود اليوم العاشر ولسعه ماعرفت كيف بركبوا جملتين مع بعض
عشان كده شلته عدة النجارة معاااي
لكن قت كده الكاتل الله
انت قول انك ماقدرت تعيش في البورد من غير مشاكل
ماتقول الاسم ماعجبني
مالو اسمك ياود امي سمح وهادي وواسم اشاره عجب
هناي داااك
رغم اشارته الغيااااظه
لكن برضو احسن من اساسي الشكال
لكن نقول شنو .. رحم الله حبوبتي اذ ظلت تقولي لي في اضاني ومن غير اضاني ..
الخلا عادتو قلل سعادتو
بالله يااساسي لو سمحت عندكم شوية اسم من غير اسم اشاره
اصلي ناويه اغير اسمي في (قفلة) المولد الجاي دا
|
Post: #7
Title: Re: ركوب العجلة ما بتنسي
Author: اساسي
Date: 05-03-2003, 09:49 AM
Parent: #3
البت النضامة مكنة السنجر
شيري
اولا حمد لله علي سلامتي تعرفي انا قلت لي ربنسون البت دي من دعت علينا وشكتنا لي الله اصبحنا زكريات تكون بت شيوخ ولا شنو
بالنسبة للاسم
تعرفي اكتر اسم ماشي معاك شنو
امجاد
لانها بتمسح المحطات كلها بسرعة خيالية
ربنا يقدرنا علي شكلك قولي امين
|
Post: #25
Title: Re: ركوب العجلة ما بتنسي
Author: EXORCIST7
Date: 05-06-2003, 11:04 AM
Parent: #3
أساسى....أساسى
|
Post: #5
Title: Re: ركوب العجلة ما بتنسي
Author: اساسي
Date: 05-03-2003, 09:28 AM
Parent: #2
زفوتي
والله هناي داك اسم عجيب زاتو بعدين الجماعة رفضوا يدوني الماركة المسجلة قالوا مافي اسم محدد
يازول واله ام درمان ما بنرفضها لكن انا من اسد البراري بري السم الهاري بري بالروح نفديها بري بالدم نحميها بري
|
Post: #4
Title: Re: ركوب العجلة ما بتنسي
Author: JAD
Date: 05-03-2003, 09:17 AM
Parent: #1
عزيزي أساسي .. التحية لك .. وللعناوين العميقة ..
تحياتي ..
أخوك .. جأد
|
Post: #6
Title: Re: ركوب العجلة ما بتنسي
Author: ايهاب
Date: 05-03-2003, 09:47 AM
رايك شنو ترجع لي رومانسي
|
Post: #9
Title: Re: ركوب العجلة ما بتنسي
Author: اساسي
Date: 05-03-2003, 10:04 AM
Parent: #6
ايهاب
بالطريقة دي حترجعوني الروضة
وزي ما بتقول
الدهر انقلب وشفنا الماسي دغوري
الزمن الردي مبدعنا اصبح سموري
|
Post: #8
Title: Re: ركوب العجلة ما بتنسي
Author: اساسي
Date: 05-03-2003, 09:54 AM
الاخ جاد
ولك التحية مطوقة بباقات من الود
تعرف العناوين دي كلها كوم
وتوقيعك دا كوم
بس كان فتو لي تكون ما قصرت
|
Post: #10
Title: Re: ركوب العجلة ما بتنسي
Author: wadazza
Date: 05-03-2003, 10:24 AM
Parent: #8
أساسى
اتخيلت رد الغائب الحاضر بناديها على بوستك ده على ذكر العجلات والعجلاتية
وين الزول ده؟؟؟؟
تحياتى
ودعزة
|
Post: #11
Title: Re: ركوب العجلة ما بتنسي
Author: اساسي
Date: 05-03-2003, 10:47 AM
Parent: #10
العزيز ود عزة
وبي مما يساورني من الشجن المورق لا يدعني
طبعا محرف البيت علي كيفي
افتقد وبشدة الاخ بناديها
وكما افتقد جميع تعليقاته العميقة
