Post: #1
Title: مساطيل
Author: اساسي
Date: 09-18-2002, 08:10 AM
Parent: #0
مسطول عملوا معاه لقاء فى التلفزيون
"المذيع سأله:" ماهو أصعب موقف مرّ بيك فى حياتك ؟
المسطول قال ليه:" يوم ما كنت بحلق فى دقنى
".. و بلوك لى فى لبانة
*********
تلاته مساطيل راكبين في طيارة هليكوبتر بسطلوا والطيارة في الجو
قاموا قالوا لي واحد منهم يمشي يجيب ليهم سجارة حمرا من الدكان
زولنا قام وعلي حسب السطلة الفيه مرق بي واحد من ابواب الطيارة
لحسن حظو لاقتو ليك مروحة الطيارة وخمشتو من لياقة القميص
صاحبنا بقى معلق والمروحة لافه
الجماعة بي جوة انتبهو للموقف وزولنا لافي مع المروحة
وهم برضو علي حسب سطلتهم شبكو ليك
آآآآآآي أقعد لف لينا كدة لمن تلقى الدكاكين قفلت
*********
كان في واحد مسطول..سايق عربيه وعمل حادث..جو ناس الشمارات
قالوا مالك صادم الشارع طويل وعربض...؟؟
قال ليهم انتو لو ماشين ولقيتو حمار ماشي قدامكم تصدموه ولا تقعوا في الخور؟؟
قالوا:نصدموا..
قام قال:اها انا كنتا ماشي فيا الشارع ولقيت حمارين صدمتا واحد ..والتاني جرى
لحقتوا عشان ا صدموا نزل الخور نزلتا وراه
*********
واحد مسطول عندو 3 شعرات بس والباقي صلعة .. والغريبة أصحابو المسطايل بقولو ليهو أب شعر وهو مصدق الحكاية دي .. مرة عايز يسرح شعرو ، مرر المشط المرة الاولى أنقطعت شعرة من التلاتة ، مرر المشط تاني ، إنقطعت الشعرة التانية ، قام قال: أها خلينا منكوش كدة
*********
واحد مسطول وعندو محل بتاع بلاي ستيشن ، قام ابوهو مات ، كتب على قبره : قيم أوفر
*********
مسطول صلى الفجر ركعة واحدة . ليه ؟؟ لقو خاتي كربون تحت السجادة
********
مسطول ولدو ليهو بنت سألوه عايز تسميها منو ؟ قال : مريم على إسم عمتي فاطمة
********
اتنين مساطيل ، الأول يقول للثاني: تصدق أنك تشبه الحمار.. الثاني: قول ما شاء الله
********
مسطول و كذاب جداً ، راح الحج عشان يتوب ، لما رجع الناس سألو اها شفت شنو !؟ قال : شفت أبوجهل راكب شبح عليه رقم (قريش1
********
واحد مسطول قال لصاحبه .. ارسم على ظهري مربعات .. ورقمها من 1 الى 20 .. لما خلص .. قال ليهو : " حُـك لي المربع رقم 15"
*******
واحد قاعد يسطل مع الشلة والده اتوفى الجماعة إحتارو يكلموه كيف
قام واحد اتبرع ومشى ناداه بعد شوية وكلمه
صاحبك سمع الخبر ورجع لشلته
تانى رسلوا واحد قالوا ليهو ياخى امشى كلمه عشان نستر الجنازة دى
مشى ناداه بعيد وقاليه ياخى والدك دة اتوفى
صاحبك المسطوا قاليه تااااااااااااااانى
*******
اثنين مساطيل مسافرين وقفوا عند محطة نزل واحد منهم وقال لصاحبه :عايز شنو ؟ قالو : أي شي . راح جاب لنفسه عصير ولصاحبه قلم
*******
واحد مسطول لقى شافعة في الشارع سألى :أسمك منو