|
Post: #12
Title: Re: ركوب العجلة ما بتنسي
Author: ايهاب
Date: 05-03-2003, 11:37 AM
Parent: #11
الدهر انقلب كسر المرق بتمامه
و الصقر الكبير يزعق خانقه حمامه
و التمساح غرق محتاجلو لي عوامه
|
Post: #13
Title: Re: ركوب العجلة ما بتنسي
Author: HAMZA SULIMAN
Date: 05-03-2003, 11:41 AM
Parent: #11
اساااااااااااااااسسسى
ركز يا حبيب
كدى بتشتت المعجبين
|
Post: #14
Title: Re: ركوب العجلة ما بتنسي
Author: اساسي
Date: 05-03-2003, 04:36 PM
Parent: #13
انا مركز يا حمزة
بس ركزوا معاي
|
Post: #15
Title: Re: ركوب العجلة ما بتنسي
Author: ebrahim_ali
Date: 05-03-2003, 05:07 PM
Parent: #14
ياخي أنت جننتا معاك يوم هناي داك ويوم رومانسي ويوم اساسي أركز ليك على حاجة بدل التشتت بتاعك دا ونحن زاتو بعد كده ما عارفينا نقول ليك منو والسماية طلعت بيش ولا شنو
|
Post: #16
Title: Re: ركوب العجلة ما بتنسي
Author: اساسي
Date: 05-03-2003, 05:25 PM
Parent: #15
يا ابراهيم علي
انت بتقرا اسمي ولا بتقرا بوستاتي
خليك من الاسم وعليك بالمضمون كان فيها مضمون زاتو
بعدين السماية انت ضابح فيها خروف
يازول علي كيفي في زول بدفع لي ماهية
انا ما عارفك زعلان ولا بتهاظر غايتو
كان بتهاظر انا زاتي بهاظر وكان جادي انا زاتي احطياطا جادي
لكن شكلك جادي وفي النهاية حليتها شوية
غايتو يا ابراهيم كل الخيارات معاك
|
Post: #17
Title: Re: ركوب العجلة ما بتنسي
Author: ايهاب
Date: 05-03-2003, 05:44 PM
Parent: #16
ههههههههههههههههه
اساسي يا حبه شنو
كلو و لا بورداب الدوحه ديل
ابراهيم دا راجل ملك عديل
هسه مالك انت
تعرف انا ما اعتقد انو ابراهيم دا ممكن يزعل ولا يتنرفز ولا يشاكل
ما شاء الله
زول حبوب شديد
روق المنقه شويه
و بعدين انا اقترحتا عليك تعرس
بعد داك اكيد بترجع زي زمان
|
Post: #18
Title: Re: ركوب العجلة ما بتنسي
Author: اساسي
Date: 05-03-2003, 06:01 PM
Parent: #17
والله يا ايهاب عاوز ارفع ضغطه بس الراجل حبيبنا من زمان
بس هاوبت ليهو
لوووووووووول
عندنا كم ابراهيم علي ما واحد قاشرين بيهو
بالنسبة للعرس والله يا ايهاب مافي عروس
واخوك جاهز
ما عندك عروس اتاتش منت
|
Post: #19
Title: Re: ركوب العجلة ما بتنسي
Author: ABUHUSSEIN
Date: 05-03-2003, 06:53 PM
Parent: #1
أسـاسي ســــــــلاااااااااام
يا خـوي و الله غلبك البتسوي
أول تبادي عنوان البوست دا مثل و معروف المناسبة البقولوها فيه@لووووووووووول
تاني حاجة شـنـو الناس باركو ليك الإسم و قالو السماية جريت واطي مالك
ما عندك حق السماية و لا شنو ؟؟؟ الأخوان ممكن إعملوا ليك كشف الله إكشف حالك
تالتا بقيت تخاف من مكنة السينجر ؟؟؟ ما كنت أسـد و لا ناس ..... دخلوا فيك الخوفة
أسـاسي يا خوي زي ما قلت الإسـم ما مهم لكن مهم المضمون أمسك في دي قوي.