قالت ليهو : أسماء
قال ليها :يعني ما في أسم معين
*******
مسطول ماشي في الشارع لقى أعلان معلق في عمود كهرباء عن وجود شقه للأيجار قام يدق على العمود
ويدق ويدق ..مر به مسطول تاني وساله يا أخونا بدق في العمود مالك قال ليه المسطول لقيت أعلان عن شقه
وبدق على الجماعه دييل ما عايزين يفتحوا الباب رد عليه المسطول غريبه مع انه طابقهم الفوق منور
*******
مجازفة من موقع النيلين
|
Post: #2
Title: Re: مساطيل
Author: Bakhaf
Date: 09-18-2002, 08:15 AM
Parent: #1
صباحك نور يا مان
ههههههههه
|
Post: #3
Title: Re: مساطيل
Author: اساسي
Date: 09-18-2002, 08:29 AM
Parent: #2
صباحك زين يا بخاف
|
Post: #4
Title: Re: مساطيل
Author: dreams
Date: 09-18-2002, 08:34 AM
Parent: #2
ههههههههه
والله يا اساسى ضحكتنى من الصباح ..كتر خيرك
وهاك دى
مسطول عندو بوكس موقفو غلط فى نص الشارع
العسكرى بكورك له : يا بتاع البوكس ..يا بتاع البكوس
وهو ما شغال به الشغلة
العسكرى مشا للمسطول وهاج فيه : انت انا مش بكورك ليك ..انت بتاع البوكس ده!!؟
المسطول بكل برود رد : لا ..البوكس بتاعى
|
Post: #7
Title: Re: مساطيل
Author: bob
Date: 09-18-2002, 08:40 AM
Parent: #4
قالوا ليك فى مساطسل ثاعدين فى سطوح عماره يازول مدورين ليك الف بعد شويه بقى واحد واحد اتلب من فوق السطوح الى الارض باعتبار الارض دى بحر
يازول كلهم تلبه مافضل اله واحد المهم جاء واحد من ناس الشارع لقى واحد بس فضل فى السطوح فساله يازول مالك تلبته قالوا انا عايز اتلب لكن مشكلتى مابعرف اعوام
ههههههههههه بايخه
بوب
|
Post: #9
Title: Re: مساطيل
Author: اساسي
Date: 09-18-2002, 08:53 AM
Parent: #7
هاهاهاهاهاها وانا اقول بوب دا بيخاف من الموية مالوا
|
Post: #5
Title: Re: مساطيل
Author: shogon
Date: 09-18-2002, 08:38 AM
Parent: #2
شكرا اساسي
نحتاج دوما لنضحك حتى تتجدد فينا الحياه
لك تحياتي
|
Post: #6
Title: Re: مساطيل
Author: اساسي
Date: 09-18-2002, 08:40 AM
Parent: #5
لووووووووووووووووول يا دريمز
دا كان لافي الكرت بي كتاب عربي ولا شنو
تحياتي شجون
|
Post: #8
Title: Re: مساطيل
Author: wadazza
Date: 09-18-2002, 08:46 AM
Parent: #6
أساسى...
مسطول ..سمع خبيط البوليس فى الباب ...عايز يرمى السجارة بالشباك...رمى نفسو...
واحد راسو شايب جدعو بايظ...
واحد عايز ينزل بوست فى البورد نسى التاء...
نزلا وين ؟؟؟
الامام قال للمسطول الواقف فى الصف القدامى استوو وكررها ليه 4 مرات شويه ورا ...شوية قدام..لا ارجع...المسطول زهج قالى ...ياخى انت عايز تصلى واللا تشوت فاول
مزاجك رايق يا أساسى قلنا نزيد فى البياخة شوية...
انا عارف دى ما بتلقى ليها ضحك...LOOOL
jpdhjn
,]u.m
|
Post: #10
Title: Re: مساطيل
Author: cola
Date: 09-18-2002, 08:57 AM
Parent: #1
|
Post: #11
Title: Re: مساطيل
Author: رقم صفر
Date: 09-18-2002, 09:39 AM
Parent: #10
الله يخليك يا اساسي
game over
loooool
|
Post: #12
Title: Re: مساطيل
Author: alsngaq
Date: 09-18-2002, 09:41 AM
Parent: #1
التقى مسطول قصدي مسئول عربي بمسئول اجتبى في بيته وكان المنزل جميل فقال له كيف بنيت هذا المنزل فرد انظر من النافذة هل ترى هذا الكبرى ؟ رد نعم
بكلف 45 مليون قلته بكلف 50 مليون
بعد سنة واحدة فقط زار المسئول الاجنبى المسئول العربي ووجد عنده فيلا وسأله نفس السؤال فرد قائلا
انظر من النافذة هل ترى هذا الكبرى فأجاب لا أرى شيئا
فقال له هذا بكلف 100 مليون
شبيك ابوى لبيك
نحن اولادك ديك
|
Post: #13
Title: Re: مساطيل
Author: ايهاب
Date: 09-18-2002, 10:10 AM
اها هاكم دي والله حقيقيه وحصلت جد جد
في موقف المواصلات في مدني في شحاد اعمى طوالي تلقاهو بيمر على الحافلات و يقول اجر من الله بي كسر الراء
اها يوم في واحد مسطول قاعد مستني الحافله تتملي
اها جاهو الشحاد دا
اها طبعا الشحاد شغال بينادي بي استمرار
اجر من الله
اجر من الله
والمسطول شابكو ليك :تجري منو ويييييييييييييين
|
Post: #14
Title: Re: مساطيل
Author: قرشـــو
Date: 09-18-2002, 10:17 AM
Parent: #13
اساسى الكان رومانسى\
هااااااى يكة على راى اخونا الزعلت منو فلانة
مالك على التاء ما تخليها فى حالها ياخى
ليه دائما ناسنها ورامنها
واحد ما مسطول كل يوم فى العشاء عند بتاع الفول يجى واحد كوز يتعشى بوش وبعد العشاء يقعد يقول فى ادعية منها" اللهم نعمة ادمها واحفظها من الزوال.. اللهم اطعمنا من الجنة .. واحفظمنا.. الخ" الراجل بعاين ليه وزهجان منه يوم وصل الحد قام قال ليه:
يا اخينا انت لو اكلت شية كان صليت ركعتين ولا شنو
هاااااى يكة
الزول ذاتو
|
Post: #15
Title: Re: مساطيل
Author: alsngaq
Date: 09-18-2002, 10:22 AM
Parent: #14
الاخ قرشو
يا رااائــــع
بعد التحية
دى نكته بتاعت مساطيل بالجد ههههههههههههههههههههههه
|
Post: #16
Title: Re: مساطيل
Author: omer-gerja
Date: 09-18-2002, 11:30 AM
Parent: #1
حلوين يا شباب
ايهاب نكتاتك لذيذة
و بمناسبة مدني دي ... برضو واحدة
جماعة راكبين عربية معاهم واحد مسطول، في الشارع قدام بيت واقفة قدامو تلاتة عربيات بيجو قام واحد قال: تخيل البيت دة و العربات القدامو سيدوم ترزي ... و هو يتكلم على سبيل الاستغراب من وضعو المادي
قام المسطول قال ليهو يعني فصلهم .
|
Post: #17
Title: Re: مساطيل
Author: betalghaly
Date: 09-18-2002, 12:13 PM
Parent: #1
مرحب اساسي
والله انا كانت زعلانه اليوم ماتخيلته انو في حاجه اليوم ح تضحكني
اسمع دي ..واحد مسطل فتح التلاجه كان في جلي قعد يرجف قال ليهو ماتخاف انا عوز اشرب مويه
تحياتي
|
Post: #18
Title: Re: مساطيل
Author: الشرغوف
Date: 09-18-2002, 12:38 PM
Parent: #17
قال ليك كان فى واحد مسطول متعود يلف السجارة فى الشارع ...لمن يجوا الناس مارين بى عندو بيسلموا عليه سلام يا حيدر ,,,, المسطول من غير ما يرفع راسو بيرد عليهم ...يا اخونا ...شغال طوالى بالطريقة دى , فى يوم جاء واحد غريب من الحلة لقى صاحبنا المسطول فى الشارع بيلف فى سجارتو ...قال لى سلام يا اخونا ...رد على المسطول .... يا حيدر
|
Post: #19
Title: Re: مساطيل
Author: aurbbi
Date: 09-18-2002, 12:47 PM
Parent: #17
في واحد مسطول واقف في الكبري على النيل وينادي
تلاتة وتلاتين