ســــــــلااااااااااام
|
Post: #20
Title: Re: ركوب العجلة ما بتنسي
Author: PLAYER
Date: 05-03-2003, 07:05 PM
Parent: #19
| Quote: انا زاتي اتعلقت بي اساسي دا بس المشكلة بقي يجر لي مشاكل مع ناس كتار |
يا اخيتى
الاسم ما فوقن شيتن يدرن عليك الدواس
|
Post: #21
Title: Re: ركوب العجلة ما بتنسي
Author: ايهاب
Date: 05-03-2003, 11:11 PM
Parent: #20
خلاص يا اساسي
شوف دي كيف معاك
بس لازم تستناها تكمل قرايتا
خلاص ما تزعل
شوف دي كيف معاك
|
Post: #22
Title: Re: ركوب العجلة ما بتنسي
Author: SAMIR IBRAHIM
Date: 05-05-2003, 00:21 AM
Parent: #1
العزيز اساسي..
اها يا سيدي زرناك في بوستك....وليك مني مليون بوسه....عشان انا وانت دايما بنتشاكل........لكن بصراحه بوستك ده ذكرني ذكريات جميله ومدرسة ابو كدوك والمرحوم الناظر حاج بلول ربنا يرحمه ويغفر ليهو وينزلوا منزلة الصديقين ........لقد كان لا يهومي الا الباميه والطماطم التي ازرعها........انا....
عموما عارفك زعلان مني بس رسل لي اللينك بتاع الاغنيه دي بعدين واصل زعلاك وشكرا
|
Post: #23
Title: Re: ركوب العجلة ما بتنسي
Author: ebrahim_ali
Date: 05-05-2003, 04:41 PM
Parent: #22
اساسي الكان رومانسي ومش قلب لهناي داك وتاني جاءنا راجع لاساسي لك التحية ياغالي ولايهاب الف سلام
شكرا ليك ياعزيزي انك قاشرين بنا بس ما وريتنا كيف وبمناسبة القشرة دي ذكرتنا ايام زمان ياريت ترجع لينا تاني
فالواحد لمن يكون قاشر ليك وآخر شياكة ويكون عندو موعد مع الفردة ويمشي ليك على القاعة ولا حدائق ستة ابريل فالجماعة يلاقوك تاني يوم يقولو ليك لقناك قاشر بالفردة ياحليل ايام الواحد كان هناك عايش هناك خليك بس هناك ياهناي داك
لووووووووووووووووول
|
Post: #24
Title: Re: ركوب العجلة ما بتنسي
Author: قرشـــو
Date: 05-06-2003, 09:34 AM
Parent: #23
باختصار يعنى بلغة الشماشة انك عاوز تدق ياي
هااااى يكة
يا صاحبى اهلنا قالوا زمان اقعد حول ما تقوم بى خاطر زول وكان يستهوينا هذا المثل لكى نبرك بركة واحدة يعنى تمشى لناس فى الاجازة لقضاء يومين تقوم تقعد شهر عشان الخواطر ..
شفت كيف انا بلقى ليك الاعذار تأصيلا على امثالنا القديمة ..
وجبر الخواطر والله مطلوب
لك تحياتى
|
Post: #26
Title: Re: ركوب العجلة ما بتنسي
Author: EXORCIST7
Date: 05-06-2003, 11:09 AM
Parent: #1
الأخ أساسى الأساسى
حقيقة لقد تعودت على أسم أساسى...فهو أسم سلس خفيف على اللسان ويريح الجنان ويعجب الحسان ولكن أحيانا يعقد اللسان
فيحيئذ نشير إليك بالبنان
فأبقى عليه وسبح بأسم ربك المنان
|
|