تلاتة وتلاتين
تلاتة وتلاتين
قام واحد جاء قال ليه : خير في شنو ، شنو التلاتة وتلاتين
قال : ليه تعال عاين
وفت جاء عاين ، رماهو جوه الموية
وقال : اربعة وتلاتين
اربعة وتلاتين
اربعة وتلاتين
|
Post: #20
Title: Re: مساطيل
Author: جمال السنوسي
Date: 09-18-2002, 06:09 PM
Parent: #1
يا زول
جد جد
ضحكت مووووووووووووووووت
كثر لينا منها
في زمن المشاكوسيين
جمال
|
Post: #21
Title: Re: مساطيل
Author: manubia
Date: 09-18-2002, 07:55 PM
Parent: #20
 
|
Post: #22
Title: Re: مساطيل
Author: willeim andrea
Date: 09-18-2002, 09:28 PM
Parent: #1
ده كلام شنو كله كووووووووووووم والكربون التحت المصليه كووووووووووم شكلي جد كنته مصقوووووووووووع وفكرته فيها طيب هاك دي واحد ساكن عزابي مع الجماعه وجنه ركوب افيال المهم اها جاهو ابوه من البلد وفي الفجر قام الوالد ناده ولده ياولدي جيب لي المصلايه المهم الولد كان مصقووع صقعه تمام فقام فكر وفكر واخيرا جابه تبروكه طبعا مدوره المهم الوالد سال ولده اها القبله علي وين تعرف كان رد المصقوع شنو .................. لو كنته عارف القبله علي وين كنته جبتها ليك مدوره هههههههههههههههههههههههه
|
Post: #23
Title: Re: مساطيل
Author: Elmosley
Date: 09-19-2002, 00:51 AM
Parent: #22
اها دي واحده قديمه معدله
اسد بتاع سطلي شايل سجارتو وبسطل جمب البحر
قال يخت السجاره وياخد عومه
ويجي يكملها
جا فار بي وراهو وضرب باقي السجاره
وطلع الاسد لقي السجاره مافي والفار ساطل
والاسد قال للفار اوعه انت تكون ضربت السجاره دي لاني حاكلك
الفار عاين للاسد وقال ليهو
انت كديس عوير ولاشنو
|
Post: #24
Title: Re: مساطيل
Author: ALZOLZATOO
Date: 09-19-2002, 09:17 AM
Parent: #1
والله يااساسي شكيتك علي الله ههههههه يكه
قالوا مسطول بالليل راقد جم مرتو اها قام مشى طلع بره وجه قال لي مرتو ياوليه انا لو فتحت باب الحمام النور بيولع قالت ليهو لا قال ليها خلاص انا 000000 في التلاجه ههههههه يكه
مسطول مشى مع الناس المقابر اها الزول الميت كان رجلو مقطوعه وناس يقولو يدفنهو مع رجلو والتانين يقولو ماضروري ندفنو في مقابر تانيه اها المصطول قال ليهم يا اخوانا لو مادفنتوهو مع الرجل الزول ده يوم القيامة ح يجيكم شدت ولا شنو ههههه يكه
شدت طبعا لعبة الواحد بيكون ماسك كراع واحده بي يدو وبينطط
قالو واحد طلع ليهو مارد مسطول كان محبوس جوه جره اها بعد طلعو المارد قال ليهو شبيك لبيك عبدك بين ايديك داير شنو صاحبنا قال ليهو داير ابقى اصفر اها المارد قام ضربو كده قلبو ليك تاكسي ههههههه يكه
مسطول في حفلة منتظر الفنان اها الفنان اتاخر والعازف بيعمل تست للكمان بتاعو اها بعد مسافة الفنان قام جه المسطول مشى ليهو قام عمل ليهو بي يدو في راسو انت وين من الصباح شابكنا ترلم ترلم دي حصلت مع فنان كبير بالجد هههههه يكه
مسطول داير يطلع جواز قالو ليهو جيب صور شمسية مشى جاب ليهم صور وهو راكب عجلة
مسطول دخل السينماء ولمن طلع لقى العجلة بتاعتو سرقوها قال بالله دي الفاظ دي
زاتوووووو
|
Post: #25
Title: Re: مساطيل
Author: manubia
Date: 09-19-2002, 09:43 AM
Parent: #24
لالالا يا استاز،دي نكتها من وين،الله يجازيك
|
Post: #26
Title: Re: مساطيل
Author: bint algazeira
Date: 09-19-2002, 10:23 AM
Parent: #25
ضحكتوووني الله يديكم العافيه وفكيتوا لي دبرستي
هاكم دي
مسطول قالوا ابوه مات وجابوه قعدوه في الفراش اها صاحبنا عايز الموضوع ينتهي عشان يسطل بمزاج ماصدق اخر واحد من الناس مشي هو طوالي قفل باب الحوش وقعد يسطل بمزاج قام جاء واحد دقه ليهو الباب صاحبنا فتح الباب عاين ليهو كده قال ليهو في شنو قام الراجل قال ليهو جيت اشيل الفاتحه قام قال ليهو خلاص ادخل شيلها وامشي ههههههههه
|
Post: #27
Title: Re: مساطيل
Author: ALZOLZATOO
Date: 09-19-2002, 10:29 AM
Parent: #1
مسطول قاعد في بيت بكاء
اها قم جات عربية لاندكروزر اخر موديل والسواق نزل ليك واحد مكسر في عربية كده اها المكسر قام شال الفاتحه مع الناس ومشى دفع في الكشف خمسة مليون جنيه ومشى اها الناس احتارت في الزول ده منو قام المسطول قال ليهم ماعرفتو ده منو قالو ليهو لا والله
قال ليهم ده ما الطيب النص هههههههههههههههههههههههههههه يكه
زاتوووووو
الطيب النص رجل اعمال سوداني لكن سالم
|
Post: #28
Title: Re: مساطيل
Author: zumrawi
Date: 09-19-2002, 08:09 PM
Parent: #1
قال ليك فى اتنين مساطيل قاعدين فى اوضة بسطلو
جنس سطلة , الجوع ضربهم وقام واحد قال للتانى
ماتقوم تجيب لينا حاجة ناكلها , زولك طلع بالباب اخداللفة بتاعة ركن الاوضة وجا بي الشباك بتاع
نفس الاوضة نفس الاوضة نفس الاوضة نفس الاوضة
قال لى صاحبو ;
اسمع ماعندكم طحنية
داك قال ليهو ; رسلنا ليها قبل شوية
|
Post: #29
Title: Re: مساطيل
Author: bint algazeira
Date: 09-19-2002, 10:30 PM
Parent: #28
نكته قديمه لكن برضو حاحكيها ليكم
قالو اتنين مساطيل جايين بالليل ماشين ايام حظر التجوال قام العسكري وقفهم قال ليهم انتو مين وجايين من وين قامو قالو ليهو نحن جايين من الشغل قال ليهم شغالين وين قالو ليه في التلفزيون قام العسكري قال ليهم لكن التلفزيون زاتو بعد كده مافيهو شغل الارسال انتهي قالو ليهو مانحن زاتنا البنقول وشششششششش
سلام اوعي تقولوا لي قديمه
|
Post: #30
Title: Re: مساطيل
Author: غدى
Date: 09-19-2002, 10:36 PM
Parent: #29
بنت الجزيره
مع انى سمعتها
لكن برضو ضجكته ورهيبه
ويا زاتووو
كويس انك شرحت معنى شدت لانى لو قعدت لى بكره ما كنت حا افهمها
تحياتى
غدى
|
Post: #31
Title: Re: مساطيل
Author: bint algazeira
Date: 09-19-2002, 11:25 PM
Parent: #30
شكرا ياغدي ياعسل
ومدام ضحتك خلاص انا مبسوطه جدا
تسلمي
سلام اهلي الحنان
|
Post: #32
Title: Re: مساطيل
Author: shogon
Date: 09-21-2002, 09:29 AM
Parent: #31
مسطول طالع ليه في سلم وبيدق في مسمار
المهم المسمار قام وقع 00 عاين له كدا وقاله ليه اطلع
احسن ليك تعال طالع هنا 000 ما بتسمع الكلام احسن ليك اطلع
كدا يعني كلامي ما شغال بيه طيب 00 قوم شيل علبة المسامير كلها
وكبها في الواطه 000وقال ارفعوه
ههههههههه
تحياتي
|
Post: #33
Title: Re: مساطيل
Author: ابوحراز
Date: 09-21-2002, 09:52 AM
Parent: #32
مسطول قبضوه ناس الخدمة الالزامية
الضابط سالو يازول انت شغال وللا قاعد ساكت ؟؟
المسطول طبعاً ماشغال لكن عاوز يتفك من الخدمة دي
قام قال للضابط انا شغال
الضابط قال ليهو : شغال وين ؟؟
المسطول قال ليهو : والله ياجنابو شغال في مصنع الضمنة
الضابط قال ليهو : شغلك شنو في المصنع ؟؟
المسطول قال ليهو : ياجنابو أنا الزول البعمل النقط السوداء في الضمنة
الضابط قام قال ليهو : طيب الليلة السبت ماشغال مالك
المسطول قال ليهو : ياجنابو الليلة يوم البلاطة
|
Post: #34
Title: Re: مساطيل
Author: zola123
Date: 09-21-2002, 07:58 PM
Parent: #1
نكتكم لزيزة والله
كل يوم لمن اصل للبوست دا اكون نعست خلاص, اقوم اقرا لي نكتة اضحك وامشي .. والباقي اخليه لبكرة
اها قالو محمود عبد العزيز في فيلم مسطول كالعادة واحد جنبه بيقول ليه: تسدأ؟ الدنيا دي كلها مآسي
محمود: ليه , هو انتا مآسك كام؟ .....
|
Post: #35
Title: Re: مساطيل
Author: willeim andrea
Date: 09-21-2002, 08:40 PM
Parent: #1
اه جد جد....جماعه كانو قاعدين ينسطلوا في الحوش والدنيا بداية شتاء اه الجماعه قاعدين واخر دخاخين وتسمع ياخي خنقتها او ما تفكها ومرات تشوف حاجات كده زي الالعاب الناريه طاق طاق المهم اخونا كان قاعد معاهم مجامله لانو اصلا هو ما من شلة المساطيل اخيرا قرر انو يدخل جوه الفيلا وينوم لانو النوم احسن من وجع المصارين من الضحك وحركات المساطيل اخونا دخل واحده من الغرف وراح فاتح المروحه ونايم في اقرب سرير اها كانت في قسطيره وشغاله لف مع المروحه اخر ازعاج في سكون الليل اخونا قرر في لحظه يقوم ويقبض علي القستيره العامله ازعاج بصوته مع البلاط اخونا من الكسل او الخمول نسي يولع النور المهم بالحس والمس اخذ يطارد في القسطيره وكل ما يقرب منها المروحه تديها دفره المهم اخيرا تمكن من محاصرت القسطيره في ركن الوضه تعرفوا قبل اخونا من يطبق علي القسطيره كان زعيم المساطيل ومعاهو كم واحد داخلين الوضه وبسرعه ولعو النور ولقوا اخونا في ركن الوضه في الظلام وماسك القسطيره في ايدوا وطبعا قدر ما حاول يبرر موقفوا مافي واحد صدقه والتعلق كان اخير نحن بندخنه بس انتو بتاخدوها حقن
|
Post: #36
Title: Re: مساطيل
Author: اساسي
Date: 12-25-2002, 10:55 AM
Parent: #35
مسطول دخل صيدلية قال لبتاع الصيدلية ادينا ساندوتش طعمية يا ابن العم
قام الصيدلي زعلان قال ليهو انت عميان دي صيدلية ما مطعم قام جا مسطول تاني سالهم الحاصل شنو
قام الصيدلي حكي ليهو القصة
قام قاليهو سيبك منو ياخي وادينا ساندوتش شاورمة
********
واحد مسطول سال التاني قال ليهو
لشنو القطر دا مهم
التاني قال ليهو عشان تحته خطين
********
اتنين مساطيل قاعدين يسطلو في الخلاء
واحد قال للتاني لو سمحت كلمة علي انفراد
********
مسطول جا نقطة البوليس ساله الضابط ان شاء الله مافي عوجة
قال ليهو بسيطة كتلنا الوالد وكدا
********
هندي لاقي اخوه في المستشفي قال ليهو خير صديق
قام التاني قال ليهو خير مافي شئ بس بابا شوية موت
|
Post: #37
Title: Re: مساطيل
Author: شرير والبرتقاله
Date: 12-27-2002, 12:42 PM
Parent: #36
هااااااااايكهه
تحيه
للزول ذاتو
ولا اساسي الكان رومانسي
ولجميع الحضور هنا
وجمعتكم بطعم
البهجة
|
Post: #38
Title: Re: مساطيل
Author: OMDRMAN
Date: 12-27-2002, 06:16 PM
Parent: #37
والله ابدااااااااااع يا شباب
علكم الله العندو نكته يحكيها
|
Post: #39
Title: Re: مساطيل
Author: singawi
Date: 12-27-2002, 06:53 PM
Parent: #1
واحد ركب مع بتاع تكسي مسطول
المسطول ما خلى اشارة حمراء ما قعطها
الراجل كلما يقول ليهو حاسب الإشارة حمراء يقول ليهو ولا يهمك أنا معلم
الإشارة حمراء .. ولا يهمك أنا معلم .. ولا يهمك أنا معلم .. ولا يهمك أنامعلم
اخيراً وصل لإشارة ولقاها حضراء قام وقف وقعد يكشف في الشارع
صاحبنا قال ليهو الإشارة خضراء الموقفك شنو
قال ليهو لازم نعمل حسابنا يمكن يكون في معلم كبير طائر من هنااااك
|
Post: #40
Title: Re: مساطيل
Author: ابويوسف
Date: 12-27-2002, 08:40 PM
Parent: #39
واحد مسطول عاوز يطفي السجاره تحت الشبشب
شال الشبشب وطفاء السجاره في خشمو ههههه
ـــــــــــــ
فار مسطول جاي من حفله وش الصباح
لقى الفيل نايم
قال ليهو
نحن كان ما البنقو والسهر دا
كان الواحد بقى اسمن منك
|
Post: #41
Title: Re: مساطيل
Author: بت قضيم
Date: 12-27-2002, 09:06 PM
Parent: #1
لووووووووووول
مساطيل بحششوا في بيت الجداد
واحد بعد السطلة تمت كور السفة وسأل صاحه
اديك )سفة)
التاني حك راسه وقال ليه والله ما عندي فكرة
---------
|
Post: #42
Title: Re: مساطيل
Author: بت قضيم
Date: 12-27-2002, 09:10 PM
Parent: #1
هاهاهاهاها
تاني واحدة
مسطول مشى يعزي شال الفاتحة وقال...معليش...الدنيا وحالها...البني آدم اول ما يموت .. يتوفى طوالي
|
Post: #44
Title: Re: مساطيل
Author: الساحر
Date: 12-28-2002, 08:15 AM
Parent: #1
اساسي والاخوة الباقين تحياتي
اتنين مساطيل ركبو في طيارة وبسطلوا اها الدفاتر خلصت واحد قال للتاني امشي جيب لينا دفاتر اها قام المسطول فتحح باب الطيارة وطلع المهم قميصه اتعلق في المروحة بتاعت الطيارة وبقي لافي معاها اتاخر جاء صاحبه فتح باب الطياره لقاهو ليك لافي مع المروحة قال ليهو اقعد لفي لي كده وبعدين تعال قول لي الدكان قفل .
مساطيل بسطلوا بعد الانتفاضة المهم الدنيا كلها الرئس المخلوع نميري الرئس المخلوع الجماعة بسطلوا واحد قاعد يعين لواحد شديدد ومطير عيونه وباعين المهم المسطول بقبل منه اي اتجاه يلقي الزول منطط عيونه وبعاين ليهو قام زهج منه قال اسمع انت بتاعين لي زي الرئس المخلوع كده مالك .
|
Post: #45
Title: Re: مساطيل
Author: ابو تميم
Date: 01-01-2003, 01:22 AM
Parent: #1
اساسي شديد
مسطول قاعد متحير .. سالوهو مالك يا زول ؟ قال انا ماعارف انا مواعد وحدة الساعة اتنين ولا اتنين الساعة وحدة
****************************
مسطول وقفو شرطي مرور وقال ليهو ليه ما رابط الحزام ؟؟؟
قال ليهو يا جنابو ... اصلا انا ما لابس بنطلون زاتو
****************************
مسطووووووووووول ألف .. منكوه نكهة عدوك راكب عربيتو ماشي البيت .. وقفو عسكرى .. قال ليهو اديني الرخصة ... المسطول قال ليهو : حشيش شنوووو وبنقو شنو يا جنابو
****************************
مسطول سال واحد فوق عينو شامه .. يا اخو .. لو سمحته دي عين ولا غين
****************************
مسطول سأل واحد الليلة السبت ولا الاحد ؟... قال ليهو : الاتنين ... مشى المسطول وهو بيقول : سبحان الله ... الاتنين سوا ؟
وبسسسسسسسسسسسسسسسسسسسسس
|
Post: #46
Title: Re: مساطيل
Author: اساسي
Date: 01-01-2003, 09:59 AM
Parent: #45
اثنين بيسكروا واحد بيقول للثانى اذ انا مت اسكرلى كأس ليك وكأس لي وبعد مات قام صحبه نفز وصيته بقي يشرب كاس ليهو وكاس لصحبه الميت مرة مشي الانداية قال لست السنة كاس واحد بس قالت ليهو مالك قال ليها انا تبت خلاص
**************
مسطول سال مسطول في رايك الجمعة بوافق اول الشهر قال ليهو التاني والله كان ضغطنا عليهو امكن يوافق
**************
مسطول مشي البحر يصطاد لما وصل ازكر انه ما جاب معاهو صارقيل (طُعم)قام شال ورقة كتب فيها صارقيلة بعد شوية جاته ورقة مكتوب فيها بلطية
**************
واحد راح في الخلا لاقوهو مساطيل قطاع طرق قالوا ليهو انت معانا ولا مع الناس التانين قال ليهم انا معاكم قالوا ليهو انحنا زاتنا الناس التانين
**************
مسطول قال لصحبة شايف النملة الفي الحيطة دييييك قال ليهو ايوا شايفها لكن ما شايف الحيطة
**************
مسطول سال صحبه الليلة السبت ولا الاحد قال ليهو الاتنين قال ليهو بالله الليلة الاتنين سوا
**************
مسطول ضرب تلفون رد عليهو سيد البيت قال ليهو بالله جعفر قال ليهو لا والله قال ليهو طيب بتردو مالكم
**************
مساطيل راكبين عربية قابلهم التفتيش قام المسطول السايق دخل يده في جيبه عشان الرخصة قام التاني قال ليهو والله ما تحاسب الحساب عندي
**************
اتنين مساطيل راكبين عربية واحد بيقول للتاني حاسب الشجرة الشجرة والتاني بيقول ليهو ياخي انت السايق
|
Post: #47
Title: Re: مساطيل
Author: اساسي
Date: 01-01-2003, 06:14 PM
Parent: #46
واحد بنقالي سافر الحج في رمي الجمرات قاعد يقول انت نفر مافي كويس يا شيطان انت سيم سيم كفيل
**************
جدادة اول مرة تشوف رقشة قايلاها ديك قالت ماشاء الله عليك كداالديوك ولا بلاش
|
Post: #48
Title: مساطيل
Author: كيمو
Date: 01-01-2003, 07:05 PM
Parent: #1
فى مسطول كان قاعد فى المقابر وفى جماعة جوا شايلن جنازة
دفنوها ومشوا قام المسطول مشى فتح القبر وشال الكفن عشان يبعوا
اها قام مشى محل بتاع اقمشة وقال لى صاحب الدكان تشترى
القماش دا بى كم صاحب الدكان قال ليهوا بالميت كدة بى خمسين جينة
قام المسطول قال ليهوا دقيقة ومشى جاب الميت وجاء
هاهاهاوهاوههههههههه
|
Post: #49
Title: مساطيل
Author: كيمو
Date: 01-01-2003, 07:40 PM
Parent: #1
واحد مسطول قاشر قشرة صاح
وشاكى القميص فى البنطلون
قام لقى مسطول تانى وقال ليهوا اية رايك فى القشرة دى القميص ماشى مع البنطلون قام المسطول قال ليهوا هو البنطلون ماشى وين
|
Post: #50
Title: Re: مساطيل
Author: omergoda
Date: 01-01-2003, 09:02 PM
Parent: #1
مسطول فى السعوديه صلى بالناس .. ونسي الإقامه لما خلصوا الصلاه قالوا له : وين الإقامه ..هرب ..
فيه واحد محشش كان يسوق السيارة وقف عند نقطة تفتيش قال له العسكري : لو
سمحت اوراق السيارة . قال المحشش : أي حشيش اللي تتكلم عنه
واحد مسطول يصلي بالناس التراويح سمع الحريم يقولون امين قال ااااخخخخخ اموت فى ركن
|
Post: #51
Title: Re: مساطيل
Author: مهاجر
Date: 01-02-2003, 10:24 AM
Parent: #50
قال ليك في واحد مسطول قاعد قريب لبركة موية كبيرة
جا واحد بعربية قال يااخوي الموية دي ممكن نعدي ما مشكلة قال ما عندك مشكلة
وصاحبك دخل الموية ولقي اكبر حفرة
ونزل من العربية وجا للمسطول
قال لي ما قلت بنعدي براحة
قال لي والله في بطة قبل شوية مشت
|
Post: #52
Title: Re: مساطيل
Author: ba7ar
Date: 01-03-2003, 00:40 AM
Parent: #51
اساسي جدا
والله مت من الضحك في نكتة الكربون الفي المصلاية
اها هاكم ديل
قال ليك اتنين قاعدين يسطلو جمب المقابر
جات مارة بيهم جنازة
واحد قال للتاني..لا حولا..عليك الله شوف دي
ملفوفة بكم كرت
............................
اتنين قاعدين يسطلو في شارع النيل وشغالين يلفو في السجائر..فجأة شافو عسكري مرور جاي عليهم ..واحد اتلفت للتاني وقال ليهو
اسمع..نحنا لفينا غلط ولا شنو؟
|
|